ABŞ-ın keçmiş prezidenti Donald Tramp ümumilikdə 561 il həbs cəzasına məhkum oluna bilər. Sozcu.az xəbər verir ki, bu barədə Tramp tərəfdarlarına yazdığı məktubunda deyib. “Baydenin korrupsiyalaşmış ədliyyə sistemi məni təqib etdiyinə üçün 561 il həbs cəzası ala bilərəm”, - Tramp bildirib.

Türkiyədə Malatya şəhərinin Pütürgə rayonunda 4,3 bal gücündə zəlzələ baş verib. Sozcu.az xəbər verir ki, bu barədə AFAD məlumat yayıb. Dağıntı və tələfat barədə məlumat yoxdur.

Dünya birjalarında neft ucuzlaşıb. Sozcu.az xəbər verir ki, hazırda “Brent” markalı neftin bir barreli 83,25 dollara, yüngül neftin bir barreli isə 79,51 dollara satılır.

Ukrayna müharibənin 526-cı günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 247 850 hərbçi, 4224 ədəd tank, 8234 ədəd zirehli döyüş maşını, 4892 ədəd artilleriya sistemi, 704 ədəd RYAS (reaktiv yaylım atəş sistemi), 465 hava hücumundan müdafiə sistemi, 315 ədəd hərbi təyyarə, 311 ədəd helikopter, 7372 ədəd avtomobil texnikası, 4077 ədəd PUA, 1347 qanadlı raket, 18 gəmi/qayıq, 721 xüsusi avadanlıq itirib.

2 avqust saat 23:20 radələrində ADY-na məxsus elektrovoz Qala-Binə mənzilində hərəkətdə olarkən dövlət qeydiyyat nişanı 77 FV 520 olan "Hunday Elantra" markalı avtomobil dəmiryol keçidini keçməyə cəhd edib. Bu barədə Sozcu.az-a Azərbaycan Dəmir Yolları QSC-dən məlumat verilib. Qeyd olunub ki, maşinist tərəfindən təcili tormozlanma aparılsa da tormoz məsafəsi az olduğundan toqquşma qaçılmaz olub. Hadisə nəticəsində xəsarət almış sürücü və 1 sərnişin təcili tibbi yardım briqadasının köməyi ilə xəstəxanaya çatdırılarkən sürücü yolda dünyasını dəyişib. "ADY olaraq bir daha nəqliyyat vasitələri sürücülərini Azərbaycan Respublikasının "Yol-Hərəkəti haqqında" qanunun 44-cü maddəsinin tələblərinə ciddi riayət etməyə, dəmir yolu keçidlərinə yaxınlaşarkən yüksək sayıqlıq göstərməyə və keçidin qatardan boş olduğuna tam əmin olduqdan sonra hərəkətlərini davam etdirməyə çağırırıq". Qeyd edək ki, sürücülərin yol-hərəkəti haqqında Qanunun tələblərini kobud pozması nəticəsində cari ildə keçidlərdə 18 hadisə baş verib, 6 nəfər xəsarət alıb, 3 nəfər isə dünyasını dəyişib. Ötən ilin eyni dövrü ərzində isə dəmiryolu keçidlərində 12 hadisə baş vermiş, 4 nəfər xəsarət alıb, 1 nəfər isə həlak olub. Xatırladaq ki, Аzərbаycаn Rеspublikаsının İnzibаti Хətаlаr Məcəlləsində edilmiş dəyişikliklərə əsasən dəmiryol keçidlərindən keçmə qaydalarının pozulması, nəqliyyat vasitələrinin dəmir yollarını dəmiryol keçidlərindən kənar yerlərdən keçməsinə görə sürücülərə 100 AZN məbləğində cərimə tətbiq olunur.

Afrika alternativ aerodromdur, bir şey olarsa, Mərkəzi Afrika Respublikasında harasa uçub orada gizlənə bilərsiniz. Sozcu.az xəbər verir ki, bu sözlər rusiyalı müxalif hüquqşünas Mark Feyqin tərəfindən ukraynalı jurnalist Alisiya Batsmana verdiyi müsahibədə səslənib. Feyqin Rusiyada hadisələrin gözlənillməz istiqamətdə cərəyan edəcəyi təqdirdə Putinin Afrikaya qaçacağını iddia edib. “Çinə getsən, səni bir qəpiyə satarlar. Latın Amerikası isə ABŞ-a çox yaxındır. Birləşmiş Ştatlar dərhal onu orada ələ keçirər. Afrika isə qitədən çox adanı xatırladır. Rusiya tərəfindən Afrikaya bu qədər diqqət təsadüfi deyil. Rəhbər orada yeni bunkerini belə qura bilər. Orası kölə və qadınların olduğu gözəl məkandır. Afrika elə bir strateji qitədir ki, orada hər şeyi, bütün aktivlərini daşıya və gizlədə bilərsən. İdaretmə forması da Rusiyaya çox yaxındır,-deyə Feyqin bildirib.

Gəncə şəhərində məhşur "cücələrim" mahnısının bəstəkarı Qəmbər Hüseyinlinin xatirə lövhəsi aylarladı baxımsız şəkildə qalmaqdadır. Qeyd edək ki, ona məxsus xatirə lövhəsində adı və soyadının hərfləri yerində mövcud deyil. Görkəmli bəstəkar Qəmbər Hüseynli 16 aprel 1916-cı ildə Gəncədə dəmirçi Məşədi Muxtarın ailəsində anadan olub. Uşaqların sevimli mahnısı "cücələrim"in bəstəkarının anadan olduğu şəhərdə ona məxsus lövhədə utancverici duruma aidiyyatı qurumları diqqət ayırmağa dəvət edirik...!!! Sözcü.az

“Nisyə mal alqı-satqısı ilə məşğul olan şəxslərlə bağlı cərimələrin artırılması bütün sahələri əhatə edir. Əsas məqsəd isə istər gəlir gətirən fəaliyyətlə məşğul olan fiziki və hüquqi şəxlərdə, istərsə də alış-veriş edən vətəndaşlarda məsuliyyət dərəcəsini müəyyən etməkdir”. Bu sözləri Bizim.Media-ya açıqlamasında iqtisadçı-ekspert Pərviz Heydərov deyib.  Onun sözlərinə görə, cərimələrin tətbiqi vergidən yayınma ilə bağlı və vergi ödənişlərinin vaxtında təmin edilməsindən imtina edən halların aradan qaldırılması ilə bağlıdır:  “Bu əslində müsbət addımdır. Ona görə ki, bir sıra Avropa ölkələrindəki cərimə məbləğləri ilə müqayisədə, ölkəmizdə bu, xeyli dərəcədə aşağıdır. Ona görə də yaxın gələcəkdə bütün cərimələrin artırılacağı və yenilərinin də tətbiq olunacağı gözlənilir”.  Onun sözlərinə görə, əgər bir vətəndaş uzun müddətli nisyə alış-veriş edirsə, həm o, həm də alış-veriş etdiyi məhsulun sahibi vergidən yayınacaqlarsa, o zaman inzibati məsuliyyət daşıyacaqlar:  “Ancaq qısa müddətli nisyə alış-veriş edən şəxslər bu məsuliyyətə cəlb olunmayacaqlar. Etiraf edək ki, pərakəndə ticarət şəbəkələrində nisyə alış-veriş edən vətəndaşların sayı kifayət qədərdir və sayları daha da artmaqdadır. Ən azından bu prosesi nəzarətə götürmək baxımından bu qərarın effekti böyük olacaq. Bundan da qısa müddətli alış-veriş edən şəxslər narahat olmasınlar. Ona görə ki, burada söhbət iri məbləğli və uzun müddətli nisyə mal və məhsul alqı-satqısı edən, eləcə də nisyə xidmətlər göstərən şəxslərdən gedir. Əgər onlar bunları vaxtında bəyan etməsələr, qanun qarşısında məsuliyyət daşıyacaqlar”. Digər iqtisadçı-ekspert Xalid Kərimli isə bildirib ki, burada faiz elementləri böyük rol oynayır.  “Bu gün hüquqi şəxslərin, yəni MMC kimi fəaliyyət göstərən şirkətlərin bir çoxu müştərilərə “daxili kredit” adı ilə kreditlər verirlər. Bir çoxu da məişət avadanlıqları və digər mal və əşyaları kredit şəklində sataraq, aylara bölür və ödəniş qrafiki verirlər. Bu zaman da “nağd ödəniş endirimi” adı altında faiz elementlərindən istifadə edirlər.  Əsas məsələ ondan ibarətdir ki, banklar və BOKT-lar kredit verən zaman müştərilərin bank-kredit reyestrinə məlumatlar yerləşdirirlər. Ancaq şirkətlər daxili resursları hesabına kredit verərkən müştərilərin kredit reyestri açılmır və heç bir məlumat yerləşdirilmir. Bu da ona gətirib çıxarır ki, vətəndaşın öz kredit yükü haqqında dolğun təsəvvürü olmur. Banklar isə onlara kredit verərkən, başqa maliyyə təşkilatlarına nə qədər borcu olduğunu bilmirlər”. “İnzibati Xətalar Məcəlləsinə dəyişiklik edilməsi haqqında” qanunun mövcud vəziyyətlə bağlı olaraq sərtləşdirildiyini söyləyən ekspertin dediyinə görə, bu da həmin sahəyə nəzarətin daha da artırılacağını göstərir: “Bununla da mövcud boşluqlar aradan qaldırılacaq. Həm banklar, həm də BOKT-lar kredit verən zaman müştərinin maliyyə risklərini düzgün qiymətləndirəcəklər. Eyni zamanda, yaxın gələcəkdə istehlak kreditləri ilə bağlı risklər nisbətən aşağı düşəcək”.  Qeyd edək ki, Prezident İlham Əliyev dünən təsdiqlədiyi “İnzibati Xətalar Məcəlləsinə dəyişiklik edilməsi haqqında” qanununa əsasən, Azərbaycanda nisyə mal alqı-satqısı ilə məşğul olanlarla bağlı yeni cərimələr müəyyənləşib.  Eyni zamanda, “Kredit büroları haqqında” Azərbaycan Respublikası Qanununun 12.1-ci maddəsində göstərilən nisyə mal alqı-satqısı ilə məşğul olan şəxslər tərəfindən “Kredit büroları haqqında” Azərbaycan Respublikası Qanununun tələblərinə uyğun olaraq kredit tarixçələrini təşkil edən məlumatın kredit bürosuna həmin Qanunda müəyyən olunmuş qaydada rtəqdim edilməməsinə, yaxud tam, düzgün və ya vaxtında təqdim edilməməsinə görə vəzifəli şəxslər 1 500 manatdan 2 000 manatadək məbləğdə, hüquqi şəxslər 10 000 manatdan 12 000 manatadək məbləğdə cərimə ediləcək.

Binəqədi Rayon İcra Hakimiyyəti məhkəməyə verilib.  Sozcu.az xəbər verir ki, iddiaçı Yusifov İbiş Əli oğludur.  Araşdırmalarımız zamanı məlum olub ki, 2008-ci ildə İbiş Yusifova məxsus 358 kvadratmetrlik obyekt sökülüb. Obyektin sökülməsi "Nəsimi” metrostansiyanın tikintisi ilə bağlı olub. Lakin buna görə vətəndaşa kompensasiya ödənilməyib.  İbiş Yusifov dəfələrlə "Bakı Metropoliteni” QSC-nin rəhbərliyinə, Bakı şəhər və Binəqədi rayon icra hakimiyyətlərinə müraciətləri nəticəsiz qalıb.  Vətəndaş öncə sökülən obyektə görə 1 milyon 878 min, ötən illərdə əldən çıxmış fayda və mənəvi ziyana görə də 500 min manat (cəmi 2 milyon 378 min) kompensasiya tələb edib. Sonradan iddia tələbində məbləğ dəyişib. Mülkiyyətçi 4 milyon tələb edib. Lakin qarşı tərəf bununla razılaşmadığına görə iş məhkəməyə qədər uzanıb. Məhkəmə çəkişməsi illərdir ki, davam edir.  İşə bir dəfə Bakı İnzibati-İqtisadi Məhkəməsində, iki dəfə Bakı Apellyasiya Məhkəməsində, iki dəfə də Ali Məhkəmədə baxılıb. Hazırda iş yenidən apellyasiya mərhələsindədir. İbiş Yusifovun şikayətinə Bakı Apellyasiya Məhkəməsində Məmməd Məmmədovun sədrlik etdiyi hakimlər kollegiyası tərəfindən baxılacaq. qaynarinfo)

Sürət Hüseynovun nəşi gecə saatlarında Türkiyədən Bakıya gətirilmişdi. Cənazəsi Gəncəyə gətirilərək bu saatlarda İkinci Səbiskar məzarlığında valideynlərinin məzarının yanında dəfn edilir. Sözcü.az

Ermənistan 7 gündür sərhədimizdə gözləyən 19 TIR-ı geri çəkmək əvəzinə sayını artırmaq qərarına gəlib. Sozcu.az xəbər verir ki, bu barədə erməni mediası məlumat yayıb. Bildirilib ki, Qarabağdakı erməni uşaqlara yardım məqsədilə iki yük maşını şirniyyat hazırlanıb. “Yardım maşınları Kornidzorda gözləyən humanitar yük karvanına qoşulacaq”, - məlumatda bildirilib. Qeyd edək ki, bu, Ermənistanın humanitar şounu davam etdirməyə və genişləndirməyə çalışdığını göstərir.

Nazirlər Kabinetinin qərarı ilə istehsal ili 10 ildən artıq olan avtomobillərin ölkəyə idxalına qadağa qoyulması sürücülərin yanacaqla bağlı bir sıra addımlar atmasına səbəb olub. Belə ki, yeni avtomobillər daha çox "Aİ-95" və "Aİ-98" markalı benzinlərin istifadəsini tələb edir. Bu isə aşağı büdcəli vətəndaşlar üçün uyğun deyil. Bəzən çıxış yolu kimi isə yanacaq çəninin 80-90 %-i "Aİ-92", qalan 10-20 %-i isə "Aİ-95" yaxud "Aİ-98" markalı benzinlərin qarışığının tökülməsi təklif edilir. Məhz bu təkliflər cəmiyyətdə bəzi müzakirələrə səbəb olur. Belə ki, bəzi insanlar belə qarışıqların effektiv olmadığını qeyd edirlər. Avtomobil məsələləri üzrə ekspert Eldəniz Cəfərov "Report"a bildirib ki, belə qarışıqlardan istifadə nəqliyyat vasitəsinə çox ziyan vurur: “Artıq son zamanlar "Aİ-92" və "Aİ-95" yaxud "Aİ-92" və "Aİ-98" markalı benzinlərin qarışdırılmasının necə ola biləcəyi ilə bağlı müzakirələr artıb. Onu deyim ki, belə qatışıqları yanacaq çəninə tökmək olar, amma bu avtomobilə mənfi təsir edəcək. Artıq avtomobil istehsalçıları və rəsmi diler mərkəzləri də qətiyyətlə bunu etməyi məsləhət görmürlər. Əgər "Aİ-95" markalı benzinlə işləyən avtomobilə daha zəif benzin tökülsə sürücü bilməlidir ki, o gec-tez nasazlıqla üzləşəcək. Bu gün ölkəmizə idxal edilən və istehsal ili 10 ili ötməyən avtomobillərin əksəriyyəti "Aİ-95" markalı benzinlə çalışır. Ölkəmizə idxal edilən istehsal ili 10 ildən az olan Avropa spesifikasiyalı avtomobillərə birmənalı olaraq yanacaq kimi "Aİ-95" markalı benzin istifadə edilməlidir". Ekspert hesab edir ki, "Aİ-92" və "Aİ-95" markalı avtomobillər qarışır, amma bu tam qarışma demək deyil: “Aİ-92" markalı benzinin zərrəciyi "Aİ-95"in zərrəciyi ilə qarışırmı, əlbəttə yox?! Əgər biz bu benzinləri bir yanacaq çəninə töksək istənilən halda "Aİ-92"markalı benzin qabın dibinə çökəcək. Bu isə ilk növbədə "Aİ-92"nin daha sonra isə "Aİ-95"in istifadəsinə imkan yaradacaq”. Ölkəyə sürtkü yağları və qatqıların idxalı və satışı ilə məşğul olan Arif Məmmədov müasir avtomobillərin yanacaq sisteminə daha çox benzinin tərkibindəki kükürdün ziyan vurduğunu bildirir: “Hesab olunur ki, "Aİ-92" və "Aİ-98" və ya "Aİ-92" və "Aİ-95" markalı benzinlər müəyyən qədər qarışır. Xüsusən də bazası eyni olan yanacaqlarda qarışma daha çox olur. Bu isə yanmanın normallaşmasına səbəb olur. Amma biz burada oktandan çox benzinin çirklilik dərəcəsinə fikir verməliyik. "Aİ-92" markalı benzinin tərkibindəki kükürd və digər yad maddələrə görə digərlərinə nisbətən çirklidir. Son model avtomobillər, xüsusən də buraxılış ili 2015-ci ildən bu tərəfə olan avtomobillərin 90 %-də birbaşa təzyiqli forsunkalar, təzyiqli nasoslar istifadə olunub. Buna GDI (Gasoline direct injection – Benzinin birbaşa vurulması) sistemi deyirlər. Əvvəlki ənənəvi sistemlərdən fərqli olaraq bu sistemlərdə püskürmə və təzyiq daha çox olur. Ona görə, onlar "Aİ-95" yaxud "Aİ-98" markalı yanacaq istəyir. Çünki püskürmə zamanı artıq qalan yanacaq porşenin başından yağın tərkibinə keçir. Əgər biz "Aİ-95" markalı benzinlə işləməli olan avtomobilə "Aİ-92" markalı benzin töksək ilk olaraq yalnız avtomobilin səsində bir qədər fərq hiss edəcəyik. Sürücü düşünür ki, mühərrik dağılmır, hər şey normaldır. Amma əksinə dağılma tədricən baş verir. Çünki yanacaq yanmır və yağın tərkibinə keçir və hər dəfə resursundan azalda-azalda gedir”. Ekspert sürücülərə benzinləri qarışdırmaqdansa əlavə normallaşdırıcı qatqılardan istifadəni tövsiyə edir: “Müasir yağlar xüsusən də Yaponiya istehsalı avtomobillər üçün olan “ilsac”, Asiya istehsalı avtomobillər üçün “A5,B5”, BMW-nin “Longlife”, "Mercedes-Benz"in “229.71” tipli yağları kükürdü az olan keyfiyyətli və müasir yanacaq tələb edir. Qısa deyim ki, keyfiyyətsiz yanacaq yağın belə keyfiyyətini öldürür. Sürücülər üçün ən yaxşı qənaətcil variant benzinləri bir-birlərinə qarışdırmaq deyil, onları neytrallaşdırmaqdır. Məsələn, "Aİ-92" markalı benzini stabilizator tipli qatqılarla neytrallaşdırmaq olar. Məhz onların qablarının üzərində yazılır ki, bu benzini neytrallaşdırır, kükürdü azaldır, yanmanı tamlaşdırır. Amma beniznləri qatışdıranda isə heç nə almaq mümkün olmur”.

Fövqəladə Hallar Nazirliyi gözlənilən hava şəraiti ilə əlaqədar əhaliyə müraciət edib. Sozcu.az xəbər verir ki, müraciətdə deyilir: Milli Hidrometeorologiya Xidmətinin məlumatına görə, avqustun 3-dən 5-dək ölkə ərazisində hava şəraitinin qeyri-sabit keçəcəyi, güclü külək əsəcəyi, ayrı-ayrı yerlərdə leysan xarakterli intensiv yağış yağacağı, bəzi dağ çaylarından qısamüddətli sel və daşqın keçəcəyi, şimşək çaxacağı proqnozlaşdırılır. Qeyd olunanlarla bağlı Fövqəladə Hallar Nazirliyi əhaliyə müraciət edərək, gözlənilən hava şəraiti ilə əlaqədar müvafiq təhlükəsizlik qaydalarına riayət etməyə çağırır. Belə ki, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur. Həmçinin, güclü küləyin baş verən yanğınların söndürülməsi ilə əlaqədar yaratdığı çətinlikləri nəzərə alaraq, küləkli hava şəraitində yanğın təhlükəsizliyi qaydalarına xüsusilə ciddi riayət edilməlidir. Yay fəslində insanların istirahət üçün çimərliklərə üz tutduğunu nəzərə alaraq xatırladırıq ki, güclü küləkli havada dənizə girmək təhlükəlidir. Bundan əlavə, yağıntılarla əlaqədar bəzi çaylarda mümkün sel və daşqından qorunmaq üçün sel və daşqın təhlükəli ərazilərdən uzaq durmaq, bu təhlükə ilə üzləşdikdə dərhal yaxınlıqdakı yüksəkliyə qalxmaq tövsiyə olunur. Həmçinin, ildırımla bağlı təhlükələrdən qorunmaq üçün elektrik cihazlarını şəbəkədən ayırmaq, telefonla (sabit şəbəkə, mobil, taksofon və s.) danışmamaq, açıq havada olarkən elektrik xətti, ildırım ötürücüsü, navalça və antenaya yaxınlaşmamaq, hündür ağacların altında daldalanmamaq, avtomobildə olduqda isə hərəkəti dayandıraraq şüşələri qaldırıb ildırımın bitməsini gözləmək tövsiyə edilir.

Ukrayna Silahlı Qüvvələrinin bu yaxınlarda Çonqar körpüsünə endirdiyi raket zərbəsi kifayət qədər uğurlu olub. Sozcu.az xəbər verir ki, bu sözləri ukraynalı hərbi ekspert Roman Svitan deyib. “Dəmir yolu körpüsünün vurulması çox vacibdir, çünki əsas daşımalar dəmir yolu ilə həyata keçirilir. Kerç, Jankoy vasitəsilə Çonqar körpüsünə, daha sonra Melitopola doğru bir xətt var. Hərbi yüklərin də əsas hissəsi dəmir yolu ilə gedir”, - ekspert bildirib. Svitanın sözlərinə görə, bu dəmir yolunu təmir etmək çox çətindir: “Budaq səthdədirsə, onu yarım günə bərpa etmək olar. Ancaq dəmir yolu körpüsünə daxil olan budaq zədələnirsə, körpünün özünü dəyişdirmək lazımdır. Bu isə müəyyən zaman alır”.

Müvəqqəti işğal olunmuş Mariupolda hərbi obyektlərin birində Hərbi Dəniz Qüvvələri Günü qeyd edilərkən, zabit heyəti Ukrayna partizanları tərəfindən kütləvi şəkildə zəhərlənib. Sozcu.az xəbər verir ki, bu barədə yerli media məlumat verib. Məlumata görə, zəhərlənmiş 17 zabitdən ikisi artıq ölüb.

Türkiyənin Artvin, Van, Kayseri və Bartın vilayətində altı yer qeydə alınaraq “mütləq qorunmalı həssas ərazi” elan edilib. Sozcu.az Türkiyə mətbuatına istinadən bildirir ki, Türkiyə Prezidenti Rəcəb Tayyib Ərdoğanın bununla bağlı qərarı "Rəsmi Qəzet"də dərc edilib. Qərarda sözügedən ərazilərdə bəzi yerlərin xəritə və eskizləri, sərhədləri, koordinatları yer alıb.

Bir neçə gün əvvəl məşhur aktyor Leonardo DiKaprio ilə yaxtada görüntülənən model Neelam Gill eşq iddialarına aydınlıq gətirib. Sozcu.az olay-a istinadən bildriir ki, model bununla bağlı "İnstaqram" hesabının hekayə bölməsində açıqlama edib. "Şaiyələrə aydınlıq gətirmək üçün... Mən Leonardo DiKaprionun yeni sevgilisi deyiləm. Mənim onun yaxın dostu ilə ciddi münasibətim var və bu, aylardır davam edir. Eyni çevrədə görünməyimizin yeganə səbəbi mənim sevgilimlə orada olmağımdır. Ümid edirəm ki, bu, bütün yalan xəbərlərə aydınlıq gətirəcək" - deyə Gill yazıb.

"CinemaPlus" premium kinoteatrlar şəbəkəsi tarixi hadisəni qeyd edir - eyni gündə böyük ekranlarda nümayiş olunan "Barbi" və "Oppenheymer" filmləri. Bu kinohadisə ilin ən səs-küylü fenomeninə çevrildi. Tamaşaçılar hər iki filmi eyni gündə qiymətləndirə bilmək üçün bilet alırlar. Onlar "CinemaPlus" kinoteatrlar şəbəkəsinə çəhrayı və qara rəngli geyimlərdə gəlirlər. Təkcə ilk həftədə Marqo Robbi və Rayn Qoslinq-in rol aldığı "Barbi" dünya üzrə təxminən 530 milyon dollar gəlir əldə edib. "Oppenheymer" ilk həftəsində 265 milyon dollardan çox gəlir əldə etdi. Ancaq kassa baxımından qalibi müəyyən etmək üçün filmləri müqayisə etmək düzgün olmazdı. Çünki "Barbi" dünyada bir çox nəsillərə məlum olan oyuncaq əsasında qurulub və film uşaqlarla rahat izlənilə bilər. "Oppenheymer" isə R reytinqli kimi qiymətləndirilən (17 yaşdan aşağı izləyicilərə valideyn müşaiyəti tələb olunur) fizika haqqında üç saatlıq biopikdir. Real hadisələr əsasında çəkilən "Oppenheymer" bioqrafik filmi. Bu hekayə II Dünya Müharibəsi illərində onun rəhbərliyi altında atom bombası yaradılmış amerikalı fizikin həyatından bəhs edir. Kvant mexanikası və nəzəriyyəsi, eləcə də kosmik şüalar fizikası sahəsində çoxsaylı nailiyyətlərə baxmayaraq, Robert Oppenheymer əsasən ölümcül silahların yaradılması sayəsində bütün dünyada geniş tanındı. Məhz ona görə də əvvəlcə onu ABŞ-da, sonra isə bütün dünyada "nüvə bombasının atası" adlandırılmağa başladılar. Filmin rejissoru və ssenari müəllifi Kristofer Nolandır. Baş rolu Killian Merfi canlandırıb, həmçinin Robert Dauni Jr., Emili Blant, Mett Deymon və başqaları da filmdə rol alıblar. Filmin büdcəsi 100 milyon dollardır. "CinemaPlus" kinoteatrlar şəbəkəsində film 2 dildə nümayiş olunur: rus və ingilis "Mattel" şitkətinin Barbi oyuncaqları seriyası əsasında "Barbi" komediya filmi. Filmin rejissoru Qreta Qerviqdir. Barbi və Ken rollarını Margo Robbi və Rayan Qoslinq canlandırıblar. Həmçinin rollarda Uvill Ferrell, Emma Makey, Simu Lyu və başqaları çəkilib. Barbi gözəllik standartlarına uyğun olmadığı üçün "Barbieland"-dən qovulur. Bundan sonra o, real dünyada yeni həyata başlamaq qərarına gəlir və burada mükəmməlliyə yalnız daxili harmoniya ilə nail ola biləcəyini kəşf edir. Filmin büdcəsi 145 milyon dollardır. "CinemaPlus" kinoteatrlar şəbəkəsində film 3 dildə nümayiş olunur: türk, rus və ingilis. "CinemaPlus" kino tarixinin ən yaxşı premyeraları ilə sizi sevindirməyə və xoş sürprizlər etməyə həmişə hazırdır.

Çin Elmlər Akademiyasının Şanxay Qidalanma və Sağlamlıq İnstitutunun alimlər qrupu hüceyrə qocalmasının qarşısını almaq üçün yeni təbii vasitə tapıb. Sozcu.az Publika.az-a istinadən xəbər verir ki, araşdırmanın nəticələri "Aging Cell" jurnalında dərc olunub. Həmçinin məlum olub ki, maddə xərçənglə mübarizədə kimyaterapiyanın effektivliyini artıra bilər. Məlum olub ki, yaşlılarda qocalmış hüceyrələrin yığılması sağlamlığın pisləşməsinə səbəb olan yaşa bağlı patologiyaların tezliyinin artması ilə əlaqələndirilir. Son kəşflər qocalmış hüceyrələri selektiv şəkildə məhv edən senolitik dərmanların, həmçinin qocalma ilə əlaqəli sekretor hüceyrə fenotiplərini bloklayan senomorfik dərmanların inkişafına səbəb olub. Bununla belə, hələ də kifayət qədər təhlükəsiz yaşlanma əleyhinə dərmanlar var. İndi ekspertlər senomorf dərmanlara yeni namizədləri müəyyən etmək üçün təbii dərmanlar kitabxanasının geniş miqyaslı skrininqini keçiriblər. Tədqiqatçıların xüsusi diqqətini bir çox bitkilərdə tapılan aşağı molekulyar fitokimyəvi komponent olan rutin maddəsi cəlb edib. SASP qocalmış hüceyrələrə təsir etmək qabiliyyətinə malikdir. Onun iş mexanizmi yaşlanma hüceyrələrinin yaratdığı hüceyrədənkənar məkanda iltihabı effektiv şəkildə idarə etməyə imkan verir ki, bu da xəstəliyə və bir çox yaşa bağlı vəziyyətlərin kəskinləşməsinə səbəb olur. Eyni zamanda rutinin kemoterapinin təsirini artırmağa kömək edə biləcəyi aşkar edilib.

Kiprin "Aris" komandası Çempionlar Liqasında üçüncü təsnifat mərhələsinə yüksəlib. Sozcu.az xəbər verir ki, onlar ikinci təsnifat mərhələsinin cavab görüşündə Belarus BATE-sinə 5:3 hesabı ilə qalib gəliblər. Kipr təmsilçisi öz meydanındakı ilk görüşdə də Belarus klubunu ağır məğlubiyyətə uğratmışdı - 6:2. Beləliklə, "Aris" ikinci mərhələdə 11 qol vurub.  Kiprlilər üçüncü təsnifat mərhələsində "Qarabağ" - "Rakov" (Polşa) cütünə rəqib olublar. Bu cütün son iştirakçısı bu gün Bakıdakı cavab görüşündən sonra aydınlaşacaq. "Aris"in belaruslu baş məşqçisi Aleksey Şpilevski deyir ki, həm "Qarabağ", həm də "Rakov" çətin rəqiblərdir. O, dünən BATE ilə oyundan sonra keçirilən mətbuat konfransında bununla bağlı sualı da cavalandırıb. O bildirib ki, bununla belə, üçüncü mərhələdə "Qarabağ"la deyil, məhz "Rakov"la qarşılaşmaq istərdi. 35 yaşlı mütəxəssis onu da deyib ki, ötən il "Rakov"un baş məşqçisi vəzifəfəsinə dəvət alıb, amma sonda "Aris"də işləmək qərarı verib. "Qarabağ" - "Rakov" görüşü bu gün Bakı Olimpiya Stadionunda keçiriləcək və saat 20:00-da başlanacaq.

“İranda casusluq ittihamına görə saxlanılan Almaniyanın Yena Universitetinin azərbaycanlı tələbəsi, 27 yaşlı Fərid Səfərliyə məhkəmədə son söz demək üçün vaxt verilib”. Bunu Oxu.Az-a açıqlamasında onun anası Dilarə Əsgərova bildirib. Onun sözlərinə görə, heç bir sübut olmadan oğlu məhkəmədə təzyiqə məruz qalır: “Hakimdən sübutun gətirilməsini də tələb etdik, heç nə təqdim edilmir. Oğlumun saxlanma şəraitindən elə də narazılığı yoxdur. Artıq məhkəmə prosesi yekunlaşmaq üzrədir. Fəridə son söz üçün avqustun 3-ə kimi vaxt verilib. Məhkəmənin də avqustun 3 və ya 4-də olması planlaşdırılır”. O bildirib ki, oğluna görə Xarici İşlər Nazirliyi tərəfindən onunla heç bir əlaqə saxlanılmır.  Qeyd edək ki, F.Səfərli fevralın 20-də eyni universitetdə təcrübə keçmiş həkim sevgilisini görmək üçün Tehran şəhərinə gedib. F.Səfərli martın 5-də Almaniyaya qayıtmalı olsa da, geri qayıtmayıb. Martın 4-dən etibarən Fəridin telefonu sönüb, onunla əlaqə tamamilə itib. Azərbaycan Xarici İşlər Nazirliyi martın 9-da onunla bağlı bu ölkəyə nota verib.

“Qarabağda vəziyyət mürəkkəbləşməyə, yoxsa yekuna yaxınlaşır?..” “Biz niyə keçmiş Dağlıq Qarabağda yaşamış və ermənilər tərəfdən etnik təmizləməyə məruz qalmış azərbaycanlı qaçqınların doğma yurdlarına qayıdışını gündəmə gətirmirik?..” Son günlər Qarabağ ətrafında baş verən hadisələr sual yaradır: mövcud vəziyyət Qarabağ problemini mürəkkəbləşməyə doğru aparır, yoxsa “denouement”ə - “razvyazka”ya yaxınlaşdırır? Ermənilərin siyasəti məlumdur: “məzlum, əzabkeş, genosidə məruz qalmış millət” obrazı yaratmaqla, dünyanın mərhəmətini və yardımını qazanmaq, milli problemlərini həll etmək, hüquqlarının pozulduğu barədə Qərbə mesajlar ünvanlayıb dəstək almaq. Paralel olaraq Rusiyanı “Qarabağdan çıxarsa, Gümrüdən, cəmi Ermənistandan çıxacaq” hədəsi ilə şantaj etmək. Qərb dövlətləri sərt dillə olmasa da, ermənilərin hüquqlarının pozulması adı altında Azərbaycana müxtəlif çağırışlar edir, Rusiya isə Cənubi Qafqazda təsirini saxlamaq məqsədilə indiki status-kvonu dondurmaq, problemi konservləşdirmək xəttini aparır. Bu siyasətin ana xətti 44 günlük müharibədən sonra başlayıb və keçən iki il doqquz ay ərzində daha da dərinləşib, indi də “humanitar karvan” adı altında 19 yük maşınını Həkəri postuna yaxın yerdə saxlayıb dünyaya şou nümayiş etdirirlər. Yaranmış bu situasiyada Azərbaycan qarşı tərəfin iddialarını təkzib edir və bəzi uğurlu taktiki addımlar atmaqla ( Vaqif Xaçatryanın həbsi) mövqeyində dəyişiklik olmadığını və kiçik güzəştə belə, getməyəcəyini nümayiş etdirir. Yetərlidirmi? Sülh müqaviləsinin imzalanması istiqamətində Qərb və Moskva masalarında danışıqların dinamik inkişafını və müəyyən vacib məsələlərlə bağlı sənəd üzərində olmasa da, şifahi razılaşmaların olduğunu nəzərə alsaq.., bəlkə də mövcud vəziyyəti qənaətbəxş hesab etmək olar. Amma, düşmənimizin çox məkrli və dünya səviyyəsində havadarlarının olduğunu və kənardan idarə edildiyini nəzərə alsaq, bu vəziyyətin uzun müddət dəyişməz qalması, kiçikmiqyaslı siyasi, hərbi toqquşmalarla davam etməsi zaman aparır və aparacaq. Süni şəkildə zamanın uzadılması isə Azərbaycanın maraqlarına uyğun deyil. İlk növbədə bu Rusiya “sülhməramlı”ları ilə bağlıdır.  Bu vəziyyət belə hadisələrlə davam edərsə, 2025-ci ildə Rusiyanın Qarabağı tərk etməsi böyük suallar yaradacaq. Hadisə-təxribat yaratmaq isə ermənilərin xisləti, siyasətidir... Ermənistan dayanmadan silahlanır. Hindistandan, Fransadan, İrandan və bilmədiyimiz ölkələrdən silah alır, daha çox PUA-larla arsenalını zənginləşdirir. Paralel olaraq dünyada mənfi Azərbaycan obrazı yaradır. Dünyanın Azərbaycana təzyiq etmə siyasətini dayanmadan davam etdirir, ən azı Qarabağ ermənilərinə status verilməsini hədəfləyir.  Ermənistanla sülh müqaviləsinin imzalanmasının ilin sonunda mümkün olması barədə verilən nikbin proqnozlar da.., yalnız proqnozdur. Ümumiyyətlə, hətta sülh müqaviləsi imzalandığı günün sabahısı Xankəndində bizi gül-çiçəklə qarşılayası deyillər və iddialarından da tezliklə geri çəkilməyəcəklər. Amma, biz sülh danışıqları ilə paralel olaraq birbaşa Qarabağla əlaqədar tələblərimizi gündəmə gətirib dövlət nəzarətimizin Qarabağın qalan hissəsində reallaşması istiqamətində hərəkətə keçsək, qarşı tərəf müdafiə mövqeyində olacaq. Bizim şərtlərimizi müzakirə edəcəklər, “humanitar fəlakət” şousu işə keçməyəcək. Paşinyan “Evronevs” kanalına müsahibəsində Qarabağ qaçqınlarından danışıb və onların geri qayıtmasına guya Azərbaycanın şərait yaratmadığını vurğulayıb. O zaman biz niyə keçmiş Dağlıq Qarabağda yaşamış və ermənilər tərəfdən etnik təmizləməyə məruz qalmış azərbaycanlı qaçqınların doğma yurdlarına qayıdışını gündəmə gətirmirik? Bu tələbin gündəmə gətirilməsi paralel olaraq digər problemi- təhlükəsizlik baxımından erməni silahlı qüvvələrin Azərbaycan ərazisindən çıxarılmasını zəruri edəcək. Hərbi gücə əl atmadan da qeyd olunan məsələlərlə əlaqədar vaxt şərtini irəli sürüb düşməni divara dirəmək mümkündür…  Məğlub olan ermənilərin hələ də “müstəqillik” iddiasında qalması yalnız öz siyasətlərinin nəticəsi deyil. Ağdam yoluna blok plitələr qoyulması Rusiyanın razılığı ilə baş tutub. Azərbaycanlılarla birgəyaşayışa meyillik göstərən yerli erməniləri isə barmaqla saymaq olar, çox güman ki,  heç belələri yoxdur. Amma, Xankəndində elə bir vəziyyət yaranıb ki, əksəriyyət olmasa da, müəyyən bir qisim insanlarda Azərbaycandan onları inandıra biləcək bir jest fərqli mövqe yarada bilər. Belə bir humanist addımın atılacağından daşnaklar çox narahatdırlar. Bakıya gətirilən Vaqif Xaçaturyanın müalicə olunmasından, onun sağalıb Azərbaycan Prezidentinə əfv ərizəsi yazmasından və müsbət reaksiya verildikdə bunun Xankəndində parçalanmaya səbəb olacağından narahatlıqlarını bəri başdan bildirirlər…  Prosesin bu tendensiyalarla davam etməsi vəziyyətin daha çox mürəkkəbləşməsinə, beynəlmiləlləşməsinə aparır. Daxili işimizin bu istiqamətə çəkilməsinə yol verməmək üçün sərt diplomatik addımların atılması zərurət həddinə çatıb. Beynəlxalq şərait də buna imkan verir. Daxili işimizi yekunlaşdırmağa yaxın olduğumuz mərhələdə vəziyyətin mürəkkəb və gərgin formaya keçməsinə imkan vermək maraqlarımıza ziddir.  Bu arada, Yevlax görüşü ola bilərmi? ( material hazırlananda bu görüşün baş tutacağı hələ təsdiqlənməmişdi). Müharibədən əvvəl ermənilər “Kürə qədər gələcəyik” deyib, bizi hədələyirdilər. İndi onları Kürün sahilinə dəvət edirik.., gəlib görsünlər. Görüşün vasitəçisiz olması və müzakirə olunacaq reinteqrasiya məsələləri Vaşinqton, Brüssel, Moskva görüşlərini kölgədə qoya bilər. Yox, əgər ermənilər yenidən “beynəlxalq mexanizm müstəvisində görüş ola bilər” iddiasında qalıb imtina etsələr, bu onların qeyri-səmimi olduqları ilə yanaşı, əsas məqsədlərinin zamanı uzatmaq olduğunu bir daha sübut etmiş olacaq…   moderator İlham İsmayıl

“Baş Prokuror yanında Korrupsiyaya qarşı Mübarizə Baş İdarəsi Bakı Nəqliyyat Agentliyində əməliyyat keçirirsə, sözsüz ki, məzuniyyətdə olan sədr özü maraqlı olmalıdır ki, qurumumda yoxlama gedir, mən orada olmalıyam. Çünki bəzi məsələlərə Vüsal Kərimli özü açıqlama gətirə bilər. Hamısı onun imzası ilə gedib. BNA-nın sədridirsə, bir material da onun “qol”u olmadan gedə bilməz. Vüsal Kərimlinin qurumda olması vacibdir. Sədr məzuniyyətdən geri çağırılmalı idi. Ağır xəstədirsə, xəstəxanada yatırsa, bu, ayrı məsələdir”. Bu sözləri Pravda.az-a açıqlamasında hüquq müdafiəçisi Novella Cəfəroğlu deyib. O bildirib ki, qurumda hər şeyə sədr cavabdehdir: “BNA-da korrupsiya aşkarlayıblarsa, onda sədrlə birgə “balacalar”ın  hamısı getməlidilər. Qurumda olan işlərə hamısı cavbdehdirlər”. N.Cəfəroğlu ötən il Hesablama Palatası tərəfindən BNA-da milyonların mənimsənildiyinin aşkarlanması, buna baxmayaraq Vüsal Kərimlinin hələ də vəzifədə saxlanılması barədə iradları isə belə cavablandırıb: “Korrupsiya aşkarlandığı halda sədr açıqlama verirsə ki, “mənim bundan xəbərim yoxdur”, imzam yoxdur”, onda bu, ayrı söhbətdir, onda sədri saxlaya bilərlər. Tək Azərbaycanda yox, heç yerdə sədrsiz korrupsiya gedə bilməz. Əlbəttə ki, Vüsal Kərimlinin hər şeydən xəbəri var. Hamısı getməlidir”.

Avqustun 1-də Dövlət Sərhəd Xidmətinin hərbi qulluqçuları Laçın rayonunun Zabux kəndi ərazisindən keçən hissəsində dövlət sərhədini pozmuş Ermənistan vətəndaşı 1962-ci təvəllüdlü Beqleryan Rəşid Aramisoviçi saxlayıb. Sozcu.az "Caliber"ə istinadla xəbər verir ki, bu şəxs guya "Spayka” şirkətinin sürücü köməkçisi olub. Lakin onun Azərbaycan ərazisinə təxribat törətmək üçün göndərilmiş Ermənistan xüsusi xidmət orqanlarının əməkdaşı olduğuna əsaslı şübhələr var.