Mən Ermənistanda Azərbaycan əleyhinə düşmən ritorikasının artmasını qeydə alıram. Bunun səbəbi heç də aydın deyil, amma heç bir yaxşılığa da səbəb olmayacaq. Sozcu.az xəbər verir ki, bu sözləri erməni bloger İşxan Verdyan özünün Teleqram kanalında yazıb. “İstənilən siyasətin hansısa aydın məqsədi olmalıdır ki, ölkənin özünün xeyrinə və ya guya yaxşılığa doğru yönəldilsin. Azərbaycana qarşı hansısa sanksiyaların tətbiq olunduğu gülünc vəziyyəti təxmin etsək, o zaman Ermənistanın bundan nə udacağı bilinmir. Ermənistan bundan heç nə qazanmayacaq və bunun üçün bütün siyasi resurslarını xərcləmək sağlam fikir deyil. Doğrudanmı, Ermənistan üçün yeganə motivasiya şər faşizmdir?” - deyə bloger bildirib.

Bu gün Şəhid Hüseyinzadə Səməd Səttar oğlunun şəhadətinin 3-cü il dönümüdür. Səməd Hüseynzadə 1998-ci il oktyabrın 18-də İsmayıllı rayonunun Talıstan kəndində anadan olub. 2020-ci ildə Azərbaycan Dövlət Aqrar Universitetini bitirdikdən sonra hərbi xidmətə yola düşüb. 44 günlük İkinci Qarabağ müharibəsində iştirak edən Səməd Hüseynzadə Tərtərin Dəmirçilər kəndinin azad edilməsi uğrunda gedən döyüşlər zamanı düşmənin atdığı top atəşi nəticəsində şəhid olub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Səməd Hüseynzadə ölümündən sonra "Vətən uğrunda" medalı ilə təltif edildi. Azərbaycan ərazilərinin işğaldan azad olunması zamanı döyüş tapşırıqlarını yerinə yerinə yetirən zaman mərdliyin və igidliyin göstərilməsinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ölümündən sonra "İgidliyə görə" medalı ilə təltif edildi. Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ölümündən sonra "Xocavəndin azad olunmasına görə" medalı ilə təltif edildi. Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ölümündən sonra "Suqovuşanın azad olunmasına görə" medalı ilə təltif edildi. Azərbaycanın Ağdam rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ​ölümündən sonra "Ağdamın azad olunmasına görə" medalı ilə təltif edildi. Təltifləri  (15.12.2020) — "Vətən uğrunda" medalı (ölümündən sonra)  (24.06.2021) — "İgidliyə görə" medalı (ölümündən sonra)  (24.06.2021) — "Suqovuşanın azad olunmasına görə" medalı (ölümündən sonra)  (24.06.2021) — "Xocavəndin azad olunmasına görə" medalı (ölümündən sonra)  (24.06.2021) — "Ağdamın azad olunmasına görə" medalı (ölümündən sonra) Allah rəhmət eləsin!

Ukrayna prezidenti Volodimir Zelenski bu ölkənin ərazi bütövlüyü uğrunda Rusiya işğalçılarına qarşı döyüşlərdə iştirak edən  azərbaycanlı zabit – kapitan Aslanov Elşad Gülağa oğlunu igidliyinə görə medalla təltif edib. Bu haqda “Basta”ya Müsavat Partiyasından məlumat verilib. Qeyd edək ki, Elşad Aslanov Müsavat başqanının müavini Gülağa Aslanlının oğludur.

Erməni mediası Qarabağdakı keçmiş separatçı liderlərin – Arkadi Qukasyan, Bako Saakyan və Araik Arutyunyanın Xankəndidən qaçması ilə bağlı bir-birini təkzib edən məlumatlar tirajlamaqdadır. Sozcu.az xəbər verir ki, əvvəlcə separatçıların Xankəndidən qaçdıqları barədə məlumat yayılsa da, sonradan elə erməni mətbuatı bunu təkzib etdi. Bildirildi ki, onların hetməsi üçün Azərbaycandan “icazə almağa” çalışırlar. Qeyd edək ki, adıçəkilən keçmiş separatçıbaşılar hər iki Qarabağ müharibəsində əlləri Azərbaycan xalqının qanına batmış canilərdir. Xüsusilə Araik Arutyunyan 44 günlük müharibə zamanı Gəncə şəhərindəki yaşayış binasının raketlə vurulması əmrini verdiyini videomüraciət zamanı etiraf etmişdi. “Mənim sərəncamımla “arsax silahlı qüvvələri” yaylım atəş sistemi ilə Gəncə şəhərini vurub. Vaxtında qeyd etmişdim, xəbərdarlıq etmişdim. Təəssüflər olsun ki, bizim tarixi “Qandzak”ı - Gəncəni, “Kirovabad”ı, onların daimi hərbi yerləşdirmə yerlərini vurmuşuq. Çünki onlar buna məcbur etdilər. Özünüzə gəlin. Çünki daha böyük şəhərləri vurmağa ehtiyac olarsa, davam edəcəyik. Yeri gəlmişkən, düşmənə zaman verərək bir müddət böyük şəhərlərin raket və artilleriya ilə atəşə tutulmasını dayandırmaq əmrini vermişəm. O, xəbərdarlıq atəşi idi. Mülki insanları uzaqlaşdırın. Bu müharibəni siz başlamısız”, - Arutyunyan həmin müraciət zamanı bildirmişdi. Göründüyü kimi, Azərbaycanın dinc, əməliyyatların aparıldığı ərazidən 100 km kənarda yerləşən şəhərini gecə yarısı, insanların yatdığı vaxt vurmaqla daha böyük tələfata səbəb olan bu qatilin Azərbaycan hüquq-mühafizə orqanlarının diqqətində olması təsadüfi deyil.axar

Üç il əvvəl biz əsas hədəfimizə nail olduq, 30 il ərzində pozulmuş ərazi bütövlüyümüzü bərpa etdik. Biz işğalın, etnik təmizləmənin qurbanı olmuşuq. Bu, bizim xalqımız üçün böyük faciə idi və böyük humanitar fəlakət idi. Biz uzun illər ərzində çalışırdıq ki, münaqişəni dinc yolla həll edək və işğala dinc yolla son qoyaq. Sozcu.az xəbər verir ki, bu sözləri Prezident İlham Əliyev Bakıda keçirilən 74-cü Beynəlxalq Astronavtika Konqresinin açılış mərasimində çıxışında söyləyib. 28 il ərzində danışıqlar prosesinə güclü sadiqliyimizi nümayiş etdirdiyimizi, lakin üç il əvvəl BMT-nin Nizamnaməsinə uyun olaraq özünümüdafiə hüququndan istifadə etdiyimizi vurğulayan dövlətimizin başçısı bildirib: “Biz 3 il bundan əvvəl ərazilərimizi işğaldan azad etdik, işğala son qoyduq. Ötən ay isə bütün ölkə ərazisində suverenliyimizi tam bərpa etdik”. Prezident İlham Əliyev təəssüflə vurğulayıb ki, münaqişəyə son qoymalı olan o beynəlxalq təşkilatlar bu istiqamətdə heç bir nəticə əldə etmədilər. “BMT-nin dörd qətnaməsi Ermənistan qonşularının ərazimizdən tam, dərhal və qeyd-şərtsiz çıxarılmasını tələb edirdi. Lakin bu qətnamələr 27 il kağız üzərində qaldı. Biz şəhidlər verərək bu qətnamələrin icrasını təmin etdik”, - deyə dövlətimizin başçısı bildirib.

Xəbər verildiyi kimi, dünən gecə saatlarından Ermənistanın bir sıra kütləvi informasiya vasitələrində, o cümlədən “@bagramyan26” teleqram-kanalında Qarabağdakı separatçı rejimin 3 keçmiş "prezidenti" (Arayik Arutyunyan, Bako Saakyan və Arkadi Qukasyan) və "hökumət üzvləri"nin guya hansısa yolla Azərbaycan dövlət sərhədini keçə bilməsi və artıq Ermənistanda olması haqda informasiyalar yayılmışdı. Sozcu.az xəbər verir ki, Tert.am saytı səhər saatlarında adları çəkilən separatçı liderlərin Azərbaycan dövlət sərhədini keçə bilməsi və artıq Ermənistanda olması haqda məlumatları təkzib edib. “Tert.am-ın 3 keçmiş prezidentlə bağlı mənbələri onların Ermənistanda olmadığını, lakin təhlükəsizlik baxımından onların yerinin hələlik açıqlanmadığını bildirir”- xəbərdə belə deyilir.

Bu gün Xankəndi şəhərində Azərbaycanın mərkəzi hakimiyyətinin nümayəndələri və erməni sakinlər arasında növbəti görüş gözlənilir. Sozcu.az xəbər verir ki, bu barədə Teleqram kanallarında məlumat paylaşılıb. Bildirilir ki, görüşdə Azərbaycan Baş nazirinin müavini Şahin Mustafayev də iştirak edəcək. Xatırladaq ki, bu, sentyabrın 19-20-də Azərbaycanın Qarabağ bölgəsində keçirdiyi lokal antiterror tədbirlərindən sonra sayca dördüncü görüş ola bilər.

 “Bəli, bitdi” əhval-ruhiyyəsi bizi nə qədər sevindirirsə, düşmənin kimliyini bilməyimiz də hər zaman ehtiyatlı olmağımıza əsas verir...”                      “Hər şeyləri məhv olsa da, heç olmasa iki erməni bu dünyada rastlaşsa, görərsən ki, yeni Ermənistan yaradacaqlarından danışacaqlar...”-Uliyam Saroyan Bu gün yaşından asılı olmayaraq rastlaşdığım insanlardan ən çox eşitdiyim söz “nəhayət, bitdi” kəlməsidi. Bu kəlməni sual şəklində də verənlər var, əmr formasında deyənlər də. Hər iki deyimdə haqlı çalarlar var. Azərbaycanın son əməliyyatından sonra sürətlə baş verən hadisələr - 10 gün ərzində tərksilah prosesi, qondarma rejimin özünü buraxması, ermənilərin köçü, bizim dövlət strukturlarının artıq Xankəndində hələ kiçik miqyasda olsa da fəaliyyətə başlaması və 27 sentyabr 2020-dən başlayan uğurlu dövlət siyasəti əsas verir ki, “bəli, bitdi” cavabını verəsən. Bu kəlməni sual formasında verənlər daha çox erməniləri tanıyanlar, onların xislətinə, məkrinə, havadarlarına bələd olan insanlardır. Doğrudan da “bəli, bitdi” əhval-ruhiyyəsi bizi nə qədər sevindirirsə, düşmənin kimliyini bilməyimiz də hər zaman ehtiyatlı olmağımıza əsas verir. Ermənilər tarixən maraqlarını dilə gətirib uduzan, hətta faciə ilə üzləşən millətdi, çünki onların maraqları, məqsədləri haqsızlığa, ədalətsizliyə, yalana, böyük xülyalara əsaslandığından cəzalarını ikiqat ödəyiblər və ödəyirlər. Amma, dərs olmur. Heç bu gün baş verənlərdən də dərs çıxarmaq fikirləri yoxdur. Erməni təfəkkürü planetin harasında yaşamasından asılı olmayaraq eynidir, dəyişməzdir. Amerikada dünyaya gəlib, Ermənistanın üzünü görməyən yazıçı Uilyam Saroyan da erməni təfəkkürünü daşıyan, həm də xarakterlərinin dəyişməz olduğunu etiraf edənlərdən biridir. O uzun-uzadı yazdığı fikrin sonunda deyirdi:”.., hər şeyləri məhv olsa da, heç olmasa iki erməni bu dünyada rastlaşsa, görərsən ki, yeni Ermənistan yaradacaqlarından danışacaqlar”. İndi də elədir. Bəlkə də, son yüz ildə ən böyük məğlubiyyətlərini yaşayan ermənilər yenə də iddialarından əl çəkmirlər...  Jirayr Sefilyanın adı bizlərə hələ Serj Sarkisyanın hakimiyyəti dövründə İrəvanda polis məntəqəsini “Sasna Tsrer” adlı terror təşkilatının üzvləri ilə tutandan tanışdır. Sefilyan dünən  İrəvanda təşkil olunan mitinqdə çıxışı zamanı yenə də Azərbaycan ərazilərini tutacaqları barədə danışıb:“Biz Artsaxa qayıdacağıq. Əvvəlcə İrəvanda milli siyasi qərargah yaradılacaq. Beynəlxalq qoşunlar təhlükəsizliyin təminatı kimi Artsaxa daxil olacaq. Xalqımız bugünkü sərhədlər daxilində Artsaxa qayıdacaq. Bundan əvvəl Ermənistanda gecə-gündüz çalışmalı və dövlət quruculuğu ilə yanaşı, milli ordu müdafiə sistemini, qüdrətli Ermənistan ordusunu qurmalıdır ki, bu da tezliklə Azərbaycana işğal olunmuş torpaqlardan çıxmağı söyləyəcək. Onları yalnız Dağlıq Qarabağdan yox, aran Artsaxdan, Naxçıvandan, Çaykənddən, Şaumyandan qovacağıq...”  Deyə bilərik: “bir səfil Sefilyandı də, ağlına və ağzına gələni danışıb”, amma, məsələ bundadır ki, bu fikirlər yalnız bir erməninin qənaəti deyil, hamısının düşüncəsi gizli və ya aşkar şəkildə buna köklənib. Kilsə, diaspora bir müddətdən sonra yeni fürsətlər ideologiyası ilə uzunmüddətli təbliğata başlayacaq. Bu millət hər məğlubiyyətdən sonra özünə təsəllini qisas almaqda görüb və terrora baş vurub. 1915-ci il hadisələrindən sonra türk paşalarının qətl edilməsi, 1920-ci ildən sonra Azərbaycan Xalq Cümhuriyyətinin yaradıcılarına qarşı Tiflisdə, Türkiyədə həyata keçirdikləri qətllər, keçən əsrin 70-ci illərində 30-a yaxın Türkiyə diplomatlarının xaricdə terror edilməsini unutmayaq.  Bu millət terroru məğlubiyyətdən sonra “özünəgəlmə, dirçəlmə” amili kimi dəyərləndirib fəaliyyətə keçir. Əgər “Quççi”nin erməni modeli də qisas almaq üçün “Voma” terror təşkilatına qoşulduğunu və artıq silahlı təlimlərə başladığını elan edirsə, deməli onların sayının çoxalacağı istisna deyil. Qeyd olunan terror hadisələrinin icraçılarına “Nemezis” abidəsi ucaldan millətdən bəşəri dəyər ummağa dəyməz. Perspektivdə belə bir təhlükə ilə üzləşəcəyimizi xüsusi xidmət orqanlarımızın diqqətdə saxlayacağı şübhəsizdir...  Ermənilər bütün tarixləri boyu sığındıqları imperiyaları başqa bir imperiyaya satmaqla ad çıxarıblar. Necə deyərlər, ”çörəyi dizinin üstündə” olan bu toplum indi də hər zaman onların ayağına daş qoyan Rusiyaya qarşı asi çıxıb və anti-Rusiya təbliğatını o həddə çatdırıblar ki, Rusiya hərbiçilərinin Həkəri körpüsündən Ermənistana keçməsini qadağan etmək tələbi ilə çağırışlar edirlər. “Lragir.am” saytı dünənki nömrəsində xüsusi olaraq vurğulayır ki, “Qarabağı tərk edən Rusiya hərbi kontingentinə Həkəri körpüsündən keçidə icazə vermək olmaz. Qoy, Gəncədən, Yevlaxdan getsinlər...”  Bu istiqamətdə çox dəlillər yazmaq olar, amma elə bu qeyd olunanlar da kifayət edir ki, hər zaman sayıq olaq. Məşhur bir atalar sözünü interpretasiya edib daim yaddaşımıza yazmalıyıq: “qonşun ermənidirsə, çomağı yaddan çıxarmaq olmaz”.moderator) İlham İsmayıl

Vətən müharibəsi şəhidi Niftalı Mehdilinin anası vəfat edib. Sozcu.az xəbər verir ki, şəhidin anası Şirmayə Mehdiyeva yaşadığı Ucar rayonu Bərgüşad kəndində dünyasını dəyişib. Qeyd edək ki, 1996-cı il təvəllüdlü Mehdili Niftalı Qnyaz oğlu 2020-ci il sentyabrın 27-də başlanan Vətən müharibəsinə könüllü şəkildə qatılıb. Ona Suqovuşan qəsəbəsinin azad edilməsində göstərdiyi şücaətə görə gizir rütbəsi verilib. Oktyabrın 13-də Ağdərə uğrunda gedən döyüşlərdə şəhid olub və ölümündən sonra "Suqovuşanın azad olunmasına görə" medalı ilə təltif edilib.

Ermənistan mətbuatının məlumatına görə, Qarabağdakı separatçı rejimin üç sabiq başçısı Arkadi Qukasyan, Bako Saakyan və Arayik Arutyunyan oktyabrın 1-də Ermənistana gəliblər. Qeyri-qanuni rejimin sonuncu rəhbəri Samvel Şahramanyan isə  ölən və itkin düşənlərin qalıqlarının tapılması üçün axtarış-xilasetmə işləri başa çatana qədər Qarabağda qalacaq.Turan.az)

Türkiyənin sərhədləri xaricindəki əməliyyatları müvəffəqiyyətli olduqca terror təşkilatları da “mən buradayam” mesajı vermək üçün səs-küylü əməliyyatlar planlayır və təbii ki, burada uğursuz olurlar. Sozcu.az xəbər verir ki, bu sözləri türkiyəli təhlükəsizlik üzrə mütəxəssis Məsud Şöhrət Türkiyə lideri Rəcəb Tayyib Ərdoğanın ölkə xaricində mümkün antiterror əməliyyatları ilə bağlı çıxışını şərh edərkən deyib. O bildirib ki, xüsusilə MİT və təhlükəsizlik qüvvələrinin əməliyyatları terrorçu rəhbərləri çıxılmaz vəziyyətə salıb: “Mətbuatda yayımlanmayan və bizim görmədiyimiz bir çox olayın qarşısı təhlükəsizlik qüvvələri və MİT tərəfindən alınır. Bunu dəqiq deyə bilərik. Hörmətli prezidentimizin açıqladığı kimi, terrora konkret olaraq son qoyulması məsələsində Türkiyə qəti qərarını verib. Qarşıdakı günlərdə əməliyyatın olacağını düşünürəm. Zaman məsələsi də önəmlidir. Yay mövsümü sona çatdı. Hava şərtləri də ideal görünür. Növbəti günlərdə bunun mümkün olacağını düşünürəm”.

Xankəndidə erməni iş adamına məxsus pab-restoranın qapısı Ağdamın Şahbulaq qalasından gətirilib. Sozcu.az xəbər verir ki, bu barədə tarixçi alim, dosent Zaur Əliyev qeyd edib. Alim bildirib ki, pabda istifadə edilən qapı Şahbulaq qalasında qədim məscidin qapısıdır: “1993-cü ildə ermənilər tərəfindən işğal edildikdən sonra kompleksin daxilindəki məscid, hamam, Xan sarayı və bəzi yaşayış evləri sökülüb dağıdılmış, müxtəlif məqsədlər üçün istifadə edilmişdir. Dağıdılan bu məscid 1752-ci ilə aid idi”. Alim onu da vurğulayıb ki, məscidin qapısını ermənilər qəsdən paba qoyublar, burda məqsəd islam dinini təhqir etməkdir. Xatırladaq ki, ermənilər Ağdam məscidində də donuz saxlayırdılar.

Erməni silahlı təşkilatı VOMA Qarabağda silahlı partizan mübarizəsinə başlayacaqlarını açıqlayıb. Sozcu.az xəbər verir ki, Gucci-nin erməni modeli Armine Arutyunyan da “Azərbaycanla qeyri-adi döyüşə hazırlaşırıq” deyərək təşkilata qoşulub.konkret)

Qarabağdakı keçmiş və artıq ləğv edilmiş separatçı-terrorçu xuntanın “başçısı” Samvel Şahramanyan hələ də Azərbaycanın Xankəndi şəhərindədir. Sozcu.az xəbər verir ki, bu barədə erməni mediası yazıb. Qeyd olunur ki, Şahramanyan Ermənistana köçmək istəyən və müxtəlif səbəblərdən hələ də Qarabağda olan ermənilərin problemini (? – red.) həll etməyə çalışır. Xatırladaq ki, Şahramanyanla bərabər, keçmiş xuntanın keçmiş başçıları – Arkadi Qukasyan, Bako Saakyan və Araik Arutyunyan da Azərbaycanı tərk edə bilməyiblər.

Xocalı 31 ildən sonra öz hüzuruna qovuşub. Sozcu.az xəbər verir ki, 31 ildən sonra soydaşımızın ayağı öz doğma yurduna dəyib. Həmin görüntüləri təqdim edirik:

"Bir arzusu var idi, deyirdi bu döyüşlərdən qayıdandan sonra əllərini açıb məni gözləyərsən. Məni elə bil heç qucaqlamamış kimi qucaqlayarsan”. Bunu şəhid Ramazan Nurməhəmmədovun nişanlısı Laiyat Ayıbova deyib. O bildirib: "Kim görürdü, deyirdi bu nə gözəl cütlükdür, bu nə gözəl sevgidir belə. Oktyabrın yeddisi toyumuz olmalıydı. Sentyabrın 20-i şəhid xəbərini eşitdim. Bütün arzularımız yarımçıq qaldı”. Daha ətraflı Baku TV-nin süjetində:

Azərbaycan Ordusunun keçirdiyi lokal antiterror tədbirləri zamanı yaralanan hərbi qulluqçumuz Qasımov Cahan Xəqani oğlu şəhid olub. “Qafqazinfo”nun məlumatına görə, Xocavənd rayonu istiqamətində yaralanan hərbçimiz bir neçə gün idi hospitalda müalicə olunurdu. Həkimlərin bütün səylərinə baxmayaraq hərbi qulluqçumuz bu gün şəhid olub. Şəhid Qasımov İsmayıllı rayonunun Qalınçaq kənd sakinidir. Kənd icra nümayəndəliyindən saytımıza bildirilib ki, Cahan Qasımov bu gün dəfn ediləcək. Allah rəhmət eləsin!

Azərbaycan Respublikasının Qarabağ bölgəsində yaşayan erməni sakinlərin Azərbaycan cəmiyyətinə dayanıqlı reinteqrasiyasının təmin edilməsi və Azərbaycan dövlətinin himayəsindən istifadə etmələrinə imkan yaradılması məqsədilə Qarabağ bölgəsində sosial, humanitar, iqtisadi və infrastruktur məsələlərinin həlli üzrə İşçi qrupa həmin şəxslərin hüquqi statusunun müəyyən olunması ilə bağlı verilən müvafiq tapşırıqlar çərçivəsində Dövlət Miqrasiya Xidmətinin (DMX), Əmək və Əhalinin Sosial Müdafiəsi Nazirliyinin (ƏƏSMN) əməkdaşları Qarabağ iqtisadi rayonunda fəaliyyətə başlayıblar. Sozcu.az xəbər verir ki, bu barədə Azərbaycan Respublikası Prezidenti Administrasiyası məlumat yayıb. Bildirilib ki, DMX əməkdaşları Qarabağ bölgəsində yaşayan erməni sakinlərin ilkin qeydiyyatına dair müraciətlərinin yerində qəbul edilməsi və bununla əlaqədar maarifləndirmə tədbirlərinin yerində təşkili, ƏƏSMN əməkdaşları isə sakinlərin sosial-humanitar ehtiyaclarının müəyyənləşdirilməsi ilə bağlı fəaliyyət göstərirlər. Reinteqrasiya prosesinə qoşulmaq məqsədilə ilkin qeydiyyat üçün müraciətlərin qəbulu DMX-nın əməkdaşları tərəfindən Xankəndi şəhərində yerləşən keçmiş “polis” binasında aparılır. Həmçinin ilkin qeydiyyata dair müraciətlərin qəbulu və qeydiyyata alınma prosesi DMX tərəfindən bu məqsədlə yaradılmış xüsusi portal (reintegration.gov.az) vasitəsilə elektron həyata keçirilir. Dövlət orqanları əməkdaşlarının bölgədə fəaliyyəti Qarabağda yaşayan erməni sakinlərin yerli cəmiyyətə reinteqrasiyasının daha sürətli həyata keçirilməsinə, həmçinin sosial-humanitar ehtiyaclarının qarşılanmasında səmərəliliyin artırılmasına imkan yaradacaq.

“Ermənistanın hərbi-siyasi rəhbərliyi, eləcə də Qarabağdakı erməni separatçıları yalnız Azərbaycan xalqına qarşı deyil, xalqımızın timsalında bütün insanlığa qarşı cinayət törədib”. Bunu Moderator.az-a açıqlamasında politoloq İlqar Vəlizadə bildirib. Ekspert qeyd edib ki, erməni cinayətkarlarının törətdikləri cinayətlərin  miqyasına da, onların cəzalandırılmasına da məhz bu aspektdən yanaşılmalıdır: “Ermənilər uzun illər ərzində xalqımıza qarşı çoxsaylı soyqırımları, qətliyamlar həyata keçirib, 30 ilə yaxın müddətdə bir çox ərazilərimizi işğal altında saxlayıblar. Hərbçilərimizlə yanaşı, mülki şəxslərimizin hədəfə alınması, yaşayış məntəqələrimizin bombalanması, əsir və girovların amansız işgəncələrə məruz qalması da yaxın tariximizin acı reallıqlarındandır. Təbii, bu cinayətlərin başında Ermənistanın hərbi-siyasi rəhbərli, vaxtiylə Qarabağda mövcud olan separatçı rejim dayanmışdı. Hansı ki, bu gün dövlətimizin, onun əlaqədar qurumları xalqımıza qarşı cinayət törədən separatçıları ələ keçirməkdə, onları qanun qarşısında məsuliyyətə cəlb etməkdədir. Onlar bütün bəşəriyyətə qarşı cinayət törətmiş şəxslərdir. Bu şəxslər insanlıq tarixində misli görünməmiş vəhşiliklərə imza atıb, barbarlıq və vandalizm aktları törədiblər. Ona görə də onların cəzalandırılması bütün insanlığın marağı və mənafeyi, yerli və beynəlxalq qanunlar baxımından zəruri və mütləqdir”.

“Qarabağda 300-dən çox cinayət törətmiş erməni separatçısı beynəlxalq axtarışa verilib”. Sozcu.az Report-a istinadla xəbər verir ki, bunu Azərbaycanın Baş prokuroru Kamran Əliyev jurnalistlərə açıqlamasında deyib. Onun sözlərinə görə, Qarabağ münaqişəsi başlayandan erməni separatçıları tərəfindən törədilən cinayətlərin hamısı qeydə alınıb: “Tərəfimizdən həmin cinayətlərlə bağlı sübutlar toplanıb. Ümumilikdə belə 300 cinayət işi açılıb. 300-dən çox cinayət törətmiş şəxs beynəlxalq axtarışa verilib. Həmin işlərlə bağlı sübutlar var”.

Ukrayna müharibənin 585-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 278 570 hərbçi, 4702 ədəd tank, 8991 ədəd zirehli döyüş maşını, 6477 ədəd artilleriya sistemi, 798 ədəd RYAS (reaktiv yaylım atəş sistemi), 537 hava hücumundan müdafiə sistemi, 316 ədəd hərbi təyyarə, 316 ədəd helikopter, 8883 ədəd avtomobil texnikası, 5043 ədəd PUA, 1529 qanadlı raket, 20 gəmi/kater, 1 sualtı qayıq, 933 xüsusi avadanlıq itirib.

Türkiyə Daxili İşlər Nazirliyi Mühafizə Baş İdarəsinə terror hücumu olub. APA-nın İstanbul müxbirinin verdiyi xəbərə görə, bu barədə Türkiyə daxili işlər naziri Ali Yerlikaya bildirib. O qeyd edib ki, yerli vaxtla saat 09.30 radələrində bina girişinə avtomobillə gələn iki terrorçu bombalı hücum həyata keçirib. Terrorçulardan biri özünü partladıb, digər terrorçu isə zərərsizləşdirilib. Açılan atəş nəticəsində 2 polis yüngül xəsarət alıb *** Türkiyə DİN-in binası yaxınlığında partlayış baş verib Türkiyənin paytaxtı Ankarada Daxili İşlər Nazirliyinin binası yaxınlığında partlayış baş verib, yaralı var. APA xəbər verir ki, bu barədə "CNN Türk"ə istinadən xəbər verir. Hadisə yerinə çoxlu sayda polis və həkim briqadası gəlib. Hadisə zamanı ölüm və yaralılarla bağlı məlumat verilmir. Partlayışdan əvvəl atışma olduğu barədə məlumat yayılıb.

BMT-nin missiyası Qarabağa gəlib. Sozcu.az xəbər verir ki, missiyanın üzvləri səhər saatlarında Ağdamdan keçərək, Əsgəran-Xankəndi istiqamətində hərəkət edib. Missiyanın məqsədi yerdə vəziyyətlə tanış olmaq, sakinlərin humanitar ehtiyaclarını müəyyənləşdirməkdir. Missiyanın tərkibinə təşkilatın müxtəlif qurumlarının nümayəndələri daxildir. Qeyd edək ki, BMT missiyası Qarabağda sonuncu dəfə təxminən 30 il əvvəl olub.

Ermənistanın silahlı qüvvələri baş qərargahının keçmiş rəisi, keçmiş baş hərbi müfəttiş, general-polkovnik Movses Akopyan yerli mətbuata müsahibəsində bildirib ki, Azərbaycanın növbəti hədəfi o olacaq. “Bilirəm ki, onlar məni də tələb edəcəklər. Ola bilər ki, Ermənistan rəhbərliyi məni təhvil verməyə çalışsın, amma buna nail olmayacaqlar”, - Akopyan qeyd edib. Xatırladaq ki, Akopyan Azərbaycanın Xocavənd rayonunda anadan olub. O, 2007-2015-ci illərdə qondarma separatçı rejimin “müdafiə naziri” işləyib. Bununla yanaşı, Akopyan həm də Ermənistanın təhlükəsizlik şurasının hazırkı katibi Armen Qriqoryanın dayısıdır. O, sonuncu dəfə Ermənistan müdafiə nazirliyinin hərbi nəzarət xidmətinin rəisi vəzifəsində işləyib və baş nazir Nikol Paşinyanla ziddiyyətlərinə görə vəzifəsindən istefa verib.

Xankəndinin mərkəzindən yeni görüntülər yayılıb. Sozcu.az xəbər verir ki, yayılan görüntülərdə artıq buraxılan, keçmiş qondarma "respublika"nın əski parçası gözə dəyməyib. Bu isə o deməkdir ki, artıq separatçılar Azərbaycanın mərkəzi hakimiyyətinin tələblərini qeyd-şərtsiz yerinə yetirməyə davam edirlər. Belə ki, qondarma respublikanın əski parçasının mərkəzi binaların önündən yığışdırıldığı aydın şəkildə görülür.

Ermənistan Krımı, Soçini və Armaviri almalıdır. Sozcu.az xəbər verir ki, bu sözləri Ermənistan Prezidentinin milli təhlükəsizlik üzrə keçmiş köməkçisi Vladimir Poqosyan deyib. “Əgər sərhədlər yoxdursa, o zaman gəlib Armavir, Soçi və Krımı götürə bilərik. Krımın ümumən 70%-i ermənidir”, - Vladimir Poqosyan “Noyan Tapan TV” Yutub kanalında bildirib.

Qarabağın erməni sakinlərinin son qrupları hazırda Ermənistana yollanır. Bu sözləri Azərbaycanın Qarabağ bölgəsindəki bir neçə gün əvvəl özünü buraxdığını elan edən qanunsuz qondarma qurumun "nazir"i olmuş Artak Beqlaryan deyib. “Qarabağda ən çox bir neçə yüz nəfər qalıb ki, onların da əksəriyyəti məmurlar, fövqəladə hallar xidmətinin işçiləri, könüllülər, bəziləri isə xüsusi qayğıya ehtiyacı olan insanlardır. Onlar da getməyə hazırlaşırlar”,- deyə separatçı bildirib./Ölkə.Az 

Sentyabrın 30-u günorta saatlarında Ermənistan silahlı qüvvələrinin Basarkeçər rayonunun Zərkənd yaşayış məntəqəsi istiqamətindəki mövqeyindən Azərbaycan Ordusunun Kəlbəcər rayonunun Aşağı Ayrım yaşayış məntəqəsi istiqamətində yerləşən mövqeyinə snayper silahından atəş açılıb. Bu barədə Sozcu.az-a Azərbaycan Müdafiə Nazirliyindən məlumat verilib. Atəş nəticəsində hərbi qulluqçumuz Orucov Vüsal Xeybalı oğlu şəhid olub. Bölmələrimiz tərəfindən cavab tədbirləri görülür. Müdafiə Nazirliyinin rəhbərliyi şəhidimizin yaxınlarına dərin hüznlə başsağlığı verir. Allah rəhmət eləsin!

"Alyans beynəlxalq hüquq və təhlükəsizliyin gerçək müdafiəsi üçün yaradılır..." "Rusiya özünün Ukraynaya qarşı cinayətkar təcavüzü ilə planetdə istənilən xalqın suverenliyi və normal həyatına təhlükə törədə biləcəyini göstərib..." "Ukrayna artıq döyüş meydanında zəruri olan silah və "NATO kalibrli" mərmilər istehsal etməyə başlayıb..." Zelenski "bütün millətlərin təcavüzdən müdafiəsi" barədə səs-küylü bəyanat verib Ukrayna prezidenti Vladimir Zelenski Beynəlxalq Müdafiə Sənayeləri Alyansının yaradılması barədə elan edib. Sozcu.az xəbər verir ki, bu barədə Ukrayna lideri Kiyevdə işinə başlayan Beynəlxalq Müdafiə Sənayeləri Forumunda çıxış edərkən bəyan edib. Tədbirdə 30 ölkədən 252 müdafiə şirkətləri iştirak edir, Ukrayna prezidentinin mətbuat xidməti məlumat verib. Zelenskinin fikrincə, Alyans "beynəlxalq hüquq və təhlükəsizliyin gerçək müdafiəsi" üçün yaradılır. "Mən təkcə Ukrayna deyil, həm də dünyada bütün millətlərin təcavüzdən təhlükəsizliyi haqqında danışıram", - Zelenski bəyan edib. O, forum iştirakçılarını, "Ukrayna ilə birlikdə heç bir təcavüzkara şanslar saxlamayan azad dünya arsenalını yaratmağa hazır olanları" salamlayıb.  Zelenski vurğulayıb ki, məhz Ukraynada ən güclü müdafiə sənayesi komplekslərinin, onların prioritetlərinin və dünyada müdafiə standartının necə olması müəyyən edilir. "Rusiya özünün Ukraynaya qarşı cinayətkar, təhrik edilməyən təcavüzü ilə hər bir millətə planetdə istənilən xalqın siverenliyinə və normal həyatına təhlükə törədə biləcəyini göstərib", - Ukrayna lideri qeyd edib. Zelenski qeyd edib ki, Ukrayna Alyansın əsası olaraq müvafiq baza bəyannaməsini işləyib hazırlayıb, bu bəyannaməyə istənilən ölkənin silah və hərbi texnika istehsalçıları qoşula bilər. "Bu gün başlanğıcda biz artıq Ukrayna ilə birlikdə azad dünyanın yeni arsenalını yaratmağa hazır olan 13 görkəmli şirkətləri ilə bəyannamə imzalamışıq", - o, deyib. Zelenski əlavə edib ki, Ukrayna öz ərazisində xarici şirkətlərin silah və texnika istehsalının lokallaşdırılmasında maraqlıdır. Bunun üçün Kiyev Ukraynada silah istehsal etməyə qərar verən firmalara "xüsusi şərait" təklif etməyə hazırdır. Həmçinin Ukrayna hakimiyyəti müdafiə sənayesi müəssisələri üçün xüsusi iqtisadi rejim işləyib hazırlayır. Bu zaman Zelenski qeyd edib ki, Ukrayna da silah istehsalı sahəsində yerində dayanmayıb və ölkəsi artıq döyüş meydanında zəruri olan silah və "NATO kalibrli" mərmilər istehsal etməyə başlayıb. "Biz özümüzə, öz vətəndaşlarımıza, öz tərəfdaşlarımıza inanırıq. Biz güclü millətik. Biz cəsarətli xalqıq. Biz qlobal əhəmiyyəti olan dövlətik. Biz mütləq qalib gələcəyik. Biz Ukrayna üçün, deməli, bütün azad dünya üçün elə müdafiə potensialı yaradacağıq ki, bu, bizim gücümüzün əksi olacaqdır", - Zelenski deyib. Öz növbəsində Ukrayna XİN dəqiqləşdirib ki, Alyansa artıq 19 ölkədən 38 şirkət qoşulub. Həmçinin forum çərçivəsində Ukrayna tərəfi xarici tərəfdaşlarla 20 sənəd imzalayıb.  Söhbət dronlar istehsalı, zirehli texnika və döyüş sursatlarının təmiri və istehsalı üzrə saziş və memorandumlardan gedir. Əməkdaşlıq formatları arasında birgə istehsal, texnologiyalar mübadiləsi, komplektləşdiricilər tədarükünü qeyd etmək olar.

Elxan Mehdiyev: "100 min erməninin Qarabağı tərk etməsi fantaziyadır. 1992-ci ildən bəri Qarabağda heç bir zaman 90 min əhali olmayıb" Ermənistanın hökumət saytında dərc olunan rəsmi məlumatda deyilir ki, guya dünən -sentyabrın 29-u saat 22.00-a olan məlumata görə, Qarabağın dağlıq hissəsindən Ermənistana 98 min 929 erməni gəlib.   Tədqiqatçı-alim Elxan Mehdiyev son hadisələrlə bağlı Moderator.az -ın suallarını cavablandırıb: Elxan bəy, Qarabağı tərk edən erməni əhalisinin sayının şişirdildiyi deyilir. Sizin bu barədə məlumatınız necədir? Mən ilk gündən, erməni əhalisinin Laçından çıxış yapdığı 24 Sentyabrdan bu haqda hesabat hazırlayıram. Təbii ki, erməni mənbələri əsasında. Bu statistikanı sizlərə təqdim etsəm hər kəs üçün də aydın olar.  Gəlin statistikaya baxaq: 24 Sentyabda ilk çıxanlar. Saat 14:27 - də  30-40 nəfər Laçın keçid məntəqəsini keçib  Saat 18:00 - də  377 nəfər keçib. Saat 22:00 - də 1050 nəfər demək 1 saatda 168 nəfər keçib Saat 00:00 - da 1510 nəfər demək 1 saatda 230 nəfər keçib Bunlar normaldır. Sonrasına baxın: 25 Sentyabr saat 06:00 –da 2906 nəfər keçib, demək 1 saatda 232 nəfər keçib saat 12:00 –də 4850 nəfər, demək 1 saatda 324 nəfər keçib saat 17:00 –də 6650 nəfər ,demək 1 saata 360 nəfər keçib Burda da normal görünür. 26 Sentyabr saat 08:00 –də 13550 nəfər , demək 1 saata 460 nəfər keçib  saat 16:00 -da  19000 nəfər , demək 1 saata 681 nəfər keçib  saat 20:00 -də  28120 nəfər , demək 1 saata 2280 nəfər keçib Burada 30 saat tıxac ola –ola,1 saata bu qədər adam necə keçib?  27 Sentyabr  saat 08:00-də 42500 nəfər, demək 1 saata 1198 nəfər keçir  saat 12:00 də 47115 nəfər, demək 1 saata 1153 nəfər keçir  saat 15:00-də  50243 nəfər , demək 1 saata 1042 nəfər keçir  saat 20:00 –də 53629 nəfər ,demək 1 saata 677 nəfər keçir  28 Sentyabr saat 08:00-də 65036 nəfər, demək 1 saata 951 nəfər keçir  saat 10:00 –da 66500 nəfər , demək 1 saata 732 nəfər keçib saat 12:00-də 68368 nəfər, demək 1 saata 934 nəfər keçib Saat 14:00-də 70500 nəfər , demək 1 saata 1066 nəfər keçib Saat 18:00-də 74400 nəfər , demək 1 saata 975 nəfər keçib  Saat 20:00-də 76407 nəfər,demək 1 saata 1004 nəfər keçib Saat 22:00-də 78354 nəfər,demək 1 saata 974 nəfər keçib 29 Sentyabr Saat 06:00 -da 84770 nəfər, demək 1 saata 802 nəfər keçib Saat 10:00 -da 88780 nəfər,demək 1 saata 1003 nəfər keçib Saat 16:00 -da 93000 nəfər ,demək 1 saata 703 nəfər keçib Saat 18:00 -də 97735 nəfər ,demək 1 saata 2368 nəfər keçib Saat 22:00 -da 98929 nəfər ,demək 1 saata 299 nəfər keçib Bu statistikanı analiz edərkən 1 saatda 360 nəfərin keçməsini qəbul edirik. Halbuki bu da yüksəkdir. Yəni 1 dəqiqədə 1 maşın keçir. Maşın dayanır, onun yükünə və içərisinə baxırlar və ondan sonra keçməyə izn verirlər. Başqa gecikmə halları da olur. Yük maşını gələndə daha çox zaman alır və başqaları da dayanır. Tutaq ki 1 maşında heç 5 yox, 6 nəfər olursa, o zaman 1 saatda 60 maşın keçir və 360 nəfər keçmiş olur. Bunu birxətli keçidə aid edirik. Çıxış üçün ikinci xətt də işə salınarsa, o zaman 720-750 olur. Bunun mümkün olub -olmadığını orada işləyənlər daha dəqiq deyər. Ermənilər özləri ən azı 20 saat və sonra isə 30 saat yolda qaldıqlarını deyirsə, bu cür sürətlə sərhəd keçid məntəqəsini keçmək mümkün deyil. 1 saata 400-450 maşın keçə bilərmi? Bu 1 dəqiqədə 7-8 maşın edir. 1 saata 2280 və 2368 adam keçirsə, bu 1 dəqiqədə 38-40 nəfər edir. Bu mümkünmü? Onların bu şişirdilmiş rəqəmlərini nəzərə alıb, yuxarıda mənim də apardığım şişirdilmiş hesablamaya görə ən azı 30 min artıq göstərilir. Burada görülən odur ki, əhalinin sayı Sentyabrın 26-da Samanta Pauerin bölgəyə gəlməsi ilə aşırı dərəcədə artırılır. Və sonra də həndəsi silsilə ilə artırılır. Burada Azərbaycanın uyğun dövlət xidmətləri hər gün öz statistikasını verməli idi. Yəqin bizimkilər bunu sonda verəcəklər. Bunun da effekti indiki dünyada gedən propoganda fonunda az olacaq. Çünki bizlərdə atalar sözü var, “daldan atılan daş topuğa dəyər” və ikincisi, “zərbəni birinci vuran qalib gəlir”. Bütün dünyanın TV və qəzetləri artıq xəbərlər verir ki, Qarabağı 100 min erməni tərk edib. Bizdən isə heç bir səs çıxmır. Biz burada informasiya müharibəsini yenə uduzuruq. Sizcə Qarabağda neçə min əhali var idi? 1-cisi Qarabağda 1992-ci ildən bəri heç bir zaman 90 min əhali olmayıb. Orada erməni ekspertlərinin də maksimum boynuna aldığı 70 min olub. Mən orada keçirilən seçkilər zamanı apardığım hesablama 70 minə heç bir zaman çatmırdı. Hələ ora bütün işğal olunmuş 7 rayonda yaşayanlar da daxil idi. 1992-ci ildə bütün Agdərə rayonu çıxıb getmişdi. Ən böyük rayon idi. Sonralar da onların üçdə biri qayıtdı. O vaxtkı Stepanakertdən də çox köçüb gedən oldu. Sadəcə Ermənistan ordusu faktiki orada yerləşirdi, oradakı Universitet tələblələri (ermənistandan gələn) və zabitlər və onların ailələri də yerli əhali kimi sayılırdı. İndiki zamanda özlərinin dediyi kimi 22 min Hadrut qaçqını var və onlar da Ermənistandadır. Bir neçə ailə Qarabağda qalmışdı. 2021-ci ilin əvvəlində Rusların verdiyi statistikaya görə Qarabağa 53 min əhali qayıdıb. O da doğru deyildi. Lap tutag ki, 53 min qayıdıb. Sizcə 10 Noyabrda Qarabağda 50 min əhali qalmışdı? Yox idi. Əsgəran tərəfdə bir neçə kənd var idi. Bir də Ağdamın kəndlərinə bitişik Xocavend rayonunun bir neçə kəndində adam qalmışdır. Toplam olaraq 4 min ola bilməzdi. İndi hardan çıxdı 120 min və ya indiki 100 min? Tam yalandır. Bu ancaq yardım almağa və Azərbaycana qarşı beynəlxalq təzyiq kimi istifadə edilmək üçün şişirdilib. Bu 30 ildə oradakı korrupsion liderlər əhalinin sayını yuxarı yazmaqla daha çox büdcə və yardım alaraq dolanırdılar. Sonda özləri qaçıb, yazıq camaatı çöllərdə qoydular. İndi də onlardan istifadə edib bu cür dolanmağa çalışacaqlar.

Erməni mediası bu gecə Qarabağdan “son erməni sakinlərin” çıxdığı haqda məlumat yayıb. Sozcu.az xəbər verir ki, “Son erməni sakinlər Qarabağdan çıxdı” başlığı ilə paylaşılan məqalələrdə Arkadi Qukasyan, Bako Saakyan, Araik Arutyunyan, Samvel Şahramanyan və digərləri – separatçı-terrorçu qurumun “deputatları”, o cümlədən Əsgəranda olduğunu bildirib, ünvanını elan edən qatil, azərbaycanlı əsirlərə xüsusi amansızlıqla davranan və onları doğrayan Vitali Balasanyanın adı yoxdur. Ermənistanın “Hraparak” nəşri isə onların hələ də Qarabağda olduğunu iddia edib. Maraqlıdır ki, “Son erməni sakin də Qarabağdan çıxdı” yazan erməni mediası da bu terrorçu-separatçıları “sakin” hesab etmir.axar)

"Birləşmiş Millətlər Təşkilatı (BMT) Azərbaycanın Qarabağ bölgəsini öz istəkləri ilə tərk edərək Ermənistana köçən erməni sakinlərə qarşı pis rəftarla bağlı heç bir fakt qeydə almayıb". Bunu BMT-nin Qaçqınlar üzrə Ali Komissarlığının Ermənistandakı nümayəndəsi Kavita Belani BMT-nin Cenevrə ofisinin həftəlik mətbuat konfransında onlayn çıxışı zamanı bildirib. “Bilirəm ki, indiyədək heç bir insident, pis rəftar halları ilə bağlı heç bir fakt yoxdur. Bu, uzun yoldur, tıxaclar insanlar üçün çətinlik yaradır. Lakin azərbaycanlılar tərəfindən pis rəftar halları qeydə alınmayıb”, - o deyib. BMT nümayəndəsinin sözlərinə görə, bir həftədən az müddətdə 88,7 mindən çox insan Qarabağı tərk edərək Ermənistana gedib.

Ötən gün Qarabağdan Ermənistana gedərkən “Laçın” sərhəd-buraxılış məntəqəsində saxlanılan keçmiş separatçı-terrorçu dəstənin keçmiş “müdafiə naziri”, “general-leytenant” Lyova (Levon) Mnatsakanyan 1991-1994-cü illərdə ermənilərin işğalçı dəstələrinin komandirlərindən olub, Xocalı və Meşəli soyqırımlarında aktiv iştirak edib. Kəlbəcərin işğalı zamanı yüzlərlə dinc azərbaycanlını qətlə yetirənlərdən biridir. Sozcu.az xəbər verir ki, bu barədə tarixçi alim, dosent Zaur Əliyev qeyd edib. O bildirib ki, Lyova Mnatsakanyan 1965-ci il sentyabrın 14-də Azərbaycan SSR-in Əsgəran rayonunda anadan olub, 1983-1985-ci illərdə sovet ordusunda xidmət edib: “Lyova Mnatsakanyan Rusiya Baş Qərargah Akademiyasında təhsil alıb. Kəlbəcər döyüşlərində Xankəndi (“Stepanakert”) alayının komandiri idi və 6 mindən çox azərbaycanlının qətlində günahkar sayılır. Qarabağ döyüşçüləri bu qatili yaxşı tanıyırlar. Kəlbəcər uğrunda döyüşlərdə bu terrorçu komandir uçqun yaratmaq üçün dağ zirvələrini atəşə tutur və nəticədə bir çox azərbaycanlı hərbçi şəhid olur. Çox əsgər donaraq ölür. Bəzi Azərbaycan əsgərləri soyuqdan dəli olur, bəziləri donmuş çaylarda “üzməyə” başlayır. Məhz bu qatilin əmri ilə bu əsgərlər hamısı ağır silahlardan atəş nəticəsində şəhid edilir. Kəlbəcər döyüşündən sonra Lyova ölmüş əsgərləri qarət edir. 1990-cı illərdə Qarabağda azərbaycanlı əhaliyə qarşı xüsusi amansızlıq göstərən Lyova əsir və girov düşənlərə qarşı xüsusi amansızlıqla davranıb. O, vedrənin altında deşik açır, tərsinə çevirib içinə siçovul yerləşdirir, vedrənin üstündə azərbaycanlıları lüt otuzdurur, vedrəni qızdırırdı; siçovul istidən qaçmaq üçün deşikdən birbaşa orda oturan şəxsin anus dəliyinə girirdi. Bu dəhşətli cəza üsulu ən qəddar növlərdən sayılırdı və qədim Çindən götürülmüşdü. Lyova əsirləri ağır zirehli maşınlardan atılan silahla vurmaqla məşhur idi. Əsirləri hədəf kimi qoyub onları parça-parça edirdi mərmi zərbələri ilə. Xocalı soyqırımı günü Mnatsakanyan qaçmağa çalışan insanların üstündən zirehli maşınla keçib. Məhz Çingiz Mustafayevin çəkdiyi kadrlarda meyitlərin təhqir edilməsini Mnatsakanyan təşkil edib. Xocalıda dinc əhalinin tövlələrə yığıb yandıranlardan biri də bu idi”. Alim xatırladıb ki, Mnatsakanyan BTC çəkiləndə terror qrupu toplayıb, kəməri partlatmaqla Azərbaycanı hədələyib.

Oktyabrın 1-də İsveçdə yaşayan ermənilər Azərbaycan səfirliyi qarşısında mitinq keçirəcəklər. Bu barədə məlumatı Xəzərnews.az-a Dünya Azərbaycanlılarının Beynəlxalq Fondunun (DABF) həmtəsisçisi, İsveç Azərbaycanlıları Konqresinin sədri Emil Mirzəyev verib. E.Mirzəyev bildirib ki, hazırda Qarabağdan gedən ermənilərin İsveçə köçü sürətlənib: "Bildiyiniz kimi, İsveç hökuməti onlara 1,5 miyrad dollar yardım ayırıb. Eyni zamanda onların İsveçə köçü də başlayıb. Qarabağ ermənilərinin qarşılanmasında və yerləşdirilməsində İsveçdə yaşayan daşnaklar fəallıq nümayiş etdirirlər. Onu da deyim ki, İsveçin miqrasiya idarəsində onların sayı ilə bağlı hələ heç bir məlumat yoxdur. Əgər İsveç onlara qaçqın statusu versəydi bu barədə müvafiq qurumun məlumatlarında yer alardı. Görünür, İsveç hökuməti onlara qaçqın statusu verməyəcək". E.Mirzəyev bildirib ki, DABF-da və Konqresdə təmsil olunan azərbaycanlılar ermənilərin keçirəcəyi mitinq və radikal çıxışları, hərəkətləri ilə bağlı İsveç polisinə müraciət edib: "Hazırda biz prosesi yalnız sakit şəkildə muşahidə etmək məcburiyyətindəyik". E.Mirzəyev bildirib ki, İsveçdə yaşayan erməniləri iki qrupa bölmək olar: "Onların bir hissəsi ümumiyyətlə prosesə qarışmır, digər qismi isə daşnaklardır. Daşnaklar daha fəaldır və prosesi onlar idarə edir". Dünyada ən böyük erməni kilsəsinin İsveçdə - Stokholmda olduğunu qeyd edən E.Mirzəyev prosesin elə bu kilsədən idarə olunduğu qənaətindədir: "Müşahidələrimizə görə hazırda həmin kilsəyə çoxlu sayda adam girib - çıxır, müraciət yayırlar. Bir sözlə burdakı ermənilər sabahkı mitinqə güclü hazırlaşır". Qeyd edək ki, ermənilər təkcə Stokholmda deyil, dünyanın bir çox ölkələrində fəaliyyət göstərən Azərbaycan səfirlikləri qarşısında da mitinq keçirəcəklər. Həmin ölkələrin siyahısını təqdim edirik:

“Hörmətli həmyerlim Oleq Deripaska artsaxdan olan qaçqınlar üçün qaynar xətt açır”. Moderator.az xəbər verir ki,”İravunk” nəşrinin yaydığı məlumata görə, bu barədə Rusiyanın “RT” telekanalının baş redaktoru, Kremlin işğalçı, irqçi, anti-türk, anti-Azərbaycan siyasətini dəstəkləyən ən həyasız təbliğatçılarından biri Marqarita Simonyan “Facebook” səhifəsində yazıb. “Artsaxda çətin humanitar vəziyyətlə əlaqədar RUSAL işçi qaynar xətti açır.  Şirkət Rusiyadakı sənaye müəssisələrində ixtisaslı köçkünlərin yol xərclərini ödəməyə, onların adaptasiyası və işlə təmin olunmasına dəstək verməyə hazırdır”, - “Armenian Nation” qəzetinin redaktoru əlavə edib.  Qeyd edək ki, Deripaska rusiyalı sahibkar, milyarder, Rusiyanın “Rusal” alüminium şirkətinin rəhbəridir”-xəbərdə belə deyilir. Zəruri arayış və şərh: Rusiya diktatoru V.Putinin yaxın dostlarından və pul “yuyan”larından("FT"-2020) biri kimi tanınan “UC Rusal”-ın təsisçisi və səhmdarı milyarder Oleq Deripaska, son məlumatlara görə, "Forbes" reytinqində rusiyalı milyarderlər arasında 50-ci yerdədir. Biznesmenin sərvəti 2,5 milyard dollar məbləğində qiymətləndirilib... Deripaska 2018-ci ilin aprelindən Putinin layihələrinin maliyyələşdirilməsinə görə ABŞ sanksiyaları, 2022-ci ildən isə Rusiyanın Ukraynaya müdaxiləsi ilə əlaqədar Avropa İttifaqı, Böyük Britaniya və bir sıra digər ölkələrin sanksiyaları altındadır... Düzdü, o, Ukraynaya təcavüzün əleyhinə çıxış edib və hazırda xaricdə yaşayır... Onu da xatırladaq ki, Putinin pullarını “yuyan” digər dostu, erməni milyarder Ruben Vardanyan Azərbaycan torpağında erməni separatçılığı və terrorçuluğuna maliyyə və ictimai-siyasi, ideoloji dəstək verməsi səbəbindən artıq Bakıda zindandadır...

"Erməni qatillərin həbsi davam edir: növbədə qondarma rejimin “keçmiş rəhbərləri” - Arkadi Qukasyan, Bako Saakyan, Araik Arutyunyandır; erməni mənbələr onların gizləndiyini yazır, ehtimal olunur ki, Xankəndidən kənardadırlar; sülhməramlıların bazasında olması da istisna edilməməlidir". Sozcu.az xəbər verir ki, bu sözləri siyasi şərhçi Asif Nərimanlı özünün facebook hesabında yazıb. Nərimanlı daha sonra qeyd edib: "Lakin Samvel Şahramanyanın Bakıdan onların Ermənistana keçməsinə şəraitin yaradılması xahişini etdiyi, bu xahişin rədd edildiyi məlumatları da var. Azərbaycan kəşfiyyatının bu şəxslərin hərəkətlərini daim nəzarətdə saxladığı deyilir. Xocalı qatillərinin, əli qana batmış olanların hamısının tezliklə Ruben Vardanyan kimi başıaşağı, Davit Manukyan kimi üzüdivara dayanacağını gözləyirik. Bu, Azərbaycanın haqqıdır". 

Xankəndidən yayılan son fotolarda şəhərin zibil içində olması diqqət çəkir.  Sozcu.az xəbər verir ki, sosial şəbəkələrdə yayılan fotolardan da göründüyü kimi, ermənilər Xankəndidən çıxarkən zibillərini şəhərboyu yollara sərərək gedirlər.  Həmin fotoları təqdim edirik:

Samvel Şahramanyan separatçı rejimin rəhbərliyini Qarabağdan təhlükəsiz şəkildə çıxarmaq üçün Azərbaycan rəsmiləri ilə danışıqlar aparır. Bu barədə "Hayeli.am" məlumat yayıb. Nəşrin məlumatına görə, separatçıların keçmiş üç başçısı - Bako Saakyan, Arkadi Qukasyan və Arayik Arutyunyan, "keçmiş xarici işlər naziri" Davit Babayan həbs təhlükəsi ilə üz-üzədir. "Hazırda həmin şəxslərin Qarabağda olduğu bildirilir. Bundan başqa, "Röyter"in məlumatına görə, Azərbaycanda həbs ediləcək 200-ə yaxın hərbi cinayətkarın siyahısı var. Davit Babayan artıq təslim olacağını dünən bəyan edib. Mənbə digər separatçı - Artak Beqlaryanın isə harada olduğunu bilmir", - deyə sayt bildirib.//news24.az

Ermənistan Qarabağın erməni əhalisinə qarşı irqi ayrı-seçkiliyin bütün formalarının ləğv edilməsi haqqında Beynəlxalq Konvensiyanın müddəalarının “pozulması” iddiası ilə bağlı Beynəlxalq Ədalət Məhkəməsində Azərbaycana qarşı iddia qaldırıb. Sozcu.az xəbər verir ki, bu barədə məhkəmənin məlumatında deyilir. Bildirilib ki, İrəvan nizamnamənin 41-ci maddəsinə və Məhkəmə Reqlamentinin 73-cü maddəsinə əsaslanaraq məhkəməyə sorğu göndərib. Ermənistan məhkəməni Azərbaycanın “birbaşa və ya dolayısı ilə Qarabağda qalan etnik ermənilərin köçürülməsinə yönəlmiş hər hansı hərəkətlərdən çəkinmək” öhdəliyini təsdiq etməyə çağırır.

Livanda ötən gün baş verən erməni təxribatı nəticəsində 25 yerli polis xəsarət alıb. "Report" bu barədə "Anadolu" agentliyinə istinadən xəbər verir. Məlumata görə, sentyabrın 28-də Livanın paytaxtı Beyrutda Azərbaycan səfirliyi qarşısında bir qrup erməniəsilli şəxs təxribata cəhd göstərib. Livanın Daxili İşlər Nazirliyinin təhlükəsizlik qüvvələri təxribatın qarşısını alaraq onların səfirliyə yürüşünə mane olub. Səfirliyin yerləşdiyi küçədə təhlükəsizlik qüvvələri barrikada quraraq izdihamın hərəkətinə imkan verməyib. Polis nümayişçilərin barrikadadan keçməsinə mane olduqda, etirazçılar təhlükəsizlik qüvvələrinə hücum ediblər. Zorakılıq və dağıdıcı hərəkətlərin olduğu nümayiş zamanı erməniəsilli şəxslər təhlükəsizlik qüvvələrinə daş, çubuq, şüşə butulka və tərkibində rəngli boyalar olan əşyalar atıblar.

Xankəndində və ətraf ərazilərdə tədricən və mərhələli şəkildə Azərbaycanın suveren hüquqları yenidən bərpa edilir. İnteqrasiya prosesində əsas işlərdən biri dövlət strukturlarının və qurumların Xankəndi şəhərində və ətraf ərazilərdə fəaliyyətə başlamasıdır. Bəs görəsən yaxın gələcəkdə həmin ərazilərdə idarətmə sistemi hansı qaydada aparılacaq və proses necə başlayacaq? Mövzu ilə bağlı politoloq Samir Hümmətov Referans.az-a danışıb. “Hələki mövcud vəziyyətdə Xankəndində Fövqəladə Hallar Nazirliyinin yanğından xilasetmə qrupları fəaliyyət göstərir. Eyni zamanda Azərbaycan Daxili İşlər Nazirliyinin polis əməkdaşları patrul xidməti həyata keçirir. Artıq bununla bağlı bəzi görüntülər də paylaşılmaqdadır. Görünən odur ki, Azərbaycanın dövlət strukturları yavaş-yavaş Xankəndinə və ətraf ərazilərə yerləşməyə başlayıb. Dünən qondarma rejimin başında duran şəxsin özlərini yanvarın 1-dən buraxacaqlarını elan etdilər. Əslində mən bu addımı ciddi qəbul etmirəm, çünki artıq uzun müddət idi ki, orada qondarma rejimdən çox cinayətkar xunta fəaliyyət göstərirdi. Düşünürəm ki, yaxın zamanlarda o da sıradan çıxarılacaq. Xankəndində yavaş-yavaş dövlət orqanlarının müvafiq strukturlarının təsis edilməsi prosesi başlayır. Hesab edirəm ki, öncə təhlükəsizlik orqanlarının fəaliyyəti formalaşdırılacaq. Bu gün üçün önəmli olan məsələ polis, FHN, DTX, səhiyyə orqanları və digər əsas strukturların fəaliyyətə başlamasıdır. Eyni zamanda digər orqan və strukturların da tədricən köçürülməsi işi həyata keçirilməlidir. Əlavə olaraq onu da qeyd edim ki, separatçı rejimin uzun müddət qala biləcəyini düşünmürəm və inanıram ki, Azərbaycan tərəfi yaxın zamanlarda Xankəndindən separatçı xuntanı çıxaracaq. Növbəti mərhələdə Qarabağda yaşayan erməni əsilli vətəndaşlara Azərbaycan pasportlarının verilməsi prosesi də başlaya bilər”.

Sumqayıtda partlayış olub. Sozcu.az xəbər verir ki, “Unikal”ın məlumatına görə, hadisə şəhərin 10-cu mikrorayon adlanan ərazisində yerləşən 27-ci binada baş verib. Qaz sızması nəticəsində meydana gələn partlayışda ölən və yaralananın olduğu bildirilir. Əraziyə yanğınsöndürən və təcili yardım cəlb olunub.

Ukrayna prezidenti Vladimir Zelenski Ukrayna ordusu və xalqı üçün sabah vacib xəbər açıqlayacağını elna edib. Sozcu.az xəbər verir ki, Ukrayna rəhbərinin bu barədə bəyanatında deyilir: “Bu həftə dövlətimizi və xalqımızı xeyli gücləndirdi. Sabah Ukrayna üçün – əsgərlərimiz və bütün dövlətimiz üçün vacib xəbər olacaq”, – deyə prezident əlavə edib. Volodimir Zelenski Ukraynanın qələbəsi üçün çalışan hər kəsə təşəkkürünü bildirib.

Rusiya prezidentinin mətbuat katibi Dmitri Peskov bildirib ki, Moskva "Rusiya sülhməramlı kontingentinin" Dağlıq Qarabağda qalma müddətinin uzadılmasının Bakı ilə müzakirəsini davam etdirəcək.  O, bunu belə əsaslandırıb ki, hələ Azərbaycanla Ermənistan arasında sülh müqaviləsi yoxdur, Moskva da bölgədəki kommunikasiyaların açılmasında maraqlıdır. "Məsələnin müzakirəsi əlbəttə çətindir, çünki söhbət Azərbaycanın ərazisindən gedir, amma Moskva Dağlıq Qarabağa köməyini davam etdirməkdə maraqlıdır. Həm də kommunikasiyaların açılması hər 3 ölkənin maraqlarına uyğundur", deyə Peskov bildirib.  Hansı "Dağlıq Qarabağa" və ümumiyyətlə "Dağlıq Qarabağ" dedikdə Rusiya hakimiyyətinin nəyi və kimi nəzərdə tutduğunu Peskov dəqiqləşdirməyib. Beləliklə, ən pis gözləntilər özünü doğrultmağa başlayır və bu, artıq hansısa siyasi ekspertlərin deyil, Rusiya prezidentinin mətbuat katibinin dilindən səsləndirilir. Bizim üçün ən pis gözlənti də Rusiyanın Qarabağın Dağlıq hissəsində hərbi bazasını yerləşdirmək istəyidir. Çünki bu, Azərbaycanın əbədi olaraq Rusiya diqtəsi altında qalması demək olardı. Odur ki, indi bütün gücümüzü Rusiya hərbi kontingentinin ən geci 2025-ci ildə Azərbaycan ərazisindən çıxarılmasına yönəltməliyik. Buna daha tez nail olmaq bizim üçün daha əlverişlidir. Ölkə ərazisində heç bir xarici dövlətin hərbi bazası və ya kontingenti olmamalıdır. Ona görə ki, bu, həm Azərbaycan Respublikasının qanunlarına ziddir, həm də ölkənin suverenliyinin məhdudlaşdırılması deməkdir. Ərəstun Oruclu, politoloq

“Artsaxın keçmiş xarici işlər naziri David Babayanın Şuşaya təslim olmaq üçün gedəcəyini yazdığı postundan 24 saat keçib, amma harada olduğu hələ də məlum deyil. Sonuncunun postu haqda bilənlər çaşqınlıq içindədir: “Davit Babayan təslim olacaq tip deyildi” və başqa versiyaları müzakirə edirlər”. Sozcu.az xəbər verir ki, bunu “İravunk” nəşri yazır. “Digər tərəfdən, qəribədir ki, indiyədək Azərbaycan mətubuatı susur və Babayanın Azərbaycana təslim olmasını təsdiqləyən heç nə yazmır. Amma Ruben Vardanyan məsələsində dərhal məlumat verildi. İndi isə sual yaranır: Davit Babayan haradadır və ona nə olub?”- deyə nəşr sual edir. Xatırladaq ki, dünən Azərbaycanın “qara siyahı”sında olan  həm də qondarma rejimin “prezidenti”nin eks-müşaviri David Babayan Xankəndindən Şuşaya getmək qərarını açıqlayıb. O, bu barədə "Facebook" səhifəsində yazıb. "Qərarım ilk növbədə yaxınlarıma böyük ağrı verəcək, amma əminəm ki, onlar başa düşəcəklər. Hamınız bilirsiniz ki, mən Azərbaycanın qara siyahısına düşmüşəm və Azərbaycan tərəfi müvafiq araşdırmalar üçün Bakıya gəlməyimi tələb edib", - deyə Babayan qeyd edib.

Sentyabrın 29-da Yevlax şəhərində Azərbaycanın Qarabağ bölgəsində yaşayan erməni sakinlərin nümayəndələri ilə növbəti görüş keçirilib. Sozcu.az xəbər verir ki, bu barədə Prezident Administrasiyasının məlumatında bildirilib. Görüşdə humanitar məsələlər, Qarabağın erməni sakinlərinin reinteqrasiyası və bu xüsusda, Azərbaycanın təqdim etdiyi reinteqrasiya planı ətraflı müzakirə olunub. Mülki şəxslərin sərbəst hərəkətinin təmin edilməsi, humanitar yardımların göndərilməsi, yanacaq, qida ehtiyaclarının qarşılanması yüksək qiymətləndirilib. Qarabağ iqtisadi rayonunda yaşayan erməni sakinlərin nümayəndələri Xankəndi şəhəri yaxınlığında baş vermiş yanğın zamanı Azərbaycanın müvafiq dövlət qurumlarının həyata keçirdiyi tədbirlərə, xüsusilə yanğının söndürülməsi, xəsarət alanlara ilkin tibbi yardımın göstərilməsi üçün zəruri tibbi ləvazimatların, dərman preparatlarının və təcili tibbi yardım avtomobillərinin əraziyə göndərilməsinə görə xüsusi minnətdarlıq ifadə ediblər. Xahiş olunub ki, Azərbaycanın müvafiq dövlət qurumları mobil rabitə xidmətinin, televiziya və radio yayımının təşkili istiqamətində tədbirlər görsünlər. Qarabağın erməni sakinləri ilə təmaslar üzrə müəyyən edilmiş məsul şəxs Ramin Məmmədov reinteqrasiya prosesi ilə bağlı prosedurlar və sosial xidmətlər zərfi haqqında məlumat verib. Bildirib ki, təsərrüfat, kommunal və digər bu kimi məsələlərin yerində həll edilməsi məqsədilə Qarabağ bölgəsində sosial, humanitar, iqtisadi və infrastruktur məsələləri üzrə yaradılmış İşçi qrupun üzvlərinin oktyabrın 2-də Xankəndi şəhərinə səfəri nəzərdə tutulub.

Erməni generallar söz vermişdilər ki, tankları ilə Bakıya gələcəklər. Kişi kimi verdikləri sözü tutdular.  İndi tankları Qənimətlər Parkındadı, özləri də DTX-nın 4-cü mərtəbəsindəki təcridxanada.  "Kişi"lər söz demişdilər, elədilər. Halaldı. İlkin Rüstəmzadə 

Ermənistan baş naziri Nikol Paşinyanın mətbuat katibi Mane Gevorkyan “Artsax” sözünün işlədilməsinə görə üzr istəyib. Sozcu.az xəbər verir ki, bu barədə erməni teleqram kanalları məlumat yayıb. Qeyd olunub ki, “Artsax” sözünü işlətməmək üçün dövlət qadağası var. Məlumata görə, bunun Azərbaycanın tələblərindən biri olduğu bildirilir.

Hazırda Xankəndidəki keçmiş qondarma qurumun “prezidenti” elan olunan Samvel Şahramanyan Azərbaycan tərəfi ilə separatçıların hərbi-siyasi rəhbərliyinin Qarabağı təhlükəsiz tərk etməsi məsələsi ilə bağlı danışıqlar aparır. “Azadlıq” radiosuna hökumətyönlü dairələrin bildirdiyinə görə, qondarma qurumun üç keçmiş rəhbəri - Bako Saakyan, Arkadi Qukasyan və Araik Arutyunyan, həmçinin keçmiş “xarici işlər naziri” David Babayan həbs olunmaq təhlükəsi altındadır. Bundan başqa, Reuters mənbələrinin məlumatına görə, Azərbaycanda müxtəlif ittihamlarla həbs etmək istədiyi iki yüzə yaxın erməninin siyahısı var. Adının çəkilməsini istəməyən qondarma qurum nümayəndəsi Azadlıq Radiosuna deyib ki, problemin amnistiya və ya başqa mexanizmlə həll ediləcəyi bəlli deyil.Musavat.com

Ermənistan vətəndaşı Davit Manukyan Qarabağda törətdiyi terrorçuluq cinayətlərinə görə həbs edilib. Sozcu.az xəbər verir ki, bu barədə Dövlət Təhlükəsizliyi Xidməti məlumat yayıb. Azərbaycan Respublikasının Rusiya sülhməramlılarının müvəqqəti dislokasiya olunduğu ərazilərində qanunsuz erməni silahlı birləşmələrinin törətdikləri və insanların həlak olması ilə nəticələnmiş çoxsaylı terror aktları ilə əlaqədar Dövlət Təhlükəsizliyi Xidmətində ibtidai istintaq davam etdirilir. Məlumata görə, əldə olunmuş sübutlar əsasında, Ermənistan Respublikasının vətəndaşı, 1971-ci il təvəllüdlü Manukyan Davit Azati tərəfindən Azərbaycan Respublikası Cinayət Məcəlləsinin 214.2.1, 214.2.2, 214.2.3 (mütəşəkkil dəstə tərəfindən təkrar terrorçuluq), 228.3 (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, saxlama və daşıma), 279.3 (qanunvericiliklə nəzərdə tutulmayan silahlı birləşmələr və qruplar yaratma) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələrində ehtiva olunan cinayət əməllərinin törədilməsinə əsaslı şübhələr müəyyən edilib. İttihama əsasən, 10 noyabr 2020-ci il tarixli Üçtərəfli bəyanatda erməni silahlı qüvvələrinin Azərbaycan Respublikasının ərazisindən çıxarılmasının nəzərdə tutulmasına baxmayaraq, Ermənistan Respublikasında anadan olmuş və orada qeydiyyatda olan, həmin ölkənin vətəndaşı, Ermənistan Respublikasının silahlı qüvvələrinin hərbi qulluqçusu, general-mayor ali hərbi rütbəsində xidmət edən Davit Manukyan ötən müddət ərzində Azərbaycan Respublikasının Qarabağ ərazisində cinayət əməllərini davam etdirərək qondarma “Dağlıq Qarabağ Respublikasının Müdafiə Ordusu komandanının birinci müavini” adı altında Azərbaycan Respublikasının ərazisində qanunsuz mütəşəkkil silahlı birləşmələrin fəaliyyətinin təşkilində və idarə edilməsində, silah-sursat, partlayıcı maddə və qurğularla təchiz edilməsində iştirak etmişdir. Eyni zamanda o, həmin terrorçu dəstələr vasitəsilə Azərbaycanda ictimai təhlükəsizliyi pozmaq, əhali arasında vahimə yaratmaq, dövlət hakimiyyət orqanları və beynəlxalq təşkilatlar tərəfindən qərar qəbul edilməsinə təsir göstərmək məqsədilə insanların həlak olması, onların sağlamlığına, əmlakına ziyan vurulması və ya başqa ictimai təhlükəli nəticələrin baş verməsi təhlükəsi yaradan partlayış, yanğın və ya digər hərəkətlərlə müşayiət olunan terror aktlarının törədilməsinin təşkilində iştirak etmişdir. Davit Manukyan 27 sentyabr 2023-cü il tarixində saxlanılaraq təqsirləndirilən şəxs qismində cinayət məsuliyyətinə cəlb edilib, məhkəmənin qərarı ilə barəsində həbs qətimkan tədbiri seçilmişdir. Hazırda cinayət işi üzrə istintaq-əməliyyat tədbirləri davam etdirilir.

"Artsax"ın ləğvi barədə "prezident"in fərmanı qanunsuzdur". Musavat.com erməni mediasına istinadən xəbər verir ki, bunu özünü buraxmış qondarma "Artsaxın keçmiş dövlət naziri" Artak Beqlaryan teleqramda yazıb. Onun sözlərinə görə, heç bir "prezident"in "respublika"nı buraxmaq hüququ yoxdur: "Bu sərəncam Azərbaycanın təhdidi nəticəsində imzalanıb". Qeyd edək ki, sentyabrın 28-i Azərbaycanın Qarabağ bölgəsindəki qanunsuz rejim özünü buraxdığını elan edib. Bununla bağlı separatçıların rəhbəri Samvel Şahramanyan qondarma "Dağlıq Qarabağ Respublikası"nın mövcudluğuna xitam verilməsi haqqında "qərar" imzalayıb.

Bütün keçmiş məcburi köçkünlər səbirsizliklə gözləyirdilər ki, torpaqlar azad edilsin və onlar qayıtmaq imkanına malik olsunlar. Onlar Ermənistan tərəfindən 30 il ərzində bu imkandan məhrum edilmişdilər. Ancaq üç il bundan əvvəl biz işğala son qoyduq. Sozcu.az xəbər verir ki, bu sözləri Azərbaycan Prezidenti İlham Əliyev sentyabrın 29-da Zəngilanda keçirilən “Davamlı şəhərlər iqtisadi inkişafın hərəkətverici və bərabərsizliklərlə mübarizə aparan qüvvəsi kimi” mövzusunda 2-ci Milli Şəhərsalma Forumunun açılış mərasimində çıxışı zamanı söyləyib. Zəngilanın Baş planının artıq təsdiq edildiyini bildirən dövlətimizin başçısı deyib ki, burada infrastruktura böyük vəsait ayrılıb, bir neçə yaşayış layihəsi icra olunmaqdadır. “2025-ci ildə, ola bilər bir az da tez Zəngilan şəhərinin ilk sakinləri qayıdacaqlar”, - deyə Azərbaycan Prezidenti vurğulayıb.

Bildiyimiz kimi üç Qafqaz ölkəsinin yaranması İ Dünya savaşının nəticələri əsasında ciddi ərazi mübahisələri ilə müşaiyət olunmuş və sonralar Gürcüstanla bu mübahisələr yoluna qoyulsa da, Qarabağla bağlı mübahisə sovetlərin dağılması ilə məlum mərhələyə gəlib çıxmışdır. Bu baxımdan Paşinyanın Azərbaycanın ərazi bütövlüyünü tanıması və Qarabağ Azərbaycanın tərkib hissəsidir deməsi Qarabağ uğrunda erməni hərəkatının 100 ildən çox çəkən mübarizəsinə də qoyulan son nöqtə idi. Paşinyan,35 illik Qarabağ məcarasının Ermənistanın suveren və müstəqil dövlət kimi hərəkət etməsi və ya formalaşması üçün ən böyük maneə olduğunu anlamış, Ermənistanın müstəqil dövlət olmadığını və suverenliyinin başqa mərkəzlərdə olduğunu etiraf etmişdir və nəticədə, bu avantüradan birdəfələik qurtulmaq yolunu tutmuşdur. Paşinyan, ərazi iddiasi ilə yaşayan Ermənistanın nə təhlükəsizlik,nə də iqtisadi inkişaf əldə edəcəyinin mümkün olmayacağını etiraf etmişdir.. Yenidən silahlanmanın və ya geosiyasi durumdan yararlanaraq xarici köməyə arxalanmanın kiçik dövlətlər üçün təhlükəsizliyə yox,daimi təhlükəyə aparacağnı anlamışdır. O, Azərbaycan və Türkiyə ilə normal münasibətlər qurulmasını Ermənistanın təhlükəsizliyi üçün mühum amil olduğunu bəyan etmişdir. Təbii ki, bütün bu köklü dəyişiklikləri və Paşinyanın strateji seçimini sürətləndirən aparıcı amil 44 günlük savaş və savaşdan sonrakı dövrdə Azərbaycan ordusunun strateji nöqtələri nəzarətə götürməsi və Ermənistanın Rusiyadan gözlədiyi dəstəyi almaması ilə bağlı olmuşdur. Hadisələrin bu cür gedişi Paşinyana da fayda gətirmiş və Rusiyadan qurtulmaq istəyində olan Ermənistana Rusiya qarşısında arqumentli hərəkət etməyə imkan vermişdir.  Paşinyanın ABŞ və İngiltərənin kəşfiyyat liderlərini Yerevana dəvət etməsi və Türkiyə və Erdoğan ilə münasibətlərin qurulması strateji seçimin onlara bəyan edilməsi idi. Bu dövrə qədər, 44 günlük savaşdan sonra da Paşinyanın özünün səsləndirdiyi “DQ-ın statusunun dəqiqləşdirilməsi”, “milli müqəddaratının təmin edilməsi”, “xilas naminə ayrılma”  tezısləri, ATƏT Minsk grupu həmsədrlərinin, müharibədən əvvəlki 3 prinsip və 6 elementlərini hər imkanda xatırlatması,eynilə hər gün ABŞ –ın Ermənistandakı səfirinin bögələrdə və TV-lərdə “DQ-ın statusu hələ müəyyən edilməyib, münaqişə hələ  bitməyib” bəyənatları, Fransa Senatı və Parlamentinin DQ-ı tanımaq qərarları, Rusiyanın isə “statusu soznatelno sonraya saxlamışıq” bəyənatları Paşinyanın strateji seçimi ilə tarixin zibilliyinə atıldı.  2022 –ci il Oktyabrında Praqada və sonra Soçidə razılaşdırılan Bəyannamə sonralar hər iki ölkənin ərazisini konkretləşdirən rəqəmlərlə ifadə edilmiş və Paşinyan Qarabağın Azərbaycanın tərkib hissəsi olduğunu bəyan etmişdir.  Paşinyanın bu bəyənatları sülh müqaviləsinə gətirməsə də, Azərbaycanı bölmək istəyən və asılı vəziyyətdə saxlamağa calışan ölkələr tərəfindən də sürpriz kimi qarşılanmış və onlar da artıq yeni reallığa uyğun hərəkət etməyə məcbur olmuşlar. Paşinyanın Azərbaycanın suverenliyini tanıması, Azərbaycanın suverenlyinə və ərazi bütövlüyünə qarşı yönəlmiş xarici təzyiq və təsirləri minimuma endirmiş  və ölkəmizin daha da əminlikıə hərəkət etməsinə imkan yaratmışdır.  Paşinyanın Qarabağ Azərbaycandır deməsinə açıq şəkildə hiddətlə yanaşan yəqin ki Rusiyadan başqa bir dövlətə rast gəlinməmişdir. Belə çıxdı ki, Paşinyan Qarabağ Azərbaycandır deməklə Rusiyanın bütün planlarını pozmuşdur.  2020-ci ilin Noyabr və Dekabr aylarında Qarabağ Azerbaycanın ayrılmaz hissəsidir deyən Putin, Paşinyanın Azərbaycanın sovet sərhədlərində tanımasını qəzəblə qarşılayır və əvəzində  müharibədən əvvəl gedən “sülh prosesində” onun, Kəlbəcər və Laçın qarışıq,Qarabağın Ermənistan yursdiksiyasında olacağı planlarını müzakirə etdiyini deyirr...  Digər tərəfdən, Lavrov biz yox,  Praqa bəyannaməsini imzalamaqla Paşinyan Qarabağı Azərbaycana verdi, Rusiyanın bölgədəki missiyasını,sülhməramlı qüvvələri qeyri-müəyyənliyə gətirdi....deyir.. Son bəyənatla da Rusiya bütün bunları bir daha təkrarladı....statusu gələcək nəsillər həll edəcəkmiş və o zamana qədər də Qarabağ Rusiyanın məsuliyyət zonası olacaqmış....   Bütün bunları analiz etdiyimiz zaman ortaya haqlı bir sual çıxır. Bizim Ermənistanla davamlı sülh yaratmaq üçün müttəfiqimiz kimdir?. ABŞ, Fransa, AB yoxsa Rusiya? Azərbaycanın ərazi bütövlüyünü və suverenliyini tanıyan Paşinyan, yoxsa bunu etdiyinə görə onu qınayan Putin Rusiyası?  Əlbəttə, bu gün Azərbaycanın sülh tərəfdaşı sözsüz ki, Nikol Paşinyandır.  Təbii ki, Paşinyanın da hansı düşüncələrin hakim olduğu Ermənistanı təmsil etdiyini bilirik. Amma əsas məsələ onun tutduğu yoldur. Bizim məqsədimiz Azərbaycanın suverenliyini və təhlükəsiziyini təmin edən davamlı sülhü təmin etməkdir. Bu yolda o bizimlə birgə hərəkət edirsə, demək biz də onun hərəkəti üçün münbit şərait yaratmalıyıq. Diplomatiya heç də nə ağ və nə də qara rəngdə olur. Əgər kənardan baxsaq, onun özü də bu istiqamətdə gələcəyə yönəlimiş cəsur addımlar atır. Son anti-terror əməliyyatı zamanı Paşinyanın göstərdiyi baxış gələcəyə yönəlmiş və iki ölkə arasında barışa söykənmiş yanaşma idi. Onun başqa cür hərəkət etməsi, nəticəsindən asılı olmayaraq daha da düşmənçilyə aparan və xoş mərama yol qoymayan və Ermənistan üçün alçaldıçı sülhə gətirən addım olardı. Paşinyanın tutduğu məsuliyyətli mövqe Azərbaycanla ikili münasibətlərin ilkin təməlinə qatqı oldu. Rusiya XİN –nin son bəyənatı Paşinyanın bu cür mövqeyinə də faktiki etiraz edir... Bu baxımdan biz hər alanda qarşıdurma yox, incə diplomatiya yürütməmiz lazım. Azərbaycanda Paşinyanı linç edən telegram kanalları, saytlar, qəzetlər və TV- lərdən başa düşülən odur ki, hamı Paşinyanın şeytan imicini yaradaraq onun getməsini, uğursuzluğa məruz qalmasını istəyir. Onu linc etməklə ixtisaslaşan xüsusi jurnalistlər təbəqəsi yaranmışdır. Hər gün eyni istiqamətdə bu kampaniya gedir. Heç işğal dönəmində bu cür halla rastlaşmırdıq. Bu cür yanaşma Azərbaycana nə verəcək və bizim maraqlarımıza nə qədər uyğundur? Aparılan  kampaniya hansı rasional yanaşmaya xidmət edir?. Tamam, o zaman sabah Paşinyan devrilerek getdi. Yerinə təbii ki, onu devirenlerden biri gələcək.  Onun yerinə gələn Qarabağ Azərbaycandır deyəcəkmi?. Yox, deməyəcək. Sahədə vəziyyəti də dəyişə bilməyəcək, amma yeni vəziyyət heç də Azərbaycanın maraqlarına uyğun olmayacaq. Və pusquda duran beynəlxalq qüvvələr və Rusiya müdaxilə üçün yeni variantlar ortaya qoyacaq.     Azərbaycan artıq Qarabağda suverenliyini təmin etmək üçün tələb olunan bütün addımları atmışdır. İndi biz qalibik, biz dəfələrlə üstünük. Və həm gücümüzlə və həm də intellektual yanaşma və baxışımızla, sözdə və əməldə sülh dili və sülh mədəniyyəti ilə hərəkət etsək, müharibədə qalib gəldiyimiz kimi sülhə də nail olacağıq. Belə olursa, bizə qarşı yönəlmiş çox sayda maneələri və bizə qarşı yaradılmış beynəlxalq ön yarğıları tezliklə aşacağıq.  Önümüzdə bu məsələnin sülh müstəvisinə keçirilməsi və yerli erməni əhalisinə təhlükəsiz yaşaması üçün şəraitilərin yaradılması artıq Azərbaycan dövlətinin Konstitusiya məsuliyyətidir. Artıq düşmənçilik yox, münasibətlərin qurulması və inam yaradılması önə çıxmalı və Azərbaycanın dövlət orqanları yerli erməni əhalisinə həssas yanaşmalıdır. Azərbaycan dövləti öz suverenliyini şərəflə bərpa etdiyi kimi, öz erməni vətəndaşlarına da sahib çıxmalıdır. Bu cür olursa, Azərbaycan dövləti nihayi halda daha da gücü olacaq.  Digər tərəfdən, indiki halda evakuasiya olunan erməni kəndlərindəki evlərin və mülkiyyətin qorunması təhlükəsizlik qüvvələrinin 1 nömrəli vəzifəsi olmalıdır. Hər hansı dağıntı və talanın qarşısı alınmalıdır. Bunu törədənlər sərt cəzalandırılmalıdır. Mən erməni mülki vətəndaşların öz evlərini,bağ və bostanlarını qoyub getməsinin əlbəttə əleyhinəyəm. Bunu həyatı dağılmış, ürəyi dağlanmış və 30 ildir evinə gedə bilməyən bir qaçqın kimi deyirəmsə, demək ki,insanlıq bunu deyir. Onlar indi panikaya qatılıb öz evlərini tərk etsə də, qısa müddətdən sonra ayaqyalın öz evlərinə dönməyə çalışacaqlar Həyatı dağılmış süni həyat sürən birisi olaraq, bu cür talehi heç kimə arzu etmirəm. Biz yüz minlərlə insanımıza fəlakət gətirən və vətənimizi xarabaya çevirən zəhərli erməni nasist düşüncəsini oğullarımızı qurban verərək məhv etmişiksə, o zaman azad etdiyimiz bu torpaqlarda yaşayan ermənilərə insanlığı və hansı insani təfəkkürə sahib olduğumuzu nümayiş etdirməliyik.moderator) Elxan Mehdiyev Tədqiqatçı-alim

Son günlər Qarabağın dağlıq hissəsində baş verən hadisələri separatçılar üçün "sonun başlanğıcı" olaraq qiymətləndirmək olar. Azərbaycanın “qalın, getməyin” təkliflərinə baxmayaraq, separatçılar tərəfindən bölgədən göndərilən sıravi ermənilərin Ermənistana qaçması isə görünür başda Rusiya sülhməramlıları olmaqla, bir çox qüvvələrin maraq dairəsindədir.  Hadisələrin bir-birinin ardınca baş verməsi, eləcə də separatçılar üçün halqanın daralması onlara görə ölümə bərabər bir situasiyadır desək, yanılmarıq. Son bir həftə ərzində baş verən olayların xronoloji ardıcıllığı isə onu deməyə əsas verir ki, 30 ildən çoxdur Qarabağda yuva salmış, indi isə qapana qısılan separatçıları nə Ermənistan, nə də digər ölkələr qəbul etmək niyyətində deyil.  Azərbaycanın 19-20 sentyabrda antiterror əməliyyatlarına start verməsindən sonra qondarma “Artsax Müdafiə Ordusu”nun ağ bayraq qaldıraraq özünü buraxması, əslində, separatçı xunta üçün kəndirin nazildiyi yerdən qopması anlamına gəlir. Elə daha sonra baş verənlər də fəlakətin onlar üçün hələ qabaqda olması anlamı daşıyırdı. Qondarma rejimin sabiq “dövlət naziri” Ruben Vardanyanın Dövlət Sərhəd Xidmətinin (DSX) əməkdaşları tərəfindən həbsi, Xocalı qatili Vitali Balasanyanın Əsgərandakı evində sonunu gözləməsi, qondarma rejimin yeni “seçilən” “prezident”i Samvel Şahramanyanın tanınmamış “DQR”in buraxılması üçün imzaladığı “fərman”, Azərbaycan xüsusi-xidmət orqanlarının və silahlı qüvvələrin Ağdərə, Xocavənd və Xankəndiyə girməsi və digər amillər buna sübut ola bilər.  İndiki mərhələdə Qarabağdan könüllü surətdə Ermənistana gedən ermənilərinİrəvanda bomba effekti yaratması təhlükəsi var. Bir çox analitiklər düşünür ki, Qarabağı tərk edən ermənilər İkinci Qarabağ müharibəsindən sonra Ermənistan hakimiyyətinə xüsusi nifrəti ilə seçilən şəxslərdir və onların Paşinyan hakimiyyətinə qarşı baş verə biləcək hər hansı bir etiraz aksiyalarında maşa rolu oynaması istisna deyil. Doğrudur, qondarma rejimin sabiq “müdafiə naziri” Samvel Babayan başda olmaqla, bir çox separatçı komandirlər, habelə “Qarabağ klanı”nın bəzi üzvləri Ermənistana qaçsa da, Paşinyanın “qara siyahı”sında olan bir neçə separatçı xunta üzvü də var ki, onlar üçün Ermənistana getmək Qarabağda qalmaqdan daha təhlükəlidir.  Qeyd edək ki, ötən gün Ermənistanın “Hraparak” nəşri də separatçı liderlərin Qarabağda olması ilə bağlı bir məqalə paylaşmışdı. Nəşr yazırdı ki, hazırda separatçı rejimə məxsus bir çox “komandirlər”, “eks-prezidentlər” və tanınmamış “DQR”də fəaliyyət göstərən bəzi “qurumlar”ın nümayəndələri bu günə qədər Xankəndini tərk etməyib. Bildirilib ki, Araik Arutyunyan, Arkadi Qukasyan, Bako Saakyan və digər separatçı “rəhbərlər” hələlik Xankəndidədir və onların bölgədən çıxması mümkünsüzdür. Ermənilərin Qarabağı tərk etməsi fonunda bir çox erməni konfliktoloq və siyasilər isə rəsmi İrəvanın Qarabağ separatçılarına dəstək çıxmamaqda, habelə onların Ermənistana gəlməsində maneələr törətməkdə ittiham edirlər. İddialara görə, Nikol Paşinyan hakimiyyəti başda Araik olmaqla digər bölücü “siyasilər”in Ermənistana ayaq basacağı təqdirdə onların Azərbaycana ekstradisiya ediləcəyini bildirib. Məhz buna görə də Araik və ətrafı hazırda Xankəndidə gözləmə mövqeyindədir və ola bilsin ki, Azərbaycan DTX-si onun qapısını yaxın günlərdə çalsın. yenisabah)

Azərbaycanın Qarabağ bölgəsində, Xankəndi yaxınlığında yanacaqdoldurma məntəqəsində baş verən partlayış nəticəsində ölən 170 nəfərin meyitinin qalıqları aşkarlanıb. Sozcu.az xəbər verir ki, bu barədə erməni mediası məlumat yayıb. Bildirilib ki, ərazidə aşkarlanan şəxsi əşyalar və meyitlərin qalıqlarına əsasən məhkəmə tibbi ekspertiza 170 nəfərin öldüyünü təsdiqləyib. Meyitlərin qalıqları və şəxsi əşyalar DNT analizlərinin aparılması üçün Ermənistana təqdim ediləcək. Qeyd edək ki, Xankəndi yaxınlığında yanacaqdoldurma məntəqəsində sentyabrın 25-də partlayış olub.

Qarabağdakı separatçı rejimin özünü rəsmi olaraq buraxmasından sonra müzakirə olunan məsələlərdən biri də “prosesin niyə 2024-cü ilin 1 yanvar tarixinə” qədər davam etməsi, yaxud “niyə indi tam ləğv edilməməsi” ilə bağlıdır. Sozcu.az Publika.az-a istinadən xəbər verir ki, bu məsələlər həm Ermənistanda, həm Azərbaycanda müzakirə olunur. Ermənistanda müxtəlif iddialar irəli sürülür. İddia olunur ki, Paşinyan hakimiyyəti separatçılardan belə istəyib və 1 yanvarı - Yeni il bayramını ermənilər üçün “yasa” çevirməyi planlaşdırırlar. Azərbaycanda isə belə iddialar irəli sürülür ki, qarşıdakı 3 ay ərzində vəziyyət dəyişə və separatçılar yenidən dirçələ bilərlər. 3 aylıq vaxt məsələsi də Rusiyanın planıdır. Bu iddiaların inandırıcılığı yoxdur. Təbii ki, Ermənistanda kimlərin hansı iddia irəli sürdüyü, nələr uydurduğu bizim üçün maraqlı deyil. Azərbaycanda irəli sürülən iddialar isə reallığa uyğun gəlmir və mövcud reallıqları nəzərə alnmadan irəli sürülən iddialar absurd görünür. Birincisi, qarşıdakı üç ay ərzində Qarabağda separatçıların dirçəlməsi üçün hərbi, siyasi, iqtisadi imkanları praktiki olaraq yoxdur; İkincisi, nəinki Rusiya, istənilən güc bu vəziyyəti dəyişdirə bilməz. Özünü buraxan separatçılara 3 ay – 1 yanvar 2024-cü il tarixinə qədər vaxtın verilməsinin yeganə səbəbi təhvil-təslim prosesinin həyata keçirilməsidir. Azərbaycan bunu 24 saat ərzində də edə bilər, lakin belə bir addım erməni əhalisinin reinteqrasiyası prosesində problemlər yarada bilər, o baxımdan, Xankəndində mərkəzi hakimiyyətin bərpası mərhələ-mərhələ həyata keçiriləcək. Və bayrağımızın ən gec 3 ay sonra Xankəndində dalğlanacağı şübhəsizdir.

Azərbaycan Ordusu Xankəndi şəhərinə daxil olub. Sozcu.az xəbər verir ki, ordumuzun şəhər küçələrində olmasını əks etdirən görüntülər yayılıb.

“Yaxşı olar ki, müşahidə missiyası qanunsuz erməni silahlı qüvvələrinin tərksilah edilməsini müşahidə edəydi, çünki sonuncu əməliyyatın baş vermə səbəbi onlarla bağlı olub...” “Hesab edirəm ki, Azərbaycan DSX Azərbaycanı tərk edən ermənilərin sayı haqqında həqiqəti əks etdirən rəqəmləri sonda deyil, bu günlərdə açıqlayacaq...” “Azərbaycan Respublikası Əmlak Komitəsinin tezliklə Xankəndidə fəaliyyətə başlayıb yerli əhalinin əmlaklarını qeydiyyata alması ilk addımlardan olmalıdır...” “Mən təsdiq edərdim ki, bütövlükdə Dağlıq Qarabağa münasibətdə biz atəşkəsin qorunmasını, humanitar ehtiyacların ödənilməsini, həmçinin şəffaflığı təmin edəcək və Dağlıq Qarabağın sakinlərinə inam yaradacaq müstəqil beynəlxalq missiyanın tezliklə yaradılmasını vacib hesab edirik. Mövcud vəziyyət üzərində işləmək bizim üçün prioritet məsələdir.” Bu sözlər ABŞ Dövlət Departamenti mətbuat xidmətinin rəhbəri Metyu Millerə məxsusdur. Miller onu da əlavə edib ki, bu təklifi xarici müttəfiqləri və tərəfdaşları ilə müzakirə edirlər. Qeyd edək ki, ABŞ Dövlət katibi Entoni Blinken Azərbaycan Prezidenti  İlham Əliyevlə telefon danışığında beynəlxalq müşahidə missiyasının Qarabağda fəaliyyət göstərməsinə şərait yaradılması məsələsini xahiş etmişdi. ABŞ və onun müttəfiqlərinin müşahidə missiyasında israrlı görünməsinin əsasında nə dayanır? Kosovo variantımı? Kosovonu tərk edənləri də Qərb beynəlxalq təminat adı ilə geri qaytarıb Kosovonu müstəqil dövlət kimi  tanıdı. Qarabağdakı mövcud vəziyyət Kosovo ilə eyni olmasa da, Qərbin müşahidə missiyasının xoşməramlı olması şübhəlidir. Azərbaycan Bakıda fəaliyyət göstərən BMT nümayəndəliyinin rezident-kordinatorunun müşahidə missiyasını həyata keçirməsinə etiraz etmədiyini bildirib, amma görünür bu format ABŞ-ı qane etmir və daha geniş heyətlə fəaliyyətə başlamağı planlaşdırır. Əgər Azərbaycan dövlət strukturları hələ Xankəndidə və Rusiya sülhməramlılarının hələlik nəzarət etdikləri digər ərazilərdə fəaliyyətə başlamayıblarsa, müşahidə missiyası nəyi müşahidə etmək istəyir? 24 saatlıq lokal əməliyyat bitib, tərksilah prosesi gedir, erməni əhalisinin nümayəndələri ilə humanitar və digər məsələlərlə əlaqədar görüşlər keçirilir, separatçı rejim özünü buraxdığını elan edib. Qarabağ ermənilərini köçməyə biz deyil, məhz erməni “başbilənlər” özləri məcbur edir ki, Azərbaycanı yalançı “etnik təmizləmə”də ittiham edib beynəlxalq məhkəməyə versinlər və sairə. Azərbaycan dövlət strukturlarının Xankəndi və ətrafında fəaliyyəti isə hələlik rəsmən mövcud deyil. Kənardan humanitar yardım müxtəlif qurumların simasında davam edir. Yaxşı olar ki, müşahidə missiyası qanunsuz erməni silahlı qüvvələrinin tərksilah edilməsini müşahidə edəydi, çünki sonuncu əməliyyatın baş vermə səbəbi onlarla bağlı olub...  Bu, məsələnin bir tərəfidir. Azərbaycan qərəzsiz müşahidə missiyasından çəkinmir, əksinə onların obyektiv mövqe tutmaqla ermənilərə göstərdiyi humanitar yardımlara, perspektivdə isə tam təhlükəsizliklərinin təmin edildiyinə, hüquqlarının qorunmasına şahidlik etməsini istəyir. Təəssüf ki, Samanta Pauer Gorusda müsahibə verərkən Azərbaycanı ittiham edəcək sübutlar axtardığını və perspektivdə ABŞ Prezidenti Baydenə məruzə edib hansı qərarların qəbul ediləcəyindən danışır. Hər zaman olduğu kimi indi də Qərb mediası “etnik təmizləmə”dən danışır, Ermənistan ərazisinə daxil olmuş Qarabağ ermənilərindən müsahibə alıb,  onların yalanlarını tirajlayırlar. Biz Qərbin bu ikili standartlarına adət etmişik, bizim üçün yenilik deyil... Azərbaycan üçün ilin sonunadək həqiqətən fürsət zamanıdır. Üç ay ərzində Azərbaycan Qarabağın erməni əhalisinə humanitar yardımlarını genişləndirməli və sosial proqramlarını elan edib, həm də Azərbaycan Konstitusiyası çərçivəsində hüquqlarınının qorunduğunu praktiki şəkildə həyata keçirməlidir. Azərbaycan Respublikası Əmlak Komitəsinin tezliklə Xankəndidə fəaliyyətə başlayıb yerli əhalinin əmlaklarını qeydiyyata alması ilk addımlardan olmalıdır. Açığını deyək ki, hazırda erməniləri daha çox əmlakları, evləri, bir sözlə şəxsi mülkiyyətləri düşündürür. Sabah bir erməninin əmlakına qanuni sahib olduğu və onu satdığı nümunə olaraq çox tərəddüdləri aradan qaldıracaq. Biz bunu zamanında -Birinci Qarabağ müharibəsində də görmüşük və ermənilər mülkiyyətləri ilə bağlı özlərinin qərar verdiyini biləndə situasiya tamam dəyişəcək, o zaman yalançı “etnik təmizləmə” keçməyəcək...  Odur ki, beynəlxalq müşahidə missiyası bizim üçün problem yarada bilməz. Əlbəttə, missiyanın azsaylı tərkibi və fəaliyyət müddəti Azərbaycanla razılaşdırılmalı və heç bir hərbi strukturun daxil olmasına imkan verməməliyik. Qeyd edək ki, Rusiya hərbi kontingenti də Qarabağda qaldığı müddətdə oraya başqa ölkənin hərbi heyətinin daxil olmasına etiraz edəcək. Beynəlxalq müşahidə missiyasının yekun rəyinin bizim üçün müsbət və ya mənfi məzmun daşımasından asılı olmayaraq  nə siyasi, nə də hüquqi xarakteri yoxdur. Azərbaycanı tərk edən ermənilərin sayı haqqında Ermənistan tərəfdən verilən rəqəmlər inandırıcı deyil və Azərbaycana qarşı növbəti və bəlkə də sonuncu “arqumentdi”.  Hesab edirəm ki, Azərbaycan DSX sonda deyil, bu günlərdə həqiqəti əks etdirən rəqəmləri açıqlayacaq.  Ermənilər hazırda özlərindən başqa bütün dünyanı günahkar hesab edirlər, sanki bəşəriyyətin problemi daşnakların iddialarını təmin etmək olmalıymış. Bu iddiaları ilə dünya ölkələrini də bezdirdiklərinin fərqində deyildilər. Odur ki, yekun mərhələyə daxil olan Qarabağ məsələsi yalnız Azərbaycanı deyil, dünyanı da rahatlatdı. Müşahidə missiyaları, hansısa bəyanatlar erməni gözündən pərdə asmaq üçündür, sadəcə, bu pərdə arxasından onların bir daha Azərbaycan torpaqlarına baxa bilməsinə imkan verilməməlidir...moderator İlham İsmayıl

Azərbaycan yaxın günlərdə BMT missiyasını Qarabağa buraxmaq niyyətindədir. Sozcu.az xəbər verir ki, bu fikirləri Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev “CBC Nyus”a müsahibəsində deyib. O bildirib ki, Azərbaycan Qarabağın erməni sakinlərinin ərazidə qalmağını istəyir: "Azərbaycanın onları təhlükəsiz və daha yaxşı yaşayış şəraiti ilə təmin etmək istiqamətində hərtərəfli planı var. Ancaq istəyəcəkləri təqdirdə ərazini tərk etməkdə də sərbəstdirlər. Azərbaycanın Qarabağdakı erməni sakinləri oranı tərk etməyə məcbur etmək kimi bir planı olmayıb və hazırda da yoxdur. Əksinə, Azərbaycan Qarabağda qaldıqları təqdirdə onların təhlükəsizliyə tam zəmanət verdiyini bildirib. Biz onların qalmağını istərdik. Azərbaycan onlara təhlükəsizliklərinin təmin ediləcəyi ilə bağlı çağırışlara davam edir. Amma biz ermənilərin hərəkət sərbəstliyini də dayandıra bilmərik. Bu, ərazidəki hər kəsin suveren və şəxsi seçimidir”. H.Hacıyev Ermənistanın Baş naziri Nikol Paşinyanın qondarma məsələ ilə bağlı bəyanatını şərh edərkən “etnik təmizləmə” ifadəsi istifadə etməsi ittihamını “təhqir” adlandırıb: “Təəssüf ki, dezinformasiya elementlərinin çox olduğunu görürük. Azərbaycan heç vaxt etnik təmizləmə həyata keçirməyib və keçirməz, ərazidə mülki insanlara qarşı güc tətbiq etmək kimi bir vəziyyət yoxdur”. Prezidentin höməkçisi bildirib ki, Azərbaycan hökuməti avtomobili olmayan erməni sakinlərin kömək istəməsindən sonra Xankəndiyə avtobuslar göndərib: “Lakin insanlar avtobuslara minməyə məcbur edilmirlər. Azərbaycan əlindən gələni edəcək və elə bir yol təşkil edəcək ki, mülki insanlar təhlükəsiz şəkildə seçdikləri istiqamətə gedə bilsinlər”. H.Hacıyev vurğulayıb ki, Azərbaycan bir neçə gün ərzində BMT-nin beynəlxalq ekspert qrupunu mediaya çıxış potensialı ilə birlikdə əraziyə buraxmaq niyyətindədir.

Rusiya qüvvələri son sutkada Ukrayna ərazisində daha 340 hərbçisini itirib.  Sozcu.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.  Bildirilib ki, bununla da Rusiya tərəfinin müharibə başlayandan bəri ümumi itkilərinin sayı 277 660 nəfərə çatıb.  Həmçinin son sutka ərzində Rusiyaya məxsus 8 tank, 10 zirehli döyüş maşını, 34 artilleriya sistemi Ukrayna ordusu tərəfindən sıradan çıxarılıb.  Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. 

Azərbaycan hərbçilərinin Xocavənd rayonunun mərkəzində olduğunu təsdiqləyən videogörüntülər yayılıb. Sozcu.az xəbər verir ki, sosial şəbəkələrdə paylaşılan videolarda erməni sakinlərin Xocavənd şəhərini tamamilə boşaltdığı görünür.

Qənirə Paşayevanın ölümü müəmmalıdır. Burada kriminal səbəb araşdırılmalıdı. Sozcu.az Medicina.az-a istinadla xəbər verir ki, bu sensasion açıqlama ilə tanınmış həkim, Akademik Zərifə Əliyeva adına Milli Oftalmologiya Mərkəzində Anesteziologiya, Reanimasiya, İntensiv terapiya şöbəsinin müdiri Şahin Məmmədov çıxış edib. Onun fikrini belə izah edib: “Xəbərlərdə oxuduğuma görə klinikaya daxil olarkən onda həm hipotenziya, həm bradikardiya var imiş. Bu arıqlatma dərmanları ilə əlaqəli ola bilməz. Əgər arıqlatma dərmanları ilə əlaqəli hipovolemik şok olsaydı, hipotenziya taxikardiya ilə birlikdə olardı və həkimlər tərəfindən tez bir zamanda, asanlıqla itirilən maye bərpa olunardı. Və ya arıqlatma dərmanlarının yan təsiri - hipoglikemik koma yaransa, hansı ki, bu praktik olaraq real deyil, və + MKX kimi yerdə hipoglikemiyadan ölüm mümkün deyildi. Xəbərlərdə yazılan kimi, Qənirə xanım klinikaya gətiriləndə əgər vital göstəricilər o cür idisə, daha çox betta blokator, kalsium kanal blokatorları, ürək glikozidlərinin yüksək dozası və ya bu dərmanlar kimi effekt verə bilən toksik maddə ilə zəhərlənmə əlamətlərinə uyğun gəlirdi”. Qeyd edək ki, naməlum mənşəli hipotonik vəziyyət diaqnozu qoyulan Qənirə Paşayeva Mərkəzi Klinik Xəstəxasında 23 sentyabrda yerləşdirilmişdi, ötən gün dünyasını dəyişib. Millət vəkili səhhətində yaranmış ciddi problemlərlə əlaqədar sentyabrın 23-dən Mərkəzi Klinik Xəstəxananın reanimasiya şöbəsinə yerləşdirilmişdi.

Qarabağı tərk edən ermənilərin ümumi sayı 78 354 nəfərdir. Sozcu.az xəbər verir ki, bu barədə Ermənistanın baş nazirinin mətbuat katibi Nazeli Bağdasaryan məlumat verib. O, qeyd edib ki, bu, 28 sentyabr saat 22:00-a olan məlumatdır.

Ermənilər Azərbaycanın Livandakı səfirliyinə hücuma cəhd ediblər. Sozcu.az xəbər verir ki, Azərbaycanın Qarabağ bölgəsindəki separatçı qurumun özünü ləğv etdiyini elan etməsindən sonra 1500-dək erməni Azərbaycanın Livandakı səfirliyinə hücuma cəhd edib. Onlar Livan təhlükəsizlik qüvvələri tərəfindən səfirliyə yaxınlaşarkən dayandırılıb. Nəticədə Beyrutda hüquq-mühafizə orqanlarının əməkdaşları ilə ermənilər arasında toqquşma baş verib. Məlumata görə, daşnaklar polisə molotov kokteyli və daşla hücum ediblər. Polis gözyaşardıcı qazdan istifadə edib.

Azərbaycanın Qarabağda keçirdiyi antiterror tədbirlərində şəhid olan daha 6 hərbçinin şəxsiyyəti müəyyənləşib. Sozcu.az-ın məlumatına görə, Müdafiə Nazirliyinin bununla bağlı siyahısında 186 nəfərin adı qeyd olunub. Xatırladaq ki, bundan əvvəlki siyahıda 180 hərbçinin adı qeyd edilmişdi. Eyni zamanda, lokal antiterror tədbirləri nəticəsində 511 hərbi qulluqçumuz və 1 mülki şəxs yaralanıb. Şəhid olanlardan 12 nəfər isə Daxili İşlər Nazirliyinin hərbi qulluqçularıdır. Şəhid olanlardan 1 nəfər də mülki şəxsdir.

Millət vəkili Qənirə Paşayeva bu gün müalicə olunduğu Mərkəzi Klinik Xəstəxananın reanimasiya şöbəsində vəfat edib.  Sozcu.az-ın məlumatına görə, millət vəkili səhhətində yaranmış ciddi problemlərlə əlaqədar sentyabrın 23-dən Mərkəzi Klinik Xəstəxananın reanimasiya şöbəsinə yerləşdirilmişdi.  Naməlum mənşəli hipotonik vəziyyət diaqnozu qoyulan Qənirə Paşayevanın səhhətindəki kritik durumla əlaqədar Mərkəzi Klinik Xəstəxananın həkim personalı və Türkiyədən cəlb edilmiş həkim mütəxəssislər tərəfindən görülmüş bütün zəruri tədbirlərə baxmayaraq millət vəkilinin həyatını xilas etmək mümkün olmayıb. Allah rəhmət eləsin!

Qarabağda müsadirə edilmiş döyüş texnikası, silah və sursatın bugünədək olan siyahısı açıqlanıb. Sozcu.az xəbər verir ki, Müdafiə Nazirliyi sentyabrın sentyabrın 28-i saat 18:00-a olan məlumatı təqdim edib. SİLAHLAR 1. Atıcı silahlar – 1151 2. Qumbaraatanlar – 84 3. Top və haubitsalar – 16 4. Minaatanlar – 39 5. Tank əleyhinə silahlar – 22 6. HHM silahları – 132 TEXNİKA 1. Zirehli texnika – 18 2. Avtomobil texnikası – 120 3. Qoşqular – 21 4. Yardımçı texnika – 5 DÖYÜŞ SURSATLARI 1. Raketlər – 984 2. Top və haubitsa mərmiləri – 2722 3. Zenit top mərmiləri – 2627 4. Minaatan mərmiləri – 6653 5. Qumbaralar – 2266 6. Əl qumbaraları – 1368 7. Patronlar – 652842 8. Digər sursatlar – 2132 CİHAZLAR 1. Optik cihazlar – 216 2. Digər cihazlar – 31 TƏCHİZAT 1. Fərdi təchizat vasitələri – 677 2. Müxtəlif silahların qurğuları – 8 3. Digər təchizat vasitələri – 2076

12:53 Azərbaycan Respublikasının Prezidenti İlham Əliyev sentyabrın 28-də Zəngilan rayonunda olub. Dövlətimizin başçısı Alıbəyli kəndinin təməlini qoyub. Şərqi Zəngəzur iqtisadi rayonuna daxil olan Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev dövlətimizin başçısına Alıbəyli kəndi barədə məlumat verdi. Alıbəyli kəndi Həkəri çayının sahilində, Bərgüşad silsiləsinin ətəyində, Horadiz-Cəbrayıl-Zəngilan-Ağbənd yolunun üzərində yerləşir. İşğaldan azad olunmuş ərazilərin ümumi planına əsasən, Alıbəyli kəndi Birinci Alıbəyli, İkinci Alıbəyli, Sarıl və Xumarlı kəndləri ilə birlikdə layihələndirilir. Kəndin mövcud məskunlaşma ərazisi 103,5 hektar sahəni əhatə edir. Layihələndirilən ərazinin sahəsi isə 170,3 hektardır. Bildirildi ki, Alıbəyli kəndində 2568 sakin üçün 498 fərdi evdən və 144 mənzildən ibarət 2-3 mərtəbəli bloklaşdırılmış evlərin layihələndirilməsi nəzərdə tutulur. Birinci mərhələdə 772 sakin üçün 197 fərdi evin layihələndirilməsi və tikilməsi planlaşdırılır. Kənddə inzibati bina, klub icma mərkəzi və qonaq evi, idman sağlamlıq mərkəzi, məktəb binası, bazar kompleksi, mərasim zalı, iaşə obyektləri və digər müəssisələr olacaq. Qeyd olundu ki, Alıbəyli kəndində əhali üçün tələbata uyğun ümumilikdə 462 şagird yerlik iki tam orta məktəb binasının tikintisi planlaşdırılır. Birinci mərhələdə 143 şagird yerlik məktəb binası inşa olunacaq. Üçmərtəbəli məktəbin ərazisində həm şagirdlər, həm də əhali üçün qaçış zolağı olan geniş idman meydançasının yaradılması nəzərdə tutulur. Kənddə məskunlaşacaq əhali üçün ümumilikdə 160 yerlik iki uşaq bağçası da inşa olunacaq. Əhalinin resurslardan istifadəsini əlçatan etmək məqsədilə geniş istifadə olunan qeyri-yaşayış obyektləri bir neçə mövqedə yerləşdirilib. Sonra Alıbəyli kəndinin inkişaf planı barədə videoçarx nümayiş etdirildi. Prezident İlham Əliyev Alıbəyli kəndinin təməlini qoydu. *** Azərbaycan Respublikasının Prezidenti İlham Əliyev sentyabrın 28-də Zəngilan Konqres Mərkəzi Kompleksinin açılışını edib. Dövlətimizin başçısına görülən işlərlə bağlı məlumat verilib. Bildirildi ki, ərazisi 2,2 hektar olan Zəngilan Konqres Mərkəzi Kompleksi iki hissədən ibarətdir. Kompleksə daxil olan 600 yerlik korpusda ölkə və beynəlxalq əhəmiyyətli tədbirlərin keçirilməsi üçün müasir standartlara uyğun şərait yaradılıb. Digər korpusda isə kiçik həcmli müxtəlif çoxfunksiyalı tədbirlərin keçirilməsi üçün zal, mətbəx və VIP otaqlar mövcuddur. Məlumat verilib ki, Zəngilan Konqres Mərkəzi Kompleksi yerli və xarici mütəxəssislər cəlb olunmaqla altı ay ərzində inşa edilib. Kompleksin tikintisinin qısa müddətdə başa çatdırılması üçün üçnövbəli iş qrafiki tətbiq olunub. Şərqi Zəngəzur İqtisadi Rayonunda 1 saylı Bərpa, Tikinti və İdarəetmə Xidmətinin əməkdaşlarının da fəal iştirakı ilə tikinti işləri yüksək keyfiyyətdə və standartlara uyğun şəkildə aparılıb. Kompleksin ərazisində yaşıllıq zonaları, yerüstü parklanma sahəsi mövcuddur. Mərkəzin binasının dam hissəsində günəş panelləri yerləşdirilib. Gələcəkdə bu mərkəzdə ölkə və beynəlxalq əhəmiyyətli müxtəlif tədbirlərin keçirilməsi mümkün olacaq. *** Azərbaycan Respublikasının Prezidenti İlham Əliyev sentyabrın 28-də “AzərEnerji” Açıq Səhmdar Cəmiyyətinin “Cahangirbəyli” Su Elektrik Stansiyasının açılışında iştirak edib. “AzərEnerji” ASC-nin prezidenti Baba Rzayev dövlətimizin başçısına stansiyada görülən işlər barədə məlumat verdi. Qeyd edək ki, işğaldan azad olunan ərazilərdə yeni “yaşıl enerji” potensialının yaradılması ilə bağlı Prezident İlham Əliyevin tapşırığına uyğun olaraq, 2022-ci ilin payız aylarında “AzərEnerji” ASC tərəfindən Oxçuçayın Zəngilan rayonunun ərazisindən keçən hissəsində dörd yerdə hər birinin gücü 10,5 meqavat, ümumi gücü 42 meqavat olan su elektrik stansiyaları (SES) silsiləsinin tikintisinə başlanılıb. Artıq “Sarıqışlaq”, “Şayıflı” və “Zəngilan” SES-lərdə işlər yekunlaşmaqdadır, “Cahangirbəyli” SES-də isə işlər tamamlanıb. Bildirildi ki, “Cahangirbəyli” SES üçün tikilən maşın zalında 5,25 meqavat gücündə Avropa istehsalı olan yaşıl sertifikatlı frensis tipli iki eko-turbin, generatorlar, məsafədən idarəedilən rəqəmsal avadanlıqlar quraşdırılıb. Stansiyada il ərzində 30 milyon kilovat-saatdan çox elektrik enerjisi istehsal ediləcək. Prezident İlham Əliyevin cari ilin mayında tikintisinə baxış keçirdiyi bu 4 stansiyadan ibarət 42 meqavatlıq “Zəngilan” Su Elektrik Stansiyalar Silsiləsi işğaldan azad edilən ərazilərdə tamamilə yeni inşa edilən ilk ən böyük enerji istehsalı layihəsidir. Bu layihə rekord müddətdə - cəmi bir ilə ərsəyə gəlib. İndiyədək nə Azərbaycanda, nə də digər yerlərdə bu sayda, bu gücdə və bu müddətdə SES-lərin tikilməsi faktına rast gəlinməyib. Bu dörd stansiyanı su ilə təmin etmək üçün “AzərEnerji” tərəfindən dəniz səviyyəsindən 600 metr yüksəklikdə baş suqəbuledici qurğu tikilib. Eni 450, uzunluğu 250 metr olan qurğunun su tutumu 400-450 min kubmetrə bərabərdir. Bu qurğunun yaradılması enerji istehsalından əlavə, kənd təsərrüfatı və ekoloji cəhətdən olduqca əhəmiyyətli hadisədir. Baş suqəbuledicinin tikilməsi 30 il müddətində çirklənən çay yatağının təmizlənməsinə, flora və faunanın dirçəlməsinə də yardım edəcək. Baş suqəbuledicidən çayın suyunun 35 faizi məcrasında saxlanılmaqla 23 kilometr məsafədə qoşa derivasiya boruları çəkilib. Borudan çıxan su təkrar çaya buraxılır. “Cahangirbəyli” SES-in ətrafında 8 mindən çox ağac əkilib. Dövlətimizin başçısı “Cahangirbəyli” Su Elektrik Stansiyasını işə saldı. Qeyd edək ki, Oxçuçay üzərindəki SES-lərin tikilməsi ilə bağlı Dövlət Ekoloji Ekspertiza Agentliyinin təşkilatçılığı və aidiyyəti dövlət qurumlarının, media və qeyri-hökumət təşkilatlarının iştirakı ilə açıq ictimai dinləmələr keçirilib və layihəyə yüksək qiymət verilib. İşğaldan azad edilən ərazilərdə bolsulu çaylar üzərində “AzərEnerji” tərəfindən tikilən və gələcəkdə inşa olunacaq 370 meqavat gücündə SES-lər say və güc baxımından ölkənin digər yerlərində fəaliyyət göstərən azsulu çayların üzərində yerləşən 1060 meqavat gücündə böyük SES-lərdən üç dəfə az olmasına baxmayaraq, daha çox enerji istehsal edəcək. Çünki əsasən Azərbaycan ərazisində formalaşan bolsulu və iti axan dağ çayları üzərində tikilən yeni stansiyalar ölkənin digər yerlərindəki stansiyalardan fərqli olaraq, suyun azalan vaxtı da məhsuldar işləyir. Belə ki, avqust-sentyabr aylarında istehsal həcmi 25-30 faizə düşsə də, aprel-may aylarında 80 faizdən yuxarı olur və ilin bütün fəsillərində orta hesabla 40-42 faiz güclə çalışır. Digər yerlərdə isə bu göstərici 10-12 faizdir. Beləliklə, işğaldan azad edilən ərazilərdə tam yeni tikilən 4 stansiyadan ibarət “Zəngilan” su elektrik stansiyaları silsiləsində il ərzində 130 milyon kilovat-saatdan artıq “yaşıl enerji” istehsal ediləcək. Bu da alternativ enerji mənbələrinə keçiddə çox böyük rol oynamaqla, Prezident İlham Əliyevin regionu “Yaşıl enerji” zonasına çevirməklə bağlı tapşırığının icrasına mühüm töhfədir. Silsilə SES layihəsi regionun enerji və iqtisadi inkişafına töhfə verməklə bərabər, əhalinin məşğulluğu baxımından da əhəmiyyətlidir. *** Azərbaycan Respublikasının Prezidenti İlham Əliyev sentyabrın 28-də Zəngilan rayonunda Zəngilan kəndinin təməlini qoyub. Dövlətimizin başçısına kənddə görüləcək işlər barədə məlumat verildi. Bildirildi ki, Zəngilan kənd inzibati ərazisinə daxil olan bu kənd şəhər mərkəzindən 3,1 kilometr məsafədə, Oxçu çayın sahilində, Zəngilan-Mincivan yolunun üzərində düzənlik ərazidə yerləşir. Baş plana əsasən, Zəngilan kəndi İçəri Müşlan və Məlikli kəndləri ilə birlikdə layihələndirilib. Kəndin layihələndirilən ümumi ərazi 111,3 hektardır. Zəngilan kəndində 1631 sakin üçün 306 fərdi evin və 102 mənzildən ibarət 2-3 mərtəbəli bloklaşdırılmış evlərin tikilməsi nəzərdə tutulur. Birinci mərhələdə Zəngilan kəndinə 489 sakinin köçürülməsi üçün 127 fərdi ev tikiləcək. Kənddə məktəb binası, uşaq bağçası, inzibati bina, klub icma mərkəzi və çoxfunksiyalı bina, bazar kompleksi, idman sağlamlıq mərkəzi, tibb məntəqəsi, mərasim zalı və qonaq evinin tikintisi planlaşdırılıb. Burada əhalinin məşğulluğu üçün hər cür şərait yaradılacaq. Bu kənddə də əhalinin resurslardan istifadəsini əlçatan etmək məqsədilə geniş istifadə olunan qeyri-yaşayış obyektləri bir neçə mövqedə yerləşdiriləcək. Zəngilan kəndində 294 şagird yerlik tam orta məktəb, 60 və 40 yerlik iki uşaq bağçası da inşa olunacaq. Dövlətimizin başçısı kəndin inkişaf planından bəhs edən videoçarxa baxdı. Prezident İlham Əliyev Zəngilan kəndinin təməlini qoydu. *** Azərbaycan Prezidenti İlham Əliyev sentyabrın 28-də Zəngilan şəhərində ikinci yaşayış kompleksinin təməlini qoyub, Zəngilan şəhər məscidində görülən işlərlə tanış olub. Sonra dövlət başçısı Zəngilan şəhərində üçüncü, dördüncü yaşayış komplekslərinin və 160 yerlik uşaq bağçasının təməllərini qoyub.

“Mənim üçün Qarabağ məsələsi qapanmayıb”. Musavat.com erməni mediasına istinadən xəbər verir ki, bu barədə Ermənistanın keçmiş prezidenti Serj Sərkisyan yerli jurnalistlərlə söhbətində bildirib. “Ümidsizlik günahdır, bu həqiqət həmişə aktual olaraq qalır”, - deyə Sərkisyan qeyd edib.

“Bu qəfil dönüşə, metamorfozaya  Rusiyanı iki amil vadar etdi: birincisi, Azərbaycan dövlətinin və ordusunun gücü, ikincisi isə...” Sabiq müdafiə naziri, general-mayor Tacəddin Mehdiyev Moderator.az əməkdaşıyla söhbətində Azərbaycan ordusunun  son uğurlu antiterror əməliyyatından sonra yaranmış hərbi-siyasi situasiya haqda danışıb. -Cənab general, siz həm Rusiyada ali, akdemik hərbi təhsil alarakən, həm də I Qarabağ savaşı zamanı  Azərbaycan ərazisində, o cümlədən Qarabağın dağlıq hissəsində yerləşən rus-sovet hərbçiləri ilə ünsiyyətdə olmusuz, onların psixologiyasına, Moskva tərəfindən qoşunların idarəçilik texnologiyasına yaxşı bələdsiniz. Görəsən, necə oldu ki, dünənədək, yəni son təxminən 3 il ərzində Qarabağdakı separatçı silahlı birləşmələrə silah-sursat təminatında dəstək verən, onlara təlim keçən Rusiya “sülməramlı”ları birdən-birə 2023-cü il sentyabrın 19-20-dən bəri bizim, ordumuzun “yanında” durdu və öz silahlandırdığı separatçı-terrorçuları bu dəfə bizimlə bərabər tərksilah etməyə, eyni zamanda 2020-ci ilin 44 günlük savaşından sonra Ermənistandan geri- Qarabağa daşıdığı köçkün erməniləri bu dəfə öz helikopterləri ilə yenidən Ermənistana yola salmağa başladı? Bu metamorfozaya nə səbəb oldu? -Zənnimcə, bu qəfil dönüşə, metamorfozaya  Rusiyanı iki amil vadar etdi: birincisi, Azərbaycan dövlətinin və ordusunun gücü, ikincisi də, Paşinyanın timsalında Ermənistanın Kremldən qəti şəkildə Qərbə, Amerikaya tərəf üz döndərməsi…  Bununla belə, hesab edirəm ki, dövlətimiz də, ordumuz da hələ Moskvanın davranışlarıyla ehtiyatlı olmalıdır. Məsələn, ermənilərin kütləvi şəkildə Yuxarı Qarabağdan Ermənistana köçməsi Rusiyaya sərf edən bir məsələdir. Nəyə görə? Ona görə ki,  10 minlərlə köçkünün İrəvana axışması ilə Moskva tərəfindən Paşinyanın devrilməsi və onun yerinə artıq Azərbaycanın ərazi bütövlüyünü tanımayan, “artsaxı” “azad” etməyə çalışan Köçəryan, Sərkisyan tipli bir fiqurun gətirilməsi şansı artacaq. Yadımıza salaq ki, 1988-1992-ci illərdə Ermənistan, Yuxarı Qarabağ və ətraf rayonlardan elə həmin Rusiyanın dəstəyi ilə erməni silahlı birləşmələrinin hücum və qətliamları nəticəsində yüz minlərlə soydaşımızın didərgin düşərək Bakıya axışması ölkəmizdə bir neçə dəfə ardıcıl hakimiyyət dəyişikliyinə və xaosa səbəb oldu. İkincisi, Rusiya “sülhməramlı”larının komandanlığı maksimum çalışacaq ki, Xankəndində də ermənilərin xeyli hissəsi qalsın. Çünki əgər Xankəndindən ermənilərin hamısı köçsə, o halda Rusiya “sülhməramlı”larına ehtiyac qalmayacaq və onlar da tezliklə Azərbaycan torpağını tərk etməyə məcbur olacaqlar. Odur ki, ruslar bütün vasitələrlə; erməniləri dilə tutmaqla, onlara qayğı göstərməklə və s. onlardan azı 15-20 min nəfərin Xankəndində qalmasını təşkil edəcəklər… Bu da bizim üçün ikinci bir problem yarada bilər… Amma  hətta ermənilərlə yanaşı, “sülhməramlı”lar da bir neçə il Xankəndində, Xocalıda qalsa belə, bizim onların qarşısında üstünlüyümüz ondadır ki, artıq Xankəndi də daxil olmaqla Yuxarı Qarabağın bir çox strateji məntəqələri, o cümlədən Ağdərə, Sırxavənd, Xankəndi ətrafındakı Kərkicahan, Malıbəyli, Xəlfəli və s. hərbi cəhətdən nəzarətimizə götürülüb… Mən dövlətimizin o siyasətini də alqışlayıram ki, Qarabağdakı ermənilərə müraciət edirik ki, kimlər Azərbaycan vətəndaşlığını qəbul edib yaşayırsa, qalıb yaşasınlar, onların bütün hüquqları təmin ediləcək…Qoy bütün dünya anlasın ki, Azərbaycan öz torpağındakı ermənilərə qarşı heç bir etnik təmizləmə, soyqırımı həyata keçirmir… Bütün hallarda həm Rusiya ilə, onun “sülhməramlı”larıyla, həm də ermənilərin arasındakı revanşist, separatçı, işğalçı xislətli qruplarla ehtiyatlı olmalıyıq ki, gələcək üçün torpaqlarımızda separatizmin heç bir közərtisi də qalmasın…  -Hətta belə bir versiya da var ki, 44 günlük savaşdan sonra olduğu kimi, indi də Qarabağda  vəziyyət bir az stabilləşən kimi Rusiya Qarabağdan köçmüş on minlərlə erməninin yenidən Azərbaycan torpaqlarına qayıtması üçün çalışa bilər… -Ola bilər. Bu da mümkündür. Ancaq bu dəfə onların qayıtması çətin olacaq. Çünki  2020-2021-ci illərdə Ermənistanla sərhədimizdə “Laçın” sərhəd-nəzarət məntəqəsi qurulmamışdı və “sülhməramlı”lar öz bildiklərini edirdilər.  Lakin indi həmin məntəqə var və Ermənistandan gələn hər bir erməni oradan keçib Xankəndinə gələ bilməyəcək… - Tacəddin müəllim, o da mümkündür ki, Qarabağdan köçmüş ermənilər kütləvi şəkildə Azərbaycan vətəndaşlığını qəbul edərək burada yaşamaq istədikləri haqda müraciət edə bilərlər və bu halda biz onları sərhəddən buraxmalı olarıq… Və belə bir durumda, eyni zamanda Ermənistanda Paşinyanın yerinə yenidən Qarabağ klanının hakimiyyətə gətiriləcəyi halda gələcək üçün Azərbaycan torpaqlarında yenidən separatizm təhlükəsi yarana bilər…  -Bəli, Rusiyadan da, Ermənistandan da bizə qarşı hər cür təhlükə gözləmək olar. Amma yaxşı ki, dövlətimiz və ordumuz 1990-cı illərdəkindən qat-qat güclüdür… Bu gün milyarder Vardanyanın həbsi və Bakıya gətirilməsi siyasi baxımdan çox əhəmiyyətli hadisədir. İnşallah, inanıram ki, bunun davamı da olacaq və  digər separatçı-terrorçu erməni liderləri də həbs edilərək Azərbaycan məhkəmələri qarşısında cavab verəcək…Sadəcə,  bundan sonra da ayıq, ehtiyatlı və qətiyyətli olub düşmənlərin hər cür hiylə və təxribatlarının qarşısını almaq gərəkdir… 

“Hazırda bölgədəki bütün proseslər Azərbaycanın müvafiq hüquq-mühafizə orqanlarının nəzarəti altındadır”.  Bu sözləri Yenisabah.az-a açıqlamasında Milli Məclisin Xocalıdan olan deputatı Elman Məmmədov deyib.  Müsahibimiz qondarma rejimin “dövlət naziri” Ruben Vardanyanın ötən gün Dövlət Sərhəd Xidmətinin (DSX) əməkdaşları tərəfindən həbs edilməsindən sonra digər separatçı xunta üzvlərinin həbsi ilə bağlı sosial şəbəkələrdə və ictimaiyyətdə yaranan tələb və fikirlərə münasibət bildirib.  Xatırladaq ki, Ermənistanın “Hraparak” nəşri bugünkü məqaləsində tanınmamış “DQR” “rəhbərləri”nin hazırda Xankəndidə olduğunu yazmışdı. Məlumata görə, qondarma rejimin sabiq “prezident”ləri Bako Saakyan, Arkadi Qukasyan, Araik Arutyunyan, habelə “dövlət məmurları” və “hərbçilər” Xankəndidə qalmaqda davam edir. Öz növbəsində, E. Məmmədov söyləyib ki, Azərbaycan polisi artıq Xankəndi və ətraf ərazilərdədir: “Həmçinin DTX öz üzərinə düşən işləri bu sahədə yüksək səviyyədə yerinə yetirir. Buna görə də qətiyyən narahatlıq keçirməyə dəyməz ki, kimsə cəzadan yayınacaq. Ermənilər bir az həlləm-qəlləm millət olduqları üçün ola bilər ki, bir neçə pasportları olsun, yaxud görkəmlərini dəyişib cürbəcür imiclərə girə bilərlər. Bəlkə də başqa sənədlər altında sıravi ermənilərə qoşulub sərhədi keçə bilərlər”.  Millət vəkili hesab edir ki, bunlar olmayacaq: “Bunların könüllü təslim olanları da var. Kim lazımdırsa, bu illər ərzində Azərbaycan dövlətinə və xalqına qarşı kim cinayət törədibsə, hamısı həbs olunub cəzasını alacaq. Separatçılarla bağlı bir sıra xarici dövlətlərdə və Ermənistanda narahatlıq keçirənlər var. Ancaq o, cinayət törədibsə, mütləq cəzasını alacaq”.  “Mütləq şəkildə başda Araik Arutyunyan olmaqla, onun kimiləri və ondan əvvəl olanların hamısı həbs olunacaq. 1988-ci ildən bu günə qədər kimlər ki, Azərbaycan dövlətinə qarşı qiyam qaldırıb, cinayətlər törədibsə, insanlarımıza qarşı soyqırımı edib onları qətlə yetiribsə, hamısının haqqında hüquq-mühafizə orqanlarında kifayət qədər məlumatlar var. Qısacası, hamısı öz cəzasına çatacaq”, - fikirlərini yekunlaşdırıb.

Ötən gün qondarma rejimin sabiq “dövlət naziri” Ruben Vardanyanın “Laçın” sərhəd-keçid məntəqəsində Dövlət Sərhəd Xidmətinin (DSX) əməkdaşları tərəfindən həbs edilməsindən sonra separatçılar arasında ajiotaj bir qədər də artıb.  Belə ki, bölgədə qapana qısılan terrorçu xunta üzvlərinin qaçmağa yerləri olmadığı üçün onlar məcburi şəkildə sərhədi keçərək ərazidən çıxmağa çalışanda Azərbaycan xüsusi xidmət orqanlarının "radar"ına düşərək saxlanırlar.  Bu şəxslərdən biri də “Artsax qəhrəmanı” olan Xocalı qatili Vitali Balasanyandır. Əslən Əsgəran ermənisi olan V. Balasanyan Birinci Qarabağ müharibəsi dövründə əliyalın, günahsız azərbaycanlılara divan tutulmasında xüsusi “fərqlənmişdi”.  Qeyd edək ki, Azərbaycan xüsusi xidmət orqanlarının siyahısında olan V. Balasanyan onun üçün halqanın daraldığını bilməsinə baxmayaraq, hələ də hədyan dolu fikirlər səsləndirməkdə davam edir. O, açıqlamasında hazırda Əsgəranda olduğunu və Qarabağdan çıxmayacağını bildirib. Balasanyan yaşadığı ünvanı açıqlamaqla bir növ meydan oxumaqdan çəkinməyib.  Yenisabah.az-la söhbətində Milli Məclisin deputatı, Böyük Quruluş Partiyasının (BQP) sədri Fazil Mustafa deyib ki, əslində, Azərbaycanın hədəfi Vitali Balasanyan, Bako Saakyan, Araik Arutyunyan, Arkadi Qukasyan və digərləri deyil, əksinə, bizim hədəfimiz Qarabağ idi ki, onu da həll etdik.  Onun sözlərinə görə, indi ayrı-ayrı terrorçuların bizim üçün elə də böyük bir əhəmiyyəti yoxdur:  “Çünki bunlar terrorçudur və sonuncu nəfərinə qədər həbs olunacaqlar. Əgər Vitali Balasanyan Əsgərandakı evində olduğunu deyirsə, lap gözəl. O özünü belə “qəhrəman” kimi hiss edirsə, qoy, evində gözləsin, onu da gəlib aparacaqlar, kiminsə də bunda tərəddüdü olmasın”.  BQP sədrinin fikrincə, bu hadisələr onu göstərdi ki, illərcə bir erməni mifi yaradılmışdı ki, guya bunlar torpaq uğrunda fədakarlıq edib canını qoyan bir millətdirlər:  “Onlar özlərini dünyaya belə tanıtdırmışdılar, amma bu məqamın özün belə bunların nə qədər qorxaq və rəzil durumda olduğunu göstərdi. Biz onlardan heç birinin bu torpaq üçün hansısa bir fədakarlıq edəcəyini, ən azı özünün törətdiyi cinayətin miqyasını anlayaraq, intihar etdiyini müşahidə etmədik”.  “Bu, o deməkdir ki, illərdir “qəhrəmanlıq”dan dəm vuran millətin liderlərinin nə qədər qorxaq olduğu bir daha üzə çıxdı. Bu da bir tarixdir və qeyddir ki, biz bunu unutmamalıyıq. Qısacası, harada olmasından asılı olmayaraq terrorçular həbs olunacaq və onlar Azərbaycanın Nürnberq məhkəməsi sayılan Xocalı məhkəməsində cavab verəcəklər”, - fikirlərini yekunlaşdırıb.

Xəbər verdiyimiz kimi, bu gün separatçı-terrorçu xunta rejimi özünü buraxdığını elan etdi. Sozcu.az xəbər verir ki, artıq Azərbaycanın tərkibində onillərdir yetişdirilən qarayara birdəfəlik kəslib atıldı. Ötən gün Xankəndi və ətrafında baş verə biləcək yanğınların qarşısını almaq üçün Fövqəladə Hallar Nazirliyinin briqadaları Xankəndi şəhərində xidmətə başlayıblar. Artıq Xankəndi və ətrafında baş verən yanğınları da söndürdükləri haqda məlumatlar da adiləşməkdədir. Bu gün isə Daxili İşlər Nazirliyi əməkdaşlarının, o cümlədən Çevik Polis Qüvvələrinin Xankəndiyə daxil olduğunu əks etdirən görüntülər yayılıb. Siyasi müşahidəçilərin fikrincə, Xankəndidə bayrağımız bu gün qaldırıla bilər.

Biz artıq neçə gündür Qarabağın erməni əhalisinin kəndlərdən və rayonlardan kütləvi şəkildə tələsik çıxarılaraq Ermənistana göndərildiyinin şahidiyik. Dünyanın bütün aparıcı TV kanalları və xəbər agentlikləri də Laçından çıxış nöqtəsi olan Kornidzor kəndinə və Gorus şəhərinə toplaşmışlar. Hər saat xəbərlərin manşetində yüzlərlə şəxsi avtomobil, yük maşınlarının və avtobusların insanları daşıdıqları kadrlar göstərilir. Bütün bunlar dünyanın aparıcı kanllarında və qəzetlərində etnik təmizləmə və genosid yorumları ilə də müşaiyət olunur. Azərbaycan hökümətinin həm Ermənistan rəhbərliyinə və həm də yerli Qarabağ erməni liderlərinə tək mesajı yerli əhalinin qalıb yaşaması və onların təhlükəsizliyinin təmin edilməsi ilə bağlı təminatlar olmuşdur. Təhlükəsizlik qüvvələrinə verilən göstərişlər də tam bu məqsədlərə xidmət edir. Bəs nəyə görə bu baş verir? O zaman erməni əhalisi niyə öz evlərini,kəndlərini tərk edir?  Burada çox sayda suallar ortaya çıxır. Təbii ki, Qarabağdakı nasist erməni qrupları Azərbaycanda yaşamağı Azərbaycana satılmaq kimi qələmə verib əhalinin çıxmalarını təbliğ edirlər. Burada  həm də həm 90—cı illərdə və həm 44 günlük savaşda əli qana batan ermənilərin də rolu vardır və onlar özlərinin  həbs ediləcəyini bildiyindən başqalarını da getməyə sövq edirlər.Bir çox ermənilər boynuna alır ki, yerli hakimiyyət bizə çıxıb getməyimizi dedi... O biriləri,panikadır,hamı çıxır mən də çıxıram, qorxu var. Qalmaq istəyəni qorxuzurlar ki, azərbaycanlılar  gəlib sizi öldürəcək.   Tutalım azərbaycanlılar ilə qonşuluqda yaşayan kəndlərdə belə qorxu ola bilsin, o zaman  böyük kəndlər və daxildə yerləşən kəndlər  niyə çıxır?.  Ermənistana gedən bir sıra erməni vətəndaşlar bombalama oldu , neçə gün zirzəmidə qaldıq deyir... Halbuki ki,onun dediyi kimi bombalama olsa da,o bir gün oldu. Amma 44 günlük savaş samanı hər gün döyüşlər gedirdi. Və Xocavendiin Tagaverd kəndinin yarısı Azərbaycan əsgərinin nəzarətində idi,3 m aralıda digər hissəsində isə erməni əhalisi öz evində yaşayırdı. Eynilə Şuşanın, Əsgəranın və ya Xocavendin digər kəndləri də bu durumda idi. Azərbaycan əsgəri kənddəki təpənin üstündə post qurmuşdu, erməni kəndliləır isə öz sahələrində çalışırdılar və heyvan otarırdılar. 44 günlük müharibə ilə bu 24 saatlıq əməliyyatın ölçüsü də müqayisə edilməz idi. Azərbaycan tərəfi də indi həqiqətən xoş məram göstərir. Maraqlı burasıdır ki, bütün bu köc, “Qarabağdakı erməni əhalisinə birbaşa təhlükə yoxdur” deyən  Paşinyanın bəyənatından sonra başladı. Buradan belə çıxır ki, Paşinyana qarşı olan yerli Qarabağ hakimiyyəti yoxsa hansı qüvvələr bütün kəndlərin və o cümlədən, şəhərdə yaşayan ermənilərin çıxmasına göstəriş verib... Düşünürəm ki, bu iş Azərbaycana qarşı planları olan xarici qüvvələrin təsiri ilə baş verir və ilk olaraq Fransa və ABŞ-dakı qüvvələr göz önünə gəlir. Burada Kosovo variantına bənzər əməliyyat önə çıxır.  Qarabağdan bütün ermıəni əhalisi çıxarılır və Azərbaycanın nə deməsindən asılı olmayaraq, Azərbaycan etnik təmizləmədə ittiham olunur və Beynəlxalq məhkəmələr işə salınır. Və Qarabağ ermənilərinin geri qaytarılması və beynəlxalq qüvvələrin və müşahidə missiyalarının altında yaşaması üçün formula hazırlanır.  Kosovoda olduğuna bənzər.  Bütün səylər beynəlxalq nəzarət altında Qarabağdakı ermənilərə özəl status verilməsinə yönəlir.  Düzdür, burada beynəlxalq qüvvələrin rusların iradəsi əleyhinə bölgəyə gəlməsi də indiki dönəmdə sual doğurur amma bütün bu risklər  nəzərə alınmalıdır.. USAİD direktoru və Prezident Baydenin kabinet üzvü Samanta Pauerin Gorusda verdiyi bəyənatlarda fakt toplama qruplarının bu istiqamətdə işlədiyi də bəlli oldu. O Azərbayan təhlükəszilik qüvvələrinin törətdiyi əməlləri və Azərbaycan hökümətinin bu işlərdə əli olması ilə bağlı şahid ifadələrinin toplanıldığını deyir. Bütün bunlar analiz edilib Amerika hökümətində bir qərara gələcəyik deyir. S.Pauerin erməni məsələsi ilə uzun illərdir məşğul olduğunu nəzərə alsaq, onun məsələni  ancaq bu istiqamətə yönləndirəcəyi haqqında heç bir şübhəm yoxdur. Eynilə, Ermənistan Ombudsman offisi, erməni  İnsan hüquqları QHT-i və xaricdəki çox saylı erməni təşkilatları Avropada Fransanən dəstəyi ilə və Amerikada güclü erməni lobbi qrupları ilə bu məsələni ancaq və ancaq etnik təmizləmə və genosid maddələrinə uyğun istiqamətə döndərməyə çalışacaq və çalışırlar. Hesab edirəm ki, bu iş BMT TŞ-ı qərarı əsasında olmasa da Fransa və ABŞ bu istiqamətdə digər strukturları işə salacaq. Avropada daha çox Avropa Birliyi təsisatları və çoxsaylı təzminat davaları ilə müşaiyət olunan Məhkəmə işləri ilə, Amerikada isə  Konqress vasitəsilə sanksiyalar müşaiyətilə anti-Azərbaycan Akt-ların qəbul edilməsinə çalışılacaq.  Onlar bu Məhkəmələrdə Rus sülhməramlı qüvvələrnə də işlər acacaq.  Azərbaycan cəmiyyəti,Azərbaycan höküməti indidən bütün ehtiyat tədbirləri görüb, çox sayda sənədli materiallar hazırlamalı və əks həmlələr və təşəbbüslər etməlidir. Artıq Qarabağ Azərbaycandır və çəkinəcəyimiz heç bir hal yoxdur.  Azərbaycan dövləti erməni əhalisinin getməməsi üçün təkrar müraciətlər etməli və gedənlərin də vəziyyət sabitləşən kimi öz evlərinə dönməsinə çağırmalıdır. Onlara hər cür şərait yaradılacağı vədləri verilməlidir. Əgər biz onların sərbəst  geri dönüb öz evlərində və ya başqa yerdə yaşamasına şərait yaratsaq, o zaman istənilən bəd niyyətli beynəlxalq təşəbbüsləri də dəf edərik.moderator) Elxan Mehdiyev, Tədqiqatçı-alim

Xəbər verdiyimiz kimi, qondarma "Artsax" Respublikasının "prezidenti" Samvel Şahramanyan yaranmış vəziyyətdən irəli gələn tədbirlər haqqında fərman imzalayıb. Fərmana əsasən, Azərbaycan dövlətinin 19 sentyabr 2023-cü il tarixində keçirdiyi antiterror tədbirlərindən sonra qondarma rejim mövcudluğunu dayandırmaq qərarına gəlib. Sozcu.az xəbər verir ki, bu barədə məlumatı erməni teleqram kanalları yayıb. Fərmanın imzalanmasından sonra Qarabağın erməni əsilli sakinləri qondarma rejimin ləğvində iştirak edənlərə çağırış edib. Çağırışda bildirilir ki, "Artsax Respublikası"nın ləğvində iştirak edənlərin hamısı özünü güllələməlidir: "Levon Ter-Petrosyan, Robert Köçəryan, Serj Sarkisyan, Nikol Paşinyan, Arkadi Qukasyan, Bako Saakyan, Arayik Arutyunyan, Samvel Şahramanyan və "Artsax Respublikası"nın ləğvində iştirak edənlərin hamısı bu gün özünüzü güllələləsin".musavat.com)

Ötən gün Azərbaycandan qaçarkən həbs edildiyi deyilən Xocalı qatili Vitali Balasanyan açıqlama yayıb. Sozcu.az xəbər verir ki, o, erməni mediasına “Laçın” postundan keçərkən həbs edildiyi barədə məlumatı təkzib edib. “Mən Qarabağdayam. Ünvanı yazın: Əsgəran şəhəri, Danielyan küçəsi 29. Mən buradayam, heç Qarabağı tərk etməyə cəhd də etməmişəm”, - deyə o bildirib. Qeyd edək ki, Qarabağ separatçı-terrorçularının keçmiş “dövlət naziri”, rusiyalı milyarder Ruben Vardanyan ötən gün “Laçın” postundan keçmək istəyərkən saxlanılıb. Separatçı-terrorçuların başçısının “müşaviri” David Babayan da təslim olmaq üçün Şuşaya getməyə qərar verdiyini bildirib. Bir neçə dəqiqə öncə isə separatçıbaşı Samvel Şahramanyan separatçı-terrorçu xuntanın özünü buraxdığını elan edib.

Məlum olduğu kimi, Azərbaycan Respublikasının Rusiya sülhməramlı kontingentinin müvəqqəti yerləşdiyi ərazilərində fəaliyyət göstərmiş qanunsuz erməni silahlı birləşmələri tərəfindən ötən müddət ərzində törədilmiş çoxsaylı terrorçuluq cinayətlərinin araşdırılması ilə bağlı Dövlət Təhlükəsizliyi Xidmətində ibtidai istintaq aparılır. Sozcu.az xəbər verir ki, bu barədə Dövlət Təhlükəsizliyi Xidməti məlumat yayıb. Toplanılmış sübutlarla, hazırda Ermənistan Respublikasının vətəndaşı olan 1968-ci il təvəllüdlü Vardanyan Ruben Karlenoviçin Azərbaycan Respublikası Cinayət Məcəlləsinin 214-1 (terrorçuluğu maliyyələşdirmə), 279.3 (qanunvericiliklə nəzərdə tutulmayan silahlı birləşmələrin və ya qrupların yaradılmasında və fəaliyyətində iştirak etmə) və 318.1-ci (Azərbaycan Respublikasının dövlət sərhədini qanunsuz olaraq keçmə) maddələri ilə nəzərdə tutulan cinayət əməllərini törətməsinə əsaslı şübhələr müəyyən edilmişdir. Ona qarşı irəli sürülən ittihama əsasən, müəyyənləşdirilmişdir ki, Ruben Vardanyan xarici ölkə vətəndaşı olduğu halda terror-təxribat əməlləri törətmək məqsədilə 2022-ci ilin sentyabr ayında Azərbaycan Respublikasının dövlət sərhədini nəzarət-buraxılış məntəqələrindən kənar, qanunsuz keçərək, Azərbaycan Respublikasının Qarabağ iqtisadi rayonunda Rusiya sülhməramlılarının müvəqqəti yerləşdiyi əraziyə daxil olmuş, həmin ərazidə Azərbaycan Respublikasının qanunvericiliyi ilə nəzərdə tutulmayan silahlı birləşmələrin formalaşdırılması və fəaliyyətinin təşkilində, habelə idarələrə, təşkilatlara və ayrı-ayrı şəxslərə insanların həlak olmasına və digər ağır nəticələrə səbəb olan basqınlar etmiş sözügedən qanunsuz hərbi birliklərin silah, döyüş sursatı, partlayıcı maddələr, hərbi texnika və əsgəri ləvazimatla təchiz edilməsində iştirak etmişdir. Bundan başqa o, pul vəsaitlərini həmin qanunsuz silahlı birləşmələrin terrorçuluq fəaliyyətinin təşkil olunmasına yönəltməklə terrorçuluğu maliyyələşdirmişdir. Törətdiyi qeyri-qanuni əməllərə görə Ruben Vardanyan 27 sentyabr 2023-cü il tarixində saxlanılaraq, ittiham elan edilməklə təqsirləndirilən şəxs qismində cinayət məsuliyyətinə cəlb olunmuş, barəsində məhkəmənin qərarı ilə həbs qətimkan tədbiri seçilmişdir. Hazırda cinayət işi üzrə istintaq-əməliyyat tədbirləri davam etdirilir.

Azərbaycan polisi Xankəndiyə daxil olub. Sozcu.az xəbər verir ki, bu barədə görüntülər Qarabağən erməni sakinləri tərəfindən çəkilərək sosial şəbəkələrdə paylaşılıb.

Erməni terrorçu Vitali Balasanyanın həbsi xəbəri yayılan kimi erməni və bizim bəzi sosial mediadan istifadə edənlər başlayıblar yazmağa ki, bəs, Vitali Azərbaycana pislik etməyib, Allahverdi Bağırov ilə dostluq edib, xocalıları geri qaytaran odur və s. Bunlar hamısı yalandır. Sozcu.az xəbər verir ki, bu sözləri tarixçi alim, dosent Zaur Əliyev bildirib. O qeyd edib ki, Vitali ilə Allahverdi nə müharibədən öncə, nə də müharibə vaxtı dostluq edib: “Rəhmətlik Allahverdi hər zaman deyirdi ki, bu alçağın dini-imanı puldur, anasını da satar pula görə. Bu sözləri deyən Qarabağın Aslanı Allahverdinin onunla dostluq etməsinə inana bilərsiz? Vitalinin həyatında cəmi bir dostu olub. Onunla birgə Azərbaycan torpaqlarının işğal edilməsində iştirak edən, birlikdə Xocalı soyqırımını həyata keçirdiyi Serj Sərkisyan. Onlar 90-cı illərdən Qarabağda erməniləri döyüşə qatmaq üçün iş görüblər. Müharibəyə getmək istəməyən ermənilərin qız-gəlinlərini Serjlə birlikdə zorlayıb, qorxu yaradıblar. Xocalıda insanlığa sığmayan vəhşətlər törədiblər. Körpə qızların və qadınların qızıl əşyalarını Serj, kişilərin qızıl əşya və dişlərini isə Vitali toplayıb. Balasanyan “Daşnaksütyun” partiyasının üzvüdür. Həm qondarma “artsax rejimi”nin, həm də Ermənistanın “xaç qəhrəmanı”dır. 1992-ci ilin əvvəlindən başlayaraq Azərbaycana qarşı döyüşüb. Xocalı camaatını qırıb, hətta şəhid komandirlərimiz Şirin Mirzəyevin və Allahverdi Bağırovun xidməti maşınlarının keçdiyi yollara mina da yerləşdirə bilib və onların öldürülməsinə nail olub. Əgər belə dost idisə, Allahverdinin getdiyi kənddən geri qayıdan yoluna necə mina basdırırdı? Demək, Vitali, sadəcə, pul qazanmağı düşünüb - meyit və əsir satmaqla”. Alim vurğulayıb ki, illərdir mediada yayılan bu yanlış xəbərə konkret cavab verir: “Vitali Balasanyan ilə Allahverdi Bağırov ilk dəfə Xocalı faciəsi baş verəndən sonra tanış olublar. Özü də Əsgəran yaxınlığında, 19-cu postda. Onların arasında əvvəldən heç bir dostluq olmayıb. Bu münasibətlər isə Allahverdinin əsirləri və girovları geri qaytarması üçün qurulub. Xocalı sakini, səkkiz gün erməni əsirliyində işgəncələrə məruz qalan rabitəçi xanım Dürdanə Ağayeva müsahibəsində deyir: “O vaxt ermənilər əsirlərin müqabilində benzin, siqaret tələb edirdi. Amma Allahverdi Bağırov heç vaxt ermənilərin tələb etdiklərini anamdan istəməyib ki, məni azad etsin. Özü Ağdam camaatından ermənilərin istədiklərini yığıb verib, bizləri azad edib”. Vitalinin Allahverdi ilə bağlayan yalnız onun arada Ağdama, sovet dövründə Bağırovlar ailəsinə məxsus restorana gəlib, yemək yeməsi olub. Erməni mediasında yazılır ki, guya Vitali Allahverdinin Ağdam rayonu ərazisindəki məzarını da dağıdılmaqdan qoruyub. Lakin onun yalanı sonradan üzə çıxdı. Ağdam işğaldan azad edildikdən sonra şahidi olduq ki, Allahverdi Bağırovun məzarı demək olar ki, dağıdılıb və erməni vandalizminə məruz qalıb. Vitalinin Allahverdi ilə heç bir dostluq əlaqəsi olmadığını bu faktdan da görmək olar”. Vitali Balasanyan haqda alim qeyd edib ki, o, Qarabağda 5 mart 1959-cu ildə doğulub: “Uşaqlığı da, gəncliyi də orada keçib. 1990-cı ildən Əsgərandakı silahlı birləşmələrə komandanlığı məhz Balasanyan edirdi. Balasanyan əsgərlərinin Xocalı qırğınından sağ qalanları uçuruma doğru necə apardıqlarını və oradan necə atdıqlarını təsdiq edən kadrlar da hazırda əlimizdə var. Digər video-müsahibəsində o etiraf edir: “1988-ci ilin 22 fevralında məşhur Əsgəran hadisələrinin təşkilatçı, atəş açan, öldürən, yaralayan mən olmuşam”. Bayrağı təhvil verməyib təslim olan cəsur döyüşçü Natiq Qasımovu əsir alan da, dindirən də, işgəncə verən də Vitali Balasanyandır. 1988-ci il 20 fevralda Xankəndi Mərkəzi Xəstəxanasında təcrübə keçən iki azərbaycanlı tələbə qız ermənilər tərəfindən zorlandı. Bundan cəmi iki gün sonra azərbaycanlılar və ermənilər arasında birbaşa qarşıdurma atışmaya çevrildi. Nəticədə iki azərbaycanlı gənc həyatını itirdi. Məhz bu zorlamanın və iki azərbaycanlının qətl edilməsinin başında da bu Vitali dururdu. Bunu özü "News.am” saytına müsahibəsində də etiraf edib. 366 saylı rus motoatıcı alayının köməkliyi ilə dinc insanlara qarşı törədilən vəhşilikdə “əfsanəvi general” ünvanı qazanan Vitali bəşəriyyətin rast gəlmədiyi yırtıcıdır. Bütün bu faktlar sübut edir ki, Vitali Balasanyan qatildir, terrorçudur və ən ağır cəza almalıdır. Bu qatili ilə Allahverdi Bağırovun guya dost olduğu haqda nağılları isə bitirin!”kult)

Xankəndidəki qondarma “artsax respublikası” rəsmi olaraq ləğv edildi. Sozcu.az xəbər verir ki, bu barədə “artsax respublikasının” “prezidenti” Samvel Şahramanyan fərman imzalayıb.

Sentyabrın 28-də Sumqayıt Məhkəmə Kompleksində “Tərtər işi” üzrə ittiham olunan 5 nəfər – general-mayor Bəkir Orucov, Rahib Məmmədov, İntiqam Məmmədov, Ziya Kazımov və Ülvi Rəşidovun cinayət işi üzrə məhkəmə prosesi təyin olunub. Globalinfo.az-a daxil olan məlumata görə məhkəmə prosesi növbəti dəfə təxirə salınacaq. Səbəb isə ötən 2 həftə ərzində dəyişməyib – iş üzrə təqsirləndirilən şəxs statusunda mühakimə olunan polkovnik-leytenant Ziya Kazımov Qarabağda həyata keçirilən antiterror əməliyyatlarında komando qruplarından birinin komandiridir. Azərbaycan və Türkiyə hərbi təhsil ocaqlarında ali təhsil almış Ziya Kazımov hazırda komando qrupu ilə birgə Xankəndi ətrafında separatçı tör-töküntülərinin zərərsizləşdirilməsini həyata keçirir. Bu səbəbdən də Sumqayıta gəlib prosesə qatıla bilmir. Bundan əvvəlki, sentyabrın 14-ə təyin olunan prosesə də bu səbəbdən qatıla bilməmişdi. Ötən gün onun vəkili məhkəməyə müraciət edərək müvəkkilinin döyüş tapşırığını yerinə yetirməsi səbəbilə prosesin qeyri-müəyyən vaxta kimi təxirə salınmasını xahiş edib. Ümumilkdə isə artıq proses sona çatmaq üzrədir. Təqsirləndirilən şəxslər məhkəmədə son sözlərini deyiblər. Növbə general-mayor Bəkir Orucovdadır. O və vəkilləri çıxış etməlidirlər. Bakı Hərbi Məhkəməsinin sədr əvəzi Zeynal Ağayevin sədrliyi ilə Sumqayıt Məhkəmə kompleksində keçirilən proseslərdə Ziya Kazımovun epizoduna dair 62 zərərçəkmiş, 35 şahid və 4 təqsirləndirilən şəxs ifadə verib və onun günahsız olduğunu deyiblər. Bununla belə prokuror Vüsal Mehrəliyev Ziya Kazımova 12 il 6 ay müddətində azadlıqdan məhrumetmə cəzası verilməsini istəyib. Hazırda iş üzrə məhkəmə istintaqı bitib. İttihamda deyilir ki, hərbçilərə özlərinin, yaxud bir-birinin əleyhinə ifadə vermələri üçün işgəncə verilib, ləyaqətləri alçaldılıb, müxtəlif növ işgəncələr tətbiq olunub. İşgəncə nəticəsində bir nəfər – leytenant Adil Sabirli həlak olub. Təqsirləndirilən şəxslərə qarşı Cinayət Məcəlləsinin 126.3 (qəsdən sağlamlığa ağır zərər vurma, ölümə səbəb olduqda), 145.3 (qanunsuz azadlıqdan məhrum etmə, ölümə səbəb olduqda), 293.2 (dövlət orqanının vəzifəli şəxsi tərəfindən işgəncə vermə), 329 (tabelikdə olan hərbi qulluqçuya qarşı zorakı hərəkətlər), 341.2.1 və 341.2.3 (bir qrup şəxs tərəfindən vəzifə səlahiyyətlərindən sui-istifadə etmə və ya vəzifə səlahiyyətlərini aşma bir qrup şəxs tərəfindən ağır nəticələrə səbəb olduqda) maddələri İntiqam Məmmədova isə əlavə olaraq 178-ci (dələduzluq) maddəsi ilə ittiham irəli sürülüb. Hakim deyib ki, ittihamlar sübuta yetirilərsə, onların bəzilərinə 6, bəzilərinə isə 9 ildən 20 ilə qədər azadlıqdan məhrumetmə cəzası verilə bilər. Təqsirləndirilən şəxslərin heç biri özünü təqsirli bilməyib. General Bəkir Orucov deyib ki, nə işgəncələrdə iştirak edib, nə də kiməsə göstəriş verib. Qeyd edək ki, 2021-ci ilin dekabr ayında Baş Prokurorluqda “Tərtər işi” ilə bağlı cinayət işlərinin icraatının təzələnməsi ilə bağlı qərarlar qəbul edilib. İstintaq zamanı iş üzrə şübhəli bilinən şəxslər cinayət məsuliyyətinə cəlb olunub. Bu iş üzrə ittiham olunan şəxslərdən Ziya Kazımov və Ülvi Rəşidov həbsdə deyil, onlar barəsində istintaq dövründə alternativ qətimkan tədbiri seçilib.

"Ermənistana bəzi adlar vermişik, onların təslim olmasını istəyirik. 300 nəfərlik bir siyahıdır". Qaynarinfo xəbər verir ki, bunu "CNN Türk" kanalına Azərbaycanın Türkiyədəki səfiri Rəşad Məmmədov deyib. Səfir bildirib ki, siyahıdakı şəxslər I Qarabağ müharibəsi zamanı soyqırım və hərbi cinayətlər törətmiş şəxslərdir: "Onlar I Qarabağ müharibəsi zamanı soyqırıma cəhd etmiş, hərbi cinayətlər törətmiş şəxslərdir. Onlardan biri bu gün Laçın yolunu keçərkən tutularaq (Ruben Vardanyan-red.) Bakıya göndərilib. O, Azərbaycan qanunlarına uyğun olaraq mühakimə olunacaq". Rəşad Məmmədov vurğulayıb ki, Azərbaycan sivil və beynəlxalq hüquqa diqqət yetirən dövlətdir: "Hətta bizə qarşı çıxmış, o bölgədə yaşayan insanlara qarşı da mərhəmətli davranan bir dövlətdir. Ən son texnoloji sursatlardan istifadə etdik ki, oradakı mülki şəxslər zərər görməsin. Biz oo insanların qarşısında duran silahlı strukturlara qarşı mübarizə apardıq. Bir evin belə zərər görməsinə icazə vermədik. Biz hər şeyi etdik ki, insanlar qorxmasın, narahat olmasın. Buna görə heç kim bizi günahlandıra bilməz".

Ermənistanda baş verən siyasi qalmaqal və Qarabağdakı son antiterror tədbirləri müxtəlif siyasi dairələrdə ciddi müzakirə olunur. Rusiyada da erməni mövzusu gündəmin ən çox müzakirə olunan mövzusudur. Rusiya mətbuatı bununla bağlı müxtəlif səpkili materiallar dərc edir. Rusiyalı siyasi icmalçı, köşə yazarı Alexander Budbergin toxunduğu bəzi məqamları oxucuların diqqətinə çatdırırıq. Budberq qeyd edir ki, Ermənistan cəmiyyəti Qarabağ problemindən bezib və yorulub: "Rusiya sülhməramlısı da Azərbaycanı tərk edəcək. Rusiyada erməni lobbisinin maraqlarını güdənlər bundan sonra susacaq və sakit oturacaqlar. Aydındır ki, Azərbaycanda Qarabağın statusu müzakirə mövzusu deyil. Orada yaşayan erməniəsilli Azərbaycan vətəndaşlarının statusu Azərbaycanın digər bölgələrində yaşayan əhalinin statusu ilə eyni olacaq. Ermənistanda bu məsələyə və baş verənlərə sakit yanaşırlar. Bunu İrəvan küçələrində etirazçıların sayından da görmək olar. Bu o deməkdir ki, hətta Ermənistan faktiki olaraq Qarabağ üçün ayrıca status iddiasında deyil. Deməli, Ermənistan cəmiyyəti Qarabağ problemindən bezib".konkret.az)

Vardanyanın ağlı olsa, qaçmağa çalışmazdı, elə qalıb Xankəndidə tutulardı. Bəlkə onda ermənilərin rəğbətini qazanardı. Oysa, köhnə kasıb paltarı geyinib qaçmağa çalışıb.  Məncə o, həbsdə çox qalmayacaq. Ondan nələrisə alıb buraxacaqlar, həm siyasi, həm maddi mənada.  Bir maraqlı sual da odur ki, Putin Vardanyana görə Azərbaycan hakimiyyətinə ağız açacaqmı?  Ya da onu Paşinyana hədiyyə etmək olar - müqavilə imzalanan gün.  İstənilən halda qiymətli qənimətdir.  Eşq olsun Azərbaycan əsgərinə! Mustafa Hacıbəyli

Antiterror əməliyyastından sonra Azərbaycan vətəndaşlığını qəbul etmək istəməyərək Qarabağ ərazindən köçən ermənilərin Laçın yolunda yaratdığı tıxaca baxanda adamın gözü qaralır. Tam dolu minik, yük avtomobilləri aramla Azərbaycanın dövlət sərhədinin çıxışına doğru irəliləyir. Kameralar baş verənləri çəkir, göstərir.  Qarabağda yaşayan və ora ərazilərimizə sonradan köçürülən erməniləri çoxumuz ilk dəfə görürük, əksəriyyəti yoxsul, səfalət çində olan insanlardır. Onların qorxaq, miskin və rəzil simalarının arxasında gizlədə bilmədikləri, güclə seziləcək bir nifrət də var, onu hiss etməmək mümkün deyil... Bu aralar Həkəri nəzarət buraxılış məntəqəsində xidmət aparan Azərbaycan sərhədçilərinin işi çox ağırdır. Minlərlə adamın qeydiyyatını aprmaq, yola salmaq fasiləszi iş rejimi tələb edir. Azərbaycanlı jurnalistlər də tarixin bu qiymətli dövrünü zənginləşdirmək üçün Laçın yolundadırlar, fürsətdən istifadə edib köç edən ermənilərə mikrofon uzadırlar. Hamısı “ağıllanıb”, Azərbaycan xalqını tərfiləyirlər, keçmiş günləri yada salırlar, hətta aralarında düşdükləri duruma görə özlərini söyənlər də tapılır... İlk baxışdan hər şey sadə və məntiqlidir, qeyri-adi durum yoxdur. Onların tərifləri, duaları adamda ikrahdan başqa heç bir hiss yaratmır. Məlumdur ki, qeyri-səmimidirlər. Zəif olanda məzlum, yaltaq, güclü olanda qəddar, amansız, qaniçən olurlar. Meşəli qətlimanını törədənlərdən biri, indi Bakıda istintaq təcridxanasında məhkəməsini gözləyən Vaqif Xaçatryan azərbaycanlı həmkəndlilərini öldürməmişdimi?! O, indi saxlanılma şəraitdən razılıq edir, Azərbaycan Prezidentinə minnətdar olduğunu deyir... Vaqif ermənilərin ümumiləşmiş obrazıdır, necə ki, onlardan biri azərbaycanlı jurnalistlərə bəh-bəhlə müsahibə verən Osipyan Slava (Vyaçeslav) Sərkisoviç Xankəndidə “artsax”ın möhtəşəm mübarizəsindən dəm vurur, Laçın yolunda isə Azərbaycana yaltaqlanır. Sərkisoviç sentyabrın 7-də “Hayk media”ya deyir: “Biz artsaxlılar dözümlüyük və cəsarətliyik. Biz dözməliyik, hər şeyə müqavimət göstərmək lazımdır. Qəhrəman artsaxlılar, xatırlayın ki, bizim babalarımız necə yaşayıb. Onlar da bizim kimi olublar, onların da həyatı bizim həyatımıza bənzəyir, lakin onlar qalib gəldilər, biz də qalib gələcəyik”. Sentyabrın 25-də Qarabağdan qaçan həmin Sərkisoviç Azərbaycanın internet kanalına isə başqa şey deyir: “Qorbaçovun beli qırılsın, bütün bunları o edib ki, iki xalq belə olub. Mən Xankəndidə, Bakıda yaşamışam, İrəvanda da olmuşam. -Azərbaycanlılar haqda nə deyə bilərsiniz? -Nə deyə bilərəm ki? Təqsirkar bizik, Allah eləsin müharibə olmasın, hər şey yaxşı olsun. Bakıda oxumuşam, qalmışam, Bakıda çoxlu dostlarım var, onları bu gün də xatırlayıram...”(azpolitika) Ətraflı videoda:

“Ruben Vardanyan başına gələn və yaşayacağı hər şeyə layiqdir”. Sozcu.az xəbər verir ki, bu sözləri erməni politoloq Ayk Martirosyan deyib. “Bu gün Ruben bütün erməni satqınlarına dərs olur. Antiermənilər Rusiyaya xidmət etməklə hər şeyə nail olurlar, amma sonra yararsız vəziyyətdə zibilliyə atılırlar, hər şeylərini itirirlər. Ruben birinci olsa da, sonuncu deyil! Qoy Qarabağın keçmiş “liderlərinin”, din xadimlərinin və Ermənistanı məhvə sürükləyən hər kəsin başına eynisi, hətta daha artığı gəlsin”, – erməni politoloq deyib.

Qarabağda yaşayan erməni sakinlərin hüquqları təmin ediləcək. Bu barədə Prezident İlham Əliyev ABŞ nümayəndə heyətini qəbul edərkən bildirib. Dövlət başçısı vurğulayıb ki, Azərbaycanda yaşayan digər etnik azlıqlar kimi, Qarabağ bölgəsində yaşayan erməni sakinlərin də hüquqları ölkə qanunvericiliyi və beynəlxalq öhdəliklər çərçivəsində təmin ediləcək. Prezident qeyd edib ki, Azərbaycanın nümayəndələri ilə Qarabağın erməni sakinlərinin təmsilçiləri arasında reinteqrasiya istiqamətində dialoq aparılır.

Ruben Vardanyan həbs olunacağını bilə-bilə Laçın sərhəd-keçid məntəqəsindən keçməyə çalışıb. O, bunu bildiyi halda niyə Laçın postundan keçmək istəyib? Politoloq Asif Nərimanlı düşünür ki, burada birdən çox mümkün versiya var: "Rəsmi Bakının "qara siyahısı"nda olan Ruben Vardanyan Laçın sərhəd-keçid məntəqəsində həbs olunacağını bilirdi. Bunu bildiyi halda Laçın postundan keçmək cəhdi maraqlıdır. Burada birdən çox mümkün versiya var: Birincisi, Ruben Samvel Babayanın gedişindən sonra şansını yoxlamaq istəyib; İkincisi, Rubenə Laçın postunda həbs ediləcəyi təqdirdə, sonradan buraxılması ilə bağlı kimlərsə vəd verib: vədi verən böyük ehtimalla Rusiyadır; Üçüncüsü, Ruben Rusiya və Avropadakı əlaqələrinə güvənir və hesab edir ki, "dostları" onu darda qoymayacaq; Vardanyanın həbs riskinə rəğmən, Laçın postundan keçmək istəyi də diqqət çəkir. Bunun Xankəndindəki vəziyyətlə bağlı olduğu ehtimalı böyükdür. İstisna deyil ki, yaxın günlərdə separatçılar özlərini buraxacaq və ruslar Rubenə, eləcə də haqlarında cinayət işi açılmış digər separatçılara onları qoruya bilməyəcəklərini deyiblər. Rubenin qaçmaq üçün özünü riskə atması bundan qaynaqlana bilər".

Ukrayna hərbçiləri Baxmutun cənubunda əməliyyatı davam etdirir. Xüsusilə, ordu Baxmut-Qorlovka magistralını nəzarətdə saxlayır və hərəkət edən Rusiya texnikalarını sıradan çıxarır. Sozcu.az xəbər verir ki, bu barədə Ukrayna Silahlı Qüvvələrinin şərq qoşun qrupunun mətbuat xidmətinin rəhbəri İlya Yevlaş bildirib. Onun sözlərinə görə, son 24 saat ərzində ukraynalı hərbçilər Kleşçievka, Odradovka və Şum yaxınlığında uğurlar əldə ediblər. Orada Ukrayna Silahlı Qüvvələri hücumu davam etdirir və rusları işğal etdikləri ərazilərdən sıxışdırıb çıxarır.

Qarabağdakı qanunsuz rejim ermənilərə müraciət edib. Sozcu.az xəbər verir ki, müraciətdə deyilir: "Bütün əhali Ermənistana köçənə qədər biz sizi mənzillərinizi, mağazalarınızı və digər mühüm obyektlərinizi yandırmamağa çağırırıq. Bu çətin dövrdə məsuliyyətli olun və təhlükəsizlik qaydalarına əməl edin".

Qarabağda qondarma rejimin “təhlükəsizlik şurasının sədri” vəzifəsində çalışmış Vitali Balasanyan Ermənistana gedərkən Laçın nəzarət-buraxılış məntəqəsində xüsusi xidmət orqanları tərəfindən saxlanılıb. Balasanyan Bakıya gətirilir. Qeyd edək ki, Vitali Balasanyan Qarabağda erməni quldur dəstələrindən birinə rəhbərlik edib, Azərbaycan torpaqlarının işğalında iştirak edib. 1999-cu ilin sentyabrından 2005-ci ilə qədər isə qondarma qurumun müdafiə nazirinin müavini olub. O, separatçı qurumun “prezident” seçkilərində iştirak etsə də, məğlub olub. Qeyd edək ki, bu gün qondarma rejimin “dövlət naziri” Ruben Vardanyan da Dövlət Sərhəd Xidmətinin əməkdaşları tərəfindən saxlanılıb.

Azərbaycan Ordusunun Qarabağ bölgəsində həyata keçirdiyi anti-terror əməliyyatlarından sonra bölgədən qaçan qanunsuz erməni silahlılarının bir qisminin Təbrizə aparıldığı bildirilir. Sozcu.az xəbər verir ki, bu barədə "Türkiyə" qəzeti 27 sentyabr tarixində məlumat yayıb. Bildirilib ki, 60 erməni silahlısı SEPAH-ın Təbriz ətrafında yerləşən Xasavan kəndi yaxınlığındakı "Əl-Zəhra" kazarmasına köçürülüb. İHA, SİHA, tank, raket, sızma, təxribat və s. daxil olmaqla, çoxşaxəli hərbi təlimlər keçəcək terrorçuların sayının 1000 nəfərədək artırılacağı qeyd edilir. Təlimlərin başa çatması və terrorçuların hazırlanmasından sonra SEPAH-ın onların Zəngəzur bölgəsinə yerləşdirilməsini planlaşdırıldığı qeyd edilir.

"Müşavirə vaxtından əvvəl başa çatıb, 8 zabit "200", 7 zabit "300" statusuna "layiq görülüb"..." "HIMARS raketi qərargah zabitlərinin gündəlik müşavirəsinin "iştirakçısı" olub..." Ukrayna Təhlükəsizlik Xidməti tərəfindən Ukrayna Müdafiə Qüvvələrinə ötürülən məlumata görə, Ukrayna artilleriyaçılarının dəqiq raket zərbəsilə Rusiyanın Xerson yaxınlığındakı hərbi qərargahı məhv edilib. Sozcu.az xəbər verir ki, bu barədə "news.liga.net" nəşri məlumat yayıb. Məlumatda deyilir ki, zərbə nəticəsində səkkiz rusiyalı zabit həlak olub, daha yeddi nəfəri yaralanıb. Zərbə HIMARS yaylım atəşli reaktiv sisteminin raketi ilə endirilib. "Ukrayna Təhlükəsizlik Xidmətinin yönləndirilməsi sayəsində HIMARS raketi Rusiyanın 70-ci motoatıcı diviziyasınım 24-cü motoatıcı alayı zabitlərinin gündəlik müşavirəsinin "iştirakçısı" olub", - Ukrayna Təhlükəsizlik Xidmətindəki mənbələr məlumat verib. "Müşavirə vaxtından əvvəl başa çatıb: səkkiz zabit "200", yeddi zabit "300" statusuna "layiq görülüb", - məlumatda deyilir. Mənbələr həmçinin bu yaxınlarda Xerson yaxınlığındakı müvəqqəti idarəetmə məntəqəsində baş vermiş partlayışın videosunu yayıb. Bundan öncə məlumat verilib ki, Böyük Britaniya Müdafiə Nazirliyinin dəyərləndirməsinə görə, son bir neçə itkilərdən sonra Rusiyanın Qara dəniz donanması Ukraynanın dəniz blokadasının effektiv şəkildə həyata keçirmək imkanını itirib, lakin hələ də dəniz mənzilli raketlərlə atəşlər həyata keçirə bilər. O cümlədən Britaniya kəşfiyyatı qeyd edib ki, Rusiya donanmasına sentyabrın 20-si və 22-də qərargahlarının məhv edilməsinin kulminasiyası olan ciddi zərbələri bu müharibədə daha dağıdıcı və koordinasiyalı olub.

"Separatçıların keçmiş lideri Ruben Vardanyanın Xankəndindən çıxarılması üçün müzakirələr gedir".  Sozcu.az xəbər verir ki, bu iddianı Qarabağ separatçılarının keçmiş "müdafiə naziri" Samvel Babayan səsləndirib.  O qeyd edib ki, Ruben Vardanyanın Xankəndindən çıxarılması üçün Rusiya ilə Azərbaycan arasında danışıqlar aparılır. Seperatçı iddia edir ki, Rusiya öz agenti olan Ruben Vardanyanın Qarabağdan çıxarılmasına görə Azərbaycana xahişlə müraciət edib.

Dinc azərbaycanlılara qarşı qətliamlarda iştirak edən, vaxtilə separatçı-terrorçu xuntanın “rəhbərliyində” təmsil olunan Samvel Babayan Azərbaycanı necə tərk edə bildiyinə aydınlıq gətirib. Sozcu.az xəbər verir ki, o, bu barədə Ermənistanın İctimai Televiziyasına müsahibəsində deyib. Babayan bildirib ki, əvvəlcə Ağdərədən Xankəndiyə gəlib, daha sonra isə İrəvana gedən karvana qoşulub: “Maşından düşüb (postda – red.) Azərbaycan polisləri ilə salamlaşdım, 15 metr getdim, orada bir polis də dayanmışdı, onunla da salamlaşdım, maşın skanerdən keçəndən sonra oturub keçdim. Müfəttişlər 30 yaşlı gənclərdir, məni tanımırdılar. Heç kimin pasportunu da yoxlamırlar”. Babayan həmçinin maskalanaraq postu keçdiyi barədə məlumatları təkzib edib.

Birinci Qarabağ müharibəsinin iştirakçısı, mülki azərbaycanlılara qarşı qəddarlığı ilə seçilmiş Samvel Babayan Xankəndidəki separatçılar haqda bir çox etiraflar edib. Sozcu.az xəbər verir ki, Ermənistan İctimai Televiziyasına müsahibəsində o, separatçı-terrorçu rejim başçılarının hamısının Rusiya FSB-sinə bağlı olduğunu deyib. O bildirib ki, Bako Saakyan, Arkadi Qukasyan, Araik Arutyunyan hamısı FSB casuslarıdır: “Keçmiş “prezidentlər” də casuslardır: Araiki çıxarıb, yerinə başqa casusu (Şahramanyan nəzərdə tutulur – red.) gətirdilər. Ruben Vardanyanı (Xankəndiyə göndərilən və burada bir müddət “dövlət naziri vəzifəsini” tutan rusiyalı milyarder – red.) da Rusiya göndərib. İndi Rusiya (Azərbaycana – red.) müraciət edib ki, Ruben Vardanyanın ölkədən çıxmağına imkan verilsiun. Niyə o, əvvəllər Rusiyanın agenti olmadığını deyirdi?”

Sentyabrın 24-dən indiyədək 20 270 nəfər Qarabağdan Ermənistana gedib. Sozcu.az xəbər verir ki, bu barədə Ermənistanın baş nazirinin mətbuat katibi Nazeli Baqdasaryan deyib. “Artıq üç gündür ki, hökumətin təşəbbüsü ilə yerləşdirmə mərkəzləri fəaliyyət göstərir, vətəndaşların qeydiyyatı aparılır”, - Baqdasaryan bildirib. O, əlavə edib ki, hazırda 20 270 nəfər qeydiyyatdan keçib, ümumilikdə dövlət 2 850 nəfərin yerləşdirilməsi məsələsini həll edib.

Azərbaycanın Qarabağ bölgəsinin erməniəsilli sakinlərinin yaşadıqları məntəqələrə bu günədək humanitar yardımlar çatdırılıb, bundan sonra da çatdırılacaq. Bu barədə Azərbaycan Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün “X” platformasındakı paylaşımında qeyd edib.

Azərbaycanın Qarabağ bölgəsində keçirilən lokal xarakterli antiterror tədbirləri başa çatdıqdan sonra müsadirə edilmiş döyüş texnikası, silah və sursat barədə sentyabrın 26-sı saat 10:00-a olan məlumat açıqlanıb. Bu barədə Sozcu.az-a Müdafiə Nazirliyindən məlumat verilib. 1. Atıcı silah və qumbaraatanlar - 909 2. Artilleriya silahları - 47 3. HHM vasitələri - 165 4. Döyüş sursatları - 251308 5. Təchizat və ləvazimatlar - 1674 6. Optik və digər cihazlar - 154 7. Zirehli texnika - 22 8. Avtomobil texnikası - 75 9. Qoşqu - 21 *** Azərbaycanın Qarabağ bölgəsində keçirilən lokal xarakterli antiterror tədbirləri başa çatdıqdan sonra müsadirə edilmiş döyüş texnikası, silah və sursat barədə sentyabrın 26-sı saat 17:00-a olan məlumat. 1. Atıcı silah və qumbaraatanlar - 909 2. Artilleriya silahları - 47 3. HHM vasitələri - 226 4. Döyüş sursatları - 251308 5. Təchizat və ləvazimatlar - 1674 6. Optik və digər cihazlar - 164 7. Zirehli texnika - 22 8. Avtomobil texnikası - 75 9. Qoşqu - 21.

Antiterror əməliyyatından sonra Qarabağın erməni əhalisi bölgəni tərk edir. Onlar təkcə daşınmaz əmlakları yandırmır, həm də qəbiristanlıqdakı ölülərinin qalıqlarını da çıxarıb Ermənistana aparırlar.  Sozcu.az xəbər verir ki, sosial şəbəkələrdə yayılan videolarda buna dair görüntülər müzakirələrə səbəb olub. Öz xislətlərindən əl çəkməyən ermənilər bundan da Azərbaycan əleyhinə təbliğat aləti kimi istifadə etməyə cəhd göstərirlər. Məqsəd illər sonra, yaxud yaxın gələcəkdə Azərbaycanı və azərbaycanlıları vandalizmdə ittiham etməkdir. Xatırladaq ki, analoji hadisə 2020-ci il İkinci Qarabağ müharibəsi zamanı da baş vermişdi. Atəşkəs bəyanatının imzalanmasından sonra bir sıra əraziləri tərk etməli olan ermənilər 27 ildən çox işğal altında qalmış Kəlbəcər rayonundan  çıxarkən məzardakı ölülərini də çıxarıb aparırdılar.

“Elə son 30 ildən çox vaxtda torpaqlarımızı işğal altında saxladıqları, 1 milyondan çox insanımızı qaçqın saldıqları halda 30 minə yaxın erməni Bakıda, Gəncədə və s. yaşamadı?..” “Lakin bu dəfə biz ayıq olmalı, onlarla yanaşı yaşasaq da, gələcək üçün ehtiyatı əldən verməməli, onların qadın, qız alverinə uymamalıyıq ki, gələcəkdə fürsət düşən kimi yenidən dirçəlib başımıza yeni problemlər açmasınlar...” “Hesab edirəm ki, son əməliyyatlarımızdan sonra 10 mindən çox erməni ərazimizi tərk edib Ermənistana getsə də, onların xeyli hissəsi Qarabağda qalıb yaşayacaq. Hələ bəlkə Ermənistana köçənlərin bir hissəsi də bir müddət sonra, yəni vəziyyət stabilləşdikdən və digərlərinin Azərbaycan vətəndaşı kimi rahat, dinc yaşadıqlarını gördükdən sonra geri -Qarabağa dönəcəklər. İkincisi də həm öncəki söhbətimizdə sadaladığımız öz milli, etnopsixoloji xüsusiyətlərinə görə, həm də bizim unutqanlığımızı yaxşı bildiklərinə görə... Eyni zamanda onu da qeyd etməliyik ki, ermənilərin Azərbaycan torpağında mümkün qədər çox yaşamasında öz “sülhməramlı”larını uzun müddət Qarabağda saxlamağı düşünən Rusiya da çox maraqlıdır. Və sərfəli məqam yetişəndə ermənilərin geri dönməsinə şərait yaradacaqlar.”   Sovet dövründə xeyli müddət Ermənistandakı qoşunların tərkibində yüksək hərbi vəzifələrdə çalışdığından hayların etnopsixoloji xarakterinə yaxşı bələd olan müdafiə nazirinin sabiq müavini, polkovnik Mehman Səlimov bu fikirləri Moderator.az əməkdaşının "Sizcə, Azərbaycan ordusunun son antiterror əməliyyatlarından sonra Qarabağdakı ermənilərdən xeylisi Azərbaycanın qanunlarına tabe olub, vətəndaşlığımızı qəbul edib orada yaşayacaqmı?” sualını cavablandırarkən söyləyib. “Bəli ermənilər yaxşı bilirlər ki, biz unutqan xalqıq... Hayların yenə də Rusiyanın dəstəyi ilə 1918-ci ilin 31 martından sentyabrınadək bizə qarşı törətdikləri dəhşətli soyqırımlarından sonra necə yaşadıq onlarla birgə, necə qardaşlaşdıq, kirvələşdik, Şaumyana heykəl qoyduq, nəhayət, erməni qızlarıyla evləndik, qohumlaşdıq? Onların ən güclü silahlarından biri məhz qızları, qadınları olub. Çünki bu haylarda bizdəki kimi, qeyrət, namus kateqoriyaları yoxdur... Elə son 30 ildən çox vaxtda torpaqlarımızı işğal altında saxladıqları, 1 milyondan çox insanımızı qaçqın saldıqları halda 30 minə yaxın erməni Bakıda, Gəncədə və s. yaşamadı?”- deyə davamında polkvnik sual edib. “Ermənilər əmindirlər ki, indi də 5-10 il keçəndən sonra biz bu müharibələri, qətliamları unudacağıq. Və məhz ən çoxu bu xasiyyətimizə arxayın olub Qarabağda qalacaqlar.  Lakin bu dəfə biz ayıq olmalı, onlarla yanaşı yaşasaq da, gələcək üçün ehtiyatı əldən verməməli, onların qadın, qız alverinə uymamalıyıq ki, gələcəkdə fürsət düşən kimi yenidən dirçəlib başımıza yeni problemlər açmasınlar. Bunun üçün vətəndaşlığımızı qəbul etmiş ermənilərə qarşı dözümlülük göstərib, eyni zamanda bizimlə əvvəlki kimi sıx qaynayıb-qarışmalarına imkan vermədən, onların, sadəcə Azərbaycan Konstitusiyasına, qanunlarına uyğun dinc, yanaşı yaşamaları üçün şərait yaratmalıyıq”,- deyə sabiq nazir müavini vurğulayıb.

“Əlbəttə, Qarabağın dağlıq hissəsindəki separatçı-terrorçu rejimlə bağlı digər şərtlərlə yanaşı, Azərbaycana qarşı cinayət törətmiş  və axtarışda olan şəxslərin təhvil verilməsi şərtinin də irəli sürülməsində biz haqlıyıq...” “Mən Rusiyanın “sülhməramlı” adlanan hərbi kontingenti orada ola-ola Qarabağdakı separatçı terrorçuların Azərbaycana təhvil veriləcəyi ilə də bağlı optimist deyiləm. Ola bilsin ki,  azərbaycanlıların qətlində iştirak etmiş hansısa kiçik çaplı cinayətkarlar təhvil verilsin. Hərçənd, bu da real görünmür”.  Bu fikri Moderator.az-a açıqlamasında siyasi təhlükəsizlik məsələləri üzrə ekspert Ərəstun Oruclu “Rusiyanın Yuxarı Qarabağın bir hissəsində faktiki hərbi mövcudluğu şəraitində Azərbaycanın danışıqlar zamanı irəli sürdüyü şərtlərə uyğun olaraq separatçı-terrorçu rejim Araikləri, Bakoları, Qukasyanları, Balasanyanları və s. bizə doğrundan da təhvil verəcəkmi?” sualını cavablandırarkən ifadə edib. “Erməni terrorçularının həbsi daha çox  Azərbaycanın müvafiq qurumlarının özünün bilavasitə müstəqil şəkildə keçirdiyi əməliyyatlarla mümkündür. Deyək ki, məsələn, onlar Qarabağdan çıxarkən, Laçın sərhəd-buraxılış məntəqəsindən keçərkən kiçik çaplı cinayətkarları ələ keçirə bilərik. Amma Araik Arutyunyan, Bako Saakyan, Arkadi Qukasyan, Vitali Balasanyan kimi böyük çaplı terrorçulara, cinayətkarlara gəldikdə Rusiya “sülhməramlı”larının onların Azərbaycanın əlinə keçməsinə şərait yaradacağını, imkan verəcəyini düşünmürəm. Əlbəttə, Qarabağın dağlıq hissəsindəki separatçı-terrorçu rejimlə bağlı digər şərtlərlə yanaşı, Azərbaycana qarşı cinayət törətmiş  və axtarışda olan şəxslərin təhvil verilməsi şərtinin də irəli sürülməsində biz haqlıyıq. Və biz buna ümid edə bilərik, bunun üçün çalışa bilərik. Lakin bu o demək deyil ki, digər şərtlərlə yanaşı, terrorçuların təhvil verilməsi də baş tutacaq. Mənə bunlar inandırıcı görünmür”- deyə ekspert davamında bildirib.

"Qarabağ ərazisində yaşayan ermənilərin faktiki olaraq daşınmaz əmlak satmaq hüququ yoxdur. Artıq Azərbaycan ordusu ərazi bütövlüyünü bərpa edib və həmin ərazilər Azərbaycan torpağı olduğuna görə orada bütün rəsmi sənədləşmə işlərinin hamısı Azərbaycan qanunvericiliyinə uyğun aparılmalıdır. İlk növbədə, mülkiyyət hüquqlarının tanınması prosesi olmalıdır". Bu sözləri Yenisabah.az-a tanınmış əmlak eksperti Elnur Fərzəliyev deyib. Qarabağdakı ermənilərin mülklərini satacağı barədə yayılan fikirlərə münasibət bildirən ekspert bunun uzun proses olduğunu bildirib: "90-cı illərin əvvəllərində məcburi köçkünlərimiz Qarabağdan Bakıya gəldilər, müxtəlif ərazilərdə yaşadılar, həmçinin onlar boş evlərə girdilər, hansının ki, sahibləri var idi. Həmin evlərin sahiblərinin böyük əksəriyyəti mənzillərini görmədən dünyasını dəyişdi, 30 ildən artıq müddət keçib.   Həmin evlərdə məcburi köçkünlər torpaqlar azad edilənə qədər yaşaya bilərdilər, amma həmin əmlaklar heç bir halda onların adına rəsmiləşmir, çünki onların sahibləri var və evləri satmaq hüquqları yoxdur. Bu gün də məcburi köçkünlər üçün tikilən evlərdə yaşayanlara çıxarış verilməyib, onlar müqavilə əsasında həmin evlərdə yaşayırlar. Nəzərdə tutulub ki, nə vaxtsa torpaqlar alınanda orada evlər tikiləcək və verilən evlər məcburi köçkünlərdən alınacaq və hər hansı sosial layihələr üçün istifadə ediləcək. Həmçinin ermənilər də Qarabağ ərazisinə digər yerlərdən, başqa ölkələrdən gəliblər. Say çoxaltmaq üçün zamanında Qarabağa erməni yığıblar. Xankəndindən çıxıb Laçın buraxılış məntəqəsindən keçən ermənilərin çoxu Rusiya vətəndaşıdır, sadəcə say şişirtmək məqsədilə həmin ərazilərə aidiyyəti olmayan insanları gətirib ora yığıblar. Bu gün də Azərbaycan ərazisində əmlakı olan bir erməninin əmlakını sata bilməsi üçün mütləq çıxarışı olmalıdır. Artıq istər Ermənistanın, istərsə qondarma rejimin oradakı ermənilərə verdiyi bütün rəsmi sənədlər öz hökmünü itirib. Söhbət Azərbaycan ərazisindən gedirsə, burada baş verən bütün alqı-satqı prosedurları mülki hüquqla tənzimlənməlidir". E. Fərzəliyevin sözlərinə görə, ermənilərin evlərini kiməsə sata bilməsi müşkül məsələdir: "Bu gün həmin ərazini erməni kimə sata bilər? Hansısa xarici gəlib oradan ev almaz. Həmin ermənilər Azərbaycan Respublikasına müraciət edib xahiş etməlidir ki, bizim mülkiyyət hüququmuzu tanıyın. Mən düşünürəm ki, hansı əmlaklarda Birinci Qarabağ Müharibəsindən əvvəl ermənilər yaşayıbsa, orada qalmağa davam etmək istəyirsə, dövlətimiz humanistlik göstərib onların mülkiyyət hüququnu təsdiqləyər. Digər sonradan gələnlərsə necə ki, torpaqlarımızı işğal etmişdilər, o cür də əmlaklarımızı işğal edib, orada yaşayıblar. Hələ ki, bu proseslər üçün vaxt var. Hazırda həmin ərazilərdə müəyyən işlər gedir, bu işlər bitdikdən sonra yəqin ki, dövlət mülkiyyət hüququ ilə bağlı proseslərə start verəcək. Bundan əlavə, həmin əmlakları baha qiymətə kiməsə satmaları çox çətindir. Dünya təcrübəsində də belə bir qanun var, hansı ərazilərdə münaqişə varsa, orada sülhməramlı varsa, həmin zonadakı əmlakların qiyməti normal dövrdən ən azı 2-3 dəfə aşağı olur. Yəni Xankəndində bir evin qiyməti 2020-ci ilə qədər 40 min manat idisə, bu gün həmin əmlakın satış qiyməti maksimum 10-15 min manat olacaq. Çünki heç kəs risk edib o pulu verib həmin ərazidən ev almaz. Alan da azərbaycanlılar olacaq. Amma hansı evlər ki, əvvəllər azərbaycanlıların olub onlar birmənalı şəkildə vətəndaşlarımızın  özünə qaytarılacaq".

Xankəndi yaxınlığındakı qaz anbarında baş vermiş partlayış nəticəsində 280-dən çox insan xəsarət alıb. Sozcu.az bu haqda erməni mediasına istinadən bildirir. Ermənistan mediası Səhiyyə Nazirliyinə istinadən xəbər verir ki, onlarla qurbanın vəziyyəti son dərəcə ağırdır. “Həkimlər 7 qurbanın həyatını xilas edə bilməyib. 13 naməlum meyit isə həkim-ekspertiza şöbəsində saxlanılır” - məlumatda deyilir.

“Böyük ehtimalla, bəzi separatçılar Rusiya sülhməramlılarının maşınında ərazilərimizi tərk edir”. Bu sözləri Yenisabah.az-a açıqlamasında politoloq Rəşad Mustafayev deyib. “Azərbaycan tərəfi konkret olaraq müvafiq əfv, yaxud silahı yerə qoyan separatçıların Ermənistan təhvil veriləcəyi ilə bağlı bəyanatlarla da çıxış edib. Hazırda Qarabağdan olan erməniəsilli şəxslərin Laçın nəzarət-buraxılış məntəqəsindən keçidinə dair ancaq fərziyyələri irəli sürə bilərəm”, – deyə o əlavə edib. –  Ola bilsin ki, bu adamlar sülhməramlıların nəqliyyat vasitələri ilə yoxlanılmadan keçib-gediblər. İstənilən halda arzuolunan o idi ki, haqqında cinayət işi qaldırılan, beynəlxalq axtarışa verilən şəxslərlə bağlı çox ciddi ölçü götürülsün. Əgər bundan sonra onların əfv olunması, yaxud Ermənistana təhvil veriləcəyi ilə bağlı qərar olsaydı belə, bu adamların həmin mərhələdə saxlanılmasına ehtiyac var idi”. Siyasi təhlilçi qeyd edib ki, bu adamların gedişinin Azərbaycan tərəfi ilə razılaşdırılıb-razılaşdırılmadığı haqqında məlumat olmadığı üçün qəti fikir irəli sürmək də çətindir: “Hər keçən gün halqa daralır. Separatçı rejimin qalıqlarının təmizlənməsini davam etdirməliyik”.

Yevlaxda keçirilən görüşdən sonra separatçıbaşı Samvel Şahramanyanın Qarabağdakı qondarma rejiminin üzvləri Azərbaycan nümayəndələri ilə fəal təmasdadırlar. Sozcu.az xəbər verir ki, bu barədə “Hraparak” qəzeti məlumat yayıb. Məlumata görə, görüş zamanı azərbaycanlılar bir daha özlərinin prioritet tələblərindən birinə təkid ediblər: Qarabağın “hakimiyyəti” “dövlət strukturlarının və qurumlarının” ləğvini elan etməli, Xankəndidəki bütün dövlət qurumlarının binalarında Azərbaycan bayrağı asılmalı, bundan sonra inteqrasiya başlamalıdır. Qeyd olunur ki, Şahramanyan Azərbaycanın mərkəzi hakimiyyətindən Xankəndiyə girişi təxirə salmağı xahiş edib: “Bildirib ki, şəhərdə artıq təsvirolunmaz çaxnaşma hökm sürür. Qarabağı tərk etmək istəyənlərə humanitar dəhliz veriləcəyi ilə bağlı razılıq əldə olunub”.

“Eerkrap” könüllülər birliyinin keçmiş sədr müavini Albert Bazeyan Ermənistanın Baş naziri Nikol Paşinyana sui-qəsd hazırladığına görə həbs edilib. Sozcu.az xəbər verir ki, bu barədə onun vəkili Georgi Melikyan məlumat yayıb. Qeyd edilir ki, istintaqın bununla bağlı vəsatəti tam təmin olunub. Bundan əvvəl vəkil Akop Cahangiryan bildirib ki, Bazeyan sentyabrın 23-də axşam saatlarında öz mənzilində saxlanılıb. Milli Təhlükəsizlik Xidmətinin əməkdaşları onun evində axtarış aparıb, bəzi əşya və sənədləri götürüblər. Bundan sonra o, Milli Təhlükəsizlik Xidmətinə, daha sonra isə Daxili İşlər Nazirliyinin İrəvanın Erebuni rayonundakı təcridxanasına aparılıb. O, hakimiyyəti qəsb etmək cəhdində şübhəli bilinirdi. Albert Bazeyanla birlikdə “Səlibçilər” hərbi-vətənpərvərlik təşkilatının daha 7 üzvü saxlanılıb. Sentyabrın 24-də Ermənistan Milli Təhlükəsizlik Xidməti hakimiyyəti ələ keçirməyə hazırlaşmaqda şübhəli bilinən 8 nəfəri saxladığını bildirib.

Ukrayna müharibənin 580-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 276 670 hərbçi, 4672 ədəd tank, 8946 ədəd zirehli döyüş maşını, 6299 ədəd artilleriya sistemi, 792 ədəd RYAS (reaktiv yaylım atəş sistemi), 533 hava hücumundan müdafiə sistemi, 315 ədəd hərbi təyyarə, 316 ədəd helikopter, 8763 ədəd avtomobil texnikası, 4924 ədəd PUA, 1529 qanadlı raket, 20 gəmi/qayıq, 1 sualtı qayıq, 925 xüsusi avadanlıq itirib.

Vətən təkcə uğrunda insanlar şəhid olanda Vətən olmamalıdır. Vətən sərvətləri oğurlananda, təhsili məhv ediləndə, gölləri, çayları qurudulanda, meşələri kəsiləndə, korrupsiyanın əlində inildəyəndə, qazilər özlərini yandıranda, şəhid valideyinləri haqsızlığa uğradığında da Vətən olmalıdır. Yaxşı və yaşamalı Vətən üçün yaxşı vətənşüvənlər yox, yaxşı vətəndaşlar lazımdır. Rəşad Ergün

Azərbaycan və Ermənistanın uzunmüddətli sülh razılaşması əldə etməsi önəmlidir. Sozcu.az xəbər verir ki, bunu ABŞ Dövlət Departamentinin sözçüsü Metyu Miller deyib. "Açıq şəkildə bəyan etmişik ki, sülh razılaşması əldə oluna bilər", - Miller vurğulayıb. O bildirib ki, hər iki ölkə aralarındakı boşluğu ortadan qaldırmalıdır.

Xəbər verdiyimiz kimi, Xankəndi yaxınlığında 100 tonluq benzin çəni partlayıb. Nəticədə xeyli sayda ölən və yaralananların olduğu deyilir. Sozcu.az xəbər verir ki, hadisə şahidlərindən biri açıqlama yayıb. Onun sözlərinə görə, ermənilərdən biri siqaret kötüyünü çənə atdıqdan sonra oradan uzaqlaşıb və nəticədə partlayış baş verib.bizim.media)

Xankəndi baş verən partlayış nəticəsində ölənlərin sayı yüzü ötüb. Sozcu.az xəbər verir ki, yanacaq anbarında baş verən partlayışdan sonra 100-dən çox insanın həlak olub, çoxlu yaralıların olduğu bildirilir, lakin hələlik dəqiq rəqəmi müəyyən etmək mümkün deyil. Qeyd olunur ki, insanların həyatını xilas etmək üçün zərərçəkənləri hava yolu ilə təxliyə etmək lazımdır. musavat.com)

Azərbaycan dövlət qurumları Qarabağda yavaş-yavaş nəzarəti ələ keçirirlər. Qalmağı seçən erməni sakinlər üçün humanitar təminat da hər gün artır.  Azərbaycan dünyaya və ermənilərin özünə göstərə-göstərə genosid nağılını dəfn edir.  Belə də davam etməlidir. Centlmen kimi davranmalıyıq. Müharibədə də, sülhdə də.  İtkilərimiz var, canımızı yandırır, amma itkilərimizin olması müharibədə məğlub etdiyimiz ermənilərlə ləyaqətlə davranmağımıza maneə olmamalıdır. İlkin Rüstəmzadə, ictimai fəal

"Bizim bir-iki fürsətimiz olub, lakin ya zamanı doğru seçməmişik, ya da adamlarımız Putinin olduğu yeri dəqiq nişan ala bilməyib..." "Putini aradan götürmək nə Ukrayna ordusu, nə də Qərbin xüsusi xidmət orqanlarının deyil, bizim vəzifəmizdir..." "Putin həm fiziki, həm də mənəvi cəhətdən xəstədir və payızın sonunadək ölə bilər..." Mişustin Çinə niyə gedib? Rusiya müxalifəti Yeni ilədək Putini məhv etməyi qarşısına məqsəd qoyub. Bundan sonra 10 gün müddətində kreslonu Rusiya hökumətinin sədri Mixail Mişustin tutacaq. Sozcu.az xəbər verir ki, bu barədə rusiyalı müxalifətçi Vyaçeslav Maltsev bəyan edib. Məlumatı "patrioty.org.ua" nəşri yayıb. "Biz Putini bitirəcəyik, bunu çox, həm də çox istəyirik. Bizim bir neçə imkanımız olub, amma,  yumşaq desək, "ləngimişik", ya zamanı düzgün seçməmişik, ya da adamlarımız olmayıb. Bir epizodda iki gün öncə 100 faizlik məlumat əldə etdik. Bizim hazırlıq görməyə xeyli zamanımız olub, amma bacarmadıq, çünki heç kimi tapa bilmədik və bu, böyük qüsurumuzdur. Mən öz partizanlarımla danışmışam və indi onlar əvvəlcədən hazır olduqları və hansı ərazidə yerləşdiyi harədə məlumat verir. Mən belə adamlarla şəxsən ünsiyyətdəyəm, amma hələlik uyğun gəlməyib, hazır olan adamlar Putinin olduğu yeri nişan ala bilmir", - Maltsev deyib. Siyasətçi əmindir ki, Rusiya diktatorunun aradan götürülməsi şansı hələ olacaq. "Vəzifəmiz dəyişməz olaraq qalır-Yeni ilədək biz Putini bitirməliyik. Bu, Ukrayna ordusu və ya Qərbin xüsusi xidmət orqanlarının deyil, bizim vəzifəmizdir. Hər kəs öz işilə məşğul olmalıdır, bizim işimiz də Putini fiziki olaraq məhv etməkdir", - müxalifətçi qeyd edib. Onun sözlərinə görə, bundan sonra ölkə rəhbərliyi indiki baş nazir Mixail Mişustinə keçəcək. "Putindən sonra kim olacaq? Aydındır ki, Mişustin olacaq, çünki o, Konstitusiyaya görə 100 gün ərzində prezident vəzifələrini icra etməlidir, ona görə də çinlilər onunla fəal surətdə ünsiyyətdədir. Bu ilədək Si Tszinpin Mişustinlə görüşməyib. O, Rusiyaya gələndə, özü xüsusi olaraq onunla görüşə gedib, sonra Mişustin özü Çinə səfər edib. O, saat 12:00-da Si Tszinpinin kabinetinə daxil olub, saat 13:00-da isə onun təyyarəsi artıq Moskvaya uçub", - Maltsev deyib. Putinin ölümü-ekspertlərin proqnozu KİV-lər artıq dəfələrlə Rusiya prezidentinin müxtəlif xəstəliklərdən, o cümlədən xərçəngdən əziyyət çəkdiyindən yazıb. 2022-ci il avqustun sonunda Ukrayna Müdafiə Nazirliyinin Baş Kəşfiyyat İdarəsi məlumat verib ki, Putin həm fiziki, həm də mənəvi cəhətdən xəstədir, bu zaman şizofreniya barəsində də deyilib. 2023-cü il avqustun ortalarında KİV-lərə bəlli olub ki, son zamanlar Rusiya prezidentinin səhhəti uzun müddət çəkən xəstəliklər fonunda pisləşib. Öz növbəsində politoloq Valeri Solovey sentyabrın 12-də deyib ki, Putin payızın sonunadək ölə bilər.

Xankəndidə yanacaqdoldurma stansiyasında partlayış olub. Sozcu.az xəbər verir ki, partlayış nəticəsində xəsarət alanların olduğu bildirilir. Təfərrüatlar dəqiqləşdirilir.

Azərbaycan Respublikası Baş nazirinin müavini Şahin Mustafayevin sosial-humanitar, iqtisadi və infrastruktur məsələlərin həlli üzrə rəhbərlik etdiyi işçi qrupun üzvlərinin cari fəaliyyət istiqamətlərini müəyyən etmək məqsədilə Xankəndi şəhəri də daxil olmaqla ərazidə kommunal, səhiyyə xidmətləri və digər mülki fəaliyyətlə məşğul olan müvafiq nümayəndələrlə görüşünün təşkili və birgə işçi qrupunun yaradılması barədə razılıq əldə olunub.  Sozcu.az xəbər verir ki, bu barədə Azərbaycan Respublikası Prezidentinin Administrasiyasının məlumatında bildirilib.  Qeyd edək ki, Azərbaycan Prezidenti İlham Əliyevin tapşırığı ilə Qarabağ bölgəsində sosial, humanitar, iqtisadi və infrastruktur məsələlərinin həlli məqsədilə Baş nazirin müavini Şahin Mustafayevin rəhbərliyi altında İşçi qrup yaradılıb.  İşçi qrup Azərbaycanın işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı Əlaqələndirmə Qərargahının çərçivəsində fəaliyyət göstərir. İşçi qrupun tərkibinə İqtisadiyyat, Əmək və Əhalinin Sosial Müdafiəsi, Kənd Təsərrüfatı, Daxili İşlər, Səhiyyə, Elm və Təhsil nazirlikləri, “Azərenerji” ASC, “Azərişıq” ASC, “Azəriqaz” İstehsalat Birliyi, Avtomobil Yolları Dövlət Agentliyi və digər aidiyyəti qurumlar daxildir. 

“Separatçıların “rəhbərlərindən” olmuş Samvel Babayan Qarabağdan İrəvana qaça bilib. Onun Xankəndidən necə çıxdığı və Ermənistana necə keçdiyi müəmmalıdır, lakin erməni əhalisi arasına qarışaraq, gedə biləcəyi istisna deyil”. Sozcu.az xəbər verir ki, bu sözləri siyasi şərhçi Asif Nərimanlı deyib. O bildirib ki, təslim olan hazırkı “rəhbərlər”in sona qədər gözləyəcəyi ehtimalı çoxdur və onların amnistiyadan yararlanmaq imkanı da ola bilər: “Lakin keçmiş “rəhbərlər” – Bako Saakyan, Arkadi Qukasyan, Araik Arutyunyan, Ruben Vardanyan və digərləri çıxmağa çalışacaq. Qaçış üçün iki mümkün yolları ola bilər: erməni əhalisi arasında gizlənmək, qarışıqlıqdan istifadə edərək Ermənistana keçmək; sülhməramlıların təminatı üçün daha əvvəl uçuşuna şərait yaradılan helikopterlərlə çıxmaq”. A.Nərimanlı deyib ki, hər iki halda sülhməramlılar onlara yardım edəcək: “Lakin Xankəndiyə əvvəldən nəzarət edən Azərbaycan kəşfiyyatının indi bu imkanları xeyli artıb və ən azından bir, yaxud bir neçəsinin ələ keçiriləcəyi də istisna edilməməlidir”.

2023-cü il sentyabrın 25-də Xocalı şəhərində Qarabağın erməni sakinləri ilə təmaslar üzrə müəyyən edilmiş məsul şəxs Ramin Məmmədovun Qarabağın erməni sakinlərinin təmsilçiləri ilə növbəti görüşü keçirilib. Sozcu.az xəbər verir ki, bu barədə Azərbaycan Respublikası Prezidentinin Administrasiyası məlumat yayıb. Konstruktiv mühitdə keçən görüşdə sentyabrın 21-də Yevlax şəhərində müzakirə edilmiş məsələlərin həlli istiqamətində atılan addımlardan, xüsusilə qısa müddətdə humanitar yardımın təminatı, yanacaq təchizatı və elektrik verilişinin bərpasından razılıq ifadə olunub. Qarabağın erməni sakinləri ilə təmaslar üzrə məsul şəxs Ramin Məmmədov bundan sonrakı mərhələdə həyata keçiriləcək tədbirlər haqqında məlumat verib. Qeyd olunub ki, bəzi yaşayış məntəqələrində tənha vəziyyətdə müəyyən edilmiş erməniəsilli yaşlı sakinlərə ilkin tibbi yardım göstərilib və onlar həkim nəzarəti altında saxlanılırlar. Beynəlxalq Qırmızı Xaç Komitəsinin nümayəndələrinin həmin şəxslərlə görüşünə şərait yaradılması, onların ailə üzvlərinə və ya müvafiq tibb müəssisələrinə təhvil verilməsi təklif edilib. Azərbaycan Respublikası Baş nazirinin müavini Şahin Mustafayevin sosial-humanitar, iqtisadi və infrastruktur məsələlərin həlli üzrə rəhbərlik etdiyi işçi qrupun üzvlərinin cari fəaliyyət istiqamətlərini müəyyən etmək məqsədilə Xankəndi şəhəri də daxil olmaqla, ərazidə kommunal, səhiyyə xidmətləri və digər mülki fəaliyyətlə məşğul olan müvafiq nümayəndələrlə görüşünün təşkili və birgə işçi qrupunun yaradılması barədə razılıq əldə olunub. Təklif olunub ki, Xankəndi şəhəri yaxınlığında və ya Xocalı istiqamətində qurulması təklif olunan səhra hospitalında səhiyyə xidmətləri Azərbaycan və erməniəsilli tibb heyəti tərəfindən birgə təşkil edilsin. Həmçinin Azərbaycan və erməni xidmət personalı tərəfindən mobil qida təminatı xidmətinin yaradılması təklif edilib. Xroniki ağır xəstəliklərdən əziyyət çəkən və ya xüsusi cərrahiyyə əməliyyatına ehtiyacı olan şəxslərə zəruri tibbi yardımın göstərilməsinə hazırlıq ifadə olunub. Bununla yanaşı, görüşdə Azərbaycan və erməniəsilli tibb işçilərindən ibarət səyyar birgə həkim briqadalarının formalaşdırılması, həmin briqadalar tərəfindən ucqar kəndlərdə tənha və tibbi xidmətə ehtiyacı olan şəxslərə xidmət göstərilməsinin vacibliyi vurğulanıb. Qarabağ iqtisadi rayonunda yaşayan erməniəsilli vətəndaş cəmiyyəti təmsilçiləri və ictimai fəalların Bakıya və ya Azərbaycanın digər şəhərlərinə səfərlərinin təşkil edilməsi təklifi vurğulanıb və bu cür təşəbbüslərin vətəndaş cəmiyyəti dialoqu platformasının yaradılması, eləcə də etimad quruculuğu tədbirlərinin həyata keçirilməsi baxımından əhəmiyyətli olduğu qeyd edilib. Görülmüş işlərin yekunlarının müzakirəsi və gələcək addımları müəyyənləşdirmək məqsədilə tezliklə növbəti görüşün keçirilməsi barədə razılıq əldə edilib.

Xankəndidəki xunta rejiminin rəhbərliyində olmuş separatçı Vitali Balasanyan Qarabağı tərk etmək fikrində deyil. Sozcu.az xəbər verir ki, bu barədə o, Tert.am saytına bildirib. “Mən 5 mart 1959-cu ildə Əsgəranda anadan olmuşam. İndi mən də burada yaşayıram və yaşamağa davam edəcəyəm”, - o deyib. Qarabağı tərk edən separatçılar və mülki ermənilərlə bağlı o qeyd edib: “İndi bu haqda danışmayaq, qoy hər kəs özü qərar versin. Gedən gedir, qalmaq istəyən qalır. Harada yaşayacağına hər kəs özü qərar verir”, - deyən Vitali Balasanyan əlavə edib ki, hər kəsin qərarına hörmət edilməlidir. Qeyd edək ki, V.Balasanyan terroru sevən, türklərin düşməni olan və həddindən artıq qəddar bir erməni kimi ad çıxarıb. “Balasanyan “Daşnaksütyun” partiyasının üzvü olub. Həm qondarma “Artsax rejimi”nin, həm də Ermənistanın “xaç qəhrəmanı”dır. 1992-ci ilin əvvəlindən başlayaraq Azərbaycana qarşı döyüşüb. Xocalı soyqırımınən törədilməsində iştirak edib.

Sentyabrın 22-də Sevastopolda Qara dəniz Donanmasının qərargahının vurulması nəticəsində donanmanın komandanı, vitse-admiral Viktor Sokolov ölüb. Sozcu.az xəbər verir ki, bu barədə Ukrayna Silahlı Qüvvələrinin Xüsusi Əməliyyatlar Qüvvəsi məlumat yayıb. “Donanma qərargahının vurulmasından sonra Qara dəniz Donanmasının komandanı daxil olmaqla, 34 zabit ölüb. Daha 105 nəfər isə yaralanıb. Qərargahın binası tamamilə dağılıb”, - məlumatda qeyd olunub. Bildirilib ki, raket zərbələri nəticəsində “Minsk” böyük desant gəmisi də məhv edilib. Halbuki gəmi hücumdan bir gün sonra şəxsi heyətlə birlikdə döyüş növbətçiliyinə çıxmalı idi. Gəmidəki canlı qüvvə itkisi 62 nəfər təşkil edib. Qeyd edək ki, sentyabrın 22-də Ukrayna tərəfi Sevastopolun “Storm” raketləri ilə atəşə tutulduğunu bildirmişdi.

Beş gün bundan əvvəl Azərbaycan Qarabağda suverenliyini tam bərpa etdi. Sozcu.az xəbər verir ki, bu sözləri Azərbaycan Prezidenti İlham Əliyev sentyabrın 25-də Naxçıvanda Türkiyə Prezidenti Rəcəb Tayyib Ərdoğan ilə mətbuata bəyanatında deyib. Dövlət başçısı bildirib ki, qanunsuz erməni hərbi birləşmələri təslim olub və şərtləri qəbul edib: “Onlara humanitar yardımlar, o cümlədən ərzaq məhsulları, dərmanlar göndərildi”. Prezident qeyd edib ki, Qarabağdakı ermənilər Azərbaycan vətəndaşlarıdırlar.

Sentyabrın 24-ü saat 17:35 radələrində Azərbaycan Ordusuna məxsus "KamAZ" markalı hərbi nəqliyyat vasitəsi minaya düşüb. Bu barədə Sozcu.az-a Azərbaycan Müdafiə Nazirliyindən məlumat verilib. Mövqelərimizin təminat yolunda terror məqsədilə əvvəlcədən quraşdırılmış tank əleyhinə minanın partlaması nəticəsində Azərbaycan Ordusunun hərbi qulluqçuları Şadmanov Əkrəm Yunis oğlu və Seyidov Tural İslam oğlu şəhid olub. Digər hərbi qulluqçumuz Əliyev Elvin Taleh oğlu isə müxtəlif dərəcəli bədən xəsarətləri alaraq yaralanıb. Yaralı hərbçimizə ilkin tibbi yardım göstərildikdən sonra o, dərhal yaxınlıqdakı hərbi tibb müəssisəsinə təxliyə edilib. Vəziyyəti stabildir, həyatı üçün heç bir təhlükə yoxdur.

Xocalıda Azərbaycanın Qarabağ bölgəsinin erməni sakinlərinin nümayəndələri ilə növbəti görüş başlayır. Sozcu.az xəbər verir ki, Azərbaycanın mərkəzi hakimiyyətini görüşdə Azərbaycan Respublikasının Qarabağ bölgəsində yaşayan erməni sakinlər ilə təmaslar üzrə məsul şəxs təyin edilmiş Ramin Məmmədov təmsil edir.

Qarabağda erməni terrorçuları Monte Melkonyan və Qaregin Njdenin heykəllərinin söküldüyü iddia edilir. Sozcu.az xəbər verir ki, bu barədə sosial şəbəkələrdə məlumat yayılıb. Bildirilir ki, Xocalı qatili, ASALA terror təşkilatının liderlərindən Monte Melkonyanın Xocavənddəki, digər erməni qatil Qaregin Njdenin isə Xankəndidəki heykəlinin sökülməsinə start verilib. Qeyd edək ki, Qarabağda qanunsuz erməni silahlı birləşmələrindən silah və sursatın müsadirə edilməsi prosesi davam edir.Globalinfo)

Sentyabrın 25-də, səhər saatlarında Xankəndini tərk etmək istəyən separatçıların keçmiş lideri Ruben Vardanyan bunun üçün qeyri-adi üsula əl atmağa çalışıb. Vardanyan “Laçın” sərhəd-buraxılış məntəqəsini (SBM) rahat keçmək üçün qadın qiyafəsinə girib. Lakın SBM-ə çatmamış anlayıb ki, kimliyi texniki vasitələrlə müəyyənləşdiriləcək, buna görə də avtomobili geri çevirərək yenidən Xankəndiyə qayıdıb. Vardanyanın qadın geyimi seçməsi təsadüf deyil. Hiyləgər separatçı çox gözəl bilir ki, Azərbaycan əsgəri mülki əhaliyə, xüsusilə də qadın və uşaqlara humanist münasibət göstərir. Ancaq Azərbaycanın hüquq-mühafizə orqanlarının da zərgər dəqiqliyi ilə işlədiyindən xəbərdardır. Buna görə də qadın paltarı ilə qaçmaq niyyətinin puça çıxacağını, gec də olsa, anlayıb.(oxu.az)

“Rusiya Xankəndi və Xocalının tezliklə Azərbaycanın yurisdiksiyasına keçməsinə imkan verməyəcək...” “Hesab edirəm ki, Rusiya, nə qədər ki, bölgədədir, Xankəndi və Xocalının tezliklə Azərbaycan dövlətinin birbaşa idarəçiliyinə, yurisdiksiyasına keçməsinə imkan verməyəcək”. Bu fikri Moderator.az-a açıqlamasında siyasi təhlükəsizlik məsələləri üzrə ekspert Ərəstun Oruclu “Rusiyanın Yuxarı Qarabağın bir hissəsində faktiki hərbi mövcudluğu şəraitində Xankəndi, Xocalı, Ağdərə və s. məntəqələrimizi tezliklə rəsmi Bakının yurisdiksiyasına qaytara biləcəyikmi? Sualını cavablandırarkən dilə gətirib. Analitik müəyyən səbəblərdən bu məsələdə də optimist ola bilmədiyini bildirib. “Yalnız iki halda Azərbaycan bu iki şəhərimizin tezliklə öz yurisdiksiyasına qaytarılmasına nail ola bilər: 1. Rusiyanın tam zəifləyib Cənubi Qafqazdan əlini üzəcəyi halda; 2. Azərbaycanın Rusiyaya keçmiş Dağlıq Qarabağ ərazisində rəsmən öz hərbi bazasını qurmağa icazə verəcəyi halda...  Məhz Xankəndi və Xocalı Rusiya üçün çox önəmlidir. Elə əslində Ağdərənin özünün də strateji əhəmiyyəti vacibdir. Biz Aprel döyüşlərində də, 44 günlük savaşda da gördük ki, Ağdərə istiqamətində hücum edilməsinə baxmayaraq  Azərbaycan ordusunun sonadək irəliləməsinə imkan verilmir. Düzdür, artıq ordumuzun Ağdərə şəhərinin girişinə bayraq sancmasını əks etdirən videolar yayılmaqdadır. Lakin bu şəhərin birbaşa dövlətimizin idarəçiliyinə keçəcəyi məsələsi hələ sual altındadır. Çünki Ağdərə bir növ Xankəndi və Xocalını şimal hissədən bağlayan forpostdur. Buna görə də bu məsələdə də mən optimist ola bilmirəm”,- deyə ekspert vurğulayıb.

NATO-nun Avropa İnkişaf Komitəsinin sədri Günter Felinger Şimali Atlantika Alyansını Serbiyaya zərbə endirməyə çağırıb. Sozcu.az xəbər verir ki, o, müvafiq çağırışı X sosial şəbəkəsində yayıb. "Serblərin Kosovaya qarşı müharibəsi Banskda başladı. Mən NATO-nu dərhal Serbiyaya qarşı müdaxilə hazırlamağa çağırıram. Belqradı elə indi bombalayın!" - o bildirib. Eyni zamanda, Felinger baş verənlərdə Rusiyanın əli olduğunu iddia edib. Qeyd edək ki, Kosova Baş naziri Albin Kurti sentyabrın 24-nə keçən gecə saat 3:00 radələrində regionun şimalındakı Leposaviç bələdiyyəsinin Banska kəndi yaxınlığında naməlum şəxslərin Kosova polis əməkdaşlarına atəş açdığını bildirmişdi. Kosova Prezidenti Vyosa Osmani hücumda “serb cinayətkar dəstələrini” günahlandırıb.

Düşmənin Ağdərə istiqamətindəki hərbi hissəsi şanlı ordumuz tərəfindən nəzarətə götürüb.  Sozcu.az xəbər verir ki, bu barədə sosial şəbəkələrdə video paylaşılıb.  Videodan da məlum olduğu kimi, ordumuz nəzarətə götürdüyü hərbi hissəyə bayrağımızı sancıblar. Qeyd edək ki, video lokal antiterror tədbirləri zamanı çəkilib.  Həmin görüntüləri təqdim edirik: 

2023-cü il sentyabrın 21-də Yevlax şəhərində Azərbaycan Respublikasının Qarabağ bölgəsində yaşayan erməni sakinlərin nümayəndələri ilə keçirilmiş görüşdə müzakirə edilən məsələlərin həlli istiqamətində təxirəsalınmaz işlər davam etdirilir. Azərbaycan Prezidentinin Administrasiyasından Sozcu.az-a bildirilib ki, növbəti addım olaraq, Xankəndi şəhərinin Ermənistanın enerji sistemindən ayrılaraq Azərbaycan enerji sisteminə qoşulması təmin edilib. Qeyd edək ki, hələ 2021-ci ildə "Azərenerji" tərəfindən tikilən və Azərbaycan Respublikasının Prezidenti cənab İlham Əliyevin iştirakı ilə istifadəyə verilən "Şuşa" yarımstansiyasında Xankəndi üçün ehtiyat yuvalar quraşdırılmışdı. 2023-cü il sentyabrın 19-dan etibarən "Azərenerji" tərəfindən "Şuşa" yarımstansiyası yaxınlığında əlavə 110 kV-luq yüksək gərginlikli dayaqların quraşdırılmasına və Xankəndi xətti ilə əlaqələndirilməsi işinə başlanılıb. Aparılan işlər nəticəsində artıq proses yekunlaşıb. Paralel olaraq "Azərenerji" və "Azərişıq" əməkdaşları ötürücü və paylayıcı şəbəkəni, mühafizə sistemlərini təftiş etdikdən sonra xəttə gərginlik verilib. Artıq Xankəndidə Azərbaycan işığı yanır.

Azərbaycan Ordusu Kəlbəcər rayonunun Narınclar kəndi (keçmiş Ağdərə rayonu) üzərində nəzarəti bərpa edib. Sozcu.az xəbər verir ki, bunula bağlı sosial şəbəkələrdə görüntülər yayılıb. Görüntüləri təqdim edirik:

"Rusiya sülhməramlılarının Dağlıq Qarabağda nə qədər sayda və hansı müddətdə qalması yerdə, ərazidə həll ediləcək məsələdir..." "Bizim sülhməramlıların rolu xüsusilə ilk vaxtlar qarabağlıların özlərini təhlükəsiz hiss etmələri üçün çox vacibdir..." "Ermənistanın özü Qarabağın Azərbaycana məxsus olduğunu tanıyıb, amma utanmadan Qarabağı Bakıya Putinin verdiyini bəyan edir..." Rusiya "sülhməramlıları" Dağlıq Qarabağda dinc həyatın nizama salınmasına kömək edəcək. Sozcu.az xəbər verir ki, bu barədə Rusiya xarici işlər naziri Sergey Lavrov BMT Baş Assambleyasının 78-ci sessiyasında ümumi siyasi diskusiyalarda çıxış edərkən bəyan edib. Rusiya sülhməramlılarının Dağlıq Qarabağda nə qədər sayda və hansı müddətdə qalacağı "yerdə, ərazidə həll ediləcək məsələdir", - nazir qeyd edib. "Bizim sülhməramlılar hazırda Qarabağ nümayəndələri ilə Azərbaycanın rəsmi şəxsləri ilə təmaslara kömək edir. Bizim sülhməramlılar orada iştirak edərkən buna istinad edir ki, etimadın möhkəmləndirilməsində, qarabağlıların xüsusilə ilk vaxtlar özlərini təhlükəsiz hiss etmələri üçün onların rolu vacibdir", - bu barədə Lavrov sessiyanın yekunlarına dair mətbuat konfransında bəyan edib. Rusiya sülhməramlılarının hansı sayda və hansı müddətdə Dağlıq Qarabağda qalması "yerdə, ərazidə həll ediləcək məsələdir", - Lavrov qeyd edib. Rusiya sülhməramlıları Dağlıq Qarabağda 2020-ci ilin noyabrında Rusiya, Ermənistan və Azərbaycan liderlərinin atəşin dayandırılması haqqında imzaladıqları Bəyanat əsasında oradadır. Onların qalma müddəti Bəyanatın imzalandığı zamandan beş illiyə, yəni 2025-ci ilədək nəzərdə tutulub, bundan sonra tərəflərdən biri sülhməramlıların işinin dayandırılması barədə bəyanat vermədiyi halda avtomatik olaraq yeni beşillik müddətlərədək uzadılacaq. Baş Assambleyanın sessiyasında çıxışında Lavrov Avropa İttifaqını Azərbaycanla Ermənistan arasında öz vasitəçiliyini zorla qəbul etdirməkdə ittiham edib və qeyd edib ki, belə hərəkətlər yalnız regionda sabitliyi pozur. O, qeyd edib ki, keçmiş Sovet İttifaqının bir sıra ölkələrində olduğu kimi, Ermənistanda Qərb fondları tərəfindən yaradılmış çox güclü lobbilər var, onlar Rusiyanın təsirini sarsıtmaq üçün ABŞ-ın məraqlarını təmsil edir. "Biz buna süni şəkildə qızışdırılan ehtiraslar kimi baxırıq və bunlara kimin rəhbərlik etdiyini bilirik", - Lavrov vurğulayıb. Onun sözlərinə görə, "təəssüf ki, Ermənistan rəhbərliyinin özü odun üstünə yağ tökür". Lavrov xatırladıb ki, Ermənistanın baş naziri Paşinyan və Azərbaycan prezidenti Əliyev Qarabağın Azərbaycanın ərazisi olduğunu faktiki olaraq tanıyan sənədə imza atdıqdan sonra Ermənistan parlamentinin rəhbəri utanmadan Qarabağı Bakıya Putinin verdiyini bəyan edib". Bu arada isə Rusiya prezidentinin mətbuat katibi Dmitri Peskov bəyan edib ki, Azərbaycanla Ermənistan arasında sülh müqaviləsinin imzalanması üçün zəmin vardır. Onun sözlərinə görə, "Qarabağın kimə məxsus olması kimi əsas məsələ özlüyündə Ermənistanın Qarabağın Azərbaycana məxsus olduğunu tanıması" hesabına həll edilib".

Xankəndidə "Ekimyan" küçəsi adlanan yerdə güclü yanğın hadisəsi baş verib. Sozcu.az xəbər verir ki, bu barədə erməni Teleqram kanalları məlumat yayıb. Əlavə məlumat verilmir.

Məlum olduğu kimi, millət vəkili Qənirə Paşayeva ağır vəziyyətdə Mərkəzi Klinikaya yerləşdirilib. Hazırda reanimasiyada süni nəfəs aparatına bağlı şəkildə həyat mücadiləsi verir. Sozcu.az xəbər verir ki, bununla bağlı Musavat.com-un qeyd olunan xəstəxanada olan müxbiri millət vəkili, tanınmış həkim Rəşad Mahmudovdan açıqlama alıb. Həmin açıqlamanı oxucularımızın diqqətinə təqdim edirik.

"Bir daha təkrar edirəm ki, əgər "Dağlıq Qarabağ"da aparılan danışıqlar nəticə verməsə, o zaman Ermənistan Respublikası erməni qardaş və bacılarımızı böyük qayğı ilə qarşılayacaq". Sozcu.az xəbər verir ki, bu sözləri Ermənistanın Baş naziri Nikol Paşinyan deyib. O bildirib ki, qondarma "Artsax" sakinlərinin təhlükəsiz yaşaması üçün beynəlxalq mexanizmlər tapılmasa, o zaman Ermənistan Respublikası onları ölkədə qəbul etməyə hazırdır. Ermənistanın Baş naziri əlavə edib ki, Qarabağ ermənilərinin öz yaşadığı yerləri tərk etməsinin məsuliyyəti Azərbaycanın və Rusiyanın üzərindədir. Bundan başqa, Paşinyan heç vaxt müttəfiqlərinə xəyanət etmədiyini deyib: "Lakin müttəfiqlərimiz təhlükəsizlik zəifliyimizdən istifadə edərək, etika, əxlaq, öhdəlik və müqavilələrə zidd olaraq qeyri-dost hərəkətlər edirlər. Biz ötən ilin dekabrında Roma Əsasnaməsini ratifikasiya etmək qərarına gəldik, məhz o zaman anladıq ki, KTMT və digər strukturlar bizim təhlükəsizliyimizə təminat verə bilmir. Qeyd etmək lazımdır ki, Roma Statutunun ratifikasiyası üçüncü tərəfə qarşı yönəlməyib".

"Kadırov Çeçenistanda yaradılan zibil qutusudur və onun ölümü Rusiyaya respublikada törətdiyi cinayətləri bir hissəsini onun üzərinə qoymağa imkan verəcək..." Zakayev bəyan edib ki, Kadırovu xəstəxana çarpayısına düçar edən narkotik asılılığıdır İçkeriya Çeçenistan Respublikasının baş naziri Kadırovun Rusiyanın FTX tərəfindın zəhərləndiriməsi versiyasını təkzib edib. Sozcu.az xəbər verir ki, bu barədə "tsn.ua" nəşri yazıb. İçkeriya Çeçenistan Respublikasının mühacirətdə olan baş naziri Əhməd Zakayev bəyan edib ki, Ramzan Kadırov 15 il ərzində narkotiklərdən istifadə edib. Onun fikrincə, belə asılılıq Çeçenistan liderini "xəstəxana çarpayısına" düçar edib. Ötən həftə müxalifətçi Əbubəkr Yanqulbayev bəyan edib ki, Kadırov "ölüb". Bu arada isə Kreml Çeçenistan liderinin vəziyyəti barədə susmağa üstünlük verir.  Bununla birlikdə, Ukrayna MN Baş Kəşfiyyat İdarəsi  iddia edib ki, Kadırovun vəziyyəti ağırdır. Öz tərəfindən Əhməd Zakayev deyib ki, çeçen "don"u uzun müddət "sakitləşdirici", daha doğrusu, narkotiklər qəbul edib. Bu, sağlamlıqla bağlı gözlənilən problemlərə gətirib çıxarıb. O cümlədən, Birləşmiş Ərəb Əmirliklərdə ona böyrək köçürməyə cəhd edilib, lakin bu, baş tutmayıb. "Bu səbəbdən onun sağlamlığında ciddi fəsadlar baş verib", - Zakayev "24Kanal"a şərhində deyib. Eyni zamanda o, çeçen liderinin, bəzi ekspertlərin hesab etdiyi kimi, Rusiya  FTX-sı tərəfindən zəhətlənditirilməsi versiyasını təkzib edib. Zakayev deyir ki, Kadırov Kreml üçün hələ də kifayət qədər qiymətli fiqurdur. O, Rusiya üçün "canlı" kimi faydalıdır və ona alternativ "simanın" yaradılması çox vaxt tələb edir. Eyni zamanda, Kadırovun "ölümü" ondan Rusiyanın öz cinayətlərinin bir hissəsinin ata biləcəyi "zibil qutusu" düzəldə bilər, Zakayev vurğulayıb. "O, Çeçenistanda yaradılan zibil qutusudur. Çeçenistanın malik olduğu bütün neqativlər və ya Rusiya xüsusi xidmət orqanları və Rusiyanın Çeçenistanda törətdiyi cinayətlərin nəticələri-bütün bunlar Kadırovun üzərinə qoyulacaq", - o, qeyd edib. Peskov Kadırovun hansı vəziyyətdə olduğunu dəqiqləşdirməkdən imtina edib Xatırladaq ki, Kadırovun "ölümü" barədə şayiələr Yanqulbayevin sentyabrın 17-də yaydığı məlumatla birgə yayılıb. Ertəsi gün Rusiya KİV-ləri Putinin mətbuat katibi Dmitri Peskova müraciət edib və Kadırovla bağlı baş verənləri dəqiqləşdirməyə cəhd edib. Cavabında Peskov deyib ki, Kadırov Kremlin səlahiyyəti deyil, ona görə də onun sağlamlığı ilə bağlı heç bir arayış verilməyəcək. Eyni zamanda, sentyabrın 18-də Çeçenistan rəhbərinin saytında Kadırovun məzuniyyətə çıxması barədə sərəncan  üzə çıxıb. Qeyd edilib ki, sərəncam iyulun 3-də təsdiq edilib.

Oktyabrın 5-də İspaniyanın Qranada şəhərində Azərbaycan Prezidenti İlham Əliyevlə Ermənistan Baş naziri Nikol Paşinyan arasında görüş keçiriləcək. Sozcu.az xəbər verir ki, bu barədə Ermənistan Təhlükəsizlik Şurası məlumat yayıb. Qeyd edək ki, bundan öncə Ermənistan Baş naziri Nikol Paşinyan 5 oktyabrda Qranada şəhərində mümkün görüşdə hər hansı sənədin imzalanmayacağını bildirmişdi.

Ermənistanın baş naziri Nikol Paşinyan sentyabrın 24-də günortadan sonra müraciətlə çıxış edəcək. Sozcu.az xəbər verir ki, bu barədə Paşinyanın mətbuat katibi Nazeli Baqdasaryan məlumat verib. Qeyd edək ki, bu, Qarabağda Azərbaycanın qələbəsilə başa çatan antiterror əməliyyatından sonra Ermənistan baş nazirinin xalqa üçüncü müraciətidir.

ABŞ, Cənubi Koreya və Yaponiya Rusiya və Şimali Koreya arasında mümkün silah sazişinə qarşı sərt tədbirlər görməyə qərar veriblər. Cənubi Koreyanın Xarici İşlər Nazirliyi nazir Park Cinin Nyu-Yorkda Yaponiyanın xarici işlər naziri Kamikava Yoko və ABŞ dövlət katibi Antoni Blinkenlə görüşdüyünü açıqlayıb. Görüş zamanı nazirlər Şimali Koreya lideri Kim Çen Inın Rusiyaya səfərini və Moskva ilə Pxenyan arasında mümkün silah sazişi ilə bağlı narahatlıqların artdığı bir vaxtda onun prezident Vladimir Putinlə görüşünü müzakirə ediblər. Rusiya və Şimali Koreya arasındakı hərbi əməkdaşlıqdan dərin narahat olduqlarını bildirən nazirlər iki ölkə arasında mümkün silah sazişinin Birləşmiş Millətlər Təşkilatının Təhlükəsizlik Şurasının (BMT TŞ) qətnamələrini pozacağı ilə bağlı xəbərdarlıq ediblər. Nazirlər Moskva və Pxenyan arasında mümkün silah sazişinə qarşı sərt tədbirlər görməyə qərar verdiklərini və BMT Təhlükəsizlik Şurasının qətnamələrini pozaraq regional təhlükəsizliyə qarşı yönələn hər hansı təhdidlə qətiyyətlə mübarizə aparmaq üçün qlobal ictimaiyyətlə əməkdaşlığa sadiq olduqlarını açıqlayıblar. Xatırladaq ki, Kim sentyabrın 13-də Rusiya prezidenti Putinlə görüşüb. Kim Çen Inla danışıqları "məhsuldar" adlandıran Putin bölgədəki vəziyyət və ikitərəfli münasibətlərlə bağlı fikir mübadiləsi apardıqlarını bildirib.(musavat.com)

Ukrayna qoşunları Zaporojye vilayətinin dərinliklərinə doğru irəliləyir və Robotinodan 1,5 km cənubda yerləşən Novoprokopovka kəndinə hücum edir. Sozcu.az xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub. İnstitut çoxsaylı rusiyalı mənbələrə istinadla məlumat verir ki, sentyabrın 22-də rus ordusu Ukrayna hərbçilərinin Novoprokopovka kəndinə hücumunu dəf edib: “Bu, Ukrayna ordusunun Novoprokopovka yaxınlığında ilk təsdiq olunmuş hücumudur”.

Heç bir çeçen Çeçenistan rəhbəri Ramzan Kadırovu dəstəkləmir, onlar üçün o, heç kimdir. Sozcu.az xəbər verir ki, bunu çeçen ictimai-siyasi xadimi, İçkeriya Respublikasının keçmiş prezidenti Aslan Məshədovun oğlu Anzor Məshədov deyib. “Səfərbərlikdən qaçmaq üçün işğal olunmuş İçkeriyanı tərk edən insanlar orada nə baş verdiyini izah edirlər. Onlar Kadırovu tərəvəz hesab edirlər. Çünki çeçen xalqının bu xaini həqiqətən tərəvəzə çevrilib”, - Məshədov bildirib.

Ukrayna müharibənin 578-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 275 850 hərbçi, 4662 ədəd tank, 8914 ədəd zirehli döyüş maşını, 6233 ədəd artilleriya sistemi, 789 ədəd RYAS (reaktiv yaylım atəş sistemi), 531 hava hücumundan müdafiə sistemi, 315 ədəd hərbi təyyarə, 316 ədəd helikopter, 8734 ədəd avtomobil texnikası, 4888 ədəd PUA, 1518 qanadlı raket, 20 gəmi/qayıq, 1 sualtı qayıq, 914 xüsusi avadanlıq itirib.

Ermənistan BMT-yə müraciət edib. Sozcu.az “Röyters”ə istinadən xəbər verir ki, rəsmi İrəvan insan hüquqları və təhlükəsizliyinə nəzarət etmək üçün BMT-nin missiyasını Qarabağda dərhal yerləşdirməyə çağırıb. Ermənistanın bu çağırışı Rusiyada xüsusi qıcıq yaradacaq. Ümumiyyətlə, bölgədə BMT missiyasının olması arzuolunan deyil. Çünki Azərbaycan Ordusunun antiterror tədbirləri nəticəsində məsələ birdəfəlik həll edilib. Qarabağ ermənilərinin reinteqrasiyası üçünsə zaman lazımdır. Beynəlxalq qurumların bölgədə olması isə vəziyyəti ancaq və ancaq mürəkkəbləşdirə bilər.

Kəlbəcər rayonu ərazisində yerləşən “Dəmirli” mis-molibden yatağında uzun illər qanunsuz fəaliyyətlə məşğul olan “Base Metals” şirkətinə məxsus tikililərin hərbi məqsədlər üçün istifadə olunduğu müəyyən edilib. Bu barədə Sozcu.az-a Azərbaycanın Müdafiə Nazirliyindən bildirilib. Qeyd olunub ki, əraziyə baxış keçirilərkən adı çəkilən şirkətin obyektlərində yaradılmış anbarda külli miqdarda silah və sursat aşkar olunaraq götürülüb.

Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevin dəvəti ilə sabah Naxçıvana səfər edəcək. Sozcu.az xəbər verir ki, bu barədə Türkiyə mətbuatı məlumat yayıb. Prezidentlər arasında təkbətək və geniş tərkibli görüşlərin keçirilməsi nəzərdə tutulur. Görüşlər zamanı regional və beynəlxalq məsələlərin, ikitərəfli münasibətlərin mövcud vəziyyəti, Qarabağdakı proseslər müzakirə ediləcək.

Ermənistan mediasında yayılan məlumatların analizi Xankəndidə Azərbaycanın mərkəzi hakimiyyətinin bərpasına hazırlıq getdiyini deməyə əsas verir: artıq heç bir fəaliyyəti qalmamış separatçı rejim arxivlərini yandırır, erməni əhalisi isə nə baş verəcəyini gözləyir. Xankəndidə ermənilər separatçılardan “nə olacaq” deyə soruşanda cavab vermirlər. Onların arxivləri yandırması isə artıq təslim olmağa hazırlaşdığından xəbər verir. Bunun fonunda diqqət çəkən məqam separatçıların “rəhbəri” olanları 20 sentyabrda təslim olduqdan sonra yoxa çıxsa da, rəsmi Bakıya qarşı əvvəl qondarma “vəzifələrdə” olmuş şəxslərin – Vardanyan, Beqlaryan və s; - danışması, ittihamlar irəli sürməsidir. Bunu hələ də “müqavimət” göstərmək cəhdi kimi qiymətləndirmək olar, hərçənd, danışanların konkret şəxslər olması və digər separatçıların ümumiyyətlə görünməməsi diqqəti başqa məqama çəkir. Təslim olduqdan sonra separatçılar üçün əsas məsələ özlərini qorumaq, rəsmi Bakının amnistiya siyahısına düşməkdir, çünki Xankəndidə erməni əhalisinə təhsil, dil, din, bələdiyyə seçkisi kimi hüquqlar verilsə belə, mərkəzi hakimiyyətin bərpasından sonra qondarma qurumun keçmiş və indiki “rəhbərliyində” olanların burada qalması mümkünsüz olacaq, onlar ya həbs olunacaqlar, ya da Qarabağdan çıxmaq imkanları olacaq. Rəsmi Bakı amnistiya təklifini irəli sürüb, amma bu o demək deyil ki, qondarma rejimin “rəhbərliyində” əvvəl və indi olanların hamısı bundan yararlana biləcək, bu prosesdə mütləq kimlərsə cəzasını da almalıdır. Və separatçılar kimlərisə “qurban” verməli olacaq. İstisna deyil ki, hazırda susanlar amnistiyadan yararlanmaq və getmək imkanı qazanmaq istəyirlər, danışanlar, ittiham irəli sürənlər isə siyahıya düşməmək təhlükəsini hiss edənlərdir.

Şəhidimizin nişanlısı intihar edib. Bəzi dostlar da yazır ki, yazıçılarımız bu hadisədən nümunəvi bir sevgi dastanı kimi roman yazmalıdır. Allah şəhidimizə də, nişanlısına da rəhmət eləsin. Amma intihar yaxşı bir nümunə deyil ki, onu əbədiləşdirmək üçün əsər də yazılsın. Mən də əvvəllər intihar haqqında çox düşünmüşəm. Ancaq qəti qərara gələndən sonra da iki fikir arasında qalmışam. Elədiyim bütün məsuliyyətsiz hərəkətlər, atdığım bütün məsuliyyətsiz addımlarda yeganə arxayın olduğum və güvəndiyim şey o olub ki, onsuz da ehtiyatda gül kimi bir intiharım var. İntihar düşüncəsi bir toxumdur. Toxum sənin içinə düşdüsə, cücərir, günü gündən inkişaf etməyə başlayır, ona arxayın olmağa başlayırsan, inanrsan, özünü sənə sevdirir, öldürməyənə kimi əl çəkmir. Bütün hallarda həyat gözəldir. Düşün ki, doğulmaq istəyən milyardlarla insan var, amma onlar bu dünyaya gələ bilmir. Sən isə gəlmisən. Bir də heç vaxt gəlməyəcəyin bir dünyadan niyə özün gedirsən? Səbrli olmaq, möhkəm olmaq, nə olur olsun yaşamaq lazımdır.  Kəramət Böyükçöl 

MN video yayıb. Ağdərədən çıxan ermənilər evlərini yandırırlar.  Bunlar hansı ağılla, hansı təfəkkürlə edirlər bunu? Belə nifrət olar? Belə vandallıq olar? Amma bəlkə də, altşüur öz sözünü deyir. Bilirlər ki, o evlər onların deyil, yiyəsi bir gün gələcək, ona görə də yandırırlar.  92-93də azərbaycanlılar çıxdıqları evlərinin bir çöpünə də zərər vurmadı. Əksəriyyətimizin anaları bugünədək saxlayır evlərin açarlarını... İlkin Rüstəmzadə, ictimai fəal

Azərbaycan Respublikasının xarici işlər naziri Ceyhun Bayramov BMT Baş Assambleyasının 78-ci sessiyasının yüksək səviyyəli həftəsi çərçivəsində BMT-nin Baş katibi Antonio Quterreş ilə görüşüb. Xarici İşlər Nazirliyindən Sozcu.az-a verilən məlumata görə, görüşdə, Azərbaycan və BMT arasında mövcud əməkdaşlıq gündəliyi, habelə bölgədə cari vəziyyət müzakirə olunub. C.Bayramov, ölkəmizin BMT-yə üzv olmasından bəri Təşkilat, o cümlədən onun ixtisaslaşmış qurumları ilə faydalı əməkdaşlıq etdiyini, BMT-nin ölkəmizdəki fəaliyyətinin əhəmiyyətli olduğu bildirilib. Bölgədə mövcud vəziyyət, Azərbaycan və Ermənistan arasında normallaşma və sülh gündəliyi barədə məlumat verən nazir Ceyhun Bayramov, eyni zamanda, ötən günlərdə ölkəmiz tərəfindən ərazilərimizdə hələ işğal dövründə BMT TŞ-nin 4 qətnaməsinə zidd olaraq qeyri-qanuni mövcudluğunu davam etdirən, post-münaqişə dövründə Ermənistan tərəfindən saxlanan erməni silahlı qüvvələrinin varlığına son qoyulması ilə nəticələnən lokal antiterror tədbirləri barədə məlumat verib. Sözügedən tədbirlərin 30 illik işğalın qalıqlarının aradan qaldırılması, o cümlədən bölgədə sülh və stabilliyə qarşı davamlı təxribatlar törədən qanunsuz silahlı qüvvələrin çıxarılması baxımından sülh prosesinə, o cümlədən Qarabağ bölgəsindəki yerli erməni sakinlərin reinteqrasiyasına töhfə verəcəyi əminliklə vurğulanıb. Bu xüsusda, artıq ötən günlərdə Yevlax şəhərində Azərbaycan Hökuməti ilə erməni sakinlərin nümayəndəsi arasında görüşün baş tutması, habelə bu görüşün nəticələrinə uyğun olaraq sakinlərin ehtiyaclarının qarşılanması istiqamətində tərəfimizdən addımların atıldığı, humanirar yardımların göstərildiyi bildirilib. C.Bayramov BMT baş katibinə hal-hazırda həyata keçirilən erməni silahlı qüvvələrinin tərksilahı prosesi barədə məlumat verib, son üç gün ərzində müsadirə edilmiş hərbi texnikanın və silah-sursatın şəkillərini baş katibə təqdim edib. Görüş zamanı, həmçinin qarşılıqlı maraq doğuran digər məsələlər ətrafında fikir mübadiləsi aparılıb.

Hətta danışıqlar yolu ilə Qarabağdakı separatçı rejimin rəhbərləri təslim olsaydı belə, yenə də Karen Cavalyan kimi generallar və  ona dəstək verən bəzi separatçı qruplar təslim olmaqdan imtina edəcəkdilər. Nəticədə yenə də qan töküləcəkdi, şəhidlər verəcəkdik. Son günlərdə baş verən hadisələr bunu göstərir. İndi ən azı görünən odur ki, münaqişənin həlli yekuna doğru gedir. Ermənistan ərzi bütövlüyümüzü tanıyır, Azərbaycan antiterror əməliyyatları keçirən zaman məsələyə qarışmadı. Bundan sonra qalan ən ciddi məsələ rus qoşunlarının ərazilərimizdən çıxarılmasıdır. İnanıram ki, bu məsələ də Rusiyanın Ukraynada məğlub olmasından sonra həllini tapacaq.  Şəhidlərimizin çox olmasına gəldikdə isə. Xoşunuza gəlməsə də düşmən də döyüşməyi bacarır. Döyüşə bilməsələr 44 günlük müharibədə 3 min şəhid verməzdik. Guya düşməni əfəl, əli silah tuta bilmən, "erməni qandan qorxur" kimi təqdim etməklə nə qazanırıq? İllərdi hərbiləşdirilmiş rejim qurublar və ömürlərini bizimlə döyüşəcəkləri günə həsr ediblər. Sadəcə gücləri çatmadı və ümid edirəm ki, ömürlük dərslərini aldılar.  Qarabağdan isə xoş xəbərlər gəlməkdə davam edir, ordumuz yavaş-yavaş ərazilərimizdə hakim olur.  Şəhidlərimizin ruhları şad olsun! Qazilərimizə şəfa diləyirəm. Ordumuza da daim uğurlar arzulayıram! Fərəc Kərimli, Müsavat başqanının müavini

"Azərbaycanın son illərdə xaricdən aldığı silahın 70 faizi İsrail mənşəlidir..." Sozcu.az xəbər verir ki, bu barədə Stoqholm Sülh problemlərinin örənilməsi üzrə Beynəlxalq İnstitutunun məlumatlarına istinadən "Mako" saytı məlumat verib. Sayt İsrailin müdafiiə şirkətlərinin və Azərbaycana tədarük edilən silahların siyahısını təqdim edib. IWI- Lynx yaylım atəşli raket sistemi, uçuş məsafəsi 150 km-dir. "Taasiya tsvait" - LAR-160 raketləri, uçuş məsafəsi 45 km-dir. "Elbit" ATMOS-2000 özüyeriyən artilleriya qurğuları, 120 mm-lik minaatanlar, "Hermes-450" və "Hermes-900" tipli PUA-lar (həmçinin Azərbaycanın tank parkının modernləşdirilməsi). "Taasiya avirit" - "Neron" PUA-rı, Harop seriyaından olan planlaşdırıcı döyüş sursatları, LORA ballistik raketləri, "Barak" HHM raketləri, "Elta" istehsalı olan radarlar, RAFAEL- "Spayk" tankəleyhinə raketlər. "Marko" qeyd edir ki, söhbət qarşılıqlı faydalı iqtisadi əməkdaşlıqdan gedir. Belə ki, İsrailin istehlak etdiyi neftin 30 faizini yəhudi dövləti Bakıdan alır. Qüdsdə İsrailin Azərbaycanın silahlandırılması prosesində fəal iştirakı şərh edilərkən, qeyd edilir ki, İrəvan hazırda ayətüllah rejiminin tərəfindədir. Bundan öncə məlumat verilib ki, İrandan Suriyaya Ermənistan vasitəsilə İranyönümlü qruplaşmalara qaçaqmalçılığın yeni marşrutu açılıb. Məhz bu, Suriyada son zamanlarda İsrailin adına yazılan hücumların sayının artmasının səbəbidir.

Azərbaycana aid hərbi birliklərin separatçıların oturduğu şəhərə daxil olmadığı haqda xəbərlər doğrudur, amma... Əgər xunta rejiminin indi əsas adamı olan Samvel Şahramanyanla Azərbaycan hüquq-mühafizə orqanlarından birinin rəhbəri ilə görüşməsi iddiasından yola çıxsaq, demək Xankəndindəki qondarma “hakimiyyət” sona çatır. Azərbaycanın bu məsələdə mövqeyi qətidir: saxta dövlət atributları- “prezident” “nazirlər”, “deputatlar” öz saxta vəsiqələrini zibil yeşiyinə atmalıdır. Başqa variant yoxdur. Xunta rejimi indi ən yaxşı halda onu edə bilər ki, qondarma da olsa “parlamenti” toplaya, orada Xankəndindəki bütün “dövlət strukturlarının” buraxılmasını elan edərək idarəetmənin təhvil-təslim işlərinə başlasın. DQMV-nin keçmiş İcraiyyə Komitəsinin və bütün qondarma dövlət strukturlarının binalarında Azərbaycan bayraqları dalğalanmalıdır. Bilgili mənbənin dediyinə görə, ilkin dövrdə Azərbaycan bütün bu prosesə nəzarət etmək üçün Xankəndinə komendant təyin edə bilər. Hərbi (yarımhərbi) komendaturaya Rusiya sülhməramlılarının, eləcə də erməni icmasından da nümayəndələrin cəlb edilməsi mümkündür. Xankəndi ilə yanaşı, digər ərazilərdə də, xüsusilə Xocalı və Əsgəran da eyni prinsiplərlə komendaturalar yaradıla bilər ki, bununla təhvil-təslim prosesinin maksimum qarşıdurma olmadan aparmaq mümkündür. Prezidenti İlham Əliyevin tapşırığı ilə Qarabağ bölgəsində sosial, humanitar, iqtisadi və infrastruktur məsələlərinin həlli məqsədilə baş nazirin müavini Şahin Mustafayevin rəhbərliyi altında İşçi qrupun yaradılması aydındır ki, bu prosesin digər bir mühüm qolunu təşkil edəcək. İşçi qrupun tərkibinə İqtisadiyyat, Əmək və Əhalinin Sosial Müdafiəsi, Kənd Təsərrüfatı, Daxili İşlər, Səhiyyə, Elm və Təhsil nazirlikləri, “Azərenerji” ASC, “Azərişıq” ASC, “Azəriqaz” İstehsalat Birliyi, Avtomobil Yolları Dövlət Agentliyi və digər aidiyyəti qurumlar daxildir. Bu İşçi Qrupu sosial-iqtisadi problemlərin həlli üçün təşkil edilib. Şahin Musatafayevin təyinatı da səbəbsiz deyil. Əvvəla, o sərhədlə bağlı danlışıqlara da rəhbərlik edir, danışıqlarla bağlı bilgili şəxslərdən biridir. Şahin Mustafayev Ermənistanda anadan olub, müəyyən müddət İrəvan İqtisad İnsitutunda oxuyub, təbii ki, erməni dilini də yaxşı bilir. Bu, İşçi Qrupunun rəhbərinin erməni icması ilə daha faydalı işləməyə imkan verəcək. Belə bir ehtimal da var ki, Qarabağın tam silahsızlaşdırılmasından sonra Xankəndində prezidentin xüsusi nümayəndəliyi yaratmaq varinatı var. Bu iş 2021-ci ilin dekabrında Qarabağ iqtisadi rayonuna daxil olan (Şuşa rayonu istisna olmaqla)ərazilərdə Prezidentin xüsusi nümayəndəsi Emin Hüseynova da həvalə edilə bilər. Amma daha ağlabatan variant budur ki, Xankəndi və ətraf rayonlarda Prezidentin xüsusi nümayəndələri olsun. Çünki bu vəzifənin yükü təkcə iqtisadi deyil, hərtərəfli fəaliyyət tələb edir. Uzağa getməyək, erməni icması ilə görüşlərdə(yaxın günlərdə daha bir görüş olacaq) mərkəzi hakimiyyəti təmsil edən Ramin Məmmədova belə bir görəv tapşırıla bilər. İndi əsas məsələ, ən tez müddətdə ermənilərin iriçaplı silah-sursatlarını və hərbi texnikalarını təhvil verməsidir. Məlumdur ki, bu prosesdə əsas rol Rusiya sülhməramlılarının üzərinə düşür, amma bunu yubatmaq da olmaz. Onlar silahlarını təhvil vermiş erməniləri Laçın postunadək gətirəcək, bundan sonra onlar bir daha yoxlanılaraq Ermənistan sərhədinə rədd ediləcəklər. (Bu gün dörd yük maşını Laçın keçid məntəqisinə doğru gedib) Ağır texnikaların da təhvil-təslim prosesini Ağdam istiqamətində təşkil etmək olar. Azərbaycana aid hərbi birliklərin Xankəndinə daxil olmadığı haqda erməni mənbələrinin xəbərləri doğrudur. Onlar deyirlər ki, Azərbaycan birlikləri Kərkicahan kəndində yerləşiblər. Kərkicahan Xankəndiyə çox yaxın qəsəbədir. Əslində, Azərbaycan ordusunun Xankəndinə daxil olmaması doğru qərardır. Ehtiyac olarsa da, ordu deyil, hüquq-mühafizə orqanları, DTX-nın xüsusi birlikləri antiterror əməliyyatını Xankəndidə də keçirə bilər. Amma belə görünür ki, hazırda buna ehtiyac yoxdur. Xankəndidəki xunta rejiminin bütün müqavimət nöqtələri ya sıradan çıxarılıb, ya ciddi zərbə alıb. Vardanyanın dediyi kimi, Azərbaycan Qarabağa tam nəzarət edir. Xankəndi isə mərkəz olduğu üçün xüsusi həssasiyyəti var və bunu nəzərə almaq, tələsik qərarlar vermək olmaz ki, Azərbaycan hakimiyyəti də bunu hamıdan yaxşı bilir. Qarabağda daha yaşamaq istəməyənlər də olacaq ki, bunu təbii qarşılamaq lazımdır. Ruben Vardanyan “France-24” kanalına müsahibəsində “bəs indi heç vaxt Azərbaycanın tərkibində olmayan, azərbaycanca danışa bilməyən insanların hüquqlarını kim təmin edəcək, bu proses necə gedəcək” deyə sual edib. Bu, əlbəttə ki, erməni revanşistlərin günahıdır ki, 30 il ərzində formalaşan yeni nəsli Azərbaycan torpaqlarında yaşa-yaşaya bu cür böyüdüb tərbiyə ediblər. Onlara həqiqətən də yazıq oldu, amma bu qətiyyən Azərbaycanın məsuliyyəti deyil. Azərbaycan qanunları ilə yaşamaq istəməyənlər üçün Laçın yolu həmişə açıqdır. Bu seçimi nə qədər erməni edəcək, bunula bağlı təxminlər var. Amma ümid edək ki, ermənilər nəhayət anladılar ki, Qarabağda tarixin təkərini daha geri döndərmək mümkün olmayacaq. Bu özü artıq bir irəliləyişdir. Gedən gedib xaricdə, harada nə danışacaq bəllidir, amma bunlar əhəmiyyətli deyil. Azərbaycan reinteqtrasiya prosesini çox şəffaf aparır və gizli heç nə yoxdur. Qarabağda isə revanşist əhval-ruhiyyəni hələ də qızışdıranlar var. Məsələn, məlum David Babayan deyib ki, guya Azərbaycandan heç bir humanitar yük gəlməyib və Ermənistandan yardım gözləyirlər. Ermənistanın Rusiyadakı keçmiş səfiri Stepan Qriqoryanın “Novaya Vremya”ya geniş müsahibəsində Qarabağda baş verənlərə görə Rusiya və Azərbaycan hakimiyyətinin ünvanına kəskin ittihamlar səsləndirib. Ruben Vardanyanın “France-24” kanalına müsahibəsində əvvəlki “optimizmindən” əsər-əlamət qalmasa da, qızışdırıcı mövqeyindən yenə geri çəkilməyib, “artsax ordusunun qəhrəmanlığından” ağızdolusu danışıb. Amma bunlar daha gecdir, heç nəyi dəyişməz. Reallıq budur ki, Xankəndi Azərbaycandır! Nazim SABİROĞLU, Musavat.com

Azərbaycanın Qarabağ bölgəsində keçirilən lokal xarakterli antiterror tədbirləri başa çatdıqdan sonra sentyabrın 23-dək müsadirə edilmiş döyüş texnikası, silah və sursatın siyahısı açıqlanıb. Bu barədə Sozcu.az-a Azərbaycan Müdafiə Nazirliyindən bildirilib. Qeyd edək ki, bölgədəki qanunsuz silahlı birləşmələrin tərk-silah olunmaları istiqamətində görülən işlər davam etdirilir.

Yerlərdə artıq silah və sursatın yığılması prosesinə başlanılıb. Bunu Prezident İlham Əliyev sentyabrın 23-də Avropa İttifaqının Cənubi Qafqaz üzrə xüsusi nümayəndəsi Toivo Klaarı qəbulu zamanı deyib. Dövlət başçısı orada çox böyük həcmdə silah-sursat anbarlarının müəyyən edildiyini bildirib.

“Moskva müəyyən həddə qədər Azərbaycana öz suverenliyini bərpa etmək görüntüsü yaradacaq, müəyyən həddə qədər buna imkan verəcək...” “Düşünmürəm ki, “Rusiya sülhməramlıları” deyilən hərbi kontingent orada qala-qala Azərbaycan Respublikasının Qarabağ torpağının dağlıq hissəsində separatçılığın kökünü tamamilə kəsmək mümkün olsun. Bu, mümkün deyil. Ona görə ki, məsələ həllini tapdıqda artıq Rusiyanın qoşunlarına ehtiyac qalmayacaq. Burada çox sadə bir məntiq var, çox sadə bir mexanizm var”. Bu fikri “Sizcə, bundan sonra “sülhməramlı”lar orada ola-ola, Rusiya imperiyası mövcud ola-ola Qarabağın dağlıq hissəsində separatizmin kökünü asanlıqla kəsə biləcəyikmi?” sualını cavablandırarkən siyasi təhlükəsizlik məsələləri üzrə ekspert Ərəstun Oruclu söyləyib. “Ona görə də Moskva müəyyən həddə qədər Azərbaycana öz suverenliyini bərpa etmək görüntüsü yaradacaq, müəyyən həddə qədər buna imkan verəcək. Lakin o həddi keçəndə yenidən başlayacaq həmin separatçıları silhlandırmağa, hətta ola bilsin, özü də bizə qarşı silaha əl ata bilər. Bu baxımdan Azərbaycanın Qarabağən dağlıq hissəsində separatçılığın kökünü tam kəsəcəyi haqda optimist, nikbun fikir söyləmək olmur. Və  bir daha deyirəm ki, bu Azərbaycan ərazisində separatçılıq və qarşıdurma Rusiyaya öz qoşunlarını orada saxlamaq üçün vacibdir. Ona görə də Rusiya bu vəziyyəti, status-kvonu var gücü ilə qoruyub saxlamağa çalışacaq”,- deyə davamında ekspert vurğulayıb.

Qarabağda yaşayan erməniəsilli sakinlərdən Azərbaycan vətəndaşlığı almaqla bağlı müraciət edənlər var. Sozcu.az xəbər verir ki, bunu jurnalistlərə açıqlamasında Daxili İşlər Nazirliyin (DİN) Mətbuat Xidməti İdarəsinin rəisi Elşad Hacıyev bildirib.

Azərbaycan Qarabağa tam nəzarət edir. Sozcu.az xəbər verir ki, bu sözləri Qarabağdakı erməni separatçıların keçmiş liderlərindən biri Ruben Vardanyan “Frans 24” telekanalına müsahibəsində deyib. “Hesab etmək olarmı ki, bütün Qarabağ Azərbaycanın nəzarətində olan ərazidir?” - deyə jurnalist Vardanyana sual ünvanlayıb. “Bəli, onlar bölgəyə tam nəzarət edirlər”, - deyə o cavab verib. Ruben Vardanyanın sözlərinə görə, Qarabağın erməniəsilli sakinləri orada qalmaq istəmirlər və Ermənistana getməyə çalışırlar.

17:46 Azərbaycan Respublikasının Prezidenti İlham Əliyev sentyabrın 23-də Avropa İttifaqının Cənubi Qafqaz üzrə xüsusi nümayəndəsi Toivo Klaarı qəbul edib. Sozcu.az xəbər verir ki, görüşdə regional məsələlərlə bağlı fikir mübadiləsi aparılıb. Toivo Klaar dövlətimizin başçısının Azərbaycan xalqına 20 sentyabr tarixli müraciəti, həmin müraciətdə Qarabağın erməni əhalisinin reinteqrasiyası ilə əlaqədar səsləndirdiyi fikirləri və Yevlaxda Qarabağ bölgəsinin erməni sakinlərinin nümayəndələri ilə keçirilmiş görüşü müsbət qiymətləndirdiyini bildirib. Dövlətimizin başçısı öz növbəsində Azərbaycan xalqına 20 sentyabr tarixli müraciətində Qarabağın erməni əhalisinin reinteqrasiyası ilə bağlı söylədiyi fikirlərə toxundu, onların bütün hüquqlarının - təhsil, mədəniyyət, din, bələdiyyə, seçki və digər hüquqlarının təmin olunacağını bildirib. Prezident İlham Əliyev Baş nazirin müavini Şahin Mustafayevin rəhbərliyi ilə İşçi qrupun yaradıldığını, bu İşçi qrupun əsas funksiyalarının Qarabağ bölgəsində sosial, humanitar, iqtisadi və infrastruktur məsələlərinin həlli olduğunu, Yevlaxda keçirilmiş görüşdə reinteqrasiya məsələləri üzrə Azərbaycanın planlarının təqdim edildiyini diqqətə çatdırıb. Dövlətimizin başçısı, həmçinin yerlərdə artıq silah və sursatın yığılması prosesinə başlanıldığını, orada çox böyük həcmdə silah-sursat anbarlarının müəyyən edildiyini bildirib. Prezident İlham Əliyev hazırda Ermənistan ilə Azərbaycan arasında sülh müqaviləsi üçün regionda daha yaxşı imkanların yarandığını qeyd edib. Görüşdə, eyni zamanda, dövlətimizin həyata keçirdiyi humanitar layihələr haqqında məlumat verilib, Beynəlxalq Qırmızı Xaç Komitəsinin təqdim etdiyi sorğulara Azərbaycan tərəfindən müsbət cavab verildiyi və dəstək göstərildiyi vurğulanıb.

Ukrayna müharibənin 577-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 275 460 hərbçi, 4655 ədəd tank, 8912 ədəd zirehli döyüş maşını, 6210 ədəd artilleriya sistemi, 789 ədəd RYAS (reaktiv yaylım atəş sistemi), 530 hava hücumundan müdafiə sistemi, 315 ədəd hərbi təyyarə, 316 ədəd helikopter, 8716 ədəd avtomobil texnikası, 4867 ədəd PUA, 1518 qanadlı raket, 20 gəmi/qayıq, 1 sualtı qayıq, 912 xüsusi avadanlıq itirib.

Ermənilərin Birinci Qarabağ müharibəsində “qələbə”lərinin simvolu olaraq Xankəndi-Şuşa yolunun üzərində yerləşdirdikləri tank ərazidən götürülüb və Bakıdakı Hərbi Qənimətlər Parkına gətirilib. Sozcu.az-ın xəbərinə görə, hazırda texnika nümayiş olunması üçün parkda yerləşdirilir. Qarabağda qanunsuz yerləşdirilmiş Ermənistan silahlı qüvvələri birləşmələrinə qarşı sentyabrın 19-da keçirilən antiterror tədbirləri nəticədində tankın yerləşdiyi ərazi Azərbaycan Ordusunun nəzarətinə keçib. Bundan sonra texnika orada götürülüb. Qeyd edək ki, həmin tank Birinci Qarabağ müharibəsi zamanı Azərbaycanın Milli Qəhrəmanı Albert Aqarunov tərəfindən Şuşa yaxınlığında vurularaq sıradan çıxarılıb. Sonradan onun vurduğu tankı ermənilər rəngləyib, Xankəndi-Şuşa yolunun üzərindəki təpədə yerləşdirmişdilər. Xatırladaq ki, ermənilərin başına külli miqdarda pul qoyduğu Milli Qəhrəman Albert Aqarunov Qarabağda könüllü olaraq vuruşub və Şuşa uğrunda döyüşlərdə şəhid olub.

Azərbaycan Prezidenti İlham Əliyevin tapşırığı ilə Qarabağ bölgəsində sosial, humanitar, iqtisadi və infrastruktur məsələlərinin həlli məqsədilə Baş nazirin müavini Şahin Mustafayevin rəhbərliyi altında İşçi qrup yaradılıb. Sozcu.az xəbər verir ki, bu barədə Azərbaycan Prezidenti Administrasiyası məlumat yayıb. İşçi qrup Azərbaycanın işğaldan azad edilmiş ərazilərində məsələlərin mərkəzləşdirilmiş qaydada həlli ilə bağlı Əlaqələndirmə Qərargahının çərçivəsində fəaliyyət göstərir. İşçi qrupun tərkibinə İqtisadiyyat, Əmək və Əhalinin Sosial Müdafiəsi, Kənd Təsərrüfatı, Daxili İşlər, Səhiyyə, Elm və Təhsil nazirlikləri, “Azərenerji” ASC, “Azərişıq” ASC, “Azəriqaz” İstehsalat Birliyi, Avtomobil Yolları Dövlət Agentliyi və digər aidiyyəti qurumlar daxildir. 2023-cü il sentyabrın 20-dən etibarən İşçi Qrup tərəfindən aşağıdakı tədbirlər həyata keçirilib: - 2023-cü il sentyabrın 22-də Fövqəladə Hallar Nazirliyi tərəfindən erməni sakinləri üçün 40 tonluq ərzaq məhsulları və gigiyenik vasitələrdən ibarət 2 yük avtomobili və 2 çörək dolu avtomobil fəaliyyətdə olan Ağdam-Əsgəran-Xankəndi yolu ilə yola salınıb; - Erməni sakinlərinin ilkin tibbi yardım və qida ilə təmin olunması məqsədilə Fövqəladə Hallar Nazirliyi tərəfindən Ağdam, Füzuli və Kəlbəcərdə 1000 nəfərlik çadır düşərgələri qurulub. Ərazidəki polis qüvvələri, hərbi heyət və mülki işçilər tərəfindən erməni sakinlərə yerlərdə ilkin tibbi yardım və müvafiq dəstək göstərilir; - Sentyabrın 21-də Yevlax şəhərində keçirilmiş görüşdə erməni sakinlərin nümayəndələrinin xahişinə uyğun olaraq, ilk növbədə, bağçalar, təcili tibbi yardım və yanğınsöndürmə xidmətləri olmaqla yanacaq-sürtgü materiallarının göndərilməsi təmin ediləcək; - Rusiya sülhməramlı qüvvələrin kontingentinin şəxsi heyətinin istifadəsi, eləcə də sülhməramlılar vasitəsilə mülki əhaliyə çatdırılması üçün Laçın-Xankəndi yolu ərzaq və gündəlik tələbat mallarının keçidi təmin olunur; - Beynəlxalq Qırmızı Xaç Komitəsi (BQXK) tərəfindən Ağdam-Əsgəran-Xankəndi və Laçın-Xankəndi yolu ilə ərzaq, dərman preparatları və uşaq qidasından ibarət yüklərin aparılmasına, təşkilatın Bakı və Cenevrə ofislərindən Xankəndidə olan alt-ofisinə əlavə heyətin ezam olunmasına şərait yaradılır; - BQXK müraciəti əsasında tibbi yardıma ehtiyacı olan şəxslərin Ermənistana təxliyəsi üçün zəruri imkanlar yaradılır.

Xankəndini tərk etmək istəyən erməniəsilli sakinlərin böyük bir qrupu qanunsuz rejimin tör-töküntüləri tərəfindən girov götürülüb. Bu barədə “Caliber” “Telegram” kanalı məlumat yayıb. Bildirilir ki, Xankəndidə erməniəsilli sakinlər şəhəri tərk edərək Ermənistana getmək istəyirlər. Qonşu ölkədə qohum və tanışları olan insanların oraya gedib suların durulmasını gözləmək istəyi başadüşüləndir. Daxil olan müraciətlər əsasında Azərbaycanın müvafiq qurumları bu məqsədlə lazımi təhlükəsizlik dəhlizi də təşkil ediblər. Ancaq Xankəndidə qalan qanunsuz rejimin tör-töküntülərinin idarə etdiyi erməni silahlı birləşmələri şəhəri tərk etmək istəyən sakinləri girov götürüblər və onlardan canlı sipər kimi istifadə etmək niyyətindədirlər.

“Qarşıdakı müddət Ermənistanın keçmiş səhvlərindən nə qədər nəticə çıxarıb-çıxarmadığını göstərəcək”. Bunu Azərbaycanın xarici işlər naziri Ceyhun Bayramov “Report”un ABŞ bürosuna müsahibəsində bildirib. “Ermənistan-Azərbaycan münasibətlərinin normallaşma prosesi ilə bağlı onu deyə bilərəm ki, rəsmi İrəvanın atdığı qeyri-konstruktiv addımlara rəğmən Azərbaycan dövləti sülh gündəliyinə sadiqdir, Azərbaycan dövlətinin atdığı addımlar Ermənistandan fərqli olaraq ardıcıldır, sistemlidir, məntiqlidir və onlar beynəlxalq hüququn norma və prinsiplərinə əsaslanır”, - deyə nazir vurğulayıb. C.Bayramov Ermənistanı Azərbaycana qarşı qarayaxma kampaniyasını dayandırmağa, Azərbaycanın ərazi bütövlüyünü bilavasitə və dolayısı ilə sual altında qoymaq və digər zərərli yanaşmalardan əl çəkməyə çağırıb: “Əgər belə olarsa, hesab edirəm ki, kifayət qədər məntiqli, uzun olmayan bir zamanda sülh müqaviləsini prinsip etibarı ilə razılaşdırmaq mümkündür. Ancaq yenə də vurğulamaq istərdim ki, bu elə bir məsələdir ki, burada bir tərəfin deyil, iki tərəfin də, yəni Ermənistan tərəfinin də sülh prosesinə yanaşması kifayət qədər önəmlidir”. Qeyd edək ki, Azərbaycanın XİN başçısı hazırda BMT Baş Assambleyasının (UNGA) 78-ci sessiyasının yüksəksəviyyəli həftəsində iştirak etmək üçün Nyu-Yorkda səfərdədir.

Rusiyanın ilhaq etdiyi Krım yarımadasında Rusiyanın Qara dəniz donanmasının Sevastopoldakı qərargahına raket hücumu həyata keçirilib. Sozcu.az xarici mediaya istinadən xəbər verir ki, bu barədə məlumatı qondarma Sevastopol qubernatoru Mixail Razvocayev sosial şəbəkə hesabında açıqlayıb. "Düşmən donanma qərargahına raket zərbəsi endirib. Raketin bir parçası Lunaçarski teatrının yanına düşüb. Hadisə yerinə bütün fövqəladə hallar xidmətləri göndərilib. Xəsarət alanlarla bağlı iş davam etdirilir."- o deyib. İctimaiyyəti sakitliyə çağıran Razvocayev hadisə yeri ilə bağlı foto və videoların sosial şəbəkələrdə paylaşılmamasını xahiş edib. O, ikinci açıqlamasında yeni raket hücumunun ola biləcəyi barədə xəbərdarlıq edib, vətəndaşları şəhərin mərkəzinə gəlməməyə və binaları tərk etməməyə çağırıb. Xarici media hadisəni "Rusiya donanmasının ürəyi vuruldu" kimi şərh edib.

Ermənistan xarici işlər naziri dünən BMT-də ağzına gələni danışdı, dedi azərbaycanlılar sosial şəbəkələrdə "erməni qadınları kim birinci zorlayacaq" deyə mübahisə edirlər.  Özləri ediblər, qadın, körpə deməyiblər, minlərlə günahsız, sivil insanı qəddarlıqla öldürüblər, indi bizi də özləri kimi bilirlər, öz etdiklərindən narahatdırlar.  Azərbaycan xalqı, söhbət kişilərdən getdiyi üçün, Azərbaycan kişisi bütün mənfi tərəflərilə bərabər, qadına, uşağa qarşı düşmənçilik aparmır. İçimizdə ən qəddarları belə, küçədə erməni uşağı, köməksiz erməni qadını görsə, ona qarşı nifrət bəsləməz. Sadəcə, bacarmarıq bunu.  Bizi özlərilə səhv salırlar. Biz oğ*aş deyilik. İlkin Rüstəmzadə

Rusiya sülhməramlılarının 15-ə yaxın yük maşını Laçın dəhlizi ilə Ermənistandan Qarabağa daxil olub. Bu haqda Ermənistanın “Haykakan Jamanax” nəşri məlumat yayıb. Bildirilir ki, Rusiya bayraqları olan yük maşınlarının karvanı AFP müxbirləri tərəfindən  lentə alınıb. Həmin maşınlarda hansı yükün daşındığı məlum deyil.(Basta)

“Azərbaycan Qarabağ bölgəsinin erməni əhalisinə dəstək verəcək”. Sozcu.az xəbər verir ki, bunu Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə "Al-Jazeera" telekanalına müsahibəsində deyib. O qeyd edib ki, Ermənistan silahlı qüvvələrinin birləşmələri tərəfindən Azərbaycan ordusunun mövqelərinin sistematik atəşə tutulmasının artması, ərazilərimizin minalanmasının davam etdirilməsi Azərbaycan Silahlı Qüvvələri tərəfindən Qarabağda yaradılmış separatçı və marionet rejimin nümayəndələrinə qarşı lokal antiterror tədbirlərinə səbəb olub. A.Hacızadənin sözlərinə görə, Ermənistanın baş naziri Nikol Paşinyan özü bəyan edib ki, bu antiterror tədbirləri zamanı Azərbaycan Qarabağdakı erməni sakinlərə zərər verməyib: "Qarabağ bölgəsi həmişə Azərbaycanın ayrılmaz hissəsi olub. Azərbaycanın bütün etnik azlıqları ölkəmizdə həmişə mehriban şəraitdə yaşayıblar. Azərbaycan çoxmillətli ölkədir, tarix boyu ermənilərlə azərbaycanlılar həmişə birgə yaşayıblar. Ölkəmiz Qarabağ ermənilərinin reinteqrasiyasının həyata keçirilməsini təmin edəcək”.

Azərbaycan Müdafiə Nazirliyi Tərtər rayonu Canyataq yaşayış məntəqəsinin yaxınlığında tərk edilmiş döyüş mövqeyinin görüntülərini yayıb. Sozcu.az görüntüləri təqdim edir:

"Əslində  Azərbaycan dövləti tərəfindən onun barəsində də cinayət işi qaldırılmasına kifayət qədər əsaslar var...” Putinin milyarder “desant”ı Ruben Vardanyan  Qarabağı tərk teməyəcəyini bildirib. Sozcu.az xəbər verir ki, “Hrapak”ın yaydığı məlumatda belə deyilir. Vardanyan deyib ki,  burada qalıb “qədim artsax” uğrunda sona qədər döyüşəcək və “bütün vətəndaşlarla birlikdə bu torpaqda ölümünü qəbul etməyə hazırdır”. Vardanyan Marqarita Simonyanın Qarabağda son baş verənlər barədəki açıqlamalarını da “çoxüzlülük” adlandırıb. O, Ermənistan hakimiyyətini "artsax" hakimiyyətinə xəyanətdə ittiham edib. Vardanyan Rusiyanın "artsax"la bağlı siyasətini "vətənə xəyanət" hesab edir... Xatırladaq ki, separatçı rejimin keçmiş “dövlət naziri” R.Vardanyan artıq 1 ildən çoxdur ki, Azərbaycan torpağında qanunsuz fəaliyyət göstərir. Əslində  Azərbaycan dövləti tərəfindən onun barəsində də cinayət işi qaldırılmasına kifayət qədər əsaslar var...

Qanunsuz erməni hərbi birləşmələrin rəhbərlərindən biri (əvvəllər Ermənistan Silahlı Qüvvələrinin Ağdərin istiqamətində 7-ci müdafiə rayonuna komandanlıq edirdi) Polkovnik Karen Calavyan bildirib ki, erməni xalqına nə Qarabağ, nə də Qarabağ erməniləri lazım deyil. O, bu barədə Ermənistanın "Hraparak" qəzetinə müsahibəsində bildirib. "Erməni xalqına nə Qarabağ, nə də Qarabağ erməniləri lazım deyil, o qədər. Hamı kənara çəkildi. Gedin Nikola deyin ki, gəlib Qarabağı müdafiə edərdi. İstəyirsiniz Nikola deyin, istəyirsiniz Köçəryana, istəyirsiniz Serjikə", - Karen Jalavyan bildirib.

Bir neçə gündür yeni tədris ilinə start verilib. Dərs ilinin elə ilk günündən problemlər başlayıb. Belə problemlərdən biri də 5 günlük tədris sistemində dərs saatlarının çox olmasıdır. İbtidai təhsili başan vuran məktəbli həftənin əna zı 3 günü 8 saat sinifdə oturmalı olur. Üstəlik, elə məktəblər var ki, təhsil sahəsinə yenilik gətirib. Nəzərə alsaq ki, birinci sinfə gedən uşaqların məktəb mühitinə alışması, dərs yükünü daşıması bir qədər vaxt aparacaq, o zaman dərs saatlarının çox olması da çətinliklər yaradır.  Məsələ ilə bağlı Yenisabah.az-a danışan sabiq deputat, professor Şahlar Əsgərov bildirib ki, Avropada çox uzun illər öncə 5 günlük tədris sisteminə keçilib və bu problemsiz şəkildə tətbiq olunub: "Dərslərin 5 günlük rejimə keçməsi təbii ki, maraqlı məsələdir, bu həmçinin hər bir millətin yaşam tərzi ilə bağlıdır. 5 günlük dərs praktikası Avropada yaranıb. Çünki Avropa maddi nemətlər bolluğu yaradandan sonra avropalılar başa düşüb ki, 6 gün deyil, 5 gün işləsələr daha yaxşıdır. Çünki 5 gün yaratdıqları maddi nemətlər bolluğu onlara 1 həftə bəs edir və beləcə 5 günlük iş həftəsinə keçiblər. 5 günlük iş həftəsinə keçəndə məktəblər bu həyat tərzini reallaşdırmağa maneə törətdi, bu zaman avropalılar məktəbləri də 5 günə endirdi. Bunu ona görə etdilər ki, uşaqlar ailəsi ilə birlikdə olsunlar, həftəsonu 2 gün valideynləri ilə başqa şəhərə gedə bilsinlər, dincəlsinlər. Beləliklə, onlarda 5 günlük iş və dərs həftəsi yaradıldı.  Bu məsələ bizdə də müzakirəyə çıxarıldı. O zamanlar mən parlamentdə idim, 2002-2003-cü illərdə bu məsələ Prezident Aparatında da müzakirə olundu. Həmin vaxt dərslərin 15 sentyabrda  başlanması və 5 günlük tədris həftəsinə keçilməsi müzakirəyə çıxarıldı".  Ş.Əsgərov bildirib ki, təhsil prosesində lazımsız informasiyalara daha çox yer verildiyindən uşaqların özlərinə ayırmağa zamanları olmur: "Biz məktəbi ailənin həyatına uyğunlaşdırmalıyıq. Birinci növbədə ailənin yaşamı, ikinci yerdə isə uşaqların təhsili dayanır. Elm və Təhsil Nazirliyi elə sistem qurmalıdır ki, tədrisin yaşam tərzinə təsiri olmasın. Yəni 5 günlük tədris müddətində lazım olan biliklər şagirdlərə verilsin. 5 günlük dərs sisteminə keçsək də, hazırda fənnlər, saatlar çoxdur. Bu zaman tədris edilən fənnləri sıraya düzmək, lazım olan ən vacib bilikləri seçmək lazımdır. Onların 80%-i qalmalı, digər 20%-i isə çıxarılmalıdır. Beləliklə, dərs saatları azalacaq. Bunun fəlsəfəsi budur. Tədris olunan fənnləri əhəmiyyətinə görə sıraya düzmək lazımdır, elə fənnlər var ki, onu 30 yaşında da öyrənmək olar, bunu orta məktəbdə niyə verək? Bu, çox asan məsələdir, sadəcə bir az baş işlətmək lazımdır". 

“Rusiyanın torpaqlarımızda “sülhməramlı” adı altındakı hərbi varlığı çox davam edə bilməz...”  “Azərbaycan dövlətçiliyi üçün təhdidlər aradan qaldırılmalıdır...” “Ermənilər  Azərbaycanın Qarabağ torpağını 30 il yalnız işğal altında saxlamadılar. Həm də burada yaşayan əhaliyə  bölücülük , separatizm aşıladılar. Və bunu zəhərli, sağalmaz xəstəliyə çevrilmiş bir ideologiya halına gətirdilər. Qarabağı biz işğaldan tamamilə qurtara bilərik, amma separatizmi, onu özünün həyat fəlsəfəsi və gələcəyinin təminatı hesab edən kütlənin qafasından çıxarmamız çətin olacaq. Sovet höküməti kimi 70-80 il inzibati metodlarla da bunu edə bilməyəcəyik. Neçə ki, Qarabağın bu hissəsində erməni əhali qalır, biz hər zaman separatizm təhdidi ilə üzləşəcəyik”. Ermənişünas alim Qafar Çaxmaqlı Moderator.az-a açıqlamasında bu fikrini dilə gətirib. “24 saatlıq antiterror tədbirinin ardınca bu bölgədə separatçı ünsürlərin təmizlənməsi gəlməlidir. Separatçı qurumun keçmiş və indiki "rəhbərləri" həbs edilməlidir. Azərbaycan dövlətçiliyi üçün təhdidlər aradan qaldırılmalıdır. Bəlli zaman içərisində Azərbaycan dövlətinin yurisdiksiyasına keçmiş şəhər və kəndlərdə, o cümlədən Xankəndi, Xocalı, Ağdərə və başqa iri yaşayış məntəqələrində dövlət orqanlarımız fəaliyyət göstərməlidir. Rusiyanın bu ərazidəki torpaqlarımıza “sülhməramlı” adı altında yeridilmiş hərbi varlığı çox davam edə bilməz. Bölgədə münaqişə aradan qalxmışsa, rusların burada işi qalmayacaq”- deyə davamında alim vurğulayıb.

İrəvanda hökumət əleyhinə keçirilən aksiyalarda Ermənistanın ikinci prezidenti Robert Köçəryanın oğlu Levon Köçəryan saxlanılıb. Sozcu.az xəbər verir ki, erməni mediası polislərin onu maşına mindirdikdən sonra döydüklərini əks etdirən video yayıb. Qeyd edək ki, Ermənistan Baş naziri Nikol Paşinyan hökumətə itaətsizlik aksiyalarını keçmiş prezidentlərdən birinin oğlunun təşkil etdiyini vurğulayaraq, heç kəsə güzəşt edilməyəcəyini bəyan etmişdi.

“Qarabağda gərginlik qalmaqdadır, lakin vəziyyət hər saat dəyişir”. Sozcu.az xəbər verir ki, bunu Ermənistanın Baş naziri Nikol Paşinyan deyib. O, Qarabağdakı ermənilərin həyatına hər hansı təhlükənin olmadığını bir daha vurğulayıb: “Dünən bu barədə səsləndirdiyim fikrim dəyişməyib. Əgər hər hansı dəyişiklik olsa, bunu bir daha vurğulamazdım. Mənə verilən məlumata görə, hər yarım saatdan bir vəziyyət dəyişir, proseslərə hakim olmaq üçün diqqətlə izləmək lazımdır. Ərazidə humanitar vəziyyətin yaxşılaşacağına dair ümidlər var, müsbət dinamika müşahidə olunur. Bu gün Qarabağa böyük həcmdə humanitar yardım daxil olacaq. Məndəki məlumata əsasən müəyyən razılaşmalar var, lakin ətraflı məlumat verə bilməyəcəyəm. Düşünürəm ki, bu razılaşmaların icrasına indidən başlanılmalıdır, amma olub-olmayacağı dəqiq deyil”.

"Baxmutu işğaldan azad edirik. Düşünürəm ki, biz daha 2 şəhəri işğalçılardan azad edəcəyik".  Sozcu.az xəbər verir ki, bunu Ukrayna prezidenti Volodimir Zelenski CNN-ə deyib.  Dövlət başçısı bunların hansı şəhərlər olacağını deməyəcəyini vurğulayıb.  "Hansı şəhərləri azad edəcəyimizi deməyəcəyəm, üzrlü sayın. Deməliyəm ki, planımız var. Çox, çox detallı bir plan", - o qeyd edib.  Xatırladaq ki, ötən ilin 24 fevralında Rusiyanın Ukraynaya hücumu nəticəsində başlayan müharibə davam edir. Rusiya Ukraynanın Xerson və Zaporojye vilayətlərini, habelə qondarma "Donetsk XR" və "Luqansk XR" separatçı qurumlarını birtərəfli qaydada ilhaq etdiyini açıqlayıb. 

Ukrayna müharibənin 576-cı günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 274 950 hərbçi, 4644 ədəd tank, 8891 ədəd zirehli döyüş maşını, 6177 ədəd artilleriya sistemi, 785 ədəd RYAS (reaktiv yaylım atəş sistemi), 528 hava hücumundan müdafiə sistemi, 315 ədəd hərbi təyyarə, 316 ədəd helikopter, 8690 ədəd avtomobil texnikası, 4858 ədəd PUA, 1517 qanadlı raket, 20 gəmi/qayıq, 1 sualtı qayıq, 912 xüsusi avadanlıq itirib.

Hazırda Zaporojye vilayətinin qərbində Rusiya müdafiə istehkamlarının arxasında Ukrayna zirehli texnikası fəaliyyət göstərir. Amma Ukrayna Silahlı Qüvvələrinin rusların bu müdafiə xəttini tamamilə yardığını söyləmək hələ tez olardı. Sozcu.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb. “Sentyabrın 21-də yayılan geolokasiya görüntüləri göstərir ki, Ukrayna zirehi texnikası üçqatlı müdafiənin bir hissəsini təşkil edən Rusiya tank əleyhinə xəndəklər və “əjdaha dişləri” sədlərindən cənuba doğru irəliləyib, Verbovoyenin bilavasitə qərbində (Orexovdan 18 km cənub-şərqdə) məhdud döyüşə başlayıb. Bununla belə, Ukrayna qoşunlarının bu mövqeləri tutub-tutmaması aydın deyil”, - məlumatda deyilir.

Bakı silahlarını təhvil verən Qarabağ sakinləri üçün amnistiya imkanlarını nəzərdən keçirir. Sozcu.az xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət şöbəsinin müdiri Hikmət Hacıyev “Röyters”ə açıqlamasında deyib. “Keçmiş döyüşçülərə münasibətdə belə, əgər onları bu şəkildə təsnif etmək olarsa, biz amnistiya ehtimalını nəzərdən keçiririk. Bakı silahlarını təhvil verən “Qarabağ silahlı birləşmələri”nin üzvlərinə ölkəni tərk etməyə icazə verəcək. Hazırda isə biz görürük ki, bəzi ayrı-ayrı qruplar və zabitlər bizim şərtlərimizi qəbul etməyəcəkləri və müqavimət göstərməkdə davam edəcəkləri barədə açıq bəyanatlar verirlər”, - Hacıyev bildirib.

Ermənistan Rusiya ilə müdafiə müqavilələrindən imtina edib, Hindistandakı özəl təşkilatlarla müqavilələr imzalayıb, 500 milyon dollar köçürüb, lakin müqavilədə nəzərdə tutulan silahların 5%-ni belə almayıb. Sozcu.az xəbər verir ki, bu barədə Ermənistanın “Joxovurd” qəzeti məlumat yayıb. Nəşrin İrəvan və Moskvadakı mənbələrinin məlumatına görə, Ermənistan Müdafiə Nazirliyi ilə Rusiyanın SMERÇ tipli raketlər istehsal edən zavodu “NPO Splav” arasında müqavilə imzalanıb: “Ona əsasən Rusiya zavodu Ermənistan üçün lazım olan raketləri istehsal etməli idi. Zavod Ermənistan Müdafiə Nazirliyinə bildirib ki, mallar çatdırılmağa hazırdır və onlar hərbi yükü qəbul etmək üçün mütəxəssislər göndərə bilərlər. Bundan 1 il 3 ay keçsə də, Ermənistan Müdafiə Nazirliyi yükü hələ də gətirməyib. Malları götürmək üçün “NPO Splav” zavodu Ermənistanla 3 dəfə əlaqə saxlayıb, məhsullarını qısa müddətdə almaq xahişi ilə müraciət edib, çünki bu ölçüdə olan məhsulları anbarda uzun müddət saxlamaq mümkün deyil. Bu qədər müraciətdən sonra belə İrəvan hərbi yüklərin daşınmasını təşkil etməyib. Bundan əlavə, 2020-ci il müharibəsindən sonra Rusiya Ermənistana 20 illik kredit müddəti ilə 1 milyard 400 milyon dollar dəyərində silah və sursat təklif edib və verməyə hazırdır. 400 milyon dollar məbləğində müqavilə artıq təsdiqlənib, müqavilələr imzalanmağa hazır idi. 1 milyard dollarlıq müqavilənin isə iki ölkənin hökumətləri və maliyyə nazirlikləri tərəfindən təsdiqlənməsinə sayılı günlər qalıb. Lakin İrəvan birdən-birə bu müqavilələrdən imtina edərək, əvəzində Hindistandakı özəl təşkilatlarla müqavilələr bağlayaraq, 500 milyon dollar köçürüb. Lakin ödədiyi bu məbləğin qarşılığında silahların 5%-ni belə almayıb”.

BMT TŞ-də Ermənistanın Fransanın dəstəyi ilə çağırdığı Qarabağ üzrə dinləmələr başa çatıb. Sozcu.az xəbər verir ki, iclasın nəticəsi olaraq heç bir qərar, qətnamə qəbul edilməyib.

BMT Təhlükəsizlik Şurasında Qarabağla bağlı müzakirələr davam edir. Sozcu.az xəbər verir ki, müzakirələrdə çıxış edən Ermənistan XİN rəhbəri Ararat Mirzoyan deyib: “Qarabağın bütün ərazisi qadağan olunmuş kasetli sursatlar da daxil olmaqla, ayrı-seçkilik olmadan atəşə tutulub”. Ararat Mirzoyan bildirib ki, bu, Qarabağda etnik təmizləmə aparmaq niyyəti diktə edir. Bu genişmiqyaslı hərbi əməliyyatın nəticəsi bunu nümayiş etdirir: əhali rabitənin olmaması səbəbindən məlumat vermək imkanından məhrumdur, Azərbaycan qoşunları Qarabağda əsas marşrutlara nəzarət edir. 

Antiterror tədbirləri Ermənistanın üçtərəfli Bəyanata əsasən, Azərbaycan əleyhinə bütün hərbi fəaliyyətlərin dayandırılması və Azərbaycanın beynəlxalq səviyyədə tanınmış ərazilərindən qüvvələrini çıxarmaq barədə götürdüyü öhdəliklərin əksinə olaraq saxladığı silahlı hərbiləşmənin miqyasını nümayiş etdirib. Sozcu.az xəbər verir ki, bunu Azərbaycan Respublikasının xarici işlər naziri Ceyhun Bayramov BMT Təhlükəsizlik Şurasının iclasında çıxışında deyib. Sadəcə 24 saat ərzində qanunsuz birliklərin 90-dan artıq postunun ələ keçirildiyini, 20 döyüş maşını, 40 artilleriya qurğusu, 30 minaatan, 6 elektromaqnetik döyüş sistemləri və 2 hava hücumundan müdafiə sisteminin zərərsizləşdirildiyini bildirən nazir deyib: “Heç bir suveren dövlət öz ərazisində belə qanunsuz hərbi mövcudluğu qəbul edə bilməz. Azərbaycan da bunu edə bilməz. Azərbaycan özünün bütün sakinlərinin sağlamlığını və təhlükəsizliyini qorumaq məqsədilə beynəlxalq hüquq və öz Konstitusiyasından irəli gələn hüquqlarına tamamilə uyğun hərəkət etmişdir. Beləliklə, Ermənistanın Azərbaycanın suveren ərazisində qüvvədən qanunsuz istifadə etməklə yeni status-kvo yaratmaq və “təmas xətti məntiqi”nə əsaslanaraq boz zonanı saxlamaqla bağlı sistematik cəhdləri dəf edilmişdir”.

“Oğlumdan hələ də bir xəbər yoxdur” “Biz əslən Dərələyəz mahalındanıq. 1968-ci ildən gəlib Xocalıda məskunlaşmışıq. Həmin ildən Xocalı işğal olunan günə qədər orada yaşamışıq. Xocalıdan çıxanda nə əziyyətlər çəkmişiksə bunu bir Allah bilir. Biz çox müsibətlər yaşamışıq. Yada düşdükcə, yaşadıqlarım gözümün önünə gələndə ilk günki kimi keçirtdiyim qorxu-həyəcan hissini bir daha yaşayıram” Bunu Moderator.az-a açıqlamasında Xocalı sakini, əsirlikdə qalan Gülayə Orucova deyib. O daha sonra əlavə edib. “Könül istərdi ki, biz yaşadıqlarımızı düşmən də yaşasın. Ancaq bizim xalq zülmkar deyil. Bizim sürünə-sürünə məcburi çıxarıldığımız torpaqlardan onlar bu gün rahat şəkildə, əzab-əziyyətsiz çıxırlar. Biz düşmən qədər qəddar, vəhşi deyilik. Öz humanistliyimizi bir daha sübut etmiş olduq. Ermənilərin qadınları, qocaları, uşaqları Xankəndidən çox asanlıqla Xocalı aeroportuna gedirlər. Allah o günləri bir də bizə yaşatmasın. Prezidentimizin siyasəti nəticəsində biz bu gün öz yurdumuza qayıtmaq üzrəyik. Nə mən, nə də heç bir azərbaycanlı o xalqı bağışlamayacaq. Boşuna deməyiblər ki, tarix təkrarlanır. Onlar bu gün yaşatdıqlarını yaşayırlar. Allah ordumuza güc-qüvvət versin, şəhidlərimizə rəhmət etsin” deyə Xocalı sakini bildirib. Gülayə xanım daha sonra Xocalıdakı günlərini xatırlayıb. “Xocalıda çox gözəl günlər yaşamışıq. 4 övladım var idi. Lap əvvəl Xankəndində ipək fabrikində işləyirdim, ara qarışandan sonra Xocalıya gəldim və orada tikiş fabrikində işləməyə başladım. Yerli əhali özünümüdafiə bölüyü yaratmışdı, gecələr, gündüzlər keşik çəkirdilər ki, ermənilər bizlərə hücum etməsinlər. Mən də, 15 yaşlı oğlum Cavan da keşik çəkirdik. Son günə qədər mən də, qızlarım da Xocalıda qaldıq. Deyirdim ki, erməni kimdir ki, mən ondan qorxum?! Güllə yağış kimi yağırdı. Evdən çıxanda ədyal götürdüm. Qarqar çayından keçib 2 gün meşədə qaldıq. Qarı əridib nəvələrimə yedirdirdim. Yoldaşım, oğlum, kürəkənim, iki qızım və əkiz nəvələrimlə birgə düşmənə əsir düşdük. Yoldaşım oğlum Cavana dedi ki, sən qaç canını qurtar. Cavan özünü qayadan atdı. Sonra öyrəndik ki, oğlumu sağ tutub, erməni qəbirlərinin üstündə başını kəsiblər. Amma bu da dəqiq fakt deyil. Bir ana üçün həyatda bundan ağır nə ola bilər?! Bizi əsirlikdən Milli Qəhrəman Allahverdi Bağırov xilas etdi. Oğlumdan bu günə qədər heç bir xəbər yoxdur (ağlayır)” deyə Gülayə Orucova bildirib.

"USQ ilk dəfə olaraq "Strykers" və "Marders" ağır texnikanı tankəleyhinə xəndəkdən və "əjdaha dişlərindən" kənara keçirib..." "Ukrayna müdafiəçiləri Zaporojye vilayətinin Rabotino rayonunda rusiyalı qəsbkarları xeyli itkilərə məruz qoyub..." USQ-nin ağır texnikası Surovikinin ilk xəttini-Zaporojye vilayətinin Verbovoye kəndi rayonunda güclü istehkamlar sistemini keçə bilib. Sozcu.az xəbər verir ki, bu barədə "OSINT" ("open source intelligence" - açıq mənbələrdən məlumatların toplanması-red.) analitikləri döyüş meydanından xəbərləri nəzərə alaraq iddia edib. Məlumatda deyilir ki, USQ  ilk dəfə olaraq "Strykers" və "Marders" ağır texnikanı tankəleyhinə xəndəkdən və "əjdaha dişlərindən" kənara keçirib. Amerikanın müharibənin öyrənilməsi İnstitutunun (ISW) analitiki Corc Barros qeyd edib ki, ukraynalıların ağır texnikası ilk dəfə olaraq Surovikin xəttini keçib. Hərbi analitik Rob Li həmçinin qeyd edib ki, Ukraynanın 82-ci desant- həmlə briqadası "Stryker", "Marder" PDM və "MaxxPro" ZTR zirehli maşınlarının köməyi ilə müdafiə xəttini keçib. Barrosun məlumatına görə, videoda Ukrayna texnikası, ehtimal ki, xəndəyin qazılması və "əjdaha dişlərinin" yerləşdirilməsi zamanı saxlanılan yolla hərəkət edib. Bu onu göstərə bilər ki, USQ bu sahədə Rusiyanın müdafiəsini darmadağın edib. Ehtimal ki, bu istiqamətdə Ukraynanın yeni hücumunun şahidləri olacağıq. USQ-nin əks hücumu ISW-nin məlumatına görə, Uktayna qüvvələri Zaporojye vilayətinin qərbində sentyabrın 20-də hücum əməliyyatlarını davam edib, lakin hər hansı uğur əldə etməyib. Şimali Osetiyanın Zaporojye vilayətinin qərbində fəaliyyət göstərən "Osetiyaya hücum" və "Alaniya" könüllü taborları iddia edib ki, sentyabrın 20-də səhər Rabotino və Verbovoye yaxınlığında döyüşlərin intensivliyi azalıb. Ukrayna Müdafiə Qüvvələri Zaporojye vilayətinin Rabotino rayonunda rusiyalı qəsbkarları xeyli itkilərə məruz qoyub. Son sutka ərzində Ukrayna müdafiəçiləri 500-dək rusiyalı işğalçını məhv edib. Rusiyalılar Andreyevka yaxınlığında öz mövqelərini bərpa etməyə cəhd göstərir, lakin bütün bu cəhdlər uğursuzluğa düçar olur.

Rusiya Qarabağda separatizmin, Ermənistanda revanşizmin kökünün kəsilməsinə imkan verməyəcək... “Bu fikrimizi yanlış sayanlar, zəhmət olmasa, bir neçə sualımıza cavab versinlər: Rusiya 2020-ci ilin noyabrında öz “sülhməramlı”larını bir gecənin içində tələm-tələsik niyə Qarabağ torpaqlarımıza yeritdi, niyə son 3 ilə yaxın müddətdə 10 noyabr bəyanatına uyğun olaraq oradakı separatçı-terrorçuları tərksilah edib ərazimizdən çıxarmadı, əksinə onları, öncə dediyimiz kimi, silahlandırdı... Və s. və i.a....” -3 CÜMLƏ İLƏ BİR GERÇƏK...- Qarabağın dağlıq hissəsində şəhid(Allah hər birinə rəhmət eləsin!) və qazilərimizin canı-qanı hesabına separatçı-terrorçu rejimə qarşı rəsmi məlumatlarda çox uğurla nəticələndiyi deyilən lokal bir əməliyyat keçirdik... Fəqət, təəssüf ki, Azərbaycan Respublikasının son illər rəsmən Qarabağ iqtisadi rayonu kimi tanınan ərazisinin dağlıq hissəsinin  xeyli qismi hələ də (məlum razılaşmaya görə, ən azı 2025-ci ilədək)  33 il öncə elə həmin separatçı-terrorçu rejimi qondarmış və bu günədək öz himayəsində bəsləmiş, Azərbaycan Müdafiə Nazirliyinin xüsusən son aylarda dəfələrlə verdiyi rəsmi bəyanatlarda göstərildiyi kimi, öz “sülhməramlı”ları vasitəsilə həmin qondarma qurumu gizli yollarla silah-sursatla təchizatını təmin edən Rusiya imperiyasının nəzarətindədir... Və Ukraynada hərbi-siyasi bataqlıqda çabalayan bu imperiya hələ yaşaqıqca Cənubi Qafqazdakı dayaqlarını daha da bərkitmək üçün, mümkün olduqca buradakı hərbi qüvvəsinin sayını artırmaq üçün istər Qarabağın dağlıq hissəsində separatizmin, istərsə də Ermənistanda Azərbaycana, Türkiyəyə münasibətdə revanşizmin, rasizmin kökünün kəsilməsinə və bu minvalla da Ermənistanla Azərbaycan arasında gerçək sülhün yaranmasına imkan verməyəcək... P.S. Bu fikrimizi yanlış sayanlar, zəhmət olmasa, bir neçə sualımıza cavab versinlər: Rusiya 2020-ci ilin noyabrında öz “sülhməramlı”larını bir gecənin içində tələm-tələsik niyə Qarabağ torpaqlarımıza yeritdi, niyə təcili olaraq bir neçə ayın içərisində öz rəsmi rəqəmlərinə görə, Ermənistana qaçmış 52 mindən çox haykı torpaqlarımıza qaytardı, niyə son 3 ilə yaxın müddətdə 10 noyabr bəyanatına uyğun olaraq oradakı separatçı-terrorçuları tərksilah edib ərazimizdən çıxarmadı, əksinə onları, öncə dediyimiz kimi, silahlandırdı, niyə Azərbaycanın rəsmi qurumlarının, ictimaiyyətinin, mediasının təpkilərinə rəğmən rəsmi leksikonunda, eləcə də “sülhməramlı”ların xəritələrində “Dağlıq Qarabağ” ifadəsini dəyişmədi, "Stepanakert" əvəzinə Xankəndi, "Mardakert" əvəzinə Ağdərə demədi, yazmadı? Və s. və i.a.(moderator) Sultan Laçın 

Sosial şəbəkələrdə Qarabağda əhali arasında kütləvi tələfat barədə məlumatlar həqiqətə uyğun deyil. Sozcu.az xəbər verir ki, bu barədə Ermənistan Baş naziri Nikol Paşinyan "Facebook"da canlı yayım zamanı bildirib. O, Qarabağda atəşkəs rejiminə əməl olunduğunu qeyd edib.

Rusiyanın Xankəndidə olan erməniəsilli adamı Ruben Vardanyan yenidən separatçı fikirlər səsləndirərək video paylaşıb. O, Ermənistanın müstəqillik gününü təbrik edib və aşağıdakı sözləri deyib: ""Bizim iki vətənimiz var Ermənistan və "Artsax". Bu ikisi bir gün birləşəcək. Heç kim bunu unutmamalıdır və bu ideyaya heç kim mane ola bilməz". Musavat.com-un şərhi: Vardanyanın bu çıxışı daha çox Paşinyana göndərmədir. Erməni separatizminin yaşayan ideoloqlarından olan bu avantüristin çıxışını da xüsusi ilə təqdim edirik. Onun üzündəki və nitqindəki pessimizmə diqqət edin. Vardanyan ermənizmin bütün hədəfləri kimi çökmüş durumdadır. Yazıqlıq, bədbinlik, gələcəyə inamsızlıq yağan bu nitqi hər kəs daha çox paylaşmalıdır. ''Böyük Ermənistan'' xülyası görün bütün erməniliyi və milyardları olan Vardanyanı hansı duruma gətirib. 

Erməni radikallar və onlara dəstək verən xarici mərkəzlər Yevlaxda razılaşmanın əldə edilməsini və onun yerinə yetirilməsini əngəlləməyə çalışacaqlar. Qarabağda atəş səslərinin hələ də eşidilməsi buna xidmət edir. Sozcu.az xəbər verir ki, bu sözləri politoloq Elxan Şahinoğlu qeyd edib. Politoloqun sözlərinə görə, onların məqsədləri vaxt qazanmaqdır: “Onlar bu müddətdə Azərbaycana beynəlxalq təzyiqin artmasını, BMT və digər strukturların Azərbaycana qarşı müzakirələrə başlamasını istəyirlər. Çünki ağ bayraq qaldırdıqdan sonra kapitulyasiya erməni radikallarla onlara dəstək verən mərkəzlərin Azərbaycana qarşı təzyiq planlarını pozacaq. “Xarici mərkəzlər” dedikdə yalnız Qərbdəki dairələri nəzərdə tutmuram. İşin içində Rusiyadakı şovinist mərkəzlər də var, hansılar ki, uzun onilliklər separatizm vasitəsilə ərazi bütövlüyünün bərpası məsələsində müxtəlif dövlətlərə, o cümlədən Azərbaycana təzyiq edərək mane olublar. Bu baxımdan tələsməliyik, separatçılara “bunu sonrakı mərhələdə müzakirə edərik” kimi şanslar verməməliyik, Ordumuzun ildırımsürətli əməliyyatı kimi diplomatiyamız da separatizmi bitirmək üçün sürəti artırmalıdır”.

Xətai rayonunun Neapol dairəsi yaxınlığında, Telnov küçəsində yerləşən yeni tikilinin 14 sakini aldıqları mənzillərə köçə bilmir. İllərdir məhkəmələrə ayaq döyən, süründürməçiliklə haqqını ala bilməyən sakinlər bu dəfə Müstəqil Həmkarlar Birliyinə (MHB) müraciət edərək, hüquqlarının qorunmasını xahiş ediblər. Şikayətçilər ya aldıqları mənzilləri, ya da pullarının onlara verilməsini istəyirlər. Onlar sözügedən ərazidə yerləşən binanın bütün sakinlərinin aldadıldığını deyiblər. Binanın sakinləri Telnov küçəsindəki sözügedən binadan hələ 2014-cü ildə mənzil alıb. Amma sən demə həmin mənzillər başqasına da satılıbmış. Zərərçəkmişlər məsələ ilə bağlı məhkəməyə müraciət ediblər. Vətəndaşların şirkətə ödədiyi pullarının qaytarılması ilə bağlı məhkəmə qərarı olsa da, şirkət tərəfindən icra edilmir. Evsiz qalan “bina sakinləri” illərdir nə pullarını ala bilir, nə də evlərini… MHB-nin sədr müavini Xəzər Teyyublu Versus.az-a bildirib ki, tikinti şirkətləri tərəfindən sakinlərin bu cür aldadılması az qala adi hal alıb. Onun sözlərinə görə, problem ondan başlayır ki, bir buna bir neçə podratçı şirkətlər tərəfindən tikilir və hər şirkət də öz istədiyi kimi mənziləri satır. Beləliklə də bir mənzil bir neçə dəfə satılır və mənzilə sahib olmaq istəyən vətəndaşların pulları alınır, özləri isə çöldə qalırlar. Zərərçəkənlər məhkəmələrə üz tutur, məhkəmə dəymiş ziyanın ödənilməsi ilə bağlı qərar verir, yenə də podratçı şirkətlərin “ötür-ötür oyunu”, icraasız qalan məhkəmə prosesləri ilə ortada qalırlar. X.Teyyublu qeyd edib ki, Xətai rayonunun Neapol dairəsi yaxınlığında, Telnov küçəsində yerləşən yeni tikilinin 14 sakini Şərur İnşaat MTK-nın nəzdində formalaşan AzərTikinti İnşaat şırkətinin oyunlarına gəlib: “Məhkəmə qapılarına ayaq döyməkdən yorulan, bir az da yaşlanan bu “evsiz sakinlər” illərdir özünə, övladına  aldığı mənzilə köçmək arzusunu gerçəkləşdirə bilmir, haqlarını ala bilmədikləri üçün dövlətdən narazı qalırlar. Çünki vətəndaş həm pulunu itirir, həm aldadılır, bundan qazanan isə dələduz iş adamları olur”. X.Teyyublu bildirib ki, MHB-nə daxil olan şikayətlər, qarşılaşdığımız faktlar cəmiyyətdə həllini gözləyən həddən artıq sosial, hüquqi problemlərin olduğunu göstərir. Onun sözlərinə görə, Müstəqil Həmkarlar Birliyinə hər gün belə 10-larla şikayətlər daxil olur: “İnsanlar hüquqlarını, haqlarını qoruyan, onları doğru ünvana yönəldən, sözlərinin aidiyyatı orqanlara çatdırılacağına əmin olduqları, etibar etdikləri bir təşkilata – Mütəqil Həmkarlar Biriyinə müraciət edirlər. MHB bütün şikayətləri təhlil edir, araşdırır və məsələni birbaşa aid olduğu dövlət idarəsi qarşısında qaldırır, həllinə çalışır”. X.Teyyublu MHB-nə daxil olan müraciətlər içərisində özləri ayrı-ayrı ölkə vətəndaşları olub, övladlarına vətəndaşlıq ala bilməyən insanların da çoxluq təşkil etdiyini qeyd edib. Bildirib ki, artıq valideynlərdən biri Rusiya, digəri Azərbaycan vətəndaşlığı olan şəxslərin uşaqlarının vətəndaşlığını almaq üçün Dövlət Miqrasiya xidməti ilə işlər aparırlar. X.Teyyublu eləcə də, mülkiyyət məsələləri, sosial hüquqların bərpası ilə bağlı MHB-ə edilən müraciətlərlə bağlı işlərin üzərində çalışdıqlarını deyib. O, bildirib ki, mülkiyyət hüququ ilə bağlı bələdiyyələrdə qanun pozuntuları həddən artıqdır: “Müstəqil Həmkarlar Birliyinə daxil olan şikayət dovluğunda Binəqədi Bələdiyyəsinin mülkiyyətçinin torpağını zəbt edib başqasına satması ilə bağı müraciət var. Biz bu məsələlərlə bağlı Ədliyyə Nazirliyində Bələdiyyələrlə iş üzrə şöbənin rəhbəri Emin Həsənovla görüşüb müzakirələr aparmışıq. Başqa bir şikayət ərizəsində 80 yaşı qadının mənzilində ailə üzvü olmayan bir şəxsin qeydiyyata alınması və həmin şəxsi qeydiyyatdan çıxara bilməməsi göstərilib. Məsələ ilə bağlı polisə, Daxili İşlər Nazirliyinə müraciət edilib. Polis qadını evinə gətirib yerləşdirir, polis gedən kimi qeydiyyatda olan şəxs yaşlı qadına fiziki, maddi-mənəvi güc tətbiq edərək, incidir. MHB-i olaraq bu problemin həllinə yönəlik işlər aparırıq”. X.Teyyublu MHB-nə müraciət olunan qeyd edilən problemlərin illərlə üst-stə yığılıb qalmış məsələlər olduğunu deyib: “Müstəqil Həmkarlar Birliyi bir qeyri hökumət təşkilatı olaraq çalışır ki, şikayətçiləri dinləyib real vəziyyətə uyğun olaraq onlara düzgün yol göstərsin. Bir çox məsələlərlə bağlı Azərbaycan qanunları çərçivəsində aidiyyatı strukturlara müraciət ünvanlayıb, yaxud birbaşa rəhbərliklə görüşərək həllinə nail ola bilirik”.

Azərbaycanın Qarabağ bölgəsində bütün qeyri-qanuni strukturlar buraxılıb. Sozcu.az xəbər verir ki, bu barədə erməni bloger Karen Şirinyan Feysbuk səhifəsində yazıb. “Qarabağda bütün strukturlar buraxılıb. Bir müddət əvvəl işçilərə dedilər ki, gəlib əmək kitabçalarını götürsünlər. 100% dəqiq məlumatdır”, - deyə Şirinyan bildirib.

Azərbaycanlı qardaşlarımızın haqlı mübarizələrində yanında olmağa davam edəcəyik. Sozcu.az xəbər verir ki, bu barədə Türkiyənin Milli Müdafiə Nazirliyindən bildirlib. Qeyd olunub ki, 19-20 sentyabrda keçirilən antiterror tədbirləri Azərbaycanın öz əməliyyatıdır: “Qarabağ Azərbaycan torpağıdır. Bundan başqa, hansısa status qəbuledilməzdir. Erməni silahlı ünsürlərinin uzun müddətdir davam edən təxribatlarına cavab olaraq Qarabağda həyata keçirilən tədbirləri, atəşkəs qərarını və bölgədəki son durumu izləyirik”. Həmçinin bildirilib ki, Türkiyə Silahlı Qüvvələri 19-20 sentyabr antiterror tədbirlərində heç bir şəkildə iştirak etməyib.

Azərbaycan Respublikası Prezidentinin Administrasiyasının dəvəti ilə Yevlax şəhərində Azərbaycanın Qarabağ bölgəsinin erməni sakinlərinin nümayəndələri ilə görüş başa çatıb. Sozcu.az xəbər verir ki, danışıqlarda Qarabağda yaşayan erməni sakinlərin reinteqrasiyası məsələləri müzakirə olunub. Azərbaycanın mərkəzi hakimiyyətini görüşdə Azərbaycan Respublikasının Qarabağ bölgəsində yaşayan erməni sakinlər ilə təmaslar üzrə məsul şəxs təyin edilmiş Ramin Məmmədov, Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsinin müavini Bəşir Hacıyev və xüsusi nümayəndəliyin əməkdaşı İlkin Sultanov təmsil ediblər.

Bu gərgin regional vəziyyətdə sülhdən danışmaq lazımdır və onu atəşkəslə qarışdırmamalıyıq. Sozcu.az xəbər verir ki, bunu Ermənistanın Baş naziri Nikol Paşinyan deyib. “Bu gün biz çətin dövrlərdən keçirik, amma başa düşmək vacibdir ki, niyə bu yolu keçməliyik. Sülh lazımdır. Bu, təhlükəsizliyi, müstəqilliyi, suverenliyi təmin edən amildir. Çoxları hesab edir ki, bu gərgin regional vəziyyətdə sülhdən danışmaq mümkün deyil, lakin məhz bu şəraitdə sülhdən danışmaq lazımdır və bunu atəşkəslə qarışdırmaq olmaz. Bu çətin yol daxili və xarici sarsıntılardan keçir və biz dövlətçilik, müstəqillik, gələcək naminə bu yolu keçməliyik”, - o bildirib. O vurğulayıb ki, 1991-ci ildə respublikanın SSRİ-dən ayrılması ilə bağlı Almatı bəyannaməsi Ermənistanın müstəqilliyinin əsas amillərindən biridir: “Məni tənqid edirlər ki, xarici və regional siyasət apararkən 1991-ci il Almatı bəyannaməsinə və bununla bağlı sənədlərə əsaslanıram. Çoxları bu sənədlərə əsaslanan siyasətdən imtina etməyə çağırır. Amma məsələ ondadır ki, bəyannamə və onunla bağlı sənədlər Ermənistanın müstəqilliyinin əsas amillərindən biridir və Ermənistanın müstəqilliyinin siyasi və hüquqi əsaslarını təsbit edir”. Paşinyan qeyd edib ki, bu siyasətdən əl çəkməyə çağırışlar müstəqillikdən, suverenlikdən və ərazi bütövlüyündən əl çəkməyə çağırışlardır.

10:23 Azərbaycan Respublikası Prezidentinin Administrasiyasının dəvəti ilə Yevlax şəhərində Azərbaycanın Qarabağ bölgəsinin erməni sakinlərinin nümayəndələri ilə görüş keçirilir. Sozcu.az xəbər verir ki, Azərbaycanın mərkəzi hakimiyyətini görüşdə Azərbaycan Respublikasının Qarabağ bölgəsində yaşayan erməni sakinlər ilə təmaslar üzrə məsul şəxs təyin edilmiş Ramin Məmmədov, Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsinin müavini Bəşir Hacıyev və xüsusi nümayəndəliyin əməkdaşı İlkin Sultanov təmsil edirlər. Qarabağın erməni sakinlərini Sergey Martirosyan və David Melkumyan təmsil edirlər. Rusiya sülhməramlı kontingentinin nümyayəndəsi iştirakçı kimi görüşə qatılıb.

Dünəndən azərbaycanlılar Xankəndinin düz girişində yerləşib. Sozcu.az xəbər verir ki, bu barədə Ermənistan parlamentinin deputatı Tiqran Abramyan bildirib. Onun sözlərinə görə, hər şey bu gün Yevlaxda baş tutan görüşdə aydınlaşacaq: “Düzünü desəm, Qarabağ sakinlərinin indiki vəziyyətdə xüsusilə optimist gözləntiləri yoxdur, lakin bu müzakirədən çoxlu sayda suallara cavab gözlənilir. Əsas suallardan biri Qarabağ və orada yaşayan soydaşlarımızın taleyinin necə olacağıdır”. yenipress)

Sentyabrın 20-də Türkiyə Respublikasının Prezidenti Rəcəb Tayyib Ərdoğan Azərbaycan Respublikasının Prezidenti İlham Əliyevə zəng edib. Sozcu.az xəbər verir ki, telefon söhbəti zamanı lokal xarakterli antiterror tədbirlərinin başa çatması və Azərbaycanın Qarabağ bölgəsində olan qanunsuz silahlı birləşmələrin silahı yerə qoymaları və tərk-silah olmaları barədə fikir mübadiləsi aparılıb. Dövlət başçıları Azərbaycan və Türkiyənin daim bir-birinin yanında olduqlarını vurğulayıblar. Azərbaycan və Türkiyə prezidentləri qarşılıqlı maraq doğuran məsələlər, o cümlədən gələcək təmaslar və strateji müttəfiqlik əlaqələrinin perspektivlərinə dair fikir mübadiləsi aparıblar.

Ukrayna müharibənin 575-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 274 470 hərbçi, 4638 ədəd tank, 8883 ədəd zirehli döyüş maşını, 6137 ədəd artilleriya sistemi, 781 ədəd RYAS (reaktiv yaylım atəş sistemi), 528 hava hücumundan müdafiə sistemi, 315 ədəd hərbi təyyarə, 316 ədəd helikopter, 8670 ədəd avtomobil texnikası, 4850 ədəd PUA, 1479 qanadlı raket, 20 gəmi/qayıq, 1 sualtı qayıq, 911 xüsusi avadanlıq itirib.

Ermənistanın Baş naziri Nikol Paşinyan dünən axşam saatlarında hökumət binasının yaxınlığında etirazların qızğın vaxtında bir neçə tərəfdarları ilə görüşüb. Sozcu.az xəbər verir ki, bu barədə “Hraparak” nəşri məlumat yayıb. “O, komandasına açıq şəkildə bildirib ki, istefa verməyəcək, nəyin bahasına olursa-olsun, hakimiyyəti saxlayacaq. Bu, İrəvanda polisin kobud hərəkətlərini, qumbaraatanlardan istifadə etməsini izah edir”, - məlumatda deyilir.

Yevlaxda reinteqrasiya və erməni icmasının təhlükəsizliyi ilə bağlı bu gün aparılan danışıqlara Qarabağın erməni icmasından kimlərin gəldiyi bəlli olub. Sozcu.az xəbər verir ki, Qarabağın erməni icmasını danışıqlarda qondarma deputat David Melkumyan və Areq Avakyan təmsil edir. Onlarla danışıqları Qarabağ bölgəsinin erməni sakinləri ilə əlaqələr üzrə məsul şəxs, parlamentin deputatı Ramin Məmmədov aparır. Bu fakt olduqca ilgincdir. Belə ki, Azərbaycan qondarma qurumun “icra strukturunda” təmsil olunan heç kimlə danışmaq niyyətində deyil – yəni Şahramanyan və onun dəstəsi ilə. Danışıqlar yalnız əli azərbaycanlıların qanına batmayan və hərbi xuntada “vəzifə tutmayan” şəxslərlə aparılır.

Azərbaycan Respublikası Prezidentinin Administrasiyasının təklif etdiyi kimi, Azərbaycan Respublikasının Konstitusiyası və qanunları əsasında reinteqrasiya məsələlərinin müzakirə edilməsi üçün Qarabağın erməni sakinlərinin nümayəndələri ilə 2023-cü il sentyabr 21-də Yevlaxda görüş keçiriləcək. Sozcu.az xəbər verir ki, bu barədə Azərbaycan Respublikası Prezidentinin Administrasiyası açıqlama yayıb.

Bu gün lokal xarakterli antiterror tədbirlərinin dayandırılması barədə razılıq əldə olunub. Müdafiə Nazirliyinin rəhbərliyi tərəfindən qoşunlara müvafiq tapşırıq verilib. Sozcu.az xəbər verir ki, bu barədə Müdafiə Nazirliyin Mətbuat Xidmətinin rəisi polkovnik Anar Eyvazov sentyabrın 20-də Qarabağdakı antiterror tədbirləri ilə bağlı keçirilən brifinqdə deyib. Onun sözlərinə görə, hazırda Azərbaycan Silahlı Qüvvələri tapşırıqları icra edir.

Lokal xarakterli antiterror tədbirlərinin dayandırılması barədə razılıq əldə olunub. Bu barədə Sozcu.az-a Müdafiə Nazirliyindən məlumat verilib. Bildirilib ki, Qarabağın erməni sakinlərinin nümayəndələrinin Rusiya sülhməramlı kontingenti vasitəsilə müraciətini nəzərə alaraq 2023-cü il sentyabrın 20-də saat 13:00-da aşağıdakı şərtlər altında lokal xarakterli antiterror tədbirlərinin dayandırılması barədə razılıq əldə olunub: 1. Azərbaycan Respublikasının Qarabağ bölgəsində yerləşən Ermənistan silahlı qüvvələrinin birləşmələri, qeyri-qanuni erməni silahlı dəstələri silahı yerə qoyur, döyüş mövqelərindən və hərbi postlardan çıxır və tam şəkildə tərksilah olunurlar. Ermənistan silahlı qüvvələrinin birləşmələri Azərbaycan ərazilərini tərk edir, qeyri-qanuni erməni silahlı dəstələri buraxılır. 2. Paralel şəkildə bütün silah-sursat və ağır texnika təhvil verilir. 3. Yuxarıda qeyd olunan proseslərin Rusiya sülhməramlı kontingenti ilə əlaqələndirilmiş şəkildə həyata keçirilməsi təmin edilir.

Ermənistan silahlı qüvvələrinin birləşmələrinin 90-dan artıq döyüş mövqeyi və strateji əhəmiyyətli mövqelər nəzarətə götürülüb. Sozcu.az xəbər verir ki, bu barədə Müdafiə Nazirliyin Mətbuat Xidmətinin rəisi polkovnik Anar Eyvazov sentyabrın 20-də Qarabağdakı antiterror tədbirləri ilə bağlı keçirilən brifinqdə deyib.

Azərbaycan Ordusunun dünən başlatdığı antiterror tədbirləri nəticəsində separatçı-terrorçular sürətlə zərərsizləşdirilir. Sozcu.az xəbər verir ki, bu barədə erməni terrorçu dəstəsinin sabiq “ombudsmanı” Artak Beqlaryan da yazıb. O bildirib ki, Azərbaycan Ordusunun müxtəlif istiqamətlərdə irəliləyişi və uğurları inkişaf edir: “Zaman bizim əleyhimizə işləyir, çünki heç bir beynəlxalq aktorun, o cümlədən Rusiya və Amerika tərəfinin prosesi dayandırmaq istəmədiyi göz qabağındadır. Rusiya Federasiyası, ABŞ və Aİ-nin “artsax xalqını” tabe etmək üçün Azərbaycan gündəmini tam dəstəkləməsi mənim üçün mübahisəsizdir. Belə çətin geosiyasi vəziyyətdə və belə son dərəcə qeyri-bərabər müharibədə qəhrəman oğlanlarımız, sadəcə olaraq, canları bahasına ciddi nəticə əldə edə bilmirlər. Biz tamamilə mühasirədə və tək qaldıq, hətta Ermənistan da bu mübarizədə bizi tərk etdi”. Beqlaryan qeyd edib ki, belə bir mətn yazmaq onun üçün “çətin” olsa da, həqiqəti söyləməyə məcburdur: “Hər bir mübarizənin görünən perspektivi olmalıdır, xüsusən də minlərlə insan həyatı bahasına başa gəlirsə”. O, müqavimətin heç bir perspektivi olmadığını bildirərək, mübarizəni dayandırmağa səsləyib. Eyni zamanda, ona “vətənpərvərlik dərsi” keçmək istəyənlərin mümkünlüyünə işarə edərək, bu iddiaları rədd edib və reallığı qəbullanmağa çağırıb.

"Qondarma Dağlıq Qarabağ Respublikası"nın keçmiş dövlət naziri Ruben Vardanyan da Qarabağdakı son durumla bağlı açıqlamalar verib. Sozcu.az xəbər verir ki, Vardanyan Ermənistan, Rusiya və Azərbaycanın təcili iclas keçirməli olduğunu bildirib. "Dağlıq Qarabağın 120 min sakini gedərsə, Ermənistanda ciddi qaçqın böhranı yarana bilər", -deyə Ruben Vardanyan bildirib.

Azərbaycanın Qarabağ bölgəsində Ermənistan silahlı qüvvələrinin birləşmələrinə qarşı antiterror tədbirləri davam edir. Sozcu.az xəbər verir ki, Müdafiə Nazirliyi qarşı tərəfin səngərdən qaçmasına dair görüntürlər yayıb. Həmin görüntüləri təqdim edirik:

Ermənistanın bəzi sosial media hesablarında guya Silahlı Qüvvələrimiz tərəfindən yenidən Xankəndi şəhərinə atəş açılması barədə yayılan məlumatlar həqiqəti əks etdirmir və dezinformasiya məqsədi daşıyır. Bu barədə Sozcu.az-a Azərbaycan Müdafiə Nazirliyindən (MN) məlumat verilib. “Yayılan bu məlumatı qəti surətdə təkzib edirik. Bir daha bildiririk ki, Azərbaycan Respublikası Silahlı Qüvvələrinin bölmələri yalnız legitim hərbi obyektləri və hərbi infrastrukturu yüksək dəqiqliyə malik silahlarla hədəfə alır və sıradan çıxarır”, – məlumatda vurğulanır.

“Azərbaycanın şərtləri əsasında danışıqlar masasına oturmağa hazırlaşırıq”. Sozcu.az xəbər verir ki, bunu separatçıların rəhbəri Samvel Şahramanyan deyib. O, qondarma rejimin digər nümayəndələri ilə görüş keçirərək Qarabağdakı hazırkı vəziyyəti müzakirə edib. Separatçıların “iclasında” qondarma rejimin keçmiş lideri Araik Arutyunyan da iştirak edib. Qeyd edək ki, bu, separatçıların vaxt qazanmaq üçün yaydıqları məlumat də ola bilər. Xatırladaq ki, rəsmi Bakı Qarabağdakı ermənilərin nümayəndələrini Yevlaxda danışıqlara dəvət edib.

Ermənistan mətbuatında guya Silahlı Qüvvələrimizin Ağdərə yaşayış məntəqəsini atəşə tutması barədə yayılan məlumatların heç bir real əsası yoxdur, tamamilə yalandır. Bu barədə Sozcu.az-a Azərbaycan Müdafiə Nazirliyindən bildirilib. “Qarşı tərəfin yaydığı növbəti dezinformasiya xarakterli məlumatı qəti surətdə təkzib edirik”, – nazirlikdən qeyd olunub.

Erməni mediası bir sıra ərazilərdə Azərbaycan Ordusunun irəliləməsi barədə xəbərlər yayır.  Sozcu.az xəbər verir ki, bu barədə artıq geniş müzakirə də başladıblar. Bildirirlər ki, Azərbaycanın Çərəkdar və Qızqala kəndləri ilə yanaşı Sərsəng su anbarı yaxınlığındakı Heyvalı kəndini də nəzarətə götürməsi xəbəri təsdiqlənsə, bu ciddi nəticələrə səbəb olacaq: “Əgər bu xəbər təsdiqini taparsa, Ağdərə mühasirədə qalacaq, Xankəndi və təchizat yolları isə bağlanmış olacaq”. Erməni KİV həmçinin Azərbaycan Ordusunun bir neçə istiqamət üzrə Ağdərə ərazisində separatçıların müdafiə xəttini yardığını yazıb. Qeyd edək ki, Azərbaycan Müdafiə Nazirliyi 60-dan çox mövqenin nəzarətə götürüldüyünü açıqlayıb.Globalinfo)

Dünya birjalarında neft yenidən ucuzlaşıb. Sozcu.az xəbər verir ki, hazırda “Brent” markalı neftin bir barreli 93,43 dollara, yüngül neftin bir barreli isə 90,38 dollara satılır.

Azərbaycan Prezidenti İlham Əliyev ABŞ-nin dövlət katibi Antoni Blinkenlə telefon danışığı zamanı reinteqrasiya məsələlərini müzakirə etmək üçün Azərbaycan Prezidentinin Administrasiyası tərəfindən ölkəmizin Qarabağ bölgəsində yaşayan erməni sakinlərinin nümayəndələrinin bir neçə dəfə dialoqa dəvət olunduğu, lakin onların bundan imtina etdiyi, bununla belə lokal xarakterli antiterror tədbirlərinin davam etdiyi vaxtda onların bir daha dialoqa dəvətin edildiyi diqqətə çatdırıb. Sozcu.az xəbər verir ki, bu barədə Prezidentin Mətbuat Xidməti məlumat yayıb. Dövlət başçısı silahın yerə qoyulduğu və tərksilah olunduğu halda antiterror tədbirlərinin dayandırılacağını deyib. Amerikalı diplomat yaranmış vəziyyətlə bağlı narahatlığını ifadə edib, atəşkəsin əldə olunmasına çağırıb və Bakı ilə Qarabağ bölgəsində yaşayan erməni sakinlərin nümayəndələri arasında birbaşa dialoqun Vaşinqton tərəfindən dəstəkləndiyini bildirib.

Azərbaycanın Müdafiə Nazirliyi Ermənistan silahlı qüvvələrinin birləşmələrinə məxsus növbəti artilleriya qurğularının zərərsizləşdirilməsinin görüntülərini ictimailəşdirib. Sozcu.az Müdafiə Nazirliyinin paylaşdığı videonu təqdim edir:

Ermənistanın bəzi sosial media hesablarında guya Silahlı Qüvvələrimiz tərəfindən zərbə PUA-larının tətbiq edilməsi ilə bağlı yayılan məlumatlar növbəti dezinformasiyadır. Bu barədə Sozcu.az-a Azərbaycan Müdafiə Nazirliyindən bildirilib. "Yayılan bu məlumatı qəti surətdə təkzib edirik", - məlumatda qeyd olunub.

Erməni separatçılarının yaydığı məlumata görə saat 22:30-a qədər 27 erməni  terrorçusu məhv edilib. Sozcu.az xəbər verir ki, bu barədə Xankəndi morqundan İnsan Hüquqları Müdafiə İdarəsinə məlumat verilib. İdarə iddia edir ki, yaralıların sayı 200 nəfəri ötüb. Qeyd olunur ki,hələlik əlaqə qurulmadığından Xocalı rayonu və Xocavənddəki  tibb müəssisələri bu rəqəmlərə daxil deyil.

Erməni teleqram kanallarında Xocavənd şəhərinin qondarma "mer"i Aznavur Saryanın ölməsi barədə xəbərlər yayılıb.  Sozcu.az xəbər verir ki, onun Azərbaycan Silahlı Qüvvələri tərəfindən öldürüldüyü bildirilir. (musavat.com)

Bakıda yerləşən məktəblərdə mina olması, təhsil müəssisələrində, universitet, uşaq bağçaları, məktəblərdə terror aktları olacağı barədə yayılan xəbərlər dezinformasiyadır.  Sozcu.az xəbər verir ki, ️sosial şəbəkələrdə yayılan bu məlumatlar, düşmənin bu tip ucuz yollara əl atması qorxu yaratmağa çalışmaqdan başqa bir şey deyil. 

Artıq 12 saatdan çoxdur ki, müzəffər Azərbaycan ordusu ölkəmizin konstitusiya quruluşunun bərpa edilməsi üçün lokal antiterror əməliyyatlarına başlayıb. Bu günü çoxdan gözləyirdik. Amma mən əminəm ki, gözləyən tək biz deyildik, elə hayların özü də əmin idilər ki, Azərbaycan 44 günlük II Qarabağ savaşının zəfərini yarımçıq qoymayacaq. Suda batan saman çöpündən yapışar misali xarici ölkələrdən kömək gözləyən ermənilərin artıq həqiqətin gerçək üzü ilə burun-buruna olduqları gündür 19 sentyabr... Vaxtı ilə erməni rejissor Arşak Zakaryan Qarabağın həmin vaxt işğal olunmuş ərazisində istiqamət göstəricisinin yanında dayanaraq belə sərsəmləyirdi: “Bilirsiniz, bunu niyə saxlamışıq. Ona görə ki, siz biləsiniz: əgər bir də bizi “öz torpaqlarımızdan” (?) çıxarmaq istəsəniz Bakıya kimi necə gedəcəyimizi bilirik." Özləri gəlməsə də, hərbi texnikalarının bir hissəsini gətirib Bakıya dənizqırağı parka yığdıq. Yığdıq ki, dərs ola, ağıllanalar, olmadı... Gözlədik ki, anlayalar, dərk edələr, dünyanın gedişatına ayaq uyduralar, məhv olmayalar, amma o da olmadı. Mərhəmət etdik, nazları ilə oynadıq. Un göndərdik, su verdik, qaz verdik... Amma yox, bunlar belə ağıllanmayacaq... Axı bunların çoxu terrorçudur, silahlı yaraqlıdır, muzdludur. Bunlara lazım olan Hindistandan gəlir, İrandan gəlir. Bunlar neyləyir unu, suyu, qazı, bunlara silah lazımdı, mina lazımdı... Lazımdı ki, torpağa basdırıb dinc azərbaycanlıları qətlə yetirələr. Neçə aydır "humanitar yardım" şousuna başları qarışdı, farsa, fransıza o qədər ümid oldu ki, Azərbaycanın xəbərdarlıqlarına məhəl qoymadı. Öz çirkin əməllərinə davam etdilər. Yollara mina döşədilər, Azərbaycan polislərini, mülki vətəndaşlarımızı qətlə yetirdilər. Nəticədə nə oldu? Azərbaycan ordusu erməni oyununa son verməyə qərar verdi.  Bəli, indi sizin üçün bu son şansdı. Bu torpaqda yaşamaq istəyirsinizsə, silahı yerə qoyaraq Azərbaycanın konstitusiyasını qəbul edib, qanunlarına əməl etməlisiniz. Əks halda... Əks halda Azərbaycan ordusu Hz.Əlininin qılıncı Zülfüqar misali təpənizə enəcəkdir. Azərbaycan şərtlərini çox gözlətmədən açıqladı. Belə ki, Azərbaycan Respublikası Prezidentinin Administrasiyası növbəti dəfə Qarabağda yaşayan erməni sakinlərinə çağırış etdi: "Azərbaycan Respublikası Prezidentinin Administrasiyası reinteqrasiya məsələlərini müzakirə etmək üçün bir daha Qarabağ bölgəsində yaşayan erməni sakinlərin nümayəndələrini Yevlaxa görüşə dəvət edir". Haydı, gəlin Yevlaxa, danışaq. Bəli, Yevlaxa... siz axı Yevlaxa gələn yolu yaxşı tanıyırsız. Baxın, sizi Bakıya çağırmırıq, yenə sizi düşünürük, elə Yevlaxa gəlsəniz bəsdir.  Yoxsa Yevlaxa gəlməyədəmi cürətiniz çatmaz. Bəllidir ki, görüşün təşəbbüskarı heç bir halda üçüncü ölkə deyil. Xarici dövlətlərin nümayəndələrinin iştirakı olmadan mərkəzi hakimiyyət nümayəndələri ilə erməni etnik azlığı arasında baş tutacaq dialoq Bakının məlum təklifinin məntiqinə uyğundur. İndidən özünü "media orqanı" hesab edən bir sıra erməni mətbuatı bu görüşün baş tutmayacağı ilə bağlı bir sıra söyləntilər çıxarıb. Ancaq hərkəsə bəllidir ki, regiondakı problemlər yalnız Qarabağ erməniləri ilə Bakıdakı mərkəzi hökuməti arasında birbaşa dialoq çərçivəsində həll edilə bilər. 27 sentyabrı 2 il idi ki, anım günü kimi qeyd edirdik, bu il 27 sentyabrı həm də Zəfər günü kimi qeyd edə bilərik. Ordumuz bu günə qədər hansı arzumuzu gözümüzdə qoyub ki, bu arzumuz da çin olmaya... Olacaq əlbəttə, o gün uzaqda deyil. Allah ordumuzu qorusun!(moderator) Hüseyn Ələsgərov (Zülfüqaroğlu)

Azərbaycanın niyyəti Qarabağın erməni sakinlərini girov olduqları xunta və marionet rejimdən azad etməkdir. Sozcu.az xəbər verir ki, bu barədə Azərbaycan Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev “Al Jazeera” telekanalına müsahibəsində söyləyib. “Azərbaycanın məqsədi hərbi infrastrukturun tərksilah edilməsi, eləcə də Azərbaycan ərazilərində yaradılmış qeyri-qanuni siyasi sistemin ləğv edilməsidir. Bu, Qarabağ ermənilərinin Azərbaycanın siyasi, iqtisadi və sosial həyatına sülh yolu ilə reinteqrasiyasına daha çox imkan verəcəkdir”, - Hacıyev bildirib. Azərbaycan Prezidentinin köməkçisi təəssüflə qeyd edib ki, 2020-ci il noyabrın 10-da imzalanmış üçtərəfli bəyanata baxmayaraq, erməni qüvvələri ölkənin suveren ərazilərində qalmaqda davam edir: “Onlar Azərbaycanın təhlükəsizliyinə birbaşa meydan oxumaqda davam edirlər. Azərbaycan birbaşa dialoq aparmaq üçün Qarabağ ermənilərinin nümayəndəsini Bakıya və digər bölgələrə dəvət edib. Lakin onlar “boz zona” statusunu saxlamaqda davam edirlər ki, bu da Azərbaycanın təhlükəsizliyinə birbaşa meydan oxumaqdır”. O həmçinin qeyd edib ki, erməni qüvvələri Azərbaycan ərazisinə də milyonlarla mina qoyub və minalamaqla dinc əhaliyə qarşı təxribat törətməkdə davam edir. Belə bir təxribat nəticəsində mülki şəxslər və polis əməkdaşları da daxil olmaqla altı nəfər həlak olub. Bununla əlaqədar olaraq, Azərbaycan Qarabağ bölgəsində qanunsuz hərbi strukturların zərərsizləşdirilməsi üçün lokal xarakterli antiterror tədbirlərinə başlayıb. Onun sözlərinə görə, Azərbaycan əhalisinin təhlükəsizliyinin təmin edilməsi məsələsi də var. “Azərbaycan heç bir halda mülki əhalini hədəfə almır.Yüksəkdəqiqlikli silahlardan istifadə etməklə həyata keçirilən tədbirlər çərçivəsində erməni qüvvələrinin birləşmələrinin mövqeləri, onların uzunmüddətli atəş nöqtələri, eləcə də döyüş vasitələri və hərbi obyektləri sıradan çıxarılıb”. Hacıyev vurğulayıb ki, terrorçular Qarabağda dinc əhalidən qalxan kimi istifadə edir və mülki obyektlərin yanında bilərəkdən hərbi obyektlər quraşdırırlar. “Buna görə də biz yerlərdəki mülki əhalini hərbi obyektlərdən uzaq durmağa və erməni qüvvələrinin birləşmələrinə dəstək verməməyə çağırdıq”, - o əlavə edib.

Ermənistan silahlı qüvvələri birləşmələrinə məxsus növbəti artilleriya qurğusu sərrast atəşlə məhv edilib. Sozcu.az xəbər verir ki, bu barədə Azərbaycan Müdafiə Nazirliyi məlumat yayıb.

Hazırda Xankəndidəki separatçıların yeganə kommunikasiyası" Karabakh Telecom"un mobil rabitəsi və mobil internetidir. Sozcu.az xəbər verir ki, bunu Azərbaycan İnternet Forumunun prezidenti Osman Gündüz bildirib. Onun sözlərinə görə, qondarma "Artsax Hökuməti", qanunsuz erməni hərbi birləşmələri bu qanunsuz telekommunikasiya operatorundan hərbi məqsədlər üçün istifadə edirlər: "Həmçinin orada yaşayan ermənilər də bu anda bütün dünyaya dezinformasiyanı və montaj edilmiş şəkilləri, videoları məhz bu mobil operator üzərindən yayırlar. Bizim hökumətimiz Bakıda və regionlarda hərbi vəziyyət, fövqəladə vəziyyət elan olunmasa da, sosial mediada və internetdə bəzi məhdudlaşmalar aparıb. Biz antiterror tədbirləri çərçivəsində olan bu addımları anlaşıqla qarşılayırıq və indiki anda doğru hesab edirik. Amma daha doğru olardı ki, oxşar addımlar, dezinformasiyanın qarşısının alınması istiqamətində tədbirlər bütün Azərbaycan ərazisində reallaşmış olaydı. Yeri gəlmişkən, hazırda İrəvanda Hökumət evi qarşısında etiraz aksiyası keçirənlərin əsas informasiya mənbəyi də "Karabakh Telecom"dur. Odur ki, Xankəndi və ətraf ərazilərdə " "Karabakh Telecom" infrastrukturunun da, oradakı internet və sosial medianın da antiterror tədbirləri çərçivəsinə salınması doğru və məntiqli olardı. Əminəm ki, bizim təhlükəsizlik xidmətlərində bu koordinatlar var".

Ermənistan hökumətinin binası qarşısında polislə etirazçılar arasında yaşanan toqquşma zamanı 34 nəfər yaralanıb. Sozcu.az xəbər verir ki, bu barədə Ermənistan Səhiyyə Nazirliyi məlumat yayıb. Yaralananlardan 16-sının polis, qalanlarının mülki şəxs olduğu bildirilir. Yaralılardan biri deputatdır. Polis bir çox aksiya iştirakçısını həbs edib.

Ermənistan silahlı qüvvələri birləşmələrinin Qarabağdakı bir neçə səngəri, sığınacağı və hərbi kolonlarına dağıdıcı atəş zərbələri endirilib. Bu barədə Azərbaycan Müdafiə Nazirliyi məlumat yayıb.

Xocalının Pirlər, Xanabad, Əsgəranın Ağbulaq, Naxçıvanlı, Xocavəndin Cütcü və Ağdərənin Canyataq kəndlərindən mülki erməni əhalisi təxliyə edilib. Sozcu.az xəbər verir ki, bu barədə qondarma rejimin “Ombudsmanı” məlumat yayıb. Qeyd edək ki, Canyataq kəndi 1992-ci ilə qədər Ağdərəyə aid olub. Həmin ilin oktyabrın 13-dən isə Tərtər rayonunun inzibati tərkibinə daxil edilib. Xatırladaq ki, Azərbaycan tərəfindən əhalinin təhlükəli ərazidən təxliyəsini təmin etmək üçün Laçın yolu üzərində və digər istiqamətlərdə humanitar dəhliz və qəbul məntəqələri yaradılıb.

Ermənistanın bəzi sosial media hesablarında guya Xankəndi şəhərinin Silahlı Qüvvələrimiz tərəfindən “Qrad” yaylım atəşli reaktiv sistemindən atəşə tutulması barədə yayılan məlumatlar tamamilə yalandır. Sozcu.az xəbər verir ki, bu barədə Nazirliyin açıqlamasında bildirilib. "Yayılan bu məlumatı qəti surətdə təkzib edirik", - açıqlamada bildirilir.

BMT Təhlükəsizlik Şurasının Qarabağdakı vəziyyətlə bağlı iclası sentyabrın 21-nə təyin edilib. Sozcu.az xəbər verir ki, bu barədə TASS-a dünya təşkilatındakı mənbə məlumat verib. “Görüş cümə axşamı baş tutmalıdır", - adı çəkilməyən mənbə agentliyə deyib. Görüşün Nyu-York vaxtı ilə günün ikinci yarısında baş tutacağı gözlənilir. Agentlik xatırladıb ki, bu günlərdə BMT-də BMT Baş Assambleyasının yüksək səviyyəli həftəsi keçirilir, ona görə də bir neçə nümayəndə heyətinin rəhbəri iclasda iştirak edə bilər./Report

Azərbaycan Ordusu Qarabağ bölgəsinin bir neçə yerində qanunsuz erməni qüvvələrinin müdafiə xəttini yarıb və strateji məqsədlərini həyata keçirmək əzmindədir. Sozcu.az xəbər verir ki, bu barədə Azərbaycan Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev “Reuters”ə açıqlayıb. Hacıyevın sözlərinə görə, Bakı yalnız tərksilah edilmiş Qarabağ erməniləri ilə danışmağa hazırdır. O xatırladıb ki, Azərbaycanın qonşu Ermənistanda heç bir hərbi hədəfi yoxdur. “Azərbaycanın niyyəti düşmənçilik və qarşıdurma səhifəsini bağlamaqdır. Yetər. Biz artıq öz ərazimizdə bu cür silahlı qüvvələrin, eləcə də Azərbaycanın təhlükəsizliyinə və suverenliyinə hər gün meydan oxuyan strukturun olmasına daha dözə bilmərik”, - Prezidentin köməkçisi vurğulayıb. Onun sözlərinə görə, Bakı antiterror əməliyyatları ilə strateji hədəfinə - öz ərazisi üzərində suverenliyini təmin etməyə - nail olacağına inanır.

Ermənistan silahlı qüvvələri birləşmələrinin 60-dan çox döyüş mövqeyi Azərbaycan Ordusunun nəzarətinə keçib. Sozcu.az xəbər verir ki, bu barədə Müdafiə Nazirliyinin Mətbuat Xidmətinin rəisi, polkovnik Anar Eyvazov sentyabrın 19-da Qarabağdakı antiterror tədbirləri ilə bağlı keçirilən növbəti brifinqdə deyib. Xatırladaq ki, üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb. Tədbirlər çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarılır.

ABŞ Ermənistanla birgə hərbi təlimləri davam etdirəcək və planlaşdırıldığı kimi başa çatdıracaq. Sozcu.az xəbər verir ki, bu barədə Pentaqonun mətbuat xidməti məlumat yayıb. "Ermənistanla birgə təlimimiz taktiki səviyyədə yeni əlaqələrin qurulması və sülhməramlı əməliyyatlar üçün qarşılıqlı fəaliyyətin artırılması məqsədlərinə nail oldu. Onlar planlaşdırıldığı kimi sabah yekunlaşacaq", - məlumatda qeyd olunur.

Baş Prokurorluq media nümayəndələri və sosial şəbəkə istifadəçilərinə müraciət edib. Sozcu.az xəbər verir ki, qurum rerrorçuluğa qarşı mübarizə ilə bağlı məlumatların verilməsi qaydasını diqqətə çatdırıb. Qeyd olunub ki, “Terrorçuluğa qarşı mübarizə haqqında” qanuna əsasən terror əleyhinə aparılan əməliyyatlar zamanı terror aktları barəsində ictimaiyyətə məlumatlar əməliyyat qərargahının rəhbərinin və ya əməliyyat qərargahının ictimaiyyətlə əlaqələr üzrə məsul nümayəndəsinin müəyyən etdiyi formada və həcmdə verilir. Aşağıdakı məlumatların yayılmasına yol verilmir: 1) terror əleyhinə əməliyyatların aparılması taktikası və texniki üsulları haqqında; 2) terror əleyhinə aparılan əməliyyatlar zonasında və ya bu zonanın hüdudlarından kənarda olan insanların həyatına və sağlamlığına təhlükə yaradan və terror əleyhinə əməliyyatların aparılmasına əngəllik törədən məlumatlar haqqında; 3) terrorçuluğa bəraət qazandıran və ya onların təbliğinə xidmət edən məlumatlar haqqında; 4) terror əleyhinə aparılan əməliyyatlarda iştirak edən, habelə bu əməliyyatların aparılmasına kömək edən şəxslər haqqında. Terror aktları, eləcə də terror əleyinə əməliyyatlarla bağlı yayılması qadağan edilən məlumatın internet informasiya ehtiyatında yerləşdirilməsi inzibati xəta hesab edilir (İnzibati Xətalar Məcəlləsinin 388-1-ci maddəsi) və fiziki şəxslər beş 500 manatdan 1000 manatadək, vəzifəli şəxslər min manatdan 1500 manat məbləğdə inzibati cərimə edilir, yaxud 1 ayadək müddətə inzibati həbs tətbiq edilir, hüquqi şəxslər 1500 manatdan 2000 manatadək məbləğdə cərimə edilir.

Qarabağ bölgəsində keçirilən lokal xarakterli antiterror tədbirlərinə cəlb olunan Silahlı Qüvvələrimizin hərbi qulluqçularının mənəvi-psixoloji vəziyyəti yüksək səviyyədədir. Sozcu.az xəbər verir ki, bu barədə Müdafiə Nazirliyin Mətbuat Xidmətinin rəisi, polkovnik Anar Eyvazov sentyabrın 19-da Qarabağdakı antiterror tədbirləri ilə bağlı keçirilən brifinqdə deyib. O, bildirib ki, Azərbaycan Ordusunun bütün növ təminatı da yüksək səviyyədədir.

Azərbaycanın mülki infrastrukturunu hədəfə alan top qurğusu məhv edilib. Sozcu.az xəbər verir ki, Müdafiə Nazirliyi mülki infrastrukturumuzu hədəfə alan Ermənistan silahlı qüvvələrinin birləşmələrinə məxsus top qurğusunun məhv edilməsi anının görüntülərini yayıb. Görüntüləri təqdim edirik:

Azərbaycan Respublikası Prezidentinin Administrasiyası Ermənistanın Azərbaycan ərazisində yaratdığı və hələ də dəstəklədiyi qanunsuz rejimin “danışıqlara başlamaq çağırışı” ilə əlaqədar bildirir ki, Azərbaycan Respublikası Prezidentinin Administrasiyası reinteqrasiya məsələlərini müzakirə etmək üçün bir neçə dəfə ölkəmizin Qarabağ bölgəsində yaşayan erməni sakinlərin nümayəndələrini dialoqa dəvət edib. Lakin onlar hər dəfə bundan imtina ediblər. Sozcu.az xəbər verir ki, bu barədə administrasiyanın məlumatında deyilir. Bildirilib ki, Azərbaycan Respublikası Prezidentinin Administrasiyası ölkəmizin Qarabağ bölgəsində yaşayan erməni sakinlərin nümayəndələri ilə Yevlaxda görüşə hazır olduğunu bildirir. Lakin antiterror tədbirlərinin dayandırılması üçün qanunsuz erməni silahlı dəstələri ağ bayraq qaldırmalı, bütün silahlar təhvil verilməli, qanunsuz rejim özünü buraxmalıdır. Əks təqdirdə, antiterror tədbirləri sona qədər davam etdiriləcək.

Sentyabrın 19-da Müdafiə Nazirliyinin Beynəlxalq Hərbi Əməkdaşlıq İdarəsində Azərbaycan Respublikasında akkreditə olunmuş xarici hərbi attaşelər və beynəlxalq təşkilatların ölkəmizdəki nümayəndələri üçün brifinq keçirilib. Bu barədə Sozcu.az-a Azərbaycan Müdafiə Nazirliyindən bildirilib. Brifinqdə çıxış edən Beynəlxalq Hərbi Əməkdaşlıq İdarəsinin rəisi general-mayor Hüseyn Mahmudov Azərbaycanın Qarabağ bölgəsində keçirilən lokal xarakterli antiterror tədbirləri barədə xarici ölkələrin hərbi nümayəndələrinə ətraflı məlumat verib. Bildirilib ki, bölgədə başladılan lokal xarakterli antiterror tədbirlərinin məqsədi 10 noyabr 2020-ci ildə imzalanmış üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsidir. Bölmələrimiz tərəfindən mülki əhali və mülki infrastruktur obyektlərinin hədəfə alınmadığı, yüksək dəqiqlikli silahların tətbiqi ilə yalnız legitim hərbi hədəflərin sıradan çıxarıldığı xüsusi vurğulanıb. Sonda brifinqdə qeyd edilən faktlarla bağlı videomateriallar nümayiş olunub və nümayəndələri maraqlandıran suallar cavablandırılıb.

Qarabağda erməni qüvvələrinin quraşdırdığı minanın partlaması nəticəsində şəhid olan azərbaycanlı polislərimizə Allahdan rəhmət diləyirəm. Sozcu.az xəbər verir ki, bunu Türkiyənin Məmləkət Partiyasının sədri Muharrem İnce X-də paylaşıb. "Qarabağda antiterror əməliyyatı başladan can Azərbaycanın yanındayıq. Ayağınıza daş dəyməsin", - o qeyd edib.

“Ermənistan rəhbərliyi təcili artsaxı tanımalı və onun vətəndaşlarının müdafiəsinə qoşulmalıdır”. Sozcu.az xəbər verir ki,  bunu Azərbaycan Respublikasının Rusiya “sülhməramlı”larının nəzarətindəki  torpaqlarında 32-ci ildir ki, qondarılmış separatçı-terrorçu rejimin keçmiş “dövlət naziri” Ruben Vardanyan çərənləyib. “Biz hamımız Vətənimizi müdafiə etməliyik!”,- deyə Rusiya lideri V.Putinin milyarder “desant” olan R.Vardanyan teleqram-kanalında özü kimi revanşist, işğalçı xislətli, Rusiya köləsi olan hayklara çağırış edib. Xatırladaq ki, Azərbaycan ərazisinə hələ Laçındakı sərhəd-nəzarət məntəqəsi qurulmadan xeyli öncə Rusiya “sülhməramlı”ların dəstəyi ilə və o dövrdə hələ Rusiya vətəndaşı kimi qanunsuz olaraq soxulan R.Vardanyan artıq 1 ildən çoxdur ki, Azərbaycan ərazisində ictimai-siyasi, iqtisadi-sosial sahələrdə dövlətimizə qarşı təxribat fəaliyyəti göstərir. moderator)

Ermənistanın baş naziri Nikol Paşinyan ABŞ dövlət katibi Entoni Blinkenlə telefon danışığı aparıb. Sozcu.az xəbər verir ki, bu barədə Ermənistan hökumətinin mətbuat xidməti məlumat yayıb. Qeyd olunur ki, onlar Qarabağdakı vəziyyəti müzakirə ediblər.

Azərbaycan Ordusu Ermənistan silahlı qüvvələrinin birləşmələrinə məxsus hərbi təyinatlı radiotexniki qovşağı məhv edib. Sozcu.az qovşağın zərərsizləşdirilməsinin görüntülərini təqdim edir.

Qarabağ yalnız Azərbaycanın deyil, türkündür, türkün olacaq! Sozcu.az xəbər verir ki, bunu Türkiyənin Milliyyətçi Hərəkat Partiyasının rəhbəri Dövlət Baxçalı siyasi təşkilatın toplantısında bildirib. Partiya lideri vurğulayıb ki, Ermənistan odla oynamamalıdır.

Bölgədə aparılan antiterror tədbirləri lokal xarakter daşıyır. Məqsəd qanunsuz erməni silahlı birləşmələrinin zərərsizləşdirilməsidir. Sozcu.az xəbər verir ki, bunu Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev "TRT Haber"ə açıqlamasında bildirib. "Azərbaycan heç bir zaman Qarabağda yaşayan mülki əhaliyə qarşı bir hərəkət etmir. Onları bu qanunsuz xuntandan xilas etmək məqsədini qarşımıza qoymuşuq", - deyə H.Hacıyev əlavə edib. Qeyd edək ki, Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb. Üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb. Tədbirlər çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarılır. Mülki əhali və infrastruktur obyektləri hədəfə alınmır, yalnız legitim hərbi hədəflər sıradan çıxarılır.

Sentyabrın 19-da Azərbaycanın Qarabağ bölgəsində cinayətkar birlik halında qanunsuz yaradılmış Ermənistan silahlı qüvvələrinin birləşmələri tərəfindən Şuşa şəhərinə iri çaplı silahlardan, o cümlədən minaatanlardan atəşə tutularaq törədilən terror hücumu nəticəsində Şuşa Şəhəri Dövlət Qoruğu İdarəsinin mənzil-kommunal və təmir xidməti mühəndisi, 1967-ci il təvəllüdlü Fərhadov Vidadi Aydın oğlu aldığı qəlpə yarası xəsarətindən ölüb. Sozcu.az xəbər verir ki, bu barədə Baş Prokurorluğun məlumatında deyilir. Faktla bağlı Baş Prokurorluq tərəfindən Cinayət Məcəlləsinin 120.2.11, 120.2.12 (terrorçuluqla əlaqədar, milli ədavət və düşmənçilik niyyətilə adam öldürmə) 214.2.1, 214.2.3 (mütəşəkkil dəstə tərəfindən odlu silahdan, partlayıcı maddələrdən və qurğulardan istifadə etməklə terrorçuluq) 279.3-cü (qanunvericliklə nəzərdə tutulmayan silahlı birləşmələr və qrupların tərkibində müəssisələrə, təşkilatlara və ayrı-ayrı şəxslərə basqın etmə ağır nəticələrə səbəb olma) və digər maddələrilə cinayət işi başlanaraq ibtidai istintaqın aparılması Baş Prokurorluğun istintaq idarəsinə həvalə edilib. Hazırkı şəraitdə prokurorluq əməkdaşları tərəfindən mümkün olan istintaq hərəkətləri davam edirilir.

Ermənistan silahlı qüvvələrinin birləşmələrinə məxsus sursat anbarı məhv edilib. Sozcu.az xəbər verir ki, Ağdərə istiqamətində yerləşən Ermənistan silahlı qüvvələrinin 5-ci müdafiə briqadasına məxsus sursat anbarlarından biri məhv edilib.

Hazırda dövlət sərhədində bütün istiqamətlər üzrə əməliyyat şəraiti bölmələrimizin tam nəzarətindədir. Sozcu.az xəbər verir ki, bunu Dövlət Sərhəd Xidmətinin (DSX) Mətbuat mərkəzinin rəisi Avtandil Abbasov brifinqdə deyib. "Dövlət sərhədinin müdafiəsi və mühafizəsi üzrə tərəfimizdən zəruri tədbirlər görülür. Baş verə biləcək təxribat əməlləri ilə əlaqədər DSX tərəfindən dərhal adekvat və sərt cavab tədbirləri görüləcək", - o vurğulayıb.

Bir dəfə qardaş ölkədən olan həmkarım (Paşinyanı nəzərdə tutur-red.) mənə dedi: "Axı mən sizin üçün yadam, məni qəbul etməyəcəksiniz". Mən verməli olduğum cavabı verdim: "Bioqrafiya əsasında yox, addımlarına görə mühakimə edəcəyik". Sonra o, müharibədə məğlub oldu və çox qəribə də olsa, hakimiyyətini qoruya bildi. Sozcu.az xəbər verir ki, bunu Rusiya Təhlükəsizlik Şurasının sədr müavini Dmitri Medvedyev deyib. "Daha sonra o, uğursuz məğlubiyyətində məsuliyyətini Rusiyanın üzərinə atdı. Ardınca öz ölkəsinin bir hissəsindən imtina etdi (? - red.). Sonra NATO ilə əlaqələr qurdu, onun arvadı (Anna Akopyan - red.) isə nümayişkəranə şəkildə bizim düşmənimizə qonaq getdi. Təxmin edin indi onu hansı tale gözləyir", - o vurğulayıb. Qeyd edək ki, Medvedyevin Paşinyan haqda “öz ölkəsinin bir hissəsundən imtina etdi” sözləri təxribatçı, işğala haqq qazandıran ifadə olmaqla yanaşı, işğalın arxasında illərlə Rusiyanın durduğunu da təsdiqləyir.

Müdafiə Nazirliyi Ermənistan silahlı qüvvələrinin birləşmələrinə məxsus növbəti sığınacaq və döyüş texnikasının məhv edilməsi anının görüntülərini paylaşıb. Sozcu.az həmin görüntüləri təqdim edir:

Erməni silahlı birləşmələrinin törətdikləri cinayət işi üzrə birgə istintaq-əməliyyat tədbirləri həyata keçirilir. Sozcu.az xəbər verir ki, bu sözləri bu gün keçirilən brifinqdə Dövlət Təhlükəsizliyi Xidmətinin (DTX) mətbuat xidmətinin rəisi Tamerlan Rəhimov söyləyib. O xatırladıb ki, sentyabr 19-da Daxili İşlər Nazirliyinin (DİN) əməkdaşlarının olduğu “Kamaz” markalı nəqliyyat vasitəsi Əhmədbəyli-Füzuli-Şuşa yolunun Xocavənd rayonundan keçən hissəsinin 58-ci kilometrliyində Azərbaycan Avtomobil Yolları Dövlət Agentliyi əməkdaşlarının ölümü ilə nəticələnmiş terror hadisəsinin baş verdiyi yer istiqamətində hərəkət edərkən saat 04:30 radələrində Xocavənd rayonunun Tağaverd kəndi ərazisində yeni inşa olunan tunel yolunda sülhməramlıların müvəqqəti yerləşdiyi ərazidə fəaliyyət göstərən qanunsuz erməni silahlı birləşmələrinin təxribat-diversiya qrupu tərəfindən yerləşdirilmiş minaya düşərək partlayıb. Törədilmiş terror aktı nəticəsində DİN-in əməkdaşları olan 05.02.1994-cü il təvəllüdlü Camalzadə Asim Knyaz oğlu, 08.07.1987-ci təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həlak olub. Faktla bağlı Dövlət Təhlükəsizliyi Xidmətinin İstintaq baş idarəsində Cinayət Məcəlləsinin 214.2.1, 214.2.2, 214.2.3 (mütəşəkkil dəstə tərəfindən təkrar odlu silahdan, partlayıcı maddələrdən və qurğulardan istifadə etməklə terrorçuluq), 120.2.1, 120.2.3, 120.2.4, 120.2.7, 120.2.10, 120.2.11, 120.2.12 (mütəşəkkil dəstə tərəfindən, ümumi təhlükəli üsulla, təkrar, zərər çəkmiş şəxsin xidməti vəzifəsini yerinə yetirməsi ilə əlaqədar, milli ədavət və düşmənçilik niyyəti ilə iki və ya daha çox şəxsi terrorçuluqla əlaqədar öldürmə), 228.3 (mütəşəkkil dəstə tərəfindən təkrar qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, saxlama, daşıma və gəzdirmə) və digər maddələri ilə cinayət işi başlanılıb. T.Rəhimov bildirib ki, cinayət işi üzrə birgə istintaq-əməliyyat tədbirləri həyata keçirilir.

Azərbaycan Respublikasının Medianın İnkişafı Agentliyi (MEDİA) jurnalistlərə çağırış edib. Azerbaycan Respublikasının Medianın İnkişafı Agentliyi media subyektləri və jurnalistləri dəqiqləşdirilmemiş informasiya yaymamağa, Azərbaycan Respublikası Müdafiə Nazirliyinin resmi məlumatlarına istinad etməyə çağırır.

Ermənilərin döyüş vasitələri və hərbi təyinatlı obyektləri sıradan çıxarılır. Sozcu.az Ordumuzun lokal xarakterli anti-terror əməliyyatı ilə bağlı ilk fotonu təqdim edir:

Rusiya sülhməramlı kontingentinin müvəqqəti yerləşdiyi Azərbaycan ərazisindəki Ermənistan silahlı qüvvələrinin birləşmələri Azərbaycan Ordusunun Ağdam rayonu istiqamətində yerləşən mövqelərini artilleriya qurğularından atəşə tutur. Sozcu.az xəbər verir ki, bu barədə Müdafiə Nazirliyi məlumat yayıb. Bölmələrimiz tərəfindən qeyd olunan istiqamətdə cavab tədbirləri görülür.

Azərbaycan Ordusu Qarabağda keçirdiyi antiterror əməliyyatlarında mülki əhali və infrastruktur obyektləri hədəfə almır. Bu barədə Sozcu.az-a Azərbaycan Müdafiə Nazirliyindən məlumat verilib. "Bir daha bildiririk ki, mülki əhali və infrastruktur obyektləri hədəfə alınmır, yalnız legitim hərbi hədəflər sıradan çıxarılır", - nazirlikdən qeyd olunub.

Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarılır. Bu barədə Sozcu.az-a Azərbaycan Müdafiə Nazirliyindən məlumat verilib. Bildirilib ki, üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb. Tədbirlər çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarılır.

Son bir neçə ayda Azərbaycanın Qarabağ bölgəsindəki Ermənistan silahlı qüvvələrinin birləşmələri tərəfindən Azərbaycan Ordusunun mövqelərinin müxtəlif çaplı silahlardan sistemli şəkildə atəşə tutulması, ərazilərimizin minalanmasının davam etdirilməsi, döyüş mövqelərinin mühəndis cəhətdən təkmilləşdirilməsi, eləcə də səngər və sığınacaqların sayının artırılması gərginliyin artmasına səbəb olub. Bu barədə Sozcu.az-a Azərbaycan Müdafiə Nazirliyindən bildirilib. Bu xüsusda, döyüş mövqelərinin şəxsi heyət, zirehli texnika, artilleriya qurğuları və digər atəş vasitələri ilə gücləndirilməsi, bölmələrin yüksək döyüşə hazırolma səviyyəsinə gətirilməsi, səfərbərlik üzrə əlavə bölmələrin yaradılması, Azərbaycan Ordusunun bölmələrinə qarşı kəşfiyyat fəaliyyətlərinin genişləndirilməsi, mövqelərimizin dərinliyinə sızaraq minalardan təmizlənmiş ərazilərin və mülki təyinatlı yolların terror-təxribat məqsədilə yenidən minalanması kimi əməllər tərəfimizdən aparılan müşahidələrlə təsbit edilmişdir. Sentybarın 19-da Ermənistan silahlı qüvvələrinin Azərbaycanın Qarabağ bölgəsindəki birləşmələrinin kəşfiyyat-diversiya qrupları tərəfindən Əhmədbəyli-Füzuli-Şuşa avtomobil yolunda terror məqsədilə əvvəlcədən quraşdırılmış minanın partlaması nəticəsində Azərbaycan Avtomobil Yolları Dövlət Agentliyinə məxsus nəqliyyat vasitəsi sıradan çıxmış və mülki şəxslər həlak olmuşdur. Həmin gün Daxili İşlər Nazirliyinin Daxili Qoşunlarının hərbi qulluqçularını daşıyan nəqliyyat vasitəsinin də Ermənistan silahlı qüvvələrinin kəşfiyyat-diversiya qrupları tərəfindən quraşdırılmış minaya düşməsi nəticəsində hərbi qulluqçularımız həlak olmuş və yaralanmışdır. Bu kimi faktlar Ermənistanın Azərbaycana qarşı apardığı məqsədyönlü və planlı terror siyasətinin davamıdır. Azərbaycan Respublikası Müdafiə Nazirliyi dəfələrlə bayan etmişdir ki, 10 noyabr 2020-ci ildə imzalanmış üçtərəfli bəyanatın müddəalarına zidd olaraq Azərbaycanın Qarabağ bölgəsindəki Ermənistan silahlı qüvvələrinin birləşmələrinin mövcudluğunu davam etdirməsi regional sülh və sabitlik üçün ciddi təhlükə mənbəyidir. Üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan Respublikasının konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb. Tədbirlər çərçivəsində Ermənistan silahlı qüvvələrinin birləşmələrinin ön xətt və dərinlikdə olan mövqeləri və uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqlikli silahların tətbiqi ilə sıradan çıxarılır. Bir daha bildiririk ki, mülki əhali və infrastruktur obyektləri hədəfə alınmır, yalnız legitim hərbi hədəflər sıradan çıxarılır. Keçirilən tədbirlər barədə Rusiya sülhməramlı kontingentinin komandanlığı və Türkiyə-Rusiya Birgə Monitorinq Mərkəzinin rəhbərliyi məlumatlandırılıb.

ABŞ prezidenti Co Bayden yenidən Rusiya prezidenti Vladimir Putini diktator adlandıraraq onu təhqir etməyə cəhd edib. Sozcu.az xəbər verir ki, Nyu Yorkdakı "Broadway" teatrında kampaniyası üçün keçirilən ianə mərasimində bildirib: "Mən Putin kimi diktatorların tərəfini tutmayacağam". Putinin özü də artıq Baydenin oxşar cəhdlərinə münasibət bildirib: “Mənə meymun deyənin özü meymuna oxşayır”. 80 yaşlı ABŞ prezidentinin sözlərinə görə, Donald Tramp Rusiya qarşısında baş əyir: “Bəlkə, Tramp və onun MAGA dostları baş əyəcəklər, amma yenidən seçilsəm, Rusiyaya baş əyməyəcəyəm”.

Türkiyənin Milli Kəşfiyyat Təşkilatı (MİT) Suriyanın şimalında əməliyyat keçirib. Sozcu.az xəbər verir ki, bu barədə TRT məlumat yayıb. Əməliyyat çərçivəsində PKK/YPG terror təşkilatının Münbiç bölgəsi üzrə "məsul şəxsi"i Uman Derviş zərərsizləşdirilib. Terrorçu Münbiçdə məhv edilib. Hazırda araşdırmalar davam etdirilir.

Ukrayna müharibənin 573-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 273 460 hərbçi, 4628 ədəd tank, 8851 ədəd zirehli döyüş maşını, 6062 ədəd artilleriya sistemi, 778 ədəd RYAS (reaktiv yaylım atəş sistemi), 526 hava hücumundan müdafiə sistemi, 315 ədəd hərbi təyyarə, 316 ədəd helikopter, 8601 ədəd avtomobil texnikası, 4784 ədəd PUA, 1479 qanadlı raket, 20 gəmi/qayıq, 1 sualtı qayıq, 903 xüsusi avadanlıq itirib.

Daxili İşlər Nazirliyi əməkdaşlarına qarşı törədilmiş terror aktı ilə bağlı cinayət işi başlanılıb. Sozcu.az xəbər verir ki, bu barədə Daxili İşlər Nazirliyi, Dövlət Təhlükəsizliyi Xidməti və Baş Prokurorluğun Mətbuat xidmətləri birgə məlumat yayıb. 19 sentyabr 2023-cü il tarixdə Azərbaycan Respublikası Daxili İşlər Nazirliyinin (DİN) əməkdaşlarının olduğu “Kamaz” markalı nəqliyyat vasitəsi həmin gün Əhmədbəyli-Füzuli-Şuşa yolunun Xocavənd rayonundan keçən 58-ci kilometrliyində Azərbaycan Avtomobil Yolları Dövlət Agentliyi əməkdaşlarının öldürülməsi ilə nəticələnmiş terror hadisəsinin baş verdiyi yer istiqamətində hərəkət edərkən saat 04:30 radələrində Xocavənd rayonunun Tağaverd kəndi ərazisində yeni inşa olunan tunel yolunda sülhməramlıların müvəqqəti yerləşdiyi ərazidə fəaliyyət göstərən qanunsuz erməni silahlı birləşmələrinin təxribat-diversiya qrupu tərəfindən yerləşdirilmiş minaya düşərək partlamış, törədilmiş terror aktı nəticəsində DİN-in əməkdaşları olan 05.02.1994-cü il təvəllüdlü Camalzadə Asim Knyaz oğlu, 08.07.1987-ci təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlu hadisə yerində həlak olmuşlar. Faktla bağlı Azərbaycan Respublikası Dövlət Təhlükəsizliyi Xidmətinin İstintaq baş idarəsində Azərbaycan Respublikası Cinayət Məcəlləsinin 214.2.1, 214.2.2, 214.2.3 (mütəşəkkil dəstə tərəfindən təkrar odlu silahdan, partlayıcı maddələrdən və qurğulardan istifadə etməklə terrorçuluq), 120.2.1, 120.2.3, 120.2.4, 120.2.7, 120.2.10, 120.2.11, 120.2.12 (mütəşəkkil dəstə tərəfindən, ümumi təhlükəli üsulla, təkrar, zərər çəkmiş şəxsin xidməti vəzifəsini yerinə yetirməsi ilə əlaqədar, milli ədavət və düşmənçilik niyyəti ilə iki və ya daha çox şəxsi terrorçuluqla əlaqədar öldürmə), 228.3 (mütəşəkkil dəstə tərəfindən təkrar qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, saxlama, daşıma və gəzdirmə) və digər maddələri ilə cinayət işi başlanmışdır. Cinayət işi üzrə birgə istintaq-əməliyyat tədbirləri həyata keçirilir, gedişatı barədə ictimaiyyətə əlavə məlumatın verilməsi təmin ediləcəkdir. Qeyd edək ki, bundan öncə - sentyabrın 19-u saat 01:00 radələrində Füzulidə yük avtomobilinin aşması nəticəsində DİN-in 3 əməkdaşı hadisə yerində həyatını itirib, 6 əməkdaşı müxtəlif dərəcəli bədən xəsarətləri alıb.

09:55 Sentyabrın 19-da saat 09 radələrində Laçın rayonu Mollalar kəndi ərazisində ağır yol-nəqliyyat hadisəsi baş verib. DİN-in mətbuat xidmətinin regional qrupundan Sozcu.az-a bildirilib ki, “Ural” markalı avtomobilin qəzaya uğraması nəticəsində "Azərenerji"nin əməkdaşları Məhəmməd Mübariz oğlu Məmmədov və Gülağa Gülməmməd oğlu Məmmədov həyatlarını itiriblər. Faktla bağlı araşdırma aparılır. Qeyd edək ki, sentyabrın 19-u saat 01:00 radələrində Füzulidə yük avtomobilinin aşması nəticəsində DİN-in 3 əməkdaşı hadisə yerində həyatını itirib, 6 əməkdaşı müxtəlif dərəcəli bədən xəsarətləri alıb. Həmçinin, sentyabrın 19-u saat 04:00 radələrində Xocavənd rayonu ərazisində Azəravtoyol ASC-yə məxsus “Hovo” markalı yük avtomobili minaya düşüb, nəticədə sürücü və sərnişin hadisə yerində həlak olub. *** Bu gün Laçın rayonunun Mollalar kəndində ağır yol nəqliyyat hadisəsi nəticəsində həlak olmuş Məmmədov Məhəmməd Mübariz oğlu və Məmmədov Gülağa Gülməmməd oğlu Azərenerji ASC-nin əməkdaşları deyil. Bu barədə qurumdan bildirilib. Məlumata görə, onlar ərazidə podrat işləri həyata keçirən Elektrikquraşdırma Müəssisəsinin əməkdaşlarıdır.

Sentyabrın 19-da gecə hücumu zamanı Rusiya qoşunları Ukrayna ərazisinə 30 PUA, həmçinin İsgəndər-M ballistik raketini atıblar. Sozcu.az xəbər verir ki, bu barədə Ukrayna Hərbi Hava Qüvvələri məlumat yayıb. Bildirilib ki, Ukrayna ordusu Cənub, Mərkəz və Qərb bölgələrində 27 “Şahid” və bir kəşfiyyatçı PUA-nı məhv edib.

Xəbər verdiyimiz kimi, Baş Prokurorluq, Daxili İşlər Nazirliyi və Dövlət Təhlükəsizliyi Xidməti Xocavəndə polis əməkdaşlarının minaya düşərək həlak olması ilə bağlı birgə məlumat yayıb. Sozcu.az xəbər verir ki, məlumatda 19 sentyabr 2023-cü il tarixdə Azərbaycan Respublikası Daxili İşlər Nazirliyinin (DİN) əməkdaşlarının olduğu “Kamaz” markalı nəqliyyat vasitəsi həmin gün Əhmədbəyli-Füzuli-Şuşa yolunun Xocavənd rayonundan keçən 58-ci kilometrliyində Azərbaycan Avtomobil Yolları Dövlət Agentliyi əməkdaşlarının öldürülməsi ilə nəticələnmiş terror hadisəsinin baş verdiyi yer istiqamətində hərəkət edərkən saat 04:30 radələrində Xocavənd rayonunun Tağaverd kəndi ərazisində yeni inşa olunan tunel yolunda sülhməramlıların müvəqqəti yerləşdiyi ərazidə fəaliyyət göstərən qanunsuz erməni silahlı birləşmələrinin təxribat-diversiya qrupu tərəfindən yerləşdirilmiş minaya düşərək partladığı, törədilmiş terror aktı nəticəsində DİN-in əməkdaşları olan 05.02.1994-cü il təvəllüdlü Camalzadə Asim Knyaz oğlu, 08.07.1987-ci təvəllüdlü Şirinov Ramil Arif oğlu, 12.07.1991-ci il təvəllüdlü Mahmudov Seymur Elsevər oğlu və 21.07.1998-ci il təvəllüdlü Zamanov Xəzər Azər oğlunun hadisə yerində həlak olduğu bildirilib.

"Tıxacla bağlı heç bir ciddi dəyişiklik olmayacaq. Bu, həlli nəzərdə tutulmayan məsələdir. Ona görə ki, bu istiqamətdə ciddi şəkildə müzakirə də aparılmır". Sozcu.az xəbər verir ki, bunu unikal-a açıqlamasında deputat Fazil Mustafa deyib. O bildirib ki, bunun müxtəlif yolları var və qısa müddətdə həll etmək olar: "Sanki kimlərsə tıxacın olmasında maraqlıdır. Dəfələrlə bu məsələni qaldırmışıq. Tıxac uzun illərdir Bakının əsas problemlərindən birinə çevrilib. İnfrastruktur elə qurulub ki, dəyişmək mümkün deyil və buna niyyət də yoxdur. Dünyada belə proseslərin həlli istiqamətində çıxış yolları axtarılır". Oktyabrın 1-dən taksi fəaliyyəti ilə bağlı qanunvericiliyə edilən yeni dəyişikliklərin qüvvəyə minməsindən sonra vəziyyətin necə olacağına gəlincə, deputat qeyd edib ki, yeni vəziyyətin yaranacağı absurd fikirdir: "Guya taksilər dayansa nə olacaq? Buna taksi fəaliyyətinin inhisarçılıq baxımından başqa istiqamətə yönəlməsi üçün düşünülmüş addım kimi də baxıla bilər. Bu, qiymətlərə təsir edəcək. Bu məsələdə çox ümidli olmağa dəyməz. Tıxac davam edəcək və daha fəlakətli vəziyyətdə olacaq".

Ermənistan Azərbaycan ərazisində yeni minalar basdırmağa davam edir.  Sozcu.az xəbər verir ki, bu barədə sentyabrın 18-də Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyevin, Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyovun və xarici işlər nazirinin muavini Fariz Rzayevin iştirakı ilə Xarici İşlər Nazirliyində Azərbaycan Respublikasında akkreditə olunmuş diplomatik korpus üçün təşkil olunan brifinqdə bildirilib. Qeyd edilib ki, ötən ilin avqustundan etibarən 2021-ci ildə Ermənistanda istehsal olunmuş 2728 mina aşkarlanıb və zərərsizləşdirilib. Bunların 1119-u Azərbaycan və Ermənistan arasında sərhəd ərazisində, Kəlbəcər və Laçın rayonlarında, 1609-u isə Qarabağ İqtisadi Rayonunun ərazisində aşkarlanıb. Rusiya sülhməramlı kontingenti, habelə Türkiyə-Rusiya Birgə Monitorinq Mərkəzinin rəhbərləri, o cümlədən xarici ölkələrin hərbi nümayəndələri bu minaların nümayiş olunduğu əraziyə səfər ediblər. Vurğulanıb ki, Laçın sərhəd-buraxılış məntəqəsinin yaradılmasının səbəblərindən biri sözügedən qeyri-qanuni hərbi fəaliyyətin və qaçaqmalçılığın qarşısının alınması olub. 

Ermənistan açıq şəkildə növbəti hərbi hücum etmək üçün yeni səngərlər qazır, istehkamlar qurur, şəxsi heyət və texnika toplayır. Sozcu.az xəbər verir ki, bu barədə sentyabrın 18-də Azərbaycan Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyevin, Azərbaycan Prezidentinin xüsusi tapşırıqlar üzrə nümayəndəsi Elçin Əmirbəyovun və xarici işlər nazirinin muavini Fariz Rzayevin iştirakı ilə Xarici İşlər Nazirliyində Azərbaycanda akkreditə olunmuş diplomatik korpus üçün təşkil olunan brifinqdə bildirilib. "Son günlər, həm Azərbaycan və Ermənistan arasında delimitasiya olunmamış sərhəd boyunca, həm də Qarabağ bölgəsində hərbi-mühəndislik işlərinin və digər hərbi quruculuq fəaliyyətinin artması ilə müşayiət olunan hərbi təxribatların intensivləşməsi müşahidə olunur. Ermənistan açıq şəkildə növbəti hərbi hücum etmək üçün yeni səngərlər qazır, istehkamlar qurur, şəxsi heyət və texnika toplayır", - brifinqdə qeyd edilib.