Türkiyənin Məmləkət Partiyasının sədri, prezidentliyə namizədlik iddiasını açıqlayan siyasətçi Muharrem İnce seçkilərlə bağlı yeni açıqlama verib.  Sozcu.az Türkiyə mətbuatına istinadən xəbər verir ki, o, namizədliyini geri götürməsi ehtimalından danışıb. "Hazırda vəziyyəti dəyərləndirirəm. Öz adıma yox, Türkiyə adına durum dəyərləndirməsi aparıram. Günü gələndə lazım olsa, çəkilməyi də bacararam. Namizədliyimi geri götürərəm. Kemal bəyi dəstəkləyərəm, onun nəfinə geri çəkilərəm", - deyə İnce bildirib. Qeyd edək ki, Məmləkət Partiyası Kemal Kılıçdaroğlunun sədri olduğu Cümhuriyyət Xalq Partiyasından (CHP) qopub. modern

Son vaxtlar ailədaxili münaqişə zəminində baş verən qətllərin sayı artıb. Bu cür qanlı insidentlərdən ən çox zərər çəkən uşaqlar olur. Valideynlərdən birinin ölümü, digərinin həbs olunması uşaqların başsız qalması ilə nəticələnir. Bu uşaqların taleyi necə olur? Onlar sığınacağamı yerləşdirilir yoxsa qohumların himayəsinəmi verilir? Son illər sığınacağa qəbul olunan uşaqların sayı artıbmı? “Təmiz Dünya” Qadınlara Yardım İctimai Birliyinin sədri Mehriban Zeynalova mövzu ilə bağlı “Yeni Sabah”a açıqlamasında bildirib ki, uşaqların gözü qarşısında qətl baş veribsə, onlar mütləq şəkildə sığınacağa uzun müddətə yerləşdirilməli və reabilitasiya proqramlarından keçməlidir: “Əvvəllər qohumların himayəsinə verilirdi, indi sosial xidmətlər dərhal qeydiyyata götürür, sonra vəziyyəti qiymətləndirir, qərar verilir ki, hansı zərər verməyən qohum var, ona verilsin. Başa düşürük ki, uşaqlar qohumların yanında daha rahat ola, baş verənləri daha tez yaddan çıxara bilər. Təəssüf ki, cəmiyyətdə qohumlar bu travmanı unutmur və uşaqların yanında bunu tez-tez danışırlar. Mən uşaqların qohumlara verilməsinin tərafdarı deyiləm, çünki travmanı uşağa təkrar-təkrar yaşada bilirlər. Bəzi adamlar ola bilər ki, uşaqlara bunu xatırlatmasın, müzakirə etməsin, amma uşaq hansı qohuma verilirsə, o şəxs psixoloji testdən keçməlidir. Müsbət cəhət odur ki, Sosial Xidmətlər Agentliyi dərhal uşağı qeydiyyata alır və sonrakı taleyi ilə bağlı işləri görür. Sosial xidmətlərin qərarı ilə bəzi hallarda uşaq sığınacağa yerləşdirilir, bəzi halda isə qohumlardan kiməsə verilir. Ölüm faktı ilə bizim sığınacağa yerləşdirilən uşaqlar yoxdur”. 

"Zəlzələ Naxçıvan Muxtar Respublikasında heç bir dağıntıya səbəb olmayıb". Bu barədə Naxçıvan Muxtar Respublikası Fövqəladə Hallar Nazirliyi məlumat verilib. Bildirilib ki, hazırda muxtar respublikanın bütün şəhər və rayonlarından məlumat toplanılıb və heç bir dağıntı qeydə alınmayıb. Qeyd edək ki, yerli vaxtla saat 15:47-də Naxçıvan stansiyasından 131 km cənub-qərbdə, İran ərazisində zəlzələ qeydə alınıb. Zəlzələ Naxçıvan Muxtar Respublikasında 5-3 bala qədər hiss olunub. Zəlzələnin maqnituası 5.5, dərinliyi 10 km olub.APA

İran İraqın PKK-nın nəzarətində olan Sincar şəhərində terrorçulara təlim keçir. Sozcu.az xəbər verir ki, bu haqda Yılmaz Bilginin “Türkiyə” qəzetində nəşr edilən “Tehranın hədəfi Qarabağı qarışdırmaq ola bilər: İran Sincarda iki min terrorçuya təlim verir” adlı məqaləsində qeyd olunub. Müəllif İraqdakı mənbələrə istinadla terrorçulara təlim keçən şəxslər, düşərgələrin yeri, eyni zamanda onların sayı barədə məlumat verib: “Baac yolu və Hanasur-Sincar dağı arasında qurulan iki düşərgədə İrandan gələn mütəxəssislər tərəfindən terrorçulara təlim verilir. Şeyx Əbu Mərvə adlı Həşdi Şəbi komandiri şəxsi heyətlə təminat və logistika vəzifələrini üzərinə götürüb. Terrorçular Həşdi Şəbidəki yezidi terrorçuların içərisindən seçilir. Qapalı düşərgələrdə təlim keçirilənlərin içərisində Suriyadan gələn terrorçular da mövcuddur. Düşərgələrə ümumi nəzarəti Həşdi Şəbinin qolu olan Əsaib Əl-Haqq və Seyid Əl-Şühəda, eyni zamanda Hizbullah silahlıları həyata keçirir. İranlı yüksək səviyyəli mütəxəssislər bununla bərabər Mosul və Bartella nahiyələrindəki iki fərqli düşərgədə şiə milislərinə təlim keçirlər. 2000 PKK terrorçusu və eyni sayda şiə milisinə təlim verilməsinin səbəbi kimi İranın Qarabağa müdaxilə hazırlığı göstərilib”. Y.Bilgin İraq təhlükəsizlik nümayəndəsinə istinadla bildirib ki, terrorçular gizli bir yerə göndəriləcək, lakin onların göndəriləcəyi yer və göndərilmə məqsədləri bəlli deyil: “İran ötən aylarda baş konsulluq açdığı Zəngəzurda (21 oktyabr 2022, Qafan – red.) yaşayan və sayları 100 minə çatan yezidilərlə bağlı fəaliyyətə başlayıb. İraq və suriyalı yezidilərin çoxluq təşkil etdiyi Sincar təlim düşərgələrində yezidilərə üstünlük verilməsinin də məqsədi eynidir”.axar

Polşa yaxın günlərdə Ukraynaya dörd ədəd “MiQ-29” qırıcı təyyarəsi tədarük edəcək. Bunu bu gün keçirdiyi mətbuat konfransında çıxışı zamanı Polşa Prezidenti Andjey Duda bəyan edib. Polşa lideri vurğulayıb ki, hazırda ölkəsinin Silahlı Qüvvələrinin anbarlarında 10-dan çox belə qırıcı təyyarə var: “Yaxın bir neçə gün ərzində biz tam istismara yararlı dörd ədəd təyyarəni Ukraynaya göndərəcəyik”. Duda onu da əlavə edib ki, digər qırıcı təyyarələrə hazırda texniki xidmət göstərilir, onlar da istifadə üçün hazırlanaraq təhvil veriləcək.

Naxçıvan Ali Məclisinin keçmiş sədri Vasif Talıbovun və yaxın ətrafının başı üzərindəki “qara bulud”lar hələ çəkilməyib. Ötən il dekabrın 21-də könüllü şəkildə vəzifəsindən istefa verən Naxçıvan “xan”ı onu və ailə üzvlərini gözləyən təhlükəni tam dəf edə bilməyib. Vasif Talıbov mandatını və azadlığını qoruya bilsə də, ailə üzvləri bu təhlükədən tam olaraq sığortalanmayıblar. Atasından əvvəl tutduğu vəzifədən könüllü şəkildə imtina edən Seymur Talıbovun həbs təhlükəsi ilə üzləşdiyi bildirildi. Qeyd edək ki, Talıbovların süqutuna kimi Naxçıvan Dövlət Universitetində beynəlxalq əlaqələr üzrə prorektor postunu tutan Seymur Talıbov bir müddət əvvəl ölkəni tərk edib. Sabiq prorektorun Dubayda olduğuna dair məlumatlar var. Yaxın ətrafı gənc Talıbovun ailə biznesini idarə etmək üçün Dubaya yollandığını bildirsə də, bunun əksini iddia edənlər də var.  Vasif Talıbovun “vurulmasından” sonra ailənin düşdüyü situasiyanı göz önündə canlandıran bəzi müşahidəçilər Seymur Talıbovun Dubaya işgüzar məqsədlə səfər etdiyinə inanmırlar. Onların qənaətinə görə Talıbovların sonbeşiyi olan Seymur gələcək təhlükədən yayınmaq üçün Dubaya qaçmaq məcburiyyətində qalıb. Xatırladaq ki, Hesablama Palatası martın 14-də Naxçıvan Dövlət Universitetində yoxlamalara başlayıb. Qurumun ciddi pozuntular aşkarlayacağı heç kimdə şübhə doğurmur. Naxçıvan hakimiyyətində təmsil olunan vəzifəli şəxslərdən biri saytımıza açıqlamasında deyib ki, universitetdə yoxlamaların aparılacağı ilə bağlı Seymur Talıbovdan əvvəldən məlumat olub. Hesablama Palatası onun bir çox qanunsuz əməllərinin üstünü açacağını başa düşən keçmiş prorektor vəziyyətdən çıxış yolunu ölkəni tərk etməkdə görüb. Mənbə Seymur Talıbovun taleyi ilə bağlı qərarın yoxlamalar başa çatdıqdan sonra veriləcəyini bildirib.(yeni sabah)

Türk Dövlətləri Təşkilatı (TDT) Azərbaycanın Tehrandakı səfirliyinə hücumu qınayıb. Bu barədə TDT Türk Dövlətləri Təşkilatının Dövlət Başçılarının Fövqəladə Zirvə görüşündə imzalanan Ankara Bəyannaməsində bildirilib. Bəyannamə sənədində vurğulanıb ki, hadisəyə görə məsuliyyət daşıyanlar ədalət qarşısında cavab verməlidirlər.

Gürcüstan hakimiyyəti eks-prezident Mixail Saakaşvilinin bir qrup polşalı həkim tərəfindən müayinə olunmasına icazə verib. Bu barədə “Radio Svoboda”nın jurnalisti Rikard Jozvyak məlumat verib. Jozvyak adı açıqlanmayan Avropa İttifaqı rəsmilərinə istinad edib. “Polşanın həkim komandasına Saakaşvilini görməyə icazə verilib”, - deyə o, “Twitter” hesabında paylaşım edib. Jozvyak qeyd edib ki, söhbət Saakaşvilinin Polşaya göndərilməsindən getmir, polşalı həkimlər onu Gürcüstanda müayinə edəcəklər. Lakin polşalı həkimlərdən ibarət nümayəndə heyətinin bu ölkəyə nə vaxt gedəcəyi hələlik məlum deyil.

BMT-nin dəstəklədiyi istintaq qrupu Rusiyanın Ukraynada mülki şəxslərə qarşı hücumları, işğal olunmuş bölgələrdə sistematik işgəncə və qətlləri, müharibə cinayətləri və insanlığa qarşı cinayətlər adlandırıb. Bu gün təhqiqat qrupu Ukrayna ilə bağlı hesabat yayımlayıb. Hesabatda insanlığa qarşı potensial cinayətlər arasında payızdan bəri Ukrayna infrastrukturunu hədəf alan və ən soyuq aylarda yüz minlərlə insanın istilik və işıqsız qalmasına səbəb olan davamlı hücumlar, həmçinin Rusiyanın işğalı altında olan bir çox regionlarda işgəncələrin “sistemli və geniş şəkildə” tətbiqi qeyd edilib. Hesabatın müəllifləri Ukrayna qüvvələri tərəfindən "az sayda" aşkar pozuntuların olduğunu da bildiriblər . Qeyd edək ki, Təhqiqat komissiyası BMT-nin dəstəklədiyi İnsan Haqları Şurasının bütün dünyada sui-istifadə və pozuntuları yoxlamaq üçün istifadə etdiyi ən güclü vasitədir. Xatırladaq ki, Ukrayna ilə bağlı təhqiqat qrupu Rusiyanın bu ölkəyə müharibəyə başlamasından qısa müddət sonra yaradılıb. Komissiyanın üç üzvü insan hüquqları üzrə müstəqil ekspertlərdir və qrupun əməkdaşları BMT-nin insan hüquqları bürosu tərəfindən dəstəklənir.

Ermənistan parlamentində daimi komissiyanın iclası zamanı əlbəyaxa dava düşüb. Bu barədə erməni mediası məlumat yayıb. Martın 15-də Ermənistan Milli Assambleyasında parlamentin iqtisadi məsələlər üzrə daimi komissiyasının iclası zamanı əlbəyaxa dava olub. Hakim “Vətəndaş müqaviləsi” partiyasından olan deputat Sisak Qabrielyan Ermənistandan Türkiyəyə ixrac edilən xam qızılın həcmindən narahatlığını bildirib. Sonra o, qəfil ayağa qalxaraq Ermənistan müxalifət blokunun deputatı Tadevos Avetisyanın üstünə gedib. “Özünü normal apar, uşaq!”, – deyə Avetisyan qışqırıb. Cavabında Qabrielyan deyib: “Uşaq özünsən!”. Orada olan deputatlar həmkarlarını sakitləşdirməyə çalışsalar da, nəticəsiz qalıb, söz dueli davam edib.(konkret.az)

NATO nun keçmiş Baş Katibi Rasmussen deyib ki, Azərbaycan Rusiyanın taleyindən nəticə çıxartmalıdır.  Azərbaycan təcavüzkar deyil.  Biz heç kəsin ərazisini işğal etməmişik.  Əksinə elə Rusiyanın himayəsi və birbaşa iştirakı ilə bizim ərazimiz işğal olunub.  İşğalçı tərəf Ermənistandır.  Rusiyanın taleyindən Azərbaycan yox, Ukrayna müharibəsində Rusiyanın Belarusdan sonrakı ikinci müttəfiqi olan ("The Economist”) işğalçı Ermənistan nəticə çıxartmalıdır. Arif Hacılı, Müsavat Partiyasının başqanı 

Keçmiş müstəntiq Rüfət Səfərova küçədə zorakılıq olub. Bu barədə Rüfət Səfərov özü məlumat yayıb. Bildirib ki, küçədə ona qarşı bir nəfər tərəfindən zorakılıq edilib və bununla bağlı polis müraciət edib. Daxili İşlər Nazirliyinin mətbuat xidmətindən APA-ya bildirilib ki, Binəqədi RPİ əməkdaşları tərəfindən mübahisə tərəfi – 1961-ci il təvəllüdlü Məmmədxan Nəcəfov saxlanılıb. Araşdırmalar davam etdirilir.

"Azərbaycan Həmkarlar İttifaqları Konfederasiyasının fəaliyyəti sıfıra bərabərdir.Ümumiyyətlə, Azərbaycanda həmkarlıq ittifaqı sistemi işləmir". Bu fikirləri "Yeni Nəsil" Jurnalistlər Birliyinin sədri, ictimai əlaqələr üzrə tanınmış mütəxəssis Arif Əliyev bildirib. O deyib ki, bu sistemin işlədilməsinə vaxtilə neftçilər tərəfindən cəhdlər edilsə də, ancaq bu, onlara çox ağır başa gəldi: "Bəlkə o dərs oldu, bəlkə başqa məsələlər də var idi. Fikrimcə, Həmkarlar İttifaqında adətən işə götürənlərlə işə alınanların münasibətləri tənzimlənir. Ancaq hesab edirəm ki, Azərbaycanda Həmkarlar İttifaqı Konfederasiyasının fəalliyəti demək sıfıra bərabərdir. Bəzi yerlərdə onlar sosial məsələlərlə məşğul olurlar, əmək hüquqları ilə məşğul olduqları müşahidə olunmur".Demokrat.az

İş adamı Şirzad Quliyev keçmiş polis rəisi Rza Hacıyevin onu təhdid etdiyi üçün aldığı cəza müddətindən narazıdır. “Qafqazinfo”ya müraciət edən Quliyev bildirib ki, sabiq rəis onu ictimai yerdə avtomatla hədələyib, maşınını gülləbaran edib. Bununla belə Ali Məhkəmə Hacıyevə cəmi 1 il azadlıqdan məhrum etmə cəzası verib. Xatırladaq ki, Rza Hacıyev Milli Qəhrəman Əlif Hacıyevin qardaşıdır. O, vaxtilə Neftçala və Sabunçu rayonlarının polis rəisi olub. 2021-ci il dekabrın 16-da Pirşağı qəsəbəsində münaqişə zəminində həm qohumu, həm də biznes şəriki olan Şirzad Quliyevin “Lexus” markalı maşınına avtomatdan 9 dəfə atəş açıb. Buna görə barəsində cinayət işi başlanaraq həbs edilib. Şirzad Quliyev müraciətində qeyd edir ki, hadisə baş verən zaman ətrafda çoxsaylı yaşayış evləri olmasına baxmayaraq, Hacıyev qanunsuz gəzdirdiyi “Kalaşnikov” avtomatı ilə 3-4 metr məsafədən onun avtomobilini atəşə tutub: “Avtomobilə 15 min manat ziyan dəydi. Maşın bir qırağa, bu, mənim həyat və sağlamlığım üçün real təhlükə idi. Rza Hacıyev Cinayət Məcəlləsinin 221.3 və 228.1-ci maddələri ilə təqsirli bilindi. Sabunçu Rayon Məhkəməsi Rzanın şəxsi əlaqələri sayəsində ona şərti cəza vermişdi. Lakin Bakı Apellyasiya Məhkəməsi hökmü dəyişdirib real cəza ilə əvəz etdi. Rza Hacıyev 4 il müddətinə azadlıqdan məhrum edildi. Rza kassasiya şikayəti verdi və işə Ali Məhkəmədə hakim İlqar Qılıcovun sədrliyi ilə baxıldı. Hakimlər cinayətin odlu silahdan istifadə edilməsi ilə törədilməsinə, ictimai yerdə törədilməsinə baxmayaraq, belə nəticəyə gəldilər ki, Rza Hacıyevin əməllərində xuliqanlıq yoxdur. Onun cəzasını 1 ilə endirərək qısa müddətdə azadlığa çıxması üçün şərait yaratdılar”. Məsələ ilə bağlı Ali Məhkəməyə sorğu ünvanlasaq da, sorğumuza cavab verilməyib. Qeyd edək ki, hadisə zamanı DİN açıqlama yayaraq bildirmişdi ki, Rza Hacıyev münaqişə zəminində həmyerlisi Şirzad Quliyevin idarə etdiyi avtomobilə odlu silahdan atəş açaraq hadisə yerini tərk edib. Ondan “AKMS” markalı avtomat silahı, 2 ədəd patron və 1 ədəd patron darağı götürülüb. Uzun illər daxili işlər orqanlarında çalışan Rza Hacıyev 2014-cü ildə polis polkovniki kimi təqaüdə göndərilib. Onun adı 2014-cü ildə Türkiyədə qətldə hallanıb. İddia olunub ki, Hacıyev AST Telmana məxsus “Mardan Palace” hotelində bir qadını döyərək öldürüb. Lakin iddialar təsdiqlənməyib. Məlumata görə, Hacıyevlə şərikinin davası isə biznes üstündə olub. Belə ki, onların Sabunçu rayonunda 600 kv. metrlik şərikli əmlakı olub. Şəriklik pozulanda Şirzad Quliyev əmlakın dəyərinin 50 faizi kimi nəzərdə tutulan 580 min manatı tələb edib. Hacıyev isə əmlakın sənəd üzərində ona məxsus olmasından istifadə edərək heç bir ödəniş etməyib. Məhkəmənin gedişatı zamanı isə sabiq rəis şərikinə 350 min manat ödəyib. Şirzad Quliyev qalan 230 min manatının hələ də ödənilmədiyini bildirir. Qeyd edək ki, cinayət işləri üzrə məhkəmə çəkişmələrində Ali Məhkəmə sonuncu instansiyadır. Onun qərarı yekun hesab olunur və dəyişdirilmir. Yalnız Ali Məhkəmənin sədri tərəfindən qərar plenuma çıxarılaraq müzakirə oluna və yenidən baxıla bilər.

“Mənzil oğurluğu ilə məşğul olanların öz “peşəkarlıqları” olur. Hansı evə girmək niyyətləri varsa, bəzən ülgücü ortadan bölüb qapıya qoyurlar, bəzən kibrit çöpü, yaxud dəftərxanada işlədilən “skrepka”. Oğruların “kəşfiyyat xarakterli” soyğunları çox olur. Özləri üçün qapıya nişanlar qoyurlar. İki gün sonra gəlib görürlər  ki, həmin nişana toxunulmayıb. Deməli, evdə heç kim yoxdur". Sozcu.az Pravda-ya istinadla xəbər verir ki, bunu “Polisə dəstək” İctimai Birliyinin sədri, hüquqşünas Şəmsəddin Əliyev deyib. O əlavə edib: "Eynilə mənzillərin qapısında yığılıb alan qəbzlər də soyğunçular üçün bir işarədir. Bu, ev yiyəsinin mənzildə olmamasından xəbər verir. Təbii ki, belə “eyhamlar” vətəndaşın əmlakının talan edilməsinə şərait yaradır. Sərhədlərin delimitasiyası kimi, bu da delimitasiyanın olmasıdır - “evdə heç kim yoxdur” nişanıdır. Belə halda oğrular sərbəst şəkildə qapıdan mənzilə daxil ola bilirlər. Birinci mərtəbədirsə, pəncərədəki barmaqlıqları dağıdaraq da mənzilə keçmələri mümkündür. Ona görə də kommunalla bağlı qəbzlərin qapıya gəlməsi düzgün deyil. Buna birdəfəlik son qoymaq lazımdır”. Ş. Əliyev bildirib ki, bəzi binalarda blokun qapısı kodlaşdırılıb: “Lakin kimsə aidiyyəti qurumların işçiləri üçün qapını açır. Bina sakinləri onların binaya necə daxil olduqlarını bilmirlər. Bütün bu şübhələrin qarşısını almaq üçün onlayn qaydaya keçmək, prosesi asanlaşdırmaq lazımdır. Bu şəkildə qapını döymək, vətəndaşlarla sıx təmasda olmaq korrupsiya əlamətləridir və qarşısı alınmalıdır. Ümumiyyətlə, bu, sovetdən qalma adət-ənənədir. Artıq dünya inkişaf edir, innovasiya sahəsində müəyyən yeniliklər var. Kommunal ödənişlərin bu səpgidə həyata keçirilməsi qüsurludur. Su, qaz, işıqla bağlı qapıdan asılan qəbzlər sonradan itə bilər və vətəndaşa müvafiq qaydada cərimələr gələ bilər. Belə halda vətəndaş çıxılmaz vəziyyətdə qalır. Məhkəmə təcrübəsində də belə hallara rast gəlinib. Ona görə də bir az xaotik mənzərə yaranır. Əvvəllər hətta mənzil istimar idarələri qapı-qapı düşüb, su pulu, qaz pulu yığırdılar. Bəzən çek də verilmirdi. Amma bu qədər problem də yaşanmırdı. İndi artıq vəziyyət o qədər qəlizləşib ki, aidiyyəti qurumlar öz səlahiyyətlərini müəyyən mənada yenə də köhnə qayda ilə həyata keçirirlər. Bu da kifayət qədər dövlət büdcəsinə daxilolmaların qarşısını alır. Ona görə də bu, konstitusion vəzifəyə çevrilməlidir. Konstistusiyada bu barədə qeyd olunub. Vəzifəni icra edən şəxs kiminsə qapısını döyüb, “supulu” istəməli deyil. Mərkəzləşmiş, onlayn qayda olmalıdır. Bu prosedur qaydaları bütün dünyada həyata keçirilir”.

Cari ilin yanvar-fevral ayları ərzində Daxili İşlər Nazirliyi tərəfindən bütün növ sərxoşluq hallarının müəyyənləşdirilməsi üçün Səhiyyə Nazirliyinin Respublika Narkoloji Mərkəzinə 12904 nəfər istiqamətləndirilib. Bu barədə Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasından məlumat verilib. Bildirilib ki, onlardan narkotiklərdən istifadənin təyin edilməsi məqsədilə tibbi müayinədən keçirilmiş 394 nəfərindən 241-nin istifadəçi olması müəyyən olunub və bununla bağlı zəruri tədbirlərin görülməsi təmin edilib. Səhiyyə Nazirliyinin məlumatına əsasən 2023-cü ilin yanvar-fevral ayları ərzində 1041 nəfər yeni qeydiyyata götürülüb. Həmin şəxslərdən 499 nəfəri dispanser, 542 nəfəri profilaktik qeydiyyatında olanlardır. Onlardan 26 nəfəri qadındır. 1035 nəfər isə qeydiyyatdan çıxarılıb.

İnsanların işə münasibəti heç də eyni olmurlar. Bəziləri həvəslə, bir çoxları isə məcburi çalışırlar. Elə şəxslər də var ki, heç vaxt işdən qaçmır, hər zaman işlərini inamla görürlər. Onların leksikonunda tənbəllik sözünə yer yoxdur. Bu özəllik insanın hansı bürc altında doğulmasından da asılıdır. Sozcu.az bizim.media-ya istinadən ən zəhmətkeş bürclərin siyahısını təqdim edir: Qoç Onların işə qarşı münasibəti heç də birmənalı deyil. Bir tərəfdən, onlar boş oturmağı bacarmırlar. Digər tərəfdən isə onları gündəlik işlərə cəlb etmək, demək olar ki, mümkün deyil. Yalnız onları maraqlandıran işlə məşğul olacaqlar. Onlar yeni bir şey öyrənmək, insanlarla ünsiyyət qurmaq, mentorluq etmək və ya səyahət etməkdə maraqlıdırlar. Özlərinə uyğun işini tapdıqdan sonra, bir qayda olaraq, aktiv fəaliyyətlə məşğul olurlar. Əkizlər Bu bürcün nümayəndələri qeyri-müntəzəm cədvəllər və çoxşaxəli işlərdən belə qorxmayan əla işçilərdir. Əkizlər yaxşı inkişaf etmiş emosional və intellektual zəkaya malikdirlər ki, bu da onlara yaradıcılıqda və insanlarla işləməkdə uğur qazanmağa imkan verir. Əkizlər hadisələrin mərkəzində olmağı xoşlayırlar, məqsədlərinə çatmaq üçün səylərini əsirgəmirlər və çox vaxt hətta onlardan tələb olunmayan işləri də görürlər.  Qızlar Onlar əsl zəhmətkeşlərdir. Bütün işləri diqqətlə və tam məsuliyyət hissi ilə yerinə yetirirlər. Qızlar rəhbərliyə, qaydalara və rəsmi göstərişlərə asanlıqla tabe olur, bəzən öz maraqlarını və asudə vaxtlarını belə unudurlar. Çətinliklər yalnız hər işi eyni vaxtda görmək istədikləri üçün yaranır. Ancaq bu, son nəticədə onlara uğur gətirir. Qız bürcləri tez-tez istənilən sahədə karyera yüksəkliklərinə çatırlar. Əqrəb Həmişə iş başındadırlar. Onlar tənbəllik edə bilər, amma bunu istəmirlər. Əqrəblər üçün işləmək mənfi düşüncələrdən xilas olmaq üçün yoldur. Eyni zamanda, əqrəblər üçün emosional komponent çox vacib amildir. Əqrəblər mehriban kollektiv naminə və ya əksinə, kimdənsə qisas hissi ilə əmək şücaəti göstərə bilərlər. Təbiətcə Əqrəblər tədqiqatçılardır, onlar psixologiyanı, əşyaların təbiətini öyrənməyi, işin mahiyyətinə varmağı xoşlayırlar. Oğlaq Təbii ki, zəhmətkeşlikdən danışırıqsa, oğlaqları siyahıdan kənarda saxlamaq olmaz. Məqsədli, israrlı, uğur qazanmağa imkan verən böyük daxili resurslara malikdirlər. Oğlaqlar demək olar ki, heç vaxt yorulmur və addım-addım zirvəyə doğru irəliləyirlər. Ancaq digər tərəfdən, əgər onlar özləri üçün tətil planlaşdırıblarsa, heç bir şey onları nəzərdə tutduqları məqsəddən kənarlaşdıra bilməz, onlar istədikləri vaxtda, istədikləri qədər istirahət edəcəklər.

İnsult xəstəliyinə qarşı öncədən nə qədər tez müalicə alınıb, tədbir görülərsə, bir o qədər zədələnmə az olar. Sozcu.az "Medicina"ya istinadən xəbər verir ki, insult beynin bir bölgəsinə qan axını kəsildikdə baş verir. Bunun səbəbi qan laxtalanması və ya qan damarının yırtılması ola bilər. İnsulta ya arteriyalarınızdan birində qan laxtalanması (işemik) və ya beyni qidalandıran qan damarının yırtılması (hemorragik) səbəb olur. Qan tədarükü kəsilərsə, beyin hüceyrələri ölə bilər ki, bu da həyatı əhəmiyyətli dərəcədə dəyişdirə bilər. • Xüsusi simptomlar beynin təsirlənmiş bölgəsindən qaynaqlanır və geniş şəkildə dəyişə bilər, baxmayaraq ki, birtərəfli zəiflik daha çox olur. • Bədənin bir tərəfində zəiflik və ya tam iflic (ayaqlar, qollar və ayaqlar daxil olmaqla) • Bulanıqlıq və ya görmə itkisi - xüsusilə bir gözdə qəfil görmə itkisi halında. • Çətin nitq və ya nitq pozğunluğu və ya düzgün sözləri istifadə edə bilməmək - bu, başqalarının nitqini başa düşə bilməmə ilə birləşdirilə bilər. • Çaşqınlıq və yaddaş itkisi • Başgicəllənmə və balansın itirilməsi kimi təzahür edir. • Belə hallar insanlar arasında müxtəlif amillərə görə baş verir. Bu amillərə aşağıdakılar daxildir: • Yaş - 55 yaşdan yuxarı insanların insult keçirmə ehtimalı daha yüksəkdir. • Ailə tarixi - Əgər yaxın bir ailə üzvü daha əvvəl insult keçiribsə, riskiniz daha yüksəkdir. • Etnik mənsubiyyət - Araşdırmalar göstərdi ki, Cənubi Asiya, Afrika və ya Karib dənizi insanlarının insult riski artır.

Türkiyənin Şanlıurfa və Adıyaman ərazisində baş verən daşqında ölənlərin sayı artıb. Sozcu.az xəbər verir ki, bu barədə “CNN Türk” məlumat yayıb. Məlumata görə, sel fəlakətində həyatını itirənlərin sayı 15-ə yüksəlib. Şanlıurfada itkin düşən 2 nəfərin axtarışları davam edir.

"Real"ın futbolçusu Kərim Benzema Çempionlar Liqasının 1/8 finalında "Liverpul"la cavab oyununun (1:0) 82-ci dəqiqəsində niyə əvəzləndiyini açıqlayıb. Sozcu.az UEFA-nın saytına istinadən xəbər verir ki, komandasının yeganə qolunun müəllifi olan fransalı hücumçu deyib: “Meydanı tərk etdim, çünki baldırımdan pis zərbə aldım. Ancaq bu, sadəcə bir əzilmədir. Bazar günü "Barselona"ya qarşı oynamağa hazır olacağam" Qeyd edək ki, Madrid klubu La Liqanın 26-cı turunda martın 19-u səfərdə "Barselona" ilə qarşılaşacaq.

Ali təhsil müəssisələrinə və tam (11 illik) orta təhsil bazasında orta ixtisas təhsili müəssisələrinə ərizə qəbulu başa çatıb. Bu barədə Dövlət İmtahan Mərkəzinin mətbuat katibi Xanlar Xanlarzadə bildirib. Ali və orta ixtisas təhsili müəssisələrinə tələbə qəbulu ilə bağlı ərizələrin qəbulu 2023-cü il 1 martda başlayıb və 15 mart saat 23:59-da yekunlaşıb. Son məlumatlara görə, 105 mindən çox abituriyent öz ərizəsini təsdiq edib. 7000-ə yaxın abituriyent isə elektron ərizəsini doldurub yadda saxlasa da, onu təsdiq etməyib. Ərizə qəbulunda həm cari, həm də əvvəlki illərin məzunları iştirak ediblər.

Bakıda fəaliyyət göstərən uşaq bağçasında xoşagəlməz hadisə baş verib.  “Ayşənim” uşaq bağçasında tərbiyəçi uşağa yemək yedizdirən zaman şiddət göstərib.  Valideyn saytımıza bildirib ki, bu barədə rəhbərliyə məlumat verilsə də, heç bir tədbir görülmür. (oxu.az)

Bakı Apellyasiya Məhkəməsində 2 yaşlı uşağı oğurlamaqda ittiham olunan Gültəkin Muradovanın barəsindəki hökmdən verilən apellyasiya şikayətinə baxılıb. Hakim Elbəy Allahverdiyevin sədrliyi ilə keçirilən prosesdə qərar elan olunub. Qərara əsasən, onun şikayəti təmin edilməyib, birinci instansiya məhkəməsinin hökmü dəyişdirilmədən saxlanılıb. Bakı Ağır Cinayətlər Məhkəməsinin hökmü ilə Gültəkin Muradova adam oğurluğunda təqsirli bilinib, lakin məhkəmə ittiham olunan şəxsə münasibətdə Cinayət Məcəlləsinin 62-ci (sanksiya həddindən aşağı cəza təyin etmə) maddəsini tətbiq edib. Hökmə əsasən, Gültəkin Muradova 2 il müddətinə azadlıqdan məhrum edilib. Təqsirləndirilən şəxs təyin olunmuş cəzanı ümumi rejimli cəzaçəkmə müəssisəsində çəkəcək. Gültəkin Muradova son sözündə əməlindən peşman olduğunu deyib. Xatırlatma: 2021-ci il dekabrın 29-da Sabunçu qəsəbəsində 2 yaşlı Məhəmməd Elgün oğlu Şıxəliyevin oğurlanması barədə polisə məlumat daxil olub. 2022-ci ilin yanvarın 8-də Sabunçu Rayon Polis İdarəsi və 12-ci Polis Şöbəsinin əməkdaşları tərəfindən həyata keçirilən intensiv əməliyyat-axtarış tədbirləri nəticəsində Məhəmməd Şıxəliyev tapılıb. Polisin keçirdiyi əməliyyat nəticəsində oğurluqda şübhəli bilinən Beyləqan rayon sakini Gültəkin Muradova həbs edilib. İttihamda göstərilib ki, Gültəkin Muradova qeyri-rəsmi nikahda olduğu şəxslə birgə Sabunçu rayonu, Kürdəxanı qəsəbəsində yaşayıb. O, övlad sahibi olmadığına görə kiminsə uşağını götürüb saxlamaq istəyib. Bu məqsədlə də qəsəbədə yerləşən yaşayış massivlərini gəzib, uşaq axtardığı vaxt özünü aztəminatlı ailələrə yardım edən şəxs kimi göstərib. Hadisə baş verən gün Gültəkin Muradova yenidən həmin evə gedib və uşağın anasının, eləcə də onun qeyri-rəsmi nikahda yaşadığı şəxsin evdə olmadığını görüb. Həmin vaxt azyaşlı Məhəmməd Şıxaliyev bacısı Firuzənin yanında olub. İttiham olunan şəxs uşağı aparan zaman azyaşlının bacısı ona etiraz etsə də o, Məhəmmədə şirniyyat alıb geri gətirəcəyini deyib. Təqsirləndirilən şəxs bir neçə gün sonra saxlanılıb, azyaşlı aidiyyəti üzrə təhvil verilib. Gültəkin Muradova barəsində Cinayət Məcəlləsinin 144-cü (adam oğurluğu) maddəsi ilə ittiham elan edilib, barəsində həbs qətimkan tədbiri seçilib. Azyaşlı tapılandan sonra Daxili İşlər Nazirliyinin (DİN) mətbuat xidməti uşağın atası Elgün Nəsirovun da saxlanması barədə məlumat yayıb. Məlumatda onun bu işdə iştirakının ehtimal olunduğu qeyd olunaraq araşdırma aparıldığı bildirilib. Həmçinin Gültəkin Muradova ilə qeyri-rəsmi nikahda yaşayan Şamil Əliyevin də saxlanıldığı açıqlanıb. Bununla belə, hazırda təqsirləndirilən şəxs qismində yalnız Gültəkin Muradova məhkəmə qarşısına çıxarılıb.

Rusiya ordusunun Ukraynadakı son itkiləri açıqlanıb. Bu barədə Ukrayna Silahlı Qüvvələrinin Baş Qərargahı məlumat yayıb. Qeyd olunub ki, 2022-ci il fevralın 24-dən indiyədək Rusiya ordusunun 162560 (+ 1040) nəfər canlı qüvvəsi, 3504 (+12) tank, 6810 (+11) ədəd zirehli döyüş maşını, 2539 (+11) ədəd artileriya sistemi, 503 (+1)) reaktiv yaylım atəşi sistemi, 265 (+3) hava hücumundan müdafiə sistemi, 305 (+1) təyyarə, 289 (+0) helikopter, 2145 (+13) PUA, 907 (+0) qanadlı raket, 18 (+0) gəmi, 5394 (+17) avtomobil texnikası və avtosistern, 257 (+0) xüsusi texnikası məhv edilib.