Qafqaz Müsəlmanları İdarəsinin (QMİ) səlahiyyətli nümayəndəsi, ilahiyyatçı Hacı Şahin Həsənli dünyasını dəyişib. Sozcu.az xəbər verir ki, bu barədə ilahiyyatçının rəsmi feysbuk səhifəsində məlumat verilib. "Böyük hüzn və kədərlə bildirmək istəyirik ki, bugün səhər saatlarında Hacı Şahin Həsənli dünyasını dəyişdi. İctimaiyyətə əlavə məlumat veriləcək", - sosial şəbəkə səhifəsində qeyd olunub.

İlk oxuduğum kitablardan biri "Eladanın qhrəmanları" olub. Balaca nəfis kitab idi. Üstündə balaca Heraklın iki böyük ilanı boğan yerdə rəsmi var idi. Həm də beşikdə. Soruşmuşdum "Ellada" nə deməkdir? Demişdilər Yunanıstan. İlk dəfə "Ellada" sözünə o əfsanə kitabında rast gəlmişdim və heç vaxt unutmadım.   Amma bu lap çoxdan olub. Onda mən balaca Herakıldan 8-10 bahar böyük olardım...     ***  Toyuna getmişdim. Bilməmişdi orada olduğumu. Toydan bir neçə gün sonra idi. Çəkilişlərə baxanda görmüşdü iştirak etdiyimi. Mən olan parçanı kəsib mesencerimə atdı. Təşəjkkür elədi. Sevinmişdi toyunda olduğumu biləndə. Allah sizi qorusun - dedi. Sağlam, çox yaşamağım üçün dua da etdi. Minnətdarlıq elədim.  Bu bizim axırıncı söhbətimiz oldu.  TOYDAN ƏVVƏLLƏR Qağayılı dənizin fonunda bir şeirimi səsləndirib mənə atmışdı.  Fikrimi bilmək istəmişdi, - şeir səsləndirməkdə davam edim, ya yox?- deyə. Dedim davam eləyin əlbəttə. Səsi xoşuma gəlmişdi. Səsləndirmək də zamanla püxtələşəcək ifalardan idi. Sonra bir şeir də atdı. Sonra birini də...  Sonra toyu oldu. Sonra özü olmadı...       Çox təəccübləndim. Xəstəymiş dedilər. Bilmirdim deyə, qəfil oldu mənimçün. Hiss etdiyim kədərdən çox narazılıq idi. Bilmədim kimdən ya nədən? Amma narazı qaldım...  ***  İki nəfərin izdivacından gəlir insan dünyaya. Həm də vaxtında. Amma o qədər təkbnaşına gedən var ki dünyadan. Həm də vaxtından tez. Amma bu qədər tez olmamalıdır əslində. Həm də toyundan sonra. Adamlara etibar qalmayıb. Adamlarda günah olmasa belə...    *** Bu çoxdan olmayıb. Bir gün əvvəlin söhbətidir. Onun olmaması yəni. Bu əfsanə deyil, gerçək bir həyat, gözəl bir insan, hörmətli bir həmkar taleyi idi.  Yəqin ki, bu mənim həmişə yadımda qalan sonuncu "Ellada" olacaq.  Bilsəydim belə olar yəqin ki, toyuna getməzdim. Dekabrda xoşbəxtlik arzuladığın insana fevralda rəhmət oxumaq nəsə dolaşıq məsələdi. İllah da o zaman ki, adam təkcə həmkar yox. həm də ailəvi dostdur. Əslində Allah onu qorumalı idi. Nə yaşamışdı ki? Amma kim bilir, bəlkə belə qoruyur?... P.S Bu şeir idi səsləndirdiyi:  DÜNYANIN ƏN GÖZƏLİ Uşaq da olmuruq, Ana öləndə Desinlər, ölməyib, xalangildədir. Desinlər, nasazdır xalan bu gün də, Anan da gəlməyib, xalangildədir. Desinlər, analar ölmür, balası, Qəfildən harasa gedirlər bir gün. Desinlər, onu da bir gün anası, Çağırır yanına, boyunu görsün.  Sən də inanasan yarışübhəli, Gözün qapılarda qala bir ömür. Dünyanın ən gözəl, ən gözləməli Xəyalı könlünü ala bir ömür... İlqar Rəsul

"Azərbaycan ərazisində separatçı qüvvələrin nümayəndələri ilə görüş keçirilir. Masada Azərbaycan bayrağı yox, masanın başında rus zabitləri, Rusiya bayrağı, başları üzərində rus generallarının portretləri. Azərbaycan və ölkə bölgəsinin nümayəndələri bərabərhüquqlu tərəflər kimi üzbəüz oturub.  Azərbaycan deputatı hətta milli bayrağımız olan deputat nişanını da çıxarıb". Sozcu.az xəbər verir ki,bunu Müsavat Partiyasının başqanı Arif Hacılı özünün "Feysbuk" səhifəsində yazıb.  "Görüşdən sonra Araik Harutunyan müstəqillik ideyasından bir addım da geri çəkilməyəcəklərini elan edir. Bütün bunlar əvvəllər də dediyimiz kimi döyüş meydanında ordumuzun qazandığı qələbənin masa arxasında təhvil verilməsinin daha bir sübutu, Azərbaycan xarici siyasətinin və diplomatiyasının növbəti uğursuzluğudur".

Ağsu rayonunda sahibsiz küçə itlərinin sakinlərə yaşatdığı ciddi problemlər haqda mətbuatda dəfələrlə yazılıb. Belə ki, əgər əvvəllər itlərin səs-küyündən gecə yatmaq, küçəyə rahat çıxmaq olmurdusa artıq gündüz vaxtı belə itlərin bir-biri ilə, gəlib-gedən insanlara hürüşməsindən rahatçılıq yoxdur. Ağsu rayonu bu baxımdan müəyyən mənada Hindistanın tipik şəhərini xatırladır.Yalnız bir fərqlə ki, burada toxunulmaz meymun və inəklər deyil küçə itləridir. Küçə itləri burada binaların ətrafında, küçələrdə, zibil yeşiklərinin ətrafında uzun müddət məskən saldıqca artıq oranı özlərinə doğma məskən sayırlar. Sahibsiz itlər hərəkət edən maşınların, velosipedlərin dalınca aqressiv qaçaraq hürürlər. Sahibsiz itlər özlərini Ağsuda özlərini o dərəcədə komfort hiss edirlər ki, həyətlərin “sahiblərinə” çevriliblər. Sahibsuz itlər son zamanlar o qədər balalayib çoxalIblar ki, bu avtomobil sahiblərinə belə baş ağrısına çevriliblər. Belə ki, sürücülərin onların qabağından keçən itləri bilmədən vurması halları çoxalıb.  Artıq iş o yerə çatıb ki, bu heyvanlar bağlara, bağçalara doluşaraq insanların həmin yerlərə çıxmasına imkan vermirlər. Hətta onların sürü şəklində qaranlıqda insanlara hücum etmələri halları da müşahidə olunmaqdadır. Agsuda itlər nəinki yaşayış məntəqələrinin yaxınlığında, hətta bir çox dövlət idarələrinin düz qabağında, şəhərin mərkəzi yerlərində yolun ortasında, supermarketlərin, restoranların, kafelərin qabağında, uşaq bağçalarının, məktəblərin, stadionların həndəvərində günün günorta cağı var-gəl edirlər, daimi  məskən salıblar. Buna görə də məktəbə gedən, çölə-bayıra çıxan uşaqlar qorxurlar, böyüklər də vəhşi heyvanlardan çəkinirlər. İşə tələsən sakinlər və məktəbə gedən şagirdlər itlərin kütləvi hücumuna məruz qalır. Sürü halında gəzən küçə itləri gecə vaxtı daha təhlükəli və aqressiv olurlar. Bu baxımdan gecə vaxtı çölə çıxmağı Ağsuda  az qala qəhrəmanlıq saymaq olar. Şagirdlər deyirlər ki, onlardan qorunmaq üçün səhərlər məktəbə əllərində daşla gedirlər. Bəzən isə yollarını dəyişmək məcburiyyətində qalırlar. Əlbəttə itləri öldürmək də qeyri-insani bir hərəkətdir. Amma Ağsuda  insan həyatı, əsasən də azyaşlılar üçün real təhlükə mənbəyinə çevrilən sahibsiz itlər zərərsizləşdirilməli, torlar vasitəsi ilə tutulmalı, ərazidən uzaqlaşdırılmalı və sığınacaqlarlarda yerləşdirilməlidir. İcra Hakimiyyəti problemdən xəbərdardır, amma  heç bir tədbir  görmür, yalnız deyir “tədbir görüləcək”. Necə ki, küçə itləri ilə bağlı tədbir görməyən məmurlar da sığortalanmayıblar ki, onlar özləri və yaxınları itlərin hücumuna məruz qalmayacaq. Xüsusilə sübh çağı və axşam saatlarında zibil qutuları olan yerlərdə, qaranlıq dalanlarda gedərkən ehtiyatlı olmaq, uşaqları isə ümumiyyətlə belə yerlərdə tək buraxmamaq lazımdır. Ekspertlər vətəndaşlara küçə itlərinin olduğu yerlərdən mümkün qədər uzaq durmağı məsləhət görürlər. Amma bu da çıxış yolu deyil. Sahibsiz itlərlə üzləşən hər bir adam soyuqqanlı davranmasa onların hücumuna məruz qala bilər. Sahibsiz itlərin  məhəllələrin içinə gətirən səbəblər də var. Problemlərdən biri də zibil qutularının yaşayış binalarının yaxınlığında yerləşdirilməsidir. Günün müxtəlif saatlarında bu qutuların yanında daima çoxsaylı itlərə rast gəlinir. Adətən onlar özlərinə natəmiz ərazilərdə, ictimai iaşə mərkəzlərinin, sallaqxanaların yaxınlığında, ərzaq məhsulları tullantılarının daha çox atıldığı zibilxanalarda məskən salır. İtlər 6 aydan bir 7-8 bala verir. Heç kim demir ki, sahibsiz itlərin hücumuna qarşı mübarizə üçün onları mütləq güllələmək, öldürmək lazımdır. Sahibsiz itlərin sayının planlaşdırılmamış artımı sterilləşdirilmə (axtalama) vasitəsilə azaldılmalıdır. Heyvanlar quduzluğa, insan həyatı üçün təhlükəli olan digər xəstəliklərə tutulduqda və ya insanların həyat və sağlamlığı üçün təhlükə yaratdıqda məhv edilirlər.  Quduzluğa qarşı iynə vurulur, axtalanır, qısırlaşdırılır. Daha sonra qulaqlarına birka bağlanır. Bakı şəhərindəki itlərin 50 faizi birkalanıb. Bir sözlə küçə itlərinin sayı tənzimlənməlidir, yoxsa bu surətlə şəhəri itlər tamamailə basacaq. Sahibsiz heyvanlara qarşı mübarizənin güllələnmə olmadan, yəni humanist prinsiplərlə həyata keçirilməlidir. Bunun üçün Türkiyənin, Avropa ölkələrinin təcrübəsindən istifadə etmək lazımdır. Avropanın şəhərlərinin küçələrində sahibsiz dolaşan heyvanlara rast gəlinmir. Şəhər xidmətləri onların küçələrdən yığışdırılması və sonrakı taleyi ilə bağlı məsələləri operativ şəkildə həll edirlər Mütəxəssislər bildirirlər ki, itlərin, xüsusi ilə sahibsiz itlərin insanları dişləməsi təhlükəlidir. İt dişləməsinə məruz qaldıqda mütləq ixtisaslaşmış və quduzluq əleyhinə vaksin olan tibb müəssisəsinə müraciət edilməlidir. Çünki it dişlədikdən sonra peyvənd vasitələrinin vurulmasının gecikdirilməsi quduzluq əlamətinin yaranmasına səbəb olur. Həmin əlamətin aşkarlanması isə müalicənin gedişini çətinləşdirir. Qeyd edək ki, quduzluq çox ağır xəstəlik hesab edilir. Heç vaxt öz-özünə sağalmır, vaxtında müalicə aparılmasa, insan ölümünə də səbəb olur. Bu baxımdan ən vacib məsələ quduzluq əleyhinə vaksinin həmin gün və gecikdirilmədən vurulmasıdır. Görünən odur ki, Ağsu rayon  Təmizlik Departamenti, Ağsu şəhər Mənzil Kommunal Təsərrüfat Birliyi demək olar ki, heç bir ciddi tədbir görmür. Sozcu.az

1 saylı Şəhər Kliniki Xəstəxanası (Semaşko) antisanitariya yuvasına çevrilib. Xəstəxana həyəti tullantılarla dolub – daşır. Reportyor.info-ya göndərilən video faktdan da görünür ki, “Semaşko” zibil dağına çevrilib. Buna şərait yaradan isə xəstəxananın direktoru Könül doktor və Yoluxucu Xəstəliklər şöbəsinin müdiri Fərrux həkimdir. Deyilir ki, xəstəxananın bütün cərrahi şöbələrində olan əməliyyatlarda istifadə edilmiş sarğı və cərrahi materialları, eləcə də dializ şöbəsində bütün xəstələrin tullantıları (hepatit B və C, HİV, SPİD, dializli xəstələrin çoxunda bu viruslar var), damardaxili sistem şlanqları (hansı ki, həmin şlanqlarla qan və qan preparatları köçürülür) həmin zibilliklərdə “rəqs edir”. Bundan əlavə, dezinfeksiya edilib yandırılmalı olan tibbi tullantılar həyətdə zibillik olaraq saxlanır və üç aydır ki, təmizlənmir. Bu da infeksiya mənbəyi, yoluxucu xəstəliklər ocağıdır. Həmin tullantılar yoluxucu xəstəliklər şöbəsinin olduğu binanın qabağında yığılıb dizə çatıb. Deyilir ki, bu məsələdə hər gün işə bahalı maşınlarda gələn direktor Könül və şöbə müdiri Fərrux doktorların günahı var. Onların zibilliyi təmizlətdirmirlər və nəticədə virus mənbəyi təhlükə saçmaqdadır. O da xəbər verilir ki, yoluxucu xəstəliklər şöbəsində reanimasiya ləğv olunub. Xüsusi təhlükəli pasientlərin qəbulu bu səbəbdən terapevtik və cərrahi xəstələrlə eyni yerdə aparılır. Eyni zamanda, 4 yoluxucu şöbə ləğv edilərək bir şöbədə birləşdirilib və eyni mərtəbədə müalicə gedir. Bir sözlə, cinayətə yol verilir.

İl –ildən pis gəlmişdi. Sanki təbiətin də bərəkəti qaçmış, dağlarda ovlamağa ov da qalmamışdı. Haqqlarında əfsanələr dolaşan “Qurd” sürüsü günlərlə ovlamağa bir şey tapmırdı. Bikef-bikef dərələri dolaşır, bir tikə ov ovlamaq üçün günlərlə yol gedirdilər. Kənd camaatı da çoxdan idi ki, Qurd səsi eşitmirdi. Elə bil Qurdların ulamaq həvəsləri ölmüşdü. Əlacları kəsilən Qurd sürüsü kəndin kənarında dolaşan bir neçə sahibsiz iti öz cərgələrinə qoşaraq, itlərin hesabına yeməyə bir şey axtarırdılr. Qurd sürüsü küçə itlərinin iy bilmə qabiliyyətlərinə möhtac qalmışdı.Qurdların bu halından tək bir Boz Qurd narahat olaraq itlərə heç qovuşmurdu. Əlacı olsaydı it sürüsünü bircə anda parçalayıb məhv edərdi. Ancaq onda özününkilərin qınağına tuş olacaqdı, axı nə qədər olmasa itlərin hesabına yemlənə bilirdilər.  İt sürüsü əməlli başlı dağların şahına dönmüşdü. Bir balaca incidilən kimi özlərini dartır, Qurd sürüsünü ov olan yerlərə aparmırdılar. Boz Qurd bir neçə dəfə etiraz etmək istəmişdi. Ancaq qurdların yadlaşan çığır-bağırları buna imkan verməmişdi. İt sürüsünə qoşulandan Qurdların səsləri də dəyişmiş, ulamaq əvəzinə it kimi hürməyə başlamışdılar. Boz Qurd itləşmiş qurdlardan qorxurdu.Qurd nəslini yiyəsiz küçə itlərinin nəsli əvəzləyəcəyindən çox qorxurdu. İmkan tapan kimi sürünün cavan Qurdları ilə bir kənara çəkilir, onlara əcdadlarından, törələrindən danışırdı. Ancaq çalışırdı ki, bunu itlər görməsin. Görən kimi o saat onu "qurdçuluq" etməkdə ittiham edir, itləşmiş qurdlar da itlərə qoşularaq, onu Qurdçuluq etməklə ailəni bölməkdə ittiham edirdilər. Ancaq imkan düşən kimi itlər öz həyatlarından danışır, hətta özlərindən nağıllar uyduraraq Qurd boğan babalarından da danışmaqdan çəkinmirdilər. Qurdlarsa sanki itlərin əsirinə çevrilmişdilər. Boz Qurdun artıq səbiri tükənmişdi. Gecənin birində itləşən qurdları taleyin ümüdinə buraxaraq sürünü tərk etdi. Bu qaçmaq deyildi... Sadəcə Boz Qurd istəyirdi ki, itlərlə Qurdlar baş –başa qalsınlar . Bundan sonra Qurdların ayılacaqlarına inanırdı. Sadəcə bu gün onu eşidən yox idi.  Səhər Boz Qurdu aralarında görmədikdə sanki içlərinə bir rahatlıq gəldi . Artıq arxayın şəkildə itlərin nağıllarına qulaq asa bilərdilər. İtlər də o qədər qəmli nağıllar uydururdular ki, qurdların it kimi vəkkildəyib ağladıqları da olmuşdu. Boz Qurd dağlarda dolaşır, sürünü nəzarətsiz buraxmırdı. Sürü hara getsə, o da onların arxasınca gedir, yeni dünyaya gələn Qurd balalarını özünə qoşaraq itləşməsinə imkan verməməyə ümüd edirdi. Bu gün isə, qayadan yıxılan zaman əzilmiş ayağının ağrısından gec ayımış Qurd, sürüsünü itirmişdi. Boz Qurd həyəcanla atrafa qaçır, sürünün iyini duymağa çalışırdı. Həyacandan nə qədər yol getdiyini bilməmişdi. Dərədən gələn səs onu ayaq saxlamağa məcbur etmişdi. Səs, itlər tərəfindən boğularaq ölümcül hala gətirilmiş  bir Qurdun idi. İtlər Qurdu boğmuş, Qurd sürüsü isə bu faciyəyə seyirçi qalmışlar.  Boz Qurdun qəzəbdən gözləri hədəqədən çxmışdı. Bir tərəfdən sürüyə çatıb itləri boğmaq istəyir, bir tərəfdən də itləşmiş qurdlardan heç bir zaman Qurd olmayacağını düşünərək onların arxasınca getməkdən vaz keçməyi düşünürdü. Boz Qurd uca bir qayanın üstünə çıxaraq başını göyə tutub, sanki Tanrıya üz tuturmuş kimi ulamağa başladı. Çoxdan idi ki, Qurd ulaltısının yerinə it ulaltısı eşitməkdən bezmiş insanlar uzlərini səs gələn tərəfə tutmuşdular. Hər kəsin üzündə bir sevinc var idi. Qurd səsinin onlara xeyir- bərəkət gətirəcəyinə inanırdılar. Qurdsa hey ulayırdı. Səsinə başqa Qurdların səs verəcəyinə inanırdı. Boz Qurd, Qurd sürüsünə it sürüsü qarışmağa imkan verməyəcəyinə ,Tanrıya üzünü tutaraq and içirdi. Dağlarda əfsanələr yaratmış Ulu Qurd, babalarının ruhlarına üzünü tutaraq Qurd sürüsünü qoruyacağına 

Azərbaycan Respublikasının Prezidenti İlham Əliyev martın 1-də Özbəkistan Respublikasının Prezidenti Şavkat Mirziyoyev ilə görüşüb. Sozcu.az xəbər verir ki, görüşdə çıxış edən Prezident İlham Əliyev dedi: - Hörmətli Şavkat Miromonoviç, xoş gəlmisiniz. Vaxt tapıb Azərbaycana səfər etdiyiniz üçün sağ olun. Birlikdə mühüm beynəlxalq tədbirdə iştirak edəcəyik, lakin həm də görüşmək, söhbət etmək və bizim əvvəlki görüşlərimiz zamanı da razılığa gəldiyimiz kimi, verdiyimiz tapşırıqların yerinə yetirilməsinə nəzarət etmək üçün yaxşı imkandır. Prezident Şavkat Mirziyoyev: Komandalarımıza. Prezident İlham Əliyev: Düşünürəm ki, komandalar yaxşı işləyir. Onlar tez-tez görüşürlər, bu yaxınlarda yenə Özbəkistanda mühüm görüş olub. Həmçinin telefonla çox fəal ünsiyyətdə olurlar. Beləliklə, bütün istiqamətlər üzrə çox fəal qarşılıqlı fəaliyyət aparılır. Zənnimcə, ötən il münasibətlərimizin inkişafında rekord il olub. Mən üç dəfə Özbəkistana səfər etmişəm. Bu il Sizin səfərinizlə başlayır. Əminəm ki, bu il bir neçə görüş keçirəcəyik. Çünki müzakirə olunası çox məsələ, çoxlu mövzular var. Ən başlıcası, bizim qəbul etdiyimiz bütün qərarlar vaxtında və hətta, düşünürəm ki, planlaşdırdığımızdan da böyük həcmdə yerinə yetirilir. Çünki elə bu yaxınlarda Daşkənddə tədbirdə yeni ideyalar, yeni layihələr müzakirə olunub. Həm sənaye kooperasiyası, həm kənd təsərrüfatı, həm şəhərsalma – bütün istiqamətlər üzrə proses qardaşlar arasında getməli olduğu kimi davam edir. Mən Sizə bu münasibətə görə çox təşəkkür edirəm. Mən Özbəkistana səfərlərimi böyük səmimiyyətlə xatırlayıram. Göstərilən qonaqpərvərliyi xoş duyğularla xatırlayıram. Həmçinin Qarabağin bərpasında iştiraka görə bir daha təşəkkürümü bildirmək istəyirəm. Bu, xarici dövlət tərəfindən maliyyələşdirilən ilk xarici layihədir. Bu, Sizin tərəfinizdən keçmiş köçkünlərə hədiyyə edilən məktəbdir. Biz buna görə çox minnətdarıq. Azərbaycan xalqı bunu yüksək qiymətləndirir. Tikinti işləri sürətlə gedir. İnşallah, bu il birlikdə qeyd edəcəyik. Bir daha xoş gəlmisiniz. x x x Özbəkistan Prezidenti Şavkat Mirziyoyev dedi: - Çox sağ olun, hörmətli İlham Heydər oğlu. Bizə çox doğma, yaxın və dost ölkə Azərbaycanda olmaq mənim üçün çox xoşdur. Həqiqətən, biz hazırlaşırdıq və bu gün ilk dəqiqədən bu cür qonaqpərvərliyi hiss edirik. Biz sanki öz evimizdəyik. Buna görə çox sağ olun. Əslində, Siz qeyd etdiyiniz kimi, bizim mütəmadi görüşlərimiz strateji tərəfdaşlığımıza tamamilə yeni məzmun gətirib. Son illər biz Sizinlə ikitərəfli münasibətlərimizdə böyük sıçrayış etmişik. Artıq Sizin dediyiniz kimi, bizim komandalar da başqa cür işləyir. Real nəticələr var və yəqin ki, bizim hər bir görüşümüz münasibətlərimizə, razılaşmalarımıza impuls verir. Düşünürəm ki, bizim ciddi nəzarət edəcəyimiz komandalarımız hər şeyi vaxtında yerinə yetirəcək. Siz artıq komandalarımızın intensiv görüşlərini qeyd etdiniz. Ötən ilin dekabrında bizim Baş nazirin mavini Xocayevlə görüşlər olub. Bu yaxınlarda mən Mikayıl Cabbarovu qəbul etmişəm. Biz çox uzun müddət danışdıq və bütün məsələləri müzakirə etdik. Bu, bizim münasibətlərimizin nəticəsidir ki, regionlar görüşür və belə işgüzar forumun keçirilməsi çox şeydən xəbər verir. Siz indi yeni layihələri qeyd etdiniz, sanki sadəcə görüşdük, amma buna çox ciddi hazırlaşırdıq. Layihələr 800 milyon dollar dəyərindədir. İlham Heydər oğlu, bu, onu göstərir ki, əslində, bizim nəhəng potensialımız var. Xüsusən regionların forumunu və biznes şurasının toplantısını qeyd etmək istəyirəm. Bu tədbirlərdə çoxlu sahibkar iştirak etdi. Mən qardaşlaşmış şəhərlərin - Daşkənd, Səmərqənd, Buxara, Xivə, Kokandın rəhbərləri ilə danışmışam. Onlara dedim: biz görüşdük, sabah isə qardaşım İlham Heydər oğlu ilə görüşəcəyəm və onunla bunları danışacağıq. Onlar dedilər: Əmin ola bilərsiniz ki, müzakirə etdiyimiz bütün məsələlər yerinə yetiriləcək və həll olunacaq. Tezliklə avtomobil istehsalı üzrə ciddi nəticələr olacaq. Bu, martda istehsalına başlanılacaq 3 min və sentyabrda buraxılacaq 7 min yeni marka avtomobillərdir. Bu, tamamilə başqa markadır, ayrı keyfiyyətdir. İkincisi, biz pambıq klasteri haqqında razılığa gəlmişik. Bizim hər iki komandamız artıq razılaşıb. Bunun üçün torpaq sahələri ayrılıb. Düşünürəm ki, biz burada danışdığımız nəticələri əldə edə bilərik. Bizdə ipəkçilikdə çoxlu problemlər var idi, lakin fikirləşirəm ki, onlar çox yaxşı həll olunur. Bizim ipəkçilik müəssisələrinin rəhbərləri mənə məruzə edirlər ki, onlar öz evlərində işləyirlər, deyirlər bizim üçün evdə bütün şərait yaradılıb. Biz məruzə etmişik ki, maşınqayırmada, həmçinin bütün məsələlər, preferensiyalar, parlament səviyyəsində həll olunur. Bu artıq onu göstərir ki, perspektivdə bizim bu sahələrdə də çoxlu birgə layihələrimiz olacaq. Neft-qaz sahəsində SOCAR-la böyük layihə hazırlayırıq. Artıq layihənin texniki-iqtisadi əsaslandırması hazırlanır və düşünürəm ki, bu proses tədricən inkişaf etdiriləcək. Düşünürəm ki, bizim bugünkü görüşümüz, Qoşulmama Hərəkatında iştirakımız faydalı olacaq. Xüsusi olaraq qeyd etmək istəyirəm ki, Azərbaycanın, şəxsən Sizin uğurlu sədrliyiniz ilə bu təşkilatın nüfuzu artıb. Birləşmiş Millətlər Təşkilatının vaksinlə bağlı xüsusi qətnaməsi qəbul edildi, Hərəkatın parlament və gənclər strukturları yaradıldı. Fikrimcə, bu, Qoşulmama Hərəkatında Azərbaycanın tarixi sədrliyidir. Bütün dövlətlər həmin qətiyyəti, səyləri gördülər. Hazırkı mürəkkəb şəraitdə bu Hərəkatın səviyyəsini yalnız Azərbaycan qaldıra bilər. Mən bu münasibətlə Sizi təbrik etmək istəyirəm. Bir daha Sizinlə görüşümüzə şadam. Düşünürəm ki, bizim fikir mübadiləsi aparmaq, komandalarımızı dinləmək üçün yaxşı imkanımız var. Prezident İlham Əliyev: Sağ olun. x x x Görüşdə ölkələrimiz arasında humanitar sahədə əməkdaşlıq məsələləri müzakirə olundu. Şavkat Mirziyoyev Azərbaycan xalqının Ümummilli Lideri Heydər Əliyevin anadan olmasının bu il 100 illiyinin qeyd edildiyini vurğuladı, bu xüsusda Özbəkistanda da tədbirlərin keçiriləcəyini bildirdi. *** 20:46 Azərbaycan Respublikasının Prezidenti İlham Əliyev martın 1-də Özbəkistan Respublikasının Prezidenti Şavkat Mirziyoyev ilə görüşüb. Sozcu.az-ın xəbərinə görə, bu barədə Azərbaycan Respublikasının Prezidentinin Mətbuat xidməti məlumat yayıb.

"Mən mübaliğə etmirəm və qorxu yaymağa da cəhd etmirəm. Bu, yalnız xəbərdarlıqdır..." Türkiyədə yeni dağıdıcı zəlzələnin tarixi açıqlanıb... Türkiyədə fevral ayında baş vermiş zəlzələni proqnozlaşdıran Niderlanddan olan seysmoloq Frank Huqerbits yeni xəbərdarlıqla çıxış edib.  Onun fikrincə, mümkündür ki, martın 3-dən 7-dək güclü yeraltı təkanlar baş versin. Təkanların maqnitudu 7 və ya 8 baldan çox olacaq. Sozcu.az xəbər verir ki, bu barədə SSGEOS (Solar System Geometry Survey) elmi institut tərəfindən yayılan videoda deyilir. Məlumatı "Komsomolskaya pravda" nəşri yayıb. "Mən mübaliğə etmirəm. Mən qorxu yaymağa cəhd etmirəm. Bu, yalnız xəbərdarlıqdır", - alim bəyan edib. O, qeyd edib ki, zəlzələlər bu tarixlərdə təkcə Türkiyədə deyil, planetin 12 regionunu əhatə edəcək. Risk zonasında Yunanıstan, İndoneziya, Pakistan, Portuqaliya, Şimali Amerikanın bir hissəsi, Filippin, Yaponiya və Kamçatka olacaq. Mümkün zəlzələ barəsində təkcə Huqerbits deyil, başqa alimlər də xəbərdarlıq edir. Onların fikrincə, zəlzələ Türkiyənin şimal-qərbində İstanbul rayonunda baş verə bilər, Avropanın "Avroaktiv" internet nəşri yazıb. Qəzet  xatırladır ki, İstanbul ölkənin ən böyük şəhəridir və əhalisi 16 milyon nəfər təşkiı edir. Bu şəhər bütün ölkə boyunca keçən qırılmalar ətrafının üzərində dayanıb. Nəşrin sorğu etdiyi ekspertlər hakimiyyətin diqqətini meqapolisin təbii fəlakətə hazırlığa yönəltməyə çağırış edib. Hələ 2006-cı ildə o zaman İstanbul Texniki Universitetində Avrasiya Yer haqqında elmlər İnstitutunun direktoru olmuş professor Okan Tuysuz İstanbulda dağıdıcı zəlzələnin qaçılmaz olduğunu deyib. "Biz maqnitudu bilirik. Biz yeri də bilirik. Biz yalnız bunun nə zaman baş verəcəyini bilmirik. Lakin 65 faiz ehtimalla İstanbulda 2030-cu ilədək 7, 6 bal maqnitudlu zəlzələdən zərər çəkəcək. Bu isə böyük ehtimal deməkdir", - o, "The Guardian" qəzetinə deyib. Xəbər verildiyi kimi,l fevralın 6-da Türkiyənin cənub-şərqində Qəhrəmanmaraş əyalətində Suriya sərhəddi yaxınlığında 7, 8 və 7, 6 maqnitudlu güclü zəlzələ baş verib. Bundan sonra mindən çox afterşok qeydə alınıb. Son məlumatlara görə, iki ölkədə qurbanların sayı 51 mini ötüb.

İstanbulda 7,5 bal gücündə zəlzələ zamanı 4,5 milyona yaxın vətəndaşın müvəqqəti mənzilə ehtiyacı ola bilər. Sozcu.az "RIA Novosti"yə istinadla xəbər verir ki, bunu şəhərin meri Əkrəm İmamoğlu bildirib. Meriyanın zəlzələyə hazırlıqla bağlı planlarının təqdimatında İmamoğlu bildirib ki, bu, qaçılmazdır, lakin təbii fəlakətin baş vermə tarixini dəqiq proqnozlaşdırmaq mümkün deyil: “Şəhərdə 7,5 bal gücündə zəlzələ baş verərsə, 260 minə yaxın bina zərər görəcək. 4,5 milyon vətəndaşa müvəqqəti mənzil lazım olacaq”. Ə. İmamoğlunun sözlərinə görə, fevralın 6-da baş verən zəlzələlərdən sonra 110 mindən çox insan evlərinin zəlzələyə davamlılığını yoxlamaq xahişi ilə bələdiyyəyə müraciət edib.

Rusiya 1945-ci ildən - İkinci Dünya müharibəsindən bəri ən böyük itkilərini Ukraynadakı müharibədə verib.  Sozcu.az “RBK Ukraina”ya istinadən bildirir ki, bu barədə ABŞ-ın Strateji və Beynəlxalq Araşdırmalar Mərkəzi məlumat yayıb.  Bildirilib ki, Rusiyanın Ukraynadakı itkiləri təxminən 200-250 mindir: “Buraya Rusiya Silahlı Qüvvələrinin hərbçiləri ilə yanaşı, “Vaqner” muzdlu hərbi təşkilatının nümayəndələri, qondarma DNR və LNR silahlıları, həmçinin digər qruplaşmalar daxildir”.  Analitiklərin fikrincə, Rusiyanın Ukraynadakı itkiləri əvvəlki münaqişələrdəki, o cümlədən Əfqanıstan, Çeçenistan müharibələrindəki itkilərdən dəfələrlə çoxdur.  Mərkəzin hesabatında bildirilib ki, Kreml Ukraynaya qarşı müharibə ilə bağlı yanlış hesablamalar aparmışdı: “Rusiyada elə bilirdilər ki, ukraynalılar Ukraynadakı mövcud hakimiyyəti və Prezidenti Volodimir Zelenskini dəstəkləməyəcəklər. Ukraynanın uğuru həm də texnika, xüsusilə PUA-larla bağlıdır”. 

“Rusiya Ukraynada hərbi əməliyyatları gücləndirməyə hazırlaşır. Hazırda Baxmuta yeni hücum davam edir, Rusiya hərbçiləri bu istiqamətdə çoxlu güc və vəsait sərf edirlər”. Bu sözləri NATO Baş katibi Yens Stoltenberq Litvanın LRT telekanalına müsahibəsində deyib. “Rusiya Ukraynanın müdafiə xəttinə Birinci Dünya müharibəsindən bəri görmədiyimiz sayda qoşun yığır”, - deyə baş katib bildirib. Stoltenberqin sözlərinə görə, Moskva daim daha böyük müharibəyə və yeni hücum əməliyyatlarına hazırlaşır. Məhz bu məqsədlə ordu səfərbər olunur, silahlar alınır və istehsal olunur. “Rusiya Federasiyası digər avtoritar rejimlərlə - İran və Şimali Koreya ilə əlaqələri gücləndirir, Belarus isə artıq uzun müddətdir ki, Rusiyanın Ukraynaya qarşı təcavüzü üçün platformaya çevrilib”, - deyə o əlavə edib. Mənbə: Focus.ua  

Ordubad rayon Qoşadizə kəndində oğurluq hadisəsi baş verib. Ordubad RPŞ-i tərəfindən aparılan təxirəsalınmaz tədbirlər nəticəsində oğurluğu törədən Səməd Babayev müəyyənləşdirilərək saxlanılıb. Oğurladığı pul əskinasları maddi sübut kimi götürülüb. Şəxs barədə Azərbaycan Respublikası CM-nin 177.1-ci maddəsi ilə cinayət işi başlanılıb.

Azərbaycan mədəniyyət nazirinə yeni müavin təyin edilib. Sozcu.az xəbər verir ki, bu barədə Prezident İlham Əliyev sərəncam imzalayıb. Sərəncama əsasən, Murad Fərid oğlu Hüseynov mədəniyyət nazirinin müavini təyin edilib.

Bloqer Səbuhi Xanlarov həbs olunub. Səbuhi Xanlarov İnzibati Xətalar Məcəlləsinin 510-cu (xırda xuliqanlıq) maddəsi ilə ittiham olunub. Məlumata görə, blogger barəsində 15 günlük inzibati həbs qərarı verilib. Qeyd edək ki, bir neçə gün öncə Xətai Rayon Polis İdarəsi tərəfindən saxlanılan S.Xanlarov sərbəst buraxılmışdı.

Xəbər verdiyimiz kimi, “Yaşıl Ada” uşaq bağçasının sahibi Oktay Abutalıbov bağçanın ətrafındakı ağacları kəsdirib. Sozcu.az unikal-a istinadla bildirir ki, Oktay Abutalıbov Bakı Şəhər İcra Hakimiyyətinin keçmiş başçısı, Baş Nazirinin sabiq müavini Hacıbala Abutalıbovun qardaşı oğludur.

Fevralın 28-də Tehranın Pərdis bölgəsində yerləşən "Xəyyam" qız məktəbində daha 37 şagird zəhərləndikləri üçün xəstəxanaya yerləşdiriliblər. Sozcu.az xəbər verir ki, bu barədə Pərdisin İcra Hakimiyyətinin başçısı Rza Kərimi Saleh açıqlama verib. O, zəhərlənmə hadisəsinin şübhəli olduğunu və polis tərəfindən araşdırıldığını deyib. Qeyd edək ki, bu, son bir neçə həftə ərzində İranın bir neçə şəhərində baş verən və yüzlərlə şagirdin zəhərlənməsi ilə nəticələnən hadisələrdən biridir.

“Bakıda və Abşeron yarımadasında dumanlı hava şəraiti martın 2-si səhərədək fasilələrlə müşahidə olunacaq”. Ekologiya və Təbii Sərvətlər Nazirliyinin Hidrometeoroloji Proqnozlar Bürosunun direktoru Gülşad Məmmədova bildirib ki, dumanlı hava şəraitinə səbəb Xəzər dənizindən cənub-şərq axınları ilə rütubətli hava kütlələrinin quruya doğru hərəkət etməsidir: “Belə ki, yüksək təzyiq sahəsində yer səthində gündüz saatlarında havanın temperaturunun yüksək olması nəticəsində atmosferin aşağı qatlarında olan isti hava axını yuxarıya doğru hərəkət edir. Gecə saatlarında da temperaturun nisbətən aşağı olması, yer səthində və yuxarı hündürlüklərdə az sürətli cənub-şərq küləklərinin üstünlüyü dumanın əmələ gəlməsinə səbəb olub”. G.Məmmədova qeyd edib ki, Bakı, Maştağa, Binə, Neft Daşları, Pirallahı, Çilov adası, Şabran, Zərdab, Kürdəmir, İmişli, Sabirabad, Cəfərxan, Salyan, Hacıqabul, Neftçala, Biləsuvar, Lənkəran, Astarada dumanlı hava şəraiti müşahidə olunub, görünüş məsafəsi 50-500 metrədək məhdudlaşıb: “Müqayisə üçün bildirək ki, fevralda dumanlı günlər Abşeron yarımadasında 2012, 2013, 2014 , 2015, 2016, 2018, 2019, 2020, 2021, 2022-ci illərdə qeydə alınıb. Lakin bu il fevral ayında Bakı şəhəri və onun ətrafında, əvvəlki illərdən fərqli olaraq 3 gün ərzində davamlı qatı duman müşahidə edilir”.

Litva Rusiya ilə sərhəd yaxınlığında əcnəbilər üçün qeydiyyat mərkəzini bağlayıb. Sozcu.az xəbər verir ki, bu barədə TASS məlumat yayıb. Bildirilib ki, Kibartay şəhərindəki mərkəzin fəaliyyəti dayandırılandan sonra oradakı miqrantlar Pabrade şəhərindəki digər mərkəzə köçürüləcək. Kibartaydakı mərkəzdə yaşayan qeyri-qanuni mühacirlərə Litva ərazisini tərk etməyərək, 24 saat ərzində mərkəzdən çıxmaq üçün vaxt verilmişdi. “Onlar, çox güman ki, qanunsuz olaraq Litva sərhədini keçiblər, çünki əvvəldən onların məqsədi Qərbi Avropa ölkələrinə keçmək olub”, - xəbərdə deyilir.

Yunanıstanda bu gün baş vermiş qatar qəzası səbəbi ilə üç günlük matəm elan edilib. Sozcu.az xəbər verir ki, bu barədə yerli “ERT News” xəbər agentliyi məlumat yayıb. Qeyd edək ki, bu gün Yunanıstanda baş vermiş qəza zamanı yük və sərnişin qatarı toqquşub. Qəza zamanı sərnişin qatarında 346 nəfər olub və son məlumatlara əsasən 36 nəfər ölüb, 85 nəfər yaralanıb.

Əsas problemimiz odur ki, Ermənistan və Azərbaycan Qarabağla bağlı konsensusa malikdir. Azərbaycanın dərc etdiyi beş prinsip və Ermənistanın əlavələri göstərir ki, sülh müqaviləsinin bağlanması Bakı üçün danışıqların uğurla başa çatması deməkdir. Sozcu.az xəbər verir ki, bunu erməni deputat Tiqran Abramyan deyib. “Çünki danışıqların aparıldığı və açıq şəkildə deyilənlərin heç biri Ermənistanın maraqlarını əks etdirmir. Öz müqəddəratını təyinetmə hüququ danışıqlardan çıxarılıb. Bu, artıq onu göstərir ki, ermənilərin heç bir müsbət gözləntiləri ola bilməz və Qarabağın Azərbaycanın nəzarətinə keçməsi İrəvan hakimiyyətini xüsusi qıcıqlandırmır”, - o bildirib. Abramyan qeyd edib ki, danışıq sırf Azərbaycanın ərazi bütövlüyü çərçivəsində müzakirə olunur: “Amma Rusiya da bu prosesdən kənarda qalmayıb. Bölgəmizdəki proseslərə nəzarəti ələ keçirməklə bağlı Qərblə Rusiya arasında dərin qarşıdurma var. Rusiya iştirakını təmin edir, lakin 4-6 aydan sonra nə olacağını demək çətindir”.

Almaniyanın Detmol Şəhər Məhkəməsi adam öldürməkdə təqsirləndirilən azərbaycanlı Elçin Ağayevlə bağlı yekun qərarını verib. E.Ağayev məhkəmənin hökmü ilə ömürlük həbs cəzasına məhkum edilib. Yekun qərardan əvvəl son dəfə E.Ağayevin birlikdə yaşadığı Ukrayna vətəndaşı Olqa adlı qadın “Skype” vasitəsi ilə məhkəmə prosesinə qoşulub. Xatırladaq ki, qətl hadisəsi ötən il iyunun 18-də Almaniyanın Şimali Reyn-Vestfaliya əyalətinin Kalettal şəhərində baş verib. Belə ki, azərbaycanlı E.Ağayev 39 yaşlı Andrey F.Rintelneri qısqanclıq zəminində balta ilə qətlə yetirməkdə şübhəli bilinir. Daha sonra o, Almaniya-Polşa sərhədinə yaxın qəsəbədə polisin keçirdiyi xüsusi əməliyyat zamanı saxlanılıb. Bu il yanvarın 8-də Detmol Şəhər Məhkəməsində keçirilən hazırlıq iclasında E.Ağayev cinayəti qısqanclıq zəmində törətdiyini etiraf edib.

Təxminən iki il əvvəl Türkiyənin Milliyətçi Hərəkat Partiyasının (MHP) sədri Dövlət Baxçalının Şuşada məktəb açımaq istədiyi haqqında məlumat yayıldı. Bu məlumat MHP-i sədrinin “Twitter” üzərindən yaydığı bir açıqlamaya əsaslanırdı. Həmin açıqlamada Dövlət Baxaçılı belə yazmışdı: “Prezidentimiz Rəcəb Tayyib Ərdoğanın icazəsi varsa və Azərbaycan Prezidenti cənab İlham Əliyev bunu məqsədəuyğun hesab edərsə, Şuşada şəxsən mənim göstərişimlə doqquz fənn üzrə ibtidai məktəb inşa etmək bizim məqsədimizdir”. Bu məlumat yayıldıqdan sonra bunun əleyhinə çıxaraq Azərbaycanda heç bir xarici siyasi qüvvənin və dini cəryanın orta məktəb açmasının yol verilməz olduğunu bildirmiş, bu səbəbdən də Türkiyənin Milliyətçi Hərəkat Partiyasına bağlı “Ülkü Ocaqları Təhsil və Mədəniyyət Vəqfi”nin Şuşada məktəb açmasına icazə verililməsinə də qarşı çıxmışdım.  Bu müzakirələrin getdiyi bir zamanda sosial şəbəkələrin Azərbaycan seqmentində belə bir fikir yayıldı ki, Dövlət Baxçalıya Şuşada məktəb tikməsinə icazə verilməyib. O zaman iştirak etdiyim bütün müzakirə və yayımlarda bu qərarı dəstəklədim. Dostlarımızın bəziləri buna görə məni qınadı, bəziləri isə incidi.  Türkiyənin böyük bir ərazisində milyonlarla insan üçün faciəyə çevrilən zəlzələnin baş verdiyi gündən Dövlət Baxçalının mövqeyi mənim iki il əvvəlki mövqeyimin nə qədər doğru olduğunu göstərir. Zəlzələ bölgəsində zərərçəkənlərin fəryadlarını dinləmək, istəklərinə qarşı həsas olmalı olan 75 yaşlı bir siyasi lider insanları təhdid edir: “Sayın Cumhurbaşkanımızın ve diğer yetkililerin ziyaretlerini sabote etmeye hakkınız yok. Sessizlik olacak”. Belə bir düşüncə sahibinin Azərbaycanın mədəniyyət paytaxtında məktəb açmasından absurd heç nə ola bilməzdi. Xəqani Cəfərli, politoloq  Sozcu.az

"Ukrayna uşaqları və böyüklərinin deportasiya edilməsi cinayətlərinə xüsusi diqqət yetirilir..." "Ukrayna Silahlı Qüvvələri torpaqlarımızın işğaldan azad ediməsinə hazırlaşır..." Beynəlxalq Cinayət Məhkəməsinin köməyilə işğalçıları Ukraynada törətdiyi hərbi cinayətlərə görə məsuliyyətə cəlb etmək mümkün olacaq Ukrayna Beynəlxalq Cinayət Məhkəməsinin (BCM) Ukrayna ofisinin açılışına hazırlaşır. Sozcu.az xəbər verir ki, bu barədə Ukrayna prezidenti Vladimir Zelenski növbəti videomüraciətində deyib. "Bu gün müxtəlif formatlarda, bu və ya digər dərəcədə biz Ukrayna və ukraynalılar üçün ədalət naminə işləmişik. Beynəlxalq Cinayət Məhkəməsinin prokuroru Kərim Xan ölkəmizdə səfərdədir. Bu təsisat və şəxsiyyət, heç şübhəsiz, rusiyalı cinayətkarların məsuliyyətə cəlb edilməsində tarixi rol oynayır", - Ukrayna lideri deyib. Zelenski əmindir ki, Ukrayna xalqına qarşı "Rusiyanın soyqırım siyasətinin" onu düşünən, təsdiq edən və gerçəkləşdirənlərin hamısı üçün mütləq qaçılmaz hüquqi nəticələri olacaq. "Mən vurğulamaq istəyirəm: söhbət təkcə icraçılardan deyil, terrorçu dövlətin ali siyasi və hərbi rəhbərliyindən gedir. Bu gün biz bu barədə Kərim Xanla Kiyevdə görüşümüz zamanı danışmışıq", - o, vurğulayıb. Ukrayna prezidenti deyib ki, işğalçıların hüquqi məsuliyyətə cəlb edilməsi "mürəkkəb iş" olacaq. Buna baxmayaraq o, əmindir ki, Ukrayna məhz hüququn aliliyi müstəvisində və məhz beynəlxalq məhkəmənin gücü ilə Rusiyanın cinayətlərinə cavabı təmin edə biləcək. Zelenski əmindir ki, bu, həm ukraynalılar, həm də digər xalqlar üçün gələcək uzunmüddətli təhlükəsizlik zəmanətlərindən biri olacaq. "Beynəlxalq Cinayət Məhkəməsinin Ukrayna ofisinin açılışı yaxınlaşır. Ukrayna Beynəlxalq Cinayət Məhkəməsi və Baş Prokurorunun Ofisi ilə artıq səmərəli əməkdaşlıq edir", - Ukrayna lideri bəyan edib. Zelenski əlavə edib ki, rusiyalıların Ukrayna uşaqları və böyüklərinin deportasiya edilməsi kimi cinayətlərinə xüsusi diqqət yetirilir. "Rusiyanın bütün bu soyqırım sistemini-vintciklərindən arxitektorlarınadək demontaj edəcəyik və qanuni hökmlərədək gedib çıxacağıq", - o, vurğulayıb. Zelenski İqtisadi Əməkdaşlıq və İnkişaf Təşkilatına (İƏİK) Rusiya aktivlərinin Ukraynaya dəymiş ziyanın kompensasiyasına yönəldilməsi üzrə işə qoşulmağı təklif edib "Bu gün İqtisadi Əməkdaşlıq və İnkişaf Təşkilatının baş katibi Matias Korman ilə görüşmüşəm. Bu, dünyanın qabaqcıl ölkələrini birləşdirən ən güclü qlobal təşkilatlardan biridir. O ölkələrin ki, orada insanlar həqiqətən yaşamaq istəyir", - Ukrayna lideri deyib. Onun sözlərinə görə, "bizim məqsədimiz Ukraynanın bu təşkilata tam hüquqlu üzvü kimi qoşulması, habelə İƏİT-nin təcrübəsindən dövlətimizin modernləşdirilməsində istifadə etməkdir". "Bu gün o cümlədən ukraynalılar üçün şəffaf, sadə, biznesin stimullaşdırılması ilə iqtisadi inkişaf və sosial ədalət arasında balansı saxlayan ədalətli vergi sistemi barədə danışmışıq", - prezident qeyd edib. Məlumat verilir ki, Zelenski Kormanla görüşü zamanı İƏİT-yə Rusiya aktivlərinin Rusiya təcavüzünün vurduğu ziyanın kompensasiya edilməsinə yönələn işə qoşulmağı təklif edib. "Ukrayna Silahlı Qüvvələri fəal surətdə torpaqların işğaldan azad edilməsinə hazırlaşır" Zelenski Ali Baş Komandanın stavkasının geniş tərkibdə iclasından danışıb. O, deyib ki, ən ağır döyüşlər əvvəlkitək Donetsk vilayətinin Baxmut rayonunda gedir. "Bu günkü iclasda cəbhə istiqamətlərinin hər birindəki vəziyyət müzakirə edilib, biz bunun təfərrüatları ilə məşğuluq", - prezident deyib. O, əlavə edib ki, Baxmut ətrafında gedən döyüşlər şəhərin müdafiəsi üçün çox əhəmiyyətlidir. "Rusiya insanları ümumiyyətlə hesaba almayaraq onları daima mövqelərimizin hücumuna göndərir. Mən bir misal deyim. Biz stavkanın iclaslarını həftədə iki dəfə keçiririk. Sonuncu iclas cümə axşamı olub. Bu gün Quru Qoşunlarının komandanı general Sırski məruzə edib ki, sonunci iclasdan keçən müddət ərzində onun istiqamətində düşmənin 800 nəfər canlı qüvvəsi məhv edilib", - Zelenski qeyd edib. Prezident təsdiq edib ki, Ukrayna Silahlı Qüvvələri əkshücuma hazırlaşır. "Döyüşçülərimizi torpaqlarımızın azad edilməsi naminə aktiv əməliyyatlara qayıtmağa hazırlaşırıq. Bizim ədalətli məqsədimiz yadımızdadır və hər gün onun gerçəkləşməsinə yaxınlaşırıq. Ukrayna azad olacaq. Bütün Ukrayna azadlığa qovuşacaq", - Zelencki əminliyini ifadə edib.

Rusiyanın Ukraynaya genişmiqyaslı işğalının 371-ci günü başladı... Rusiya müvəqqəti işğal olunmuş Krımdan müəyyən kateqoriya vətəndaşları təxliyə edirlər. Son zamanlar Perevalnoyedə yerləşən Rusiya işğalçı qüvvələrinin hərbçiləri ailələrini Rusiya Federasiyasına göndərirlər. Sozcu.az "TSN"-ə istinadla xəbər verir ki, bu barədə Ukrayna Silahlı Qüvvələrinin Baş Qərargahının mətbuat xidməti martın 1-də səhər saatlarında məlumat yayıb. Kupyanski, Limanski, Baxmutski, Avdeyevski və Şaxtyorski istiqamətlərində son sutka ərzində ukraynalı müdafiəçilər düşmənin 85-dən çox hücumunu dəf ediblər. Ötən sutka ərzində Rusiya işğalçıları "Şahed-136" PUA-dan istifadə etməklə 2 raket və 12 hava zərbəsi endirib. Həmçinin, düşmən çoxsaylı yaylım atəşli raket sistemlərindən 68 hücum həyata keçirib. Mülki əhali arasında yaralananlar var.`