Ermənistanın Baş naziri Nikol Paşinyan ölkənin dini mərkəzi sayılan Üçmüədzində mitinq planlaşdırır. Sozcu.az-ın məlumatına görə, Paşinyan özü sosial şəbəkələrdə verdiyi açıqlamada bu prosesə işarə edib. Mitinqin iyulun 22-də bütün ermənilərin katolikosu II Qareginin iqamətgahının qarşısında keçirilməsi gözlənilir. Müşahidəçilərin məlumatına görə, Paşinyanın bu təşəbbüsünün əsas məqsədi II Qaregini Üçmüədzindəki rəsmi iqamətgahından uzaqlaşdırmaqdır. “Biz bunu birlikdə edəcəyik. Hazır olun”, – deyə Paşinyan çağırış edib. Müxalifət və kilsə rəsmiləri mitinqi təxribat, həmçinin hücum kimi qiymətləndirib. Yerli mətbuatın məlumatına əsasən, mitinqdə xüsusi təyinatlı qüvvələrin mülki geyimdə iştirakı, eyni zamanda “Yerkrapa” könüllü dəstələrinin cəlb olunacağı gözlənilir. Paşinyan mitinq iştirakçılarının sayının 10 minə çatdırılmasını tapşırıb. Bəzi erməni analitiklərin fikrincə, Paşinyan yaxın günlərdə kilsə rəhbərliyinə qarşı “korrupsiya” və digər ittihamlarla bağlı “kompromatları” mediaya sızdırmağı planlaşdırır. Qeyd edək ki, Paşinyan bir müddət əvvəl kilsə rəsmilərinin subaylıq andını pozduğunu bildirib. Bu səbəbdən tərəflər arasında qarşıdurma şiddətlənib.modern)

Hərbi cinayətlər törətməkdə təqsirləndirilən erməniəsilli şəxslərin cinayət işi üzrə məhkəmənin baxış iclası keçirilir. Sozcu.az xəbər verir ki, proses Bakı Məhkəmə Kompleksində Bakı Hərbi Məhkəməsinin hakimi Zeynal Ağayevin sədrliyi ilə baş tutur. Xatırladaq ki, ötən prosesdə zərərçəkmiş şəxslər ifadə verib. Qeyd edək ki, onlar Ermənistan dövləti və onun silahlı qüvvələri, o cümlədən Ermənistan tərəfindən Azərbaycanın işğal olunmuş ərazilərində yaradılmış qondarma Dağlıq Qarabağ respublikası və onun qanunsuz silahlı birləşmələri tərəfindən Azərbaycana və xalqına qarşı sülh və insanlıq əleyhinə cinayətlər, müharibə cinayətləri, o cümlədən təcavüzkar müharibə aparma, soyqırımı, əhalini məcburi köçürmə, təqib, işgəncə, hərbi soyğunçuluq və digər qanunsuz əməllərdə təqsirləndirilirlər. Xatırladaq ki, Ermənistan Respublikası və onun silahlı qüvvələri, o cümlədən Ermənistanın yaratdığı qanunsuz “Dağlıq Qarabağ respublikası” və onun qanunsuz silahlı birləşmələr tərəfindən törədilən cinayətlərdə ittiham olunan 15 nəfər - Harutyunyan Arayik Vladimiri, Qukasyan Arkadi Arşaviri, Sahakyan Bako Sahaki, İşxanyan Davit Rubeni, Manukyan David Azatini, Babayan Davit Klimi, Mnatsakanyan Levon Henrikoviç, Beglaryan Vasili İvani, Qazaryan Erik Roberti, Allahverdiyan Davit Nelsoni, Stepanyan Qurgen Homeri, Balayan Levon Romiki, Babayan Madat Arakeloviç, Martirosyan Qarik Qriqori, Paşayan Melikset Vladimiriyə qarşı Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, hazırlama, başlama və aparma), 102 (beynəlxalq müdafiədən istifadə edən şəxslərə və ya təşkilatlara hücum etmə), 103 (soyqırımı), 105 (əhalini məhvetmə), 106 (köləlik), 107 (əhalini deportasiya etmə və ya məcburi köçürmə), 109 (təqib), 110 (insanları zorakılıqla yoxa çıxarma), 112 (beynəlxalq hüquq normalarına zidd azadlıqdan məhrumetmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 118 (hərbi soyğunçuluq), 120 (qəsdən adam öldürmə), 192 (qanunsuz sahibkarlıq), 214 (terrorçuluq), 214-1 (terrorçuluğu maliyyələşdirmə), 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 277 (dövlət xadiminin və ya ictimai xadimin həyatına sui-qəsd etmə), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279-cu (qanunvericiliklə nəzərdə tutulmayan silahlı birləşmələri və qrupları yaratma) və digər maddələri ilə ittiham olunurlar.

Leysan yağışları səbəbindən Moskva küçələrini su basıb. Sozcu.az xəbər verir ki, “Fobos” hava mərkəzi son sutka ərzində Moskvaya aylıq normanın 25 faizi qədər yağış yağdığını açıqlayıb. Moskva Nəqliyyat Departamenti pis hava şəraiti səbəbindən yerüstü nəqliyyatda gecikmələrin mümkün olduğunu bildirib.

Xəzər dənizinin səviyyəsi bütün müşahidə dövrü ərzində ən aşağı həddə enib. Sozcu.az Oxu.az-a istinadən xəbər verir ki, bu barədə Ümumrusiya Elmi-Tədqiqat Balıqçılıq və Okeanoqrafiya İstitutunun Volqa-Xəzər bölməsi məlumat yayıb. Dəniz səviyyəsinin enməsi xüsusən ən dayaz şimal hissədə, Rusiya və Qazaxıstan akvatoriyasında özünü göstərir. Məlumatda qeyd olunur ki, Xəzər dənizinin səviyyəsi 1990-cı illərin ortalarından başlayaraq enməyə başlayıb. 2020-ci ildən bəri Xəzərin səviyyəsi, demək olar ki, 0.8 metr azalıb. "Azalma dənizdə əsas su mənbəyi olan Volqanın illik axınının zəifləməsi fonunda baş verib. Şirin su axınının azalması davam edir", - Okeanoqrafiya İnstitutunun məlumatında qeyd olunur.

Masallıda 20 yaşlı oğlan balıq tutmağa getdiyi kanalda boğularaq ölüb. Sozcu.az Report-a istinadla xəbər verir ki, 2005-ci il təvəllüdlü İbad Güloğlan oğlu Əliyev qardaşı Ramin Əliyevlə birlikdə balıq tutmaq üçün yaşadığı evdən təxminən 500 metr məsafədə yerləşən Şərəfə kanalına gedib. Balıq tutan zaman kanala düşüb və boğularaq ölüb. Onun meyiti qardaşı tərəfindən sudan çıxarılıb. Faktla bağlı Masallı rayon prokurorluğunda araşdırma aparılır.

Rusiyada iyulun 19-20-də uçuşların məhdudlaşdırılması səbəbindən 134 təyyarə alternativ aerodromlara yönləndirilib. Sozcu.az xəbər verir ki, bu barədə “Rosaviasiya” məlumat yayıb. Bildirilib ki, Şeremetyevoda 78, Vnukovoda 45, Domodedovoda 8, Jukovskidə 3 təyyarə alternativ limana göndərilib. Hazırda məhdudiyyət aradan qaldırılıb və aviaşirkətlər və hava limanları müntəzəm uçuş cədvəlinə qayıtmaq üçün gücləndirilmiş iş rejimində işləyirlər. Qeyd edək ki, Rusiya MN Moskva vilayətində bu gecə 19 PUA vurduğu haqda məlumat yayıb.

Yalnız bir neçə avtomobil modeli qiymət, keyfiyyət və funksionallıq balansına görə həqiqətən rəqiblərini üstələyir. "What Car?" nüfuzlu nəşrin ekspertləri 2025-ci ilin ən yaxşı on ailə avtomobilini müəyyən edib adlarını çəkərək, bu modellərin hamısının böyük ailəsi olan sürücülər və gündəlik səfərlər üçün uyğun olduğunu vurğulayıblar. Əsas diqqət çox yönlülük, rahatlıq və qənaətdir. Mütəxəssislərin fikrincə, geniş seçimə baxmayaraq, həqiqətən qiymət, keyfiyyət və praktiklik baxımından rəqabətdən yalnız bir neçə avtomobil fərqlənir.  Dominos pizza Reytinqin lideri Toyota Corolla olub. Ekspertlər bu avtomobili hətta standart versiyada etibarlılığı, sərfəli qiyməti, rahat asması və keyfiyyətli avadanlıqları ilə qeyd etdilər. Eyni zamanda, onlar zəif nöqtəni qeyd ediblər - ən əlverişli multimedia sistemi deyil. Siyahıdakı digər avtomobillər: SEAT Leon Skoda Octavia Skoda Scala Honda Civic Cupra Born Audi A3 Volkswagen ID.3 MG4 EV Ford Focus Bütün bu avtomobillər, ekspertlərin fikrincə, ailə sürücüsünün müasir tələblərinə cavab verir: geniş salon, yaxşı idarəetmə və yüksək yanacaq sərfiyyatı. 

Türkiyənin tanınmış bəstəkarı və ifaçısı Nazan Öncel yenidən xəstəxanaya yerləşdirilib. Sozcu.az xəbər verir ki, bu barədə onun mətbuat katibi Yağız Yılmaz məlumat yayıb. "May ayında iki dəfə stend taxılan sənətçimiz yenidən xəstəxanaya yerləşdirilib", - o bildirib. Sənətçinin durumu stabildir.

"Mançester Yunayted"in vingeri Markus Raşfordun "Barselona" ilə müqavilə imzalayacağı vaxt müəyyənləşib. Sozcu.az xəbər verir ki, bu barədə sport.es məlumat yayıb. Oyunçunun bu gün Kataloniyaya səfər edəcəyi gözlənilir. "Barselona"nın 27 yaşlı futbolçu ilə müqavilə imzaladığını isə sabah açıqlayacağı ehtimal olunur.  Daha əvvəl "Barselona"nın Reşfordu birdəfəlik satın alma maddəsi ilə icarəyə götürməklə bağlı danışıqlarda irəliləyiş əldə etdiyi vurğulamışdı. “Barselona”nın baş məşqçisi Hans-Diter Flik ingiltərəli oyunçunun uyğunlaşması və komanda yoldaşları ilə tanışlığının gecikməməsi üçün onun kluba mümkün qədər tez gəlməsini istəyir. Qeyd edək ki, Markus Raşford “Mançester Yunayted”in yetirməsidir. O, ötən mövsümün ikinci yarısını icarə əsasında “Aston Villa”da keçirib. 

Azərbaycan cəmiyyəti media ilə sıx işləyir. Sozcu.az xəbər verir ki, bunu Azərbaycan Prezidentinin köməkçisi – Prezident Administrasiyasının xarici siyasət məsələləri şöbəsinin müdiri Hikmət Hacıyev bu gün III Şuşa Qlobal Media Forumu çərçivəsində “İnnovativ Yanaşmalar: Rəqəmsal Erada Media Savadlılığı” panelində deyib. Hikmət Hacıyev bildirib ki ki, media savadlılığı daha da artırılmalıdır: “Media savadlılığının, o cümlədən sosial media savadlılığının xüsusilə uşaqlar və məktəblilər arasında artırılması çox vacibdir”.

Göygöldə avtomobil piyadanı vuraraq öldürüb. Sozcu.az xəbər verir ki, hadisə Göygöl rayon İdman Kompleksinin yaxınlığında baş verib. "Şevrolet" markalı avtomobil 1948-ci il təvəllüdlü Bəndər Əliyevi vuraraq öldürüb. Faktla bağlı araşdırma aparılır.

Fövqəladə Hallar Nazirliyinin (FHN) "112" qaynar telefon xəttinə Abşeron rayonunun Novxanı kəndində dənizdə 2 nəfərin batması barədə məlumat daxil olub. FHN-dən Sozcu.az-a verilən xəbərə görə, məlumatla əlaqədar qurumun Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunublar. Əlavə məlumat veriləcək.

Rusiya ilə Azərbaycan arasında hərbi eskalasiya ehtimalını yoxdur. Sozcu.az xəbər verir ki, bu barədə Rusiyanın “Nezıqar” Teleqram kanalı diplomatik mənbəyə istinadla məlumat yayıb. “Rusiyanın Qafqazda hərbi əməliyyatlar aparmaq üçün kifayət qədər resursu yoxdur. Hərbi güc balansı Rusiyanın xeyrinə deyil, Azərbaycanın NATO üzvü olan Türkiyə ilə hərbi yardım müqaviləsi var. Belarus və Qazaxıstan rəhbərliyinin Bakıya dəstəyi KTMT ölkələrinin iştirakını tamamilə istisna edir”, - məlumatda qeyd olunub. Mənbə bildirib ki, Rusiyanın son illər Cənubi Qafqazda mövqeləri zəifləyib, lakin bu il proseslər daha da sürətlənib: “Türkiyə və ABŞ Azərbaycan və Ermənistan arasında sülh müqaviləsi bağlamaq təşəbbüsünü ələ keçiriblər, İranın regionda təsiri kəskin şəkildə azalıb, Türkiyə “Qazprom”u regiondan sıxışdıracaq multiqaz qovşağı qurur. Türkiyə Abxaziyaya marağını artırır. Rusiya Cənubi Qafqazdan sıxışdırılır ki, bu da daxili gündəmə təsir edəcək. “Qafqaz məsələsi” yaxın onillikdə Rusiyanın əsas qaynar nöqtəsinə çevrilə bilər”.

İranın şimalında, Şərqi Azərbaycan əyalətində 5,2 bal gücündə zəlzələ baş verib. Sozcu.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Məlumata görə, zəlzələnin ocağı 7 km dərinlikdə yerləşib. Yeraltı təkanlar Tufarqan (Azərşəhr) şəhərindən 36 km cənub-qərbdə qeydə alınıb.

Vyetnamda Halonq körfəzində turist gəmisi qəzaya uğrayıb. Sozcu.az xəbər verir ki, bu barədə “VnExpress” portal məlumat yayıb. Qəza nəticəsində 18 turist ölüb, 12-si isə xilas edilib. Qeyd olunub ki, turist gəmisi Cənubi Halonq körfəzində əlverişsiz hava şəraiti səbəbindən batıb.

Tehran yeni yerlərdə nüvə obyektləri tikməyə qərar verərsə, onlar məhv ediləcək. Sozcu.az xəbər verir ki, bunu ABŞ Prezidenti Donald Tramp deyib. Tramp qeyd edib ki, İranın hər üç nüvə obyekti tamamilə məhv edilib.

Sumqayıt şəhərində ağır yol-nəqliyyat hadisəsi baş verib. Sozcu.az xəbər verir ki, “KİA” markalı minik avtomobili ilə “DAF” markalı yük avtomobili toqquşub. Qəza nəticəsində xəsarət alanların olduğu bildirilir. pizza Hadisənin səbəbi araşdırılır.

Məsləhətim Ukrayna vətəndaşlarına - heç vaxt işğalla barışmayın. Sozcu.az xəbər verir ki, bunu Azərbaycan Prezidenti İlham Əliyev III Şuşa Qlobal Media Forumunun iştirakçıları ilə görüşündə ukraynalı jurnalist Dmitri Qordonun sualını cavablandırarkən deyib. Qeyd edək ki, jurnalist Azərbaycan Prezidentindən müharibə şəraitində Ukrayna xalqına nə məsləhət verə biləcəyini soruşub. “Bu, bizim də etdiyimiz addım olub. Danışıqlar prosesi dövründə - mən 2003-cü ilin sonundan bu prosesin içində olmuşam - 17 il ərzində çoxsaylı təkliflər və görüşlər baş tutub. Bizə reallıqlarla barışmalı olduğumuz barədə saysız-hesabsız mesajlar verilib”, - deyə Prezident əlavə edib.

Təyyarə qəzası ilə bağlı təəssüf ki, Rusiya rəsmilərindən heç bir cavab ala bilməmişik. Hadisənin üzərindən 7 ay keçib. Bizim üçün hər şey aydındır. Nə baş verdiyini bilirik. Rusiya rəsmiləri də bilirlər. Təyyarə qəzası ilə bağlı bizim tələblərimiz var. Sozcu.az xəbər verir ki, bu sözləri Prezident İlham Əliyev III Şuşa Qlobal Media Forumunun iştirakçıları ilə görüşündə söyləyib. Dövlətimizin başçısı deyib ki, ilk növbədə Rusiya rəhbərliyi hadisəni etiraf etməlidir: "Təyyarəni vuranlar cəzalandırılmalı, qurbanların ailələrinə təzminat ödənilməlidir. AZAL-ın özünə də təzminat ödənilməlidir. Daha çox təfərrüat eşitmək istəyirsinizmi? Danışa bilərəm. Bizim pilotlar cəsarət və peşəkarlıq göstərdilər. Təyyarə qəza enişi etdi. Pilotların sayəsində sağ qalanlar oldu. Təyyarə kənardan vurulmuşdu. Təyyarənin Ukrayna dronu ilə toqquşması məlumatı gülüş doğururdu. Bu, uşaq bağçası səviyyəsində olan nağıldır. İki dəfə təyyarəyə hücum edilmişdi. Biz bilirik nə baş verib. Rusiyanın hava məkanı bağlanmamışdı. Hava məkanı təyyarə vurulandan sonra bağlanmışdı. 7 aydır ki, biz cavab ala bilmirik. Bizim Baş prokuror Rusiyanın tədqiqat komissiyasına məktub ünvanlayır. Cavab bu olur ki, tədqiqat davam edir. Biz gözləyirik. Bu o demək deyil ki, biz bunu unuda bilərik. Biz beynəlxalq ədliyyə sisteminə müraciət edəcəyik. Bilirik ki, bu uzun vaxt aparır. Malayziya təyyarəsi vurulandan sonra 10 il tədqiqat aparıldı. Biz inanırıq ki, bu məsələdə ədalət qalib gələcək".

Füzulidə qadın kanalda batıb. Sozcu.az xəbər verir ki, rayonun Mahmudlu kənd sakini 1977-ci il təvəllüdlü Leyla İbişovanın Baş Mil su kanalında batdığı bildirilir. Faktla bağlı araşdırma aparılır.

Prezident İlham Əliyev Azərbaycan Respublikasının ərazisində təyinatından asılı olmayaraq yerinə yetirilən bütün növ geodeziya, qravimetriya, topoqrafiya, kartoqrafiya və kadastr işlərində yeni koordinat sisteminin tətbiq edilməsi haqqında sərəncam imzalayıb. Sozcu.az sərəncamın mətnini təqdim edir: 1. Azərbaycan Respublikasının ərazisində təyinatından asılı olmayaraq yerinə yetirilən bütün növ geodeziya, qravimetriya, topoqrafiya, kartoqrafiya, kadastr işlərində UTM-ə (xəritə proyeksiyası) əsaslanan WGS-84 (beynəlxalq koordinat sistemi) tətbiq edilsin. 2. Digər geodeziya koordinat sistemləri ilə icrasına başlanılmış və tamamlanmamış layihələr üzrə yerinə yetirilən geodeziya, qravimetriya, topoqrafiya, kartoqrafiya və kadastr işləri başa çatanadək həmin koordinat sistemlərinin tətbiqi davam etdirilsin. 3. Azərbaycan Respublikasının Nazirlər Kabineti bu Sərəncamdan irəli gələn məsələləri həll etsin.

Xəbər verdiyimiz kimi, dünən günorta saatlarında Araz çayının Saatlı rayonundan keçən hissəsində Saatlı rayon sakini 2012-ci il təvəllüdlü Ramazanlı Kənan Xəqani oğlu boğularaq vəfat edib. Sozcu.az xəbər verir ki, 13 yaşlı Kənan “Araz Saatlı” futbol klubunun üzvü imiş. O, klubun U-14 komandasında qapıçı mövqeyində çıxış edirmiş. Xatırladaq ki, iyulun 17-də Bakıda da yeniyetmə futbolçu dənizdə çimərkən boğularaq ölüb. “Zirə” futbol klubunun akademiyasının U-16 komandasının üzvü Fərid Şahverdiyev Şüvəlan çimərliyində bədbəxt hadisə nəticəsində həyatını itirib.

Mingəçevirdə avtomobil 67 yaşlı süpürgəçi qadını vurub. Sozcu.az "Report"a istinadla, hadisə şəhər ərazisində qeydə alınıb. Belə ki, sürücü 2005-ci il təvəllüdlü V.Salmanov avtomobillə yolu süpürən 1958-ci il təvəllüdlü R.Ağayevanı vurduqdan sonra idarəetməni itirərək nəqliyyat vasitəsini aşırıb. Qəza nəticəsində qadın və sürücü müxtəlif bədən xəsarətləri alaraq xəstəxanaya yerləşdirilib. Faktla bağlı araşdırma aparılır.

İsrail druzlara yalan vədlər verərək addım-addım bölgəni işğal etməyə hazırlaşır. Sozcu.az Türkiyə mediasına istinadən xəbər verir ki, bunu Suriyadan olan tədqiqatçı Amar əl-İsavi deyib. “Bu işğala son qoyulmasa, İsrail Hatay, Hasəkə və Rakka sərhədində Türkiyəyə “qonşu” olacaq. Druzistan və İsrail Kürdüstanı qurmaqla.. Bunun qarşısı alınmalıdır. Biz burada türk təyyarələrini görmək istəyirik”, - tədqiqatçı əlavə edib. Qeyd edək ki, İsraillə Suriya arasında atəşkəslə bağlı razılaşmanın əldə olunması ilə bağlı məlumat yayılıb.