Martın 11-də Müsavat Partiyası Məclisinin növbəti sessiyası keçirilib. Toplantıda əvvəlcə qardaş Türkiyədə baş verən zəlzələdə həyatını itirən soydaşlarımızın xatirəsi bir dəqiqəlik sükutla yad edilib. Partiyanın başqanı Arif Hacılı geniş məruzə ilə çıxış edib. Başqan çıxışında ötən sessiyadan sonra partiyanın gördüyü işlər, qarşıda duran vəzifələr barədə ətraflı məlumat verib, siyasi məhbuslar məsələsinə toxunub. Arif Hacılı ölkədə və dünyada baş verən mühüm siyasi məsələlərin geniş təhlilini aparıb, hakimiyyətin vətəndaş cəmiyyəti və müxalif partiyalara qarşı çirkin siyasətini kəskin tənqid edib. O, Azərbaycanda və dünyada baş verən siyasi proseslərdən, bunun ölkə siyasətinə təsirindən danışıb. Partiya üzvlərinə müvafiq tapşırıqlar verilib. Sessiyada İsa Qəmbər, Gülağa Aslanlı, Zakir İsmayıl, Nemət Kərimlıi, Səxavət Soltanlı, Limunət Əmrahlı, Azər Əsgər, Başxanım Abbaslı, Razim Əmiraslanlı çıxış ediblər. Yığıncaqda Qubadlı və Salyan rayon təşkilatlarında keçirilən ümumi yığıncaqlar haqqında məlumat verilib, Əbdül Əbdülovun və Kərim Ağarzanın Məclis üzvü səlahiyyətləri təsdiqlənib Sonda cari məsələlər müzakirə olunub. Könül Alı Foto Mehman Kərimli Basta

Azərbaycanda suyun qiymətinin yenidən artırılması təklif olunur. Sozcu.az xəbər verir ki, rəsmi qurumlar suyun 1 000 kubmetrinin qiymətinin dövlətə 70-80 manata başa gəldiyini və rentabelli fəaliyyət göstərə bilmədiklərini əsas gətirərək, tariflərin bahalaşmasını məqbul sayırlar. Rəsmi qurumun bildirdiyinə görə, inkişaf etmiş və postsovet ölkələrinin heç birində bu tariflə su satılmır. Öncə bir hesab aparaq. Əgər rəsmi olaraq elan edilirsə ki, suyun 1 000 kubmetri 70-80 manata başa gəlir, onda bir kubmetr (ton) su üçün hökumət 8 qəpik xərc qoyur. Əhaliyə isə minimal olaraq 1 kubmetr su 70 qəpiyə satılır. Belə çıxır ki, 1 kubmetr su 10 dəfə bahasına satılır. Bəs onda içməli suyun qiymətinin yenidən qaldırılması məsələsi hansı meyarlara uyğundur? Təbii ki, bu təklif ictimaiyyətdə də birmənalı qarşılanmayıb. Ən azından, ona görə ki, su qıtlığı problem kimi qalır və bu məsələnin yaxın vaxtlarda çözüləcəyi belə, bəlli deyil. Yüksək xidmət olmadığı halda su tarifinin qiymətinin artması başadüşülən deyil… İqtisadçı və kommunal məsələlər üzrə ekspert Vüqar Oruc tariflərin biznes və qeyri-yaşayış obyektləri üçün bahalaşmasını məqbul sayır: “Əlbəttə ki, dövlət qurumları rentabelli fəaliyyət göstərməlidir. Əgər bir qurumun rəsmiləri bəyan edirlərsə ki, onların xərcləri və gəlirləri üst-üstə düşmür, dövlət büdcəsi və səhmdar cəmiyyət üçün borclar yaranırsa, bu, birmənalı şəkildə həll olunmalıdır. Burada hər hansı bir digər məqsəddən söhbət gedə bilməz. Bu məsələ yoluna qoyulmalıdır. Yəni “Azərsu” rentabelli işləməli və işin xidməti yüksəlməlidir. Bir müəssisə rentabelli işləyə bilmirsə, büdcəsində kəsirlər olursa, bu, onun xidmətinə də təsir göstərəcək. Qiymətlər bahalaşsa, təbii ki, əhalinin büdcəsinə ciddi təsir göstərəcək. Həmçinin aztəminatlı ailələr üçün çox ciddi problemlər meydana gələcək. Hazırkı durumda bu məsələnin həlli belədir. Necə ki gündəlik tələbat mallarına dövlət müdaxilə edir və onların qiymətinin artımına şərait yaratmır, dövlət büdcəsindən ayırmalar olur, eləcə də strateji mahiyyəti olan su təminatı da bu siyahıda yer almalıdır. Dövlət müvafiq ehtiyatları hesabına dotasiya ilə “Azərsu” ASC-nin büdcəsində olan kəsirləri və rentabellilik üçün lazım olan dəstəyi göstərməlidir. Bu zaman həm əhali ciddi problemlə üzləşməz, həm tariflər qalxmış olar, həm də qurumun fəaliyyətindəki rentabellik bərpa olunmuş olar”. Ekspertin sözlərinə görə, bir müddət əvvəl “Azərsu” ASC-nin fəaliyyəti tamamilə rentabelsiz idi: “Son illərdə qurumun fəaliyyətində dönüşlər var. Xidmətin yüksəlməsi yığımın normallaşmasına, o cümlədən fəaliyyətin sistemləşməsinə gətirib çıxarıb. Məhz bu səviyyəyə qədər inkişaf etmiş quruma dövlət ciddi dəstək göstərməlidir. Onsuz da, müəyyən sosial problemlərlə çarpışan aztəminatlı ailələrin və ümumilikdə əhalinin hesabına yox, dövlət dotasiyası ilə məsələni həll etmək mümkündür. Bilirsiniz ki, çox sayda biznes və qeyri-yaşayış obyektləri var ki, onların da sudan istifadəsinin məbləği dünya standartlarına uyğun deyil. Hesab edirəm, rentabelliyi artırmaq məqsədilə əhaliyə deyil, istehsal sahələrinə və qeyri-yaşayış obyektlərinə tariflərin yüksəldilməsini tətbiq etmək olar. Əgər tariflərin artırılmasından başqa variant yoxdursa, bu artım qeyri-əhaliyə yönəlməlidir”. Vüqar Oruc su qıtlığı məsələsinə də toxunub. O, problemin birdəfəlik həllini belə görür: “Bu problem nəinki Azərbaycanda, bütün dünyada var və getdikcə böyüyəcəyi proqnozlaşdırılır. Hətta bir neçə onillikdən sonra su qıtlığı nəticəsində ciddi faciələr yarana bilər. Problemə hazırlıq üçün isə dövlət proqramı qəbul olunmalıdır. İçməli su ehtiyatlarının artırılması, şoran suyunun içməli suya çevrilməsi üçün texnoloji qurğuların əldə olunması, yaxud yaradılması istiqamətində addımlar atılmalıdır. Bu həm də elmi araşdırma institutları üçün olduqca aktual məsələdir. Bəzi ölkələr şoran suyun içməli suya çevrilməsi yönündə çox ciddi uğurlara imza atıblar. Buna nümunə olaraq İsraili misal gətirə bilərik. Fikrimcə, “Azərsu” israilli həmkarları ilə bu məsələdə bir araya gəlməlidir və gözlənilən təhlükəli hallar önlənməlidir”. Xatırladaq ki, 1 kubmetr içməli suyun qiyməti 2020-ci il fevralın 1-nə 35 qəpik olub. Kanalizasiya xidmətlərinə görə isə əhali 15 qəpik ödəyib. 2020-ci il fevral ayının birindən qiymət qaldırılıb. Tarif Şurasının qərarına əsasən, 1 kubmetr içməli suyun qiyməti 70 qəpik, kanalizasiya xidmətlərinə görə isə 30 qəpik müəyyənləşdirilib. Bu 50 faizlik artımdan sonra xidmət ümumiləşdirilib və əhali 1 kubmetr içməli su üçün 1 manat ödəməyə başlayıb.Bizim.Media

Səfirliyimizdəki reallığı cavablamağa sözü olmayan qonşumuz, sərhədlərimizin "təhlükədə olduğu mesajı"nı verir və artıq hər şey təhlükəyə doğru yol alır. Bu sözləri "Unikal"a açıqlamasında politoloq Həşim Səhrablı son aylarda daha da artan İran təxribatlarını şərh edərkən deyib.  Siyasi şərhçinin sözlərinə görə, İran artıq de-fakto müharibə elan edir: "İran-Azərbaycan qarşıdurması hər iki tərəfə ölümcül yaralar vəd edir. Amma fars "mollakratiyası" hesablamır ki, bizim düşmənimizdən çox tərəfdaşımız, onların isə, sadəcə böyük çoxluqda düşməni var. Ən əsası, Azərbaycana qarşı təhdidlər artdıqca İranın "boğulması" daha da intensivləşəcək. Hər şeyin sonunda İran adlı dövlət olmayacaq". 

11 mart 2023-cü il tarixində İran İslam Respublikasına məxsus hərbi təyyarə saat 09:44-dən 10:26-dək fasiləsiz olaraq Azərbaycan-İran dövlət sərhədi boyunca, Zəngilan rayonu istiqamətindən Biləsuvar rayonu istiqamətinə və geriyə doğru uçuş həyata keçirib. Sozcu.az xəbər verir ki, bu barədə Azərbaycan Xarici İşlər Nazirliyinin və Müdafiə Nazirliyinin birgə bəyanatında qeyd olunub. Təyyarə iki ölkə arasında dövlət sərhədindən 3-5 km məsafədə, bəzi hallarda isə dövlət sərhədinin tam üstü ilə uçub. Hərbi təyyarələrin dövlət sərhədinə yaxınlaşması ilə bağlı qonşu dövləti əvvəlcədən xəbərdarlıq etməyə dair beynəlxalq aləmdə qəbul olunmuş təcrübəyə zidd olaraq, İran İslam Respublikasının hərbi təyyarəsinin iki ölkə arasında dövlət sərhədinə bu qədər yaxınlaşması və sərhəd xətti üzərindən uçması mülki aviasiyanın təhlükəsizliyinə təhdid törədir və iki ölkə arasında münasibətləri daha da gərginləşdirməyə xidmət edir. İşğaldan azad edilmiş Azərbaycan ərazilərinin yaxınlığında yarım saatdan çox müddət ərzində hərbi təyyarənin uçuşu Azərbaycana qarşı təxribat və qeyri-dost davranışdır. Xatırlatmaq istərdik ki, İran tərəfi ötən il də Araz çayı boyunca Azərbaycan sərhədləri yaxınlığında genişmiqyaslı hərbi təlimlər keçirmişdi. İran tərəfini bu cür təhrikçi addımına görə şiddətlə qınayır, müvafiq izahat verməyə və gələcəkdə belə təxribatçı addımlardan çəkinməyə çağırırıq. Martın 11-də İran İslam Respublikasının Azərbaycan Respublikasındakı səfiri Seyid Abbas Musəvi Azərbaycan Respublikası Xarici İşlər Nazirliyinə çağırılıb və ona müvafiq etiraz notası təqdim olunub.

Rusiya Maliyyə Nazirliyinin yaydığı məlumata görə, yanvar-fevral aylarında büdcə kəsiri 2,58 trilyon rubl təşkil edib. Halbuki, illik büdcə kəsiri 2,92 trilyon rubl olaraq nəzərdə tutulmuşdu. İndi isə ilin ilk ayının büdcə kəsiri 2023-cü il üçün nəzərdə tutulmuş büdcə kəsiri həndəvərindədir. Qarşıda isə hələ on ay var.  Sanksiya siyahılarına daxil edilən malların Türkiyə üzərindən Rusiyaya ixracının qarşısı alındığı kimi, Rusiyanın digər “nəfəslik”ləri də bağlanmalıdır. Rusiyanın sanksiyalardan yayınmasına yardım edən hər bir ölkəyə qarşı sanksiya tətbiq edilməlidir. Hazırda Rusiyanın valyuta gəlirləri sürətlə azalır və sanksiyaların pozulmasının qarşısının alınması bu prosesi dərinləşdirəcək.  Qərbin üzərinə düşən vəzifə müharibənin Rusiyaya daha baha başa gəlməsini təmin etməkdir. Bunun üçün bütün Qərb ölkələri Norveç kimi hərəkət etməli, Ukraynanı müasir silahlarla silahlandırmalıdırlar. Rusiyaya silah yaradımı edən İran sərt şəkildə cəzalandırılmalı, bu ölkənin artelliriya mərmisi və raketlər istehsal edən zavodları dağıdılmalı, Çinin Rusiyaya yardım istəyinin qarşısı alınmalıdır.  Əgər bundan sonra müharibənin bir günü Rusiyaya iki dəfə baha başa gəlsə, avqust-sentyabr ayında artıq terrorçu rejimin müharibəni davam etdirmək üçün mərmisi və pulu olmayacaq. Xəqani Cəfərli, politoloq 

Rusiya ordusu ötən gün Baxmuta hücum etmək üçün çoxsaylı uğursuz cəhdlər ediblər. Sozcu.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb. Qeyd olunub ki, ruslar əsas səylərini beş istiqamətə yönəldiblər. Əsas səylər Liman, Baxmut, Avdeyevski, Maryinski və Miners istiqamətlərində hücum əməliyyatlarının aparılmasına yönəlib.

Müsavat Partiyasının üzv olduğu, Avropa parlamentində çoxsaylı üzvləri ilə təmsil olunan ALDE nin prezidenti İlhan Kiçik Türkiyədə səfərdə olub.  Dövlət rəhbərləri ilə görüşüb. Atatürkün anıtqəbrini ziyarət edib.  Zəlzələ bölgəsinə səfər edərək faciə yaşamış, depremdən zərər çəkmiş sakinlərlə görüşüb.  Fəlakətin nəticələrinin aradan qaldırılması istiqamətində görüləcək işlərlə bağı təkliflərini  təmsil olunduğu beynəlxalq strukturlara təqdim edəcək.  Türkiyə tək deyil. Dünyanı azad, insanları xoşbəxt görmək istəyənlər Türkiyənin, bu ağır günlərdə, böyük fəlakətlə üzləşmiş Türkiyə xalqının yanındadır. Arif Hacılı, Müsavat Partiyasının başqanı

Səməd Vurğun küçəsində, Bakı Dövlət Sirki yaxınlığında bu gün baş verən atışmada iştirak etməkdə şübhəli bilinən iki nəfər hüquq-mühafizə orqanları tərəfindən Heydər Əliyev hava limanında ölkəni tərk etmək istəyərkən saxlanılıb. Sozcu.az xəbər verir ki, bu barədə AZfront-a hüquq-mühafizə orqanlarındakı yüksək vəzifəli mənbə məlumat verib.(axar.az)

Kiçik və orta biznes evlərində mikro, kiçik və orta sahibkarlıq subyektlərinə göstərilən xidmətlərin siyahısı genişlənib. Sozcu.az xəbər verir ki, bu, Prezident İlham Əliyevin müvafiq fərmanında əksini tapıb. Fərmana əsasən, İqtisadiyyat Nazirliyi tərəfindən Kiçik və orta biznes evlərində mikro, kiçik və orta sahibkarlıq subyektlərinə göstərilən xidmətlərin siyahısına aşağıdakılar da əlavə edilib: -“İxrac nəzarəti haqqında” Azərbaycan Respublikasının Qanununa əsasən ixrac nəzarətinə düşən malların (işlərin, xidmətlərin, əqli fəaliyyət nəticələrinin) ixracı, təkrar ixracı, idxalı, təkrar idxalı və tranziti üçün icazə - “Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında” Azərbaycan Respublikasının Qanununa əsasən mülki dövriyyənin müəyyən iştirakçılarına mənsub ola bilən və dövriyyədə olmasına icazə əsasında yol verilən (mülki dövriyyəsi məhdudlaşdırılmış) əşyaların dövriyyəsinə icazə”. Energetika Nazirliyi tərəfindən Kiçik və orta biznes evlərində mikro, kiçik və orta sahibkarlıq subyektlərinə göstərilən xidmətlərin siyahısına aşağıdakı bəndlər də əlavə edilib: -“Mülki dövriyyənin müəyyən iştirakçılarına mənsub ola bilən və dövriyyədə olmasına xüsusi icazə əsasında yol verilən (mülki dövriyyəsi məhdudlaşdırılmış) əşyaların siyahısı haqqında” Azərbaycan Respublikasının Qanununa əsasən mülki dövriyyənin müəyyən iştirakçılarına mənsub ola bilən və dövriyyədə olmasına icazə əsasında yol verilən (mülki dövriyyəsi məhdudlaşdırılmış) əşyaların dövriyyəsinə icazə verilməsi -ixrac məqsədli neft-qaz fəaliyyətinə xüsusi iqtisadi rejimin tətbiqi haqqında şəhadətnamə verilməsi -elektrik enerjisinin ötürülməsinə icazə verilməsi -elektrik enerjisinin paylanmasına icazə verilməsi -elektrik enerjisinin ixrac və idxal edilməsinə icazə verilməsi -qazın istehsalına və təbii qazın emalına icazə verilməsi -qazın nəqli üçün icazə verilməsi - qazın paylanmasına icazə verilməsi -yeraltı qaz anbarlarının işlənməsi, tikilməsi və istismarına icazə verilməsi -neft və qaz yataqlarının kəşfiyyatına icazə verilməsi -neft və qaz yataqlarının işlənməsi və hasilatına icazə verilməsi -neft və neft məhsullarının boru kəmərləri vasitəsilə nəqlinə icazə verilməsi.

Paytaxtın Nəsimi rayonu, Səməd Vurğun küçəsində baş vermiş silahlı insident nəticəsində yaralananların təsadüfən oradan keçdiyi deyilir. Sozcu.az xəbər verir ki, bu barədə Globalinfo.az-a məlumat daxil olub. İddia edilib ki, hadisədə yaralananlardan biri kuryerdir, digər ikisi isə o ərazidə təsadüfən olublar. “Cinayəti törədən kriminal aləmdə Nicat Lənkəranski kimi tanınan şəxsdir”, – bildirilib. Qeyd edək ki, Bakıda Səməd Vurğun küçəsində baş vermiş silahlı insidentlə bağlı aparılan araşdırmalar nəticəsində 2 nəfərin xəsarət aldığı məlum olub. Xəsarət alanlar – 2002-ci il təvəllüdlü Fəqan Rəhimli, 1983-cü təvəllüdlü Tamerlan Hüseynov xəstəxanaya çatdırılıblar. Hələ ki, hadisəni törədən şəxsin kimliyi barədə rəsmi məlumat yoxdur.

Bu gün Bakıda baş verən insident zamanı yaralanan 2002-ci il təvəllüdlü Fəqan Rəhimlinin Azərbaycan Tibb Universitetinin (ATU) tələbəsi olduğu barədə məlumat yayılıb. Universitetin Axar.az-a açıqlamasında məlumat təsdiqlənib. Bildirilib ki, F.Rəhimli universitetin IV kurs tələbəsidir: "O, hərbi tibb fakültəsində təhsil alır. Yaxın saatlarda bununla bağlı ictimaiyyətə əlavə açıqlama veriləcək”.

15:05 Bakı Dövlət Sirkinin yaxınlığında baş verən hadisə ilə əlaqədar TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının briqadaları əraziyə cəlb edilib. Bu barədə Sozcu.az-a TƏBİB-dən bildirilib. Hadisə ilə bağlı əlavə məlumat veriləcək. *** Baş verən hadisə ilə əlaqədar TƏBİB-in tabeliyindəki Kliniki Tibbi Mərkəzə yerləşdirilən iki nəfərin müayinə və müalicəsi davam etdirilir. 1983-cü il təvəllüdlü Tamerlan Hüseynov sol baldırın aşağı üçdə bir hissəsini dəlib keçən güllə yarası diaqnozu ilə hazırda Kliniki Tibbi Mərkəzin Travmatologiya şöbəsinə köçürülüb, vəziyyəti stabildir. Sağ baldırın aşağı üçdə bir hissəsini dəlib keçən güllə yarası diaqnozu qoyulan 2002-ci il təvəllüdlü Fəqan Rəhimlinin cərrahi əməliyyat edilməsi qərara alınıb. Vəziyyəti orta ağır qiymətləndirilir.

14:48 Bakının Nəsimi rayonunda atışma olub, 2 nəfər güllələnib. Sozcu.az xəbər verir ki, hadisə Səməd Vurğun küçəsində, "Görüş" restoranının önündə qeydə alınıb. DİN-in Mətbuat Xidmətindən saytımıza bildirilib ki, məsələ ilə bağlı araşdırma aparılır: “Yaxın vaxtlarda ictimaiyyətə əlavə məlumat veriləcək”. *** Nəsimi rayonu, Səməd Vurğun küçəsində baş vermiş silahlı insidentlə bağlı hazırda Baş Prokurorluq və Daxili İşlər Nazirliyinin əməkdaşları hadisə yerindədirlər. Bu barədə Baş Prokurorluq məlumat yayıb. “İctimaiyyətə əlavə məlumatın verilməsi təmin ediləcəkdir. Rəsmi qurumun açıqlamasını gözləmək xahiş olunur”, - məlumatda deyilir. *** Araşdırmalarla məlum olub ki, hadisədə 2 nəfər xəsarət alıb. Bu barədə DİN-dən bildirilib. Xəsarət alanlar - 2002-ci il təvəllüdlü Fəqan Rəhimli, 1983-cü təvəllüdlü Tamerlan Hüseynov xəstəxanaya çatdırılıb.

Nyu-Yorkun COMEX əmtəə birjasında qızılın bir troya unsiyasının qiyməti (aprel müqavilələri üzrə) 0.04% azalaraq, 1,833.90 ABŞ dollarına bərabər olub. Sozcu.az birja məlumatlarına istinadən xəbər verir ki, COMEX-də gümüşün bir unsiyasının qiyməti (may müqavilələri üzrə) isə 0.92% azalaraq, 19.98 dollar təşkil edib.

Gəncə Şəhər Baş Polis İdarəsinin (ŞBPİ) əməkdaşlarının keçirdikləri əməliyyat-axtraış tədbirləri nəticəsində qeyri-aşkar şəraitdə baş vermiş quldurluq cinayətini törətməkdə şübhəli bilinən şəxslər saxlanılıb. DİN-in mətbuat xidmətinin Gəncə regional qrupundan Sozcu.az-a verilən məlumata görə, ŞBPİ-nə vətəndaşa məxsus fərdi yaşayış evinə 2 nəfər maskalı naməlum şəxsin daxil olaraq ev sahibini həyatı təhlükəli zor tətbiq etməklə hədələyərək 1130 manat pul, 200 ABŞ dolları və 2 ədəd mobil telefonu quldurluq yolu ilə ələ keçirməsi barədə məlumat daxil olub. İkin araşdırmalar nəticəsində cinayəti törədən şəxslərin Daşkəsən rayon sakini, əvvəllər məhkum olunmuş Rövşən Mirzəyev və Göygöl rayon sakini Abbas Sadıxov olmaları məlum olub. İsti izlərlə keçirilən əməliyyat-axtarış tədbirləri nəticəsində cinayət törətməkdə şübhəli bilinən R. Mirzəyev Gəncə şəhərində, A. Sadıxov isə Bakı şəhərində saxlanılıb. Sonuncu saxlanılan zaman üzərindən quldurluq yolu ilə əldə etdiyi pul əskinasları ilə bərabər 1 ədəd tapançaya bənzər alışqan da maddi sübut kimi müəyyən olunaraq götürülüb. Baş İdarə əməkdaşlarının keçirdikləri digər bir əməliiyat-axtarış tədbirləri nəticəsində naməlum şəraitdə baş vermiş oğurluq cinayətinin də üstü açılıb. Belə ki, keçirilən əməliyyat-axtarış tədbirləri nəticəsində şəhər ərazisindəki ticarət mərkəzlərindən birinə qeyr-qanuni yolla daxil olaraq oradan külli miqdarda nağd pul oğurlamaqda şübhəli bilinən Arzu Hacıyev Samux rayonu ərazisində saxlanılaraq istintaqa təhvil verilib. Qeyd edilən faktlarla bağlı Gəncə Şəhər Baş Polis İdarəsinin İstintaq və Təhqiqat idarəsində cinayət işi başlanılıb, araşdırmalar davam etdirilir.

“Bölgələrdə kişilərə Müdafiə Nazirliyindən bildirişlər gəlib”. Bu barədə “İravunk” qəzeti məlumat yayıb. Ermənilər göndərilən bildirişlərdən narahat olmağa başlayıblar. Qəzet yazır: “Bu günlərdə rayonlarda insanlar çox narahatdır. Dövriyyədə olan xəbərlərə görə, 48 yaşa qədər çoxlu sayda kişiyə hərbi təlimlərdə iştirak etmək üçün xəbərdarlıq edilib. Bu, çoxlarının tezliklə mümkün müharibənin olacağı qənaətinə gəlməyə səbəb olub. “İravunk” Ermənistan Müdafiə Nazirliyinin mətbuat katibi Aram Torosyandan təfərrüatları öyrənməyə çalışıb. O, bildirişlərlə bağlı xəbəri mahiyyətcə təsdiqləyib. O vurğulayıb ki, ehtiyatda olan hərbi hissələrdə qeydiyyatda olan vətəndaşlara təlim-məşq toplanışlarında iştirak etmək üçün bildirişlər göndərilir. Ermənistan Müdafiə Nazirliyinin mətbuat katibi onu da əlavə edib ki, bundan əvvəl bu barədə Ermənistan hökuməti də məlumat verib. (konkret.az)

Moldova Müdafiə Nazirliyi Almaniyadan pilotsuz uçan aparatların (PUA) göndərilməsini gözləyir. Bunu Moldova müdafiə naziri Anatoli Nosatıy yerli “Jurnal TV” kanalına müsahibəsində bildirib. Nazirin sözlərinə görə, ölkəsi hərbi sahədə prioritetləri, eləcə də müharibə taktikalarını nəzərdən keçirir. Nosatıy qeyd edib ki, Almaniya Moldovaya “Piranha” zirehli transportyorları ilə birlikdə daha əvvəllər vəd edilmiş PUA-ları göndərəcək: “Moldova üçün nəzərdə tutulan PUA-lar istehsal prosesindədir”. Qeyd edək ki, daha öncə Almaniya Moldovaya hərbi yardım çərçivəsində 6 ədəd “Piranha” zirehli transportyoru tədarük edib.

"Rusiya atom sahəsində vicdanlı iştirakçı ola bilməz..." "Rusiya şüurlu şəkildə Ukraynanın atom obyektlərində kritik vəziyyət yaratmağa can atır..." Martın 9-da səhər Ukrayna şəhərlərinə raket zərbələri nəticəsində altı nəfər həyatını itirib. Sozcu.az xəbər verir ki, bu barədə Ukrayna prezidenti Vladimir Zelenski ukraynalılara martın 9-da axşam müraciətində məlumat verib. Onun sözlərinə görə, terrorçu ölkənin bəşəri dəyərlərlə növbəti döyüşmək cəhdi təkcə bəzi regionlarda elektrikin, istiliyin, suyun müvəqqəti kəsilməsinə deyil, həm də insan qurbanlarına səbəb olub. "Bu gün Rusiya raketləri altı nəfər ukraynalının həyatına son qoyub. Onların ailələrinə başsağlığı verirəm", - Zelenski deyib. O, məlumat verib ki, enerji obyektlərində bərpa işləri davam edir. "Ən mürəkkəb vəziyyət Xarkov, Jitomirdədir. Odessada, Dnepropetrovsk vilayətində, Kiyevdə, Zaporojyedə vəziyyət çətindir. Təmir briqadaları, energetiklər, yerli hakimiyyət, mərkəzi hakimiyyət-hamı şəhər və rayonlara, problem yaşanan yerlərə enerjinin verilməsini bərpa etmək üçün nə qədər lazımdır işləyəcək. Mən bunun naminə işləyənlərin hamısına minnətdaram", - dövlət başçısı əlavə edib. "Rusiya süurlu şəkildə Ukraynanın atom obyektlərində kritik vəziyyət yaratmağa can atır" Martın 9-da işğalçılar Zaporojye AES-i qidalandıran sonuncu xətti zədələyib. Rusiya atom sahəsində hər hansı münasibətlərin vicdanlı iştirakçısı ola bilməz. "Zaporojye AES yenidən şəbəkədən ayrılıb. Bu, kritik vəziyyəyydir. Rusiya bilərəkdən bizim atom obyektlərimizdə belə kritik vəziyyətləri yaradır. Bu, sadəcə, o deməkdir ki, Rusiya atom sahəsində hər hansı münasibətlərin vicdanlı iştirakçısı ola bilməz", - o, deyib. Martın 9-da işğalçılar Ukraynanın enerji obyektlərini güclü raket hücumuna məruz qoyub, o cümlədən Zaporojye AES-i qidalandıran sonuncu xətti zədələyib. Stansiya işğal müddətində altıncı blekauta daxil olub və dizel generatorlarla işləyib. Saat 17:23-də "Ukrenerqo" şirkətinin mətbuat mərkəzi elektrik təchizatının bərpa edilməsi barədə məlumat verib. "Rusiya nə qədər namərdliklər etsə də, dövlətimiz və xalqımız  buxovlarda olmayacaq" Ukrayna prezidenti Ukrayna Silahlı Qüvvələrinin Hava Qüvvələrinə martın 9-da Rusiyanın güclü raket hücumunun qarşısının alınmasına görə minnətdarlıq edib. O, Rusiyanın hücumlarının dəf edilməsində 138-ci Dnepr, 160-cı Odessa və 208-ci Xerson zenit raket briqadalarını xüsusilə qeyd edib. "Biz Ukraynanın nəyə qadir olduğunu artıq göstərmişik. Rusiya nə qədər namərdliklər etsə də, dövlətimiz və xalqımız buxovlarda olmayacaq. Rusiyanın nə raketləri, nə də vəhşilikləri ona kömək etməyəcək", - prezident deyib. O, həmçinin ölkə üzərində səmanın tam müdafiə edlməsinin vacibliyini anlayan və "insanların normal həyatlna zəmanət verilməsində kömək etməyə hazır olan" beynəlxalq tərəfdaşlara minnətdarlığını bildirib.

Azərbaycan Alp-Himalay seysmik qurşağında yerləşir. Elə gün olmur ki, Azərbaycanda 25-30, bəzən 50-60 zəlzələ olmasın. Sozcu.az xəbər verir ki, bunu jurnalistlərə açıqlamasında Respublika Seysmoloji Xidmət Mərkəzinin baş direktoru Qurban Yetirmişli bildirib. Onun sözlərinə görə, bir neçə gün əvvəl bir ərazidə 1 saat içərisində 20 xırda təkan olub: “Amma bunu heç kim hiss etmədi. Seysmogen bölgə üçün bu cür zəlzələlərin olması labüddür. Azərbaycanda yaxın günlərdə katastrofik, dağıdıcı zəlzələ ehtimalı yoxdur. Zəlzələnin hiss olunduğu da ola bilər, 5 ballıq da, 4 ballıq da, ancaq bunlar qorxulu bir şey deyil”. Azərbaycan özü ümumilikdə seysmogen bölgədədir: “Xəzər dənizi, Böyük Qafqazın cənub yamacı, Şamaxı-İsmayıllı, şimal bölgəsi – Quba-Xaçmaz zonası, Zaqatala-Şəki, Gəncə, cənub bölgəsi, Naxçıvan – bütün Azərbaycan aktiv zonada yerləşir”.

Azərbaycan və Gürcüstan arasında sərhəddə yerləşən Candargöl su anbarından birgə istifadəyə dair müqavilə imzalanıb. Sozcu.az AZƏRTAC-a istinadən xəbər verir ki, sənədə “Azərbaycan Meliorasiya və Su Təsərrüfatı” ASC-nin sədr müavini Zakir Quliyevin rəhbərliyi ilə cəmiyyətin nümayəndələrinin Gürcüstana səfəri çərçivəsində imza atılıb. Səfər “Gürcüstan Meliorasiya” MMC-nin dəvəti ilə reallaşıb. Səfər çərçivəsində su anbarından 2023-cü ildə birlikdə istifadə məsələləri müzakirə edilib, bununla bağlı müqavilə imzalanıb, həmçinin Qardabani suvarma sistemlərinə baxış olub.

PSJ-nin futbolçusu Lionel Messi sabiq klubu "Barselona"ya qayıtmaq istəyir. Sozcu.az xəbər verir ki, bu barədə İspaniya mətbuatı məlumat yayıb.  Bildirilir ki, 35 yaşlı forvard "Barselona"ya keçmək istəyir, lakin kataloniyalılar keçmiş liderini geri qaytarmaq üçün heç bir addım atmayıblar. Qeyd olunur ki, vəziyyət hər an dəyişə bilər. Xatırladaq ki, Messinin PSJ ilə müqaviləsi bu mövsümün sonuna qədərdir. Argentinalı hücumçu 2021-ci ildən Fransa klubunda çıxış edir. Bundan əvvəl Messi uzun müddət "Barselona"da oynayıb (2004-2021).

Əməkdar artist Elton Hüseynəliyevə ağır itki üz verib.  Sozcu.az "Qafqazinfo"ya istinadən xəbər verir ki, müğənninin anası Şura xanım 63 yaşında dünyasını dəyişib.  Bu barədə ifaçının xanımı Tamilla Hüseynəliyeva instaqramda bildirib.

Bəzi insanlar pula heç önəm vermir. Bu insanların pul yığmaq, mal-mülk sahibi olmaq kimi xəyalları yoxdur. Bəzən pulsuz qalsalar da, veclərinə almırlar. Astrologiyada da pulun qədrini bilməyən bürclər var. Sozcu.az bakupost.az-a istinadən pul xərcləməyi çox sevən həmin bürcləri təqdim edir: Oxatan - Onlar düşünməkdən çox, anı yaşamağı üstün tuturlar. Bu da tez-tez maddi sıxıntıya düşmələrinə səbəb olur. Pul yığmaq və investisiya etməkdə uğurlu deyillər. Daha çox dünyanı gəzmək və hər şeyi təcrübə etmək istəyirlər Tərəzi - Alış-veriş etməyi çox sevirlər. Modanı yaxından izləyirlər. Ona görə də, həmişə pul xərcləyirlər. Söhbət maddiyyatdan gedəndə çox tənbəl olurlar. Tez-tez pul xərclədikləri üçün də çox zaman borclu qalırlar. Tərəzi bürcündən olan insanlar pulu sadəcə öz ehtiyacları üçün xərcləyir. Əkizlər - Sosial insanlardır. Əylənmək istədikdə çox göstərişli yerlərə gedirlər. Daim pul xərcləyirlər və buna görə peşiman deyillər. Onların da pul yığması mümkün deyil. Qoç - Qoç yox deməyi bacarmır. Ona görə də, özlərinə lazım olsa belə, yaxınlarının pula ehtiyacı olanda sevə-sevə verirlər. Köməklik etməyi çox sevdikləri üçün pulsuz qala bilərlər. Buna görə də, maddi sıxıntı yaşayırlar. Qoç bürcləri özlərinə investisiya etməyi də sevirlər. Bütün ehtiyaclarını qarşılamaq üçün məsuliyyətsiz şəkildə pul xərcləyirlər. Əqrəb - Bahalı zövqləri var. Həyatlarındakı insanlar üçün heç vaxt pul xərcləmirlər. Onlardan daha çox pul qazanan biri ilə münasibətdə olmağı qəbul edə bilmirlər. Onlar pulu bir güc olaraq görür. Buğa, xərçəng, şir, qız, oxatan, oğlaq, dolça və balıq bürcləri də pul xərcləyirlər. Lakin pul ehtiyyatlarının olmasını da sevirlər.

Uşaqlarda qarın ağrısı müşahidə olunarsa və bu narahatlıq davam edərsə, mütləq ərazi üzrə uşaq poliklinikasındakı sahə həkimi ilə əlaqə saxlamaq lazımdır. Sozcu.az Medicina.az-a istinadən xəbər verir ki, TƏBİB-in tabeliyində fəaliyyət göstərən Bakı Baş Səhiyyə Mərkəzinin 17 nömrəli Uşaq Poliklinikasının baş həkimi Gülər Paşayevanın sözlərinə görə, uşaqlarda qarın ağrıları çox ciddi xəstəliklərdən xəbər verə bilər: "Buna görə də biz - ilkin səhiyyə xidməti müəssisələri olaraq, uşaqlarda bu cür narahatlıq müşahidə edildiyi halda valideynlərin mütləq şəkildə ilkin səhiyyə xidməti müəssisələrinə müraciət etmələrini tövsiyə edirik. Uşaqlarda qarın ağrıları müxtəlif səbəblərdən baş verə bilər. Bu zaman valideyn sahə həkiminə (həkim-pediatra) müraciət etməlidir. Sahə həkimi müvafiq suallar verməklə, ağrının səbəblərini araşdırır və onu təyinatına uyğun ixtisas həkimlərinə və analizlərə yönəldir. Əgər uşaqda səhərlər ürəkbulanma, gecə yatanda dişlərini sürtmək, ağzından su axmaq kimi əlamətlər, anal-dəlik sahəsində qaşınma olursa, uşaq qurd analizinə yönləndirilir. Belə ki, göbək ərtafında, epiqastral nahiyədə, yemək qəbulu zamanı baş verən ağrılar mədə-bağırsaq xəstəliklərinin əlamətləri ola bilər. Bir çox hallarda qarında kəskin ağrılar təxirəsalınmaz cərrahi müdaxilərə gətirib çıxardır". Həkim-pediatrın sözlərinə görə, çox vaxt qarın ağrıları digər orqanların xəstəliklərində də özünü büruzə verir: "Məsələn, sidik kisəsi iltihabı, qəbizlik, kolit xəstəlikləri də qarın nahiyəsində dözülməz ağrılar verə bilər. Buna görə məsləhət görürük ki, vaxtaşırı sahə həkimlərində tibbi müayinələrdən keçsinlər". "Qarındır ağrıyır, keçər, heç nə olmaz" deyib, keçməyin. Bir daha qeyd edək ki, qarın ağrısı bir çox xəstəliklərin "carçı"sı ola bilər.