Gündəm

“Rusiya ordusu Ukraynadakı müharibədə döyüş qabiliyyətinin yarısını, o cümlədən 2500 tankını itirib”. Bunu Böyük Britaniya Müdafiə Qərargahının rəisi admiral Toni Radakin deyib. Onun sözlərinə görə, ötən il Rusiya ordusu 10 milyon artilleriya mərmisi atıb, lakin ən yaxşı halda ildə 1 milyon mərmi istehsal edə bilir: “Eyni zamanda Rusiya 2500 tank itirib, halbuki ən yaxşı halda ildə 200 tank istehsal edə bilər”. T.Radakin Ukraynanın əks-hücum əməliyyatlarının niyə ləng davam etdiyinə də münasibət bildirib: “Bu, Ukraynanın havadan müdafiə sistemlərinin zəifliyi, Rusiyanın əraziləri minalaması və Ukraynada bütün lazımi texnikaların olmaması ilə bağlıdır. Lakin Rusiya indi o qədər zəifləyib ki, müqavimət göstərmək imkanına malik deyil”. Admiralın fikrincə, Ukraynanın ciddi əks-hücum əməliyyatları hələ qarşıdadır. Qeyd edək ki, Rusiya ilə Ukrayna arasında genişmiqyaslı müharibə ötən il fevralın 24-dən bəri davam edir. Ukrayna əks-hücum əməliyyatlarına iyunun əvvəlində başlayıb.

Ukrayna ordusu Donetsk vilayətinin Baxmut şəhərinin şimal və cənub hissəsindəki cəbhə xətti boyu mövqelərini möhkəmləndirir.  Sozcu.az xəbər verir ki, bu barədə iyulun 5-də Ukrayna Silahlı Qüvvələrinin Baş Qərargahından bildirilib. Məlumata görə, Liman, Baxmut, Avdeyevsk və Marınsk istiqamətlərində ağır döyüşlər gedir, sutka ərzində 40 toqquşma olub. Bildirilib ki, Ukrayna müdafiəçiləri Baxmutun cənub və şimal hissələrindən hücumu davam etdirir, əldə etdikləri mövqelərdə möhkəmlənirlər: “Düşmənin artilleriya atəşindən 15 yaşayış məntəqəsi əziyyət çəkib”. 

Respublika Seysmoloji Xidmət Mərkəzinin direktoru Qurban Yetirmişli zəlzələnin daha çox gecə saatlarında baş verməsi ilə bağlı suallara aydınlıq gətirib. Sozcu.az xəbər verir ki, Q.Yetirmişli məsələni belə şərh edib: “2012-ci ildə Zaqatalada zəlzələ səhər baş vermişdi. Ağsu zəlzələsi də 2018-ci ildə səhər olmuşdu. “Zəlzələ hökmən gecə baş verməlidir, ya səhər” deyə bir şey yoxdur. Ani bir proses istənilən vaxt baş verə bilər”, - direktor qeyd edib.

"Qorxulu heç nə yoxdur. Xırda təkanlar olacaq. Ancaq bu qədər güclü olmayacaq". Sozcu.az xəbər verir ki, bunu news24.az-a açıqlamasında AMEA nəzdində Respublika Seysmoloji Xidmət Mərkəzinin baş direktoru Qurban Yetirmişli deyib. "Zəlzələ dənizdə baş verib. Yeraltı təkanlar Siyəzəndən şimal-şərqə doğru, Qubadan eyni istiqamətdə bütün sahil boyu yaşayış məntəqələrinin hamısında hiss olunub. 5-6 bal gücündə olub. Dərinliyi isə 65 kilometrə qədərdir. Bundan sonra qorxulu nəsə yoxdu. Xırda təkanlar ola bilər. Amma afterşoklar bu gücdə olmayacaq, daha zəif olacaq. Afterşoklar olmalıdır. Türkiyədə zəlzələ baş verən bölgələrdə xırda təkanlar hələ də davam edir", - Q.Yetirmişli qeyd edib. Qeyd edək ki, yerli vaxtla saat 00:01-də Xəzər dənizində 5,7 maqnitudada zəlzələ olub. Yeraltı təkanlar Bakı və digər şəhərlərdə də hiss olunub.

Çeçenistanın "Axmat" xüsusi təyinatlı dəstəsinin komandiri Yevgeni Pisarenko Ukraynada həlak olub. Sozcu.az Rusiya KİV-ə istinadla xəbər verir ki, bu barədə bölmənin komandiri Aptı Alaudinov bildirib.

Dövlət Sərhəd Xidməti tərəfindən 2023-cü ilin iyun ayı ərzində dövlət sərhədinin еtibarlı mühafizəsinin təmin edilməsi, qaçaqmalçılıq, qеyri-lеqal miqrasiya, narkоtik vasitələrin qanunsuz dövriyyəsinə qarşı mübarizə tədbirləri davam еtdirilib. Bu barədə Sozcu.az-a Dövlət Sərhəd Xidmətinin (DSX) Mətbuat Mərkəzindən məlumat verilib. Ay ərzində dövlət sərhədini pоzduqlarına görə 40 nəfər saxlanılıb, оnların 19 nəfəri Azərbaycan, 9-u Pakistan, 4-ü Türkiyə, 4-ü Əfqanıstan, 1-i Ukrayna, 1-i İran və 2-i Hindistan Rеspublikası vətəndaşları оlub. Qanunsuz miqrasiya ilə mübarizə tədbirləri çərçivəsində 25 nəfər saxta tarix möhürü, saxtalaşdırılmış pasport və özgəsinə məxsus sənədlə dövlət sərhədini keçməyə cəhd göstərib. Sərhəd rеjim qaydalarını pozduqlarına görə 973 nəfər saxlanılaraq barələrində müvafiq tədbirlər görülüb. Cinayətkarlığa qarşı mübarizə tədbirləri nəticəsində Azərbaycan Rеspublikası hüquq-mühafizə оrqanları tərəfindən axtarışda оlan 298 nəfər aşkarlanaraq aidiyyəti оrqanlara təhvil vеrilmiş, ölkədən çıxışı qadağan olunan 532 nəfərin ölkəni tərk etməsinin, girişi qadağan olunan 19 nəfərin Azərbaycan Respublikasına daxil olmasının qarşısı alınıb. Narkоtik vasitələrin qеyri-qanuni dövriyyəsinə qarşı mübarizə tədbirləri çərçivəsində 178 kiloqram 232 qram narkоtik vasitə və 11388 ədəd psixotrop həb aşkarlanaraq qanunsuz dövriyədən çıxarılıb. Qaçaqmalçılıq fəaliyyətinə qarşı mübarizə çərçivəsində həyata kеçirilmiş tədbirlər nəticəsində ümumi dəyəri 3 milyon 275 min 777 manat оlan qaçaqmal, о cümlədən narkotik vasitə, PM markalı tapança, patron, dərman preparatları, spirtli içki və tütün məmulatları saxlanılıb. Dövlət sərhədlərimizin еtibarlı mühafizəsinin təşkili istiqamətində tədbirlər davam еtdirilir.

İyulun 3-də saat 10 radələrində Abşeron rayonu Digah kəndində 4 nəfərə kəsici alətlə xəsarət yetirilməsi barədə polisə məlumat daxil olub. DİN-in mətbuat xidmətindən Sozcu.az-a bildirilib ki, 1955-ci il təvəllüdlü H.Həşimov, onun həyat yoldaşı və övladı və digər kənd sakini aldığı xəsarətlərdən xəstəxanaya yerləşdirilib. Cinayət əməlini törətməkdə şübhəli bilinən, 1974-cü il təvəllüdlü, əvvəllər məhkum olunan Sərxan Mirzəağa oğlu Həşimov polis əməkdaşları tərəfindən saxlanılıb. Xəsarət alan şəxslərdən 3 nəfər - S.Həşimovun əmisi və onun ailə üzvləridir. Araşdırma aparılır.

Ukrayna müharibənin 494-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 229 660 hərbçi, 4052 ədəd tank, 7888 ədəd zirehli döyüş maşını, 4188 ədəd artilleriya sistemi, 637 ədəd RYAS (reaktiv yaylım atəş sistemi), 390 hava hücumundan müdafiə sistemi, 315 ədəd hərbi təyyarə, 308 ədəd helikopter, 6816 ədəd avtomobil texnikası, 3557 ədəd PUA, 1261 qanadlı raket, 18 gəmi/qayıq, 583 xüsusi avadanlıq itirib.

"Zaporojye AES-də terror aktı sivil dövlətlər tərəfindən mülki əhaliyə qarşı nüvə silahının tətbiqi kimi dəyərləndiriləcək..." "Kiyev rejiminin ağılsız iftiraları fonunda Rusiyanın özünün nəzarətində olan stansiyanı patlatmaq niyyəti yoxdur..." Ukrayna prezidenti Vladimir Zelenski Zaporojye AES-də terror aktının törədilməsi riskinin yüksək olduğunu təsdiq edib. Onun sözlərinə görə, Rusiyanın stansiyada radioaktiv maddələrin sızmasını yaratmaq planları haqqında Ukrayna kəşfiyyatına bəllidir.  Sozcu.az xəbər verir ki, bu barədə o, İspaniyanın "El Mundo" qəzetinə müsahibəsində deyilir. "Kaxovka SES-in bəndinin dağıdılmasında olduğu kimi, bu, münaqişəni dondurmaq üçün onların strategiyasının bir hissəsidir", - Zelenski deyib. Onun sözlərinə görə, Rusiya prezidenti Putin nəzarətedilməz adamdır, Kaxovka SES-də fəlakətdən, habelə "vaqnerçilər"in qiyamından sonra Zaporojye AES-in partladılma riskləri göz özündədir. Ukrayna prezidentinin fikrincə, əgər Kiyev stansiyaya nəzarəti MAQATE-yə versə, rusiyalılar stansiyanı məsafədən partladacaq. Bununla özü üçün zaman udacaq, silahlar toplayacaq və yenidən ukraynalıları Yer üzündən silməyə cəhd edəcəkdir.  Bu ərəfədə Ukrayna Baş Kəşfiyyat İdarəsinin rəhbəri Kirill Budanov məlumat verib ki, rusiyalı hərbçilər Zaporojye stansiyasının soyuducu-nohurunu minalamaqla ən dəhşətli iş görüb. O, vurğulayıb ki, Zaporojye AES-də terror aktı sivil dövlətlər tərəfindən mülki əhaliyə qarşı nüvə silahının tətbiqi kimi dəyərləndiriləcək.  Amerikanın müharibəni öyrənilməsi İnstitutunun (ISW) analitikləri Rusiyanın Ukraynadakı hərəkətlərinin qeyri-rasional olduğunu qeyd edir. Onların fikrincə, Rusiya Zaparojye AES-də qəsdən törədilən radioloji insidentin nəticələrinə nəzarət edə bilməyəcək, bu da üstəlik Rusiyanın işğal etdiyi ərazilərdə vəziyyətini daha da pisləşdirəcək.  "Lakin Rusiya tərəfindən Kaxovka SES-in bəndinin məhv edilməsi həmçinin Rusiya qüvvələrinə neqativ təsir edib. Ona görə də Rusiyanın Zaporojye AES-də diversiya planlarını istisna etmək olmaz", - İnstitutun hesabatında deyilir. Bundan öncə məlumat verirlib ki, Rusiya ordusu stansiyanı tərk edir. İlk olaraq "Rosatom"un rusiyalıların hərəkətlərinə rəhbərlik etmiş üç əməkdaşı stansiyanı tərk edib, Ukrayna Baş Kəşfiyyat İdarəsi bəyan edib. Eyni zamanda, "Rosatom"la müqavilə bağlamış ukraynalı əməkdaşlara təxliyyə olunmaq barədə tövsiyyələr verilib. Verilən göstərişlərə əsasən, onlar stansiyanı iyulun 5-dək tərk etməlidir. Arzuedilən istiqamət işğal edilmiş Krımın ərazisidir.  "Rosatom" Zaporojye AES-dən getməsini təkzib edib. "Heç kim heç yerə getmir, belə sərəncamlar verilməyib", - bunu RBK nəşrinə stansiyanın idarə heyətinin nümayəndəsi deyib. Eyni zamanda, Rusiya BMT Təhlükəsizlik Şurası və Baş Assambleyasına məktub göndərərək Ukraynanın Zaporojye AES-də diversiya törətməsinin qarşısını almağa çağırış edib. Bu barədə Rusiyanın BMT-dəki daimi nümayəndəsi Vasili Nebenzya məlumat verib. Onun sözlərinə görə, "Kiyev rejimi nümayəndələrinin davam edən ağılsız iftiraları fonunda" Rusiyanın özünün nəzarətində olan stansiyanı partlatmaq niyyəti yoxdur.

“Rusiya Prezidenti Vladimir Putinin həyatı üçün təhlükə daha çoxdur, nəinki mənim. Çünki onu öldürmək istəyənlər var”. Sozcu.az xəbər verir ki, bunu Ukraynanın dövlət başçısı Volodimir Zelenski İspaniyanın “El Mundo” nəşrinə müsahibəsində deyib. O bildirib ki, şəxsi həyatı üçün təhlükə gündəlik fəaliyyətinin bir hissəsinə çevrilib: “Amma buna artıq öyrəşmişəm. Vladimir Putinin isə bu məsələdə ümumiyyətlə bəxti gətirməyib".

Ukrayna müharibənin 492-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 228 340 hərbçi, 4041 ədəd tank, 7863 ədəd zirehli döyüş maşını, 4127 ədəd artilleriya sistemi, 630 ədəd RYAS (reaktiv yaylım atəş sistemi), 389 hava hücumundan müdafiə sistemi, 315 ədəd hərbi təyyarə, 308 ədəd helikopter, 6785 ədəd avtomobil texnikası, 3519 ədəd PUA, 1261 qanadlı raket, 18 gəmi/qayıq, 569 xüsusi avadanlıq itirib.

Ukrayna müharibənin 491-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 227 780 hərbçi, 4038 ədəd tank, 7857 ədəd zirehli döyüş maşını, 4116 ədəd artilleriya sistemi, 627 ədəd RYAS (reaktiv yaylım atəş sistemi), 388 hava hücumundan müdafiə sistemi, 315 ədəd hərbi təyyarə, 308 ədəd helikopter, 6780 ədəd avtomobil texnikası, 3513 ədəd PUA, 1261 qanadlı raket, 18 gəmi/qayıq, 569 xüsusi avadanlıq itirib.