Türkiyə polisi beynəlxalq narkotik ticarəti və 4 ayrı mütəşəkkil cinayət qruplaşmasına qarşı “Quyu-4” əməliyyatlarını keçirib. Sozcu.az xəbər verir ki, bu barədə Türkiyə daxili işlər naziri Əli Yerliqaya məlumat verib. “Əməliyyatlar çərçivəsində mütəşəkkil cinayət qruplaşmaların liderləri – Mərt (Orxan) Ünğan, İbrahim Qurdar, Aydın Razaki, və Rəcəb Özyıldız saxıanlıb”, - nazir bildirib.

Bu günlərdə yaradılmasının 106 illiyini Müstəqillik Günü, dövlət bayramı kimi qeyd etdiyimiz Azərbaycan Xalq Cümhiriyyəti dövlət quruculuğu siyasətində xalqımızın gələcək inkişafı və milli mənafelərimiz naminə avrointeqrasiya xəttini əsas götürürdü.  1991 ci il oktyabrın 18 də Azərbaycanın Milli Məclisi tərəfindən qəbul edilmiş “Azərbaycan Respublikasının Dövlət Müstəqilliyi haqqında Konstitusiya Aktı” na görə Azərbaycan Respublikası Azərbaycan Xalq Cümhuriyyətinin hüquqi varisidir.  Bu sənədin əsas müddəaları sonradan ümumxalq referendumu vasitəsi ilə qəbul edilmiş Azərbaycan Respublikasının Konstitusiyana daxil edilib.  Avrointeqrasiya xəttinin milli mənafelərimizi əks etdirən əsas siyasi istiqamət olduğu həm ölkə Konstitusiyasında, həm də “Azərbaycan Respublikasının Milli Təhlükəsizlik Konsepsiyası” nda öz əksini tapıb.  Milli bayrağımızın üç rəngirdən biri belə seçdiyimiz bu yolun simvoludur.  Demokratik azadlıqlar və insan haqlarına, bərabər imkanlar prinsipinə əsaslanan bu yol M.Ə. Rəsulzadə və onun silahdaşları tərəfindən irəli sürülərək xalqın iradəsi ilə qəbul edilmiş, 70 illik fasilədən sonra Ə. Elçibəyin, onun silahdaşlırının təşəbbüsü və təşkilatçılığı, xalqın iradəsi ilə yenidən bərpa olunmuş bir yoldur.  Avrointeqrasiya Azərbaycan xalqının tarixi seçimidir və bu seçimi xalqın iradəsinin ziddinə olaraq heç kim dəyişdirə bilməz❗️ Arif Hacılı, Müsavat Partiyası Məclis sədri

Cəlilabadda dəhşətli yol qəzası baş verib. Sozcu.az Report-a istinadla xəbər verir ki, hadisə rayonun Sadatlı kəndi ərazisində qeydə alınıb. İlkin məlumata görə, istirahət mərkəzinə gedən avtobus qəzaya düşüb. Nəticədə 2 nəfər ölüb, çoxlu sayda yaralı var. Yaralılar təcili tibbi yardım briqadaları tərəfindən rayon xəstəxanasına aparılıb. Hazırda hadisənin təfərrüatları, ölən və yaralıların şəxsiyyəti dəqiqləşdirilir. Faktla bağlı araşdırma aparılır.

Prezident İlham Əliyev TÜRKPA-nın nümayəndə heyətini qəbul edib. Sozcu.az xəbər verir ki, Azərbaycan Respublikasının Prezidenti İlham Əliyev iyunun 6-da TÜRKPA-nın baş katibi Mehmet Süreyya Eri, Türkiyə Böyük Millət Məclisinin sədri Numan Kurtulmuşu, Qazaxıstan Parlamenti Məclisinin sədri Yerlan Koşanovu, Qırğızıstan Joqorku Keneşinin sədri Nurlanbek Şakiyevi, Özbəkistan Ali Məclisi Senatının sədri Tənzilə Narbayevanı, Şimali Kipr Türk Cümhuriyyəti Məclisinin sədri Zorlu Töreni və Macarıstan Milli Assambleyasının sədrinin müavini Marta Matraini qəbul edib.

Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya Mərkəzi muxtar respublika ərazisində isti hava şəraiti ilə bağlı əhaliyə xəbərdarlıq edib. Nazirlikdən bildirilib ki, 6-7 iyun tarixlərində Naxçıvan şəhərində və Şərur rayonunun Arazboyu düzənlik ərazilərində havanın temperaturunun 34-38 dərəcə isti olacağı gözlənilir. Muxtar respublika ərazisində gözlənilən yüksək temperatur, diskomfort şərait əksər əhali üçün əlverişsiz, meteohəssas insanlar üçün isə çox əlverişsizdir. Uzun müddət açıq havada olmaq məsləhət deyil. Qeyd edək ki, 8-9 iyun tarixlərində isə muxtar respublika ərazisində hava şəraitinin yağıntılı olacağı gözlənilir.

Sosial şəbəkələrdə yayılan video maraq doğurub. Bakı metrosunda vaqonda stul qoyub oturan gənc diqqət çəkib. Onu digər sərnişinlər mobil telefonla lentə alaraq sosial şəbəkələrdə paylaşıblar.

“Günün müəyyən saatlarında yük avtomobillərinin şəhər mərkəzində hərəkəti məhdudlaşdırılıb. Yalnız axşam saat 10-dan sonra şəhərə girə bilirlər. Səhər saat 7:30-dan axşam saat 10-na qədər şəhərdə olmalı deyillər. Əgər olarlarsa bu artıq qanun pozuntusudur” Bunu Moderator.az-a açıqlamasında ekspert Elməddin Muradlı deyib. O daha sonra bildirib ki, burada da istisnalar var. “Şəhərdə gördüyünüz yük maşınları isə xüsusi icazə ilə, portal vasitəsilə hərəkət edir. Bura bəzi şirkətlər, müəssisələr və idarələrin bəzi avtomobilləri daxildir. Başqa hallarda onların şəhərdə hərəkəti qayda pozuntusu sayılır, nəqliyyat vasitəsi saxlanılır, duracağa qoyulur. Yalnız axşam saat 10-dan sonra sürücü gedib maşını götürə bilər. Nişanın tələbini pozub şəhərə girdiyinə görə isə 40 manat məbləğində cərimə olunurlar” deyə ekspert bildirib.

Türkiyə Prezidenti Rəcəb Tayyib Ərdoğan İYİ partiyanın keçmiş sədri Meral Akşeneri qəbul edib. Sozcu.az xəbər verir ki, görüş dünən baş tutub. 40 dəqiqə davam edən görüş mətbuata qapalı keçirilib. Görüşdən sonra açıqlama verilməyib. Qeyd edək ki, Meral Akşener İYİ Partiyasının qurucusu və ilk sədridir. O,  aprel ayının əvvəlində partiya sədrliyinə namizəd olmayıb.

May ayı üzrə 815 müraciətçinin 760-ı barədə müsbət qərar verilərək müvafiq şəhadətnamələr təqdim edilib, 55 nəfərin müraciəti isə mənfi qərarla yekunlaşıb. Bu barədə Sozcu.az-a Təhsildə Keyfiyyət Təminatı Agentliyindən məlumat verilib. Tədris yükünü mənimsəmək üçün təhsil aldığı ölkənin ərazisində tələb olunan normativdən az olması səbəbi ilə 42, ekvivalenti olmayan ixtisas səbəbilə 6, akkreditasiyasız ali təhsil müəssisəsi səbəbilə 4, dövlət nümunəli olmayan diplom səbəbilə 2, təhsil forması səbəbilə 1 nəfərin müraciəti mənfi qərarla yekunlaşıb. Ölkələr üzrə müraciətlərin sayına nəzər saldıqda Rusiya Federasiyasından 264, Ukraynadan 243, Türkiyə Respublikasından 118, Belarus Respublikasından 63, Gürcüstandan 29, Birləşmiş Krallıqdan 28, Çin Xalq Respublikasından 9, Macarıstandan 9, Polşa Respublikasından 6, Qazaxıstan Respublikasından 6, Amerika Birləşmiş Ştatlarından 5, İtaliya Respublikasından 5, Niderland Krallığından 5, Çex Respublikasından 3, Almaniya Federativ Respublikasından 2, Fransa Respublikasından 2, Özbəkistan Respublikasından 2, Türkmənistandan 2, Avstraliya İttifaqından 1, Avstriya Respublikasından 1, Banqladeş Xalq Respublikasından 1, Belçika Krallığından 1, Estoniya Respublikasından 1, İran İslam Respublikasından 1, İspaniya Krallığından 1, İsveç Krallığından 1, İsveçrə Konfederasiyasından 1, Kipr Respublikasından 1, Koreya Respublikasından 1, Litva Respublikasından 1, Norveç Krallığından 1, Qırğız Respublikasından 1 müraciətin olduğu müşahidə olunur. Ən çox müraciət olunan ixtisaslara gəlincə, hüquqşünaslıq üzrə 197, yanğın təhlükəsizliyi mühəndisliyi üzrə 73, həyat fəaliyyətinin təhlükəsizliyi mühəndisliyi üzrə 61, maliyyə üzrə 38, tibb üzrə 32 müraciətçi qeydə alınıb.

Ötən il müəllimlərin işə qəbulu müsabiqəsində 30 müəllim müsahibə mərhələsindən keçə bilməyib. Sozcu.az xəbər verir ki, bunu Məktəbəqədər və Ümumi Təhsil üzrə Dövlət Agentliyinin direktoru Eşqi Bağırov təhsilverənlərin sertifikasiyası ilə bağlı məlumatlandırıcı sessiyada deyib. O bildirib ki, müsahibə mərhələsindən keçə bilməyənlərin əksəriyyəti orta yaş qrupuna aid təhsilverənlərdir. Eşqi Bağırov adətən gənc namizədlərin müsabiqədə uğurlu nəticə göstərdiyini vurğulayıb: "Burada aydın görünən problem öyrətmə metodu ilə bağlıdır".

Çalışma yaş həddi əmək müqaviləsinə xitam verilməsi üçün əsas verir. Lakin onların əksəriyyəti peşəkar müəllimlərdir. Sozcu.az xəbər verir ki, bunu Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli müəllimlərin sertifikasiyası ilə bağlı məlumatlandırıcı sesiyada deyib. O bildirib ki, bir çox hallarda yaşı 65-dən yuxarı olan müəllimlər əmək müqaviləsinin uzadılması üçün müraciət edirlər: "65 yaşdan yuxarı olan müəllimlər üçün sertifikasiya könüllü olduğu üçün qeyd edim ki, onların əgər sertifikasiyada iştirak etməyəcəksə, əmək müqaviləsinin uzadılması tələbinə baxılmayacaq".

Rusiyanın Rostov vilayətinin Novoşaxtinsk şəhərində neft emalı zavodunda partlayışlar olub və güclü yanğın başlayıb. Sozcu.az xəbər verir ki, bu barədə Rusiya Teleqram kanalları məlumat yayıb. Məlumatı Rostov vilayətinin qubernatoru Vasili Qolubev də təsdiqləyib və bildirib ki, “Novoşaxtinsk” neft emalı zavodu Ukrayna PUA-ları tərəfindən vurulub: “PUA hücumu nəticəsində “Novoşaxtinsk” neft emalı zavodunda yanğın baş verib. Aidiyyəti qurumlar hadisə yerindədir. Zərərçəkənlərlə bağlı məlumatlar dəqiqləşdirilir”. Qeyd edək ki, bu, Ukrayna PUA-larının “Novoşaxtinsk” neft emalı zavoduna üçüncü zərbəsidir.

İyunun 6-na keçən gecə İsrail ordusu Livan boyu bir neçə hədəfə zərbələr endirib, nəticədə çoxlu itki var. Sozcu.az xəbər verir ki, bu barədə “Al Mayadin” məlumat yayıb. “Livanın cənubundakı Vadi Hilo bölgəsində yuyucu toz fabrikinə zərbə nəticəsində 4 nəfər yaralanıb. Bundan bir neçə saat əvvəl Livanın cənubundakı Bint-Ceybel şəhəri yaxınlığında Beyt Yahunuya edilən hava hücumu nəticəsində isə 7 nəfər yaralanıb. İsrail aviasiyası Siddiqin, Adçit, Odayse və Kunin şəhərlərini də hədəf alıb”, - məlumatda deyilir.

Xəbər verdiyimiz kimi, bu gün Azərbaycan Ordusunun hərbi qulluqçusu gizir Sənan Nürəddin oğlu Əhmədovun paraşütdən atlama təlimi zamanı baş vermiş bədbəxt hadisə nəticəsində həlak olub. Faciəli şəkildə həlak olmuş Azərbaycan Ordusunun hərbi qulluqçumuzun fotoları yayılıb. Sozcu.az Oxu.Az-a istinadən həmin fotoları təqdim edir:

Azərbaycan Silahlı Qüvvələrinin keçmiş Qərargah rəisi, general-polkovnik Nəcməddin Sadıkovun oğlunun biznes ortağı Akimov Kamal Akimoviç məhkəməyə verilib. Sozcu.az-ın məlumatına görə, onun sahibi olduğu “Keystone” şirkətinin dövlət büdcəsinə vergi borcları yaranıb. Lakin o, nəzərdə tutulan vaxt ərzində həmin borcları ödəməyib. Nəticədə K. Akimoviç barəsində Bakı Kommersiya Məhkəməsində iddia qaldırılıb. İddia tərəfi isə Dövlət Vergi Xidmətinin Bakı şəhəri Lokal Gəlirlər Baş İdarəsidir. Dövlət qurumu borclar ödənmədiyi təqdirdə Akimovun Azərbaycandan kənara çıxışına məhdudiyyət qoyulmasını xahiş edib. Qeyd edək ki, uzun illərdir mətbuatda Kamal Akimoviç Akimovun Azərbaycan Silahlı Qüvvələrinin sabiq qərargah rəisi, general-polkovnik Nəcməddin Sadıkovun oğlu ilə biznes ortaqlığı olduğu yazılır. Bildirilir ki, beton bloklar, yer daşı, səki daşı, qazon daşı, pilləkənlər və digər bu cür məhsulların istehsalı ilə məşğul olan “Keystone” MMC adlı şirkət 2010-cu ildə Kamal Akimoviç Akimov və Nəcməddin Sadıkovun oğlu Məhəmməd Sadıkov tərəfindən təsis olunub. Şirkətin qanuni təmsilçisi Akimov Kamal Akimoviçdir. (lent.az)

Gürcü Arzusu hakimiyyətdə son günlərini yaşayır. Onları təhdid edən bütün sələfləri məğlubiyyətə düçar oldular. Sozcu.az xəbər verir ki, bunu Gürcüstanın Respublikaçılar Partiyasının liderlərindən David Berdzenişvili deyib. Onun sözlərinə görə, sentyabrda ölkənin müxalifət cəbhəsində iki nəhəng rəqib arasında siyasi birləşmə olacaq. Onlardan biri Mixail Saakaşvili və tərəfdaşlarının yaratdığı birlik, digəri isə Salome Zurabişviliyə yaxın qrupların birliyi olacaq: “Saakaşvili müxalifətin az qala yarısının lideridir. İndi o çalışır ki, konstruktiv rol oynasın. İki versiya var: biri qrand-koalisiya və ya vahid böyük siyahının yaradılması, digəri isə Mixail Saakaşvili və tərəfdarlarının olduğu birlik. Güman edirəm, böyük birləşmələr yaşanacaq, onların da Zurabişvilinin müxalifət lideri olması ilə bağlı narazılığı olacaq”. Qeyd edək ki, Gürcüstan oktyabrda parlament seçkisinə gedəcək. Ölkədə xarici agentlər haqqında qanunun dəyişməsindən sonra bunun ölkə üçün həyati əhəmiyyətli olacağı təxmin edilir. Saakaşvili artıq hökumətə qarşı müxalifətin birləşməsi ilə bağlı çağırış edib. Bəzi ekspertlər isə oktyabr seçkilərini avrointeqrasiya və Rusiya tərəfdarları arasında mübarizə kimi qiymətləndirirlər.

Yaxın gələcəkdə Krım ərazisindəki bütün hədəflər, eləcə də Krım körpüsü vurulacaq. Sozcu.az xarici KİV-ə istinadla xəbər verir ki, bunu ukraynalı jurnalist Dmitri Qordon bildirib. “Əgər bərə keçidləri, körpü yoxdursa, bütün hərbi hədəflər vurulubsa, Rusiya nə edə bilər? Sadəcə, qaça bilərlər. Bunu da edəcəklər. Ona görə də Ukraynanın 5 ay ərzində Krıma girəcəyini düşünürəm”, – Qordon bildirib.BakuPost)

İyunun 14-ü məktəblərdə son zəng çalınacaq. Sozcu.az xəbər verir ki, bu barədə Məktəbəqədər və Ümumi Təhsil üzrə Dövlət Agentliyi (MÜTDA) məlumat yayıb. Bildirilib ki, elm və təhsil nazirinin müvafiq əmrinə əsasən, 2023-2024-cü tədris ili ölkənin bütün tipdən olan ümumi təhsil müəssisələrində 15 sentyabr 2023-cü il tarixində başlayır, 14 iyun 2024-cü il tarixində başa çatır. Bununla əlaqədar olaraq 14 iyun son dərs günüdür. Qeyd edək ki, məktəblərdə şagirdlərdən dərsliklərin tədris ilinin sonuncu həftəsindən başlayaraq təhvil alınması nəzərdə tutulur.

Şəmkir rayonunun kəndlərinin birində yerləşən orta məktəbdə 10 yaşlı şagirdə qarşı əxlaqsız hərəkətlər etmiş şəxs həbs olunub. Sozcu.az "Qafqazinfo"ya istinadən xəbər verir ki, məktəbə usta kimi dəvət edilmiş və bu zaman orada şagirdlərdən birinə qarşı əxlaqsız hərəkətlər etmiş 1964-cü il təvəllüdlü Məmməd Məmmədov (şərti ad-soyadlı) Cinayət Məcəlləsinin 153.2-ci (Əxlaqsız hərəkətlər) maddəsi ilə məsuliyyətə cəlb edilib. Bildirilib ki, M.Məmmədov məktəbin müəllimlərindən biri tərəfindən sinif otağının pəncərəsi sındığı üçün məktəbə dəvət edilib. Orada olarkən 64 yaşlı kişi 4-cü sinif şagirdi olan Kərimənin (şərti adlı) tək olduğunu görərək ona yaxınlaşıb və xoşagəlməz hərəkətlər edib. Məmmədin əlindən çıxan şagird məktəbin arxa tərəfinə qaçıb. Azyaşlı qız daha sonra evə getdikdə ağlayaraq hadisə barədə anası və dayısı arvadına danışıb. Hadisə barədə hüquq-mühafizə orqanlarına müraciət edildikdən sonra M.Məmmədov bu ilin 7 yanvar tarixində həbs edilib. Mayın 7-də isə Şəmkir Rayon Məhkəməsi ona hökm oxuyub. Təqsirləndirilən şəxs məhkəmədə törətdiyi əməli etiraf edib. O, azyaşlını öz nəvəsi kimi doğmalıq hissi ilə öpdüyünü deyib. Məhkəmə M.Məmmədova 2 il 3 ay həbs cəzası verib.

18:10 Tərtər şəhərindəki Şəhidlər xiyabanında naməlum şəhid kimi dəfn edilmiş, Birinci Qarabağ müharibəsində itkin düşmüş hesab olunan Elman Almaz oğlu Çıraqovun meyitinin qalıqları Şirvan şəhərinə gətirilib. Sozcu.az Report-a istinadən xəbər verir ki, şəhidin nəşi Şirvan şəhərində ailəsinə təhvil verilib. Şəhidlə vida mərasimi keçirilir. E.Çıraqov Şirvan şəhərindəki Şəhidlər xiyabanında dəfn olunacaq. Qeyd edək ki, 1970-ci ildə Şirvan şəhərində doğulan Elman Almaz oğlu Çıraqov 1992-ci il avqustun 21-də Ağdərə rayonunun Çıldıran kəndi uğrunda gedən döyüşlərdə itkin düşüb. *** Tərtər şəhərindəki Şəhidlər xiyabanında naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Elman Çıraqovla Şirvan şəhərində keçirilən vida mərasimi başa çatıb. Şəhidin nəşi Şirvan şəhəri Şəhidlər xiyabanında dəfn olunub. Dəfn mərasimində şəhidin doğmaları, Şirvan Şəhər İcra Hakimiyyətinin vəzifəli şəxsləri, rayon hüquq-mühafizə orqanlarının əməkdaşları, hərbçilər və ictimaiyyət nümayəndələri iştirak ediblər.

İyunun 16-17-də Azərbaycanda Qurban bayramı qeyd ediləcək. Sozcu.az xəbər verir ki, bu barədə Qafqaz Müsəlmanları İdarəsindən APA-ya bildirilib. Qeyd olunub ki, hər il olduğu kimi məscidlərdə Qurban bayramının namazı qılınacaq: “Bəzi məscidlərdə bayram namazı saat 08:00, bəzilərində isə 09:00-da qılınacaq. Ola bilər ki, məscid imamları öz gələn camaatına uyğun vaxt təyin edə bilərlər, məsələn, rayon yerlərində daha tez, şəhər yerlərində bir az gec ola bilər”.

Ədliyyə nazirinin müavini Toğrul Musayev vəzifəsindən azad edilib. Bu barədə müvafiq sərəncam imzalanıb. Sərəncama əsasən, ikinci dərəcəli dövlət ədliyyə müşaviri T.Musayev tutduğu vəzifədən azad edilib.  Qeyd edək ki, Toğrul Musayev 24 ildir ədliyyə nazirinin müavini idi./Qafqazinfo

Bakının Xətai rayonunda yol qəzası zamanı iki nəfər ağır xəsarət alıb. Sozcu.az Apa-ya istinadən xəbər verir ki, qəza Gəncə prospektində baş verib. Belə ki, 1991-ci il təvəllüdlü Fəridə Quliyeva anası 1967-ci il təvəllüdlü Rəsmiyyə Quliyeva yolun əks tərəfinə keçərkən onların hər ikisini avtomobil vurub. Yaralılar hər ikisi ağır xəsarətlərlə Sabunçu Tibb Mərkəzinə yerləşdirilib. Faktı Xətai Rayon Polis İdarəsinin əməkdaşları araşdırır.

Ukrayna müharibənin 833-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 513 700 hərbçi, 7 806 ədəd tank, 15 036 ədəd zirehli döyüş maşını, 13 385 ədəd artilleriya sistemi, 1 092 ədəd RYAS (reaktiv yaylım atəş sistemi), 830 hava hücumundan müdafiə sistemi, 357 ədəd hərbi təyyarə, 326 ədəd helikopter, 18 297 ədəd avtomobil texnikası, 10 805 ədəd PUA, 2 270 qanadlı raket, 27 gəmi/kater, 1 sualtı qayıq, 2 223 xüsusi avadanlıq itirib.