Tovuzda oteldən qadın meyiti tapılıb. Sozcu.az xəbər verir ki, bu barədə DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov bildirib. O qeyd edib ki, Tovuz Rayon Polis Şöbəsinə rayonun ərazində olan hotellərin birində qadının ölməsi barədə məlumat daxil olub. “Dərhal polis əməkdaşları və prokurorluq əməkdaşları hadisə yerinə gəlib. İkin araşdırmalara nəticəsində ölən şəxs 2003-cü il təvəllüdlü X.Tağıyevanın üzərində zorakılıq əlamətləri aşkar edilməyib. Faktla bağlı araşdırmalar davam etdirilir”, - o deyib.

İsveç hökuməti İran Ali Məhkəməsinin İsveş-İran vətəndaşı Həbib Əsyud barədə edam hökmünə etiraz edib. Sozcu.az xəbər verir ki, bu barədə İsveç Xarici İşlər Nazirliyi açıqlama yayıb. İsveçin xarici işlər naziri Tobias Billström İran məhkəməsinin qərarına etiraz edib və edam hökmünü pisləyib. Nazir məhkəmədə İsveç səfirliyinin nümayəndələrinin iştirakına icazə verilmədiyini deyib və Tehran rejimindən bu qərarı barədə hesabat tələb etdiklərini vurğulayıb. Həbib Əsyud 2020-ci ilin noyabr ayında Türkiyəyə səfəri zamanı İran təhlükəsizlik məmurları tərəfindən oğurlanaraq İrana aparılıb və terror əməliyyatlarını planlaşdırmaqda günahlandırıb.

Müharibədəki ağır itkilərdən sonra ruslar məhbusları, o cümlədən qadın dustaqları cəbhə bölgəsinə gətirir. Sozcu.az xəbər verir ki, bu barədə Ukrayna Baş Qərargahı məlumat yayıb. “Müharibədə şəxsi heyətin ağır itkiləri fonunda düşmən canlı qüvvəsini artırmaq üçün alternativ mənbələrdən istifadə edir. Belə ki, ötən həftə məhbusların daşınması üçün ayrılmış sərnişin qatarı Donetsk vilayətinə doğru hərəkət edib. Vaqonların birində qadın məhbuslar olub”, - məlumatda qeyd olunub.

Rumıniyada 4,1 bal gücündə zəlzələ qeydə alınıb. Sozcu.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Yeraltı təkanların episentri 11 min 300 nəfərin yaşadığı Nexoyu şəhərindən 9 kilomtr şimal-qərbdə yerləşib. Zəlzələ ocağın yerin 110 km dərinliyində yerləşib. Tələfat və dağıntılar barədə məlumat yoxdur.

Xəbər verdiyimiz kimi, Azərbaycanda İran casus şəbəkələrinin ifşa olunması ilə bağlı əməliyyatlar keçirilib. Nəticədə daha bir şəbəkə ifşa olunub. Saxlanılanların olduğu deyilir. Sosial şəbəkələrdə İran xüsusi xidmət orqanları ilə əməkdaşlıqda şübhəli bilinərək saxlanılan vətəndaşların fotokollajı yayılıb. Mənbə iddia edir ki, əməliyyat Azərbaycan Dövlət Təhlükəsizliyi Xidməti tərəfindən həyata keçirilib.(Bizim.Media)

Qərbyönlü Moldova hakimiyyətini zəiflətməyə çalışan Rusiya agentura şəbəkəsi ifşa edilib. Sozcu.az xəbər verir ki, bu barədə polis rəisi Viorel Çernautyanu “Şpigel”ə danışıb. O bildirib ki, ötən gün 25 şübhəli dindirilib və onlardan 7-si saxlanılıb: “İfşa edilən qrup Rusiyadan konkret tapşırıqla gəlmiş şəxslərdən ibarətdir”.

Xaçmaz rayonunun Köhnə Xaçmaz kəndində ahıl kişi yanaraq ölüb. Sozcu.az xəbər verir ki, 1938-ci il təvəllüdlü Zamanov Kamal Namik oğlu yaşadığı evdə istilik sobasının üstünə yıxılıb, nəticədə yanıq xəsarətləri alaraq ölüb. Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib. Faktla bağlı araşdırma aparılır.report

Gürcüstanın Baş naziri İrakli Qaribaşvili ümid edir ki, ölkəsi 2023-cü ilin sonuna kimi Aİ-yə namizəd statusu alacaq. Sozcu.az xəbər verir ki, hökumət başçısı bu barədə "İmedi" televiziyasına müsahibəsində bildirib. "Biz gözləyirik ki, əlimizdən gələni etdiyimiz üçün ilin sonuna kimi status alaq. Əgər söhbət layiqli qəbuldan gedirsə. Ölkəmiz namizəd statusuna layiqdir", - Qaribaşvili deyib.

Goranboy rayonunun Borsunlu kəndində yol-nəqliyyat hadisəsi zamanı iki nəfər ölüb.  "Report"un Qərb bürosunun məlumatına görə, avtomobillərin toqquşması nəticəsində ağır xəsarət alan Ayxan İsgəndərov hadisə yerində, Rəşad Hüseynov isə xəstəxanaya aparılan zaman yolda dünyasını dəyişib.  Faktla bağlı araşdırma aparılır. 00:25 Goranboy rayonunun Borsunlu kəndində ölümlə nəticələnən yol-nəqliyyat hadisəsi olub. "Report"un Qərb bürosunun məlumatına görə, minik avtomobilinin idarəetmədən çıxaraq digər avtomobilə çırpılması nəticəsində 1 nəfər hadisə yerində dünyasını dəyişib. Daha bir nəfər isə ağır halda Gəncə şəhərində yerləşən xəstəxanaların birinə aparılıb. Onların şəxsiyyətləri dəqiqləşdirilir. Faktla bağlı araşdırma aparılır.

Ukraynanın Baxmut şəhəri uğrunda gedən döyüşlərdə martın 6-dan bəri Rusiya ordusunun 1100-dən çox hərbçisi öldürülüb. Sozcu.az xəbər verir ki, bu barədə Ukrayna Prezidenti Volodimir Zelenski axşam videomüraciəti zamanı məlumat verib. Onun sözlərinə görə, çoxlu sayda rus hərbçi ağır yaralanıb. Zelenski bildirib ki, Rusiyanın onlarla texnikası və 10-dan çox silah-sursat anbarı məhv edilib. Qeyd edək ki, Baxmut istiqamətində döyüşlər 7 aydan çoxdur davam edir. Rusiya şəhərin bir hissəsini ələ keçirdiyini iddia edib.

Şirvan şəhər İcra Hakimiyyətinin başçısı İlqar Abbasov rayondan olan xanımları "iməcilik" adı altına məcburi əməyə cəlb edib. Bununla bağlı bir qrup şəhər sakini şikayət göndərib. Şikayətçilər iddia edir ki, martın 11-də İcra Hakimiyyəti rəhbərliyinin tapşırığı ilə Şirvan Şəhər Mərkəzi Xəstəxanasının tibbi heyəti də daxil olmaqla, rayonda çalışan qadınlara "ümumşəhər iməciliyinin keçirilməsi" adı altında məcburi şəkildə küçələr təmizlətdirilib. Məlumata görə, iməcliyə çıxan qadınlara Şirvan şəhər İcra Hakimiyyəti rəsmilərinin müşayəti ilə yol kənarlarındakı tullantılar və bordyurlar təmizlətdirilib, digər abadlıq işləri gördürülüb. Sakinlərin sözlərinə görə, Şirvan şəhər İcra Hakimiyyəti rəhbərliyi terxnika ilə görülməsi nəzərdə tutulan işləri qanunsuz şəkildə şəhərdə çalışan xanımlara gördürür. Məsələ ilə bağlı Şirvan şəhər İcra Hakimiyyətindən telefon zənglərimizə cavab verilməyib./Demokrat.az

Şuşada 450 mənzillik 23 yaşayış binası tikilir. Sozcu.az xəbər verir ki, bunu Şuşa şəhəri Dövlət Qoruğu İdarəsinin şöbə müdiri Səmayə Məmmədova REAL TV-yə açıqlamasında deyib. Onun sözlərinə görə, bu binalar şəhərin cənub hissəsində 8 hektarlıq ərazidə inşa olunur. Müasir binalar 3 və 5 mərtəbədən ibarət olacaq.

Baxmut vilayətində vəziyyət çox ağırdır, Ukrayna Silahlı Qüvvələri ora ehtiyat qüvvələri toplayır. Sozcu.az xəbər verir ki, bunu Rusiyanın “Vaqner” özəl hərbi şirkətinin rəhbəri Yevgeni Priqojin deyib.

Gürcüstanın sabiq prezidenti Mixail Saakaşvili xəstəxanada ölüm ayağındadır. APA xəbər verir ki, bu barədə Britaniyanın “Sky News” telekanalı məlumat yayıb. Jurnalistlərin xəstəxanaya buraxılmadığı, lakin onların suallarının vəkil vasitəsilə çatdıra bildirildiyi və yazılı cavablar aldığı qeyd edilir. “Əvvəlcə 120 kiloqram çəkim var idi. İndi isə 64. Yaşım 60-dan azdır. Həkimlər çoxlu orqan çatışmazlığını proqnozlaşdırırlar. Mən daim yataqdayam, sümüklərim parçalanır və bu, dözülməz ağrılara səbəb olur”, – deyə Saakaşvili suala cavab verib. Keçmiş prezident ölüm ayağında olduğunu bildirib. Saakaşvilinin vəkili Şalva Xaçapuridze onun bu sözlərini təsdiqləyib. Xatırladaq ki, Gürcüstanın keçmiş prezidentinin səhhətində ciddi problemlər 2021-ci ilin noyabrında hakimiyyət tərəfindən saxlanmasına etiraz olaraq iki aya yaxın aclıq aksiyası keçirməsi ilə başlayıb. Aclıq aksiyası bitdikdən sonra ilk dəfə Saakaşvili sağalmağa başlasa da sonra səhhəti yenidən pisləşib. 2022-ci ilin payızında siyasətçinin vəkilləri bildiriblər ki, o həbsxanada zəhərlənib. Avropa ölkələri Gürcüstan hakimiyyətini Saakaşvilini müalicə üçün azad etməyə çağırsalar da Gürcüstan məhkəməsi bundan imtina edib.

Qarabağdakı separatçıların başçısı Arayik Arutunyan qondarma "Təhlükəsizlik Şurası"nın iclasını çağırıb. Bu barədə "Armenpress" məlumat yayıb. Məlumatda bildirilib ki, bu gün Arayik Arutyunyanın rəhbərliyi ilə "Təhlükəsizlik Şurasının" növbədənkənar genişləndirilmiş toplantısı keçirilib. Detallar açıqlanmayıb.

"Vəziyyət çox ciddidir və biz Rusiyanın parçalanmasını görə bilərik..." "Çox təəssüf ki, Ukrayna sonradan görəcəyimiz tarixi hadisələrin yalnız tətiyidir..." Fransız general NATO-ya Rusiyanın parçalanmasına hazır olmağa çağırış edib NATO artıq bu gün Rusiya Federasiyasının hissələrə parçalanacağına hazırlaşmalıdır. Sozcu.az xəbər verir ki, bu fikri fransız general, NATO qüvvələrinin Avropada sabiq komandan müavini Mişel Yakovleff fransız hərbi ekspert, sabiq hərbi təyyarəçi Ksavye Titelmanla söhbətində ifadə edib. "Düşünürəm ki, vəziyyət çox və çox ciddidir. O qədər ciddidir ki, biz Rusiyanın parçalanmasını görə bilərik. SSRİ-nin Berlin divarının çökməsindən sonra dağılması kimi", - general əmin edib. O, qeyd edib ki, Rusiya hələ Ukraynada müharibədən öncə çökməyə doğru gedib. "Hazırki rejim iflasa məhkumdur. O, hələ fevralın 24-dən öncə iflasa məhkum olub. Demoqrafiya səbəbindən. Rusiya demoqrafiya çöküşünü yaşayır. O, həmçinin iqtisadi səbəbdən, Rusiyanın iqtisadi quruluşu baxımından iflasa məhkum olub. O, artıq üçüncü dünya ölkəsinə çevrilib və dördündü dünya ölkəsinə çevrilmə yolundadır, yalnız xammal, filiz, enerjidaşıyıcıları, meşə qırılması hesabına yaşayır", - Yakovleff deyib. Ksavye Titelman cavabında deyib ki, hətta Mərakeş belə adambaşına düşən sənaye istehsalına görə Rusiyanı üstələyir. Yakovleff davam edərək deyib ki, Ukraynada müharibə Rusiyanın dağılmasını ən azı "beş il" sürətləndirib. Generalın fikrincə, bunun səbəblərindən biri də ölkədə üç ordunun-Müdafiə Nazirliyi, Daxili İşlər Nazirliyi və Federal Təhlükəsizlik Xidmətinin fəaliyyət göstərməsidir, bu da 1973-cü ilin Livan nümunəsinə bənzəyir.  Mən hələ "Vaqner qrupu", "Patriot" tipli özəl hərbi şirkətlərindən, oliqarxların və "kadırovçuların" ordusundan danışmıram. "Ukraynada müharibə qəlyanaltıdır, daha sonra əsas menyu-Rusiyanın parçalanması olacaq. Rusiyanın parçalanması SSRİ-nin parçalanmasından daha qanlı olacaq, çünki o ölkəni müharibəni istəməyən ağıllı adamlar idarə edib. Düşünürəm ki, NATO buna hazırlaşmalıdır. Mən təəssüflə etiraf etməliyəm: Ukrayna bizim sonradan görəcəyimiz tarixi hadisələrin yalnız tətiyidir", - general deyib. Mişel Yakovleff İraq müharibəsinin, NATO-nun Yuqoslaviya əməliyyatının iştirakçısıdır. Karyerasının pik nöqtəsi Mərkəzi Avropada NATO qüvvələri komandanının müavini, Baş Qərargah rəisinin müavini olub. 1905 və 1917-ci il inqilablarının iştirakçısı olan mühacir menşevikin nəslindəndir.

Türkiyənin Adana şəhərinin Saimbeyli rayonunda 4,4 maqnitudalı zəlzələ olub. Sozcu.az xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb. Bildirilib ki, yeraltı təkanların ocağı 7,7 km dərinlikdə olub. Dağıntı və tələfat barədə məlumat verilməyib.

5 martda Ermənistanın törətdiyi təxribat bir daha onu göstərdi ki, Laçın yolunun son nöqtəsində, Ermənistan-Azərbaycan sərhədində sərhəd-nəzarət məntəqəsinin qurulması labüddür. Sozcu.az xəbər verir ki, bunu Azərbaycan Respublikası Prezidentinin köməkçisi, Azərbaycan Respublikası Prezidentinin Administrasiyasının xarici siyasət məsələləri şöbəsinin müdiri Hikmət Hacıyev Report-a müsahibəsində bildirib. Hikmət Hacıyev qeyd edib ki, Azərbaycanın Rusiya sülhməramlılarının müvəqqəti yerləşdiyi ərazilərində təbii sərvətlərimizin qanunsuz istismarına etiraz olaraq dekabrın 12-dən bəri Laçın-Xankəndi yolunda vətəndaş cəmiyyətinin nümayəndələri, ekofəallar aksiya keçirirlər: "Cənab Prezidentin dediyi kimi, bu, şərəfli bir missiyadır. Qarabağdan təbii sərvətlərimiz talan olunub gözümüzün qabağında Ermənistana daşınırdı. Hansı suveren ölkə buna dözər? Bu, dinc bir aksiyadır, ora qatılanların avtomatı, topu-tankı yoxdur və qanuni tələblər irəli sürürlər. Amma Ermənstan indi də yeni bir narrativ ortalığa atıb. Guya Laçın yolunda “blokada”dadır, Azərbaycan Qarabağda yaşayan erməni sakinlərə qarşı “genosid” törətməyə hazırlaşır. Biz ilk gündən demişik ki, Laçın yolu bağlanmayıb, Rusiya sülhməramlıları, Beynəlxalq Qırmızı Xaç Komitəsi, humanitar yüklər rahat şəkildə yoldan keçir. Dekabrın 12-dən bu günə 3 600-dan çox maşın Laçın-Xankəndi yolundan keçib. Məgər belə blokada olur?" "Ermənistan bu tipli narrativlərlə beynəlxalq ictimaiyyəti çaşdırmaq, Azərbaycanın mövqelərinə zərbə vurmaq, sülh müqaviləsinin imzalanmasını yubatmaq, Qarabağda yaşayan erməni sakinlərin Azərbaycana reinteqrasiyasına mane olmaq niyyətindədir. Başqa bir narrativ də var: “Qarabağ bütün dünyadan təcrid olunub”. Bu adamlar başa düşmür ki, “Dağlıq Qarabağ” ayrıca bir subyekt deyil və ada kimi yaşaya bilməz. Bu ərazi Azərbaycanın tərkib hissəsidir. Erməni sakinlərin Azərbaycana reinteqrasiyası yeganə çıxış yoludur. Hesab edirəm ki, 5 martda Ermənistanın törətdiyi təxribat bir daha onu göstərdi ki, Laçın yolunun son nöqtəsində, Ermənistan-Azərbaycan sərhədində sərhəd-nəzarət məntəqəsinin qurulması labüddür. Prezident İlham Əliyev Münhen Təhlükəsizlik Konfransında bu təkliflə çıxış etmişdi", - Azərbaycan Prezidentinin köməkçisi deyib.

Azərbaycanda İran casus şəbəkələrinin ifşa olunması ilə bağlı əməliyyatlar davam edir. Sozcu.az-ın Trend-ə istinadən məlumatına görə, hüquq-mühafizə orqanlarının keçirdikləri əməliyyat nəticəsində daha bir şəbəkə ifşa olunub, saxlanılanlar var. Hazırda əməliyyat davam edir.

"Kreml Sovet İnformasiya Bürosu analoqunun yaradılmasında Stalin yanaşmasını təkrarlaya bilməz..." Kremldə Rusiya prezidenti Vladimir Putinin yaxın ətrafının əsas üzvləri arasında mübarizə gedir. Putin ölkədə informasiya məkanı üzərində nəzarəti itirib və hazırda diktatorun ətrafında daxili qarşıdurma baş verir. Sozcu.az xəbər verir ki, bu barədə Amerikanın müharibənin öyrənilməsi İnstitutunun (ISW) analitikləri bəyan edib. Məlumatda deyilir ki, martın 11-də Rusiya xarici işlər nazirinin rəsmi nümayəndəsi Mariya Zaxarova təsdiq edib ki, Kreml daxilində mübarizə gedir və Kreml Rusiyada informasiya məkanına, hələlik, nəzarəti itirib.  Zaxarova həm də bəyan edib ki, ehtimal ki, prezident Putin buna təsir edə bilmir. Zaxarova qeyd edib ki, Kreml Rusiyanın daxili informasiya məkanına mərkəzləşdirilmiş nəzarət üçün Sovet İnformasiya Bürosu analoqunun yaradılmasında Kreml "elitaları" arasında mübarizə səbəbindən Stalin yanaşmasını təkrarlaya bilməz. Ekspertlər iddia edir ki, Zaxarovanın bəyanatı onların institutunun bir neçə dəyərləndirməsini təsdiq edir. Bundan başqa, "Vaqner qrupu"nun başçısı Yevgeni Priqojin bəyan edib ki, Baxmut uğrunda döyüşdən sonra o, "Vaqner qrupu"nu sərt ideoloji hərbi təşkilata çevirəcək və savaşa yeni cəlbetmə dalğasına başlayacaq. ISW xatırladır ki, "Vaqner qrupu" bu yaxınlarda bütün Rusiya boyunca rekrutinq (cəlbetmə-red.), o cümlədən gənclərin cəlbetməsinə yönələn mərkəzləri genişləndirib.

“Dünyanın ikinci ordusu” həm ayaqyalın, həm çılpaq, silahsızdır və  həm də insani prinsiplərə malik deyil..." Ukraynada Rusiya Federasiyası ordusunun genişmiqyaslı işğalının əvvəlindən işğalçı əsgərləri "bomjlar ordusu" adlandlrmağa başlayıblar.  Çünki işğalçılar yanı üstdə olan və ukraynalıların sülh dövründə əldə etdikləri hər şeyi daşıyırlar.  Amma indi “bomjlar ordusu” ifadəsi tamam başqa məna kəsb edir. Rusiyalı könüllülər Rusiya hərbçiləri üçün alt paltarları tikmək üçün parça almaqdan ötrü pul yığmağa başlayıblar. Sozcu.az xəbər verir ki, bu barədə daha ətraflı Rusiyanın "ASTRA" telegram- kanalı məlumat yayıb. Permdən olan yerli könüllü sosial şəbəkələrdə elan yerləşdirərək sakinlərdən hərbçilər üçün şortlarin tikilməsinə köməklik göstərmələrini xahiş edib. O, elanla yanaşı, sakinlərin gətirdiyi parçadan hərbçilər üçün alt paltarının fotosunu da yerləşdirib. Həvəskar üçün rəngləmə - solğun mavi parça üzərində mavi çiçək:  rus işğalçısına uyğundur. Könüllü həmçinin səngərdə şamları düzəltmək üçün dəmir qutular istəyib, həmçinin yastıq üzlükləri və alt paltarlarının tikilməsi üçün kömək istəyib. Elanda şortların həm cəbhəyə, həm də xəstəxanalara göndərildiyi bildirilir. Daha əvvəl  bildirilmişdi ki, ruslar kütləvi şəkildə bir-birlərinə qarşı donoslar yazmağa başlayıblar. Rusiya ordusunu “diskreditə etmək” ittihamları şəxsi söhbətlərdə səsləndirilən bəyanatlarla bağlı daha çox yayılıb.

"Dağıntılar, silah qalıqları, yerdə mərmilərdən yaranan çüxurlar-bunlar Rusiyanın avtoportretidir..." "Bu ilin əvvəlindən təkcə Xarkova düşmən 40-dan çox raket zərbəsi endirib..." Rusiya müxtəlif silahlardan bir məqsədlə istifadə edir-həyatı məhv etmək və Ukraynada bəşəri heç nə saxlamamaq.  Sozcu.az xəbər verir ki, bu barədə Ukrayna prezidenti Vladimir Zelenski matın 11-də gecə müraciətində bəyan edib. Zelenski deyib ki, hər gün atəşlərə məruz qalan yaşayış məntəqələrinə dəstək vermək istəyir. "Bu, bizim Xerson vilayətimiz və məğlubiyyətə görə düşmənin qisas aldığı Xerson şəhərimizdir. Bu, bizim Zaporojyemizdir. Bu, Donbas və Luqanskın Rusiyanın, sadəcə, yandırıb külə döndərməyə cəhd etdiyi şəhərlərimizdir. Bu, Xarkov vilayəti və Xarkov şəhəridir. Bu ilin əvvəlindən təkcə Xarkova düşmən 40-dan çox raket zərbəsi endirib. Bu, Nikopol və Marqanetsdir,  bizim Dnepropetrovsk vilayətimizdir. Bizim Sumı, Çerniqov vilayətimizdir", - prezident deyib. Dağıntılar, silah qalıqları, yerdə mərmilərdən yaranan çüxurlar-bunlar Rusiyanın avtoportretidir, Zelenski əlavə edib. "Bu gün Rusiyanın atəşləri Xersonda, sadəcə, mağazaya ərzaq dalınca gedən insanların həyatına son qoyub. Üç ukraynalı həlak olub. Onların doğmalarına başsağlığı verirəm. Zaporojyedə Rusiya raketi şəhərin həyati əhəmiyyətli obyektinə düşüb. Sərhəd rayonlarında işğalçılar kəndlərimizi atəşlərə məruz qoyaraq insanları qorxutmağa və yurdlarından qovmağa cəhd edir", - dövlət başçısı deyib. Lakin o, əlavə edib ki, Rusiya atəşlərə məruz qoyduğu ərazilərdə olmayacaq. "Bu ölkə terrorun sinoniminə çevrilib və məğlubiyyətin və bu terrora görə ədalətli cəzanın nümunəsi olacaq", - Zelenski bəyan edib. Ukrayna cəbhəsində vəziyyət-nələri bilmək lazımdır? Martın 11-də axşam Ukrayna Silahlı Qüvvələrinin (USQ) Baş Qərargahı məlumat verib ki, düşmən Ukraynanın şərqində hücumunu davam etdirib və uğursuzluğa düçar olub. Qeyd etmək lazımdır ki, hazırda qarşıdurmanın episentri Donetsk vilayətinin Baxmut şəhəridir. USQ Şərq qruplaşmasının spikeri Sergey Çerevatının sözlərinə görə, cari sutka ərzində cəbhənin Baxmut sahəsində düşmən 157 dəfə ukraynalı döyüşçülərin mövqelərini yaylım atəşli reaktiv sistemlərdən və müxtəlif növ artilleriyadan atəşlərə məruz qalıb. 50-dən çox döyüş olub. Döyüş əməliyyatları zamanı düşmən tərəfindən 221 nəfər məhv edilib, 314 nəfər yaralanıb.

Martın 12-də gecə 3 radələrində İranın Şərqi Azərbaycan vilayətinin Təbriz şəhərində yaşayış binasında güclü partlayış olub. Sozcu.az xəbər verir ki, hadisədə 5 nəfər ölüb, 4 nəfər yaralanıb. Bildirilib ki, partlayış 100 evə təsir edib. Şərqi Azərbaycanın Fövqəladə Hallar İdarəsinin rəhbəri Məhəmməd Xanbərar olayda 3 yaşayış evinin tamamilə dağıldığını açıqlayıb. Xanbərar partlayışın səbəbi haqqında açıqlama verməyib. Əraziyə çoxlu sayda xilasedici göndərilib. Qeyd edək ki, partlayışın baş verdiyi ərazidə SEPAH-a bağlı "Aşuranın 31-ci korpusu" yerləşdiyi bildirilir.

Yalnız Rusiya ərazisinə müntəzəm zərbələr endirilməsi işğalçıları döyüşməkdən çəkindirəcək. Sozcu.az xəbər verir ki, bunu Ukrayna Silahlı Qüvvələrinin generalı Sergey Krivonos deyib. "Bizim üçün düşməni dayandırmaq vəzifəsi Rusiyanı ən azı 500-800 km dərinlikdə bombalamağa başlamaq üçün öz resurslarımızla güclü partlayıcı yüklü çoxlu sayda pilotsuz uçuş aparatlarının istehsalını sürətləndirməkdir. Biz öz imkanlarımızla Rusiya ərazisində sistemli sınaqlara başladığımız zaman bu, rusların müharibəni bitirmək istəyini kifayət qədər sürətləndirəcək", - general qeyd edib.