Meyxanaçı Rəşad Əmirovun (Rəşad Dağlı) cinayət işi üzrə məhkəmənin hazırlıq iclasının vaxtı məlum olub.  Sozcu.az xəbər verir ki, cinayət işi üzrə məhkəmənin hazırlıq iclası aprelin 17-nə təyin edilib.  Cinayət işi baxılması üçün Bakı Ağır Cinayətlər Məhkəməsininə göndərilib. İş araşdırılması üçün hakim Leyla Əsgərova-Məmməfovanın icraatına verilib. İttihama görə, ötən ilin noyabrın 9-da, saat 05 radələrində 1979-cu il təvəllüdlü İskəndər Mehtiyevin öldürülməsi barədə rayon prokurorluğuna məlumat daxil olub. Aparılmış araşdırmalarla zərərçəkmişin tanışı, 1984-cü il təvəllüdlü Rəşad Əmirovun şəxsi münasibətlər zəminində aralarında yaranmış münaqişə zamanı bıçaqla çoxsaylı xəsarətlər yetirərək İskəndər Mehtiyevi qəsdən öldürməsinə əsaslı şübhələr müəyyən edilib. Rəşad Əmirov şübhəli şəxs qismində tutularaq istintaqa cəlb edilib. Rəşad Dağlının qətlə yetirdiyi şəxslə bağlı bəzi məqamlar üzə çıxıb. Meyxanaçının bıçaqladığı 1979-cu il təvəllüdlü İsgəndər Mehdiyev xeyli vaxt həbsxanada olub. Hadisəyə isə İsgəndərin Rəşad Dağlının arxasınca söyüş söyməsi səbəb olub. Rəşad Dağlı İsgəndərlə məsələyə aydınlıq gətirmək üçün onu görüşə çağırıb və noyabrın 9-da, səhər saat 05 radələrində hər iki şəxs Lökbatan qəsəbəsində görüşüblər. Şəxsi münasibətlər zəminində baş vermiş münaqişə zamanı Rəşad Dağlı İsgəndəri bıçaqlayaraq öldürüb. Qeyd edək ki, Rəşad Dağlının qətlə yetirdiyi İsgəndər Mehtiyev Cinayət Məcəlləsinin 234.4.3 (külli miqdarda narkotik vasitələrin qanunsuz dövriyyəsi) maddəsi ilə uzun müddət həbsdə olub. O, təxminən hadisədən 15 gün əvvəl cəzasını başa vuraraq azadlığa buraxılıb. İsgəndər Mehtiyev azadlığa buraxıldıqdan sonra dəfələrlə Rəşad Dağlıya zəng vuraraq onunla mübahisə edib. Rəşad Əmirov Cinayət Məcəlləsinin 120.1-ci (qəsdən adam öldürmə) maddəsi ilə ittiham olunur.

Aprelin 5-dən 6-a keçən gecə Tehranın Şər-i Ziba bölgəsində hökumətə qarşı etiraz aksiyaları keçirilib. Sozcu.az xəbər verir ki, aksiyalar 2022-ci ilin sentyabr ayında hökumət məmurları tərəfindən öldürülən Həmid Rza Ruhi adlı gəncin doğum günü münasibətilə keçirilib. Etirazçılar "Xamenei, bu qiyam sona çatmayacaq" , "Bu il sistemin son ilidir" kimi şüarlar səsləndiriblər.

Azərbaycandan Macarıstana ixrac olunacaq qazın həcmi açıqlanıb. Sozcu.az xəbər verir ki, bu barədə Macarıstanın xarici işlər və ticarət nazir Peter Siyarto Tbilisidə keçirilən Yaşıl Enerji Dəhlizi Forumunda çıxışında deyib. O bildirib ki, Azərbaycanla təbii qazın idxalı ilə bağlı - bu il üçün təxminən yüz milyon kubmetr həcmində qaz - siyasi razılıq əldə olunub. "Lakin sonradan bu, uzunmüddətli perspektivdə müqavilə çərçivəsində bu, hər il iki milyard kubmetrə qədər arta bilər", - nazir əlavə edib.

Dünyaca sevilən “Şrek” (“Shrek”) cizgi filminin 5-ci hissəsi yayımlanacaq.  Sozcu.az xarici mətbuata istinadən xəbər verir ki, komanda artıq cizgi film üzərində işlərə başlayıb.  Bu barədə filmin prodüseri Kristofer Meledandri xəbər verib.  O, yeni film haqda ətraflı açıqlama verməkdən qaçsa da, baş personajları səsləndirən şəxslərlə danışıqların getdiyini bildirib.  

"Mançester Yunayted"in baş məşqçisi Erik ten Haq İngiltərə Premyer Liqasının 25-ci turunda təxirə salınmış və ötən gecə keçirilən "Brentford"la matçda qalib gəlmələri (1:0) barədə danışıb.  Sozcu.az BBC-yə istinadən xəbər verir ki, mütəxəssis komandasının oyunundan razı qaldığını deyib: “Çox yaxşı oynadıq, xüsusən də birinci hissədə. 2-ci hissə daha çox döyüşə bənzəyirdi. "Brentford" kimi güclü komandaya qarşı yaxşı futbol oynamaq asan deyil. Amma ehtiras və arzumuz var idi, ona görə də məqsədimizə çata bildik. Markus Reşford möhtəşəm qola imza atıb. O, yenidən zirvədədir, yaxşı formadadır. Ümid edirəm ki, Markus mövsümün sonuna qədər belə qalacaq. David de Xeanın köməyinə nə vaxt ehtiyacımız olsa , yerində olur. Konsentrasiyanı itirdikdə səhvlər etmək mümkündür. Biz robot kimi oynamaq istəyirik, səhv etmək yox. Biz bir boşluq yaratdıq. Yaxşı ki, rəqib bundan istifadə edə bilmədi. David isə özünü göstərdi. Bu, vacib qələbədir, 16 matçda "Brentford" yalnız bir dəfə məğlub olub. Mən komandamızla fəxr edirəm”. Qeyd edək ki, "Mançester Yunayted"in qələbə qolunu Markus Reşford vurub.

Məşədi Dadaş məscidinə din xadimi təyinatı Hacı Şahin Həsənlinin 40 mərasimindən sonra olacaq. Sozcu.az xəbər verir ki, bunu jurnalistlərə açıqlamasında Dini Qurumlarla İş üzrə Dövlət Komitəsinin sədri Mübariz Qurbanlı deyib. O bildirib ki, Hacı Şahin Həsənlinin vəfatından sonra məsciddə dini ayinləri İlahiyyat İnstitutunun tələbəsi Elmir Vəliyev icra edir. "Biz bunu Məşədi Dadaş məcsidinin icması ilə də müzakirə etmişik. Ənənəvi olaraq 40 mərasimindən sonra məscidə din xadimləri təyin olunacaq. Əminəm ki, Elmir də orada fəaliyyətini davam etdirəcək" - deyə komitə sədri qeyd edib. Qeyd edək ki, Hacı Şahin martın 2-si səhər saatlarında ürək tutmasından vəfat edib.

Goranboyda avtomobil aşıb, 5 hərbçi xəsarət alıb. Sozcu.az xəbər verir ki, hadisə Yeniyol-Xanqərvənd kəndləri istiqamətindən keçən magistral yolda baş verib. VAZ-2105 markalı avtomobilin idarəetmədən çıxaraq aşması nəticəsində 5 hərbçi müxtəlif bədən xəsarətləri alıb. Onlar dərhal xəstəxanaya yerləşdiriliblər. Faktla bağlı araşdırma aparılır.

Dövlət İmtahan Mərkəzi aprelin 9-da ümumi (9 illik) orta təhsil səviyyəsi üzrə buraxılış imtahanı keçirəcək. DİM-dən Sozcu.az-a verilən məlumata görə, imtahan saat 11:00-da başlanır. İmtahanın başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır. Kütləviliyin və təmas hallarının qarşısının alınması məqsədilə imtahan iştirakçıları üçün imtahan binasına müxtəlif daxilolma vaxtları müəyyən edilib və imtahan iştirakçısının buraxılış vərəqəsində həmin vaxt göstərilib. Ona görə də imtahan binasına buraxılış vərəqəsində qeyd olunan vaxtda gəlmək tövsiyə olunur. Şagirdlər imtahana aşağıdakı sənədləri gətirməlidirlər: - İmtahana buraxılış vərəqəsi; - Şəxsiyyəti təsdiq edən sənədin əsli: a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini; b) əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vəsiqələrini, qaçqın statusu almış xarici vətəndaşlar və onların ailə üzvləri isə qaçqın vəsiqələrini; -Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotoşəkilləri yapışdırılmış arayışı (arayışa iştirakçının 3x4sm ölçülü şəkli yapışdırılır və şəkil möhürlə təsdiqlənir). Şəxsiyyəti təsdiq edən sənədində şəkli olmayan şagirdlər buraxılış imtahanı üçün təhsil müəssisəsi tərəfindən verilməli olan arayışı DİM-in saytından yükləyə bilərlər. İmtahanda iştirak edəcək şagirdlər “İmtahana buraxılış vərəqəsi”ni internet vasitəsilə DİM-in saytından martın 31-dən etibarən çap edib götürə bilirlər. İmtahan keçirilən şəhər və rayonlarda ümumilikdə 195 imtahan binası, 3575 imtahan zalı ayrılıb. İmtahanların idarə olunmasına 568 imtahan rəhbəri və ümumi rəhbər, 4434 nəzarətçi-müəllim, 643 buraxılışı rejimi əməkdaşı (mühafizə), 195 bina nümayəndəsi ayrılıb. Aprelin 9-da keçiriləcək imtahanda 47 917 şagirdin iştirakı nəzərdə tutulur. İmtahanda 12 nəfər fiziki məhdudiyyətli (I qrup gözdən əlil, eşitmə əngəlli və digər) şagird də iştirak edəcək. Onların rahat şəkildə imtahan verməsi üçün imtahan binalarında ayrıca zallar ayrılıb, gözdən əlillər üçün tapşırıqların oxunması, cavab vərəqinin doldurulması və s. işlər üçün fərdi nəzarətçilər təyin edilib. Həmçinin eşitmə əngəlli şagirdlər üçün onların dinləmə ilə bağlı qüsurları nəzərə alınaraq xüsusi test kitabçaları hazırlanıb. Hərəkət məhdudiyyətli şagirdlərin bina və zala daxil olması və rahat şəkildə hərəkəti üçün də xüsusi şərait yaradılıb. Hazırda imtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə onlayn şəkildə təlim-seminarlar keçirilir. Bütün imtahan binalarına baxış keçirilib, imtahan zallarında şagirdlərin rahat şəkildə imtahan verməsi üçün zəruri şərait yaradılıb. İmtahana 1 gün qalmış təhlükəsizliyin təmin edilməsi məqsədilə imtahan mərkəzlərinə təkrar baxış da keçirilir və imtahan zalları, giriş-çıxış qapıları, binalar möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə verilir.

ABŞ-ın Müharibə Araşdırmaları İnstitutu Böyük Quruluş Partiyasının sədri, Milli Məclisin deputatı Fazil Mustafaya qarşı terror aktının arxasında İranın dayanması və bu hadisənin Tehranın sifarişi ilə törədilməsi barədə yazı dərc edib. Sozcu.az Report-a istinadən xəbər verir ki, institutun analitikləri bildiriblər ki, F.Mustafaya qarşı sui-qəsd həyata keçirmək istəyən və Azərbaycanın Dövlət Təhlükəsizliyi Xidmətinin həbs etdiyi 4 şəxsdən 3-ü İran təhlükəsizlik qüvvələrinin sifarişi ilə işləyirmiş. Qeyd olunub ki, hadisə Milli Məclisdə müzakirə olunan zaman da azərbaycanlı deputatlar terror aktına görə İranı günahlandırıblar. Yazıda həmçinin İran parlamentinin Azərbaycanın İsraildə səfirlik açmasını pisləyən bəyanatına da toxunulub. “Bəyanat Tehran və Bakı arasında bir neçə gündür artan gərginlikdən sonra verilib. Bundan əvvəl İran Xarici İşlər Nazirliyinin sözçüsü Naser Kənani Azərbaycan xarici işlər naziri Ceyhun Bayramovla israilli həmkarı Eli Koenin müzakirəsini pisləyib”, - Müharibə Araşdırmaları İnstitutundan bildirilib. Qeyd edək ki, martın 28-də F.Mustafaya qarşı yaşadığı evin qarşısında “Kalaşnikov” avtomat silahından atəş açılaraq terror aktı törədilib. Nəticədə F.Mustafa bədənin sağ çiyin qurşağını və sağ budun aşağı üçdə birini dəlib keçən güllə yarası alıb. Ona zəruri tibbi xidmətlər göstərilib. Faktla bağlı Dövlət Təhlükəsizliyi Xidmətinin İstintaq baş idarəsində Cinayət Məcəlləsinin 277-ci (dövlət xadiminin və ya ictimai xadimin xidməti və ya siyasi fəaliyyətinə son qoymaq və ya bu fəaliyyətə görə qisas almaq məqsədilə onun həyatına sui-qəsd etmə) və 228.2.1-ci (qabaqcadan əlbir olan bir qrup şəxs tərəfindən qanunsuz olaraq odlu silah, onun komplekt hissələrini, döyüş sursatı əldə etmə, saxlama, daşıma və gəzdirmə) maddələri ilə cinayət işi başlanılıb. Terror aktını törətmiş şəxsin və cinayət hadisəsi ilə əlaqəsi olan digər şəxslərin müəyyən olunaraq cinayət məsuliyyətinə cəlb olunması istiqamətində kompleks təxirəsalınmaz əməliyyat-istintaq tədbirləri həyata keçirilir. Nəticədə, əvvəlcə terror aktının sifarişçisi, sonra isə icraçılar müəyyən edilib. DİN və DTX-nin şəxsi heyətinin birgə səyləri, polis əməkdaşlarının peşəkarlığı və fədakarlığı sayəsində aprelin 2-dən 3-nə keçən gecə cinayətkar dəstənin üzvləri həbs ediliblər. Hadisədə əli olan 4 nəfər tutulub.

Ötən gün Bakı-Salyan yolunda ölümlə nəticələnən ağır yol qəzası ilə bağlı cinayət işi başlanılıb. Sozcu.az xəbər verir ki, qəza aprelin 5-də saat 15:45-də Ələt-Astara-İran sərhəddi avtomobil yolunun Salyan rayonu ərazisindən keçən 26-cı kilometrliyində qeydə alınıb. Belə ki, 2001-ci il təvəllüdlü Dadaşov Əli Səfail oğlu idarə etdiyi “Kamaz 65115” markalı 42 BM 084 dövlət qeydiyyat nişanlı yük avtomobili ilə Ələt qəsəbəsi istiqamətində hərəkətdə olan zaman qarşıda yolun sağ kənarında dayanmış 1976-cı il təvəllüdlü Hüseynov Elxan Ramil oğlunun idarə etdiyi “Hunday Aksent" markalı 99 TN 320 dövlət qeydiyyat nişanlı minik avtomobilini arxadan vurub. Hadisə nəticəsində “Hunday Aksent" markalı avtomobilin sərnişinləri 1972-ci il təvəllüdlü Bağırova Dilarə Ramil qızı, 1960-cı il təvəllüdlü Muradova Mirsəkinə Mirqiyam qızı, 1975-ci il təvəllüdlü Hüseynova Elnurə Adil qızı və 2020-ci il təvəllüdlü Bağırov Bayxan Bayram oğlu aldıqları xəsarətlərdən ölüblər. Digər sərnişinlər 1971-ci il təvəllüdlü Ağayeva Xannənə Qabil qızı, sürücülər Hüseynov Elxan Ramil oğlu və Dadaşov Əli Səfail oğlu xəsarət alıblar. Faktla bağlı BDYPİ-nin Yol-nəqliyyat hadisələrinə dair işlər üzrə İstintaq və təhqiqat şöbəsində cinayət işi başlanaraq istintaq aparılır.

Ukrayna ilə Rusiya arasında danışıqlar yalnız Kiyevin şərtləri ilə mümkündür. Sozcu.az xəbər verir ki, bunu ABŞ Dövlət Departamentinin sözçüsü Andrea Kalan deyib. "ABŞ, eləcə də NATO tərəfdaşlarımız Ukraynanın öz ərazisini uğurla müdafiə etməsini istəyir. Kiyev döyüş meydanında üstünlük əldə etdikdən sonra danışıqların vaxtı gələcək və Ukrayna öz şərtlərini diktə edə biləcək”, - o bildirib. Ukraynaya F16 təyyarələrinin tədarükünə gəlincə, Kalan qeyd edib ki, ABŞ və tərəfdaşları Kiyevin döyüş meydanında güclü mövqe tutması üçün göndəriləcək yardımların üzərində çalışır: “ABŞ-ın yeni yardımı Ukraynaya hücuma keçməyə və əraziləri azad etməyə kömək edəcək silahları əhatə edəcək. Biz nəyi çatdıra biləcəyimizə baxırıq, çünki görürük ki, Rusiya tərəfdən yeni hücum mütləq olacaq. Və Ukrayna Rusiyanın təcavüzü ilə mübarizəyə hazır olmalıdır".

Rusiya ordusu ötən gecə Ukraynanın Donetsk vilayətini atəşə tutub. Sozcu.az xəbər verir ki, bunu Donetsk Hərbi Administrasiyanın rəhbəri Pavel Kirilenko teleqramda yazıb. O bildirib ki, hadisə nəticəsində 5 nəfər mülki şəxs ölüb, 9 nəfər yaralanıb. P.Kirilenko itkilərin sayının dəqiqləşdirildiyini söyləyib.

Dövlət Dil Komissiyası yanında Monitorinq Mərkəzi zərərli vərdişlərdən istifadəni, tüfeyli həyat tərzini, mental dəyərlərimizə zidd olan davranışları təbliğ edən, aqressiv hərəkətlərə və özünəqəsdə sövq edən mahnıların siyahısını tərtib edib. Sozcu.az xəbər verir ki, siyahı "Mahnılarımız monitorinq aynasında" adlı kitabda öz əksini tapıb. Həmin mahnılar müəllif və ifaçılarının adları ilə birlikdə qeyd olunub. Həmin mahnı nümunələri aşağıdakılardır: - İlkin Çərkəzoğlu - "Aparır, kayf aparır", "Bomba kayfda", "Kayfim zor olanda" mahnısı; - Məhəmməd Fəda - "Zır kayfdayam bu gün"; - Rüzgar - "Yenə gedirəm"; - İlqar Dəniz & Orxan Eşqin - "Nə, nə, nə nəşəni çəkdim, xu, xu, xu xumar apardı"; - Sənan & Vǝli & Arzu - "Bu da təzə temadır, yetim"; - Simral Qasımoğlu & Asif Əhmədli - "Zəhrimar"; - Said & Samid - "Nağaracuğa"; - Elçin Göyçaylı - "Ley-pey olmuşam"; - Toğrul Göyçaylı & Nurlan Göyçaylı - "Adam nə qədər ley-pey?"; - Şamil Vəliyev - "İçirəm mən"; - İlqar Dəniz - "İçirəm"; - Elvin Elcan - "Kefliyəm"; - Elçin Göyçaylı - "Mey gətir"; - Ramil Sədalı - "Gecə ləzzət eləyir"; - Fərəcov & Cavid - "Nivalar dəlilərindir"; - Fərhad - "Şəhər xuliqanları"; - İlqar Dəniz & Orxan Eşqin - "Xuliqanski"; - Samir Ilqarlı & Tural Səda - "Avtoşlar" - İlqar Dəniz & Orxan Eşqin - "Avtoşlar-2" (İlqar Dəniz & Orxan Eşqin - "O yana, bu yana"); - Fərəcov - "Gedirik Nabrana"; - Fərid Biləcərili & Hakim - "Sür, ay qardaşım"; - Məhəmməd Fǝda & Elnur Ağdamlı - "Avtoşdur bunlar" - Vüqar Səda - "Ay yetim"; - Orxan Dəniz - "Mənim balam şor dadır"; - Gülağa - "Hayıf məndən"; - Narana Paşayeva - "Əmim oğlu, neylədin?"; - Ülviyyə Namazova - "Evli insan sevirəm"; - Azəri oğlu Cəfər - "Evli qadın sevirəm"; - Dərya Eyvazova - "Nə gedər"; - Rza & Elmir Əliyev - "Yeri var"; - İlqar Dəniz & Orxan Eşqin - "Maç ela"; - İlqar Dəniz & Orxan Eşqin - "Verməyəcəyəm"; - İlqar Dəniz & Orxan Eşqin - "Qız tuturam"; - İlqar Dəniz - "Bu nə dvijeniyadır"; - Elcan Həsənov - "Na bomba xumardır bu"; - Sevgi - "Öp, öp"; - Orxan Eşqin & İlqar Dəniz - "Ay, ay, of, of" - Orxan Eşqin & Aysel Şirin - "Ölürəm öpüşmək üçün"; - Samir İlqarlı & Mahir Aybrat & Tural Səda - "Padxod-2"; - Elvin Xəyal - "Kül bunun qız başına"; - İlqar Dəniz & Orxan Eşqin - "Üzün meymuna oxşar"; - Cavad Rəcəbov - "Balaca kişi"; - Orxan Dəniz & Aşiq Səbuhi - "Mənim balam bal dadır"; - Şəbnəm Tovuzlu - "Baldır balam"; - Üzeyir Mehdizadə & Rəqsanə - "Dəli balam"; - Mehriban - "Dəli balam"; - Aygül Səfərova - "Dəlidir balam"; - Səmra - "Bandam"; - Səmra - "Armas"; "Göz"; - İlqar Dəniz & Orxan Eşqin - "Zor eləmişəm"; - Üzeyir Mehdizadə "Rǝdd elǝ!"; - Nüşabə Musayeva "Partlaya-partlaya"; - İlqar Dəniz - "Sevənə söyüş qoymuşam"; - Canan - "Ürəyi partladı"; - Günay İbrahimli "O kimdir ki?!"; - Tural Sədalı - "Özümü atdım Xəzərə"; - Mehdi Sadiq & Noton - "Yaşamaq lazım"; - Üzeyir Mehdizadə - "Kəsəcəyəm damarları".

İrandan Azərbaycana 11 kq narkotik keçirilməsinin qarşısı alınıb. Bu barədə Sozcu.az-a Dövlət Sərhəd Xidmətinin (DSX) Mətbuat Mərkəzindən məlumat verilib. Qeyd olunub ki, aprelin 5-də saat 22:10-da “Horadiz” sərhəd dəstəsinin xidməti ərazisində DSX və Dövlət Gömrük Komitəsinin əməkdaşlarının birgə keçirdiyi tədbirlər nəticəsində ümumi çəkisi 11 kiloqram 300 qram narkotik vasitənin və 1000 ədəd Metadon M-40 psixotrop həblərin qaçaqmalçılıq yolu ilə İrandan Azərbaycan ərazisinə keçirilməsinin qarşısı alınıb. Fakt üzrə əməliyyаt-istintaq tədbirləri dаvаm еtdirilir.

Bioloji fəallığa malik aktiv qida əlavələrində zərərli maddə aşkarlanıb. Bu barədə Sozcu.az-a Səhiyyə Nazirliyinin Analitik Ekspertiza Mərkəzindən məlumat verilib. Belə ki, ötən ay Dövlət Gömrük Komitəsinin Əməliyyat-İstintaq Baş İdarəsinin mərkəzə etdiyi müraciətlə əlaqəli “Lipotrim kaps N36“ (seriyası: 555017, yararlıq müddəti: 01.03.2023) və “Black Panther kaps N36” (seriyası: 0000991720, yararlıq müddəti: 01.02.2025) nümunələrinin ekspertizası aparılıb. Təqdim edilən “Lipotrim kaps N36” və “Black Panther kaps N36” adlı nümunələr üzərində aparılmış tədqiqatlar nəticəsində tərkiblərində qablaşmalarının üzərində haqqında məlumat verilməyib, Azərbaycanın 2016-cı il 18 mart tarixli Qanunu ilə təsdiq edilmiş “Güclü təsir edən maddələrin və onların külli miqdarının SİYAHISI”da göstərilmiş “sibutramin” adlı fəal təsiredici maddənin eyniliyi təsbit olunub. Qeyd edək ki, “Lipotrim kaps N36” və “Black Panther kaps N36” bioloji fəallığa malik aktiv qida əlavələrinin ekspertizası üçün AEM-ə müraciət olunmayıb. Sibutramin, toxluq hissini artıran anoreksigen maddədir, amfetamin törəməsidir. Piylənmənin müalicəsi üçün istifadə olunan dərmanlar qrupuna aiddir və artıq çəkili xəstələrin kompleks baxım terapiyasında istifadə olunur. Avropa Birliyinin ölkələrində sibutraminin istifadəsi, Avropa Dərman Agentliyi tərəfindən subitramin tərkibli dərmanın əlavə təsirlərinin riskləri ilə bağlı tədqiqatların nəticələrindən sonra 2010-cu ildə dayandırılıb. Həmçinin FDA istehsalçılardan, istifadə üçün təlimatlarda ürək-damar xəstəlikləri olan xəstələrdə sibutraminin istifadəsi qadağan olduğunu göstərməyi tələb etdi. Bundan başqa, sibutramin Ümumdünya Antidopinq Agentliyi tərəfindən qadağan olunmuş maddələr siyahısına daxil edlib.

Bakının Sabunçu rayonunda 20 yaşlı qadına 3 bıçaq zərbəsi vurulub. Sozcu.az-ın məlumatına görə, ailə münaqişəsi zəminində həyat yoldaşı tərəfindən bıçaqlanan 2003-cü il təvəllüdlü Bəkirova Həvva Məhəmməd qızı ağır vəziyyətdə təcili tibbi yardımın köməkliyi ilə xəstəxanaya çatdırılıb. Müayinə zamanı ona qarın və bud nahiyələrindən 3 ədəd kəsilmiş-deşilmiş bıçaq yarası diaqnozu qoyulub. Qeyd edək ki, H. Bəkirova 4 aylıq hamilədir. Hadisənin təfərrüatı araşdırılır.report

Ukrayna qoşunları Krımın sərhədlərinə çatarsa, Kiyev Moskva ilə Krımla bağlı danışıqlara hazır olacaq. Sozcu.az xəbər verir ki, bu barədə Ukrayna Prezident Ofisinin rəhbəri Andrey Yermak deyib.

"Ortada xeyli ziddiyyətli məqamlar, təkzibolunmaz faktlar və ağır ittihamlar var". Sozcu.az xəbər verir ki, bunu İslahatçı Gənclər İctimai Birliyinin sədri Fərid Şahbazlı deyib. Xətai rayonu, 3 saylı uşaq evindəki vəziyyətdən şikayət edən yeniyetmə ilə bağlı müzakirələrə qoşulan ictimai xadim araşdırma dövründə sözügedən uşaq evinin direktorunun vəzifədən uzaqlaşdırılmamasından narahatlığını ifadə edib: "Bütün ictimaiyyət, media, millət vəkilləri, ziyalılar səfərbər olub. Ancaq müvafiq dövlət qurumu heç olmasa, araşdırma dövründə uşaq evinin direktorunu vəzifədən azad etmir. Bununla da ictimai rəyə, toplum vicdanına açıq hörmətsizlik nümayiş etdirir. Digər tərəfdən isə təqaüd yaşına çatmış və ya az qalmış direktor da etika naminə bütün bu ittihamların fonunda istefa verməyə özündə cəsarət tapmır. Nəticədə isə uşaq evindəki qanunsuzluq halları ilə bağlı aparılan araşdırmanın nəticəsi ilə bağlı müfəssəl açıqlama yoxdur, eyni zamanda Respublika Psixiatriya Xəstəxanasının baş həkiminin rəyinə baxmayaraq yeniyetmə psixiatriya xəstəxanasında saxlanılır.  İndi necə etməli, cəmiyyətdəki haqlı suallara necə qarşılıq verməliyik?” Qeyd edək ki, bundan əvvəl Bakı şəhərinin Xətai rayonu, 3 saylı uşaq evindən şikayətlə bağlı sosial şəbəkədə görüntülər yayılmışdı. Orada qalan uşaqlardan biri uşaq evinə gələn ərzaqların aparıldığını iddia etmişdi. Yeniyetmə daha sonra öz qardaşının razılığı ilə 1 saylı Respublika Psixiatriya Xəstəxanasına yerləşdirilməsi müzakirələrə səbəb olmuşdu. Onu da əlavə edək ki, sözügedən yeniyetmənin ruhi xəstə olmadığını deyən 1 saylı Respublika Psixiatriya Xəstəxanasının baş həkimi, Əməkdar həkim Ağahəsən Rəsulov vəzifəsindən azad olunub.//Azxeber.com

Neftçala rayonunda intihar hadisəsi baş verib. Sozcu.az-ın məlumatına görə, hadisə rayonun Yuxarı Qaramanlı kəndində qeydə alınıb. Belə ki, kənd sakini, 1967-ci il təvəllüdlü Qasımova Gülnaz Hafiz qızı özünü yaşadığı evin həyətindəki talvardan asaraq intihar edib. İntiharın səbəbi hələlik məlum deyil. Faktla bağlı araşdırma aparılır.report

Ukraynanın maliyyə naziri Serqey Marçenko və Dünya Bankının Şərqi Avropa (Belarus, Moldova və Ukrayna) üzrə regional direktoru Arup Banerji Ukraynaya ABŞ-dan 2,5 milyard dollar məbləğində ikinci qrantın verilməsi haqqında saziş imzalayıblar. Sozcu.az xəbər verir ki, bu barədə Ukrayna Maliyyə Nazirliyinin mətbuat xidməti məlumat yayıb. Birinci qrantın həcmi 1,25 milyard dollar təşkil edib. Vəsait Ukraynada dövlət büdcəsi xərclərinin qismən ödənilməsi üçün istifadə olunacaq. 2023-cü ildə Ukrayna bu layihə üçün artıq dörd qəbz alıb. 2023-cü ildə ABŞ-ın Ukraynaya ayırdığı qrantların məbləğinin 9,9 milyard dollar olacağı planlaşdırılır.

Baxmutda hərbi əməliyyatlar davam edir, rus işğalçıları qala şəhərinin mərkəzi hissəsinə daxil olmağa çalışırlar. Sozcu.az xəbər verir ki, bunu ukraynalı hərbi ekspert Sergey Zqurets bildirib. "Döyüş əməliyyatlarının dinamikası bir neçə gündür ki, ardıcıl olaraq dəyişməyib. Əsgərlərimizin maddi-texniki təminatı kifayət qədər səmərəli işləyir, bu da düşmənə daha da irəliləməyə imkan vermir", - ekspert söyləyib. Zquretsin sözlərinə görə, Avdeyevka ərazisində də vəziyyət oxşardır. Orada rus işğalçıları mühasirə modelini həyata keçirməyə çalışdılar.

Gürcüstan hökuməti buğda ixracına qoyulan qadağanı ləğv edib. Sozcu.az xəbər verir ki, bu barədə Gürcüstanın Ətraf Mühitin Mühafizəsi və Kənd Təsərrüfatı Nazirliyindən məlumat verilib. Bildirilib ki, hökumətin qərarına əsasən, buğda ixracına qoyulan qadağa vaxtından əvvəl götürülüb və məhdudiyyət bu gündən etibarən qüvvəsini itirib. Qeyd edək ki, Gürcüstan hökumətinin qərarına əsasən, 2022-ci il iyulun 4-dən 2023-cü il iyulun 4-dək Gürcüstanda buğda və arpa ixracı qadağan edilmişdi. Arpa qadağası tezliklə aradan qaldırılmışdı. Lakin buğdanın ixracına tətbiq olunan qadağa qüvvədə qalmışdı. Gürcüstanın ətraf mühitin mühafizəsi və kənd təsərrüfatı naziri Otar Şamuqia bildirib ki, ölkədə ərzaq təhlükəsizliyi baxımından artıq heç bir təhlükə yoxdur, ona görə də həmin qadağaya artıq ehtiyac qalmayıb.

Salyan rayonunda intihar hadisəsi olub. Sozcu.az xəbər verir ki, hadisə rayonun Qızılağac kəndində baş verib. Səkkizinci sinif şagirdi Cavadzadə Mirələm Niyaməddin oğlu özünü yaşadığı evdə asıb./APA

Moskvada Rusiya Müdafiə Nazirliyinin binalarından birində yanğın baş verib. Məlumata görə, hadisə Znamenka küçəsindəki binada yaşanıb. Yanğın yuxarı mərtəbədəki ofisdən olub. İlkin məlumata görə, yanğının sahəsi 30 kvadratmetr olub. Yanğın artıq lokallaşdırılıb. Hadisə nəticəsində xəsarət alan olmayıb.