Ukrayna Rusiyaya məxsus Ka-52 (Alliqator) helikopterini vurub. Sozcu.az xəbər verir ki, bu barədə Ukrayna Müdafiə Nazirliyinin məlumatında bildirilib.

"O, asanlıqla yüz minlərlə hərbçinin həyatı bahasına döyüşməyə hazırdır..." Rusiyalı müxalifətçi Putinin başlıca istəyindən danışıb... Rusiya prezidenti Vladimir Putin öz təhlükəsizliyi ilə bağlı çox narahatlıq keçirir, bu səbəbdən Soçidəki iqamətgahı yaxınlığında "Pansir-C1" zenit-raket kompleksi yerləşdirilib. Ehtimal ki, diktator özünün hamıdan güclü olması fikrindən məyus olmağa başlayıb və ətrafında çoxsaylı təhlükələrin olmasını anlayır. Sozcu.az xəbər verir ki, bu barədə Rusiyanın müxalif siyasətçisi Gennadi Qudkov "24 kanal" nəşrinə müsahibəsində deyib. Onun sözlərinə görə, Putin  dünya üçün təhlükəyə çevrilib, ona görə də onu "aradan götürmək" arzusunda olanlar kifayət qədərdir. Rusiya diktatoru bunu anlayır, ona görə də onun həyəcanları səbəbsiz deyil. Hazırda onun ən başlıca arzusu nəyin bahasına olursa-olsun sağ qalmaqdır. Müxalifətçi vurğulayıb ki, bunun naminə Kreml rəhbəri çoxlu sayda insanları qurban verməyə hazırdır. İndi onun nə prinsipləri, nə mənəviyyatı, nə empatiyası, nə də mərhəməti var. Öz qəsbkarlıq ideyalarına görə ölməyə o, qərarlı deyil, lakin asanlıqla yüz minlərlə hərbçinin həyatı bahasına döyüşməyə hazırdır. Bundan öncə xəbər verilib ki, Rusiya prezidenti Vladimir Putin Ukraynanın əkshücumundan ehtiyat edir. Onun bu yaxınlarda Belarusda ağır silahların yerləşdirilməsi və 1600 yeni tankların cəbhəyə göndərilməsi barədə bəyanatları onun narahatlığından xəbər verir.

3 saylı Uşaq Evi ilə bağlı yaranmış qalmaqal səngimək bilmir. Söhbətin nədən və kimdən getdiyini çoxunuz bilirsiniz. Bilməyənlər üçün qısa izahat verməyi özümə borc bilirəm:  3 saylı Uşaq Evinə sığınan Məhəmməd Hacıyev adlı yeniyetmə bu müəssisədəki təminatdan şikayət edib. Bundan sonra, o - ata-ana himayəsindən məhrum olan zavallı uşaq 1 saylı Psixiatriya xəstəxanasına yerləşdirildi. Guya sözügedən müəssisədə güllük-gülüstanlıqdır, uşaqlar yağ-bal içində üzür. Amma balaca Məhəmməd "dəli" olduğu üçün cənnətdə yaşadığından xəbərsizdir.  Bundan sonra baş verənlər isə maraqlı bir filmin ssenarisi ola bilər. Sözügedən tibb ocağının, yəni 1 saylı Psixiatriya Xəstəxanasının baş həkimi Ağahəsən Rəsulov əlini vicdanın üstünə qoyub açıqlama verdi:  "O yeniyetmə ruhi xəstə deyil." Həkim vicdanlı davranaraq arxası-dayağı olmayan uşağın başına hörülən corabı yırtdı. Cəmiyyət bir daha əmin oldu ki, uşağı "dəlixanaya" saldıranların başlıca məqsədi öz pis əməllərini ört- bas etməkdir.  Dünəndən bəri sosial şəbəkələr çalxalanır. Cəmiyyət vicdanını itirməyən vəzifəli şəxsi, yəni 1 saylı Psixiatriya Xəstəxanasının baş həkimi Ağahəsən Rəsulovu alqışlayır. Dünəndən bəri əlimizin biri ürəyimizin üstündədir: "Obyektiv mövqeyinə görə Ağahəsən həkimi işdən çıxarmazlar ki?" Narahatlığımız əbəs deyildi. Axı bura Azərbaycandır. Axı burada doğru danışanı 9 kənddən qovurlar... Bəli, bu gün məlum oldu ki, bizim ölkəmizdə nazirlər dəyişsə də, idarəçilik anlayışı əvvəlki kimi qalır. 1 saylı Respublika Psixiatriya Xəstəxanasının tabe olduğu qurumun rəhbəri - Səhiyyə naziri Teymur Musayev vicdanının ağzına daş asa bilməyən həkimə qapını göstərdi. Nazirin bu gün imzaladığı əmrlə Ağahəsən doktor vəzifəsindən azad edildi.  Azərbaycan xəstəxanalarında rüşvət və korrupsiya tüğyan edir. Pulu olmayan adamı xəstəxananın kandarından içəri buraxmırlar. Əməliyyat pulunu ödəyə bilməyən zavallı xəstələr xərəkdə zarıya-zarıya ölür. Biz cənab nazirdən bu cür hallara qarşı mübarizə aparmağı gözləyərkən o, öz gücünü qocaman Ağahəsən doktora və bir parça çörəyə möhtac olan kimsəsiz, yetim bir uşağa göstərdi. Yetimin də Allahı var, cənab nazir... Seymur VERDİZADƏ  

“Son dövrlər torpaq bazarında qiymət artımı baş verir”. Sozcu.az xəbər verir ki, bunu “Trend”ə açıqlamasında əmlak eksperti Ramil Osmanlı deyib. Onun sözlərinə görə, qiymət artımı mövsümü amillər, eyni zamanda Türkiyədə baş verən zəlzələ nəticəsində meydana çıxan psixoloji faktorlarla bağlıdır. “Bundan başqa bazarda sənədli torpaqların azalması ilə bağlı olaraq da bahalaşmanın davamlı artımını izləyirik. Bahalaşma aylar üzrə az müşahidə olunsa da, əslində illik qiymət dəyişməsində ciddi rəqəmlərlə ifadə olunur. Bu hal ötən ay da müşahidə olunub. Xüsusilə şəhər mərkəzində boş torpaqların məhdud olması qiymətləri yüksəldir. Torpaq bazarında aylıq qiymət artımı 2,5%-dir. Fərqli yerlərdə isə artım 5%-i ötüb. İllik hesabladıqda bahalaşma 20%-dən çox edir”, - deyə ekspert əlavə edib. R.Osmanlı bildirib ki, paytaxtın bəzi mərkəzi hissələri var ki, orada torpağın bir kvadratmetri 25-30 min manat arasında dəyişir. “Bu da təqribən bir sot torpağın 2 milyon manatdan baha olması deməkdir. Adətən belə ərazilər açıq satışa çıxarılmır. Lakin açıq satışa çıxarılan bahalı torpaqlar da var. Həmin ərazilərin bir sotu şəhər mərkəzində 250-300 min manat arası dəyişir”, - deyə ekspert qeyd edib.

Bir deputatın Milli Məclis kürsüsündən Azərbaycan Attestasiya Komissiyasını lazımsız bir qurum adlandırması ciddi siqnaldır, elm adına ləkədir. Millət vəkili Etibar Əliyevin Attestasiya Komissiyasının ləğv olunması ilə bağlı təklifi əslində elmi dərəcə almağa çalışan, lakin qarşısında Çin səddi kimi AAK-ı görən elm adamlarının həm də xilası üçün atılan addım idi. Ancaq nə yüksək kürsülərdən deyilən sözlər, nə AAK-dakı rüşvətxoşluq, açıq-aşkar satılan, pay verilən, bağışlanan elmi dərəcələrlə bağlı faktlar, elmi dərəcə bazarına dönən qurumun nə professorlarını narahat edir, nə də rəhbərliyini qorxudur. İllər keçir, Ali Attestasiya Komissiyasında rəhbərliklər dəyişir. Ancaq bir dəyişməyən üsul-idarədir, rüşvətxoşluuqdur, korrupsiyadır. Bu illər ərzində hətta elmi dərəcələrin qiyməti də 20 mindən 30 minə qədər qalxdı. Hətta pulundan keçib bunu ödəyərək adlar, dərəcələr alanlar da oldu. Milyonlarla belə faktlar ictimailəşsə də hələ ki, heç nə dəyişməyib, al-ver davam edir… Mövzu ilə bağlı Tribunainfo.az-a açıqlama verən təhsil eksperti Kamran Əsədov bildirib ki, Ali Attestasiya Komissiyası çoxdan köhnəlmiş bir strukturdur. Keçmiş postsovet ölkələrinə xas olan bir xüsusiyyətdir: “Bu gün Azərbaycanda elmi dərəcə və elmi ad alanlar arasında məmur olmayanlar çox azdır. Azərbaycan elmi, Azərbaycan elmi adları məmurlara daha çox xidmət edir. Buna da səbəb AAK-dakı özbaşınalıq, rüşvət, qohumbazlıqdı. Məsələn, dəfələrlə şahidi olmuşuq ki, icra hakimiyyətində, və yaxud dövlət strukturlarında çalışan şəxslər, deputatlar, dövlət qulluqçusu olan şəxslər elmi adları daha rahatlıqla ala bilirlər. Amma həqiqətən tədqiqatla məşğul olan, elmi işlə məşğul olanlar bu prosesdən kənarda qalıb. Bu yaxşı hal deyil. Məhz ona görə də Azərbaycan elmi dünyada etibarlı elm kimi qəbul edilmir. Beynəlxalq indekslərdə olan Azərbaycan alimlərinə istinadlar demək olar ki, çox aşağıdır. Alimlərimizdən cəmi 36-sının indeksi kifayət qədər yaxşıdır. Bu da Azərbaycandakı alimlərin sayı ilə müqayisədə dəhşətli bir rəqəmdir”. K.Əsədov bildirib ki, bütün bunlar onu göstərir ki, Azərbaycanda elmi tədqiqat işləri və elmi adlarla bağlı problemlər var: “Universitetlərdə mərkəzlərdə bu istiqamətlərdə problemlər mövcuddur. Mən hesab edirəm ki, Azərbaycanda Ali Attestasiya Komissiyası ləğv olunmalıdır və hər bir ali təhsil müəssisəsi özü bununla məşğul olmalıdır. Çünki bu tipli qurumlar elmə gələnlərin sayına mane olurlar. Bu ciddi bir məsələdir. Mən hesab edirəm ki, necə ki Türkiyədə bu var, hər bir ali təhsil müəssisəsinin özü tədqiqtçılıqla bağlı müstəqildir. Bizdə də bu formatda istifadə olunmalıdır”.

Bakıda bankdan külli miqdarda pul oğurlanıb. Sozcu.az Trend-ə istinadən xəbər verir ki, hadisə Xətai rayonunda baş verib. Belə ki, banklardan birinin filialından ümumilikdə 300 min manatdan çox pul oğurlanıb. Daxili İşlər Nazirliyindən bildirilib ki, keçirilən əməliyyat tədbirləri nəticəsinə oğurluğu törətməkdə şübhəli bilinən şəxslər saxlanlıb. Araşdırmalar davam edir.

"Ukrayna Krımı 5-7 aya geri qaytaracaq". Sozcu.az xəbər verir ki, bunu Ukrayna Prezident Ofisi rəhbərinin müşaviri Mixaylo Podolyak “Krım. Reali”yə müsahibəsində deyib. O qeyd edib ki, Rusiya Federasiyasının ələ keçirilən yarımadanı saxlamaq üçün resursları yoxdur və onun sözlərinə görə, müharibənin məntiqi Krımın işğaldan azad edilməsinin bu müddət ərzində baş tutacağını göstərir. “Biz mütləq çox qısa müddətdə Krımda olacağıq, tarixi baxımdan 5-7 aya geri alacağıq”, - o əlavə edib. Qeyd edək ki, Rusiya Krımı 2014-cü ildə ilhaq edib.

Vaşinqtonda fəaliyyət göstərən Yaxın Şərq İnstitutu İsrail və Azərbaycan əlaqələrinə həsr olunan məqalə dərc edib. Sozcu.az xəbər verir ki, məqalədə Azərbaycanın İsraildə səfrilik açmasından, İsrailin Azərbaycana silah satmasından bəhs edilir. Müəllif məqalədə İsrail mediasına istinadən yazır ki, "Meteor Aerospace" və "SpearUAV" müdafiə şirkətlərinin bu ilin əvvəlində və ya 2024-cü ilə kimi Azərbaycanla müqavilələr imzalaması gözlənilir. Qeyd olunur ki, Azərbaycanın İsraildən patrul gəmisi, raketlər və hava hücumundan müdafiə sistemi alacağı gözlənilir. "SpearUAV" şirkəti İsraildə pilotsuz uçuş aparatlarının (PUA) istehsalı və yaradılması ilə məşğuldur. 30 ildən çox təcrübəyə malik "Meteor Aerospace" şirkəti isə hücum və müdafiə raket sistemləri, peyklər, ballistik raketlərdən müdafiə sistemləri üzrə ixtisaslaşıb. Qeyd edək ki, Azərbaycanın silah təchizatında İsrailin payı son illərdə artıb. İsrail Azərbaycana PUA-lar, raket sistemləri, hava hücumundan müdafiə sistemləri, zirehli texnikalar tədarük edib.

Ramazanda tez-tez istifadə etdiyimiz qidalardan biri də xurmadır. Xurmanın faydaları saysız-hesabsızdır. Beyin sağlamlığı ilə yanaşı, o dərini də yaxşılaşdırır. Xurma xolesterolu tarazlaşdırır və arıqlamağa kömək edir. Arıqlamaq, yaya fit daxil olmaq istəyənlər pəhrizlərinə mütləq xurma əlavə edilməlidir.  Sozcu.az lent.az-a istinadən xəbər verir ki, xurma mis, maqnezium, selen və manqan mənbələri ilə zəngindir. Bu vitamin və minerallar sümüklərin sağlam inkişafı üçün vacibdir. Həmçinin, xurma həzm sisteminin müntəzəm işləməsinə kömək edir, qaraciyər və böyrəklərin sağlamlığına müsbət təsir göstərir.  Eləcə də limonun faydalarını saymaqla bitmir. Evdəki pis enerjiləri aradan qaldırmağa kömək edən limon immunitet sistemini də gücləndirir. Bəs, limonla xurma birgə qəbul edilərsə necə olar?  Belə ki, xurma limonla birlikdə yeyilsə, bağırsaqdakı problemlərin həlli qismən aradan qalxar. Hətta hər gün xurma və limon yeyənlər qəbizlikdən də əziyyət çəkməyəcək.   Xurmanın tərkibindəki kalium, kalsium və maqnezium sümükləri gücləndirir. Limonla qarışdırıldıqda isə osteoporozun qarşısını alır. Vitaminlər, antioksidantlarla zəngin olan xurma və limon enerjinizi artırır və gününüzü daha enerjili keçirməyə imkan yaradır. Ürəyə qarşı da xeyirli olan bu qarışım B6 vitamini ilə son dərəcə zəngindir. Xurma limonla birləşdikdə stress aradan qalxır və yaşlanma sürətinin qarşısı alınır.  Həmçinin xurma insanı uzun müddət tox tutur, qanda şəkərin qəfil yüksəlməsinin qarşısını alır. Eyni zamanda həzmi tənzimləyir və zəhərli toksinlərin bədəndən çıxarılmasına kömək edir. Limon isə bu prosesləri sürətləndirir.

“Forbes” jurnalı Rusiyadan olan altı nəfəri dünya milyarderləri reytinqinə daxil edib. Sozcu.az xəbər verir ki, yeni milyarderlər Andrey Krivenko, əslən Qusardan olan azərbaycanlı Seyfəddin Rüstəmov, Denis Ştengelov, Pavel Qolubkov, Dmitri Nikolayev və İvan Streşinski var. Məlumata görə, Seyfəddin Rüstəmov hazırda Rusiyada 90-cı, dünya üzrə isə 2133-cü yerdədir. Onun sərvəti 1,3 milyard dollardır.

Amerika Milli Aeronavtika və Kosmik Tədqiqatlar İdarəsi (NASA) gələn il Ay ətrafında dövr edəcək astronavtların adlarını açıqlayıb. Sozcu.az Trend-ə istinadən bildirir ki, NASA Apollon 11 missiyasından yarım əsr sonra, gələn ilin noyabrında Aya növbəti insanlı missiyanı həyata keçirməyi planlaşdırır. Qurum səfərdə iştirak edəcək amerikalı və kanadalı astronavtların adlarını açıqlayıb. Artemis II missiyasına təyin edilmiş üç NASA astronavtı Reid Wiseman, Viktor Glover və Christina Koch Beynəlxalq Kosmik Stansiyada (BKS) vaxt keçirəcək, Kanada Kosmik Agentliyindən Jeremy Hansen isə ilk kosmosa uçuşunu edəcək. BKS-də olarkən qadınların ilk kosmos yürüşlərində iştirak edən 44 yaşlı Koch Ay ətrafında uçan ilk qadın olacaq. Dörd astronavtı NASA administratoru Bill Nelson ABŞ-nin Texas ştatının Hyuston şəhərindəki Conson Kosmik Mərkəzində keçirilən tədbirdə təqdim edib.

"İllər sonra Xankəndi şəhərinə getdiyimə görə çox sevinirəm. Uşaq vaxtı necə görmüşdümsə, şəhər elə də qalıb". Bunu "Report"a Xankəndi-Laçın yolunda halı pisləşən Qarabağ ermənilərinə tibbi yardım göstərən Şuşa modul tipli xəstəxanasının təcili tibbi yardım avtomobilinin sürücüsü Elşən İsmayılov deyib. Əslən Şuşa şəhərindən olduğunu söyləyən sürücü sonuncu dəfə uşaq yaşlarında Xankəndi şəhərində olduğunu bildirib: "İllər sonra doğma ərazilərimizə getdim və qürur hissi keçirdim. Xankəndidə dəyişiklik hiss etmədim. Uşaq vaxtı necə görmüşdümsə, şəhər elə də qalıb". E.İsmayılov ermənilərə tibbi yardım göstərmələri ilə bağlı təəssüratlarını da bölüşüb: "Aprelin 4-ü axşam saatlarında bizə çağırış gəldi ki, Rusiya sülhməramlılarının müvəqqəti nəzarətində olan hissədən keçən ərazidə ermənilərin halı pisləşib. İlkin müdaxilədən sonra onları təcili tibbi yardım maşını ilə Xankəndinə apardıq. Yolda bizi postda saxladılar, ermənilər əvvəlcə təşvişə düşdü. Sonra Rusiya sülhməramlıları onlara yaxınlaşıb vəziyyəti izah etdi".

Təhsil müəssisəsində aşkar edilmiş qanunsuzluqlarla bağlı cinayət işi başlanıb. Sozcu.az xəbər verir ki, bu barədə Bərdə rayon prokurorluğu məlumat yayıb. Bərdə rayon Güloğlular kənd ümumi orta məktəbinin direktoru Tinatin Rzayevanın qanunsuz əməlləri barədə daxil olmuş müraciət əsasında rayon prokurorluğunda araşdırma aparılıb. Araşdırma zamanı qeyd edilən təhsil müəssisəsində 2015-2023-cü illər ərzində xeyli miqdarda dövlət əmlakının mənimsənilməsinə əsaslı şübhələr müəyyən edilib. Faktla bağlı rayon prokurorluğunda Cinayət Məcəlləsinin 179.2.3 (qulluq mövqeyindən istifadə etməklə mənimsəmə) və 179.2.4 (xeyli miqdarda ziyan vurmaqla mənimsəmə) maddələri ilə cinayət işi başlanıb. İbtidai istintaq davam edir.

Goranboyda odlu silahdan atəş açan şəxs saxlanılıb. Daxili İşlər Nazirliyinin Mətbuat Xidmətinin Gəncə regional qrupundan  verilən məlumata görə, Goranboy Rayon Polis Şöbəsinə rayonun Rəhimli kənd qəbiristanlığında atəş səsləri eşidilməsi barədə məlumat daxil olub. Dərhal polis əməkdaşları həmin ünvana gələrək müvafiq tədbirlər həyata keçirib və atəş açan şəxs tərkisilah edilib. İlkin araşdırmalar nəticəsində Rəhimli kənd sakini, əvvəllər məhkum olunmuş Qədir Şirinzadə sərxoş vəziyyətdə mərhum atasının qəbir daşını vaxtında düzəlmədiyini əsas gətirərək qəbiristanlığa gəlmiş, orada 2 dəfə havaya 2 dəfə isə qəbir daşları düzəldən şəxsin minik avtomobilinə atəş açıb. Q. Şirinzadə maddi sübutla birlikdə saxlanılaraq istintaqa təhvil verilib, faktla bağlı Goranboy Rayon Polis Şöbəsində araşdırmalar davam etdirilir.

Novruz bayramı öncəsi Təbrizin Azərbaycan meydanında quraşdırılan ay və səkkiz guşəli ulduz elementi paniranist və radikal dinçi kəsimin təzyiqlərindən sonra yığışdırılıb. Sozcu.az xəbər verir ki, elementin güneylilər tərəfindən rəğbətlə qarşılanması, foto çəkdirmək üçün vətəndaşların Azərbaycan meydanına axınından sonra hökumət onun sökülməsinə qərar verib. Qeyd edək ki, bu elementin quraşdırılmasından sonra panfarsist dairələrə bağlı media orqanları materiallar dərc etmiş və "Təbrizin ortasında separatçı izləri" başlıqlı yazılar yazmışdılar.

Xəbər verdiyimiz kimi, 1 saylı Respublika Psixiatriya Xəstəxanasının baş həkimi, Əməkdar həkim Ağahəsən Rəsulov Səhiyyə naziri Teymur Musayevin əmri ilə işdən azad olunub. A.Rəsulovun Əmək Məcəlləsinə əsasən, yaş həddi ilə əlaqədar olaraq tutduğu vəzifədən azad olunduğu deyilir.  Amma burda digər maraqlı məqam da var. Bildiyimiz kimi, Xətai rayonundakı  3 saylı uşaq evində qalan və həmin uşaq evi ilə bağlı şikayətini bildirən yeniyetmə Məhəmməd Hacıyev 1 saylı Psixiatriya Xəstəxanasına yerləşdirilib. Lakin baş həkim Ağahəsən Rəsulov uşaqda psixi pozğunluğun olmadığını bildirib. Bundan bir gün sonra isə o, nazirin əmri ilə vəzifəsindən azad edilib. Məsələni dəqiqləşdirmək üçün sabiq baş həkim Ağahəsən Rəsulovla əlaqə saxladıq. Yenisabah.az Bizim.Media-ya istinadla xəbər verir ki, açıqlamasında o, vəzifədən azad olunduğunu təsdiqləyib: “Səbəbini yaxşı olar ki, Səhiyyə Nazirliyindən soruşun. Bu barədə mən danışmaq istəmirəm”. Vəzifədən azad olmasının Məhəmməd Hacıyevlə bağlı səsləndirdiyi fikirlə əlaqəli olması ilə bağlı suala isə Ağahəsən Rəsulov belə cavab verib: “Mən uşaq haqqında nə demişəmsə, düz demişəm. Burda nə var ki, Məhəmməd Hacıyev haqqında dediklərimi yenə də təkrarlaya bilərəm”.

Əməkdar artist Gövhər Rzayeva şəxsi həyatı barədə danışıb. Sozcu.az xəbər verir ki, “Şou xəbər” verilişində qonaq olan qarmonçu ikinci dəfə ailə qurmaq barədə verilən suallara sərt reaksiya verib: “Ərə gedən vaxtım deyil. Özüm boyda oğlum, kürəkənim, gəlinim, nəvələrim var. Harama yaraşar ərə getmək?! Bir kişi ilə evin içində həyatı boyu qala bilmərəm. Ataram onu bayıra. Sərbəstliyə öyrəşmişəm. Kişi kimi xasiyyətim var. Allah mənə ruzumu versin, canımı sağ eləsin, kişi istəmirəm. Kim istəyir, Allah onlara qismət eləsin”.

"Yeni stansiyanın inşaası ilə bağlı İşlər öz axarı ilə gedir. Dördüncü səviyyədə işlər davam edir. Tunellərdə də infrastrukturun qurulması ilə bağlı işlər aparılır". Sozcu.az xəbər verir ki, bu sözləri "Bakı Metropoliteni" QSC-nin mətbuat xidmətinin rəhbəri Bəxtiyar Məmmədov bildirib. Qurum rəsmisi deyib ki, şərti adı "B-4" olan stansiyanın 2024-cü ilin sonu 2025-ci ilin ilk yarısında təhvil verilməsi planlaşdırılıb: "Əgər inşaat işləri öz planı lə getsə və qeyri-adi heç nə baş verməzsə, təhvil verilmə prosesində problem olmayacaq".

2 il əvvəl 1 kiloqramı 10-11 manat olan mal ətinin qiyməti bu gün 15 manatdır. İnsanları indi bu sual düşündür: mövcud qiymət sabit qalacaq, ya artım davam edəcək? “Kaspi” qəzeti mövzu ilə bağlı  araşdırma aparıb. Sahibkarlar deyiblər ki, əvvəllər bu sahə sahibkarlar üçün yaxşı gəlir gətirsə də, indi vəziyyət dəyişib. Hazırkı qiymətlərlə 1 kiloqram ət satışından gəlir 50 qəpikdir. Heyvan yemi bahalaşdıqca, onlar da qiymətləri yüksəltməyə məcbur olurlar.  Əvvəllər Rusiya və Ukraynadan yem məhsulları gəlirdi, daxildə də yem məhsulları vardı. Bolluq idi. Ancaq indi Rusiya və Ukraynadan məhsul gəlmir, yerli bazarda da yem bahadır. Məsələn, 2 il əvvəl qışda 1 yonca presini 3-4 manata, yayda isə 2 manata alırdıq. Ətin qiyməti də 11 manat idi. İndi presi 8 manata satırlar. Sahibkarlar bildirib ki, qarşıdakı dövrdə ətin qiymətində artım ola bilər. Ətin qiyməti artdıqca isə əhalinin alıcılıq qabiliyyəti də aşağı düşür.  Ət və Ət Məhsulları İstehsalçıları Assosiasiyasının sədri Fuad Qulubəyov bildirdi ki, dünyada insan sayı sürətlə artır və bunun fonunda adambaşına düşən ət nisbəti də azalır: “2021-ci illə müqayisədə 2022-ci ildə ölkədə diri çəkidə ət istehsalı 3 faiz artıb. Bununla paralel insan sayı da artır. Bu proses tək bizdə yox, dünyada gedir. Almaniyada 2021-ci ildə adambaşına 65 kiloqram ət istehlakı var idisə, 2022-ci ildə bu rəqəm 53 kiloqram olub. Tələb çoxdur, təklif də zamanla azalır. Bu, qiymətlərə təsir edir. İnflyasiya fonunda da qiymətlərdə artım gedir”. Ekspertlər onu da deyir ki, 6-7 il əvvəllə müqayisə etsək, respublikada həm xırdabuynuzlu, həm də iribuynuzlu mal-qaranın baş sayında 1 milyona yaxın azalma var. Bu, tələb-təklifə təsir göstərir. Tələb çox, təklif az olanda, qiymətlər artır. Heyvandarlıqda maya dəyərinin əsas hissəsini yem məhsulları təşkil edir. Ona görə hazırda qiymətlər bu səviyyəyə çatıb. Ətin bahalaşmasına səbəb kimi regionlarda fermerlərin üzləşdiyi problemlər də göstərilir. Bizimlə söhbətdə narazılığını bildirən Kamilə Bayramova qeyd edir ki, bölgələrimizdə heyvan saxlamaq ucun örüş yerləri yox səviyyəsindədir: “Məmurlar tərəfindən hər yer tutulub, əkinlə məşğul olmağa da su yoxdur. Ona görə də heyvandarlıqla heç kim məşğul olmaq istəmir”. Digər oxucumuz Miri Orucov isə 23 ildir Cəlilabadda suyun olmadığını, heyvan yemlərinin baha olduğunu deyir: “Bu il yağış yağmasa, ət 20 manata qalxacaq”.  Elşən Əliyev isə deyir ki, rayonda heyvanları otarmağa otlaq sahəsi qalmayıb: “Bələdiyyələr satıb sovurub örüş yerlərini, heyvanlar harada otlasın?!” Yeri gəlmişkən, 2023-cü ilin yanvar-fevral aylarında Azərbaycanda quş əti də daxil olmaqla diri çəkidə 90,4 min ton ət, 322,3 min ton süd, 355,6 milyon ədəd yumurta istehsal edilib. Dövlət Statistika Komitəsindən bildirilir ki, 2022-ci ilin müvafiq dövrünə nisbətən ət istehsalı 2,8 %, süd istehsalı 1,1% və yumurta istehsalı isə 16,1% artıb. Mövzu ilə bağlı iqtisadçı-ekspert Natiq Cəfərli  “Yeni Müsavat”a dedi ki, ətin və yemin qiymətinin artması yem bazasının azalması ilə bağlıdır: “Bu proses təqribən 2014-2016-ci illərdən başladı. Daha çox otlaq sahələrinin texniki bitkilərə, yem bazasına xidmət edən sahələrin pambıqçılığa və digər bitki növlərinə ayrılması yemin azalmasına səbəb oldu. Yem azaldıqca da ət bahalaşmağa başladı. Nəticə etibarilə də maldarlıqla məşğul olan insanlar yemi daha baha almağa məcbur oldular. Sonra da qiymətlərin qəpik-qəpik artdığının şahidi olduq, son vaxtlar isə artım sürətlənib. Bunun əsas səbəblərindən biri yemin bahalaşması ilə əlaqəli olsa da, digər səbəbi də var. Çünki hər şey bahalaşır, yəni inflyasiya çox sürətlə gedir. Ərzaq inflyasiyası 20 faizdir, ümumi inflyasiya 14 faizə yaxındır. Bu sahə ilə məşğul olan insanların xərcləri də artır. Hər şeyin qiyməti artırsa, bu sahə ilə məşğul olan insanların xərcləri də artır. Hər şey bahalaşırsa, heyvandarlıqla məşğul olan insanların qiymətləri artırmaması mümkün deyil”. Ekspert əlavə edib ki, qiymət artımının qarşısının alınması üçün yeganə çıxış yolu işğaldan azad olunmuş torpaqların tezliklə iqtisadiyyata cəlb olunmasıdır. “Çünki orada Laçın, Kəlbəcər, Qubadlı kimi ənənəvi heyvandarlıq rayonlarımız var. Orada yaxşı otlaq sahələri var, yem bolluğu var. Həmin bölgələrin heyvandarlığa, kənd təsərrüfatına cəlb olunması, orada məskunlaşmanın və heyvandarlığın inkişafı məhsul bolluğu yarada bilər. Daha çox məhsulun bazara çıxması isə qiymətlərin tənzimlənməsində rol oynaya bilər. Əgər bu, tezliklə baş verməsə, yəqin ki, növbəti aylarda da qiymət artımını görə bilərik”, - ekspert deyib.    Bununla belə, ekspert əlavə edib ki, yazın sonu, yay aylarında qiymət artımında səngimə olur: “Yayın əvvəllərində qiymətlərdə müəyyən sabitləşmə olur. Bu da onunla əlaqəlidir ki, yem bazası artır, təbii otlaqlar yaranır. Fermerlər öz heyvanlarını yemləmək üçün daha çox təbii otlardan istifadə edir. Bir müddət sabitlik olacaq, amma işğaldan azad olunmuş rayonlarda iş ləngisə, noyabrda yenidən qiymət artımını görəcəyik. Bu, dairəvi bir xətt alıb”. Ekspert ümumi qiymət artımı ilə bağlı isə deyib ki, qiymət artımının qarşısını almaq üçün  rəqabət mühiti artırılmalı və iqtisadi qanunlar işə düşməlidir: “Bu isə hökumətin borcudur. Hökumət vergiləri salmaqla, rüsumları azaltmaqla, rəqabətli və ədalətli biznes mühiti yaratmaqla qiymət siyasətinə təsir edə bilər, amma etmir. Sonra da məmurlar, deputatlar məhz hökumətə lazım olan mənasız "süni qiymət artımı" deyimini ortalığa atıb məsuliyyətdən yayınırlar. Pərakəndə satışda malı, istənilən qiymətə satmaq olar, kafe və restoran yeməkləri istədiyi qiymətə sata bilər, təki alıcısı olsun və vergisini versinlər, vəssalam... Hökumət vergiləri salmaqla, rüsumları azaltmaqla, rəqabətli və ədalətli biznes mühiti yaratmaqla qiymət siyasətinə təsir edə bilər".

“Barselona” Lionel Messiyə kluba keçidlə bağlı təklif hazırlayır. Bu barədə “Fox Sports”un əməkdaşı Veronika Brunati açıqlama verib. Onun sözlərinə görə, hazırda PSJ-nin hücumçusu olan Messiyə 2025-ci ilə qədər 1+1 sxemi üzrə müqavilə təklif olunacaq. Son məlumatlara görə, Messi Robert Levandovskinin aldığı maaş qədər maaş alacaq. Bundan başqa Messiyə klubun sponsorluq gəlirinin bir faizi təklif olunacaq. “Barselona” həmçinin argentinalı üçün tam dolu “Kamp Nou” stadionunda vida matçı təşkil etməyi də planlaşdırır. Lionel Messinin PSJ ilə müqaviləsi iyunda başa çatır. Klub hücumçudan imtina etməyə hazır olduğu bəyan edib.

"Rusiyanın təcavüzü göstərir ki, yalnız kollektiv preventiv zəmanətlər etibarlı ola bilər" "Rusiyanın təcavüzü dünyada xaos yaradır..." Zelenski deyib ki, NATO üzvü olmaq "təhlükəsizliyin etibarlı zəmanətidir". Sozcu.az xəbər verir ki, bu barədə Ukrayna prezidenti Vladimir Zelenski aprelin 4-də növbəti videomüraciətində bəyan edib. O, Finlandiyanın NATO-ya qoşulmasını tarixi hadisə adlandırıb. "Bu gün regionumuz üçün, bütün Avropa üçün, Avroatlantika Birliyi üçün tarixi hadisə baş verib. Finlandiya NATO-nun 31-ci üzvü olub. Alyansın şərq cinahı möhkəmlənir",  - o, deyib  Ukrayna prezidenti Finlandiyanı "etibarlı kollektiv təhlükəsizlik zəmanəti ilə əlaqədar" təbrik edib. "Rusiyanın təcavüzü birmənalı olaraq sübut edir: yalnız kollektiv zəmanətlər, yalnız preventiv zəmanətlər etibarlı ola bilər. Biz həmişə məhz bu barədə demişik. Həm də sürət barədə demişik, təhlükəsizlik sahəsində qərarların qəbul edilməsi sürətinin əhəmiyyəti var. Biz indi prosedurların sürətinin nə olduğunu görürük", - Zelenski bəyan edib. O, hesab edir ki, iyul ayında Vilnüsdə (Litva) baş tutacaq sammit "kifayət qədər iddialı olmağa layiqdir". "Azadlığı qoruyan nə qədər iddialı olarsa, pislik istəyənlərin təcavüzü üçün daha az imkanları olacaq. Gün gələcək, bizim ölkəmizin də təhlükəsizliyinə zəmanət veriləcək", - Zelenski vurğulayıb. "Müharibəyə tez son qoymaq üçün biz dünyanı daha çox səfərbər etməliyik" Rusiyanın təcavüzü dünyada xaos yaradır. Zelenski deyib ki, Ukraynanın Rusiyanın təcavüzünə qarşı mübarizəsində qələbəsi  dünyanın bu məqsədlə nə dərəcədə səfərbər olunmasından asılıdır. "Düşməni torpaqlarımızdan tezliklə vurub çıxarmaq və bununla da bu müharibəyə son qoymaq üçün biz dünyanı, tərəfdaşlarımızı, Rusiyanın təcavüzünün yaratdığı xaosla razı olmayan bütün xalqları daha çox səfərbər etməliyik", - dövlət başçısı deyib. O, qeyd edib ki, aprelin 4-də bir sıra xarici siyasətçilərlə-Kanadanın baş naziri Castin Trüdo, Avropa Komissiyasının rəhbəri Ursula fon der Lyayyenlə ünsiyyətdə olub, habelə Birləşmiş Ştatların qubernatorları və Çili parlamenti qarşısında çıxış edib. "Mən indicə Ukraynanın səsini eşidən, bizim nəyə can atdığımızı anlayan daha bir ölkənin parlamentinə müraciət etmişəm. Xalqlarımız arasında məsafənin nə qədər olması önəmli deyil. Biz həyatı və beynəlxalq nizamı eyni dərəcədə qoruyuruq. Biz raşizmi Latın Amerikasının dəstəyinə hətta ümid etməsindən məhrum etməliyik", - Zelenski izah edib. "Biz işğal edilmiş ərazilərimizin azad edilməsinə hazırlaşırıq" Zelenski Ukraynaya yeni yardım paketinə görə ABŞ-a munnətdarlıq edib. "ABŞ-a Ukraynaya göstərilən 2, 6 milyard dollarlıq yeni miqyaslı müdafiə yardımı paketinə görə minnətdarıq. HIMARS üçün döyüş sursatları, HHM sistemləri üçün raketlər, artilleriya mərmiləri, digər vacib avadanlıq gözləyirik. İşğal edilmiş ərazilərimizin azad edilməsinə hazırlaşırıq. ABŞ prezidenti və bütün Amerika xalqının sarsılmaz dəstəyini yüksək qiymətləndiririk", - Zelenski deyib. "Qərarlar artıq icra edilir" Zelenski deyib ki, o, daima komandanlar ilə əlaqədədir. Aprelin 4-də cəbhədəki vəziyyətlə bağlı xüsusi müşavirə keçirilib. "Şər dövlətinə qarşı döyüş  meydanında dayanan komandanlar ilə daima əlaqədəyəm. Bu gün hərbi müşavirə xüsusi formatda keçib. General Sırski Baxmut barəsində, USQ Baş Komandanı, Baş Kəşfiyyat İdarəsinin rəhbəri ümumi hərbi vəziyyət haqqında, Müdafiə Nazirliyi döyüş sursatları və döyüşçülərimizin tələbatları üzrə tədarüklə bağlı məlumat veriblər", - o, izah edib. Prezident vurğulayıb ki, "qərarlar artıq icra edilməkdədir". "Mən Ukrayna naminə, Avdeyevka və Baxmut, Marinka və Krasnoqorovka uğrunda, hər bir qaynar istiqamətdə döyüşdə olan hamıya minnətdaram...Mən sizlərə minnətdaram, döyüşçülərimiz", - Zelenski deyib.

"Tarix ermənilərə qarşı hansısa soyqırımın olmadığını sübut edir". Sozcu.az xəbər verir ki, bunu Türkiyənin milli müdafiə naziri Hulusi Akar erməni hadisələri ilə bağlı seminardakı çıxışında deyib. "Biz bunu beynəlxalq ictimaiyyətə çatdırmalıyıq. Erməni məsələsi uzun illərdir siyasi alət kimi istifadə olunur. Ermənilərin iddiaları Türkiyə ilə Ermənistan arasında əlaqələrin normallaşmasına mane olan əsas məsələdir", - nazir bildirib.

Bu ilin yanvar-mart aylarında "Bakı Fond Birjası" QSC-də (BFB) bütün maliyyə alətləri üzrə bağlanmış əqdlərin ümumi dəyəri 3 milyard 292,563 milyon manat təşkil edib. Sozcu.az BFB-yə istinadən xəbər verir ki, bu, ötən ilin eyni dövrünə nisbətən 35,4 % azdır. Son 1 ildə bağlanmış əqdlərin sayı isə 5,4 % azalaraq 2 681 olub. BFB-nin dövriyyəsinin 31,7 %-i və yaxud 1 milyard 44,899 milyon manatı dövlət qiymətli kağızlarının payına düşüb. Bu, illik müqayisədə 61,8 % və yaxud 2,6 dəfə azdır. Hesabat dövründə korporativ qiymətli kağızlar bazarı üzrə əqdlərin dəyəri 29,6 % artaraq 290,782 milyon manat, repo əməliyyatları üzrə əqdlərin dəyəri 8,5 % azalaraq 1 milyard 956,882 milyon manat olub.

Ukrayna Prezidenti Vladimir Zelenski Polşaya səfərə gedib. Sozcu.az xəbər verir ki, bu barədə Polşanın RMF FM radiostansiyası məlumat yayıb. "Zelenski artıq Polşa ərazisindədir", - məlumatda qeyd edilib.