Dünya

Kaliforniyada baş verən yanğın zamanı ABŞ-ın hazırkı prezidenti Co Baydenin oğlu Hanter Baydenin Malibudakı evi də zərər görüb. Sozcu.az xəbər verir ki, bu barədə "Daily Mail" nəşri yazıb. Bildirilir ki, Baydenin evi tamamilə yanıb. Nəşrin dərc etdiyi fotoşəkillərdə görünür ki, 4 milyon dollarlıq mülkdən yalnız iki baca qalıb Baydenin bu evi ayda 20 min dollara kirayə verdiyi bildirilir. Hanter Baydenin mühafizə dəstəsinin kirayə götürdüyü və qonşuluqda yerləşən evi də məhv olub.

Almatı-Antalya reysi ilə hərəkət edən “Air Astana” şirkətinə məxsus təyyarə Aktau hava limanına məcburi eniş edib. Sozcu.az xəbər verir ki, hadisəyə mərkəzi yanacaq çəninin qoruyucu klapanındakı nasazlıq səbəb olub. Sözügedən ehtiyat hissəsinin çatdırılması zaman tələb etdiyindən reysin yerinə yetirilməsi 9 yanvar, yerli vaxtla saat 09:20-yə təyin edilib.

ABŞ Müdafiə Nazirliyi (Pentaqon) Ukraynaya dəstəyin Co Baydenin prezidentlik dövründən sonra da davam edəcəyini gözlədiyini bildirib. Sozcu.az xəbər verir ki, bu bəyanat Ukraynanın hərbi ehtiyaclarının 2027-ci ilə qədər təmin olunmasını müzakirə etmək üçün 9 yanvarda keçiriləcək təmas qrupu toplantısı ərəfəsində verilib. Bununla yanaşı, ABŞ-ın keçmiş prezidenti Donald Tramp Ukrayna münaqişəsini Co Baydenin siyasətinin “fiaskosu” adlandırıb. O, Baydenin əvəzinə “nə etdiyini bilən bir prezident” hakimiyyətdə olsaydı, bu münaqişənin baş verməyəcəyini vurğulayıb. ABŞ-ın Ukraynaya hərbi yardımı ilə bağlı qərarlar dünya ictimaiyyətinin diqqət mərkəzindədir. Gələcəkdə bu yardımların miqyası və istiqamətləri siyasi vəziyyətdən asılı olaraq formalaşacaq.

İş adamı İlon Mask dəli olub, psixikası zəifləyir. Sozcu.az xəbər verir ki, bunu biznesmen bioqrafı Set Abramson deyib. “Son iki il ərzində sosial şəbəkədə onun davranışını izlədim, onun özü də psixi pozğunluqların, narkotik maddələrdən istifadənin və həddindən artıq stressin ona təsir etdiyini etiraf edir, indi onun ağır xəstə olmasından qorxmağa əsas var”, - o bildirib. Abramson əlavə edib ki, Maskın ABŞ-ın yeni seçilmiş prezidenti Donald Trampa təsiri Amerika cəmiyyətini təhdid edir.

ABŞ-nin yeni seçilmiş prezidenti Donald Tramp Rusiya - Ukrayna müharibəsinin qarşıdakı altı ay ərzində bitə biləcəyini deyib. Sozcu.az  xəbər verir ki, o, bu barədə keçirdiyi mətbuat konfransında bildirib. "Ümid edirəm ki, yarım il ərzində buna nail olacağam", - siyasətçi bildirib. Tramp Rusiya-Ukrayna müharibəsinə ABŞ-nin hazırkı Prezidenti Cozef Baydeni təqsirləndirib: "Müharibənin təqsirkarı Baydendir. Müharibəyə onun administrasiyasının səriştəsizliyi ilə təhrik edilib". Respublikaçıların lideri onu da söyləyib ki, Qərb Ukraynanın NATO-ya daxil olmasının mümkünsüzlüyünü etiraf edir. Qeyd edək ki, Rusiya ilə Ukrayna arasında genişmiqyaslı müharibə 2022-ci il fevralın 24-də başlayıb. Ukrayna Prezidenti Volodimir Zelenski daha əvvəl müharibənin 2025-ci ildə bitəcəyinə ümid etdiyini bildirib.

Kanadanın Baş naziri Castin Trüdo Liberal Partiyasının rəhbərliyindən istefa verdiyini elan edib. Sozcu.az xəbər verir ki, 53 yaşlı siyasətçi paytaxt Ottavada keçirdiyi mətbuat konfransı zamanı partiya yeni liderini seçənə qədər Baş nazir vəzifəsində qalacağını açıqlayıb. Castin Trüdo vurğulayıb ki, ölkə parlamenti martın 24-dək fəaliyyətini dayandıracaq. Qeyd edək ki, daha öncə yayılan məlumatda onun yanvarın 8-də istefa verəcəyi bildirilmişdi.

Qəzzada son sutkada 88 fələstinli ölüb, 208 nəfər yaralanıb. Sozcu.az xəbər verir ki, bu barədə Qəzzadakı səhiyyə qurumu məlumat yayıb. Bununla da indiyə qədər Qəzza zolağında ölənlərin sayı 45 805, yaralananların sayı 109 064 nəfərə çatıb. Xatırladaq ki, ötən il oktyabrın 7-də HAMAS gözlənilmədən İsrailin cənubuna hücum edib. Hücum nəticəsində 1 110-dən çox israilli qətlə yetirilib. Buna cavab olaraq İsrail Qəzza zolağında havadan və qurudan hərbi əməliyyatlara başlayıb.

Ukrayna Müdafiə Nazirliyi Rusiya ordusunun 2024-cü il ərzində itkisi haqda məlumat yayıb. Sozcu.az xəbər verir ki, Rusiya qoşunlarının 2024-cü ildə 430 790 əsgər itirdiyi bildirilib. Qeyd edilib ki, bu, canlı qüvvədə bərpa olunmayan və sanitar itkilərdir. Rusiyanın texnika itkisi isə aşağıdakı kimidir: - 3.689 tank; - 8.956 zirehli döyüş maşını; - 13.050 artilleriya sistemi; - 313 MLRS və 407 HHM sistemi; - 21.345 avtomobil.

Almaniyanın xarici işlər naziri Annalena Barbok Rusiya hərbi bazalarının Suriyanın Latakiya əyalətindən çıxarılmasını istəyib. Sozcu.az xəbər verir ki, bu barədə Almaniya Xarici İşlər Nazirliyinin saytında müvafiq məlumat yerləşdirilib. Berbok Dəməşqə gözlənilməz səfəri zamanı deyib: “Rusiyanın Suriyadakı hərbi bazalarını tərk etməsinin vaxtı çatıb”. O, bunun Ərəb Respublikasının suverenliyinə hörmət olduğunu vurğulayıb. Bundan əlavə, XİN rəhbəri ölkənin yeni rəhbərliyini qadınların və etnik azlıqların nümayəndələrinin maraqlarını nəzərə almalı olan inklüziv hökumət formalaşdırmağa çağırıb. Qeyd edək ki, Almaniya və Fransa XİN başçıları Annalena Berbok və Jan-Noel Barro Suriyaya birgə səfərə gediblər.

Cənubi Koreya Prezidenti Yun Sek-Yula qarşı həbs orderinin icrası mümkün olmayıb. Sozcu.az xəbər verir ki, bu barədə Cənubi Koreyanın Korrupsiyaya Qarşı Mübarizə Agentliyi məlumat yayıb. Müstəntiqlər əvvəllər dövlət başçısının iqamətgahına daxil olsalar da, hərbi qulluqçuların müqaviməti ilə üzləşiblər. “Biz müəyyən etdik ki, davam edən qarşıdurma səbəbindən həbs qərarı icra etmək mümkün deyil. İşçilərin təhlükəsizliyi ilə bağlı narahatlıqlara görə onun icrası dayandırılıb", - açıqlamada bildirilir.

Ukrayna Silahlı Qüvvələri Kursk vilayətində komanda məntəqəsinə zərbə endirib. Sozcu.az xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.  Bildirilib ki, Ukrayna hərbçiləri Kursk vilayətinin Maryino kəndində rus qoşunlarının komanda məntəqəsinə yüksək dəqiqliklə zərbə endiriblər. Bundan əvvəl regional hakimiyyət Maryinonun yanında yerləşən Rılski rayonunun İvanovskoye kəndinin atəşə tutulduğunu açıqlayıb. Kursk vilayətinin qubernatoru vəzifəsini icra edən Aleksandr Xinşteynin sözlərinə görə, itki yoxdur.

Ukrayna Suriyanın sabitləşməsi üçün atılacaq bütün addımları dəstəkləyəcək. Sozcu.az xəbər verir ki, bu barədə Ukrayna Prezidenti Vladimir Zelenski deyib. O bildirib ki, Yaxın Şərqdə daha çox sabitlik bütün tərəfdaşlar üçün daha çox sülh və ticarət deməkdir: "Ukrayna Suriyanın sabitləşməsi üçün atılacaq bütün addımları dəstəkləyəcək. Suriya üçün “Ukraynadan taxıl” proqramını yaradacağıq. Ukrayna dekabrın 31-də suriyalı ailələrə pulsuz paylanmaq üçün içərisində 500 ton un olan 20-dən çox yük maşını göndərib. Biz bu dəstəyi daha da gücləndirmək üçün avropalı tərəfdaşlarımız və ABŞ ilə əlaqə saxlayacağıq".