Dünya

Ukrayna Müdafiə Nazirliyi dövlət və özəl şirkətlərin, həmçinin alimlərin müdafiə qüvvələri ilə qarşılıqlı əlaqəsini təşkil edəcək və kosmik qüvvələrin yaradılmasına kömək edəcək kosmik siyasət idarəsi yaradıb. Sozcu.az Ukrayna mediasına istinadən xəbər verir ki, bu barədə müdafiə nazirinin rəqəmsallaşdırma üzrə müavini Katerina Çernohorenko bildirib. “Bizim kosmik fəaliyyət haqqında qanunumuz var ki, bu da Müdafiə Nazirliyinin hərbi kosmos sahəsində siyasət formalaşdırmalı olduğunu deyir. Bu təkcə mühəndislərdən innovativ həllərin alınması deyil, təkcə ən yaxşı həllərin Ukraynaya gəlməsi üçün icma yaratmaq deyil, həm də kosmik qüvvələrin yaradılmasıdır”, – o söyləyib. Çernohorenkonun sözlərinə görə, müdafiə qurumu Ukraynada kosmik texnika, məhsul və xidmətlərin əsas sifarişçisi olmaq niyyətindədir. Bu idarə isə dövlət və özəl qurumları, kosmik sahənin alimlərini müdafiə qüvvələri ilə qarşılıqlı əlaqə üçün birləşdirməlidir. O əlavə edib ki, 2030-cu ilə qədər Ukrayna müdafiə məqsədləri üçün milli peyklərə, həmçinin hava həyəcanı və kosmik fəzanın nəzarəti üçün xəbərdarlıq sisteminə sahib olmağı planlaşdırır.

ABŞ-da kiçikmühərrikli təyyarə qəzaya uğrayıb. Sozcu.az xəbər verir ki, bu barədə NBC məlumat yayıb. Minnesota ştatında qeydə alınan hadisədə təyyarə binaya çırpılıb və böyük yanğına səbəb olub. İlkin məlumatlara görə, göyərtədə olan bütün sərnişinlər və ekipaj üzvləri ölüb. Evdə olan insanlar xəsarət almayıb. Qəzanın səbəbləri araşdırılır.

“Demokratların namizədi növbəti seçkilərdə qalib gələrsə, ABŞ Prezidenti Donald Tramp həbsxanaya düşə bilər”. Sozcu.az xəbər verir ki, bu fikirləri Trampın keçmiş müşaviri Stiv Bannon deyib. O qeyd edib ki, respublikaçılar hələ də noyabr seçkilərinin nəticələrinə görə sevinirlər, lakin reallıq partiyanın müharibə vəziyyətində olmasıdır: “Demokratlar 2028-ci ildə qalib gəlsə, Tramp həbs oluna bilər. Demokratlar Trampı dayandırmaq, impiçment etmək üçün lazım olan hər vasitədən istifadə edəcəklər”.

ABŞ Prezidenti Donald Trampın göndərdiyi məktubda digər məsələlərlə yanaşı, Tehrana qarşı təhdidlər də var. Sozcu.az xəbər verir ki, bunu İran xarici işlər naziri Abbas Arakçı deyib. “ABŞ prezidentinin məktubu qəbul edilib və diqqətlə öyrənilib. Bu məktubun başqa aspektləri də var idi, o cümlədən təhdidlər. Bu qəbuledilməzdir. Biz heç kimin İran xalqı ilə təhdid dili ilə danışmasına icazə verməyəcəyik. Və təbii ki, diplomatik addımlar üçün pəncərənin açılması üçün səylər göstərilib”, - Arakçı bildirib. Qeyd edək ki, İran ABŞ Prezidenti Donald Trampın məktubuna cavabı Oman vasitəsilə çatdırıb.

Ukrayna xalqı tələb etməyənə qədər Ukraynada prezident seçkilərinə ehtiyac yoxdur. Sozcu.az xəbər verir ki, bunu Avropa Komissiyasının mətbuat katibi Paula Pinyo deyib. “Zelenski demokratik yolla seçilib və Ukrayna xalqı seçkilər tələb etmirsə, başqa heç kim seçkilərin keçirilməsini tələb etməməlidir”, - Pinyo bildirib.

NATO-nun baş katibi Mark Rutte xəbərdarlıq edib ki, Rusiya Polşaya və ya hər hansı digər müttəfiqə hücum edərsə, alyansın cavabı “dağıdıcı” olacaq. Sozcu.az xəbər verir ki, Rutte rəsmi səfərdə olduğu paytaxt Varşavada Polşanın Baş naziri Donald Tusk ilə birgə mətbuat konfransı keçirib. Polşanın Ümumi Daxili Məhsulunun 4,7 faizini müdafiə xərclərinə ayırdığını xatırladan Rutte, bu vəziyyətin digər üzv ölkələrə nümunə olması lazım olduğunu bildirib. Rutte Rusiyanın Avropa üçün "təhdid yaratmağa davam etdiyini" deyib və əlavə edib: "Getdikcə daha təhlükəli olan dünyada müdafiə xərclərinin artırılması vacibdir. Polşanın müdafiəsinə və NATO ərazisinin ümumi müdafiəsinə gəldikdə, əgər kimsə səhv hesablasa və Polşaya və ya hər hansı digər müttəfiqə hücum etməklə xilas ola biləcəyini düşünsə, bu zorakı ittifaqın tam gücü ilə qarşılanacaq. Bizim cavabımız dağıdıcı olacaq. Bu, Vladimir Putin və bizə hücum etmək istəyən hər kəs üçün çox aydın olmalıdır".

Rusiya bilərəkdən Ukraynada atəşkəs danışıqlarını gecikdirir və razılaşmadan yayınır. Sozcu.az xəbər verir ki, bunu ABŞ Prezidenti Donald Tramp deyib. “Düşünürəm ki, Rusiya buna son qoymaq istəyir, amma ola bilsin ki, vaxt uzadır. Mən bunu illərdir biznesdə etmişəm: müqavilə imzalamaq istəmirəm, bir növ oyunda qalmaq istəyirəm, amma bəlkə də bunu etmək istəmirəm”, - Tramp bildirib. Onun sözlərinə görə, Vaşinqton Moskvanın 23-25 ​​mart tarixlərində Səudiyyə Ərəbistanında keçirilən danışıqlardan sonra elan edilmiş Qara dənizdə atəşkəslə bağlı tələblərinə baxacaq: “Hazırda onların hamısını nəzərdən keçiririk. Bunlar təxminən beş-altı şərtdir”.

Uzunmüddətli sülh üçün məqbul şərtlər olmasa, Ukrayna hərbçiləri yalın əllərlə belə döyüşəcəklər. Sozcu.az xəbər verir ki, bunu Mərkəzi Kəşfiyyat İdarəsinin (MKİ) direktoru Con Retkliff ABŞ Sentındakı dinləmələrdə deyib. “Ukrayna müqavimətinə gəldikdə, artıq bir neçə ildir ki, xalqı və ordusu lazımi səviyyədə qiymətləndirilmir. Kəşfiyyat nöqteyi-nəzərindən öz düşüncələrimdən və müşahidələrimdən əmin oldum ki, əgər davamlı sülh üçün məqbul şərtlər olmazsa, məcburiyyət yaranarsa, onlar yalın əllə də döyüşəcəklər”, - Retkliff bildirib.

Ağ Evdə Vladimir Putinin sözlərinə inanmağa başlayıblar. Sozcu.az xəbər verir ki, bunu Ukrayna Prezidenti Volodimir Zelenski “Time” jurnalına müsahibəsində deyib. “Hesab edirəm ki, Rusiya Ağ Ev komandasındakı bəzi insanlara informasiya təsiri göstərməyə nail olub”, - Ukrayna lideri qeyd edib.

Ukrayna ordusu rusların Donetsk vilayətinin Toretsk şəhərindəki mövqelərini vurub. Sozcu.az xəbər verir ki, bu barədə Ukrayna Baş Qərargahı məlumat yayıb. Bildirilib ki, zərbələr martın 21-də Rusiyanın 103-cü motoatıcı alayının 1-ci əlahiddə qvardiya motoatıcı briqadasının qüvvələrinin cəmləşdiyi əraziyə endirilib. Nəticədə rus hərbçilərin yerləşdiyi yer tamamilə dağıdılıb, şəxsi heyət, xüsusən də desant-hücum qrupları və PUA operatorları məhv edilib.

Ukrayna ordusunun 3-cü hücum briqadası Luqansk vilayətinin Svatovsk rayonunun Nadejda yaşayış məntəqəsini azad edib. Sozcu.az xəbər verir ki, bu barədə briqadadan məlumat verilib. “Briqada, ilk növbədə 1-ci hücum batalyonu Nadejda yaşayış məntəqəsi üzərində nəzarəti bərpa edib. Düşmən Nadejdanı iki aylıq hücumdan sonra işğal etmişdi. Nəticədə Rusiya Silahlı Qüvvələrinin 20-ci ordusunun 752 və 254-cü alayları böyük canlı qüvvə itkisi verib”, - məlumatda qeyd olunub.

Ənsarullah hərəkatı (husilər) Təl-Əvivin Ben Qurion hava limanına səsdən sürətli raketlə hücum edib. Sozcu.az xəbər verir ki, bu barədə hərəkat özü açıqlama yayıb. “Biz işğal altındakı Yaffa bölgəsində yerləşən Ben Qurion hava limanını Fələstin-2 hipersəs ballistik raketi ilə vurduq. Bütün aviaşirkətlərə xəbərdarlıq edirik ki, Ben Qurion hava limanı hava hərəkəti üçün təhlükəli hala düşüb və belə də qalacaq”, - Husilərin yaydığı bəyanatda bildirilib. Qeyd edək ki, hücumun nəticələri ilə bağlı məlumat yoxdur.