1992-1993-cü illərdə Azərbaycanın Baş Prokuroru olan İxtiyar Şirinov tərəfindən yaradılan Milli Konqres Partiyası fəaliyyətinə son verib. Sozcu.az xəbər verir ki, 1998-ci ildən fəaliyyət göstərən partiyanın buraxılması haqqında bəyanatı sədr müavini Hikmət Şirinov imzalayıb. Məlumat üçün bildirək ki, 2022-ci ildə Azərbaycanda 59 siyasi partiya qeydiyyatda olub. Mart ayının əvvəlindən partiyalar özünü buraxmağa başlayıb. Fəaliyyətinə son verən partiyaların sayı 20-yə çatıb. Özünü buraxan partiyalar aşağıdakılardır: 1. Qorqud Partiyası 2. Azərbaycan Kommunist Partiyası 3. Azərbaycan Tərəqqi Partiyası 4. Vahid Azərbaycan Milli Birlik Partiyası 5. Aydınlar Partiyası 6. Müstəqil Xalq Partiyası (MXP) 7. Azərbaycan Milli Demokrat Partiyası (AMDP) 8. Yeni Yol Partiyası 9. Azərbaycan Respublikaçılar Partiyası 10. Müstəqil Azərbaycan Partiyası 11. Azərbaycan Vahid Kommunist Partiyası 12. Azərbaycan Sosial Demokrat Partiyası (ASDP) 13. Azərbaycan Liberal Demokrat Partiyası (ALDP) 14. Milli Vəhdət Partiyası (MVP) 15. Azərbaycan Sosial Rifah Partiyası (ASRP) 16. Azərbaycan Naminə Alyans Partiyası (ANAP) 17. Azərbaycan Təkamül Partiyası 18. Birlik Partiyası 19. Azərbaycan Azad Respublikaçılar Partiyası 20. Milli Konqres Partiyası 

İranın Təbriz İslam Azad Universitetində təhsil alan bir qrup azərbaycanlı tələbənin təhlükəsizliyi ilə bağlı problem yaranıb.  Bununla bağlı “Qafqazinfo”ya tələbələrin valideynləri müraciət ediblər.  Onların iddiasına görə, azərbaycanlı tələbələr tez-tez maskalı şəxslərin hücumuna məruz qalır, döyülürlər. İki övladı sözügedən universitetin Stomatologiya fakültəsində təhsil alan Sevinc Babayeva deyir ki, artıq tələbələrlə əlaqə saxlamaqda da ciddi problemlə üzləşirlər: “Böyük oğlum Kamran Stomatologiya fakültəsinin 3-cü kursunda, kiçik oğlum Rəvan isə 1-ci kursunda təhsil alır. Əvvəllər belə problemimiz yox idi, Tehranda səfirliyimizə hücumdan sonra vəziyyət lap pisləşib. Uşaqlarımızı konsulluq da qeydiyyata almayıb. Əlaqə saxlaya bilmirik, çox pis vəziyyətdəyik. Oğlumun bir tələbə yoldaşına yolda hücum edib döyüblər, güclə əllərindən qaçıb qurtula bilib. Böyük oğlum iki ay əvvəl Təbrizə gedib, çünki imtahanları qalmışdı, onları verməli idi. Kiçik oğlum Bakıdadır, lakin o da getməlidir. Çünki getməsə, hərbi xidmətə çağırırlar. Halbuki uşaqlar neçə ildir zəhmət çəkib oxuyublar. İstəyirik ki, heç olmasa, onları Azərbaycanda özəl universitetlərə köçürsünlər”. Digər bir valideyn Natəvan Hüseynova da övladının təhlükəsizliyinin sual altında olduğunu deyir: “Oğlum Yusif Hüseynov 2019-cu ildə 2 nömrəli Bakı Tibb Kollecinin Ortopedik Stomotologiya ixtisasını bitirib. Bir il sonra isə Təbriz İslam Azad Universitetinin Stomatologiya fakültəsinə daxil olub. Lakin son vaxtlarda İranda baş verən proseslər oğlumun və onunla birlikdə təhsil alan tələbələrin təhlükəsizliyini sual altında qoyub. Bir azərbaycanlı tələbəmiz polis tərəfindən döyülüb. Eyni universitetdə oxuyan yuxarı kurs tələbəsi naməlum şəkildə universitetdə öldürülüb. Övladım baş verən hadisələrlə əlaqəli psixoloji sarsıntı keçirib. Bu da məni bir valideyin kimi narahat edir və onu Təbrizə buraxmaq istəmirəm. İstəyirəm ki, oğlumun təhsilini burada davam etdirməsinə köməklik olunsun”. Valideyn bildirir ki, tələbələrin vəziyyəti ilə əlaqadar dövlət qrumlarına müraciət ediblər. Lakin onların İranda universitetə attestatla qəbul olunmaları burada ali təhsil müəssisələrinə köçürülmələrinə maneə yaradır: “Müraciətimiz Təhsildə Keyfiyyət Təminatı Agentliyinə yönləndirilib. Bizə münasibətdən belə başa düşürük ki, övladlarımız attestatla universitetə qəbul olunublar deyə, burada 600 bal toplayan tələbələrlə oxumaq istəmələrini haqsızlıq hesab edirlər. Bilirik ki, bu gün Azərbaycan Tibb Universitetində Türkiyə, Rusiya, Gürcüstan, Ukrayna və İrandan attestatla gələn tələbələr təhsil alırlar. Həmçinin təbrizli tələbələrin heç biri Təbrizə qayıtmır, Azərbaycanda fəaliyyət göstərirlər. Azərbaycanda diplomunu tanıdıb həkimlik fəaliyəti göstərən yüzlərlə həkim var. Biz Təbrizi maddi cəhətdən büdcəmizə uyğun olduğu üçün seçmişdik. İndi isə İranda vəziyyət pisdir, uşaqlara pul göndərmək belə çətinləşib. Dövlətimizdən xahişimiz odur ki, uşaqlarımızın təhlükəsizliyinin təmin olunması və Azərbaycanda təhsillərinin davam etmələrinə köməklik göstərsinlər”. Daha bir tələbə Rauf Şərifovun valideyni Rübabə Şərifova isə oğlunun hələ ötən il Azərbaycanda universitetə köçürülmə üçün müraciət etdiyini, lakin rədd cavabı aldığını deyir: “Oğlum Gəncə Dövlət Universitetini bitirmişdi. Təbrizə gedib tibb sahəsində təhsil almaq istəyirdi. Lakin sonradan Azərbaycana köçürülmək istədi. Bütün aidiyyəti orqanlara müraciət etdik, müraciətimizi Elm və Təhsil Nazirliyinə yönləndirdilər. Lakin rədd cavabı aldıq. Hazırda uşaqlarımızın təhlükəsiliyinə görə çox narahatlıq keçiririk”.    Valideynlər sözügedən universitetdə tədrisin Azərbaycan dilində aparıldığını, lakin son hadisələrdən sonra isə dərslərin farsca keçildiyini deyirlər.  Problemlə bağlı Elm və Təhsil Nazirliyinə müraciət etdik. Nazirlikdən sorğumuza cavab olaraq bildirildi ki, tələbələrin köçürülməsi bu ilin yay tətili müddətində həyata keçiriləcək: “Bildiririk ki, respublika daxilində, eləcə də xarici ölkələrin ali və orta ixtisas təhsili müəssisələrindən (bir ixtisasdan və (və ya) təhsilalma formasından digərinə) tələbələrin köçürülməsi transfer.edu.az portalı vasitəsilə həyata keçirilir. Köçürülmə məsələlərinə 2022-2023-cü tədris ilinin yay tətili müddətində baxılması nəzərdə tutulur”. Məsələ ilə əlaqədar Azərbaycanın Xarici İşlər Nazirliyinə də sorğu ünvanlamışıq. 

İyun ayında bayramlarla əlaqədər qeyri-iş günlərinin sayı açıqlanıb. Sozcu.az xəbər verir ki, Nazirlər Kabinetindən verilən məlumata görə, ölkədə 15 iyun – Milli Qurtuluş günü kimi qeyd edilir. Buna görə də cümə axşamı günü iş olmayacaq. 26 İyun – Silahlı Qüvvələr Günüdür. İyunun 28,29-u Qurban bayramı günləri müəyyən edilib. Həmin günlər bayram olduğu üçün qeyri-iş günü hesab edilir. Beləliklə, iyunda şənbə və bazar günləri də daxil olmaqla 12 gün qeyri-iş günü olacaq.

Tanışını qətlə yetirməkdə ittiham olunan Şəmşad Əhmədovun cinayət işi üzrə məhkəmə araşdırması başa çatıb. Sozcu.az xəbər verir ki, Bakı Ağır Cinayətlər Məhkəməsində hakim Cavid Hüseynovun sədrliyi ilə keçirilən iclasda hökm oxunub. Şəmşad Əhmədovun əməli Cinayət Məcəlləsinin 120.2.2-ci (xuliqanlıq niyyəti ilə qəsdən adam öldürmə) maddəsindən daha yüngül 126.3 (ehtiyatsızlıqdan zərərçəkmiş şəxsin ölümünə səbəb olma) maddəsinə tövsif olunub. Şəmsad Əhmədov 10 il müddətinə azadlıqdan məhrum edilib. Prokuror ona 20 il həbs cəzası istəmişdi. Qeyd edək ki, hadisə ötən ilin yanvarında Bakının Nərimanov rayonunda qeydə alınıb. 1974-cü il təvəllüdlü Şəmsad Əhmədov şəxsi münasibətlər zəminində aralarında yaranan mübahisə zamanı bıçaqla tanışı, 1977-ci il təvəllüdlü İsa Əbdüləzimova xəsarətlər yetirərək qətlə yetirib. Onun barəsində Cinayət Məcəlləsinin 120.2.2-ci (Qəsdən adam öldürmə, xuliqanlıq niyyəti ilə adam öldürmə) maddəsi ilə ittiham irəli sürülüb.

Əlahiddə Ümumqoşun Ordunun “2023-cü il döyüş hazırlığı planı”na əsasən birləşmə və hissələrin ştatdankənar kimya manqaları ilə toplantı keçirilib. Sozcu.az xəbər verir ki, toplantı zamanı ştatdankənar kimya manqalarının şəxsi heyətinin taktiki-xüsusi, xüsusi, kütləvi qırğın silahlarından mühafizə hazırlığından və kimya təminatı tapşırıqlarının yerinə yetirilməsi üzrə praktiki bilik və bacarıqlarının artırılması məqsədilə məşğələlər təşkil olunub. Məşğələlərdə radiasiya və kimyəvi şəraitdə nəzarətin təşkili, tüstü maskalanmanın həyata keçirilməsi, döyüş sahəsində kimyəvi zəhərlənməyə məruz qalmış heyətin təxliyyəsi və bir sıra digər fəaliyyətlərin metodikası praktiki olaraq məşq etdirilib.

Paşinyanla Əliyev arasında ən azı iyunun 1-də Avropa Siyasi Birliyinin sammiti çərçivəsində Kişinyovda keçirilməsi planlaşdırılan görüş zamanı konkret sənəd ətrafında razılaşma baş tuta və sənəd imzalana bilər. Sozcu.az xəbər verir ki, bu barədə “İravunk” qəzeti yazır. Nəşr qeyd edir ki, Paşinyanın Brüssel görüşü öncəsi ilk növbədə diasporla bağlı bəzi qorxuları var: “İstər Nikol Paşinyan, istərsə də diasporla iş üzrə baş komissarı Zare Sinanyan səviyyəsində diaspor nümayəndələri ilə son təmaslar göstərdi ki, bundan sonra heç kim susub dözmək istəmir. Paşinyanın Azərbaycanla sülhün bağlanması gündəliyi ilə Brüsselə səfəri təbii ki, diaspordan yan keçməyəcək və sürprizlər az olmayacaq”. Qeyd edək ki, mayın 14-də Avropa Birliyi Şurasının rəhbəri Şarl Mişelin vasitəçiliyi ilə Brüsseldə Ermənistan və Azərbaycan liderləri Nikol Paşinyan və İlham Əliyevin görüşü gözlənilir.

Əslən Ərdəbil əyalətinin Təzəkənd kəndindən olan və Tehranda yaşayan milli fəal Ramin Əliniya Təzəkəndə ağır həbs cəzası verilib. Tehranın İnqilab Məhkəməsinin 15-ci bölməsi milli fəalı “toplaşmaq və milli təhlükəsizliyə qarşı hərəkət etmək məqsədilə əlbir olmaq” ittihamına görə 5 il, “rejim əleyhinə təbliğat” ittihamına görə isə 1 il həbs cəzasına məhlum edib. Bununla yanaşı məhkəmə milli fəalın 2 il müddətinə sosial mediada, ictimai təşkilatlarda üzvlüyünə, fəaliyyətinə və ölkədən çıxışına qadağa qoyub. Ramin Əliniya Təzəkənd özünün idarə etdiyi "Gündəm" adlı sosial media kanalında hakimiyyəti tənqid etdiyinə görə rejimin qəzəbinə tuş gəlib. Qeyd edək ki, 2022-cü il noyabrın 8-də İranda baş qaldıran etiraz aksiyaları ilə eyni vaxtda həbs olunub. O, üç həftədən çox həbsdə qaldıqdan sonra 30 noyabrda Evin həbsxanasından girov qarşılığında müvəqqəti olaraq məhkəməyə qədər sərbəst buraxılıb.

İsmayıllıda bıçaqlanma olub. Sozcu.az-ın xəbərinə görə, Naxçıvan Muxtar Respublikasının Şərur rayon sakini, 1975-ci il təvəllüdlü Ceyhun Əliyev kəsilmiş-deşilmiş bıçaq xəsarətləri ilə xəstəxanaya müraciət edib. Onun aralarında yaranmış mübahisə zamanı dostu, rayonun Basqal qəsəbə sakini Əhmədyar Məhərrəmov tərəfindən bıçaqlandığı bildirilir. Onların İsmayıllıya istirahət məqsədilə gəldikləri deyilir. Daxili İşlər Nazirliyinin mətbuat xidmətinin Şəki regional qrupundan bildirilib ki, faktla bağlı rayon Polis Şöbəsində araşdırmalara başlanılıb və müvafiq ekspertiza təyin olunub. C.Əliyevə kəsici alətlə xəsarət yetirdikdən sonra hadisə yerindən yayınan Ə.Məhərrəmovun saxlanılması istiqamətində zəruri əməliyyat-istintaq tədbirləri davam etdirilir.apa

“Ən uğurlu” abortların da ciddi fəsadları olur. Sozcu.az-ın xəbərinə görə, bunu Bakı Baş Səhiyyə Mərkəzinin tabeliyində fəaliyyət göstərən 2 nömrəli Qadın Məsləhətxanasının şöbə müdiri Bilqeyis Qaragöz deyib. “Ümumiyyətlə, abortlar 2 qrupa ayrılır: Erkən və gec abortlar. Hər bir halda qadın sağlamlığı üçün təhlükəli bir prosesdir. Lakin gec həyata keçirilmiş abortlar daha ağır fəsadlar verə bilir. Uşaqlıq, uşaqlıq boynu abort zamanı ciddi zədələnir, uşaqlıq qanaxmaları, xroniki, kəskin iltihabi xəstəliklər, aybaşı tsiklinin pozulması, sonrakı hamiləliklərin sona çatdırılmaması, hətta sonrakı hamiləliklərin baş tutmaması, sonsuzluğa qədər gətirib çıxarda bilər”, - deyə həkim bildirib. Həkim selektiv abort üzrə də ölkəmizdəki vəziyyətin ürəkaçan olmadığını, abortun bu növü üzrə göstəricilərin artdığını diqqətə çatdıran şöbə müdiri bunun təbii cinsi tarazlığın pozulmasına səbəb olacağını, nəticədə isə cəmiyyət üçün təsirsiz ötüşməyəcəyini deyib.

Hamiləlikdə optimal interval vaxtın müəyyənləşdirilməsi, ailədə uşaq sayının planlaşdırılması, erkən və gec doğuşların qarşısının alınması yolları ilə ailə planlanmasını düzgün formalaşdırmaq mümkündür. Sozcu.az-ın xəbərinə görə, bunu Bakı Baş Səhiyyə Mərkəzinin tabeliyində fəaliyyət göstərən 2 nömrəli Qadın Məsləhətxanasının şöbə müdiri Bilqeyis Qaragöz deyib. Həkimin sözlərinə görə, bu gün ölkəmizdə buna əməl etməyən insanların sayı az deyil: “Bütün hallarda qadınlar qadın məsləhətxanalarına tez-tez müraciət etməlidir, abort, ailə, hamiləlik planlaması kimi mövzularda sahə ginekoloqları ilə müntəzəm işləməli, tövsiyələr almalıdırlar. Bu çox önəmli məqamdır. Bunu nəzərə almayan ailələrdə xoşagəlməz hadisələrin olması sözsüz ki, qaçılmazdır. Bu prosesi müasir kontrasepsiya üsulları ilə həyata keçirmək olar. Düzgün seçilmiş kontrasepsiya üsulları nəinki arzuolunmaz abortlardan, hətta qadınlarda olan digər xəstəliklərin də vaxtında aşkarlanmasına səbəb ola bilər”. Hamiləliyin mütləq planlı olduğu halda doğulan uşaqların da arzuolunan olduğunu bildirən Bilqeyis Qaragöz “ən uğurlu” abortların da ciddi fəsadları olduğunu bildirib: “Ümumiyyətlə, abortlar 2 qrupa ayrılır: Erkən və gec abortlar. Hər bir halda qadın sağlamlığı üçün təhlükəli bir prosesdir. Lakin gec həyata keçirilmiş abortlar daha ağır fəsadlar verə bilir. Uşaqlıq, uşaqlıq boynu abort zamanı ciddi zədələnir, uşaqlıq qanaxmaları, xroniki, kəskin iltihabi xəstəliklər, aybaşı tsiklinin pozulması, sonrakı hamiləliklərin sona çatdırılmaması, hətta sonrakı hamiləliklərin baş tutmaması, sonsuzluğa qədər gətirib çıxarda bilər”. Həkim selektiv abort üzrə də ölkəmizdəki vəziyyətin ürəkaçan olmadığını, abortun bu növü üzrə göstəricilərin artdığını diqqətə çatdıran şöbə müdiri bunun təbii cinsi tarazlığın pozulmasına səbəb olacağını, nəticədə isə cəmiyyət üçün təsirsiz ötüşməyəcəyini deyib: “Son illər ölkəmizdə hər 100 qız üçün 116 oğlan doğulur. Bu isə təbii cinsi tarazlığın pozulması deməkdir. Əlbəttə ki, abortun hər növü qadınlar üçün təhlükəli və çox ziyanlıdır, lakin selektiv abort qadınların həyat və sağlamlığı üçün xüsusilə ağır prosesdir, onlar üçün, həm psixoloji stress, həm də fiziki zorakılıq deməkdir. Bu isə qadınlarda abortdan sonrakı sindrom adlanan vəziyyətin yaranmasına səbəb ola bilər. Bir daha qeyd etmək istəyirik ki, abortu, o cümlədən selektiv abortu ancaq müəyyən istisna hallarda etmək olar”.apa

Azərbaycan Ordusunun ötən gün Ermənistanın təxribatı nəticəsində şəhid olan hərbçisi Orxan Novruzəlizadə Ağstafada dəfn olunub. Sozcu.az APA-ya istinadla xəbər verir ki, şəhid anadan olduğu Xətai kəndində, kənd qəbiristanlığında torpağa tapşırılıb. Dəfn mərasimdə şəhidin yaxınları, hərbçilər, rayon rəhbərliyi, ictimaiyyət nümayəndələri iştirak edib.

Ermənistan xarici işlər naziri Ararat Mirzoyan ilə Portuqaliyanın xarici işlər naziri Joao Qomeş Kravinyo arasında telefon danışığı olub.  Sozcu.az “Armenpress”ə istinadla xəbər verir ki, bu barədə Ermənistan XİN məlumat yayıb. “Həmsöhbətlər Ermənistan-Portuqaliya ikitərəfli gündəliyinin məsələlərini müzakirə edərək, siyasi dialoqun dinamikasının qorunub saxlanmasında yüksək səviyyəli qarşılıqlı səfərlərin əhəmiyyətinə, eləcə də iki ölkə arasında ticarət, iqtisadiyyat və digər sahələrdə əməkdaşlığın inkişaf perspektivlərinə toxunublar”, – XİN-in bülletenində qeyd olunub. Həmçinin, bildirilib ki, regional təhlükəsizlik və sabitlik məsələləri müzakirə edilib. Mirzoyan Ermənistan və Azərbaycan arasında münasibətlərin tənzimlənməsi ilə bağlı son hadisələri portuqaliyalı vəzifədaşının diqqətinə çatdırıb.  Bundan başqa, tərəflər Laçın dəhlizi ətrafındakı vəziyyəti müzakirə ediblər. 

“Azərbaycanda universitet tələbələrinə əsgərlikdən möhlət hüququ tanınsa da, kollec tələbələrinə bu möhlət verilmir”. Bunu Milli Məclisin bu gün keçirilən iclasında Naqif Həmzəyev deyib. Deputat kollecdə təhsil alan gənclərə də hərbi xidmətə çağırışla bağlı müəyyən güzəştlər verilməsini təklif edib.

"Avroviziya-2023" musiqi yarışmasının finalında iştirak edəcək bütün ölkələr məlum olub. Sozcu.az Trend-ə istinadən bildirir ki, Liverpulda keçirilən müsabiqənin ikinci yarımfinalında ilk on yeri tutan Albaniya, Kipr, Estoniya, Belçika, Avstriya, Estoniya, Polşa, Avstraliya, Litva, Ermənistan və Sloveniya finala vəsiqə qazanıblar. Qeyd edək ki, daha əvvəl Xorvatiya, Moldova, İsveçrə, Finlandiya, Çexiya, İsrail, Portuqaliya, İsveç, Serbiya və Norveç təmsilçiləri finala çıxıblar. Müsabiqənin finalı mayın 13-də keçiriləcək. Bu il 67-ci dəfə təşkil olunacaq "Avroviziya" mahnı müsabiqəsində 37 ölkə təmsil olunur.

Mütəxəssislərin fikrincə, paxıllıq insana xas olan cəhətlərdən biridir. İnsan paxıl doğulmur, bu hiss sonradan yaranır. Astroloqlar bürclərin nəyi qısqandığını və necə paxıllıq hisslərini biruzə verdikləri ilə bağlı araşdırma aparıblar. Sozcu.az həmin proqnozu təqdim edir: Qoç bürcü - Həmişə ikili münasibətlərdə qısqanc və hər zaman hücum mövqeyindədir. Sizi rəqib görsə, hirsli və əsəbi olur. Qoçlar dürüst olduğu üçün hər şeyi sevdikləri ilə paylaşmaqdan zövq alırlar. Buğa bürcü - Onların qısqanclıq hissi o an hiss olunur. Əldə etmək istədikləri hər şeyə qarşı aqressiv və paxıllıq duyurlar. Bəzən bu o həddə çatır ki, onların yaxınlarını da narahat edir. Əkizlər bürcü - Şəxsi həyatlarında əkizlərin başqa bir insana o qədər də ehtiyac olmur. İlk baxışda qısqanclıq nəzərə çarpmır. Əkizlər çox pozitiv bürc olduğu üçün qısqanclıq və xoşagəlməz duyğuları açıq şəkildə göstərmək yerinə, gizlədir. Hər zaman şən və pozitivlikdən yana olduğu qısqanclıq duyğuları hiss olunmur. Qəlbi qırılmadığı müddətdə qısqanclıq duyğularını qətiyyən göstərmir, əksinə vecinə olmadığını nümayiş etdirir. Əkizləri sevindirmək çox çətin məsələdir. Əkizlərlə sevgi yaşamaq istəyənlər hər şeydən əvvəl səmimi, mehriban və dürüst olmalıdır. Xərçəng bürcü - Bürclər arasında ən qısqanc olan Xərçənglər bu hissin əsiridirlər. O qədər paxıllıq duyurlar ki, hətta sevdikləri insanları da incitdiklərinin fərqində olmurlar. Yaxşı yalan fantaziyaları olur. Paxıllıq onların ikinci adı kimidir. Şir bürcü - Ərköyün olduğu üçün diqqət gözləyir. Lider ruhlu olduqları üçün hər zaman irəli getməyə öyrəşirlər və sevgi ilə təmin olmaqlarını gözləyirlər. Başqasının yüksək pilləyə qalxmasını həzm edə bilmədiyi üçün qısqanclıq duyğuları açıq şəkildə hiss olunur. Bundan isə stressə düşürlər. Qısqanc olduqları zaman ətrafında olan hər kəsi günahlandıra və pis rəftar edə bilərlər. Onların inamını qazandığınız zaman sarsıtmaq asan deyil. Yəni, səhvlərinizi bağışlaya bilirlər. Qız bürcü - Qısqanclığa qapıldığı zaman depressiyaya düşür və küsəyən olur. Ətrafındakı insanları sərt şəkildə tənqid edirlər. Tərəzi bürcü - Onlar son dərəcə şən həyat sürməyi sevdikləri üçün qısqanclıq duyğusu bəlli edilməyən duyğularıdır desək yanılmarıq. Kişi Tərəzilər daha sadə və təmkinli olur, paxıllıq hissindən uzaqdırlar. Amma qadınlar üçün paxıllıq hissi dəhşətli intiqam alətinə çevrilə bilər. Əqrəb bürcü - Qısqanclıq əqrəb bürcünün yaşam tərzidir. İnsanlarla münasibətlərdə siyası davranışlar sərgiləsələr də, sevgidə qətiyyən belə deyillər. Qısqanc olsalar da, güzəştə getməyi bacarırlar. Qısqanc davranışlar göstərsələr də, xeyirxah və ürəyitəmiz olurlar. Oxatan bürcü - Adətən bu bürclər qısqanc deyil. Dəyişkən xarakterə malik olduğu üçün qısqanclıq hissləri baş qaldırdığı zaman nə cür hərəkət edəcəklərini bilmirlər. Qısqanclıq hislərini ciddi cəhdlə gizlətməyə çalışsalar da, bacarmırlar. Qısqanc oxatan bürcünü sakitləşdirməyin ən yaxşı yolu onu anlamaqdır. Oğlaq bürcü - Onlar lider olmağı sevdikləri üçün geridə qaldıqları zaman qısqanc olurlar. Sevgidə etibar hissləri çox zəifdir, Oğlan qadınla münasibət çətindir. Dolça bürcü - Digər bürclərlə müqayisədə dolçalar demək olar ki, qısqanclıq hiss etmirlər. Onlar qısqanclıq səhnələrinə sərf edilən vaxtı başqa məşğuliyyətlərlə əvəz etməyin tərəfdarıdır. Özləri qısqanc olmadığı üçün başqalarının qısqanclıq hisslərini başa düşmür və mənasız hesab edirlər. Onlara qarşı qısqanc olmadığınız müddətdə münasibətləriniz normal və qaydasında gedəcək. Balıq bürcü - Qısqanclıq balıq bürcləri üçün ən zərərli duyğulardan biridir. Balıqlar elə paxıllıq hissi duyurlar ki, sanki yer üzündə son xoşbəxtlik qırıntısını kimsə onlardan alıb və bir daha verməyəcəkmiş kimi davranırlar. Sevdiyi insanlara hər zaman sahib çıxdıqları üçün qısqanclıq onları rahat buraxmır. Azadlıqlarına düşkün insanlar olurlar. Özlərini güvəndə hiss etdikləri zaman qısqanclıq və paxıllıq hissindən uzaqdırlar. (metbuat.az)

“Qarabağ”ın adı elə bizim üçün motivasiyadır. Fərqli bir oyun olacaq. Çünki komandalar fərqli bir tapşırığı yerinə yetirəcək”. Bu sözləri Qol.az-a açıqlamasında “Səbail”in baş məşqçisi Şahin Diniyev deyib. Misli Premyer Liqasının 34-cü turunda “Səbail”lə qarşılaşacaq “Qarabağ” qalib gələcəyi halda sona 2 tur qalmış çempionluğunu rəsmiləşdirəcək. “Səbail” üçün isə bu görüş Premyer Liqada qalmaq baxımından vacibdir. Paytaxt klubunun çalışdırıcısı oyun öncəsi fikirlərini bölüşüb. O, Ağdam təmsilçisinin aşkar favorit olduğunu, bununla belə meydana qələbə üçün çıxacaqlarını bildirib:  “Qarabağ” maksimum vəzifəyə çatmaq, sona iki tur qalmış çempionluğunu təmin etmək istəyəcək. Acınacaqlıdır ki, biz bu oyunda uğurla çıxış edib yerimizi qorumağa çalışacağıq. Məncə, hər iki komanda bu oyunda vuruşacaq. Güzəştsiz bir matç olacaq. Bəli, oyundan əvvəl faktlara baxanda “Qarabağ”ın “Səbail” önündə böyük üstünlükləri var. Ancaq futbolda proqnoz vermək çox çətindir. Hər üç nəticə qeydə alına bilir. Bizim də itirəcəyimiz bir şey olmadığı üçün bu görüşə final matçı kimi yanaşırıq. Təbii ki, “Qarabağ” favoritdir, bu qaçılmazdır. Biz isə “Qarabağ”a mane olmaq üçün əlimizdən nə gəlirsə, edəcəyik. Bizi maraqlı oyun gözləyir. Hər iki tərəf üçün vacib görüşdür”. Qeyd edək ki, sabah keçiriləcək "Səbail" - "Qarabağ" oyunu saat 20:30-da başlayacaq. 

Mayın 10-da Ermənistanın sərhəddə törətdiyi təxribat nəticəsində başından ağır güllə yarası alan müddətdən artıq həqiqi hərbi xidmət qulluqçusu Müslüm Mahmudlu hazırda Respublika Neyrocərrahiyyə Xəstəxanasında müalicə olunur. Dünən hərbçimiz əməliyyat olunub. Əməliyyat normal keçsə də, hərbçimizin vəziyyəti hələ də ağırdır. Hazırda o, reanimasiya şöbəsindədir. Qeyd edək ki, mayın 10-da axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədiblər. Qarşı tərəfin hədəfli atəşi nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Müslüm Vidadi oğlu Mahmudlu başından ağır yaralanıb. Yaralı hərbi qulluqçumuz dərhal hərbi tibb müəssisəsinə çatdırılıb. Təxribat nəticəsində müddətdən artıq həqiqi hərbi xidmət hərbi qulluqçusu Orxan Elxan oğlu Novruzəlizadə şəhid olub.

Yevlax rayonunun Yuxarı Qarxun kəndində mikroavtobusun iştirakı ilə yol-nəqliyyat hadisəsi olub. Qaraoğlan kənd marşrutu xətti üzrə hərəkət edən mikroavtobus "VAZ-21015" markalı minik avtomobili ilə toqquşub. Nəticədə "VAZ" markalı avtomobilin sürücüsü, rayon sakini, 1975-ci il təvəllüdlü Sənan Kərimov xəsarət alıb. O, xəstəxanaya yerləşdirilib. Qeyd edək ki, hadisə zamanı mikroavtobusda olan sərnişinlərdən birinə ambulator yardım göstərilib. Faktla bağlı araşdırma aparılır.

Bakıda sürücü müştərini döyərək telefonunu əlindən alıb. Bu barədə Daxili İşlər Nazirliyinin (DİN) Mətbuat Xidmətindən məlumat verilib. Bildirilib ki, mayın 10-da saat 18 radələrində Suraxanı rayonunun Əmircan qəsəbəsi ərazisində “Hyundai” markalı avtomobilin sürücüsünün 1 nəfəri döyərək mobil telefonunu alması barədə polisə məlumat daxil olub. Suraxanı Rayon Polis İdarəsinin 31-ci Polis Bölməsinin əməkdaşlarının keçirdikləri əməliyyat-axtarış tədbiri nəticəsində quldurluq əməlini törətməkdə şübhəli bilinən Bakı şəhər sakini, əvvəllər məhkum olunmuş Orxan Quluzadə müəyyən edilərək saxlanılıb. Araşdırma aparılır.

Dünya birjalarında neft qiymətləri ucuzlaşıb. Sozcu.az xəbər verir ki, hazırda “Brent” markalı neftin bir barreli 74,60 dollara, yüngül neftin bir barreli isə 70,58 dollara təklif edilir.

Mayın 11-dən 12-nə keçən gecə Azərbaycan-Ermənistan şərti sərhədinin Basarkeçər rayonunun Zod yaşayış məntəqəsi istiqamətində nisbi sakitlik hökm sürüb. Ötən sutka ərzində Ermənistan silahlı qüvvələri tərəfindən digər istiqamətlərdə yerləşən mövqelərimiz ümumilikdə 17 dəfə atəşə tutulub. Bu barədə Sozcu.az-a Müdafiə Nazirliyindən məlumat verilib. Ermənistan silahlı qüvvələrinin Tovuzqala rayonunun Güləli, Basarkeçər rayonunun Əzizli və Qarakilsə rayonunun Saybalı yaşayış məntəqələri istiqamətlərində yerləşən mövqelərindən Ordumuzun Tovuz rayonunun Qoşa, Kəlbəcər rayonunun Yellicə və Laçın rayonunun Minkənd yaşayış məntəqələri istiqamətlərində yerləşən mövqeləri minaatanlardan və müxtəlif çaplı atıcı silahlardan fasilələrlə 8 dəfə atəşə tutulub. Bundan başqa, Rusiya sülhməramlı qüvvələrinin müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Azərbaycan Ordusunun Tərtər, Xocalı, Şuşa və Laçın rayonları istiqamətlərində yerləşən mövqeləri müxtəlif çaplı atıcı silahlardan fasilələrlə 9 dəfə atəşə tutulub. Ordumuzun şəxsi heyəti və texnikasında itki yoxdur. Bütün istiqamətlərdə bölmələrimiz tərəfindən adekvat cavab tədbirləri görülüb, əməliyyat şəraiti nəzarət altındadır.

Baxmutda Ukrayna qüvvələrinin ruslar tərəfindən mühasirəyə alınması təhlükəsi geridə qalıb. Sozcu.az xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub. “Mart ayında Rusiya bu istiqamətə hava-desant qoşunları və T-90 tankları göndərməklə Baxmuta resursların tədarükünü artıra bildi. Bununla belə, artıq aprelin 24-də Priqojin Müdafiə Nazirliyini xəyanətdə günahlandırdı və Baxmut yaxınlığında tapşırıqları yerinə yetirmək iqtidarında olmayan bacarıqsız bölmələrin yerləşdirildiyini elan etdi. Bu, həm Baxmut, həm də cəbhənin digər bölmələrində rusların cinahlarını Ukrayna ordusunun hücumlarına qarşı həssas etdi”, - hesabatda qeyd olunub.

Moskvada MiQ təyyarələri üçün mühərriklərin istehsal olunduğu zavodun ərazisində yanğın baş verib. Sozcu.az xəbər verir ki, bu barədə Rusiya Teleqram kanalları məlumat yayıb. Məlumata görə, hadisə nəticəsində 3 nəfər xəsarət alıb. Yanğın söndürülüb, xəsarət alanlar xəstəxanaya yerləşdirilib.

Ermənistan Müdafiə Nazirliyi Kəlbəcər istiqamətində sərhəddə yenidən vəziyyətin gərginləşdiyini iddia edib. Sozcu.az xəbər verir ki, nazirlik daha 2 erməni əsgərin yaralandığını açıqlayıb. Qeyd edək ki, 10 mayda erməni təxribatına Ordumuzun endirdiyi cavab zərbələri nəticəsində 4 erməni əsgərin yaralandığı bildirilmişdi. Erməni təxribatı nəticəsində isə Ordumuz bir şəhid verib, bir əsgərimiz isə başından ağır yaralanıb (snayperlə).