Hazırda məhkəməsi keçirilən Vaqif Xaçatryanla birlikdə 1991-ci ilin dekabr ayında Xocalı rayonunun Meşəli kəndində 25 nəfər azərbaycanlını öldürüb, 14 nəfərə xəsarət yetirib, 358 nəfər azərbaycanlını isə qanuni yaşadıqları yerdən didərgin salan ermənilərin adı məlum olub. Sozcu.az Trend-ə istinadən xəbər verir ki, həmin şəxslər Xocalı rayonunun Badara kənd sakinləri Sarkisyan Emest Baxşıyeviç, Sarkisyan Armais Baxşıyeviç, Qasparyan Benik Astanovic, Abramyan Xoren Melikoviç, Avanesyan Armen Sarkisoviç, Sarkisyan Vova Armaisovic Xaçaturyan Qariy Nikolayeviç, Kaçaturyan Nikolay Beglarovic, Abramyan Armen Qaragenoviç, Abramyan Eduard Armenovic, Abramyan Zina Armenovic, Abramyan Vahid Armenoviç, Ohanyan Karen Aşotovic, Ohanyan Naorik Aşotoviç, Qasparyan Qurgen Benikoviç, Gasparyan Valery Benkovic, Davidyan Albert Melikoviç, Saakyan Samvel Rafikoviç, Osipyan Asatur Baxşıyeviç, Xaçatryan Karlen Baxşıyeviç, Israelyan Eduard Beglarovic, Avakyan Artur Vartanoviç, Sarkisyan Surik Armaisoviç, habelə Verdi Allahverdiyan. Vilen Verdiyan, Qrişa Magişoviç, Slavik Ardemoviç, Qavruşa Zaduroviç, Ruben, Andronik adlı və şəxsiyyətləri istintaqa məlum olmayan şəxslərdir. Onlar Qarabağ iqtisadi rayonunda yaşayan, həmçinin Ermənistan Respublikasından gəlmiş digər millətçi ermənilərdən ibarət yaradılmış, Azərbaycan Respublikasının qanunvericiliyi ilə nəzərdə tutulmayan silahlı harbi birləşmələrdən ibarət cinayətkar birliyin fəaliyyətində iştirak ediblər. Həmin cinayət əməllərinin törədilməsi məqsədi ilə Vaqif Xaçatryan qanunsuz silahlı hərbi birləşmələrin adları qeyd olunan üzvləri ilə birlikdə azərbaycan və erməni millətləri arasında milli nifrət və düşmənçiliyin salınmasında, azərbaycanlıların milli layaqətinin alçaldılmasında, milli mənsubiyyətlərinə görə hüquqlarının məhdudlaşdırılmasında və ermənilərin üstün olmalarına yönəlinın hərəkətlər edilməsində aşkar surətdə fəal iştirak edərək, 1988-ci ilin yay aylarında etibarən Xocalı (keçmiş Əsgəran) rayonunun Meşəli kəndindən Ağdam, Xoca Xankəndi şəhərlərinə gedən azərbaycanlılara yollarda sistematik hücumlar təşkil edərək onları döymək, nalayiq sözlərlə təhqir etmək, öldürməklə hədələmək, əmlaklarını məhv etmək və onların fiziki məhvinə yönəlmiş digər əməllər törədiblər.

İsrailin bombardmanları nəticəsində Qəzza zolağındakı evlərini tərk edənlərin sayı 1 milyon nəfərə çatıb. Sozcu.az xəbər verir ki, bu barədə BMT məlumat yayıb.

İspaniyanın sosial hüquqlar naziri vəzifəsini icra edən İone Bellara İsraili Qəzza zolağında soyqırıma cəhddə ittiham edib. Sozcu.az xəbər verir ki, o çıxışında həmçinin İsrailin baş naziri Benyamin Netanyahunu Haaqa Beynəlxalq Cinayət Məhkəməsində mühakimə etməyə çağırıb. “İsrail Qəzza zolağında planlı soyqırım həyata keçirir, yüz minlərlə insanı su və işıqsız qoyur və heç bir təhlükəsizlik zəmanəti olmadan onların təxliyəsini tələb edir”, – deyə Bellara vurğulayıb.

Belçikanın paytaxtında terror aktı törədilib. Sozcu.az xəbər verir ki, bu barədə AFP məlumat yayıb. Qeyd olunub ki, naməlum şəxs avtomatla iki nəfər İsveç vətəndaşını öldürüb. Polis münaqişənin səbəblərini araşdırır.

Lənkəranda intihar hadisəsi baş verib. Sozcu.az APA-ya istinadən xəbər verir ki, Lerik rayon Hamarmeşə kənd sakini Rəşad Ramiz oğlu Kərimov Lənkəran rayonunun Rvo kəndində şadlıq sarayının arxasındakı meşə massivində özünü asaraq intihar edib. R.Kərimovun intihar etməsinin səbəbləri hələki məlum deyil. Qeyd edək ki, özünə qəsd edən Rəşad Kərimov banklardan birinin Lənkəran filialının işçisi olub.

Azərbaycan Texniki Universitetinin (AzTU) tələbəsi Bəxtiyar Paşayev dünyasını dəyişib. Sozcu.az xəbər verir ki, o, universitetə gedərkən ürəktutmasından vəfat edib. Qeyd edək ki, 2005-ci il təvəllüdlü B.Paşayev AzTU-nun 1-ci kursunda təhsil alırmış. O, bu gün sakini olduğu Biləsuvar rayonununda dəfn olunub. 

Pakistan hökumətinin keçmiş rəhbəri, (Ədalət Uğrunda Hərəkat müxalifət partiyasının sədri İmran Xanın dövlət sirlərini açıqladığı sübut olunarsa, siyasətçi ömürlük həbs və ya ölüm cəzası ilə üzləşə bilər. Bunu İslamabad Ali Məhkəməsində keçirilən dinləmə zamanı xüsusi dövlət ittihamçısı Raca Rizvan Abbasi deyib. “İmran Xan şifrlənmiş çox məxfi məlumatları açıqlayıb və “Dövlət sirləri haqqında” qanunun 5-ci maddəsinə əsasən, o, 10 ildən çox müddətə azadlıqdan məhrumetmə, ömürlük həbs və ya ölüm cəzasına məhkum edilə bilər”, – Abbasi deyib. Pakistanın dövlət sirrinin pozulması ilə bağlı işlərə baxan Xüsusi Məhkəməsi oktyabrın 17-də Xana qarşı rəsmi ittihamlar irəli sürəcək. Bu işdə təqsirləndirilən digər şəxs isə partiyanın sədr müavini, keçmiş xarici işlər naziri Şah Mahmud Qureyşidir. Mənbə: TASS

İstefa verməyə hazırlaşmıram. Sozcu.az xəbər verir ki, bu sözləri Gürcüstan Prezidenti Salome Zurabişvili xüsusi brifinqdə çıxışında deyib. Qeyd edək ki, Gürcüstanın Konstitusiya Məhkəməsi Prezident Salome Zurabişvili barəsində impiçment prosesinin başlanmasına müsbət rəy verib.

"Ermənistan prosesi ləngitmək qərarına gəlsə, Azərbaycan İran ərazisindən marşrut çəkməyə hazırdır". Bunu zərbaycan Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov BBC-nin rusdilli xəbər xidmətinə müsahibəsində deyib. “Biz tanıyırıq ki, bu, Ermənistanın suveren ərazisidir. Lakin qarşı tərəfin dəhliz boyu hərəkətin təhlükəsizliyini necə təmin edəcəyini bilmək bizim üçün vacibdir. Azərbaycanın əsas hissəsindən Naxçıvana və ya əksinə qatara minən hər bir sərnişinin təhlükəsizliyi üçün etibarlı təminatlara ehtiyacımız var. Bakı danışıqlara hazırdır", - E.Əmirbəyov bildirib. Onun sözlərinə görə, növbəti addım Ermənistanla Azərbaycan arasında sərhədin delimitasiyası ilə bağlı danışıqlar ola bilər. “Əsas məsələ bu məsələni sülh yolu ilə həll etmək üçün hər iki tərəfin kifayət qədər siyasi iradəsinin olub-olmamasıdır. Hesab edirəm ki, aramızdakı sərhəd nə qədər tez razılaşdırılsa, bir o qədər yaxşıdır. Hər hansı hərbi əməliyyatın bərpa olunma ehtimalı bir o qədər az olar”, - Prezidentin nümayəndəsi qeyd edib.

Bakı şəhər sakini (Əslən Kəlbəcər rayonundan olan) İlkin Abbasov yoxa çıxıb. Valideynlərinin Gununsesi.info-ya verdiyi xəbərə görə, 03 Yanvar 1998-ci il təvəllüdlü İlkin Abbasov bu ayın 14-də evdən çıxaraq, bir daha geri dönməyib. Sonuncu dəfə o,  Masazır ətrafında kameralarda  görüntülənib. Onu görənlərdən xahiş olunur ki, 0503166571, 0503703232 nömrəsi ilə əlaqə saxlasın. Mükafat veriləcək!

Qarabağdakı keçmiş separatçı rejimin təhlükəsizlik şurasının sabiq “rəhbəri”, terrorçu-daşnak Vitali Balasanyan Ermənistan Milli Təhlükəsizlik Xidmətində dindirilib. Sozcu.az “Sputnik Ermənistan”a istinadən xəbər verir ki, bu barədə məlumatı onun vəkili Rafael Martirosyan təsdiqləyib. Digər xəvərlərə görə, onun oğlu polislər tərəfindən saxlanılıb. Vəkil bildirib ki, Balasanyan oktyabrın 13-ü dindirilib. “Vitali Balasanyan təfərrüatı barədə danışa bilmədiyim cinayət işi ilə bağlı sorğuya çağırılıb. Amma onu deyə bilərəm ki, şahid qismində dindirilib. Qeyd edim ki, onun verdiyi ifadənin bu işin istintaqının gedişinə və təqsirləndirilən şəxsə heç bir aidiyyəti olmayacaq”, – R. Martirosyan əlavə edib.

Bakıda əri tərəfindən qətlə yetirilməsinə əsaslı şübhələr müəyyən edilən müğənni Yaqut Nərimanla bağlı daha bir detal üzə çıxıb. Sozcu.az referans.az-a istinadən xəbər verir ki, jurnalist Könül Aypara müğənninin bir neçə il əvvəl ağır əməliyyat keçirdiyini deyib. Onun sözlərinə görə, Y.Həşimova illər öncə beynindən əməliyyat olunub və çətinliklə sağlamlığına qovuşub. "Allah lənət eləsin! O ailə Yaqutun sağ qalması üçün varından-yoxundan keçmişdi. Hər şeylərini satmışdılar ki, təki Yaqut sağ qalsın", - deyə o bildirib.

Türkiyənin Mardin vilayətinin Kızıltəpə rayonunda ailələr arasında keçirilən mərasimdə 8 yaşlı qız və 9 yaşlı əmisi oğlu nişanlanıb. Musavat.com "Haber Global"a istinadən xəbər verir ki, bu barədə sosial mediada fotolar paylaşılıb. Məlumata görə, nişan uşaqların nənə və babalarının istəyi ilə təşkil edilib. Paylaşımdan sonra Ailə və Sosial Xidmətlər Nazirliyi hərəkətə keçib.

Şəmkir rayon Çinarlı qəsəbə sakini Asif Nəbiyevə məxsus ev dağılma təhlükəsi ilə üz-üzədir. Qəsəbə ərazisindən keçən su kanalının daşması, yağış sularının ev və həyətə dolması nəticəsində həyətin böyük bir hissəsində torpaq axıntısı yaranıb. Şəmkir Rayon Suvarma Sistemləri İdarəsinin əməkdaşlarının fəaliyyəti nəticəsində evin üst tərəfindən yerləşən su kanalında bərkidilmə işləri həyata keçirilib. Evdə və həyətdə axıntı nəticəsində yaranmış çatlar təhlükənin hələdə mövcud olduğu göstərir. Ailə 6 nəfərdən ibarətdir. Ata və iki övladı əqli qüsurludur. Ailə yaranmış təhlükəli durum ilə bağlı ölkə rəhbərliyindən kömək istəyir. Ailənin sosial vəziyyətidə çox acınacaqlı durumdadır. Sözcü.az

Özünü buraxdığını elan edən separatçı rejimin simvolu kimi tanınan Xankəndidəki abidənin önünə Azərbaycan bayrağı asması ilə gündəmə gələn Azərbaycan Prezidentinin Qarabağ İqtisadi Regionu üzrə Xüsusi Nümayəndəliyinin baş məsləhətçisi Araz İmanov işdən çıxarılıb. Sozcu.az Bakupost.az-a istinadən xəbər verir ki, bu barədə qərar bir neçə gün əvvəl verilib. Onun işdən çıxarılmasının məhz həmin hadisə ilə bağlı olub-olmadığı barədə rəsmi məlumat yoxdur. Qeyd edək ki, A.İmanov sabiq deputat, AMEA-nın İqtisadiyyat İnstitutunun direktoru, professor Nazim İmanovun oğludur. 44 günlük II Qarabağ Müharibəsi dönəmində Araz İmanov sosial şəbəkələrdə ingilis dilindəki paylaşımları ilə aktivlik nümayiş etdirib. Antiterror əməliyyatından sonra onun “Biz və bizim dağlar” abidəsi üzərində Azərbaycan bayrağı asıb foto paylaşması böyük marağa səbəb olmuşdu. Sonradan mediada A.İmnaovun bu hərəkətinin daşıdığı vəzifəyə uyğun olmadığı barədə yazılar dərc olunmuşdu.

“Azərbaycan dövlət başçısı tərəfindən Xocalı, Xankəndi, Əsgəran, Ağdərə, Xocavənd kimi yaşayış məntəqələrimizdə üçrəngli Azərbaycan bayrağını ucaltması, əlbəttə, böyük uğurdur. Bununla belə, mövcud durumda da ehtimal olunur ki, Rusiya Güney Qafqazdan getməmək üçün hansısa növbəti təxribatlar törədəcək...” “Bütün bunlardan xilas olmağımız, sığortalanmağımız üçün isə yeganə yol Rusiya hərbi gücünün Azərbaycan torpaqlarından çıxarılmasıdır. Nə qədər ki, bunu etməmişik, biz hər cür təhdidi, hər cür təhlükəni gözləməliyik...” “Təxribat, münaqişə, silahlı qarşıdurma törətmək məsələlərində Moskvanın arsenalı kifayət qədər zəngindir. Bütün bunlardan xilas olmağımız, sığortalanmağımız üçün isə yeganə yol Rusiya hərbi gücünün Azərbaycan torpaqlarından çıxarılmasıdır”. Siyasi təhlükəsizlik məsələləri üzrə ekspert Ərəstun Oruclu Moderator.az-a açıqlamasında bu fikri ifadə edib. “Azərbaycan dövlət başçısı tərəfindən Xocalı, Xankəndi, Əsgəran, Ağdərə, Xocavənd kimi yaşayış məntəqələrimizdə üçrəngli Azərbaycan bayrağını ucaltması, əlbəttə, böyük uğurdur. Bununla belə, mövcud durumda da ehtimal olunur ki, Rusiya Güney Qafqazdan getməmək üçün hansısa növbəti təxribatlar törədəcək. Bu, hər cür vasitə ilə ola bilər. Məsələn, Azərbaycanın daxilində hansısa separatçılığı stimullaşdıra bilərlər. Yəni yeni bir münaqişə yaratmağa cəhd edərlər. Kremlin Ermənistan-Azərbaycan sərhədində də təxribatlar törətməsi mümkündür. Bu, Qarabağın dağlıq hissəsinə “erməni partizanları” adı altında təxribatçı dəstələrin hazırlanaraq ötürülməsi də ola bilər”,- deyə siyasi analitik davamında  bildirib.  “Bir sözlə, təxribat, münaqişə, silahlı qarşıdurma törətmək məsələlərində Moskvanın arsenalı kifayət qədər zəngindir. Bütün bunlardan xilas olmağımız, sığortalanmağımız üçün isə yeganə yol Rusiya hərbi gücünün Azərbaycan torpaqlarından çıxarılmasıdır. Nə qədər ki, bunu etməmişik, biz hər cür təhdidi, hər cür təhlükəni gözləməliyik. Məsələn, mən əmin deyiləm ki, Moskva yaxın gələcək üçün Azərbaycana qarşı hansısa planlar qurmayıbdır. Putinin “Qarabağda 1000-1500 erməni qalıbdır” deməsi məntiqlə o deməkdir ki, Rusiya “sülhməramlı”ları artıq Qarabağın dağlıq hissəsindən çıxmalıdır. Lakin axı biz bilmirik ki, Rusiya lideri nəyi nəzərdə tutur. Bəlkə həmin “1000-1500 erməni” dedikdə o, təxribatçı dəstələri nəzərdə tutur və gələcək təxribatlar üçün dolayısıyla zəmin hazırlayır? Yəni Qarabağın dağlıq hissəsində yenidən hansısa toqquşmalar olsun, Azərbaycan ordusuna qarşı hansısa təxribatlar törədilsin və bununla da Kreml desin ki, burada hələ də təxribatçı dəstələr var, odur ki, bizim “sülhməramlı”lar hələ Qarabağı tərk edə bilməz...”-deyə ekspert diqqətə çatdırıb. 

Türkiyəli aktyor Oktay Kaynarca şəxsi həyatı ilə bağlı açıqlaması ilə diqqət çəkib. Sozcu.az xəbər verir ki, aktyor yenidən ailə qura biləcəyini söyləyib: "Zaman çox sürətlə keçir. Bu qarmaşada həyatı əlimdən buraxdım. Amma evlilik və uşaq üçün hələ də ümidim var. Atam mən 5 yaşında olanda vəfat etdi. Uşağın ata və ana ilə böyüməsi dəyərlidir, ancaq ən vacib olan həyatdır. Ona görə də gec qaldığımı düşünmürəm".  Qeyd edək ki, Oktay 2012-2013-ü illərdə Melek Angunlə evli olub. Aktyor hazırda "Ben bu cihana sığmazam"da baş rolu ifa edir.

Jurnalist və teleaparıcı Pirs Morqan “Əl-Nəsr”in və Portuqaliya millisinin hücumçusu Kriştiano Ronaldonun 2023-cü ildə 42 matçda 46 qol vurmasına münasibət bildirib. Sozcu.az  xəbər verir ki, o, sosial şəbəkə hesabında deyib: "Ancaq o, guya "Mançester Yunayted"də problem idi. Ten Haqı qovmalı, Ronaldo "Mançester Yunayted"in kapitanı olmalı idi". Qeyd edək ki, Ronaldo ötən ilin noyabrında Morqanla qalmaqallı müsahibəsindən sonra klubdan ayrılmışdı. Portuqaliyalı hücumçu baş məşqçi Erik Ten Haqın ona hörmət etmədiyini vurğulamışdı.

Ukrayna prezidenti Vladimir Zelenski Gürcüstanı itirilmiş ərazilərini geri qaytarmağa çağırıb. Sozcu.az xəbər verir ki, Zelenski bu barədə İsveçdəkeçirlən Birgə Ekspedisiya Qüvvələrinin sammitinə onlayn qoşularkən danışıb. Zelenski deyib ki, Gürcüstanın belə bir addım atması Rusiya-Ukrayna müharibəsinə də təsirsiz ötüşməyəcək. Nəticədə həm Ukraynaya qarşı müharibə aparan Rusiya zəifləyəcək, həm də Gürcüstan qarşısında ərazi bütövlüyünü bərpa etmək üçün yeni perspektivlər açılacaq. Zelenskinin sözlərinə görə, bu cür hərəkətlər Avropada ümumi təhlükəsizliyin möhkəmlənməsinə kömək edəcək və tarixi kontekstdə vacibdir. Abxaziya və Cənubi Osetiyaya Gürcüstan ərazisində yaradılmış və Rusiyanın dəstəklədiyi separatçı “respublikalar”dır. Paytaxtı Sxinvali olan Cənubi Osetiya “müstəqilliyini” 1990-cı ildən elan edib. Gürcüstan hökuməti bunun qarşısını almağa çalışsa da, Rusiyanın osetinlərin tərəfində çıxış etməsi rəsmi Tbilisinin müharibəni uduzması ilə nəticələnib. Abxaziya isə 1992-ci ildə “müstəqilliyini” elan edib. Gürcüstan-Abxaziya müharibəsi də Rusiyanın müdaxiləsi nəticəsində nəticə verməyib. Gürcüstan Cənubi Osetiya və Abxaziyanı müstəqil dövlət kimi tanımır və onların özünün regionu hesab edir. Moskva isə hər iki separatçı qurumun suverenliyini tanıyıb.

14 Azərbaycan vətəndaşı HƏMAS terror qruplaşmasının əsirliyindədir.  Bu barədə "Guney Azfront" teleqram kanalı məlumat yayıb. HƏMAS terror qruplaşması son hücumları nəticəsində həlak olan və itkin düşən məhbusların siyahısını 44 ölkə vətəndaşının daxil olduğu “Əl-Əqsa fırtınası” adlı milliyət təsnifatı ilə təqdim edib. Siyahıya əsasən, HƏMAS terrorçuları İsraildə 14 Azərbaycan vətəndaşını əsir götürüb, 3 nəfəri öldürüblər, 1 nəfər isə itkin düşüb.//News24.az 

Ukrayna müharibənin 600-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 288 630 hərbçi, 4965 ədəd tank, 9385 ədəd zirehli döyüş maşını, 6910 ədəd artilleriya sistemi, 814 ədəd RYAS (reaktiv yaylım atəş sistemi), 547 hava hücumundan müdafiə sistemi, 318 ədəd hərbi təyyarə, 317 ədəd helikopter, 9271 ədəd avtomobil texnikası, 5280 ədəd PUA, 1531 qanadlı raket, 20 gəmi/kater, 1 sualtı qayıq, 981 xüsusi avadanlıq itirib.

İsrail Qəzza zolağının cənub bölgəsində humanitar atəşkəs rejimi tətbiq edib. Sozcu.az xəbər verir ki, bu barədə “i24” telekanalı məlumat yayıb. Məlumata görə, atəşkəs yerli vaxtla saat 09:00-da (Bakı vaxtı ilə 10:00) qüvvəyə minəcək və 5 saat davam edəcək. Bildirilir ki, atəşkəs əcnəbi vətəndaşların anklavı tərk edə bilməsi, həmçinin, Qəzzaya humanitar yardım göndərmək məqsədi ilə elan olunub.

İsrail Qəzzanı yenidən işğal etmək istəmir, lakin HƏMAS-ı məhv etmək üçün hər şeyi edəcək. Sozcu.az xəbər verir ki, bunu İsrailin BMT-dəki səfiri Gilad Erdan deyib. İsrailin ABŞ-dakı səfiri Mayk Hersoq da bildirib ki, İsrail bir milyon yarım fələstinlinin həyatına nəzarət etməkdə maraqlı deyil. Qeyd edək ki, hər iki səfirin sözləri ABŞ Prezidenti Co Baydenin “İsrail Qəzzanı işğal etsə, səhv edər” ifadəsinə cavab olaraq bildirilib.

Qarabağdakı Rusiya sülhməramlılarının fəaliyyəti mövcud şəraitə uyğunlaşdırılacaq. Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova  keçirdiyi brifinqdə bildirib. Onun sözlərinə görə, son bir ildə Qarabağdakı vəziyyət kardinal şəkildə dəyişib: “2022-ci ilin oktyabrında Ermənistan baş naziri Avropa İttifaqının himayəsi altında keçirilən Praqa sammitində Qarabağ regionunu Azərbaycanın ərazisi kimi tanıyıb. O, bu mövqeyini bu ilin may və iyun aylarında Brüsseldə keçirilən sammitlərdə bir daha təsdiqləyib. Bununla da 2020-ci ildə Rusiya sülhməramlı kontingentinin regiona yerləşdirilməsi şərtləri ciddi şəkildə dəyişib. 19-20 sentyabrdakı toqquşmalardan sonra əhalinin kütləvi şəkildə regionu tərk etməsi fonunda sülhməramlıların fəaliyyəti (mövcüd şəraitə) uyğunlaşdırılacaq. Bu haqda bir müddət əvvəl Rusiya prezidenti də deyib”. Zaxarova onu da qeyd edib ki, artıq Rusiya sülhməramlılarının bir sıra stasionar və müvəqqəti müşahidə postları yığışdırılıb. Sülhməramlılara aid prinsipial məsələlər Bakı ilə müzakirə olunur. Maraqlıdır, bütün bunlar nə deməkdir? Sözügedən məsələni “Bakı-Xəbər”ə şərh edən politoloq Məhəmməd Əsədullazadə bununla bağlı bir sıra məqamlara toxundu: “Məsələ ondadır ki, 10 noyabr üçtərəfli Bəyannaməsinə uyğun olaraq Rusiya sülhməramlı qüvvələri Qarabağa yerləşib. Hazırda isə şərtlər dəyişib və bölgə Azərbaycanın tam nəzarətinə keçib. Dəyişən reallıqlardan biri odur ki, Qarabağdakı erməni sakinlər könüllü şəkildə ərazini tərk edib. Həmçinin silahlı erməni birləşmələri də ləğv edilib. Belə olan təqdirdə Rusiya sülhməramlı qüvvələrinə ehtiyac qalmır. Azərbaycan da onların tez bir zamanda çıxıb getməsində maraqlıdır. Rusiya rəsmiləri açıqlama verirlər ki, yerli şəraitə uyğunlaşacaqlar. İlk növbədə Rusiya sülhməramlı qüvvələrinin gəlişi zamanı şərtlər başqa idi. 20 sentyabrdan sonra isə mövcud şərtlər kökündən dəyişib. Bu da o deməkdir ki, sülhməramlılar şəraitə uyğun olaraq çıxıb getməlidir. Qarabağda nə işlə məşğul olacaqları sualı qoyulmalıdır. Təbii ki, Rusiya daima regionda qalmağa çalışacaq. Ermənilərin geri qaytarılmasinda maraqlı olacaq. Ancaq düşünürəm ki, Azərbaycan buna getməməlidir. Rusiya Təhlükəsizlik Şurasının katibi Nikolay Patruşevin Azərbaycana səfəri o qənaətə gəlməyə əsas verir ki, sülhməramlı qüvvələrinin burda qalması ilə bağlı danışıqlar olacaq. Azərbaycan Rusiya sülhməramlı qüvvələrinin vaxtından əvvəl çıxarılması və yeni müqavilə bağlamamaq kursunu həyata keçirəcək. Qarabağı tərk edən ermənilər geri qayıdacaqsa, onların təhlükəsizliyini Azərbaycan təmin edəcək. Bundan ötrü sülhməramlıların orada qalmasına ehtiyac yoxdur. Hesab edirəm ki, biz siyasətimizi buna uyğun qurmalıyıq. Bizə nə Rusiyanın, nə də digər beynəlxalq birliyin sülhməramlıları lazıımdır”.