Ermənistan parlamenti Rusiya prezidenti Vladimir Putinin həbsinə order verən Beynəlxalq Cinayət Məhkəməsinə üzvlüyünü təsdiqləyib. İrəvanın BCM-də iştirakı Moskvanın çoxdan etiraz etdiyi məsələdir. Ermənistan parlamenti BCM-yə üzvlük təklifini 22 əleyhinə 60 səslə qəbul edib. Rusiya Ermənistanın Beynəlxalq Cinayət Məhkəməsinə üzv olmasını “son dərəcə düşməncəsinə” hərəkət kimi qiymətləndirir. Vladimir Putin həbs qərarı ilə bu yaxınlarda Cənubi Afrikada keçirilən BRİKS sammitində iştirak etməyib. Ermənistanın BCM-ə üzv olması o deməkdir ki, Putin də bu ölkəyə gedə bilməz. Sözcü.az

Qarabağda özünü buraxmış separatçı-terrorçu dəstənin keçmiş başçıları Arkadi Qukasyan, Bako Saakyan və Arayik Arutyunyanla əlaqə itib. Sozcu.az xəbər verir ki, bu barədə Ermənistan KİV-lərindəki məlumatlarda qeyd edilib. Bildirilir ki, həmin şəxslərin hazırda harada olduğu bəlli deyil. Onların hələ də Qarabağda olub-olmaması və ya Ermənistana getməsi ilə bağlı rəsmi mənbələr susur. Nə Azərbaycan, nə də Ermənistan rəsmiləri hələ ki separatçıların keçmiş rəhbərləri barədə məsələyə raeaksiya verib.

“Aydındır ki, Rusiyanın Ermənistanla bağlı “B” planı var, əgər yaxın gələcəkdə Ermənistan daxilində sabitliyi poza bilməsə və qanuni seçilmiş, demokratik hakimiyyətin devrilməsinə nail ola bilməsə...” “Rusiyanın xarici işlər naziri Sergey Lavrov “Valday” beynəlxalq diskussiya klubunun 20-ci illik toplantısı çərçivəsində növbəti əxlaqsız bəyanatla çıxış edib. İrəliyə baxaraq qeyd edirəm ki, uzun müddətdir heç kim ondan başqa heç nə gözləmir. Beləliklə, biz indi bütün dünyanın gözü qarşısında artsaxın(Qarabağın dağlıq hissəsi- S.L.) yerli əhalisinin etnik təmizləməsində(guya-S.L.) Rusiyanın günahının yeni sübutlarını qeydə alırıq”. Moderator.az əməkdaşının təqdim etdiyi “ArmenianReport”-un analitiki Razmik Akopcanyanın “Rusiya Ermənistanla müharibəyə hazırlaşır:  nə vaxt başlayacaq?..” başlıqlı yazısının tərcüməsində belə deyilir. Azərbaycan və Türkiyəyə qarşı bəzi hədyanlarını nəzərə almasaq, material Ermənistanın nisbətən sağlam düşünən dairələrinin Rusiya imperiyasına qarşı gerçək münasibətini əks etdirir. Yazının qalan hissəsini müəyyən ixtisarlarla nəzərinizə çatdırırıq: “...“Biz azərbaycanlı həmkarlarımız və qonşularımızla Qarabağda vəziyyəti sabitləşdirmək, orada etimadı gücləndirmək, normal həyatın, ermənilərin və azərbaycanlıların ümumi həyatının bərpası üçün şərait yaratmaq üçün çalışırıq. Ümid edirəm ki, İrəvan da bunda maraqlı olmalıdır, onlar bunun üçün səy göstərəcəklər”, - "TASS" rusiyalı nazirdən sitat gətirir. "Lavrovun bəyanatında doğru olan yeganə şey “azərbaycanlı həmkarlar” ifadəsi olub!- yazan erməni jurnalist iddia edir ki, guya Rusiya Azərbaycan və Türkiyə ilə birlikdə Qarabağın dağlıq hissəsindəki hayklara qarşı “etnik təmizləmə” layihəsi həyata keçirib...  “Və ümumiyyətlə, Rusiyanın Arbitr rolunu oynamaq istəyi şoka salır. Dünyadakı nüfuzu ilə o, artıq Troya Atı roluna belə uyğun gəlmir. Bundan əlavə, Rusiyanın öz müttəfiqlərini qoruya bilmədiyi hər kəs üçün danılmaz və aşkar həqiqətə çevrilib. Azərbaycan-Türkiyə tandemi artsaxla bağlı planlarını həyata keçirərək bunu Rusiya üçün biabırçı aşkarlıqla nümayiş etdirdi... İndi də Qazaxıstan Rusiyaya qarşı sanksiyalar rejiminə əməl edəcəyini bəyan edir. Bu haqda Berlində bu ölkənin prezidenti Qasım-Jomart Tokayev Almaniya kansleri Olaf Şoltsla danışıqlardan sonra bəhs edib. Bundan sonra Gömrük İttifaqı, Aİİ və KTMT-nin nəyi təmsil edəcəyini “senzura”dan keçəcək sözlər də tapmaq çətindir... Bu arada Bakıda Azərbaycan və Qazaxıstan Hərbi Dəniz Qüvvələrinin  gəmi və hərbi heyətinin iştirakı ilə “Xəzri-2023” birgə taktiki təlimləri keçirilir. Onların mənası daha aydındır”- yazan analitik bunu Türk birliyinin möhkəmləndirilməsi istiqamətində daha bir addım kimi dəyərləndirir. “Rusiya Xəzərdə də öz təsirini itirir. Qara dəniz üzərində tam nəzarəti itirdiyini nəzərə alsaq, bu, Türkiyənin təsirinin artması ilə bağlı çox konkret siqnaldır. Amma Kreml çarəsizcə özünü bunu görmürmüş kimi göstərməyə çalışır. Orada Ermənistanla hesablaşmağa çalışırlar. Ənənəvi cılız, ucuz maneralarla... Moskva ölkəmizə iqtisadi təzyiq göstərməyə başlayıb. Hələlik bu, erməni konyakının Rusiya Federasiyasına ixracına süni maneələrin yaradılması yolu ilə həyata keçirilir. Bu, ixracatımız üçün çox həssas məqamdır... 2022-ci ildə Rusiya bazarına ixrac edilən erməni şərabının payı 78,8%-ə yüksəlib. İndi də yüksək keyfiyyəti ilə tanınan erməni konyakı Rusiya müfəttişləri arasında ağrılı şübhələrə səbəb olub... Bir məşhur Kreml təbliğatçısının dediyi kimi: “Təsadüf? Düşünmə!". Üstəlik, xatırlayırıq ki, Rusiya Gürcüstana təzyiq göstərmək üçün Mixail Saakaşvili prezident olarkən eyni təsir tədbirlərindən istifadə edirdi. Gürcüstan şərabının və Borjomi mineral suyunun Rusiya Federasiyasına idxalına qadağa 2008-ci ilin avqustunda hərbi münaqişədən əvvəl qoyulmuşdu... Bəli, siz məni düzgün başa düşdünüz. Mən iddia edirəm ki, Rusiya yaxın gələcəkdə Ermənistan daxilində vəziyyəti sabitliyi poza bilməsə və qanuni yolla seçilmiş, demokratik hökumətin devrilməsinə nail ola bilməsə, Ermənistan üçün “B” planı var. Bu, Kremlin günbəgün yox, saatbasaat uduzduğu Cənubi Qafqaz regionunu əldə saxlamaq cəhdi olacaq. Deməli, hamımız demokratik dünyadan dəstək tələb edərək həyəcan təbili çalmalıyıq”,- deyə sonda erməni analitik vurğulayır.

Ermənistanın Azərbaycana ərazi iddiaları yüz illər əvvəl başlayıb. Tarixi torpaqlarımızda məskunlaşan ermənilər zaman-zaman soydaşlarımızı öz ata-baba yurdlarından sıxışdırıb çıxarmaqla öz mənfur niyyətlərini həyata keçirməyə çalışıblar. Ötən əsrin əvvəllərində qədim Azərbaycan torpaqlarında dövlət qurmağa nail olan ermənilər 20-ci əsrin sonlarında Azərbaycana yeni ərazi iddiaları irəli sürdülər. 35 il ərzində Qarabağı Azərbaycandan qoparmağa çalışan Ermənistan məqsədinə nail ola bilmədi və biabırcasına məğlub oldu. Buna baxmayaraq, Ermənistandakı revanşist qüvvələr daim qisas almaq üçün məqam axtarır və imkan düşən kimi təxribatlar törədirdilər. Öz silahlı qüvvələrini Qarabağdan çıxarmaqdan imtina edən Ermənistan Azərbaycanın suveren ərazisində qanunsuz silahlı dəstələr yerləşdirməklə müharibə ocağını saxlayırdı. Amma Azərbaycanın həyata keçirdiyi antiterror tədbirləri cəmi 23 saat 43 dəqiqə çəkdi və Qarabağdakı qeyri-qanuni silahlı birləşmələr təslim oldu. Bununla da 35 illik münaqişə birdəfəlik həll olundu. Ermənistandakı siyasi qüvvələr isə hələ də bu acı sonluqla barışmaq istəmir. “Qalib xalqın” nümayəndələri yenə ərazi iddialarından əl çəkmirlər. Müxtəlif planlar quran erməni siyasətçilər Qarabağı qaytaracaqlarına ümid edirlər. Sozcu.az xəbər verir ki, Ermənistanda iranşunas tədqiqatçı kimi tanınan, daim Azərbaycana qarşı qarayaxma kampaniyalarının başında dayanan Vardan Voskanyan öz həmvətənlərini soyuqqanlı olmağa və mübarizə əhval-ruhiyyəsini qoruyub-saxlamağa çağırıb. Voskanyan Qarabağın qaytarılması üçün xalqa müraciət də edib: “Əgər biz Qarabağı “ana” Ermənistanın tərkibinə qatmasaq, gələcək nəsillər bizi söyəcək, məzarımızı lənətləyəcək. Sonuncu erməni qalana qədər Qarabağ uğrunda mübarizə aparmalıyıq. Yalnız ondan sonra biz Ermənistanın dövlət qalasının tikintisinə başlamalıyıq, çünki Qarabağla Ermənistanın birləşməsi bizim təhlükəsiz və ləyaqətli yaşamağımızın yeganə təminatçısı olacaq”. Bununla erməni xislətini bir daha nümayiş etdirən erməni “ziyalısı” yenidən öz millətinə ağrı-acı yaşatmaq üçün xalqa çağırış edir. Amma Voskanyan kimi siyasətbazların boş-boş bəyanatlarından yorulan erməni xalqı bir neçə dəfə müharibənin ağrı-acısını dadıb və onların daha belə çağırışların arxasınca getməyə həvəsi qalmayıb.

"Fransa XİN rəhbərinin Ermənistana səfəri yaxın vaxtlarda İrəvana hərbi yardım göstərmək üçün gündəmin formalaşmasına səbəb ola bilər". Sozcu.az erməni mediasına istinadən xəbər verir ki, bunu Marseldəki Abovyan Kollecinin rəhbəri, yazıçı Karen Xurşudyan deyib. Onun sözlərinə görə, Paris artıq siyasi dəstək verib, Zəngəzurda baş konsulluq açmaq qərarına gəlib. Xurşudyanın fikrincə, bu, Cənubi Qafqazı itirmiş Rusiya üçün ciddi bir sillə idi.

Qarabağı tərk edərkən, Allaha and içərək, azərbaycanlılarla yaşamaq istədiyini, ermənilərin xalq olmadığını bildirən Xankəndinin erməni sakini ilə bağlı şok fakt üzə çıxıb. Sozcu.az telegram kanallarına istinadən xəbər verir ki o, 1-cı Qarabağ müharibəsi zamanı Azərbaycana qarşı döyüşənlərdən biri olub. Həmçinin o, ölkəsinə qayıdan kimi “türklər uşağıma silah tutmuşdular, ona görə bu sözləri (ermənilər xalq deyil - red) demişəm” -, deyə açıqlama verib.Musavat.com

Ermənistan parlamenti Beynəlxalq Cinayət Məhkəməsinin Roma Statutunu ratifikasiya edib. Bununla bağlı qərar qanunverici orqanın oktyabrın 3-də keçirilən iclasında qəbul olunub.//Report

“Laçın” sərhəd-keçid məntəqəsində məntəqəsində artıq Xankəndində külləri tüstülənən 32 yaşlı separatçı-terrorçu rejimin qondarma  “milli təhlükəsizlik xidməti”nin sonuncu direktoru və keçmiş “təhlükəsizlik katib”i, general-mayor Ararat Melkumyanın həbs edilməsi haqda informasiyalar yayılıb.  Sozcu.az xəbər verir ki, bu barədə yazan “Hraparak” məlumatı Azərbaycan mətbuatına istinadla yaydığını bildirir. Melkumyan Ermənistan Silahlı Qüvvələrinin 1-ci ordu korpusunun komandiri və  qondarma “müdafiə ordusu”nun 9-cu müdafiə bölgəsinin komandiri olub. General-mayor hərbi rütbəsinə malikdir. Rəsmi İrəvan, hələ ki, bu generalın həbsi xəbərini rəsmən təsdiqləməyib. Eyni zamanda “Hraparak” bildirir ki,  Melkumyanın həbsini “Laçın” sərhəd məntəqəsi yaxınlığındakı Ermənistanın Gorunzur(“Kornidzor”) kəndində işləyən “MediaHub” nəşrinin müxbiri təsdiqləyir.

“Ermənistan Zəngəzur dəhlizini danışıqlar yolu ilə açacaq”. Sozcu.az xəbər verir ki, bunu politoloq Məhəmməd Əsədullazadə deyib. “Qarabağ məsələsinin bitməsi, Azərbaycanın bütün ərazilərində suverenliyini bərpa etməsi Ermənistanla sülh müqaviləsinin önündəki maneələri qaldırdı. Azərbaycan zəhərli ideologiyalarının üstündən xətt çəkməklə ermənilərin separatçı arzularının reallaşmasına keçid yeri qoymadı. Ermənilər çətin də olsa, yeni, əslində belə olmalı olan reallıqla barışacaqlar. Hesab edirəm ki, Paşinyan hakimiyyətini qoruyub saxlasa, Azərbaycanla sülh müqaviləsini imzalayacaq. Hakimiyyətini qoruyacağına isə əminəm. Hazırda Ermənistan daxilində siyasi vəziyyət gərgin olsa da, müxlifət hakimiyyəti dəyişəcək gücdə deyil”, - ekspert bildirib. Məhəmməd Əsədullazadə Fransanın Ermənistandakı fəallığına da diqqət çəkib: “Qənaətimə görə, Fransanın Ermənistanda müdafiə missiyası yaratması da, Paşinyanın müdafiəsi və mühafizəsi üçündür. Paşinyan “Qarabağ səhifəsi”ni bağlayıb. Sadəcə Azərbaycanla sülh müqaviləsində güzəştlər qoparmaq üçün spekulyasiyaya yol verir. Qarabağ isə heç vaxt sülh müqaviləsində mövzu olmayacaq, bunu Ermənistan da bilir. Hesab edirəm ki, artıq Ermənistanla Azərbaycan arasında müharibə gözlənilən deyil. Zəngəzur dəhlizi ilə bağlı məsələnin hərbi yox, diplomatik müstəvidə həll olunacağını düşünürəm. Azərbaycanın hərbi qələbəsi diplomatik zəfər üçün də münbit zəmin yaradıb. Ermənistan Zəngəzur dəhlizini danışıqlar yolu ilə açacaq”.

Pentaqonun Ukraynaya hərbi yardım göstərmək üçün 5,2 milyard dollar vəsaiti var. “The Wall Street Journal”ın Amerika Müdafiə Nazirliyinin adı açıqlanmayan nümayəndələrinə istinadən verdiyi məlumata görə, indiki xərclər səviyyəsində bu, təxminən altı aya kifayət edəcək. Nəşr qeyd edir ki, bunlar bir il əvvəl Ukraynaya dəstək üçün ayrılmış vəsaitin qalıqlarıdır. Beləliklə, yaxın gələcəkdə Kiyev ABŞ-da büdcə qanunu ilə bağlı mübahisələrə görə hərbi təchizatın dayandırılması təhlükəsi ilə üzləşməyəcək. Lakin mövcud vəziyyət planlaşdırmaya təsir edə bilər. Nəşr qeyd edir ki, bu vəsait növbəti büdcə qəbul olunana qədər Ukrayna qüvvələrinin əməliyyatlarını maliyyələşdirmək üçün kifayət etməyəcək. Xatırladaq ki, dünən prezident Co Bayden Konqresdəki resbublikaçıların Ukraynaya yardım ayrılması məsələsini büdcə sənədindən ayrılıqda müzakirə etməyə söz verdiklərini və bu yardımın dayanmayacağını bəyan edib.

Qarabağda mərkəzi hakimiyyətin bərpa edilməsi fonunda sentyabrın 30-da Ermənistanın snayper atəşi ilə əsgərimizi şəhid etməsi İrəvanın sərhəd gərginliyinə start verə biləcəyinin anonsu hesab edilə bilər. Baş verən proseslər onu göstərir ki, Paşinyan hakimiyyətinin sərhəddə mümkün eskalasiyada çoxtərəfli maraqları var. Məsələ ilə bağlı Referans.az-a danışan politoloq Tofiq Abbasov bildirib ki, Azərbaycan hazırda təşəbbüsü tamamilə ələ keçirib: “Ermənilərin bütün atdığı addımlar yalnız onların zəifliyini büruzə verir. Onlar demək olar ki, həm strateji baxımdan, həm də faktiki baxımdan məğlubdurlar. İndi hər hansı bir erməni əsgərinin beyninə belə bir fikir gəlir ki, Azərbaycan əsgərini öldürsün və ya yaralasın, bu ondan xəbər verir ki, bunlar artıq terrorla doğmalaşıblar. Bu kimi əməllər yalnız onların vəziyyətini bir qədər də kəskinləşdirəcək, çətinləşdirəcək”. Politoloq qeyd edib ki, hazırda Ermənistanın vəziyyəti həm iqtisadi, həm sosial, həm də mənəvi psixoloji baxımdan zəifdir. Onun sözlərinə görə, ermənilər bu çirkin əməllərindən əl çəkməsələr Azərbaycan bütün lazımi tədbirləri görəcək: “Ermənilər revanşizmdən əl çəkə bilmirlər, ona görə də bu kimi əməlləri gündəmdə saxlayırlar. Əgər çox dərinə getsələr, yenidən Azərbaycan lazımi tədbirləri görəcək. Bu səfər həqiqətən heç nə bağışlanmayacaq. Bu vaxta qədər biz çox dözmüşük, güzəşt etmişik”. Tofiq Abbasov əlavə edib ki, oktyabrın 5-də İlham Əliyev və Nikol Paşinyanın Qranadada baş tutacaq görüşündə sülh müqaviləsinin imzalanmayacaq. O, hesab edir ki, sülh müqaviləsi üçün hələ tezdir.

Qarabağda yaşayan erməni sakinlərin yaşadıqları ərazilərdə fermerlərə subsidiyalar veriləcək. Bu, Azərbaycan Respublikasının reinteqrasiyaya dair planlarında əks olunub. Onlar torpaq vergisi istisna olmaqla, bütün vergilərdən azad ediləcəklər.

Ermənilər Xankəndidən çıxarkən şəhər xəstəxanasının morqunda 16 meyiti aparmayaraq orada saxlayıblar. Bunlar Xankəndidə vəfat etmiş şəxslərin meyitləridir. Faktı Azərbaycanın müvafiq orqanları aşkarlayıb. Rəsmi Bakı ölkəmiz humanizm nümayiş etdirərək meyitləri Ermənistana aparılması üçün Beynəlxalq Qızıl Xaç Komitəsinə təhvil verib.

Çeçenistanın başçısı Ramzan Kadırov qızı Ayşət Kadırovanın ölkənin Baş nazirinin müavini vəzifəsinə təyin edilməsi qərarını dəstəkləyib. Bunu R.Kadırov teleqramda açıqlayıb. Belə ki, hökumətin iclasında Baş nazir Müslüm Xuçiyev 1998-ci il təvəllüdlü Ayşət Kadırovanın Çeçenistan hökuməti sədrinin sosial məsələlər üzrə müavini vəzifəsinə təyin edilməsini təklif edib. Qərar iclas iştirakçıları tərəfindən dəstəklənib. Xatırladaq ki, daha öncə Ayşət Kadırova 22 yaşında respublikanın mədəniyyət naziri vəzifəsinə təyin olunmuşdu.

Qarabağın Azərbaycanın tərkib hissəsi olması barədə qərar (? – red.) Ermənistanın Baş naziri Nikol Paşinyanın birbaşa iştirakı ilə qəbul edilib. Sozcu.az xəbər verir ki, bu sözləri Rusiya XİN başçısı Sergey Lavrov deyib. “İrəvandakı rəsmilər deyəndə ki, 2020-ci ilin noyabrında müharibəyə son qoymaqla bağlı saziş imzalamaqla Putin Paşinyanı Qarabağı Azərbaycana verməyə məcbur edib - bu yalandır. Bu müqavilədə, 10 noyabr 2020-ci il tarixli bu müqavilədə yazılıb ki, Qarabağ Rusiya sülhməramlı kontingentinin məsuliyyət zonasıdır və ümumi anlayış vardı ki, Qarabağın yekun statusu haqda (? – red.) dialoq davam etdiriləcək. Ancaq bir il və yaxud il yarım sonra Baş nazir Paşinyan Praqadakı hansısa növbəti Avropa sammitində Almatı Bəyannaməsinə uyğun olaraq Ermənistan və Azərbaycanın bir-birini 1991-ci il sərhədləri daxilində tanıması barədə sənəd imzalayanda məsələ bağlandı. Daha sonra Brüsseldə bu termini (Paşinyan) yenidən istifadə etdi. Üstəlik, AB-nin yaydığı sözügedən sənəddə Ermənistanın Qarabağda yaşayan ermənilərin taleyindən narahat olduğu və bu aqibətin hansısa yolla həll edilməli olduğu qeyd olunmur”, - Lavrov bildirib. Qeyd edək ki, Rusiyanın Paşinyan hakimiyyətinə qarşı sui-istifadə etdiyi bu tezis getdikcə inkişaf edir və təhriflərə, yalanlara daha çox yer verilir. Belə ki, 10 noyabr 2020-ci il bəyanatında keçmiş “Dağlıq Qarabağın” statusu ilə bağlı heç bir söz yoxdur və onun “hansısa gələcəkdə müzakirəsi” də sənəddə əks olunmayıb. Əksinə, sənəd imzalandığı gün Prezident İlham Əliyev “status”un cəhənnəmə getdiyi haqda rəsmən bəyanat verdi. İkincisi, keçmiş Dağlıq Qarabağın Azərbaycanın ərazisi olduğu bütün beynəlxalq sənədlərdə əksini tapıb – o cümlədən Rusiya da Azərbaycanın ərazi bütövlüyünü tanıdığını bir neçə dəfə ən yüksək səviyyədə elan edib. Hələ 2020-ci ilin dekabrında Rusiya lideri Vladimir Putin keçirdiyi illik mətbuat konfransında “Dağlıq Qarabağ hər zaman Azərbaycanın tərkib hissəsi olub” deyə bəyan etmişdi. Həmin mətbuat konfransı dünyanın 300-ə qədər böyük media qurumu vasitəsilə tirajlanmışdı. Bu baxımdan Lavrovun “Qarabağın Azərbaycanın tərkib hissəsi olması barədə qərar” ifadəsi Paşinyana qarşı daxili siyasi mübarizəni qızışdırmaq üçün istifadə edilən yalan təbliğatdır. Ancaq bu təbliğat və faktların təhrifi aşkar saxtakarlıq və Azərbaycanın ərazi bütövlüyünə qarşı eyham üzərində qurularkən, çox eybəcər görünür./Axar.az

Azərbaycan Respublikasının daxili işlər orqanları ərazidə ictimai asayişin qorunmasını və sakinlərin təhlükəsizliyini təmin edir. Sakinlər daxili işlər orqanlarına işə cəlb oluna bilər. Savash.org xəbər verir ki, bu barədə Azərbaycan Respublikası Prezidentinin Administrasiyası məlumat yayıb. Qeyd edək ki, Azərbaycan Respublikası Qarabağ bölgəsində yaşayan erməni sakinlərin reinteqrasiyası ilə bağlı əməli fəaliyyətə başlayıb. Bununla əlaqədar, Qarabağın erməni sakinləri ilə təmaslar üzrə müəyyən edilmiş məsul şəxs Ramin Məmmədov 2023-cü il sentyabrın 21-də, 25-də və 29-da Yevlax və Xocalı şəhərlərində erməni sakinlərin nümayəndələri ilə görüşüb. Görüşlərdə Azərbaycan Respublikasının reinteqrasiyaya dair planları təqdim edilib və onun ətrafında müzakirələr aparılıb. Qeyd edilib ki, reinteqrasiya Azərbaycan Respublikasının ərazi bütövlüyü və suverenliyi çərçivəsində Azərbaycan Respublikasının Konstitusiyası, qanunları və beynəlxalq öhdəlikləri əsasında həyata keçirilir.

Mən Ermənistanda Azərbaycan əleyhinə düşmən ritorikasının artmasını qeydə alıram. Bunun səbəbi heç də aydın deyil, amma heç bir yaxşılığa da səbəb olmayacaq. Sozcu.az xəbər verir ki, bu sözləri erməni bloger İşxan Verdyan özünün Teleqram kanalında yazıb. “İstənilən siyasətin hansısa aydın məqsədi olmalıdır ki, ölkənin özünün xeyrinə və ya guya yaxşılığa doğru yönəldilsin. Azərbaycana qarşı hansısa sanksiyaların tətbiq olunduğu gülünc vəziyyəti təxmin etsək, o zaman Ermənistanın bundan nə udacağı bilinmir. Ermənistan bundan heç nə qazanmayacaq və bunun üçün bütün siyasi resurslarını xərcləmək sağlam fikir deyil. Doğrudanmı, Ermənistan üçün yeganə motivasiya şər faşizmdir?” - deyə bloger bildirib.

Bu gün Şəhid Hüseyinzadə Səməd Səttar oğlunun şəhadətinin 3-cü il dönümüdür. Səməd Hüseynzadə 1998-ci il oktyabrın 18-də İsmayıllı rayonunun Talıstan kəndində anadan olub. 2020-ci ildə Azərbaycan Dövlət Aqrar Universitetini bitirdikdən sonra hərbi xidmətə yola düşüb. 44 günlük İkinci Qarabağ müharibəsində iştirak edən Səməd Hüseynzadə Tərtərin Dəmirçilər kəndinin azad edilməsi uğrunda gedən döyüşlər zamanı düşmənin atdığı top atəşi nəticəsində şəhid olub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Səməd Hüseynzadə ölümündən sonra "Vətən uğrunda" medalı ilə təltif edildi. Azərbaycan ərazilərinin işğaldan azad olunması zamanı döyüş tapşırıqlarını yerinə yerinə yetirən zaman mərdliyin və igidliyin göstərilməsinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ölümündən sonra "İgidliyə görə" medalı ilə təltif edildi. Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ölümündən sonra "Xocavəndin azad olunmasına görə" medalı ilə təltif edildi. Azərbaycanın Suqovuşan qəsəbəsinin işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ölümündən sonra "Suqovuşanın azad olunmasına görə" medalı ilə təltif edildi. Azərbaycanın Ağdam rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Səməd Hüseynzadə ​ölümündən sonra "Ağdamın azad olunmasına görə" medalı ilə təltif edildi. Təltifləri  (15.12.2020) — "Vətən uğrunda" medalı (ölümündən sonra)  (24.06.2021) — "İgidliyə görə" medalı (ölümündən sonra)  (24.06.2021) — "Suqovuşanın azad olunmasına görə" medalı (ölümündən sonra)  (24.06.2021) — "Xocavəndin azad olunmasına görə" medalı (ölümündən sonra)  (24.06.2021) — "Ağdamın azad olunmasına görə" medalı (ölümündən sonra) Allah rəhmət eləsin!

Ukrayna prezidenti Volodimir Zelenski bu ölkənin ərazi bütövlüyü uğrunda Rusiya işğalçılarına qarşı döyüşlərdə iştirak edən  azərbaycanlı zabit – kapitan Aslanov Elşad Gülağa oğlunu igidliyinə görə medalla təltif edib. Bu haqda “Basta”ya Müsavat Partiyasından məlumat verilib. Qeyd edək ki, Elşad Aslanov Müsavat başqanının müavini Gülağa Aslanlının oğludur.

Erməni mediası Qarabağdakı keçmiş separatçı liderlərin – Arkadi Qukasyan, Bako Saakyan və Araik Arutyunyanın Xankəndidən qaçması ilə bağlı bir-birini təkzib edən məlumatlar tirajlamaqdadır. Sozcu.az xəbər verir ki, əvvəlcə separatçıların Xankəndidən qaçdıqları barədə məlumat yayılsa da, sonradan elə erməni mətbuatı bunu təkzib etdi. Bildirildi ki, onların hetməsi üçün Azərbaycandan “icazə almağa” çalışırlar. Qeyd edək ki, adıçəkilən keçmiş separatçıbaşılar hər iki Qarabağ müharibəsində əlləri Azərbaycan xalqının qanına batmış canilərdir. Xüsusilə Araik Arutyunyan 44 günlük müharibə zamanı Gəncə şəhərindəki yaşayış binasının raketlə vurulması əmrini verdiyini videomüraciət zamanı etiraf etmişdi. “Mənim sərəncamımla “arsax silahlı qüvvələri” yaylım atəş sistemi ilə Gəncə şəhərini vurub. Vaxtında qeyd etmişdim, xəbərdarlıq etmişdim. Təəssüflər olsun ki, bizim tarixi “Qandzak”ı - Gəncəni, “Kirovabad”ı, onların daimi hərbi yerləşdirmə yerlərini vurmuşuq. Çünki onlar buna məcbur etdilər. Özünüzə gəlin. Çünki daha böyük şəhərləri vurmağa ehtiyac olarsa, davam edəcəyik. Yeri gəlmişkən, düşmənə zaman verərək bir müddət böyük şəhərlərin raket və artilleriya ilə atəşə tutulmasını dayandırmaq əmrini vermişəm. O, xəbərdarlıq atəşi idi. Mülki insanları uzaqlaşdırın. Bu müharibəni siz başlamısız”, - Arutyunyan həmin müraciət zamanı bildirmişdi. Göründüyü kimi, Azərbaycanın dinc, əməliyyatların aparıldığı ərazidən 100 km kənarda yerləşən şəhərini gecə yarısı, insanların yatdığı vaxt vurmaqla daha böyük tələfata səbəb olan bu qatilin Azərbaycan hüquq-mühafizə orqanlarının diqqətində olması təsadüfi deyil.axar

Seymur Həbibov 13 fevral 1986-cı ildə Şəmkir rayonunun Əliyaqublu kəndində anadan olmuşdur. 1992-ci ildə Kür qəsəbə orta məktəbində birinci sinifə başlamışdır. 2003-cü ildə həmin məktəbi bitirib və həqiqi hərbi xidmətə çağrılmışdır. Həqiqi hərbi xidməti başa vurduqdan sonra müxtəlif sənət sahələrində çalışmışdır.  2020-ci ilin avqust ayında müddətdən artıq həqiqi hərbi xidmət üçün müraciət etmiş və xidmətinə başlamışdır. 27 sentyabr 2020-ci ildə İkinci Qarabağ müharibəsi başlanan zaman 1 oktyabr tarixində Murovdağ istiqamətində gedən döyüşlərdə həlak olmuşdur. “Vətən uğrunda” medalı, “Kəlbəcərin azad olunmasına görə” medalı, “İgidliyə görə” medalı ilə təltif olunub.       Seymur Həbibov Şəmkir şəhər qəbirstanlığında dəfn edilib. Bu gün Şəmkirdə şəhidin yaxınları, digər şəhid ailələri şəhidi anım günü ilə bağlı məzarı başında anıblar.  Ruhu şad olsun ! Sözcü.az

Üç il əvvəl biz əsas hədəfimizə nail olduq, 30 il ərzində pozulmuş ərazi bütövlüyümüzü bərpa etdik. Biz işğalın, etnik təmizləmənin qurbanı olmuşuq. Bu, bizim xalqımız üçün böyük faciə idi və böyük humanitar fəlakət idi. Biz uzun illər ərzində çalışırdıq ki, münaqişəni dinc yolla həll edək və işğala dinc yolla son qoyaq. Sozcu.az xəbər verir ki, bu sözləri Prezident İlham Əliyev Bakıda keçirilən 74-cü Beynəlxalq Astronavtika Konqresinin açılış mərasimində çıxışında söyləyib. 28 il ərzində danışıqlar prosesinə güclü sadiqliyimizi nümayiş etdirdiyimizi, lakin üç il əvvəl BMT-nin Nizamnaməsinə uyun olaraq özünümüdafiə hüququndan istifadə etdiyimizi vurğulayan dövlətimizin başçısı bildirib: “Biz 3 il bundan əvvəl ərazilərimizi işğaldan azad etdik, işğala son qoyduq. Ötən ay isə bütün ölkə ərazisində suverenliyimizi tam bərpa etdik”. Prezident İlham Əliyev təəssüflə vurğulayıb ki, münaqişəyə son qoymalı olan o beynəlxalq təşkilatlar bu istiqamətdə heç bir nəticə əldə etmədilər. “BMT-nin dörd qətnaməsi Ermənistan qonşularının ərazimizdən tam, dərhal və qeyd-şərtsiz çıxarılmasını tələb edirdi. Lakin bu qətnamələr 27 il kağız üzərində qaldı. Biz şəhidlər verərək bu qətnamələrin icrasını təmin etdik”, - deyə dövlətimizin başçısı bildirib.

Xəbər verildiyi kimi, dünən gecə saatlarından Ermənistanın bir sıra kütləvi informasiya vasitələrində, o cümlədən “@bagramyan26” teleqram-kanalında Qarabağdakı separatçı rejimin 3 keçmiş "prezidenti" (Arayik Arutyunyan, Bako Saakyan və Arkadi Qukasyan) və "hökumət üzvləri"nin guya hansısa yolla Azərbaycan dövlət sərhədini keçə bilməsi və artıq Ermənistanda olması haqda informasiyalar yayılmışdı. Sozcu.az xəbər verir ki, Tert.am saytı səhər saatlarında adları çəkilən separatçı liderlərin Azərbaycan dövlət sərhədini keçə bilməsi və artıq Ermənistanda olması haqda məlumatları təkzib edib. “Tert.am-ın 3 keçmiş prezidentlə bağlı mənbələri onların Ermənistanda olmadığını, lakin təhlükəsizlik baxımından onların yerinin hələlik açıqlanmadığını bildirir”- xəbərdə belə deyilir.

Bu gün Xankəndi şəhərində Azərbaycanın mərkəzi hakimiyyətinin nümayəndələri və erməni sakinlər arasında növbəti görüş gözlənilir. Sozcu.az xəbər verir ki, bu barədə Teleqram kanallarında məlumat paylaşılıb. Bildirilir ki, görüşdə Azərbaycan Baş nazirinin müavini Şahin Mustafayev də iştirak edəcək. Xatırladaq ki, bu, sentyabrın 19-20-də Azərbaycanın Qarabağ bölgəsində keçirdiyi lokal antiterror tədbirlərindən sonra sayca dördüncü görüş ola bilər.