Türk dünyası

Türkiyədə valyuta məzənnələri yüksəlməyə davam edir.  Sozcu.az xəbər verir ki, yeni həftənin ilk günü sərbəst bazarda dollar 21,15 Türk lirəsinə bərabər olub.  Rəsmi valyuta məzənnələrinə görə, avro 22,99 lirəyə yüksəlib. Azərbaycan Mərkəzi Bankının iyunun 5-də açıqladığı məzənnəyə əsasən 1 TL 0,0805 manata ticarət edilir. 

Türkiyə iyulun 1-dən etibarən ticarət gəmilərinin Bosfor və Dardanel boğazlarından keçməsinə görə rüsumları 8,3% artıracaq. Türkiyə Nəqliyyat və İnfrastruktur Nazirliyinin Dənizçilik Baş İdarəsi bildirib ki, İstanbul boğazlarının statusu haqqında Montrö konvensiyasına uyğun olaraq, Türkiyə boğazlarından keçən gəmilərə tətbiq edilən vergi və rüsumların əmsallarında qızıl frankın baza dəyəri 1 iyul 2023-cü il tarixindən etibarən 4,42 ABŞ dolları olacaq. Məlumatda, həmçinin qeyd edilib ki, Türkiyənin boğazlardan keçən gəmilərdən əldə etdiyi gəlir 2023-cü ildə 900 milyon ABŞ dollarına çatacaq. Xatırladaq ki, aprel ayının sonunda Türkiyə Sahil Mühafizəsi Xidməti yük gəmisinin sıradan çıxması səbəbi ilə Bosfor boğazının müvəqqəti bağlandığını elan edib. Mənbə: Aydinlik

Türkiyə səsvermənin başa çatması ilə yeni yola başlayıb, Türkiyə Yüz İli başlayıb. Sozcu.az-ın Apa-ya istinadən verdiyi xəbərə görə, bunu Türkiyə Respublikasının Prezidenti Rəcəb Tayyib Ərdoğan səlahiyyətlərinin icrasına başlama mərasimində bildirib. Rəcəb Tayyib Ərdoğan deyib ki, bu axşam hökumətin yeni tərkibi açıqlanacaq: “Gələn həftənin ikinci günü yeni hökumətin iclası keçiriləcək”.

Türkiyə təhlükəsizlik qüvvələri Diyarbəkirin Lice çölündə terrorçulara qarşı əməliyyat keçirib. Sozcu.az xəbər verir ki, bu barədə Türkiyə daxili işlər naziri Süleyman Soylu Tvitterdə yazıb. “Anka-S” PUA-sı və ATAK helikopterlərinin dəstəyi ilə keçirilən əməliyyat çərçivəsində 3 PKK terrorçusu məhv edilib. Məhv edilən terrorçulardan 1 M-16, 2 ədəd isə “Kalaşnikov” avtomatı götürülüb”, - nazir bildirib.

CHP sədri Kamal Kılıçdaroğlu partiyasının Türkiyə Böyük Millət Məclisində (TBMM) vəzifəyə başlayacaq yeni millət vəkilləri ilə görüşüb. Sozcu.az xəbər verir ki, bu barədə "Haber Global" məlumat yayıb. Bildirilib ki, CHP Ümumi Qərargahında keçirilən toplantıya Kılıçdaroğlu ilə yanaşı qrup sədr müavinləri Özgür Özəl və Engin Altay da qatılıb. Qeyd edək ki, yeni dövrdə CHP-dən 169 deputat TBMM-ə seçilib, onlardan 62-si ilk dəfə deputat sıralarında yer alacaq.

Türkiyədə prezident seçkilərinin ikinci turundan dərhal sonra ucuzlaşmağa başlayan lirə hər gün tarixi minimumunu təkrarlayır. Sozcu.az xəbər verir ki. bu gün qardaş ölkədə bir dollar 20,87 lirəyə qalxıb. Ötən gün dollar 20,4 lirə idi. Avro isə 22,54 lirəyə qalxıb.

Hakim Ədalət və İnkişaf Partiyası sədrinin birinci müavini Numan Qurtulmuş Türkiyə Böyük Millət Məclisinin sədri olacaq. Sozcu.az xəbər verir ki, bu barədə “Hürriyət” qəzeti məlumat yayıb. “Seçkidən sonra Hakim Ədalət və İnkişaf Partiyasının gündəmində - yeni nazirlər kabineti və məclis sədrinin seçilməsidir. Parlament sədri məsələsi artıq böyük ölçüdə həllini tapıb. Bu Numan Qurtulmuş olacaq”, - məlumatda deyilir.

Türkiyənin Samsun şəhərində axşam saatlarında təsirli olan dolu və leysan həyatı iflic edib. Vezirköprü rayonunda leysan nəticəsində meydana gələn sel səbəbindən avtomobillər yollarda qalıb, evləri, iş yerlərini su basıb. Yerli sosial şəbəkələrdə sel sularının bir avtomobili aparmasının görüntüləri yayılıb. Daşqın nəticəsində bir çox əkin sahələri, körpülər zədələnib.

Türkiyədə seçiciləri İstanbuldan Orduya aparan avtobus geri dönərkən yük maşınına çırpılıb.   Avtobusda Ədalət və İnkişaf partiyasının 22 seçicisi yaralanıb. Hadisə yerinə polis, səhiyyə və yanğınsöndürmə briqadaları göndəriliblər. Avtobusda sıxılmış vəziyyətdə qalan sürücü xilasedicilər tərəfindən xilas edilərək təcili tibbi yardım briqadasına təhvil verilib. Yaralılar Sakarya və Kocaeli xəstəxanalarına aparılıblar.

Türkiyənin Kahramanmaraş vilayətində zəlzələ baş verib. Sozcu.az xəbər verir ki, bu haqda AFAD məlumat yayıb. Bildirilib ki, yerli saatla 04:10-da 4,7 bal gücündə zəlzələ qeydə alınıb. Zəlzələnin 7 kilometr dərinlikdə yerləşdiyi müəyyən edilib.

Türkiyə yeni silahlı pilotsuz dəniz vasitəsinin (SİDA) sınaqlarını keçirib. Sozcu.az xəbə verir ki, bu barədə “Star” məlumat yayıb. Məlumata görə, ARES şirkətinin hazırladığı ULAQ adlı SİDA-nın bu gün keçirilən sınağı uğurlu olub. Yerli mühərrikə malik ULAQ dənizdə yüksək sürətlə hərəkət etmək qabiliyyətindədir. SİDA lazerlə idarə olunan L-UMTAS tankəleyhinə uzaq mənzilli raketlə təchiz edilib. Qeyd edək ki, pilotsuz vasitəsinin ilin sonuna kimi istifadəyə veriləcəyi gözlənilir.

Pakistanın müdafiə naziri Asif Muhammed Xavaca Azərbaycan ilə Pakistan arasında hərbi əlaqələrin yüksək səviyyədə olduğunu, ölkəsinin Azərbaycanın ərazi bütövlüyünü tanıdığını və ölkəmizlə hərbi əlaqələrin genişləndirilməsinə xüsusi önəm verdiyini diqqətə çatdırıb. Sozcu.az xəbər verir ki, müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyevlə görüşü zamanı dövlətlərimizin həm ikitərəfli əsasda, həm də beynəlxalq təşkilatlar çərçivəsində bütün məsələlərdə qarşılıqlı dəstək göstərdiyini qeyd edən nazir ölkələrimizin yerləşdiyi bölgələrdə yaranmış vəziyyət və yeni çağırışların hərbi əməkdaşlığımızın möhkəmləndirilməsini zəruri etdiyini diqqətə çatdırıb.