Təhsildə Keyfiyyət Təminatı Agentliyi may ayı üçün diplomların tanınması üzrə statistikanı açıqlayıb. Sozcu.az xəbər verir ki, 421 müraciətçinin 369-u barədə müsbət qərar verilərək müvafiq şəhadətnamələr təqdim edilib, 52 nəfərin müraciəti isə mənfi qərarla yekunlaşıb. Mənfi qərarla yekunlaşan müraciətlərə nümunə olaraq 39 fakt üzrə tədris yükünü mənimsəmək üçün təhsil alınan ölkənin ərazisində tələb olunan normativdən az olunması, 6 tədris yükünü mənimsəmək üçün təhsil alınan ölkənin ərazisində tələb olunan normativdən az olunması və əhəmiyyətli fərq, 4 əhəmiyyətli fərq (kredit sayı, ixtisaslararası uyğunsuzluq), 2 dövlət nümunəli olmayan diplom, 1 təhsil formasını göstərmək mümkündür. Ən çox müraciət olunan ixtisaslara gəlincə, menecment üzrə 37, iqtisadiyyat üzrə 35, biznesin idarə edilməsi üzrə 32, maliyyə üzrə 28, beynəlxalq münasibətlər üzrə 21 müraciət qeydə alınıb.

Mərkəzi Bank Azərbaycanda “Keşpay” ödəniş terminallarına sahib olan “Katech” QSC-yə bildiriş göndərib. Sozcu.az xəbər verir ki, Mərkəzi Bank tərəfindən həyata keçirilən nəzarət tədbirləri çərçivəsində “Katech” QSC tərəfindən Qanunla müəyyən edilmiş qaydada lisenziya alınmadan ödəniş xidmətlərinin göstərilməsi faktı aşkar olunub. Mərkəzi Bankdan verilən məlumatda bildirilir ki, “Katech” QSC-yə ödəniş xidmətlərinin göstərilməsinin dərhal dayandırılması barədə bildiriş göndərilib.

İyunun 1-də itkin düşən Qubanın Üçgün kənd sakini 23 yaşlı Samir Rüstəmovun meyiti Şabranın Taxtakörpü su anbarında tapılıb. Sozcu.az xəbər verir ki, doğmaları hadisənin gecə saatlarında Quba şəhəri ərazisində baş verdiyini bildiriblər. İş yoldaşları ilə yeyib-içən Samir kanalın ətrafına gəlib və 3 nəfərin gözü qarşısında suya düşüb. Dostları onu çıxarmağa çalışsalar da, bunu nail ola bilməyiblər. "11 gündür hər yerdə axtarırdıq. Tanınmaz vəziyyətdədir. Ayağı kəsilib, gözləri yoxdur", - itkin düşən şəxsin qohumu Məmməd Balabəyov Baku TV-yə açıqlamasında deyib. Qeyd edək ki, gəncin axtarışı üçün əraziyə dalğıc-xilasediciləri cəlb edilmiş, kanala suyun verilişi dayandırılmışdı. Həyata keçirilən tədbirlər nəticəsində Samur-Abşeron kanalında batması ehtimal olunan 23 yaşlı Samir Çərkəz oğlu Rüstəmovun meyiti sudan çıxarılaraq aidiyyəti üzrə təhvil verilib. Daha ətraflı videomaterialda:

Ermənistan Baş naziri Nikol Paşinyan II Qaregindən iqamətgahını dərhal tərk etməyi tələb edib. Sozcu.az xəbər verir ki, bu barədə Paşinyan sosial şəbəkə hesabında bildirib. Ermənistanın Baş naziri katolikos II Qaregini və onu müdafiə edənləri kəskin şəkildə tənqid edib. Paşinyanın sözlərinə görə, onun II Qareginə ünvanlanmış tənqidlərini “Azərbaycan” və ya “Türkiyə izi” kimi təqdim etmək cəhdləri ikiüzlülüyün təzahürüdür. Paşinyan vurğulayıb ki, çoxları onun yeni katolikosluğa namizədinin olmasına haqq qazandırmaq istəsə də, təəssüf ki, onun bu posta namizədi yoxdur.

“Azərbaycan Dövlət Su Ehtiyatları Agentliyi (ADSEA - keçmiş "Azərsu") dövlət qurumu olduğu üçün vətəndaşların sosial-maddi vəziyyəti nəzərə alıb yekun qərar verilə bilər. Amma ADSEA dəfələrlə rəsmi açıqlamalarında və açıladığı statistikada göstərir ki, hazırda su maya dəyərindən 3 dəfə aşağı qiymətə satılır. Faktiki olaraq, bu qurum zərərlə işləyir”. Bu sözləri "Yeni Sabah"a iqtisadçı Allahverdi Aydın deyib. O bildirib ki, zərəri aradan qaldırmaq üçün suyun maya dəyərini aşağı salmaq lazımdır: “Zərərdən çıxmaq üçün alternativ olaraq qiymətlərin artırılması üzərində düşünülür. Amma hesab edirəm ki, bu alternativ deyil. Zərəri aradan qaldırmaq üçün suyun maya dəyəri aşağı salınmalıdır. Maya dəyərinin aşağı salınması üçün dövlət bu sahəyə əlavə investisiya yatırmalıdır. Ya da özəl qurumları bu sahəyə cəlb etməlidir. Yəni özəl sektor bu sahəyə sərmaye qoymalıdır. İstehsal olunan suyun təxminən 40 faizi itkiyə və başqa məqsədlərə gedir. Bu itkinin qarşısı alınmalıdır. Məsələn, borular yenilənməlidir. Bir sözlə, bu sahəyə ciddi həcmdə sərmaye yatırılmalıdır”.  Ekspert vurğulayıb ki, suyun qiymətini artırmaq hesabına maya dəyərini azaltmaq düzgün variant deyil: “Bu sahəyə investisiya qoymaq üçün dövlətin yetərincə imkanı var. Suyun 40 faizinin itkiyə getməsi milyonlarla manatın itirilməsi deməkdir. Vaxtilə təbii qaz sektorunda da bu cür itkilər olurdu. Dövlət Neft Şirkəti (SOCAR) müəyyən investisiyalarla həmin ziyanın həcmini xeyli azaltdı. Eyni təcrübəni su sahəsində də etmək olar. Dövlət qurumları bunun üzərində işləməlidir. Onsuz da maya dəyərinin qarşılanması üçün suyun tarif qiyməti 3 dəfəyədək artırılmalıdır. Yəni 1 kubmetr suyun qiyməti hazırda 1 manatdırsa, bunu 3 manatadək artırmaq lazımdır ki, qurum zərərlə işləməsin. 1 kubmetr suyun 3 manat olması isə əhalisi üçün kifayət qədər ağır maliyyə yükünə çevriləcək. Fikrimcə, birdən-birə belə radikal qiymət artımı olmayacaq. Amma tariflərdə müəyyən artımlar ola bilər. 3 manata başa gələn su 1 manata satılırsa, ADSEA hər kubda 2 manat ziyana gedir. Bunu bir şəkildə kompensasiya etməyi düşünürlər. Bu baxımdan, bu il 20-30 faizlik qiymət artımına gedə bilərlər”.

"Mançester Siti"nin baş məşqçisi Xosep Qvardiola Qəzzadakı vəziyyətdən danışıb. Sozcu.az "The Atletic"ə istinadən xəbər verir ki, mütəxəssis bu haqda Mançester Universitetindəki çıxışı zamanı söz açıb. Qvardiola müharibə şəraitində olan şəhərin durumunun onu məyus etdiyini deyib: "Qəzzada gördüklərimiz çox ağrılıdır. Bu ağrını bütün bədənimdə hiss edirəm. Açığını deyim - bu, ideologiya ilə bağlı deyil. Demək istəmirəm ki, mən haqlıyam, sən isə haqsızsan. Bu, sadəcə olaraq, həyat eşqi, digər insanlara qayğı ilə bağlıdır. 4 yaşlı oğlan və qızların bomba altında qaldığını, öldürüldüyünü görəndə düşünə bilərik ki, bu bizim işimiz deyil. Yaxşı. Amma diqqətli olun. Növbəti uşaq bizim uşağımız ola bilər.  Bu kabus Qəzzada başladığından bəri hər səhər övladlarım Mariya, Marius və Valentinanı görəndə qorxu hissi keçirirəm".Qol.az)

Enerji Məsələlərini Tənzimləmə Agentliyinin direktor müavini Rövşən İsmayılov və energetika nazirinin müavini Samir Vəliyev deyiblər ki, ölkədə qaz və elektrik enerjisində sabit tarif tədbiq olunacaq. Yəni, Azərbaycanda mənzili olan, amma orada yaşamayan vətəndaşlar elektrik enerjisini sabit tariflə ödəyəcəklər, bu yanaşma təbii qaz təhcizatına da aid ediləcək. Sozcu.az xəbər verir ki, bu sözləri iqtisadçı ekspert Natiq Cəfərli deyib. “Məntiq belədir ki, elektrik enerjisinə görə ödənilən vəsait iki hissədən ibarət olacaq. Məsələn, hər hansı 10 binanın 8-də yaşayış var, amma ikisində yaşayış yoxdur. Amma transformator məntəqəsi onsuz da qurulmalıdır. Onun xərci tarifin içərisində olmalıdır. Yəni, yaşadın-yaşamadın, ödəməlisən. Demək istəyirlər ki, biz mənzilə qədər elektrik və qaz xəttləri çəkirik, infrastruktur qururuq, siz də işlətdiz, işlətmədiz, ayrıca aylıq “sabit” məbləğ ödəməlisiniz. Birincisi, biz – vətəndaşlar öz vergilərimizlə o infrastrukturun qurulmasında zatən iştirak etmişik, çünki ölkədə infrastruktur layihələrinin çoxu büdcə hesabına həyata keçirilir, büdcəyə isə hamımız vergi veririk. İkincisi, biz vətəndaşların seçimi yoxdur axı, su-işıq-qaz təbii inhisarçılar olan dövlət şirkətlərinin əlindədir, bizim hüquqlarımızı kim qoruyacaq?! Yaxşı, saatlarla işıq-qaz-su olmayanda, şirkətlər vətəndaşlara kompensasiya ödəyəcəklərmi? Məsələn, mən şəhərin mərkəzinə çox yaxın, Bayılın girəcəyində yaşayıram, dünən 8 saat qaz olmayıb – buna görə mənim qarşımda nə məsuliyyətləri yaranıb?! Məsuliyyət təktərəfli olmur axı ki, tək vətəndaşın çiyninə yüklənsin, bəs şirkətlərin məsuliyyəti hardadı?! Üçüncüsü, bunların “məntiqinə” görə, məsələn, metronun iki- üç-dörd çıxışı var, həm də yeraltı keçiddir, sən metroya minmədən yeraltı keçiddən keçsən, infrastruktura görə pul ödəməlisən. Və ya, özəl sektor, məsələn, investisiya qoyur, infrastruktur yaradır, mağaza tikir – bunların “məntiqinə” görə, dükana girib, heç nə almadan çıxan vətəndaş qapıda kassaya 1-2 manat ödəməlidir. Bəs necə, bu iş adamı da mağazanı qapımızın ağzına qədər gətirib, infrastruktur qurub axı – elə deyil?! Yəni, belə dünyagörüşü, belə məntiqlə ölkəni idarə etmək istəyən məmurlar, belə bir sistem var, bu təkliflərin əsl səbəbi isə odur ki, büdcə daxilolmaları, neft gəlirləri azalır-azalacaq, bunun fonunda islahatlara getməkdənsə, hökumət büdcədən subsidiyaları kəsib, həmin vəsaiti vətəndaşa yükləyərək, bizim vasitəmiz isə öz təbii inhisarşılarına pul vermək istəyir”.

Bu gün Biləsuvar rayon Məhkəməsində Müsavat Partiyasının iki Məclis üzvü Ələddin Ələskərli, Qoşqar Nuralı və partiyanın üzvü Cabir Vəliyev barədə qaldırılmış cinayət işi üzrə məhkəmə prosesi davam edəcək. Bu haqda Müsavat Partiyası Məclisinin sədri Arif Hacılı özünün feysbuk səhifəsində məlumat yayıb. “Yeni il axşamı bir restoranda baş verən mübahisə nəticəsində başlayan bu məsələnin adətən olduğu kimi elə ilk mərhələdə yerli hüquq mühafizə orqanları tərəfindən həll olunmaması, barışıq cəhdlərinə məhəl qoyulmaması bu işin də arxasında xüsusi sifarişin olduğunu düşünməyə əsas verir”-deyə, Arif Hacılı vurğulayıb.

2021-ci ildən etibarən daşınmaz əmlak bazarında kəskin qiymət artımı müşahidə olunur. Bu, əsasən inşaat materiallarının bahalaşması ilə bağlıdır. Ən çox bahalaşan materiallardan biri armatur olub. Qarabağ iqtisadi zonasında başlayan kütləvi tikinti işləri nəticəsində inşaat materiallarının qiyməti bahalaşdı. Xüsusilə armaturun bir tonunun qiyməti 784 manatdan 1250 manata qədər yüksəlib. Bunun nəticəsində tikinti şirkətləri də tədricən qiymətləri artırmağa başlayıblar”. Bunu Moderator.az-a açıqlamasında  daşınmaz əmlak eksperti Elnur  Azadov bildirib. Ekspertin sözlərinə görə, hazırda  tikinti sahəsində rəqabətin azalması və yeni tikinti layihələrinin sayının aşağı düşməsi müşahidə olunur:  “Hazırda 10 il əvvəlki dövrlə müqayisədə bu sahədə ən azı 4-5 dəfə azalma var. Rəqabətin zəifləməsi qiymət artımına səbəb olmağa davam edir. Eyni zamanda, vətəndaşların yığım kapitalı onların əmlak ala bilməsinə imkan vermir. Hər il təxminən  10-15 faiz civarında olan bahalaşma vətəndaşları ipoteka kreditlərinə daha çox müraciət etməyə vadar edir. Bazarda təklifin kəskin azalması qiymət artımını dayanmadan davam etdirir və bu prosesin ilin sonuna qədər sürəcəyi gözlənilir. Əmlak bazarında sabitləşmə üçün tikinti şirkətlərinə yeni icazələrin verilməsi vacibdir. Lakin Şəhərsalma Komitəsi bu məsələdə maraqlı olmadığı müddətcə, bazara genişmiqyaslı inşaat layihələri daxil olmayacaq və tikinti aktivliyi artmayacaq. Bu səbəbdən qiymət artımı hələ də davam edəcək. Qiymətlərin nə vaxt azalacağı barədə isə dəqiq fikir bildirmək çətindir. Ən azı yaxın vaxtlarda əmlak almaq istəyənlər üçün indiki dövr münasib sayılır, çünki qiymət artımının dayanacağı gözlənilmir. Tikinti sektorunda aktivliyin başlaması isə ən yaxşı halda bir ildən sonra mümkün ola bilər. Hazırda ölkə üzrə 194 bina qəzalı vəziyyətdədir. Əgər Bakı şəhərində bu binaların şəffaf şəkildə sökülməsi və yenidən tikilməsi prosesi başlanarsa, həmçinin tikinti şirkətlərinin əvvəldən təqdim etdiyi müraciətlərə komitə tərəfindən müsbət cavab verilərsə, təxminən bir ildən sonra bazarda qiymətlərin stabilləşməsi mümkün ola bilər”.

Azərbaycanda "Qaz təchizatı haqqında” yeni qanun layihəsi də hazırlanıb. Qanun qazın nəqli, paylanması, saxlanması, satışı, idxalı, istehlakı və qaz qurğularının istismarı ilə bağlı qaz təchizatı subyektləri, istehlakçılar və qaz təchizatı sektorunda fəaliyyət göstərən dövlət orqanları arasında yaranan münasibətləri tənzimləyir və qaz təchizatının hüquqi, iqtisadi və təşkilati əsaslarını müəyyən edir. “Elektroenergetika haqqında” qanuna dəyişikliyə əsasən isə sabit tarif elektrik enerjisinin istehlak səviyyəsindən asılı olmayan sabit xarakterli xərclərin tənzimləyici tərəfindən müəyyənləşdirilən hissəsinin qarşılanması məqsədilə hər bir istehlakçı üzrə tətbiq olunan aylıq tarif elementi kimi təsbit edilir. Layihədə, həmçinin sabit tarifin tətbiqi ilə bağlı elektrik enerjisi təchizatçısının və istehlakçının hüquq və vəzifələri, sabit tarifin tətbiqindən irəli gələn məsələlər tənzimlənir. Hər iki qanunla bağlı mətbuatda və sosial şəbəkələrdə ciddi müzakirələr aparılıb. Bəziləri qanunların qüvvəyə minməsindən sonra qaz və işıqla bağlı limitlərin ləğv ediləcəyini iddia edir. Modern.az-a açıqlamasında enerji məsələri üzrə ekspert, Neft Araşdırmaları Mərkəzinin sədri İlham Şaban bildirib ki, dünyada belə bir təcrübə mövcuddur: “Xüsusilə də, Qərbi Avropa ölkələrində çoxdan belə praktika özünü göstərir. Azərbaycan üçün də bu yad bir şey deyil. İnsanlar bunu şok kimi qəbul edirlər. Amma bu belə deyil. Ölkəmiz XXI əsrə qədəm qoyandan və yeni tikililər inşa edilməyə başlayandan 99% MTK-lar evdə yaşayıb-yaşamamağından asılı olmayaraq kirayə haqqı alırlar. Bunu bir ili üçün "Xruşşovka" və doqquz mərtəbəlilərdə yaşayan insanlar 35-40 manat illik mənzil kommunal təsərrüfatına pul ödəyirdisə, 1 ayına 30-100 manatı ürəklə verirdilər. Digər yandan deyirdilər ki, yaxşı yaşamaq istəyirsənsə, ödə. Qurtardı, getdi. Bu məsələnin əsas hissəsi ondan ibarət olacaq ki, sabit tariflər hansı baxışla tətbiq ediləcək, bu evin kvadratındanmı, otaq sayındanmı asılı olacaq? Yaxud mənzillərin ümumi sayına bölünüb əmsal çıxarılacaq? Çünki hər bir binanın transformator, qaz paylacı sistemi var. Ona görə buna normal yanaşmaq lazımdır, faciə kimi yox". Ekspert söyləyib ki, yeni qanun layihələrinin işıq və qaza tətbiq olunan limitlə bağlılığı yoxdur: "30-50 manat sabit tarif verilməyəcək ki, onun içərisində hansı həddə istəyirsən istifadə et. Haradasa bunun qiyməti 1-2 manat olacaq. Kiçik bir şeydir. Xəttə qoşulmaq, abonent kimi saxlanılma haqqıdır. Onun istifadəyə heç bir dəxli yoxdur".

İsrailin 7 oktyabr 2023-cü ildən intensiv hücumlar həyata keçirdiyi Qəzza zolağında 55,104 nəfər həlak olub, 127,394 nəfər isə yaralanıb. Sozcu.az-ın Qəzza Səhiyyə Nazirliyinə istinadən verdiyi məlumata görə, ölənlərin yarıdan çoxunu qadınlar və uşaqlar təşkil edir. Xatırladaq ki, 2023-cü il oktyabrın 7-də HAMAS gözlənilmədən İsrailin cənubuna hücum edib. Hücum nəticəsində 1 110-dən çox israilli qətlə yetirilib. Buna cavab olaraq İsrail Qəzza zolağında havadan və qurudan hərbi əməliyyatlara başlayıb.

Məlum olduğu kimi, II və III ixtisas qrupları üzrə 25 may 2025-ci il tarixində keçirilmiş qəbul imtahanının nəticəsini elan edilib. Sozcu.az Dövlət İmtahan Mərkəzinə istinadən xəbər verir ki, bu imtahanda II ixtisas qrupu üzrə ən yüksək nəticəni 391.7 bal toplayan Ucar rayonu 2 saylı şəhər tam orta məktəbinin məzunu Cənnətov Fuad Əlikram oğlu göstərib. O, imtahanın birinci mərhələsində 282.3 bal toplayıb. Hər iki mərhələnin cəminə görə II ixtisas qrupu üzrə ən yüksək nəticəni isə 680.0 bal toplayan Bakı Türk Liseyinin (Türkiyə Dəyanət Vəqfi) məzunu İsmayılzadə Xədicə Xaliq qızı göstərib. O, imtahanın birinci mərhələsində 300, ikinci mərhələsində isə 380.0 bal toplayıb. Bu imtahanda III ixtisas qrupu üzrə ən yüksək nəticəni 400 bal toplayan 2 nəfər – Qax rayonu 2 saylı şəhər tam orta məktəbinin məzunu Hümmətli Çiçək Hümmət qızı və Qazax rayonu 1 saylı şəhər tam orta məktəbinin məzunu İbrahimov Əli Ruslan oğlu göstərib. Hümmətli Çiçək Hümmət qızı imtahanın birinci mərhələsində 297.5 bal toplayıb. O, hər iki mərhələnin cəminə görə III ixtisas qrupu üzrə 697.5 bal toplamaqla ən yüksək nəticəni göstərən abituriyentdir. İbrahimov Əli imtahanın birinci mərhələsində 290 bal toplayıb.

İyunun 10-da Milli Məclisin komitə iclasında müzakirəyə çıxarılan “Elektroenergetika haqqında” və “Qaz təchizatı haqqında” yeni qanun layihələri vətəndaşlar arasında xeyli suallar doğurub. Anlaşılmazlıq təkcə "sabit tarif" anlayışı iə bğlı deyil. "Yeni Sabah"a müsahibəsində iqtisadçı Allahverdi Aydın bir sıra vacib məqamlara izah verib. - Dövlət qurumlarının qaz və işıqla bağlı tariflərin dəyişdirilməsi ilə bağlı təşəbbüs yəqin ki birdən-birə yaranmayıb, bu nədən qaynaqlanır? - Əhali indidən yeni tarifləri xeyli narazılıqla qarşıladı. Dünya praktikasında və qonşu ölkələrin nümunəsində kommunal xidmətlərlə bağlı tariflər, ümumiyyətlə, aşağı-yuxarı eyni məntiqə söykənir. Misal üçün, elektrik enerjisi ilə bağlı gecə-gündüz tarifi tətbiq olunur. Türkiyə, Gürcüstan və Ermənistanda hazırda tətbiq edilən tarif məhz budur. Təbii qazla bağlı isə yay-qış, yəni havanın temperaturuna görə tariflər tətbiq olunur. Dünyanın hər yerində şirkətlər kommunal tarifləri bu cür həyata keçirir. Azərbaycanda kommunal xidmətlərlə bağlı diferensial tarif tətbiq edilir. Bu yanlış üsuldur. Qlobal təcrübədə artıq diferensial tarif tətbiq olunmur. Dediyim kimi, ya gecə-gündüz, ya da temperatura görə tariflər tətbiq edilir. Fikrimcə, yeni tariflər kommunal xidmət göstərən qurumların özləri üçün də sərfəli olmayacaq. - Yeni qanun layihələrində geniş kütlə üçün ən anlaşılmaz məqam qaz tariflərinin 8 növə bölünməsidir. Sıravi vətəndaş bunu başa düşmür. Əksəriyyətin fikrincə, bu, sadəcə qazın qiymətini rtırmaq məqsədi daşıyır. Həm də belə məlum olur ki, qazın qiymətini tənzimləyəcək qurum dəyişir. Tarif Şurasından başqa hansısa qurumun belə bir səlahiyyəti varmı? -  Azərbaycanda fiziki və hüquqi şəxslərə fərqli kommunal tariflər tətbiq olunur. Düşünürəm ki, bu da yanlış bir şeydir. Mövcud dünya praktikasında belə tarif bölgüsü artıq tətbiq olunmur. Bunun heç bir məntiqi əsası yoxdur. Biz mağazaya girib çörək alanda satıcı çörək alanın kim olduğunu soruşmur. Məhsulun bir qiyməti olar və həmin qiymətdən satılar. Burada ədalətsizlik ortaya çıxır. Əhali də eyni məhsuldan istifadə edir, şirkətlər də. Ekspertlər dəfələrlə təklif etmişdi ki, bu fərqli tarif qiymətlərini ortadan qaldırmaq lazımdır. Növbəti çoxsayılı tariflərin tətbiq edilməsi də yanlış bir siyasətdir. Bu sahibkarlara, şirkətlərə əlavə problem və yük gətirəcək. Bu həm də sui-istifadə hallarına da şərait yaradacaq. Məsələn, əhali kateqoriyasında qeydiyyatdan keçib hansısa müəssisə işlədənlər olacaq. İndiki halda, sabit tariflər yanlış qərardır. Bir məhsulu ortaya çıxaran maya dəyəri və satış qiyməti var. Hər kəsə eyni satış qiyməti ilə təklif olunmalıdır. Ola bilsin ki, dövlət sabit tarifləri tətbiq etməklə, sabit gəlirləri sığortalamaq istəyir. Yanlış qərardır! Digər tərəfdən, Azərbaycanda kommunal xidmətlər sahəsində rəqabətlilik yoxdur. Dövlət qurumlarına alternativ şirkətlər mövcud deyil. Xidmətləri və onların tairflərini də dövlət şirkətləri tənzimləyir. Dəfələrlə demişəm ki, kommunal xidmət qurumları mütləq şəkildə özəlləşdirilməlidir. Bazarda hər sahə üzrə alternativ ən azı 2 şirkət fəaliyyət göstərməlidir. - Sakini olmayan və enerji sərfiyyatı olmayan mənzilə görə sahibinin aylıq 5 manat ödəməsi xüssusiıə çoxlu sual və narazılıq doğurur... - Açığı, bu qanun layihəsində məntiqli bir şey görmürəm. İndiki halda, belə bir addımın həm sosial, həm də iqtisadi əsaslandırması yoxdur. Elektrik enerjisindən istifadə etmirsə, vətəndaş niyə pul ödəməlidir ki?! Sayğacın təmiri, texniki baxımı qarşılıqlı müqavilə ilə tənzimlənməlidir. Vətəndaşa sayğac gətirib qoyurlar və deyirlər ki, bu qiymətədir. Şirkətlərin alternativi olmadığı kimi, təmir servislərinin də alternativi yoxdur. Bu gün hansısa vətəndaşın evində sayğac xarab olursa, mütləq rəsmi dövlət qurumuna müraciət etməlidir. Azərbaycanda uzun illərdir ki, kommunal xidmət sektoru birbaşa dövlət inhisarındadır. Bütün hallarda vətəndaşların kommunal xidmətlərlə bağlı alternativ seçim şansı olmalıdır. Vətədaşın narazı olduğu xidmətdən imtina etmək hüququ olmalıdır. Lakin imtina etdikdən sonra üz tutacağı alternativ yoxdur. Problemin kökü, qaynağı buradadır.

Tarixdən silinməyən izlər, millətlərin ruhuna çevrilən dəyərlər və xalqı bir amal ətrafında birləşdirən sözlər vardır. Bu sözlər bəzən bir şairin misrasında, bəzən də bir qəzetin səhifəsində millət yaddaşına hopar. “Türküstan” qəzeti məhz belə bir missiyanı daşıyan mətbuat orqanıdır. On doqquz ildir ki, bu qəzet yalnız xəbərlər yayımlamır, eyni zamanda bir ideologiyanın da daşıyıcısı kimi fəaliyyət göstərir: türkçülük, Bütöv Azərbaycan və Turan ideologiyası. “Türküstan” sadəcə mətbuat vasitəsi deyil, milli düşüncənin tribunasıdır. Onun səhifələrində əks olunan hər yazı, hər fikir, hər çağırış bir amalın təntənəsidir. Türkçülük ideyası bu qəzetin nəfəsində, ruhundadır. Burada yayımlanan yazılar gənclərə kimliyini tanıdır, köklərini xatırladır, millət ruhunu dirildir. Qəzetin əsas ideoloji sütunlarından biri də Bütöv Azərbaycan anlayışıdır. “Türküstan” parçalanmış Azərbaycanın yalnız xəritə üzərində deyil, düşüncələrdə və ürəklərdə də birləşməsi uğrunda mübarizə aparır. Güney Azərbaycan mövzusu qəzetin əsas prioritetlərindən biridir və bu sahədə verdiyi ideoloji töhfə gözardı edilə bilməz. Turan ideyası isə “Türküstan” qəzetinin daha geniş coğrafiyaya baxışını əks etdirir. Qəzetin səhifələrində Türk Dünyasının müxtəlif bölgələrindən yazılar yer alır – Qazaxıstandan, Qırğızıstandan, Türkiyədən, Uyğur ellərindən. Buradakı məqsəd bir ideyanın canlı qalmasını təmin etməkdir: Turan – Türk xalqlarının birlik məkanı. On doqquz il – bu, bir qəzet üçün sadəcə zaman deyil. Bu, mücadilə, davamlılıq və amal deməkdir. “Türküstan” qəzeti bu illər ərzində yüzlərlə yazarın səsini çatdırıb, minlərlə oxucunun düşüncəsinə yön verib, vətənsevərlik, milli şüur, türk birliyi uğrunda yorulmadan fəaliyyət göstərib. Bu gün “Türküstan” sadəcə bir qəzet deyil, bir məktəb, bir məfkurə, bir yoldur. On doqquz illik bu yol, gələcəyə uzanan Turan yoludur. Yolunuz uğurlu olsun! "Sözcü.az" saytının kollektivi

Yay fəsli (Yay Günəş duruşu) Azərbaycana iyunun 21-i saat 06:42:11-də daxil olacaq. Bakı Dövlət Universitetinin (BDU) Fizika fakültəsinin Astrofizika kafedrasından Sozcu.az-a verilən məlumata görə, bu zaman Yerin fırlanma oxu ilə Günəşin istiqaməti arasında ən kiçik bucaq əmələ gələcək. Nəticədə Günəş səmada ilin ən yüksək nöqtəsinə çatacaq. Bakıda Günəş həmin gün günorta vaxtı üfüqdən 73.1° hündürlükdə, yəni, maksimum yüksəklikdə görünəcək. Həmin gün ilin ən uzun gündüzünün və ən qısa gecəsinin müşahidə olunduğu gündür. Gündüzün uzunluğu 15 saat 3 dəqiqə 24 saniyə, gecənin uzunluğu isə 8 saat 56 dəqiqə 36 saniyə olacaq. Yay fəslinin uzunluğu 93 gün 15 saat 37 dəqiqə 5 saniyə təşkil edəcək.

Erməni Apostol Kilsəsinin yeni katolikosu olacaq. Sozcu.az xəbər verir ki, bunu Ermənistan parlamentinin sədri Alen Simonyan bildirib. “Bu gün özlərini “eşşək” kimi aparan və yüksək dəyərlərdən, müqəddəsliklərdən, hətta kainatdan danışan, birdən-birə subaylıq şəraitində dayı arvadı və ya uşağı ilə bağlı suala cavab verməmək və qorunması mümkün olmayan şeyi qorumağa çalışan bütün kilsə xadimləri, şəxslər yeni reallıqla üzləşəcək və ya köhnəsi ilə birlikdə gedəcəklər. Ən yaxşısı susmaqdır”, - deyə Simonyan özünün Teleqram kanalında yazıb. Onun sözlərinə görə, Eçmiədzində kiməsə “təhlükə keçənə qədər mağaralarda gizlənmək” taktikası nəyisə dəyişəcək kimi gəlirsə, səhv edir. “Əgər bu dairələrdə qanunsuz hərəkətlərin edilməsinin bir həll yolu olduğuna və qara keşiş paltarının qanun qarşısında məsuliyyətdən azad edəcəyinə inanan biri varsa, o, daha da çox yanılır. Ona görə də nə qədər tez reallıqla üzləşsəniz, hamınız üçün bir o qədər asan olacaq”, - deyə Simonyan bildirib. Qeyd edək ki, Ermənistan Baş naziri Nikol Paşinyanın bütün ertmənilərin katolikosu II Qaregini subaylıq andını pozmaqda və övlad sahibi olmaqda ittiham edib. Bundan əvvəl isə yepiskopun öz dayısının arvadı ilə intim münasibətdə olduğu haqda senzuradankənar statusu ilə gündəm yaratmışdı.

Ukrayna müharibənin 1204-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 999 200 hərbçi, 10 927 ədəd tank, 22 783 ədəd zirehli döyüş maşını, 29 016 ədəd artilleriya sistemi, 1 413 ədəd RYAS (reaktiv yaylım atəş sistemi), 1 183 hava hücumundan müdafiə sistemi, 416 ədəd hərbi təyyarə, 337 ədəd helikopter, 51 579 ədəd avtomobil texnikası, 40 297 ədəd PUA, 3 337 qanadlı raket, 28 gəmi/kater, 1 sualtı qayıq, 3 914 xüsusi avadanlıq itirib.

Şəmkirdə ölümlə nəticələnən yol-nəqliyyat hadisəsi baş verib. Sozcu.az APA-ya istinadən xəbər verir ki, hadisə Bakı-Qazax-Gürcüstan magistralının rayon ərazisindən keçən hissəsində qeydə alınıb. Avtomobil idarəetmədən çıxaraq yolun kənarına aşıb. Nəticədə 1 nəfər ölüb, azyaşlı xəsarət alıb. Hadisə yerinə DYP əməkdaşları cəlb olunub.

“Kolpino” Rusiya Qara Dəniz Donanmasının döyüş tapşırıqlarını yerinə yetirə bilən yeganə sualtı qayığı idi. Digər sualtı qayıqlar ya daimi olaraq təmir üçün zavodda qalır və ya təlim üçün istifadə edilir. Sozcu.az xəbər verir ki, bu barədə “VÇK-OQPU” Teleqram kanalı məlumat yayıb. “Ancaq indi həm “Kolpino”, həm də “Velikiy Novqorod” planlı yoxlamadan sonra yüksək komandanlıq tərəfindən naviqasiya təmirinə göndərilib. Buna görə də Qara dənizdəki sualtı donanmanın döyüş qabiliyyəti haqqında çox uzun danışmaq olar”, - məlumatda qeyd olunub.

ABŞ Prezidenti Donald Tramp Ukraynadakı münaqişənin həllinə yardım etmək öhdəliyinə sadiqdir. Sozcu.az xəbər verir ki, bunu Pentaqon rəhbəri Pit Heqset Vaşinqton və Kiyev arasında hərbi sahə də daxil olmaqla əlaqələrin gücləndirilməsi çağırışına cavab olaraq bildirib. "Hazırkı prezident sülhə sadiqdir. O, qan tökülməsini dayandırmağa sadiqdir",- deyə Heqset söyləyib. Heqsed bu arada Ukraynaya səfər etmək istəmədiyini də açıqlayıb.

Bakı şəhəri 112 nömrəli tam orta məktəbin ibtidai sinif müəlliminin musiqi dərsində şagirdlərə rəqs öyrədərkən uyğunsuz davranışı ilə bağlı araşdırma aparılıb. Bu barədə Oxu.Az-ın sorğusuna cavab olaraq Bakı Şəhəri üzrə Təhsil İdarəsindən məlumat verilib. Bildirilib ki, araşdırma çərçivəsində müəllim və valideynlərlə görüş keçirilib, müvafiq tövsiyələr verilib. Müəllimin izahatı alınıb və ona yazılı xəbərdarlıq edilib. Xatırladaq ki, mayın 27-də Sabunçu rayonu, Pirşağı qəsəbəsində yerləşən 112 saylı məktəbin ibtidai sinif müəlliminin 1-ci sinif şagirdlərinin ağzını "skoç"ladığını əks etdirən görüntüləri paylaşılmışdı.

İsrailin Qəzza zolağında humanitar yardım paylama mərkəzində fələstinlilərə hücumu nəticəsində ölənlərin sayı 36-ya çatıb. Sozcu.az xəbər verir ki, bu barədə anklav hökumətinin mətbuat xidməti məlumat yayıb. "İsrailin yeni cinayətləri nəticəsində ABŞ-İsrail humanitar yardım paylama mərkəzlərində çərşənbə axşamı səhər saatlarından etibarən ölənlərin sayı 36-ya yüksəlib, 208-dən çox yaralı var", - bəyanatda deyilir.

Ukrayna Prezidenti Vladimir Zelenski Rusiyanın bir sıra hüquqi və fiziki şəxslərinə yeni məhdudlaşdırıcı tədbirlər tətbiq edib. Sozcu.az xəbər verir ki, bu barədə Ukrayna prezidentinin saytında məlumat yayılıb. Bildirilib ki, sanksiya siyahısına 9 hüquqi və 50 fiziki şəxsin adı əlavə edilib.

Milli Qurtuluş Günü ilə əlaqədar 3 gün iş olmayacaq. APA-nın xəbərinə görə, bu il Milli Qurtuluş Günü - 15 iyun bazar gününə təsadüf edir. Əmək Məcəlləsinin tələbinə əsasən, 16 iyun qeyri-iş günü olacaq. Bu il 14 iyun şənbə gününə təsadüf edir. Beləliklə, 14, 15 və 16 iyun qeyri-iş günləri olacaq.