Azərbaycanın və Ermənistanın itkin düşmüş şəxslər üzrə dövlət komissiyalarının nümayəndələri arasında növbəti görüş keçirilib. Sozcu.az xəbər verir ki, görüş çərçivəsində tərəflər münaqişə zamanı itkin düşmüş şəxslərin taleyinin aydınlaşdırılması ilə bağlı humanitar məsələləri müzakirə ediblər. Görüşdə məlumat mübadiləsi imkanları, axtarış tədbirlərinin əlaqələndirilməsi məsələləri nəzərdən keçirilib. Tərəflər humanitar sahədə dialoqun davam etdirilməsinin vacibliyini vurğulayıb və itkin düşmüş şəxslərin ailələrinin maraqları naminə gələcək təmaslara hazır olduqlarını bildiriblər.

Prezident Vladimir Zelenski Mixaylo Drapatıyı Birləşmiş Qüvvələrin komandanı təyin edib. Sozcu.az xəbər verir ki, “RBC-Ukrayna”nın məlumatına görə, Mixaylo Drapatıy cəbhəyə rəhbərlik edəcək. Prezident Zelenski dünənki axşam müraciətində Mixaylo Drapatıy ilə döyüş məsələlərinə dair müzakirə apardıqlarını bildirib.

ABŞ-ın Rusiyaya qarşı sanksiyaları hazırdır, Konqres və Ağ Ev onları təsdiqləməyə hazırdır. Sozcu.az xəbər verir ki, bunu ABŞ prezidentinin Ukrayna və Rusiya üzrə xüsusi nümayəndəsi Keyt Kelloq deyib. “Keçən həftə sonu senator Lindsi Qremlə danışdım. Anladığım qədər, sanksiyalar hazırdır. Layihə 2025-ci il “Rusiya Sanksiya Aktı” adlanır. Bu, sanksiyalar kifayət qədər ağırdır. Məsələn, ABŞ-a idxalda gömrük dərəcəsi 500% təşkil edir. Konqresdə və Ağ Evdə bu məsələ ilə bağlı yekdil fikir var. Rusiya neft dövlətidir. Gəlirinin böyük hissəsini neft-kimya sənayesindən əldə edir. Bu sanksiyaların hədəfi məhz bu sənayedir”, - o bildirib.

Azərbaycanda ən dərin zəlzələlər Xəzər dənizində baş verir. Sozcu.az xəbər verir ki, bu AMEA nəzdində RSXM-nin baş direktoru Qurban Yetirmişli "Təbii fəlakətlər, ekoloji problemlər, yaşıl dünya" mövzusunda keçirilən konfransda deyib. O bildirib ki, həmin zəlzələlərin dərinliyi 60-70 km arasında olur.

Fövqəladə Hallar Nazirliyinin qaynar telefon xəttinə Sabirabad rayonunun Muğan Gəncəli kəndində fərdi yaşayış evində yanğın olması barədə ilkin məlumat daxil olub. Sozcu.az Nazirliyin yaydığı məlumata istinadla xəbər verir ki, bundan sonra müvafiq xilasetmə qüvvələri yanğın yerinə cəlb olunublar. “İlkin məlumata əsasən, yanğın ikimərtəbəli fərdi yaşayış evində baş verib. Yanğının kəşfiyyatı zamanı 4 nəfərin meyiti aşkar olunub. Yanğın söndürülüb, ətrafda olan tikililər yanğından mühafizə olunub. Əlavə məlumat veriləcək”, - məlumatda deyilir.

Ukrayna Təhlükəsizlik Xidməti Krım körpüsündə partlayış həyata keçirib. Sozcu.az xəbər verir ki, bu barədə qurum məlumat yayıb. Məlumata görə, UTX agentləri iyunun 3-nə keçən gecə Krım körpüsünün dayaqlarını minalayıb və ilk partlayıcı qurğunu işə salıblar. “Körpünün dayaqları ciddi zədələnib. Partlayış 1100 kq trotil ekvivalentində həyata keçirilib. Körpü qəzalı vəziyyətdədir”, - məlumatda bildirilib.

“Ukrayna dronları xeyli müddətdir ki, Rusiyaya məxsus ağır bombardmançı təyyarələrin ovuna çıxıb. Onlar həmin təyyarələri “axtarıb tapır” və dərhal məhv edirlər”. Sozcu.az xəbər verir ki, bu barədə ABŞ hərbi nəşri məlumat yayıb. Nəşrin məlumatına görə, Rusiya bu təyyarələri qorumaq üçün onları döyüş bölgəsindən minlərlə kilometr uzaqlıqda gizlətsə, habelə onların yerini tez-tez dəyişsə də, Ukrayna dronları bu təyyarələri tapmaqda, onları sıradan çıxarmaqda davam edir. Nəşrin məlumatına görə, son günlər Ukrayna dronlarının Rusiyanın ucsuz-bucaqsız ərazilərində tapıb məhv etdiyi təyyarələrdən biri də Tu-95 təyyarələridir. Ukrayna bu təyyarələrə Saratov yaxınlığındakı Engels hava bazasında təkrar zərbə endirdikdən sonra Rusiya həmin təyyarələri Murmans vilayətindəki Kola yarımadasında “gizlətmişdi”. Lakin Ukrayna dronları onları bu yarımada da tapmış və məhv etmişdir. Nəşr hesab edir ki, “Hörümçək toru” əməliyyatıdnan Urkrayna dronlarının Rusiya təyyarələrinə qarşı hücum əməliyyatlarəı daha intensiv və sistemli hal alacaq. Bu hücumlardan yayınmağı çətinləşdirən əsas amil isə həmin təyyarələrin hədsiz böyüklüyü səbəbindən peyk kəşfiyyatı tərəfindən rahatlıqla təsbit edilməsidir.

İyunun 2-dən Bakıda müşahidə edilən güclü külək bir sıra fəsadlara yol açıb. Sozcu.az Oxu.Az-a istinadla xəbər verir ki, növbəti hadisə paytaxtın Səbail rayonu, Xaqani küçəsində qeydə alınıb. Yol kənarındakı irigövdəli ağaclardan birinin budağı qoparaq avtomobilin üzərinə düşüb. Nəticədə maşına ziyan dəyib.

İyunun 4-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Milli Hidrometeorologiya Xidmətindən Sozcu.az-a verilən məlumata görə, iyunun 3-dən 4-nə keçən gecə və səhər bəzi yerlərdə yağış yağacağı, şimşək çaxacağı ehtimalı var. Arabir güclənən şimal-qərb küləyi axşama doğru zəifləyəcək. Havanın temperaturu gecə 17-20, gündüz 23-27 dərəcə isti olacaq. Atmosfer təzyiqi 759 millimetr civə sütunu təşkil edəcək. Nisbi rütubət gecə 70-75, gündüz 45-50 faiz olacaq. Azərbaycanın rayonlarında bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə intensiv və güclü olacağı, dolu düşəcəyi, yüksək dağlıq ərazilərdə qar yağacağı ehtimalı var. Axşam tədricən kəsiləcək. Gecə və səhər bəzi yerlərdə zəif duman gözlənilir. Qərb küləyi bəzi yerlərdə arabir güclənəcək. Havanın temperaturu gecə 14-18, gündüz 22-27, dağlarda gecə 5-10, gündüz 10-15 dərəcə isti olacaq. Naxçıvan şəhəri, Culfa, Ordubad, Sədərək, Şahbuz və Şərurda bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə yağıntının qısamüddətli leysan xarakterli olacağı, dolu düşəcəyi ehtimalı var. Axşam tədricən kəsiləcək. Arabir duman olacaq. Mülayim qərb küləyi əsəcək. Havanın temperaturu gecə 12-17, gündüz 23-28 dərəcə isti olacaq. Xankəndi, Şuşa, Xocalı, Xocavənd, Füzuli, Ağdam, həmçinin Daşkəsən-Gədəbəy, Göygöldə bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə yağıntının intensiv və güclü olacağı, dolu düşəcəyi ehtimalı var. Axşam əksər rayonlarda tədricən kəsiləcək. Arabir duman olacaq. Qərb küləyi bəzi yerlərdə arabir güclənəcək. Havanın temperaturu gecə 5-10, gündüz 15-20 dərəcə isti proqnozlaşdırılır. Şərqi Zəngəzur: Cəbrayıl, Kəlbəcər, Qubadlı, Laçın, Zəngilanda bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə yağıntının intensiv olacağı, dolu düşəcəyi ehtimalı var. Axşam tədricən kəsiləcək. Arabir duman gözlənilir. Qərb küləyi bəzi yerlərdə arabir güclənəcək. Havanın temperaturu gecə 5-10, gündüz 15-20 dərəcə isti olacaq. Qazax, Gəncə, Samux, Goranboy, Tərtər, Şəmkir, Tovuz, Naftalanda bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə yağıntının intensiv olacağı, dolu düşəcəyi ehtimalı var. Arabir duman gözlənilir. Qərb küləyi bəzi yerlərdə arabir güclənəcək. Havanın temperaturu gecə 14-18, gündüz 21-26 dərəcə isti təşkil edəcək. Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusarda bəzi yerlərdə arabir leysan xarakterli yağış yağacağı, şimşək çaxacağı gözlənilir. Ayrı-ayrı yerlərdə yağıntının intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var. Arabir duman gözlənilir. Qərb küləyi bəzi yerlərdə arabir güclənəcək. Havanın temperaturu gecə 12-17, gündüz 18-23, dağlarda gecə 5-10, gündüz 10-15 dərəcə isti olacaq. Yevlax, Ağdaş, Kürdəmir, İmişli, Ağcabədi, Bərdə, Beyləqan, Sabirabad, Mingəçevir, Biləsuvar, Saatlı, Göyçay, Ucar, Şirvan, Hacıqabul, Zərdab, Salyan, Neftçalada bəzi yerlərdə arabir leysan xarakterli yağış yağacağı, şimşək çaxacağı proqnozlaşdırılır. Ayrı-ayrı yerlərdə yağıntının intensiv və güclü olacağı, dolu düşəcəyi ehtimalı var. Axşam tədricən kəsiləcək. Arabir duman olacaq. Qərb küləyi bəzi yerlərdə arabir güclənəcək. Havanın temperaturu gecə 14-18, gündüz 22-27 dərəcə isti təşkil edəcək. Masallı, Yardımlı, Lerik, Lənkəran, Astara, Biləsuvar, Cəlilabadda bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə yağıntının leysan xarakterli intensiv olacağı, dolu düşəcəyi ehtimalı var. Axşama doğru tədricən kəsiləcək. Arabir duman olacaq. Mülayim şimal-şərq küləyi əsəcək. Havanın temperaturu gecə 16-18, gündüz 22-27, dağlarda gecə 13-16, gündüz 16-19 dərəcə isti olacaq. Qeyd edək ki, ölkə ərazisində müşahidə olunan qeyri-sabit hava şəraiti iyunun 5-dək davam edəcək.

Azərbaycanda iyunun 3-ü saat 17:00-a olan məlumata əsasən hazırda küləkli və yağıntılı hava şəraiti müşahidə edilir. Sozcu.az xəbər verir ki, bu barədə Milli Hidrometeorologiya Xidməti məlumat yayıb. Kəlbəcər, Xankəndi, Laçın, Şuşa, Ağdam, Xocalı, Ağdərə, Daşkəsən, Gədəbəy, Tərtər, Mingəçevir, Göygöl, Yevlax, Gəncə, Goranboy, Naftalan, Şəmkir, Balakən, İmişli, Şamaxı, Ağsu, Qəbələ, Şəki, Zaqatala, İsmayıllı, Xınalıq, Qrız, Qusar, Quba, Xaltan, Sabirabadda arabir şimşək çaxır, leysan xarakterli yağış yağır. Şahdağa isə qar yağması müşahidə edilir. Saat 16:21-16:24 radələrində Xankəndi şəhərinə diametri 8-10 mm olan dolu düşüb. Bəzi yerlərdə şimal-qərb küləyi əsir, küləyin maksimal sürəti Bakıda və Abşeron yarımadasında 28, Zərdabda 18, Sabirabadda 17, Naxçıvanda 16, Cocuqmərcanlı və Şamaxıda 15 m/s-yə çatır.

“Regionlarda yaşayan sakinlərə müavinət verilməli və onlar vergilərdən azad etməlidirlər”. Bu sözləri "Yeni Sabah"a hüquqşünas Əkrəm Həsənov deyib. O, deputat Zahid Orucun bu gün Milli Məclisdə səsləndirdiyi təkliflərə, o cümlədən bəzi bölgələr üçün elektrik enerjisi və qaza tariflərin 3 dəfə azaldılması  münasibət bildirib. Ə. Həsənov qeyd edib ki, təklifin reallaşdırılmsında hüquqi və iqtisadi baxımdan ciddi problem görmür: "Amma dəyişikliyi Tarif Şurasının qərarı ilə etmək olar. Texniki cəhətdən problem yoxdur, problem mümkün oğurluq və korrupsiyadir. Hər şeydən pul çıxarmağı bacarırıq axı. İşığı, qazı, suyu məhz lazımlı bölgəyə yox, digər bölgələrə verəcəklər ki, “podkat” alsınlar. Heç kim bu hallara görə bölgələrə gedib məsələni araşdıran deyil”. Ekspert əlavə edib ki, kommunal xidmət göstərən qurumlar – “Azərişıq”, “Azəriqaz”, “Azərsu” – dövlətə məxsus olsa da, kommersiya təşkilatlarıdır: “Bu təşkilatların əsas məqsədi qazanc əldə etməkdir. Ən azı öz xərclərini gəlirləri ilə bağlamaq üçün. Fikrimcə, bu təşkilatlar mənfəətlə işləməlidirlər ki, dövlətə yük olmasın”. Onun sözlərinə görə, əgər bu sistem qurularsa, regionlara da kommunal xidmətlərin maya dəyərindən aşağı qiymətlə çatdırılması mümkün olar. Əkrəm Həsənov qeyd edib ki, regionlarda yaşayan vətəndaşlara güzəştlər verilməli, lakin bu, daha şəffaf və konkret mexanizmlərlə həyata keçirilməlidir: “Regionlarda yaşayan sakinlərə, əlbəttə, güzəştlər olunmalıdır, lakin başqa formada. Yəni vergidə və ya dövlət həmin bölgələrdə yaşayanlara müəyyən miqdarda müavinət versə, bu məsələ daha aydın və şəffaf olacaq”. Xatırladaq ki, Sosial Tədqiqatlar Mərkəzinin İdarə Heyətinin sədri, deputat Zahid Oruc Milli Məclisin növbədənkənar sessiyasının bu gün keçirilən ilk iclasında sərhədyanı kəndlərə "Böyük qayıdış"ı təmin etmək üçün elektrik və qaz tariflərini 3 dəfə azaltmağı təklif edib. Onun sözlərinə görə, Gədəbəy, Kürdəmir və Bakıda orta illik temperatur fərqli olduğu üçün 7 ay soyuq şəraitdə yaşayan əhali diferensial tarifləri tətbiq etməyin əsası var: "Hər hansı büdcə itkisi olmayacaq, əksinə, əhalinin geridönüşü artdıqca, sıxlığın yaratdığı problemlər - mənzil, əmək və yollar, körpülər, keçidlərə qoyulan səraməyələri bölgələrə yönəltmək mümkün olacaq. Tarif siyasəti ilə yanaşı, maaşlar və iş yerlərinin bölgələrdə açılmasına yönələn güzəştlər siyasəti ilə daxili miqrasiyanın yalnız bir istiqamətdə getməsinin qarşısı ala bilərik". Məsələ ilə bağlı “Azəriqaz” İstehsalat Birliyinin İctimaiyyətlə əlaqələr şöbəsinin rəisi Eldəniz Vəliyev bildirib ki, qurum limitlərin yenilənməsinə baxan səlahiyyətli qurum deyil. "Azərişığ"ın mətbuat katibi Vaqif Aydınoğlunun köməkçisi Pərvanə Kazımzadə də oxşar cavab verib.

Dövlət İmtahan Mərkəzi (DİM) iyulun 8-dək I, II, III və IV ixtisas qrupları üzrə qəbul imtahanının ikinci mərhələsinin 2-ci cəhdində iştirak etmək üçün qeydiyyat aparır. DİM-dən Sozcu.az-a bildirilib ki, imtahanın 2-ci cəhdində iştirak etmək istəyənlər şəxsi kabinetin istifadəçi adı və parolundan istifadə etməklə DİM-in müvafiq internet səhifəsinə daxil olaraq yenidən imtahan vermək istədikləri ixtisas qrupunu seçərək qeydiyyatdan keçirlər və müvafiq qaydada ödəniş (ödəniləcək məbləğ barədə sistem tərəfindən avtomatik olaraq istifadəçiyə məlumat verilir) edirlər. Aşağıdakı kateqoriyadan olan Azərbaycan Respublikası vətəndaşlarının (yalnız ümumi təhsil müəssisələrini bitirin) imtahanda iştirakı dövlət büdcəsinin vəsaiti hesabına həyata keçirilir: -Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin uşaqları; şəhid ailəsinin üzvləri; valideynlərini itirmiş və valideyn himayəsindən məhrum olmuş uşaqlar; məcburi köçkün statusu olan şəxslər; I və II dərəcə əlilliyi müəyyən edilmiş şəxslər, o cümlədən sağlamlıq imkanları məhdud 18 yaşınadək uşaqlar. Bu abituriyentlər haqqında məlumat DİM tərəfindən müvafiq icra orqanlarının informasiya sistemlərindən elektron üsullarla əldə olunur. İmtahanda yalnız göstərilən tarixlərdə qeydiyyatdan keçmiş abituriyentlər iştirak edə bilərlər. Abituriyentlərə ikinci imtahana qeydiyyat zamanı birincidəkindən fərqli ixtisas qrupunu seçməyə icazə verilir. Mayın 4-də keçirilmiş Azərbaycan dili (dövlət dili) imtahanından qeyri-məqbul alan abituriyentlərə də yay qəbul imtahanına qeydiyyatdan keçməyə icazə verilir. Lakin həmin abituriyentlər iyunun 29-da keçiriləcək II Azərbaycan dili imtahanından qeyri-məqbul aldıqları təqdirdə müsabiqəyə buraxılmayacaqlar. Qəbul imtahanlarının ikinci cəhdi II və III ixtisas qrupları üzrə iyulun 6-da, I və IV ixtisas qrupları üzrə isə iyulun 13-də keçiriləcək. Coğrafiya fənni üzrə əlavə imtahan da iyulun 13-də təşkil olunacaq.

Bakı Məhkəmə Kompleksində müharibə qanunlarını və adətlərini pozma, terrorçuluq, terrorçuluğu maliyyələşdirmə və digər maddələrlə təqsirləndirilən Ruben Vardanyanın cinayət işi üzrə məhkəmənin baxış iclası başlayıb. Sozcu.az xəbər verir ki, proses Bakı Hərbi Məhkəməsinin hakimi Zeynal Ağayevin sədrliyi ilə keçirilir. Xatırladaq ki, Ruben Vardanyan Azərbaycan Respublikası Cinayət Məcəlləsinin 100 (təcavüzkar müharibəni planlaşdırma, aparma), 107 (əhalini deportasiya etmə və ya məcburi köçürmə), 109 (təqib), 112 (beynəlxalq hüquq normalarına zidd azadlıqdan məhrum etmə), 113 (işgəncə), 114 (muzdluluq), 115 (müharibə qanunlarını və adətlərini pozma), 116 (silahlı münaqişə zamanı beynəlxalq humanitar hüquq normalarını pozma), 214 (terrorçuluq), 214-1 (terrorçuluğu maliyyələşdirmə) əməllərinin törədilməsində təqsirləndirilib. O, həmçinin həmin məcəllənin 218 (cinayətkar birlik (təşkilat) yaratma), 228 (qanunsuz olaraq silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə), 270-1 (aviasiya təhlükəsizliyinə təhdid yaradan əməllər), 278 (hakimiyyəti zorla ələ keçirmə və onu zorla saxlama, dövlətin konstitusiya quruluşunu zorla dəyişdirmə), 279 (qanunvericiliklə nəzərdə tutulmayan silahlı birləşmələri və qrupları yaratma), 318-ci (Azərbaycan Respublikasının dövlət sərhədini qanunsuz olaraq keçmə) və digər maddələrində nəzərdə tutulan əməllərin törədilməsində ittiham olunur.

2024-cü ilin qəbul imtahanlarında yüksək nəticə göstərən abituriyentlərin faiz nisbəti üzrə bölgüsü bəzi maraqlı nəticələri ortaya çıxarıb. Sozcu.az-ın "Abituriyent" jurnalından əldə etdiyi məlumata görə, Şahbuz rayonu 500-700 bal aralığında nəticə göstərən şagirdlərin faizinə görə ölkə üzrə birinci yerdədir. Bu rayonda imtahanda iştirak edənlərin 18.06 faizi yüksək nəticə göstərib. Şahbuzu Sumqayıt (16.72%), Qəbələ (15.18%), Qax (14.7%), Mingəçevir (14.1%), Şəki (13.89%), İsmayıllı (13.85%) və Bakı (13.44%) izləyir. 600 baldan yuxarı nəticə göstərənlərin sayına gəlincə, Bakıya 1289 nəfər, Sumqayıtda 244 nəfər, Abşeronda 149 nəfər, Gəncədə 106 nəfər, Mingəçevirdə isə 46 nəfər təşkil edib.

Birinci Qarabağ müharibəsinin daha bir itkin şəhidi - Sahil Nurəddin oğlu İbrahimov iyunun 3-də paytaxtın Suraxanı rayonunun Əmircan qəsəbəsində yerləşən qəbiristanlıqda dəfn olunub. Sozcu.az xəbər verir ki, dəfn mərasimində şəhidin ailə üzvləri, Müdafiə və Daxili İşlər nazirliklərinin əməkdaşları, rayon icra hakimiyyətinin nümayəndələri və sakinlər iştirak ediblər. İtkin şəhid yaylım atəşi və hərbi orkestrin müşayiəti ilə Dövlət Himnimizin sədaları altında torpağa tapşırılıb. Şəhidin ruhuna dualar oxunub, məzarının üzərinə əklillər qoyulub, gül dəstələri düzülüb. Şəhid üçün cənazə namazı qılınıb. Tabutun büküldüyü Azərbaycanın üçrəngli Dövlət Bayrağı şəhidin yaxınlarına təqdim olunub. Qeyd edək ki, 1970-ci il iyulun 23-də Ermənistanın Amasya rayonunun Çivinli kəndində anadan olan Sahil İbrahimov 1993-cü il fevralın 9-da Ağdərə rayonunun Mehmanə kəndi istiqamətində gedən döyüşlərdə itkin düşmüşdü.

Azərbaycanda 600-dən yuxarı bal toplayan məzunlarının sayına görə öndə olan məktəblər açıqlanıb. Sozcu.az-ın "Abituriyent 12" jurnalında əldə etdiyi məlumata görə, aşağıdakı məktəblərin məzunları 2024-cü ildə 600-dən çox bal toplayan şagirdlərin say nisbətinə görə öndə olub. 1. Sumqayıt şəhəri Təbiət elmləri təmayüllü gimnaziya 2. Bakı Türk Liseyi (BDU-nun nəzdində, təsisçi Türkiyə Diyanət Vəqfi) 3. Kimya-biologiya təmayüllü lisey 4. Fizika, riyaziyyat və informatika təmayüllü lisey 5. Bakı şəhəri Humanitar fənlər təmayüllü məktəb-lisey 6. Akademik Z.Əliyeva adına lisey 7. Şəki şəhər Kimya-biologiya təmayüllü Respublika liseyi 8. Gəncə şəhər fizika, riyaziyyat və informatika təmayüllü liseyi 9. Sumqayıt şəhəri “İstedad” liseyi 10. Xəzər Universitetinin nəzdində “Dünya” məktəbi 11. Qubadlı rayonu Çaytumas kənd tam orta məktəbi 12. Qax rayonu 4 saylı şəhər tam orta məktəbi 13. Qax rayonu 9 saylı şəhər tam orta məktəbi 14. BDU-nun nəzdində “Gənc istedadlar” liseyi 15. Sumqayıt şəhəri Texniki və təbiət elmləri liseyi 16. Bakı Avropa liseyi 17. İsmayıllı rayonu Diyallı kənd tam orta məktəbi 18. Akademik Z.Əliyeva adına Zaqatala rayonu Texniki fənlər liseyi 19. Qəbələ rayonu Nohurqışlaq kənd tam orta məktəbi 20. Kəlbəcər rayonu 56 saylı tam orta məktəb 21. M.İbrahimov adına Biləsuvar lisey-məktəb kompleksi 22. Şirvan şəhər kimya-biologiya təmayüllü lisey 23. Şərur rayonu Fizika-riyaziyyat təmayüllü lisey 24. Ağstafa rayonu Həsənsu kənd tam orta məktəbi 25. Bakı şəhəri 213 saylı məktəb-lisey 26. Şəki rayonu Şəhər fizika-riyaziyyat və humanitar təmayüllü lisey 27. Fizika, riyaziyyat və informatika təmayüllü Respublika liseyinin Quba rayonundakı sinifləri 28. Şəmkir şəhər Kimya-biologiya təmayüllü lisey 29. Sumqayıt şəhəri 24 saylı tam orta məktəb 30. Bakı şəhəri 287 saylı “ZəkaIar” liseyi 31. Mingəçevir şəhəri 9 saylı şəhər tam orta məktəbi 32. M.Füzuli adına Ordubad rayonu İnternat tam orta məktəbi 33. Kəlbəcər rayonu 117 saylı tam orta məktəb 34. Lənkəran rayonu Gərmətük qəsəbə tam orta məktəbi 35. Culfa rayonu 2 saylı şəhər tam orta məktəbi 36. Bakı şəhəri 264 saylı məktəb-lisey 37. Bakı şəhəri 188 saylı tam orta məktəb 38. Şəmkir rayonu Şəmkir şəhər Morul tam orta məktəbi 39. Qəbələ rayonu Soltan Nuxa kənd tam orta məktəbi.

İyunun 4-də Bakı Apelyasiya Məhkəməsində mənim evimi əlimdən almaq istəyən “Yelo bank” ilə məhkəmə çəkişməmiz davam edəcək. Yadınızdadırsa, Azərbaycan Respublikası Auditorlar Palatası tərəfindən hazırlanmış ekspertiza rəyində mənim mənzilimin girov qoyulması müqabilində 2008-ci ildə dostuma verilən kreditin manatla verildiyi və artıqlaması ilə ödənildiyi göstərilmişdi. Apelyasiya Məhkəməsinin hakimi Sabit Bəhramzadə həmin rəyi əsas götürərək bizim xeyrimizə qərardad çıxarmaq əvəzinə, bankın tələbilə işi artıq 6-cı dəfə ekspertizaya qaytarmışdı. “Yelo bank” Ədliyyə Nazirliyinin Məhkəmə Ekspertiza Mərkəzinə necə təsir göstəribsə, qurum nəinki mənə qarşı, hətta özünə qarşı rəy çıxarıb. Ekspertiza Mərkəzi heç bir əsaslandırmaya ehtiyac duymadan bankın iddiasını olduğu kimi təkrarlayıb. Ədliyyə Nazirliyinin Məhkəmə Ekspertiza Mərkəzi eyni iş üzrə bundan əvvəlki 14 dekabr 2023-cü il tarixli rəyində borcun manatla verildiyi və ümumi məbləğin faizlə birlikdə 40 015 AZN olduğu göstərildiyi halda, 22 aprel 2025-ci il tarixli digər rəydə isə borcun 38 990 ABŞ dollar olduğu barədə saxta rəy çıxarıb. Bir daha deyirəm, kredit manatla verilib, müvafiq ipoteka müqaviləsi manatla tərtib edilib. Bankın tərtib etdiyi ödəniş tapşırığında (“платежка”) məbləğ manat ilə göstərilib. Vəsait təhvil alınarkən verilən qəbzdə də məbləğ manatla göstərilib. 33 500 manata qarşı banka 59 800 manat qaytarılıb. Amma “Yelo bank” verdiyi kreditdən iki qat bəhrələndiyi halda, əlavə olaraq devalvasiyadan da bəhrələnmək üçün, onun sahibinin ana dilində desək, наглым образом əlavə olaraq 40 000 dollar tələb edir. Ədliyyə Nazirliyi Məhkəmə Ekspertiza Mərkəzi davamlı təsirlərdən sonra məni Marina Kulişovaların, Vasili Xamazaların ayağına verdi. Narahatam ki, iyunun 4-də Apelyasiya Məhkəməsi də bunu edə bilər. Mən Qarabağ qazisi olsam da, hökumətdən nə mənzil, nə maşın almışam. İndi öz evimi də əlimdən almaq istəyirlər. Bütün yaxşı insanlardan ictimai dəstək istəyirəm. Mustafa Hacıbəyli (Kreditin manatla verildiyini sübut edən sənədlər – ipoteka müqaviləsi, bankın tərtib etdiyi ödəniş tapşırığı və pulun təhvil verildiyi vaxt imzalanan qəbz).(Basta)

Bu gün nədənsə canım çox sıxılırdı. İçimdəki darıxmaqlıq hissi məni rahat buraxmadığından biraz hava alım deyib, hər zaman üzüntülərimin qucağı sandığım təbiətin insan əli dəyməyən meşəliyinə üz tutdum. Çılpaq ağacların arasında gəzərkən yerdə quru  ağac budaqlarıyla yaşıl yosunluğun arasında üzümə dikilmiş muncuq kimi bir cüt gözə sataşdı gözlərim. Əyilərək baxdım və soyuqdan büzüşüb titrəyən bir canlının olduğunu gördüm.  Hər tərfəfi Günəş işığının aydınlığına bürünmüş dünyada, kiçik ağac budaqlarının kölgəsinə sığdırmışdı bir əl qədər, kiçicik canını. Elə böyük bir üzüntüylə baxırdı ki, o gözlərin cevrəsindəki kirpikıər qorxunun sərt qandalları kimi saplanmışdı həndəvərinə. Səssiz-səssiz baxan bəbəklərindən  iniltinin acı və üzüntülü harayı duyulurdu... Mənim işıqlı  sandığım dünya qaranlıq köynəyini çəkmişdi bu gözlərin üstünə. Ölü kimi çökmüşdü yaş torpağa. Dünyası o qədər qaranlıqdı ki, bir işıq damlasının  parıltısını görmək ümidinə gücünün yetə biləcəyi qədər ön ayaqları arasında düşüb qalmış başını qaldırmağa çalışırdı. Hənirtimi hiss etmiş kimi yaralı pəncələrini də qurd düşmüş vücudana dayaq etmək istəyirdi. Zəif, çarəsiz olduğu qədər yorğun və məsumca baxırdı. Bütün məsumiyyəti ilə baxır və danışan baxışlarıyla canına taraşan qurdların bədənini yeyib bitirəcəyi ehtimalını düşünmək istəmidiyini bəyan edirdi... Susqun və çarəsiz... Sadəcə inləyirdi... Səsiylə deyil, baxışlarıyla İmdad diləyirdi... Kim bilir, bəlkə də onun hayqırmaq istəyən səsini elə üstünə çökmüş qorxuya əsir edən insan adlı varlıqlar susdurmuşdular... Çarəsizliyin, aclığın, səfalətin bataqlığından üzümə baxıb bir damlacıq ümidin məndən gələcəyini diləyən bu məsumiyyət əslində mənim, mən insan övladının qaranlığında boğulan mənliyi insanlığıydı! Əlimi ona uzatdım, sadəcə baxdı, və o səssiz iniltisini içinə çəkdi. Kirpiklərinə çökmüş qorxunun soyuq nəfəsi dəydi sanki üzünə və oyandı. Oyanması nəyə yarardı ki..? Nə duracaq qüvvəti, nə yeriyəcək halı, nə gizlənəcək köşəsi vardı. Tək sığınacağıydı onu ağuşunda saxlayan qorxunun qucağı. Bir az onun oyanmışlığıyla baş -başa buraxıb gözlərinin içinə baxdım. Baxışlarımla içindəki qorxunu yox etməyə çalışdım, lakin bacarıb- bacarmadığımı bilmək üçün ona yenidən toxunmalı olduğumu düşündüm. Yenidən əllərimlə üzünə toxundum, bu dəfə baxışlarından deyil, içindən gələn çingiltili bir səs duydum. Bu səs onun ümid qığılcamlarına oyanmış səsiydi. Kövrək bir sevgiylə onu oxşamağa başladım. Mən çənəsinin altını sığalladıqca içindən gələn cingiltili səsin də artıb çoxaldığını duydum.  Bu ona qucaq açmış sevgiyə baxan gözlərindən yağan sevincin çığırıqlarıydı. Artıq nə ona sarılmış qurdlar, nə onun çarəsizlikdən boğulan hıçqırıqları, nə səssiz çığırıqları, nə də gözlərindəki acının qara qorxusu vardı. Sadəcə yalvarışlı baxış və ümidinin ilıq hərarətinə diksinmiş qulaqları. Əlimi boğazıma aparıb boynumdakı yaylığı çıxardım. Onun qurd basmış yarasındakı qurdları yaylıqla sığallayıb təmizlədikdən sonra gödəkçəmi də çıxarıb onu gödəkçəmə bükdüm. Mən bunları edərkən o imidinin kölgəsində şirin xəyala dalmış kimi sakit, səssiz-ssəsiz məni izləyirdi. Onu ağuşuma aldım. Körpə bir uşaq kimi başını köksümə qoydu. Aclıqdan, xəstəlikdən pis qoxuyan iyli nəfəsini üzümdə hiss etdim. Bu nəfəsdə qəlbinin həyacanı ilə zəifliyinin çırpıntıları bir-birinə qarışmışdı sanki. Burnunun dəliklərindən bir ağırlıq, zingiltiyə bənzər səslər duydum. Canı çox incinmişdi...Onu qucağıma alıb yeridikcə burun dəliklərinin səsi artıb çoxalırdı...Sanki o da qucağımda yox mənimlə birgə yeriyirdi. Gödəkcənin üzərindən o bir əlimi belinə qoydum. Nəfəsində duyduğum bütün səslərin xışıltısı bir anda əlimin içini yararaq bütün vücuduma yayıldı sanki. Canındakı ağrıları bütün varlığımla hiss etdim. Onu iki əlimlə də köksümə sıxıb üzümü üzünə dayadım. Qucağımda mən insan oğlunun biganəliyindən ağrınan bir can daşıyırdım...Boğazımda düyünlənmiş qəhər böyük bir hönkürtü  kükrəməsiylə töküldü gözlərimdən. Səsimdəki acıya içimdəki Tanrı oyandı. Ehkam zamanı! Reyhanə Aslan

Azərbaycanda bu həftədən etibarən bayram tətili başlayır. İş vaxtı norması və istehsalat təqviminə əsasən, iyunun 6 və 7-si Qurban bayramı, 15-i Milli Qurtuluş Günü, 26-sı isə Azərbaycan Respublikasının Silahlı Qüvvələri Günüdür. İyunun 7-si şənbə gününə təsadüf etdiyi üçün Əmək Məcəlləsi və Nazirlər Kabinetinin qərarlarına əsasən, beşgünlük iş həftəsində 9 iyunda da iş olmayacaq. Beləliklə, Qurban bayramı ilə əlaqədar 4 gün ardıcıl - 6, 7, 8, 9 iyun tarixləri istirahət günləridir. Həmçinin iyunun 15-i bazar gününə təsadüf etdiyindən 16 iyun da qeyri-iş günü olacaq. Qeyd edək ki, bu ay şənbə və bazar günləri də daxil olmaqla, 13 gün qeyri-iş günüdür.

İstanbulda Ukrayna və Rusiya nümayəndə heyətləri arasında danışıqların ikinci raundu başa çatıb. Sozcu.az xəbər verir ki, Ukrayna prezidenti Vladimir Zelenski danışıqlar barədə ilkin fikrini ifadə edib. "İstanbulda danışıqlar indicə başa çatıb və mən müdafiə naziri Umerovun tam hesabatını gözləyirəm. Onlar Türkiyə tərəfi vasitəsilə sənədlər mübadiləsi aparıblar və biz hərbi əsirlərin yeni azad edilməsinə hazırlaşırıq", - Zelenski vurğulayıb. Eyni zamanda, Zelenskinin qeyd etdiyi kimi, vəziyyət bu gün aydın görünür. "Rusiya İstanbuldakı görüşü boş söhbətə çevirsə, təzyiqin yeni səviyyəsi, təkcə Avropadan deyil, digər yerlərdən də yeni sanksiyalar olmalıdır. ABŞ da daxil olmaqla, G7 səviyyəsində və dünyada sülh istəyən hər kəsin birgə sanksiyalarına ehtiyacımız var", - Zelenski vurğulayıb. Prezident hesab edir ki, Rusiyaya qarşı sanksiyalar Rusiyanın neft ticarətini və onun tankerlərdən istifadəsini ciddi şəkildə məhdudlaşdırmaq üçün lazımdır. Zelenskinin fikrincə, sanksiyalar, o cümlədən ikinci dərəcəli sanksiyalar - tariflər və neftin maksimal qiymətinin aşağı salınması işə yaraya və Rusiyanı sülh bağlamağa vadar edə bilər.

Mingəçevirdə avtomobil iki piyadanı vurub. Sozcu.az xəbər verir ki, "KİA" markalı minik maşını 2008-ci il təvəllüdlü Ə.Nəzirlini və onun həmyaşıdı M. Məmmədlini vurub. Hadisə nəticəsində xəsarət alan yeniyetmələr xəstəxanaya yerləşdirilib. Faktla bağlı Mingəçevir şəhər Polis şöbəsində araşdırma aparılır.

Bakının bir sıra yollarında nəqliyyatın sıxlığı müşahidə olunur. Sozcu.az xəbər verir ki, bu barədə Nəqliyyatı İntellektual İdarəetmə Mərkəzi (NİİM) məlumat yayıb. Hazırda: 1. Bakı-Sumqayıt şosesi, "Xırdalan" dairəsi istiqamətində; 2. Alı Mustafayev küçəsi, Ziya Bünyadov prospekti istiqamətində; 3. Ziya Bünyadov prospekti, Əbdülvahab Salamzadə küçəsi ilə kəsişmədən Əhməd Rəcəbli küçəsi istiqamətində; 4. Ziya Bünyadov prospekti, Bakı Olimpiya Stadionunun qarşısından metronun "20 Yanvar" stansiyası istiqamətində; 5. Əbdülvahab Salamzadə küçəsi, Ziya Bünyadov prospekti istiqamətində; 6. Atatürk prospekti, Ziya Bünyadov prospekti istiqamətində; 7. Bakıxanov küçəsi, İnşaatçılar prospekti ilə kəsişmədən "Dədə Qorqud" parkı istiqamətində; 8. Tbilisi prospekti, İzmir küçəsi ilə kəsişmədən metronun "20 Yanvar" stansiyası istiqamətində; 9. Tbilisi prospekti, metronun "20 Yanvar" stansiyasından mərkəz istiqamətində; 10. Xətai prospekti, Heydər Əliyev prospekti istiqamətində; 11. Yusif Səfərov küçəsi, mərkəz istiqamətində; 12. Yusif Səfərov küçəsi, Heydər Əliyev prospekti istiqamətində; 13. Afiyəddin Cəlilov küçəsi, Yusif Səfərov küçəsi istiqamətində; 14. Azadlıq prospekti, Salatın Əsgərova küçəsi ilə kəsişmədən Dilarə Əliyeva küçəsi ilə kəsişməyə qədər; 15. 28 May küçəsi, Puşkin küçəsi ilə kəsişmədən Rəşid Behbudov küçəsi ilə kəsişməyə qədər; 16. Şəmsi Bədəlbəyli küçəsi, "Qış parkı"nın qarşısından Mərkəzi Bank istiqamətində; 17. Mikayıl Useynov prospekti, Bayraq Meydanının qarşısından "Azneft" dairəsi istiqamətində; 18. Bülbül prospekti, metronun "Sahil" stansiyasının qarşısında; 19. Səməd Vurğun küçəsi, Lev Tolstoy küçəsi ilə kəsişmədən Neftçilər prospekti istiqamətində; 20. Heydər Əliyev prospekti, əsas yol, mərkəz istiqamətində; 21. Heydər Əliyev prospekti, köməkçi yol, mərkəz istiqamətində; 22. 8 Noyabr prospekti, Süleyman Əhmədov küçəsi ilə kəsişmədən Zığ şosesi istiqamətində sıxlıq müşahidə olunur.

Azərbaycanın şimal və qərb rayonlarından başlayaraq İyunun 2-si axşamdan 5-dək arabir leysan xarakterli yağış yağacağı, şimşək çaxacağı gözlənilir. Sozcu.az xəbər verir ki, bu barədə Milli Hidrometeorologiya Xidməti məlumat yayıb. Ayrı-ayrı yerlərdə yağışın intensiv və güclü olacağı, dolu düşəcəyi, yüksək dağlıq ərazilərdə sulu qara keçəcəyi ehtimalı var. Gözlənilən yağıntılar ilə əlaqədar çaylarda sululuğun artacağı, Böyük və Kiçik Qafqaz ərazisindən axan çaylardan qısamüddətli sel və daşqın keçəcəyi ehtimal olunur.

Sabirabadda 16 yaşlı oğlan kanalda boğulub. Sabirabad rayonu Əhmədabad kənd sakini, 2009-cu il təvəllüdlü Bilalov Bayram Şahin oğlu su kanalında çimərkən batıb. Faktla bağlı Sabirabad rayon prokurorluğunda araşdırma aparılır.Report.az)