Sosial şəbəkələrdə yayılan məlumata görə, Azərbaycanda fəaliyyət göstərən "MilliÖn" və "E-manat" ödəniş terminallarında ödəniş edən zaman 1% komissiya haqqı tutulur. Xüsusilə kredit ödənişlərində komissiya haqqının tutulduğu bildirilir.  Vətəndaşlar komissiya haqqının qəbzlərdə əks olunmamasından narazıdırlar.  Modern.az məsələ ilə bağlı "MilliÖn" şirkəti ilə əlaqə saxlayıb.  vakansiyalar Şirkətdən bəzi ödənişlərdə komissiya haqqının tutulduğu təsdiqlənib. Bildirilib ki, ödəniş olunan zaman monitorda komissiya çıxılacağı ilə bağlı məlumat əks olunur.  "Bu komissiya isə bankın istəyi əsasında tətbiq olunur. Komissiyanın qəbzdə əks olunmaması ilə müvəqqətidir və tezliklə həyata keçiriləcək. Proses yeni tətbiq olunduğu üçün bu biraz vaxt alır”, - açıqlamada qeyd olunub. 

Azərbaycan Respublikasının Prezidenti İlham Əliyev sentyabrın 20-də Xankəndi şəhərində Qarabağ Universitetinin təmirdən sonra açılışında iştirak edib. Sozcu.az xəbər verir ki, dövlətimizin başçısı Qarabağ Universitetinin müəllim və tələbə heyəti ilə görüşüb və çıxış edib.

Sumqayıtda 9 yaşlı oğlanın ölümü ilə nəticələnən yol qəzası baş verib. Sozcu.az xəbər verir ki, hadisə şəhərin İnşaatçılar qəsəbəsindəki “Dost” marketin qarşısında qeydə alınıb. Belə ki, Fərid Əliyev idarə etdiyi “Toyota Carolla” markalı avtomobillə yolu keçən azyaşlını vurub. Ağır xəsarət alan 2015-ci il təvəllüdlü Fəqan Anar oğlu Əhədli hadisə yerində dünyasını dəyişib. Faktla bağlı cinayət işi açılıb. Qeyd edək ki, vəfat edən 9 yaşlı Fəqan orta məktəbin 4-cü sinif şagirdi imiş.

Bakıda avtomobil piyadanı vuraraq öldürüb. Sozcu.az xəbər verir ki, hadisə paytaxtın Sabunçu rayonunda qeydə alınıb. 1989-cu il təvəllüdlü Eyvaz İsmayılov idarə etdiyi "Lada Priora" markalı avtomobillə 1982-ci il təvəllüdlü Kamil Məmmədovu vurub. Piyada aldığı xəsarətlərdən hadisə yerində ölüb. Avtomobildə olan sərnişin Elvin Musazadə isə gözündən aldığı xəsarətlərdən xəstəxanaya yerləşdirilib. Faktla bağlı cinayət işi başlanılıb.

AB Roma Statutunu ratifikasiya etmiş dövlətləri öhdəliklərini yerinə yetirməyə çağırıb. Söhbət Rusiya Prezidenti Vladimir Putinin həbsindən gedir, çünki Beynəlxalq Cinayət Məhkəməsi onun barəsində order verib. Sozcu.az xəbər verir ki, müvafiq bəyanat Vyanada ATƏT-in Daimi Şurasının iclası zamanı verilib. AB köçkün düşmüş ukraynalı uşaqların və digər mülki şəxslərin taleyindən dərin narahat olduğunu bildirib: “AB bir daha Rusiya və Belarusu onların Ukraynaya təhlükəsiz qayıtmasını dərhal təmin etməyə çağırır. Birlik Rusiyadan azadlıqdan qanunsuz məhrum etmiş bütün şəxsləri, o cümlədən ATƏT-in həbs edilmiş üç əməkdaşının dərhal azad edilməsini tələb edir”.

Müasir meteorologiyada qabaqcıl texnologiyalar sayəsində sinoptiklər cari ildə ilk qarın nə vaxt yağacağını müəyyənləşdirə bilirlər. Sozcu.az Bakı.vs-yə istinadən xəbər verir ki, bu il ilk qar gözlənildiyindən tez yağa bilər. Proqnozlara görə, qış daha erkən başlayacaq və ilk qar artıq oktyabrın sonunda yağmağa başlayacaq. Bu proqnozu əldə etmək üçün mütəxəssislər meteostansiyaların məlumatlarını, peyk müşahidələrini, yerüstü postlardan alınan məlumatları, mürəkkəb alqoritmlər və modelləri əhatə edən kompleks yanaşmadan istifadə ediblər. İlk qarın yaxınlaşması ilə əlaqədar mütəxəssislər qış mövsümünə əvvəlcədən hazırlaşmağı məsləhət görürlər. Əsas tədbirlər arasında qış paltarlarının və aksessuarlarının hazırlanması, avtomobilin vəziyyətinin yoxlanılması, antifrizin dəyişdirilməsi, qış təkərlərinin quraşdırılması, bağ bitkilərinin qorunması və həyətyanı sahənin qış şərtlərinə hazırlanmasıdır. Müasir proqnozların yüksək dəqiqliyinə baxmayaraq, sinoptiklər hava şəraitinin gözlənilməz dəyişikliklərə meylli olduğunu vurğulayırlar. Azərbaycanda ilk qar regionlarda kənd təsərrüfatı ilə məşğul olanlar üçün ciddi əhəmiyyət daşıyır. Fermerlər və bağ sahibləri məhsulları qorumaq üçün öncədən tədbirlər görməlidir. Eyni zamanda, şəhər əhalisi də avtomobillərini və evlərini qışa hazır vəziyyətə gətirməli, şaxta və buzlanma riskinə qarşı tədbirlər almalıdırlar.

2024-cü ilin avqustu dünyada temperaturun yüksəlməsi baxımından 2023-cü ilin eyni dövrü ilə birinci yeri bölüşüb. Ötən ay orta aylıq temperatur 2023-cü ildə olduğu kimi 16.8 dərəcə olub. Son 50 ildə avqust ayında dünyada orta temperatur 1.3 dərəcə artıb. Məlumdur ki, payız fəsli Azərbaycana sentyabrın 22-si saat 16:43:36-da daxil olacaq.  Avqust ayında qeydə alınan temperaturu nəzərə alsaq, payızda bizi hansı hava şəraiti gözləyir? Sozcu.az xəbər verir ki, bununla bağlı meteoroloq Cavid Hüseynov "Yeni Sabah"a açıqlamasında ən son məlumatları bölüşüb:  "Respublikamızda yay fəsli may ayının ikinci ongünlüyündən sentyabr ayının ortalarınadək davam edir. Sentyabr ayının III ongünlüyündən başlayaraq havanın temperaturu aşağı enməyə başlayır. Sentyabr ayının orta aylıq temperaturu:  Abşeronda-  21,3-22,4 °C, Lənkəran-Astara zonasında-   15,6-21,5 °C, Kür-Araz ovalığında- 21,4-22,5 °С, Kiçik Qafqazın şərq yamacında-  10,5-19,8 °С, Kiçik Qafqazın şimal yamacında- 11,8-13,8 °С, Qazax-Gəncə zonasında-   19,8-20,4 °С, Böyük Qafqazın cənub yamacında-   11,8-19,6 °С, Böyük Qafqazın şimal-şərq yamacında-  10,3-19,3 °С, Naxçıvanda isə 20,5-21,9 °С müşahidə edilir". Ekspert ən çox yağıntının hansı bölgəyə düşəcəyini də qeyd edib: "Oktyabr və noyabr aylarında havanın temperaturunda intensiv olaraq enmə davam edir və Noyabrda minimum temperatur Kiçik və Böyük Qafqazın yüksək dağlıq zonalarında qeydə alınır. Abşeron yarımadasında payız mövsümündə yağıntıların miqdarı və dəyişmə əmsalları qış qiymətlərindən az fərqlənir. Payız yağıntıları ən çox Astara və Lənkəranda müşahidə edilir". 

“Avqustun ortalarından internetin minimum trafik sürətinin 40 Mbit/s-dən 100 Mbit/s-ə çatdırıldığı deyilir. Qiymət də qaldırılıb. Amma abunəçilər qiymət artımına baxmayaraq, gələn və gedən trafikin sürətinin xeyli aşağı olduğunu deyirlər. İradlarında da haqlıdırlar. Təqdim olunan sürət müqavilələrdə nəzərdə tutulandan xeyli aşağıdır. Bununla bağlı İKT Agentliyinə və Antiinhisar Xidmətinə artıq çoxlu şikayətlər daxil olub. “Aztelekom”un hər bir abonent üçün minimum sürətin 100 Mbit/s olması ilə bağlı dedikləri özünü doğrultmadı. Bu da gözlənilən idi”. Bunu “Multimedia” İnformasiya Sistemləri Texnologiyaları Mərkəzinin direktoru, Azərbaycan İnternet Forumunun prezidenti Osman Gündüz Bakupost.az söyləyib. O deyib ki, “Aztelekom” nəinki yüz minlərlə istehlakçını 100 Mbit/s sürətlə təmin etməyəcək, hətta bu trafikin yarısını da çatdıra bilməyəcək. Son hadisələr və internetin bahalaşması fonunda bu xidmətdən imtina edən istifadəçilərin sayı artıb. Onun sözlərinə görə, “yüksək sürətlər və yüksək qiymətlər” prinsipi heç bir halda doğru deyil: “Hamı üçün minimal sürəti 100 Mbit/s etməklə hansısa beynəlxalq reytinqlərdə yüksək yerlər qazanmağı vətəndaşlarımızın maraqlarından üstün tutmaq yolverilməzdir. Qiymət siyasəti elə qurulmalıdır ki, hamının ehtiyacına uyğun olaraq əlçatan olsun. Dövlət provayderlərinin bu tip addımları isə ümumiyyətlə ağlasığmazdır. Provayder ona görə hələlik “dövlət provayderidir” ki, məhz hər bir vətəndaşın, tələbatına və gələcək inkişafına zəruri olan internetə əlçatanlığı olsun”.

Nəsim rayonu, Hüseyn Seyidzadə küçəsi, körpünün üzərində yol-nəqliyyat hadisəsi baş verib. Sozcu.az xəbər verir ki, bu barədə NİİM məlumat yayıb. Qəza səbəbindən hər iki avtomobildə yanğın olduğundan, 4-cü mikrorayon istiqamətində avtomobillərin hərəkətinə məhdudiyyət tətbiq edilib.

Rusiya Müdafiə Nazirliyi yeni səfərbərlik elan etməsi üçün Prezident Vladimir Putinə təzyiq edir. Sozcu.az xəbər verir ki, bu barədə “Uoll Strit Jurnal” yazıb. Nəşrin məlumatına görə Müdafiə Nazirliyi yenidən canlı qüvvə çatışmazlığı ilə bağlı problemlər yaşayır, buna görə də Rusiya Kurskda böyük əks-hücum təşkil edə bilmir. “Getdikcə daha çox insan səfərbərliyin qaçılmaz olduğunu deyir”, - məlumatda qeyd olunub.

Azərbaycanda 2023-cü ildə 73816 abort qeydə alınıb. Modern.az-ın Dövlət Statistika Komitəsindən əldə etdiyi məlumata görə, son illərdə abort edənlərin sayı 2 dəfədən çox artıb. Belə ki, 2010-cu ildə qeydə alınan abortların sayı 26801 olub. Yəni son 13 ildə abort edənlərin sayı 2.7 dəfə artıb. azal vakansiya Abort edənlərin çoxu gəncdir. 2023-cü ildə abort edən qadınların 50 faizdən çoxu, yəni 37 min nəfəri 15-29 yaş aralığındadır.  Statistikaya görə, ötən il 15-17 yaş aralığında 68 qadın, 18-19 yaş aralığında olan 2528 qadın abort etdirib. 

“Dərman vasitələri haqqında” Azərbaycan Respublikasının Qanununun 14-1.1-ci maddəsinə əsasən bioloji aktiv qida məhsullarının (BAQM) reseptə yazılması qadağan olunub. Həmçinin, həmin Qanunun 14-1.3-cü maddəsinə əsasən, bioloji aktiv qida məhsullarının üzərində və istifadə təlimatlarında (içlik vərəqlərində) əmtəə nişanı adının yazıldığı hər yerdə əmtəə nişanı adının altında onunla eyni ölçüdə və şriftdə olan ağ fonda qara rəngli aydın, seçilən, qalın və böyük hərflərlə, silinməsi mümkün olmayan tərzdə çap olunmuşan “DƏRMAN VASİTƏSİ DEYİLDİR!” sözlərinin yazılması məcburi xarakter daşıyır. Sozcu.az xəbər verir ki, bu barədə Səhiyyə Nazirliyinin yaydığı məlumatda bildirilib. Qeyd edilib ki, yuxarıda bildirilən sahədə qanunvericiliyin tələblərinə riayət olunmasına və neqativ hallara səbəb ola biləcək amillərin aradan qaldırılması məqsədilə özəl tibb müəssisələrində resept yazmaq hüququna malik tibb işçiləri tərəfindən buraxılan reseptlərdə bioloji aktiv qida məhsullarının yazılmasının qarşısının alınması üçün Analitik Ekspertiza Mərkəzinin səlahiyyətləri çərçivəsində maarifləndirici, preventiv və qanunvericiliklə müəyyən olunmuş inzibati tədbirlərin görülməsi nəzərdə tutulur. Nəzərinizə çatdırırıq ki, elektron resept sisteminə keçid ilə əlaqədar özəl tibb müəssisələrində və aptek təşkilatlarında plan üzrə və plandankənar yoxlamaların aparılması zamanı həmin müəssisələrdə resept yazmaq hüququna malik tibb işçiləri tərəfindən yazılan reseptlərdə bioloji aktiv qida məhsullarının yazılması, həmçinin belə reseptlər əsasında BAQM satışı hallarının aşkar edilməsi üçün nəzarət gücləndiriləcək.

Təhlükəsizlik məmurları Təbrizdə yaşayan milli fəal Rəhman Azərmirada telefon edərək onun Təhlükəsizlik və Kəşfiyyat Nazirliyinin yerli bölməsinə getməsini tələb ediblər. Bu barədə milli fəala yaxın şəxslər məlumat yayıb. Bildirilib ki, Azərmirad çağırışın rəsmi olmadığına görə təhlükəsizlik idarəsinə getməkdən imtina edib. Qeyd edək ki, milli fəal dinc mədəni fəaliyyətlərinə görə, 2022-ci il noyabrın əvvəllərində də həbs edilib. Təhlükəsizlik təcridxanasında işgəncələrə məruz qalan Rəhman Azərmiradın barmaqları qırılıb, baş və bel nahiyəsindən ağır xəsarətlər alıb.

Əməkdar artist Elza Seyidcahan ATV və Baku TV-ni məhkəməyə verib.  Sozcu.az xəbər verir ki, buna səbəb müğənninin "Tüpürcəyim baldır mənim" şeiri olub. Bu haqda Elza APA TV-yə müsahibəsində deyib: "Bu şeirdə nə var ki? Efirdə gündəm üçün Elzanın adından deyirlər ki, "tüpürüm sizin ağzınıza". ATV və Baku TV-yə məhkəmədən məktub gedib. Onları bağışlayaram, amma Anar müəllimi (Azərbaycan Yazıçılar Birliyinin sədri - red.) narahat ediblər. Buna görə də mən onları məhkəməyə verdim". 

“Neftçi” futbolçusu Qara Qarayevlə yollarını ayırıb. Sozcu.az AZƏRTAC-a istinadən xəbər verir ki, “ağ-qaralar” Azərbaycan millisinin sabiq yarımmüdafiəçisi ilə əməkdaşlığa son qoyub. Onunla müqaviləyə qarşılıqlı razılıq əsasında xitam verilib. Q.Qarayev paytaxt klubuna 2023-cü ilin yayında “Qarabağ”dan keçmişdi. O, ötən ay baş məşqçi Roman Qriqorçukun qərarı ilə əvəzedici komandaya göndərilmişdi. Qeyd edək ki, “Neftçi” Misli Premyer Liqasında 6 turdan sonra topladığı 4 xalla turnir cədvəlinin 9-cu pilləsində qərarlaşıb.

Ötən ay Bakıda mənzil bazarında qiymət artımları müşahidə olunub. Sozcu.az xəbər verir ki, bu barədə Trend-ə İqtisadi və Sosial İnkişaf Mərkəzindən (CESD) məlumat verilib. Qeyd edilib ki, fərdi evlərdə və torpaq sahələrinin qiyməti əvvəlki aya nisbətən 2.1 faiz artıb. Yaşayış binalarında və eləcə də, qeyri-yaşayış sahələrində tələbin artması qeydə alınıb. Qeyri-yaşayış sahələrində 2.7 faiz aylıq qiymət artımı olub. Yaşayış evlərində qiymətlər 1.9 faiz yüksəlib. Yaşayış mənzillərinin kirayə qiymətləri daha çox artıb - 4.1%. Qeyd edək ki, 2024-cü ilin avqust ayında istehlak qiymətləri indeksi 2023-cü ilin avqust ayına nisbətən 103,5 faiz, o cümlədən, qida məhsulları, içkilər və tütün məmulatları üzrə 103 faiz, qeyri-qida məhsulları üzrə 101,8 faiz, əhaliyə göstərilmiş ödənişli xidmətlər üzrə 105,6 faiz təşkil edib. 2024-cü ilin avqust ayında istehlak qiymətləri indeksi əvvəlki aya nisbətən 100,4 faiz, yanvar-avqust aylarında isə əvvəlki ilin müvafiq dövrünə nisbətən 101,3 faiz olub.

Sentyabrın 19-u saat 10:00-a olan məlumata əsasən, bəzi yerlərdə şimşək çaxıb, arabir leysan xarakterli yağış yağıb. Sozcu.az Milli Hidrometeorologiya Xidmətinə istinadla xəbər verir ki, yağıntının miqdarı Qrızda 6 mm, Şahdağda 4 mm, Kəlbəcər, Qax (Sarıbaş), Ordubadda 3 mm, Şəki, Xınalıq, Daşkəsən, Gədəbəy, Biləsuvar, Yardımlı, Lerik, Astara, Göygöl, Zaqatala, Qubada 2 mm-dək olub. Şərq küləyi arabir Culfada 20 m/s-dək güclənib. Daşkəsən, Qrız, Şahdağ, Lerikdə duman müşahidə olunub. vakansiyalar Havanın maksimal temperaturu Bakıda və Abşeron yarımadasında 26, Naxçıvan MR-da 30, Aran rayonlarında 27, dağlıq rayonlarda 15 dərəcəyədək isti qeydə alınıb.

Azərbaycan hökuməti 2025-ci ildə ölkədə illik inflyasiyanın 4,6 % təşkil edəcəyini proqnozlaşdırır. Bu barədə Maliyyə Nazirliyinə istinadən bildirilib.  Məlumata görə, bu proqnozu İqtisadiyyat Nazirliyi beynəlxalq təşkilatların əmtəə qiymətləri ilə bağlı rəyini, manatın məzənnəsinin sabitliyini, eləcə də antiinflyasiya tədbirlərini əsas götürərək hazırlayıb. Statistikaya görə, bu il Azərbaycanda orta illik infiliyasiya göstəricisi isə 1.3 faiz olub. Bəs görəsən, proqnozlaşdırılan yüksək devalivasiya faizi bahalaşmaya səbəb olacaqmı?  vakansiya 2023 Mövzu ilə bağlı Yenisabah.az-a danışan hüquqşünas və iqtisadçı-ekspert Əkrəm Həsənov bildirib ki, qiymət artımı infliyasiya faizlərindən asılı olmayaraq müntəzəm davam edir və edəcək:  “Əvvəla onu deyim ki, bahalaşma hər zaman var. Bahalaşma müasir iqtisadi model üçün adi bir haldır. Sadəcə, onun faizindən söhbət gedir. Bu ilin infliyasiyası 3 faizdən çoxdur. Yəni bəli, bu ilə nisbətən, növbəti ilin infliyasiyası 1 faiz daha çox olacaq. Gələn il infliyasiyanın daha yüksək olacağı onsuz da gözlənilirdi. Hamı bilməlidir ki, qiymətlər daim artır və belə də davam edəcək. Ərzaq və bir çox idxal məhsullarında qiymət artımı gözləniləndir”.  Ekspertin əvvəlki illərdə daha yüksək infliyasiyaların olduğunu xatırladıb:  “Müasir iqtisadi modeldə kreditlə, yəni faizlə işlər görülür. Əgər pul faizlə dövr edirsə, təbii olaraq infliyasiya da qəbul olunandır. Amma bütövlükdə götürsək, Azərbaycan üçün 3-4 faizlik infliyasiya elə də böyük deyil. Çünki xatırlayırsınızsa, əvvəllər bundan da çox idi”. 

Ermənistanın hələ də silahlanmaya üstünlük verməsinə baxmayaraq, Azərbaycan 2025-ci ildə hərbi xərclərini 468.0 milyon manat (275.2 milyon dollar) azaldaraq bərpa və inkişafa əhəmiyyətli vəsait ayırmaqda davam edəcək. Sozcu.az xəbər verir ki, bu sözləri iqtisadçı-alim Vüqar Bayramov qeyd edib. O bildirib ki, Ermənistanın 30 illik işğal müddətində tamamilə dağıdıb xarabalığa çevirdiyi Qarabağ və Şərqi Zəngəzurun qurulmasına isə Azərbaycanın dövlət büdcəsindən gələn il 4.0 milyard manat (2.352 milyard dollar) ayrılacaq: vakansiya 2023 "Bu, işğaldan azad olunan ərazilərimizdə intensiv quruculuğun davam edəcəyini bir daha təsdiq edir. Bu, həmçinin Azərbaycanın zəfəri ilə regionda formalaşmış yeni düzənin daha da möhkəmlənməsi anlamına gəlir". Azərbaycan müstəqillik illərində ilk dəfədir ki, hərbi xərclərini azaldır.

Moskvanın mərkəzində yerləşən “Wildberries” şirkətinin ofisi yaxınlığında baş verən atışma nəticəsində bir mühafizəçi ölüb, ikisi polis əməkdaşı olmaqla, üç nəfər yaralanıb. Sozcu.az xəbər verir ki, bu barədə hüquq-mühafizə orqanları məlumat yayıb. Təxminən 30 nəfərin polisə aparıldığı da qeyd edilib. Daha əvvəl bildirilmişdi ki, şirkətin təsisçisinin həyat yoldaşı Vladislav Bakalçuk şirkətin ofisinə qanunsuz daxil olmağa çalışıb. Atışma nəticəsində 3 nəfər yaralanıb, ofis işçiləri təxliyə edilib. *** “Wildberries” ofisinə hücum nəticəsində yaralanan ikinci mühafizəçi də ölüb. Bu barədə Rusiya KİV-i məlumat yayıb.

Bir müddət öncə Rusiyada məktəbə telefon gətirmək qadağan olunmuşdu. Bu yaxınlarda Türkiyədə də eyni qadağa tətbiq olundu. Bu dəfə təkcə şagirdlər yox, həm də müəllimlərə dərs zamanı telefondan istifadə etmək qadağan edilib.  Bəs Azərbaycanda belə bir qərarın qəbul olunmasına ehtiyac varmı? Uşaqları texnologiyadan qorumaq, yoxsa ona yaxınlaşdırmaq daha ideal variantdır?  Məsələ ilə bağlı təhsil eksperti Cahid İmanlı “Yeni Sabah”a açıqlamasında bildirib ki, mövcud vəziyyət şagirdlərin dərsə smartfon tipli telefonlar və saatlar gətirməsi qadağan edilməsini tələb edir:  vakansiyalar “Əlbəttə, bu zaman sual qoyula bilər ki, zamanın tələbinə görə telefon vacibdir, valideynlər övladları ilə necə əlaqə yaratsınlar və s. Amma məktəbə telefon gətirməklə sinifdə telefondan istifadə etmək arasında fərq çoxdur. Şagird məktəbə telefon gətirə bilər, lakin vacibdirsə, ondan tənəffüs vaxtı istifadə edə bilər. Dərs vaxtı telefonlar səssizə alınmaqla ya sinif rəhbəri, ya da sinif nümayəndəsi tərəfindən yığılaraq xüsusi qutuda saxlanılmalı, ya da ümumiyyətlə, məktəbə daxil olanda direktor tərəfindən təyin edilən səlahiyyətli şəxs tərəfindən yığılmalıdır. Qaydaya riayət etməyənlər "cəzalandırılsa", o zaman bu doğrudan da qaydaya çevrilər və tədricən şagirdlərin telefondan düzgün istifadə qaydası formalaşar”.  Ekspert onu da qeyd edib ki, məktəbdə texnologiyadan istifadə üçün kifayət qədər resurlar mövcuddur: “İndi bir çox məktəblərdə rəqəmsal dərslər belə keçirilir. Mümkün olan halda sagirdlər müəyyən proqramlara çıxışı məhdudlaşdırılan planşetlərdən istifadə edə bilərlər. Müəllimlərə gəldikdə isə onlara telefondan istifadənin qadağan edilməsinə, mənim fikrimcə, ehtiyac yoxdur. Əgər müəllim öz vəzifə borcunu bilirsə o, telefondan sui-istifadə etməz. Amma hələki dərs prosesində elə hallar olur ki, vacib internet resurlarına müraciət etmək lazım gəlir. Əgər hər sinif otağı internetə çıxışı olan kompüterlə təmin edilsə, müəllimlərin də dərs vaxtı telefondan istifadəsi qadağan edilə bilər”.

“Rusiyanın Ermənistana “smerç” və digər silahlar göndərməsi, əvvəlki razılaşmalar əsasında həyata keçirilsədə bu, Kremlin İrəvana jestidir. Rusiya Ermənistana iqtisadi və hərbi yardımlar etməklə, öz orbitində saxlamağa çalışır. Ukrayna müharibəsi fonunda mərmi və silahları İrandan, Şimali Koreyadan alan Moskvanın Ermənistana silahlar göndərməsində məqsəd Cənubi Qafqazda mövqeyini qorumaq və Azərbaycanla sülhə mane olmaqdır”. Sozcu.az xəbər verir ki, bunu siyasi şərhçi Məhəmməd Əsədullazadə deyib. Ekspert qeyd edib ki, iki ölkə arasında ticarət dövriyyəsi 16 milyarda yaxınlaşır: “Bu, Rusiyanın Ermənistanla iqtisadi və ticarət əlaqələrindən irəli gəlir. Baş naziri Nikol Paşinyan Kollektiv Təhlükəsizlik Müqaviləsi Təşkilatında (KTMT) üzvülüyün geri dönüşün olmayacağı mərhələsinə gəldiyini qeyd edib. Göründüyü kimi, Paşinyan anti-Rusiya ritorikasını davam etdirir. Amma Kreml durmadan bu ölkəyə yardımlar edir. Bu gün Ermənistan Qərb və Rusiya tərəfindən kifayət qədər dəstəklənir. Ermənistanın kifayət qədər maliyyə imkanlarına sahib olması İrəvanın sonda danışıqları pozması ilə nəticələnə bilər. Bu da Moskvanın siyasətidir. Rusiya Azərbaycanla Ermənistan arasında sülhün əleyhinədir. Var qüvvəsi ilə Ermənistanı maliyyə və silahla təmin edir ki, Azərbaycanla razılaşmalar pozulsun”.konkret}

Valideynlər məktəb direktorları ilə görüşmək istəyi çox vaxt çətinliklə üzləşir. Təhsil naziri Emin Əmrullayev belə etiraf etdi ki, onun qəbuluna düşmək bəzi direktorların qəbuluna düşməkdən asandır.  Mövzu ilə bağlı Yenisabah.az-a danışan təhsil eksperti Kamran Əsədov bildirib ki, təhsil müəssisələrində təhlükəsizlik qaydaları da qorunmalıdır, buna görə də hər kəsin binaya daxil olması yolverilməzdir: “Məktəb ictimai yerdir, lakin qapalı ictimai yerdir. Məktəbə daxil olan hər bir valideyn potensial təhlükə də yarada bilər. Doğrudur, qanunvericiliyə görə, valideynin məktəbə daxil olmasında hər hansı bir qadağa, məhdudiyyət yoxdur. Yəni valideynlər günün istənilən saatında məktəbin aidiyyəti şəxsləri ilə görüşə bilərlər. azal vakansiya Direktor inzibati vəzifədir, onunla istənilən vaxt görüşmək pedaqoji fəaliyyətin gedişinə də mane ola bilər. Ona görə də məktəb direktorunun qəbul günü və qəbul saatları olmalıdır. Həftədə 2 gün 4 saatdan az olmamaq şərti ilə. Təkcə məktəb direktorunun deyil, məktəbdə inzibati vəzifə daşıyan şəxslərin də xüsusi qəbul günü olmalıdır. Valideynlər də həmin vaxtlar məktəbə gedə bilərlər və bu onların hüququdur.  4432 orta təhsil məktəbin 2 minindən çoxunda şagird sayı 200-dən çoxdur və bu qədər valideyn birdən-birə məktəbə gəlsə, təbii ki, tədrisin gedişi pozulacaq”. Kamran Əsədov məktəb direktorları ilə valideynlər arasında kommunikasiyanın qırıldığını bildirib: “Ən ciddi problemimiz odur ki, valideynlərlə məktəb arasında münasibət yox dərəcəsindədir. Məktəb icmaları işlək deyil. Hamı öyrəşiblər ki, məktəb direktorlarının böyük əksəriyyəti ancaq pul yığır. Artıq elə deyil, qaydalar dəyişilib. Məktəb direktorlarının əvvəlki kimi rahatlıqla pul yığmaları mümkün deyil. Artıq çox şey dəyişib. Bu gün Elm və Təhsil Nazirliyi, Bakı şəhəri Təhsil İdarəsi məktəblərə çox ciddi nəzarət edir ki, mənfi hallar baş verməsin. Amma direktorlar da əvvəlki kimi deyil, çox dəyişiliblər. Elələri var ki, “köhnədən qalma”dır, müəyyən qədər kiminsə yaxınıdır, dostu-tanışıdır, ailə üzvüdür. Onlarla görüşmək, ünsiyyət qurmaq, dil tapmaq çətindir. Bir daha qeyd edim ki, valideynlərin məktəbə girişi heç bir qanunla məhdudlaşdırılmayıb. Sadəcə işçilər qeyri-rəsmi formada bunu edirlər. Çünki hər an hər kəs məktəbə daxil olsa, tədrisin gedişi pozula bilər. Əgər icazə versələr, inanın ki, valideynlər sinif otaqlarına, parta arxasına qədər keçəcəklər. Valideynlərin imkanları olsa, az qala maşını partanın yanına qədər də sürərlər. Hər səhər məktəblərin qabağında gördüyümüz mənzərə dəhşətdir. Yəni biz məsələyə bu tərəfdən də baxmalıyıq. İmam üçün ağlayanda yezid üçün də ağlamaq lazımdır”.

Ölkəmizdə son 1 il ərzində hibrid mühərrikli avtomobillərin qiymətində artım müşahidə olunur. Rəqəmlərə əsasən, 1 ədəd hibrid avtomobiln orta ixrac qiyməti 2024-cü ilin səkkiz ayında orta hesabla  28 min 723 dollar (48 min 829 manat) olub ki, bu da son bir ildə  5 min 656 dollar (9 min 616 manat) və ya 24,5% bahalaşma deməkdir.  2023-cü ilin yanvar-avqust aylarında isə 1 ədəd hibrid avtomobilinin orta ixrac qiyməti 23 min 67 dollar (39 min 214 manat) olub. Bəs görəsən, bu seqment nəqliyyat vasitələrinin bahalaşmasının səbəbi nədir?  Mövzu ilə bağlı Yenisabah.az-a danışan nəqliyyat məsələləri üzrə ekspert İlqar Hüseynli bildirib ki, səbəb hibrid avtomobillərə olan tələbin artmasıdır:  socar vakansiya “Əslində, hibrid maşınların idxalı zamanı istər gömrük, istərsə də aksiz vergilərlə bağlı müəyyən məbləğdə güzəştlər tətbiq olunur. Bu hələki sabit olaraq qalır. Hələ gömrük və idxal-ixrac rüsumlarında, o cümlədən, aksiz vergilərində hər hansı bir dəyişiklik baş verməyib. Artımın səbəbi ola bilsin ki, daha bahalı hibrid nəqliyyat vasitələrinə son illər tələbatın daha da çoxalmasıdır”.  Ekspert hibrid mühərrikli ciplərin benzin və dizel olanları üstələdiyini diqqətə çatdırıb:  “Fikir versək, şəhərdə hibrid ciplərin ciddi say artışı müşahidə olunmaqdadır. Əvvəllər daha çox benzin və dizel mühərrikli hündür nəqliyyat vasitələrin üstünlük verilirdisə, indi daha çox Çin və Koreya markalarının hibrid maşınları tərcih olunur. Bu da bazarda baha qiymətə satılan avtomobillərin xüsusi çəkisinin artmasına gətirib çıxarır. Belə olduğu zaman, nəticə etibarı ilə illik artımın göstəricisi kimi götürülür. Yəni bu artımın səbəbi, hibrid mühərrikli və daha bahalı olan avtomobillərin idxalının artması ilə bağlıdır”.