... Düşmənin bir topunun azalması məndə rahatlıq hissi yaradırdı. Amma qarşıda çox çətin döyüş bizi gözləyirdi. Belə ki, düşmən hakim yüksəkliklərdə mövqelənib,möhkəmlənmişdi. Mən sizə düşmən hücum edən ana qədər Mutudərəni qoruyası rotanın ixtiyarında olan texnika və silahları təqdim edirəm:  -- Ər Dağında ( 1967 m) 100 mm-lik KS-19 markalı top.  -- Ər Dağının ətəyindəki qəbiristanlığın üstündə 37 mm-lik avtomatik Zenit gəmi topu.  -- 2(iki)ədəd D-44 markalı top.  -- 2(iki)ədəd BTR-70.  -- 1(bir)ədəd DDM-1 (BMD-1).  -- 1(bir)ədəd əldəqayırma NURS qurğusu.  -- 1(bir)ədəd AT-59 markalı texnikanın üstündə 30 mm-lik zenit qurğusu.  Bundan əlavə Gədəbəy batalyonunun komandiri polkovnik leytenant Malbaxov Krasnoselsk--Başkənd yolunun Mutudərədən keçən hissəsində qarışıq mina sahəsi qurdurmuşdu ki,bu da faktiki olaraq oranın düşmən tərəfindən alınmasını mümkünsüz edirdi. Lakin rus hərbçilərinin işə qarışması hər şeyi ermənilərin xeyrinə dəyişdi. Üstəlik də Boz Qurd dəstəsinin komandiri Etibar Əmiraslanovun Kom.Bat Malbaxovu və rota komandiri Bayram Hacıyevi özbaşına həbs edərək naməlum istiqamətə aparması düşmənə son dərəcə güclü kömək oldu...Ermənilər Mutudərəni aldıqdan sonra yuxarıda adı çəkilən texnika və silahların hamısını ələ keçirtdilər və üstəlik ora 1(bir) ədəd T-72 (tank), 1(bir)ədəd PDM-2, 1(bir)ədəd ZQ-23-2, 2(iki)ədəd DM-1 cəlb etdi. Sonra döyüşün gedişatında daha 2 (iki) ədəd PDM-1 onlara köməyə gəldi. Canlı qüvvə isə qarşı tərəfdə saysız hesabsız idi. Belə ki,həm Ermənistanın Krasnoselsk rayonundan köməyə gələnlər, həm də Başkənddən çıxanlar Mutudərədə bizə qarşı döyüşənlərə köməyə gəlirdilər. Çünki biz Mutudərəni alsaydıq Ermənilər tam mühasirəyə düşərdilər. Odur ki,onlar bu strateji mövqeni nə olursa olsun əldə saxlamaq istəyirdilər. İndi qəti hücum ərəfəsi düşmən qüvvələrini sizə təqdim etdim. Mənim isə tabeıiyimdə 2 (iki) ədəd PDM-1 və 1 (ədəd) K-16 tipli QRAD qurğusu var idi. Etibar Əmiraslanovun gətirdiyi 30 mm-lik ZQ-23-2 ümumiyyətlə döyüşdə iştirak etmədi.Canlı qüvvə isə mənimlə gedən 5(beş)nəfər + 15--16 nəfər Hacıyev Bayramın rotasının əsgərləri və 15--20 nəfərlik Boz Qurdun dəstəsi. Yəni haradasa 40 (qırx) nəfərə qədər. Nəzərə alsaq ki,Etibarın dəstəsi heç bir əmrə tabe olmur,öz bildikləri kimi hərəkət edirdilər ( bildikləri də heç nə idi), özünüz təsəvvür edin. 07.08.1992-ci il səhər saat 08--09 radələrində biz artıq öz mövqelərimizdə idik. İsgəndərə tez QRADı döyüşə hazırlamağı tapşırdım. PDM-lər isə tam hazır idilər. Etibara da: Qrad hazır olan kimi, nə qədər ki,ermənilər bizi gözləmir hamımız eyni vaxtı çıxıb düşmən zastavasına qəfil atəş açmalıyıq. Qəfil atəş onları təşvişə salacaq. Hazır ol və gözlə dedim. Lakin o, heç nə demədən əlindəki PKT pulemyotunu götürüb bir təpəyə çıxdı və işıqsaçan güllələrlə düşmə zastavasının təxminə 30 ( otuz) metr hündürlüyündən butöv bir lenti atdı. Ermənilər gözümüzün qabağında zastavadan çıxaraq ətrafa səpələndilər. Bununla da onlara vurmaq istədiyim qəfil zərbə baş tutmadı. Ümumiyyətlə o, bu hərəkəti ilə növbəti təxribatı etdi. Daha gözləmək olmazdı. Sürücü mexanikə PDM-i təpənin üstünə çıxartmağı əmr etdim. Biz təpəyə çıxan kimi düşmən topu,tankı və DDM-1-i eyni zamanda bizə atəş açdılar. Top və tankın mərmiləri üstümüzdən keçərək dağın ətəyinə dəydi. DDMin mərmisi isə bizim PDM-in altında partladı. Mən hər üç texnikanın lülələrindən çıxan alovu gördüm. Bu sıradan mənzərə deyil. Tank atəş açan kimi arxaya çəkildi. Deməli mənim bir neçə dəqiqə vaxtım olacaqdı. Odur ki,ilk atəşi daha sərrast olan DDMə atdım. Atdığım mərmi DDM-in açıq lyukundan içəri düşdü və güclü partlayış oldu. Tank hələ görünmədiyindən mən top istiqamətinə şahmatvari qaydada bir neçə mərmi atdım və növbəti partlayış... Topun arxa tərəfi göyə qalxdı. Deməli topun mərmiləri partladı,top isə yararsız hala düşdü. Daha bir neçə mərmi atdım və növbəti top da döyüşə yararsız oldu. Artıq tankı nisbətən sərbəst qaşılamaq olardı. Üzbə-üz döyüşdə PDM-in tanka qarşı şansı çoz azdır. Lakin tankın zəif yerlərini bilmək hər hərbçinin borcudur. Mən zabitəm. Bu çox şey deməkdir. Tank zastavanın yanından görünən kimi mən atəş açdım və mərmi tankın korpusu və qülləsinin bitişdiyi yerdən dəydi. Tank sıradan çıxdı və mən bir də həmin tankı Mutudərədə görmədim. Sürücü mexanik PDM-i arxaya sürüb dayandı. Çox həyəcanlanmışdı. Elə mən də tamamilə tər içində idim.Piyadalar da bundan ruhlanıb dayanmadan atəş açırdılar. Mən onlardan yalnız bir şeyi xahiş etmişdim -- Çalışın məni gizlindən qumbaraatanla vurmasınlar. Qalan hər şeyin öhdəsindən gələcəyəm. Heç nədən qorxmayın... Onlar da hələlik verdiyim tapşırığın öhdəsindən layiqincə gəlirdilər. Tədricən axşam olurdu. 07.08.1992-ci il saat 18.00 radələri -- Etibar Əmiraslanov öz dəstəsini götürüb Tovuza qayıtdı. Hara gedirsən sualıma--Sabah gələcəyik. İndi istirahətə gedirik dedi. ən sabah daha gəlməyə bilərsiniz.Bizim sizə ehtiyacımız yoxdur.Dedim... Bayaqdan heç olmasa onun adamlarında bir-iki nəfər güllə atırdı. İndi onlar da getdilər və mən 15--20 nəfərlik adamla saysız hesabsız düşmən qarşısında qaldım. Etibar isə növbəti təxribatını törətdi. Hərbidən anlayışı olmayan adamların hərbidə olması yolverilməzdir. Bunu özünəqəsd adlandırmaq olıar... Bu müddət ərzində İsgəndər və Həsənov Sahib QRAD qurğusu ilə,Paşa isə PDM-dən durmadan atırdılar. Onların atdığı atəşlər mənə sərbəstlik verirdi. Ukraynada gördüyüm təlimlər indi işimə çox yarayırdı...  ARDI VAR... Dilqəm Əliyev 

"Rusiya döyüş meydanında qalib gəlmək iqtidarında deyil, ona görə də silah və zorakılıq tətbiq etməklə Ukraynanı çıxılmaz vəziyyətə salmağa cəhd edir..." "Bizim gözlərimizdə yorğunluq, rusiyalıların gözlərində isə qorxu vardır..." Ukrayna prezidenti Rusiyanı hərbi gəmilərsiz qoyacağı ilə təhdid edib Ukrayna prezidenti Vladimir Zelenski Latın Amerikası KİV-lərinə müsahibəsində Ukrayna limanlarının blokadasının davam edəcəyi təqdirdə Kiyevin Rusiyanın Qara dəniz gəmilərini məhv edəcəyini vəd edib. Sozcu.az xəbər verir ki, bu barədə Argentinanın "La Nacion" nəşri məlumat yayıb. Ukrayna liderinin sözlərinə görə, Ukrayna sübut etməlidir ki, öz ərazi sularından məhsulunu idxal və ixrac etmək hüququna malikdir, ona görə də Rusiya gəmilərinə zərbələri ədalətli müdafiə adlandırıb. "Əgər blokada olacaqsa, Ukrayna öz sularının blokadasına son qoymağın üsulunu tapmalıdır", - Zelenski vurğulayıb. "Əgər Rusiya Qara dənizdə dominantlıq etməkdə və onu raket zərbələrilə blokada etməkdə davam edərsə, o zaman Ukrayna bizim müdafiə imkanlarımızın ədalətli müdafiəsi üçün lazım olanları edəcək.  Onlar atəş açmaqda davam edərsə, müharibənin sonunadək gəmsiz qala bilər. Bu, onlara göstərmək istədiyimizdir". Zelenski qeyd edib ki, Rusiya döyüş meydanında qalib gəlmək iqtidarında deyil, ona görə də silah və zorakılıq tətbiq etməklə Ukraynanı çıxılmaz vəziyyətə salmağa cəhd edir. "Ona görə də Ukrayna bizim dinc əhalimizə, taxıl brokerlərimizə istənilən hücuma mütləq cavab verəcək", - Zelenski vurğulayıb. "Biz göstərmək istəyirik ki, hamıya rusiyalılar təsir etməməlidir. Argentinalı jurnalist müstəmləkiçilikdən danışır, bu da Qara dənizə, Azov dənizinə qarşı müstəmləkə siyasətidir. Bu siyasi metodlarla onlar müstəmləkəçi kimi dominantlıq etmək istəyir. Nədən onlar bizim nə istehsal edib, nəyi ixrac etdiyimizi həll etməlidir? Onlar həm də sizin əvəzinizə həll edərək sizə buna imkan vermirlər. Nədən onlar həll edir? Bunu anlamaq olmur". Bundan başqa, Ukrayna prezidenti etiraf edib ki, Ukraynanın əkshücumu "mürəkkəb" məcrada davam edir, lakin bu zaman vurğulayıb ki, USQ geri çəkilmir, hücum fazasındadır. "Əkshücum mürəkkəb məcrada gedir, - Zelenski deyib. - Ehtimal ki, irəliləyiş bəzilərinin istədiyi və ya təsəvvür etdiyindən ləng gedir. Bütün bunlar ikincidərəcəli şeylərdir. Çünki cəbhənin bir hissəsi minalanıb, digər hissəsində başqa çətinliklər var... Bu barədə çox danışmaq olar. Hansı istiqamətdə düzgün və ya yanlış addımlar atılır. Lakin əkshücum ordunun geriyə çəkilməsi deyil, hücum etməsi deməkdir. Və bu, müsbət məqamdır. Təşəbbüs Ukraynanın əlindədir. Bu qədər uzun müddətdə mübarizə aparmaq çox çətindir. Bu, tamamilə aydındır. Müəyyən silah çatışmazlığı olanda çox çətindir. Bütün bunlar mürəkkəb məqamlardır. Çünki bu, müharibədir.  Mən dəqiq bilirəm ki, bizə çətindir, amma rusiyalılar üçün daha çətindir. Bəli, bizim gözlərimizdə yorğunluq var. Amma onların gözlərində qorxu var, bunlar müxtəlif şeylərdir. Biz dözməliyik. Mən nə deyə bilərəm? Biz qalib gəlmək istəyiriksə, dözümlü olmalıyıq. Biz isə bunu istəyirik. Lakin Rusiya bizdən fərqli olaraq, bu müharibəni öz hərbçilərini lazımsız qurban vermədən daha tez bitirə bilər. Onlar bizim ərazilərimizi tərk etməlidir. Ukrayna müharibəni Rusiyanın ərazisində aparmaq niyyətində deyil, bu, heç vaxt bizim məqsədimiz olmayıb. Biz yalnız öz ərazilərimizi azad edirik.  Onların geri qayıtmağa yerləri var, bizim isə yoxumuzdur. Onların getməyə yerləri var, bizim isə yoxumuzdur. Çünki bizim başqa torpağımız yoxdur".

Bir neçə rayonun icra başçısı dəyişdiriləcək. konkret.az-ın etibarlı mənbədən əldə etdiyi məlumata görə, bu ilin sentyabrına qədər 10-a yaxın şəhər və rayonun icra başçısı vəzifəsindən azad ediləcək. Vəzifəsini itirəcək icra başçıları arasında uzun müddət kreslodan yapışıb qalan məmurlar üstünlük təşkil edir. Məlumatlı mənbənin dediyinə görə, Qubadlı rayonun İcra başçısı Malik İsaqov, Şabranın İcra başçısı Novruz Novruzov, Qaradağın başçısı Süleyman Mikayılov da bu məmurlar arasındadır. Mənbənin məlumatına görə, vəzifədən gedəcək icra başçılarının bəziləri haqqında hüquqi müstəvidə ciddi ölçü götürüləcək. Sentyabra qədər bir neçə böyük şəhərlərin icra başçılarının da vəzifəsini itirməsi gözlənilir.

Bu gün ABŞ Ukraynaya 200 milyon dollarlıq yeni hərbi yardım paketini elan edəcək. Sozcu.az xəbər verir ki, bu barədə “Röyters” mənbələrinə istinadla məlumat yayıb. Hərbi yardım paketinə “Patriot” sistemləri üçün raketlər, GMLRS idarəolunan raketləri, minaların təmizlənməsi əleyhinə avadanlıqlar, tank əleyhinə silahlar və sursatlar daxil ediləcək.

Ağsu rayonunda başqasına qəbir qazan kişi qazdığı qəbirə yıxılaraq ölüb. Sozcu.az xəbər verir ki, hadisə ötən gün baş verib. Ağsu rayonunda yerləşən məzarlıqda qəbirqazan işləyən 54 yaşlı Səməndər Oktay oğlu Şirəliyev qazdığı məzara yıxılaraq ölüb. İlkin məlumata görə, S.Şirəliyev ürək tutmasından dünyasını dəyişib. Faktla bağlı araşdırma aparılır.

Böyük Britaniya, Kosta-Rika, İtaliya və Yaponiya Rusiya hakimiyyət orqanlarının Beynəlxalq Cinayət Məhkəməsinin (BMC) prokuroru və hakimlərinə qarşı başlatdığı cinayət işindən sonra birgə bəyanat yayıb. Sozcu.az xəbər verir ki, bu barədə ölkələrin rəsmi birgə bəyanatında deyilir. Onlar Rusiyanın BCM-nin prokuroru Kərim Xana və hakimlər Serxio Heraldo Ugalde Godinez, Rosario Salvatore Aytala və Tomoko Akaneyə qarşı başlatdığı cinayət işi ilə bağlı dərin narahatlıqlarını ifadə ediblər. "Rusiyanın Məhkəmənin mandatına xələl gətirmək cəhdlərini davam etdirməsi təəssüf doğurur və biz digər iştirakçı dövlətlərlə birlikdə Məhkəməni, onun rəsmiləri və əməkdaşlarını və onunla əməkdaşlıq edənləri qətiyyətlə dəstəkləmək üçün sarsılmaz öhdəliyimizi bir daha bəyan edirik”, - bəyanatda deyilir.  Ölkələr həmçinin müstəqil və qərəzsiz tribunal kimi BCM-ə tam etimadlarını və "Məhkəmənin bütövlüyünü heç bir təhlükə olmadan qoruyaraq” Roma Statutunda təsbit olunmuş prinsip və dəyərləri dəstəkləmək əzmində olduqlarını "bir daha təsdiqləyiblər”. Xatırladaq ki, mayın 19-da Rusiya prezidenti Vladimir Putinin həbsinə dair orderin qisasını almaq üçün Rusiya Daxili İşlər Nazirliyi Beynəlxalq Cinayət Məhkəməsinin prokuroru Kərim Xanın barəsində axtarış elan edib. BCM Rusiya Federasiyasının bu addımına Rusiya hakimiyyəti tərəfindən BCM rəsmilərinə qarşı "əsassız və əsassız məcburetmə tədbirləri” ilə bağlı dərin narahatlıqla reaksiya verib. Kərim Xan daha əvvəl qeyd edib ki, BCM-də Putinin ukraynalı uşaqların işğal olunmuş ərazilərdən deportasiyasına görə cinayət məsuliyyəti daşıdığına dair inandırıcı sübutlar var. İyulun 27-də Rusiya həmçinin Putin və Lvova-Belovanın həbsinə order verən BCM-nin hakimi Tomoko Akaneni də axtarışa verib. Martın 17-də Haaqa Beynəlxalq Cinayət Məhkəməsi Putin və Rusiyanın "uşaq ombudsmanı” Mariya Lvova-Belovanın həbsinə order verib. Onlar 2022-ci il fevralın 24-dən uşaqları Ukraynadan Rusiyaya qanunsuz deportasiya etməkdə ittiham olunurlar. BCM-nin rəhbəri Pyotr Hofmanskinin izah etdiyi kimi, Putin Roma Statutunu ratifikasiya etmiş 123 ölkənin ərazisində həbs oluna bilər.

Özbəkistan Prezidenti Şavkat Mirziyoyevin avqustda Azərbaycana səfəri gözlənilir. Bunu Beynəlxalq Münasibətlərin Təhlili Mərkəzinin təşkilatçılığı ilə keçirilən "Özbəkistan və Azərbaycan: əməkdaşlığın yeni üfüqləri" adlı dəyirmi masada BMTM-nin rəhbəri Fərid Şəfiyev deyib. F.Şəfiyev Özbəkistana Azərbaycanın ərazi bütövlüyünü dəstəklədiyinə görə təşəkkür edib: “Azərbaycan işğaldan azad edilmiş ərazilərinin bərpası prosesində Özbəkistanın dəstəyini hiss edir”. Ş.Mirziyoyevin səfəri zamanı Füzulidə Özbəkistan tərəfindən tikilən məktəbin açılışının olacağı gözlənilir.

“Oğlumun zəng edəcəyini gözləmirdim. Ümidim qırılmışdı, çarəsiz idim. Balamı sağ-salamat gördüm. Onun videozəng etdiyini görəndə sevincdən az qala ürəyim dayanmışdı”. Bunu Ermənistanda əsir saxlanılan Azərbaycan Ordusunun əsgəri Aqşin Bəbirovun anası Dürdanə Bəbirova deyib. “Telefon zənginə sevinsəm də, onun gəlişini gözləyirdim. Saniyələri iplə çəkdim. Artıq bədənim dərman və iynəni qəbul etmir. Ümidsiz qalmışdıq. Qırmzı Xaç Komitəsinə hər gün zəng edib, niyə oğlumdan xəbər olmadığını soruşurduq. Nəhayət, istəyimizi yerinə yetirdilər. Şükürlər olsun, oğlumu gördüm, səsini eşitdim. Aqşindən soruşdum ki, oğul, necəsən, nə edirsən, nə yeyib-içirsən? O da dedi: “Ana, narahat olma, yeməyimiz var, hər şey yaxşıdır, səbirli olun, gələcəyəm”. Oğlumun səsini eşidəndə kövrəlməmək mümkün deyil. Bacıları da, mən də Aqşinin yolunu gözləyirik”, - deyə əsir hərbçinin anası söyləyib. O, övladının tezliklə əsirlikdən azad olunması üçün gecə-gündüz dualar etdiyini deyib: “Nə qədər sevinsəm də, balamın gəlişini gözləyirəm. Təəssüflənirəm ki, artıq əsirlikdə olmaları beş aya keçir. Niyə və nə səbəbə? Çox narahatıq. Axı nə qədər gözləməliyik? Tezliklə balamı vətəndə görmək istəyirəm. Ümidimiz cənab Prezidentədir. Dözə bilmirik artıq. Bizə dəstək olub, kömək edən yoxdur. Dərman belə ala bilmirik”. Qeyd edək ki, ötən gün Ermənistanda əsir saxlanılan Azərbaycan Ordusunun əsgəri Aqşin Qabil oğlu Bəbirov ailəsi ilə əlaqə saxlayıb. Xatırladaq ki, Naxçıvan Muxtar Respublikasının (NMR) Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan Ordusunun itkin düşmüş əsgərləri - 2004-cü il təvəllüdlü Aqşin Qabil oğlu Bəbirov və 2003-cü il təvəllüdlü Hüseyn Əhliman oğlu Axundov Ermənistan tərəfindən əsir götürülüb. Aqşin Bəbirov və Hüseyn Axundov “Ermənistanın dövlət sərhədini qanunsuz keçməkdə, odlu silah və döyüş sursatı daşımaqda" ittiham olunaraq həbs ediliblər. Qondarma məhkəmə prosesində Aqşin Bəbirova 11,5 il, Hüseyn Axundova isə 20 il müddətinə həbs cəzası verilib.(modern.az)

“Sürgün edilən və öldürülən Krım tatarlarının sayı 500-600 min civarındadır. Krımdan, əsasən, əli silah tutmayan, İkinci Dünya müharibəsinə getməmiş yaşlılar, qadınlar və uşaqlar sürgün edilib. Onların sayı 450-500 min civarında idi. Əgər bu sayı əsas götürsək, deməli, sovet ordusu tərkibində 100-150 min civarında Krım tatarı vardı. Biz onların heç birinin savaşdan geri qayıtmasına şahid olmadıq. Onlar Şərq və Qərbdən olan güclər tərəfindən cəbhədə öldürüldü”. Bunu “Report”a müsahibəsində Krım Tatar Milli Məclisinin Almaniya təmsilçisi Ahmet Özay deyib. O, sovet dövründə Krım tatarlarının Sovet İttifaqına xəyanət etməsi ilə bağlı iddialardan da söz açıb və bunun fakta söykənmədiyini vurğulayıb: “İkinci Dünya müharibəsinə nəzər saldıqda “Krım tatarları sovet dövlətinə xəyanət etdi” kimi stalinist bir iddia qarşımıza çıxır. Mən Almaniyada yaşayan və bu məsələni araşdıran bir insan olaraq deyə bilərəm ki, Krım tatarlarının faşist ordusundakı sayı iki min nəfəri keçməyib. 150 min Krım tatarı sovet ordusunda döyüşərkən, alman ordusunda bu say 2500 civarında olub. Ancaq Sovet İttifaqı zamanı belə əsassız iddialar səsləndirilib və 500 min civarında Krım tatarı Türküstan coğrafiyasına, bugünkü Özbəkistan, Qazaxıstan, Tacikistana sürgün edilib. Onların geri qayıtmaları 1969-cu ildən etibarən gündəmə gəlib. Krım tatarları digər millətlərə qarşı sovetlərin “yumşalma” siyasətindən faydalanmaq istəsələr də, ötən əsrin 80-ci illərinə qədər bu, mümkün olmadı”. Həmsöhbətimiz qeyd edib ki, SSRİ-nin keçmiş rəhbəri Mixail Qorbaçovun 1991-ci ildə yaratdığı imkanla Krım tatarları kütləvi şəkildə geri qayıtmağa müvəffəq oldular: “Bu istiqamətdə xüsusilə bir hadisəyə diqqət çəkmək lazımdır. 1989-cu ildə Ağməsciddə Türkiyə ilə SSRİ arasında idman yarışı Krım tatarlarının ölkəyə qayıtmasına ciddi təsir göstərib. Çünki həmin vaxt bir çox insan avtobuslarla yarış izləmək bəhanəsi ilə bəlkə də, ilk dəfə Krıma gedib, qohumları ilə görüşüblər. Bu gün Krım tatarlarının 80-90 faizi Krımda yaşayır və ümumi əhalinin 13-15 faizini təşkil edirlər”.

Azərbaycan Respublikası ərazisinin bir hissəsində 32-ci ildir ki, Kremlin dəstəyi ilə qondarılımış və hazırda birbaşa Rusiyanın “sülhməramlı” adlanan hərbi kontingentinin himayəsi altında dövlətimizə, xalqımıza qarşı fəlaiyyətini davam etdirən separatçı-terrorçu rejim mənsubları üzdəniraq "parlament"lərinə yeni "sədr" seçiblər. Sozcu.az  xəbər verir ki, bu haqda  “Aysor” nəşri məlumat yayıb. Məlumatda deyilir ki, bu "vəzifə"yə  terrorçu “erməni inqilab federasiyası” –“Daşnaksütyun” partiyasının Xankəndindəki qanunsuz şöbəsinin “parlament”dəki “fraksiya” üzvü David İşxanyan seçilib. Bununla bağlı keçirilən iclasda baş separatçı Araik Arutyunyan bvə keçmiş "spiker" Artur Tovmasyan da iştirak ediblər. Xatırladaq ki, separatçı xuntanın qanunsuz “qanunverici” orqanının keçmiş “sədri" Artur Tovmasyan iyulun 29-da istefa verib.moderator

Dövlət İmtahan Mərkəzinin (DİM) sədri Məleykə Abbaszadə yaxın vaxtlarda istefaya göndəriləcək. DİM sədri ilə bağlı qərar sentyabrın ilk ongünlüyündə elan olunacağı gözlənilir. Yenisabah.az xəbər verir ki, xanım Abbaszadə ilə bağlı mövqe qətiləşib. Bu il keçirilən buraxılış və birinci blok imtahanlarından sonra şikayətlərin kütləvi xarakter alması bu sektorda dəyişiklikləri qaçılmaz edib. İqtidar düşərgəsində Məleykə Abbaszadənin təxminən 30 il davam edən hakimiyyətinə son qoyulmasının vaxtı çatdığına dair yekdil mövqe var. Məlumatlı şəxs Məleykə Abbaszadəni əvəzləyəcək şəxsin kimliyini də açıqlayıb. Onun sözlərinə görə, Məleykə Abbaszadənin vəzifəsi Elm və təhsil naziri Emin Əmrullayevə həvalə olunacaq. Məktəblərdəki neqativ halların ictimailəşməsindən sonra sürətlə nüfuzdan düşən gənc nazirin bu təyinata özünün xilası kimi baxdığı deyilir. Əmrullayevin karyerası ilə bağlı yeni qərarın yeni tədris ili başlayana kimi veriləcəyi gözlənilir.

Azərbaycan Həmkarlar İttifaqları Konfederasiyası (AHİK) Əmək Məcəlləsinin 233-cü maddəsinə əsaslanaraq yay mövsümü ilə əlaqədar üzv təşkilataların xidmətinə daxil olan müəssisə və təşkilatlarda havanın hərarəti 41 dərəcəni keçərsə, açıq havada işlərin dayandırılmasına ictimai nəzarətin həyta keçirilməsini tövsiyə edib. AHİK-in Hüquq, Əməyin mühafizəsi və Mətbuat və ictimaiyyətlə əlaqələr şöbələrinin birgə məlumatında göstərilir ki, burada məqsəd iş yerlərində sağlamlığa mənfi təsir edən isti havalarda açıq şəraitli iş yerlərində işçilərə müəyyən olunmuş qaydada fasilələrin verilməsi və ya işin dayandırılmasına həmkarlar ittifaqlarının ictimai nəzarətinin gücləndirilməsini təmin etməkdən ibarətdir. Əmək Məcəlləsinin 2-ci əlavəsində işçilərə fasilələrin verilməsi və işin dayandırılması üçün əsas hesab edilən havanın tempraturu və küləyin gücü göstərilib. Azərbaycan Respublikasının Konstitutsiyasında nəzərdə tutulduğu kimi, əmək hüquqlarının tənzimlənməsi çərçivəsində işəgötürən əməyin təhlükəsizliyi və gigiyenası tələblərinə cavab verən iş şəraiti yaratmalıdır. Əmək müqaviləsi və kollektiv müqavilələrdə bu məsələlər nəzərdə tutulur və nəzarəti həmkarlar təşkilatları yerinə yetirir, həmçinin nəzərdə tutulan şərtlərin yerinə yetirilməsi və işçinin əməyinin təhlükəsizliyinin təmin edilməsi işəgötürənin  əsas vəzifələrindən biridir. Əmək müqaviləsində işçilərin sosial müdafiəsi, əmək şərtləri, iş və istirahət vaxtları və digər məsələlərlə yanaşı, əməyin mühafizəsi üzrə işçinin hüquqları da nəzərdə tutulur. Əməyin təhlükəsizliyinin və mühafizəsinin təmin edilməsi, sağlam və əlverişli iş şəraitinin yaradılması haqqında məsələlər Azərbaycan Respublikasının Əmək Məcəlləsinin IX bölməsində qeyd olunub. Qeyd edək ki, havanın temperaturu müsbət 41 dərəcəni keçərsə, açıq havada və sərinləşdirici qurğular olmayan örtülü binalarda, otaqlarda və digər iş yerlərində bütün növ işlərin görülməsi dayandırılır və işçilərə sərinləmək üçün imkan yaradılmaqla fasilələr verilir. Əmək Məcəlləsinin 233-cü maddəsinin 4-cü hissəsinə əsasən, fasilələr iş vaxtına daxil edilir və bu fasilələr zamanı əmək haqqı işçilərin tarif maaşına görə ödənilir. Soyuq və isti hava şəraitində fasilələr və işin dayandırılması zamanı əməkhaqqının ödənişi sistemində Əmək Məcəlləsinin müəyyən etdiyi normalardan kənaraçıxma halları müşahidə edilərsə, onda tərəflər əməyin mühafizəsinə nəzarət edən orqanlara, həmkarlar ittifaqlarına və ya məhkəməyə müraciət edə bilərlər. Həmkarlar ittifaqları Əmək Məcəlləsinin 236-cı maddəsinə və “Həmkarlar ittifaqları haqqında” Azərbaycan Respublikası Qanununun 13 maddəsinə əsasən, nəzərdə tutulmuş hüquqları çərçivəsində əməyin mühafizəsi qaydalarına və müvafiq normativ hüquqi aktlara işəgötürən tərəfindən əməl edilməsinə nəzarətin həyata keçirilməsində iştirak edirlər.

Bu gün Xalq artisti Rasim Balayevin doğum günüdür. Sozcu.az Publika-ya istinadla xəbər verir ki, onun 75 yaşı tamam olur. Rasim Əhməd oğlu Balayev 8 avqust 1948-ci ildə Ağsu rayonunda anadan olub. “Nəsimi”, “Babək” və “Dədə Qorqud” filmlərindəki rollarla tamaşaçıların sevgisini qazanıb. Böyük və çətin rollardan əlavə R. Balayev kiçik rollarda da oynayıb. “Bu şirin söz, azadlıq”, “Sənin birinci saatın”, “Xoşbəxtlik səhnəsi”, “Mən hələ qayıdacağam”, “Birisigün, gecəyarısı” kimi filmlərdə epizodik rol oynayıb. “Özbəkfilm”, “Mosfilm” və başqa studiyalarda filmlərə çəkilib.  Xalq artisti qeyd edib ki, 75 yaş onun üçün qocalıq deməkdir: “Yaşadığım ömürdə sevincli günlərim qədər, kədərli günlərim də oldu. Bir ömür yaşadıq. Allah mənə sağlam ömür verdi. Şükürlər olsun ki, hələ də yaşayıb yarada bilirəm. Özümə arzum odur ki, Allah mənə nə qədər ömür veribsə, xəstələnməyim, ayaq üstə keçirim. Elə belə, söhbət edə-edə gedim o biri dünyaya. Ötən gün Prezidentimiz tərəfindən “İstiqlal” ordeni ilə təltif olundum. Ad günümü daha da özəlləşdirdi”.

"WhatsApp" vasitəsilə müxtəlif fırıldaqçılıq halları yaşanır. O qədər ki, xaricdən gələn spam mesajlar və naməlum nömrələrdən gələn zənglər istifadəçiləri narahat edir. Sozcu.az Trend-ə istinadən bildirir ki, yaranan vəziyyət qarşısında istifadəçilərin ala biləcəyi yeganə tədbir naməlum nömrələri bloklamaqdır. Beləliklə, "WhatsApp"da kontaktlarda qeydiyyata alınmayan naməlum nömrələri necə bloklamaq olar? "WhatsApp"da naməlum naməlum nömrələrdən gələn zəngləri bloklamaq üçün: 1) "WhatsApp"ı açın və yuxarı sağ küncdəki üç nöqtəli işarəyə toxunun. Parametrləri seçin. 2) Növbəti ekranda "Məxfilik" xanasını seçin. 3) İndi məxfilik səhifəsindən "Zənglər" xanasını seçin. 4) Daha sonra naməlum nömrələrdən gələn zəngləri səssiz edin düyməsini seçin.

İstidə tez-tez soyuq bir şey içmək istəyinin olmasına baxmayaraq, bu içkilər susuzluğu çox zəif yatırır və insan bədəninin termorequlyasiya xüsusiyyətlərinə görə bədəni tez tərk edir. Sozcu.az lent.az-a istinadən bildirir ki, şirin içkilər qəbul etməyin də heç bir mənası yoxdur. Onlar yalnız susuzluğun artmasına səbəb olur və əksəriyyəti zərərlidir. Xüsusilə, mütəxəssislər istidə çox soyudulmuş olmayan adi su içməyi məsləhət görürlər. Suya limon, nanə və ya meyvə qarışdıra bilərsiniz.  İsti olduğunuz zaman bədən termorequlyasiyanı işə salır, tər buraxır, bu da bədəndən duz və digər iz elementlərini atır. Buna görə də, istidə düzgün qidaları yemək vacibdir ki, bu da orqanizmə mikroelementlərin balansını bərpa etməyə və susuzlaşdırma ilə mübarizə aparmağa kömək edəcəkdir. Duz yeməyi dayandırmaq lazım deyil. Tərəvəz və meyvələrin çoxu ilk növbədə sudan ibarətdir, ona görə də onları yeyəndə nəinki vitamin və minerallar alırsınız, həm də bir az maye içirsiniz.  Belə ki, həkimlər isti havalarda xiyar (suyun nisbəti 96%-ə çatır), pomidor (93%), qarpız (90%), çiyələk (90%), qreypfrut (88%), ərik və alma (85%), albalı və gilas (82-83%) yeməyi tövsiyə edir. Həkimlər həmçinin yay pəhrizinizə soyuq şorbalar əlavə etməyi məsləhət görürlər - onlar çoxlu qida maddələrini ehtiva edir və eyni zamanda orqanizmin su balansını doldurur.

PSJ-nin yarımmüdafiəçisi Neymar "Barselona"ya qayıtmaq istəyində israrlıdır. Sozcu.az xəbər verir ki, bu barədə İspaniya mətbuatı məlumat yayıb. Braziliyalı Kataloniya klubuna qayıtmaq üçün hətta maaşını azaltmağa da hazırdır. "Barselona" prezidenti Joan Laporta və idarə heyətinin bir hissəsi bu fikri dəstəkləyir. Lakin  baş məşqçi Xavi Neymarın komandaya qayıtmasının əleyhinədir. Xavi aydın şəkildə başa düşür ki, braziliyalı "Barselona"nın indi ehtiyac duyduğu oyunçu deyil və onun klubdakı vaxtı artıq keçib. Rəhbərlik Neymarın mümkün transferini marketinq nöqteyi-nəzərindən yaxşı fikir hesab edir, lakin idman nöqteyi-nəzərindən transferə şübhələr var. Daha əvvəl Neymara Səudiyyə Ərəbistanından 300-400 milyon avro arasında maaş təklif etdiyi bildirilirdi. Qeyd edək ki, 31 yaşlı hücumçu 2017-ci ildən PSJ-nin formasını geyinir. O, 2013-2017-ci illərdə "Barselona"da oynayıb.

Şirvan şəhərində bıçaqlanma hadisəsi baş verib. Sozcu.az Report-a istinadən xəbər verir ki, hadisə şəhərin mərkəzində qeydə alınıb. Belə ki, Şirvan şəhər sakini, 1982-ci il təvəllüdlü Səfərov Səfər Fərhad oğlu qardaşı tərəfindən bıçaqlanıb. Yaralı Şirvan Şəhər Mərkəzi Xəstəxanasına çatdırılıb və dərhal əməliyyat olunub. Faktla bağlı araşdırma aparılır.

Ukrayna müharibənin 531-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 250 800 hərbçi, 4254 ədəd tank, 8278 ədəd zirehli döyüş maşını, 4996 ədəd artilleriya sistemi, 709 ədəd RYAS (reaktiv yaylım atəş sistemi), 468 hava hücumundan müdafiə sistemi, 315 ədəd hərbi təyyarə, 312 ədəd helikopter, 7460 ədəd avtomobil texnikası, 4158 ədəd PUA, 1377 qanadlı raket, 18 gəmi/qayıq, 737 xüsusi avadanlıq itirib.

Dünya birjalarında neft ucuzlaşıb. Sozcu.az xəbər verir ki, hazırda “Brent” markalı neftin bir barreli 85,38 dollara, yüngül neftin bir barreli isə 82,02 dollara satılır.

Sabirabad Rayon Polis Şöbəsinin (RPŞ) əməkdaşları tərəfindən rayon ərazisində narkotik vasitələrin qanunsuz dövriyyəsinə görə 13 nəfər saxlanılıb. Bu barədə Sozcu.az-a Daxili İşlər Nazirliyinin Mətbuat Xidmətinin Şirvan regional qrupundan məlumat verilib. Bildirilib ki, şöbə əməkdaşları tərəfindən keçirilən tədbirlər zamanı qeyd edilən cinayət əməli ilə məşğul olmaqda şübhəli bilinən rayon sakini Pərvin Nağızadə tutulub. Onun üzərinə keçirilən baxış zamanı 4 qramdan artıq, idarə etdiyi “Mercedes” markalı avtomobilə baxış zamanı isə 825 qram heroin və 1 ədəd elektron tərəzi aşkar olunaraq götürülüb. Dindirilmə zamanı P.Nağızadə narkotik vasitəni sosial şəbəkədə tanış olduğu İran vətəndaşından onlayn yolla aldığını bildirib. Şöbə əməkdaşları tərəfindən keçirilən digər bir əməliyyat tədbiri zamanı isə rayon sakini, əvvəllər də narkotiklərə görə məhkum olunmuş Azər Əsədov saxlanılıb. Polis əməkdaşı tərəfindən sonuncunun yaşadığı ünvana keçirilən baxış zamanı 1 kiloqrama yaxın heroin aşkarlanaraq maddi sübut kimi götürülüb. Sabirabad RPŞ-nin əməkdaşları tərəfindən son günlərdə bu istiqamətdə keçirilən əməliyyat tədbirləri nəticəsində narkotik vasitələrin qanunsuz dövriyyəsi və narkotik tərkibli bitkilərin kultivasiyası ilə məşğul olmaqda şübhəli bilinən ümumilikdə 13 nəfər saxlanılıb. Onlardan yaş çəkisi 320 kiloqramdan artıq olan 107 ədəd çətənə kolu, 3 kiloqrama yaxın heroin, metamfetamin və marixuana aşkarlanıb. Həmçinin, qeyd edilən dövr ərzində rayon ərazisində oğurluq faktları törədərək zərərçəkmişlərə maddi ziyan vuran 5 nəfər şəxs də müəyyən edilərək istintaqa təqdim olunub. Aşkarlanan bütün faktlarla bağlı Sabirabad RPŞ-nin İstintaq Bölməsində cinayət işləri başlanılıb, araşdırmalar davam etdirilir.

Ciddədə keçirilən sammitdə bəlli oldu ki, Pekin və Moskva arasında Ukrayna müharibəsinin Rusiyanın maraqlarına uyğun həlli ilə bağlı fikir ayrılıqları güclənib. Sozcu.az xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub. “Görüşdə Çin nümayəndələri göstərdilər ki, Rusiya deyillər və konstruktiv görünməyə çalışdılar. Avropalı diplomatların fikrincə, bu, Rusiyanın dünyada artan təcridini göstərdi. Eyni zamanda, Çindən gələn nümayəndə heyəti, yəqin ki, Rusiyanın da iştirakı olmadan keçiriləcək oxşar formatda növbəti görüşdə iştirak etməyə hazır olduğunu bəyan edib”, - məlumatda bildirilib. İnstitutun məlumatına görə, Rusiyadakı mənbələr bildiriblər ki, Kreml Rusiya 2023-cü ilin fevralından bəri 12 bəndlik Çinin Ukraynaya dair sülh planını rədd edib. “Bütün bunlar onu göstərir ki, Çin Ukrayna məsələsində Rusiyanı tam dəstəkləmir”.

Şərqi Azərbaycan əyalətinin Binab mahalından olan milli-mədəni fəal Səid Minayi həbs edilib. Sozcu.az xəbər verir ki, bu barədə onun ailə üzvləri məlumat veriblər. Minayinin avqustun 7-i günortadan sonra Binabın Axund Qışlaq kəndindəki ata evində təhlükəsizlik məmurları tərəfindən saxlanıldığı bildirlib. Onun hara aparıldığı və nədə ittiham olunduğu barədə məlumat verilməyib. Qeyd edək ki, Səid Minayi bundan öncə Azərbaycan dili və mədəniyyəti, ətraf mühit problemləri, xüsusilə Urmiya gölü ilə bağlı fəaliyyətlərinə görə bir neçə dəfə həbs edilib.

Beynəlxalq Qırmızı Xaç Komitəsinin (BQXK) nümayəndələri Ermənistanda saxlanılan iki Azərbaycan vətəndaşına yenidən baş çəkiblər. Bu barədə Sozcu.az-a BQXK-nin Bakı ofisindən məlumat verilib. Qeyd edilib ki, onlara telefon və Qızıl Xaç Məktubları vasitəsilə ailələri ilə əlaqə yaratmaq imkanı verilib. "Mandatına uyğun olaraq, BQXK başçəkmələr zamanı saxlanılan şəxslərlə rəftarı və saxlanma şəraitini qiymətləndirir və onların ailələri ilə əlaqələrini bərpa etmək və ya davam etdirmək üçün şərait yaradır. BQXK-nin prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır", - məlumatda qeyd edilib.

ABŞ Rusiyaya taxıl sazişi ilə bağlı problemlərini həll etməyi təklif edib, lakin Moskva hələ də cavab verməyib. Sozcu.az xəbər verir ki, bunu ABŞ dövlət katibi Entoni Blinken məlumat verib. “Banklarımıza məktub yazdım ki, Rusiya taxılının ixracını tamamilə dəstəkləyirik və sanksiyalardan qorxmaq üçün heç bir əsas yoxdur. Mümkün olan bütün problemləri həll etməyi təklif etsək də, Moskva hələ də buna cavab verməyib", - Blinken bildirib. ABŞ dövlət katibinin sözlərinə görə, son bir ildə Rusiya taxılının ixracı Ukraynadakı hadisələrdən əvvəl ixrac etdiyindən xeyli çoxdur.