Son xəbərlər

“Rusiya ordusu təzyiqlərə tab gətirə bilmir və onların bir hissəsi artıq könüllü təslim olub”. Bu barədə Ukraynanın Dövlət Sərhəd Xidmətindən (DSX) bildirilib. Qeyd edilib ki, Ukraynalı hərbçilər Donetsk vilayətinin Baxmut bölgəsində Rusiya ordusunun piyada qoşunlarını məhv etməkdə davam edir: “İndi əsas vəzifəmiz məhz Rusiya Silahlı Qüvvələrinin piyada qoşunlarını məhv etməkdir. Bunun üçün müxtəlif vasitələrdən, o cümlədən PUA-lardan, minaatanlardan, qumbaraatanlardan istifadə edilir”. Qeyd edək ki, Rusiya KİV-i daha əvvəl Ukrayna Silahlı Qüvvələrinin əks-hücum əməliyyatlarının ikinci mərhələsinə başladığını elan edib. Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.

Ukrayna ordusu Melitopol istiqamətində 1,5 kilometr irəliləyə bilib.  Sozcu.az xəbər verir ki, bunu Tavriya istiqamətində Müdafiə Qüvvələrinin birgə mətbuat mərkəzinin sözçüsü Valeri Şerşnya deyib. Onun sözlərinə görə, Ukrayna hərbçiləri ərazinin minalardan təmizlənməsi və havadan kəşfiyyatını aparır. "Ruslar bu yaxınlarda azad edilmiş Novodarivka bölgəsində itirilmiş mövqelərini bərpa etməyə çalışırlar. Ötən gün cənubda 146 işğalçı məhv edilib, 229-u yaralanıb, 4-ü əsir götürülüb", - məlumatda deyilir.

Ukrayna müharibənin 488-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 225 580 hərbçi, 4031 ədəd tank, 7820 ədəd zirehli döyüş maşını, 4055 ədəd artilleriya sistemi, 624 ədəd RYAS (reaktiv yaylım atəş sistemi), 385 hava hücumundan müdafiə sistemi, 314 ədəd hərbi təyyarə, 308 ədəd helikopter, 6751 ədəd avtomobil texnikası, 3482 ədəd PUA, 1259 qanadlı raket, 18 gəmi/qayıq, 557 xüsusi avadanlıq itirib.

Bakıda 15 yaşlı oğlan itkin düşüb. Sozcu.az xəbər verir ki, Sabunçu qəsəbəsində yaşayan, 2008-ci il təvəllüdlü Məhəmməd Səfərov iyunun 23-də yaşadığı evdən çıxıb və geri qayıtmayıb. Araşdırma aparılır.

Vaqnerçilər öz saylarını artırmaq üçün Rostov həbsxanalarındakı məhbusları kütləvi şəkildə silahlandırır və azadlığa buraxır. Sozcu.az xəbər verir ki, bununla bağlı “161.ru” məlumat yayıb. Qeyd edək ki, qiyama qalxan “Vaqner” döyüşçülərinin Rostov və Voroneji ələ keçirdikdən sonra Moskvaya doğru irəlilədiyi bildirilir.

“Vaqner”in hərbçiləri axşama qədər Moskvada olmalıdırlar.  Sozcu.az xəbər verir ki, bu barədə iş adamı Yevgeni Priqojin bildirib. Bildirilir ki, “Vaqner”çilər artıq Tula vilayətinə daxil olub: “Oradan Moskvaya təxminən 186 km-dir”. Eyni zamanda, Moskva küçələrində hərbi texnikanın hərəkəti müşahidə olunur, istehkamlar aparılır, atəş nöqtələri yaradılır. Paytaxtda polis pulemyot, dəbilqə və zirehlərlə silahlanıb. Lipetsk vilayətinin bir çox hərbi hissələri Priqojinin muzdlularının tərəfinə keçərək Moskvaya doğru hərəkət edir. Bildirilir ki, “Vaqner”çilər sıralarını doldurmaq üçün Rostov həbsxanalarından məhbusları kütləvi şəkildə azad edirlər. Unikal

Azərbaycan ərazisində xüsusi karantin rejiminin müddəti uzadılıb. Sozcu.az xəbər verir ki, bununla bağlı Baş nazir Əli Əsədov müvafiq qərar imzalayıb. Qərarla Azərbaycan ərazisində xüsusi karantin rejiminin müddəti iyulun 1-dən oktyabrın 2-dək uzadılıb.

Ukrayna ordusu ötən sutka ərzində Rusiyanın 13 qanadlı raketini, 44 artilleriya sistemini, 9 pilotsuz uçuş aparatını (PUA) və 15 zirehli döyüş maşınını məhv edib. Məlumatı Ukrayna Silahlı Qüvvələrinin Baş Qərargahı yayıb. Rusiya Ukraynanın Xmelnitski vilayətindəki hərbi aerodroma raket zərbələri endirib. Raketlərin çoxu havada vurulub. Hücum zamanı 13 “X101/X-505” qanadlı raket və bir PUA.

Rusiya ordusunun ən təcrübəli zabitlərindən biri, polkovnik-leytenant Dmitri Lissitski Ukraynadakı müharibədə hərbçi yoldaşları arasında böyük itkilərlə barışmayıb və intihar edib. Sozcu.az xəbər verir ki, bu barədə BBC-nin rus versiyası məlumat yayıb. Məlumata görə, Lissitski bu ilin martında Stavropoldakı mənzilində özünü güllələyib: “Ölümündən bir müddət əvvəl o, Prezident Administrasiyasına və hərbi idarəyə müraciətlər göndərərək, Putinə və Şoyquya 247-ci alayın məğlubiyyətində kimin günahkar olduğu barədə məlumat çatdırmağa çalışıb. Müharibənin əvvəlində Baş Qərargah rəisinə yaxın olan general Arkadi Marzoyev Xerson və Nikolayevə basqın etmək üçün bir alay göndərib. Hücumun ilk günlərində təxminən 1500 əsgər ölüb. Lissitski nəinki öz batalyonunu Nikolayev hava limanındakı mühasirədən itkisiz geri çəkməyi bacarıb, həm də general Sergey Surovikinin Xersonu və Dneprin bütün sağ sahilini tərk etmək qərarı gələnə qədər İnqulets çayı boyunca müdafiəni təşkil edib. Lissitskiyə ikinci “Qızıl ulduz” vəd edilib, bunun əvəzində isə onu general Marzoyevlə münaqişədən sonra məzuniyyətə və hər iki ayağından xəsarət aldığı üçün Stavropola müalicəyə göndəriblər. 2023-cü il martın 26-da Putinin Arkadi Marzoyevi “Aleksandr Nevski” ordeni ilə təltif etdiyi məlum olub. Həmin gün Dmitri Lissitzki özünü güllələyib”.

“ABŞ İranın Xalq Mücahidləri Təşkilatını demokratik müxalif hərəkat saymır. Bu təşkilat İran xalqını təmsil etmir”. Bunu ABŞ Dövlət Departamentinin nümayəndəsi Albaniya polisinin “Əşrəf 3” düşərgəsinə hücumunu şərh edərkən deyib. O bildirib ki, rəsmi Vaşinqton Albaniya hökumətinin ölkə ərazisində hər hansı qanunsuz fəaliyyəti araşdırmaq hüququnu tanıyır. Dövlət Departamentinin nümayəndəsinin sözlərinə görə, ABŞ hakimiyyəti Xalq Mücahidləri Təşkilatına heç bir maliyyə dəstəyi vermir və onların üzvlərini təlimatlandırmır, habelə bu qurumla xüsusi əlaqəsi yoxdur: “Mücahidlərlə yalnız köçürülərkən (İraqdakı düşərgədən köçürülməni nəzərdə tutur-red.) əlaqə olub. Bu da 2016-cı ildə başa çatıb”. ABŞ Dövlət Departamentinin nümayəndəsi Xalq Mücahidləri Təşkilatının üzvlərinin hüquqlarını pozan hərəkətlərlə bağlı ciddi narahat olduqlarını da vurğulayıb. Xalq Mücahidləri Təşkilatının liderliyi ilə qurulan Milli Müqavimət Şurası Albaniya polisinin düşərgəyə hücumunu pisləyən bəyanat yayıb. Bildirilib ki, iyunun 20-də 1000-ə yaxın alban polisi İran hakimiyyətinin tələbi ilə ”Əşrəf 3” düşərgəsinin sakinlərinə gözyaşardıcı qazla hücum edib. Hadisə nəticəsində təşkilatın Əli Manşerari adlı üzvü öldürülüb. Bəyanatda qeyd olunub ki, təşkilatın bir neçə üzvü də gözyaşardıcı qazdan zəhərlənərək xəstəxanaya yerləşdirilib, bəzilərinin vəziyyəti ağırdır. Milli Müqavimət Şurası BMT, ABŞ və Avropa İttifaqını məsələyə müdaxilə etməyə çağırıb. Xatırladaq ki, Xalq Mücahidləri Təşkilatı İrandakı rejimə qarşı siyasi-hərbi yolla mübarizə aparır. ABŞ və koalsiya qüvvələri İraqda hərbi əməliyyat başlayandan sonra mücahidlər ölkədən çıxarılaraq Albaniya ərazisində yerləşdirilib. Bir müddət əvvəl isə Milli Müqavimət Şurası Parisdə illik iclas keçirmək istəyib. Amma Fransa polisi buna razılıq verməyib. Təşkilat bunu tənqid edib və İranda hakim dini faşizmin şantajının qurbanı və girovu olmaq kimi qiymətləndirilib. Qeyd edək ki, şura iyulun 1-də Parisdə “Azad İran!” şüarı altında yürüş keçirmək üçün Fransanın uyğun dövlət qurumuna müraciət etmişdi. İyunun 18-də Fransa hökuməti hücum riski səbəbindən Müqavimət Milli Şurasının mitinqini də qadağan edib.

İyunun 20-də Təbrizin mərkəzi həbsxanasında Siyamək Lütfi adlı məhkum edam edilib. Sozcu.az xəbər verir ki, bu barədə insan haqları fəalları məlumat yayıblar. Məlumatda Lütfinin kütləvi dava zamanı adam öldürməkdə günahlandırıldığı bildirilib. Bununla yanaşı, Zəncan, İlam, Qorqan və Əhvaz şəhərlərində də qətl və narkotik maddələrin alverində ittiham olunan 5 məhkum edam edilib.

Ötən gün Ukrayna qoşunları cəbhənin ən azı üç istiqamətində uğurlu əks-hücum əməliyyatları həyata keçirib. Sozcu.az xəbər verir ki, bu barədə ABŞ-ın Müharibəni Öyrənilməsi İnstitutu məlumat yayıb. “Ruslar Ukrayna ordusunun Baxmutun şimal-qərb, şimal-şərq və cənub-qərb istiqamətində hücumlarını davam etdirdiyini bildirib. Ukrayna Krasnopolovka yaxınlığında (Baxmutdan təxminən 12 km şimal-şərqdə) irəliləyib. Kiyev rəsmiləri isə son bir həftə ərzində ordunun Zaporojye istiqamətində 7 km-ə qədər irəlilədiyini və 113 kvadratmetr ərazini azad etdiyini vurğulayıb. O cümlədən Donetsk və Zaporojye vilayətlərinin qərbində 8 yaşayış məntəqəsi də azad edilib. Ötən günün geolokasiya görüntüləri isə təsdiq edir ki, Ukrayna qüvvələri Zaporojye vilayətinin qərbində, Orexovdan təxminən 25 kilometr cənub-qərbdə yerləşən Pyatixatkini azad edib”, - məlumatda deyilib.