Son xəbərlər

Xamenei izləmə sistemlərimizdən yayına bilmədi. İsraillə sıx əməkdaşlıq nəticəsində onun və digər liderlərin qarşısı alındı - öldürüldülər! Sozcu.az xəbər verir ki, bu sözləri ABŞ Prezidenti Donald Tramp sosial şəbəkə hesabında yazıb. ”Bu, İran xalqı üçün ölkəni geri almaq baxımından ən böyük şansdır. Bir çox SEPAH, hərbi və polis qüvvələri döyüşmək istəmir, toxunulmazlıq axtarır. “İndi toxunulmazlıq əldə edə bilərlər, yoxsa sadəcə ölüm var” Yaxın Şərqdə və dünyada sülhə nail olunana qədər ağır bombardmanlar davam edəcək”.

"İranın Ali Lideri Əli Xamenei və ölkə Prezidenti Məsud Pezeşkian sağdır və təhlükəsiz şəraitdədirlər". Sozcu.az xəbər verir ki, bu barədə İslam Respublikasının Xarici İşlər Nazirliyinin rəsmi nümayəndəsi Esmail Bəqai "Sky News" telekanalına bildirib. "Onların hamısı təhlükəsiz yerdədirlər və özlərini yaxşı hiss edirlər", - deyə o vurğulayıb. Bundan əvvəl İsrailin Baş naziri Benyamin Netanyahu bəyan etmişdi ki, İrana endirilən zərbələr zamanı Xameneinin iqamətgahı hədəfə alınıb və ali liderin bu hücum nəticəsində həlak ola biləcəyini istisna etməyib.(Oxu.az)

İranın dini lideri Əli Xameneinin oğlu Müctəba Xamenei də öldürülüb. Sozcu.az xəbər verir ki, bu barədə İsrailin “Kanal 12” televiziyası məlumat yayıb. Qeyd edək ki, Əli Xameneinin, həmçinin onun kürəkəninin və gəlininin (Müctəba Xameneinin arvadı) öldüyü haqda məlumat yayılmışdı. Xameneinin kürəkəni və gəlininin ölümünü Tehran meriyasının sözçüsü təsdiqləsə də, rəsmi açıqlama yoxdur. Eyni zamanda Xamenei və oğlunun öldüyü də rəsmən təsdiqlənməyib.

İsrailin ABŞ-dakı səfiri Yehiel Leyter Vaşinqtondakı bir neçə yüksək rütbəli rəsmini İranın dini lideri Əli Xameneinin öldürüldüyü barədə məlumatlandırıb. Sozcu.az xəbər verir ki, bu barədə “Axios” məlumat yayıb. “Röyters” isə Xameneinin cəsədi tapıldığını və onun ölümünün təsdiqləndiyini yazıb. İsrailin “Kanal 12” televiziyasının məlumatına görə, İsrail kəşfiyyatında sui-qəsd nəticəsində öldürülən Xameneinin cəsədinin görüntüləri var və onlar ölkənin ən yüksək siyasi rəhbərliyinə təqdim edilib. Qeyd edək ki, bundan öncə İsrail Baş naziri Benyamin Netanyahu Əli Xameneinin öldüyü haqda “bir çox əlamət olduğunu” bildirmişdi.(Axar.az)

İranın Ali Rəhbəri Əli Xamenei bu səhər İsrailin İrana endirdiyi hava zərbəsi nəticəsində öldürülüb. Sozcu.az "The Times of Israel"ə istinadən xəbər verir ki, bu barədə İsrail rəsmisi bildirib. İrandan bununla bağlı təsdiq yoxdur.(APA)

İranın dini lideri Seyid Əli Xameneinin gəlini və kürəkəninin öldürüldüyü xəbəri yayılıb. Sozcu.az xəbər verir ki, bu barədə İran mediasında məlumat yayılıb. Qeyd edək ki, bu gün səhər saatlarından İsrail və ABŞ İrana zərbələrə başlayıb. Zərbələr nəticəsində Xameneinin də öldüyü xəbəri yayılsa da, daha sonra İran rəsmiləri, o cümlədən XİN başçısı Abbas Arakçı məlumatı təkzib edib.

İsrail və ABŞ-ın hücumlarından sonra İranın yüksək rəhbərliyinin demək olar ki, bütün üzvləri sağdır. Sozcu.az xəbər verir ki, bunu İranın xarici işlər naziri Abbas Əraqçi NBC-yə verdiyi müsahibədə bildirib. "Demək olar ki, bütün vəzifəli şəxslər sağ və salamatdır. Bir və ya iki komandirimizi itirə bilərik, amma bu, böyük problem deyil", - o qeyd edib. Aparıcılar ondan prezident Məsud Pezeşkian və Ali Lider Əli Xameneinin hələ də sağ olduğunu təsdiqləyib-təsdiqləyə bilməyəcəyini soruşublar. "Bildiyim qədəri ilə, hər ikisi sağdır", - nazir ingilis dilində deyib.

İran təxminən dünya neft tədarükünün 20%-nin keçdiyi Hörmüz boğazını bağlayıb. Sozcu.az xəbər verir ki, bu barədə İsrailin “Kanal 9” telekanalı məlumat yayıb. Qeyd edək ki, İsrail müdafiə naziri İsrail Katz ölkəsinin İrana qarşı qabaqlayıcı zərbələr endirməyə başladığını açıqlayıb. ABŞ ordusu İsrailin hücumuna dəstək verir.

İsrail İranın dini rəhbəri Ayətullah Seyid Əli Xameneinin hücum nəticəsində böyük ehtimalla həlak olduğunu hesab edir. Sozcu.az xəbər verir ki, bu barədə “Kanal 12” mənbələrə istinadən məlumat yayıb. Bildirilib ki, bu xəbər onun iqamətgahının peyk görüntülərində dağıdılması faktına deyil, adı açıqlanmayan mənbələrdən əldə edilən məlumatlara əsaslanır. Qeyd edək ki, bundan öncə də yayılan məlumatda Xameneinin öldürüldüyü bildirilsə də, İran bu xəbəri təkzib edib.

İsrailin hücumları nəticəsində bu ölkənin müdafiə naziri Əziz Nəsirzadə və məhkəmə sisteminin rəhbəri Qulamhüseyn Möhsün Ejei öldürülüb. Sozcu.az xəbər verir ki, məlumatı İsrail mediası yayıb. Qeyd edək ki, İsrail müdafiə naziri İsrail Katz ölkəsinin İrana qarşı qabaqlayıcı zərbələr endirməyə başladığını açıqlayıb. ABŞ ordusu İsrailin hücumuna dəstək verir.

İran Prezidenti Məsud Pezeşkian İsrail və ABŞ-ın hücumları nəticəsində xəsarət almayıb. Sozcu.az xəbər verir ki, bu barədə "Mehr" agentliyi məlumat yayıb. Qeyd edək ki, İsrail müdafiə naziri İsrail Katz ölkəsinin İrana qarşı qabaqlayıcı zərbələr endirməyə başladığını açıqlayıb.

İran ordusunun baş komandanı Əmir Hatəminin öldürüldüyü iddia olunur. Sozcu.az xəbər verir ki, bu barədə İsrail mediası məlumat yayıb. Qeyd edək ki, İsrail müdafiə naziri İsrail Katz ölkəsinin İrana qarşı qabaqlayıcı zərbələr endirməyə başladığını açıqlayıb.