Dünya

Ukrayna müharibənin 1341-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 1 136 890 hərbçi, 11 291 ədəd tank, 23 477 ədəd zirehli döyüş maşını, 34 002 ədəd artilleriya sistemi, 1 526 ədəd RYAS (reaktiv yaylım atəş sistemi), 1 230 hava hücumundan müdafiə sistemi, 428 ədəd hərbi təyyarə, 346 ədəd helikopter, 65 517 ədəd avtomobil texnikası, 74 399 ədəd PUA, 3 880 qanadlı raket, 28 gəmi/kater, 1 sualtı qayıq, 3 981 xüsusi avadanlıq itirib.

ABŞ ordusu Karib hövzəsində narkotik daşıyan daha bir gəmiyə zərbə endirib. Sozcu.az xəbər verir ki, bu barədə ABŞ-ın müdafiə katibi Pit Heqset açıqlama yayıb. Bildirilir ki, hücum nəticəsində 6 nəfər ölüb. Qeyd olunub ki, müdafiə katibi gəminin Venesuelanın “Tren de Aragua” dəstəsinə məxsus olduğunu bildirib. Bu, son bir neçə ayda ABŞ-ın beynəlxalq sularda narkotik daşıdığı deyilən gəmilərə 10-cu zərbəsidir.

Aparılacaq təmir işləri ilə əlaqədar olaraq, oktyabrın 25-də saat 00:00-dan etibarən Bakı şəhəri, Nərimanov rayonu, Ələsgər Qayıbov küçəsində nəqliyyat vasitələrinin hərəkəti işlər tamamlanana qədər tam məhdudlaşdırılacaq. Bu barədə Sozcu.az-a Azərbaycan Avtomobil Yolları Dövlət Agentliyindən məlumat verilib. Bildirilib ki, sürücülər təmir müddətində alternativ olaraq Müzəffər Nərimanov küçəsindən istifadə edə bilərlər.

Ukrayna indi öz uzaqmənzilli silahları ilə 3000 kilometrə qədər məsafədən zərbələr endirə bilər ki, bu da “Tomahavk” raketlərindən daha uzunmənzillidir. Sozcu.az xəbər verir ki, bu barədə Ukrayna Prezidenti Vladimir Zelenski deyib. "Biz Ukrayna istehsalının imkanlarından açıq şəkildə istifadə edirik. Onlardan (uzaqmənzilli silahlardan) 150 ilə 3000 km arasında istifadə edirik", - deyə Zelenski bildirib. Qeyd edək ki, “Tomahavk” raketləri 2500 km-ə qədər uçuş məsafəsinə malikdir.

Gümrünün baş memarı Henrix Qasparyan həbs edilib. Sozcu.az "Sputnik-Ermənistan"a istinadən xəbər verir ki, bu barədə Antikorrupsiya Komitəsi məlumat yayıb. "Gümrü icmasında bir qrup vəzifəli şəxsin rüşvət alması ilə bağlı cinayət işi çərçivəsində saxlanılan daha iki nəfər, o cümlədən baş mühəndis barəsində həbs qətimkan tədbiri seçilib", - komitədən bildirilib. 

ABŞ Prezidenti Donald Tramp və Kolumbiya Prezidenti Qustavo Petro arasında artan gərginlik fonunda Kolumbiya ABŞ-dakı səfirini geri çağırıb. Sozcu.az xəbər verir ki, bu barədə Kolumbiya Xarici İşlər Nazirliyi məlumat yayıb. Qeyd edək ki, sentyabrın 16-da ABŞ-ın narkotik daşıdığı deyilən qayığa zərbə endirməsindən sonra Kolumbiya Prezidenti Trampı vətəndaşını öldürməkdə ittiham edib. Daha sonra Donald Trampın Petronu “qanunsuz narkotik lideri” və “dəli” adlandırması gərginliyi daha da artırıb.

Almaniya ABŞ-dan əlavə 15 ədəd F-35 qırıcı təyyarəsi almağı planlaşdırır. Sozcu.az xəbər verir ki, bu barədə “Röyters” etibarlı mənbəyə istinadla məlumat yayıb. Məlumata görə, təyyarələrin təxmini dəyəri 2,5 milyard avro olacaq. Bildirilib ki, Almaniya artıq 85 ədəd köhnə “Tornado” qırıcılarının əvəzlənməsi üçün 35 ədəd F-35 təyyarəsi sifariş verib.

Kolumbiya Prezidenti Qustavo Petro narkotik lideridir və ABŞ bu ölkəyə böyük həcmdə ödəniş və subsidiyaları dayandıracaq. Sozcu.az xəbər verir ki, bunu ABŞ Prezidenti Donald Tramp “Truth Social” səhifəsində bildirib. “Bu narkotik istehsalının məqsədi ABŞ-a böyük həcmdə məhsul satmaqdır ki, bu da ölümə, dağıntıya və xaosa səbəb olur”, - Tramp bildirib.

ABŞ Prezidenti Donald Tramp Maduro administrasiyasına təzyiqi artırmaq məqsədilə Venesuela yaxınlığında Amerika qoşunlarının elit bölmələrini yerləşdirib. Sozcu.az xəbər verir ki, bu barədə “Nyu York Tayms” məlumat yayıb. “Söhbət 160-cı xüsusi təyinatlı aviasiya alayından gedir. “Gecə stalkerləri” kimi tanınan bu bölmə ABŞ xüsusi təyinatlı qüvvələrini münaqişə zonalarına yerləşdirməklə məşhurdur. Bunlara “Yaşıl beretlər”, “Dəniz pişikləri” və “Delta Force” xüsusi təyinatlıları daxildir. “Gecə stalkerləri” əməliyyatları zamanı “Little Birds” və “MH-60 Black Hawk” helikopterlərindən istifadə edirlər. Bu helikopterlər bu yaxınlarda Venesuela paytaxtından 800 km aralıda yerləşən Trinidad adasındakı təlim meydançasının yaxınlığında müşahidə edilib”, - məlumatda qeyd olunub.

Gecə Ukrayna Silahlı Qüvvələrinin Krıma hücumunu dəf edərkən ruslar təsadüfən öz təyyarələrini vurublar. Sozcu.az xəbər verir ki, bunu Ukrayna Hərbi Dəniz Qüvvələrinin spikeri Dmitri Pletençuk məlumat verib. “Ukraynanın hücumlarını dəf edərkən, Krım üzərində öz təyyarələrini vurdular. Mübarizə davam edir. Hazırda Krımda bütün məlumatları toplanır”, - Pletençuk bildirib. Onun sözlərinə görə, Krıma son gecə hücumundan sonra rusların daha bir neft bazasında yanğın başlayıb.

ABŞ Ukraynaya “Tomahavk” qanadlı raketlərini verməyi qərara alsa, onları idarə edənlər ukraynalılar deyil, amerikalılar olacaq. Sozcu.az xəbər verir ki, bu barədə “Faynənşl Tayms” nəşri məlumat yayıb. Qərb hərbi rəsmisinin sözlərinə görə, raketlər kifayət qədər qısa müddətdə, amerikalı podratçıların iştirakı ilə Ukraynaya göndərilə bilər. Onlar raketlərin istifadəsində köməklik göstərəcək, bu isə Vaşinqtona hədəflərə nəzarəti saxlamağa və ukraynalı hərbçilərin uzunmüddətli təlimini istisna etməyə imkan verəcək. Eyni zamanda, NATO dairələrində hesab edilir ki, Moskva bu addımı ABŞ-ın münaqişəyə birbaşa müdaxiləsi kimi qiymətləndirə bilər. Alyans rəsmilərindən biri bildirib ki, Rusiya nüvə şantajı elementləri ilə məsuliyyətsiz ritorika nümayiş etdirə və Ukraynaya daha genişmiqyaslı zərbələr endirə bilər. Bununla belə, ekspertlər hesab edirlər ki, bu qərar oyunun qaydalarını köklü şəkildə dəyişməyəcək və “Tomahavk” raketləri sadəcə Ukraynanın uzaqmənzilli PUA zərbələrinə əlavə kimi xidmət edəcək. Analitiklərin hesablamalarına görə, ABŞ bu raketləri Ukraynaya təhvil versə, onların atəş məsafəsinə Rusiyanın təxminən 1950 hərbi obyekti, o cümlədən 76 aviabazası daxil olacaq.

İsrail ordusu 2023-cü ilin oktyabrında hərbi əməliyyata başlayandan bəri Qəzzada təxminən 70 min ton müxtəlif mərmi və bombalardan istifadə edib. Sozcu.az xəbər verir ki, bu barədə sursatların zərərsizləşdirilməsi və mina qurbanlarına yardım göstərməklə məşğul olan “Handicap İnternational” təşkilatının Qəzzada işləyən əməkdaşı məlumat verib. “Yerdə və binaların dağıntılarında qalan partlamamış hərbi sursatlar hazırda Qəzzanın demək olar ki, bütün ərazilərində öz evlərinə qayıdan fələstinlilər üçün böyük təhlükə yaradır”, - məlumatda qeyd olunub.