Dünya

İsrail ordusu Livanın cənubundakı Mahmudiyə və Çarmak qəsəbələrinə aviazərbələr endirib. Sozcu.az xəbər verir ki, bu barədə Livan mediası məlumat yayıb. Lakin Livan hakimiyyəti hücumla bağlı rəsmi açıqlama verməyib.

Suriyanın şimal-qərbindəki İdlib şəhərində güclü partlayış baş verib. Sozcu.az xəbər verir ki, bu barədə Suriya mətbuatı məlumat verib. Məlumata görə, partlayış məktəbin yaxınlığında yerləşən silah anbarında meydana gəlib. Partlayış nəticəsində 5 işçi həlak olub, 9 nəfər yaralanıb. Məlumata görə, hadisə yerinə təhlükəsizlik və təcili yardım xidmətləri göndərilib.

ABŞ “Günəş karteli”ni (Cartel de los Soles) terror təşkilatı elan etməklə, Venesuela ilə hərbi münaqişəni daha da yaxınlaşdırdı. Sozcu.az xəbər verir ki, bu barədə “Nyu York Tayms” qəzeti məlumat yayıb. “Venesuelanı bombalamağa başlayacağımızı heç kim bilmir, amma ABŞ Prezidenti Donald Tramp administrasiyasının “Günəşlər karteli” ilə bağlı demaqogiyası çoxsaylı həyəcanverici siqnallardan yalnız biridir. ABŞ aylardır ki, narkotik qaçaqmalçılığı şübhəlilərinin məhkəməsiz qətllərini həyata keçirir və hücumları Amerikanın narkotik kartelləri ilə silahlı münaqişədə olduğunu iddia etməklə əsaslandırır, lakin indi Tramp administrasiyası bu silahlı münaqişəni Venesuelaya da şamil etməyə hazır görünür”, - məlumatda deyilib. Qeyd olunub ki, amerikalılar artıq Venesuela sahillərində böyük bir dəniz qüvvəsi toplayıb və aviaşirkətlər ABŞ Federal Aviasiya Administrasiyasının Karib dənizində hərbi fəaliyyətin artması ilə bağlı xəbərdarlığından sonra uçuşları ləğv etməyə başlayıblar.

Ukrayna müharibənin 1370-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 1 166 450 hərbçi, 11 366 ədəd tank, 23 620 ədəd zirehli döyüş maşını, 34 626 ədəd artilleriya sistemi, 1 549 ədəd RYAS (reaktiv yaylım atəş sistemi), 1 248 hava hücumundan müdafiə sistemi, 428 ədəd hərbi təyyarə, 347 ədəd helikopter, 68 006 ədəd avtomobil texnikası, 83 769 ədəd PUA, 3 981 qanadlı raket, 28 gəmi/kater, 1 sualtı qayıq, 4 003 xüsusi avadanlıq itirib.

ABŞ-ın Ukrayna ilə bağlı sülh planında nəzərdə tutulduğu kimi, Rusiyanın G8-ə qayıtması istisnadır. Sozcu.az xəbər verir ki, bunu Almaniya kansleri Fridrix Merz deyib. “Hazırda Amerikanın olmadığı G7-nin altı üzvü arasında Rusiyanı yenidən həmin qrupa qəbul etmək üçün heç bir istək görmürəm”, - o bildirib. Merz vurğulayıb ki, G8 formatına qayıtmaq yalnız konsensus əsasında razılaşdırıla bilər. Qeyd edək ki, Avropanın Ukrayna münaqişəsi başa çatdıqdan sonra Rusiyanın G8-ə qayıtmasına razılıq verdiyi haqda məlumat yayılıb.

Avropa Birliyi, Böyük Britaniya, Almaniya və Fransadan olan nümayəndələr ABŞ-ın Ukraynadakı münaqişənin həlli planına dair İsveçrədə keçiriləcək məsləhətləşmələrdə iştirak edəcəklər. Sozcu.az xəbər verir ki, bu barədə “Politiko” məlumat yayıb. "Avropa Birliyi və Böyük Britaniya danışıqlarda iştirak edəcək. Fransa və Almaniyadan yüksək səviyyəli təhlükəsizlik rəsmiləri də İsveçrəyə gedəcək", - nəşr bildirib. Qeyd edək ki, Ukraynanın nümayəndə heyəti ABŞ Prezidenti Donald Trampın təklif etdiyi sülh planını müzakirə etmək məqsədilə İsveçrəyə gedib.

Ukrayna və onun sülh danışıqları aparan tərəfdaşları arasında məsləhətləşmələr yaxın günlərdə keçiriləcək. Sozcu.az xəbər verir ki, bunu Ukrayna Prezidenti Vladimir Zelenski deyib. "Mən Ukrayna nümayəndə heyətinin tərkibi haqqında fərman imzaladım və bütün müvafiq direktivləri təsdiqlədim. Nümayəndələrimiz Ukraynanın milli maraqlarını necə müdafiə etməli olduğunu və Rusiyanın keçmişdə xalqımıza və digər xalqlara qarşı cinayətlər törətdiyi kimi, Ukraynaya üçüncü işğalın, növbəti hücumunun qarşısını almaq üçün dəqiq nəyə ehtiyac olduğunu bilirlər", - deyə Zelenski bildirib. Qeyd edək ki, bu gün Kiyev ABŞ-ın təklif etdiyi plana dair danışıqlarda iştirak edəcək nümayəndə heyətinin tərkibini təsdiqləyib.

ABŞ Prezidenti Donald Tramp Nyu-Yorkun seçilmiş meri Zöhran Mamdani ilə görüşüb. Sozcu.az-ın məlumatına görə, Tramp bildirib ki, Ağ Evdə baş tutan görüş onun üçün “xoş sürpriz” olub. Tramp buna qədər Mamdanini sərt tənqid etsə də, iki tərəfin bir çox əsas məsələlərdə mövqelərinin üst-üstə düşdüyünü deyib. “Kriminalın olmamasını, mənzillərin tikilməsini və kirayələrin azalmasını istəyir. Bunların hamısı ilə razıyam”, - ABŞ Prezidenti qeyd edib. Tramp, həmçinin Mamdani ilə “birlikdə işləyəcəyini” vurğulayıb.  Donald Tramp daha əvvəl Mamdani mer seçilərsə Nyu-Yorkun maliyyələşdirilməsini məhdudlaşdırmaqla hədələsə də, indi bu fikrindən daşındığını deyib: “Mən ona kömək edəcəyəm, zərər vurmayacağam. Nyu-Yorkun böyük olmasını istəyirəm”. 34 yaşlı Zöhran Mamdani Nyu-York tarixində ilk müsəlman mer və son yüz ildə şəhərə rəhbərlik etmiş ən gənc siyasətçi olub. Onun seçki qələbəsini Tramp “kiçik suverenlik itkisi” kimi qiymətləndirmiş, həmçinin Mamdanini “yüz faiz kommunist dəlisi” adlandırmışdı.

Sanksiyalar çox güclüdür, Rusiya neftinin satışını ciddi şəkildə çətinləşdirəcək. Sozcu.az xəbər verir ki, bunu ABŞ Prezidenti Donald Tramp Rusiyaya sanksiyalar tətbiq edəcəyini açıqlayarkən deyib. O, sanksiyaların çox yaxın vaxtda qüvvəyə minəcəyini qeyd edib.

Vaşinqton Ukrayna Prezidenti Vladimir Zelenskinin 27 noyabr cümə axşamı tarixinə qədər Ukraynadakı münaqişənin həlli üçün yeni sülh planının imzalamasını gözləyir. Sozcu.az xəbər verir ki, bu barədə “Faynənşl Tayms” qəzeti Ukrayna rəsmilərinə istinadən məlumat yayıb. “ABŞ rəsmiləri Zelenskinin müqaviləni gələn həftə Şükranlıq günündən (27 noyabr - red.) əvvəl imzalayacağını gözləyir ki, o, sülh müqaviləsini bu ayın sonunda Moskvaya təqdim edə bilsin. Onlar bu prosesi noyabr ayının sonuna qədər başa çatdırmaq istəyirlər ki, münaqişənin həllinin bütün mərhələləri 2025-ci ilin dekabr ayına qədər tamamlan“, - məlumatda deyilib.

Ukrayna Prezidenti Vladimir Zelenski ABŞ-ın ordu naziri Den Driskoll və digər amerikalı generallarla görüşüb. Sozcu.az xəbər verir ki, bu barədə “RBK-Ukrayna” məlumat yayıb. “Zelenski artıq Trampın Pentaqondan olan nümayəndəsi ilə görüşüb”, - deyə bildirilib.

ABŞ Prezidenti Donald Trampın xüsusi nümayəndəsi Stiven Uitkoff “Axios” portalının Ukraynadakı müharibəyə son qoymaq üçün yeni bir plan haqqında hesabatına X-də münasibət bildirib, daha sonra isə tvitini silib. Sozcu.az xəbər verir ki, bu barədə ABŞ mediası məlumat yayıb. “Yəqin ki, bunu K. “sızıdırıb”, - yazan Uitkoff daha sonra onu silib. Ehtimal olunur ki, Uitkoff “K.” yazarkən, Rusiya Birbaşa İnvestisiya Fondunun direktoru Kirill Dmitriyevə işarə edib.