Dünya

Ukrayna Prezidenti Vladimir Zelenski Rusiyanın bir sıra hüquqi və fiziki şəxslərinə yeni məhdudlaşdırıcı tədbirlər tətbiq edib. Sozcu.az xəbər verir ki, bu barədə Ukrayna prezidentinin saytında məlumat yayılıb. Bildirilib ki, sanksiya siyahısına 9 hüquqi və 50 fiziki şəxsin adı əlavə edilib.

Kaliforniya ştatı ABŞ Prezidenti Donald Trampı Los-Ancelesdəki etirazları yatırmaq üçün 2000 Milli Qvardiya əsgəri göndərmək qərarına görə məhkəməyə verəcək. Sozcu.az  xəbər verir ki, bu barədə Kaliforniya qubernatoru Qevin Nyusom bildirib. "Donald Tramp məhz bunu istəyirdi. O, yanğınlar törədib və Milli Qvardiyanı federallaşdırmaq üçün qeyri-qanuni hərəkətlər edib. Onun imzaladığı sərəncam təkcə Kaliforniyaya şamil edilmir. Bu, ona hər ştata dair eyni hərəkəti etməyə imkan verəcək. Biz onu məhkəməyə veririk", - qubernator "X"də yazıb. Kaliforniya qubernatoru ABŞ prezidentini iğtişaşlarla bağlı vəziyyəti daha da pisləşdirməkdə ittiham edib.

Ukraynadakı müharibə qlobal münaqişəyə çevrilməyəcək. Bunun səbəbi Rusiyanın kifayət qədər zəif olmasıdır. Sozcu.az xəbər verir ki, bunu Macarıstanın Baş naziri Viktor Orban deyib. “Ruslar bunun üçün çox zəifdirlər. Onlar heç Ukraynanı məğlub edə bilmirlər, ona görə də NATO-ya qarşı ciddi hücum etmək gücündə deyillər”, – Orban bildirib. Orban əlavə edib ki, Avropa güclü olmalıdır, çünki ruslar yalnız güc dilini anlayır.

ABŞ Prezidenti Donald Tramp Los-Ancelesdəki iğtişaşçıların həbsinə göstəriş verib. Sozcu.az xəbər verir ki, bu barədə ABŞ mediası məlumat yayıb. Məlumata görə, qanunsuz mühacirlərin kortəbii etirazları şəhərin hər yerini bürüyüb: "İnsanlar avtomobilləri yandıraraq polisə müqavimət göstəriblər. İğtişaşları yatırmaq üçün Milli Qvardiya və 500 dəniz piyadası cəlb edilib, hətta kütləni izləmək üçün "MQ-9 Reaper" pilotsuz təyyarələri və "Black Hawk" helikopterləri də gətirilib".

Rusiyanın Krasnoyarsk şəhərinin meri Vladislav Loginov saxlanılıb. Sozcu.az xəbər verir ki, bu barədə yerli media hüquq-mühafizə orqanlarına istinadən məlumat yayıb. Bildirilib ki, Krasnoyarsk meri rüşvət almaqda şübhəli bilinərək saxlanılıb. Mer saxlanılandan sonra Krasnoyarsk administrasiyasında axtarışlar aparılır. Barəsində həbs-qətimkan tədbiri seçilməsi üçün Loginovun Moskvaya aparılacağı bildirilib. Qeyd edək ki, Krasnoyarsk Rusiyanın altıncı, Sibir regionunun isə ən böyük şəhəridir.

ABŞ prezidenti Donald Tramp sahibkar İlon Maskın “dəli” davranışını narkotik istifadəsi ilə əlaqələndirib. Sozcu.az "Unikal"a istrinadən xəbər verir ki, “The New York Times”da may ayında dərc olunan məqalədə Maskın Trampın ən yaxın müttəfiqlərindən birinə çevriləndə aktiv olaraq ketamin qəbul etməyə başladığı qeyd edilib. Lakin narkotiklərlə bağlı məlumatı iş adamı özü təkzib edib. "Tramp son 24 saat ərzində köməkçilərinə Maskın “dəli” davranışının onun narkotik istifadəsindən qaynaqlandığını bildirib”, – nəşr qeyd edib. Biznesmenin Ağ Evi tərk etmək qərarından sonra ABŞ prezidenti Donald Tramp və sahibkar İlon Mask arasında ictimai mübahisə yaranıb. Mask ABŞ Hökumətinin Səmərəliliyi Departamentinin (DOGE) rəhbəri vəzifəsindən istefa verib, bundan sonra Trampın vergilərlə bağlı qərarını tənqid edib. Sahibkarın sözlərinə görə, vergi güzəştlərini nəzərdə tutan qanun layihəsi ABŞ-nin büdcə kəsirinin artmasına səbəb olacaq.

ABŞ Prezidenti Donald Tramp özünün “Tesla” avtomobilindən imtina edilməsindədir. Sozcu.az xəbər verir ki, bu barədə “Vaşinqton Post” məlumat yayıb. “Prezidentin elektromobildən xilas edilməsi ilə bağlı söz-söhbətlər Tramp və Mask arasında ayrılıqlar fonunda ortaya çıxan fikir”, - məlumatda qeyd olunub. Qeyd edək ki, ABŞ Prezidenti Donald Tramp bu ilin əvvəlində Maskın kampaniyasına dəstək olmaq üçün “Tesla” avtomobili almışdı.

Amerikalı milyarder İlon Maskın keçmiş sevgilisi Eşli Sent-Kleer prezident  Donald Trampla əlaqə saxlayaraq ona öz köməyini təklif edib. Sozcu.az xəbər verir ki, Eşli Sent-Kleer bunu Mask və Tramp arasında gərginliyin artması fonunda edib. Eşli Sent-Kleer X sosial şəbəkəsində Trampa ünvanlanan çağırışında qeyd edib ki, məsləhətə ehtiyacı varsa, ona yazsın. İlon Mask prezidentin təklif etdiyi büdcəni kəskin tənqid etdikdən və həmçinin onun köməyi olmadan Trampın 2024-cü il prezident seçilə bilməyəcəyini dedikdən sonra onların münasibəti gərginləşib. "Mən olmasam, Tramp uduzardı. Demokratlar Nümayəndələr Palatasına, respublikaçılar isə Senatda cəmi 51 yerə sahib olardılar. Belə bir nankorluq", - Mask sonradan silinən paylaşımında yazıb. Mask Donald Trampın adının məhkum edilmiş cinsi cinayətkar Epstein ilə əlaqəli sənədlərdə keçdiyini də qeyd edib: "Əsl bombanı atmağın vaxtı gəldi: Donald Trampın adı Epsteinin fayllarındadır".  Eşli Sent-Kleer keçən il Maskla izdivacdan oğlan uşağı dünyaya gətirib. Aprel ayında o, “The Wall Street Journal”a deyib ki, milyarder ona uşağın atasının kim olduğunu deməməsi üçün 15 milyon dollar, həmçinin uşağın 21 yaşına qədər aylıq 100 min dollar ödəmə təklif edib.

ABŞ Prezidenti Donald Trampla mübahisədən sonra amerikalı iş adamı İlon Mask “sona qədər getməyə” və lazım gələrsə, “demokratları dəstəkləməyə” hazırdır. Sozcu.az xəbər verir ki, bu barədə NBC telekanalı maskın adı açıqlanmayan məsləhətçisinə istinadən məlumat yayıb. Məqalədə qeyd edilir ki, Mask bir neçə ay əvvəl siyasi fəaliyyətlərə 100 milyon dollar xərcləyəcəyini və bu vəsaiti Trampla əlaqəli təşkilatlara köçürməyi planlaşdırdığını açıqlamışdı. Ancaq pul köçürülməyib. “Onun Respublikaçılar Partiyası, RMK (Respublika Milli Komitəsi), Nümayəndələr Palatasındakı yerlər və s. heç vecinə deyil. Onları darmadağın edəcək”, - biznesmenin müşaviri vurğulayıb. O, Respublikaçılar Partiyasının ABŞ Konqresinin aşağı palatasına keçiriləcək növbəti seçkilərdə uduzacağına əmin olduğunu bildirib. “Ancaq Maskın bütün bu partiya cəfəngiyyatları heç vecinə də deyil”, - mənbə əlavə edib. Jurnalistlərin qeyd etdiyi kimi, respublikaçılar indi bir neçə şeydən ehtiyatlı olmalıdırlar. Bunlardan biri də sahibkarın demokratlara mümkün maliyyə dəstəyidir.

Arzuedənlər Koalisiyasının komandalar səviyyəsində koordinasiya prosesini sürətləndirmək lazımdır. Sozcu.az xəbər verir ki, bunu ölkə Prezidenti Volodimir Zelenski Ukraynanın Müdafiəsi üzrə Təmas Qrupunun 28-ci iclasında ("Ramştayn" formatında) çıxışı zamanı bildirib. "Biz müharibənin yayılmasının və ya yenidən başlamasının qarşısını almaq üçün artıq bəzi ölkələrlə real təhlükəsizlik zəmanətləri və siyasi addımlar üzərində işləməyə başlamışıq", - prezident qeyd edib. O, iştirakçı olan hər bir ölkəyə təşəkkür edib, lakin qərarları, infrastrukturu və koordinasiyanı hazırlamaq üçün praktikliyi qoruyub saxlamağın vacibliyini vurğulayıb. "Gəlin bu prosesi komandalar səviyyəsində sürətləndirək", - Ukrayna lideri sonda deyib.

ABŞ-ın Rusiyaya qarşı sanksiyaları hazırdır, Konqres və Ağ Ev onları təsdiqləməyə hazırdır. Sozcu.az xəbər verir ki, bunu ABŞ prezidentinin Ukrayna və Rusiya üzrə xüsusi nümayəndəsi Keyt Kelloq deyib. “Keçən həftə sonu senator Lindsi Qremlə danışdım. Anladığım qədər, sanksiyalar hazırdır. Layihə 2025-ci il “Rusiya Sanksiya Aktı” adlanır. Bu, sanksiyalar kifayət qədər ağırdır. Məsələn, ABŞ-a idxalda gömrük dərəcəsi 500% təşkil edir. Konqresdə və Ağ Evdə bu məsələ ilə bağlı yekdil fikir var. Rusiya neft dövlətidir. Gəlirinin böyük hissəsini neft-kimya sənayesindən əldə edir. Bu sanksiyaların hədəfi məhz bu sənayedir”, - o bildirib.

“Ukrayna dronları xeyli müddətdir ki, Rusiyaya məxsus ağır bombardmançı təyyarələrin ovuna çıxıb. Onlar həmin təyyarələri “axtarıb tapır” və dərhal məhv edirlər”. Sozcu.az xəbər verir ki, bu barədə ABŞ hərbi nəşri məlumat yayıb. Nəşrin məlumatına görə, Rusiya bu təyyarələri qorumaq üçün onları döyüş bölgəsindən minlərlə kilometr uzaqlıqda gizlətsə, habelə onların yerini tez-tez dəyişsə də, Ukrayna dronları bu təyyarələri tapmaqda, onları sıradan çıxarmaqda davam edir. Nəşrin məlumatına görə, son günlər Ukrayna dronlarının Rusiyanın ucsuz-bucaqsız ərazilərində tapıb məhv etdiyi təyyarələrdən biri də Tu-95 təyyarələridir. Ukrayna bu təyyarələrə Saratov yaxınlığındakı Engels hava bazasında təkrar zərbə endirdikdən sonra Rusiya həmin təyyarələri Murmans vilayətindəki Kola yarımadasında “gizlətmişdi”. Lakin Ukrayna dronları onları bu yarımada da tapmış və məhv etmişdir. Nəşr hesab edir ki, “Hörümçək toru” əməliyyatıdnan Urkrayna dronlarının Rusiya təyyarələrinə qarşı hücum əməliyyatlarəı daha intensiv və sistemli hal alacaq. Bu hücumlardan yayınmağı çətinləşdirən əsas amil isə həmin təyyarələrin hədsiz böyüklüyü səbəbindən peyk kəşfiyyatı tərəfindən rahatlıqla təsbit edilməsidir.