Dünya

AB-nin böyük ölkələri ABŞ-ın Ukraynaya yardımına potensial məhdudiyyətlər kontekstində Kiyevə hərbi və maliyyə dəstəyinin ağır yükünü daşımağa razıdır. Sozcu.az xəbər verir ki, bunu Polşa xarici işlər naziri Radoslav Sikorski deyib. “AB-nin gələcək xarici əlaqələr üzrə ali nümayəndəsi Kaya Kallasla birlikdə Ukraynaya dəstəyimizi artırmaq imkanları haqqında fikir mübadiləsi apardıq. AB-nin böyük dövlətlərinin ABŞ-ın iştirakının mümkün məhdudlaşdırılması kontekstində Ukraynaya hərbi və maliyyə dəstəyi yükünü öz üzərinə götürməyə hazır olduqlarını etiraf edirəm”, - Sikorski bildirib.

Ukrayna müharibənin 1000-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 724 050 hərbçi, 9 382 ədəd tank, 19 092 ədəd zirehli döyüş maşını, 20 632 ədəd artilleriya sistemi, 1 252 ədəd RYAS (reaktiv yaylım atəş sistemi), 999 hava hücumundan müdafiə sistemi, 369 ədəd hərbi təyyarə, 329 ədəd helikopter, 29 548 ədəd avtomobil texnikası, 19 111 ədəd PUA, 2 751 qanadlı raket, 28 gəmi/kater, 1 sualtı qayıq, 3 672 xüsusi avadanlıq itirib.

İsrailin ötən ay İrana hücumu onun müdafiə və raket istehsal imkanlarını sarsıdıb və nüvə proqramının bəzi hissələrinə zərbə vurub. Sozcu.az xəbər verir ki, bu barədə İsrail Baş naziri Benyamin Netanyahu Knessetdəki çıxışı zamanı bildirib. "Onların (İranın - red.) nüvə proqramının bu hücum nəticəsində zədələnmiş xüsusi bir komponenti var. Bu, heç kimə sirr deyil”, – baş nazir vurğulayıb. Eyni zamanda o əlavə edib ki, İranın nüvə silahına gedən yolu bağlanmayıb. Qeyd edək ki, İsrail İrana 26 oktyabrda hava hücumu həyata keçirib.

Raketlər özləri öz sözlərini deyəcəklər. Bu sözləri Ukrayna prezidenti Vladimir Zelenski ABŞ, Böyük Britaniya və Fransanın Rusiya ərazisini uzaqmənzilli raketlərdən istifadə etməklə vurmaqla bağlı icazəsini şərh edərkən deyib. "Ukraynaya dair "Qələbə planım"da əsas məqam ordumuzu uzaqmənzilli silahlarla təmin etmək idi. Bu gün mətbuat bizim o raketlərdən istifadəyə icazə aldığımızı yazıb. Amma zərbələri sözlə vurmurlar, belə şeylər elan olunmur. Raketlər özləri öz sözlərini deyəcəklər. Mütləq!", - deyə o bildirib.

Braziliyanın birinci xanımı Rozangela da Silva amerikalı milyarder İlon Maskı təhqir edib. Sozcu.az xəbər verir ki, bu barədə G1 portalı məlumat yayıb. Portalın məlumatına görə, birinci xanım Rio-de-Janeyroda G20 sammiti ərəfəsində keçirilən tədbirdə sosial şəbəkələrin tənzimlənməsinin zəruriliyini müdafiə edən çıxış edərkən kənardan gəmi fitinə oxşayan səsə təəccüblənib: “Fikrimcə bu, Maskdır. Mən hətta səndən qorxmuram. Rədd ol İlon Mask”. Mask isə özünün X səhifəsində birinci xanımın çıxışına LOL smayliki ilə cavab verib.

Gürcüstan müxalifəti noyabrın 17-də, bazar günü axşam saatlarında Tiflisdə parlament binası yaxınlığında etiraz aksiyası keçirməyi planlaşdırır. Sozcu.az xəbər verir ki, müvafiq bəyanatla “Güclü Gürcüstan” koalisiyasının liderlərindən biri Aleko Elisaşvili çıxış edib. Bu gün səhər saatlarında isə müxalifət və tərəfdarları Tsereteli prospektinə yürüş ediblər. Gürcüstan Daxili İşlər Nazirliyi 3 vətəndaşın saxlandığını bildirir.

İranın Kirman əyalətinin Rəfsəncan şəhərində SEPAH polkovniki Məhəmmədrza Bəyazipur həlak olub. Sozcu.az xəbər verir ki, bu barədə yerli mənbələr məlumat yayıb. Rəsmi məlumatlarda polkovnikin atış poliqonunda hadisə nəticəsində öldüyü bildirilib. Qeyri-rəsmi məlumatlarda isə Bəyazipurun sıravi əsgər tərəfindən güllələndiyi qeyd olunub.

Yaponiyanın xarici işlər naziri Takeşi İvaya bu gün Ukraynaya səfər edəcək. Sozcu.az xəbər verir ki, bu barədə TASS məlumat yayıb. İvayanın ukraynalı həmkarı Andrey Sibiqa ilə geniş spektrli məsələləri müzakirə etməsi planlaşdırılır. “Xarici işlər naziri Ukraynaya səfəri zamanı şəxsən Yaponiyanın Ukraynanı dəstəkləməkdə və Rusiyaya qarşı sərt sanksiyaları təşviq etməkdə qətiyyətini çatdıracaq”, - nazirliyin bəyanatında deyilir.

Ukrayna Prezidenti Vladimir Zelenski Almaniya kansleri Olaf Şoltsdan Rusiya lideri Vladimir Putinə zəng etməməyi xahiş edib. Sozcu.az xəbər verir ki, bu barədə “Röyters”ə Ukrayna prezident ofisindəki mənbə məlumat verib. Bildirilib ki, Şolts Zelenskiyə Putinlə danışmaq planları barədə əvvəlcədən məlumat verib. "Kansler bizim prezidentə Putinlə danışacağını bildirib. Prezident deyib ki, bu, Putinə təcridini azaltmağa kömək edəcək. Putin real sülh istəmir, fasilə istəyir", - mənbə bildirib. Qeyd edək ki, kanslerlə Putin arasında telefon danışığı baş tutub.

ABŞ-ın yeni seçilmiş prezidenti Donald Tramp Floridada yerələşən iqamətgahında keçirilən mərasimdə dünyanın ən zəngin adamı İlon Mask haqqında maraqlı açıqlamalar verib.  Sozcu.az xəbər verir ki, Tramp Maskın yüksək intellekrini və nailiyyətlərini tərifləyib, onun “həqiqətən də yaxşı oğlan” olduğunu bildirib. “Burada çox yüksək IQ-ya malik bir adam var. Mən yüksək IQ-ya inanan adamam... O, buranı bəyənir. Mən onu buradan qova bilmərəm,” – Tramp zarafatla qeyd edib. Qeyd edək ki, Maskın Trampın iqamətgahına tez-tez gəlməsi müzakirələrə səbəb olub.

İsrail qırıcıları Hizbullahın qalası sayılan Dahiyanın rayonlarından biri olan Əl-Gbeyridəki hədəflərə hücum edib. Sozcu.az xəbər verir ki, bu barədə İsrail mediası məlumat yayıb. Məlumata görə, hücumdan əvvəl İsrail ordusunun sözçüsü polkovnik Avihaem Edrai ərəb dilində təxliyə xəbərdarlığı edib.

ABŞ-ın yeni seçilmiş prezidenti Donald Tramp Florida ştatından senator Marko Rubionun Dövlət Departamentinin rəhbəri vəzifəsinə namizədliyini irəli sürmək niyyətində olduğunu açıqlayıb. Sozcu.az xəbər verir ki, bu barədə Trampın keçid komandası məlumat yayıb. “Marko xalqımızın güclü müdafiəçisi, tərəfdaşlarımıza sadiq müttəfiq və heç vaxt düşmənlərimizə boyun əyməyən cəsur döyüşçü olacaq”, - bəyanatda deyilir. Rubio özü də göstərilən etimada görə minnətdarlığını bildirərək təyinatını təsdiqləyib. Qeyd edək ki, Rubio 2014 və 2022-ci illərdə Rusiyanı SWİFT sistemindən ayırmaqda israrlı olan senatorlar arasında olub. O, həmçinin Vladimir Putini “başkəsən” və “quldur” adlandırıb. Rubio Kiyevə apreldə qəbul edilmiş 61 milyard dollarlıq hərbi yardım paketinin əleyhinə səs verən 15 respublikaçıdan biridir. Sentyabrda Ukraynadakı müharibənin gedişatını şərh edərkən qeyd edib ki, o, Rusiyanı dəstəkləmir, lakin hərbi əməliyyatların danışıqlarla yekunlaşacağını güman edir. Rubio HƏMAS-ı terrorçu kimi tanıyır və İsrailin onları sonadək məhv etməsinin, İran, Şimali Koreya və Suriyaya sanksiyaların sərtləşdirilməsinin tərəfdarıdır. O, erməni diasporu ilə “yaxşı əlaqələri” olan senator sayılır.