ABŞ hakimiyyəti Azərbaycana məxsus "Embraer 190" təyyarəsinin Rusiya tərəfindən vurulduğunu bildirib. Sozcu.az xəbər verir ki, bu barədə AFP və CNN nəşrləri adı açıqlanmayan ABŞ rəsmisinə istinadən bildirib. "İlk əlamətlər Rusiyanın hava hücumundan müdafiə sisteminin Azərbaycan Hava Yollarına məxsus təyyarəni vurduğunu göstərir", - açıqlamada qeyd olunur. Bundan əvvəl "Caliber" nəşri, "Euronews" kanalı və "Reuters" agentliyi təyyarənin Rusiya tərəfindən vurulduğunu açıqlayıb. Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 38-i həlak olub, 29-u sağ qalıb.

Qazaxıstan Respublikasının Cinayət-Prosessual Məcəlləsinə uyğun olaraq Rusiya və Azərbaycanın hüquq-mühafizə orqanlarının təyyarə qəzasının kriminalistik ekspertizasında iştirakına icazə verilməyəcək. Sozcu.az Report-a istinadən xəbər verir ki, bu barədə Aktauda AZAL-a məxsus təyyarənin qəzaya uğramasının səbəblərinin araşdırılması üzrə hökumət komissiyasına rəhbərlik edən Baş nazirin müavini Kanat Bozumbayev keçirdiyi brifinqdə bildirib. “Rusiya və Azərbaycanın hüquq-mühafizə orqanlarının kriminalistik ekspertizada iştirakına icazə verilməyəcək, lakin onlara təyyarə qəzasının araşdırılmasında iştirak edə biləcək”, – o deyib. Xatırladaq ki, dekabrın 25-də Bakıdan Qroznıya uçan AZAL-a məxsus “Embraer” təyyarəsi Qazaxıstanın Aktau şəhəri yaxınlığında qəzaya uğrayıb. Təyyarənin göyərtəsində 62 sərnişin, o cümlədən 37 Azərbaycan, 16 Rusiya, 6 Qazaxıstan və 3 Qırğızıstan vətəndaşı, həmçinin 5 ekipaj üzvü olub. İnsident nəticəsində 38 sərnişin ölüb, 3-ü uşaq olmaqla 29 nəfər sağ qalıb. Prezident İlham Əliyevin sərəncamına əsasən, təyyarə qəzasında həlak olanların xatirəsinə 2024-cü il dekabrın 26-da Azərbaycanda matəm elan edilib.

Təyyarənin vurulduğu faktı Rusiya rəhbərliyinə ilk dəqiqələrdən bəlli olub. Sozcu.az xəbər verir ki, bu sözləri politoloq Asif Nərimanlı Bakı-Qroznı reysini həyata keçirən AZAL təyyarəsinin Aktauda qəzaya uğraması haqda qeyd edib. O bildirib ki, bu fikri gücləndirən iki məqam var: “- İzi itirmək üçün təyyarənin istiqamətinin Xəzər dənizinə yönləndirilməsi: belə bir qərarın yüksək səviyyədə verilmədiyi ehtimalı azdır; - Rusiya mediasının vurulma faktını təkzib etmək və ya məsuliyyəti Ukraynanın üzərinə qoymaq üçün göstərdiyi canfəşanlıq: informasiya-təbliğat axınının hazırlandığı aydın görünürdü. Görünür, plan baş tutmayıb: təyyarə Aktau sahilinə qədər uça bilib və “qara qutu” tapılıb. Təyyarənin vurulduğu faktının hökumətdəki mənbələr tərəfindən də təsdiq edilməsi artıq Moskvaya “qaçış yeri” qoymur. İndi Rusiya Azərbaycandan üzr istəməli və cinayətkarları cəzalandırmalıdır, çünki təyyarənin vurulması səhv addım olsa da, izi itirmək üçün dənizə istiqamətləndirilməsi cinayət əməlidir”. Qeyd edək ki, 25 dekabrda Bakı-Qroznı reysini həyata keçirən AZAL-a məxsus təyyarə Aktauda qəzaya uğrayıb. Göyərtədə olan 67 sərnişindən 38-i ölüb, 29 nəfər sağ qalıb. İlkin məlumata görə, təyyarəmiz Qroznı üzərində Rusiyanın “Pantsir S1” raketinin hədəfi olub, eyni zamanda radioelektron mübarizə sistemi təyyarənin elektron sistemini sıradan çıxarıb. Qroznı, Mahaçqala və Minvod areroportları enişə icazə vermədiklərindən, təyyarə Aktau hava limanına üz tutub.

İstintaqın ilkin nəticələrinə əsasən, müəyyən edilib ki, ötən gün Bakı-Qroznı marşrutu üzrə hərəkət edən “Azərbaycan Hava Yolları”na məxsus təyyarə Qroznı şəhərinə yaxınlaşarkən Rusiyanın “Pantsir-S” hava hücumundan müdafiə sisteminin hücumuna məruz qalıb. Sozcu.az xəbər verir ki, bu barədə Caliber.az hökumət mənbələrinə istinadla məlumat yayıb. “Üstəlik, Rusiya tərəfinin radioelektron mübarizə vasitələrindən istifadə etməsi nəticəsində Azərbaycan təyyarəsinin rabitə sistemi tamamilə iflic vəziyyətinə düşüb. Məhz bu səbəbdən təyyarə Rusiya aviasiya məkanında radarlardan itib və siqnal yalnız Xəzər dənizi akvatoriyasında bərpa edilib”, - məlumatda qeyd olunub. Nəşr qeyd edib ki, Çeçenistan ərazisi üzərində uçuş zamanı Rusiya hava hücumundan müdafiə qüvvələri Ukrayna İHA-larını vurmağa çalışıb: “Çeçenistan Respublikasının Təhlükəsizlik Şurasının rəhbəri Həmzət Kadırov dekabrın 25-i səhər Qroznıda pilotsuz təyyarə hücumu faktını təsdiqləyərək, itki və dağıntıların olmadığını qeyd edib. Bu halda Rusiya tərəfi öz hava məkanını mülki təyyarələr üçün bağlamalı idi, lakin bu, baş vermədi. Çeçenistan üzərində niyə uçuşa qadağa zonasının elan edilmədiyi böyük sualdır. Qroznı hava limanı təyyarənin enişinə icazə verməyib. Üstəlik, bizim idarə heyətinə də Mahaçqala və Mineralnıye Vodı hava limanlarına eniş icazəsi verilməyib. Hava hücumundan müdafiə sistemlərinin atəşinə və radioelektron mübarizə sistemlərinin təsirinə məruz qalan təyyarənin yönünü itirmiş ekipajı Qazaxıstanın Aktau şəhərinə yönləndirilib. Bu tövsiyənin bir məqsədlə verildiyini güman etmək olar: təyyarə Xəzər dənizinə düşərək bütün şahidlər öləcək, təyyarə isə batacaq. Bununla belə, qeyd edirik ki, bu bizim fərziyyəmizdir”. Sayt Rusiya mediasında yayılan alternativ versiyaların ictimai rəyi çaşdırmaq məqsədi ilə məqsədyönlü şayiələr olduğunu yazıb: “Təyyarənin içindən olan videogörüntülərdə iki sərnişinin qəlpələrdən yaralandığı görünür. Hava gəmisində eşidilən partlayışlarla bağlı ifadələr də daxil olmaqla, bütün ifadələr hava hücumundan müdafiə sisteminin fəaliyyətinə işarə edir. Araşdırmada iştirak edən Azərbaycan tərəfi üçün vəziyyət tamamilə göz qabağındadır. Heç kim bunun qəsdən edildiyini iddia etmir. Bununla belə, Bakı müəyyən edilmiş faktları nəzərə alaraq, Rusiya tərəfinin Azərbaycan təyyarəsinin vurulduğunu etiraf edəcəyini, Azərbaycan xalqından rəsmi üzr istəyəcəyini və hərtərəfli araşdırma aparacağını və bunun nəticəsində bütün məsuliyyət daşıyanların məsuliyyətə cəlb edilib cəzalandırılacağını gözləyir”.

Bakıda və Abşeron yarımadasında dekabrın 27-dən 29-u səhərədək fasilələrlə yağış yağacağı gözlənilir. Sozcu.az xəbər verir ki, bu barədə Milli Hidrometeorologiya Xidməti məlumat yayıb. Qeyd edilib ki, yarımadanın bəzi yerlərində yağıntıların qısamüddətli intensivləşəcəyi ehtimalı var. Dekabrın 27-si axşam Azərbaycanın qərb rayonlarından başlayaraq 29-u səhərədək hava şəraitinin arabir yağıntılı olacağı, dağlıq və dağətəyi rayonlarda qar yağacağı gözlənilir. Ayrı-ayrı yerlərdə yağıntının intensivləşəcəyi ehtimalı var.

“Qara qutu"nun incələnməsi başlanılıb. Sozcu.az xəbər verir ki, bu barədə Azərbaycan Dövlət televiziyası (AZTV) rəsmi X hesabında paylaşım edib. Qeyd edək ki, ötən gün Bakı-Qroznı reysini həyata keçirən Azərbaycan Hava Yollarına məxsus sərnişin təyyarəsi Qazaxtsanın Aktau şəhəri yaxınlığında qəzaya uğrayıb. Açıqlanan son rəqəmlərə görə, qəza nəticəsində 38 nəfər həlak olub, 29 nəfər yaralanıb.

Dünən səhər saatlarında “Pantsir-1C” raketinin bir hissəsi Vladiqafqaz istiqamətində düşüb. Sozcu.az “Bez Tormozov” kanalına istinadla xəbər verir ki, bu barədə Rusiya hökumətyönlü kanalları görüntülər paylaşıb. Bəzi məlumatlara görə, eynilə belə bir raket bloku Qroznının Şali rayonuna düşüb. Lakin Azərbaycan sərnişin təyyarəsinin qəzaya uğraması fonunda yayılan məlumatlardan sonra görüntülər silinib. Qeyd edək ki, dünən Bakı-Qroznı istiqamətində uçan AZAL-a məxsus sərnişin təyyarəsi Aktau yaxınlığında qəzaya uğrayıb. İlkin məlumata görə, təyyarə Qroznı üzərində “Pantsir” raketinin hədəfinə tuş gəlib.

Sabirabadda 17 yaşlı yeniyetmə bıçaqlanıb. Sozcu.az APA-ya istinadən xəbər verir ki, həmyaşıdlar arasında baş verən mübahisə zəminində Sabirabad rayonunun Xəlifəi kənd sakini, 2007-ci il təvəllüdlü M.Ə. bıçaqlanıb. Bir neçə bıçaq zərbəsi alan yeniyetmə Şirvan xəstəxanasına yerlədirilib və əməliyyata götürülüb. Faktla bağlı Sabirabad Polis şöbəsində araşdırma aparılır.

AZAL-a məxsus sərnişin təyyarəsinin dekabrın 25-də Qazaxıstanın Aktau şəhəri yaxınlığında qəzaya uğraması nəticəsində həlak olanlardan biri Cəlilabad rayon sakini, 1997-ci il təvəllüdlü Qoşqar Firidun oğlu Sadıqovdur. Onun şəxsiyyəti atasından götürülən DNT analizindən sonra müəyyənləşib. Q.Sadıqov Qroznıda fəhlə kimi çalışırmış. Ailədə bir qardaş və bir bacı olublar, subaymış. Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb. Prezident İlham Əliyev çoxsaylı insan itkisindən sonra ölkə ərazisində bir günlük matəm elan olunması ilə bağlı sərəncam imzalayıb. Eyni zamanda dövlət başçısının tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb. /Report/

Aktauda təyyarə qəzasında həlak olanlardan 7 nəfərinin şəxsiyyəti müəyyənləşib. Modern.az-ın məlumatına görə, bu barədə Qazaxıstanın Fövqəladə Hallar Nazirliyindən bildirilib. Məlumata görə, həlak olan 38 nəfərin meyiti Tibbi Ekspertiza Mərkəzinə aparılıb, onlardan 6-sı Qazaxıstan vətəndaşı və 3-ü ekipaj üzvləridir. Həlak olanlar arasında ekipaj üzvləri - pilotlar İqor Kşnyakin və Aleksandr Kalyaninov, stüardessa Hökümə Əliyeva da var. Stüard Zülfüqar Əsadov və stüardessa Aydan Rəhimli isə qəzadan sağ çıxıb.

Ötən gün (25 dekabr) Aktauda qəzaya uğramış AZAL-ın Bakı-Qroznı reysini həyata keçirən təyyarənin sağ qalan və xilas edilən sərnişinləri ilə bağlı müxtəlif rəqəmlər yayılıb. Sozcu.az Qazaxıstanın Fövqəladə Hallar Nazirliyi və baş nazirinin məlumatına əsaslanaraq bildirir ki, təyyarədə 67 nəfər sərnişin olub. 38 nəfərin cəsədi tapılıb və ekspertizaya göndərilib. Tələs, bitmədən sən də al. Fürsətlər tükənmədən tətbiqə gəl! 29 nəfər xilas edilib ki, onlardan da 3 nəfəri azyaşlı uşaqdır. Qazaxıstan FHN bildirib ki, hadisə yerində gecə-gündüz növbə təşkil olunub.

AZAL-ın qəzaya uğrayan təyyarəsində həlak olduğu deyilən yeniyetmə Eqanov Məhəmmədəli ilə bağlı yeni məlumatlar ortaya çıxıb.  Ailə üzvləri baş vermiş hadisə ilə bağlı “Yeni Sabah”a bildiriblər ki, Məhəmmədəli ilə bağlı heç bir məlumat ala bilmirlər: Ən popluyar məhsulların kolleskiyalarını sənin üçün yaratdıq “Hələ ki dəqiq nə baş verdiyi bilinmir. Çünki uşağın nə halda olduğu barədə hər hansı məlumatımız yoxdur. Atası hadisə yerindədir. Ancaq tapa bilmirlər, kimliyini aydınlaşdırmaq mümkün olmayıb.  Bəlkə də hansısa xəstəxanadadır. Sağ qalıb... Məlumat yoxdur. Bildiklərimiz sadəcə bunlardan ibarətdir”.   Qeyd edək ki, Məhəmmədəli Eqanov Bakının Xətai rayonunda yaşayırmış. O, 27 nömrəli tam orta məktəbin 8d sinfində rus bölməsi üzrə təhsil alıb. Yeniyetmənin anası milliyətcə çeçendir. 13 yaşlı oğlan Yeni il bayramını qeyd etmək üçün Bakıdan Qroznı şəhərinə gedirmiş.  İddialara görə, o, təyyarəyə tək minib. Ailəsi həmin məlumatı təsdiqləyib.

Təyyarə qəzasında həlak olanlardan 7 nəfərin şəxsiyyəti müəyyənləşib. Sozcu.az xəbər verir ki, bu barədə Qazaxıstanın Fövqəladə Hallar Nazirliyi məlumat yayıb. Bildirilib ki, 6 Qazaxıstan vətəndaşı və 3 ekipaj üzvü daxil olmaqla həlak olan 38 şəxsin meyiti məhkəmə-tibbi ekspertiza mərkəzinə çatdırılıb.

AZAL-ın Bakı-Qroznı reysini həyata keçirən və Aktau yaxınlığında qəzaya uğrayan təyyarəsinin sağ qalan sərnişini Sübhonkul Rəhimov Rusiyanın RT kanalına qəzadan öncə baş verənlər haqda danışıb. Sozcu.az xəbər verir ki, Rəhimov Qroznıda eniş zamanı problemlər başladığını bildirib. Onun sözlərinə görə, pilotlar Qroznı hava limanına 3 dəfə enməyə cəhd göstəriblər: “Təyyarə qəflətən yuxarı qalxdı. Yəni eniş etməyə başladığı halda qəfildən havaya qalxdı və yüksəklik yığmağa başladı. Ayıldım və anladım ki, təyyarə ilk cəhddən eniş edə bilməyib. Sonra o buludların üstündə uçmağa başladı, aşağıda duman var idi. Dəhşətli duman idi, hiss olunurdu ki, duman çox güclüdür. Təyyarə yenidən döndü və enişə hazırlaşdı. Mənim hesablamama görə, iki dəfə enişə cəhd etdi, amma üçüncü dəfə nəsə partladı. Partlayış oldu və mən deməzdim ki, bu partlayış təyyarənin içində idi. Oturduğum yerdə yanımdakı örtük qopdu. Bunu mən bilmirəm, artıq mütəxəssislər məlumat verməlidirlər, amma partlayış oldu. Partlayış dəqiq oldu, onu hər kəs eşitdi. Jileti (fövqəladə vəziyyətlərdə sərnişinlərin geyinməsi üçün jilet – red.) götürdüm, gördüm ki, jiletdə qəlpə deşiyi var. Onu güllə deşib. Elə bu partlayışdan sonra düz ayaqlarımın arasından qəlpə keçdi və jileti deşdi. Bunu telefona da çəkmişəm. Məncə, mütəxəssislər artıq yekun nəticəyə gəlib orda nə baş verdiyini deməlidirlər”, - Rahimov bildirib.

Aktauda qəzaya uğrayan təyyarənin düşməzdən əvvəlki görüntülərində kəlmeyi-şəhadət deyən şəxsin daha bir videosu yayılıb. Sozcu.az Publika.az-a istinadla xəbər verir ki, qəzadan dərhal sonra həmin şəxs çəkiliş aparıb və bəzi fikirlər səsləndirib. O, təyyarənin qanad hissəsini göstərərək bu sözləri deyib: “Pilotsuz aparat vurdu”.

Ötən gün, dekabrın 25-də Qazaxıstanın Aktau şəhəri yaxınlığında AZAL-a məxsus təyyarənin qəzaya uğraması nəticəsində həlak olanların xatirəsi ölkənin bütün ərazisində saat 12:00-da bir dəqiqəlik sükutla yad olunub. Sozcu.az xəbər verir ki, insanlar qəzada həlak olanların xatirəsinə hörmət və ehtiramlarını bir dəqiqəlik sükutla ifadə ediblər. Dövlət bayraqları endirilib, nəqliyyatın hərəkəti dayanıb, Xəzər dənizinin sahil sularında sıralanan hərbi gəmilərdən fasiləsiz fit səsi verilib, yaylım atəşi açılıb. Qeyd edək ki, təyyarənin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb. Hadisədən sonra Prezident İlham Əliyevin tapşırığı ilə təyyarə qəzasının səbəblərinin araşdırılması üçün Baş nazir Əli Əsədovun rəhbərliyi ilə Dövlət Komissiyası yaradılıb. Dövlət başçısının müvafiq Sərəncamı ilə dekabrın 26-da Azərbaycan ərazisində matəm elan edilib.

Aktauda təyyarə qəzasında xəsarət alan 29 nəfərdən səkkizi süni tənəffüs aparatına qoşulub. Sozcu.az Report-a istinadən xəbər verir ki, bu barədə Qazaxıstan Səhiyyə Nazirliyi məlumat yayıb. "Bu gün səhər saatlarına olan məlumata görə, xəsarət alanlardan 11-i reanimasiya, 13-ü travmatologiya, 2-si neyrocərrahiyyə, 1-i isə cərrahiyyə şöbəsinə yerləşdirilib. Onlardan 2-nin vəziyyəti son dərəcə ağır, 11-nin vəziyyəti ağır, 14-nün vəziyyəti orta ağır, 2 nəfərin vəziyyəti isə qənaətbəxşdir", - məlumatda qeyd olunub. Səhiyyə Nazirliyindən bildirilib ki, 11 yaralıdan 8-i süni tənəffüs aparatına qoşulub. Xatırladaq ki, AZAL-a məxsus Bakı-Qroznı aviareysini həyata keçirən sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Avialaynerin göyərtəsində olan 67 nəfərdən 42-si Azərbaycan, 16-sı Rusiya, 6-sı Qazaxıstan, 3-ü isə Qırğızıstan vətəndaşı olub. Onlardan 38-i həlak olub, 29-u sağ qalıb.

Aktauda qəzaya uğrayan AZAL-a məxsus təyyarənin göyərtəsində olan ekipaj üzvlərindən, stüardessa Hökümə Əliyevanın atası Cəlil Əliyev açıqlama verib. Sozcu.az xəbər verir ki, C.Əliyev qızının taleyi ilə bağlı suala cavab verib: “Bu gün təyyarə qəzasında ekipaj üzvləri arasında olanlardan biri də, mənim qızım Hökümə Əliyevadır. Azərbaycan Hava Yollarından mənə zəng edib dedilər ki, başınız sağ olsun! Başqa heç nə bilmirəm”. O bildirib ki, Hökümə 2016-cı ildən Azərbaycan Hava Yollarında çalışıb. Xatırladaq ki, daha əvvəl Ə.Hökümənin qardaşı Coşqun Nəsibli bildirib ki, bacısının şəxsiyyətinin müəyyən edilməsi üçün ondan DNT analizi götürülüb. Onu da əlavə edək ki, Qazaxıstanın nəqliyyat naziri Marat Karabayev bildirib ki, qəzaya uğrayan təyyarənin 3 ekipaj üzvü sağ qalıb, ikisi həlak olub. Qeyd edək ki, təyyarənin qəza enişi etməsindən bir neçə dəqiqə öncə videogörüntüləri yayılıb. 33 yaşlı Hökümə Əliyeva həmin görüntülərdə son ana qədər sərnişinlərə təlimat verən, onları təmkinli olmağa səsləyən həmin ekipaj üzvüdür. Onun “Hər şey yaxşı olacaq” dediyi video sosial mediada geniş müzakirə olunur.qafqazinfo)

Bu gün qəza zamanı təyyarədə olanlardan biri də əslən Balakən rayonundan olan, lakin Sumqayıt şəhərində ailəsiylə birgə kirayə yaşayan Mahmud Tutunçuyev olub. Onun həlak olması barədə məlumat təsdiqlənib. Sozcu.az APA-ya istinadən xəbər verir ki, 20 yaşlı Mahmud Tutunçuyev Bakı Avrasiya Universitetinin tələbəsi olub. O, evin tək övladı idi.

“Azərbaycan Hava Yolları”nın təyyarəsinin Aktau şəhəri yaxınlığında qəzaya uğraması nəticəsində həyatını itirən sərnişinlərin və ekipaj üzvlərinin cənazələri yaxın zamanda Azərbaycana gətiriləcək. Sozcu.az xəbər verir ki, bu barədə Fövqəladə Hallar Nazirliyi və “Azərbaycan Hava Yolları” QSC-nin birgə məlumatında deyilir. Eyni zamanda, xəsarət alanların AZAL-ın xüsusi reysi ilə ölkəyə gətirilməsi planlaşdırılır. Xəsarət almış sərnişinlər həkim rəyləri əsasında sağlamlıq vəziyyəti imkan verdiyi halda sözügedən reyslə Bakıya çatdırılacaqlar. Bununla bağlı Azərbaycanın və Qazaxıstatın aidiyyəti dövlət qurumları tərəfindən müvafiq tədbirlər görülür.

"Düşmən bizim ürəklərimizi, içimizdəki işığı, xeyir və mərhəmətə inamımızı, hər birimizin içində olan insanlıq hissini məhv edə bilməyib..." Ukrana prezidenti Vladimir Zelenski bəyan edib ki, ukraynalıların birliyi və bir-birinə olan hərarəti Milad bayramının əsl ruhu, onun unikal mühitidir. Sozcu.az xəbər verir ki, bu barədə o, ukraynalılara Milad bayramı münasibətilə təbrikində bəyan edib. Məlumatı "gordonua.com" nəşri yayıb. Prezident bir neçə il ərzində ukraynalı bəstəkar Nikolay Leontoviçin yaşadığı Donetsk vilayətinin Pokrovsk şəhərinin timsalında ukraynalılar və rusiyalılar arasınsa fərq barədə danışıb. Bəstəkar bu şəhərdə "Şedrik" əsərinin ikinci redaksiyasını yazıb və bu musiqi bu günlər Yer kürəsinin hər bir guşəsində səslənir. Zelenskinin sözlərinə görə, Leontoviç dünyaya Miladın musiqi ruhunu bəxş edib. "Orada yazılan İlahi musiqi və Rusiyanın oraya gətirdiyi müsibət bizim aramızda olan fərqi parlaq şəkildə nümayiş etdirir", - Zelenski vurğulayıb. O, qeyd edib ki, ukraynalılar yaratmağa çalışır, amma "bəziləri üçün ölüm saçmaq həyatın mənasıdır". "Biz sakitlik, ədalət, sülh istəyirik", - dövlət başçısı deyib. "Bizə lazım olanlar yalnız öz torpağımızda dinc yaşamaq, Günəşi, öz səmamızı, orada İran "Shahed"ləri və Rusiya raketlərini deyil, Milad ulduzunu görməkdir. Lakin bəziləri üçün "darıxdırıcıdır və hərəkət çatışmır". Bu sözlər onu göstərir ki, onlar Tanrıdan, xristianlıqdan, gerçək etiqaddan nə qədər uzaqdır. Bu, onların əsarət və zülmətinin məğlub olduğunun sübutudur. Biz bunu bilirik. Dünya da bunu bilir", - prezident buna əmindir. Zelenski hesab edir ki, Tanrı da bunu bilir, amma şər məğlub olur. "Ukraynalılar buna inanır və bunun üçün dualar edir. Bütün bu bəlalar və bu çirkabın torpağımızdan həmişəlik yox olması üçün dualar edir. Ukraynalılar, heç şübhəsiz, buna layiqdir", - prezident deyib. O, həmçinin xatırladıb ki, ukraynalılar artıq üçüncü ildir ki, Milad bayramını müharibə zamanı qeyd edir, bu səbəbdən də "bizim böyük Ukrayna ailəmiz bu bayramı istədiyimiz kimi, lazım olduğu kimi tam dolğunluqla bayram edə bilmir". Prezident "hamının öz evində olmamasından" təəssüf hissini ifadə edib. Təəssüf ki, heç də hamı bizimlə deyil. Lakin düşmənin bizə gətirdiyi bütün bu bəlalara rəğmən, o, ən başlıcasını-bizim ürəklərimizi, içimizdəki işığı, xeyir və mərhəmətə inamımızı, hər birimizin içində olan insanlıq hissini zəbt etməyə və ya məhv etməyə müvəffəq olmayıb", - Zelenski qeyd edib. O, vurğulayıb ki, ukraynalılar öz dəyərlərini itirməyib, ona görə də bu gün bizi müdafiə etmək üçün canlarından keçənləri yad edir. "Biz bu gün cəbhədə olanların evlərinə sağ-salamat dönməsi üçün dualar edirik. Əsirlikdə olanların, Rusiyanın işğalda saxladığı, Vətəni tərk etməyə vadar etdiyi insanlarımızın sağ-salamat geri dönmələri üçün dualar edirik. O insanların ki, nə qədər çətin olsa da, içlərində Ukraynanı itirməyib, deməli, Ukrayna da onları heç vaxt itirməyəcək", - prezident deyib. O, qeyd edib ki, "biz ikinci dəfədir ki, Miladı bir tarixdə, bir böyük ailə, vahid ölkə kimi qeyd edirik". "Yeni tarimizdə ikinci dəfədir ki, Milad bütün ukraynalıları birləşdirir. Biz bu gün yan-yanayıq və itməyəcəyik. Canlı olaraq və ya xəyalən bir-birimizi təbrik edəcək, valideynlərimizə zəng vuracaq, övladlarımızı və doğmalarımızı bağrımıza basacaq, öz yaxınlarımızı xatırlayacağıq. Canlı olaraq və ya məsafədən olsun, ruhumuzla bunu edəcəyik" "Nə qədər ki, bunu edirik, şərin heç bir şansı olmayacaq. Bizim birliyimiz və bir-birimizə olan hərarətimiz Miladın əsl ruhudur, onun unikal mühitidir, heç nəyə baxmadan, biz onu içimizdə saxlayacaq və yanımızda olanlarla, sevdiklərimizlə, bizə doğma olanlarla bölüşəcəyik", - Zelenski qeyd edib. Dövlət başçısı bizim ruhumuzda inam işığının yanmasını, ürəklərimizin ümid işığı ilə, hər bir evin isə sevgi və bərəkətlə dolu olmasını arzulayıb. Xatırladaq ki, 2023-cü ildə Ukrayna Pravoslav Kilsəsi və Ukrayna Yunan-Katolik Kilsəsi yeni Yulian təqviminə keçib və Milad bayramını dekabrın 25-də qeyd edir. Bu il ukraynalılar ikinci dəfədir ki, Milad bayramını məhz bu tarixdə qeyd edir.

“Azərbaycan Hava Yolları” aviaşirkətinin (AZAL) Bakı-Qroznı reysini yerinə yetirən “Embraer 190” təyyarəsi Qazaxıstan ərazisində qəzaya uğrayıb. AZAL-dan bildirilib ki, təyyarənin göyərtəsində 62 sərnişin, 5 ekipaj üzvü olmaqla, ümumilikdə 67 nəfər olub. Bəs Azərbaycan vətəndaşları adətən Qroznıya nə üçün gedirlər? Məsələ ilə bağlı Modern.az-a danışan Çeçenistandakı Azərbaycan diasporunun sədri Ələsgər Əzizov bunları deyib: "Burada çoxdan yaşayan azərbaycanlıların sayı azdır. Lakin bura 5-6 ay işləmək üçün gələnlər olur. Onlar da əsasən tikintidə çalışanlar, toyxanalarda ofisant, aşpaz işləyənlərdir. Bakı-Qroznı arasında iki təyyarə reysi olur. Əvvəl təyyarə Bakıdan bura uçur, burada həmin təyyarə 1-2 saat gözlədikdən sonra geriyə Bakıya dönüt. Burada Bakıdan, Sumqayıtdan adamlar çalışır. Bu gün onlarla əlaqə saxlamışam. Ofisant, aşpaz kimi işləyənlər əsasən Zaqataladandırlar. Lənkəran və Astaradan olanlar da var. Bəzi 30-40 yaşlı azərbaycanlılar da var ki, elə burada anadan olub, yaşayırlar. Onlar da əslən Göyçaydandırlar". Müsahibimiz qeyd edib ki, 9 nəfərin öldüyü ilə bağlı ona dəqiq məlumat verilib: "Onlardan 8-i Zaqataladan, 1 isə Sumqayıtdandır. 2 nəfər balakənli isə sağdır". Ə.Əzizov onu da vurğulayıb ki, Bakıya qayıtmalı olan Qroznıdakı sərnişinlər hazırda otelə yerləşdirilib. Əlavə təyyarə təmin edildikdən sonra onlar avtobusla aeroporta gətiriləcək.

“Oğlum Qroznuya dostlarının yanına gedirdi. Bu gün səhər 8 radələrində zəng edərək təyyarənin 9-a işləmiş qalxacağını və çatanda xəbər edəcəyini dedi”. Bunu təyyarə qəzası nəticəsində xəsarət alan Şəmkir rayon sakini Samir Alıyevin anası Güllü Alıyeva APA-ya açıqlamasında deyib. “Saat 12-nin yarısınadək gözlədim bir xəbər olmadı. 12-nin yarısı zəng edərək iş yerində olduğunu dedi. Daha sonra qohumlardan öyrəndim ki, təyyarə qəzaya düşüb”, deyə G. Alıyeva bildirib. Onun sözlərinə görə, daha sonra oğlu özü onunla əlaqə saxlayıb: “Səs ataraq dedi ki, Allaha şükür sağam, xəstəxanadayam, yaralanmışam, keçəcək. Yanında olanlardan narahat idi. Bundan sonra əlaqə kəsildi”.

Yasamal rayonu, Şəfayət Mehdiyev və Mehdi Məmmədov küçələrinin kəsişməsində yanğın hadisəsi baş verib. Bu səbəbdən Mehdi Məmmədov küçəsi istiqamətində nəqliyyat vasitələrinin hərəkətinə məhdudiyyət qoyulub. Sozcu.az xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi məlumat yayıb.