Çoban iti 83 yaşlı kişini boğaraq öldürüb. Hadisə Balakən rayonunun Mahamalar kəndində baş verib. Kənd sakini, 83 yaşlı Məhəmməd Qadalov oğlu Atayev çoban itin hücumuna məruz qalıb. İt kişinin üstünə hücum edərək onu öldürüb. Modern.az hadisə ilə bağlı bir sıra təfərrüatlar əldə edib. Məlumata görə, hadisə kənd ərazisində yerləşən meşəlik ərazidə baş verib. Məhəmməd Qadalovun həmin ərazidə pay torpağı olub və tez-tez ora gedirmiş. Mərhum ötən il də eyni ərazidə itlərin hücumuna məruz qalıb. Bu dəfə kişi itə müqavimət göstərə bilməyib. Çoban iti onu yerə yıxıb və boğaz nahiyəsindən dişləyib. Nəticədə Məhəmməd Atayev hadisə yerindəcə boğularaq ölüb.

Keçmiş baş prokuror Zakir Qaralova məxsus "Akkord Korporasiyası" ASC-yə daxil olan müəssisələrdən birinin vergi borcu əhəmiyyətli dərəcədə artıb. Sozcu.az Teleqraf-a istinadla xəbər verir ki, "Akkord-Mingəçevir Maşınqayırma Zavodu"nun vergi borcu 50 min manatı ötüb. Müqayisə üçün, 2020-ci ildə zavodun vergi borcu cəmi 20 min manat idi. Şirkətin qanuni təmsilçisi Eyvaz Həsənovdur. Zavodun nizamnamə kapitalı 193 min manat təşkil edir. Məlumat üçün bildirək ki, Zakir Qaralova məxsus olduğu deyilən 20-dən çox şirkətin külli miqdarda vergi borcu yaranıb. Qaralova məxsus "Qazax Sement Zavodu", "Akkord General Construction", "Akkord Asfalt", "Akkord Hydrotechnical Construction Company", "Akkord Mənzil Kommunal Təsərrüfatı Birliyi", "Akkord Mərmər Qranit", "Akkord Novanord Construction", "Akkord Nəqliyyat", "Steel Force Construction Company", "Akkord Tikinti Sənaye İnvestisiya Korporasiyası", "Akkord Tekstil", "Building Construction Group", "Property Investments", "Accopen", "Hydraulic Mechanisms Company", "Property Investments-1" və digər şirkətlərin ümumi vergi borcunun məbləği təxminən beş milyon manata yaxındır.

Rusiyanın Saratov vilayətinə PUA hücumu edilib. Sozcu.az xəbər verir ki, bu barədə Rusiya mətbuatı məlumat yayıb. Məlumata görə, Ukrayna ordusu Saratovdakı neft emalı zavoduna zərbələr endirib. Nəticədə zavodun ərazisində yanğınlar baş verib. Saratov vilayətinin qubernatoru Roman Busargin hücum nəticəsində mülki infrastrukturun da ziyan gördüyünü bildirib.

Xocalı qatili Vitali Balasanyan ermənilərin bir gün yenidən Qarabağa qayıda biləcəklərinə ümid etdiyini bildirib. Sozcu.az saytı Ermənistan KİV-nə istinadən xəbər verir ki, Qarabağdan qovulmuş separatçıların keçmiş rəhbərlərindən olan Balasanyan 9 noyabr tarixli sənədin ləğv edilmədiyini deyib. "Ümid edirəm ki, bu sənəd tətbiq olunacaq", - deyə Balasanyan bildirib. Qarabağa qayıtmağın təhlükəsiz olub-olmadığı soruşulduqda, V.Balasanyan dünyanın heç bir yerində mütləq təhlükəsizlik və ya sülh olmadığını qeyd edib. Təhlükəsizlik zəmanətləri təmin edilərsə, o, Qarabağa qayıtmağa hazırdır. "Əlbəttə ki, mütləq", - deyə Balasanyan əlavə edib. Vitali Balasanyan Xocalı qətliamını törədənlərdən biridir. O, Xocalıdakı döyüşlər zamanı əsir alınan Azərbaycanın Milli Qəhrəmanı Natiq Qasımovu şəxsən işgəncə verməklə qətlə yetirib. Azərbaycan Ordusu 2023-cü ilin sentyabrında Qarabağda separatçılara qarşı antiterror əməliyyatları keçirəndə, Balasanyan Əsgəranda gizlənmişdi. 2023-cü il sentyabrın 28-də o, Qarabağı tərk edərək gizli yollarla Ermənistana qaçıb.

Fransanın keçmiş prezidenti Nikola Sarkozi apelyasiya şikayətinə baxılana qədər Paris məhkəməsi tərəfindən şərti olaraq həbsdən azad edilib. Sozcu.az xəbər verir ki, France24 belə məlumat yayıb. O, 2007-ci il seçki kampaniyasını maliyyələşdirmək üçün Liviya diktatoru Müəmmər Qəzzafidən milyonlarla avro alınmasında - “Liviya işi” adlandırılan cinayətkar sövdələşmədə iştirak etməkdə təqsirli bilib. Bu yaxınlarda 5 il həbs cəzasına məhkum edildikdən sonra üç həftə təcridxanada qalıb. Sarkozi korrupsiya və seçki kampaniyasının qanunsuz maliyyələşdirilməsi də daxil olmaqla digər ittihamlardan bəraət alıb. Məhkəmə Fransanın keçmiş prezidentinin ölkəni tərk etməsinə icazə verilməyəcəyinə qərar verib. Apelyasiya dinləməsinin daha sonra keçiriləcəyi gözlənilir.

Bir neçə gün öncə Şimali Kipr Türk Respublikasının (ŞKTR) yeni Prezidenti seçilmiş Tufan Erhürman ilk xarici səfərini Türkiyəyə edəcək. Sozcu.az xəbər verir ki, bu barədə Türkiyə Prezident Administrasiyasının Kommunikasiya rəhbəri Burhanəddin Duran "X" sosial media hesabında yazıb. Onun sözlərinə görə, Tufan Erhürman Türkiyə Prezidenti Rəcəb Tayyib Ərdoğanın dəvəti ilə noyabrın 13-də Türkiyəyə rəsmi səfər edəcək.

Ağsu-Kürdəmir-Bəhrəmtəpə avtomobil yolunun İmişli rayonundan keçən hissəsində qəza olub. Sozcu.az xəbər verir ki, hadisə zamanı "Azsamand" markalı minik avtomobili aşıb. Qəza nəticəsində sərnişin Əbil Ədilli ölüb, sürücü isə yaralanıb. Faktla bağlı araşdırma aparılır.

Qubada kişi balta xəsarəti alıb. Sozcu.az-ın Report-a istinadən məlumatına görə, Çartəpə kəndində 34 yaşlı Kamran Rüstəmov yaşadığı evdə balta xəsarətləri alıb. K.Rüstəmov Quba rayon Mərkəzi Xəstəxanasına çatdırılıb və reanimasiya şöbəsinə yerləşdirilib. Ona xəsarət yetirməkdə, qohumu 43 yaşlı G.Nəcəfova şübhəli bilinir. Hadisənin torpaq sahəsi üstündə mübahisəyə görə, baş verdiyi bildirilir. DİN-in Mətbuat xidmətinin əməkdaşı Xəyal Talıbov bildirib ki, hadisəni törətməkdə şübhəli bilinən şəxs saxlanılıb. Faktla bağlı araşdırma aparılır.

Noyabrın 11-ə aid hava proqnozu açıqlanıb. Sozcu.az Milli Hidrometeorologiya Xidmətinə istinadən xəbər verir ki, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə zəif duman. Cənub-qərb küləyi əsəcək. Havanın temperaturu gecə 12-15° isti, gündüz 17-20° isti olacaq. Atmosfer təzyiqi 765 mm civə sütunundan 762 mm civə sütununa enəcək. Nisbi rütubət 75-85 % olacaq. Azərbaycanın rayonlarında da hava şəraiti əsasən yağmursuz olacaq. Bəzi yerlərdə arabir duman. Qərb küləyi əsəcək. Havanın temperaturu gecə 8-13° isti, gündüz 19-24° isti, dağlarda gecə 2-4° isti, gündüz 10-15° isti olacaq.

Şəmkirdə iki ayrı dönərxanada zəhərlənmə hadisəsi baş verib. Sozcu.az Oxu.az-a istinadən xəbər verir ki, hadisələr noyabrın 9-u saat 01 və 03 radələrində qeydə alınıb. Şəhər ərazisində yerləşən "Mahmud" dönərxanasından Dəllər qəsəbə sakini 1982-ci il təvəllüdlü Ruslan Hacıbəy oğlu Eyniyev , "Mersin" dönərxanasından isə şəhər sakinləri 1994-cü il təvəllüdlü Nəsib Eldəniz oğlu Zeynalov, oğlu 2020-ci il təvəllüdlü Emin, qızı 2023-cü il təvəllüdlü Nazlı, Dəllər Cəyir qəsəbə sakini 1991-ci il təvəllüdlü Dürdanə Elçin qızı Kazımova, onun qızı 2014-cü il təvəllüdlü Damla və oğlu 2015-ci il təvəllüdlü Toğrulla birgə dönərdən zəhərlənmə ilə xəstəxanaya gətiriliblər. Onlar ilkin tibbi yardım göstərildikdən sonra evə buraxılıblar.

Bakıda kişi arvadını öldürüb, sonra özünü asıb. Sozcu.az APA-ya istinadən xəbər verir ki, hadisə gecə saatlarında Binəqədi rayonunda baş verib. Məlumata görə, 1956-cı il təvəllüdlü Yaşar Əbülfət oğlu Bədəlov yaşadığı Biləcəri qəsəbəsindəki evdə münaqişə zəminində arvadı 1966-cı il təvəllüdlü Nərminə Bədəlovanı balta ilə öldürüb və sonradan özünü asıb. Faktla bağlı araşdırma aparılır.

Salyanda baş verən qəzada bir nəfər həlak olub. Sozcu.az APA-ya istinadla bildirir ki, hadisə Ələt-Astara yolunun Salyan rayonu ərazisindən keçən hissəsində qeydə alınıb. “Mercedes” markalı avtomobili idarə edən Bakı sakini, 34 yaşlı Cəfərov Asif Rafiq oğlu idarəetməni itirərək yoldan çıxıb və nəticədə, avtomobil aşıb. Sürücü hadisə yerində ölüb. Faktla bağlı araşdırma aparılır.

İmişlidə ölüm hadisəsi baş verib. Hamilə qadın doğum evində vəfat edib. Sozcu.az APA-ya istinadən xəbər verir ki, İmişli rayonunun Cəfərli kənd sakini, 1983-cü il təvəllüdlü Hətəmova Mirvari Əbülfət qızı 9 aylıq hamiləlik sancıları ilə İmişli doğum evinə yerləşdirilib. Doğuş prosesində halı pisləşən 42 yaşlı qadın doğuş stolunda uşaq dünyaya gətirmədən ölüb. Faktla bağlı araşdırma aparılır.

Gəncə şəhərində 16 yaşlı yeniyetməni bıçaqlayan şəxs polis tərəfindən saxlanılıb. Sozcu.az xəbər verir ki, polis əməkdaşlarının keçirdikləri əməliyyat-axtarış tədbirləri nəticəsində E. Əliyevə kəsici-deşici alətlə xəsarət yetirməkdə şübhəli bilinən dostu A.Abbaszadə tutulub. Qeyd edək ki, hadisə Atatürk prospektində baş verib. 2009-cu il təvəllüdlü Elgün Əliyev bud hissəsindəki bıçaq yarası ilə xəstəxanaya çatdırılıb. Hakimlər yaranı dərhal tikib. Yaralının vəziyyətinin orta-ağır olduğu bildirilir. Hadisənin baş vermə səbəbləri araşdırılır.

Gədəbəy şəhərində üçmərtəbəli yaşayış binasının üçüncü mərtəbəsində yanğın olub. Bu barədə Sozcu.az-a Fövqəladə Hallar Nazirliyinin Mətbuat xidmətindən məlumat verilib. Bildirilib ki, ümumi sahəsi 120 m² olan 5 otaqlı mənzilinin eyvanında 1 ədəd məişət avadanlığı və dam örtüyünün taxta atmaları 8 m² sahədə yanıb. Mənzilin qalan hissəsi və bina yanğından mühafizə olunub. Yanğın yanğından mühafizə bölmələri tərəfindən söndürülüb.

Ukraynanın “Flaminqo” raketi ABŞ-ın “Tomahavk” raketindən daha yaxşıdır. Sozcu.az xəbər verir ki, bu barədə "İndependent" nəşri məlumat yayıb. "Sözügedən raket artıq Rusiyanın enerji obyektlərinə hücum edir. Qanadlı "FP-5 Flaminqo" 3000 km-ə qədər məsafə qət edir ki, bu da onun "amerikalı həmkarının" mənzilindən çoxdur. Onun döyüş başlığına bir tondan çox partlayıcı yerləşdirilə bilər, bu isə "Tomahavk"dan iki dəfə güclü olması deməkdir",- məlumatda bildirilib.

İranda çirkli hava səbəbindən hər gün 161 nəfər ölür. Sozcu.az xəbər verir ki, bunu İran səhiyyə nazirinin müavini Əlirza Rəisi bildirib. Qeyd edilib ki, çirkli hava səbəbindən il ərzində 58 975 nəfər, yəni hər saat təxminən 7 nəfər ölüb. Çirkli havanın İran iqtisadiyyatına gündəlik vurduğu ziyan isə 47 milyon dollara bərabər sayılır.

Ukrayna Prezidenti Vladimir Zelenski Rusiya rəsmilərinə və bir sıra nəşriyyatlara qarşı sanksiyalar tətbiq edib. Sozcu.az xəbər verir ki, bu barədə Ukrayna Prezident Administrasiyası məlumat yayıb. Bildirilib ki, ümumilikdə 8 şəxsə sanksiya qoyulub. Onların arasında Rusiya hökumət rəsmiləri, informasiya diversiyası ilə məşğul olan FTX əməkdaşı, Rusiya Baş Qərargahının İnformasiya Departamentinin nümayəndəsi və Rusiya Birbaşa İnvestisiya Fondunun rəhbəri, prezident Vladimir Putinin xüsusi nümayəndəsi Kirill Dmitriyev də var. Sanksiyalar çərçivəsində bu şəxslərin Ukraynaya girişinə qadağa qoyulur, onların Ukraynada ola biləcək əmlakları və aktivləri dondurulur və kommersiya fəaliyyətinə məhdudiyyətlər tətbiq olunur.

Bərdədə iki nəfər dəm qazından zəhərlənərək həyatını itirib. Sozcu.az-ın Teleqraf-a istinadən xəbərinə görə, hadisə rayonun Tumaslı kəndində qeydə alınıb. Kənd sakini Aytən Əsgər qızı Fətəliyeva nəvəsi Sadiq Orxan oğlu Nəcəfovu çimizdirərkən hamamda dəm qazından zəhərləniblər. Hər iki şəxs dünyasını dəyişib. Meyitlər Məhkəmə Tibbi Ekspertiza və Patoloji Anatomiya Birliyinin Bərdə rayon şöbəsinə aparılıb və müayinədən sonra yaxınlarına təhvil verilib. Faktla bağlı araşdırma aparılır.

Türkiyənin Xarici İşlər Nazirliyi (XİN) Azərbaycanın Dövlət Bayrağı Günü münasibətilə paylaşım edib. Sozcu.az xəbər verir ki, təbrik mesajı qurumun rəsmi media hesabında yayımlanıb. "Can Azərbaycanın 9 Noyabr - Dövlət Bayrağı Günü mübarək olsun!", - paylaşımda qeyd olunub.

Ukrayna müharibənin 1355-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 1 151 070 hərbçi, 11 335 ədəd tank, 23 545 ədəd zirehli döyüş maşını, 34 340 ədəd artilleriya sistemi, 1 538 ədəd RYAS (reaktiv yaylım atəş sistemi), 1 239 hava hücumundan müdafiə sistemi, 428 ədəd hərbi təyyarə, 347 ədəd helikopter, 66 880 ədəd avtomobil texnikası, 79 368 ədəd PUA, 3 926 qanadlı raket, 28 gəmi/kater, 1 sualtı qayıq, 3 993 xüsusi avadanlıq itirib.

Azərbaycan ərazisində noyabrın 10-na gözlənilən hava şəraiti açıqlanıb. Milli Hidrometeorologiya Xidmətindən Sozcu.az-a verilən məlumata görə, sabah Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə zəif duman, az çiskin olacaq, şimal-qərb küləyi səhər cənub-qərb küləyi ilə əvəz olunacaq. Havanın temperaturu gecə 9-13° isti, gündüz 17-20° isti olacaq. Atmosfer təzyiqi 768 mm civə sütunundan 765 mm civə sütununa enəcək. Nisbi rütubət 75-85 % olacaq. Azərbaycanın rayonlarında hava şəraitinin əsasən yağmursuz keçəcəyi gözlənilir. Bəzi yerlərdə arabir duman olacaq, şərq küləyi əsəcək. Havanın temperaturu gecə 8-13° isti, gündüz 18-23° isti, dağlarda gecə 1-4° isti, gündüz 10-15° isti olacaq.

Suriya Prezidenti Əhməd əş-Şaraa rəsmi səfərlə Vaşinqtona gedib. Sozcu.az xəbər verir ki, bu barədə SANA məlumat yayıb. Məlumata görə, Şara noyabrın 10-da Ağ Evdə ABŞ Prezidenti Donald Trampla görüşəcək. Qeyd edək ki, səfərdən öncə Vaşinqton Şara və Suriyanın daxili işlər naziri Ənəs Həsən Xəttaba sanksiyaları ləğv edib.

Rusiya ordusu cəbhənin əsas sahələrində heç bir irəliləyiş əldə etməyiblər və Sum bölgəsində böyük itkilər verirlər. Sozcu.az xəbər verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub. Hesabata əsasən, ruslar Sum bölgəsinin şimalında hücum əməliyyatlarını davam etdiriblər, lakin irəliləyə bilməyiblər. “Ruslar Sum istiqamətində, Bezsalovka yaxınlığında fərariliyin yüksək səviyyəsi və lazımi təlim, rabitə və radio əlaqənin olmaması səbəbindən böyük itkilər verirlər”, - İnstitut rusiyalı hərbi müxbirlərə istinadla bildirib. Məlumata görə, Ukraynanın pilotsuz təyyarələrinin hücumları rusların təchizatını artırmasını çətinləşdirir.