İnstagramda, yaxud digər sosial şəbəkələrdə onlayn mağazalar fəaliyyət göstərir ki, bunlardan bəziləri də fırıldaqçılıqla məşğuldur. Yəni, məhsul müştəriyə təhvil verilmədən öncə şərt qoyurlar ki, məhsulun qiymətinin tam məbləği yaxud bir hissəsi ödənilməlidir. Ödənişdən sonra isə müştərini bloka atır, yaxud səhifəni silirlər.  Bəs belə risklərdən necə qorunmaq olar? Ümumiyyətlə onlayn alış-veriş zamanı insanlar nələrə diqqət etməlidirlər ki, ziyana düşməsinlər? İnformasiya Texnologiyaları üzrə mühəndis-tədqiqatçı, Azərbaycan Kibertəhlükəsizlik Təşkilatları Assosiasiyasının (AKTA) eksperti Bəhruz Əliyev “Yeni Sabah”a bu barədə bəzi məqamlara toxunub: “Sadəcə məntiqli davranmalıyıq. Unutmamaq lazımdır ki, bəzən tanıdığımız insanlara etibar etməkdə çətinlik çəkdiyimiz halda, tanımadığımız və hüquqi ünvanı olmayan, cəmiyyətdə etibarı yaranmamış hər hansı birinə və ya alış-veriş səhifəsinə şərtsiz inanmaq bir az sadəlövlükdür. Təbii ki, cəmiyyətdə qarşılıqlı etibarsızlıq mühitinin yaranmasını əsla arzu etmirik. Amma xəbərlərdən, olan hadisələrdən dərs çıxararaq, daha diqqətli davranmalıyıq. Kiberdələduzların zamanla müxtəlif yollarla insanları aldatmağa çalışdıqlarını nəzərə alaraq, onlar üçün, münbit ola biləcək, heç bir boşluğa icazə verə bilmərik”.  Ekspert, həmçinin, ehtiyat tədbirlərindən söz açıb: Rəsmi və tanınmış mağazaların səhifələrindən alış veriş etmək ən təhlükəsiz yollardan biridir. Sosial şəbəkədə “mavi təsdiq” işarəsinin olmasına diqqət yetirilməlidir. Təsdiq olmadığı halda uzaq durmaq məsləhətdir.  Rəsmi mağazaların səhifələri müştəri münasibətlərinə xüsusi diqqət edirlər. Rəsmi mağazaların özlərinin online ödəmə sistemi yoxdursa, müştəriyə istədiyini təqdim etmədən ödəniş tələb etmirlər. Ölkədaxili online alış-veriş səhifələri isə, əsasən qapıda ödəmə sistemi ilə işləyirlər. Məhsulu əlinizə alıb yoxlamadan həmin mal üçün ödəmə etməyin. Məhsul təhvil verilmədən əvvəl ödəniş tələb edən mağazalardan ümumiyyətlə uzaq durun. Etibarlı ödəniş sistemlərində istifadə edilməlidir. Sizə təqdim olunan linklərə onların kök domeninə xüsusi diqqət yetirmək lazımdır. Şübhə varsa kart məlumatlarını daxil etməmək və məlumatlı şəxsə müraciət etmək lazımdır. Ödənişlərin tanınmış ödəmə sistemləri ilə olmasına xüsusi diqqət yetirmək lazımdır. Sizin adınıza və sizin üçün yaradılmış koda ödəniş etmək olar. Əks halda kiminsə kartına və ya nömrəsinə uzaqdan ödəniş düzgün deyil”. B.Əliyev vətəndaşlara tövsiyə edir ki, hər hansı bir problem halında əlaqə saxlamaq üçün, mümkün olan əlaqə məlumatlarını, və əlaqə formasını yoxlamaq mütləqdir: “Digər müştərilərin rəyləri və təcrübələri sizi mağaza haqqında məlumatlandıra bilər. Haqqında rəy olmayan və ya 1-3 müsbət rəy varsa və mənfi rəy yoxdursa, bu şübhə üçün, əsas verə bilər. Hər hansı bir problem yaşayan digər alıcıların nə dediyini bilmək faydalıdır. Rəylər online alış verişdə müştəri üçün, ciddi əhəmiyyətə sahibdir. Digər alıcıların təcrübələri və rəyləri sizi bir mağazanın etibarlılığı haqqında məlumatlandıra bilər. İnternetdə axtarış edərək və ya sosial media platformalarında müştəri rəylərini yoxlamaq lazımdır. Online mağazadan məhsul sifariş etmədən əvvəl, şərtləri diqqətlə oxumaq lazımdır. Özünüzü qorumaq üçün, mağaza haqqında məlumat toplamaq və dəqiqləşdirmək lazımdır”. 

Abşeron rayon İcra hakimiyyətinin başçısı Abdin Fərzəliyev Elmira Axundovaya Novxanıda 22 sot torpağ hədiyyə edib? Milli Məclisin sabiq deputatı, eks-səfir Elmira Axundova Novxanıda obyekt tikdirib?. Elmira Axundova Abşeron rayonu, Novxanı kəndi, Binəqədi-Novxanı yolunda “Azin Construction” MMC-nin lahiyəsi ilə Abşeron rayon İcra hakimiyyətinin başçısı Abdin Fərzəliyevin icazəsi ilə anbar tikdirib. XALQ.AZ Dövlət Şəhərsalma və Arxitektura Komitəsinin saytına istinadən xəbər verir ki, Elmira Axundovanın adına qeydiyata alınan obyektin istismara icazəsi 29.04.2024- cü il tarixində verilib.  Abşeron rayonu, Novxanı kəndi, Binəqədi-Novxanı yolu ünvanında inşa edilən obyektin tikinti sahəsi 967 kvadrat, ümumi sahəsi 918 kvadrat  metrdir.  Məlumatalara görə, əmlak bazarında Novxanı ərazisində obyektin qiyməti 1 milyon manata dəyərləndirilir. Qeyd edək ki,Elmira Axundova və oğlu Həbib Axundovun adı mütəmadi mətbuatda qalmaqallarda halların. Adları keçənlərin açıqlamasını dərc etməyə hazırıq.

Türkiyə xərcləri azaltmaq üçün ABŞ-la bağladığı 23 milyard dollarlıq F-16 modernləşdirmə müqaviləsində bəzi dəyişikliklər etməyi planlaşdırır. Sozcu.az xarici KİV-ə istinadən xəbər verir ki, Türkiyə hakimiyyəti daha az modernləşdirmə dəsti və sursat almaqla vəsaitlərinə qənaət etməyi hədəfləyir. Qeyd edək ki, ABŞ Türkiyənin 40 yeni nəsil F-16 döyüş təyyarəsi, 79 modernizasiya dəsti və çoxlu sayda raket almasına razılıq vermişdi. İndi isə Türkiyə razılaşmaya bəzi dəyişikliklər etməyə hazırlaşır. Adı açıqlanmayan Türkiyə rəsmisi bildirib ki, onlar müqavilənin xərclərini azaltmaq üçün daha az modernləşdirilmiş dəst və sursat alacaqlar. Prezident Rəcəb Tayyib Ərdoğan Vaşinqtonda keçirilən mətbuat konfransında ehtiyat hissələri məsələsinin gündəmə gətirildiyini bildirib. Anlaşmanıntəxminən 2030-cu ildə həyata keçiriləcəyi gözlənilir. Qeyd edək ki, müqaviləyə həmçinin müxtəlif təkmilləşdirmələr, o cümlədən radar, elektron müharibə dəsti, rabitə sistemi və missiya kompüteri alınması daxildir.

Birinci Qarabağ müharibəsində itkin düşmüş hesab olunan Əliyev İmaməddin Əliağa oğlunun meyitinin qalıqları Ağdaş rayonuna gətirilib. O, Birinci Fəxri xiyabanda naməlum şəhid kimi dəfn olunmuşdu. Sozcu. az xəbər verir ki, şəhidin nəşi bu gün rayonun Pirəzə kəndində ailəsinə təhvil verilib və vida mərasimi keçirilib. Vida mərasimində kənd sakinləri, şəhidin ailə üzvləri, qazilər, eləcə də rayon icra hakimiyyətinin, hüquq-mühafizə orqanlarının əməkdaşları, ictimaiyyət nümayəndələri iştirak ediblər. Cənazə namazı qılındıqdan sonra şəhidin nəşi kənd qəbiristanlığında, atasının məzarı yanında torpağa tapşırılıb, dualar oxunub. Dəfn zamanı yaylım atəşi açılıb. Qeyd edək ki, Əliyev İmaməddin Əliağa oğlu 1992-ci ildə Ağdərə istiqamətində gedən döyüşlərdə itkin düşmüş sayılırdı.

İyulun 12-də Müsavat Divanının növbədənkənar iclası keçirilib. Partiyanın mətbuat xidmətindən verilən məlumata görə, iclasda sentyabrın 1-nə təyin olunmuş növbədənkənar parlament seçkiləri müzakirə olunub. Müsavat Divanı daha 3 seçki dairəsindən partiyanın deputatlığa namizədlərini irəli sürüb: İkram İsrafil – 45 saylı Sumqayıt dördüncü seçki dairəsi, Zahir Feyzulla – 48 saylı Abşeron birinci seçki dairəsi, Nəsiman Yaqublu -125 saylı Zəngilan-Qibadlı seçki dairəsi. Divanın ötən iclasında deputatlığa 27 namizəd irəli sürülmüşdü. Beləliklə, partiyanın namizədlərinin sayı 30-a çatıb. Namizədlərin irəli sürülməsi prosesi davam edir. Divan həmçinin daha 18 nəfəri səlahiyyətli nümayəndə olaraq təsdiqləyib. Partiyanın seçki üzrə səlahiyyətli nümayəndələrinin sayı 48 nəfərə çatıb.

İraqın şimalında Türkiyə hərbçisi şəhid olub. Sozcu.az xəbər verir ki, bu barədə Türkiyə Milli Müdafiə Nazirliyi məlumat yayıb. Bildirilib ki, Türkiyə ordusunun baş çavuşu Bahadır Rıdvan Talay separatçı terror təşkilatı üzvlərinin əvvəlcədən yerləşdirdiyi əldəqayırma partlayıcı qurğunun işə düşməsi nəticəsində həlak olub. Daha bir hərbçinin yaralandığı bildirilir.

Bakıda hipermarketdə silahlı insidentlə bağlı təqsirləndirilən şəxslərə hökm oxunub. Sozcu.az "Report"a istinadən xəbər verir ki, Bakı Ağır Cinayətlər Məhkəməsinin hakimi Azad Məcidovun sədrliyi ilə keçirilən prosesdə Dəyanət Qüdrətov ömürlük azadlıqdan məhrum edilib. Digər təqsirləndirilən şəxslər Azər Məmmədov 19 il, Səbuhi Qurbanov 18 il 6 ay, İbrahim İbrahimov 19 il müddətinə azadlıqdan mərhum ediliblər. Zamində olan Rövşən İsmayılov 4 il 11 ay 28 gün, Babək İsgəndərov 3 il 11 ay 28 gün azadlıqdan mərhum ediliblər. Onların hər ikisi məhkəmə zalından həbs olunublar. Qeyd edək ki, hadisə bu ilin martında paytaxtın Xətai rayonunda yerləşən hipermarketdəki bankların birinə məxsus bankomata külli miqdarda pul yerləşdirilən zaman qeydə alınıb. Hadisə zamanı bankın əməkdaşı Samir Şeydayev müxtəlif xəsarətlər alıb, onun mühafizəsini təşkil edən Rəqəmsal İnkişaf və Nəqliyyat Nazirliyinin əməkdaşı Rüfət Həşimov isə ölüb. Baş Prokurorluğun İstintaq idarəsində Cinayət Məcəlləsinin 29, 120.2.7, (iki və ya daha çox şəxsi öldürməyə cəhd), 120.2.1, 120.2.4, 120.2.11, (bir qrup şəxs tərəfindən quldurluqla əlaqədar ümumi təhlükəli üsulla adam öldürmə) 181.3.2 (külli miqdarda əmlak əldə etmək məqsədilə quldurluq) və 228.2.1-ci (qanunsuz olaraq odlu silah əldə etmə) maddələri ilə cinayət işi başlanıb. Prokurorluq və DİN əməkdaşları tərəfindən keçirilən tədbirlər nəticəsində qabaqcadan əlbir olan Ruhlan İsmayılov, Dəyanət Qüdrətov, Azər Məmmədov və Səbuhi Qurbanovun bir qrup şəxs halında ümumi təhlükəli üsulla və quldurluqla əlaqədar qəsdən adam öldürmə, adam öldürməyə cəhd, quldurluq və qanunsuz olaraq odlu silah, onun komplekt hissələrini, döyüş sursatını əldə edib saxlama və gəzdirmə cinayətlərini törətmələrinə əsaslı şübhələr müəyyən edilib. İstintaq-əməliyyat tədbirləri nəticəsində şübhəli şəxs qismində saxlanılan Dəyanət Qüdrətova ilkin olaraq Cinayət Məcəlləsinin 120.2.1, 120.2.4, 120.2.11 29, 120.2.7 və digər maddələri, Azər Məmmədov və Səbuhi Qurbanova isə ilkin olaraq Cinayət Məcəlləsinin 32.5, 120.2.1, 32.5,120.2.4, 32.5, 120.2.11, 32.5, 29, 120.2.7 və digər maddələri ilə ittiham elan edildikdən sonra barələrində məhkəmənin qərarı əsasında həbs qətimkan tədbiri seçilib. Həmin gün saat 21 radələrində yaxalanması istiqamətində keçirilən əməliyyat tədbirləri zamanı Ruhlan İsmayılov polis əməkdaşlarına qarşı silahlı müqavimət göstərdiyi üçün zərərsizləşdirilib. R.İsmayılovun gizləndiyi mənzilə istintaq-əməliyyat qrupu tərəfindən baxış keçirilərkən cinayət nəticəsində əldə olunan 16 min 835 manat və 20 min 100 ABŞ dolları pul, "AKS Lancaster-03" markalı odlu silah, 1 ədəd "Makarov" və 1 ədəd "Colt" tipli tapançalar, çoxsaylı döyüş sursatları, əməliyyat tədbiri nəticəsində saxlanılan şübhəli şəxs Dəyanət Qüdrətovun üzərindən isə 1 ədəd "Blow TR 92D" modelli tapança aşkarlanaraq götürülüb.

Hacıqabulda zəncirvari yol qəzasında 9 nəfər xəsarət alıb. Sozcu.az-ın Report-a istinadən məlumatına görə, rayonun Qarasu kəndi ərazisində baş verən yol qəzası zamanı hərəkətdə ola TIR yük maşını aşaraq iki mikroavtobusa çırpılıb. Qəza nəticəsində Türkiyə vətandaşları, 1980-ci il təvəllüdlü Verdiyeva Cəmilə, 2014-cü il təvəllüdlü Saraçoğlu Ezgisu, 1999-cu il təvəllüdlü Süzen Elis, 1995-ci il təvəllüdlü Arpslan Ferhad, Bakı şəhər sakinləri, 2007-ci il təvəllüdlü Hüseynov Həsən Nurəddin oğlu, 1974-cü il təvəllüdlü Hüseynova Mətanət Muradil qızı, Gəncə şəhər sakinləri, 2006-cı il təvəllüdlü Verdiyeva Cəmilə Vüqar qızı, 1957-ci il təvəllüdlü Qurbanova Fərəncam Adil qızı və Verdiyev Hüseyn Vüqar oğlu müxtəlif dərəcəli xəsarətlər alıblar. Xəsarət alanlar Şirvan Şəhər Mərkəzi Xəstəxanasına çatdırılıb. Türk vətəndaşları xəstəxanaya yerləşdirilib. Qalanları ambulator müalicəyə göndərilib. Faktla bağlı araşdırma aparılır.

İranın cənubunda 4,5 bal gücündə zəlzələ qeydə alınıb. Sozcu.az xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb. Məlumata görə, yeraltı təkanların episentri təxminən 207 min nəfər əhalisi olan Sircan şəhərindən 130 km şimal-şərqdə yerləşib. Zəlzələnin ocağı 10 km dərinlikdə olub. Tələfat və dağıntılar barədə məlumat yoxdur.

İsrail və HƏMAS hərəkatı Qəzza zolağında atəşkəsin yaradılması prinsipləri barədə razılığa gəlib. Sozcu.az xəbər verir ki, bu barədə ABŞ Prezidenti Co Bayden X səhifəsində məlumat yayıb. "Altı həftə əvvəl mən atəşkəs və girovların qaytarılması üçün hərtərəfli sövdələşmə prinsiplərini irəli sürdüm. Hələ görüləsi işlər var və bunlar mürəkkəb məsələlərdir, lakin prinsiplər indi İsrail və HƏMAS tərəfindən razılaşdırılıb”, - deyə Ağ Ev rəhbəri bildirib.

İran İslam Respublikası atom bombası yaratmaq ərəfəsindədir və bunun qarşısını almaq üçün nəsə etmək lazımdır. Sozcu.az xəbər verir ki, bu barədə ABŞ-in 9 düşüncə mərkəzinin birgə bəyanatında xəbərdarlıq edilib. “İslam Respublikası bir neçə gün ərzində bir neçə nüvə silahı istehsal etmək üçün lazım olan uranı istehsal edə bilər və bunun qarşısını almaq üçün təcili tədbirlər görülməli, Amerikanın növbəti prezidenti etibarlı hərbi variantları nəzərdən keçirməlidir”, - bəyanatda bildirilib. Həmçinin bəyanatda dünyanın diqqətinin İsrail-HƏMAS müharibəsinə və 2024-cü ildə ABŞ-da keçiriləcək prezident seçkilərinə yönəldiyi bir vaxtda Tehranın davamlı və sakit şəkildə nüvə zənginləşdirmə fəaliyyətlərini artırdığı da qeyd olunub.

İyulun 11-də Təbrizdə yaşayan milli fəal Səccad Sidqi təhlükəsizlik idarəsinə aparılaraq dindirilib. Bu barədə yerli insan haqları fəalları məlumat yayıblar. Onlarn sözlərinə görə, mülki güyimli əmurlar məhkəmə hökmü  olmadan iş yerinə gedən milli fəalı özləri ilə idarəyə aparıb, 4 saat dindirdikdən sonra sərbəst buraxıblar. Məmurlar Səccad Sidqinin təhküləsizlik idarəsindən edilən çağırış zənglərinə cavab vermədiyinə görə onun təhdid ediblər. Qeyd edək ki, Səccad Sidqi bundan əvvəl bir neçə dəfə saxlanılıb, "İrana qarşı olan qrup və ya təşkilatların xeyrinə təbliğat"da günahlandırılıb və girov qarşılığında müvəqqəti sərbəst buraxılıb.

Fövqəladə Hallar Nazirliyinin “112" qaynar telefon xəttinə Bakı şəhəri, Xəzər rayonu, Zirə qəsəbəsi yaxınlığında nəzarətsiz ərazidə dənizdə 3 nəfərin batması barədə ilkin məlumat daxil olub. Məlumatla əlaqədar dərhal FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub. Hazırda batdığı ehtimal olunan şəxslərin, 2007-ci il təvəllüdlü Ağayev Ağaşirin Ramin oğlu, 2008-ci il təvəllüdlü Aslanov Abid Asif oğlu və 2009-cu il təvəllüdlü Aslanov Anar Asif oğlunun axtarışları FHN-in qüvvələri tərəfindən davam etdirilir.

Nikol Paşinyan  Ermənistan parlamentinin növbədənkənar sessiyası başlamazdan əvvəl hakim “Vətəndaş sazişi” partiyasının yaxın çevrəsini toplayaraq sentyabr-oktyabr aylarında ciddi, kəskin addımlar atacağını, onların konkret nədən bəhs etdiyini açıqlayıb. Sozcu.az xəbər verir ki, “İravunk” qəzeti bu haqda rəsmi dairələrdəki mənbələrinə istinadla yazır.   “...Mənbələrimiz iddia edir ki, Paşinyanın həmin vaxt ərzində KTMT-dən çıxmaq qərarı verməsi də istisna deyil. Bu kontekstdə baş nazir bəyan edib ki, indi onun bir sıra parlamentdənkənar qüvvələrlə geniş konsolidasiyaya ehtiyacı var: “Danışın, inandırın, onları bizim dairəyə gətirin””  Erməni nəşrinin yazdığına görə, Paşinyan öz etibarlı ətrafına verdiyi göstəriş təxminən belə olub. “O, hər kəsin ictimai müsahibələrini izlədiyini və komandanın vahid iş tərzindən razı qaldığını söyləyib” – Ermənistan qəzeti belə yazır.

“Artıq uzun müddətdir ki, istehlak məsullarının kreditlə satılması həyta keçirilir. Bu da vətəndaşlara aldığı məsul üzrə mərhələli, yəni müddətli ödəniş imkanı verir. Sözsüz ki, digər kredit növlərində olduğu kimi, məsulların kreditlə satışı zamanı da vətəndaşın ödəmə qabiliyyətinin öyrənilməsi, xüsusilə də izafi kredit yüklənməsinin qarşısının alınması çox vacibdir. Nəticə etibarilə vətəndaş istər istehlak məsullarını alan zaman, istərsə də digər formada kreditdən istifadə edirsə, bu, artıq onun üçün aylıq ödənişlər deməkdir”. Sozcu.az xəbər verir ki, bunu iqtisadçı millət vəkili Vüqar Bayramov deyib. Onun sözlərinə görə, istehlak məsullarının vətəndaşın ödəmə qabiliyyətini nəzərə almaqla kreditlə verilməsi çox vacibdir. Çünki əks halda bu ödəmə qabiliyyətinə təsir göstərə bilər. Hətta problemli kreditin həcmində də dəyişiklik müşahidə oluna bilər: “Bu sahədə xüsusi qaydaların tətbiqi edilməsi və vətəndaşın ödəmə qabiliyyətini nəzərə almaqla məsulun kreditlə satışının təmin edilməsi çox vacibdir”.

Saat 9:00-a olan məlumata görə əksər rayonlarda hava şəraiti əsasən yağmursuz keçib, lakin axşam və gecə bəzi dağlıq və dağətəyi rayonlarda şimşək çaxıb, qısamüddətli leysan xarakterli yağış yağıb. Milli Hidrometeorologiya Xidmətindən Sozcu.az verilən məlumata görə, düşən yağıntının miqdarı Lazada (Qusar) 13 mm, Şəki, Qax, Şahdağ, Qrız, Balakən, Gədəbəy, Şəmkir, Qəbələ, Zaqatala, Balakən, Tərtər, Yevlaxda 5 mm-dək olub. Şimal-qərb küləyi sarı xəbərdarlığa uyğun olaraq Neftçalada 20 m/s, Goranboyda 19 m/s, Balakəndə 18 m/s, Bakıda və Abşeron yarımadasında 17 m/s, Şirvan, Naftalanda 16 m/s, Zaqatalada 15 m/s-dək güclənib. Qrızvə Şahdağda duman müşahidə olunub. Havanın maksimal temperaturu Bakıda və Abşeron yarımadasında 33, Naxçıvan MR-da 38, Aran rayonlarında 40, dağlıq rayonlarda 31 dərəcəyədək isti olub.

İyulun 12-də İslamabadda Azərbaycan Respublikasının Prezidenti İlham Əliyevin Pakistan İslam Respublikasının Prezidenti Asif Əli Zərdari ilə geniş tərkibdə görüşü başa çatıb. Sozcu.az xəbər verir ki, bu barədə Prezidentin mətbuat xidməti məlumat yayıb.

Xocalıda azərbaycanlılara qarşı soyqırımı törətməkdə və terrorçuluqda təqsirləndirilən Rəşid Beqlaryanın növbəti məhkəməsi başlayıb. Sozcu.az xəbər verir ki, məhkəmə iclası Sabunçu Rayon Məhkəməsində Füzuli Hərbi Məhkəməsinin hakimi Əli Süleymanovun sədrliyi ilə keçirilir.

Saatlıda 14 yaşlı uşağı cərəyan vuraraq öldürüb. Sozcu.az APA-ya istinadən xəbər verir ki, hadisə Saatlı rayonunun Soltanabad kəndində qeydə alınıb. Həmin kəndin sakini, 2010-cu il təvəllüdlü Sarıyev Elgün Elşən oğlunu su nasosunun cərəyanı vuraraq öldürüb. Faktla bağlı araşdırma aparılır.

Müəllimlərin işə qəbulu üzrə müsabiqənin test imtahanı mərhələsinin nəticələri açıqlanıb. Sozcu.az xəbər verir ki, bu barədə Təhsil institundan məlumat verilib. Bildirilib ki, 2-10 iyul tarixlərində təşkil olunan test imtahanlarının nəticələri namizədlərin şəxsi səhifələrinə göndərilib. Qeyd edilib ki, test imtahanında ümumtəhsil proqramı üzrə minimun 34 bal və tədris metodikası üzrə minimum 6 bal olmaqla, ümumi 40 bal və daha yüksək nəticə göstərən namizədlər vakant yerlərin seçiminə buraxılır.

"AzParking"də giriş-çıxışda göndərilən hər SMS-ə görə artıq 0.10 manat ödəniş çıxılması ilə bağlı iddialar yayılıb. Sozcu.az Oxu.az-a istinadən xəbər verir ki, bu barədə sosial şəbəkələrdə vətəndaşlar qeyd ediblər. Onların sözlərinə görə, 24 iyundan etibarən sözügedən SMS-lər pullu olub. Sürücülər qeyd ediblər ki, əvvəllər parkinqin ilk 15 dəqiqəsi tamamilə ödənişsiz idi, mesaj göndərildiyi halda belə həmin müddətdə heç bir pul çıxılmırdı. Amma bu dəyişiklikdən sonra SMS bildirişi göndərildiyi an vətəndaşın hesabından 10 qəpik silinir. Eyni proses çıxışda da aparılır və parkinqdən 15 dəqiqədən az belə istifadə edənlər ümumilikdə 0.20 manat ödəniş etməli olurlar. Buna müvafiq olaraq 15 dəqiqəni keçdiyi halda avtomobillə parklanma yerinə giriş və çıxış üçün göndərilən SMS-ə görə çıxılan pul isə ümumi parkinq pulunun üstünə gəlir. Məsələ ilə əlaqədar Azərbaycan Yerüstü Nəqliyyat Agentliyi (AYNA) ilə əlaqə saxlanılıb. Qurumdan sorğuya belə cavab alınıb: "Parklanmaya görə SMS-lərin ödənişli olması ilə bağlı bildiririk ki, bu, "Bakcell" və "Nar" mobil operatorları tərəfindən tətbiq edilən komissiya haqqıdır və parklanmaya görə ödəniş deyil. "Azercell" mobil operatoru tərəfindən bu xidmət üçün heç bir komissiya haqqı tətbiq edilmir. Parklanmaya görə ödənişləri SMS-lə yanaşı, "AzParking" mobil tətbiqi üzərindən etmək mümkündür. Ödəniş üsulu vətəndaşlar tərəfindən könüllü seçilir. "AzParking" mobil tətbiqindən istifadəyə görə heç bir komissiya haqqı tutulmur".

"Tənqidin nəticəsi olmalıdır. Məsələ kökündən həll edilməlidir. "TikTok" kimi platforma ya bağlanmalır, ya da çərçivəyə salınmalıdır. Aidiyyəti qurumlar bununla məşğul olmalıdır. "TikTok"-da baş verənlər faciədir. Gənclərin zövqünü, həyatını korlayır. Orada çoxluq təşkil edən söyüşdür".  Sozcu.az axşam.az-a istinadla xəbər verir ki, bu sözləri Əməkdar artist Tahir İmanov "Talknex" yutub layihəsində danışıb. O bildirib: "Müstəqil insanam, fikir bildirirəm. Heç bir yerdə işləmirəm. Böyük layihələrdə işim yoxdur. Müsahibələrdən sonra dolayı yolla bəzi məmurlardan zənglər gəlir ki, Tahir İmanov niyə belə danışdı? Onları necə başa salım ki, azad ölkədə yaşayıram və azad fikrim var. Xoşunuz gəlmirsə, qulaq asmayın". T.İmanov televiziyalarda yayımlanan verilişlərdən söz açıb: "Telekanal rəhbərləri dəvət edildi, nə oldu? İndi 5-6 bayağı, neqativ layihə bağlansa toy-bayram olacaq, cəmiyyətə yeni nəfəs veriləcək. Azərbaycan kişisini rəzil vəziyyətdə nə qədər göstərmək olar? Bu nə biabırçılıqdır?! Biz qalib xalqıq. Elə bir dövrdə yaşayırıq ki... Əsl kişilər dövründəyiq. Niyə əsl kişiləri qoyub, qeyri-kişiləri, qeyri-qadınları təbliğ edirsiniz? Televiziya rəhbərləri açıq-aşkar dedilər ki, reytinqidir, olmasa işçini dolandıra bilməyəcəyəm. Boş bəhanədir, birinci öz ciblərini doldura bilməyəcəklər. Onlar ancaq cibi düşünürlər. Televiziya hər zaman özünü dolandırıb. Elə gözəl verilişlər olub. Televiziya rəhbərləri qazanmayıb? Yuxarıdan göstəriş gəlsə ki, bunu bağlayın, olacaq. Camaata nə versəniz ona baxır. Nə versən onu da yeyəcək. Zir-zibili yedizdirmək yaxşı deyil. Bir dəfə dedim ki, verilişlərin hamısını zibil yeşiyinə tullamaq lazımdır. Hamı başladı Tahir İmanov tükənib, çörəyi dizindədir". T. İmanov məktəblərdə rüşvətxorluqqdan danışarkən deyib: "Millət vəkilləri ancaq danışırlar, problem həll olunmur. Mənə imkan verilsəydi, 100-200 müəllimi həbs edərdim. Bunun cəzası ancaq budur. Demirəm, rüşvət almayacaqlar, alacaqlar, amma qorxa-qorxa və bu azalacaq"

Ermənistan parlamentinin iyulun 12-də növbədənkənar iclası çağırılıb. Sozcu.az Report-a istinadən xəbər verir ki, gündəlikdə yeddi məsələ var. Bildirilib ki, məsələlər yekun oxunuşda qəbul ediləcək. Gündəlikdə duran məsələlərə bunlar daxildir: “Hökumətin strukturu və fəaliyyəti haqqında” qanuna dəyişiklik edilməsi barədə , “Cinayət-İcra məcəlləsinə əlavə və dəyişikliklər edilməsi haqqında” , “Hərbi vəzifə və hərbi xidmət haqqında” qanuna əlavə və dəyişikliklər edilməsi barədə, “Hərbi qulluqçular haqqında” və bununla bağlı qanunlara dəyişikliklər, “Geodeziya və kartoqrafiya fəaliyyəti haqqında” qanunda dəyişikliklər və bununla bağlı qanun layihələri zərfi, “Milli təhlükəsizlik orqanlarında xidmət haqqında” qanuna dəyişikliklər edilməsi barədə, “Ermənistan Respublikasının müdafiəsi zamanı hərbi qulluqçuların həyatına və ya sağlamlığına vurulmuş zərərin əvəzinin ödənilməsi haqqında” qanuna əlavə və dəyişikliklər haqqında qanun layihələri.

Azərbaycan Respublikasının Prezidenti İlham Əliyev ilə Pakistan İslam Respublikasının Baş naziri Şahbaz Şərif mətbuata birgə bəyanatla çıxış ediblər. Sozcu.az xəbər verir ki, bu barədə Azərbaycan Prezidentinin Mətbuat Xidməti məlumat yayıb.