İndi rus işğalçıların əsas məqsədi Pokrovsk istiqamətində cənub cinahı yaratmaqdır. Sozcu.az xəbər verir ki, bunu ukraynalı hərbi-siyasi şərhçi Aleksandr Kovalenko deyib. "Biz müdafiə tipli strategiya mərhələsindəyik, məqsəd düşməni tükəndirməkdir. Düşməni necə yormaq olar? Ərazimizin hər metrini onlar üçün cəhənnəmə çevirməklə düşməni tükəndirə bilərik ki, onlar bizdən qat-qat çox resurs itirsinlər, hər qəsəbə, hər kənd onlar üçün cəhənnəmə çevrilsin və əslində, bu qismən belədir; Çasov Yar, Rabotinski cəhənnəmə çevrildi, Severski istiqaməti onlar üçün cəhənnəmdir. Yenə Serebryanski meşəsi, Liman-Kupyansk... - düşmənin heç bir uğur qazana bilməyəcəyi bir çox yerlər var", - Kovalenko bildirib.

09:07 Qubada ölümlə nəticələnən yol-nəqliyyat hadisəsi baş verib. DİN Mətbuat Xidmətinin Quba regional qrupundan Sozcu.az-a verilən məlumata görə, avqustun 29-u səhər saatlarında Quba rayonunun Hacıhüseynli kəndi ərazisində “Mersedes” markalı sərnişin mikroavtobusu ilə “Şevrolet” markalı minik avtomobili toqquşub. Qəza nəticəsində 1 nəfər ölüb, 8 nəfər isə müxtəlif dərəcəli bədən xəsarətləri ilə Quba Rayon Mərkəzi Xəstəxanasına yerləşdirilib. Faktla bağlı araşdırmalar davam etdirilir. *** Qubada baş verən qəza zamanı bir nəfər ölüb, 12 nəfər xəsarət alıb. Bu barədə Daxili İşlər Nazirliyinin (DİN) Quba regional qrupundan məlumat verilib. *** Avqustun 29-da saat 08:00 radələrində Quba-Xaçmaz yolunda baş vermiş yol-nəqliyyat hadisəsi səbəbilə 12 nəfər (7-si qadın cinsli, 5-i kişi cinsli olmaqla) müxtəlif bədən xəsarətləri ilə Quba Rayon Mərkəzi Xəstəxanasının Təcili tibbi yardım bölməsinə hospitalizasiya olunub. Bu barədə TƏBİB-dən məlumat verilib. Bildirilib ki, yaralıların hər birinə zəruri tibbi xidmət göstərilib, hazırda müalicələri tibb müəssisəsinin müvafiq şöbələrində davam etdirilir. Onlardan 6 nəfərin vəziyyəti ağır, digər 6 nəfərin vəziyyəti isə qənaətbəxş olaraq qiymətləndirilir. Qeyd edilib ki, qəza nəticəsində 1957-ci il təvəllüdlü şəxsin (qadın cinsli) həkiməqədər ölüm faktı qeydə alınıb.

Azərbaycan vətəndaşı olan sahibkar Nizami Kərimov Azərbaycan Mərkəzi Bankının sabiq sədri Elman Rüstəmovun adının hallandığı dələduzluq hadisəsi ilə üz-üzə qalıb. Bu məsələ həm də Azərbaycan Mərkəzi Bankından banklara verilən kreditlərlə bağlı maxinasiyaları ortaya çıxarıb. Sahibkar Nizami Kərimovun başına açılan müsibətin kökü 2011-ci ilə gedib çıxır. Həmin il Nizami Kərimov, Elman Rüstəmovun qeyri-rəsmi sahibi olduğu “Aqana Servis” MTK-nın inşa etdiyi binadan qeyri-yaşayış sahəsi alıb. 2013-cü ildə aldığı sahənin təmirinə başlayıb. Uzun müddət təmir işləri aparılandan sonra, 2017-ci ildə həmin qeyri-yaşayış sahəsində restoran fəaliyyətə başlayıb. 1 il sonra, 2018-ci ildə Nizami Kərimovun restoranında “Premium bank”ın nümayəndəsi peyda olub. Bank nümayəndəsi Nizami Kərimova deyib ki, restoranın yerləşdiyi qeyri-yaşayış sahəsi 2013-cü ildə banka girov qoyulub, 2 milyon 500 min manat kredit götürülüb! Nizami Kərimov burada bir anlaşılmazlığın olduğunu düşünərək 2011-ci ildə qeyri-yaşayış sahəsini alarkən bağladığı alqı-satqı müqaviləsini bank nümayəndəsinə göstərib. Bank nümayəndəsi isə deyib ki, alqı-satqı müqaviləsi onları maraqlandırmır, qeyri-yaşayış sahəsi bankda girovdadır! Bundan sonra Nazami Kərimov vəkil tutur, məsələ məhkəmə müstəvisinə daşınır. Məhkəmələrin gedişində iddia olunub ki, Nizami Kərimova qarşı baş verən bu hadisə Elman Rüstəmov Mərkəzi Bankın sədri olduğu dönəmdə, onun xeyir-duası ilə gerşəkləşib! Üzə çıxıb ki, Nizami Kərimova məxsus qeyri-yaşayış sahəsi saxta sənədlərlə, Elman Rüstəmov baş bankir olduğu günlərdə girov qoyulmaqla 2 banka – “Premium bank” və “Deka bank”a ümumilikdə 5 milyon manat kredit verilib! Bu  “sxem”lə bankların hər birinə 2 milyon 500 min manat olmaqla Mərkəzi Bankdan kredit verilib. Nizami Kərimovun vəkili Əkrəm Həsənov Musavat.com-a açıqlamasında iddia edib ki, Elman Rüstəmov onun müvəkkilinə məxsus qeyri-yaşayış sahəsini girov qoymaqla “Premium Bank” və “Deka-Bank” vasitəsilə faktiki olaraq Mərkəzi Bankdan 5 milyon manat məbləğində pul çıxarıb: “Heç bir gəliri olmayan 2 şəxsin adına, ən başlıcası isə  Nizami Kərimovdan xəbərsiz, onun sənədli-sübutlu əmlakını qanunsuz olaraq girov qoymaqla Mərkəzi Bankdan 5 milyon manat məbləğində pul çıxarıb. Yəni Mərkəzi Bank bir əmlakı girov götürməklə 2 bankın hərəsinə 2 milyon 500 min manat kredit verib, onlar da öz növbəsində 2 fiziki şəxsə həmin məbləğləri “istehlak” krediti kimi veriblər. Elman Rüstəmov Mərkəzi Bank rəhbərliyindən uzaqlaşdırıldıqdan sonra başda Mərkəzi Bank olmaqla 3 bank Nizami Kərimovun əmlakına göz dikiblər”. Vəkil deyir ki, hazırda Yasamal Rayon Məhkəməsində iş üzrə məhkəmə çəkişməsi davam edir. Məhkəmədə “Premium Bank” və “Deka-Bank”dan kredit dosyeləri  tələb olunsa da, banklar həmin dosyeni ortaya çıxarmırlar. Bu isə həqiqətin üzə çıxmasını əngəlləyir. Əkrəm Həsənov bildirib ki, məhkəmədə “Premium Bank” və “Deka-Bank”dan kredit dosyelərinin təqdim edilməsi üçün vəsatətlə çıxış edib: “Hakimə vəsatət verirəm ki, dosyeni bankdan tələb etsin, təmin etmir. İndi əmlakı ondan xəbərsiz girov qoyulmuş və mənimsənilməsi təhlükəsi olan vətəndaş haqqını necə tələb etsin...” Bu qalmaqallı məsələ bu ilin fevralında qalxanda Mərkəzi Bankın indiki rəhbərinin mövqeyi belə olmuşdu ki, “Premium Bank”ın gəliri az olan vətəndaşa 2 milyon 500 min manat məbləğində istehlak krediti verməsində problem görmür. Əkrəm Həsənov isə bu çıxışla bağlı demişdi ki, əslində, orada bir yox, bir neçə böyük problem var: “Sadəcə məsələ Elman Rüstəmovun (iddia var ki, həmin pulu elə o mənimsəyib) dövrünə təsadüf etdiyi üçün yəqin ki, Taleh Kazımovda məsələ ilə bağlı tam məlumat yoxdur (məsələn, deyir ki, həmin kredit 2018-ci ildə verib, halbuki 2013-cü ildə verilib və s.). Odur ki, məsələ ilə bağlı mənə hələlik məlum olanı bəyan edirəm. Deməli, 2010-cu ildə Nizami Kərimov tikilən binada “Aqana Servis” şirkətindən qeyri-yaşayış sahəsi alıb. Şirkətin sahibi Azad Nağıyev həmin sahəni qanunsuz olaraq qohumunun adına rəsmiləşdirib girov qoyaraq 2013-cü ildə “Premum Bank” vasitəsilə faktiki olaraq Mərkəzi Bankdan 2 milyon 500 min manat məbləğində kredit götürüb. Əslində, iddia edir ki, krediti o yox, tikintidə şəriki olan Elman Rüstəmov (o cümlədən Rəşad adlı xalası oğlu) götürüb, yəni mənimsəyib. Hər bir halda ortada olan odur ki, “Premum Bank” Mərkəzi Bankdan 5,25%-lə 2 milyon 500 min manat kredit götürüb və dərhal da onu 6,25%-lə normal rəsmi gəliri olmayan Azad Nağıyevə verib (Kərimova məxsus restoranı qanunsuz girov qoymaqla). Kreditin təyinatı kimi “maliyyə ehtiyaclarının qarışılanması” göstərilib. Yəni əslində, kreditin heç bir təyinatı olmayıb, çünki göstərilən “təyinat” amorfdur. Kredit müddəti ərzində də Azad Nağıyev yalnız faizləri ödəməli, əsas borcu isə sonda verməli imiş. Bir müddət faizlər ödənilib, sonra dayandırılıb və kreditin qaytarılmasını tələb etmək əvəzinə Mərkəzi Bank faiz dərəcəsini 3,7%-ə, “Premum Bank” isə 4,7%-ə endirərək  müddəti uzadıblar. Lakin sonradan restoranın mülkiyyətçisi Kərimov məsələdən hali olub və məhkəməyə müraciət edərək əmlakı qanunsuz mənimsəmiş şəxsin adından çıxartdırıb. Bununla belə, “Premum Bank”-ın və Mərkəzi Bankın həmin əmlaka girov (ipoteka) hüququ hələ də ləğv olunmayıb. Onlar deyir ki, guya vicdanlıdırlar və əmlakın Kərimova məxsus olmasını bilmirdilər. Hazırda bununla bağlı Yasamal rayon məhkəməsində proses gedir: “Premum Bank” və Mərkəzi Bank qanunsuz verdikləri kreditin müqabilində Kərimovun əmlakını əlindən almaq istəyirlər. Yeri gəlmişkən, Elman Rüstəmov da Mərkəzi Bankın sədri olduğu son dövrdə şəriki Nağıyevin azadlıqdan məhrum olunmasına nail olub. İndi də hər şeyi Nağıyevin üstünə atırlar. Nağıyev isə məhkəmədə iştirak imkanından belə məhrumdur”. Əkrəm Həsənov deyir ki, ortada qanunsuz olaraq kredit verilməsi cinayəti var: “Kredit veriləndə Mərkəzi Bankın təsdiqlədiyi “Banklarda kreditlərin verilməsi Qaydaları” qüvvədə idi. Həmin Qaydaların 3-cü bəndinə əsasən “Premum Bank” kreditin məqsədi və ödənişlərin mənbəyini müəyyən etməli, 4.1.8-ci bəndə görə Nağıyev gəlirlərini təsdiqləyən sənəd təqdim etməli, bank da müştərini daim monitorinq etməli idi. Bütün bunlar üzrə sənədlər də bankın tərtib etməli olduğu kredit dosyesində saxlanılmalı idi. Məhkəmə prosesi əsnasında bank qəti olaraq kredit dosyesini təqdim etməkdən imtina edir. Qaydaların 4.1.7-ci bəndində deyilir: “Təminatın dəyəri bankı kredit əməliyyatı üzrə dəyən zərərdən qorumaq üçün kifayət etməli, eyni zamanda kreditlərin qaytarılması üçün yeganə və əsas mənbə olmamalıdır. Kreditin qaytarılması üçün əsas borcalanın sağlam maliyyə vəziyyəti və fəaliyyəti dövründə əldə etdiyi pul vəsaiti olmalıdır”, –deyə vəkil bildirib. Beləliklə, qısa formada qeyd etsək, Elman Rüstəmov Mərkəzi Banka rəhbərlik etdiyi günlərdə “Premium Bank” və “Deka bank”a qanunsuz, qeyri-sağlam kredit verib. Bu kredit vətəndaş Nizami Kərimova məxsus əmlaka aid sənədlər saxtalaşdırılmaqla, həmin əmlak girov qoyulmaqla verilib. Banklar girov qoyulan əmlakın başqa şəxsə - yəni Nazami Kərimova mənsub olduğunu biliblər. Bununla belə krediti ayırmaq üçün əmlakı girov götürüb Elman Rüstəmovdan aldıqları milyonları kredit veriblər! Azərbaycanın Yasamal Məhkəməsi isə Elman Rüstəmovun fırıldaq sxem üzrə Mərkəzi Bankdan 5 milyon manat çıxarmasını təsbit etməkdən yayınır. Ortada sahibkar Nizami Kərimovun əmlakı “yanır”. Məhkəmənin tutduğu mövqe vətəndaş Nizami Kərimovun timsalında bu gün Azərbaycanda ev, əmlak alan, mülk sahibi olan hər kəs üçün bir “SOS” siqnalıdır. Məsələ ilə bağlı təhlil aparan ekspertlər də bildirirlər ki, Elman Rüstəmov bu məhkəmə çəkişməsindən qalib tərəf kimi ayrılsa, Bakıda istənilən əmlakı bu şəkildə sahibindən alıb payi-mal etmək üçün ciddi presedent yaranacaq. "Yeni Müsavat"

Azərbaycanda yeni ailə quranlar və boşanma statistikasında ciddi fərq ildən – ilə artır. Sosial şəbəkələr və informasiya vasitələri hər gün bir ailə dramı, faciəsi xəbərini yayımlayır. Baş verənləri təhlil etdikdə artıq ciddi tədbirlərin görülməsinə ehtiyac var. “Cəmiyyətdə münaqişələr, aqressivlik, qarşıdurmalar, psixoloji gərginlik, stres, depressiya halları kəskin artıb. Artıq bu, kənar şəxslərdən doğmalar arasına keçib. Bunun iki əsas səbəbi var. Birincisi, mənəvi-psixoloji, digəri isə sosial-iqtisadi. Milli dəyərlərin itirilməsi, yad dəyərlərin təbliği artıb. Psixi xəstəliklərin artımı çox yüksəkdir, süni və zərərli qidalar insanlarda güclü aqressiya yaradır” Bunu Bakupost.az -a açıqlamasında sosioloq Elçin Bayramlı ailə münaqişələri haqda danışarkən deyib. Sosioloqun sözlərinə görə, işsizlik, kasıbçılıq kimi məsələlər də insanlarda ciddi stres, qıcıq yaradır: “Bütövlükdə götürəndə insan psixologiyasına, fiziologiyasına qarşı ağır bir terror gedir. Belə bir gərgin, stresli həyat tərzi sürmək neqativ hallara səbəb olur. Bu sahədə cəmiyyət tamamilə müdafiəsiz buraxılıb. İnsanların ailə qurarkən fiziki, maddi dəyərlər üzərindən baxması, mənəvi dəyərlərə konkret olaraq tüpürməsi ailə münaqişlərinə çıxarır”. E.Bayramlı deyib ki, bunun qarşısı alınmazsa, nəticələr heç də ürəkaçan olmayacaq: “Cəmiyyətdə stress, aqressivlik artacaq. Biz uçuruma doğru gedirik və qarşısını almaq üçün tədbir də görmürük. Bütün müsbət xüsusiyyətlər lağa qoyulur, mənfi xüsusiyyətlər isə normal sayılır. Əgər biz sağlam gələcək yaratmaq istəyiriksə, dövlət və cəmiyyət olaraq bu məsələlərin üstünə düşməliyik”.

ABŞ Mərkəzi Kəşfiyyat İdarəsinin direktor müavini Devid Koen Ukraynanın Rusiyanın Kursk bölgəsində həyata keçirdiyi əməliyyatla bağlı mühüm açıqlama verib. Sozcu.az-ın məlumatına görə, bu barədə Merilend ştatında keçirilən Milli Təhlükəsizlik və Kəşfiyyat Sammitində çıxış edib. Onun sözlərinə görə, Ukrayna ordusu ələ keçirdiyi Rusiya ərazisini müəyyən müddət əlində saxlamaq niyyətindədir. "Ukrayna qoşunları Kursk vilayətində müdafiə strukturları tikir. Kiyev bu ərazini ilhaq etməyi planlaşdırmır, lakin Rusiya üçün onu geri qaytarmaq asan olmayacaq", - Koen deyib. O əlavə edib ki, Kursk əməliyyatınım əhəmiyyəti gələcəkdə aydın olacaq. Koen qeyd edib ki, Vladimir Putin cəmiyyətdə bu hadisələrin rezonansı ilə məşğul olmalıdır Koen Rusiyanın Pokrovsk üzərində davam edən hücumunun strateji mənada oyundəyişdirən olmadığını vurğulayıb.

Son illər yeniyetmələr arasında aqressiyanın, anormal hərəkətlərin, məsuliyyətsiz, destruktiv davranışların artdığını və zərərli trendlərin yayıldığını müşahidə edirik.  Bu, yeniyetmələrdə davranış pozuntusu faktlarının çoxalması barədə şübhələr yaradıb.  Bəs görəsən, yeniyetmələrdə davranış pozuntusu ilə bağlı statistika nə yerdədir? Bu sindromun qarşısını almaq və fəsadlarını azaltmaq üçün nə etmək olar?  Sayt yaratmaq Sozcu.az xəbər verir ki, həkim-nevroloq Qalib Əsədov mövzu ilə bağlı Oxu.Az-a danışıb.  O bildirib ki, uşaqların tərbiyə prosesində edilən yanlışlar bu məsələdə buraxılan ən böyük boşluqdur: "Günümüzdə uşaqlar heç bir əziyyət görmürlər. Ata-anaları onların hər istədiklərini yerinə yetirirlər. Hətta bu məsələ o həddə çatıb ki, uşaq gecəyarısı ayağını yerə döyüb nəsə istəsə, valideynləri dərhal gedib onun arzusunu yerinə yetirirlər. Nəticədə uşaqda belə bir fikir formalaşır ki, problemini həll etmək və istədiyinə nail olmaq üçün qışqırmaq, haray-həşir salmaq lazımdır. Məhz onların ərköyün böyüdülməsi, hər istədiklərinin yerinə yetirilməsi gələcəkdə ciddi problemlərə yol açır.  İkinci olaraq, məktəblərdə təlim-tərbiyə işlərinin düzgün təşkil olunmamasını qeyd edə bilərik. Bütün məktəblərdə psixoloq var. Bəs onlar vəzifələrini düzgün yerinə yetirirlərmi? Müxtəlif konfranslar, tədbirlər, tematik işlərin keçirilməsi, çətin tərbiyə olunan uşaqlarla, onların valideynləri ilə fərdi söhbətlər nə dərəcədə aparılır? Keçmişdə pionerlər, komsomol təşkilatları var idi. Uşaqlarla iş aparılırdı. Amma indi bu iş aparılmır və hər kəs öz eqosuna xidmət edir.  İndiki gənc nəsildə "Rembo"lar, "Rokki Balboa"lar, "Bryus Li"lər, "Polad Alemdar"lar və "Memati"lər yetişir. Onların idealları məhz bu personajlardır. Yeniyetmələr nəticə etibarilə problemi ancaq öldürməklə, döyməklə və müxtəlif aqressiv üsullarla həll edirlər. Doğrudur, keçmişdə də döyüş filmləri var idi. Amma o filmlərdə düşüncə, məntiq, intellekt ön plana keçirdi. Artıq yeniyetmələr özlərini kriminal aləmin avtoritetlərinə bənzədir və bununla fəxr edirlər".  Ekspert əlavə edib ki, bu gün idmanın döyüş növləri daha çox reklam olunur, nəinki elmlə bağlı olan intellektual verilişlər:  "Ölkəmizdə 700 bal yığan və ya Oksford, Kembric, Harvard kimi universitetlərdə təhsil alan tələbələr var. İdmançılardan fərqli olaraq, bu savadlı gənclər heç kimə məlum deyil. Amma mən deyərdim ki, həmin gənclər hansısa olimpiya çempionundan daha üstündürlər. Savadlı adam heç vaxt aqressiv ola bilməz.  Aqressiyanı yaradan səbəblərdən biri də dinin radikal qoludur. Hansı din olmasından asılı olmayaraq, radikalizm aqressiya ilə əks qardaşdır.  Psixi travmalar, çətinliklər insanı müdrikləşdirir. İnsan həyatda nə qədər çətinlik görsə, bir o qədər də müdrikləşir. Aqressiv gənclər, adətən, tam təmin olmuş ailələrdən çıxırlar. Uşaq evlərində böyüyənlər bir çox hallarda sakit olurlar və güzəştə getməyi bacarırlar".  Q.Əsədov problemin çıxış yolu ilə bağlı bu fikirləri səsləndirib:  "İlk növbədə insanlar maarifləndirilməlidirlər. Elm insanları təbliğ olunmalıdırlar. Azərbaycan telekanallarında ancaq ailə-məişət verilişləri göstərilir. Sosial verilişlər lazımdır, amma elmi unutmamaq şərti ilə. Gəncləri oxumağa, təhsilə həvəsləndirmək lazımdır. Valideynlər uşaqlara qarşı daha diqqətli davranmalıdırlar. Onlar heç bir halda uşağa nəzarəti itirməməlidirlər. Aqressiv fikirlər aşılayan verilişlərdən imtina olunmalıdır".  Tibbi Ərazi Bölmələrini İdarəetmə Birliyinin (TƏBİB) Mətbuat Xidmətindən sorğumuza cavab olaraq bildirilib ki, davranış pozğunluğu ilə bağlı statistika gözləniləndən fərqli olaraq azalıb:  "Əvvəlcə bunu qeyd edək ki, açıqlanan statistika bütün ölkə üzrə tibb müəssisələrinin statistik rəqəmləri deyil. Yalnız TƏBİB tabeli tibb müəssisələrində yanvar-iyul ayları ərzində uşaq və yeniyetmə yaşında başlayan digər emosional pozuntular və davranış pozuntusu xəstəliyi ilə bağlı 2023-cü ildə 3 785, 2024-cü ildə isə 3 311 müraciət qeydə alınıb. Ümumilikdə 12.5% azalma müşahidə olunub". 

Bakıdakı supermarketlərdə bir çox hallarda məhsulların rəf qiyməti ilə kassa qiyməti üst-üstə düşmür. Məhsulun kassa qiyməti daha baha olur. Kassir isə səbəb kimi rəf qiymətinin köhnə olmasını bildirir. Bəs bu cür halların aradan qaldırılması üçün hansı işlər görülməlidir?  Azad İstehlakçılar Birliyinin (AİB) sədri Eyyub Hüseynov Modern.az-a bildirib ki, belə halların qarşısını almaq üçün dövlət orqanları heç bir tədbirlər görmür: “İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti yaxşı işləmir, bildirir ki, gərək istehlakçı malı alandan sonra kassa çekini götürüb rəfdəki qiymətlə müqayisə etsin. "Əgər onu aldadıblarsa, bizə çeki və rəfdəki qiyməti göndərsin. Biz bununla bağlı tədbir görək".   Klinikalar Belə bir effektsiz rabitə əlbəttə ki, heç kəsə uyğun deyil. Bu sahədə böyük problem yaşanır. Hətta elə olur ki, vətəndaşlar heç almadıqları malı, kart ödənişində çekə yazırlar. Azad İstehlakçılar Birliyinə gələn şikayətləri birləşdirsək, görərik ki, 1 ildə Azərbaycan vətəndaşları almadıqları malllar üçün 500 milyon manat pul ödəyirlər. Məsələn, Nizami küçəsində yerləşən “Qrand” marketdən Eyyub Hüseynov qabıqlı qoz alır, qoz ləpəsi yazırlar. Almadığı mal üçün 8 manat əvəzinə 68 manat yazırlar. Vətəndaş pomidor alır, götürüb kivinin qiymətini yazırlar. Belə kassa çekləri məndə var. Bu cür üsullarla əhalini aldadırlar. Adını çəkdiyim dövlət qurumu Prezidentə tabe olandan sonra gözləyirik ki, bu problemlərin həlli yolundan müsbət addım atılacaq. Ümumiyyətlə, həmin qurumda çalışanların çox hissəsi istefa verməlidir. Çünki onlar istehlakçı hüquqlarını qorumaqdan başqa digər işlərlə məşğul olurlar. Dövlət orqanları biznes qurmağın ərköyün obrazını yaradıb. Azad İstehlakçılar Birliyi bu haldan çox narahatdır”.  

Kəlbəcərdə ölmüş heyvanların görüntüləri ilə bağlı araşdırma başlanılıb. Bu barədə Sozcu.az-a Daxili İşlər Nazirliyinin (DİN) Mətbuat xidmətinin Gəncə regional qrupundan məlumat verilib. Bildirilib ki, sözügedön görüntü ilə bağlı Kəlbəcər Rayon Polis Şöbəsində müvafiq araşdırma başlanılıb: " İlkin baxış zamanı ərazidə hər hansı bir ov izi aşkarlanmayıb. Müvafiq ekspertiza təyin olunub, ekpertizanın rəyindən sonra heyvanların hansı səbədən tələf olması məlum olacaqdır."

Tarixçi alim, Bakı Dövlət Universitetinin professoru, Müsavat Partiyasının 125 saylı Zəngilan-Qubadlı Seçki Dairəsindən deputatlığa namizədi Nəsiman Yaqublu avqustun 25-də seçicilərlə görüşdən Bakıya qayıdarkən yol qəzasına düşərək həyatını itirib. Nəsiman Yaqublunun düşdüyü yol qəzası ilə bağlı ekspertiza və müvafiq araşdırmalar gedirmi? Hansı ilkin versiyalar mövcuddur? Modern.az saytı bu sualla Daxili İşlər Nazirliyinə (DİN) müraciət edib. DİN-in Mətbuat Xidmətinin regional qrupundan sorğumuza cavab olaraq bildirilib ki, hadisə ilə bağlı müvafiq ekspertizalar təyin edilib: "Ölümlə nəticələnən yol-nəqliyyat hadisəsi üzrə başlanmış cinayət işi üzrə istintaq hərəkətləri aparılır. Müvafiq ekspertizalar təyin edilib". Məlum qəzada həyatını itirən Nəsiman Yaqublu Zabrat qəbiristanlığında dəfn edilib.

Avqustun 28-i saat 06:45 radələrində Ermənistan silahlı qüvvələrinin bölmələri Dəvəli rayonunun Arazdəyən yaşayış məntəqəsi istiqamətində yerləşən mövqelərindən Azərbaycan Ordusunun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətindəki mövqelərini atıcı silahlardan atəşə tutub. Sozcu.az xəbər verir ki, bu barədə Müdafiə Nazirliyi məlumat yayıb.

Qəbələdə 28 avqust gecə saat 03 radələrində 2008-ci il təvəllüdlü Ə.S. şəxsi münasibətlər zəminində aralarında yaranmış mübahisə zamanı 41 yaşlı Zamiq Əbdürəhimova bıçaqla xəsarət yetirib. Daxili İşlər Nazirliyinin (DİN) Mətbuat Xidmətinin Şəki regional qrupundan Sozcu.az-a bildirilib ki, polis əməkdaşlarının həyata keçirdikləri tədbirlərlə əməli törətməkdə şübhəli bilinən yeniyetmə saxlanılıb. Müvafiq ekspertiza təyin olunub, araşdırmalar davam etdirilir.

Azərbaycanda poliklinikalarda onlayn sistem çöküb. Sozcu.az xəbər verir ki, bu barədə Oxu.az-a sağlamlıq haqqında arayış almaq istəyən vətəndaşlar bildiriblər. Vətəndaşların sözlərinə görə, sistemin işləməməsi səbəbindən poliklinikalarda sıxlıq yaranıb. 15 tibb müəssisəsində sözügedən problemin yaşandığı qeyd olunur.

Sentyabr ayının 5-də Əmlak Xidmətləri Məkanında dövlət mülkiyyətinə keçirilən 2 min 111 adda müxtəlif təyinatlı mal hərrac vasitəsi ilə satışa çıxarılır. Sozcu.az xəbər verir ki, hərraca çıxarılan mallar Dövlət Gömrük Komitəsinin tabeliyində fəaliyyət göstərən “Azərterminalkompleks” Birliyinin anbarında yerləşir. Məlumat üçün bildirək ki, hərraca çıxarılan malların start qiymətləri mövcud bazar qiymətlərindən dəfələrlə aşağıdır. Dövlət mülkiyyətinə keçirilən və hərrac vasitəsi ilə satışa çıxarılan 2 min 111 adda maldan bəzilərinin adları və qiymətini təqdim edirik: - Qoluqısa köynək – 3 manat - Hamam xalatı (dəst) – 10 manat - Ayaqqabı – 4 manat - Kurtka, gödəkçə – 10 manat - Bel kəməri – 2 manat - Tərlik – 10 qəpik - İsti alt paltarı – 50 qəpik - Qol saatları – 3 manat - Eynəklər – 1 manat - Xalça – 10 manat - Lauro Biagiotti markalı ətir 75 ml – 8 manat - Zara markalı ətir 100 ml – 10 manat - Dodaq boyası – 50 qəpik  (yeniavaz)

Zaqatalada törədilən dəhşətli qətllə bağlı bəzi təfərrüatı məlum olub. Lent.az-ın əldə etdiyi məlumata görə, hadisə Tariyel doktorun qızının Aşağı Tala kəndində yerləşən evində qeydə alınıb. Həsən Davudov Tariyel Əhmədovun qızının evinə gələrək onunla mübahisə edib. Daha sonra mübahisə qızışıb və tərəflər arasında dava düşüb. aptek depo Həsən Davudov qızının və nəvələrinin gözü qarşısında Tariyel Əhmədovu güllələyərək öldürüb. Atəş səsinə polis əməkdaşları gəliblər. Polis əməkdaşları Həsən Davudovdan silahı yerə qoyaraq təslim olmasını tələb ediblər. Təslim olmaq istəməyən Həsən Davudov özünü güllələyərək intihar edib. Məlumata görə, Tariyel Əhmədovla Həsən Davudov arasında keçmişdən ədavət olub. Belə ki, Həsən Davudov sələmə pul verirmiş. Tariyel Əhmədov da qızıllarını girov qoyaraq ondan pul alıb. Bu zəmində onların arasında məhkəmə çəkişməsi də var imiş.

Əməkdar artist Firuzə İbadova mərhum duet ortağı Cavanşir Məmmədovla bağlı açıqlama verib.  Axşam.az xəbər verir ki, müğənni "Astar" yutub kanalında ifaçıya həsr edilən verilişdə yer alıb. O, C.Məmmədovun qızı Xatirənin keçmiş həyat yoldaşı, Türkiyə vətəndaşı Kemal Mustafa İbli ilə aralarında yaşanan qalmaqaldan danışıb:  "Onun ürəyində 4 stend var idi. Ona böhtən atdılar, böyük şantajlar oldu. Çox böyük şantaj etdilər. Elə bir şey yox idi. Allah lənət eləsin, o insanlar cavab verəcəklər. Dünyamı dəyişmədən əvvəl həmin insanların etdiklərinin qarşılığını almasını görmək istəyirəm. Cavanşir Məmmədovun evində deyilən şayiələr kimi şeylər olmayıb. Elə bil səhnə qurdular, öyrətdilər ki, belə edək, puldan vaz keçsin. Lazımsız bir şey idi. Kaş Cavanşir Məmmədov qatılmayaydı söhbətə. Bizi övladımızla vurmaq istəyən insanlar var. Gərək getməyəydi həmin verilişlərə. Sanki onun ölümünü istədilər.  Nə qədər dünyada varamsa, əziz dostumu müdafiə edəcəyəm. Cavanşir Məmmədovun yoldaşı dünyanın ən gözəl xanımıdır. Hər iki övladı universitet bitirib. Elə insanlarda o deyilənlər olardımı? Heç vaxt".  Qeyd edək ki, Türkiyə vətəndaşı Kemal Mustafa İbli Lalə Azərtaşın verilişinə çıxaraq yardım istəyib. Mustafa aparıcıdan müğənni tərəfdən ona şər atıldığını deyərək, yardım istəyib. Mustafa İblinin Cavanşir Məmmədovdan 13 000 manat və 126 500 dollar aldığı və geri qaytarmadığı iddia olunub. M. İbli barəsində Cinayət Məcəlləsinin 178.3.2-ci (Dələduzluq-külli miqdarda ziyan vurmaqla törədildikdə) maddəsi ilə cinayət işi başlanıb. Mustafa təqsirli bilinərək 6 il 6 ay azadlıqdan məhrum edilib. C.Məmmədov bu ilin aprelində qəfil ürəktutmadan dünyasını dəyişib. 

"Nəsiman Yaqublu Müsavat Partiyasının 125 saylı Zəngilan-Qubadlı seçki dairəsindən deputatlığa namizədi idi. Aktiv seçki kampaniyası aparırdı, deputat olmaq üçün ciddi şansları vardı. Kifayət qədər sürücülük təcrübəsi vardı deyə hadisə zamanı sükan arxasında özü olub. Zəngilanda doğulub-böyüyüb, ərazini yaxşı tanıyır, orada azmaq ehtimalı da istisnadır. Yaxınlarından aldığım məlumata görə, dostlara əziyyət verməmək üçün kiminsə onu müşayiət etməsini istəməyib və yola tək çıxıb". Sozcu.az xəbər verir ki, bu barədə Teleqraf.com-a Müsavatın Məclis sədri Arif Hacılı bildirib. Qəzanın detallarından danışan Arif Hacılı daha sonra deyib: “Nəsiman Yaqublu 4 saat ərzində Zəngilanda olub, seçicilərlə görüşüb. Qəzadan 20 dəqiqə əvvəl son danışığında artıq yolda olduğunu və Sabirabad rayonunda olan zəngilanlı seçicilərlə görüşmək niyyətilə həmin rayona getdiyini deyib. Qəza işıqlı havada olub, ərazidə döngə də yoxdur. Hüquq-mühafizə orqanları araşdırmadan sonra yəqin bütün suallara cavab verəcək”. Arif Hacılı vurğulayıb ki, qəza Cəbrayıl və Füzulinin sərhədinə yaxın ərazidə baş verib, yaxınlıqda kamera nəzarəti yoxdur. Müsavat yetkilisinin sözlərinə görə, Nəsiman Yaqublu qəza yerindən xəstəxanaya 1 saat 20 dəqiqə ərzində çatdırılıb: “Halbuki xəstəxanaya olan məsafə daha qısadır. Ləngimənin səbəbini bilmirik”. Arif Hacılı qeyd edib ki, Nəsiman Yaqublu Cümhuriyyət dövrünün görkəmli tədqiqatçısı, arxiv sənədlərini araşdıran dəyərli alimdir: “Son qurultayda partiyanın Divan üzvlüyünə namizədliyini verməmişdi. Müsavatın qərargahında ayrıca otağı vardı, gəlib öz əsərləri üzərində çalışırdı. Yorulmaz, çalışqan adam idi. Çoxsaylı kitabların müəllifi olsa da, hələ tədqiq olunmamış çox sahələr var. Təəssüf ki, tədqiqatları yarımçıq qaldı”.

Rusiyanın Tümen şəhərində çoxmərtəbəli binanın mənzillərindən birində baş verən yanğında 3 nəfər ölüb. Yanğınsöndürənlər evdə üç qardaşın meyitlərini aşkar ediblər. Ən böyüyünün 18, ikisinin doqquz yaşı olub.  Yanğın sahəsi iki kvadratmetr olub. Yanğının söndürülməsinə 18 personal və altı texnika cəlb olunub. Hazırda müstəntiqlər hadisənin səbəbini müəyyən etmək üçün araşdırma aparır.Lent.az

Türkiyədə fəaliyyət göstərən siyasi partiyaların sayı 151-ə çatıb. Sozcu.az xəbər verir ki, bu barədə TRT məlumat yayıb. Yarqıtayın saytında dərc olunan məlumata görə, Türkiyədə 151 siyasi partiya fəaliyyət göstərir. Saytdakı “fəaliyyətdə olan siyasi partiyalar” siyahısına əsasən, Böyük Türkiyə Partiyası, Ədalət və Çağırış Partiyası, Sosialist Güc Partiyası və Güclü Anadolu Partiyası avqustun 19-da, Respublika Aydınlıq Partiyası isə 21 avqustda təsis edilib. Bu partiyaların da əlavə olunması ilə Türkiyədə fəaliyyət göstərən siyasi partiyaların sayı 151-ə çatıb.

Futbolçularım karyeralarının ən yaxşı oyununu göstərməlidirlər. Sozcu.az xəbər verir ki, bunu "Qarabağ"ın baş məşqçisi Qurban Qurbanov Xorvatiya təmsilçisi "Dinamo"ya (Zaqreb) qarşı keçirəcəkləri UEFA Çempionlar Liqasının pley-off mərhələsinin cavab oyunundan öncə baş tutan mətbuat konfransında deyib. 52 yaşlı mütəxəssis sabah vacib oyuna çıxacaqlarını bildirib: "Qarşılaşmanın mahiyyəti bəllidir. Bizim üçün olduqca vacib oyundur. Hesabda geridə olsaq da, əsas məehələyə vəsiqə qazanmaq üçün şansımız var. İnamımız böyükdür, yaxşı hazırlaşmışıq. Çalışacağıq ki, azarkeşlərimiz görüşdən narazı qalmasınlar. Matça final oyunu kimi hazırlaşmışıq. Rəqibimizi yaxşı tanıyırıq, güclü komandadırlar. Futbolçularım karyeralarının ən yaxşı oyununu göstərməlidir". Qeyd edək ki, avqustun 20-də Zaqrebdəki "Maksimir" stadionunda baş tutan "Dinamo"-"Qarabağ" matçı meydan sahiblərinin 3:0 hesablı qələbəsi ilə yekunlaşıb. Tərəflər arasında cavab görüşü avqustun 28-də, saat 20:45-də baş tutacaq.

Prezident İlham Əliyev Antiinhisar və istehlak bazarına nəzarət sahələrində idarəetmənin təkmilləşdirilməsi ilə bağlı əlavə tədbirlər haqqında Fərman imzalayıb. Sozcu.az xəbər verir ki, Fərmanda deyilir: “1. Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin (bundan sonra – Xidmət) əsasında Azərbaycan Respublikasının Prezidenti yanında Antiinhisar və İstehlak Bazarına Nəzarət Dövlət Agentliyi (bundan sonra – Agentlik) yaradılsın. 2. Müəyyən edilsin ki: 2.1. Agentlik antiinhisar, haqsız rəqabət, dövlət satınalmaları, reklam (açıq məkanda reklam istisna olmaqla), standartlaşdırma, metrologiya, texniki tənzimləmə, uyğunluğun qiymətləndirilməsi, akkreditasiya, keyfiyyətin idarə edilməsi, istehlakçıların hüquqlarının müdafiəsi və istehlak bazarına nəzarət sahələrində dövlət nəzarətini və tənzimləməsini həyata keçirən mərkəzi icra hakimiyyəti orqanıdır; 2.2. əsasnaməsi, strukturu və işçilərinin say həddi təsdiq edilənədək Agentilk Xidmətin mövcud əsasnaməsi, strukturu, işçilərinin say həddi, vəzifə maaşları, əməyin ödənilməsi sistemi tətbiq edilməklə fəaliyyət göstərir; 2.3. Xidmətin regional bölmələri və strukturuna daxil olmayan tabeliyindəki qurumlar Agentliyin əsasnaməsi və strukturu təsdiq edilənədək mövcud əsasnamələri (nizamnamələri) əsasında Agentliyin regional bölmələri və strukturuna daxil olmayan tabeliyindəki qurumlar kimi fəaliyyətlərini davam etdirirlər. 3. Azərbaycan Respublikasının Nazirlər Kabineti: 3.1. Agentliyin əsasnaməsinin layihəsini, strukturu və işçilərinin say həddi barədə təkliflərini iki ay müddətində hazırlayıb Azərbaycan Respublikasının Prezidentinə təqdim etsin; 3.2. Agentliyin yaradılması ilə əlaqədar normativ hüquqi aktların uyğunlaşdırılması ilə bağlı təkliflərini üç ay müddətində hazırlayıb Azərbaycan Respublikasının Prezidentinə təqdim etsin; 3.3. Xidmətin balansında olan dövlət əmlakının Agentliyin balansına verilməsini təmin etsin; 3.4. “Azərbaycan Respublikasının 2024-cü il dövlət büdcəsi haqqında” Azərbaycan Respublikasının 2023-cü il 5 dekabr tarixli 1028-VIQ nömrəli Qanununun tətbiqi ilə bağlı bir sıra məsələlər barədə” Azərbaycan Respublikası Prezidentinin 2023-cü il 26 dekabr tarixli 2424 nömrəli Fərmanında Xidmət üçün nəzərdə tutulmuş maliyyələşmənin qalıq hissəsinin Agentliyə ayrılmasını təmin etmək üçün tədbirlər görsün; 3.5. bu Fərmandan irəli gələn digər məsələləri həll etsin”.

Avqustun 27-si səhər saatlarına olan məlumata görə, Kursk vilayətində 100 yaşayış məntəqəsi Ukraynanın nəzarəti altındadır.  Sozcu.az xarici KİV-ə istinadən xəbər verir ki, bunu “Ukrayna 2024. Müstəqillik” forumu zamanı Ukrayna Silahlı Qüvvələrinin Ali Baş Komandanı Aleksandr Sırski deyib.  Sırskinin sözlərinə görə, Ukrayna ordusu 1294 kvadrat kilometr Rusiya ərazisinə nəzarəti ələ keçirib.  onlayn aptek O, iddia edir ki, hücumun bir hissəsi olaraq Ukrayna Silahlı Qüvvələrinin əsgərləri 594 rus əsgərini əsir götürüb. O, bu rəqəmə əvvəllər dəyişdirilmiş əsgərlərin daxil olub-olmadığını dəqiqləşdirməyib.  Ukrayna Silahlı Qüvvələrinin Ali Baş Komandanı həmçinin bəyan edib ki, Rusiya hərbi komandanlığı Ukraynanın irəliləyişini dayandırmaq üçün Kursk vilayətinə 30 minə yaxın əsgər göndərib.  Sırskinin sözlərinə görə, Ukrayna ordusu düşmən qüvvələrinin Sumıya hücumunun qarşısını almaq üçün Rusiya ərazisinə daxil olub. 

Kiyev özünün ballistik raketinin ilk sınaqlarını keçirib. Sozcu.az xəbər verir ki, bunu Ukrayna prezidenti Volodimir Zelenski mətbuat konfransında deyib.  “İlk Ukrayna ballistik raketinin müsbət sınaqları olub”, – o, qeyd edib.  turbo az mercedes Dövlət başçısı əlavə edib ki, daha ətraflı məlumat verə bilməz.  Ballistik raketlər yüzlərlə və minlərlə kilometr məsafəyə malik ola bilər. Bundan əlavə, onlar hava hücumundan müdafiə sistemləri üçün çətin hədəflərdir./unikal

"Kommunal xidmətlər dövlət tərəfindən tənzimlənən sahələrdir. Yəni bununla bağlı hər hansı qərar qəbul olunacaqsa, bu, Nazirlər Kabinetinin və onun nəzdində olan Tarif Şurasının qərarı ilə olacaq. Bunun üçün iqtisadi əsaslandırma və yaxud dünya bazarlarında baş verən proseslərin heç bir aidiyyəti yoxdur. Dövlət büdcəyə əlavə pul cəlb etmək üçün belə bir addım ata bilər. Ola bilsin ki, il sonuna yaxın kommunal xidmətlərin qiymətində artım olsun”. Bunu iqtisadçı ekspert Natiq Cəfərli Bakupost.az -a deyib. O bildirib ki, Azərbaycandakı reallığı nəzərə alsaq, həmişə bir neçə ildən bir kommunal xidmətlərdə artım olur. Bunun ehtimalı kifayət qədər yüksəkdir: turbo az mercedes “Əgər hökumət belə bir addım atacaqsa, deməli, düşünülmüş şəkildə, büdcəyə əlavə pul cəlb etmək üçün atacaq. Bu qərar verilirsə, Nazirlər Kabinetinin qərarı olacaq. Hazırda elə bir vəziyyətdir ki, dövlət tərəfindən tənzimlənən qiymətlərin artması insanların sosial vəziyyətinin daha da gərginləşməsinə səbəb ola bilər. Təbii qazın, elektrik enerjisinin, yanacağın qiymətinin artması istər-istəməz bütün sahələrdə özünü göstərir. Dövlət tərəfindən tənzimlənən qiymətlərin artması ölkədəki inflyasiya prosesini daha da sürətləndirə bilər. Təbii qazın qiyməti qaldırılsa, qaz istifadə edən istehsalçıların, kiçik və orta sahibkarların öz biznesini bağlamasına səbəb ola bilər”.

“Diqqətli olun. Pul qazanmaq istəyərkən cinayətə ortaq ola bilərsiniz”. Bu sözləri Moderator.az-a açıqlamasında tanınmış texno-bloger Fərid Pərdəşünas bildirib:  "Telegram" platformasında vətəndaşlara iş təklif olunur. Təklif belədir ki, sizə bir nəfər məktub yazır və deyir ki, özüm xaricdəyəm, nənəmdən pulu götürüb kriptovalyuta alıb, mənə göndərmək lazımdır. Əvəzində o pulun üzərindən yükləyəndə xidmət haqqını götürərsən.  Bununla razılaşan vətəndaşlar pulu götürmək üçün nənənin yanına gedirlər. Sizcə o nənə kim olsa yaxşıdır? Övladı adından onun səsi ilə dələduzluğa məruz qalmış, qəza ilə adam vuran uşağına evdəki pulunu göndərən yaşlı qadın.  Mexanizm belə qurulub. Həmin o kuryer də pulu kriptovalyuta ilə özü də bilmədən xaricə göndərir və beləcə pulun kimə çatdığı məlum olmur. Azərbaycanda qurbanlar var. 10.000-dən çox vəsaitini itirənlər var. Azərbaycan Daxili İşlər Nazirliyi bir neçə kuryeri saxlayıb və bununla bağlı kütləvi xəbərdarlıqlar edib.  Bu dünyada yayılmış məşhur dələduzluq və talama növüdür. Pul Azərbaycandan çıxarılır. Hara getdiyi də məlum olmur. Ümumiyyətlə bu işi görənlər Azərbaycanda deyillər. Sadəcə vətəndaşlardan kuryer kimi istifadə edirlər.  Yenə "Telegram" yenə kriptovalyuta. Cinayətdə iz itirmək üçün sui-istifadə olunan texnologiyalar”.