“Məgər biz hansısa beynəlxalq cinayət törətmişik ki, hansısa dövlətdən, yaxud beynəlxalq təşkilatdan çəkinək?..”   Düşünürəm ki, hazırkı geo-siyasi və hərbi-siyasi durumda Rusiya Azərbaycanın yaratdığı reallıqla hesablaşmağa məcburdur.  Çünki artıq Moskvanın bizimlə hədə-qorxuyla danışmaq dövrü gedibdir.  Ən azı, ona görə ki, Putin rejimi də ermənilərə görə Azərbaycanla və eyni zamanda Türkiyə ilə münasibətlərin pozulmasını istəməz.  Konkret desək, Kreml ermənilərə görə Azərbaycanı tam şəkildə itirmək fikrində deyil”.  Bu fikirləri müdafiə nazirinin keçmiş müavini, polkovnik Mehman Səlimov Moderator.az-a açıqlamasında  “Sizcə, Rusiyanın “sülhməramlı”larının yeni komandanı general Aleksandr Lentsovun başçılığıyla danışıqlar aparan nümayəndə heyəti doğrudanmı Azərbaycanın Laçında qurduğu sərhəd-buraxılış məntəqəsinin götürülməsini təkidlə tələb edir, yoxsa?” sualını cavablandırarkən ifadə edib. “Məhz bu deyilən səbəblərdən hesab edirəm ki,  Rusiyanın Ermənistanla sərhəddə Azərbaycanın sərhəd və gömrük postları qurmasına reaksiyası şifahi narahatlıq ifadəsindən o tərəfə getməyəcək. Bunu da, sadəcə, ermənilərin bir az könlünü almaq, onları özlərindən tam qaçırmamaq üçün edirlər. Amma məsələyə kəskin formada münasibət bildirilməyəcək  və Rusiyanın “sülhməramlı” adlanan kontingenti də Azərbaycan rəsmiləri ilə, Azərbaycan hərbi komandanlığıyla diqtə formasında danışmağa cəsarət ettməz. Çünki onu da yaxşı bilirlər ki, Azərbaycan tərəfi  xalqın iki ildən çox gözlədiyi addımı atdıqdan sonra Rusiyanın qarşısında geri çəkilib özünün həm daxildə, həm beynəlxalq miqyasda nüfuzdan düşməsinə razı olmaz. İkincisi də, məgər biz hansısa beynəlxalq cinayət törətmişik ki, hansısa dövlətdən, yaxud beynəlxalq təşkilatdan çəkinək?  Biz 32-ci ildir ki, beynəlxalq birlik, o cümlədən BMT tərəfindən tanınmış dövlət sərhədimizdə qanunsuz silah, narkotik, insan ticarəti və s. qarşısını almaq üçün növbəti sərhəd-buraxılış və gömrük postu qurmuşuq. Rusiya “sülməramlı” komandanı olan hansısa general kimdir ki, bizə komanda versin. Ona demək lazımdır ki, siz burada Ukraynadakı kimi işğalçı qüvvə yox, sülhməramlısınız, siz, sadəcə, təhlükəsizliyi, iki qarşı duran tərəf arasında atəşkəsi, sülhü təmin etməlisiniz. Biz isə öz qanuni sərhədimizdə qanuni nəzarət postları qurmaqla, əksinə, sizə dəstək oluruq - əraziyə qanunsuz silah, təxribat yarada biləcək canlı qüvvə, yararsız məhsul, narkotik və s. keçirilməsinə imkan verməməklə sizin sülhyaratma işinizə dəstək oluruq. Odur ki, gedin, işinizlə məşğul olun...  Bütün deyilənləri nəzərə alsaq, heç bir narahatçılığa ehtiyac yoxdur və artıq biz öz suveren ərazimizdə, o cümlədən Xankəndində, Xocalıda, Əsgəranda, Ağdərədə və s. öz suveren haqq-hüquqlarımızı diqtə etməli, keçmiş Dağlıq Qarabağ və ətraf rayonların məskunlaşdırılmasıyla ciddi məşğul olmalıyıq”- deyə sabiq nazir müavini vurğulayıb.

Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Baltikyanı və Skandinaviya ölkələrinin Azərbaycandakı səfirləri ilə görüşüb. Sozcu.az xəbər verir ki, bu barədə Finlandiyanın Cənubi Qafqazdakı səfirinin Tvitter səhifəsində paylaşım edilib. Bildirilib ki, baş tutan görüşdə regionda təhlükəsizlik və Orta Dəhliz məsələləri ətrafında fikir mübadiləsi aparılıb. Eyni zamanda, söhbət əsnasında Azərbaycanın Avropa İttifaqı və NATO ilə münasibətlərinə də toxunulub.

Molla rejiminə bağlı terrorçu “Hüseyniyyun” qruplaşmasının rəhbərləri Tohid İbrahimbəyli və Orxan Məmmədov İranın Qum şəhərində həbs olundular. Sozcu.az xəbər verir ki, İran hökumətinə bağlı antiazərbaycan təbliğatı aparan “Azariha” xəbər saytı məlumat tayıb. Məlumatda deyilir ki, qrupun rəhbərləri 5 gün öncə Qumda saxlanılıblar.

Azərbaycan Ordusu bu gün iki yüksəkliyi nəzarətə götürüb. Sozcu.az xəbər verir ki, bu barədə "CaucasianLive" kanalı paylaşım edib. Bildirilib ki, Ordumuz Laçın şəhəri - Kiçik Qaladərəsi kəndi istiqamətində 1516 metr və 1686 metr yüksəkliklərini nəzarətə götürüb.axar)

Zaqatala rayonunda 3 yaşlı körpə bədbəxt hadisə nəticəsində ölüb. Sozcu.az Report-a istinadən xəbər verir ki, hadisə rayonun Əliabad qəsəbəsində qeydə alınıb. Belə ki, qəsəbə sakini 2020-ci il təvəllüdlü David Bəşirov tənəffüs yolunda alça qalması nəticəsində vəfat edib. Faktla bağlı araşdırma aparılır.

Avropa Şurası Parlament Assambleyası (AŞPA) Belarus Prezidenti Aleksandr Lukaşenkonun ukraynalıların soyqırımında iştirakını tanıyıb. Sozcu.az xəbər verir ki, bu barədə Ukrayna Ali Radasının deputatı Aleksey Qonçarenko deyib. Qonçarenko qeyd edib ki, AŞPA Lukaşenkonun uşaq və böyüklərin Ukraynanın işğal olunmuş ərazilərindən məcburi deportasiyasında iştirakının tanınması ilə bağlı Assambleyanın qətnaməsinə düzəlişini dəstəkləyib. "Bu, Rusiyanın Ukraynada törətdiyi soyqırımda Lukaşenkonu avtomatik günahkar edir", - deputat bildirib.

Külli miqdarda narkotik dövriyyəsində ittiham olunan Əkbər İsayevin cinayət işi üzrə məhkəmə araşdırması başa çatıb. Sozcu.az xəbər verir ki, Bakı Ağır Cinayətlər Məhkəməsində keçirilən iclasda hökm oxunub. Hakim Samir Əliyevin sədrlik etdiyi hakimlər heyəti belə qənaətə gəlib ki, təqsirləndirilən şəxsin əməlində cinayət tərkibi yoxdur, ona qarşı irəli sürülmüş ittiham əsassızdır. Məhkəmə Əkbər İsayevə bəraət verib. O, məhkəmə zalından birbaşa azadlığa buraxılıb. Qeyd edək ki, İsayev Əkbər Ağamusa oğlu polis əməkdaşları tərəfindən keçirilən əməliyyatla həbs olunub. Baxış zamanı ondan satış məqsədilə saxlanılan narkotik aşkar olunduğu iddia olunub. Ona qarşı Cinayət Məcəlləsinin 234.4.3 (qabaqcadan əlbir olan bir qrup şəxs tərəfindən külli miqdarda narkotik vasitəni əldə etmə və daşıma) maddəsi ilə ittiham irəli sürülüb, barəsində həbs qətimkan tədbiri seçilib.

"Danışıqlar üçün şərtlər və danışıqların hansı formatda olması barədə qərarı Ukrayna verir". Sozcu.az xəbər verir ki, bunu NATO Baş katibi Yens Stoltenberq Lüksemburq Baş naziri ilə birgə keçirdiyi mətbuat konfransında Çin və Ukrayna liderləri arasında telefon danışığına münasibət bildirərkən deyib. "Bildiyimiz odur ki, mənalı danışıqlar üçün istənilən ehtimal, hər hansı imkan Ukraynanın lazımi hərbi gücə malik olmasını tələb edir ki, Prezident Putinə döyüş meydanında qalib gəlməyəcəyi barədə çox aydın mesaj göndərsin. Odur ki, bəlkə də bu müharibə danışıqlar masası arxasında bitəcək. Amma bildiyimiz odur ki, danışıqlar masası ətrafında baş verənlər döyüş meydanındakı güclə sıx şəkildə bağlıdır. Beləliklə, əgər biz Ukraynanın suveren, müstəqil dövlət kimi qalib gəlməsini istəyiriksə sülh yolu ilə, danışıqlar yolu ilə həll istəyiriksə, oraya çatmağın ən yaxşı yolu NATO müttəfiqlərinin etdiyi kimi Ukraynaya hərbi dəstək verməkdir. Mən Prezident Zelenski ilə Si Cinpin arasındakı zəngi alqışlayıram. Hesab edirəm ki, Çinin Ukraynanın perspektivlərini daha yaxşı başa düşməsi üçün vacibdir. Ancaq bu, Çinin Rusiyanın qeyri-qanuni müharibəsini, Ukraynaya qanunsuz işğalını pisləyə bilmədiyi faktını dəyişdirmir".

Azərbaycan Respublikasının İnsan Hüquqları üzrə Müvəkkili (Ombudsman) Səbinə Əliyeva Ermənistanda etnik nifrət siyasətinin təbliğ olunması ilə əlaqədar etiraz bəyanatı yayıb. Ombudsman Aparatından Sozcu.az-a verilən xəbərə görə, bəyanatda deyilir: "25 aprel 2023-cü il tarixində Ermənistanda nifrət və terror siyasətinin dövlət səviyyəsində dəstəklənməsini təsdiqləyən növbəti hal baş verib. XX əsrin əvvəllərində ermənilər tərəfindən hazırlanaraq icra edilmiş, qisas mənası daşıyan “Nemezis” termini ilə adlandırılan terror əməliyyatının “qəhrəmanlarının şərəfinə” Ermənistanın paytaxtında dövlət rəsmilərinin iştirakı ilə təntənəli surətdə abidə açılması bunun aşkar sübutu oldu. Azərbaycan və türk diplomatlarının, dövlət xadimlərinin amansız qətlini təşkil etmiş həmin gizli terror əməliyyatının təşkilatçıları və icraçılarının adlarının bu formada əbədiləşdirilməsi Ermənistanda terrorun dövlət siyasətinə çevrildiyini bir daha göstərmiş oldu. Məlumdur ki, beynəlxalq səviyyədə hüquqpozma hallarının təkrarlanmasının qarşısının alınması və etimadın bərpası məqsədilə dövlətlər tərəfindən keçmiş yanlışların etiraf edilməsi təcrübəsi geniş təbliğ olunur. Ermənistan tərəfi isə bunun əksinə olaraq, barışığın əldə edilməsinə zidd addımlar ataraq, bölgədə gərginliyi artırmağa davam edir. Eləcə də ümumtanınmış normalara əsasən, törədilən əməllərin cinayət olmasına ədalət mühakiməsi yolu ilə qərar verilməli, təqsirkarlar müəyyən edildikdə isə qanun çərçivəsində cəzalandırılmalıdır, lakin Ermənistanda terror əməliyyatı ilə əlaqədar abidə ucaldılması insanların hər hansı əsas olmadan terror qurbanına çevrilməsinin təbliğatına xidmət edir. Xatırladaq ki, bundan öncə də Ermənistanda nasizm tərəfdarı olmuş, erməni irqinin üstünlüyü və türk etnik mənsubiyyətinə nifrət ideologiyasının banisi Qaregin Njdenin xatirəsinə ehtiram olaraq abidə ucaldılmış, tərəfimizdən bu hala da etiraz bildirilmişdir. Təəssüf ki, Ermənistanda uzun illərdir həyata keçirilən dövlət səviyyəli etnik nifrət təbliğatının ağır nəticələri özünü son günlər daha aşkar göstərir: əsir götürülmüş azərbaycanlı əsgərə qarşı qeyri-insani rəftar göstərilməsi və bu halın sosial şəbəkələrdə açıq şəkildə yayımlanması, ağırlıqqaldırma üzrə Avropa çempionatının açılışında Azərbaycan Dövlət Bayrağına qarşı təxribat, İrəvanda keçirilmiş aksiyada Azərbaycan və Türkiyə bayraqlarının birgə yandırılması, İrəvanda Ermənistan-Türkiyə futbol yığmalarının qarşılaşmasında erməni azarkeşlərin yuxarıda adıçəkilən “Nemezis” terror əməliyyatını təbliğ edən şüarlar qaldırması və s. Bütün bunlar Ermənistanın hakim dairələrinin sülh qurucuğunda deyil, sülhün pozulmasında daha çox maraqlı olmasını göstərir. Onilliklərdir Azərbaycana qarşı nifrət cinayətlərini davam etdirən Ermənistan, eyni zamanda, Azərbaycan ərazilərində basdırdığı minaların dəqiq xəritələrini ölkəmizə verməkdən yayınmaqla 10 noyabr 2020-ci il tarixindən bugünədək 300-ə yaxın insanın mina terrorunun qurbanına çevrilməsinə səbəb olmuşdur. Ötən gün vətəndaş cəmiyyəti nümayəndəsi olan Beynəlxalq Avrasiya Mətbuat Fondunun sürücüsünün Tərtər rayonunun Suqovuşan kəndi istiqamətində minaya düşməsi nəticəsində ayağının amputasiya olunması da növbəti belə fakt oldu. İnsanların yaşamaq və sağlamlığın qorunması hüquqlarına etinasız yanaşmanın əyani göstəricisi olan bu kimi hallara qarşı dünya ictimaiyyəti tərəfindən qəti münasibət bildirilməməsi, bununla da Azərbaycana qarşı çoxsaylı terror əməlləri törətmiş Ermənistanın beynəlxalq hüquqa zidd olan növbəti təxribatlar törətmək üçün ruhlanması bizdə ciddi narahatlıq doğurur. Azərbaycan Ombudsmanı olaraq, bir daha beynəlxalq ictimaiyyətə müraciət edir, insan hüquqlarının təmini kimi ali məqsədi rəhbər tutaraq Ermənistanın bölgədə və ümumilikdə beynəlxalq miqyasda mənfi təcrübə yaranmasına səbəb olan, cəzasızlıqla müşayiət olunan nifrət motivli əməllərinə münasibətdə sərt mövqe sərgiləməyə çağırıram".

Kababın faydası təkcə tərkibi ilə deyil, həm də düzgün hazırlanma üsulu ilə müəyyən olunur.  “Medicina” xəbər verir ki, toyuq şiş kababı bütün növlərdən ən faydalısıdır. Həkim - diyetoloq Olqa Listopadovanın sözlərinə görə, toyuq əti bədən üçün ən yumşaq və asan həzm olunanıdır. O, qril və ya manqalda hazırlanması üçün yalnız soğan, ədviyyat və mineral sudan istifadə etməyi məsləhət gördü. Sirkə, souslar, konservantlar və şəkər olan marinadlar əlavə etməkdən çəkinin. Gündə 3 orta tikə kabab sağlam insan üçün məqbul hesab edilir. Kababı ketçup və mayonezlə qarışdırmamalısız, bu yeməyi daha da yağlı və çətin həzm edəcək, həmçinin şiriin, qazlı içkilərlə kabab yemək olmaz. Pivədən də çəkinmək lazımdır. Bu içkilər mədənin selikli qişasını qıcıqlandırır və şişkinliyə səbəb olur. Həkim onu da qeyd edib ki, yağlı ətin bol istehlakı qaraciyər, öd kisəsi, mədəaltı vəzi xəstəliklərinin kəskinləşməsinə səbəb ola bilər. Mədə xorası, sürüşmə, yırtıq, Barret özofagusundan əziyyət çəkən insanlar üçün bərk kabab qadağandır. Həddindən artıq kabab yeməyin ağır nəticələri: mədə nahiyəsində narahatlıq və ağrı, sağ və sol hipokondriya. Tərəvəzdən olan kabablar (pamidor, badımcan və bibər) sağlamlıq üçün faydalıdır.  Çünki tərkibində vitaminlər, minerallar, antioksidantlar və lif var. Toyuq və ya hinduşka kabab üçün əla seçimdir, çünki mal və ya donuz ətindən daha az doymuş yağ və zülalda yüksəkdir.  Tərəvəzlərin həddindən artıq manqalda bişirilməsi bir çox vitamin və mineralları məhv edə bilər. Həmçinin məhsulda kanserogenlərin əmələ gəlməsinə səbəb olur.  Buna görə də tərəvəz kabablarını manqalda bişirərkən tərəvəzləri yüngül qabığa qədər qızartmaq, lakin çox bişirməmək tövsiyə olunur. 

Belçikada həbsdə olan iranlı casus Əsədullah Əsədinin məhbusların mübadiləsi çərçivəsində İrana geri qaytarılması nəzərdə tutulmur. Sozcu.az xəbər verir ki, bu barədə Belçika Məhkəməsinin yaydığı məlumatda bildirilib. “Bu yalan danışmaqda peşəkarlaşan İran hökumətinin növbəti yalanıdır”, - bəyanatda qeyd olunub. Xatırladaq ki, İran Məhkəmə Sisteminin sözçüsü Məsud Sitayişi İslam Respublikasında həbsdə olan belçikalı Olivye Vande Kastelin azadlığı qarşısında Əsədullah Əsədinin ölkəyə qaytarılacağını iddia etmişdi. Qeyd edək ki, İranın casus-diplomatı Əsədullah Əsədi üç nəfərlə birlikdə 2018-ci ildə Parisdə İran Xalq Mücahidləri Təşkilatının mitinqini bombalamağa cəhddə ittiham olunur. Belçikada birinci instansiya məhkəməsi 2020-cı ilin fevralında Əsədulla Əsədini 20 il həbsə məhkum edib.

“Laçın dəhlizinə yalnız Rusiya sülhməramlıları nəzarət etməlidir”. Sozcu.az xəbər verir ki, bunu Ermənistanın Baş naziri Nikol Paşinyan hökumətin iclasında deyib. O bildirib ki, Laçın dəhlizinə birmənalı olaraq Rusiya sülhməramlıları nəzarət etməlidir, “Laçın dəhlizi Azərbaycan tərəfindən “bağlanıb”. Bu, təkcə regionda gərginliyin artırılmasına deyil, həm də Qarabağda humanitar böhranın dərinləşməsinə yönəlmiş addımdır. Rusiya sülhməramlı kontingenti Laçın dəhlizini nəzarətdə saxlamalı və dəhlizin fəaliyyətini təmin etməlidir. Rusiya sülhməramlılarından başqa heç kim dəhlizə nəzarət etməməlidir”, – deyə Paşinyan sərsəmləyib.

Ağcabədidə polisə 17 yaşlı oğlanın şantajla üzləşməsi barədə müraciət daxil olub. Sozcu.az “Qafqazinfo”ya istinadən xəbər verir ki, polisə müraciət edən 1984-cü il təvəllüdlü Sədaqət Abbasov (bütün ad-soyadlar şərtidir) oğlu, 2006-cı il təvəllüdlü Aslanın 2005-ci il təvəllüdlü Məhəmməd Mirzəyev tərəfindən şantaj edildiyini bildirib. O şikayət ərizəsində qeyd edib ki, 18 yaşlı Məhəmməd onun qızının fotolarını əldə edib. Daha sonra oğlunu fotoları yaymaq hədəsi ilə şantaj etməyə başlayıb. Atanın iddiasına görə, həmin şəxs hədə-qorxu yolu ilə 17 yaşlı oğlandan 100 manat alıb. Müraciətlə bağlı Ağcabədi RPŞ-də araşdırma aparılır.

Kosmosda seks qadağan edilir. Sozcu.az xəbər verir ki, bu barədə Milli Aeronavtika və Kosmik Tədqiqatlar İdarəsi (NASA) məlumat yayıb. Bildirilir ki, kosmosda cinsi əlaqə qadağan edilir. NASA qeyd edir ki, əvvəllər heç bir insident olmayıb. Lakin sürətlə inkişaf edən kosmik turizm səbəbindən ciddi qaydalar tətbiq edilməlidir. Bu vəziyyətdə əsas təhlükə kosmosda cütləşmədir. Güclü radiasiya səbəbindən dölün hansı dəyişikliklərə məruz qala biləcəyi məlum deyil. Alimlər bütün turistləri kosmosda cinsi əlaqədən imtina barədə imza atmağa məcbur etməyi təklif edirlər.

“Oğlumun əsirlikdə yazdığı məktub bizə gəlib çatdı, amma onun xətti deyil”. Bunu Modern.az-a açıqlamasında Ermənistanda əsir saxlanılan Azərbaycan Ordusunun əsgəri Aqşin Bəbirovun anası Dürdanə Bəbirova deyib. Məktubda yazılıb: “Salam, anam, atam. Mən yaxşıyam. Burada heç bir problem yoxdur, narahat olmayın”. Dürdanə Bəbirova məktubun oğlu tərəfindən yazıldığına şübhə ilə yanaşdığını söyləyib. “Mən oğlumun xəttini tanıyıram. Bizə verilən məktubu o yazmayıb. Oğlumu 100 faiz sorğu-sual ediblər, oğlum deyib, ermənilər də yazıb. Öz xəttinə qətiyyən oxşamır”, - deyə əsirin anası bildirib. Qeyd edək ki, bu yaxınlarda BQXK nümayəndələri Ermənistanda əsir götürülən Azərbaycan Ordusunun əsgərlərinə baş çəkiblər. İrəvanda keçirilən görüş zamanı hərbçilərə ailələri ilə Qırmızı Xaç Məktubu vasitəsilə əlaqə yaratmaq imkanı verilib. “Mandatına uyğun olaraq, BQXK başçəkmələr zamanı saxlanılan şəxslərlə rəftarı və saxlanma şəraitini qiymətləndirir, onların ailələri ilə əlaqələrini bərpa etmək və ya davam etdirmək üçün şərait yaradır. BQXK-nın prosedurlarına uyğun olaraq, başçəkmələrlə bağlı müşahidələr və tövsiyələr yalnız saxlayan tərəflə paylaşılır”, - BQXK-nın yaydığı məlumatda deyilir. Xatırladaq ki, Naxçıvan Muxtar Respublikasının Şahbuz rayonunun Ermənistanla sərhədboyu ərazisində əlverişsiz hava şəraitində məhdud görmə səbəbindən Azərbaycan ordusunun itkin düşmüş əsgərləri - 2004-cü il təvəllüdlü Aqşin Qabil oğlu Bəbirov və 2003-cü il təvəllüdlü Hüseyn Əhliman oğlu Axundov Ermənistan tərəfindən əsir götürülüblər və onlara qarşı saxta ittihamlarla cinayət işi açılıb.

"Media erməni məsələsi ilə bağlı məlumatlı olmalıdır". Sozcu.az xəbər verir ki, Türkiyənin milli müdafiə naziri Hulusi Akar bu sözləri “Star” telekanalına açıqlamasında deyib. O bildirib ki, dezinformasiya, böhtan və yalanlara tez-tez rast gəlinir: “Biz şikayət etməməliyik. Gileylənmək əvəzinə, reaksiya verməliyik. Çalışmalıyıq ki həqiqət ortaya çıxsın."

Azərbaycan Beynəlxalq Bankı (ABB) iki şirkəti məhkəməyə verib.  Sozcu.az Qaynarinfo-ya istinadən xəbər verir ki, ABB kredit müqaviləsi üzrə mübahisələrdən dolayı Bakı Kommersiya Məhkəməsində "Hikmət İnşaat” MMC və "Hikmət Aqro” MMC barəsində iddia qaldırıb. Bankın iddiası hakim Zaur Pirverdiyevin icraatındadır.  "Hikmət İnşaat” MMC 21 dekabr 2005-ci ildə qeydiyyata alınıb. Nizamnamə kapitalı 20 AZN olan şirkətin hüquqi ünvanı Bakı şəhəri Yasamal rayonu, Landau küçəsi ev 6-da yerləşir. MMC-nin qanuni təmsilçisi Cəbrayılov Əlihüseyn Səfər oğludur.  21 fevral 2006-cı ildə 20 AZN-lik nizamnamə kapitalı ilə qeydiyyatdan keçən "Hikmət Aqro” MMC də "Hikmət İnşaat” MMC ilə eyni hüquqi ünvanda yerləşir. Şirkətin qanuni təmsilçisi isə Xəlilov İlham Salah oğludur.  Yasamal rayonu, Landau küçəsi, ev 6-da daha iki şirkət qeydiyyatdadır. Bunlardan biri "TNH” MMC-dir ki, onun da qanuni təmsilçisi Cəbrayılov Əlihüseyn Səfər oğludur.  Mediada yayılan məlumatlara görə, "TNH” MMC-nin təsisçiləri "Gilan” MMC və "Hikmət İnşaat” MMC-dir. "Gilan” MMC fövqəladə hallar naziri Kəmaləddin Heydərovun biznes imperiyasına daxil olan şirkət kimi tanınır. Bu halda "TNH” MMC, "Hikmət Aqro” MMC və "Hikmət İnşaat” MMC-nin də ona məxsus olduğuna şübhələr yaranır.  Yasamal rayonu Landau küçəsi, ev 6 "Astoriya Tibb Mərkəzi” MMC-nin də hüquqi ünvanıdır. MMC-nin qanuni təmsilçisi Əliyev İlham Əlisəftər oğludur.  İlham Əliyev Azərbaycan Milli Elmlər Akademiyasının keçmiş prezidenti Ramiz Mehdiyevin kürəkənidir. O, IV və V çağırış Milli Məclisin deputatı olub.  Beləliklə aydın olur ki, ABB-nin məhkəməyə verdiyi şirkətlər sıradan biznes subyektləri deyil.

Rüşvətə görə 10 il 6 ay həbs cəzası alan Şəmkir Regional Mədəniyyət İdarəsinin rəisi Azər Rəcəbovun məhkəmədə verdiyi ifadə məlum olub.  Sozcu.az “Qafqazinfo”ya istinadən xəbər verir ki, A.Rəcəbov Gəncə Ağır Cinayətlər Məhkəməsindəki çıxışında rüşvət aldığını etiraf edib. Özünü təqsirli bilən sabiq rəis musiqi məktəblərindən birində apardığı yoxlama nəticələrinin Mədəniyyət Nazirliyinə təqdim edilməməsi müqabilində ona 30 min manat rüşvət təklif olunduğunu deyib: “Regional mədəniyyət idarəsinin balansında 9 uşaq musiqi məktəbi olub. Gədəbəy rayon Zəhmət kənd uşaq musiqi məktəbinin direktoru işləyən Təranə Şərifova ilə bağlı məktəbin müəllimləri tərəfindən bir neçə dəfə şikayət olmuşdu. Bu səbəbdən 2022-ci ildə məktəbin fəaliyyətinin yoxlanılması barədə tədbir görmək qərarına gəldim. Komissiya təşkil edib 2 gün müddətində məktəbdə yoxlama keçirdik. Yoxlama zamanı 17 müəllimin adına rəsmiləşdirilmiş əmək haqqı kartlarının direktor Təranə xanımda olduğunu müəyyən etdik. Belə ki, direktor maaş kartlarını özündə saxlayıb hər müəllimə ayda əlbəəl 200-250 manat pul verirmiş. Lakin həmin müəllimlərin kartlarına orta hesabla ayda 1200-1400 manat pul köçürdü. Yoxlamanın nəticəsinə əsasən, bəlli oldu ki, direktor bu əməlləri nəticəsində dövlət büdcəsinə 300 000 manat ziyan vurub. Yoxlamadan bir neçə gün sonra Təranə xanım xidməti otağıma gəlib işində yol verdiyi nöqsanları bağışlamağımı və onu işdən azad etməyimi xahiş etdi. Mən isə onu bağışlaya bilməyəcəyimi, yoxlama zamanı toplanılmış materialları Mədəniyyət Nazirliyinin Daxili Nəzarət Şöbəsinə təqdim edəcəyimi bildirdim. Dedim ki, böyük ehtimalla materiallar nazirlik tərəfindən prokurorluq orqanlarına göndəriləcək”.  Azər Rəcəbovun ifadəsinə əsasən, bir neçə gün sonra T.Şərifovanın əri Nazim Şərifov ona 30 min manat təklif edib ki, bu işi ört-basdır eləsin: “Nazim otağıma gəlib “Əgər arvadımı həmin məktəbdə direktor kimi saxlamaq istəmirsənsə, onu başqa məktəbə direktor keçir. Yoxlama nəticələrini və müəllimlərin izahatlarını mənə ver, buna görə sənə 30 000 manat verəcəm” dedi. Razılaşdım, Təranəni Gədəbəy rayon Düzrəsullu uşaq musiqi məktəbinə direktor vəzifəsinə təyin edəcəyimi, müəllimlərin izahatlarını və yoxlama nəticələrini isə cırıb atacağımı bildirdim. Nazimdən əvvəlcə 10 000 manat aldım. Lakin bu məbləğdən başqa heç vaxt, heç kimdən rüşvət almamışam”.  Qeyd edək ki, Azər Rəcəbov 2021-ci ildə keçmiş mədəniyyət naziri Anar Kərimov tərəfindən Şəmkir Regional Mədəniyyət İdarəsinin rəisi təyin edilib. 2022-ci ilin iyununda Korrupsiyaya qarşı Mübarizə Baş İdarəsi tərəfindən saxlanılıb. O, Gədəbəy, Daşkəsən, Göygöl və Şəmkir rayonlarında yerləşən, kitabxanalar, mədəniyyət evləri, uşaq musiqi məktəbləri və uşaq incəsənət məktəblərinə direktor təyin edilməsi, ixtisar olunmalı və ya birləşdirilməli kənd klublarının Mədəniyyət Nazirliyinə göndəriləcək siyahıya daxil edilməməsi müqabilində vəzifəli şəxslərdən rüşvət almaqda ittiham olunub. Ayrı-ayrı şəxslərdən 102 min manat rüşvət alma və vəzifə səlahiyyətlərindən sui-istifadə etməsinə dair əsaslı şübhələr müəyyən edilərək barəsində cinayət işi başlanıb. Gəncə Ağır Cinayətlər Məhkəməsinin hökmü ilə 10 il 6 ay müddətə azadlıqdan məhrum edilib. 

“Biz sülh prosesinə inanmasaydıq, bunun təşəbbüskarı olmazdıq”. Sozcu.az xəbər verir ki, bunu xarici işlər naziri Ceyhun Bayramov aprelin 27-də Bakıda Fransanın Avropa və xarici işlər naziri Ketrin Kolonna ilə birgə keçirdiyi mətbuat konfransında deyib. O bildirib ki, Azərbaycan sülh istiqamətində addımlar atıb: “Biz ABŞ-a öz təşəkkürümüzü bildiririk. ABŞ-ın səyləri nəticəsində Ermənistan danışıqlar proesinə qayıtdığını açıqlayılb. Biz bu prosesdə iştirak edəcəyik. Sülh prosesinin irəli aparılması üçün əlimizdən gələni edəcəyik”.

"Çox uzun müddət, indidən sonra 10 və ya 15 il baş məşqçi kimi işləmək həvəsində deyiləm".  Sozcu.az xəbər verir ki, bunu "Report"a müsahibəsində "Qarabağ"ın baş məşqçisi Qurban Qurbanov deyib. 51 yaşlı mütəxəssis hər insanın gələcəyə dair fikirlərinin və ideyalarının olduğunu bildirib: "Mənim də neçə il bu sahədə çalışacağıma dair, "Qarabağ"da qalmaq və ya qalmamaqla bağlı düşüncələrim var. Belə fikirlərim var, amma açıqlamasam, daha yaxşı olar. Bütün bunları gələcək göstərəcək və irəlidəki dönəmlərdə hər şey nizamlanacaq". 

Ali Məhkəmədə Dövlət Təhlükəsizliyi Xidmətinin (DTX) keçirdiyi əməliyyat nəticəsində Sumqayıt şəhərində tutulan Müdafiə Nazirliyinin N saylı hərbi hissəsinin sabiq növbə rəisi Həsən Həsənovun (şərti) və tanışı Məmməd Məmmədovun (şərti) barəsindəki hökmdən verilən kassasiya şikayətinə baxılıb. Sozcu.az Pravda-ya istinadla xəbər verir ki, hakim İlkin Rəcəbovun sədrliyi ilə keçirilən prosesdə qərar elan olunub. Qərara əsasən, onların kassasiya şikayəti təmin edilməyib. Sumqayıtda yerləşən hərbi hissələrin birində xidmət aparan, 1962-ci il təvəllüdlü Həsən Həsənov naməlum mənbədən əldə etdiyi 100 qrama yaxın civəni 15 min manata satarkən tutulub. Ötən ilin oktyabrında keçirilmiş əməliyyat zamanı onunla birlikdə Sumqayıtda zərgər kimi fəaliyyət göstərən və civənin satışına vasitəçilik edən Məmməd Məmmədov da həbs olunub. Hər iki şəxs barəsində Cinayət Məcəlləsinin 240.2.1 və 240.2.2-ci (Güclü təsir edən və ya zəhərli maddələrin satış məqsədilə qanunsuz dövriyyəsi, bir qrup şəxs tərəfindən və təkrar törədildikdə) maddəsi ilə iş açılıb və 2021-ci il, oktyabrın 23-də Bakı Hərbi Məhkəməsinin qərarı ilə həbs ediliblər. Araşdırmalar zamanı məlum olub ki, hərbçi Məmməd zərgərin ona kömək edə biləcəyini düşünüb. Daha sonra onlar birlikdə civəyə müştəri axtarıblar və şərti alıcıya həmin maddəni 15 min manata satmağa razılaşıblar. Hacı Zeynalabdin Tağıyev qəsəbəsindəki parkda müştəriyə civə satıldıqdan sonra onlar DTX əməkdaşları tərəfindən saxlanılıblar. Axtarış tədbirləri zamanı hərbçinin evindəki manometrin daxilində gizlədilmiş əlavə altı qram civə də müəyyən edilib. Açılmış cinayət işinin materialları bir müddət əvvəl Abşeron Rayon Məhkəməsinə göndərilib. Məhkəmənin 10 iyun 2022-ci il tarixli hökmü ilə Həsən Həsənov 4 il, Məmməd Məmmədov isə 4 il 6 ay müddətinə həbs cəzası verilib. Sumqayıt Apellyasiya Məhkəməsi onların şikayətini təmin etməyib.

Həm dünyada, həm də yerli televiziyalarda ən çox izlənilən seriallar olur. Lakin serialların reytinq qazanması peşəkar rejissor, aktyor və yardımçı işçi heyəti tələb edir.  Son illər isə bir çox sənət adamı yerli serialları tənqid hədəfinə çevirir onların uğursuz olmasından gileylənir.  Bir neçə gün öncə Xalq artisti Şeyx Əbdül Mahmudbəyov da bu məsələyə toxunaraq yerli serialları sərt tənqid etdi. Rejissor “Camaat bu seriallara baxıb bizə tüpürür”- deyə üsyan etdi.  Bəs görəsən, vəziyyət həqiqətən bu qədər acınacaqlıdırmı? Mövzu ilə bağlı Yenisabah.az-a danışan Əməkdar artist Gülşad Baxşiyeva bildirib ki, ölkəmizdə serial çəkilişlərinə son illərdə başlanıb və hələ ki, bu, işin başlanğıcıdır. Onun sözlərinə görə, ilk addımlardan mükəmməl işin ərsəyə gəlməsini gözləmək doğru deyil:  “Azərbaycanda serialların çəkilməsinə təzə başlanıb. Son illər seriallar ölkəmizdə dəbə düşüb. Heç kim birdən-birə istədiyi, mükəmməl nəticəni əldə etmir. Ola bilər ki, bəzi seriallar maraqsızdır, ssenarisi, mövzusu mənasızdır, bunda aktyorlar günahkar deyil. Aktyora nə ssenari verilirsə, onu da oynayır. Bu gün serialların uğursuz olması o demək deyil ki, daim belə olacaq. Həmişə belə davam etməyəcək ki. Şeirdə deyildiyi kimi, çalxalandıqda nehrədə yağ, yağı yağ üstə qalar, ayranı ayran olar. Bugünkü işlər hamısı ələnəcək, bərkiyəcək və nəhayət, lazımi səviyyəyə gələcək. Başlanğıc həmişə belə olur. Bu bir prosesdir. Ona görə də indi bəzi seriallar maraqsız, bəziləri maraqlıdır, cəmiyyətdə də bəziləri sevir, baxır, bəziləri isə əksini düşünür. Hər şey zövqdən asılır. Mənə elə gəlir ki, vaxt gələcək bu gün uğursuz seriallar çəkənlər də yüksək səviyyəli iş təqdim edəcəklər”.  Aktrisa serialların uğursuzluğunda maliyyə problemlərinin də böyük rol oynadığını qeyd edib:  “Əlbəttə ki, bizdə yüksək maliyyə də yoxdur, seriallara milyonlarla pul ayrılmır. Həmişə ssenaristlərə də, aktyorlara da az məbləğdə qonorar ödənilib. Maliyyə işini biz həll etmirik. Yaxşı filmin, serialın ərsəyə gəlməsi üçün pul əsasdır. Bu hər sahəyə aiddir, yaxşı tamaşanın ərsəyə gəlməsi üçün də teatra pul lazımdır. Bütün komponentlər olmalıdır ki, keyfiyyətli iş ortaya çıxsın. Onlar da olmasa, yerində saymaq lazım deyil. Başlanğıc olmalıdır, bizdə də bu var, biz bu gün bu sahəyə sıfırdan başlamışıq. Maliyyə də yəqin ki, haçansa olacaq, biz sənətçilər də buna ümid edirik. İnşallah. Hər şey yaxşı olar”.

Pentaqonun gizli sənədlərinin ortaya çıxarılmasında ittiham olunan Cey Teyşeyranın qulluq etdiyi Milli Qvardiyanın iki komandiri vəzifələrindən azad edilib. Sozcu.az xəbər verir ki, bu barədə “Röyters” məlumat yayıb. ABŞ Hərbi Hava Qüvvələrinnin nümayəndəsi bildirib ki, Teyşeyranın qulluq etdiyi 102-ci kəşfiyyat qanadının komandirini və əməliyyat komandirini vəzifədən uzaqlaşdırıblar. Hər iki komandirin Hərbi Hava Qüvvələrinin Baş Müfəttişi tərəfindən aparılan araşdırmaya qədər vəzifələrindən kənarlaşdırıldığı qeyd olunub. Bununla yanaşı, həmin şəxslərin şifrələnmiş sistem və məlumatalara girişi tam qadağan edilib. Qeyd edək ki, Pentaqonun məxfi sənədlərini sızdırmaqda şübhəli bilinən ABŞ Hərbi Hava Qüvvələrinin zabiti Cek Teyşeyra FTB tərəfindən saxlanılmışdı.

Qarabağdakı rus sülhməramlılarının yeni rəhbəri, general-polkovnik Aleksandr Lentsov dinc azərbaycanlıları qətlə yetirib. Sozcu.az Bakupost.az-a istinadən xəbər verir ki, bu iddia ilə "AZfront" Teleqram kanalı çıxış edib. Lentsovun Çeçenistan, Suriya, Cənubi Osetiya və Ukraynada döyüş əməliyyatlarında iştirakı ilə tanındığını xatırladan kanal Rusiya Federasiyası Müdafiə Nazirliyinin saytına istinadla yazır: “Aleksandr Lentsov 1989-cu ildə M.V.Frunze adına Hərbi Akademiyasını bitirdikdən sonra Hərbi Hava Qüvvələrində alay qərargah rəisi, alay komandiri, müavini və bölmə komandiri vəzifələrində xidmət edib. 1990-cı ildə Lentsov SSRİ Silahlı Qüvvələrinin 98-ci diviziyasına daxil olan 331-ci qvardiya hava-desant alayının komandiri olub. Həmin ilin yanvarında bu diviziya Bakının və Azərbaycanın digər rayonlarının dinc əhalisinin qırğınında iştirak edib". "AZfront" daha sonra qeyd edir ki, Bakıdakı qırğının qisası gec də olsa, alınıb: "Rusiya xüsusi təyinatlılarının elit briqadası Ukraynada demək olar ki, tamamilə məhv edilib".