“Rusiyanın Ermənistana “smerç” və digər silahlar göndərməsi, əvvəlki razılaşmalar əsasında həyata keçirilsədə bu, Kremlin İrəvana jestidir. Rusiya Ermənistana iqtisadi və hərbi yardımlar etməklə, öz orbitində saxlamağa çalışır. Ukrayna müharibəsi fonunda mərmi və silahları İrandan, Şimali Koreyadan alan Moskvanın Ermənistana silahlar göndərməsində məqsəd Cənubi Qafqazda mövqeyini qorumaq və Azərbaycanla sülhə mane olmaqdır”. Sozcu.az xəbər verir ki, bunu siyasi şərhçi Məhəmməd Əsədullazadə deyib. Ekspert qeyd edib ki, iki ölkə arasında ticarət dövriyyəsi 16 milyarda yaxınlaşır: “Bu, Rusiyanın Ermənistanla iqtisadi və ticarət əlaqələrindən irəli gəlir. Baş naziri Nikol Paşinyan Kollektiv Təhlükəsizlik Müqaviləsi Təşkilatında (KTMT) üzvülüyün geri dönüşün olmayacağı mərhələsinə gəldiyini qeyd edib. Göründüyü kimi, Paşinyan anti-Rusiya ritorikasını davam etdirir. Amma Kreml durmadan bu ölkəyə yardımlar edir. Bu gün Ermənistan Qərb və Rusiya tərəfindən kifayət qədər dəstəklənir. Ermənistanın kifayət qədər maliyyə imkanlarına sahib olması İrəvanın sonda danışıqları pozması ilə nəticələnə bilər. Bu da Moskvanın siyasətidir. Rusiya Azərbaycanla Ermənistan arasında sülhün əleyhinədir. Var qüvvəsi ilə Ermənistanı maliyyə və silahla təmin edir ki, Azərbaycanla razılaşmalar pozulsun”.konkret}

Valideynlər məktəb direktorları ilə görüşmək istəyi çox vaxt çətinliklə üzləşir. Təhsil naziri Emin Əmrullayev belə etiraf etdi ki, onun qəbuluna düşmək bəzi direktorların qəbuluna düşməkdən asandır.  Mövzu ilə bağlı Yenisabah.az-a danışan təhsil eksperti Kamran Əsədov bildirib ki, təhsil müəssisələrində təhlükəsizlik qaydaları da qorunmalıdır, buna görə də hər kəsin binaya daxil olması yolverilməzdir: “Məktəb ictimai yerdir, lakin qapalı ictimai yerdir. Məktəbə daxil olan hər bir valideyn potensial təhlükə də yarada bilər. Doğrudur, qanunvericiliyə görə, valideynin məktəbə daxil olmasında hər hansı bir qadağa, məhdudiyyət yoxdur. Yəni valideynlər günün istənilən saatında məktəbin aidiyyəti şəxsləri ilə görüşə bilərlər. azal vakansiya Direktor inzibati vəzifədir, onunla istənilən vaxt görüşmək pedaqoji fəaliyyətin gedişinə də mane ola bilər. Ona görə də məktəb direktorunun qəbul günü və qəbul saatları olmalıdır. Həftədə 2 gün 4 saatdan az olmamaq şərti ilə. Təkcə məktəb direktorunun deyil, məktəbdə inzibati vəzifə daşıyan şəxslərin də xüsusi qəbul günü olmalıdır. Valideynlər də həmin vaxtlar məktəbə gedə bilərlər və bu onların hüququdur.  4432 orta təhsil məktəbin 2 minindən çoxunda şagird sayı 200-dən çoxdur və bu qədər valideyn birdən-birə məktəbə gəlsə, təbii ki, tədrisin gedişi pozulacaq”. Kamran Əsədov məktəb direktorları ilə valideynlər arasında kommunikasiyanın qırıldığını bildirib: “Ən ciddi problemimiz odur ki, valideynlərlə məktəb arasında münasibət yox dərəcəsindədir. Məktəb icmaları işlək deyil. Hamı öyrəşiblər ki, məktəb direktorlarının böyük əksəriyyəti ancaq pul yığır. Artıq elə deyil, qaydalar dəyişilib. Məktəb direktorlarının əvvəlki kimi rahatlıqla pul yığmaları mümkün deyil. Artıq çox şey dəyişib. Bu gün Elm və Təhsil Nazirliyi, Bakı şəhəri Təhsil İdarəsi məktəblərə çox ciddi nəzarət edir ki, mənfi hallar baş verməsin. Amma direktorlar da əvvəlki kimi deyil, çox dəyişiliblər. Elələri var ki, “köhnədən qalma”dır, müəyyən qədər kiminsə yaxınıdır, dostu-tanışıdır, ailə üzvüdür. Onlarla görüşmək, ünsiyyət qurmaq, dil tapmaq çətindir. Bir daha qeyd edim ki, valideynlərin məktəbə girişi heç bir qanunla məhdudlaşdırılmayıb. Sadəcə işçilər qeyri-rəsmi formada bunu edirlər. Çünki hər an hər kəs məktəbə daxil olsa, tədrisin gedişi pozula bilər. Əgər icazə versələr, inanın ki, valideynlər sinif otaqlarına, parta arxasına qədər keçəcəklər. Valideynlərin imkanları olsa, az qala maşını partanın yanına qədər də sürərlər. Hər səhər məktəblərin qabağında gördüyümüz mənzərə dəhşətdir. Yəni biz məsələyə bu tərəfdən də baxmalıyıq. İmam üçün ağlayanda yezid üçün də ağlamaq lazımdır”.

Ölkəmizdə son 1 il ərzində hibrid mühərrikli avtomobillərin qiymətində artım müşahidə olunur. Rəqəmlərə əsasən, 1 ədəd hibrid avtomobiln orta ixrac qiyməti 2024-cü ilin səkkiz ayında orta hesabla  28 min 723 dollar (48 min 829 manat) olub ki, bu da son bir ildə  5 min 656 dollar (9 min 616 manat) və ya 24,5% bahalaşma deməkdir.  2023-cü ilin yanvar-avqust aylarında isə 1 ədəd hibrid avtomobilinin orta ixrac qiyməti 23 min 67 dollar (39 min 214 manat) olub. Bəs görəsən, bu seqment nəqliyyat vasitələrinin bahalaşmasının səbəbi nədir?  Mövzu ilə bağlı Yenisabah.az-a danışan nəqliyyat məsələləri üzrə ekspert İlqar Hüseynli bildirib ki, səbəb hibrid avtomobillərə olan tələbin artmasıdır:  socar vakansiya “Əslində, hibrid maşınların idxalı zamanı istər gömrük, istərsə də aksiz vergilərlə bağlı müəyyən məbləğdə güzəştlər tətbiq olunur. Bu hələki sabit olaraq qalır. Hələ gömrük və idxal-ixrac rüsumlarında, o cümlədən, aksiz vergilərində hər hansı bir dəyişiklik baş verməyib. Artımın səbəbi ola bilsin ki, daha bahalı hibrid nəqliyyat vasitələrinə son illər tələbatın daha da çoxalmasıdır”.  Ekspert hibrid mühərrikli ciplərin benzin və dizel olanları üstələdiyini diqqətə çatdırıb:  “Fikir versək, şəhərdə hibrid ciplərin ciddi say artışı müşahidə olunmaqdadır. Əvvəllər daha çox benzin və dizel mühərrikli hündür nəqliyyat vasitələrin üstünlük verilirdisə, indi daha çox Çin və Koreya markalarının hibrid maşınları tərcih olunur. Bu da bazarda baha qiymətə satılan avtomobillərin xüsusi çəkisinin artmasına gətirib çıxarır. Belə olduğu zaman, nəticə etibarı ilə illik artımın göstəricisi kimi götürülür. Yəni bu artımın səbəbi, hibrid mühərrikli və daha bahalı olan avtomobillərin idxalının artması ilə bağlıdır”. 

8 Noyabr prospektində hərəkətə qoyulan məhdudiyyət bəzi yollarda tıxaca səbəb olub. Sozcu.az xəbər verir ki, bu barədə Daxili İşlər Nazirliyinin (DİN) Nəqliyyatı İntellektual İdarəetmə Mərkəzi (NİİM) məlumat yayıb. Bildirilib ki, ötən gündən başlayaraq Xətai rayonu, 8 Noyabr prospekti və Ramiz Quliyev küçəsinin kəsişməsi, mərkəz istiqamətində aidiyyəti dövlət qurumu tərəfindən aparılan təmir işləri ilə əlaqədar avtomobillərin hərəkətinə qısa müddətli məhdudiyyət tətbiq edilib: "Prospektdə əks istiqamət üzrə ikitərəfli hərəkət təmin olunub. Sürücülərin çox hissəsi alternativ olaraq Heydər Əliyev və Babək prospektlərindən istifadə etdiyinə görə, bu prospketlərdə hazırda avtomobil sıxlığı müşahidə edilir. Nəqliyyatı İntellektual İdarəetmə Mərkəzinin əməkdaşları yol polisi ilə əlaqəli şəkildə bu prospektlərdə sıxlığın aradan qaldırılması üçün tədbirlər görürlər."

Ermənistan suverenliyinə təhdid yaratdığı üçün Kollektiv Təhlükəsizlik Müqaviləsi Təşkilatında (KTMT) iştirakını dondurub. Sozcu.az xəbər verir ki, bunu Ermənistanın Baş naziri Nikol Paşinyan Ümumdünya Erməni Sammitində deyib. O qeyd edib ki, Ermənistan bu təşkilatla bağlı geri dönülməsi mümkün olmayan nöqtəyə yaxındır.

Ermənistanın Milli Təhlükəsizlik Xidmətinin əməliyyat axtarış tədbirləri nəticəsində ölkədə hakimiyyətin zorla ələ keçirilməsinə cəhdin qarşısı alınıb. Sozcu.az xəbər verir ki, bu barədə Ermənistan İstintaq Komitəsi məlumat yayıb. Məlumata görə, Ermənistana gələn iki nəfərin daxil olduğu ümumilikdə 7 nəfərlik cinayətkar qruplaşma ölkədə hakimiyyəti silah gücünə devirmək məqsədilə plan hazırlayıb. “Araşdırmalar zamanı müəyyən edilib ki, həmin qanunazidd əməlin icrası üçün bu şəxslərin hər birinə 90 gün boyunca hər ay 220 min rubl məbləğində pul ödənilməklə onların Rusiya ərazisində təlim keçmələri, eləcə də Ermənistana qayıtdıqdan sonra təlimlərdə qazandıqları bilik və bacarıqların bu ölkədəki müəyyən şəxslər arasında yaymalı olduğuna dair razılıq əldə olunub. Bir müddət sonra onlar Rusiyanın Rostov-Don şəhərinə gələrək, buradakı “Arbat” hərbi bazasında təlimlərə cəlb edilib, burada müxtəlif silah və hərbi texnikadan istifadənin sirlərinə yiyələniblər”, - açıqlamada bildirilir. Məlumata görə, həmin şəxslərin bəziləri sonradan Ermənistanda dövlət çevrilişinə dair tapşırığın icrasından imtina edib, üç nəfər isə hüquq-mühafizə orqanlarının xüsusi əməliyyatı zamanı həbs olunub. Qurum 4 nəfər barəsində axtarış elan edildiyi açıqlayıb.

“Rusiyanın tərifli hipersonik raketləri, hansısa əlçatmaz kontinental raketləri və s. haqqında nağıllar son nəticədə onunla yekunlaşır ki, bütün bu texnologiyalar üzərində işləyən 12 rusiyalı alim “FSB” tərəfindən dövlətə xəyanətdə ittiham olunaraq həbs edilir, uzunmüddətli mühakimə olunur və onlardan 3-ü də həyatını həbsxanada başa vurur. Bu, Rusiyanın uğurlarının hansı səviyyədə olmasının bir əlamətidir..." “Ukraynaya ABŞ və Böyük Britaniya silahlarının Rusiyanın ərazisini vurmaq üçün istifadə edilməsinə icazə verilməməsi, rəsmi Vaşinqtonun bu məsələdə müəyyən mənada ehtiyatlı mövqe tutması, hesab edirəm ki, heç də Putinin nüvə hədələrindən irəli gəlmir. Putin administrasiyası öz təcavüzkar siyasəti ucbatından Ukraynada düşdüyü vəziyyətdən çıxmaq üçün gah artıq dəfələrlə keçilmiş, heç kəsin əhəmiyyət vermədiyi, məsxərə predmetinə çevrilmiş çoxsaylı “qırmızı xətlər” çəkir, gah da Qərbə, ABŞ-yə nüvə təhdidləri edir. Hətta bu günlərdə Rusiyanın baş diplomatı Sergey Lavrov da özü də istəmədən etiraf etdi ki, artıq “qırmızı xətlər” məsələsi xaricdə məsxərə kimi qəbul olunur”. Bu fikirləri Moderator.az-a açıqlamasında “ABŞ prezidenti Co Bayden və Böyük Britaniyanın baş naziri Keir Starmer arasında aparılan danışıqlardan sonra da Birləşmiş Ştatlar öz silahları ilə Rusiya ərazisini vurmağa icazə vermədi. Bəziləri bunu Qərbin Putinin nüvə zərbəsi hədələrindən qorxması kimi dəyərləndirir. Siz necə düşünürsüz?” sualını cavablandırarkən siyasi təhlükəsizlik məsələləri üzrə ekspert Ərəstun Oruclu dilə gətirib.  “Bilirsiz, Rusiya hökuməti çətin vəziyyətə düşübdür. II Cahan savaşından bəri ilk dəfədir ki, Rusiya ərazisinə xarici dövlət müdaxilə edir.  Və bu da Rusiyanın Ukraynadakı işğalçı siyasətinə olan cavabdır. Mən Ukrayna ordusunun Kursk vilayətinin müəyyən ərazisini nəzarətə götürməsindən bəhs edirəm... Bir sözlə, mənə elə gəlir ki, Ukraynaya dediyimiz məsələdə icazə verilməməsinin arxasında başqa səbəblər dayanır. Düşünmürəm ki, ABŞ Putinin nüvə təhdidlərindən çəkinir. Rusiyanın adi silahlı qüvvələri hansı vəziyyətdədirsə, bunu artıq bütün dünya gördü, - nüvə arsenalı da elə həmin durumdadır. Nəzərə alsaq ki, son 30-35 ildə o sahədə, ümumiyyətlə, heç bir inkişaf olmayıbdı. Və təsəvvür edin, Rusiyanın tərifli hipersonik raketləri, hansısa əlçatmaz kontinental raketləri və s. haqqında nağıllar son nəticədə onunla yekunlaşır ki, bütün bu texnologiyalar üzərində işləyən 12 rusiyalı alim “FSB” tərəfindən dövlətə xəyanətdə ittiham olunaraq həbs edilir, uzunmüddətli mühakimə olunur və onlardan 3-ü də həyatını həbsxanada başa vurur. Bu, Rusiyanın uğurlarının hansı səviyyədə olmasının bir əlamətidir.  Odur ki, bir daha deyirəm, Qərbin Putinin nüvə hədələrindən qorxmasından danışmağa dəyməz. Sadəcə olaraq Rusiyanı daha da aqressivləşdirmək, onun müharibə coğrafiyasını genişləndirmək istəmirlər. Və Kreml elə bir vəziyyətdədir ki, o bu gün istənilən düşünülməmiş addım ata bilər. Qərbdə isə gözəl anlayırlar ki, bu, güclərin səpələnməsi demək olar, bu, dünyanın daha böyük ərazilərinin münaqişə bölgəsinə çevrilməsi demək olar. Ona görə də Vaşinqton bu məsələdə ehtiyatlı davranır. Amma hər bir halda bunun nüvə təhdidi ilə bağlı olduğunu düşünmürəm”, -deyə davamında analitik vurğulayıb.

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən daha dörd şəhid dəfn olunacaq. Sozcu.az xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb. Sentyabrın 20-də hərbçilər Məmmədov Mübariz İlyas oğlu Bakı şəhəri, Nizami rayonu, Keşlə qəsəbəsi Şəhidlər Xiyabanında, Səfərov Səfəralı Alverdi (Allahverdi) oğlu Sumqayıt şəhəri Şəhidlər Xiyabanında, Rüstəmov Tərlan Kamal oğlu Bakı şəhəri, Qaradağ rayonu, Lökbatan qəsəbəsi Şəhidlər Xiyabanında və Qəhrəmanov Bilal Qəhrəman oğlu Gədəbəy rayonu, Şəhidlər Xiyabanında dəfn olunacaqlar.

"Dənizkənarı Bulvar İdarəsi" publik hüquqi şəxsin vəzifəli şəxslərinin qanunsuz əməlləri barədə Azərbaycan Respublikası Hesablama Palatasından daxil olmuş material əsasında Baş prokuror yanında Korrupsiyaya qarşı Mübarizə Baş İdarəsində Azərbaycan Respublikası Cinayət Məcəlləsinin müvafiq maddələri ilə cinayət işi başlanıb. Bununla bağlı Baş Prokurorluğun Mətbuat Xidməti məlumat yayıb. İbtidai istintaqla həmin İdarənin İdarə Heyətinin sabiq sədri İlqar Əziz oğlu Mustafayevin 2021-2023-cü illər ərzində İdarənin fəaliyyəti istiqamətləri üzrə ayrılmış xüsusilə külli miqdarda pul vəsaitini mənimsəmə və israf etmə yolu ilə talamasına, vəzifə səlahiyyətlərindən sui-istifadə etməsinə və vəzifə saxtakarlığı törətməsinə əsaslı şübhələr müəyyən edilib. Toplanmış ilkin sübutlar əsasında İlqar Mustafayevə Cinayət Məcəlləsinin 179.4 (xüsusilə külli miqdarda ziyan vurmaqla mənimsəmə), 308.2 (ağır nəticələrə səbəb olan vəzifə səlahiyyətlərindən sui-istifadə) və 313-cü (vəzifə saxtakarlığı) maddələri ilə ittiham elan edilməklə müstəntiqin vəsatəti və ibtidai araşdırmaya prosessual rəhbərliyi həyata keçirən prokurorun təqdimatı əsasında Binəqədi Rayon Məhkəməsinin qərarı ilə həbs qətimkan tədbiri seçilib. Hazırda cinayət işi üzrə ibtidai istintaq davam etdirilir. *** 15:55 Dənizkənarı Bulvar İdarəsi İdarə Heyətinin sabiq sədri İlqar Mustafayev həbs edilib. Sozcu.az-ın "Report"a istinadən məlumatına görə, İ. Mustafayev xüsusilə külli miqdarda mənimsəmədə və vəzifə səlahiyyətlərini aşmada təqsirləndirilir. Ona Cinayət Məcəlləsinin 179.4-cü və 308-ci maddələri ilə ittiham verilib. Onun barəsində Binəqədi rayon Məhkəməsi tərəfindən 3 ay 20 gün müddətinə həbs qətimkan tədbiri seçilib. Qeyd edək ki, bir neçə gün qabaq Hesablama Palatası Dənizkənarı Bulvar İdarəsində audit yoxlaması aparıb və çatışmazlıqlar aşkar olunub. Onunla bağlı toplanmış materiallar Baş Prokurorluğu göndərilmişdi.

Rusların qılıncla edam etdikləri silahsız, əli bağlı ukraynalı əsgərin görüntüləri ilə bağlı Beynəlxalq Qırmızı Xaç Komitəsi və BMT ilə əlaqə saxlamışıq. Sozcu.az xəbər verir ki, bunu Ukraynanın insan haqları üzrə komissarı Dmitri Lubinets deyib. “Barbarlığın və qaniçənliyin səviyyəsi ağlasığmazdır. Bu cür hərəkətlər hərbi əsirlərlə rəftarla bağlı Cenevrə Konvensiyasının kobud şəkildə pozulmasıdır”, - Lubinets bildirib. Qeyd edək ki, sosial şəbəkələrdə sinəsinə qılınc sancılmış ukraynalı əsgərin görüntüləri yayılıb. Bildirilib ki, rus hərbçilər onu edam etdikdən sonra üzərinə “Kurska görə” yazısını yazıblar. Hadisənin harada baş verdiyi məlum deyil.

Türkiyənin Diyarbəkir şəhərində 19 gün davam edən axtarışlardan sonra sentyabrın 8-i cəsədi tapılan 8 yaşlı Narin Güranın ölüm səbəbi məlum olub.  Sozcu.az xəbər verir ki, bu barədə TRT kanalı məlumat yayıb.  Bildirilir ki, Narin Güranın boğularaq öldürüldüyü müəyyən edilib.  vakansiya Qeyd edək ki, Narinin qətlində əsas şübhəli ailənin yaşadığı Tavşantəpə kəndinin muxtarı olan əmisi Sami Güran olub. O, qəsdən adamöldürmə maddəsi ilə həbs olunub. Hadisə ilə əlaqədar 20-dən çox şəxs saxlanılıb. 

Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondu tərəfindən sentyabrın 20-də respublika üzrə pensiyaların tam ödənilərək yekunlaşdırılması nəzərdə tutulub. Sozcu.az xəbər verir ki, bu barədə Fond məlumat yayıb. Həmin gün güzəştli şərtlərlə pensiya hüququna malik şəxslərin də pensiyaları ödəniləcək.

Prezident İlham Əliyev Hacıqabul və Salyan rayonlarının icra başçılarını dəyişib. Sozcu.az xəbər verir ki, bununla bağlı Prezident müvafiq sərəncamlar imzalayıb. Sərəncamlara əsasən, Rüstəm Gülabba oğlu Xəlilov Hacıqabul Rayon İcra Hakimiyyətinin başçısı vəzifəsindən azad edilərək, Salyana, Salyan Rayon İcra Hakimiyyətinin başçısı Sevindik Hacağa oğlu Hətəmov isə vəzifəsindən azad edilərək, Hacıqabul rayonuna başçı təyin edilib.

Sumqayıtda 20 yaşlı fəhlə yüksəklikdən yıxılaraq ölüb. Hadisə Zeynalabdin qəsəbəsinin ərazisində qeydə alınıb. Sozcu.az xəbər verir ki, 2004-cü il təvəllüdlü Səfəralı Faiq oğlu Səfərov qəsəbədə aparılan tikintilərdən birində iş zamanı hündürlükdən yıxılaraq hadisə yerində ölüb. Faktla bağlı araşdırma aparılır.

Tehranın Evin həbsxanasında saxlanılan milli fəal Hüseyn Pirinin məhkəməsi olub. Bu barədə insan haqları fəalları məlumat yayıb. Bildirilib ki, milli fəalın məhkəmə iclası Tehranın İnqilab Məhkəməsinin 15-ci bölməsində keçirilib. Güseyn Piri barəsində irəli sürülən ittihamlarla bağlı müdafiə çıxışı edib. Azərbaycanlı fəal qeyri-müəyyən vəziyyətdə saxlanılmasına etiraz olaraq aclıq aksiyası keçirdiyinə görə, sentyabrın 2-də təkadamlıq kameraya salınıb. Qeyd edək ki, Hüseyn Piri fevralın 6-da başqa bir neçə fəalla birgə həbs edilərək Evin həbsxanasına köçürülüb. O, "hökumətə qarşı təbliğat” və “daxili və xarici təhlükəsizliyi pozmaq üçün əlbir olmaq"da günahlandırılıb.GünazTV

"Real"ın baş məşqçisi Karlo Ançelotti futbolçuların tez-tez zədə alması barədə danışıb. Sozcu.az xəbər verir ki, mütəxəssis buna oyun qrafikinin sıxlığının səbəb olduğunu söyləyib:  “Cədvəl çox sıxdır. Çempionlar Liqası yeni formatdadır və heç kim nəyin necə olacağını bilmir. Amma görünən odur ki, sıx qrafikdə daha 2 oyunumuz var. Rəhbər orqanlar çox oynadıqları üçün zədə alan oyunçular haqqında düşünməsələr, böyük problemlər yaşayacağıq. Onlardan matçların sayını azaltmaq barədə düşünməyi xahiş edirəm”. Qeyd edək ki, "Real" ÇL-in Liqa mərhələsinin 1-ci turunda bu gün "Ştutqart"la üz-üzə gələcək. Görüş Bakı vaxtı ilə saat 23:00-da başlayacaq. 

Müğənni Kərimin toyda döyülməsi ilə bağlı yeni fakt məlum olub. Sozcu.az lent.az-a istinadən xəbər verir ki, toyda fonaqramma üstündə düşən davada Kərimin barmağını sındırıblar. Polis hadisə ilə bağlı müvafiq ekspertizalar təyin edib, araşdırmalar davam etdirilir. Qeyd edək ki, müğənni Kərim toyda fonaqramma üstündə döyülüb. Hadisə sentyabrın 10-da Nizami rayonu ərazisində yerləşən şadlıq evlərindən birində baş verib.

Ukrayna icazə alarsa, Rusiyanın 9 böyük şəhəri və 4,7 milyon əhalisi uzaqmənzilli Qərb raketlərinin hədəfinə düşəcək. Sozcu.az xəbər verir verir ki, bu barədə ABŞ-ın Müharibənin Öyrənilməsi İnstitutunun hesabatında qeyd olunub. Hesabatda bildirilib ki, uzaqmənzilli raketlərin hədəf zonasına Rostov (1,14 milyon) və Voronej (1,046 milyon) kimi iki milyonluq şəhər də daxil olacaq: “Bundan başqa, Qərb raketləri hazırda HİMARS raket sistemlərinin əhatə dairəsindən kənarda olan 436 min nəfərin yaşadığı Kurska çata biləcək. Eləcə də müvafiq olaraq 296 min və 373 min nəfər əhalisi olan Oryol və Bryansk şəhər mərkəzləri, Azov dənizinin sahilində yerləşən Taqanroq şəhəri (245 min nəfər) uzaqmənzilli silahların hücumuna məruz qala bilər. Lipetsk (486 min nəfər), Smolensk (312 min) və Kaluqa (329 min) də ATACMS raketlərinin (300 km) əhatə dairəsindədir. Amma 250 km-ə qədər məsafə qət edən Britaniyanın “Storm Shadow” raketləri bu şəhərlərə çatmaya bilər”.

İranın paytaxtı Tehranda Azərbaycanın səfirliyinə hücum edən terrorçu ilə bağlı çıxarılan hökmün icrası artıq bir ilə yaxındır ki uzanır. Xatırladaq ki, həmin terrorçu həbs olunub və onun barəsində məhkəmə 2023-cü il oktyabrın 2-də ölüm hökmü çıxarıb. Lakin bu qərarın üstündən bir ilə yaxın vaxt keçsə də, edamın nə vaxt icra ediləcəyi məlum deyil. Azərbaycan cəmiyyətinin daim diqqət mərkəzində olan bu hadisəni media da diqqətlə izləyir. Sozcu.az Report-a istinadla xəbər verir ki, edamla bağlı qərar tez bir zamanda icra olunmasa, Azərbaycan İrandakı səfirini növbəti dəfə geri çağıra bilər. Bəs nədən bu qərarın icrası gecikir? Apardığımız araşdırma ortaya bir sıra ehtimalların çıxmasına səbəb olub. Məsələn, terroru törədən İran vətəndaşı Yasin Hüseynzadənin həyat yoluna nəzər salsaq, ortaya bir sıra maraqlı məqamlar çıxır. 55 yaşlı Yasin Hüseynzadə İran-İraq müharibəsi zamanı SEPAH sıralarına qatılıb. O, qısa müddət ərzində müharibədə 31-ci Aşura diviziyasında da iştirak edib. 1999-cu ilə qədər Təbrizdə SEPAH qərargahında yük maşını sürücüsü işləyib və oradan təqaüdə yollanıb. Yasin 1999-2006-cı illərdə Mərənddəki Yaldur məscidinə bağlı “Bəsic” qüvvələrinin komandanı olub. O, indi də həmin “Bəsic” bazası ilə əlaqəsini davam etdirir. Hətta onun Təbrizdə “Bəsic” və SEPAH qüvvələri ilə birlikdə son aylar Bükan və Marağada baş verən anti-hökumət etirazlarının dağıdılmasında iştirak etdiyi barədə məlumatlar var. Bir günahsız insanın qətli, iki nəfərin yaralanmasını həyata keçirən bu terrorçunun edam olunmasının qarşısını çox güman ki, onun SEPAH üzvü olması alır. Məhz bu qurum onun edamının icrasına əngəl olur. Halbuki, bu müdhiş cinayət əməli barədə danışan xarici işlər naziri Ceyhun Bayramov bu ilin yanvarında bir daha rəsmi Bakının mövqeyini xatırladıb və bəyan edib ki, səfirlik öz fəaliyyətini iki şərtlə bərpa edə bilər: cinayətkar layiqli cəzasını alsın və İran səfirlik əməkdaşlarının təhlükəsizliyinə tam zəmanət versin. Qeyd edək ki, 2023-cü il yanvarın 27-də “Kalaşnikov” silahı ilə silahlanmış şəxs Azərbaycan səfirliyinə hücum edib, nəticədə mühafizə xidmətinin rəisi qətlə yetirilib, iki nəfər isə yaralanıb. Və təəccüb doğuran hal hadisə yerinə polis əməkdaşlarının ən sonda gəlməsi olub.

Ötən ilin dekabr ayında əldə olunmuş razılığa əsasən, Ermənistan tərəfi Azərbaycanın BMT-nin İqlim Dəyişmələri üzrə Çərçivə Konvensiyasına Tərəf Dövlətlərin 29-cu Konfransına (COP29) ev sahibliyinə namizədliyini dəstəkləyib. Bunun əvəzində Azərbaycan tərəfi də Ermənistanın Şərqi Avropa Qrupundan COP-un Büro üzvlüyünə namizədliyini dəstəkləyib.  Sozcu.az xəbər verir ki, bu sözləri XİN-in Mətbuat xidməti idarəsinin rəisi Ayxan Hacızadə Report-a müsahibəsində deyib.  “Qarşıdan gələn noyabr ayında on minlərlə iştirakçı iqlim dəyişikliyi nöqteyi-nəzərindən planetimizin gələcəyini müzakirə etmək üçün COP29-la bağlı Bakıya səfər edəcək. Bu məqsədlə Ermənistan daxil olmaqla, bütün ölkələrə dəvət göndərilib. Ancaq Ermənistan tərəfinin COP29 tədbirində iştirak edib-etməyəcəyi barədə Azərbaycan tərəfində hər hansı bir məlumat mövcud deyil. Emənistanın Baş naziri Nikol Paşinyan da bu barədə açıqlamasında qəti fikir bildirməyib”, - A.Hacızadə vurğulayıb.

Bakıda və Abşeron yarımadasında sentyabrın 18-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir.  Milli Hidrometeorologiya Xidmətindən Sozcu.az-a verilən məlumata görə, səhər bəzi yerlərdə arabir yağış yağacağı, şimşək çaxacağı ehtimalı var. Şimal-qərb küləyi gündüz şimal-şərq küləyi ilə əvəz olunacaq. Havanın temperaturu gecə 16-20° isti, gündüz 23-26° isti olacaq. Atmosfer təzyiqi normadan yüksək 760 mm civə sütunu olacaq. Nisbi rütubət gecə 65-75 %, gündüz 45-55 % olacaq. vakansiyalar Azərbaycanın rayonlarında bəzi yerlərdə arabir yağış yağacağı, şimşək çaxacağı gözlənilir. Ayrı-ayrı yerlərdə leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var. Gündüz əksər rayonlarda yağıntılar tədricən kəsiləcək. Gecə və səhər bəzi dağlıq və dağətəyi rayonlarda duman olacaq. Mülayim şərq küləyi ayrı-ayrı yerlərdə arabir güclənəcək. Havanın temperaturu gecə 14-19° isti, gündüz 23-28° isti, dağlarda gecə 5-9° isti, gündüz 11-16° isti olacaq. 

Biz həmişə Ermənistan və Azərbaycanın xarici işlər nazirləri arasında görüş keçirmək üçün imkanlar axtarırıq. Sozcu.az xəbər verir ki, bunu Dövlət Departamentinin mətbuat katibi Metyu Miller ABŞ-ın Ermənistan-Azərbaycan münasibətlərinin normallaşmasına kömək etməyə hazır olduğunu təsdiqləyərək deyib. O bildirib: “Əlbəttə, həmişə Ermənistan və Azərbaycanın xarici işlər nazirləri arasında görüş keçirmək üçün imkanlar axtarırıq. Hər iki ölkənin davamlı və ləyaqətli sülh sazişinin əldə edilməsi istiqamətində səylərini dəstəkləməyə davam edirik”. vakansiya Millerin sözlərinə görə, İrəvan və Bakı sülh sazişinin bağlanması istiqamətində mühüm irəliləyiş əldə ediblər və Vaşinqton onları istənilən yolla dəstəkləməkdə, o cümlədən faydalı olarsa, görüşü çağırmaqda qərarlıdır. Eyni zamanda, dövlət katibi Blinkenin Nyu-Yorkda belə bir görüşü təşkil edib-etməməsi ilə bağlı birbaşa suala Miller konkret açıqlama verməkdən yayınıb.

Rusiya Federasiyasının İstintaq Komitəsi keçmiş vəkil Elman Paşayevə qarşı cinayət işi açıb. O, Moskvada dələduzluq ittihamı ilə saxlanılıb. Bu barədə Rusiya İstintaq Komitəsinin rəsmi nümayəndəsi Svetlana Petrenko məlumat verib. İstintaq müəyyən edib ki, 2024-cü ilin fevralında Elman Paşayev Moskvada iş adamı Aleksey Blinovski ilə görüşü zamanı onu inandırıb ki, böyük pul mükafatı müqabilində onu və arvadı Yelenanı əvvəllər açılmış vergidən yayınma işi üzrə cinayət məsuliyyətindən azad edə bilər. Ona qarşı Rusiya Federasiyası Cinayət Məcəlləsinin 159-cu maddəsinin 4-cü hissəsi (xüsusilə külli miqdarda dələduzluq) ilə cinayət işi açıb.

Hindistanda ötən gün bir nəfərin nipah virusundan ölməsindən sonra hökumət ilkin olaraq Kerala ştatında karantin rejimi elan edib. Bu barədə ölkənin Səhiyyə Nazirliyi məlumat yayıb. Yeni qərarla virusun sürətlə yayıldığı əsas gətirilərək vətəndaşların tibbi maskadan istifadəsi məcburi hesab olunub. Qeyd edək ki, Ümumdünya Səhiyyə Təşkilatı sözü gedən ölümcül virusun müalicəsinin olmadığını açıqlayıb. Qurumun bir müddət əvvəl yaydığı rəsmi açıqlamada onun dünyada sürətlə yayılma riskinin olduğu qeyd edilib.