Mayın 11-i saat 17:00-dan başlayaraq Ermənistan silahlı qüvvələrinin bölmələri Basarkeçər rayonunun Zod istiqamətində yerləşən atəş mövqelərindən Azərbaycan Ordusunun şərti sərhəddin bu istiqamətdəki mövqelərini D-30 toplarından istifadə etməklə atəşə tutur. Sozcu.az xəbər verir ki, bu barədə Müdafiə Nazirliyi məlumat yayıb. "Ordumuzun bölmələri tərəfindən adekvat cavab tədbirləri görülür",- MN-dən bildirilib.

Xəbər verdiyimiz kimi, Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Orxan Elxan oğlu Novruzəlizadə şəhid olub. Sozcu.az xəbər verir ki, şəhidimizin atası Elxan Novruzəliyev Baku TV-yə danışıb. Bildirib ki, oğlu bu gün evə gələcəkdi.

Türkiyədə 14 mayda keçiriləcək prezident seçkilərinə 2 gün qalmış Məmləkət Partiyasının sədri Məhərrəm İncə namizədliyini geri çəkmək qərarı verib. Sozcu.az xəbər verir ki, bu barədə Axar.az-a türkiyəli jurnalist Həsən Barın məlumat verib. Onun sözlərinə görə, yerli vaxtla saat 14:00-da mətbuat konfransı keçərəcəyini elan edən Məhərrəm İncə tərəfdarlarını “Altılı masa”nın vahid namizədi, CHP lideri Kamal Kılıçdaroğluna səs verməyə çağıracaq. “Məhərrəm İncənin namizədlikdən geri çəkilmə səbəbi kimi səhhətindəki vəziyyətini göstərəcəyi ehtimal olunur”, - H.Barın bildirib. Qeyd edək ki, ötən gün Məhərrəm İncənin səhhətində yaranan problem səbəbindən görüşlərinin təxirə salındığı açıqlanmışdı. Onun hətta infarkt riskinə qarşı müalicəyə başladığı bildirilirdi.

Ötən il Brüsseldə Avropa İttifaqı (Aİ) Şurasının Prezidenti Şarl Mişelin vasitəçiliyi ilə Azərbaycan Respublikasının Prezidenti İlham Əliyev və Ermənistan Baş naziri Nikol Paşinyan arasında bir neçə görüş keçirilib. Dekabr ayında, məhz Ermənistan tərəfi Brüsseldə eyni formatlı görüşdə iştirakdan imtina edib, bununla da prosesə maneçilik törədilib. Sozcu.az xəbər verir ki, bu barədə Azərbaycan Xarici İşlər Nazirliyinin Mətbuat Xidməti İdarəsinin rəisi Ayxan Hacızadə deyib. O bildirib Azərbaycan tərəfi, ötən il baş tutmamış və Aİ Şurasının Prezidenti Şarl Mişelin təşəbbüsü və iştirakı ilə may ayında yenidən bərpa olunması planlaşdırılan Brüssel görüşünə razılıq verib. "Eyni zamanda, Kişinyovda Avropa Siyasi İcmasının növbəti iclası çərçivəsində Fransa Prezidenti və Almaniya Kanslerinin iştirakı ilə Azərbaycan və Ermənistan liderləri arasında görüş keçirilməsi təklif olunub. Azərbaycan tərəfi öz növbəsində, Brüssel formatını əvəz etməmək və bu formatı dəyişdirməmək şərtilə Kişinyovda qeyri-formal görüşdə Azərbaycan tərəfinin iştirakının mümkün olduğunu bildirib. Bununla yanaşı, sözügedən görüşün təfərrüatları barədə müfəssəl məlumat verilmədiyi nəzərə alınaraq, Kişinyov görüşündə iştiraka dair yekun razılıq hələlik mövcud deyil", - XİN-dən bildirilib.

Bu gün Ermənistanın təxribatı nəticəsində şəhid olan Azərbaycan Ordusunun hərbi qulluqçusu Novruzəlizadə Orxan Elxan oğlu əslən Ağstafa rayonundandır.  1988-ci il təvəllüdlü O.Novruzəlizadə Ağstafanın Vurğun qəsəbəsində anadan olub.  Yaxınlarının verdiyi məlumata görə, 35 yaşlı hərbçi subay olub. Onun 1 qardaşı, 2 bacısı var.  Qeyd edək ki, Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Novruzəlizadə Orxan Elxan oğlu şəhid olub. 

Ermənistan silahlı qüvvələri bölmələrinin qəsdən törətdiyi təxribat nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Novruzəlizadə Orxan Elxan oğlu şəhid olub.  Sozcu.az xəbər verir ki, bu haqda Azərbaycan Müdafiə Nazirliyi məlumat yayıb. Azərbaycan Ordusunun bölmələri tərəfindən qəti cavab tədbirləri görülür. Əməliyyat şəraiti bölmələrimizin nəzarəti altındadır. Müdafiə Nazirliyinin rəhbərliyi şəhid hərbi qulluqçumuzun yaxınlarına dərin hüznlə başsağlığı verir. Allah rəhmət eləsin!

“Sərhəddə baş verənlər birmənalı olaraq Moskva tərəfindən təşkil olunmuş təxribatlardır. Çünki 3 gündən sonra, mayın 14-də Brüsseldə keçiriləcək görüş ilə yanaşı ayın 19-da Ararat Mirzoyan ilə Ceyhun Bayramov arasındakı görüşü əngəlləmək üçün Rusiya sərhəddə belə təxribatlar törədir”. Bu sözləri Yenisabah.az-a açıqlamasında ehtiyatda olan polkovnik Üzeyir Cəfərov deyib. O, bu gün səhər saatlarından başlayaraq, Ermənistan ordusunun Kəlbəcər-Basarkeçər istiqamətində dövlət sərhədi boyunca atəşkəsi pozması faktına münasibət bildirib. Polkovnikə görə, Ermənistanın hərbi-siyasi rəhbərliyi deyir ki, onlar bu təxribatların marağında deyil: “Onda sual olunur ki, əgər Ermənistan ordusuna kənardan təsir göstərilmə imkanı varsa, onda bunun adı nədir? Bu təxribatın sırf Moskva tərəfindən törədilməsinə əminəm. Ona görə ki, dünən Rusiya Xarici İşlər Nazirliyinin rəsmisi də görüşlə bağlı danışdı. Aydın məsələdir ki, Brüssel görüşündən əvvəl Kremlin “canfəşanlıq” etməsi, o cümlədən Qarabağdakı rus sülhməramlılarının komandanı general-polkovnik Aleksandr Lenstovun Bakıdan əliboş getməsi, eləcə də İlham Əliyevin Moskvadakı paradda iştirak etməməsi, habelə digər faktorlar Rusiyanı bu təxribatı törətməyə sövq etdirdi. Buna zərrə qədər şübhə etmirəm”. Ü. Cəfərov əmin edib ki, Nikol Paşinyanı gülünc vəziyyətə salmaq üçün Ermənistanın Moskvadakı ağaları bu təxribatı ona görə təşkil etdilər ki, erməni general Yuri Xaçaturovun oğlu Qriqori Xaçaturovun oğluna məhkəmə tərəfindən bəraət verildi: “Hansı ki, Xaçaturov da birbaşa Moskvaya bağlı olan şəxsdir. Ruslar həm Paşinyanı növbəti dəfə çıxılmaz vəziyyətə salmaq, həm Brüssel danışıqlarının baş tutmaması, həm də Moskva görüşünün reallaşdırılması üçün təşkil olunmuş təxribatdır”. “Təəssüflər olsun ki, hərbi qulluqçumuzun vəziyyəti çox kritikdir, başından ağır güllə yarası alıb. Ermənistan da artıq etiraf edir ki, itkiləri var və 3 nəfər yaralanıb. Mən kamikadze dronlarının olması məsələsinə inanmıram, çünki belə olsaydı, Azərbaycan Müdafiə Nazirliyi bu barədə məlumat yayardı. Amma ermənilər ağır silahlardan, minaatanlardan, pulemyotlardan istifadə edir. Ola bilsin ki, artilleriya zərbələri də var. Yaxın saatlarda biz vəziyyətlə bağlı dəqiq məlumat əldə edəndən sonra nə isə deyə bilərik”, – müsahibimiz fikirlərini tamamlayıb.

Bakının 8 Noyabr prospekrində yol çöküb. Sozcu.az xəbər verir ki, bu barədə jurnalist İbrahim Kamiloğlu məlumat yayıb. Yolun hansı səbəbdən çökməsi barədə məlumat verilmir.

Basarkeçər rayonunun Zod istiqamətində əlavə canlı qüvvə və döyüş texnikası cəmləşdirən Ermənistan silahlı qüvvələri bölmələrinin aktivliyi tərəfimizdən müşahidə edilir. Bu barədə Sozcu.az-a Müdafiə Nazirliyindən məlumat verilib. "Bununla qarşı tərəf növbəti təxribata zəmin yaratmağa cəhd göstərir. Bir daha bildiririk ki, bölgədə yaranmış gərginliyə görə bütün məsuliyyət məhz Ermənistanın hərbi-siyasi rəhbərliyinin üzərinə düşür".

Ermənistan silahlı qüvvələrinin bölmələrinin Zod istiqamətində törətdiyi təxribata cavab olaraq Ordumuzun gördüyü tədbirlər nəticəsində erməni ordusunun itkiləri artıb. Sozcu.az xəbər verir ki, bu barədə Ermənistan MN açıqlama yayıb. Bildirilib ki, saat 10:25-ə olan məlumata görə, yaralıların sayı 4-ə qalxıb. Qeyd edək ki, mayın 10-u axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib. Ordumuz cavab tədbirləri görür.

Ermənistanın təxribatı nəticəsində hərbçimiz ağır yaralandı Mayın 10-u axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib. Sozcu.az xəbər verir ki, bu barədə Müdafiə Nazirliyi məlumat yayıb. Bildirilib ki, qarşı tərəfin hədəfli atəşi nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Mahmudlu Müslüm Vidadi oğlu başından ağır yaralanıb. Yaralı hərbi qulluqçumuz dərhal hərbi tibb müəssisəsinə çatdırılıb. Ermənistan tərəfinə təxribatlarına son qoyulması və qəsdən vəziyyətin gərginləşdirməməsi barədə xəbərdarlıq edilməsinə baxmayaraq növbəti dəfə atəşkəsi pozub. Təxribat törədilən istiqamətdə Azərbaycan Ordusunun bölmələri tərəfindən zəruri cavab tədbirləri görülüb. Qəsdən törədilən bu təxribata görə bütün məsuliyyət Ermənistanın hərbi-siyasi rəhbərliyinin üzərinə düşür.

Xəbər verdiyimiz kimi, dünən axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib. Qarşı tərəfin hədəfli atəşi nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Mahmudlu Müslüm Vidadi oğlu başından ağır yaralanıb. Daha sonra bildirilib ki, Ermənistan ordusu Azərbaycan mövqelərini minaatanlardan atəşə tutur. Azərbaycan Ordusunun bölmələri tərəfindən zəruri cavab tədbirləri görülür. Sozcu.az xəbər verir ki, Ermənistan Müdafiə Nazirliyi təxribata cəhd edərkən yaralanan erməni hərbçilərin sayını açıqlayıb. Qeyd olunur ki, Azərbaycan ordusunun cavab tədbirləri nəticəsində Ermənistan ordusunun üç hərbi qulluqçusu yaralanıb. Erməni KİV-lərində yaralıların daha çox olduğu bildirilir.modern

Ukrayna hərbçilərinin Donetsk vilayətində Baxmut yaxınlığında irəliləməsi hələlik əks-hücum deyil, lakin bu, yaxşı irəliləyişdir. Sozcu.az xəbər verir ki, bunu ukraynalı hərbi eksperti İvan Stupak bildirib. “Onlar ikinci raundda yenidən başladılar, çünki ötən il olduğu kimi, mayın 9-na kimi müddət var idi. Digər ərazilərlə bağlı tarixləri müəyyən etmək üçün sadəcə olaraq keçənilki məlumatlarla tanış olmaq lazımdır. Baxmayaraq ki, bu il əməliyyatın miqyası əvvəl olduğundan daha kiçikdir", - ekspert vurğulayıb. Ekspertin fikrincə, Ukrayna qoşunlarının irəliləyişinin yaxşı perspektivi var: "Bu kiçik bir irəliləyişdir, bu hələ əks-hücum deyil, lakin perspektiv artıq kifayət qədər yaxşı və çox maraqlıdır. 3 kilometr enində 2,5 kilometr dərinliyə getmək çox yaxşı irəliləyişdir. Bir neçə gün ərzində Ukrayna Silahlı Qüvvələri şəhərin böyük, ciddi hissəsini geri aldı".

Mayın 11-i səhər saatlarından etibarən Ermənistan silahlı qüvvələri vəziyyəti daha da gərginləşdirərək Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini minaatanlardan atəşə tutur. Bu barədə Sozcu.az-a Müdafiə Nazirliyindən məlumat verilib. Bildirilib ki, Azərbaycan Ordusunun bölmələri tərəfindən zəruri cavab tədbirləri görülür.

Mayın 10-u axşam saatlarında Ermənistan silahlı qüvvələrinin bölmələri Basarkeçər rayonunun Zod istiqamətində yerləşən mövqelərindən Azərbaycan Ordusunun üzbəüz mövqelərini müxtəlif növ atıcı silahlardan intensiv atəşə tutmaqla qəsdən təxribat törədib. Bu barədə Sozcu.az-a Müdafiə Nazirliyindən məlumat verilib. Bildirilib ki, qarşı tərəfin hədəfli atəşi nəticəsində Azərbaycan Ordusunun müddətdən artıq həqiqi hərbi xidmət hərbi qulluqçusu Mahmudlu Müslüm Vidadi oğlu başından ağır yaralanıb. Yaralı hərbi qulluqçumuz dərhal hərbi tibb müəssisəsinə çatdırılıb. Ermənistan tərəfinə təxribatlarına son qoyulması və qəsdən vəziyyətin gərginləşdirməməsi barədə xəbərdarlıq edilməsinə baxmayaraq növbəti dəfə atəşkəsi pozub. Təxribat törədilən istiqamətdə Azərbaycan Ordusunun bölmələri tərəfindən zəruri cavab tədbirləri görülüb. Qəsdən törədilən bu təxribata görə bütün məsuliyyət Ermənistanın hərbi-siyasi rəhbərliyinin üzərinə düşür.

Ədliyyə Nazirliyi Penitensiar xidmətinin əməliyyat aparatının həyata keçirdiyi əməliyyat-axtarış tədbirləri nəticəsində 3 saylı İstintaq təcridxanasına və 1 saylı cəzaçəkmə müəssisəsinə narkotik və psixotrop maddələrin keçirilməsi cəhdinin qarşısı alınıb. Sozcu.az xəbər verir ki, bu barədə Penitensiar xidmətdən məlumat yayıb. Bildirilib ki, Cinayət Məcəlləsinin 29,120.2.2; 221.1; 228.5 və 66.3-cü maddələri ilə təqsirli bilinərək 14 il 1 ay müddətinə azadlıqdan məhrum edilmiş və 1 saylı cəzaçəkmə müəssisəsində cəza çəkən məhkum Hüseyn Nizami oğlu Quliyevə tanışı Şahin Qəhrəman oğlu Bədəlov tərəfindən gətirilmiş sovqata baxış keçirilən zaman orada olan ayaqqabının daban hissəsində xüsusi üsulla gizlədilmiş 6 ədəd sellofan bükülüdə ümumi çəkisi 1,815 qram olan narkotik maddə - heroin və ümumi çəkisi 0,152 qram olan psixotrop maddə - metamfetamin aşkar olunub. Cinayət Məcəlləsinin 177.2.1; və 177.2.3-cü maddələri ilə təqsirli bilinərək həbs edilmiş şəxs Namiq Əli oğlu Zülfüqarov 3 saylı İstintaq təcridxanasına qəbul edilərkən onun üzərinə baxış keçirilən zaman corabının içində gizlətdiyi 1 ədəd kağız bükülüdə ümumi çəkisi 0,211 qram olan narkotik maddə - marixuana və ümumi çəkisi 0,3 qram olan Preqabalin dərman həbi aşkar olunub. Hər iki faktla bağlı araşdırma aparılır.

Gürcüstan Prezidenti Salome Zurabişvili Ukraynadakı vəziyyətlə əlaqədar Rusiya Prezidenti Vladimir Putinin viza rejimini ləğv etməsinə dair qərarını qəbuledilməz adlandırıb. Bu barədə Gürcüstan Prezidentinin Mətbuat Xidməti məlumat yayıb. Qeyd edək ki, Vladimir Putin Rusiya ilə Gürcüstan arasında viza rejiminin ləğvinə dair sərəncam imzalayıb. Sərəncama əsasən, mayın 15-dən Gürcüstan vətəndaşları üçün viza rejimi ləğv olunur. Bundan sonra Gürcüstan vətəndaşları 90 gün Rusiyaya vizasız səyahət edə biləcək.

Pakistan məhkəməsi keçmiş Baş nazir İmran Xan haqqında həbs qərarı verib. Sozcu.az bildirir ki, bu barədə AFP agentliyi Xanın vəkillərinə istinadən məlumat yayıb. Sabiq hökumət rəhbəri rüşvətxorluq işinə görə 8 sutka həbs olunub. Qeyd edək ki, İmran Xanın dünən keçirilən məhkəməsindən sonra onun tərəfarları ilə polis arasında toqquşma yaşanıb. Yüzlərlə şəxsin həbs edildiyi bildirilir.

Ali məktəblərə qəbul planı ilbəil artırılır. 2022-2023-cü ildə bu rəqəm 60 minə çatdırılıb. şübhəsiz, hər bir valideyn də övladını tələbə görmək istəyir. Təxmini hesablamalara görə, azərbaycanlılar repetitor fəaliyyətinə ildə 200 milyon manatdan çox vəsait sərf edir. Özlüyündə kiçik olmayan bu rəqəmin arxasında duran yeganə məqsəd abituriyentin qəbul imtahanında zəruri balı toplamasıdır. Azərbaycanlıların uşaqlarına ali təhsil vermək həvəsi sovet dövründən qalmaq ənənədir, yoxsa bu, yeni meyldir? Niyə hamı övladının diplomlu olmasını istəyir? Yenisabah.az-a açıqlamasında tanınmış yazıçı Seyran Səxavət deyib ki, diplomlu olmaq hələ hər şeyi həll etmək demək deyil. Onun sözlərinə görə, bu, sovet dövründən, hətta ondan da o tərəfə qalan bir ənənədir. Yazıçının fikrincə, hamı diplom almaq, oxumuş adam kimi görünmək istəyir: “İntəhası bu tendensiya birtərəflidir. Sovet vaxtı bu, məqsədəuyğun idi. Bəs bu gün? Hamı ali savadlı olsa, bəs santexnik, tornaçı, fəhlə kim olacaq? Mən bu nikbinliyə heyran qaldım. Çünki bu gün ali savadlıların çoxu ya santexnik, ya döşəmə vuran, ya suvaqçı, ya da qaynaqçıdır. Ona görə də bundan qəti nigaran qalmaq lazım deyil. Belə bir misal var: “Sən ağa, mən ağa, inəkləri kim sağa?” Bir dəfə kimsə demişdi ki, dünyanın hər yerində pul verib adamı oxutdurub, ona təhsil və savad verirlər. Amma Azərbaycanda pul verirlər ki, bunu bisavad və şikəst et, təki diplomu olsun. Mirzə Ələkbər Sabir demişkən, biz belə canlarıq”. Yazıçı əlavə edib: “O ki qaldı müəllimə, repetitora xərclənən pullara, onun da bir obyektiv səbəbi var və bu da problemi doğurur. Bu gün məktəblərimizdə təhsil yoxdur. Bunu hamı deyir, mən də, 124 min peyğəmbər haqqı təhsil yoxdur. Çünki sovet təhsil sistemini darmadağın etdilər, yenisini isə yarada bilmədilər, mən bunun canlı şahidiyəm. Hamı bilir ki, Azərbaycanda sovet təhsil sistemi ilə oxuyub Nobel mükafatı alanlar olub. İndi isə nəinki mükafat, heç təhsil alan da yoxdur. Axı təhsili verən olmalıdır ki, onu alan da olsun”.

“Oğlum Hüseynin gəlişini səbirsizliklə gözləyirəm. Allah bizə səbir versin ki, övladlarımız əsirlikdən qayıdana qədər dözə bilək. Cənab Prezidentimiz İlham Əliyevdən, Mehriban xanım Əliyevadan övladlarımızı Vətənə qaytarmaqda kömək olmalarını xahiş edirik. Cənab İlham Əliyevə Prezident kimi yox, bir qardaşsız bacı kimi qardaşıma müraciət edirəm. Azərbaycan qadını kimi qardaşım İlham Əliyevdən xahiş edirəm ki, Hüseynlə Aqşini əzazil düşmənin, şərəfsiz ermənilərin əlində qoymasınlar. Biz bilmirik ki, hazırda uşaqlarımızla Ermənistanda necə rəftar edirlər, onları necə incidirlər. Acdırlar, toxdurlar, susuzdurlar, haraları yaralıdır? Onların yarası bizim ürəyimizin yarasıdır. Ombudsman Səbinə xanımdan məkutubumuza cavab gəlib. Aqşinin anası Dürdanə xanımla birgə uşaqlarımızın geri qaytarılmaları ilə bağlı müraciət etmişdik. Cavab gəlib ki, bu məsələ ilə məşğuldurlar. Hüseyn əsir düşdüyü gün bələdiyyə nümayəndəsi Mustafa müəllim bizə gəldi, yanında Abşeron Rayon İcra Hakimiyyətinin bir nəfər əməkdaşı da var idi. Qapıdan “Allah köməyiniz olsun” deyib, gediblər. Abşeronun icra başçısı mənə zəng edib deyib ki, gəlib sizə baş çəkəcəyik. İndiyə qədər yoxdur. Qapımızı açanlar ancaq bizim kimi kasıblar, şəhid anaları, qazilər, əlillər, qohum-əqrəbamızdır...” Bu sözləri Pravda.az-a müsahibəsində Ermənistanda əsirlikdə olan əsgər Hüseyn Axundovun anası Şəlalə Axundova deyib. O bildirib ki, Hüseynin döyülməsi ilə bağlı videoları gördüyü gündən bəri nə səbri, nə də yaşamağa həvəsi qalıb: “Onun döyülmə anını unuda bilmirəm, hər yerdə tez-tez qabağıma çıxır. Oğlumun çəkdiyi işgəncələri hiss edirəm. Bircə dua edirəm ki, yaşayım, balamın üzünü görüm, başqa heç nə. Sonuncu dəfə aprelin 4-ü danışmışıq. O, mənə həmişə “eşqim” deyirdi, hal-əhval tutdu. Dedi ki, ərizə verib MAXE olacağam. Bütün qonşular, müəllimlər şahiddir, Hüseyn əsgər gedəndə hamı ilə görüşüb demişdi ki, əsgərlikdən qayıtmayacağam, MAXE olacağam. Biz çox kasıb ailə olduğumuz üçün oğlum hərbidə qalıb işləmək istəyirdi. Deyirdi ki, yaxşı maaşım olsun, səni də yanıma aparacağam. Aprelin 7-də xəbər çıxdı ki, oğlum itkin düşüb. Hüseyndən məktub aldıq. Onun əl yazısını əzbər bilmirəm. Amma qızlarım, böyük oğlum da etiraz edirlər ki, bu, Hüseynin xətti deyil. Bizi çaşdıran yalnız bu söz oldu: “salam, ana, mənəm, Hüsü..." Biz ona “Hüsü” deyə müraciət edirik. Yəqin ki, kiməsə deyib onun yerinə yazıblar. Mən xəstə idim. Yazdığımız cavab məktubunu böyük oğlum apardı. Məktubda yazmışdı ki, “qardaş, mənəm, anam da yanımdadır, səni çox istəyirik, bütün Vətən səninlə Aqşinin yolunu gözləyir, hamı sizin üçün dualar edir, sağ salamat gəl...” Məktubun sonunda oğlum gülüş işarəsi qoydu ki, heç olmasa Hüseynin ürəyi bir az açılsın. Amma məktubumuza hələ də cavab gəlməyib. Allahın izni ilə məktuba cavab gəlməmiş, özü geri gələr. Ermənistan əsgərləri Azərbaycana əsir düşəndə televiziya kanallarımız susmur, onları çəkib tez-tez göstərirlər, Beynəlxalq Qırmızı Xaç Komitəsi ilə danışıqlar olur, dövlətimiz erməni əsirləri geri qaytarır. Cənab Prezidentimiz ürəyinin genişliyini göstərir, bütün əsirləri qaytarır... Bəs Ermənistan alçaqları niyə uşaqlarımızı qaytarmır? Hüseyn müharibə üçün, nə də kimisə öldürmək niyyəti ilə Ermənistan tərəfə keçməyib. Amma uşağıma nə qədər şər atırlar. Guya övladım kimisə öldürüb, terror edib. 13 ayın əsgəri gedib orada nə manevrlər edə bilər axı? Yazırlar ki, Axundov Hüseyn cinayət törədib. Uşaqlarımıza böhtan atırlar. Sistem köçürməklə məni ayaqda saxlayırlar. Yeyib-içmirəm. Bir ayın içində elə vəziyyətə düşmüşəm ki, görənlər məni tanımır. Balam orada acdır, necə mən burada ürəklə yemək yeyim? Artıq sistem köçürməkdən damarlarım dözmür. Ciyərim xəstədir, başımda şiş var, onkoloji xəstəyəm. Onsuz da nə qədər ömrüm qalıb, bilinmir. Balamın üzünü görmək istəyirəm”.

İlham Əliyevin bugünkü çıxışında səslənən bəzi fikirlərin aydınlaşdırması, tarixi faktlarla düzəliş edilməsi bu hadisələrdən xəbərsiz olanları məlumatlandırmaq baxımından çox vacibdir.  Azərbaycanın ən çox əraziləri (6 rayon) H. Əliyevin hakimiyyəti dövründə işğal edilib.  Ən çox sayda hərbi qulluqçumuz da həmin dövrdə şəhid olub.  Elçibəy hakimiyyəti dövründə Ermənistana yanacaq satılmayıb.  Əgər satılıbsa bu indi müxalifət liderləri sırasında olan şəxsər tərəfində edilməyib. Bu mümkünsüz idi, çünki bizim yanacaq sektoruna müdaxilə imkanımız olmayıb.  Yanacaq sektoru ilə əlaqəsi olanlar H. Əliyevin hakimiyyətə gəlməsində ən mühüm rol oynayan və ya sonralar birbaşa ya da dolayısı ilə indiki hakimiyyətin yanında olan şəxslər idi.  İlham Əliyevin o dövrdə Ermənistana yanacaq satılması barədə faktı varsa hökmən açıqlasın.  Bu cinayətin kim(lər)in tərəfindən törədilməsi, bu yolla əldə edilmiş vəsaitlərin hansı məqsədlərlə xərclənməsi barədə cəmiyyətin məlumatlandırılmasında ən maraqlı olan tərəf bizik. Arif Hacılı, Müsavat Partiyasının başqanı 

Maqnit qasırğası nədir? Sozcu.az bildirir ki, maqnit fırtınaları maqnitosferin kəskin təsirlərə və günəş küləyinin təzyiqinə reaksiyasıdır. Günəş alovları səbəbindən Yerin maqnit qalxanı titrəməyə və dalğalanmağa başlayır ki, bu da Yerin bütün sahəsinə və müvafiq olaraq insanlara təsir göstərir. Bu dalğalar bir neçə saatdan bir neçə günə qədər davam edir və onların intensivliyi rifahımıza və əhvalımıza birbaşa təsir göstərir. 2023-cü ilin may ayında bir güclü maqnit qasırğası və bir neçə zəif və orta gücdə dalğa gözlənilir. 23-25 ​​may - orta intensivlikli maqnit qasırğası 28 May - güclü maqnit qasırğası.

Ağdam rayonunun Ayaq Qərvənd kəndində ümumi sahəsi 930 m² olan birmərtəbəli kənd tam orta məktəb binasının sahəsi 32 m² olan sinif otağının yanar konstruksiyaları və içərisində olan əşyalar yanıb. Sozcu.az xəbər verir ki, bu barədə FHN-dən bildirilib. Məktəb binasının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.