Ermənistan Təhlükəsizlik Şurasının katibi Armen Qriqoryan rusiyalı həmkarı Nikolay Patruşevin dəvəti ilə Moskvaya səfər edəcək. Sozcu.az xəbər verir ki, bu barədə Ermənistan Təhlükəsizlik Şurasının mətbuat xidməti məlumat yayıb. Qeyd olunur ki, mayın 23-dən 25-dək Rusiyada təhlükəsizlik məsələlərini əlaqələndirən ali nümayəndələrin 11-ci beynəlxalq toplantısı keçiriləcək. Xatırladaq ki, mayın 25-də Rusiya paytaxtında Ermənistan, Rusiya və Azərbaycan liderlərinin görüşü də gözlənilir.

Ukrayna ordusu Baxmutdakı qüvvələrini Kupyansk və Krasnolimansk istiqamətinə göndərib. Sozcu.az xəbər verir ki, bunu Donbas separatçılarının nümayəndəsi Andrey Maroçko deyib. Maroçko eyni zamanda qeyd edib ki, Ukrayna hərbi komandanlığı Svatovo istiqamətinə ağır texnika və canlı qüvvə yığır. “Svatovo istiqamətində döyüşlər gedir, Ukrayna ordusu tərəfindən hücumlar qeydə alınır”, - Maroçko bildirib. “Dxr”in separatçı lideri Denis Puşilin isə bildirib ki, Ukrayna ordusu Marinka istiqamətinə ehtiyat qüvvə toplayır.

Mayın 22-də Azərbaycan Respublikasının Prezidenti İlham Əliyevin Litva Respublikasının Prezidenti Gitanas Nauseda ilə geniş tərkibdə görüşü başlayıb. Sozcu.az xəbər verir ki, bu barədə Prezidentin mətbuat xidməti məlumat yayıb.

Bütün reqionların inkişaf səviyyəsi onun yolundan bəlli olur. Yəni yol əslində inkişafın göstəricisidir! Kəlbəcərdə infrastrukturların yenidən bərpası və həyatın normal ahəngə düşməsi yoldan cox asılı olacaq. Ona görə ilk atılacaq addım ilin bütün fəsilləri işləyə biləcək bir yolun çəkilməsidir ki, o da Tərtər-Kəlbəcər arası köhnə çayqırağı yoldur. Şəhərin bərpası isə mütləq planlı şəkildə aparılmalıdır ki, həm turizm üçün cəlbedici olsun, həmdə yaşam asanlaşsın. Bu məsələdə inkişaf etmiş Avropa ölkələrinin ( məsələn İsveçrənin)şəhərsalma planlarından faydalanmaq olar. Əlbətdə ki, dövlət dəstəyi çox önəmlidir. Belə ki, istər şəhərdə istərsədə kəndlərdə evləri dağılmış vətəndaşlara , iş yerləri dağılmış sahibkarlara dəymiş zərər adil qaydada hesablanıb dövlət tərəfindən qarşılanmalı və onların bərpasına nəzarət olunmalıdır. Əks halda kəndlərin də dövlət tərəfindən bərpası həm çox vaxt alar, həm də xərci ikiqat artar. Bu dəymiş zərər beynəlxalq təşkilatların da dəstəyi ilə Ermənistan dövləti tərəfindən qarşılanması üçün lazımı sənədləşmə işləri aparılmalıdır!Şəhərdə dağıdılmış evlərin bərpasına xüsusi nəzarət olunmalı ki, şəhərin atxitekturasına zərər verilməsin. Dövlətə baglı infrastrukturlar isə( su,elektrik,qaz,kanalizasion) şəhərin bərpasından əvvəl bərpa olunmalıdır ki, sonrakı bərpa işləri vaxtı infrastrukturlara zərər dəyməsin .  İsti- Suyun planlı şəkildə yenidən bərpası da şəhərin bərpası qədər önəmlidir. Cünki qələcəkdə Kəlbəcərin iqtisadiyyatında turizm gəlirlərinin böyük payı olmalıdır. Bu istər istirahət zonalarinin yaradılmasında, istərsədə mineral suyun , təmiz və minerallarla zəngin içməli suyun qablaşdırma məsələsində də ciddiyə alınmalıdır. Respublikanın böyük şəhərlərini qablaşdırılmış içməli su ilə təmin etmək üçün böyük su hövzələri səmərəli istifadə edilməlidir.Təbii sərvətinə görə ən zəngın rayonlardan olan Kəlbəcərin qızıl yataqları, civə yatagı, qiymətli daşların işlənməsi və satışa çıxarılması cox gəlir qətirən sahələrə çevrilməlidir. Təbii ki, əsas gəlir mənbələrindən biri olan kənd təsərrüfatı da sistemli şəkildə inkisaf etdirilməlidir. Azərbaycanın 30-dan çox rayonu da əvvəllər Kəlbəcər yaylaqlarından yararlanırdı ki, bu da tək Kəlbəcərin yox respublikanın kənd təsərrüfatının inkişafında rol oynayırdı. Kəlbəcərin gələcək inkişafı üçün ali təhsil ocaqlarının ( xususilə kənd təsərrüfatı, turizm, istehsalat üzrə)açılması cox vacibdir.  Taxta düzü deyilən ərazimizdə qış olimpiadlarını keçirə bilmək üçün mükəmməl olimpiada mərkəzi yaradıla bilər ki, bu da iqtisadiyyatımıza önəmli gəlir gətirə bilər. Bizim o vaxt( 1992-ci il Milli hökümət zamanı) “Taxta düzü”hava limanı planımızda da İsti-Su turizmi ilə bərabər , qış olimpiadı da nəzərdə tutulurdu.  İqtisadiyyatı bəlli bir sahələrdən asılı vəziyyətə salmamaq, işsizliyin qarşısını almaq üçün xırda istehsalat müəssələrinin də ( Xalçaçılıq, tikiş fabrikləri, daş karxanaları, tibbdə cox faydaları olan bitkilərin toplanıb qablaşdırılması, kənd təsərrüfatı məhsullarının qablaşdırılması kimi) açılmasına cox ehtiyacımız olacaq. Kəlbəcərdə elə qiymətli daşlar çıxır ki, xaricdən baha qiymətə gətirilən üzlük daşlardan daha keyfiyyətlidir. Eyni zamanda arxitektur binaların tikintisi üçün çeşidli qara daşların ixracı da iqtisadiyystımıza bəlli bir qəlir gətirmək imkanındadır. Bunun üçün böyük istehsalat gücünə malik daş karxanasına da ehtiyac olacaq. Qızıl yataqlarının və civə yatagının da işlətməsi yerli şirkətlərə həvalə olunmalı ki,Kəlbəcər sakinlərinə həm əlavə iş yeri açılsın və əlbətdə ki, gəlirin də müəyyən bir hissəsi rayonun inkişafına sərf olunmalıdır. Bir sözlə torpagının altı və üstü təbii sərvətlərlə zəngin Kəlbəcər ərazisi düzgün iqtisadi planlama ilə idarə olunursa nəinki Kəlbəcərin iqtisadiyyatına, həmçinim respublika iqtisadiyyatına böyük töhvələr verər və Kəlbəcərlilərin də rifah səviyyəsi yüksələr.  Mənim Kəlbəcəri yaxından tanıyan biri kimi bu göstərdiyim tövsiyyə xarakterli yol xəritəsi, əslində dəyərli iqtisadçılarımız, sənaye və kənd təsərrüfatı mütəxəsislərimiz, turizm mütəxəsislərimiz ,arxitektorlarımız tərəfindən əlavələr və düzəlişlər də edilərək bir komplekt layihə halına gətirilərək dövlət layihələşdirmə və planlaşdırma idarəsinə verilərsə bir dövlət proqramı halına salınar. İlham Həsən, Kəlbəcərin keçmiş icra başçısı 

Güney Azərbaycan Televiziyasının (Günaz.TV) qurucusu və rəhbəri, Amerikada mühacir həyatı yaşayan güneyli milli fəal Əhməd Obalı və oğlu Dəniz ABŞ-da vəhşicəsinə döyülüb. Hadisə Əhməd Obalının Azərbaycandan dönüşündən 1 gün sonra baş verib.  Sozcu.az xəbər verir ki, Günaz.TV-nin Bakı ofisinin rəhbəri Araz Obalı faktı təsdiq edib. “Əhməd bəy Amerika Birləşmiş Ştatlarının Kaliforniya ştatında hoteldə sayı bilinməyən şəxslərin terror hücumuna məruz qalıb. Hazırda durumu orta ağırdır. Hücum nəticəsində Əhməd Obalının bütün bədəni ciddi zədə alıb, özəlliklə boynu, sağ əlinin bütün barmaqları sındırılıb, gözləri ciddi zərbə alıb. Qollarını və ayaqlarını hiss etmir. İnşallah, ayağa qalxandan sonra hadisə ilə bağlı detallı bilgiləri özündən eşidəcəyik”, - A.Obalı qeyd edib. Araz Obalı bildirib ki, hadisə ilə bağlı araşdırma davam edir: “Polis hücumu həyata keçirənlərin həbs olunduğunu bildirib. Ancaq onların sayı məlum deyil”.musavat.com

ABŞ Krımı Ukraynanın ərazisi hesab edir, buna görə də Kiyevin Amerika silahları ilə yarımadaya hücum etməsinə etiraz etmir. Sozcu.az xəbər verir ki, bunu ABŞ-ın milli təhlükəsizlik müşaviri Ceyk Sullivan CNN telekanalına açıqlamasında bildirib. “Bəli, biz Ukraynanın beynəlxalq səviyyədə tanınmış sərhədləri daxilindəki ərazilərə zərbə endirməsi üçün heç bir məhdudiyyət qoymamışıq. Biz Ukraynanın Rusiyaya zərbə endirmək üçün Amerika və Qərb silahlarından istifadə etməsinə icazə verməyəcəyimizi söylədik. Biz isə inanırıq ki, Krım Ukraynadır”, - deyə Sallivan bildirib. Qeyd edək ki, bundan əvvəl Ukrayna da Krımdakı rus mövqelərinə zərbə endirmək üçün Qərb silahlarından istifadə etmək hüququnun olduğunu açıqlayıb.

Ukrayna Müdafiə Qüvvələri Donetsk vilayətinin Baxmut yaxınlığındakı cinahlarda hücum əməliyyatlarını davam etdirir. Sozcu.az xəbər verir ki, bunu Ukrayna Silahlı Qüvvələrinin Quru Qoşunlarının komandanı, general-polkovnik Aleksandr Sırski Baxmut istiqamətinə səfərindən sonra deyib. "Cəbhədə olan əsgər və komandirlərimizi ziyarət etdim. Müdafiə əməliyyatı davam edir. Hazırda şəhərin ətrafına nəzarət etməyimizə baxmayaraq, onun müdafiəsinin əhəmiyyəti mənasını itirmir. Gələcəkdə bu, bizə əməliyyat vəziyyətində dəyişiklik olduqda şəhərə daxil olmaq imkanı verəcək", - o bildirib. Qeyd edək ki, ötən gün Rusiya MN Baxmutun tam işğal olunduğunu açıqlayıb.

Ukrayna ordusu rus ordusunun Berdyansk şəhərində yerləşən qərargahını məhv edib. Sozcu.az xəbər verir ki, bu barədə Ukrayna Silahlı Qüvvələrindən məlumat verilib. “Düşmənin itkisi dəqiqləşdirilir”, - məlumatda qeyd olununb. Berdyanska Britaniyanın “Storm Shadow” raketlərinin atıldığı bildirilir.

Qlobal təhlükəsizliyə ən böyük təhdid Çindir. Sozcu.az xəbər verir ki, bunu Böyük Britaniyanın Baş naziri Rişi Sunak G7 sammitində çıxışında deyib. G7 Çinə münasibətdə məqsəd birliyini nümayiş etdirib. Çin əsrimizin qlobal təhlükəsizlik və rifah üçün ən böyük çağırışını təmsil edir”, - Sunak bildirib.

"Biz kimlərəsə qarşı düşmənçilik etmirik, bizə qarşı elan edilməyən müharibəyə cavab verməyə məcburuq..." "Ukraynanın işğal edilməsi bizim planlarımıza daxil deyil..." Moskva öz təşəbbüsü ilə düşmənçilik etmir, indiki şəraitdə elan edilməyən müharibəyə cavab verməyə məcburdur.  Sozcu.az xəbər verir ki, bu paradoksal ifadəni Rusiya xarici və müdafiə siyasəti üzrə Şuranın XXXI assambleyasının iclasında Rusiyanın xarici işlər naziri Sergey Lavrov əminliklə ifadə edib. Məlumatı "RİA Novosti" agentliyi yayıb. "Bizim müttəfiqlərimiz az deyil, bizimlə həmrəy olanlar da az deyil, - Lavrov deyib. - Burada çox yaxşı anlamaq lazımdır ki, biz kiməsə qarşı düşmənçilik etmirik". Bundan sonra Lavrov tam ciddi olaraq Rusiya qoşunlarının Ukrayna ərazisinə tammiqyaslı hərbi müdaxiləsi, onun ərazisinin bir hissəsinin ilhaqı və Ukraynanın dinc şəhər və kəndlərinin hər gün atəşə tutulmasının məsuliyyətini hansısa kollektiv düşmənin üzərinə qoyub. "Biz bizə qarşı elan edilməyən müharibəyə qətiyyətlə, prinsipiallıqla və ardıcıllıqla cavab vermək məcburiyyətindəyik", - nazir vurğulayıb. "Bu düşmənçilik barrikadaların digər tərəfindən gəlir. Bu barrikadalar öz ağlı və öz xalqının maraqları naminə yaşayanlarla başqasının hesabına yaşayanlar arasından keçir", - nazir iddia edib. Məlum olduğu kimi, 24 fevral 2022-ci ildə Rusiya prezidenti Vladimir Putin müraciətlə çıxış edərək Donbasda üzdəniraq "xüsusi hərbi əməliyat"ın başlanmasını elan edib.  Rusiya lideri qeyd edib ki, "Rusiya Ukrayna ərazisindən qaynaqlanan daimi təhlükə ilə mövcud ola bilməz". "Rusiya hakimiyyəti üçün öz insanlarını qorumaq məqsədilə bu gün istifadə etdiyimiz imkandan başqa heç bir imkan saxlanılmayıb. Ukraynanın işğal edilməsi bizim planlarımıza daxil deyil", - Putin o zaman bəyan edib

Ukrayna müharibənin 452-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 203 160 hərbçi, 3783 ədəd tank, 7398 ədəd zirehli döyüş maşını, 3258 ədəd artilleriya sistemi, 564 ədəd RYAS (reaktiv yaylım atəş sistemi), 327 hava hücumundan müdafiə sistemi, 308 ədəd hərbi təyyarə, 294 ədəd helikopter, 6115 ədəd avtomobil texnikası, 2822 ədəd PUA, 1011 qanadlı raket, 18 gəmi/qayıq, 425 xüsusi avadanlıq itirib.

ATA İttifaqının namizədi Sinan Oğan hansı namizədi dəstəkləyəcəklərini 22 mayda açıqlayacaqlarını bildirib. Sozcu.az Türkiyə mətbuatına istinadən xəbər verir ki, bunu türkiyəli aparıcı Fateh Altaylı deyib. “Az öncə Sinan Oğanla görüşdük. “İki liderlə də görüşdük. Hələ qərar verməmişik. Qərarımızı bazar ertəsi açıqlayacağıq”, cavabını verdi”, - Altaylı bildirib.

ABŞ Ukraynaya 375 milyon dollar dəyərində yeni hərbi yardım paketi ayırıb. Sozcu.az xəbər verir ki, bu barədə Pentaqon məlumat yayıb. Yeni yardım paketinə HİMARS-lar üçün əlavə sursatlar, 105 və 155 mm-lik artilleriya sursatları, TOW raketləri, “Javelin” və AT-4 tank əleyhinə komplekslər, lazerlə idarə olunan raket sistemləri üçün sursatlar, zirehli körpü sistemləri, zirehli sanitar maşınları və digər texnikalar daxildir.

Ukrayna Prezidenti Vladimir Zelenski Xirosimada keçirilən G7 sammiti çərçivəsində ABŞ Prezidenti Co Baydenlə görüşüb. Sozcu.az xəbər verir ki, bu barədə CNN məlumat yayıb.

Ukrayna Prezidenti Volodimir Zelenski Yaponiyanın Hirosima şəhərində “Böyük yeddilik” (“G7”) ölkələrinin sammiti çərçivəsində Avropa İttifaqı Şurasının Prezidenti Şarl Mişellə görüşüb. Sozcu.az xəbər verir ki, bunu Ş.Mişel tviterdə yazıb. “Ukrayna məğlubedilməzdir. Bizim dəstəyimiz və dostluğumuz sarsılmazdır”, – o bildirib. Qeyd edək ki, V.Zelenski “Böyük yeddilik” ölkələrinin sammitinə qatılmaq üçün Yaponiyada səfərdədir. Xatırladaq ki, “G7” Böyük Britaniya, Almaniya, İtaliya, Kanada, Fransa, Yaponiya və ABŞ-ı birləşdirən qeyri-rəsmi beynəlxalq klubdur.

Suraxanı rayonu, Ramana qəsəbəsindəki Samir Əliyev küçəsinin sakinləri susuzluqdan əziyyət çəkirlər. Vətəndaşların bildirdiyinə görə, su həftədə 2 dəfə və saatla verilsə də, məhz təzyiq aşağı olduğundan ehtiyat çənlərini doldura bilmirlər. “Su verilsə belə, təzyiqi olmur. Əlavə olaraq su motoru istifadə edirik. Su motoru da ayda 10 manat işıq pulu yazır”, - deyə sakin qeyd edib. Ətraflı Baku TV-nin videosunu təqdim edirik:

Azərbaycanda daşınmaz əmlakın sığortalanması üçün qurulan yeni elektron sistem yaxın gələcəkdə işə düşəcək. Artıq daşınmaz əmlakın icbari sığortası ilə bağlı vətəndaşlara xəbərdarlıq edilməyə başlanılıb. Bu məqsədlə mənzillərə bildirişlər göndərilir. Evini sığorta etdirməyən vətəndaşların isə cərimələnəcəyi bildirilir. Yeni elektron sistemin işə düşməsindən sonra sığortasız evlər avtomatik cərimələnəcək. Bəs çıxarışı olmayan mənzillərin aqibəti necə olacaq və ümumiyyətlə bu sahədə hər hansı işlər görülür? Sozcu.az xəbər verir ki, bu barədə əmlak məsələləri üzrə ekspert Elnur Azadov Referans.az-a açıqlamasında bildirib ki, Həmin evlər qeydiyyatda olmadığına görə, qanunsuz tikili hesab olunur və sığortalanması mümkün deyil: "Bilidiyimiz kimi hazırda sığortaya cəlb olunan yalnız çıxarışı olan mənzil və əmlaklardır. Əmlakın çıxarışı olmadığı halda təbii ki, bunun mülkiyyətinin kimin üzərində olduğu bilinmir. Bu məsələ də mübahisə predmeti olduğu üçün sığorta şirkətləri bu riskə girmək istəmir, özlərini bu məsələlərdən qoruyurlar. Buna görə də sığorta şirkətləri sadəcə çıxarışla təmin olunmuş əmlakların məsuliyyətini götürmək istəyir". Ekspertin sözlərinə görə, sığorta mövzusunun ciddi problem yaradacağı üçün artıq qanunsuz tikililərin bir portaldan qeydiyyatdan keçə biləcəyi bir layihə hazırlanır: "Əslində sığorta məsləsinin qaldırılması çıxarışı, yəni sənədi olmayan evlərə qarşı tədbirlərin artmasına yaxşı təsir etdi. Bu məsələ geniş müzakirə mövzusuna çevriləcəyinə görə, artıq Ədliyyə Nazirliyi və Əmlak Məsələləri Dövlət Xidmətinin birgə idea layihəsi hazırlanır. Bu, qanunsuz tikililərin bir portaldan qeydiyyatdan keçməsi və qanuna uyğunlaşdırılması ilə bağlı bir prosesdir. Artıq bu barədə tədbirlər görülməyə başlayıb. Layihə reallaşdırıldıqdan sonra 500 mindən çox müxtəlif təyinatlı yaşayış obyektləri və fərdi evlər bu yenilikdən yararlanacaq. Bundan sonra artıq qanunsuz tikililər sənədləşdiriləcək və onların sığortaya cəlb olunmasına başlanılacaq. Birgə proyekt yekunlaşdıqdan sonra bir portal olacaq və bu portal sayəsində bütün əmlakları qeydiyyatdan keçirmək mümkün olacaq. Bu da sığorta sektorunun inkişafına çox ciddi təkan verəcək. Bununla bağlı əslində 2019-cu ildə proses başlamışdı, lakin pandemiya məsələsinin aktuallaşması ilə proses dayandırıldı. Artıq yenidən bu sahədə ciddi tədbirlər görülməyə başlayıb. Portal hazırlandığıdan sonra yerli icra hakimiyyətlərinə bildiriləcək, onlar da sənədi olmayan evdə yaşayanlara məlumat verəcək. Prosesin bu ilin sonuna qədər yekunlaşdırılması nəzərdə tutulur".

Fövqəladə Hallar Nazirliyinin Kadr siyasəti Baş idarəsinin rəisi, general-mayor Sevda Şirinovanın rəhbərlik etdiyi qurumun sabiq vəzifəli əməkdaşı həbs edilib. Sozcu.az Qaynarinfo-ya istinadən xəbər verir ki, Fövqəladə Hallar Nazirliyinin Kadr siyasəti baş idarəsinin Kadr təminatı idarəsinin Xüsusi rütbəli vəzifələrə qəbul şöbəsinin sabiq baş zabiti, təqaüddə olan Qəzənfər (soyadını dəqiqləşdirə bilmədik) adlı şəxs Cinayət Məcəlləsinin 178.2.2, 178.2.3 və 178.2.4-cü maddəsində nəzərdə tutulmuş cinayət əməlini törətməkdə təqsirli bilinib və ona 2 il müddətinə azadlıqdan məhrum etmə cəzası təyin edilib. 1975-ci il təvəllüdlü Qəzənfər vəzifəsində olarkən öz qulluq mövqeyindən istifadə etməklə özgənin əmlakını etibardan sui-istifadə etmə və aldatma yolu ilə ələ keçirmək məqsədilə FHN əməkdaşıarının külli miqdarda vəsaitini mənimsədiyi üçün həbs olunub. Ümumilikdə Qəzənfərin əməllərindən 20-dən çox FHN əməkdaşı zərər çəkib. Təqsirləndirilən şəxs məhkəmə iclasında ifadə verməkdən imtina etsə də, törədilmiş əməldə özünü qismən təqsirli bilərək, peşman olduğunu bildirib. O ibtidai istintaq zamanı verdiyi ifadəsində göstərib ki, 1992-1997-ci illər ərzində Prezdent yanında İdarəçilik Akademiyasının sosial idaəretmə və sosiolgiya fakültəsində təhsil alıb. 1999-cu il tarixdən yanğından mühafizə xidməti üzrə müxtəlif vəzifələrdə çalışıb, 2012-ci il tarixdə FHN-nin Kadr siyasəti baş idarəsinin Kadr təminatı idarəsinin Xüsusi rütbəli vəzifələrə qəbul şöbəsinin baş zabiti vəzifəsinə təyin edilib. Həmin vəzifə üzrə fəaliyyəti FHN-nin kadr məsələləri üzrə xüsusi rütbəli əməkdaşları ilə bağlı işə qəbul, işdən xaric, xususi rütbələrin verilməsi, cəza, mükafatlandırılma və digər məsələlərlə bağlı əmrləri icra etmək, müvafiq şəxslər üzrə şəxsi işlərə qeydiyyat aparmaqdan ibarət olub. 2019-cu ilin mart ayının 4-də işdən xaric edilib və həmin tarixdən də ona təqaüd təyin olunub. Qəzənfər sözügedən vəzifədə çalışarkən 2017-ci ildən sahibkar kimi də fəaliyyət göstərib. Həmin işlə yanaşı başqa sahibkarlıq fəaliyyəti ilə məşğul olmaq istəyib, buna görə parfümeriya və tütün məmulatlarının satışı ilə məşğul olub. O, FHN-nin Qardağ rayonu üzrə Yanğından Mühafizə idarəsinin rəisi, polkovnik Elçin Ələkbərovdan qara metal alveri ilə məşğul olmaq üçün 82000 manat borc da alıb. Lakin sonradan iflas olduğu üçün rəisin borcunu da qaytara bilməyib. Buna görə o, Kadrlar idarəsində işləməsini əsas gətirərək təqaüddə olan və hazırda xidmət edən FHN-nin əməkdaşlarına pensiya məbləğinin artırılması, nazirlikdə işləyən və ev növbəsində olan əməkdaşlara Bakı şəhəri, Suraxanı rayonu ərazisində inşa edilən xidməti evlərin verilməsi və həmin əməkdaşların qohumlarını işə düzəlmək adı ilə aldadaraq, pullarını ələ keçirməyi planlaşdırıb və icra edib. Nəticədə 2022-ci ilin yanvar ayında törədiyi cinayət əməlinin üstü açıldıqdan sonra saxlanılıb.

Aprelin 1-nə Azərbaycanda 1 milyon 101,9 min əmək pensiyaçısı var ki, bu da ölkənin müstəqillik əldə etdiyi vaxtdan bəri bütün otuz il ərzində ən aşağı göstəricidir. 2023-cü il aprelin 1-i vəziyyətinə Dövlət Sosial Müdafiə Fondunda 1101,9 min nəfər pensiyaçı  qeydiyyatda olub ki, bu da ölkə əhalisinin 10,9 faizini təşkil edir. Onların 63,5 faizi yaşa, 23,7 faizi əlilliyə, 12,8 faizi isə ailə başçısını itirməyə görə pensiya alır. Sozcu.az xəbər verir ki, bu barədə Dövlət Statistika Komitəsi Dövlət Sosial Müdafiə Fonduna istinadən xəbər verir. Təkcə bu ilin birinci rübündə 12,3 min nəfər pensiyaçı statusunu itirib. 2022-ci ildə Azərbaycanda pensiyaçıların sayı 86,3 min nəfər azalıb. Bu ilin birinci rübündə Azərbaycanda əmək pensiyalarının orta məbləği ayda 432,3 manat (253,3 ABŞ dolları) təşkil edib ki, bu da ilin əvvəli ilə müqayisədə 16,2% çoxdur. DSK-nın məlumatına görə, bu, ölkə üzrə orta aylıq əmək haqqının 48,%-i qədərdir. 1991-ci ildə Azərbaycanda 1 milyon 127 min pensiyaçı var idi. 2006-cı ildə onların sayı maksimuma çatıb – 1 398 839 nəfər. 2020-ci ilin sonuna 1 milyon 270,5 min nəfər əmək pensiyası alıb.//Turan.az

G7 ölkələri Çini qoşunlarını Ukrayna ərazisindən çıxarmaq üçün Rusiyaya təzyiq göstərməyə çağırıb. Sozcu.az xəbər verir ki, bu barədə G7 ölkələrinin bəyanatında qeyd olunub. “Biz Çini Rusiyaya hərbi təcavüzünü dayandırması və qoşunlarını dərhal, tamamilə və qeyd-şərtsiz Ukraynadan çıxarması üçün ona təzyiq göstərməyə çağırırıq”, - bəyanatda bildirilib.

Son günlər Qarabağda Rusiyanın himayəsinə sığınmış hayk separatçılarının “elitası” arasında daxili siyasi vəziyyət gərginləşib. Bir tərəfdən, Samvel Babayan və Ruben Vardanyan timsalında müxalifət qüvvələri fəallaşıb. Eyni zamanda, Babayan “dövlət naziri” təyin olunmasını tələb edir. Digər tərəfdən, separatçı “hökumət” daxilində də, qanunsuz parlamentdə də, anlaşma yoxdur.  Sozcu.az xəbər verir ki, bu haqda “Hraparak” məlumat yayıb. Xəbər verildiyi kimi, bu günlərdə Xankəndindəki oyuncaq “parlament”in sədri  bir tələb səsləndirib: “Arayik Arutyunyan ya istefa verib yeni seçkilərə gedir, ya da ölkədə etimad referendumu keçir”.  Xatırladılır ki, baş separatçı bir neçə gün əvvəl “siyasi məsləhətləşmələrə başlayacağını və müxalifət qüvvələrinin nümayəndələrinin, o cümlədən Samvel Babayan və Ruben Vardanyanın daxil olacağı yeni qurumun – “müdafiə komitəsi”nin formalaşdırılması barədə məlumat vermişdi. “Ancaq məsləhətləşmələr uğurlu alınmır, siyasi qüvvələr bir masa arxasında əyləşə bilmir və indiki hakimiyyət arasında hər hansı razılaşma yoxdur”.. “Dünən öyrəndik ki, Arayik Arutyunyan etimad referendumunun keçirilməsi təklifi üzərində dayanaraq qərar verib. Yaxın bir-iki ayda referendum təşkil olunacaq”- deyə erməni nəşri bildirir. Məlum olur ki,  həmin qondarma və qanunsuz “referendum”da  Qarabağdakı hayklar bir suala cavab verəcək: baş separatçı Arayikə  güvənir, yoxsa yox?” ...moderator

Instagram platformasının tərtibatçıları iyun ayında Twitter-ə bənzər mətn əsaslı tətbiqi işə salmağı planlaşdırırlar. Sozcu.az xəbər verir ki, bu barədə mənbələrə istinadən "Bloomberg" agentliyi məlumat yayıb. Məlumata əsasən, tətbiq hazırda tərtibatçılar tərəfindən sınaqdan keçirilir. Agentlik marketinq müəllimi Liya Habermana istinadən aydınlaşdırır ki, yeni tətbiq Instagram-ın bir hissəsi olmayacaq, lakin tətbiqlərdəki hesablar əlaqələndirilə bilər. Instagram nümayəndələri agentliyin bu məsələni şərh etməsi sorğusuna cavab verməyiblər.