Dünya birjalarında neft qiymətləri yenidən bahalaşıb. Sozcu.az xəbər verir ki, hazırda “Brent” markalı neftin bir barreli 74,80 dollara, yüngül neftin bir barreli isə 70,56 dollara təklif edilir.

Ukrayna müharibənin 464-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 208 910 hərbçi, 3819 ədəd tank, 7490 ədəd zirehli döyüş maşını, 3501 ədəd artilleriya sistemi, 575 ədəd RYAS (reaktiv yaylım atəş sistemi), 335 hava hücumundan müdafiə sistemi, 313 ədəd hərbi təyyarə, 298 ədəd helikopter, 6267 ədəd avtomobil texnikası, 3137 ədəd PUA, 1117 qanadlı raket, 18 gəmi/qayıq, 465 xüsusi avadanlıq itirib.

Qaxda 8 gün öncə itkin düşən şəxsin yanmış meyiti tapılıb. Bu barədə Sozcu.az-a Daxili İşlər Nazirliyinin Mətbuat Xidmətinin Şəki regional qrupundan məlumat verilib. Bildirilib ki, mayın 25-də itkin düşən Qax şəhər sakini, 1953-cü il təvəllüdlü Davud Yusifovun yanmış meyiti rayon ərazisində aşkar edilib. Onun özünü yandıraraq intihar etdiyi ehtimal olunur. Faktla bağlı araşdırma aparılır.

Hacıqabulda qardaşlar bıçaqlanıb, saxlanılan var. Bu barədə Sozcu.az-a Daxili İşlər Nazirliyinin (DİN) Mətbuat Xidmətindən məlumat verilib. Bildirilib ki, iyunun 1-i saat 23 radələrində Hacıqabul şəhərində şəhər sakinləri Elşən Quliyevin və qardaşı Amidin xəsarət almaları barədə polisə məlumat daxil olub. Hacıqabul Rayon Polis Şöbəsinin əməkdaşları tərəfindən aparılan araşdırmalarla şəhər sakini Mehman Rzayevin münaqişə zəminində E.Quliyevə və qardaşına xəsarət yetirməsi müəyyən edilib. Əməliyyat tədbirləri ilə M.Rzayev şübhəli şəxs qismində saxlanılıb. Faktla bağlı Hacıqabul Rayon Polis Şöbəsində Cinayət Məcəlləsinin 126.1-ci (Qəsdən sağlamlığa ağır zərər vurma) maddəsi ilə cinayət işi başlanılıb.

Türkiyədə prezident seçkilərinin ikinci turundan dərhal sonra ucuzlaşmağa başlayan lirə hər gün tarixi minimumunu təkrarlayır. Sozcu.az xəbər verir ki. bu gün qardaş ölkədə bir dollar 20,87 lirəyə qalxıb. Ötən gün dollar 20,4 lirə idi. Avro isə 22,54 lirəyə qalxıb.

Məlum olduğu kimi, Kişinyovda Avropa Siyasi İcması sammiti çərçivəsində Azərbaycan Respublikasının Prezidenti və Ermənistanın Baş naziri arasında Aİ Şurasının Prezidenti Şarl Mişelin, Fransa Prezidentinin və Almaniya kanslerinin iştirakı ilə görüşün yekunları üzrə mətbuata açıqlama ənənəyə uyğun olaraq Brüssel formatının təşkilatçısı kimi Şarl Mişel tərəfindən verilib. Sozcu.az xəbər verir ki, bu barədə Xarici İşlər Nazirliyinin mətbuat katibi Ayxan Hacızadə məlumat verib. “Daha sonra Fransa Prezidenti tərəfindən birtərəfli qaydada görüş barədə verilmiş açıqlama tərəflərin mövqeyini əks etdirmir və təhrif edir. Əfsuslar olsun ki, Fransa tərəfindən belə davranışın sərgilənməsi ilk hal deyil və bu, Azərbaycanla Ermənistan arasında sülh prosesinə, bölgədə sülh və sabitliyə heç də müsbət töhfə vermir”, - XİN rəsmisi qeyd edib.

Bakıda sürücünün ürəktutması səbəbindən qəza olub. Bu barədə Sozcu.az-a Nəqliyyatı İntellektual İdarəetmə Mərkəzindən (NİİM) məlumat verilib. Bildirilib ki, hadisə paytaxtın Tiflis prospekti ilə Əbdülvahab küçəsinin kəsişməsində yol-nəqliyyat hadisəsi qeydə alınıb. İlkin məlumata görə, minik avtomobilində sürücünün sükan arxasında ürəktutması səbəbindən avtomobil idarəetmədən çıxaraq avtobusa çırpılıb. Qəza nəticəsində Tiflis prospektindən mərkəz istiqamətinə sıxlıq müşahidə olunur.

Biz deyirik ki, Azərbaycana kəndləri qaytarmağa hazırıq. Bəs siz Ermənistana torpaqları qaytarmağa hazırsınızmı? Razısınızsa, onda elə bu dəqiqə mübadilə edək. Sozcu.az xəbər verir ki, bu sözləri Ermənistan Baş naziri Nikol Paşinyan Moldovada erməni icması ilə görüşündə deyib. "Bizim hər zaman nəsə vermək haqda arzulamağımız doğru deyil. Biz verməyə və almağa hazırıq. Ermənistanın maraqlarından vaz keçmirik: bütün sərhəd boyu hərbsizləşdirilmiş zona yaratmağı təklif edirik; eskalasiya və aqressiv siyasət üçün bütün mümkün səbəbləri aradan qaldırmağa çalışırıq”, - o bildirib. O iddia edib ki, Ermənistanın 29,8 min kv.km ərazisinə Başkənd, eləcə də 1990-cı illərdən Bakının nəzarətində olan “Berkaber”, “Parvakar”, “Ayqeovit”, “Vazaşen” kəndlərinin əraziləri daxildir: “1975-ci il xəritəsində 28,8 min kv.km əraziyə Sotk-Xoznavar kəndinin ərazisi də daxildir (Zod/Söyüdlü Azərbaycan ərazisidir, o yatağın yalnız 24 faizi Ermənistana düşür, Paşinyan ənənəvi olaraq yalan danışır – red.), ora 44 günlük savaşdan sonra zəbt edilib”. Paşinyan deyib ki, Azərbaycan Ermənistanın nəzarəti altında olan kəndləri haqda məlumat verib (Qazaxın 7 və Naxçıvanın 1 kəndi nəzərdə tutulur – red.): “Mən eyni şeyi həm şəxsi danışıqlarda, həm də açıq şəkildə deyirəm”. Qeyd: Berbaker kəndi - əsl adı Bibişdir, 1988-89-cu illərə qədər azərbaycanlılar yaşayıb, Qarabağda erməni separatizmi başlayanda soydaşlarımız oradan qovulub; Vazaşen – əsl adı Lələkənd: Azərbaycan torpağı olan bu kəndin adı 1978-ci ildə Ermənistan SSR-nin qərarı ilə dəyişdirilərək, Vazaşen qoyulub; Ayqeovit - əsl adı Uzuntala, yaxud Hönüt: kənd 1967-ci ilə qədər Uzuntala, 1969-cu ilə qədər Hönüt adlanıb, daha sonra ermənilər öz qondarma adlarını veriblər; Parvakar - əsl adı Tatlı: kənd Ermənistan SSR yaranandan sonra tədricən ermənilərin məskunlaşdığı əraziyə çevrilib.

Bu, heç vaxt açıq şəkildə deyilməyib, mən belə fikirləşirəm ki, biz Ukrayna ilə müharibədə Rusiyanın müttəfiqi deyilik. Və bizim bu müharibədən, bu münaqişədən duyduğumuz hiss narahatlıqdır, çünki bütün münasibətlərimizə birbaşa təsir edir. Sozcu.az xəbər verir ki, bunu Ermənistan Baş naziri Nikol Paşinyan deyib. “Qərbdə bizim Rusiyanın müttəfiqi olduğumuzu fikirləşirlər. Rusiyada isə görürlər ki, biz Ukrayna müharibəsində onların müttəfiqi deyilik. Və belə çıxır ki, biz bu vəziyyətdə heç kimlə müttəfiq deyilik, deməli, biz həssasıq. Görünür, bütün bu toqquşmalardan yayınmağın bir yolu var, amma həqiqət budur ki, vəziyyət nə qədər çətinləşsə, qaçmaq imkanları da bir o qədər daralır. Vəziyyətlə bağlı heç bir fikrimiz olmadığı üçün deyil, narahatlığımız digər narahatlıqların həllində iştiraka imkan verəndən daha böyük olduğuna görə bundan qaçırıq", - Paşinyan qeyd edib.

Rusiyanın Belqorod vilayətinin Şebekino şəhərində vəziyyət getdikcə gərginləşir. Şəhərdə inzibati bina yanır, ruslar sənədləri zibil qutularında yandırır və tələsik şəhəri tərk etməyə çalışırlar. Yanacaqdoldurma məntəqələrində uzun növbələr yaranır. Sozcu.az xəbər verir ki, "Rusiya Könüllülər Korpusu”nun üsyançıları Şebekinoda onlarla təhlükəsizlik əməkdaşının olduğu Daxili İşlər Nazirliyinin binasını atəşə tutduqlarını elan ediblər: "Şebekino Daxili İşlər Nazirliyində Qala planı elan edildi. Protokola əməl edən Putin bandasının "igid" müdafiəçiləri nəzarət binasına toplaşdılar. Biz onların bir yerə yığılmağına imkan verdik və onların üstünü "Qrad" paketləri ilə "örtdük". Nəticə artıq məlumdur. Biz yerli əhaliyə vaxtında vacib məlumat üçün təşəkkür edirik”. Xatıaladaq ki, iyunun 1-də səhər saatlarında Rusiya mətbuatı Rusiya Federasiyasının Belqorod vilayətindəki Şebekino keçid məntəqəsinə "hücum” barədə məlumat yayıb. Rusiya Könüllülər Korpusunun və "Rusiyanın Azadlığı" Legionunun əsgərləri video mesajlar dərc edərək, xüsusən Rusiya Federasiyasının ərazisində döyüşdüklərini və "çox yaxında Şebekinonun ətrafında görünəcəklərini" bildiriblər.qaynarinfo)

İyunun 1-də Kişinyovda Azərbaycan Respublikasının Prezidenti İlham Əliyev, Ermənistan Respublikasının baş naziri Nikol Paşinyan və Avropa İttifaqı Şurasının Prezidenti Şarl Mişel arasında qeyri-rəsmi görüş olub. Sozcu.az xəbər verir ki, bu barədə Azərbaycan Prezidentinin Mətbuat Xidməti məlumat yayıb.

İyunun 1-i saat 18:00-a olan məlumata əsasən, Naxçıvan, Ordubad, Daşkəsən, Göygöl, Gədəbəy, Füzuli, Laçın, Zəngilan, Ağdam, Şəki, Quba, Lerik, Yardımlı, Lənkaran, Oğuz, Astarada şimşək çaxıb, arabir leysan xarakterli yağış yağıb. Bu barədə Sozcu.az-a Hidrometeoroloji Proqnozlar Bürosunun direktoru Gülşad Məmmədova bildirib. Onun sözlərinə görə, Daşkəsən rayonu ərazisinə saat 16:35 radələrində diametri 9, Zəngilan rayonunun dağlıq ərazilərinə diametri 5-6 mm dolu düşüb.

Şəmkirdə həmkəndlisi ilə mübahisə edən şəxs havaya atəş açıb. Bu barədə Daxili İşlər Nazirliyinin (DİN) Mətbuat Xidmətindən məlumat verilib. Bildirilib ki, mayın 31-də saat 19 radələrində Şəmkir rayonunun Seyfəli kəndində odlu silahdan atəş açılması barədə polisə məlumat daxil olub. Şəmkir Rayon Polis Şöbəsinin əməkdaşları tərəfindən aparılan araşdırmalarla kənd sakini Vüsal Mustafayevin həmkəndlisi ilə mübahisə edib xuliqanlıq zəminində ov tüfəngindən havaya 1 dəfə atəş açması müəyyən edilib. Polis əməkdaşları V.Mustafayevdən “İJ-16” markalı ov tüfəngi götürüblər. Araşdırma aparılır.

Bu gün Kişinyovda İlham Əliyev, Nikol Paşinyan, Olaf Şolts, Şarl Mişel və Emmanuel Makronun iştirakı ilə keçiriləcək görüşdə hansısa ciddi addımlar atıla bilər. Ancaq Makron faktorunu unutmaq olmaz. Bu sözləri Axar.az-a Avropa Siyasi Birliyinin Kişinyovdakı Zirvə Toplantısı çərçivəsində keçiriləcək beştərəfli görüş haqqında danışan ABŞ-ın ölkəmizdəki keçmiş səfiri Metyu Brayza deyib. “Keşkə Prezident Makron özünü prosesə qatmaq məcburiyyətində hiss etməyəydi. Başa düşürəm ki, onun bu addımı daxili siyasət üçündür, lakin o, artıq Azərbaycana qarşı Ermənistanı dəstəklədiyini çoxdan bildirib. Deməli, Makron heç də obyektiv vasitəçi deyil. Yaxşı ki, Şolts orada olacaq. Onun balans yaradacığını və ya balansı qoruyacağını düşünürəm”, - o bildirib. Brayza qeyd edib ki, Makronun görüşdə iştirak edirsə, sülh müqaviləsinin imzalanması barədə razılığa gəlmək mümkün olmayacaq: “Ümumiyyətlə isə Kişinyovdakı görüşün prosesi müəyyən qədər irəli aparmağa kömək edəcəyinə inanıram. Ümid edirəm ki, görüş tərəflər arasında fikir ayrılıqlarının azaldılmasına və sonrakı mərhələdə Co Bayden, Entoni Blinken və Şarl Mişelin iştirakı ilə yekun sülh müqaviləsinin imzalanması haqqında razılığın əldə olunmasına töhfə verəcək”.

Xaçmaz rayonunda bir ailənin dörd üzvünü it dişləyib. Sozcu.az "Report"a istinadən xəbər verir ki, hadisə rayonun Qaraçay-Cek kəndində baş verib. Kən sakinləri, 1955-ci il təvəllüdlü Gülçöhrə Polad qızı Nuriyeva, 1956-cı il təvəllüdlü Səccarə Əlif qızı Nuriyeva, 1999-cu il təvəllüdlü Novruz Ramiz oğlu Nuriyev və 1986-cı il təvəllüdlü Leyla Mürsəl qızı Poladovanı it dişləyib. Yaralılar Xaçmaz Rayon Mərkəzi Xəstəxanasına çatdırılıb və onlara quduzluq əleyhinə peyvənd vurulub.

Hakim Ədalət və İnkişaf Partiyası sədrinin birinci müavini Numan Qurtulmuş Türkiyə Böyük Millət Məclisinin sədri olacaq. Sozcu.az xəbər verir ki, bu barədə “Hürriyət” qəzeti məlumat yayıb. “Seçkidən sonra Hakim Ədalət və İnkişaf Partiyasının gündəmində - yeni nazirlər kabineti və məclis sədrinin seçilməsidir. Parlament sədri məsələsi artıq böyük ölçüdə həllini tapıb. Bu Numan Qurtulmuş olacaq”, - məlumatda deyilir.

Rusiyanın Bryansk vilayətinin Naytopoviç qəsəbəsi ərazisinə PUA düşüb. Sozcu.az xəbər verir ki, bu barədə Teleqram kanalları məlumat yayıb. Məlumata görə, PUA Ukrayna ilə sərhəddən 70 km aralıda tapılıb. Tələfat və dağıntının olmadığı bildirilib.

"Yadplanetlilər Yer kürəsinə gəliblər və hələ də buradadırlar". Sozcu.az oxu.az-a istinadən bildirir ki, bu barədə ABŞ-nin Stenford Universitetinin (Kaliforniya) professoru Harri Nolan Nyu-Yorkda tematik konfransda deyib. Yadplanetlilərin Yer kürəsində olduğunu tam əminliklə bildirən alim iddia edir ki, insanlar hətta onlarla rastlaşıblar, lakin sanki İspan gəmilərini ilk dəfə görən Cənubi Amerika qəbilələrinin nümayəndələri kimi bunda xüsusi bir şey hiss etməyiblər. "Onlar (yadplanetlilər - red.) peyda olub deyirlər: "Nəyə baxdığınızı başa düşəcək qədər hansınız ağıllısınız? Qarşınızda olanı həqiqi şəkildə görə bilirsinizmi?", - deyə Nolan bildirib. Professor yerdənkənar həyatla bağlı konqres dinləmələrində iştirak etdiyini də vurğulayıb. Onun sözlərinə görə vurulan uçuş aparatları üçün tərs mühəndislik proqramları ilə məşğul olan mütəxəssislər var. Nolanın fikrincə, gələcəkdə bu, əsl texniki inqilaba səbəb ola bilər. Xatırladaq ki, 2020-ci ildə Pentaqon rəsmi olaraq uçan naməlum obyektləri (UNO) əks etdirən üç qısa videogörüntü paylaşmışdı.

Dərmansız ürək xəstəliyi riskini azaltmağın təsirli yolu tapılıb. Sozcu.az lent.az-a istinadən bildirir ki, bu üsul ürək xəstəliyindən ölüm riskini təxminən 22 faiz azalda bilər. Tədqiqatlar zamanı bir qrup britaniyalı alim 40 ildən sonra ürək-damar xəstəliklərinin inkişaf riskini əhəmiyyətli dərəcədə azalda biləcək üsul kəşf edib. Tədqiqatçılar depressiyanın infarkt, insult və digər xəstəliklərin inkişafı üçün əsas risk faktorlarından birinə çevrildiyini iddia edirlər. Tədqiqat nəticəsində məlum olub ki, depressiv pozğunluq diaqnozu qoyulmuş insanların bu tip xəstəliyin inkişaf riski depressiya olmayan insanlara nisbətən təxminən 72 faiz daha yüksəkdir. Alimlər qeyd edirlər ki, depressiya dəyişən risk faktorudur və xüsusi diqqətə layiqdir. Psixoterapiya və ya danışıq terapiyası xəstənin problemlərinin müzakirəsi və xüsusi təlim keçmiş bir mütəxəssisin məsləhəti ilə psixi xəstəliyin müalicəsi üsuludur.

İctimai fəal Abid Qafarov azadlığa buraxılıb. Sozcu.az xəbər verir ki, bu barədə Bakı Apellyasiya Məhkəməsi qərar qəbul edib. Qeyd edək ki, A.Qafarov qaziləri təhqir etməkdə, onları “müti” adlandırmaqda ittiham olunurdu. O, 1 il müddətə azadlıqdan məhrum edilmişdi.

“Burada olduğumuz üçün şadam. Bu mövsüm keçirdiyimiz çətin dövrdən sonra qalib gəldiyimiz üçün şadam. Biz yaxşı iş görmüşük. Bu, kluba müsbət təsir göstərə bilər. Qol buraxanda düşünürdüm ki, onlara cavab qolunu vurmaq asan olmayacaq. Ancaq fasilədən sonra hesabı tez bərabərləşdirdik və bu, mübarizəni davam etdirməyə kömək etdi". Sozcu.az xəbər verir ki, bu sözləri "Sevilya"nın baş məşqçisi Xose Luis Mendilibar Avropa Liqasının finalında "Roma"ya qalib gəldikləri oyundan   (1:1, penaltilər seriyası - 4:1)  sonra deyib. "Məşqdəki penaltilərlə və 60 min azarkeş qarşısında penaltilər eyni  deyil. Əvvəlki turlarda 11 metrlik cərimə zərbələrində məşq etmirdik. Penaltini yerinə yetirəcək futbolçulara güvənirdik. Montiel beşinci zərbəni vurmalı idi, lakin sonra bu dəyişdirildi. Sıra oyunçular tərəfindən müəyyən edilir. Oyuna pis başladıq, rəqib də rahat idi. İkinci hissədə isə vəziyyəti dəyişdik və bu, asan olmadı. Əlavə vaxtda heç nə dəyişmədi, amma penaltilər seriyasında uğur qazandıq".

"Çimnaz məndən hələ də əl çəkmir. Bilmirəm niyə görə". Sozcu.az Moderator-a istinadla xəbər verir ki, bunu aktrisa Nəzakət Məmmədova deyib. O əlavə edib: "Belə fikirləşirəm ki, mənim sayəmdə o həmişə gündəmdə qalmaq istəyir. Çünki Çimnazın işləri, nailiyyətləri yoxdur ki, insanların yadında onunla qalsın. Yalnız qalmaqal edərək özünü gündəmdə saxlamaq istəyir. Son zamanlar mən də gördüm ki, sosial şəbəkələrdə xəbər yayılıb ki, guya Çimnazın videosunun altına nəsə yazmışam. Bədəninin hansısa hissəsini göstərib həmin videoda. Həqiqətdə heç nə yazmamışam. Nə vaxtsa nəsə yazanda deyirəm ki, yazmışam, yaxşı etmişəm, haqqına etmişəm. Məni insanlar da görəndə deyirlər ki, düz deyirsiniz, Çimnazın etdikləri artıq biabırçılıqdır. Amma son yazını həqiqətən də mən yazmamışam. Çimnaz artıq başqa şeylərə əl atır, feyk profillər yaradaraq mənim adımdan rəylər yazır. Bu artıq acizlikdir". N. Məmmədova qeyd edib: "Mən Çimnaz haqqında sonuncu dəfə bir söz dedim. Aylar əvvəl olmuşdu bu qalmaqal. Mən artıq ona baş qoşmaq istəmirəm. Verilişlərin birində soruşdular ki, aktrisaların nəyi xoşunuza gəlmir?! Mən də bir tamaşaçı kimi fikrimi söylədim ki, Çimnazın geyim tərzi, özünü aparmağı heç Azərbaycan qadınına xas olan bir hərəkət deyil. Bu Azərbaycan üçün biyabırçılıqdır. Bu sözü demişəm və arxasında da dururam. Mən onu təhqir etmədim, tənqid etdim. O tənqidə təhqirlə cavab verir. O insanın tərbiyəsində, mədəniyyətində problemlər var. Hər bir insan tənqid edə bilər. Bütün xalq bizi tənqid edə bilər. Bu o demək deyil ki, insanları buna görə təhqir etməliyik. Mən qalım bir yana, o mənim oğlumun, qızımın haqqında təhqirəmiz sözlər yazıb. Bu artıq mədəniyyətsizlikdir. Filmlərdə çəkildiyim səhnələrdən görüntülər paylaşır. Mənim həyatımdan, qızımın, oğlumun həyatından götür nələrsə paylaş, mən də deyim ki, biz də özümüzü sənin kimi apara bilmirik. O ana deyil, ana olsaydı bala qədri bilərdi. Mən öz balalarımın qədrini bilirəm, onları qoruyuram, əzizləyirəm. Mən heç bilmirəm ki, onun övladı var yoxsa yoxdur?! Təbii ki, var övladı, amma ana deyil, övladı ilə yəqin ki, fəxr etmir. Çimnaz mənim səviyyəmə, statusuma uyğun bir adam deyil ki, onun haqqında danışım, qalmaqal edim. Odur məndən əl çəkməyən. Çimnaz deyir ki, məni heç kim tanımayanda, o gündəmdə olub. Mən Azərbaycanda tanınanda, sən ümumiyyətlə harada idin?! Səni hardan tanıyırlar? Nə nailiyyətin var? Sən yalnız seksual hərəkətlərini, gündəlik həyatını tamaşaçılara göstərmisən. Bu sənin həyat tərzindir. Mənim heç vecimə də deyil ki, Çimnaz ayağını, əlini açıb, nə göstərəcək?! Bu artıq xəstəlikdir, psixoloji problemdir. O bədənini insanlara nümayiş etdirməklə seksual həzz alır. Gedib özünü müalicə etdirsin, məndən də əl çəksin".

“Ukrayna Rusiya ərazisinə hücum edə bilər”. Bunu NATO-nun baş katibi Yens Stoltenberq Alyansın xarici işlər nazirlərinin Norveçdə keçirilən qeyri-rəsmi toplantısı başlamazdan əvvəl keçirdiyi brifinqdə deyib. Onun sözlərinə görə, bu, Ukraynanın özünümüdafiə hüququdur: “Rusiyanın Ukraynaya qarşı təcavüzkar müharibəsi beynəlxalq hüququn kobud şəkildə pozulmasıdır. Özünümüdafiə hüququ BMT Nizamnaməsində təsbit olunub”. Müharibəni Rusiya Prezidenti Vladimir Putinin başlatdığını xatırladan Y.Stoltenberq qeyd edib ki, ancaq o özü də dayandıra bilər: “Biz Ukraynanı dəstəkləyirik və dəstəkləməyə davam edəcəyik. Nə qədər lazımdırsa, Ukraynanın yanında olacağıq. Həmçinin Ukraynaya dəstək NATO-nu münaqişə tərəfi etmir. NATO-nun iki vəzifəsi var: Ukraynanı dəstəkləmək və Rusiyanın Ukraynaya qarşı təcavüzkar müharibəsinin bu ölkədən kənara çıxmasının qarşısını almaq”. Xatırladaq ki, Rusiya ilə Ukrayna arasında genişmiqyaslı müharibə ötən il fevralın 24-də başlayıb.

Azərbaycana idxal edilən işlənmiş minik avtomobillərinə görə utilizasiya haqqının alınması nəzərdə tutulur. Sozcu.az xəbər verir ki, bu, "Gömrük Məcəlləsində dəyişiklik edilməsi haqqında" qanun layihəsində öz əksini tapıb. Məcəlləyə əlavə edilməsi təklif olunan yeni maddəyə əsasən, gömrük ərazisinə gətirilən və istehsal-buraxılış vaxtından 4 il keçən minik avtomobillərinin gömrük rəsmiləşdirilməsi zamanı “Tullantılar Haqqında” qanuna uyğun olaraq müvafiq icra hakimiyyəti orqanının müəyyyən etdiyi məbləğdə utilizasiya haqqı alınacaq.