Azərbaycanda ötən gün axşam saatlarında Yevlax, Göyçay, Ağdaş və Goranboy rayonları ərazisində yağıntı ilə müşahidə olunan güclü külək ağacların bir neçə avtomobil yolunda aşması nəticəsində hərəkətdə yaranmış məhdudiyyətlər aradan qaldıırlıb. Bu barədə Sozcu.az-a Azərbaycan Avtomobil Yolları Dövlət Agentliyindən məlumat verilib. Bildirilir ki, görülmüş təxirəsalınmaz tədbirlər nəticəsində yollarda hərəkətin fasiləsizliyi və təhlükəsizliyi təmin olunub. Bundan başqa, güclü külək M2 Bakı-Ələt- Qazax-Gürcüstanla dövlət sərhədi avtomobil yolunun Yevlax şəhəri ərazisindən keçən hissəsində yol kənarında yerləşən tikilinin dam örtüyünü uçuraraq Gəncə şəhəri istiqamətində yolun hərəkət hissəsinə salıb. Nəticədə sözügedən istiqamət üzrə avtonəqliyyat vasitələrinin hərəkətində çətinliklər yaranıb. Agentliyə məxsus 3 N-li Magistral Yolların İstismarı MMC-nin əraziyə cəlb olunmuş xüsusi texnikaları və canlı qüvvəsi qısa müddətdə dam örtüyünü yolun hərəkət hissəsindən təmizləyərək hərəkətin fasiləsizliyini və təhlükəsizliyini təmin edib.

İyunun 16-sı saat 09:15-də Ermənistan silahlı qüvvələrinin bölmələri Vedi rayonunun Arazdəyən yaşayış məntəqəsi istiqamətində yerləşən mövqelərindən Ordumuzun Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən mövqelərini müxtəlif çaplı atıcı silahlardan atəşə tutub. Bu barədə Sozcu.az-a Azərbaycanın Müdafiə Nazirliyindən məlumat verilib. "Azərbaycan Ordusunun bölmələri tərəfindən cavab tədbirləri görülür", - məlumatda qeyd olunub.

Ukrayna Müdafiə Nazirliyinin Baş Kəşfiyyat İdarəsinin rəhbəri Kirill Budanovla bağlı hər şey qaydasındadır. Sozcu.az xəbər verir ki, bunu Baş Kəşfiyyat İdarəsinin nümayəndəsi Andrey Yusov deyib. “Əla vəziyyəti, əla sağlamlığı, yaxşı iştahı var”, - o bildirib. Yusov əlavə edib ki, Budanovla təxminən 10 dəqiqə əvvəl danışıb: “Onun planları çoxdur, işə hazırdır”. Qeyd edək ki, Kirill Budanovun Rusiya ordusunun Ukrayna Baş Kəşfiyyat İdarəsinin qərargahına raket zərbəsi endirməsi zamanı yaralandığı barədə məlumat yayılmışdı.

Laçın-Zabux yolunun 2-ci km-də qəza baş verib. Sozcu.az xəbər verir ki, qəza zamanı MAN markalı nəqliyyat vasitəsinin sürücüsü Fərman Hüseynov idarəetməni itirərək qarşıdan gələn Elman Qarayevin idarə etdiyi MAN markalı nəqliyyat vasitəsi ilə toqquşub. Hər iki nəqliyyat vasitəsinin sürücüləri müxtəlif dərəcəli bədən xəsarətləri alıblar, tibbi yardım göstərilməsi üçün xəstəxanaya aparılarkən Fərman Hüseynov yolda ölüb. Faktla bağlı cinayət işi başladılıb, araşdırma aparılır.

Ukrayna müharibənin 478-cı günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 218 500 hərbçi, 3965 ədəd tank, 7683 ədəd zirehli döyüş maşını, 3812 ədəd artilleriya sistemi, 606 ədəd RYAS (reaktiv yaylım atəş sistemi), 364 hava hücumundan müdafiə sistemi, 314 ədəd hərbi təyyarə, 301 ədəd helikopter, 6519 ədəd avtomobil texnikası, 3357 ədəd PUA, 1199 qanadlı raket, 18 gəmi/qayıq, 519 xüsusi avadanlıq itirib.

İran prezidenti İbrahim Rəisinin həyat yoldaşı Cəmilə Ələmülhuda Venesuela mediasına müsahibə verib. Sozcu.az Musavat.com-a istinadən xəbər verir ki, o, türkləri düşmən adlandırıb. "Tarix boyu İranın çoxlu düşməni olub: monqollar, türklər, ərəblər... Amma onlar İranın dil, mədəniyyət və sivilizasiyasını dəyişə bilməyiblər", - Cəmilə Ələmülhuda deyib.

Bakı şəhərinin Yasamal rayonunda beşmərtəbəli yataqxana binasının 2-ci mərtəbəsində ümumi sahəsi 15 m² olan mətbəxin yanar konstruksiyaları yanıb. Bu barədə Sozcu.az-a Fövqəladə Hallar Nazirliyinin (FHN) Mətbuat Xidmətindən məlumat verilib. Yüksək temperaturdan dəhliz 10 m² sahədə qarsalanıb. Yanğın zamanı 52 nəfər bina sakini yanğınsöndürənlər tərəfindən təhlükəsiz əraziyə təxliyə olunub.Yataqxana binasının qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

İyunun 16-sı saat 00:15-dən saat 00:20-dək Ermənistan silahlı qüvvələrinin bölmələri Basarkeçər rayonunun Göysu yaşayış məntəqəsi istiqamətində yerləşən mövqelərindən Ordumuzun Gədəbəy rayonunun Qalakənd yaşayış məntəqəsi istiqamətində yerləşən mövqelərini bir neçə dəfə atıcı silahlardan atəşə tutub. Bu barədə Sozcu.az-a Müdafiə Nazirliyindən məlumat verilib. Bundan başqa, saat 00:50-dən saat 04:10-dək Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Azərbaycan Ordusunun Şuşa rayonu istiqamətində yerləşən mövqeləri də fasilələrlə atəşə tutulub. Bölmələrimiz tərəfindən qeyd olunan istiqamətlərdə adekvat cavab tədbirləri görülüb.

Dünya birjalarında neft qiymətləri yenidən bahalaşıb. Sozcu.az xəbər verir ki, hazırda “Brent” markalı neftin bir barreli 75,51 dollara, yüngül neftin bir barreli isə 70,49 dollaradır.

Ermənistan Silahlı Qüvvələrinin 2 snayperi cavab tədbirləri nəticəsində zərərsizləşdirilib. Sozcu.az xəbər ki, 15 iyun 2023-cü il tarixdə Laçın dövlət sərhədindən buraxılış məntəqəsi istiqamətində Dövlət Sərhəd Xidmətinin şəxsi heyətinə atəş açaraq hərbi qulluqçunu yaralamış Ermənistan Silahlı Qüvvələrinin 2 snayperi cavab tədbirləri nəticəsində zərərsizləşdirilib.

Bu gün mən cənab Baş nazirə Azərbaycan və Ermənistan arasında sülh sazişi üzərində hazırda gedən danışıqlarla bağlı məlumat verdim. Sozcu.az xəbər verir ki, bunu Azərbaycan Prezidenti İlham Əliyev iyunun 15-də Pakistanın Baş naziri Məhəmməd Şahbaz Şərif ilə mətbuata bəyanatında bildirib. “Bu sazişin imzalanmasının perspektivləri var, sadəcə olaraq, Ermənistan siyasi iradə nümayiş etdirməlidir və artıq rəsmi olaraq bəyan etdiklərini kağız üzərində həkk etməlidir ki, Qarabağ Azərbaycandır!”, - dövlət başçısı əlavə edib.

Həkəri çayı üzərindəki körpüdə Azərbaycan bayrağının qaldırılması ilə bağlı insidentin yeni görüntüləri yayılıb. Kadrlardan görünür ki, hadisə yerinə Rusiya sülhməramlı kontingentin komandiri, general-polkovnik Aleksandr Lentsov gəlib. Videodan görünür ki, Azərbaycan hərbçisi ölkəmizin Dövlət Bayrağını dirəyə bərkidir. Xatırladaq ki, erməni hərbçilər Azərbaycan sərhədçiləri ilə yanaşı Rusiya sülhməramlılarını da atəşə tutublar.

Hazırda Azərbaycan dövlət sərhədinin Zəngilan istiqamətində ağır döyüşlər gedir. Sozcu.az xəbər verir ki, bununla bağlı “Caliber” məlumat yayıb. Bildirilib ki, döyüşlər Azərbaycan sərhəd məntəqəsinin atəşə tutulmasından sonra başlayıb. Ermənistan tərəfi minaatanlardan və PUA-lardan istifadə edir. Azərbaycan Ordusu düşmənə layiqli cavab verir.

Kürdəmirin Atakişili kəndində baş verən ağır yol-nəqliyyat hadisəsinin təfərrüatı məlum olub. Sozcu.az "Report”a istinadən xəbər verir ki, "Toyota Prius”un sürücüsü və sərnişinləri bu gün 15 İyun Milli Qurtuluş günü münasibətilə Mingəçevir şəhərində baş tutacaq konsert proqramına səhnə konstruksiyalarını quraşdırmaq üçün gedirlərmiş. Hadisə səhər saat 5 radələrində baş verib. Qeyd edək ki, Bakı şəhər sakini, 24 yaşlı Ruslan Əli oğlu Xasıyanovun idarə etdiyi "Toyota Prius” markalı avtomobil Gəncə istiqamətində hərəkətdə olarkən yol kənarında dayanmış, Bərdə rayon sakini 26 yaşlı Salman Lətif oğlu Allahverdiyevə məxsus "Mercedes” markalı yük maşınına çırpılıb. Nəticədə "Toyota Prius”un sərnişini, 23 yaşlı Elnur Cavanşir oğlu Mənsimov hadisə yerindəcə dünyasını dəyişib. Qəza zamanı habelə sürücü və digər sərnişinlər - Bakı şəhər sakinləri, 32 yaşlı Vahid Hüseynağa oğlu Qasımov və 1991-ci il təvəllüdlü İslam Rövşən oğlu Səmədov, eləcə də "Mercedes”in sürücüsü S.Allahverdiyev ağır xəsarətlər alıblar. Yaralılar təcili tibbi yardım maşınının köməyi ilə Kürdəmir Rayon Mərkəzi Xəstəxanasına aparılıblar. Faktla bağlı araşdırma aparılır.

Türkiyə ordusu Suriyanın şimalında 16 PKK/YPG terrorçusunu zərərsizləşdirib. Sozcu.az xəbər verir ki, bu barədə Türkiyə Milli Müdafiə Nazirliyinin rəsmi tviter səhifəsində məlumat verilib. Bildirilib ki, Türk Silahlı Qüvvələri Suriyadakı Tel Rıfat və Münbiç məntəqələrində təsbit olunmuş terrorçu hədəfləri dağıdıb və nəticədə 16 terrorçu zərərsiz hala gətirilib. Bununla da bölgədə zərərsizləşdirilən terrorçuların sayı 57-yə yüksəlib. "Əsgər hücum həyata keçirən terrorçuların hinlərini başlarına yıxmağa davam edir", - deyə tvitdə qeyd olunub.

Abşeronda evdə oğurluq olub. Daxili İşlər Nazirliyinin mətbuat xidmətindən Sozcu.az-a verilən xəbərə görə,Hökməli qəsəbəsindəki evlərin birindən 10.000 manat dəyərində məişət əşyalarının qeyri-aşkar şəraitdə oğurlanması barədə polisə məlumat daxil olub. Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən qəsəbə sakini, əvvəllər oğurluq və narkotiklərlə əlaqəli cinayətlərə görə məhkum olunmuş Ariz Əzimov müəyyən edilərək saxlanılıb. Araşdırma aparılır.

Norveç və Danimarka hakimiyyəti Ukraynaya əlavə 9 min artilleriya mərmisi tədarük etməklə bağlı razılığa gəliblər. “Report” TASS-a istinadən xəbər verir ki, bu barədə Norveç hökumətinin rəsmi saytında məlumat verilib. Qeyd edilib ki, Oslo Kiyevə mərmilər, Kopenhagen isə partlayıcı sursatlar göndərəcək.

Bu gün səhər saatlarında Ermənistanın təxribatı nəticəsində yaralanan Dövlət Sərhəd Xidmətinin (DSX) hərbi qulluqçusu, gizir Elşən Rüstəmovun son durumu açıqlanıb. Sozcu.az xəbər verir ki, Elşən Rüstəmov hərbi hospitala yerləşdirilib və vəziyyəti hazırda stabildir. Qeyd edək ki, Ermənistan silahlı qüvvələri iyunun 15-i saat 8 radələrində Azərbaycanın Laçın rayonundakı sərhəd-buraxılış məntəqəsinə müxtəlif çaplı odlu silahlardan atəş açıb. Nəticədə məntəqədə xidmət göstərən DSX-nin hərbi qulluqçusu, gizir Elşən Rüstəmov güllə yarası xəsarətləri alıb. Faktla bağlı Baş Prokurorluğun İstintaq idarəsində Cinayət Məcəlləsinin 29,120.2.1, 29,120.2.3, 29,120.2.4 və 29,120.2.11, 29,120.2.12-ci (bir qrup şəxs tərəfindən xidməti vəzifəsini yerinə yetirən şəxsi ümumi təhlükəli üsulla, terrorçuluqla əlaqədar və milli düşmənçilik niyyəti ilə öldürməyə cəhd), 214.2.1. 214.2.3 və 214.2.4-cü (qabaqcadan əlbir olan bir qrup şəxs tərəfindən odlu silahdan istifadə etməklə ağır nəticələrə səbəb olan terrorçuluq) maddələrilə cinayət işi başlanaraq ibtidai istintaq aparılır.

Krımda rusların hava hücumundan müdafiəsi sistemləri bu gecə 9 PUA vurub. Sozcu.az xəbər verir ki, bunu Krımın “rəhbəri” Sergey Aksyonov deyib. O, iyunun 15-nə keçən gecə və səhər saatlarında Krım üzərində 9 PUA-nın qeydə alındığını, Rusiya hava hücumundan müdafiə qüvvələrinin onlardan 6-nı vurduğunu, daha 3-nün isə elektron döyüş yolu ilə endirildiyini bildirib: “Bir pilotsuz təyyarə Krasnoqvardeyski rayonunda, Dokuçayevo kəndində partladılıb”.

Rusiya tərəfi Vaşinqtonun Bakı və Xankəndi arasında dialoqda vasitəçilik xidmətlərini, o cümlədən güc tətbiqi hədələri ilə tətbiq etməyə çalışması barədə məlumatlardan narahatdır. Sozcu.az "RIA Novosti"yə istinadla xəbər verir ki, bu barədə Rusiya XİN-dəki mənbə məlumat yayıb. Bir müddət əvvəl Vaşinqtondakı diplomatik mənbə RİA Novosti-yə bildirmişdi ki, “Vaşinqton ultimatum formasında Dağlıq Qarabağ nümayəndələrini üçüncü ölkədə Azərbaycan nümayəndələri ilə görüşməyə məcbur edir və bundan imtina etdiyi təqdirdə Azərbaycanın terror əməliyyatı adıyla əks-hücum keçirəcəyi ilə hədələyir.  Agentliyin həmsöhbətinin sözlərinə görə, “Amerikanın sülhməramlı təşəbbüsü Dağlıq Qarabağın xarici işlər naziri, Azərbaycanın maraqları ilə tam üst-üstə düşən Sergey Qazaryan tərəfindən lobbiçilik edilir”. Rusiya XİN-in bu bəyanatının konkret hansı məlumatlara əsaslandığı bəlli deyil. Güman ki AZərbaycan XİN bu sərsəm iddianı cavabsız qoymayacaq.

Qaçqınların və Məcburi Köçkünlərin İşləri üzrə Dövlət Komitəsi VÖEN-i olan məcburi köçkünlərə verilən “çörəkpulu”nun dayandırılacağı barədə məlumata münasibət bildirib. Dövlət Komitəsindən Sozcu.az-a bildirib ki, bəzi media subyektləri “VÖEN-i olan və sahibkar kimi fəaliyyət göstərən məcburi köçkünlərə dövlət tərəfindən verilən “çörəkpulu” avqust ayından etibarən dayandırılacağı” barədə məlumat yayıblar. Vurğulanıb ki, məcburi köçkünlərin sosial müdafiəsi və yaşayış şəraitinin yaxşılaşdırılması dövlət siyasətinin prioritet istiqamətidir, onlara dövlət büdcəsindən ayrılan vəsait hesabına vahid aylıq müavinət ödənilir. Müavinət Azərbaycan Respublikası Nazirlər Kabinetinin 2017-ci il 24 yanvar tarixli 11 nömrəli qərarı ilə təsdiq edilmiş Qayda əsasında təyin edilir və hər ay ödəniş aparılır. Qaydanın 2.13. bəndinə əsasən, məcburi köçkün statusu olan, sahibkarlıq fəaliyyəti ilə məşğul olan məcburi köçkünlərə vahid aylıq müavinət şamil edilmir. Vahid aylıq müavinət dövlətin sosial müdafiə aləti kimi həqiqətən ağır şəraitdə yaşayan, gəlirgətirən fəaliyyətdən müxtəlif səbəblərə görə kənarda qalan, sosial müdafiəyə xüsusi ehtiyacı olan məcburi köçkünlərə verilir. Mövcud qanunvericiliyə görə, sahibkarlıq fəaliyyəti - şəxsin müstəqil surətdə həyata keçirdiyi, əsas məqsədi əmlak istifadəsindən, malların istehsalından və (və ya) satışından, işlər görülməsindən və ya xidmətlər göstərilməsindən mənfəət (fərdi sahibkarlar tərəfindən gəlir) götürmək olan fəaliyyətdir. Bu fəaliyyətlə məşğul olanlar dövlət vergi orqanında qeydiyyata alınır və onlara Vergi Ödəyicilərinin Eyniləşdirmə Nömrəsi (VÖEN) verilir. Vergi orqanında qeydiyyata düşərək qanuni sahibkarlıq fəaliyyəti ilə məşğul olmaq məcburi köçkünə öz yaşayış səviyyəsini yaxşılaşdırmaq imkanı qazandırır, dövlət belə şəxslərin sahibkarlıq imkanlarının genişləndirilməsinə dəstək verir və onlar sosial müdafiəyə xüsusi ehtiyacı olmayan vətəndaşlar sayılırlar. Məlumatda qeyd edilib ki, VÖEN-i olan məcburi köçkün vətəndaşlara yalnız onların aktiv sahibkarlıq fəaliyyəti dövründə vahid aylıq müavinətin verilməsi dayandırılır. İqtisadi rəqabət mühitində sahibkarlıq fəaliyyəti bəzən davamlı və dayanıqlı olmaya bilər. Belə halda vergi orqanına müraciət etməklə VÖEN-i bağlamaq mümkündür. Bununla da sahibkarlıq fəaliyyəti başa çatmış sayılır və məcburi köçkün vətəndaşın vahid aylıq müavinət almasına yenidən imkan yaranır. Bir daha xatırladırıq ki, vahid aylıq müavinətin şamil edildiyi məcburi köçkünlərin siyahısında hər ay dürüstləşdirmə aparılır. Mövcud Qaydanın tələblərinə uyğun gəlməyən hallarda müavinət verilməsi dayandırılır.

Yumurta tək başına və digər qidalarla birlikdə səhər yeməyi üçün tez-tez istifadə olunur. Lakin onların nə qədər sağlam olması və nə qədər tez-tez yeyə biləcəyiniz haqqında mübahisələr zaman-zaman gündəmə gəlir. Sozcu.az lent.az-a istinadən xəbər verir ki, həkimlər yumurtanın faydaları və ya zərərləri əsasən onların hazırlanma üsulu ilə müəyyən edildiyini bildirib. Hamı bilir ki, yumurta qiymətli, asanlıqla həzm olunan zülallar, mikroelementlər və vitaminlərlə, o cümlədən A vitamini, B12, selenium, xolin və lutein zeaksantinlə zəngindir. Eyni zamanda, həkimlər xəbərdarlıq edirlər ki, onların hazırlanmasının məşhur yollarından biri bütün faydaları boş yerə gətirə bilər. Eyni zamanda, dietoloq Lindsey Veqler yumurtaları yumşaq sarısına qədər qaynadıb istehlak etməklə maksimum fayda əldə edə biləcəyinizi qeyd edib. Eyni zamanda o, yumurtaları tavada kərə yağı ilə qızartmağı ən zərərli yol hesab edir ki, bu da sağlamlıq üçün təhlükə yaradır. Mütəxəssis izah edib ki, qızartma zamanı bir çox qiymətli maddələr məhv olur, kanserogenlər əmələ gəlir. Həm də xatırlamağa dəyər ki, yüksək temperaturda yemək yağları oksidləşdirir və müntəzəm olaraq istehlak edildikdə, bu cür qablar bədəndə iltihaba səbəb ola bilər. Bundan əlavə, həkimlər omletə yağ əlavə edərək, bağırsaqlara və qaraciyərə yük yaradırsınız və pəhrizdə belə doymuş yağların çox olması ürək xəstəlikləri ilə sıx bağlı olduğunu deyib.

Dietoloq Mariya Kulinskaya su içərkən ən çox edilən səhvləri açıqlayıb. Sozcu.az lent.az-a istinadən xəbər verir ki, mütəxəssis bildirir ki, içki rejiminin pozulması dərinin qurumasına və ümumi sağlamlığın pisləşməsinə səbəb ola bilər. Onun sözlərinə görə, sağlamlığımız və görünüşümüz əsasən düzgün su rejimindən asılıdır: "Biz hər gün təqribən 700 ml su ilə nəfəs alırıq. Təxminən 200 ml isə dəridən buxarlanır. Su balansına əməl edilməməsi dərinin keyfiyyətinə, bağırsaq hərəkətliliyinə, hətta əhval-ruhiyyə və idrak funksiyalarına pis təsir edir. Qazsız təmiz suya üstünlük verilməlidir. Bəzi mənbələrdə bir stəkan suya limonun əlavə edilməsi orqanizmin sağlamlığı üçün çox faydalı olduğu da bildirilir. Lakin bu yanlışdır. Limonlu su mədə-bağırsaq traktının fəaliyyətinə mənfi təsir göstərir. Həmçinin səhər yeməyindən sonra yox, əvvəl bir stəkan su içmək orqanizm çox faydalıdır".

"Mançester Siti"nin baş məşqçisi Xosep Qvardiola klubun əməkdaşlarını mükafatlandırıb. Sozcu.az "Daily Mail"ə istinadən xəbər verir ki, mütəxəsis İngiltərə Premyer Liqanın qalibi olduğu üçün təqdim olunan bütün bonusunu onlara verib. Qvardiolanın bağışladığı məbləğ 876 min avrodur. Məşqçi hesab edir ki, komandanın qələbəsində inzibatçıların və təhlükəsizlik işçilərinin böyük əməyi var. Qeyd edək ki, "Mançester Siti" 2022/2023 mövsümündə İngiltərə Premyer Liqasının, İngiltərə kubokunun, Çempionlar Liqasının qalibi olub.