Ukrayna ordusu Donetsk vilayətinin Baxmut şəhərinin şimal və cənub hissəsindəki cəbhə xətti boyu mövqelərini möhkəmləndirir.  Sozcu.az xəbər verir ki, bu barədə iyulun 5-də Ukrayna Silahlı Qüvvələrinin Baş Qərargahından bildirilib. Məlumata görə, Liman, Baxmut, Avdeyevsk və Marınsk istiqamətlərində ağır döyüşlər gedir, sutka ərzində 40 toqquşma olub. Bildirilib ki, Ukrayna müdafiəçiləri Baxmutun cənub və şimal hissələrindən hücumu davam etdirir, əldə etdikləri mövqelərdə möhkəmlənirlər: “Düşmənin artilleriya atəşindən 15 yaşayış məntəqəsi əziyyət çəkib”. 

İlon Mask və Mark Zukerberq "Ultimate Fighting Championship" (UFC) prezidenti Dana Uayt ilə qarışıq döyüş növlərinin (MMA) qaydalarına uyğun döyüşün təşkilini müzakirə edirlər. Sozcu.az oxu.az-a istinadən bildirir ki, bu barədə Uayt "The New York Times"a özü məlumat verib. Onun sözlərinə görə, hər iki iş adamıyla hər axşam zəngləşir, onların hər ikisi dava etmək istəyir. Uayt və milyarderlərə yaxın mənbələr iddia edirlər ki, son 10 gün ərzində Mask və Zukerberq pərdəarxası danışıqlar aparıb, tədbirin ümumi konturlarını müəyyənləşdiriblər: Onlar fiziki mübarizəyə meyilləniblər. UFC rəhbəri döyüşün nümayiş xarakter daşıyacağını və çempionatın yurisdiksiyasından kənarda baş tutacağını deyib. Buna baxmayaraq, o, döyüşün təşkilinə şəxsən köməklik göstərəcəyini vurğulayıb. Tərəflər razılığa gəliblər ki, toplanan vəsait xeyriyyə məqsədlərinə yönəldiləcək, amma detallar hələ də müzakirə olunur. Uayt qeyd edib ki, iki iş adamı arasında çəki və boy fərqinə görə mübarizə xüsusilə maraqlı olacaq. "Bizim heç vaxt peşəkar döyüşməmiş və tamamilə fərqli çəki dərəcələrində iki nəfərimiz var. Bu, döyüş sənəti tarixində ən böyük mübarizələrdən olacaq", - deyə Uayt bildirib. Mask rəqibindən təxminən 70 funt (təxminən 31 kq) ağırdır. UFC prezidentinin sözlərinə görə, "Tesla" və "SpaceX"in sahibi döyüşə hazırlıq zamanı arıqlamaq fikrində deyil. "O, arıqlamayacağını çox açıq şəkildə ifadə etdi", - deyə Uayt Mask ilə söhbətin təfərrüatını açıqlayıb. Zukerberqə yaxın mənbələr nəşrə bildiriblər ki, "Meta" lideri duel üçün əla formadadır. Onların sözlərinə görə, o, ciddi məşq rejiminə əməl edir, qaçışlara çıxır və dostlarına meydan oxuyur.İlon Mask və Mark Zukerberq "Ultimate Fighting Championship" (UFC) prezidenti Dana Uayt ilə qarışıq döyüş növlərinin (MMA) qaydalarına uyğun döyüşün təşkilini müzakirə edirlər. Bu barədə Uayt "The New York Times"a özü məlumat verib. Onun sözlərinə görə, hər iki iş adamıyla hər axşam zəngləşir, onların hər ikisi dava etmək istəyir. Uayt və milyarderlərə yaxın mənbələr iddia edirlər ki, son 10 gün ərzində Mask və Zukerberq pərdəarxası danışıqlar aparıb, tədbirin ümumi konturlarını müəyyənləşdiriblər: Onlar fiziki mübarizəyə meyilləniblər. UFC rəhbəri döyüşün nümayiş xarakter daşıyacağını və çempionatın yurisdiksiyasından kənarda baş tutacağını deyib. Buna baxmayaraq, o, döyüşün təşkilinə şəxsən köməklik göstərəcəyini vurğulayıb. Tərəflər razılığa gəliblər ki, toplanan vəsait xeyriyyə məqsədlərinə yönəldiləcək, amma detallar hələ də müzakirə olunur. Uayt qeyd edib ki, iki iş adamı arasında çəki və boy fərqinə görə mübarizə xüsusilə maraqlı olacaq. "Bizim heç vaxt peşəkar döyüşməmiş və tamamilə fərqli çəki dərəcələrində iki nəfərimiz var. Bu, döyüş sənəti tarixində ən böyük mübarizələrdən olacaq", - deyə Uayt bildirib. Mask rəqibindən təxminən 70 funt (təxminən 31 kq) ağırdır. UFC prezidentinin sözlərinə görə, "Tesla" və "SpaceX"in sahibi döyüşə hazırlıq zamanı arıqlamaq fikrində deyil. "O, arıqlamayacağını çox açıq şəkildə ifadə etdi", - deyə Uayt Mask ilə söhbətin təfərrüatını açıqlayıb. Zukerberqə yaxın mənbələr nəşrə bildiriblər ki, "Meta" lideri duel üçün əla formadadır. Onların sözlərinə görə, o, ciddi məşq rejiminə əməl edir, qaçışlara çıxır və dostlarına meydan oxuyur.

Xəbər verdiyimiz kimi, türkiyəli müğənni Ebru Gündeş Şəmkirdə toy məclisində yer alıb. Sözügedən tədbirdə illərdir Ebru ilə küsülü olan müğənni Günel Zeynalova da səhnəyə çıxıb.  Sozcu.az axşam.az-a istinadən bildirir ki, Ebrunun Günellə eyni məclisdə olması müzakirələrə səbəb olub. Bunun ardından Günel açıqlama yayaraq, eyni gündə səhnə almadıqlarını deyib.  Belə ki, Günel iki gün davam edən toyda Ebrunun onunla bir yerdə olmaq istəmədiyini açıqlayıb. Günel iyulun 3-də toyda yer aldığını vurğulayıb.  "Eşidib və eyni səhnədə olmaq istəməyib. Bizim səhnəmiz 3 iyulda idi" deyə, ifaçı paylaşımına yazıb. Qeyd edək ki, Ebru Günel iş adamı Reza Zərrabla nişanlı olan ərəfədə onunla eşq yaşayıb. Daha sonra Ebru və Reza ailə qurub, bir neçə il əvvəl isə ayrılıblar. Onların bu nikahdan bir qız övladı var.  

Mütəxəssislər orqanizmin gəncliyini uzadan sağlam meyvə və tərəvəzlərin siyahısını hazırlayıblar.  Sozcu.az lent.az-a istinadən bildirir ki, bu meyvə, tərəvəzlər antioksidantlarla zəngindir və iltihab əleyhinə xüsusiyyətlərə malikdir. Bədənin qocalmasını yavaşlatmaq və iltihabi proseslərin səviyyəsini azaltmaq üçün mütəxəssislər antioksidantlarla zəngin tərəvəz və giləmeyvələri gündəlik qida rsionumuza mümkün qədər tez-tez daxil etməyi məsləhət görürlər. Mütəxəssislər müntəzəm yeyildikdə gəncliyi sözün əsl mənasında uzada biləcək tərəvəzlərin siyahısını tərtib ediblər. Brokoli - tərkibində təbii antioksidantlar olan, iltihabəleyhinə xüsusiyyətlərə malik olan və orqanizmi vitaminlərlə doyuran çoxlu miqdarda sulfuropanlar var. Brokolinin tərkibində çoxlu kalsium, lif və kifayət qədər su da var. Soğan - yaxşı bir kalium mənbəyidir və toxunulmazlıq üçün faydalı xüsusiyyətlərə malik olan və iltihab markerlərini azaldan antioksidant ilə zəngindir. Yerkökü - iltihabla mübarizə aparmağa kömək edən bir ton qida ehtiva edir. Bu tərəvəz sağlam sümükləri və dərini dəstəkləyən beta-karoten və karotenoidlə zəngindir. Şirin bibər - yüzilliklərin çoxunun sevimli yeməklərindən biridir. Parlaq meyvələr təbii antioksidantlar olan C və A vitaminləri ilə zəngindir. O, həmçinin yüksək miqdarda lif və su, eləcə də yüksək səviyyədə antioksidantdır. Sarımsaq - iltihab əleyhinə təsir göstərən kükürd tərkibli birləşmələr var. Tədqiqatlar göstərir ki, bu birləşmələr hətta immunitet sistemini gücləndirməkdə və bəzi xərçəng növlərinin inkişafının qarşısını almaqda faydalı ola bilər.

"Real"ın baş məşqçisi Karlo Ançelottinin Braziliya millisini çalışdıracağı təsdiqlənib. Sozcu.az xəbər verir ki, bunu Braziliya Futbol Konfederasiyasının prezidenti Ednaldo Rodriges öz Tvitter hesabındakı paylaşımında bildirib. O, 2024-cü ildə komandaya Ançelottinin rəhbərlik edəcəyini bildirilib. İtaliyalı mütəxəssisin sözləşməsinin DÇ-2026-dək qüvvədə olacaq.  Braziliya Futbol Konfederasiyasının rəsmi saytı Ançelottiyə qədər komandanı Fernando Dinizin çalışdıracağını açıqlayıb. Qeyd edək ki, 64 yaşlı Ançelotti 2021-ci ildən "Real"ı çalışdırır. O, Madrid klubuna ikinci qayıdışından sonra 2 il ərzində Çempionlar Liqasını, Klublararası Dünya Çempionatını, La Liqanı, İspaniya kubokunu və Superkubokunu qazanıb.

Dünya birjalarında neft qiymətləri yenidən bahalaşıb. Sozcu.az xəbər verir ki, hazırda “Brent” markalı neftin bir barreli 75,86 dollara, yüngül neftin bir barreli isə 70,94 dollara satılır.

Sabirabad Rayon Polis Şöbəsinə (RPŞ) rayonun Qaragüney kənd sakini olan 17 yaşlı bir qızın naməlum şəxslər tərəfindən qaçırılması barədə məlumat daxil olub. DİN-in Mətbuat Xidmətinin Şirvan regional qrupundan Sozcu.az-a bildirilib ki, daxil olan məlumatla əlaqədar polis əməkdaşları tərəfindən keçirilən əməliyyat-axtarış tədbirləri nəticəsində qeyd edilən hadisəni törətməkdə şübhəli bilinən həmin kənd sakinləri Elgün Nurəhmədov, Vasif Nurəhmədov və Hüseyn Hüseynzadə müəyyən edilərək istintaqa cəlb olunublar. Dindirilmə zamanı E.Nurəhmədov həmkəndlisi olan qızı qardaşının və tanışının köməkliyi ilə evlənmək məqsədilə qaçırdığını bildirib. Hadisədən sonra qız ailəsinə təhvil verilib. Faktla bağlı Sabirabad RPŞ-nin İstintaq Bölməsində Cinayət Məcəlləsinin 144.3-cü (Adam oğurluğu - bu Məcəllənin 144.1 və 144.2-ci maddələrində göstərilən əməllər yetkinlik yaşına çatmayan şəxs barəsində törədildikdə və ya ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə cinayət işi başlanılıb, saxlanılan şəxslər barəsində rayon məhkəməsinin qərarı ilə həbs qətimkan tədbirləri seçilib. Araşdırmalar davam etdirilir.

Ukrayna müharibənin 497-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 231 700 hərbçi, 4062 ədəd tank, 7917 ədəd zirehli döyüş maşını, 4288 ədəd artilleriya sistemi, 656 ədəd RYAS (reaktiv yaylım atəş sistemi), 395 hava hücumundan müdafiə sistemi, 315 ədəd hərbi təyyarə, 309 ədəd helikopter, 6865 ədəd avtomobil texnikası, 3614 ədəd PUA, 1264 qanadlı raket, 18 gəmi/qayıq, 598 xüsusi avadanlıq itirib.

Azərbaycan Ordusunun Ağdərə istiqamətini guya iriçaplı silahlardan istifadə etməklə atəşə tutması erməni dezinformasiya maşının növbəti və deqradasiyaya uğramış təkrar yalanıdır. Bu barədə Sozcu.az-a Müdafiə Nazirliyindən bildirilib. “Azərbaycan Ordusunun hədəfi heç vaxt mülki obyektlər olmayıb”, - məlumatda bildirilib.

Çin lideri Si Szinpin Rusiya Prezidenti Vladimir Putinə Ukraynada nüvə silahından istifadəyə qarşı xəbərdarlıq edib. Sozcu.az xəbər verir ki, bu barədə “Faynənşl Tayms” Qərb və Çin rəsmilərinə istinadən məlumat yayıb. Qeyd olunur ki, Putin və Szinpin Çin liderinin 2023-cü ilin martında Moskvaya səfəri zamanı bu məsələni müzakirə ediblər: “Bu, Çin dövlət başçısının Moskvanı səssiz dəstəyinə baxmayaraq, Ukrayna münaqişəsindən narahat olduğunu göstərir”.

Münaqişə başa çatdıqdan az sonra Azərbaycan Ermənistanla bir-birinin suverenliyinin və ərazi bütövlüyünün qarşılıqlı tanınması əsasında sülh sazişi imzalamaq üçün beş əsas prinsipini təqdim edib. Sozcu.az xəbər verir ki, bu sözləri Azərbaycan Prezidenti İlham Əliyev Qoşulmama Hərəkatının Əlaqələndirmə Bürosunun Nazirlər görüşündə çıxışı zamanı səsləndirib. “Ermənistanın Qarabağı Azərbaycanın tərkib hissəsi kimi tanımağa məcbur olmasına baxmayaraq, Rusiya sülhməramlılarının müvəqqəti yerləşdirildiyi Azərbaycan ərazilərində hələ də Ermənistan silahlı qüvvələrinin qalıqları mövcuddur”, - deyən dövlətimizin başçısı vurğulayıb ki, əgər Ermənistan həqiqətən də regionda çoxdan gözlənilən sülhdə maraqlıdırsa, onda onun silahlı qüvvələri Azərbaycanın Qarabağ bölgəsindən tamamilə çıxmalıdır. Bölgədəki erməni hərbi və yarımhərbi elementləri tərksilah edilməli və tərxis olunmalıdır.

Xarici təhlükəsizlik sahəsində problemlərimiz hər birinizə məlumdur və burada biz çox ciddi çağırışlarla üzləşmişik. Eyni zamanda, əminəm ki, hökumətin qəbul etdiyi sülh gündəliyinin alternativi yoxdur, çünki sülh bizim suverenliyimizin və təhlükəsizliyimizin ən etibarlı amilidir. Sozcu.az xəbər verir ki, bu sözləri Ermənistanın Baş naziri Nikol Paşinyan Konstitusiya Günü münasibətilə xalqa müraciətində deyib. “Sülh gündəliyinin həyata keçirilməsi sadə səbəbə görə təmin edilmir ki, bu, təkcə bizdən asılı deyil. Biz sülhə nail olmaq üçün bütün qanuni səyləri göstərməliyik. Bu kontekstdə Dağlıq Qarabağ ermənilərinin hüquq və təhlükəsizliyinin təmin edilməsi və 29,8 min kv.km əraziyə malik Ermənistan Respublikasının ərazi bütövlüyünün tanınması üçün müvafiq mexanizmlərin yaradılması əsas əhəmiyyət kəsb edir”.

Hərbi xidmətə yararsız olmaya dair saxta tibbi rəy verməkdə təqsirləndirilən həkim məsuliyyətə cəlb olunub. Bu barədə Sozcu.az-a Baş Prokurorluğun Mətbuat Xidmətindən məlumat verilib. Bildirilib ki, “Sabunçu Tibb Mərkəzi” Publik Hüquqi Şəxsdə şöbə müdiri vəzifəsində işləyən Qaracayev İlqar Qaraca oğlunun qanunsuz əməlləri barədə Baş prokuror yanında Korrupsiyaya qarşı Mübarizə Baş İdarəsində cinayət işinin istintaqı aparılır. Belə ki, İlqar Qaracayevin qeyd olunan vəzifədə işləyərkən hərbi xidmətə yararlı olan ayrı-ayrı çağırışçıların hərbi xidmətə yararsız hesab edilmələri barədə saxta tibbi rəylərin verilməsi müqabilində onlardan 18 min manatdan artıq məbləğində rüşvət almasına əsaslı şübhələr müəyyən edilib. İş üzrə toplanmış ilkin sübutlar əsasında İlqar Qaracayevə Cinayət Məcəlləsinin 308.2 (ağır nəticələrə səbəb olan vəzifə səlahiyyətlərindən istifadə etmə), 311.3.2 (təkrar rüşvət alma), 313 (vəzifə saxtakarlığı) və digər maddələri ilə ittiham elan edilərək səhhəti və yaşı nəzərə alınmaqla barəsində məhkəmənin qərarı ilə ev dustaqlığı növündə qətimkan tədbiri seçilib. Hazırda cinayət işi üzrə istintaq davam etdirilir.

Türkiyənin xarici işlər naziri Hakan Fidan Azərbaycana səfər edəcək. Sozcu.az xəbər verir ki, bu barədə Türkiyə Xarici İşlər Nazirliyi (XİN) məlumat yayıb. Səfər çərçivəsində o, Qoşulmama Hərəkatının xarici işlər nazirlərinin toplantısına qatılacaq, həmçinin bir sıra ikitərəfli görüşlər keçirəcək.

“Bu, faktiki olaraq Rusiya dövlətinin Azərbaycan torpağındakı həmin separatçı qurumu tanıması və onunla əməkdaşlıq etməsi anlamına gələcək...” “Hesab edirəm ki, Arayik Arutyunyanın Putinə göndərdiyi məktublar ünvanına çatır. Burada heç bir problem olmamalıdır. Əks halda belə bir məktubun yazılmasına və bu haqda məlumatın yayılmasına da gərək olmazdı. Bu, texniki məsələdir”.  Bunu Moderator.az-a açıqlamasında siyasi təhlükəsizlik məsələləri üzrə ekspert Ərəstun Oruclu “Sizcə, Xankəndindəki separatçı qurumdan gedən müraciətlərin məğzi şəxsən Rusiya diktatoru Putinə çatdırılırmı? Arayiklə ünsiyyəti kim qurur, ona hansı yollarla cavab verilir?” sualını cavablandırarkən söyləyib. “Həmin məktublar Ermənistan vasitəsi ilə də, Qarabağın dağlıq hissəsində dislokasiya olunmuş işğalçı Rusiya qoşunlarının komandanlığı vasitəsilə də çatdırıla bilər. Əvvəlcədən bəllidir ki, Qarabağda yalnız Rusiya ordu birləşmələri deyil, həm də bu ökənin xüsusi xidmət orqanları, eləcə də digər dövlət və hökumət orqanlarının əməkdaşları da var” -deyə analitik davamında bildirib.  “Qaldı həmin məktublara verilən reaksiyaya, Arayikin Putindən nə istədiyini və Putinin indiki vəziyyətdə Qarabağdakı separatçılara  nə verə biləcəyini bulmirik. Amma hər bir halda əgər Rusiya Arayikin məktubuna cavab verərsə, Azərbaycan  hökmən buna qəti reaksiya verməli və Kremldən  izahat tələb etməlidir. Ona görə ki Azərbaycan Respublikasının ərazisində hər hansı bir qondarma “dağlıq qarabağ respublikası” və yaxud “artsax respublikası” və ya başqa bir adda heç bir qurum yoxdur. Oradakı vəziyyət 10 noyabr 2020-ci il tarixli üçtərəfli bəyanatda öz əksini tapıb. Və həmin sənəddə də Azərbaycanın Qarabağ ərazisindəki hansısa bir qurumdan söhbət getmir, orada yalnız Qarabağdakı erməni icmasından bəhs edilir. Odur ki, Azərbaycan Respublikası hökuməti belə məsələlərə həssas və ani reaksiya verməlidir ki, bu cür işlər adi praktikaya çevrilməsin. Çünki əgər Putin  baş separatçı Arayik Arutyunyanın müraciətinə hər hansı bir şəkildə reaksiya verəcəksə, bu, faktiki olaraq Rusiya dövlətinin Qarabağdakı separatçı qurumu tanıması və onunla əməkdaşlıq etməsi anlamına gələcək”- deyə ekspert vurğulayıb.

Kürdəmirdə bələdiyyə sədri anidən dünyasını dəyişib. Sozcu.az Report-a istinadən xəbər verir ki, hadisə şəhərin H.Əliyev prospektində qeydə alınıb. Belə ki, rayonun Karrar kənd bələdiyyəsinin sədri Sahib Cəfərov rayon məhkəməsinin inzibati binasına daxil olarkən halı pisləşib və o yıxılaraq huşunu itirib. Ətrafdakı insanlar onu xəstəxanaya çatdırmaq istəsələr də, Sahib Cəfərov ürəktutmasından dünyasını dəyişib. Onun meyiti müayinə olunması üçün Səhiyyə Nazirliyinin Məhkəmə Tibbi Ekspertizası və Pataloji Anatomiya Birliyinin Kürdəmir rayon şöbəsinə aparılıb. Qeyd edək ki, Sahib Cəfərov bir müddət əvvəl ürəyindən cərrahiyə əməliyyatı keçirib. Faktla bağlı araşdırma aparılır.

İstanbulun Çekmeköy səmtində binada güclü partlayış baş verib. Sozcu.az Türkiyə mediasına istinadən xəbər verir ki, dördmərtəbəli binada yerləşən mənzildə baş verən partlayışın təbii qazdan qaynaqlandığı bildirilib. İlkin məlumata görə, partlayış zamanı 3 nəfər xəsarət alıb. Partlayışdan sonra güclü yanğın baş verib, əraziyə yanğınsöndürənlər cəlb edilib. Bildirilir ki, partlayışın baş verdiyi mənzildə əcnəbi bir qadın yaşayıb.

Türkiyə ordusu iyun ayında 65 terrorçu məhv edib. Sozcu.az xəbər verir ki, bu barədə Türkiyə daxili işlər naziri Əli Yerlikaya məlumat yayıb. “Keçən ay 43-ü böyük və orta olmaqla, terror təşkilatına qarşı ümumilikdə 13 min 138 əməliyyat keçirilib. Bu əməliyyatlarda 418 nəfər saxlanılıb, 112 nəfər həbs edilib”, - nazir qeyd edib.

Azərbaycan deyir ki, masaya oturmaq üçün ilk növbədə silahlı erməni dəstələri Qarabağdan çıxarılmalıdır.  Sozcu.az xəbər verir ki, bunu erməni separatçılarının başçısı Arayik Arutyunyan deyib. O, Bakının danışıqlar üçün bir sıra şərtlər irəli sürdüyünü söyləyib. “Bakı yalnız bir mövzunu müzakirə edir: inteqrasiya. İkinci mövzu müzakirə olunmur. Bəziləri bizə deyir, gedin, onları inandırın, müzakirə edin. Azərbaycan deyir ki, masa arxasına oturmaq üçün birinci “özünümüdafiə ordusu” buraxılmalıdır”,- Arayik deyib. Baş separatçı Azərbaycanın təkliflərini qəbul etməyərək, "müqavimət" göstərəcəklərini vurğulayıb. “Sonrakı ardıcıllıq belə olacaq: ordunu dağıdırıq, “dövlət idarəetmə” sistemini dağıdırıq, bələdiyyə seçkiləri mexanizmi yaradırıq, bundan sonra qaz, işıq verilir və Azərbaycan vətəndaşı kimi avtomobil yolu ilə gedə bilirik. Bizim edəcəyimiz iki iş var: özünümüdafiə və müqaviməti artırmaq”,- o qeyd edib.

Fövqəladə Hallar Nazirliyinin (FHN) Tibb Xidməti və Tibb Mərkəzində narazılıqlar höküm sürür. Qaynarinfo-nun əldə etdiyi məlumata görə, narazılıqların ilk səbəbi Tibb Xidməti və Tibb Mərkəzinin rəhbərlərinin fəaliyyətidir. Bildirək ki, FHN-nin Tibb Mərkəzi Tibb Xidmətinin tabeçiliyində fəaliyyət göstərir. Buna baxmayaraq, Tibb Mərkəzinin rəisi, polkovnik Xanım Sofiyeva özünü tam müstəqil qurumun rəhbəri kimi aparır. Tibb Xidməti və Tibb Mərkəzinin rəsmi dövlət tədbirləri də Xanım Sofiyevanın rəhbərliyi ilə keçirilir. 16 dekabr 2014-cü ildə fövqəladə hallar naziri, general-polkovnik Kəmaləddin Heydərovun iştirakı ilə paytaxtın Binəqədi rayonu, Biləcəri qəsəbəsində inşa olunmuş Tibb Xidmətinin Tibb Mərkəzinin yeni inzibati binasının açılışı edilsə də, hazırda bu müəssisənin fəaliyyəti iflic vəziyyətdədir. Nəticədə FHN-nin aşağı vəzifəli əməkdaşlarının sözügedən müəssisədə müalicə və müayinə olunmaları problemə çevirilib. Oraya müayinəyə gələn FHN işçilərinə başqa dövlət və özəl xəstəxanalara getmələri tövsiyyə edilir. Bu da ciddi nazrazılıqlara səbəb olur. Hazırda Tibb Mərkəzinin binası ilə FHN Bakı Regional Mərkəzinin binasının yerdəyişməsi prosesi gedir ki, bunun üçün külli miqdara maliyyə vəsaiti ayrılıb və bu iş Xanım Sofiyevaya tapşırılıb. Bakının "20 Yanvar” deyilən ərazisində yerləşən Bakı Regional Mərkəzinin binasında iki ilə yaxındır ki, yenidənqurma və təmir-bərpa işləri aparılır. Amma işlər bitmək bilmir. Hələ bu azmış kimi, onlarla şirkətə Tibb Mərkəzinin 100 min manatlarla borcu yaransa da, verilmir və iş məhkəmələrə kimi gedib çıxır. Nəticədə Biləcəri qəsəbəsində yerləşən Tibb Mərkəzində müalicə və müayinəyə gələn FHN işçiləri çıxılmaz vəziyətdə qalıblar. Onu da qeyd edək ki, sözügedən Tibb Mərkəzinin əksər tibbi avadanlıqları da yararsız hala düşüb. Xanım Sofiyevanın rəsmi olaraq tabe olduğu Tibb Xidmətinin rəisi, polkovnik Pərviz Vəliyev isə öz "işindədir". Belə ki, rəis anası Məhbubə Vəliyeva ilə dərman istehsalı və satışı ilə məşğul olur. Pərviz Vəliyevin anası hazırda "Gilan” şirkətində biyan kökü dərmanı istehsalının brend sahibidir. Qeyd edək ki, Tibb Xidmətinə məxsus dövlət nömrə nişanı "PF 065” olan avtomobil 11.000 AZN borc yarandığı üçün "Nurgun Motors" tərəfindən girov saxlanıb. Buna baxmayaraq, polkovnik rəhbəri olduğu qurumdan da pul qazanmağı unutmur.  Həmçinin qeyd edək ki, Tibb Xidmətində rəisin qohumları, dostları ilə bərabər, FHN generallarının yaxınları da çalışır. Pərviz Vəliyev yaxın dostunun oğlunu xidmətə təsərrüfat bölməsi üzrə rəis gətirib. Həmin şəxsə qanunsuz olaraq dövlət büdcəsi hesabına kirayə pulu ödəyir. Ümumi şöbədə çalışan Seyran Hacıyev Sumqayıt Regional Mərkəzinin sabiq rəisi, polkovnik Adil Hacıyevin oğludur.  FHN-nin Tibb Xidmətində ümumi şöbənin rəis müavini Sevinc Məmmədovanın qardaşı Bəhruz Məmmədov nazirlikdə Rəqəmsal Texnologiyalar və İnnovasiyaların İnkişafı Baş İdarəsinin rəisidir. Ümumi şöbənin rəisi Sevər Hacıyeva sabiq Yanğın Nəzarət Xidmətinin rəisi, general İsrail Əliyevin və general Sevda Şirinovanının yaxın qohumudur. Sevər Hacıyeva eyni zamanda nazir müavini Rəfail Mirzəyevin qızı Aida Mirzəyevanın rəfiqəsidir. Digər tərəfdən Pərviz Vəliyev anası Məhbubə Vəliyevanın iş yoldaşının qızını dərman şöbəsində işə qəbul etdirib. Dərman şöbəsinin digər işçisi nazir müavini, general Rəfail Mirzəyevin Fidan adlı bacısı qızıdır. Pərviz Vəliyev Xidmətin müalicə şöbəsinə isə nazir müavini Raqim Lətifovun bacısı qızı Könül Yaqubovanı rəis təyin edib. Bir müddət əvvəl qeyd etmişdik ki, Pərviz Vəliyev Bakının Binəqədi rayonunda evi, Badamdar, Maştağa qəsəbəsində, Mərdəkanda villaları, Qax rayonunda evi və fermasının olmasına baxmayaraq, dövlətdən kirayə pulu da alır. Bu xəbərdən sonra Pərviz Vəliyev sözügedən vəsaiti dövlət büdcəsinə qaytarmışdı. Amma əldə etdiyimiz məlumata görə, Pərviz Vəliyev kirayə pullarını özü üçün yenidən bərpa etdirib. Bütün bu işlərdə ona xidmətin maliyyə şöbəsinin rəisinin baş köməkçisi, Pərviz Vəliyevin yaxın dostu, eyni zamanda nazir müavini, general Raqim Lətifovun qohumu İlqar Əfəndiyev köməklik edir. FHN-nin nəzarət təftiş komissiyasının rəisi, "Tuz Qəşəm" ləqəbli Qəşəm Məmmədov da nədəsə Tibb Xidmətində kirayə pullarının qanunsuz olaraq verilməsinə göz yumur. Onu da qeyd edək ki, Qəşəm Məmmədovun qızı Dövlət Gömrük Komitəsində, oğlu isə 150 minlik avtomobillə dövlət qurumlarının birinə işə gedib-gəlir.

Müdafiə Nazirliyinin Daxili Təhlükəsizlik, həmçinin Təhsil-tədris və Elmi tədqiqatlar idarəsinin sabiq baş zabiti Zahid Niftəliyev və N saylı hərbi hissənin tağım komandiri müavini Elsevər Niftəliyevin cinayət işi üzrə məhkəmə araşdırması başa çatıb. Sozcu.az “Qafqazinfo”ya istinadən xəbər verir ki, Tərtər Hərbi Həhkəməsində keçirilən sonuncu iclasda hökm oxunub. Hakim İlqar Əliyevin sədrlik etdiyi hakimlər heyəti belə qənaətə gəlib ki, təqsirləndirilən şəxslərə verilmiş ittihamlar əsassızdır. Hökmə əsasən Zahid Niftəliyevin əməli Cinayət Məcəlləsinin 311-ci (rüşvət alma) maddəsindən 312.1-ci (rüşvət verməyə təhrik etmə) maddəsinə tövsif edilib. Z.Niftəliyev bu maddə ilə təqsirli bilinib, ona 10 min manat cərimə cəzası təyin edilib. Onun barəsində seçilmiş həbs qətimkan tədbiri ləğv edilib, məhkəmə zalından birbaşa azadlığa buraxılıb. Təqsirləndirilən gizir Elsəvər Niftəliyevin isə əməlində cinayət tərkibi olmadığından ona bəraət verilib. Qeyd edək ki, Z.Niftəliyev və E.Niftəliyev Hərbi Prokurorluğun İstintaq idarəsi tərəfindən cinayət məsuliyyətinə cəlb ediliblər. Onlara qarşı Cinayət Məcəlləsinin 311.3.1, 311.3.2 və 311.3.3 (qabaqcadan əlbir olub külli miqdarda təkrar rüşvət alma) maddəsi ilə ittiham verilib. Zahid Niftəliyev həm də Cinayət Məcəlləsinin 341-ci (vəzifə səlahiyyətlərindən sui-istifadə və ya səlahiyyət həddini aşma) maddələri ilə ittiham irəli sürülüb. Z.Niftəliyev rüşvət almaqdan əlavə hərbçiləri qanunsuz olaraq öz bağ evində işlətmətməkdə təqsirləndirilirdi.  Z.Niftəliyev Azərbaycan Ordusunun keçmiş Baş Qərargah rəisi Nəcməddin Sadıkovun yaxın adamı olub. O, “Şlyapa Zahid” ləqəbi ilə tanınıb.

Donetsk vilayətinin Baxmut şəhəri ərazisində Ukrayna əsgərləri rus işğalçılarının üç "BM-21"-"Qrad" reaktiv yaylım atəş sistemini məhv ediblər. "Qrad"lar düşmən xəttinin arxasında yerləşib, onların koordinatları xüsusi kəşfiyyat zamanı Ukrayna Silahlı Qüvvələrinin Xüsusi Əməliyyat Qüvvələri bölmələrindən birinin operatorları tərəfindən aşkar edilib. Sozcu.az xəbər verir ki, bu haqda Ukrayna  Xüsusi Əməliyyat Qüvvələri öz telegram-kanalında bildirib. "Koordinatlar tez bir zamanda Müdafiə Qüvvələrindəki silahdaşlara təhvil verilib. Bütün texnika və canlı qüvvə artilleriyamızın "ləzzətli" atışları ilə məhv edilib", - məlumatda belə deyilir. Qeyd etmək lazımdır ki, ruslar "Qrad"lardan Ukraynanın dinc yaşayış məntəqələrinə dəfələrlə zərbələr endirib, buna görə də itkilər və çoxlu dağıntılar olub. "Qrad" mərmiləri 40 km-dən çox məsafəni qət edə bilir...

Bakı Kommersiya Məhkəməsində deputat Cavanşir Feyziyevə məxsus (qeyri-rəsmi) “Avromed Company” şirkətinin Dövlət Sərhəd Xidmətinə qarşı iddiası üzrə məhkəmə iclası davam etdirilib. Sozcu.az xəbər verir ki, Pravda.az-ın əldə etdiyi məlumata görə, hakim Leyla Əliyevanın sədrliyi ilə keçirilən prosesdə tərəflərin sənədləri dəqiqləşdirilib. Məhkəmənin növbəti iclası iyulun 19-na təyin edilib. Qeyd: “Avromed Company” şirkəti Dövlət Sərhəd Xidmətini məhkəməyə verərək müqavilələrdən əmələ gələn öhdəliklər üzrə mübahisələr və sair öhdəliklər üzrə mübahisələr barədə tələb irəli sürüb. Xatırlatma: “Avromed Company” 2002-ci ilin aprelindən fəaliyyətə başlayıb. Şirkət Azərbaycana xaricdən dərman gətirən şirkət kimi məşhurdur.

Dənizkənarı Milli Parkda dekorativ ağaca zədə vurulması ilə bağlı sosial şəbəkələrdə yayılan görüntülər araşdırılıb. Daxili İşlər Nazirliyinin Mətbuat xidmətinin əməkdaşı Nurlan Əliyev Sozcu.az-a bildirib ki, polis əməkdaşları tərəfindən həmin qadın müəyyən olunaraq saxlanılıb. O, izahatında törətdiyi əməli etiraf edib. Onun barəsində toplanmış materiallar baxılması üçün məhkəməyə göndərilib.