Bu gündən Azərbaycanda bəzi taksi şirkətləri qısa məsafələr üçün gediş haqqı qiymətlərini qaldırıb. Sozcu.az xəbər verir ki, bu haqda sosial şəbəkədə məlumat yayılıb. Xəbərdə bildirilir ki, “Uber”, “Bolt” və “Yango” şirkətləri xidmətdən istifadə üçün minimal həddin qiymətini qaldırıblar. Hazırda yaxın gedişlər üçün minimal məbləğ 2,50 AZN-dir. Əvvəl bu məbləğ 1-1,60 manat məbləğində idi. 

Astroloqlar milyarderlərin doğum tarixinin təhlili əsasında maliyyə məsələsində kimin şanslı ola biləcəyi qənaətinə gəliblər. Sozcu.az lent.az-a istinadən bildirir ki, siyahıda bürclərin dörd nümayəndəsi var. "Forbes" jurnalına görə dünyanın ən varlı adamlarının siyahısını təhlil etsəniz, ən zəngin bürcün Şir bürcü olduğu ortaya çıxır. Onun nümayəndələri "qızıl yüzlük"ün kapitalının 14 faizini təşkil edir. Artıq uzun illərdir ki, Qoç və Dolça təsirli maliyyə nəticələri göstərir (hər biri 8 faiz), Balıqlar da zənginlər siyahısında görünür. Qız bürcü Qız bürcü ən zəngin bürclərdən biri hesab olunur. Dollar milyarderləri arasında təxminən 12 faiz bu bürc altında doğulanlara aiddir. Onlar öz zəhməti, ünsiyyətcilliyi və cazibədarlığı ilə var-dövlətə nail ola biliblər. Qoç və Dolça Qoç və Dolça planetin ən varlı adamları sıralamasında daha da irəli gedir, 8 faiz paya sahibdirlər. Xüsusilə, Dolçalar geniş dünyagörüşü və dostluqları sayəsində asanlıqla böyük bir sərvət qazana bilərlər. Azadlığa o qədər sevgiləri var ki, onlar çox vaxt ailə bağları ilə bağlanmırlar, buna görə də heç bir şey qazancdan yayındıra bilməz. Qoç öz əzmkarlığı ilə tanınır. Çalışqanlıqlarının köməyi ilə hər şeyə özləri nail ola bilərlər. Balıq Balıqlar da tez-tez zənginlərin siyahısında görünür. Astroloqların fikrincə, bu bürc israrlı və inadkardır. Belə insanlar asanlıqla böyük bir sərvət qazana bilərlər və bu, yalnız ixtiraçılıq tələb edir.

Türkiyəli məşhur müğənni Əmrahın oğlu Tayfun Ərdoğan evlənib. Sozcu.az axşam.az-a istinadən bildirir ki, ifaçının oğlu nişanlısı, jurnalist Əda İrapla nikah masasına əyləşib. Əmrah küsülü olduğu oğlunun toyuna qatılmayıb. Mərasimdə Tayfunun nikah şahidi "Yeşilçam"ın ulduzu Nuri Alço olub. Qeyd edək ki, Tayfun Əmrahın Ebru Çolakdan olan oğludur və onlar uzun müddətdir görüşmürlər.

Son zamanlar 16 nəfərin ölümünə səbəb olan Marburq virusu narahatlıq yaratmaqda davam edir. Sozcu.az musavat.com-a istinadən bildirir ki, Marburq virusu heç də son vaxtlar ortaya çıxmayıb. Bu virus ilk dəfə 1967-ci ildə Almaniyanın Frankfurt və Marburq şəhərlərində, həmçinin Serbiyanın Belqrad şəhərində müşahidə edilib. 31 nəfərdə aşkarlanan virus 7 nəfərin ölümünə səbəb olub. 2005-ci ildə Anqolada Marburq virusu epidemiyası 300-dən çox insanın ölümü ilə nəticələnib. Mütəxəssislər bu ölümcül virusla bağlı yenidən xəbərdarlıq edirlər. Nəhayət, 16 nəfər səkkiz gün ərzində diş əti qanaması və kramp ağrılarından ölüb. Bu ilin əvvəlində Ekvatorial Yeni Qvineya və Birləşmiş Tanzaniya Respublikasında Marburq virusuna yoluxma hallarında artım qeydə alınıb. İndiyədək Yeni Qvineyada virusdan ümumilikdə 12 nəfər, Tanzaniyada isə 4 nəfər ölüb. Ümumdünya Səhiyyə Təşkilatının (ÜST) məlumatına görə, Ebolaya səbəb olan virusla eyni ailədən olan virus sirayət etdiyi şəxsləri "həyuləyə bənzər" görünüşə məruz qoyur. Virusun digər əlamətlərinə ishal, ürəkbulanma və qusma, həmçinin yüksək hərarət, şiddətli baş ağrıları və şiddətli zəiflik daxildir. Bildirilir ki, virusdan əziyyət çəkən bir çox xəstə diş ətindən, burundan və vaginadan tez-tez qanaxma keçirir və səkkiz-doqquz gündən sonra ölür. BBC-nin xəbərinə görə; Afrika yaşıl meymunları və donuzları virusun daşıyıcısı ola bilər, Misir meyvə yarasaları da tez-tez virusu saxlayır. Bədən mayeləri və eyni yatağı paylaşan insanlar arasında ötürülə bilər. Virusdan sağaldıqdan sonra belə, onların qanı və ya sperması aylarla yoluxucu qala bilər. Xəstəliyin müalicəsi yoxdur. Həkimlər xəstəxanaya yerləşdirilən xəstələrə çoxlu miqdarda maye verməklə və ya qan köçürməklə simptomları aradan qaldırmağa çalışsalar da, ÜST bəzi qan məhsulları, dərmanlar və immunoterapiyaların inkişaf etdirildiyini qeyd edir.

"Əl-Nəsr"in futbolçusu Kriştiano Ronaldo Yaponiyada təlim-məşq toplanışı zamanı yeni mövsümlə bağlı fikirlərini bildirib. Sozcu.az goal.com-a istinadən xəbər verir ki, o deyib:  “Biz Yaponiyada olmaqdan çox şadıq. "Əl-Nəsr" üçün bu, ilk belə səfərdir. Qarşıda bizi iki yaxşı matç gözləyir və həyəcanlıyıq. Yaponiyada hamı futbola çox həvəslidir. Biz şou göstərmək üçün buradayıq. Yeni mövsümdə bütün kubokları qazanacağımıza ümid edirik. Bəli, çətin olacaq, amma düşünürəm ki, yeni məşqçi və yeni oyunçularla yaxşı komandamız var. Biz möhtəşəm mövsümü səbirsizliklə gözləyirik". "Əl-Nəsr" Yaponiyada PSJ və “İnter”lə qarşılaşacaq. 

Qubada iki minik avtomobili toqquşub, bir nəfər ölüb, 3 nəfər xəsarət alıb. Sozcu.az xəbər verir ki, hadisə ötən gün Quba-Xaçmaz yolunun Quba rayonu, Zərdabi qəsəbə ərazisindən keçən hissəsində qeydə alınıb. Belə ki, 1968-ci il təvəllüdlü Azər Xantəmirovun idarə etdiyi “Mersedes” markalı avtomobillə 1986-cı il təvəllüdlü Firuz Yusifovun idarə etdiyi Vaz-2107 markalı avtomobil toqquşub. Nəticədə Firuz Yusifov aldığı xəsarətdən hadisə yerində ölüb. “Mersedes” markalı avtomobilin sürücüsü Azər Xantəmirov və avtomobildə olan sərnişinlər Yeganə Kərimova və İlahə Mirzəyeva müxtəlif bədən xəsarətləri alıblar. Faktla bağlı cinayət işi başlanıb və araşdırma davam etdirilir.

Ukrayna müharibənin 516-cı günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 242 620 hərbçi, 4162 ədəd tank, 8118 ədəd zirehli döyüş maşını, 4675 ədəd artilleriya sistemi, 697 ədəd RYAS (reaktiv yaylım atəş sistemi), 452 hava hücumundan müdafiə sistemi, 315 ədəd hərbi təyyarə, 310 ədəd helikopter, 7182 ədəd avtomobil texnikası, 3963 ədəd PUA, 1307 qanadlı raket, 18 gəmi/qayıq, 698 xüsusi avadanlıq itirib.

Gəncə sakini həyat yoldaşını bıçaqlayıb. Sozcu.az xəbər verir ki, hadisə şəhər ərazisində qeydə alınıb. 1983-cü il təvəllüdlü Qadir Vaqif oğlu Qurbanov ailə münaqişəsi zəminində həyat yoldaşı Günay Tahir qızı Babayevanı bıçaqlayıb. Yaralı xəstəxanaya yerləşdirilib. Faktla bağlı cinayət işi başlanılıb, araşdırma aparılır.

Dünya birjalarında neft yenidən ucuzlaşıb. Sozcu.az xəbər verir ki, hazırda “Brent” markalı neftin bir barreli 80,94 dollara, yüngül neftin bir barreli isə 76,95 dollara satılır.

Salyanda baş verən yol qəzasında ölən və yaralananlar var. Sozcu.az Report-a istinadən xəbər verir ki, hadisə yeni Ələt-Astara magistral yolunun rayon ərazisindən keçən hissəsində qeydə alınıb. Belə ki, “Mersedes” markalı avtomobil digər iki avtomobillə toqquşub. Qəza nəticəsində hələlik kimliyi bəlli olmayan bir nəfər hadisə yerində ölüb. 1974-cü il təvəllüdlü Nəsirova Yaqut Gülbala qızı, 1964-cü il təvəllüdlü Əliyev Şahin Mirzəbala oğlu, 1995-ci il təvəllüdlü Musazadə Amil Tapdıq oğlu və daha 3 nəfər müxtəlif dərəcəli bədən xəsarətləri alıblar. Faktla bağlı araşdırma aparılır.

Növbəti yayda Ukrayna müharibədə qələbə qazanacaq. Sozcu.az xəbər verir ki, bu sözləri Ukrayna müdafiə naziri Aleksey Reznikov deyib. Reznikov CNN-ə müsahibəsində bildirib ki, NATO-nun 2024-cü il sammitinə Ukraynanın Alyansa qəbulu üçün imkan kimi baxır: “Ola bilər ki, bu, Ukrayna üçün çox vacib gün olacaq. Bu, hər halda mənim proqnozumdur”. Nazirin sözlərinə görə, müharibə bitəndən sonra Ukraynanın NATO-ya üzvlüyü alyansın özünün marağında olacaq: “Ona görə ki, biz NATO və Avropanın şərqində əsl qalxan olduq. Ukrayna rusları necə saxlamaq, onları necə məğlub etmək, NATO silahları ilə necə davranmaq lazım olduğu ilə bağlı real döyüş təcrübəsi əldə etdi”.

Rusiya işğalçıları son sutkada Tavriçesk istiqamətində iki bölük itirib. Sozcu.az xəbər verir ki, bu sözləri “Tavriya” strateji-əməliyyat hərbi qruplaşmasının komandanı Aleksandr Tarnovski deyib. O qeyd edib ki, Ukrayna Müdafiə Qüvvələri işğalçıları öz mövqelərində sistemli şəkildə vurmağa davam edir.

İranla Ermənistan əlaqələri Əhəmənilər və Parfiya dövründən başlayır. Sozcu.az xəbər verir ki, bu sözləri Əli Xameneinin ali müşaviri Əli Əkbər Vilayəti Zəngəzur dəhlizi ilə bağlı yazdığı məqalədə bildirib. Ermənistanın İran üçün xüsusi və stratejik əhəmiyyətə malik olduğunu yazan ali müşavir Zəngəzur dəhlizinin açılması ilə Ermənistanın ikiyə bölünməsi, İranla Ermənistan arasında olan sərhədin bağlanmasının planlaşdırıldığını iddia edib: “Dəhliz açıldıqdan sonra biz on beş ölkə ilə deyil, on dörd ölkə ilə qonşu olacağıq və İranın Şimali Qafqaz, Rusiya və Avropa qitəsi ilə azad rabitəsi zərər görəcək. Bölgədə istənilən növ sərhəd dəyişikliyi uzunmüddətli gərginliyə səbəb olacaq və sərhədlərdə xarici ölkələrin olması ciddi narahatlıq doğuracaq”.

Cəlilabad rayon sakini dənizdə boğularaq ölüb. Hadisə ötən gün Bilgəh çimərliyində baş verib. Belə ki, Bakı Dövlət Universitetinin 4-cü kurs tələbəsi olan Dəyanət Muradlı dənizdə boğularaq dünyasını dəyişib. Məlumata görə, D.Muradlı Cəlilabad rayonunun Adınalı kənd sakinidir.

Vətən müharibəsi qazisinin intihar etdiyi bildirilir. Sozcu.az xəbər verir ki, bu barədə onu tanıyanlar sosial şəbəkələrdə məlumat yayıblar. Bildirilir ki, qazi Nizaməddin İbadov özünü yandıraraq intihar edib.yeniavaz)

Xəbər verdiyimiz kimi, Kəlbəcər rayonu ərazisində hərbçilərin olduğu avtomobilin qəzaya uğraması nəticəsində, baş əsgər Əliyev Emin Eldəniz oğlu vəfat edib.  Sozcu.az xəbər verir ki, sosial şəbəkələrdə ölən hərbçinin fotosu yayılıb. Qeyd edək ki, qəzada leytenant Hüseynov Əli İlyas oğlu müxtəlif dərəcəli bədən xəsarətləri alıb.

Ukrayna müharibənin 515-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 241 960 hərbçi, 4151 ədəd tank, 8105 ədəd zirehli döyüş maşını, 4658 ədəd artilleriya sistemi, 697 ədəd RYAS (reaktiv yaylım atəş sistemi), 451 hava hücumundan müdafiə sistemi, 315 ədəd hərbi təyyarə, 310 ədəd helikopter, 715972 ədəd avtomobil texnikası, 3958 ədəd PUA, 1298 qanadlı raket, 18 gəmi/qayıq, 696 xüsusi avadanlıq itirib.

Rusiya ordusu dinc şəhərlərə endirdiyi raket zərbələrinə görə mütləq cavabını alacaq. Sozcu.az xəbər verir ki, bunu Ukrayna Prezidenti Vladimir Zelenski deyib. “Rusiya şərinə heç bir bəraət qazandırmaq olmaz. Həmişə olduğu kimi, bu pislik uduzacaq. Odessa üçün isə Rusiya terrorçularına mütləq cavab veriləcək. Onlar bu cavabı hiss edəcəklər”, - Zelenski bildirib. Qeyd edək ki, bu u gün gecə saatlarında Rusiya ordusu odessaya raket zərbələri endirib. Zərbələr nəticəsində ölü və yaralıların olduğu bildirilir.

Əks-hücumun ləng irəliləməsinin səbəbi odur ki, o, nəzərdə tutulandan daha gec başladı. Sozcu.az xəbər verir ki, bu sözləri Ukrayna lideri Vladimir Zelenski deyib. O bildirib ki, əks-hücumu yazda başlamağı planlaşdırırdılar: “Ancaq başlamadıq, çünki kifayət qədər döyüş sursatı və silahımız, bu silahlarla lazımi təlim keçmiş briqadalarımız yox idi. Gec başlamağımız Rusiyaya bütün işğal etdiyi torpaqlarımızı minalamaq və bir neçə müdafiə xətti tikmək üçün vaxt verdi”. Zelenski qeyd edib ki, işğalçıların Ukrayna Silahlı Qüvvələrinin hücumuna hazırlaşmağa vaxtı var idi: “Əlbəttə, onların lazım olduğundan daha çox vaxtı var idi; buna görə bütün bu müdafiə xətlərini tikdilər. Doğrudan da bizim meydanlarımızda onların çoxlu minaları var. Buna görə də əks-hücum hərəkətlərimizin tempi daha yavaşdır. Lakin Ukrayna Silahlı Qüvvələrinin hücumu davam edir və biz hərəkətlərin sürətləndiriləcəyi məqama yaxınlaşırıq, çünki artıq bəzi minalanmış sahələrdən keçirik və bu əraziləri təmizləyirik”.

Rusiyanın Belqorod vilayətinin Juravlevka kəndi kasetli bombalardan atəşə tutulub. Sozcu.az xəbər verir ki, bu barədə “Shot” Teleqram kanalı məlumat yayıb. Bildirilir ki, söhbət naməlum kalibrli üç mərmidən gedir. Hücumun ötən gün baş verdiyi qeyd olunub. Atışma zamanı xəsarət alan olmayıb.

Quba kollec tələbəsi intihar edib. Hadisə rayonun Muçu kəndində qeydə alınıb. Belə ki, 2005-ci il təvəllüdlü Adgözəl Camərdov yaşadıqları evin həyətində olan dülgər sexi kimi istifadə olunan tikilinin tavanından özünü kəndirlə asaraq intihar edib. Onun meytini anası aşkarlayıb. Faktla bağlı araşdırma aparılır. Qeyd edək ki, A.Camərdov Şirvan Dövlət və Humanitar kollecinin III kurs tələbəsi olub./Report

Şamaxı-Çöl Göylər-Padar avtomobil yolunda hərəkətdə olan “Mercedes” markalı avtomobilin sürücüsü, 2005-ci il təvəllüdlü Sabirabad rayon sakini Fərhad Quliyevin idarəetməni itirməsi nəticəsində nəqliyyat vasitəsi yolun kənarına aşıb. DİN-in Mətbuat Xidmətinin Şəki regional qrupundan bildirilib ki, xəsarət alan F.Quliyev və avtomobildə olan üç sərnişin Sabirabad rayon mərkəzi xəstəxanasına çatdırılsa da, göstərilən tibbi müdaxilələrə baxmayaraq sürücü orada vəfat edib. Faktla bağlı cinayət işi başlanılıb.

Ustad xanəndə, Xalq artisti Xan Şuşinskinin qızı, Xan Şuşinski Fondunun rəhbəri Xalq artisti Bəyimxanım Cavanşirova-Verdiyeva Mədəniyyət Nazirliyi yanında İctimai Şuradan istefa verib.  Sozcu.az xəbər verir ki, o bu barədə mətbuata açıqlamasında bildirib: “Tanınmış nəslin nümayəndəsi, ustad xanəndə, Xalq artisti Xan Şuşinskinin övladı olaraq hər zaman mədəniyyətə, mədəni dəyərlərimizə yaxın insan kimi 2011-ci ildə atamın adına Xan Şuşinski Fondunu təsis etmişəm. Ötən dövr ərzində Xan Şuşinski Fondu olaraq mədəniyyət və incəsənətimizin təbliğinə töhfə vermişik və bu missiyamızı bu gün də davam etdiririk.  2021-ci ildə qeyri-hökumət təşkilatları tərəfindənmənə etimad göstərilib və Mədəniyyət Nazirliyi yanında İctimai Şuraya üzv seçilmişəm. Bu müddətdə İctimai Şura olaraq mədəniyyətimizin inkişafı ilə bağlı faydalı işlər görmüş, nazirliyə əhəmiyyətli təkliflər vermişik.  Nazirlik yanında bu il yenidən formalaşdırılan İctimai Şura üçün Xan Şuşinski Fondunun rəhbəri kimi yenə də mənə qeyri-hökumət təşkilatları tərəfindən  etimad göstərildi və mən Şuraya üzv seçildim. Mənə və rəhbərlik etdiyim fondun fəaliyyətinə göstərilən diqqətə görə hər kəsə təşəkkürümü bildirirəm. Bu gün öz istəyimlə İctimai Şuradan istefa vermək qərarına gəlmişəm. Biz Xan Şuşinski Fondunun prinsiplərinə sadiq qalaraq, bundan sonra da mədəniyyətimizin təbliğinə töhfə verməyə çalışacağıq.”

Cənubi Afrika hökuməti Rusiya prezidenti Vladimir Putinin “nə vaxtsa Cənubi Afrika Respublikası ərazisinə ayaq basacağı təqdirdə” onun həbsinə dair Beynəlxalq Cinayət Məhkəməsinin (BCM) orderini icra etməyə hazır olduğunu bildirib. Sozcu.az xəbər verir ki, bu haqda yerli “News24” qəzeti yazıb. Məlumata görə, Cənubi Afrikanın Ədliyyə Nazirliyi Putinin hipotetik həbsi və onun BCM ilə əlaqəli strukturlara verilməsi ilə bağlı yarana biləcək bütün hüquqi xərcləri ödəməyə hazır olduğunu bəyan edib. Cənubi Afrikanın əsas müxalifət partiyası olan Demokratik Alyans “Twitter”də bildirib ki, hökumət rəsmi olaraq Putinin həbsinə razılıq verərək partiyanın tələblərini yerinə yetirib. Bundan əvvəl partiya fəalları məhkəməyə müraciət edərək, respublika hökumətinin BCM-nin orderini yerinə yetirmək öhdəliyini öz üzərinə götürməsi tələbi ilə müraciət etmişdilər. 2023-cü ilin martında Beynəlxalq Cinayət Məhkəməsinin İbtidai Palatası Putin və Lvova-Belova barəsində “Ukraynanın Rusiya tərəfindən işğal olunmuş ərazilərindən insanların qanunsuz deportasiyası [nəticəsində] ukraynalı uşaqlara dəymiş ziyan” iddiası ilə bağlı həbs qərarı çıxarıb. Kreml bildirib ki, BCM-nin yurisdiksiyası 2016-cı ildən Roma Statutunun iştirakçısı olmayan Rusiyaya şamil edilmir.