NATO ölkələri Ukraynanın alyansa qoşulması üçün konkret addımlar təklif edə bilər. Sozcu.az xəbər verir ki, bu barədə “Vaşinqton Post” məlumat yayıb. Nəşrin məlumatına görə, təkliflər Ukraynanın müdafiə məsələləri üzrə təmas qrupunun Ramşteyn görüşündə irəli sürüləcək: “Lakin Ukrayna rəsmiləri qorxurlar ki, ABŞ-da prezident seçkiləri əlavə təhlükəsizlik yardımını sual altına qoya bilər”.

Azərbaycanda yazıçı-şairin, jurnalistin, bir sözlə, sənətə, incəsənətə yaxından-uzaqdan əlaqəsi olan hər kəsin şikayətlənərək və haqlı olaraq dediyi bir söz var: “Kitaba maraq azdır”, “İnsanlar kitab oxumur”. Əslindı, belə də demək olar: “Kitab oxumurlar? Cəhənnəmə oxusunlar, gordan da o tərəfə oxusunlar. Oxumayıb nə edəcəklər?!” Amma bunu demək də olmur. Nə gözəl sözdür: “Kim nə edir, özünə edir” Bəli, bu, doğrudan da belədir. Üstəlik, nə dünənin söhbətidir, nə də o biri günün. Azərbaycanda kitab oxumamaq ənənəsi ta qədimlərə-hələ əsrlər öncələrə dayanır. Nə Füzulilər, Nə Cəlillər deyiblər, bildiriblər. Ki, bu qövm kitaba yaxın durmur. Amma bu şikayətlənmək forması çürümədimi? Kimlərəsə “Nə olar oxuyun, niyə oxumursunuz?” janrında yalvarış bəs deyilmi?  Bəlkə, müraciət ünvanları doğru deyil? İnsanları da tam ittiham eləmək gərəksizdir? Əsas səbəblər görünmürmü? Kitab oxumaq vərdişi elə bir məsələdir, demək olar, bunu sonradan məcbur formalaşdırmaq mümkünsüzdür. Əvvəla, ənənə ta uşaqlıqdan-ailədən və məktəbdən qoyulmalıdır. Yəni, təhsil olmalıdır. Yəni, gərək, kitabı sevdirə biləsən. Yoxsa, “ay camaat, niyə oxumursunuz? Böyümüsünüz?” ritorikası keçərli olmayacaq. Gözünü açıb evində kitab görməyən, ölkəsindəki təhsildən heç bir halda baş açmayan adam niyə, necə kitab oxusun? Axı o bilmir bu kitab nə olan şeydir. Yaxud da, oxuduğu kitabda klassikadan başqa bir şey görməyən, hər şeyin, ən yaxşı əsərlərin, sənət nümunələrinin keçmişdə, əsrlər əvvəl olduğunu düşünən adam nə kitab oxuyacaq? Ya da elə ən əsas səbəblərdən olan sosioloji məsələlər. Maddi durumu(Kitab almaq üçün yox, yaşamaq üçün)yerində olmayan adamı kitab niyə və necə düşündürsün? Səhər-axşam işləyən qara fəhlənin Orhan Pamukun “Kara kitab”-ı nəyinə lazımdır? O, onu oxuyub nə edəcək?! (Burada maddi durumu yaxşı olan adam deyəndə də, varlı “qlamur” və “qlamurka”lar nəzərdə tutulmur. Onlar, onsuz da, bütün hallarda oxumurlar və buna heç ehtiyac da görmürlər. Olsun, hər kəs heç kitab oxumalı da deyil.) Azərbaycanda kitabın kütləvi oxunulmamasına, oxunulan kitabların da bayağı olmasına maraq göstərən, bunun belə olmasını istəyən məsələlər var. Dilə gətirməsə də, aşağı-yuxarı hər-kəs bilir. Efirlər kitabsızlıq, üstəlik, bayağılıq. Mədəniyyət ocaqları kitabsız, dövlət səviyyəsində də lazımı təbliğat yox. Yaxşı, indi necə yaransın bu maraq? Bütün səbəbləri bir araya yığıb baxanda məlum olur: Təhsil düzəlməmiş, sosial vəziyyət heç olmasa, ortabab olmamış bu kitabsız, Allahsız adamlar belə də qalacaqdır. Onların qabırğasına şikayətlənmək heç bir nəticə verməyəcək. Kitab oxumaq istəyən adamın yaşayışı yerlərdədirsə, o, bir az da uzaqlaşacaq. Oxumayan adamı da kitaba qılınc müsəlman kimi dəvət etmək mənasızdır, özünü yormaqdır. Yazıçı isə yazmalıdır, sonrası artıq onluq deyil. Burada lazım olan əsas bir məsələ isə, bir ovuc kitab oxuyan adamı formada saxlamaq, zövq formalaşdırmağa çalışmaq lazımdır. Əslində, problemin yekəsi həm də budur: Kitab oxuyan dəstə hələ nə oxuyur, kimi oxuyur və onları əsl ədəbiyyat oxumağa dəvət etmək olurmu?! Orxan Saffari Gununsesi.info

Oktyabrın 6-da gecə saat 2 radələrində paytaxtın Xəzər rayonu ərazisində 1977-ci il təvəllüdlü Qurban Məlikovun qəsdən öldürülməsi barədə rayon prokurorluğuna məlumat daxil olub. Xəzər rayon prokurorluğundan verilən məlumata görə, araşdırma zamanı yetkinkinlik yaşına çatmayan Ə.N-nin (şərti) rayonunun Buzovna qəsəbəsi ərazisində şəxsi münasibətlər zəminində qohumu və qonşusu Qurban Məlikova bıçaqla xəsarətlər yetirərək qəsdən öldürməsinə əsaslı şübhələr müəyyən edilib. Faktla bağlı Xəzər rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsilə cinayət işi başlanıb, yetkinkinlik yaşına çatmayan Ə.N (şərti) iş üzrə şübhəli şəxs qismində tutulub. Hazırda ibtidai istintaq davam edir.

Azərbaycan avtomobil bazarı dinamik və dəyişkən bir mərhələdədir. İdxal və yerli istehsal arasında balansın yaradılması, yeni ekoloji tələblərə cavab verən avtomobillərin bazara daxil olması və ikinci əl avtomobillərin bazar payının artması kimi amillər bazarın formalaşmasında əsas rol oynayır. Qiymət artımları, tədarük zəncirindəki qlobal problemlər və daxili iqtisadi təzyiqlər avtomobil almaq istəyən istehlakçılar üçün çətinliklər yaratsa da, bazar ümumilikdə sabit qalmaqdadır. Bu barədə “Report”a açıqlamasında avtomobil bazarı üzrə ekspert Elnar Rzayev bildirib. Onun sözlərinə görə, Azərbaycan avtomobil bazarının mövcud vəziyyəti bir sıra iqtisadi, sosial və texnoloji amillərin təsiri ilə formalaşır: “Bu bazarın dinamikası həm daxili, həm də xarici amillərlə, o cümlədən avtomobil idxalı, yerli istehsal, ikinci əl avtomobillərin satışı, avtomobil kreditləşməsi, qiymət dəyişiklikləri və digər iqtisadi göstəricilərlə müəyyən olunur. Azərbaycan avtomobil bazarı, əsasən xaricdən idxal olunan avtomobillərlə formalaşır. Ölkəyə hər il minlərlə avtomobil idxal olunur və bunlar arasında həm yeni, həm də istifadə olunmuş maşınlar üstünlük təşkil edir. Xüsusən də Avropa, Yaponiya, Cənubi Koreya və ABŞ kimi ölkələrdən idxal olunan avtomobillər böyük tələbat görür. Bu ildə isə bir sıra məhdudiyyətlərin aradan qaldırılması və gömrük prosedurlarının sadələşdirilməsi ilə idxalda artım müşahidə olunub”. Ekspert bildirib ki, Azərbaycanda ikinci əl avtomobil bazarı böyükdür və əhali arasında bu seqmentə maraq yüksəkdir. “Hazırda ikinci əl avtomobil bazarında maşınların qiymətlərində əhəmiyyətli artımlar qeydə alınıb. Bu artım bir tərəfdən də dünya miqyasında inflyasiya təzyiqləri və istehsal xərclərinin yüksəlməsi ilə bağlıdır. Digər tərəfdən, COVID-19 pandemiyası zamanı istehsalın yavaşlaması və tədarük zəncirinin pozulması da bazara təsir göstərib.” E. Rzayev ikinci əl avtomobillərin qiymətlərindəki artımın təxminən 15-25 % təşkil etdiyini diqqətə çatdırıb: “Bu, əsasən tələbatın çox olması və yeni avtomobillərin yüksək qiymətləri ilə bağlıdır. Xüsusən də daha populyar markalar və modellər üzrə qiymətlər daha yüksək faizlə artıb. Yeni avtomobillərin qiymətləri də artıb, lakin bu artım daha çox 10-20 % arasında dəyişir. Bunun səbəbi dünya üzrə avtomobil istehsalında yaranmış qıtlıq, logistika problemləri və xammal qiymətlərinin artmasıdır. Xüsusilə Avropa və Asiya ölkələrindən idxal olunan avtomobillərin qiymətləri bu kateqoriyada əhəmiyyətli dərəcədə artıb”. “Elektrik və hibrid avtomobillərin qiymətləri ən çox dəyişkənlik göstərən seqmentdir. Hazırda elektrikli avtomobillərin qiymətləri Azərbaycanda 20-30 % arası artım göstərib. Çünki bu seqment hələlik yenidir və infrastruktur məhduddur. Lüks avtomobil bazarında qiymət artımı ümumilikdə 10-15 % səviyyəsində qeydə alınıb. Bu tip avtomobillər üçün tələbat daha sabit olsa da, qlobal təchizat zəncirindəki gecikmələr və yüksək xərclər bu bazara da təsir göstərib”, – deyə ekspert əlavə edib. Digər avtomobil bazarı üzrə ekspert Eldəniz Cəfərli bildirib ki, dünyada elektrik və hibrid avtomobillərə maraq artdıqca, Azərbaycanda da bu tendensiya müşahidə olunur. “Dövlətin ekoloji tələbləri sərtləşdirməsi və daha müasir avtomobillərin dəstəklənməsi siyasəti çərçivəsində hibrid və elektrikli nəqliyyat vasitələrinə tələb artmağa başlayıb. Hazırda elektrik avtomobillərinin idxalı və satışlarında müəyyən qədər artım olsa da, bazarın ümumi payında bu növ nəqliyyat vasitələri hələ də məhdud sayda təmsil olunur”. O qeyd edib ki, ikinci əl avtomobillərin qiymətlərinin artmasına avtomobil bazarında olan tələbatın çoxluğu və yenilənmiş nəqliyyat vasitələrinin çatışmazlığı da təsir edir: “Əksər istehlakçılar üçün yeni avtomobil almaq məhdudiyyətlərlə bağlıdır. Bu, ikinci əl bazarının güclü qalmasına səbəb olur. Xüsusilə SUV tipli avtomobillərə və yanacağa qənaətcil modellərə maraq daha yüksəkdir”.

Ukraynada ədalətli sülh yalnız beynəlxalq hüquqa əsaslanmalıdır: suverenlik və Ukrayna ərazilərinin heç bir "alqı-satqısı" olmadan. Bunu Ukrayna Prezidenti Vladimir Zelenski deyib. “Planda göstərilən hər şey bizim tərəfdaşlarımız üçün realdır. Məhz bu, bizim məqsədimizdir - Ukrayna üçün etibarlı sülh və uzunmüddətli təhlükəsizliyi təmin etmək", - Zelenski vurğulayıb. Zelenski qeyd edib ki, Ukraynaya əsl sülh və müharibədən zəmanətli müdafiə lazımdır.

Ukrayna Kursk bölgəsini ələ keçirdikdən sonra Belarusa hücum etməlidir. Sozcu.az xəbər verir ki, bunu Ukrayna Ali Radasının deputatı Oleq Dunda deyib. Onun sözlərinə görə, Ukrayna Silahlı Qüvvələri əraziyə daxil olarsa, belaruslar dərhal silahlarını yerə qoyacaqlar: “Müharibənin təkcə Bryansk, Kursk və Belqorod vilayətlərinin ərazisinə deyil, həm də Belarusa keçirilməsi vacibdir. Əminəm ki, Ukrayna Silahlı Qüvvələrinin nisbətən kiçik bölmələri daxil olarsa, Belarus ordusu silahı yerə qoyacaq. Bu isə Moskvanın ürəyinə böyük zərbədir”.

Ukrayna ordusu Donetsk vilayətində Rusiyaya məxsus təyyarəni vurub. Sozcu.az xəbər verir ki, bu barədə Konstantinovski şəhər hərbi idarəsinin rəisi Sergey Qorbunov bildirib. "Qırıntılar Konstantinovski şəhərinin ətrafına düşüb, bir neçə fərdi evə ziyan dəyib. Ölən və xəsarət alan yoxdur”, - deyə o vurğulayıb. Qeyd edək ki, vurulan təyyarənin Su-25 olduğu iddia edilir.

“Dünyada 1-59 aylıq uşaqlarda ishal ən çox görülən üçüncü ölüm səbəbidir”. Bunu Uşaq Yoluxucu Xəstəlikləri Şöbəsinin müdiri, həkim Soner Sertan Kara deyib. O, ishalın uşaqlarda ümumi sağlamlıq problemi olduğunu və xüsusilə körpələr və uşaqlar üçün ciddi risklər daşıdığını bildirib: “İshal adətən ürəkbulanma, qusma, qızdırma, qarın ağrısı, sancılar ilə müşayiət olunur. Bu infeksiyalar mikroblar, çirkli qidalar, içməli su və ya gigiyena qaydalarına riayət edilməməsi nəticəsində insandan insana keçir. İshalın ən böyük təhlükəsi susuzlaşdırmadır. Şiddətli simptomlara yuxululuq, gözlərin batması, su içmək istəyinin azalması, aşağı qan təzyiqi, sürətli nəbz və sidik həcminin azalması daxildir. Uşaq 6 aydan kiçikdirsə və ya xroniki xəstəliyi varsa, mütləq həkimə müraciət etmək lazımdır. İshal qarşısı alına bilən və müalicə oluna bilən xəstəlikdir”.

Bakı şəhərinin Suraxanı Rayon Prokurorluğu və rayon polis idarəsinin əməkdaşları 22 il əvvəl, yəni 09.04.2002-ci ildə Hövsan qəsəbəsi ərazisində törədilmiş 1989-cu il təvəllüdlü, 13 yaşlı Z.D-nin (şərti) yaşadığı mənzildə zorakılıq hərəkətlərinə məruz qalması və xüsusi amansızlıqla qəsdən öldürülməsi cinayətlərinin üstünün açılmasını təmin edib. Sozcu.az xəbər verir ki, bu barədə Baş Prokurorluq və Daxili İşlər Nazirliyi birgə məlumat yayıb. Belə ki, toplanmış sübutlarla 1980-ci il təvəllüdlü M.E-nin (şərti) həmin tarixdə yetkinlik yaşına çatmayan Z.D-yə qarşı zorakılıq hərəkətləri etməsinə, daha sonra isə Z.D baş verənlər barədə şikayət edəcəyini bildirdiyi üçün sonuncunun anası B.A ilə birgə çoxsaylı xəsarətlər yetirib başqa cinayəti gizlətmək və digər qanunsuz hərəkətlərlə əlaqədar xüsusi amansızlıqla qəsdən öldürmələrinə əsaslı şübhələr müəyyən edilib. M.E və B.A cinayət törətməkdə şübhəli şəxs qismində tutularaq bu gün Cinayət Məcəlləsinin 120.2.1, 120.2.4, 120.2.6-cı (bir qrup şəxs tərəfindən xüsusi amansızlıqla və başqa cinayəti gizlətməklə əlaqədar adam öldürmə) maddələri ilə təqsirləndirilən şəxs qismində cəlb olunaraq, barələrində müstəntiqin vəsatətləri və ibtidai araşdırmaya prosessual rəhbərliyi həyata keçirən prokurorun təqdimatları əsasında Suraxanı Rayon Məhkəməsinin qərarları ilə həbs qətimkan tədbirləri seçilib.

Oktyabrın 6-7-də bölgələrdə gözlənilən küləkli hava şəraiti ilə bağlı sarı xəbərdarlıq verilib. Sozcu.az xəbər verir ki, bu barədə Ekologiya və Təbii Sərvətlər Nazirliyinin Milli Hidrometeorologiya Xidməti məlumat yayıb. Sarı xəbərdarlığa uyğun olaraq Şabran, Xızı, Siyəzən, Xaçmaz, Altıağac, Qobustan, Neftçala, Cəlilabadda fasilələrlə cənub-şərq küləyi əsəcək, küləyin sürəti 13.9-20.7 m/san təşkil edəcək.

“Reklam elə şeydir ki, nə qədər aparsan, yenə də azdır. Bu mənada, bəli, nəşriyyatlar da daha çox reklam aparmalıdırlar. Amma Mədəniyyət Nazirliyi də daha çox çalışmalıdır ki, efirdə tanıtım getsin. X Beynəlxalq Kitab Sərgisində ziyarətçi sayının az olması insanların maddi vəziyyəti ilə bağlı deyil. Çünki hər axşam bütün toyxanalar, kababxanalar, pivəxanalar adamlarla doludur”.  Bu sözləri Pravda.az-a açıqlamasında tanınmış yazıçı Şərif Ağayar deyib.  “Mənə belə gəlir ki, ölkədə bir güc var və o, insanların kitabdan uzaq qalmasını istəyir. Çünki kitab əhlini aldatmaq çətin olur. Xüsusi marağı olan insanlar var, yoxsa bu cür olmazdı. Adamlar da başa düşməlidirlər ki, xüsusən Azərbaycan kimi ölkələrdə kitabdan ayrı qalan insanın xoşbəxt olmaq lüksü yoxdur. Onu həmişə istismar edəcəklər, aldadacaqlar. Mirzə Cəlil deyirdi ki, “sözünü o kəslərə de ki, sənə qulaq vermirlər...” Təəssüf ki, özümüz yazıb, özümüz eşidirik. Dinləməsi lazım olan adamlar heç bu açıqlamanı da girib oxumayacaqlar”, - o bildirib.  Ş.Ağayar bildirib ki, ötən günlə müqayisədə bu gün Bakı Beynəlxalq Kitab Sərgisində daha çox aktivlik var: “Təcrübə göstərir ki, həmişə şənbə-bazar yaxşı olur. İndi də hərəkətlilik müşahidə olunur...” 

“Qanun” Nəşrlər Evinin direktoru Şahbaz Xuduoğlu 10-cu Beynəlxalq Kitab Sərgisinin alıcıların sayının az olmasında nəşriyyatların günahlandırılması, bahalaşma dönəmində alıcı cəlbi üçün reklamların zəif olması barədə tənqidlərə münasibət bildirib. Xuduoğlu Pravda.az-a açıqlamasında deyib ki, sərginin keçirilməsi üçün dövlət vəsait ayırıb: “Nəşriyyatlar reklamlarını özləri gücləndirəcəklərsə, onda Beynəlxalq Kitab Sərgisinə nə ehtiyac var? Bu sərginin keçirilməsi üçün dövlətdən büdcə ayrılıb və bu sərgini keçirən şirkət var. Həmin şirkət reklam işlərini aparmalıdır, çünki buna görə pul alıb. Biz var gücümüzlə qüvvəmizdən istifadə edib reklam edirik. Amma kitab reklamı təkcə bizim gücümüzlə olacaq iş deyil. Məsələn, metrolarda reklam asmaq bizim gücümüzlədir? Şəhərin bəzi görkəmli yerlərində, hava limanının giriş-çıxışında, vağzallarda reklam asmaq bizim gücümüzlədir? Xeyr! Bunu müvafiq dövlət strukturları icra etməlidir. Təbii ki, kitab təbliğatında maraqlıdırlarsa... Hər halda Azərbaycan kitabının təbliğində çox qüvvələr maraqlı deyillər. Mən yalnız bunu görürəm, bilirəm. Onlar üçün Azərbaycan kitabının olmasının, ya ölməsinin heç bir əhəmiyyəti yoxdur”.  Ş.Xuduoğlu əlavə edib: “Antiinhisar və İstehlak Bazarına Nəzarət Dövlət Xidmətinin qəbul etdiyi qərara əsasən, nəşriyyatlardan kitab alışı dayandırılıb. Biz nəşriyyatçılar da etiraz olaraq bu gün toplantı keçiririk. Toplantıya mədəniyyət nazirinin müavinini, eləcə də Dövlət Xidmətinin nümayəndəsini dəvət etmişik...” 

İşğal altında olan torpaqlarımızın azad olunması uğrunda qəhrəmanlıqla döyüşərək şəhid olan qəhrəmanlarımızdan biri də kapitan Surxay Əbdül oğlu Noçuyevdir. Surxay Noçuyev 19 dekabr 1988-ci ildə Zəngilan rayonunun Məmmədbəyli kəndində anadan olub. Surxay Noçuyev 1995–2002-ci illərdə Xarici Dillər Təmayüllü Gimnaziyada təhsil alıb. Uşaqlıqdan hərb sənətinə böyük maraq göstərən Surxay Noçuyev 2003–2006-cı illərdə təhsilini Cəmşid Naxçıvanski adına Hərbi Liseydə davam etdirib. Surxay Noçuyev 2006–2010-cu illərdə isə Heydər Əliyev adına Azərbaycan Ali Hərbi Məktəbində Quru Qoşunları fakültəsini və Azərbaycan Respublikası Silahlı Qüvvələrinin Təlim Və Tədris Mərkəzinin “Zabit ixtisas kursu”nu bitirib. Müdafiə nazirinin 23 iyun 2010-cu il tarixli əmri ilə Surxay Noçuyevə “leytenant” hərbi rütbəsi verilib. Zabit kimi fəaliyyəti müddətində Surxay Noçiyev Tağım komandiri, Bölük komandiri, Qərargah rəisi və Tabor komandiri vəzifələrində çalışıb. Xidmət dövründə Müdafiə nazirinin əmri ilə, “Azərbaycan Silahlı Qüvvələrinin 95 illiyi (1918–2013)”, “Qüsursuz xidmətə görə” 3-cü dərəcəli, “Azərbaycan Ordusunun 100 illiyi (1918–2018)” medalları ilə təltif olunub. Surxay Noçiyev 2016-cı ilin aprelində baş verən döyüşlərdə iştirak edib. Aprel döyüşlərində də xüsusi sücaət göstərən Surxay Noçiyevin ən böyük arzusu torpaqlarımızı işğaldan azad etmək olub.  2020-ci il sentyabrın 27-də Vətən müharibəsi başlayan gündən Surxay ön cəbhədə döyüşlərə qatılıb. Döyüş müddətində Füzuli, Cəbrayıl, Zəngilan, Qubadlı, Xocavənd və Şuşa uğrunda döyüşlərə tabor komandiri kimi qatılıb.  Cəsur komandir hər zaman əsgərlərinin önündə döyüşə girib. 2020-ci il noyabrın 9-da erməni quldurları ilə Laçın-Xankəndi-Şuşa yolunun kəsişməsində üz-üzə gələrkən də Surxay Noçuyev mübariz keyfiyyətlər nümayiş etdirib.  Surxay Noçuyev döyüş yoldaşı Kənan Babayev mediaya açıqlamasında tabor komandirinin qəhrəmanlığından danışıb: “Daşaltı istiqamətindəki döyüş çox ağır keçdi. İtkimiz də çox oldu, yaralananlar da var idi. Noyabrın 6-da səhər tezdən mən də yaralandım. Snayperlə ayağımdan vurmuşdular. Həmin gün səhər 8-də mühasirəyə düşdük. 3 yaralı 14 saat mühasirədə qaldıq. Düşmən hər tərəfdən minomyotla, avtomatla üzərimizə atəş yağdırırdı. Mühasirə vaxtı hava qaralandan sonra ermənilər başımızın üstünü almışdı. Yaralı olduğumuzu bilirdilər, bizi əsir götürmək istəyirdilər. Hər tərəfdən atırdılar deyə, bizimkilər əvvəl yaxın dura bilmirdilər. Ancaq sonra görəndə ki, düşmən bizi əsir götürə bilər, artıq təhlükəyə baxmadılar, tabor komandirimiz Surxay Noçuyev, bölük komandiri Elvin Məmmədzadə, çavuş Qaraxanov, taqım komandirim Fədai Abdullayev öz həyatlarını riskə ataraq bizi xilas etməyə gəldilər. Bizi hospitala gətirdilər, sonra eşitdim ki, Surxay Noçuyev və Elvin Məmmədzadə Şuşa uğrundakı döyüşlərdə şəhid olublar”. Surxay Noçuyevin komandirliyi ilə düşmənin çoxsaylı canlı qüvvəsi və texnikası məhv edilib. Qəhrəman komandir noyabr ayının 9-u Şuşa şəhərində Vətən müharibəsinin sonuncu günündə qəhrəmancasına şəhid olub. 12 noyabr 2020-ci ildə II Fəxri xiyabanda dəfn olunub. Özündən sonra iki övladı yadigar qalıb. Azərbaycanın ərazi bütövlüyünün bərpa edilməsində xüsusi xidmətlərinə və işğal olunan ərazilərin azad olunması zamanı düşmənin məhv edilməsi üzrə qarşıya qoyulan döyüş tapşırığını yerinə yetirən zaman göstərdiyi qəhrəmanlıq nümunəsinə görə, həmçinin hərbi qulluq vəzifəsini yerinə yetirən zamanı igidliyin və mərdliyin nümayiş etdirilməsinə görə Azərbaycan Prezidenti İlham Əliyevin 09 dekabr 2020-ci il tarixli Sərəncamına əsasən kapitan Surxay Noçuyevə “Vətən Müharibəsi Qəhrəmanı” adı verilib.  Bundan başqa Surxay Noçuyev Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulan  tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin sərəncamına əsasən ölümündən sonra “Vətən uğrunda”, “Füzulinin azad olunmasına görə”, “Qubadlının azad olunmasına görə”  və “Şuşanın azad olunmasına görə” medalları ilə təltif edilib. Bu yazı Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Təhsilə Dəstək Mərkəzi” İctimai Birliyinin icra etdiyi “Şərqi Zəngəzur məktəblərində Vətən Müharibəsi Qəhrəmanlarının təbliği” layihəsi çərçivəsində hazırlanıb. Yazının məzmununda əks olunan fikir və mülahizələr müəllifə aiddir və Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin rəsmi mövqeyini əks etdirməyə bilər.

"Ukraynanı NATO-ya işğal edilmiş ərazilərilə də qəbul etmək olar..." NATO-nun sabiq baş katibi Yens Stoltenberq bəyan edib ki, Ukraynanın bütün əraziləri Rusiya işğalından azad edilməsə belə, o, Alyansa üzv ola bilər. Sozcu.az xəbər verir ki, bu barədə o, "Financial Times" nəşrinə müsahibəsində deyib. Stoltenberq hesab edir ki, əgər Ukrayna işğal edilmiş ərazilərilə Alyansa üvz olarsa, Şimali Atlantika Müqaviləsinin 5-ci maddəsinin tətbiqi ilə bağlı məsələnin həlli üsulları var. O, qeyd edib ki, elə bir xətt ola bilər ki, onun beynəlxalq birlik tərəfindən tanınması mütləq olmasın. "Yedə də müqayisə aparmaq həmişə çox təhlükəlidir, çünki heç bir paralellər 100 faiz doğru olmur, amma Birləşmiş Ştatların Yaponiyanın təhlükəsizliyinə zəmanati var. Lakin bu zəmanətlər Yaponiyanın özünün hesab etdiyi, amma Rusiya tərəfindən nəzarət edilən Kuril adalarına şamil edilmir", - o, dəqiqləşdirib. Bundan başqa, o, həmçinin Şərqi Almaniyanı özünün böyük bir hissəsi hesab etdiyi Qərbi Almaniyanı xatırladıb. "Onların Şərqi Berlində səfirliyi olmayıb. Lakin NATO, əlbəttə ki, o zaman yalnız Qərbi Almaniyanı müdafiə edib. İradə olanda, qərar qəbul etməyin üsulları da olur. Amma bizə elə xətt lazımdır ki, 5-ci maddə tətbiq edilsin, Ukrayna da bu xəttədək bütün ərazilərinə nəzarət etsin", - Stoltenberq əlavə edib. "Mən Putinin üzdəniraq "qırmızı xətləri"nin keçilməsinə təkid etmişəm..." Stoltenberq bəyan edib ki, o, həmişə Rusiyanın Ukraynada müharibə ilə bağlı "qırmızı xətləri"nin keçilməsinə tərəfdar olub. O, deyib ki, tammiqyaslı müharibənin əvvəlində elə günlər və həftələr olub ki, biz bu xətlərlə bağlı məsələləri müzakirə edib qərarlar qəbul etməli olmuşuq.  Onun sözlərinə görə, biz təhlükəni nəzərə almalıydıq, amma Ukraynaya yardımı dayandırmaq variantımız olmayıb. "Əslində mən bütün bu üzdəniraq "qırmızı xətlərin" keçilməsinə təkid etmişəm. Və biz onların bir çoxunu keçmişik, Putin isə heç nə etməyib. Gerçəklik budur ki, əgər Putin kütləvi qırğın silahını tətbiq etməklə eskalasiyaya getmək istəyirsə, o, bunun üçün bütün zəruri səbəbləri yarada bilər. Hələ ki, biz bunun blef olduğunun üstünü açmışıq". "Zelenskinin təcrübəsi yox idi, mən onu lazımınca dəyərləndirməmişəm..." Daha sonra NATO-nun sabiq baş katibi deyib ki, prezidentliyinin əvvəlində Zelenski siyasətdə təcrübəsiz olub, ona görə də o, lazımınca dəyərləndirilməyib.  Stoltenberqin Zelenski ilə ilk görüşü 2019-cu ilin iyununda, onun prezident seçilməsindən bir neçə həftə sonra baş tutub. "O, mənim xoşuma gəlib, amma onun hərbi lider olacağını mən təsəvvür etmirdim. O, təcrübəsiz idi, ən sadə suallar verirdi, mən onu tamamilə dəyərləndirə bilməmişəm", - Stoltenberq xatırlayıb. Rusiyanın Ukraynaya tammiqyaslı müharibəsi başlananda, işğalçılar Zelenskini ələ keçirməyə çox yaxın olub. "Bu, bir növ sınaq olub. Əgər Kiyev süqut etsəydi və onlar Zelenskini ələ keçirsəydilər, - onlar isə buna çox yaxın olub, - o zaman müharibə tamamilə başqa cür olacaqdı", - o, deyib. O, həmçinin Zelenski ilə ilk "ağır" telefon söhbətini xatırladıb. Söhbətin xeyli hissəsi uçuşsuz zonaya həsr edilib. O, uçuşsuz zona istəyib, amma mən bunu edə bilməzdim. Gerçəklik belə olub ki, lap əvvəldən mən NATO-nun bu məsələdə yanaşmasını müəyyən etmişdim. Bu da münaqişənin bir hissəsi olmadan Ukraynaya dəstək verməkdən ibarət olub", - NATO-nun sabiq baş katibi deyib.

Qaxda avtomobil aşıb, sürücü xəsarət alıb. Sozcu.az xəbər verir ki, hadisə səhər saatlarında rayonunun Qıpçaq kəndi ərazisində baş verib. Belə ki, 1988-ci il təvəllüdlü Qax rayonu İngiloy Kötüklü kənd sakini Berikaşvili Slava Maksimoviçin idarə etdiyi "Nissan" markalı avtomobil hərəkətdə olarkən idarəetməni itirib,nəticədə maşın yoldan çıxaraq aşıb. Hadisə zamanı sürücü xəsarət alaraq Qax Rayon Mərkəzi Xəstəxanasına yerləşdirilib.

Bir qədər əvvəl Bakı Metropoliteni QSC-nin “28 May” və “Ulduz” stansiyalarında sərnişin qatar yoluna düşüb. Bu, ilk belə hadisə deyil. İldə bir neçə dəfə metrostansiyalarda ölüm hadisəsi baş verir. Bəziləri ehtiyatsızlıqdan yıxılsa da, çoxu intihar məqsədilə özünü qatarın altına atır. Yaponiya və başqa bir neçə ölkədə perronda sədd çəkilib ki, bu da yaşana biləcək bənzər hadisələrin qarşısını alır. Azərbaycanda da eyni tədbir görülə bilərmi? Sozcu.az xəbər verir ki, Globalinfo.az-a danışan təhlükəsizlik məsələləri üzrə ekspert Elmar Nurəliyev stansiyalarda belə səddin olmasının mütləq olduğunu deyib. Onun fikrincə, bundan sonra təhlükəsizliklə əlaqədar sədd çəkmək olar: “Təbii ki, metrostansiyaların layihələndirilməsi zamanı bunlar nəzərə alınmalı idi. Sonradan sədd qurmaq mürəkkəb prosesdir. Amma təhlükəsizlik baxımından çox vacib məsələdir. Hətta təhlükəsizliklə bağlı səddin quraşdırılması məqsədəuyğundur. Növbəti stansiyaların tikintisi zamanı bunlar nəzərə alınsa, çox yaxşı olar”. O qeyd edib ki, metroda insan sıxlığı az qala pik həddə çatıb və belə məqamda təhlükəsizlik tədbirləri gücləndirilməlidir. Bakı Metropoliteni QSC-nin mətbuat xidmətinin rəhbəri Bəxtiyar Məmmədovun sözlərinə görə, platforma qapıları ilə bağlı araşdırılma aparılıb və kifayət qədər böyük vəsaitin tələb olunduğu məlum olub: “Bu proses Metropolitenin infrastrukturunun bir sıra sahələrini əhatə etməlidir. Söhbət sərnişin təhlükəsizliyindən gedirsə, bu, hər aspektdə qiymətləndirilməlidir. Bir təhlükəsizlik problemini həll etdikdə digər problem yaradılmamalıdır. Təbii ki, müasir dünyada hər şey mümkündür. Amma platforma qapılarının quraşdırılması kifayət qədər böyük maliyyə vəsaiti və texniki resurslar tələb edən işdir”.

Polis Bakı və Sumqayıtda dələduzluqda şübhəli bilinən iki nəfəri saxlayıb. Sozcu.az xəbər verir ki, bu barədə Daxili İşlər Nazirliyi məlumat yayıb. Belə ki, Xəzər Rayon Polis İdarəsi əməkdaşlarının keçirdikləri tədbirlərlə bir nəfərin 76 min manatını dələduzluq yolu ilə ələ keçirməkdə şübhəli bilinən 49 yaşlı A.Alıyev, Sumqayıt ŞPİ 3-cü Polis Bölməsi əməkdaşlarının keçirdikləri tədbirlərlə isə şəhər sakini olan bir nəfərin 8 745 manatını dələduzluq yolu ilə ələ keçirməkdə şübhəli bilinən, əvvəllər də eyni əmələ görə məhkum olunmuş 33 yaşlı İ.Məmmədli müəyyən olunaraq saxlanılıblar. Faktlarla bağlı araşdırma aparılır.

Dünyadakı vəziyyəti nəzərdən keçirəndə olduqca böyük miqyasda qarşıdurma, düşmənlik görürəm. Düşünürəm ki, bəlkə də Nobel Sülh mükafatı bu il verilməməlidir. Sozcu.az xəbər verir ki, bunu Stokholm Beynəlxalq Sülh Araşdırmaları İnstitutunun rəhbəri Dan Smit deyib. "Bu mükafatı cari ildə heç kəsə verməyərək, sülh səylərinin kifayət etmədiyinə diqqət çəkmək daha doğru addım olar", - o bildirib. Qeyd edək ki, Nobel Sülh mükafatı dünya müharibələri də daxil olmaqla, keçmişdə 19 dəfə təqdim edilməyib. Sonuncu dəfə mükafat 1972-ci ildə verilməyib. Digər tərəfdən, bəzi ekspertlər builki Nobel Sülh mükafatının favoritləri arasında bir müddət əvvəl İsrail tərəfindən “persona non qrata” elan edilən Birləşmiş Millətlər Təşkilatının (BMT) Baş katibi Antonio Quterreşin olduğunu bildirib.

Bakıda və Abşeron yarımadasında oktyabrın 6-da hava şəraitinin dəyişkən buludlu olacağı, əsasən yağmursuz keçəcəyi gözlənilir. Milli Hidrometeorologiya Xidmətindən Sozcu.az-a verilən məlumata görə, sabah mülayim cənub-şərq küləyi əsəcək. Havanın temperaturu gecə 14-18° isti, gündüz 22-26° isti olacaq. Atmosfer təzyiqi normadan yüksək 765 mm civə sütunu olacaq. Nisbi rütubət gecə 70-80 %, gündüz 45-55 % olacaq. Azərbaycanın rayonlarında hava şəraiti əsasən yağmursuz keçəcək. Gecə və səhər bəzi yerlərdə arabir duman olacaq. Mülayim şərq küləyi əsasən şərq rayonlarında arabir güclənəcək Havanın temperaturu gecə 14-18° isti, gündüz 23-28° isti, dağlarda gecə 2-7° isti, gündüz 13-18° isti olacaq.

2024–2025-ci tədris ilində Azərbaycanın ali məktəblərinə daxil olmuş tələbələrə Prezident təqaüdü veriləcək. Sozcu.az xəbər verir ki, bununla bağlı Prezident İlham Əliyev Sərəncam imzalayıb. Sərəncama əsasən, 2024–2025-ci tədris ilində tələbə qəbulu imtahanlarında ixtisas qrupları üzrə ən yüksək nəticələr göstərən və Azərbaycanın ali məktəblərinə daxil olmuş aşağıdakı tələbələrə Prezident təqaüdü veriləcək: Abbaslı Səma Hüseyn qızı Abbasov Orxan Taleh oğlu Abdullayeva Rəna Natiq qızı Ağakişiyeva Aysu Asif qızı Ağazadə Nərmin Teymur qızı Axundov Nurlan Saleh oğlu Bababəyli Semral Aprel qızı Baxşalıyev Azər Natiq oğlu Bədəlova Aytac Rasim qızı Bədəlova Nərgiz Cəlal qızı Dəmirçiyev Ayxan Ramin oğlu Elyazov Şükür Şakir oğlu Eyvazlı Əsmər Elmar qızı Eyvazov Maarif Seymur oğlu Eyyubov Samur Şirvan oğlu Əbilov Ziya Namiq oğlu Əhmədova Nəzrin Ramil qızı Əliyev Məhəmməd Vüsal oğlu Əliyev Ömər İlqar oğlu Əliyev Turan Anar oğlu Əliyeva Amalya Tural qızı Əliyeva Aytac Xəqani qızı Əlizadə Rəbiyyə Həsən qızı Əlizadə Ülvi Rövşən oğlu Əmirov Coşqun Rafiq oğlu Əsədov Rüfət Raqif oğlu Əsədullayev Amin Arif oğlu Əsgərzadə Hikmət Ramin oğlu Garayzadə Kənan Rafiq oğlu Gülməliyeva Sevil Rövşən qızı Gülməmmədov Məhəmməd Akifoviç Hacıbabayeva Gülafət Anar qızı Hacıyeva Nuray Hafis qızı Hacıyeva Zeynəb Hünər qızı Həbibli Ülvi Vahab oğlu Həmzəli Suat Zahir oğlu Həsənli Əsmər Səxavət qızı Həsənov Fizuli Vüqar oğlu Həsənzadə Səma Ələsgər qızı Hüseynli Murad Vidadi oğlu Hüseynov Elcan Rüfət oğlu Hüseynov Nurlan Fizuli oğlu Hüseynova Nuray Emin qızı Hüseynova Pakizə Namil qızı Hüseynzadə Nəzrin Fuad qızı Xəlilzadə Amin Yavər oğlu Xəlilzadə Əkrəm Samir oğlu İlyasova Zərifə Elmaz qızı İsaqov Elvin Ceyhun oğlu İsmayıllı Kənan Mehman oğlu Kərimli Qəhrəman Elsevər oğlu Kərimov Fuad Daşqın oğlu Qaçabəyova Həlimə Yaşar qızı Qafarlı İlkin Elçin oğlu Qafarzadə Zəhra Zaur qızı Qasımova Fatimə Elxan qızı Qənbərova İnci Rauf qızı Qurbanova Ləman Sənan qızı Mahmudzadə Nihad Mahmud oğlu Məcidov Əşkəbuz Zamin oğlu Məhərrəmova Nigar Mübariz qızı Məhərrəmzadə İlahə Rəşad qızı Məmmədli Ceyhun Azər oğlu Məmmədli Fatimə Faiq qızı Məmmədli Məhəmməd Vaqif oğlu Məmmədli Murad Gəray oğlu Məmmədli Röya Əlizamin qızı Məmmədli Saleh Babək oğlu Məmmədova Lalə Ramiz qızı Məmmədzadə Mələk Cabir qızı Məmmədzadə Şərafət Nüsrət qızı Mərdanlı Xədicə Sərkər qızı Miriyeva Nəzrin Miriş qızı Mirzalıyev Fuad Yaşar oğlu Muradov Cəlal Murad oğlu Mustafazadə Afiq Arzu oğlu Namazov Nihad Ruslan oğlu Nəsirova Zenfira Rəşadət qızı Novruzova Şəbnəm Ramin qızı Nuruyev Elgün Akif oğlu Orucov Fəxri Faiq oğlu Rəhimova Səidə Ruhib qızı Rüstəmli Fidan Ayət qızı Rüstəmova Validə Elçin qızı Rzayev Yaqub Aqil oğlu Sadıqova Aytac Elnur qızı Salmanov Ayxan Sərdar oğlu Səfərli Ayişə Bəxtiyar qızı Səfərli Yunis Elxan oğlu Səfərova Leyla Abuzər qızı Səlimova Aysel Ehtiram qızı Səmədli Pərviz Hafiz oğlu Süleymanov Nəsib Asif oğlu Şəkərov Zaur Əvəz oğlu Şirinli Raul Rəşid oğlu Şirinov Nicat Seymur oğlu Tahirli Lalə Cahangir qızı Vəliməmmədov Fərid Musa oğlu Vəliyeva Şəms Azər qızı Yusibov Elşən Səfa oğlu Yusifov Fərid Güloğlan oğlu Yusifova Səbinə Vüqar qızı. Nazirlər Kabinetinə Sərəncamdan irəli gələn məsələləri həll etmək tapşrılıb.

Rəşad Ergün “Neftçi”nin indiki vəziyyəti mənə “Sabah”ın 3-4 il əvvəlki dövrünü xatırladır. Heyətində Azərbaycan millisinin xeyli “ulduz”u, amma ortada nə nəticə var idi, nə oyun. Yeri gəlmişkən, indi “Neftçi”də olan Ramil Şeydayev onda qara günlərini yaşayan “Sabah”ın əsas simalarından biri idi. “Neftçi”də komanda olaraq apokalipsis yaşanır və deyəsən, Roman Qriqorçuk bunun qarşısını almaqda aciz görünür. Normalda, “Neftçi”nin əvəzedici heyəti belə, bu “Kəpəz”ə uduzmazdı. Mövsümü tamam itirmədən radikal qərarlar vermək lazımdır. Elə həmin “Kəpəz”lə oyuna baxmaq kifayət edir: kim qaçmır, kim mübarizə aparmır və ya kim qaçmağın, mübarizə aparmağın imitasiyasını yaradır. Hələlik qurtuluş üçün bunlardan, elə bu oyundan başlamaq olar. “Neftçi”nin ölkənin iki ən böyük klubundan biri olduğunu dərk etməyən, dərk etmələri cəhənnəm, futbolçu kimi… lənət şeytana, futbolçu kimi də bir yana, insan, şəxsiyyət olaraq özünə hörmət etməyənləri kim kluba gətirib, sonra onlarla da hesablaşmaq olar.(Komanda.az)

Hər il Azərbaycanda oktyabrın 5-də Müəllimlər günü kimi qeyd edilir. Bu təqvim bir sıra məsələləri yenidən gündəmə gətirir. Bunlardan biri də müəllimə hədiyyə almaq və ya bunun üçün valideynlər arasında pul toplamaq mövzusudur. Artıq uzun illərdir ki, məsələ öz həllini tapmır. Məktəblərdə qeyri-rəsmi şəkildə pul yığımlarının ləğv edildiyi deyilsə də, bunun qarşısı alınmır. Sual yaranır: Elm və Təhsil Nazirliyi niyə bu prosesin qarşısını almır? Gücü çatmır, ya istəmir? Bu qədər yığılan vəsait hara və kimin cibinə gedir? Moderator.az xəbər verir ki, Globalinfo.az-a danışan hüquqşünas Əkrəm Həsənov deyib ki, Müəllimlər günündə pul yığılması ilə bağlı mütləq sübut lazımdır. Onun sözlərinə görə, nazirlik pul yığıldığını eşitsə belə, ortada şikayət olmalıdır: “Məsələn, valideynlər pul yığır. Gəl, indi sübut et ki, onlara məktəbdən müəllim, rəhbərlik və ya başqa kimsə bu cür tapşırıq verib. Qarşı tərəf deyəcək ki, heç nədən xəbərimiz yoxdur, valideynlər özləri pul yığır və s. Nazirliyin xəbəri oldu-olmadı, bu məsələ cəmiyyətimizdə olan köklü problemdir. İnsanların çoxu buna adi hal kimi baxır. Əksəriyyət deyir ki, hə, nə olsun, pul vermək lazımdır da. Ona görə də, məsələlər üzə çıxmır”. Globalinfo.az xatırladır ki, ümumtəhsil məktəblərində yalnız Müəllimlər günü üçün pul yığılmır. 8 mart, Yeni il, Novruz bayramı, direktorların doğum günləri, məktəbin təmiri, təhsil müəssisələrinə qonaqların gəlməsi, hətta yerli icra hakimiyyətlərinin hansısa tədbiri adı altında hələ də pullar yığılır. Hər dəfə mediada bu məsələ gündəmə gətirildikdə Elm və Təhsil Nazirliyindən “xəbərimiz yoxdir” tipli açıqlamalar verilir. Bu isə o deməkdir ki, ETN tabeliyindəki qurumlardakı qanunsuz fəaliyyətə ya göz yumur, ya da üzərinə düşən işin öhdəsindən gələ bilmir. Nazir Emin Əmurullayev də jurnalistlərin aidiyyəti suallarına qeyri-müəyyən cavablar verməklə, mövzudan yayınır. Əksər rəylər isə belədir ki, nazir də, nazirlik də istəsə bu qeyri-qanuni fəaliyyətin qarşısını alar.

Türkiyə nəhənglərindən olan "Fənərbağça"nın baş məşqçisi Joze Mourinyo İngiltərə Premyer Liqasının "Everton" klubu ilə danışıqlara başlayıb. Sozcu.az xəbər verir ki, portuqaliyalı ilə "Everton" maraqlanır. Liverpul təmsilçisinin yeni prezidenti Dan Fridkin Mourinyonu komandasında görmək istəyir. Klub rəhbərliyi hazırkı məşqçi Şon Daysı bu vəzifəyə layiq bilmir. Bu səbəbdən də mütəxəssislə mövsümün sonunda müqavilə yenilənməyəcək. /oxu.az/

Sənədsiz evlər problemi illərdir qalmaqdadır. Dövlətə məxsus torpaqların sənədləşdiriləcəyi ilə bağlı xəbərlər tez-tez yayılır. Şirkətlərə məxsus torpaqlarda olan tikililərin taleyi ilə bağlı isə hansısa məlumat verilmir. Mövzu ilə bağlı Modern.az-a danışan əmlak məsələləri üzrə ekspert Ramil Qasımzadə bildirib ki, neft kontraktına aid olan ərazilərdə tikilən evlərə birmənalı olaraq sənəd verilməyəcək: “Çünki o torpaqların çoxu radiasiyalı və insan orqanizminə ciddi ziyan gətirə biləcək ərazilərdə yerləşir. Bu səbəbdən neft müqaviləsinə aid olan torpaqlarda tikilən evlərin sənədləşdirilməsi mümkün olmayacaq. Gələcəkdə həmin torpaqların təmizlənməsi və həmin neft şirkətlərinin balansından çıxarılması həyata keçirildiyi və yaşayış fondu torpaqlarına aid edildiyi təqdirdə bu məsələyə baxıla bilər. Amma neft kontraktına aid olan torpaqlarda fərdi yaşayış evlərinin sənədləşdirilməsi nəzərdə tutulmur”. Ekspert vurğulayıb ki, bu evlərin gələcəkdə köçürülməsi həyata keçirilə bilər: “Bu ərazilərdə yaşamaq özü belə insan sağlamlığı üçün təhlükə mənbəyidir. Bu səbəbdən həmin yerlərdə yaşayan sakinlər köçürülə bilər. Bu birbaşa insanların özünün sağlamlığı ilə bağlı məsələlərdir və hökumət bu məsələdə heç də güzəşt etmək niyyətində deyil. Harada insan sağlamlığına ziyan gətirən hallar varsa, buna yol verilməyəcək”.