Hazırda geomaqnit qasırğası davam edir. Bu barədə Sozcu.az-a Nəsirəddin Tusi adın Şamaxı Astrofizika Rəsədxanasından məlumat verilib. Bildirilib ki, geomaqnit sahəsinin 14 avqustda sakit səviyyəyə dönəcəyi gözlənilir. Sonrakı günlərdə geomaqnit qasırğası proqnozlaşdırılmır.

Xəbər verdiyimiz kimi, avqustun 10-na keçən gecə Zərdab rayonu ərazisində 3 nəfərin ölümü, 6 nəfərin xəsarət alması ilə nəticələnən ağır yol qəzası baş verib. Sozcu.az qafqazinfo-ya istinadən xəbər verir ki, qəzada həyatını itirən şəxslərdən 13 yaşlı Xədicə Eyvazlı Şuşa rayon Malıbəyli kənd 1 nömrəli tam orta məktəbin VII-ci sinif şagirdi imiş. Onunla birgə yaxın qohumu olan 2000-ci il təvəllüdlü Ayşən Quliyeva və onun 3 yaşlı qızı Mədinə də aldıqları xəsarətlərdən vəfat edib. Bildirilir ki, avtomobildəkilərin hamısı bir ailənin üzvü və yaxın qohumlar olub. Onlar Ağcabədidən Bakıya A.Quliyevanı və 3 yaşlı qızını xəstəxanada müayinə etdirmək üçün gəlibmiş. Hadisə də rayona qayıdarkən baş verib. Qeyd edək ki, 1986-cı il təvəllüdlü Quliyev Niyaməddin Eyvaz oğlunun idarə etdiyi “VGV U75 Plus” markalı 77-YE-816 dövlət qeydiyyat nişanlı avtomobil Kürdəmir-Zərdab yolunda aşıb. Nəticədə sürücünün qızı 2011-ci il təvəllüdlü Xədicə Eyvazlı, onun yaxın qohumu 2000-ci il təvəllüdlü Ayşən Quliyeva və A.Quliyevanın qızı 2021-ci il təvəllüdlü Mədinə vəfat edib. Sürücü və digər sərnişinləri: qızı Həcər və Raya, eləcə də 1980-ci il təvəllüdlü İlqar Quliyev, 1989-cu il təvəllüdlü Tünzalə Quliyeva, 2012-ci il təvəllüdlü Lalə Vəliyeva müxtəlif dərəcəli bədən xəsarətləri alıblar. Faktla bağlı cinayət işi başlanıb.

İcbari tibbi sığorta orqanizmdə xərçəngə çevrilmə riski yüksək olan atipik hüceyrə dəyişiklikləri nəticəsində yaranan şişönü xəstəliklərin erkən diaqnostikasını təmin edir. Sozcu.az xəbər verir ki, bu hüceyrələr adətən normal hüceyrələrin yerini alaraq onları zədələyir, sürətlə çoxalır və orqanizmin digər hissələrinə yayılır. Şişönü xəstəliklər müxtəlif orqan və toxumalarda meydana gələ bilər. Bu xəstəliklərin erkən mərhələdə aşkarlanması və müalicəsi gələcəkdə inkişaf edə biləcək xərçəng hallarının qarşısının alınması baxımından böyük əhəmiyyət kəsb edir. İcbari tibbi sığortanın Xidmətlər Zərfinə funksional diaqnostika, şüa diaqnostikası, laborator və endoskopik müayinələr daxildir. Bu müayinələr vasitəsilə xəstəliklərin dəqiq diaqnostikasını aparmaq, orqanların funksional vəziyyətini və daxili strukturlarını qiymətləndirmək, kimyəvi və fiziki prosesləri öyrənmək, o cümlədən daxili orqanları vizual olaraq müayinə etmək mümkündür. Şişönü xəstəliklərin diaqnostikasını dəqiq və etibarlı şəkildə aparmaq üçün isə bir neçə əsas metodlardan istifadə olunur. Bu metodların hər biri müəyyən xəstəliklərin aşkarlanmasında yüksək həssaslıq və dəqiqlik təmin edir. Maqnit rezonans tomoqrafiya (MRT) bədənin daxili strukturlarını detallı şəkildə göstərir və bir çox hallarda şişönü dəyişikliklərin aşkarlanmasını təmin edir. Bu metod, xüsusilə yumşaq toxumaların görüntülənməsi üçün effektivdir. Kompüter tomoqrafiyası (KT) skanerləri bədənin müxtəlif hissələrinin detallı görüntülərini təqdim etməklə şişlərin yerini və ölçüsünü müəyyənləşdirməyə imkan yaradır. Bu metod xüsusilə bərk toxumalarda və orqanlarda şişlərin aşkarlanması üçün istifadə olunur. Digər bir diaqnostik metod olan kolonoskopiya, kolorektal (yoğun və düz bağırsaq) xərçəngə çevrilmə potensialı yüksək olan şişönü lezyonların erkən diaqnostikasında geniş istifadə olunur. Bu prosedur zamanı həkim endoskop vasitəsilə kolonun daxili divarlarını yoxlayır. Şübhəli bölgələr tapıldıqda biopsiya nümunələri götürülür və laboratoriyada analiz olunur. Qastroskopiya mədə və onikibarmaq bağırsaqda (duodenum) şişönü dəyişikliklərin diaqnozu üçün istifadə olunur. Bu metod mədə-bağırsaq traktının yuxarı hissəsinin görüntülənməsini təmin edir və şişlərin erkən aşkarlanmasına kömək edir. Kolposkopiya uşaqlıq boynu xərçəngi və xərçəngönü xəstəlikləri erkən mərhələdə müəyyən etmək üçün istifadə olunan yüksək dəqiqliyə malik ginekoloji müayinə metodudur. Bu müayinə prosesində kolposkop cihazı ilə uşaqlıq boynu optik olaraq incələnir. Şübhəli bölgələr aşkarlandığı halda isə həmin hissələrdən nümunələr götürülərək laborator analizlərə göndərilir. Histeroskopiya qadın sağlamlığının qorunması və erkən diaqnostika üçün ən müasir metodlardan biridir. Bu prosedur zamanı histeroskop cihazı uşaqlıq boşluğuna daxil edilir və görüntü real vaxtda ekrana ötürülür. Bu sayədə uşaqlıq daxilindəki hər hansı patologiya çox asanlıqla müşahidə edilə bilir. Bu müayinə bir çox ginekoloji xəstəliklərlə yanaşı, uşaqlıq xərçənginin və şişönü xəstəliklərin aşkar edilməsində həyata keçirilən vacib müayinə metodudur. Mammoqrafiya süd vəzilərinin və ətraf limfa düyünlərinin rentgen vasitəsilə müayinəsini təmin edən vacib bir diaqnostika üsuludur. Bu metod süd vəzilərindəki xərçəngönü xəstəlikləri erkən mərhələdə aşkar etməyə və vaxtında müalicəyə başlamaqla gələcəkdə həmin patoloji halların bədxassəli törəməyə keçməsinin qarşısını almağa imkan yaradır. Şişönü lezyonlar adlanan xərçəngə çevrilmə potensialı yüksək atipik hüceyrə bölgələrindən götürülən toxuma nümunələrinin mikroskopik analizi diaqnostikada qızıl standart hesab edilir. Bu metod hüceyrələrin struktur vəziyyətini qiymətləndirməyə imkan verməklə dəqiq diaqnostikanı təmin edir. Həmçinin, qanda xüsusi biomarkerlərin səviyyəsi müəyyən xəstəliklərin mövcudluğunu göstərə bilər. Bu testlər sırasından olan onkomarkerlərin qanda təyini bəzi şişönü xəstəliklərin erkən mərhələdə aşkarlanmasında istifadə olunur və xəstəliyin gedişatını izləməyə kömək edir. Pap smear testi isə qadınlarda uşaqlıq boynunda (serviks) şişönü xəstəliklərin aşkarlanmasında geniş istifadə olunur. İcbari tibbi sığortanın tətbiqi xəstəliklərin erkən mərhələdə aşkarlanmasına, vətəndaşın vaxtında müalicəyə cəlb olunmasına və əhalinin ümumi sağlamlıq vəziyyətinin yaxşılaşdırılmasına yönəlib. İcbari tibbi sığorta ilə qarşılanan tibbi xidmətlərdən istifadə etmək üçün TƏBİB-in tabeliyindəki istənilən dövlət tibb müəssisəsinə və Azərbaycan Respublikası Səhiyyə Nazirliyinin 9 elmi-tədqiqаt institutuna şəxsiyyət vəsiqəsi ilə müraciət etmək kifayətdir.

09:44 Bakının Yasamal rayonunda ağır xəsarətlə nəticələnən döyülmə hadisəsi baş verib. Sozcu.az Report-a istinadən xəbər verir ki, 1981-ci il təvəllüdlü Ramin Sahib oğlu Həsənov bir neçə nəfərin hücumuna məruz qalıb. Xəsarət alan R.Həsənov təcili tibbi yardımın köməyi ilə xəstəxanaya çatdırılıb. Müayinə zamanı ona burun sümüklərinin sınığı və üz-baş nahiyələrin dərialtı hematoması diaqnozları qoyulub. Yaralı ifadəsində bildirib ki, onu tanımadığı bir neçə nəfər şəxs küçədə döyüb. Hadisənin təfərrüatı araşdırılır. *** Bakıda 43 yaşlı kişini döyməkdə şübhəli bilinən şəxs tutulub. DİN-in Mətbuat Xidmətindən bildirilib ki, avqustun 10-da Yasamal rayonu ərazisində R.Həsənovun döyülərək xəsarətlər alması barədə polisə məlumat daxil olub. Polis əməkdaşları tərəfindən keçirilən tədbirlərlə əməli törətməkdə şübhəli bilinən şəxs müəyyən olunaraq saxlanılıb. Xəsarətlərin dərəcəsini müəyyən etmək məqsədilə müvafiq ekspertiza təyin olunub. Araşdırma aparılır.

Bu gün saat 11 radələrində Yevlax rayonu ərazisində 1987-ci il təvəllüdlü Sevinc Rəsulovaya küt alətlə ağır bədən xəsarətləri yetirilməsi barədə polisə məlumat daxil olub. DİN-in Mətbuat Xidmətinin Bərdə regional qrupundan Sozcu.az-a verilən məlumata görə, polis əməkdaşları tərəfindən keçirilən tədbirlərlə cinayət əməlini törətməkdə şübhəli bilinin qadının əri 1985-ci il təvəllüdlü Şərəvəddin Rəsulov saxlanılıb. S.Rəsulova aldığı xəsarətlərlə xəstəxanaya yerləşdirilib.

Gəncə Şəhər Mərkəzi Xəstəxanasına qida zəhərlənməsi şübhəsilə müraciət edən hər bir şəxsə zəruri tibbi xidmət göstərilib və ambulator müalicə üçün evə buraxılıb. Bu barədə Modern.az-ın sorğusuna cavab olaraq TƏBİB-dən məlumat verilib. Göygöl Rayon Mərkəzi Xəstəxanasına isə 3 fərqli ərazidən qida zəhərlənməsi şübhəsi ilə daxil olan şəxslərdən isə 37 nəfərə zəruri tibbi xidmətlər göstərilib və ambulator müalicə üçün evə buraxılıb. Hazırda 3-ü uşaq olmaqla 15 nəfərin müalicəsi davam etdirilir. Qeyd edək ki, Gəncədə keçirilən yas mərasimində 100-dən artıq şəxs zəhərlənib. Gəncə Şəhər Birləşmiş Xəstəxanasının nəzdində olan Abbas Səhhət adına xəstəxanaya 83 nəfər, Z.Məmmədov adına 3 nömrəli xəstəxanaya isə 13 nəfər yerləşdirilib. Digər doqquz zərərçəkən isə Göygöl Rayon Mərkəzi Xəstəxanasına yerləşdirilib. Faktla bağlı araşdırma davam etdirilir.

Ukrayna ordusunun Rusiyanın Kursk vilayətində əməliyyatları davam edir. Sozcu.az-ın məlumatına görə, Ukraynanın yüksək rütbəli təhlükəsizlik rəsmisi AFP agentliyinə hücumla bağlı bir sıra detalları açıqlayıb. Məlumata görə, hücumda minlərlə Ukrayna əsgəri iştirak edir. Əməliyyatın əsas məqsədi Rusiya qoşunlarının mövqelərini uzatmaq və sabitliyi pozmaqdır. Rusiya daha əvvəl Ukrayna Silahlı Qüvvələrinin Kursk vilayətində keçirdiyi əməliyyatda 1000-ə yaxın əsgərin iştirak etdiyini bildirsə də, adı açıqlanmayan şəxs daha çox hərbçinin hücumda iştirak etdiyini deyib. Mənbənin sözlərinə görə, Kursk vilayətinda əməliyyat ukraynalılar arasında əhval-ruhiyyəni xeyli yüksəldib. “Bu, bizim əhval-ruhiyyəmizi, Ukrayna ordusunun, dövlətinin və cəmiyyətinin əhval-ruhiyyəsini xeyli yüksəltdi. Bu əməliyyat göstərdi ki, biz hücuma keçə və irəli gedə bilərik”, - rəsmi şəxs qeyd edib. Agentliyin həmsöhbəti qeyd edib ki, Ukrayna Rusiyaya hücum zamanı “beynəlxalq humanitar hüquqa ciddi əməl edəcək". Onun sözlərinə görə, Ukrayna heç bir ərazini ilhaq etməyi planlaşdırmır. Bununla belə, Kursk əməliyyatı Rusiyanın Ukraynanın şərqindəki hücumunu zəiflətməyib. Mənəvi deyir ki, ruslar Ukraynanın şərqindəki mövqelərdən qoşunlarını çıxarmır, lakin Rusiyanın hücumlarının intensivliyi bir qədər azalıb. Ukrayna hakimiyyətinin günlərlə rəsmi susqunluğundan sonra prezident Vladimir Zelenski şənbə günü etdiyi müraciətdə Kiyevin “müharibəni təcavüzkarın ərazisinə sövq etdiyini” ilk dəfə olaraq əməliyyatı etiraf edib. Qeyd edək ki, Kursk əməliyyatı avqustun 6-da başlayıb. Ötən gecə Ukrayna prezidenti Volodimir Zelenski ilk dəfə olaraq Ukraynanın Kursk vilayətinə hücumu barədə danışıb. O deyib ki, Ukrayna “ədaləti bərpa edir” və “təcavüzkara təzyiq göstərir”. Rusiya rəsmiləri hücuma görə “güclü cavab” veriləcəyini qeyd ediblər.modern)

İrəvanda taxıl daşıyan yük maşını aşıb. Sozcu.az xəbər verir ki, bu barədə erməni mətbuatı məlumat yayıb. Məlumata görə, şəhətin Myasnikyan prospektində KamAZ, sərnişin avtobusu və “Toyota Korolla” maşınları toqquşub. Ermənistan Daxili İşlər Nazirliyinin məlumatına görə, 20 nəfər yaralanıb.

Beyləqanda ölümlə nəticələnən ağır yol nəqliyyat hadisəsi baş verib. Sozcu.az xəbər verir ki, hadisə Beyləqan-Daşburun yolunda qeydə alınıb. Hərəkətdə olan iki minik maşınlarının toqquşması nəticəsində ölən və xəsarət alanlar olub. Həkim tap Avtoqəza zamanı Xankişiyev Qabil Dədəkişi oğlu həyatın itirib. Kərimov İmamqulu Əsəd oğlu, Quliyev Ağa Təvəkkül oğlu, Hüseynov Şəhriyar İman oğlu, Fərzəliyev Elvin Salman oğlu xəsarət alıblar. Yaralılar Beyləqan Rayon Mərkəzi Xəstəxanasına yerləşdirilib. Faktla bağlı Beyləqan rayon polis şöbəsində araşdırma aparılır.

Mingəçevirdə doğuş zamanı uşaq ölüm halı baş verib. Sozcu.az xəbər verir ki, hadisə Mingəçevir Şəhər Mərkəzi Xəstəxanasında qeydə alınıb. Şəhər sakini Şəlalə Abdullazadənin doğum şöbəsində dünyaya gətirdiyi körpənin ölü doğulduğu deyilir. Sayt yaratmaq Faktla bağlı cinayət işi açılıb, araşdırma aparılır.

"Azərbaycan üzrə sularda 37 xilasetmə məntəqəsi mövcuddur. Nabran, Neftçala, Şirvan, Lənkəran, Astara, Mingəçevir, Yevlax , Qəbələ, Xəzər, Xaçmaz rayonu və Siyəzən rayonlarında. Həmçinin 8 dalğıc-axtarış qruplarımız var". Sozcu.az musavat.com-a istinadla xəbər verir ki, bunu Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin ictimaətlə əlaqələr və təbliğat şöbəsinin böyük inspektoru, baş leytenant Fərid İlhamoğlu deyib. O bildirib ki, çimərlik kimi nəzədə tutulmayan ərazilərdə çimmək insan həyatına birbaşa təhlükə yaradır: dirnaq modelleri "FHN tərəfindən aparılan maarifləndirmə işlərinə baxmayaraq, təəssüflər olsun ki, yenə də bəzi vətəndaşlarımız tərəfindən , əsasən də yeniyetmə və gənclər arasında qeyri-iş günlərində çimərlik və qeyri-çimərlik ərazilərdə təhlükəsizlik qaydalarının pozulmasına rast gəlinir. Bu da bir çox hallarda acı sonluqla nəticələnir. Xidmətin texnika və avadanıqlarından başqa suda digər hərəkət vasitələrinin: qayıqların, skuterlərin çimərlik ərazisinə daxil olması qadağandır. Qızmar günəş altında dayanmaq, küləkli havada və sərxoş halda dənizə girmək qadağandır. Hava qaraldıqdan onra suya daxil olmaq olmaz. İnsan həyatı üçün təükəlidir". Böyük inspektorun sözlərinə görə, xidmət yay fəslində gücləndirilmiş iş rejimində fəaliyyət göstərir: "Xilasedicilərimiz səhər saat 9-dan axşam saat 8-dək xidmət aparırlar. Axşam 8-dən sonra hava qaralır və görüntü məhdudiyyəti yaranır. Xilasedicilərimiz səsgücləndiricilər vasitəsi ilə istirahət edən vətəndaşlara bildirirlər ki, artıq hava qaraldıqdan sonra suya dalmaq, gecələmək, çimərliklərdə qalmaq həyat üçün təhlükəli ola bilər. Bölgələrimizdə yerləşən su hövzələri: suvarma kanalları, çaylar, göllər, arxlar və bir çox hövzələr çimərlik üçün nəzərdə tutlmayıb. Odur ki, vətəndaşlarımıza xahişimiz odur ki, həmin su hövzələrinə daxil olmasınlar. Çünki həmin su hövələri naməlum mürəkkəb dərinliyə, sürəti axına malikdir. Suyu altında hansı yad cismin bizi gözlədiyini bilmirik. Vətənaşlarımız həmin su hövzələrinə daxil olub, həyatlarını təhlükəyə atmasınlar. Ölüm halları çox zaman bilinməyən su hövzələrində baş verir. Həyatını itirən vətəndaşlarımız təəssüflər olsun ki, suvarma kanallarında göllərdə və süni yaradılmış arxlarda həyatlarını itirirlər. Bakı şəhərinə gəlincə isə Xəzərin nəzarət olunmayan ərazilərində küləkli hava şəraitində suya daxil olaraq həyatlarını təhlükəyə atırlar və batırlar. Çimərlik kimi nəzərdə tutulmayan ərazlərə getməsinlər".

Avqustun 11-i saat 9:30-a olan faktiki hava açıqlanıb. Sozcu.az Milli Hidrometeorologiya Xidmətinə istinadla xəbər verir ki, avqustun 11-i saat 9:30-a olan məlumata görə əvvəlcədən xəbər verildiyi kimi, əksər rayonlarda hava şəraiti əsasən yağmursuz keçib. Lakin bəzi dağlıq və dağətəyi rayonlarda arabir qısamüddətli yağış yağıb, şimşək çaxıb. Düşən yağıntının miqdarı: Gədəbəy, Zaqatala, Şəki, Qax, Laza (Qusar), Balakəndə 1 mm-dək olub. dirnaq modelleri Əvvəlcədən verildiyi kimi şimal-qərb küləyi sarı xəbərdarlığa uyğun olaraq arabir Culfada 23 m/s, Bakıda və Abşeron yarımadasında 16 m/s-dək güclənib. Neft daşları stansiyasının məlumatına əsasən dənizdə dalğanın hündürlüyü 2.4 metrə çatıb. Lerik, Daşkəsən, Göygöl, Qrız, Şahdağda duman müşahidə olunub. Havanın maksimal temperaturu Bakıda və Abşeron yarımadasında 35, Naxçıvan MR və Aran rayonlarında 37, dağlıq rayonlarda isə 28 dərəcəyədək isti olub.

Ümid edirəm ki, yeddi medalımız olacaq. Güləşçimizin sabah uğur qazanacağına inanıram”. Sozcu.az xəbər verir ki, bu sözləri Milli Olimpiya Komitəsinin vitse-prezidenti Çingiz Hüseynzadə Paris-2024 Yay Olimpiya Oyunlarında qazanılan nəticələri şərh edərkən deyib. O, Tokio olimpiadasındakı medal sayının təkrarlanacağına inandığını bildirib: “Amma keyfiyyətə görə bu dəfə daha yaxşı nəticə qazandıq. Çünki iki qızıl medalımızı var”. MOK-un vitse-prezidenti Paris olimpiadasında başqa uğurlara da imza atdıqlarını vurğulayıb: “Qadın basketbolçularımız yaxşı təsir bağışladılar. Gimnastlarımız finala çıxdılar, medala az qalmışdı. Atletimiz Anna Skidan da finala yüksəldi”. Ç.Hüseynzadə Paris-2024-də idmançılardan daha yüksək nəticələr gözlədiklərini gizlətməyib: “Güləşçilərimiz bir qədər ümidləri doğrultmadılar. Bu problemi yığmadakı nəsildəyişmə prosesi ilə əlaqələndirirəm. Yaş məsələsi də buna imkan vermədi. Ümid edirəm ki, yeni gənclər yetişəcəklər. Artıq onlardan uğurlu nəticələr gözləməyə dəyər”. Qeyd edək ki, Azərbaycan Paris olimpiadasında hələlik 6 (2 qızıl, 2 gümüş, 2 bürünc) medal qazanıb.

Ukrayna Silahlı Qüvvələri Maxnovkada Psel çayının şərq sahilinə, Baptist Yəhya kilsəsinin yaxınlığına qədər irəliləyib. Sozcu.az xəbər verir ki, bu barədə rusiyalı hərbi ekspert Yan Matveyev məlumat verib. O bildirib ki, Ukrayna ordusu Suca şəhərinin ortasından keçən Psel çayını adlayıblar: "Əgər rus qoşunları həqiqətən şəhərin mərkəzindədirsə, demək ki, orada mühasirəyə düşüblər".

Göyçayda siqaret çəkmək üçün anasından alışqan istəyən oğul həbs edilib. Sozcu.az Qaynarinfo-ya istinadən xəbər verir ki, hadisə Göyçay şəhəri, Ziya Bünyadov küçəsində baş verib. Belə ki, 1985-ci təvəllüdlü Pərviz Camalov (ad-soyad şərtidir) içkili halda evə gələrək anasından siqaret çəkmək üçün alışqan istəyib. Anası ona alışqan vermədiyi üçün əsəbiləşərək evdə səs-küy salıb və mübahisə etməyə başlayıb. Qadın bu barədə Daxili İşlər Nazirliyinin "102" xidmətinə müraciət edib. P.Camalov barəsində İnzibati Xətalar Məcəlləsinin 510-cu maddəsi ilə protokol tərtib edilib və iş məhkəməyə göndərilib. Məhkəmənin qərarı ilə P.Camalova səkkiz gün müddətə inzibati həbs tətbiq olunub.

Qərbi Azərbaycan İcması Fransa hökumətindən nifrətə və irqi ayrı-seçkiliyə əsaslanan siyasətdən əl çəkməyi, rasional davranış sərgiləməyi və diplomatik normaların minimal tələblərinə əməl etməyi tələb edir. Sozcu.az xəbər verir ki, bu barədə İcmanın bəyanatında bildirilib. Qeyd edilir ki, artıq bir neçə ildir ki, Fransa Azərbaycana qarşı qeyri-dost yanaşmasını açıq şəkildə göstərir: "Təəssüf ki, bu qeyri-rasional yanaşma Fransanın dövlət siyasətinə çevrilmişdir. Bu mənada Fransa rəsmilərinin anti-Azərbaycan bəyanatları və addımları təəccüb doğurmur. Lakin, Fransa rəsmilərinin içərisində bəziləri vardır ki, onların davranışları bütün əndazələri aşır. Onlardan biri bu ölkənin Ermənistandakı səfiridir. Bu şəxs informasiya məkanında tamamilə qeyri-adekvat davranır və diplomatiyanın prinsiplərinə, etiketə və ümumi əxlaq normalarına uyğun olmayan, uşaqcasına hərəkətləri ilə yeri gəldi-gəlmədi Azərbaycana replikalar atır. Bu şəxsin ümumiyyətlə hansı vəzifəni daşıdığını dərk etdiyi şübhə doğurur. Ciddi diplomatik ənənələrə malik böyük dövlət olduğunu iddia edən Fransanın səfiri titulunu daşıyan şəxs özünü marginal, uğursuz erməni radikal millətçisi kimi aparır. Fransa səfirinin bu davranışı nəinki bu dövlətin keçmiş diplomatik ənənələrindən uzaqlaşdığını, eyni zamanda bu ölkənin dövlət idarəetməsinin cılız, acınacaqlı duruma düşdüyünü göstərir".

Ukrayna Silahlı Qüvvələrinin Kursk vilayətinin Belovski rayonunda hərəkətə keçdiyi bildirilir. Sozcu.az xəbər verir ki, bu barədə Teleqram kanallarında məlumat yayılıb. Bildirilib ki, bu məlumat təsdiqlənərsə, bu, yeni bir zərbə cəhdi olacaq, bu dəfət fərqli yerdə. Qeyd edək ki, Belovski rayonu Sucadan 20 kilometr cənubda yerləşir.

90 saylı Ağsu Seçki Dairəsindən  növbədənkənar Parlament seçkilərində iştirak edəcək  Müsavat Partiyasının namizədi Zabit Bədəlov un 7 nəfərdən ibarət seçki qərargahı ilkin olaraq formalaşdırılıb. Anar Rəsullu Seçki qərargahının sədri seçilib. Seçki qərargahının iclasında Ağsu rayonunda seçki dövründə baş verən bir çox məsələlər müzakirə edilib.  Zabit Bədəlovun seçki qərargahı namizədlər arasında yaradılan ayrıseçkiliyin seçki qanunlarına zidd olduğunu bəyan edərək, İcra Hakimiyyətini, kənd icra  və bələdiyyə orqanlarını namizədlər arasından bərabərhüquqluq prinsipini pozmamağa çağırıb. Seçki qərargahı bəyan edir ki, Ağsu rayon  İcra Hakimiyyəti  tərəfindən Milli məclisə namizədlərdən biri olan Elçin Mirzəbəylinin birtərəfli şəkildə,  seçki qanunlarına zidd olaraq təbliğatı aparılır və bu da seçkilərin şəffaf keçirilməsini şübhə altına alır.  Seçki qərargahı bildirir ki, İcra və bələdiyyə orqanlarının tapşırığı ilə digər namizədlərin şəkillərinin cırılması haqqında məlumatlar əldə edilib.  Obyektlərinin qarşısına könüllü şəkildə namizədlərin şəkillərinin vuran obyekt sahiblərinə təzyiqlər edilir.  Zabit Bədəlovun seçki qərargahı Ağsu rayon rəhbərliyini seçkiyə müdaxilə etməməyə və bütün namizədlərə bərabər şəkildə şərait yatmağa çağırır.  Seçki qərargahı bütün namizədlərə demokratik mübarizə arzu edir. Ağsu rayon sakinlərinin iradəsinin qalib gəlməsi bizim arzumuzdur. Demokratik , hüququ dövlət hər birimizin haqqıdır.  Zabit Bədəlovun seçki qərargahı 10. 08. 2024

Goranboyda 5 nəfər zəhərlənib. Sozcu.az -ın məlumatına görə, bir neçə rayon sakini zəhərlənmə diaqnozu ilə xəstəxanaya yerləşdiriliblər. Onlara dərhal yardım edilib, vəziyyətlərinin kafi olduğu bildirilir. Zəhərlənənlər 2012-ci il təvəllüldü A.Kərimli, 2011-ci il təvəllüdlü A.Qasımova, 2009-cu il təvəllüldü S.Qasımova, 1982-ci il təvəllüdlü Q.Qasımov və 2009-cu il təvəllüdlü A.Kərimovadır. İlkin məlumata görə, onlar qidadan zəhərləniblər. Hadisə ilə bağlı araşdırma aparılır.

Birinci Qarabağ müharibəsi şəhidi Ceyran Abdullayevanın atası vəfat edib. Sozcu.az xəbər verir ki, şəhidin atası Səyyaf Qarayev yaşadığı Zərdab rayonunda xəstəlik səbəbindən ölüb. Qeyd edək ki, Abdullayeva Ceyran Səyyaf qızı 1962-ci ildə Zərdab şəhərində anadan olub. Könüllü olaraq müharibəyə yollanan Ceyran rabitəçi olub və 1992-ci ilin avqustun 15-i Ağdam rayonu ərazisində şəhid olub. O, Bakıda Şəhidlər xiyabanında dəfn olunub.

Samur-Abşeron kanalının "Şəfəq" qəsəbəsindən keçən hissəsində avtomobil kanala düşüb. Sozcu.az Report-a istinadən xəbər verir ki, Abusət Əliyevin idarə etdiyi avtomobil idarəetmədən çıxaraq Samur-Abşeron kanalına düşüb. Avtomobil sudan çıxarılsa da, Abusət Əliyev tapılmayıb. Onun axtarışları davam etdirilir. Qeyd edək ki, A.Əliyev 44 günlük Vətən müharibəsinin iştirakçısıdır.

00:47 Avqustun 9-da saat 23 radələrində Ağcəbədi rayon sakini Niyaməddin Quliyev idarə etdiyi "VGV U75 Plus" markalı avtomobillə Kürdəmir-Zərdab yolu istiqamətində hərəkətdə olan zaman idarəetməni itirib və avtomobil yoldan çıxaraq aşıb. DİN-in Mətbuat Xidmətinin Şirvan regional qrupundan Sozcu.az-a verilən məlumata görə, hadisə nəticəsində nəqliyyat vasitəsində olan iki nəfər ölüb, sürücü və digər 6 nəfər sərnişin isə müxtəlif dərəcəli bədən xəsarətləri alıblar. Xəsarət almış daha bir nəfər isə səhər saatlarında dünyasını dəyişib. Bununla da qəzada ölənlərin sayı 3-ə çatıb. *** Zərdabda baş verən qəzada ölənlərdən ikisi sürücünün 3 və 14 yaşlı qızlarıdır. Ölən digər uşaq isə sürücünün yaxın qohumunun 4 yaşlı qızıdır.

Bakı şəhərinin Nərimanov rayonunun Maqsud Əlizadə küçəsində yaşayış binasında yanğın olub, 10 nəfər sakin təxliyə olunub. Bu barədə Sozcu.az-a Fövqəladə Hallar Nazirliyinin (FHN) Mətbuat xidmətindən məlumat verilib. Bildirilib ki, FHN-in "112" qaynar telefon xəttinə sözügedən ünvanda yanğın baş verməsi barədə məlumat daxil olub və məlumatla əlaqədar dərhal FHN-in Dövlət Yanğından Mühafizə və Xüsusi Riskli Xilasetmə xidmətlərinin qüvvələri çağırış üzrə cəlb olunub. Əməliyyat şəraitinə uyğun olaraq yanğınsöndürənlər tərəfindən həyata keçirilmiş təcili və təxirəsalınmaz tədbirlər sayəsində yaşayış binasının şaxtasında baş verən yanğın mənzillərə keçməsinə imkan verilmədən qısa müddətdə söndürülüb. Təhlükəsizlik tədbirləri çərçivəsində 10 nəfər bina sakini FHN-in qüvvələri tərəfindən təxliyə olunub. Yanğın nəticəsində onaltımərtəbəli yaşayış binasının şaxtası boyunca 51p.m elektrik kabelləri, 16 ədəd plastik şaxta qapısı, 5 ədəd qoruyucu açar və liftin idarəetmə lövhəsi yanıb. Mənzillər yanğından mühafizə olunub.

Alimlər sübut edib ki, çayın tərkibində olan ftorid xüsusən uşaqlarda diş və sümüklərə pis təsir edir, yaşlı insanlarda isə sümüklərin daha tez əriməsinə səbəb olur. Medicina.az xəbər verir ki, normadan artıq çay içən insanın sümüklərində flyuoroz, uşaqların isə dişlərində karies, aşınma yaranır. Əgər çay qaynadılan su da ftorla zəngindirsə, o zaman məsələ lap qəlizləşir. Professorlar qeyd edir ki, çayın tərkibindəki ftorid haqqında çox az adam bilir. 47 növ adi və bitki çayı üzərində aparılan araşdırma göstərir ki, bu çaylarda ftorid normadan 2-3 dəfə artıqdır. Amma ftorid həm də su və başqa ərzaqlarla da orqanizmə daxil olur. Alimlər gündə 2-3 stəkandan artıq çay içməməyi məsləhət görür. Gün ərzində 6 mq-dan artıq ftor qəbul edən insanın sümükləri təhlükə altındadır. Bu qədər miqdarı almaq üçün gərək 5 stəkandan çox çay və su içəsiz. Azərbaycanda səhər-axşam ən çox içilən içki çay olduğu üçün insanların, uşaqların sümük və dişlərinin zəifləmə səbəbidir.