Sabah, oktyabrın 13-ü saat 09:00-a olan faktiki hava açıqlanıb. Milli Hidrometeorologiya Xidmətindən verilən məlumata görə, oktyabrın 13-ü saat 09:00-a olan məlumatına əsasən əvvəlcədən xəbər verildiyi kimi ölkə ərazisində hava şəraiti qeyrı-sabit keçib, bəzi yerlərdə şimşək çaxıb, arabir leysan xarakterli intensiv yağış yağıb. Əsasən şərq rayonlarında güclü olub. Düşən yağıntının miqdarı Sabirabadda 57 mm, Lənkəranda 47 mm, Cəfərxanda 23 mm, Astara, Neftçalada 5 mm, Qrız, Yardımlı, İsmayıllı, Şahdağ, Mingəçevir, Altıağac, Xaçmaz, Xaltan, Oğuz, Qəbələ, Şəki, Naxçıvan, Daşkəsən, Gədəbəy, Gəncə, Balakən, Zaqatala, Qax (Sarıbaş), Şamaxı, Quba, Qusar, Şabran, Goranboy, Yevlax, Göyçay, Zərdab, İmişli, Şirvan, Bərdə, Biləsuvar, Xınalıq, Lerikdə 3 mm-dək, Bakıda və Abşeron yarımadasında: Neft Daşlarında 9 mm, Pirallahıda 2 mm, Çilov adası, Maştağa, Binədə 1 mm-dək olub. Şəmkir, Naftalan, Göygöl, Balakən, Daşkəsən, Lerik, Qrız, Tərtər, Göycay, Şəki, Qax, Qobustan, Quba, Qusar, Qəbələ, Xınalıq, Xaltanda duman müşahidə olunub. Havanın maksimal temperaturu Bakıda və Abşeron yarımadasında 21, Naxçıvan MR-da 29, Aran rayonlarında 26, dağlıq rayonlarda 18 dərəcəyədək isti qeydə alınıb.

Oktyabrın 12-də Rusiyanın itirdiyi Su-34 qırıcısı F-16 ilə vurulmuş ola bilər. Sozcu.az xəbər verir ki, bu barədə ABŞ-ın Müharibənin Öyrənilməsi İnstitutu məlumat yayıb. Qeyd olunub ki, rusiyalı məşhur hərbi müxbirlərdən biri qırıcının Ukraynanın fəaliyyəti ilə bağlı olmadığını, texniki çatışmazlıq və ya pilot səhvindən qəzaya uğradığını yazıb: “Lakin Hava Desant Qüvvələrinin zabitləri və Rusiyanın “Dnepr” qruplaşmasının üzvlərinin işlətdiyi Teleqram kanalı təsdiq edir ki, Su-34 F-16 qırıcısı ilə vurulub. Kanal bildirib ki, Su-34 cəbhənin 50 kilometrliyində FAB bombası atarkən vurulub”.

Ukrayna müharibənin 963-cü günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 668 930 hərbçi, 8 971 ədəd tank, 17 876 ədəd zirehli döyüş maşını, 19 410 ədəd artilleriya sistemi, 1 231 ədəd RYAS (reaktiv yaylım atəş sistemi), 978 hava hücumundan müdafiə sistemi, 369 ədəd hərbi təyyarə, 329 ədəd helikopter, 26 584 ədəd avtomobil texnikası, 16 992 ədəd PUA, 2 619 qanadlı raket, 28 gəmi/kater, 1 sualtı qayıq, 3 435 xüsusi avadanlıq itirib.

Rusiyanın böyük şəhərlərində səfərbərlik Putin rejimi üçün problemlər yarada bilər. Sozcu.az xəbər verir ki, bunu ABŞ ordusunun Avropadakı keçmiş komandanı, general Ben Hoces deyib. Onun sözlərinə görə, gec-tez Rusiya Moskva və Sankt-Peterburqdan gəncləri orduya cəlb etməyə başlamalı olacaq: "Ruslar yeni ehtiyatlar formalaşdırmaqla hücum tempini saxlamağa çalışırlar". Hoces hesab edir ki, Ukrayna Rusiya artilleriyasını, qərargahını və logistikasını məhv edə bilsə, rusların əsas taktikası öz mənasını tamamilə itirəcək: "Axı ordunun effektivliyini təmin edən logistika, artilleriya, aviabazalar və təyyarələrdir. Ona görə də Ukrayna bu əsas elementləri zəiflətməyi və ya məhv etməyi bacararsa, Rusiya mütləq öz taktikasını dəyişməli olacaq".

Çeçenistan rəhbəri Ramzan Kadırov üç rusiyalı siyasətçini öz həyatına qəsddə ittiham edib, onlara qarşı “qan davası” elan edib. Sozcu.az xəbər verir ki, bunu tanınmış publisist və rusiyalı müxalifətçi Rostislav Murzaqulov deyib. O, Kreml rəhbəri ilə Kadırov arasında münasibətlərin pisləşməkdə davam etdiyini vurğulayıb. Bundan başqa, Murzaqulov əlavə edib ki, əgər əvvəllər Çeçenistan rəhbəri Rusiya Federasiyasında ikinci ən nüfuzlu şəxs hesab olunurdusa, indi o, “birinci vəzifəyə” qoyulur. "İndi Rusiyada panika var. “Kvadrat gözlü” insanlar Kreml dəhlizlərində gəzirlər, çünki bunun sonun başlanğıcı olduğunu başa düşürlər. Bu vəziyyətdən çıxış yolu yoxdur", - o qeyd edib. Bildirilib ki, iki rus “hökmdarı” arasında vəziyyət “Wildberries” şirkəti ilə bağlı vəziyyətdən sonra pisləşib, buna görə Kadırov milyarder, Dağıstandan olan senator Süleyman Kərimova qarşı “qan davası” elan edib. Murzaqulov əlavə edib ki, Putin Kadırova bu şirkətə nəzarəti “vəd etməyə” cəhd edə bilər, lakin digər Kreml rəsmilərinin bu, xoşuna gəlməyəcək.

Rusiya ordusunun Su-34 qırıcısı məhv edilib. Sozcu.az xəbər verir ki, bu barədə Rusiya Teleqram kanalları məlumat yayıb. Təyyarənin harada vurulması ilə bağlı məlumat verilməyib. Ukraynalı deputat Yuri Mısyaqin bildirib ki, Su-34-ün heyəti də ölüb.

Mobil telefonlar istisna olmaqla, təyyarəyə hər hansı elektron rabitə vasitələrinin gətirilməsi qadağan edilib. Sozcu.az xəbər verir ki, bunu İranın Mülki Aviasiya Təşkilatının rəsmisi Cəfər Yazərlu deyib. “Mobil telefonlar istisna olmaqla, təyyarənin göyərtəsində hər hansı elektron rabitə vasitələrini həm əl yükündə, həm də qeydiyyatdan keçmiş baqajda aparmaq qadağandır”, - Yazərlu bildirib.

Mingəçevirdə kişi öldürülüb. Sozcu.az xəbər verir ki, bu barədə Mingəçevir şəhər prokurorluğundan məlumat verilib. Bildirilib ki, oktyabrın 12-də saat 13 radələrində Mingəçevir şəhəri, Sahil küçəsi ünvanında 1960-cı il təvəllüdlü Heydər Nəbiyevin üzərində xəsarətlər olan meyitinin aşkar edilməsi barədə şəhər prokurorluğuna məlumat daxil olub. vakansiya 2023 Araşdırma zamanı 1992-ci il təvəllüdlü Vüsal Nəbiyevin oktyabrın 11-də axşam saatlarında atası Heydər Nəbiyevi döyərək müxtəlif dərəcəli bədən xəsarətləri yetirməsi nəticəsində sonuncunun almış olduğu xəsarətlərdən ölməsinə əsaslı şübhələr müəyyən edilib. Faktla bağlı Mingəçevir şəhər prokurorluğunda Cinayət Məcəlləsinin 126.3-cü (qəsdən sağlamlığa ağır zərər vurma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanaraq istintaq aparılır. Vüsal Nəbiyev iş üzrə şübhəli şəxs qismində tutulub.

Ağcabədi rayonunun Rəncbərlər kəndində yaşayan 20 yaşlı Təhminə Quliyeva ilk övladını dünyaya gətirərkən həkim səhvi nəticəsində komaya düşüb. Belə bir iddia ilə Oxu.Az-a onun həyat yoldaşı Elməddin Quliyev müraciət edib. O bildirib ki, oktyabrın 9-da dünyaya gələn qız övladı əməliyyat yolu ilə doğulduğundan qan köçürülməsinə ehtiyac yaranıb. Lakin həkimlər qan qrupunu səhv müəyyənləşdirərək gənc qadına "+2" əvəzinə "+3" qan qrupu köçürüblər. socar vakansiya "Yoldaşımın 20 yaşı var. Ayın 9-da birinci övladımız dünyaya gəlib - qızımız olub. Uşağı əməliyyatla götürüblər deyə qan lazım olub. Qanı isə düz köçürməyiblər. Həkim deyib ki, qanında zəhərlənmə olub. Bakıdan həkim çağırılıb. Dörd gündür ki, komadadır. Bakıya aparmaq istədilər, amma vəziyyətinə görə mümkün olmadı", - deyə şikayətçi bildirib. Müraciətlə bağlı Tibbi Ərazi Bölmələrini İdarəetmə Birliyinə (TƏBİB) sorğu ünvanladıq. Qurumun Mətbuat Xidmətindən Oxu.Az-ın sorğusuna cavab olaraq bildirildi ki, 8 oktyabr 2024-cü il tarixdə, saat 13:30-da 2004-cü il təvəllüdlü şəxs (qadın cinsli) Ağcabədi Rayon Mərkəzi Xəstəxanasından Bərdə Rayon Mərkəzi Xəstəxanasının Doğum evinə hospitalizasiya olunub. "Pasiyentə 40 həftə 4 günlük hamiləlik, döl başının yüksək duruşu, anemiya diaqnozu təyin edilib və qeysəriyyə kəsiyi əməliyyatı icra olunub. Əməliyyatdan sonra xəstəyə hemotransfuziya olunub. Xəstədə allergik reaksiya müşahidə olunduğu üçün Reanimasiya şöbəsinə yerləşdirilib. Hazırda müalicəsi reanimasiyada davam etdirilir. Hemodinamik göstəriciləri stabildir. Pasiyentin yaxınlarının iddiası TƏBİB-in aidiyyəti komissiyası tərəfindən ətraflı araşdırılacaq", - deyə məlumatda bildirilir.

Hacıqabul rayonuna aramsız yağan yağışlar fəsadlara səbəb olub. Sozcu.az APA-ya istinadən xəbər verir ki, nəticədə 200-ə yaxın evi su basıb. Rayon ərazisindən keçən dəmir yolu xəttinə zərər dəyib. Hazırda qatarların hərəkətində fasilə yaranıb. 

Ukrayna PUA-ları Luqansk vilayətinin Rovenki şəhərində (Rusiyanın işğalındadır – red.) neft anbarına hücum edib, nəticədə yanğın baş verib. Sozcu.az xəbər verir ki, Rusiya mediası məlumat yayıb. “Bu gecə 10 pilotsuz təyyarə Rovenkidəki neft anbarına hücum etdi, onlardan 8-i hava hücumundan müdafiə qüvvələri tərəfindən vuruldu, yalnız ikisi hədəfə çatdı. Təxminən səhər saat 7.00-da (Moskva vaxtı ilə) yanğın söndürülüb”, - məlumatda deyilir.

Ermənistanda son ardıcıl istefaların səbəbləri məlum olub. Sozcu.az xəbər verir ki, erməni mediası son proseslərin istefa deyil, “təmizləmə” olduğu haqda məlumat yayıb. Bildirilib ki, Ermənistan Baş naziri Nikol Paşinyan hökumətdəki rusyönlüləri təmizləmək qərarı verib. Nikol Paşinyan iki gün öncə “Elektrik enerjisinin keyfiyyəti ilə bağlı problemlər və onların həlli imkanları” mövzusunda müzakirə keçirib və bu sahədə çatışmazlıqları gündəmə gətirib. Əsas hədəf Rusiyadan çox asılı olan bu sistemi mümkün qədər “milliləşdirmək”dir. Bu müzakirələrdən sonra Dövlət Xidmətlərinin Tənzimləmə Komissiyasının sədri Qaregin Baqramyan, ərazi idarəetmə nazirinin müavini Akop Vardanyan və iqtisadiyyat nazirinin müavini Narek Teryan işdən çıxarılıb. Sonuncu nazir müavini təyin olunana qədər Rusiyada müxtəlif vəzifələr tutub. Ermənistanda işlədiyi müddətdə isə qatı ruspərəst mövqe sərgiləyib.

Abşeronda kişi kimyəvi məhluldan zəhərlənib. Sozcu.az Lent.az-a istinadən xəbər verir ki, hadisə Ceyranbatan qəsəbəsində baş verib. 47 yaşlı Xəzər Ələsgər oğlu Nəsibov yaşadığı evdə zəhərlənərək xəstəxanaya aparılıb. Lakin xəstəxanada görülən tədbirlərə baxmayaraq, orada ölüb. Faktla bağlı rayon prokurorluğunda araşdırma aparılır.

Böyük Britaniyanın keçmiş baş naziri Boris Conson Ukrayna prezidenti Vladimir Zelenskini Böyük Britaniyanın keçmiş lideri Uinston Çörçillə müqayisə edib. Sozcu.az xəbər verir ki, Consonun müsahibəsindən bir parça Pool N3 Telegram kanalında dərc olunub. “Hamıya məlumdur ki, İkinci Dünya Müharibəsi zamanı Çörçilə özünü aslan kimi apardığı deyiləndə, cavab vermişdi ki, aslan o deyil, ingilis xalqıdır. Amma mənim də şir kimi nərildəmək imtiyazım var. Eyni sözləri Vladimir Zelenski haqqında da demək olar. O, ukraynalıların nələr hiss etdiklərini çox dəqiq nümayiş etdirdi".

Nəsimi rayonu, Alı Mustafayev keçəsi, “20 Yanvar”, Nərimanov rayonu, Heydər Əliyev prospekti, “Koroğlu” metro stansiyaları istiqamətində yolda qısamüddətli təmir işləri aparılır.  Sozcu.az xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi məlumat yayıb.  Bildirilib ki, bu məqsədlə zolaqlardan biri qismən məhdudlaşdırılıb. Sürücülərə hərəkət zamanı diqqətli olmaları tövsiyə olunur.

Dünya bazarında "Azeri Light" markalı Azərbaycan neftinin 1 barelinin qiyməti 0,25 ABŞ dolları, yaxud 0,31 % artaraq 80,63 ABŞ dolları təşkil edib. Sozcu.az xəbər verir ki, hərracların nəticələrinə görə, “Brent” markalı neftin dekabr fyuçerslərinin qiyməti 79,04 ABŞ dolları təşkil edib. Azərbaycanın builki dövlət büdcəsində bir barel neftin orta qiyməti 75 ABŞ dollarından hesablanıb. vakansiyalar Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil edilir. Müqavilədə Azərbaycan Dövlət Neft Şirkətinin (SOCAR) payı 25 %-dir.

Oktyabrın 12-si saat 10:00-a olan faktiki hava açıqlanıb. Sozcu.az xəbər verir ki, oktyabrın 12-si saat 10:00-a olan məlumata əsasən, bəzi yerlərdə şimşək çaxıb, arabir leysan xarakterli yağış yağıb. Qubada 4 mm, Qax (Sarıbaş), Gədəbəydə 3 mm, Şabran, Balakəndə 2 mm, Daşkəsən, Xaltan, Zaqatala, Şəki, İsmayıllı, Şəmkir, Cəfərxan, İmişli, Lənkəran, Gəncə, Goranboy, Ceyrançöl, Ağdam, Qusar, Şahdağ, Şahbuzda 1 mm olub. kapital bank vakansiya Sarı xəbərdarlığa uyğun olaraq qərb küləyi arabir Daşkəsəndə 23 m/s, Culfada 17 m/s-dək güclənib. Lerik, Qrız, Xaltan, Quba, Qusar, Qobustan, Şamaxı, Altıağac, Balakən, Şəki, Şəmkir, Naftalan, Göygöl, Daşkəsən, Gəncədə duman müşahidə olunub. Havanın maksimal temperaturu Bakıda və Abşeron yarımadasında 22, Naxçıvan MR-da 31, Aran rayonlarında 26, dağlıq rayonlarda 24 dərəcəyədək isti qeydə alınıb.

Bu gün Sabirabadda qəza baş verib. "Unikal"ın məlumatına görə, hadisə rayonun Xəlfəli kəndi ərazisində qeydə alınıb. Belə ki, yük avtomobili qarşısına çıxan maşını vurmamaq üçün manevr edərək yolun kənarındakı su kanalına düşüb. vakansiya Hadisə nəticəsində xəsarət alan olmasa da, yük avtomobilinə ziyan dəyib.

Araik Arutyunyan, Davit Babayan və digərlərinin həbs müddəti uzadılıb. Sozcu.az xəbər verir ki, bu barədə Baş Prokurorluğun mətbuat xidməti məlumat yayıb. Azərbaycan Respublikasının Qarabağ bölgəsinin və digər suveren ərazilərinin Ermənistanın hərbi təcavüzü nəticəsində işğal olunduqdan sonra yaradılmış qondarma qurumun “prezidentləri” olmuş Arkadi Gukasyan, Bako Sahakyan, Arayik Harutyunyan, sabiq "xarici işlər naziri" Davit Babayan, eləcə də “parlament sədri” David İşxanyan, generallar David Manukyan və digərlərinin barəsində seçilmiş həbs qətimkan tədbirlərinin müddətinin uzadılması ilə bağlı Baş Prokurorluğun İstintaq idarəsinin vəsatətlərinə və Azərbaycan Respublikasının Baş prokurorunun təqdimatlarına Binəqədi rayon məhkəməsində baxılıb. vakansiya İstintaqı Baş Prokurorluğun rəhbərlik etdiyi, Hərbi prokurorluq, Dövlət Təhlükəsizliyi Xidməti, Daxili İşlər Nazirliyi və digər istintaq qurumlarının peşəkar əməkdaşlarından ibarət birgə istintaq qrupu tərəfindən aparılan cinayət işi üzrə separatçı rejimin ümumilikdə 14 nəfər üzvü Cinayət Məcəlləsinin müxtəlif maddələri ilə məsuliyyətə cəlb olunub. Məhkəmənin qərarına əsasən, qeyd olunan şəxslərin barəsində seçilmiş həbs qətimkan tədbirinin müddəti uzadılıb.

Bir çox təbiət hadisələri əvvəlcədən bilinsə də, zəlzələləri öncədən proqnozlaşdırmaq mümkün deyil. Zəlzələlərin “proqnozlaşdırılması”nın elmi tərifi verilməlidir.  Sozcu.az xəbər verir ki, elmi ictimaiyyətin fikrincə, qabaqcadan bilmək müəyyən müddət ərzində, müəyyən bir ərazidə və müəyyən bal gücündə baş verəcək zəlzələ haqqında əvvəlcədən bilmək deməkdir. Başqa sözlə desək, uzun müddət sükutdan sonra bəzi foreşoklar baş verdikdə və ya anomaliyalar aşkar edildikdə, bu, tezliklə dağıdıcı zəlzələnin baş verəcəyi xəbərdarlığıdır.  Daha aydın desək, zəlzələnin baş verəcəyini elan edən şəxs və ya təşkilat zəlzələnin episentrinin koordinatlarını +/-10 km, baş vermə vaxtını +/-4 saat və onun maqnitudasını +/-1 xəta həddində bildirməlidir. Bu səhv limitləri fərqli qəbul edilə bilər. Burada misal olaraq verilmişdir. Zəlzələnin proqnozlaşdırılması müəyyən və qəbul edilmiş xəta hədləri daxilində zəlzələnin yerini, vaxtını və miqyasını bilmək hesab edilir. vakansiya 2023 Zaman baxımından 15-20 gün sonra zəlzələ olacağını söyləmək zəlzələləri proqnozlaşdırmaq sayıla bilməz.  Zəlzələlərin proqnozlaşdırılması məsələsini yaxından araşdırmağa çalışaq: Müəyyən maqnitudada zəlzələnin nə vaxt baş verəcəyini proqnozlaşdırmaq çox çətindir. Lakin burada çətinlik bu zəlzələnin baş vermə vaxtı və bu cür prekursorların görünməyə başladığı zaman periyodudur (vaxt pəncərəsi).  "Zəlzələ nə qədər dəyişiklikdən sonra baş verəcək?" sual ağla gəlir. Zəlzələdən sonra belə suallara cavab vermək çox asandır. Elmi məlumatların köməyi ilə zəlzələni proqnozlaşdırmaq mümkün görünsə də, heç də həmişə etibarlı deyil. 1976-cı ildə Tangshan (Çin) zəlzələsində 650-750 min adam həlak olduqdan sonra məlum oldu ki, zəlzələləri əvvəlcədən bilmək kifayət etməyəcək.  Digər tərəfdən, can itkisinin qarşısını almaq üçün bütün şəhərləri boşaltmaq, insanları illərlə, aylarla, hətta həftələrlə çadırlarda yaşatmaq mümkün deyil. Bu səbəbdən elm adamları zəlzələləri 1 və ya 2 gün əvvəldən təsbit etməyin yollarını axtarırlar.  Zəlzələlərin və onların sələflərinin proqnozlaşdırılması və müşahidələr (yeraltı su səviyyəsinin dəyişməsi, radon qazı, maqnit, elektrik, əyilmə, sürünmə, deformasiya, P dalğasının sürətinin dəyişməsi, kimyəvi dəyişikliklər, iqlim dəyişiklikləri, canlılarda anormal davranış) hələ tamamlanmamışdır. Tək bir zəlzələ prekursorundan istifadə edərək zəlzələni proqnozlaşdırmaq çox çətindir. Zəlzələ prekursorları qırılma mexanizmindən, gərginlik nümunələrindən, qırılmaların həndəsi xüsusiyyətlərindən, qonşu bölgələrdə nisbi hərəkətdən, fokus dərinliyindən və ölçüsündən asılıdır.  Çinli seysmoloqların uğurları ilə yanaşı, onların zəlzələ ilə bağlı aldadıcı proqnoz proqramlarını da qeyd etmək lazımdır. Məsələn, 1976-cı ilin avqustunda Quançjou və Honq-Konq yaxınlığında edilən xəbərdarlıq bir çox insanı çöldə yatmağa inandırdı, lakin heç bir zəlzələ baş vermədi. Digər tərəfdən, heç bir xəbərdarlıq edilmədən kifayət qədər dağıdıcı zəlzələlər baş verib. Məsələn, 27 iyul 1976-cı ildə Pekindən 150 km şərqdə, 1 milyon əhalisi olan sənaye şəhəri Tanşanda çox faciəli zəlzələ baş verdi . Son 20-30 ildə zəlzələləri proqnozlaşdırmaq üçün getdikcə intensivləşən araşdırmalar heç bir konkret nəticə əldə etməyib. Bunun bir səbəbi də böyük zəlzələlərin təkrarlanma intervallarının ən azı 70-150 il olmasıdır. Zəlzələ prekursorlarının monitorinqi üzrə tədqiqatların ən azı zəlzələnin təkrarlanma dövrünə bərabər olan müddətdən sonra (ən azı 30 il əvvəl) nəticə verəcəyi gözlənilməlidir. Görünür, ən azı növbəti əsrin ortalarına qədər zəlzələlərin proqnozlaşdırılması ilə bağlı konkret nəticə əldə edilməyəcək. yenisabah)

Sumqayıt şəhərində sürücünün ölümü ilə nəticələnən yol-nəqliyyat hadisəsi baş verib. Sozcu.az xəbər verir ki, hadisə şəhərin 6-cı mikrorayonunda qeydə alınıb. Məlumata görə, idarəetmədən çıxan moped divara çırpılıb, nəticədə sürücü hadisə yerində ölüb. Faktla bağlı araşdırma aparılır.

Xaçmazda ölümlə nəticələnən yol-nəqliyyat hadisəsi baş verib. DİN Mətbuat Xidmətinin Quba regional qrupundan Sozcu.az-a verilən məlumata görə, oktyabrın 11-i rayonun Xudat qəsəbəsi ərazisində VAZ-21011 və VAZ-21099 markalı minik avtomobilləri toqquşub. Qəza nəticəsində 2 nəfər ölüb, 1 nəfər isə müxtəlif dərəcəli bədən xəsarətləri alıb. Faktla bağlı araşdırma aparılır.

28 oktyabr 2024-cü il tarixinə təyin edilmiş "Səba" Açıq Səhmdar Cəmiyyətinin səhmdarlarının növbədənkənar ümumi yığıncağının gündəliyinə dəyişikliklər edilib.  Sozcu.az APA-ya istinadla xəbər verir ki, növbədənkənar ümumi yığıncağının gündəliyinə aşağıdakı məsələlərin müzakirəsi daxil edilib. 1. "Səba"ASC-nin ləğv edilməsi, ləğvetmə komissiyası (təsviyəçi), qanunvericilikdə nəzərdə tutulmuş qaydada ləğvetmənin başa çatdırılması və ləğvetmədən sonra onun aktivlərinin səhmdarlar arasında bölüşdürülməsi barədə. vakansiyalar 2. "Səba" ASC-nin Direktorlar Şurası barədə. 3. "Səba" ASC-nin tək təsisçiliyi ilə yaradılmış törəmə cəmiyyət "Chicken Pro." MMC-yə kredit öhdəliyinin ötürülməsinə dair əqd barədə. 4. "Səba" ASC-nin tək təsisçiliyi ilə yaradılmış törəmə cəmiyyət "Chicken Pro." MMC-yə məxsus əmlakın ipoteka ilə yüklü edilməsinə dair əqd barədə. 5. "Səba" ASC-nin tək təsisçiliyi ilə yaradılmış törəmə cəmiyyət "Chicken Pro." MMC-nin nizamnamə kapitalındakı "Səba" ASC-yə məxsus payların satılmasına dair əqd barədə. 6. "Səba" ASC-nin tək təsisçiliyi ilə yaradılmış törəmə cəmiyyət "Qarabağ Taxıl" MMC-nin birgə təsisçiliyi ilə yaradılmış "Qarabağ Toxum" MMC-nin nizamnamə kapitalındakı "Qarabağ Taxıl" MMC-yə məxsus payların satılmasına dair əqd barədə. 7. "Səba" ASC-nin törəmə cəmiyyəti olan "Qarabağ Taxıl" MMC-nin ötən illərin yığılmış mənfəətinə əsasən dividendlərin elan edilməsi barədə. 8. "Səba" ASC-nin əvvəllər emissiya edilib yerləşdirilmiş və geri alınmış səhmləri barədə. 9. "Səba"ASC-nin və onun törəmə cəmiyyətləri olan "Qarabağ Taxıl" MMC-nin, "Biləsuvar Aqro" MMC-nin mövcud olan kreditor öhdəliklərini icra etmək və cari təsərrüfat fəaliyyətlərinin maliyyələşdirilməsini təmin etmək məqsədilə "Qarabağ Taxıl" MMC-nin mülkiyyətində olan Kürdəmir və Ağsu rayonlarının ərazilərində yerləşən torpaq sahələrindən ibarət daşınmaz əmlaklarının və həmin sahələrdə mövcud olan "Pivot" tipli suvarma sistemlərindən ibarət əsas vəsaitlərinin satılması barədə. 10. "Səba" ASC-nin birgə təsisçiliyi ilə yaradılmış "Biləsuvar Aqro" MMC-nin nizamnamə kapitalındakı payların satılması barədə. 11. "Səba" ASC-nin nizamnamə kapitalındakı minoritar səhmdarlara məxsus səhmlərin geri alınması barədə. 12. "Səba" ASC-nin Nizamnaməsinin yeni redaksiyası barədə. Qeyd edək ki, hazırda "Səba" şirkətinin aktivlərinə “Chicken Pro.” nəzarət edir. 

Lənkəran rayonunda kəndlərin birində maraqlı hadisə yaşanıb. Sozcu.az Qaynarinfo.az-a istinadla xəbər verir ki, həmin kənddə mağazadan "nisyə" məhsul götürən sakinlərin 11 min manatdan çox borcu bağlanıb. Bu da kənd sakinlərinin sevincinə və heyrətinə səbəb olub. Sakinlər xeyirxah insanın kimliyini mağaza sahibindən soruşublar. Lakin mağaza sahibi də onun kim olduğunu bilmədiyini deyib. Sahibkar bildirib ki, mağazaya bir nəfər daxil olaraq kənd sakinlərinin nə qədər borcunun olması ilə maraqlanıb. Həmin şəxs borc dəftərini hesablatdırdıqdan sonra həmin vəsaiti ödəyib və mağazanı tərk edib. Qeyd edək ki, hadisə bir neçə ay əvvəl baş verib.