Türk dünyası

Ankarada kimyəvi fabrikdə yanğın baş verib. Sozcu.az xəbər verir ki, bu barədə Türkiyə mətbuatı məlumat yayıb. Məlumata görə, hadisə zamanı bir nəfər ölüb, üç nəfər isə yaralanıb. Hadisənin təfərrüatları və yanğının səbəbi hələlik açıqlanmır.

İstanbulda 7,5 bal gücündə zəlzələ zamanı 4,5 milyona yaxın vətəndaşın müvəqqəti mənzilə ehtiyacı ola bilər. Sozcu.az "RIA Novosti"yə istinadla xəbər verir ki, bunu şəhərin meri Əkrəm İmamoğlu bildirib. Meriyanın zəlzələyə hazırlıqla bağlı planlarının təqdimatında İmamoğlu bildirib ki, bu, qaçılmazdır, lakin təbii fəlakətin baş vermə tarixini dəqiq proqnozlaşdırmaq mümkün deyil: “Şəhərdə 7,5 bal gücündə zəlzələ baş verərsə, 260 minə yaxın bina zərər görəcək. 4,5 milyon vətəndaşa müvəqqəti mənzil lazım olacaq”. Ə. İmamoğlunun sözlərinə görə, fevralın 6-da baş verən zəlzələlərdən sonra 110 mindən çox insan evlərinin zəlzələyə davamlılığını yoxlamaq xahişi ilə bələdiyyəyə müraciət edib.

Türkiyənin Antakya və Hatay bölgələrində zəlzələ olub. Sozcu.az xəbər verir ki, zəlzələnin maqnitudası 4.4 olub.

Türkiyənin Malatya şəhərinin Yaşılyurd rayonunda 4,1 bal gücündə zəlzələ baş verib. Sozcu.az xəbər verir ki, bu barədə AFAD məlumat yayıb. Zəlzələ yerin 7 kilometr dərinliyində meydana gəlib. Tələfat və dağıntı barədə məlumat yoxdur. Qeyd edək ki, ötən gün Türkiyənin Adıyaman şəhərinin Gölbaşı rayonunda 5 bal, Malatya vilayətinin Yaşılyurd rayonunda isə 5,6 bal gücündə zəlzələ baş verib. Nəticədə 1 nəfər həlak olub, 110 nəfər isə yaralanıb.

Dünya Bankı zəlzələlərin Türkiyə iqtisadiyyatına vurduğu ziyanı qiymətləndirib. Sozcu.az xəbər verir ki, yeraltı təkanın vurduğu zərər 34,2 milyard dollar dəyərində qiymətləndirilib. Bu isə 2021-ci ildə ölkənin ÜDM-nin 4%-nə bərabərdir.

Türkiyənin İsparta vilayətində təlim təyyarəsi məcburi eniş edib. Sozcu.az xəbər verir ki, bu barədə "Anadolu" agentliyi məlumat yayıb. Bildirilib ki, özəl uçuş məktəbinə məxsus təyyarənin mühərriklərindən birində nasazlıq yaranıb. Hadisə zamanı 2 nəfər - pilot və tələbə xəsarət alıb, təyyarə zədələnib.

Türkiyədə zəlzələdə həlak olanların sayı 44 min 374-ə çatıb. Sozcu.az xəbər verir ki, bu barədə AFAD məlumat yayıb.