Son xəbərlər

Sus və Zabuğa qayıdışla bağlı tapşırıqların avqust ayında həyata keçiriləcəyi ehtimal edilir. Sozcu.az Report-a istinadən xəbər verir ki, bunu Qaçqınların və Məcburi Köçkünlərin İşləri üzrə Dövlət Komitəsinin sədri Rövşən Rzayev jurnalistlərə açıqlamasında deyib. Onun sözlərinə görə, Dünya Bankı ilə Dövlət Komitəsi arasında olan müqaviləyə əsasən ayrılan maddi vəsait yalnız məcburi köçkünlərin məşğulluğu ilə bağlı layihələrə sərf olunacaq: “Dövlət Komitəsi bütün imkanlarından istifadə edəcək ki, həqiqətən də sözün əsl mənasında məcburi köçkünlərə tutarlı yardımlar göstərilsin”. R.Rzayev söyləyib ki, hazırda Laçına növbəti köçlə bağlı hazırlıq işləri gedir: “Cənab Prezident tərəfindən tapşırıq verilən kimi dərhal icra ediləcək”. Prezident İlham Əliyevin sentyabr ayında Sus və Zabuğa qayıdışla bağlı verdiyi tapşırıqlardan danışan qurum sədri əlavə edib ki, bu gün həmin tapşırıqlar icra olunur: “Ehtimal ki, qayıdışla bağlı tapşırıqlar avqust ayında həyata keçiriləcək”. R.Rzayev vurğulayıb ki, Prezident İlham Əliyevin tapşırığına əsasən məcburi köçkünlər üçün evlər inşa edilir, yenidən kəndlər, rayonlar tikilir: “Bu yerlərin hər biri öz sakinlərini gözləyir. Böyük məmnuniyyətlə deyə bilərəm ki, insanların böyük faizi könüllü olaraq öz doğma rayonlarına, kəndlərinə köçmək istəyirlər. Dövlət Komitəsi I Dövlət Proqramında verilən tapşırıqların hamısını əlindən gəldiyi qədər icra etməyə hazırdır. Qayıdış könüllü, təhlükəsiz və ləqayətli şəkildə həyat şəraitinin yaradılması prinsipləri ilə həyata keçirilir və keçiriləcək”.

Bakıda yeniyetmələr dəmir yolu dayanacağından oğurluq edib. Sozcu.az DİN mətbuat xidmətinə istinadla xəbər verir ki, Zabrat-1 dəmir yolu dayanacağının pilləkənlərinə quraşdırılan məhəccərlərin qeyri-aşkar şəraitdə oğurlanması barədə polisə məlumat daxil olub. Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində oğurluq əməlini törətməkdə şübhəli bilinən iki yeniyetmə müəyyən olunaraq saxlanılıb. Araşdırma aparılır.

Rusiyanın Belqorod vilayətinin Şebekino şəhərində vəziyyət getdikcə gərginləşir. Şəhərdə inzibati bina yanır, ruslar sənədləri zibil qutularında yandırır və tələsik şəhəri tərk etməyə çalışırlar. Yanacaqdoldurma məntəqələrində uzun növbələr yaranır. Sozcu.az xəbər verir ki, "Rusiya Könüllülər Korpusu”nun üsyançıları Şebekinoda onlarla təhlükəsizlik əməkdaşının olduğu Daxili İşlər Nazirliyinin binasını atəşə tutduqlarını elan ediblər: "Şebekino Daxili İşlər Nazirliyində Qala planı elan edildi. Protokola əməl edən Putin bandasının "igid" müdafiəçiləri nəzarət binasına toplaşdılar. Biz onların bir yerə yığılmağına imkan verdik və onların üstünü "Qrad" paketləri ilə "örtdük". Nəticə artıq məlumdur. Biz yerli əhaliyə vaxtında vacib məlumat üçün təşəkkür edirik”. Xatıaladaq ki, iyunun 1-də səhər saatlarında Rusiya mətbuatı Rusiya Federasiyasının Belqorod vilayətindəki Şebekino keçid məntəqəsinə "hücum” barədə məlumat yayıb. Rusiya Könüllülər Korpusunun və "Rusiyanın Azadlığı" Legionunun əsgərləri video mesajlar dərc edərək, xüsusən Rusiya Federasiyasının ərazisində döyüşdüklərini və "çox yaxında Şebekinonun ətrafında görünəcəklərini" bildiriblər.qaynarinfo)

İctimai fəal Abid Qafarov azadlığa buraxılıb. Sozcu.az xəbər verir ki, bu barədə Bakı Apellyasiya Məhkəməsi qərar qəbul edib. Qeyd edək ki, A.Qafarov qaziləri təhqir etməkdə, onları “müti” adlandırmaqda ittiham olunurdu. O, 1 il müddətə azadlıqdan məhrum edilmişdi.

Ukrayna Prezidenti Vladimir Zelenski Avropa Siyasi Birliyinin sammitində iştirak etmək üçün Moldovanın paytaxtı Kişinyov şəhərinə gedib. Sozcu.az xəbər verir ki, V.Zelenskinin tədbirdə iştirakı əvvəlcədən açıqlanmayıb. Onun hərəkət etdiyi marşrut məxfi saxlanılır.

Ukraynaya məxsus dronlar Krasnodar diyarındakı neft emalı zavodlarına hücumlar edib. Sozcu.az xəbər verir ki, İlski neft emalı zavodu səhər saatlarında dron hücumuna məruz qalıb. PUA-nın çırpılması nəticəsində partlayış baş verib. Patlayış nəticəsində xəsarət alan olmayıb və zavodun ərazisində yanğın baş verməyib. Afipsk nefat emalı zavodu da PUA hücumuna məruz qalıb. Zavoddakı qurğuların birində yanğın başlayıb. Hadisə nəticəsində xəsarət alan olmayıb.

Mayın 30-da səhər saatlarında ukraynalılar Moskvaya döyüş dronları ilə kütləvi hava zərbələri endirib. Müxtəlif mənbələrin məlumatına görə, hücumda 10-dan 30-a qədər dron iştirak edib. Moskva meri Sobyaninin sözlərinə görə, bir neçə yaşayış binasına ziyan dəyib, bir neçə nəfər yaralanıb. Moskva vilayətindəki obyektlər də hücuma məruz qalıb. Rusiya Müdafiə Nazirliyi dronların əksəriyyətinin məhv edildiyi haqqında məlumat yayıb. Bu, Rusiyanın Ukraynaya qarşı təcavüzünün başlanğıcından etibarən Moskvaya ilk kütləvi hücumdur. Dünən Ukrayna kəşfiyyatının rəhbəri Kiril Budanov Rusiyanın son günlər Kiyevə endirdiyi kütləvi hava zərbələrinə görə peşman olacağı barədə xəbərdarlıq edib. Göründüyü qədər, Moskvaya bugünki hücum hələ ilk qaranquşdur. 02B Müsavat başqanı Arif Hacılı Moskvanın bombalanmasını şərh edib.   “Putinin rus xalqı qarşısında “böyük xidməti” olaraq 82 il sonra Moskva yenidən bombalandı. Putin və ona dəstək verənlər hələ Rusiyanın başına gələcək çox bəlaların şahidi olacaqlar” – deyə Müsavat başqanı özünün feysbuk səhifəsində yazıb.(Basta)

Mayın 29-u saat 19:00-dan mayın 30-u saat 03:55-dək Ordumuzun mövqeləri ümumilikdə 19 dəfə fasilələrlə atəşə tutulub. Bununla bağlı Azərbaycan Müdafiə Nazirliyi məlumat yayıb.  Bunlardan 4-ü Ermənistan silahlı qüvvələrinin bölmələrinin İstisu, Tovuzqala rayonunun Çinarlı və Aygepar, Basarkeçər rayonunun Zərkənd yaşayış məntəqələri istiqamətlərində yerləşən mövqelərindən Azərbaycan Ordusunun Tovuz rayonunun Əsrik Cırdaxan və Əlibəyli, Kəlbəcər rayonunun Dəmirçidam və İstisu yaşayış məntəqələri istiqamətlərində yerləşən mövqelərini atıcı silahlardan atəşə tutması ilə baş verib. Digər 15 insident isə Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri tərəfindən Ordumuzun Ağdam, Şuşa və Kəlbəcər rayonları istiqamətlərində yerləşən mövqelərinin atəşə tutulması ilə qeydə alınıb. Bölmələrimiz tərəfindən qeyd olunan bütün istiqamətlərdə adekvat cavab tədbirləri görülüb.

Mayın 29-u Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələrinin üzvləri kənd təsərrüfatı işləri adı altında Ordumuzun Ağdam, Xocavənd, Şuşa, Laçın və Kəlbəcər rayonları istiqamətlərində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər. Bu barədə Sozcu.az-a Azərbaycanın Müdafiə Nazirliyindən bildirilib. Azərbaycan Ordusunun bölmələri tərəfindən görülən təxirəsalınmaz tədbirlər nəticəsində aparılan mühəndis işləri dərhal dayandırılıb.

Mayın 28-i axşam saatlarında Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstəsinin üzvləri tərəfindən Ordumuzun Ağdam rayonu istiqamətində yerləşən mövqeləri müxtəlif çaplı atıcı silahlardan atəşə tutulub. Bu barədə Sozcu.az-a Müdafiə Nazirliyindən məlumat verilib. Bildirilib ki, qeyd olunan istiqamətdə yerləşən bölmələrimiz tərəfindən adekvat cavab tədbirləri görülüb.

Barəsində cinayət işi açılmış və istintaq aparılan “Anadolu Hospital”ın direktoru Alper Ceylan Azərbaycanı tərk etmək istəyərkən tutulub. “Qafqazinfo”nun əldə etdiyi məlumata görə, 1984-cü il təvəllüdlü həkim Sədərək Gömrük Keçid Məntəqəsində quru yolu ilə ölkəni tərk etməyə çalışıb. O, saxlanılaraq polisə təhvil verilib. Alper Ceylana barəsində cinayət təqibinin davam etməsi və ölkəni tərk etməsinin mümkünsüz olması bildirilib. Qeyd edək ki, dələduzluqda şübhəli bilinən xəstəxana rəhbəri barəsində cinayət işinin istintaqı davam etdirilir. Bir müddət əvvəl A. Ceylan barəsindəki həbs qətimkan tədbiri Mingəçevir Şəhər Məhkəməsinin qərarı ilə dəyişdirilərək polisin nəzarəti altına verilmə qətimkan tədbiri ilə əvəzlənib. Onunla yanaşı “Anadolu Hospital”ın direktor müavini Kərim Nadirov da dələduzluqda ittiham edilir. Hər iki şəxsin xəstəxanaya işə qəbul adı ilə şəxslərdən pul alıb vədlərinə əməl etməməsi bildirilir.

Ukrayna müharibənin 458-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 206 200 hərbçi, 3799 ədəd tank, 7442 ədəd zirehli döyüş maşını, 3406 ədəd artilleriya sistemi, 572 ədəd RYAS (reaktiv yaylım atəş sistemi), 329 hava hücumundan müdafiə sistemi, 310 ədəd hərbi təyyarə, 296 ədəd helikopter, 6172 ədəd avtomobil texnikası, 2941 ədəd PUA, 1025 qanadlı raket, 18 gəmi/qayıq, 449 xüsusi avadanlıq itirib.