Hadisə

21:12 Bakının Nizami rayonunda 7 minik avtomobilinin iştirakı ilə qəza baş verib. Respublika Təcili və Təxirəsalınmaz Tibbi Yardım Mərkəzindən Sozcu.az-a verilən məlumata görə, 20.11.2024-cü il tarixində saat 20:00 radələrində Nizami rayonu ərazisində yol-nəqliyyat hadisəsinin baş verməsi səbəbilə çağırış daxil olub. Çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 2 nəfər (kişi cinsli) müştərək travma diaqnozu ilə Sabunçu Tibb Mərkəzinə təxliyə olunub.

Azərbaycan Dövlət Pedaqoji Universitetin müəllimi vəfat edib. Modern.az xəbər verir ki. universitetin İncəsənət və fiziki tərbiyə fakültəsinin Təsviri incəsənət və onun tədrisi texnologiyası kafedrasının müəllimi Məmmədova Məhsəti İsa qızı dünyasını dəyişib. Pedaqoji Universitetin rəhbərliyi və professor-müəllim kollektivi mərhumun ailəsinə və yaxınlarına dərin hüznlə başsağlığı verib. Allah rəhmət eləsin!

Astarada bıçaqlanma hadisəsi baş verib. Sozcu.az APA-ya istinadla xəbər verir ki, rayon ərazisində 3 nəfərin bıçaqlandığı bildirilir. Məlumata görə, onlardan ikisi qardaşdır. Xəsarət alanlardan biri Lənkəran rayon mərkəzi xəstəxanasına çatdırılıb və əməliyyata götürülüb. Digər iki nəfər Astara rayon mərkəzi xəstəxanasına aparılıb. Bıçaqlanan şəxslərdən biri 1990-cı il təvəllüdlü Ərçivan sakini Samir Etibar oğlu Mehdiyevdir. Fakt araşdırılır.

Abşeron rayonunda hündürlükdən yıxılan 42 yaşlı fəhlə ölüb. Sozcu.az Report-a istinadən xəbər verir ki, hadisə Xırdalan şəhərində yerləşən tikintilərdən birində qeydə alınıb. 1982-ci il təvəllüdlü Radim Nüsrət oğlu İbrahimov iş zamanı ehtiyatsızlıqdan hündürlükdən yıxılaraq ölüb. Faktla bağlı araşdırma aparılır.

Qubada tələbə qəfil dünyasını dəyişib. Sozcu.az xəbər verir ki, hadisə rayonun Rustov kəndində baş verib. Azərbaycan Dövlət Pedaqoji Universitetinin Quba filialının 3-cü kurs tələbəsi 19 yaşlı Ləman Osmanova dünən yaşadığı evdə ürəktutmadan vəfat edib. Faktla bağlı araşdırma aparılır.qafqazinfo)

Qubadlı rayonunda fəhlə bədbəxt hadisə nəticəsində ölüb. Sozcu.az "Report"a istinadən xəbər verir ki, Qubadlıda təmir-tikinti şirkətlərindən birində çalışan 48 yaşlı Sabir Kərimov hündürlükdən yıxılaraq dünyasını dəyişib. Onun meyiti sakini olduğu Biləsuvar rayonuna gətirilib.

Kürdəmir Rayon Mərkəzi xəstəxanasında ölüm hadisəsi olub. Sozcu.az xəbər verir ki, dünən saat 18 radələrində rayonun Quşlar kənd sakini 2004-cü il təvəllüdlü Nailə Rəşad qızı Cəfərova xəstəxanada doğuş zamanı ölüb. Hadisə ilə bağlı Kürdəmir Rayon Prokurorluğunda araşdırma aparılır.

Abşeron rayonunda dörd avtomobil toqquşub. Sozcu.az Report-a istinadən məlumat verir ki, hadisə Bakı-Quba yolunun Xırdalan şəhərindən keçən hissəsində qeydə alınıb. Qəza zamanı avtomobillərdən birinin sürücüsü Elxan Əliyev hadisə yerində ölüb. Faktla bağlı araşdırma aparılır.

Paytaxtda anasını xüsusi amansızlıqla qətlə yetirməkdə təqsirləndirilən Qaradağ rayon sakini Kamran Şükürzadənin cinayət işinin ilk məhkəmə hazırlıq iclası keçirilib. Bakı Ağır Cinayətlər Məhkəməsinin hakimi Telman Hüseynov sədrliyi ilə keçirilən prosesdə ittiham olunan şəxsin anket məlumatları dəqiqləşdirilib. Təqsirləndirilən barədə seçilmiş həbs qətimkan tədbirinin qüvvədə saxlanılaraq cinayət işinin məhkəmə istintaqına verilməsi ilə bağlı qərar çıxarılıb. İlk məhkəmə baxış iclası noyabrın 27-nə təyin edilib. İstintaq müddətində araşdırmalarla müəyyən edilib ki, anasını öldürməkdə təqsirləndirilən Kamran Şükürzadə epilepsiya xəstəliyindən əziyyət çəkir. Onun himayəsində iki azyaşlı övladı var. Qeyd edək ki, hadisə 2024-cü il iyulun 20-də saat 7 radələrində Qaradağ rayonu Ümid qəsəbəsi ərazisində baş verib. 1967-ci il təvəllüdlü Aybəniz Şükürovanın öldürülməsi barədə rayon prokurorluğuna məlumat daxil olub. Araşdırmalarla 1991-ci il təvəllüdlü Kamran Şükürzadənin şəxsi münasibətlər zəminində anası Aybəniz Şükürovanı bıçaqla xəsarətlər yetirərək qəsdən öldürməsinə əsaslı şübhələr müəyyən edilib. Hadisədən sonra könüllü olaraq polisə təslim olan Kamran Şükürzadə hüquq mühafizə orqanlarının əməkdaşları tərəfindən şübhəli şəxs qismində tutulub. Ona qarşı Cinayət Məcəlləsinin 120.2.4-cü (xüsusi amansızlıqla qəsdən adam öldürmə) maddəsi ilə ittiham irəli sürülüb.Oxu.az

Bakının Sabunçu rayonunda ehtiyatsızlıq ölümə səbəb olub. Sozcu.az APA-ya istinadən xəbər verir ki, hadisə Nardaran qəsəbəsində qeydə alınıb. Qəsəbə sakini 1958-ci il təvəllüdlü Hüseynəli Musa oğlu Əsgərov evində laqonda ilə işləyərkən qolunun bazu sümüyün kəsib. Ailə üzvləri onu xəstəxanaya çatdırsa da, yaralı dünyasını dəyişib. Həkimlərin verdiyi məlumata görə, onun ölümünə səbəb qan itirməsi olub. Fakt araşdırılır.

Ağstafada minik maşını arabaya çırpılıb. Sozcu.az xəbər verir ki, hadisə rayonun Köçəsgər kəndində qeydə alınıb. Belə ki, “Mercedes” markalı avtomobil at arabası ilə hərəkətdə olan baba və nəvəsini vurub. Hadisə nəticəsində baba, 1972-ci il təvəllüdlü İsmayılov Ələmdar Haqverdi oğlu müxtəlif dərəcəli bədən xəsarətləri ilə xəstəxanaya yerləşdirilib. Nəvə, 2018-ci il təvəllüldü Tağıyev Əziz Əvəz oğlunun isə həyatını xilas etmək mümkün olmayıb.

Türkiyənin İstanbul şəhərində metronun "Yenikapı" stansiyasında səhər saatlarında naməlum səbəbdən yanğın baş verib. Bu barədə İstanbul metrosunun rəhbərliyi açıqlama yayıb. Yanğının dayanacaqdakı eskalatorda başlandığı deyilib. Məlumata görə, qəfil hər yeri tüstü bürüyüb və qatarların hərəkəti müvəqqəti olaraq dayandırılıb. "M2 Yenikapı-Hacıosman metro xəttinin Yenikapı stansiyası müvəqqəti olaraq fəaliyyətə bağlanıb. Səfərlər Vezneciler-Hacıosman stansiyaları arasında həyata keçirilir", - deyə məlumatda bildirilib. Həmçinin səfərlərin Yenikapı-Vezneciler stansiyaları arasında pulsuz avtobuslar vasitəsilə həyata keçiriləcəyi qeyd edilib.//Oxu.az