Hadisə

Sumqayıtda ölümlə nəticələnən bədbəxt hadisə baş verib. Sozcu.az xəbər verir ki, dekabrın 15-i saat 16 radələrində 2006-cı il təvəllüdlü Züleyxa Hüseynova yaşadığı Xəzər bağlar sahəsindəki evin hamam otağında dəm qazından zəhərlənib. O, hadisə yerində vəfat edib. Faktla bağlı Sumqayıt Şəhər Prokurorluğunda araşdırma aparılır.

Qazaxıstanda kəskin soyuqlar səbəbindən üç nəfər donaraq ölüb. Sozcu.az xəbər verir ki bu barədə Qazaxıstan mətbuatı məlumat yayıb. Məlumata görə, itkin düşmüş 57, 25 və 35 yaşlı üç kişinin meyiti tapılıb. Onların hamısının hipotermiyadan öldüyü bildirilib.

Sumqayıt şəhərində 19 yaşlı qız dəm qazından boğularaq ölüb. Sozcu.az xəbər verir ki, hadisə şəhərin Xəzri yaşayış massivində yerləşən fərdi evlərin birində baş verib. 2006-cı il təvəllüdlü Züleyxa Niyaz qızı Hüseynova yaşadığı evin hamam otağında dəm qazından boğularaq həyatını itirib. Faktla bağlı Sumqayıt şəhər Prokurorluğunda araşdırma aparılır.

Bakıda və Abşeron yarımadasında dekabrın 16-da hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi, lakin gecə və axşam bəzi yerlərdə arabir yağış yağacağı gözlənilir. Milli Hidrometeorologiya Xidmətindən Sozcu.az-a verilən məlumata görə, sabah şimal-şərq küləyi əsəcək. Havanın temperaturu gecə 3-5, gündüz 6-9 dərəcə isti olacaq. Atmosfer təzyiqi 766 mm civə sütunundan 771 mm civə sütununa yüksələcək. Nisbi rütubət 70-80% təşkil edəcək. Azərbaycanın rayonlarında bəzi yerlərdə arabir yağıntılı olacağı, dağlıq rayonlarda qar yağacağı gözlənilir. Ayrı-ayrı yerlərdə leysan xarakterli olacağı ehtimalı var. Mülayim şərq küləyi əsəcək. Havanın temperaturu gecə 1 dərəcə şaxtadan 4 dərəcəyədək isti, gündüz 7-10 dərəcə isti, dağlarda gecə 3-8 dərəcə şaxta, yüksək dağlıq ərazilərdə 10-13 dərəcə şaxta, gündüz 2-6 dərəcə şaxta olacaq. Gecə və səhər bəzi dağlıq ərazilərdə yolların buz bağlaması ehtimalı var.

Qusar rayonunun Üzdənoba kəndində dəm qazından zəhərlənmə baş verib. Sozcu.az APA-ya istinadən xəbər verir ki, bir ailənin üzvü olan 4 nəfər qaz sobası ilə qızdırılan evdə dəm qazından zəhərlənib. Ev sahibi Faiz Sadikov, onun həyat yoldaşı Zalina Sadikova və iki azyaşlı övladları Qusar Rayon Mərkəzi Xəstəxanasına müraciət ediblər. Onlara müvafiq tibbi yardım göstərilib, evə buraxılıblar. Faktla bağlı araşdırma aparılır.

Bu gün Rusiyanın bir neçə regionundakı neft emalı zavoduna PUA hücumu edilib. Sozcu.az xəbər verir ki, bu barədə Rusiya Teleqram kanalları məlumat yayıb. Məlumata görə, Volqoqrad vilayətindəki Uryupinsk şəhərində neft emalı zavoduna zərbələr endirilib. Yerli sakinlər güclü partlayış və yanğınların baş verdiyini bildiriblər. Hücumları Volqoqrad vilayətinin qubernatoru Andrey Boçarov da təsdiqləyib. Bundan başqa, Smolensk vilayətindəki DRES-ə PUA zərbələri endirilib. Yaroslavl şəhərindəki “Slavneft-YANOS” ASC-yə məxsus neft emalı zavodu da vurulub. Rusiya Teleqram kanalları Krasnodar diyarındakı Afipski neft emalı zavodunun da vurulduğunu bildiriblər.

3 gün əvvəl Kürdə batan kişinin meyiti tapılıb. Sozcu.az xəbər verir ki, Kür çayında boğulan Sabirabad rayonunun Şıxsalahlı kənd sakini 1987-ci il təvəllüdlü Alməmmədov Anar Şamil oğlunun meyiti bu gün sudan çıxarılaraq aidiyyəti üzrə təhvil verilib. Faktla bağlı Sabirabad rayon prokurorluğunda araşdırma aparılır.

Dünən Ermənistan ordusunda daha bir ölüm hadisəsi qeydə alınıb. Hərbçi Smbat Kirakosyanın cəsədi tapılıb. Sozcu.az xəbər verir ki, Ermənistanın İstintaq Komitəsindən bu gün yerli mətbuata bildirilib ki, hadisə intihar kimi təsnif edilir. "12 dekabr 2025-ci ildə hərbçinin ölümü ilə bağlı cinayət işi açılıb. İlkin məlumatlara görə, hərbçi təyin olunmuş silahla özünü başına atəş açıb və nəticədə ölümünə səbəb olub".

Bakıda 4 gün öncə səhvən sirkə turşusu içən 47 yaşlı kişi xəstəxanada ölüb. Sozcu.az xəbər verir ki, hadisə paytaxın Xətai rayonunda baş verib. Rayonun Babək prospektində 1978-ci il təvəllüdlü Asif Nadir oğlu Əliyev yaşadığı evdə səhvən sirkə turşusu içib. O, ötən gün xəstəxanada ölüb.

Dekabrın 12-də Abşeron rayonunda bədbəxt hadisə baş verib: "Azərişıq"ın əməkdaşı cərəyan vurması nəticəsində ölüb. Sozcu.az-ın məlumatına görə, hadisə Mehdiabad qəsəbəsində baş verib. Belə ki, Abşeron rayonunun Fatmayı kənd sakini, 1995-ci il təvəllüdlü Ülvi Bəhrəm oğlu Məcidli elektrik dirəyində cərəyan vurması nəticəsində ölüb. Faktla bağlı araşdırma aparılır.

Gəncədə dekabrın 12-də qaldırıcının qırılması nəticəsində üzərinə avtomobil düşən şəxs ölüb. Sozcu.az Report-a istinadla xəbər verir ki, hadisə şəhərin S.Qazıyev küçəsində baş verib. Belə ki, 1953-cü il təvəllüdlü Həbib Həsən oğlu Hüseynov VAZ-21011 markalı avtomobilini təmir edən zaman qaldırıcı qırılıb. Hadisə nəticəsində qaldırıcı onun üzərinə düşüb və o ölüb. Faktla bağlı şəhər prokurorluğunda araşdırmalar aparılır.

Bakıda baş verən qətlin təfərrüatı məlum olub. Sozcu.az Teleqraf-a istinadən xəbər verir ki, hadisə Sabunçu rayonunun Ramana qəsəbəsi Sovxoz yaşayış ərazisində qeydə alınıb. İftixar Vəlizadə 19 yaşlı oğlu Ayxan Vəlizadəyə evə gec gəldiyi üçün irad bildirib. Bundan hiddətlənən oğul atasına yaşadıqları evin həyətində 14 bıçaq zərbəsi vurub. Evdə olan 1988-cu il təvəllüdü ana Səadət Nəcməddin qızı Vəlizadə oğulunun bu əməlinin qarşısını almaq istəyib. O, sağ əlindən bıçaq, boynundan əzilmiş xəsarətlər alıb. Səadət Vəlizadə Sabunçu Tibb Mərkəzinə yerləşdirilib. Qeyd edək ki, Ayxan Vəlizadə ailənin tək oğludur, onun özündən kiçik iki bacısı var.