15 avqustda Alyaskada baş tutan ABŞ və Rusiya liderləri Donald Tramp və Vladimir Putinin görüşü ilə bağlı professor Zaur Əliyev maraqlı iddia ilə çıxış edib. Sozcu.az xəbər verir ki, tarixçi alim ilk növbədə liderlərin boy fərqini xatırladıb. “1. Rəsmi mənbələrə əsasən, Trampın boyu 1.95 sm, Putinin isə rəsmi 1.70 sm-dir (Lakin şəxsi işində 1.65 yazılıb). Alyaskada sanki Tramp və Putin arasında boy fərqi 29 santimetr deyil, 10 santimetr idi, əgər Putin hündürdaban ayaqqabı geyinməmişdisə, bəs, görüşə gedən kim olub? Dördpendirli pizza 2. Putin psixoloji cəhətdən çox sağlam bir adamdır. Bu günə qədər özünün rəsmi tədbirlərində, görüşlərdə ağır təbiəti ilə seçilib. Lakin Alyaskada onun bədən dili və jestləri real Putindən qat-qat uzaq idi. 3. Tramp görüşəndə adətən qarşı tərəfin əlini özünə tərəf dartır. Putinlə onun digər görüşlərində bu jest olmayıb, amma Alyaskada bu, təkrar edildi. Demək, Tramp nəsə bilirdi ki, o cür jesti ilk dəfə Putinə qarşı elədi. 4. Putin təyyarəyə minəndə heç bir zaman arxaya çönməz, əgər bunu edirsə də, sakitcə baxar. Alyaskadakı Putin isə təyyarəyə düşəndə və minəndə artıq jestlər etdi. 5. Putin diplomatik jestləri bilən peşəkar kimi Trampın limuzininə oturan kimi kənara elə baxışlarla baxmazdı. Bu, diplomatik dildə qeyri-peşəkar bir lider obrazı yaratmaqla ev sahibinə və danışıqlara indidən “yox” demək kimi qəbul edilir. 6. Tramp görüşdən qalib ayrıldı. Hər kəs bilirdi ki, bu görüş nəticəsiz bir sonluqla bitəcək. Demək olar ki, ciddi heç bir qərar imzalanmadı, sadəcə Trampın sanksiyalarla bağlı çıxışı oldu və dedi ki, sanksiyalar hələ nəzərdə tutulmur. Vəssalam. Masada olan ərazi mübadiləsi və silahlar məsələsinə Putin heç bir reaksiya vermədi. Bu, Trampa lazım olan diplomatik qələbə idi. Hər kəsə göstərdi ki, mən bu adamla nə danışım – adam ancaq qan və müharibə istəyir. 7. Ukrayna məsələsinə gəldikdə, onun həllinin Vaşinqton deyil, Berlində olduğunu Putin də bilir. Bu məsələ Amerika-Rusiya deyil, Almaniya–Rusiya danışıqlarında bəlli olacaq. Tramp dünən Rusiya ilə qarşılaşmanı rəsmən Almaniyanın əllərinə təslim etdi. Putin elə düşünür ki, Berlin divarlarının yenidən qura bilər. Lakin Almaniya artıq Rusiyanın içərisində muxtar dövlətləri ona qarşı göndərə bilib”, – alim qeyd edib. Zaur Əliyevin fikrincə, Rusiya Ukrayna ilə müharibəni daha ağır formada davam edəcək. Rusiyanı dayandıracaq güc isə NATO yox, “İbrahim paktı”na üzv olan dövlətlərin birliyi olacaq.

Ukrayna öz ərazilərini verməyə hazır deyil, ABŞ isə Kiyevə Rusiya tərəfindən işğal olunmuş bütün regionları təhvil vermək üçün təzyiq göstərmir. Sozcu.az xəbər verir ki, bu barədə ABŞ Dövlət katibi Marko Rubio deyib. Qeyd edək ki, Tramp administrasiyasının Rusiyanın işğal etdiyi ərazilərin bu ölkəyə verilməsi ilə bağlı fikri dəstəkləməsi barədə Amerika mediasında məlumatlar yayılıb.

ABŞ Prezidenti Donald Tramp sabah əvvəlcə Vladimir Zelenski ilə görüşəcək, daha sonra onu müşayiət edən Avropa ölkələrinin liderləri görüşə qatılacaq. Sozcu.az xəbər verir ki, bu barədə “Bild” qazeti məlumat yayıb. Məlumata görə, geniş tərkibdə işgüzar nahar və uzun müzakirələr olacaq. Qeyd edək ki, Almaniya kansleri Fridrix Merz, Avropa Komissiyasının sədri Ursula fon der Leyen, Fransa Prezidenti Emmanuel Makron, Finlandiya Prezidenti Aleksandr Stubb, Böyük Britaniyanın Baş naziri Keyr Starmer, İtaliyanın Baş naziri Corcia Meloni və NATO-nun Baş katibi Mark Rutte görüşdə iştirak edəcəklərini açıqlayıblar.

Ermənistanın Baş naziri Nikol Paşinyan bir müddət əvvəl sosial şəbəkədə qeyd etdiyi nalayiq ifadəsinə görə ictimaiyyətdən üzr istəyib. Sozcu.az erməni mediasına istinadən xəbər verir ki, baş nazir müvafiq komissiyanın qərarından sonra üzr istəməyə məcbur olub. Baş nazirin sözlərinə görə, o, emosiyalarını daha yaxşı idarə etməyi öyrənməlidir. Paşinyan üzr istəməsini “dövlət və demokratik təsisatlara dözümlülük və hörmətlə” izah edib. Qeyd edək ki, mayın 30-da N.Paşinyan və arvadı Anna Akopyanın Ermənistan Apostol Kilsəsinin (EAK) ruhanilərinə qarşı təhqiramiz ifadələr işlətməsi ölkədə siyasi və ictimai qalmaqala səbəb olmuşdu.

Ukraynanın desant qüvvələri Donetsk vilayətinin Zolotoy Kolodets qəsəbəsini rus qoşunlarından azad edib. Sozcu.az Ukrayna mediasına istinadən xəbər verir ki, Ukrayna hərbçiləri Rusiya qüvvələrinin Dobropolye ərazisindən keçmək cəhdinin qarşısını alaraq onların daha da irəliləməsini dayandırıblar.

İki ay ərzində Ermənistanda üç konsert keçirilir - təxminən 22.000, 31.000 və 41.000 tamaşaçı ilə. Sozcu.az xəbər verir ki, bu barədə Ermənistan Baş naziri Nikol Paşinyan sosial şəbəkə hesabında yazıb. "Bu, Ermənistanda baş verən həyat və sülh bayramıdır. Real Ermənistanda real insanların həyatının bayramıdır. Afərin!” - o qeyd edib.

Ukrayna müharibənin 1271-ci günü üçün Rusiya ordusunun itkiləri haqda məlumatı yeniləyib. Sozcu.az xəbər verir ki, bu barədə Ukrayna Baş Qərargahı məlumat yayıb. Məlumata əsasən, Rusiya indiyə qədər 1 069 950 hərbçi, 11 116 ədəd tank, 23 143 ədəd zirehli döyüş maşını, 31 589 ədəd artilleriya sistemi, 1 468 ədəd RYAS (reaktiv yaylım atəş sistemi), 1 208 hava hücumundan müdafiə sistemi, 422 ədəd hərbi təyyarə, 340 ədəd helikopter, 58 821 ədəd avtomobil texnikası, 51 528 ədəd PUA, 3 558 qanadlı raket, 28 gəmi/kater, 1 sualtı qayıq, 3 942 xüsusi avadanlıq itirib.

Finlandiya Prezidenti Aleksandr Stubb Kiyevin uğur şansını artırmaq üçün Donald Tramp və Vladimir Zelenskinin Vaşinqtonda keçiriləcək görüşünə qatıla bilər. Sozcu.az xəbər verir ki, bu barədə “Politiko” nəşri məlumat yayıb. “AB Zelenskinin Ağ Evdə Vladimir Putin kimi isti qarşılanmayacağından narahatdır. Qurum Kiyevin uğur şansını artırmaq üçün addımlar atmağa qərar verib və Trampın sevimli həmsöhbətlərindən biri olan Finlandiya Prezidenti Aleksandr Stubb Zelenski ilə birlikdə ABŞ-a səfər edə bilər”, - məlumatda qeyd olunub.

Fövqəladə Hallar Nazirliyi (FHN) səlahiyyətləri çərçivəsində ölkədə, o cümlədən işğaldan azad olunmuş ərazilərdə vətəndaşların yanğın təhlükəsizliyi ilə bağlı maarifləndirilməsi işini davam etdirir. Sozcu.az xəbər verir ki, FHN-in Dövlət Yanğın Nəzarəti Xidmətinin Qarabağ regional Dövlət Yanğın Nəzarəti İdarəsinin əməkdaşları tərəfindən işğaldan azad edilmiş ərazilərdə yaşayan, işləyən, həmçinin həmin ərazilərə səfər edən vətəndaşlarla yanğın təhlükəsizliyinə dair profilaktik söhbətlər aparılıb. Xankəndi şəhərində, Qubadlı, Zəngilan, Xocalı və Xocavənd rayonlarında aparılmış növbəti maarifləndirmə işləri çərçivəsində işğaldan azad olunmuş ərazilərdə məskunlaşan, tikinti, yenidənqurma və bərpa işləri ilə məşğul olan, ictimai-iaşə obyektlərində çalışan, o cümlədən istirahət və işgüzar məqsədlərlə meşə, açıq ərazi və əkin sahələrinə gedən vətəndaşlara zəruri yanğın təhlükəsizliyi qaydaları ətraflı izah olunaraq onlara əyani vəsaitlər təqdim edilib. FHN bir daha vətəndaşlara müraciət edərək işğaldan azad olunmuş ərazilərdə yanğın təhlükəsizliyi qaydalarının tələblərinə ciddi riayət edilməsinin vacibliyini xatırladır.

Avqustun 18-də Bakıda və Abşeron yarımadasında hava şəraitinin əsasən yağmursuz keçəcəyi gözlənilir. Mülayim cənub-şərq küləyi əsəcək. Bu barədə Sozcu.az-a Milli Hidrometeorologiya Xidmətindən bildirilib. Havanın temperaturu gecə 21-24, gündüz 27-32 dərəcə isti olacaq. Atmosfer təzyiqi 759 mm civə sütunundan 755 mm civə sütununa enəcək. Nisbi rütubət gecə 70-75%, gündüz 45-50% olacaq. Azərbaycanın rayonlarında havanın əsasən yağmursuz keçəcəyi gözlənilir. Gecə və səhər bəzi dağlıq ərazilərdə duman olacaq. Mülayim şərq küləyi əsəcək. Havanın temperaturu gecə 19-24, gündüz 31-36, dağlarda gecə 10-15, gündüz 20-25 dərəcə isti olacaq.

Vətən müharibəsi şəhidi Rəsul Sadıqovun anası Elnarə Allahverdiyeva vəfat edib. Sozcu.az xəbər verir ki, şəhid anası bu gün dünyasını dəyişib. Qeyd edək ki, Rəsul Sadıqov 2020-ci il 10 oktyabrda Ağdərə, Suqovuşan, Murov yüksəkliyi uğrunda gedən döyüşlərdə qəhrəmancasına şəhidlik zirvəsinə yüksəlib. Mehdiabadda Şuşa Şəhidlər Xiyabanında dəfn edilib. "Vətən uğrunda", "Cəsur döyüşçü" və "Suqovuşanın azad olunmasına görə" medalları ilə təltif olunub.

Bu gün Donald Tramp bizi danışıqların (Alyaska görüşü – red.) məzmunu barədə ətraflı məlumatlandırdı. Həmin danışıqlar mətbuat konfransında gördüyümüzdən daha geniş idi. Sozcu.az xəbər verir ki, bunu Almaniya kansleri Fridrix Merz deyib. O qeyd edib ki, hazırda gündəlikdə təhlükəsizlik təminatları məsələsi var.

Türkiyənin Çanaqqala vilayətinin Gelibolu rayonunda meşə yanğınları baş verib. Sozcu.az xəbər verir ki, bu barədə Türkiyə mətbuatında məlumat yayılıb. Məlumata görə, yanğın rayonun Tayfur kəndi yaxınlığındakı meşəlik ərazidə naməlum səbəbdən başlayıb. Hazırda yanğına görə iki kənd təxliyə edilib. Yanğının söndürülməsi istiqamətində 12 təyyarə, 12 helikopter, 94 yanğınsöndürmə maşını və digər texnikalarla havadan və qurudan tədbirlər görülür.

Ukrayna Prezidenti Vladimir Zelenski Rusiyanın sülh razılaşması müqabilində Donetsk vilayətinin bütün ərazisini təhvil vermək təklifini rədd edib. Sozcu.az xəbər verir ki, bu barədə "Röyters" mənbələrə istinadən məlumat yayıb. Məlumata görə, ABŞ Prezidenti Donald Trampla danışıqlar zamanı Rusiya Prezidenti Vladimir Putin Kiyevin bütün Donetsk bölgəsini vermək şərti ilə “cəbhə xətlərinin əksəriyyətinin dondurulmasını” təklif edib. Zelenski Alyaska sammitindən sonra Trampla söhbətində bu tələbi rədd edib.

Rusiyada son on illər ərzində üzərinə düşən öhdəlikləri yerinə yetirməmək kimi bir meyl formalaşıb. Sozcu.az xəbər verir ki, bu barədə Fransa Prezidenti Emmanuel Makron X sosial şəbəkə hesabında ABŞ Prezidenti Donald Tramp, Ukrayna Prezidenti Vladimir Zelenski və avropalı tərəfdaşlarla bugünkü koordinasiya görüşünü şərh edərkən deyib. Makron bildirib ki, Ukraynaya dəstəyin davam etdirilməsi və Rusiya üzərində təzyiqlərin saxlanılması diqqətə alınmalıdır. “Son 30 ilin bütün dərslərini, xüsusən də Rusiyanın öz öhdəliklərini yerinə yetirməmək meylindən öyrənmək vacib olacaq. Ukraynada sülh sarsılmaz təhlükəsizlik təminatları tələb edir”, - deyə o qeyd edib. Makron əlavə olaraq, Fransanın Ukraynanın yanında olduğunu bir daha təsdiqləyib.

Trampın əsas məqsədi atəşkəsə nail olmaq idi. Bundan sonra Ukrayna və Rusiya arasında ikitərəfli müzakirələr başlamalıydı. Lakin görüşdən sonra verilən açıqlamada atəşkəs sözündən ümumiyyətlə, istifadə olunmadı. Tramp da Alyaskaya gedərkən FOX TV-yə müsahibəsində atəşkəsdən danışsa da, dönərkən eyni TV-yə açıqlamasında bu kəlməni "unutdu".  Bununla bərabər, belə görünür ki, Trampla Putin hansısa məqamlar üzrə şifahi razılığa gəlib, yaxud fikir birliyinə varıb və bunlar təbii ki, Ukraynanın xeyrinə deyil. Ümumiyyətlə, hər dəfə Trampın Putinlə istər üz-üzə, istər telefonla, istərsə də diplomatiyadan bixəbər əmlakçı dostu Uitkoff vasitəsilə olan təmaslarında diktator bu adama öz mövqeyini, yanaşmalarını qəbul etdirməyə nail olur, lakin sonra ABŞ dövlət qurumları və avropalı müttəfiqlər birtəhər Trampı ABŞ-ın və ümumən Qərbin maraqları baxımından düz yola qaytara bilirlər. Bu dəfə də eyni halın təkrarlanması mümkündür, hər halda, ortada imzalanmış hansısa sənəd yoxdur. Ümumən ABŞ-a səfər etməsi, önünə qırmızı xalı sərilməsi, orada öz sərsəm fikirlərini bir daha dünyaya elan etmək fürsəti qazanması və zərrə qədər də güzəşt etmədən F-22-lərin müşayiəti ilə geri dönməsi Putin üçün ciddi uğurdur. Bu fürsəti ona ABŞ-ı idarə edən diletantlar və alverçilər yaratdı. Şahin Cəfərli, politoloq

Dövlət Sərhəd Xidmətinin hərbi qulluqçularına ali hərbi rütbələrin verilib. Sozcu.az xəbər verir ki, Prezident İlham Əliyev bununla bağlı sərəncam imzalayıb. Sərəncamla general-mayor Babək Vahid oğlu Qurbanova “general-leytenant”, polkovnik Ceyhun Həsən oğlu Nəbiyev və polkovnik Azər Əliyusif oğlu Şirinova isə “general-mayor” ali hərbi rütbəsi verilib.

Xəzər dənizində zəlzələ qeydə alınıb. Sozcu.az xəbər verir ki, bu barədə AMEA nəzdində Respublika Seysmoloji Xidmət Mərkəzinin Zəlzələlərin tədqiqatı bürosu məlumat yayıb. Dərinliyi 30 km olan təkanların maqnitudası 4 olub.

Bakı şəhəri Suraxanı rayonu, Aeroport şosesində zəncirvari yol-nəqliyyat hadisəsi baş verib. Sozcu.az xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi məlumat yayıb. Üçdən çox nəqliyyat vasitəsinin iştirakı ilə baş verən qəza səbəbindən mərkəz istiqamətində sıxlıq yaranıb. Report-un əldə etdiyi məlumata görə, qəza zamanı ölən və xəsarət alanlar var.

Bakıda 36 yaşlı qadın liposaksiya (bədənin müxtəlif nahiyələrindən piyin çıxarılması) əməliyyatından sonra ölüb. Sozcu.az xəbər verir ki, bu barədə Teleqraf-a onun yaxınları məlumat verib. Bildirilib ki, məşhur kouç (şəxsi inkişaf mütəxəssisi - red.) və psixoloq Nilufər Abdulla "Etalon" hospitalda plastik əməliyyat olunub. Əməliyyatdan sonra onun vəziyyəti ağırlaşıb və ölüb. 1989-cu il təvəllüdlü Nilufər Abdulla 3 uşaq anasıdır. Qeyd edək ki, liposaksiya bədənin müxtəlif nahiyələrindən (üz, boyun, qolların yuxarı hissələri, qarın, bud nahiyələri, dizin iç tərəfləri, kürək) piylərin alınması deməkdir. Liposaksiya çəki azaltmaq əməliyyatı olmayıb, diet və idmanla çəkilməyən piylərin alınması məqsədilə edilir. Bu əməliyyat bədən şəkilləndirmədə tək və ya üz gərmə, abdominoplastika, ayaq gərmə ilə birgə mümkün olan hallarda edilə bilər.

Bu gün səhər saatlarında Azərbaycanın Tovuz rayonunda baş verən zəlzələ Ermənistan ərazisində də hiss olunub. Sozcu.az xəbər verir ki, bu barədə Ermənistan DİN-in Xilasetmə Xidməti məlumat yayıb. Qeyd olunub ki, yeraltı təkanlar Tavuş vilayətinin sərhəd kəndlərində 2-3 bal gücündə hiss olunub.

Biləsuvarda 31 yaşlı kişi evinə qonaq gələn xalası oğluna xəsarət yetirib. Sozcu.az Oxu.az-a istinadən xəbər verir ki, hadisə şəhərin M.İbrahimov küçəsində yerləşən evlərdən birində baş verib. Şəhər sakini, 1996-cı il təvəllüdlü Rəşad Səmədov (ad və soyad şərtidir) həmin ünvanda yaşayan xalası oğlu, 1994-cü il təvəllüdlü Rəşid Ağayevin (ad və soyad şərtidir) evinə qonaq gedib. Onlar bir yerdə vaxt keçiriblər. Gecə saatlarında qohumlar zarafatlaşan vaxt qonaq gələn R.Səmədov zarafatdan inciyib və onların arasında mübahisə yaranıb. Mübahisə əlbəyaxa davaya çevrilib. Dava nəticəsində, R.Ağayev mətbəxdəki kəsici alət hesab edilən dəhrə ilə xalası oğlunu vurub. O, R.Səmədovun qoluna xəsarət yetirib. Yaralı xəstəxanaya yerləşdirilib və hadisə yerinə Biləsuvar RPŞ əməkdaşları gəliblər. Faktla bağlı cinayət işi başlanıb və iş məhkəməyə göndərilib. Məhkəmə istintaqı dövründə tərəflər arasında barışıq əldə edildiyindən cinayət işinə xitam verilib.

Bəzi ərazilərdə arabir leysan xarakterli yağış yağıb, şimşək çaxıb. Milli Hidrometeorologiya Xidmətindən Sozcu.az-a verilən məlumata əsasən, Balakən-Şəki zonasının ayrı-ayrı yerlərində yağıntılar intensiv olub. Düşən yağıntının miqdarı Zaqatalada 42, Balakəndə 14, Yardımlıda 13, Qəbələdə 5, Lerikdə 4, Astarada 3, Cəbrayıl, Kəlbəcər, Qubadlı, Laçın, Şuşa, Xankəndi, Xocalı, Füzuli, Lənkəran, Cəfərxan, Neftçala, Biləsuvar, Beyləqanda 1 mm-dək qeydə alınıb. Yağıntılı hava şəraitinin avqustun 17-si axşamadək davam edəcəyi gözlənilir.

İşğaldan azad edilmiş rayonlarda tikinti-quraşdırma işlərinə 2025-ci ilin yanvar-iyun ayları ərzində bütün maliyyə mənbələri hesabına 1 milyard 989 milyon 798 min manat vəsait sərf edilib. Sozcu.az APA-ya istinadən xəbər verir ki, bu barədə Dövlət Statistika Komitəsinin hesabatında bildirilib. Qeyd edək ki, hesabat dövründə ən çox vəsait Kəlbəcər (408 mln. 11 min manat), Laçın (303 mln. 122.1 min manat) və Ağdam (260 mln. 833.3 min manat) rayonlarına ayrılıb. Xatırladaq ki, cari ilin yanvar-iyun ayları ərzində Azərbaycanda bütün maliyyə mənbələrindən əsas kapitala 8 milyard 73.5 milyon manat vəsait yönəldilib ki, bunun da 6 milyard 313.5 milyon manatı tikinti quraşdırma işlərinə sərf edilib. Beləliklə, hesabat dövründə azad olunmuş ərazilər üzrə tikinti-quraşdırma işlərinə sərf olunan vəsait respublika üzrə tikinti-quraşdırma işlərinə sərf olunan vəsaitin 31.5%-ni təşkil edib. Aşağıdakı diaqramda cari ilin I yarısında azad edilmiş ərazilərdə rayonlar üzrə tikinti-quraşdırma işlərinə yönəldilən vəsaitin həcmi verilib: Əlavə edək ki, azad olunmuş ərazilərin yenidən qurulması və bərpası məqsədilə bu ilin dövlət büdcəsindən 4 milyard manat vəsaitin ayrılması proqnozlaşdırılıb. Cari ilin ilk 6 ayı ərzində isə dövlət büdcəsindən illik nəzərdə tutulmuş vəsaitin 38,8 faizi — yəni 1 milyard 552,4 milyon manatı istifadə olunub.