Ermənistanın Qarabağı Azərbaycan ərazisi kimi tanımaqdan başqa imkanı yox idi. Sozcu.az xəbər verir ki, bunu Ermənistan Baş naziri Nikol Paşinyan deyib. “44 günlük müharibənin qarşısını almaq üçün nə lazım idi? Lazım idi ki, biz Qarabağ məsələsinin həllinə dair öz təsəvvür etdiyimiz legitimliyi (vaxtilə işğal edilmiş Azərbaycan bölgəsinin “müstəqilliyi”nin tanınmasını nəzərdə tutur – red.) Qarabağ probleminin beynəlxalq legitimliyi ilə uzlaşdıraq. Amma bu, praktik olaraq mümkün deyildi. Bu təsəvvürləri həyata keçirmək mümkün deyildi, çünki ilk addımda biz qəbul etməliydik ki, Qarabağ Azərbaycanın tərkibində olmalıdır, başqa variant yox idi. Əgər düşünürsünüzsə ki, biz bunu 2018-2019-cu illərdə edə bilərdik, bəli, elədir, bu, mənim səhvimdir ki, etməmişəm”, - o qeyd edib.

Bu gün Azərbaycanın erməni separatizmi üzərində qələbəsinin 5-ci il dönümüdür. Ordumuz 2020-ci ilin sentyabrın 27-də başlatdığı əks-hücum əməliyyatı nəticəsində noyabrın 8-dək 5 şəhər, 4 qəsəbə və 300-ə yaxın kəndi işğaldan azad etdi. Bundan əlavə, Tərtər, Laçın, Qubadlı, Ağdərə, Murovdağ və s. istiqamətlərində xeyli sayda strateji yüksəkliyi nəzarət altına altına aldı. Silahlı Qüvvələrimizin 3 ildən sonra (19-20 sentyabr 2023-cü il) başlatdığı 1 günlük anti-terror əməliyyatı ilə Qarabağda erməni separatizminin kökünün tamamilə kəsilməsinin təməlləri də məhz 44 günlük müharibədə atıldı. Beləliklə, Azərbaycan özünün ərazi bütövlüyü və suverenliyinin tamamilə bərpa etməyi bacardı. Sozcu.az xəbər verir ki, bu sözləri politoloq Heydər Oğuz qeyd edib. “Azərbaycan Ordusunun bu savaşda düşmənə vurduğu zərbənin quru statistikasına nəzər salsaq, necə böyük uğura imza atdığımızı daha aydın görə bilərik. Erməni mənbələri 44 günlük müharibədə itkilərini bu cür sıralayırlar: • 4.520 hərbi qulluqçu öldürülüb; • 60+ hərbi qulluqçu əsir götürülüb; • 9.094 hərbi qulluqçu yaralanıb; • 1.600 hərbi qulluqçu itkin düşüb. İkinci Qarabağ müharibəsində Azərbaycan Ordusunun məhv etdiyi və ya qənimət kimi götürdüyü Ermənistana məxsus hərbi texnikanın dəyəri minimum qiymətləndirməyə görə, ən azı 3,8 milyard ABŞ dollarıdır. Ermənilərin hərbi texnika itkiləri arasında 10 ədəd S-300 və onun taktiki-döyüş vasitələri, 366 tank, 352 müxtəlif çaplı top, 22 ədəd PUA, 5 ədəd Su-25 təyyarəsi, 50 “Tor”, “Osa”, “Kub”, “Kruq” modelli zenit-raket kompleksi də var. Eyni zamanda döyüş əməliyyatları çərçivəsində ermənilərin xüsusi əhəmiyyətə malik 97 ədəd “Qrad”, 4 ədəd “Smerç”, 2 “Uraqan”, 1 “Tos” odsaçan, 1 ədəd “Yars”, Toçka-U, ballistik raketlər, “Elbrus” raket kompleksləri də məhv edilib. Bəzi hesablamalara görə, Ermənistanın hazırkı hərbi büdcəsi ilə itirdiklərini bərpa etməsi üçün ən azı 40 il vaxt lazım olacaq”, - o bildirib. Politoloq xatırladıb ki, ermənilərlə müqayisədə çox az görünməsinə baxmayaraq, Azərbaycan da bu savaşda qurbanlar verib: “Azərbaycan Respublikası Müdafiə Nazirliyinin yaydığı məlumata əsasən, Vətən müharibəsində Silahlı Qüvvələrimizin 3000 nəfərə yaxın hərbi qulluqçusu həlak olub, 19-dan çox döyüşçümüz isə itkin düşmüş hesab olunur. Təbii ki, bizim də hərbi-texniki itkilərimiz də olub və nə yazıq ki, böyük uğurlar itkisiz başa gəlmir. Bəs, 8 noyabr qələbəsi ilə nələr qazanmışıq? • 30 il əvvəl itirdiyimiz əraziləri; • Hər bir dövlətin namusu sayılan ərazi bütövlüyümüzü və suverenliyimizi; • Millət olmanın vazkeçilməz ünsürü sayılan milli özünəinamı, qüruru, yenilməzlik duyğusunu; • Dünya dövlətləri arasında alnıaçıq, üzüağ gəzmək qabiliyyətini; • Əzilmiş, yardıma möhtac, loru dillə desək, yazıq dövlətdən regional gücə çevrilmək imkanı (Təsadüfi deyil ki, super-güclərin belə çözə bilmədiyi bir çox beynəlxalq məsələlərdə, o cümlədən İsrail-Fələstin-Suriya probleminin çözümündə ölkəmizin vasitəçiliyinə ehtiyac duyulur. Tarix böyu sülh qarantorluğuna super-güclərin iddia etdiyini nəzərə alsaq, beynəlxalq qüvvələrin bizə bəslədiyi bu ümidlər kiçik hadisə deyil); • Azərbaycanın kontinental hissəsi ilə Naxçıvan arasında kommunikasiya əlaqəsi; • Mərkəzi Asiya ölkələrini Avropaya bağlayacaq körpüyə çevrilmək imtiyazı (Bu, həm də böyük türk xaqanlarının uğrunda böyük fədakarlıqlara getməkdən çəkinmədiyi idealları olub. Çox şükürlər olsun ki, vaxtilə, cahangir babalarımızın tarixdə miras qoyduğu bu missiya indi Azərbaycanın çiyinlərinə yüklənib); • Tarix boyu Çindən Avropaya, Avropadan Çinə uzanan ticarət yollarına nəzarət potensialı (Bu həm də mədəniyyətlər qovşağına çevrilmək imkanı deməkdir və Turan adlanan coğrafiyada bu missiyanı da bizim cahangir babalarımız üstləniblər); • Avropanı və Türküstanı rus asılılığından xilas etmək avantajı; • Dünyanın ən kritik geostrateji qovşağı sayılan Cənubi Qafqaza öz real dəyərini qaytarmaq fürsəti (Yeri gəlmişkən, 8 noyabr qələbəsi yalnız Azərbaycana deyil, həm də 44 günlük savaşda qarşı-qarşıya gəldiyimiz ermənilərə də böyük faydalar qazandırdı. Bu gün olmasa belə, zənnimcə, yaxın gələcəkdə ermənilər də 8 noyabrı böyük Qələbə bayramı kimi qeyd edəcəklər); • Xarici imperialistlərin əlində türk dünyasına qənim kəsilən erməni təxribatçılığının kökünün kəsilməsi (Bundan sonra ermənilərin bir də dənizdən dənizə dövlət qurmaq xülyalarına düşməsi mümkün görünmür). Bir sözlə, 8 noyabr qələbəsi Azərbaycana böyük uğurlar qazandırıb və böyük dövlət olmaq yolunda ən keçilməz sədləri ortadan qaldırıb. Bu baxımdan, 8 noyabrı gələcəkdə baş verməsini gözlənilən bir çox daha böyük uğurlarımızın müqəddiməsi də saymaq olar. Türk dünyasının böyümə və özünə qayıtma prosesində ən böyük basamaq daşı olan 8 noyabr Qələbə günü münasibətilə hər kəsi təbrik edir, bu yolda canını verərək tarix yazan şəhidlərimizə rəhmət, ailələrinə səbr və qazilərimizə şəfalar diləyirəm”.

ABŞ yaxın iki-üç il ərzində ən azı bir milyon pilotsuz uçuş aparatı (PUA) almaq və gələcəkdə daha çox istehsal etmək üçün öz təchizat şəbəkəsini yaratmaq niyyətindədir. Sozcu.az "Reuters"ə istinadən məlumatına görə, bu barədə ABŞ-nin ordu naziri Daniel Driskoll bildirib. Məlumata görə, hazırda ABŞ hər il təqribən 50 min PUA alır. Qeyd olunub ki, ABŞ ordusu üçün prioritet genişmiqyaslı yerli dron istehsalı üçün şərait yaratmaqdır. Bu, hazırda, əsasən, Çindən idxal olunan mühərriklər, sensorlar, batareyalar və dövrə lövhələri kimi mühüm komponentlərin yerli istehsalının stimullaşdırılmasını nəzərdə tutur. Driskoll həmçinin ABŞ Müharibə Nazirliyinin ( Pentaqonun) dronların istifadəsinə yanaşmasını dəyişmək niyyətində olduğunu, onlara artıq bahalı və unikal sistemlər kimi deyil, döyüş meydanında istehlak materialları kimi baxdığını bildirib.

Azərbaycan Respublikasının Prezidenti İlham Əliyev 8 Noyabr - Zəfər Günü ilə bağlı paylaşım edib. Sozcu.az paylaşımı təqdim edir:

İstanbul Cümhuriyyət Baş Prokurorluğu İsrailin baş naziri Benyamin Netanyahunun da daxil olduğu 37 nəfər barədə “soyqırım” ittihamı ilə həbs qərarı verib. Sozcu.az bu barədə TRT kanalına istinadən xəbər verir. Məlumata görə, qərar Qəzza zolağında həyata keçirilən hücumlar nəticəsində çoxsaylı mülki şəxsin, xüsusilə qadın və uşaqların həlak olması ilə bağlı aparılan istintaq çərçivəsində qəbul edilib. Prokurorluq sözügedən şəxslərin beynəlxalq hüquqa əsasən “müharibə cinayətləri” və “insanlığa qarşı cinayətlər” törətdiyini iddia edir. Hazırda Türkiyə tərəfindən beynəlxalq axtarış və hüquqi prosedurların başladılması istiqamətində addımlar atılır.

2016-cı ildə Aprel döyüşlərində şəhid olan Teymurov Pəncəli Nurməmməd oğlu “Azərbaycanın Milli Qəhrəmanı” adına (ölümündən sonra) layiq görülüb. Sozcu.az xəbər verir ki, bu barədə Azərbaycan Prezidenti İlham Əliyev sərəncam imzalayıb. Qeyd edək ki, Pəncəli Teymurov 1981-ci ilin 24 martında Astara rayonunun Əzərüd kəndində anadan olub. 1986–1998-ci illərdə Astara rayonu B. Rüstəmov Asxanakəran tam orta məktəbində orta təhsil alıb. 1999-cu ildə Astara Rayon Hərbi Komisarlığı tərəfindən həqiqi hərbi xidmətə çağırılıb. Hərbi xidməti başa vurduqdan sonra könüllü olaraq xidmətini yenicə yaradılan Azərbaycan Xüsusi Təyinatlı Qüvvələrinin kəşfiyyatçı-diversant taborunda davam etdirib və 17 il Azərbaycan ordusunda xidmət edib. Gizir Pəncəli Teymurov 2016-cı ilin aprel ayında Azərbaycan–Ermənistan təmas xəttində baş verən atışma zamanı Tərtər istiqamətində düşmənlə döyüşə girib və döyüş dostları - Murad Mirzəyev, Samid İmanov, Mühid Orucovla birgə Talış yüksəkliklərinin alınmasında iştirak edib və 3 aprel 2016-cı ildə döyüşdə həlak olub. Hərbi tapşırıqları uğurla başa çatdırdığına görə müxtəlif döyüş mükafatları, medallarla təltif olunan Pəncəli ən böyük mükafatını 2015-ci ilin 24 iyununda almışdı. 2015-ci ildə işğal altında olan Kəlbəcər rayonunda xüsusi əməliyyat zamanı Ermənistan ordusuna məxsus bir neçə hərbi texnika, ağır artilleriya və iyirmidən çox hərbçi məhv edilmişdi. 11 aprel 2016-cı ildə doğulduğu Astara rayonunun Əzərüd kəndində dəfn edilib.

Azərbaycan Respublikası Müdafiə Nazirliyinin hərbi qulluqçularına ali hərbi rütbələr verilib. Sozcu.az xəbər verir ki, Prezident İlham Əliyev bununla bağlı müvafiq sərəncam imzalayıb. Sərəncamda qeyd olunub: "Azərbaycan Respublikası Konstitusiyasının 109-cu maddəsinin 24-cü bəndini rəhbər tutaraq qərara alıram: Azərbaycan Respublikası Müdafiə Nazirliyinin aşağıdakı hərbi qulluqçularına ali hərbi rütbələr verilsin: "general-leytenant" ali hərbi rütbəsi general-mayor Kənan Əlihüseyn oğlu Seyidova general-mayor Ağamir Əzizxan oğlu Sultanova "general-mayor" ali hərbi rütbəsi polkovnik Zaur Qəzənfər oğlu Yusifliyə polkovnik Ümüdvar Əzizalı oğlu Quliyevə polkovnik Anar Tofiq oğlu Hüseynova polkovnik Etibar İsmayıl oğlu Məhərrəmova "kontr-admiral" ali hərbi rütbəsi 1-ci dərəcəli kapitan Şahin Oruc oğlu Məmmədova".

TRIPP layihəsi (beynəlxalq sülh və rifah üçün Tramp marşrutu) dünyanın iqtisadi cəhətdən əhəmiyyətli bir bölgəsindən keçən nəqliyyat dəhlizidir. Layihə Xəzər dənizinin digər tərəfində ticarət fəaliyyətinin artımını stimullaşdırmaq və Orta Asiya ölkələrinin inkişafına töhfə vermək üçün hazırlanıb. Sozcu.az xəbər verir ki, bunu ABŞ prezidenti Donald Trump C5 + 1 görüşü zamanı bildirib. Trampa görə, bu marşrutun icrası Azərbaycan ilə Ermənistan arasında tarixi saziş sayəsində mümkün olub. "Bu tarixi saziş yeni bir “Tramp marşrutu” yaradır. Bu heyrətamizdir. Onlar - Azərbaycan və Ermənistan  bu marşruta mənim şərəfimə Tramp adını verdilər və mən bunu həqiqətən yüksək qiymətləndirirəm. Bu əslində böyük bir nailiyyətdir. Trampın yeni marşrutu beynəlxalq sülhün yoludur. İqtisadi cəhətdən əhəmiyyətli bir bölgədən keçir və Orta Asiya xalqlarına kömək edərək Xəzər dənizi boyunca ticarəti təşviq edəcəkdir. Əminəm ki, bu gün burada iştirak edən hər bir ölkə ortaya çıxan imkanlardan yararlana biləcək", - Tramp deyib. Donald Tramp ötən gün Ağ Evdə “Mərkəzi Asiya + ABŞ” (C5+1) formatında region ölkələrinin liderlərini qəbul edib. Görüşdə Qazaxıstan, Özbəkistan, Türkmənistan, Qırğızıstan və Tacikistan prezidentləri iştirak ediblər.

Bakıda və Abşeron yarımadasında noyabrın 8-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Bu barədə Sozcu.az-a Milli Hidrometeorologiya Xidmətindən məlumat verilib. Bildirilib ki, gecə və səhər bəzi yerlərdə zəif duman olacaq. Cənub-qərb küləyi əsəcək. Havanın temperaturu gecə 10-14, gündüz 17-20 dərəcə isti olacaq. Atmosfer təzyiqi 766 mm civə sütunu, nisbi rütubət isə 70-80 % təşkil edəcək. Azərbaycanın rayonlarında havanın əsasən yağmursuz keçəcəyi gözlənilir. Lakin gündüz bəzi dağlıq ərazilərdə qısamüddətli az yağıntılı olacağı ehtimalı var. Bəzi yerlərdə arabir duman olacaq. Şərq küləyi əsəcək. Havanın temperaturu gecə 8-13, gündüz 19-24, dağlarda gecə 0-5, gündüz 8-13 dərəcə isti olacaq.

Demokratlar və Respublikaçılardan ibarət bir qrup senator Macarıstanı Baş nazir Viktor Orbanın Vaşinqtona səfəri ərəfəsində Rusiyadan enerji almağı dayandırmağa çağırıb. Sozcu.az xəbər verir ki, bu barədə “Blumberq” senatorların hazırladığı qətnaməyə istinadla məlumat yayıb. “Sənəddə 10 senator Macarıstanın Rusiyanın yanacaqlarından asılılığını azaltmaq üçün heç bir əlamət göstərməməsindən narahatlığını ifadə edib. Onlar Orban hökumətini Avropa Komissiyasının 2027-ci ilə qədər Rusiyanın enerji idxalını tamamilə dayandırmaq təşəbbüsünə qoşulmağa çağırıb”, - məlumatda bildirilib. Qeyd edək ki, Orban noyabrın 7-də Vaşinqtonda ABŞ Prezidenti Donald Trampla görüşmək niyyətində olduğunu açıqlayıb.

ABŞ Prezidenti Donald Tramp Rusiyanın “Lukoyl” şirkətinin xarici aktivlərini satmasının qarşısını alıb. Sozcu.az xəbər verir ki, bu barədə ABŞ mediası məlumat yayıb. Məlumata görə, ABŞ Maliyə Nazirliyi Ukraynadakı münaqişə davam etdiyi müddətcə “Gunvor” şirkətinə “Lukoyl”ın xarici aktivlərini almağa icazə verməyib. Qeyd edək ki, ABŞ sanksiyalarına məruz qalan “Lukoyl” xarici aktivlərinin olduğu “LUKOİL İnternational GmbH” şirkətini almaq üçün İsveçrənin “Gunvor” qrupundan təklif aldığını açıqlamışdı.

Tehranda artıq su yoxdur və dekabr ayından suyu kvota ilə verməyə məcbur olacağıq. Sozcu.az xəbər verir ki, bunu İran Prezidenti Məsud Pezeşkian deyib. “Suyu kvota ilə versək də, yağış yağmayacağı təqdirdə paytaxt təxliyə olunmalıdır”, - o bildirib. Bununla eyni vaxtda Tehran əyalətinin Su və Kanalizasiya Şirkəti paytaxtda su çatışmazlığının təhlükəli həddə çatdığı haqda xəbərdarlıq edib.

Ermənistanın sabiq prezidenti Serj Sərkisyanın ölkədən çıxışına qadağa qoyulub. Sozcu.az xəbər verir ki, bunu Sərkisyanın tərəfdarlarından olan Armen Aşotyan deyib. O bildirib ki, sabiq prezidentə yeni ittiham irəli sürülüb.

Belarusun ən böyük neft emalı zavodu olan “Naftan”da yanğın baş verib. Sozcu.az xəbər verir ki, bu barədə Belarus Fövqəladə Hallar Nazirliyi məlumat yayıb. "Naftan ASC-nin ərazisindəki texnoloji blokda baş verən yanğın söndürülüb”, - məlumatda bildirilir. Hadisə nəticəsində xəsarət alan olmayıb. Yanğının hansı şəraitdə baş verməsi araşdırılır.

Azərbaycan ərazisindən keçməklə Ermənistana gətirilən Rusiya buğdası Qida Təhlükəsizliyi Xidməti tərəfindən yoxlanılacaq. Sozcu.az Globalinfo.az-a istinadən xəbər verir ki, bunu Ermənistanın Qida Məhsullarının Dövlət Təhlükəsizliyi Xidmətinin İnformasiya, Konsaltinq və İctimaiyyətlə Əlaqələr Departamentinin rəhbəri Anuş Arutyunyan deyib. O, prosesin ümumi olduğunu və Avrasiya İqtisadi İttifaqı (Aİİ) çərçivəsində həyata keçirilən bütün tranzitlərdə məhsulların yoxlanıldığını bildirib: “Fitosanitar ekspertiza üçün nümunə götürüləcək və beləliklə məhsulun keyfiyyəti yoxlanılacaq. Aİİ ölkələri arasında yükdaşıma qaydası var, buna görə sərhəd nəzarəti həyata keçirilmir. Lakin yük boşaldıldığı yerdə yoxlanılacaq”. Qeyd edək ki, Azərbaycan tərəfi Rusiya buğdasının əvvəlcə ölkə ərazisi, sonra Gürcüstandan keçməklə Ermənistana çatdırılmasına icazə verib.

Bolqarıstan Rusiyanın neft nəhəngi “Lukoyl”a məxsus Burqasdakı neft emalı zavodunu nəzarətə götürməyə və başqa bir sahibkara satmağa imkan verən qanunvericilik dəyişiklikləri hazırlayır. Sozcu.az xəbər verir ki, bu barədə “Röyters” məlumat yayıb. Bildirilib ki, qanun layihəsi xüsusi təyin olunmuş menecerə neft emalı zavodunun satışına nəzarət etməyə imkan verəcək və onun sahibi “Lukoyl” şirkətinin qərara səs vermək və ya etiraz etmək hüququ olmayacaq.

Xarici işlər naziri Ceyhun Bayramov Azərbaycanda səfərdə olan NATO nümayəndə heyətini qəbul edib. Sozcu.az xəbər verir ki, bu barədə Xarici İşlər Nazirliyi məlumat yayıb. Nümayəndə heyətinə Türkiyə, Yunanıstan, Macarıstan, Monteneqro, Niderland, Şimali Makedoniya, Norveç, Slovakiya, Sloveniya, İsveç, Çex, Portuqaliya, İspaniyanın NATO-dakı daimi nümayəndələri, eləcə də ABŞ və Fransanın NATO-dakı daimi nümayəndələrinin müavinləri daxildir. Görüşdə Azərbaycan və NATO əməkdaşlıq gündəliyinin əsas aspektləri, habelə regional və beynəlxalq təhlükəsizlik məsələləri, Azərbaycan Ermənistan sülh prosesinin cari vəziyyəti və perspektivləri müzakirə olunub. İşğal tarixi, postmünaqişə dövründə bölgədə mövcud təhlükəsizlik vəziyyətindən bəhs edən nazir Ceyhun Bayramov, Vaşinqton sammiti çərçivəsində əldə olunmuş razılıqlar və sülh perspektivləri, bölgədə nəqliyyat dəhlizləri üzrə planlar barədə səfirlərə məlumat verib. Bununla yanaşı, bölgədəki mina təhdidi diqqətə çatdırılıb. Görüş zamanı həmçinin qarşılıqlı maraq doğuran digər məsələlər ətrafında fikir mübadiləsi aparılıb

“Təəssüf ki, icbari tibbi sığort ailə əhatə olunan dövlət proqramlarının tərkibində onkoloji xidmət yoxdur. Büdcədən ayrılan vəsait də bu xəstələrin adekvat müalicəsi üçün yetərli deyil”.  Sozcu.az xəbər verir ki, bunu Səhiyyə komitəsinin sədri Əhliman Əmiraslanov Milli Məclisin bir neçə komitəsinin ortaq iclasında “Azərbaycan Respublikasının 2026-cı il dövlət büdcəsi haqqında” qanun layihəsinin müzakirəsi zamanı deyib. Deputat qeyd edib ki, bu xəstələri müasir səviyyədə effektli müalicə etmək üçün target və immunterapiya dərman vasitələrinə ehtiyac duyulur: “Bu dərman vasitələrinin qiyməti isə kifayət qədər yüksəkdir. Ayrılan vəsait bu dərmanların alının Azərbaycana gətirilməsinə kifayət etmir. İmkan daxilində belə preparatların alınıb Azərbaycana gətirilməsinə əlavə vəsaitin ayrılması da nəzərdən keçirilməlidir. Çünki bu preparatlar olmadan onkoloji xəstələrin adekvat müalicəsi mümkün deyil. Bütövlükdə onkologiyanın problemi bu dövlət proqramının icbari dövlət sığorta ilə əhatə olunması ilə həll ediləcək”.

Bakıda və Abşeron yarımadasında noyabrın 7-də hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Bu barədə Sozcu.az-a Milli Hidrometeorologiya Xidmətindən məlumat verilib. Bildirilib ki, gecə və səhər bəzi yerlərdə az çiskinli olacağı ehtimalı var. Cənub-şərq küləyi əsəcək. Havanın temperaturu gecə 9-13, gündüz 17-20 dərəcə isti olacaq. Atmosfer təzyiqi 767 mm civə sütunu, nisbi rütubət 70-75 % təşkil edəcək. Azərbaycanın rayonlarında havanın əsasən yağmursuz keçəcəyi gözlənilir. Bəzi yerlərdə arabir duman olacaq. Şərq küləyi əsəcək. Havanın temperaturu gecə 7-12, gündüz 18-23, dağlarda gecə 0-5, gündüz 7-12 dərəcə isti olacaq.

Ukrayna bu gün Rusiyanın neft emalı zavodlarına PUA-larla hücum edib. Sozcu.az xəbər verir ki, bu barədə Rusiya Teleqram kanalları məlumat yayıb. Məlumata görə, Volqoqrad vilayətində “Lukoyl” neft emalı zavodu vurulub. Zərbələr nəticəsində zavodda yanğınlar baş verib. Krımdakı “Krımneftesbıt” neft emalı zavodu da PUA hücumuna məruz qalıb.

Mərkəzi Bankın bu günə olan rəsmi valyuta məzənnəsinə görə, dollarının məzənnəsi dəyişməyərək 1.7000 manat olub. Sozcu.az xəbər verir ki, lirənin manat qarşısında dəyəri sabit qalıb və 100 lirə 4.04 manata bərabər olub. Avronun məzənnəsi artaraq 1.9561 manatda qərarlaşıb. 100 rublun məzənnəsi isə azalaraq 2.0897 manat təşkil edib.

Rusiyanın Kostroma vilayətindəki enerji infrastrukturlarına PUA hücumu edilib. Sozcu.az xəbər verir ki, bu barədə Ukrayna Teleqram kanalları məlumat yayıb. Məlumata görə, zərbələr nəticəsində Kostroma DRES-də partlayışlar və yanğınlar baş verib. Stansiyanın ciddi zədə aldığı bildirilir. Qeyd edək ki, Kostroma DRES gücünə görə Rusiyanın üçüncü ən böyük İES-i hesab olunur. 3720 MVt gücü olan stansiya Rusiyanın mərkəzi regionlarının əhəmiyyətli hissəsini elektrik enerjisi ilə təmin edir.

Şamaxı rayonunda qadın həyat yoldaşı tərəfindən odlu silahla qətlə yetirilib. Sozcu.az xəbər verir ki, bu barədə DİN-in mətbuat xidmətinin regional qrupu məlumat yayıb. Bildirilib ki, rayon sakini, əvvəllər polis şöbəsində polis nəfəri kimi xidmət etmiş, lakin bir müddət öncə öz arzusu ilə xidmətdən xaric olunmuş P.Tağıyev odlu silahdan açdığı atəşlə G.Eynalovaya xəsarət yetirib. Qadın aldığı xəsarətlərdən hadisə yerində ölüb. P.Tağıyev polis əməkdaşları tərəfindən saxlanılıb. Faktla bağlı Şamaxı Rayon Prokurorluğunda cinayət işi başlanılıb, istintaq hərəkətləri davam etdirilir.

Türkiyənin “Peqasus” aviaşirkəti Ankara və İzmirdən Monteneqroya uçuşları müvəqqəti olaraq ləğv edib. Sozcu.az xəbər verir ki, bu barədə Monteneqro Hava Limanı məlumat yayıb. “Türkiyənin aşağı büdcəli aviaşirkəti “Peqasus Airlines” noyabr 29-dək Ankara və İzmirdən Podqoritsaya planlaşdırılan bütün uçuşları ləğv edib. Şirkət Podqoritsa - Sabiha Gökçən istiqamətində aviareysləri isə davam etdirir”, - məlumatda bildirilib. Bundan başqa, Podqoritsa ilə Tivat və İstanbul aeroportu istiqamətində uçuşlar hazırda “Air Monteneqro” və Turkiyə Hava Yolları tərəfindən həyata keçirilməyə davam edir.