Lisenziyası ləğv edilmiş plastik cərrahların tam siyahısı məlum olub. Sozcu.az  xəbər verir ki, səhiyyə naziri Teymur Musayevin imzaladığı əmrlə aşağıdakı şəxslərin lisenziyası ləğv olunub: Ağamirova Könül Əlifirid qızı - sertifikasiya şəhadətnaməsi Ser. AH No 044818 Əliyeva Şövkət Tofiq qızı - sertifikasiya şəhadətnaməsi Ser. AH No 043889 Həmidova (Heydərova) Sevinc Abisalam qızı – sertifikasiya şəhadətnaməsi Ser. AH No 040407 Kərimova Bəhicə Rafiq qızı - sertifikasiya şəhadətnaməsi Ser. AH No 055491 Quliyeva Rəna Ədalət qızı - sertifikasiya şəhadətnaməsi Ser. AH No 046988 Qurbanova Təbəssüm Arif qızı - sertifikasiya şəhadətnaməsi Ser. AH No 044967 Salmanlı Elnarə Eldar qızı - sertifikasiya şəhadətnaməsi Ser. AH No 043603 Qeyd edək ki, adıçəkilən şəxslərin hamısı 2022-ci ildən sonra lisenziya alıbmış. Hazırda məsələ ilə bağlı prokurorluqda araşdırma davam edir.

Fransa Parisdəki Rus Evinin fəaliyyətini dayandırmaq üçün addımlar atır. Sozcu.az xəbər verir ki, bunu Rusiyanın Fransadakı səfiri Aleksey Meşkov deyib. Onun sözlərinə görə, təşkilatın hesabları dondurulub: “İndi Rus Evinin hesablarını dondurmaqla işini tamamilə dayandrımağa cəhdlər edilir. Rus Evinin burada ikitərəfli razılaşma əsasında qanuni fəaliyyət göstərdiyini nəzərə alsaq, bu məsələyə dair Fransa ilə kompleks danışıqlar aparılır”. Qeyd edək ki, Azərbaycan tərəfi “Rossotrudniçestvo” agentliyinin Azərbaycan Respublikası ərazisində fəaliyyətinə xitam verilməsi barədə diplomatik kanallar vasitəsilə Rusiya tərəfinə rəsmi bildiriş göndərib.

Azərbaycan Respublikası ərazisində bu kimi təşkilatların fəaliyyəti milli qanunvericiliyə, ölkələr arasında qarşılılıq prinsipinə və ikitərəfli əsasda əldə olunmuş razılıqların tələblərinə uyğun olaraq tənzimlənir. Sozcu.az xəbər verir ki, bunu Xarici İşlər Nazirliyinin mətbuat katibi Ayxan Hacızadənin Rusiya Federasiyasının “Rossotrudniçestvo” agentliyinin Azərbaycan Respublikası ərazisində fəaliyyətinə xitam verilməsi ilə bağlı yerli mətbuatın sualına cavabında deyib. “Rossotrudniçestvo”nun Azərbaycandakı nümayəndəliyi olan Rusiya İnformasiya-Mədəniyyət Mərkəzi – Rus Evinin hüquqi şəxs qismində qeydiyyatının mövcud olmadığı və təşkilatın Azərbaycan qanunvericiliyini ciddi şəkildə pozduğu barədə Rusiya tərəfinə məlumat verildikdən sonra, 3 fevral 2025-ci il tarixində “Rus Evi”nin fəaliyyətinə xitam verilməsi barədə Rusiya tərəfinə nota göndərilib. Bununla, Azərbaycan tərəfinin ölkəmizdə Rus Evinin fəaliyyətinə xitam verilməsi barədə qərarından irəli gələrək, Rusiya tərəfindən bu istiqamətdə müvafiq tədbirlər həyata keçirilməsi gözlənilir.

Böyük Britaniyanın Xarici İşlər Nazirliyi (XİN) ölkədəki Rusiya diplomatının akkreditasiyasını ləğv edib. Sozcu.az xəbər verir ki, bu barədə TASS məlumat yayıb. Bu qərar 2024-cü ilin noyabrında Rusiyanın Böyük Britaniya diplomatını ölkədən çıxarmasına cavab olaraq qəbul edilib. "Biz Rusiya səfiri Andrey Kelini yüksək səviyyəli Britaniya rəsmisi ilə görüşmək üçün dəvət etdik ki, Rusiya diplomatının akkreditasiyasını ləğv edək", - XİN-dən bildirilib.

Son günlər dünya bazarlarında qızılın qiymətində davamlı artım müşahidə edilir. Bu bahalaşma təkcə beynəlxalq maliyyə bazarlarını deyil, həm də yerli bazarlardakı qiymətləri dəyişməyə məcbur edəcək. Azərbaycanda da qızılın dəyərinin yüksəlməsi həm xammal, həm də hazır zərgərlik məhsullarının qiymətinə təsirsiz ötüşməyəcək. Bəs zinət əşyaları almaq istəyənləri hansı yeniliklər gözləyir? Qiymətlər necə dəyişəcək? İqtisadçı Xalid Kərimli dünya bazarındakı son proqnozları Yenisabah.az-a açıqlamasında belə dəyərləndirib: “Təbii ki, dünya bazarlarında qızılın qiymətinin yüksəlməsi Azərbaycana da təsirsiz ötüşməyəcək. Bu bahalaşma həm təmiz qızıl, həm də zərgərlik məmulatlarının qiymətində artımla nəticələnəcək. Qızılın dəyərinin qalxması təkcə yerli bazarlara deyil, bütün qlobal iqtisadi proseslərə təsir etdiyindən, bu tendensiya Azərbaycanın qızıl bazarında da özünü göstərəcək”. Maliyyə analitiki qeyd edib ki, sözügedən bahalaşma tədricən baş verəcək: “Əvvəlki qiymətlərlə qızıl ehtiyatı toplamış zərgərlər müəyyən müddət ərzində bu malları nisbətən ucuz qiymətə təklif edə bilsələr də, yeni gətirilən məhsullara artıq dünya bazarlarındakı qiymət artımı təsir edəcək. Bu isə o deməkdir ki, qızıl zərgərlik məhsullarının, o cümlədən, zinət əşyalarının dəyəri əhəmiyyətli dərəcədə yüksələcək”. Ekspert onu da vurğulayıb ki, bütün ölkələrdən idxal olunan qızıl mallarında bahalaşma gözləniləndir: “Qızılın qiymətindəki dəyişikliklər ölkənin idxal etdiyi məhsullardan asılı olmadan bazara təsir göstərir. Çünki əsas amil xammal – qızılın dəyəridir. Qızılın qlobal bazarlarda qiymətinin artması onunla bağlı olan bütün sektorlarda qiymət artımına gətirib çıxarır. Nəticədə, həm yerli istehsal olunan, həm də xaricdən idxal edilən zərgərlik məmulatlarının qiymətində ümumi bahalaşma müşahidə olunacaq”.

Ucarda məktəbli sinif yoldaşına ağır xəsarət yetirib. Sozcu.az APA-ya istinadən xəbər verir ki, hadisə rayonun Rəstəcə kəndində baş verib. Rəstəcə kənd tam orta məktəbin 9-cu sinif şagirdi, 2009-cu il təvəllüdlü M.H. ilə sinif yoldaşı Q.H. arasındakı mübahisə davaya çevrilib. Q.H. M.H.-yə bıçaqla xəsarətlər yetirib. Zərərçəkən Ucar Rayon Mərkəzi Xəstəxanasına yerləşdirilib. İlkin yardım göstərildikdən sonra M.H. Göyçay Rayon Xəstəxanasına aparılıb. Zərərçəkənin yaxınlarının sözlərinə görə, hadisə məktəbdə, sinif otağında baş verib.

Müharibə qanunlarını və adətlərini pozma, terrorçuluq, terrorçuluğu maliyyələşdirmə və digər maddələrlə təqsirləndirilən Ruben Vardanyanın cinayət işi üzrə məhkəmənin baxış iclası başlayıb. Sozcu.az xəbər verir ki, Bakı Məhkəmə Kompleksində başlayan prosesə Bakı Hərbi Məhkəməsinin hakimi Zeynal Ağayev sədrlik edir. Hazırda iş üzrə Ruben Vardanyana yenidən hüquqları izah olunur. Ruben Vardanyan müdafiəçi və vəkillə təmin olunub.

Kolleclərdə “Müəllimlik” ixtisası tədricən ləğv ediləcək. Sozcu.az xəbər verir ki, bunu AzTV-yə açıqlamasında elm və təhsil naziri Emin Əmrullayev bildirib. Nazirin sözlərinə görə, bu addım müəllimlik peşəsində rəqabətliliyi artıracaq. "Kolleclərdə bəzi fənlər üzrə hazırlıq onsuz da aparılmırdı. Məsələn, kimya, fizika, biologiya və riyaziyyat müəllimləri ali təhsil müəssisələrində hazırlanır. Kolleclərdə isə, əsasən, ibtidai sinif, musiqi, təsviri incəsənət və digər fənn müəllimləri hazırlanır", - deyə nazir qeyd edib. O bildirib ki, kolleclərdə, əsasən, ibtidai sinif və məktəbəqədər təhsil üzrə müəllim hazırlığı məhdudlaşdırılacaq.

Bu gün Egey dənizində 2 saat ərzində 7 zəlzələ baş verib. Sozcu.az xəbər verir ki, bu barədə AFAD məlumat yayıb. Bildirilib ki, Egey dənizində yerli vaxtla saat 04:41-də 4,1; 05:02-də 4,1; 05:24-də 4,4; 05:45-də 4,4; 05:54-də 4,6; 06:23-də 4,6; 06:36-da 4,5 bal gücündə ardıcıl zəlzələlər olub. Zəlzələlərin yerin 7 km dərinliyində meydana gəldiyi bildirilib. Qeyd edək ki, Egey dənizində artıq bir neçə gündür ard-arda zəlzələlər baş verir. Yunanıstanın bölgədə yerləşən Santorini adasının yerli sakinləri ərazini tərk etməyə başlayıb.

Jurnalist Şahnaz Bəylərqızı saxlanılıb. Sozcu.az-ın xəbərinə görə, onun Bakıdakı mənzilində axtarış aparılıb.

Ukrayna Prezidenti Volodimir Zelenski ölkədə hərbi vəziyyətin və ümumi səfərbərliyin daha 90 gün – fevralın 8-dən mayın 9-dək uzadılması haqqında qanun imzalayıb. Sozcu.az xəbər verir ki, bu barədə Ali Radanın saytı məlumat yayıb. Yanvarın 15-də parlament hərbi vəziyyətin və ümumi səfərbərliyin uzadılmasına səs verib.

Yanvar ayı üzrə pensiyalara edilmiş artımlar fevral ayının pensiyası ilə birgə ödəniləcək. Sozcu.az xəbər verir ki, bu barədə Əmək və Əhalinin Sosial Müdafisəi Nazirliyindən məlumat verilib. Pensiyaların indeksləşdirilərək artırılması bütün pensiyaçılara (o cümlədən pensiyaçı olan hərbi qulluqçular, hüquq-mühafizə orqanları əməkdaşları və b.), yəni 1,1 milyon pensiyaçıya şamil olunur və bu artımlar üçün illik əlavə olaraq 534 milyon manat vəsait ayrılıb.

Minimum əməkhaqqının artırılması 700 min nəfəri əhatə edir. Bunun 400 min nəfəri dövlət, 300 min nəfəri isə özəl sektorun payına düşür. Sozcu.az xəbər verir ki, bunu DSMF-nin İdarə Heyətinin sədri Himalay Məmişov brifinqdə deyib. Qeyd edək ki, Prezident İlham Əliyevin 23 dekabr 2024-cü il tarixli Sərəncamına uyğun olaraq, reallaşdırılan yeni sosial islahat paketi çərçivəsində 2025-ci ilin əvvəlindən minimum əməkhaqqı 345 manatdan 16 faiz artımla 400 manata çatdırılıb, özəl sektor da daxil olmaqla bir sıra sahələrdə əməkhaqları artırılıb.

Dövlət Gömrük  Komitəsinin işçilərinin 3 aydan bəri gecikən əmək haqlarının ödənilməsi ilə bərabər Dövlət Gömrük Akademiyasının tələbələrinin də təqaüdləri verilməyib. Sozcu.az xəbər verir ki, bu barədə Gununsesi.info-ya adıçəkilən akademiyada təhsil alan tələbələr deyib. Onların sözlərinə görə, dekabr və yanvar ayları üçün təqaüdləri köçürülməyib. “Akademiyanın maliyyə idarəsindən isə problemin nə zaman həllini tapacağına dair vəd verilmir”, – deyə tələbələr bildirib.

Muxtar Bahadur oğlu Babayev Azərbaycan Respublikasının ekologiya və təbii sərvətlər naziri vəzifəsindən azad edilib. Sozcu.az xəbər verir ki, bu barədə Prezident İlham Əliyev sərəncam imzalayıb. Digər sərəncamla Muxtar Babayev Prezidentin iqlim məsələləri üzrə nümayəndəsi təyin olunub.

Ermənistanın Eçmiədzin şəhərinin Komitas meydanından Qarabağda ləğv edilmiş separatçı "artsax" rejiminin "bayrağı" götürülüb. Sozcu.az Unikal.az-a istinadən xəbər verir ki, bu barədə erməni KİV məlumat yayıb. Qeyd olunub ki, hadisə gecə saatlarında baş verib. Metal bayraq dirəyi kəsilib, "bayrağ"ın özü isə götürülüb. Şəhər sakinləri bunun ilk olmadığını, daha əvvəl də sözügedən əski parçalarının yığışdırıldığını bildiriblər. Şəhər meriyası bu barədə göstərişin verildiyini təsdiqləyib: "Bəli, biz bunu etdik. Əmri kimin verdiyini soruşmağa gəlincə, bunu özünüz təxmin etməlisiniz. Əmr yuxarıdan verilib". Eçmiədzin sakini Armen Aleksanyan bildirib ki, Paşinyan rejimi hesab edir ki, "artsax bayrağı" Ermənistanda olmamalıdır.

Rusiyada bu gündən miqrantlarla bağlı qaydalar sərtləşdirilir. Sozcu.az-ın məlumatına görə, bu gündən daxili işlər orqanlarına ölkə ərazisində qeyri-leqal yaşayan miqrantların məhkəmə qərarı olmadan deportasiya etməyə imkan verən qanun qüvvəyə minib. Müvafiq dəyişikliklər 2024-cü ilin avqustunda "Rusiya Federasiyasında xarici vətəndaşların hüquqi statusu haqqında" federal qanuna edilib. Qeyd edək ki, bu qaydalara əməl etməyənlər Rusiyada mənzil və ya avtomobil almaq, kredit üçün banklara müraciət etmək, nikaha daxil olmaq, habelə ölkə ərazisində sərbəst hərəkət hüququndan məhrum olunacaq. Qaydalar bütün miqrantlara, o cümlədən Rusiyada yaşayan Azərbaycan vətəndaşlarına da aiddir.

Qazaxıstan Nəqliyyat Nazirliyi tərəfindən Aktau yaxınlığında Azərbaycana məxsus təyyarənin qəzaya uğraması barədə hesabat yayımlanıb. 53 səhifəlik hesabatda təyyarənin qəzadan əvvəl kənar müdaxiləyə məruz qaldığı təsdiqlənib. Azərbaycan hökumətindəki rəsmi mənbə "Reuters" agentliyinə bir sıra yeni faktlar açıqlayıb. Açıqlamada bildirilib ki, Azərbaycan təyyarəsi Rusiyanın "Pantsir-S" raketi ilə vurulub. “Azərbaycan tərəfində təyyarədən çıxarılan və beynəlxalq ekspertiza nəticəsində müəyyən edilmiş “Pantsir-S” raketinin qəlpəsi var”, - mənbə bildirib. Xatırladaq ki, AZAL-a məxsus və Bakı-Qroznı reysi ilə uçan sərnişin təyyarəsi dekabrın 25-də Qazaxıstanın Aktau şəhəri yaxınlığında qəzaya uğrayıb. Təyyarədə olan 67 nəfərdən 38-i həlak olub, 29 nəfər sağ qalıb. Beləliklə, təyyarəmizin Rusiya tərəfindən vurulduğu artıq rəsmi olaraq təsdiqlənib. Rəsmi Bakı Rusiyadan faktı etiraf etməyi, üzr istəməyi və kompensasiya verməyi tələb edir. Modern.az-ın məlumatına görə, kompensasiya məsələsi Beynəlxaq Mülki Aviasiya qaydalarında öz əksini tapıb. Qeyd edək ki, fakt təsdiqini taparsa, həmin ölkə üzr istəməli, məsuliyyət daşıyanlar cəzalandırılmalı və təzminat ödəməlidir. Beynəlxaq Mülki Aviasiya qaydalarına əsasən, mülki aviareyslərdə qəza nəticəsində ölənlərə ödənilməsi üçün xüsusi beynəlxalq valyutadan istifadə edilir. "Special Drawing right" (xüsusi borcalma hüququ) - SDR kimi adlanan bu valyuta həm Azərbaycan, həm də Rusiya tərəfindən qəbul edilib. Qəza nəticəsində ölən hər sərnişinə görə məsuliyyət daşıyan ölkə tərəfindən 250000 (iki yüz əlli min) SDR kompensasiya ödənilməlidir. Azərbaycan Mərkəzi bankının hadisə gününə olan məzənnəsinə görə 1 SDR - 2.2170 azn olmaqla, kompensasiya məbləği 554250 Azərbaycan manatıdır. Hadisə baş verdiyi ərazi (Rusiya Federasiyası) üzrə kompensasiya isə 32623433 Rusiya rubl (250000 SDR), yəni 326662 ABŞ dolları edir. Bu kompensasiya məbləği qəzanın baş verməsinə səbəb olan ölkə, yəni Rusiya tərəfindən vətəndaşlığından asılı olmayaraq qəzada ölən şəxslərin ailə üzvlərinə və dəymiş maddi zərərə görə AZAL-a ödənilməlidir. 250000 SDR məbləğ maksimal kompensasiya məbləğidir. Monreal konvensiyasına görə, minimal kompensasiya məbləği 150000 SDR-dir.

Şəhid Tuncay Əlizadənin anası Rəna Əliyeva vəfat edib. Sozcu.az Unikal-a istinadla xəbər verir ki, bu barədə sosial şəbəkədə məlumat paylaşılıb.

Ağstafada üç nəfər dəm qazından zəhərlənib. Sozcu.az "Unikal"-a istinadla xəbər verir ki, hadisə Ağstafa şəhərinin mərkəzi küçələrinin birində qeydə alınıb. 3 nəfər dəm qazından zəhərlənmə diaqnozu ilə xəstəxanaya yerləşdiriliblər. Zəhərlənən şəxslərə ilkin tibbi yardım göstərilib, vəziyyətləri kafidir. Məlumata görə hər üç şəxs kirayə qaldıqları evdə dəm qazında zəhərlənib. Onların hərbiçi olduğu bildirilir. Fakt araşdırılır. *** Ağstafada dəm qazından zəhərlənən hərbiçilərin kimliyi məlum olub. "Unikal"ın məlumatına görə, zəhərlənlər Sumqayıt şəhər sakini 2004-cü il təvəllüdlü Rəfail Hacızadə, Cəlilabad rayon sakini 2002-ci il təvəllüdlü Ruslan Əliyev və Yardımlı rayon sakini 1995-ci il təvəllüdlü Saleh Abdullazadədir. Faktla bağlı araşdırma aparılır.

Son illərdə Azərbaycanla sülh prosesində böyük irəliləyişlər əldə etdik. Sozcu.az xəbər verir ki, bunu Atlantik Şurasında (Antlantic Council) çıxışı zamanı Nikol Paşinyan deyib. O, moderatorun suallarını cavblandırarakən vurğulayıb: "Bilirsiniz ki, ölkəmizin dörd sərhədindən ikisi tamamilə bağlıdır, mən Türkiyə və Azərbaycanla sərhədlərimizi nəzərdə tuturam. Daha iki sərhədimiz var: Gürcüstan və İranla. Təbii ki, bu iki sərhəd bizim üçün çox önəmlidir, biz əməkdaşlıq edirik, iki qonşumuz olan Gürcüstan və İranla yaxşı münasibətlərimiz var, amma Türkiyə və Azərbaycanla münasibətlərimizdə yeni dövr açmaq istəyirik.  Son illər Azərbaycanla sülh prosesində böyük irəliləyişlər əldə etdik. Bu irəliləyişi sizə aydınlaşdırmaq üçün deyim ki, hazırda Azərbaycanla sülh müqaviləsi layihəsini müzakirə edirik və bu müqavilənin 17 bəndindən 15-i üzrə artıq tam razılıq əldə etmişik. Ümid edirik ki, bu prosesi mümkün qədər tez başa çatdıracağıq". Ermənistan baş naziri əlavə edib: "Təbii ki, Azərbaycanla ikitərəfli formatda işləyirik, lakin təbii ki, davamlı sülhə nail olmaq üçün müvafiq mühitin yaradılması üçün beynəlxalq ictimaiyyətin diqqəti və dəstəyi çox faydalı olardı". Paşinyan çıxışının davamında qeyd edib: "Əlbəttə, ümid edirik ki, regional vəziyyətimizdə sıçrayış olacaq və  Azərbaycanla sülh müqaviləsini yekunlaşdırıb onu imzalaya biləcəyik. Sülh müqaviləsi layihəsinin bütün vacib məsələləri artıq razılaşdırılıb. Bu layihədə çox dərin və həssas mövzular var idi, lakin bütün bu məsələlərdə artıq razılıq var. Məsələn, Ermənistan və Azərbaycan Sovet Ermənistanı və Sovet Azərbaycanının sərhədlərinə əsaslanaraq bir-birinin ərazi bütövlüyünü tanımağa razı olduq ki, Ermənistan və Azərbaycanın bir-birinə qarşı heç bir ərazi iddiası yoxdur və gələcəkdə belə iddialarla çıxış etməyəcəklər. Əslində, bu, gələcək dünyanın təməl daşıdır və hər şey onun ətrafında əlaqələndirilir. Bunu niyə deyirəm? Çünki bu, açıq şəkildə göstərir ki, sülh indi əldə edilə biləndən daha çoxdur və indi yalnız sülh müqaviləsi layihəsini yekunlaşdırmaq, imzalamaq və davamlı sülhə nail olmaq üçün siyasi iradə lazımdır".

18:39 Türkiyə Prezidenti Rəcəb Tayyib Ərdoğanla Suriyanın müvəqqəti prezidenti Əhməd əş-Şara arasında Ankarada görüş başlayıb. Sozcu.az xəbər verir ki, ikitərəfli görüş və heyətlərarası iş yeməyindən sonra Ərdoğan və Əhməd əş-Şara birgə mətbuat konfransı keçirəcəklər. Qeyd edək ki, Suriyanın müvəqqəti prezidenti Ankarada səfərdədir. *** Türkiyə Prezidenti Rəcəb Tayyib Ərdoğan və Suriyanın müvəqqəti prezidenti Əhməd əş-Şara arasında görüş başa çatıb. Görüşdən sonra liderlər mətbuata açıqlamalar verirlər.

Goranboyda avtomobil piyadanı vuraraq öldürüb. Sozcu.az -ın məlumatına görə, hadisə rayonun Xan Qərvənd kəndində qeydə alınıb. "VAZ-2107" markalı avtomobil 1965-ci il təvəllüdlü Bayramov Mahir Yaqub oğlunu vurub. Piyada aldığı xəsarətdən hadisə yerində keçinib. Faktla bağlı araşdırma aparılır.

Azərbaycan Ordusunun Quru Qoşunlarının mühasibi vəzifəsində çalışmış rüşvət almaqda ittiham olunan Alı Əliyevin cinayət işi üzrə məhkəmə başlayıb. Sozcu.az APA-ya istinadən xəbər verir ki, bu gün Gəncə Ağır Cinayətlər Məhkəməsində hakim Mikayıl Məmmədzadənin sədrliyi ilə keçirilən prosesdə anket məlumatları dəqiqləşdirilib. Məhkəmənin baxış iclası fevralın 18-nə təyin edilib. Qeyd edək ki, Quru Qoşunların mühasibi vəzifəsində çalışmış Alı İsrayıl oğlu Əliyev qulluqda olarkən digər vəzifəli şəxslərlə əlbir olaraq pul müqabilində hərbi qulluqçuların xidməti yerlərinin dəyişdirilməsini təşkil etməkdə və başqa cinayət əməllərini törətməkdə ittiham olunur. Ona ötən ilin mart ayında Cinayət Məcəlləsinin 311.3.1, 311.3.2 və 311.3.3-cü maddələri ilə ittiham elan olunub və Bakı Hərbi Məhkəməsinin qərarına əsasən, barəsində həbs qətimkan tədbiri seçilib.