Sumqayıt şəhəri, 22-ci məhəllədə yerləşən, ötən gün yanğının baş verdiyi yataqxana binasında 11 məcburi köçkün ailəsi məskunlaşıb. Sozcu.az xəbər verir ki, bu barədə Report-a sakin və hadisənin şahidi Sakit Hüseynov bildirib. O, qeyd edib ki, dünən axşam saat 22 radələrində binada işıqlar sönüb. Bir neçə dəqiqə sonra partlayış səsi eşidiilib. Bundan sonra yanğın başlayıb. S.Hüseynov bununla bağlı müvafiq qurumlara məlum verib. Məlumatla əlaqədar dərhal əraziyə FHN Dövlət Yanğından Mühafizə Xidməti və Sumqayıt Regional Mərkəzinin qüvvələri, polis əməkdaşları əraziyə cəlb edilib. Ərazi mühafizəyə götürülməklə təhlükəsizlik tədbirləri görülüb. Yanğın saat 1 radələrində söndürülüb. Hadisə zamanı bir neçə nəfər tüstüdən zəhərlənib Qeyd edək ki, binada Qubadlıdan məcburi köçkün düşmüş 7 ailə, Laçın və Cəbrayıldan 4 ailə (hər rayondan 2 ailə) məskunlaşıb.

Elşən Əlisoy Ölkədə nə qədər basqılar olsa belə, tariximizin bütün sahələri üzrə - o cümlədən cümhuriyyət tarixi ilə bağlı çox dəyərli araşdırmaçılar formalaşıblar. Bu fədakar insanlar günü-gündən  ortaya ciddi tarixi faktlar çıxarırlar və bununla bağlı işləməyə davam edirlər.  Tariximizin Milli Azadlıq Hərəkatı dönəmi ilə bağlı canlı şahidlər var. Bir zaman gələcək ki, Milli Azadlıq Hərəkatı və hərəkat dönəmindən bəri bütün hadisələr  incəliklərinə qədər qələmə alınacaq.  Bütün bunları bilə-bilə, adını güya siyasətçi qoyan bəzi "siyasət adamları" tarixin tənələrini nəzərə almadan özlərini rahat şəkildə bazara çıxarmalarını heç cürə anlaya bilmirəm. Cümhuriyyət dövründə  ucqar bir kənddə fəaliyyət göstərən hansısa bir  fəalın həvəslə araşdırıldığını görən bü insanlar tarximizin üz qarasına çevriləcəkləri günü düşünmürlərmi? Bir balaca təminatlı yaşayışa görə  gələcək nəsilləri üçün xəcalətli bir soykök miras qoymağa dəyərmi? Axı bunların bir çoxu kifayət qədər savadı olan insanlardırlar. Qarşıdan növbədənkənar "prezident seçkilər" şousu gəlir. Sədrlik etdikləri siyasi partiyanı qeydiyyatdan keçirmək üçün üzvülük siyahısı toplaya bilməyən və buna görə də, təşkilatlarını buraxmaq məcburiyyətində qalan bəzi "xadimlər",   prezidentliyə namziədlikləri qeydiyyata alınması üçün güya  40 mindən çox seçici imzasını topladıqlarını iddia edirlər.  Cəmiyyətin üzünə bu qədər dirənmək olarmı?  "MSK"dan "qeydiyyatdan keçən" bəzi "namizədlərin" çıxışlarına baxıram.  Bunlar güya ki, İlham Əliyevə alternativ namizəddirlər və güya prezident olmaq istəyirlər. Bu qondarma namizədlərin çıxışları başdan ayağa İlham Əliyevi tərifləməkdən ibarətdir. Bunlara az da olsa, balaca bir məmuru da olsa  tənqid etməyə belə icazə verməyiblər.   Adama deyərlər ki, İlham Əliyev sizin üçün belə böyük şəxsiyyət, qələbənin sərkərdəsidirsə, utanmırsınız ona alternativ namizəd olursunuz? Və yaxud, kukla namizəd olduğunuzdan necə olur ki, utanmırsınız?   Bir vaxtlar sosial şəbəkələrdə, mətbuatda  asıb-kəsənlərin bü gün "seçki"  şəkillərini divara "jek" işçiləri vurur. İnsan özünün ləyaqətinə bu qədər hörmətsizlik edə bilərmi? Partiyanızı buraxdınız, gedin bir işlə məşğul olun də, ayıbdır axı.  Arada içimizdə olan "bazar adamlarını"  piştaxtaya çıxarıb, üzərlərinə qiymət kağızını vurduğu üçün hakimiyyətə təşəkkür etməyim gəlir.  "Davam edin" deyib, hayqırmaq istəyirəm. Davam edin! Qalanlarını da üzə çıxarın, alına bilənləri diri çəki ilə verməyə hazırıq, aparın, halal xoşunuz olsun,  salamat işlədin!  Tarix heç vaxt unudulmur. Mütləq bir gün, bu günlərin də kitabları yazılacaq. Tarixin bir güncündə itib batacaqlarını güman edənlər haqqında da yazanlar mütləq olacaq. Hətta, yazılır da...  Müsavat başqanı Arif Hacılı demişkən: "Təslim olanların sayı artdıqca, duruş gətirənlərin də dəyəri artır".

2024.01.17 - 23:38 Sumqayıt Tibb Kollecinin həyətində yerləşən yataqxanada yanğın başlayıb. Sozcu.az xəbər verir ki, bu barədə Fövqəladə Hallar Nazirliyinin “112” qaynar telefon xəttinə ilkin məlumat daxil olub. Məlumatla əlaqədar dərhal əraziyə FHN Dövlət Yanğından Mühafizə Xidməti və Sumqayıt Regional Mərkəzinin qüvvələri cəlb olunub. Hazırda yanğınla mübarizə tədbirləri davam etdirilir. *** Sumqayıt şəhəri, 22-ci məhəllədə yerləşən yataqxana binasında yanğında baş verən yanğın zamanı bir neçə nəfər tüstüdən zəhərlənib. Əraziyə polis əməkdaşları cəlb edilib. *** Sumqayıt şəhəri, 22-ci məhəllədə yerləşən yataqxana binasında yanğına əlaqədar polis əməkdaşları əraziyə cəlb edilib. Bu barədə DİN-in Mətbuat Xidmətindən bildirilib. Ərazi mühafizəyə götürülməklə təhlükəsizlik tədbirləri görülür. Məlumata görə, yanğında baş verən yanğın zamanı bir neçə nəfər tüstüdən zəhərlənib.

Ali məktəblərə daxil olmaq istəyən abituriyentlərin əksəriyyəti müstəqil şəkildə ixtisas seçimi edə bilmirlər. Onlar ya valideynlərinin, ya da ətraflarının təsiri altında qərar qəbul edir ki, bu da öz ixtisasları üzrə iş tapmaqlarına mane olur. İxtisas və peşə seçiminin əmək bazarının öyrənilmədən edilməsinin yaratdığı problemlərlə bağlı KONKRET.az-a açıqlama verən təhsil ekperti Kamran Əsədov durumu aşağıdakı kimi dəyərləndirib: “Statistik göstəricilərə görə, ölkəmizdəki 4432 orta ümümtəhsil məktəblərində 1,6 milyon şagird təhsil alır. İl ərzində 85 min şagird orta təhsil müəssissələridən məzun olur. Onların təxminən 60 mini ali təhsil müəssisələrinə qəbul olunmaq üçün sənəd verir. Eyni zamanda, 51 universitetdə 187 min tələbə təhsil alır və 55 minə yaxını təhsilini bakalavr pilləsində davam etdirir. Cox təəssüf ki, dörd illik təhsildən sonra  yalnız gənclərdən 42 faizi ixtisasa uygun işlə təmin olunur”. Ekspert hazırda tələbatın yüksək olduğu ixtisaslardan da danışıb: “Fövqalədə Hallar Nazirliyi, Polis Akademiyası və digər hərbi təhsil müəssisələrinin məzunları birmənalı olaraq işlə təmin olunurlar. Bundan əlavə, əmək bazarında tibb işçilərinə də  ehtyac böyükdür. Mühasib və müəllim peşələrinə gəldikdə isə, düzdür, onlara da ehtiyac var, amma onlar işə müasibiqələr yolu ilə qəbul olunurlar”.

Azərbaycan əhalisinin sayı açıqlanıb. Dövlət Statistika Komitəsindən verilən məlumata görə, əhalinin son siyahıya alınmasının nəticəsi əsasında 2023-cü il dekabr ayının 1-i vəziyyətinə hesablanmış əhalinin sayı 10 176 811 nəfər təşkil edib. Əhalinin 54,6 faizini şəhər, 45,4 faizini kənd sakinləri, 49,8 faizini kişilər, 50,2 faizini isə qadınlar təşkil edir. İl ötdükcə şəhər sakinlərinin sayı artır . Bəs görəsən bunun səbəbi nədir? Mövzu ilə bağlı Ağ Partiyanın sədri Tural Abbaslı Moderator.az-a danışdı. “Əgər inkişaf proporsional, ərazi üzrə bərabər getmirsə, inkişaf gedən istiqamətdə artım gedəcək. Bu da o deməkdir ki, insanlar şəhərlərə cəmləşəcək. Azərbaycanın misalında şəhərlər də demək olmaz, burdan bir şəhərdən söhbət gedir, Bakıdan. Yəni bu gün Azərbaycanın iqtisadiyyatı, siyasəti elə qurulub ki, bütün Azərbaycan bir Bakı üzərindədir. Azərbaycan adlı dövlətdən daha çox, Bakı adlı dövlət varmış kimi. Az qala əhalinin yarısı paytaxtda yaşayır. İşsizlikdən insanlar şəhərlərə axışırla r, regionlarda iş yerləri yoxdur. Misal üçün regionlarda nə iqtisadi, nə mədəni, nə də sosial baxımdan inkişaf getmir. Nəinki regionlarda, heç region şəhərlərində belə inkişaf getmir. Məsələn, Sumqayıta, Gəncəyə, Lənkərana, Mingəçevirə baxsaq, ordakı inkişafla, Bakı arasındakı inkişaf fərqi kifayət qədərdir. Bu məsələdə mən düşünürəm ki, xüsusi proqram qəbul olunmalıdır. Əhalinin paytaxta belə axınının qarşısı alınmalıdır. Eyni zamanda, kənd təsərüfatının artıq o qədər də gəlirli bir sahəyə çevrilməməsini, orada yaşayan insanların kənd təsərüfatından gəlir əldə edə bilməməyi də onları şəhərlərə köçməyə, iş axtarmağa məcbur edir. Neçə adam bu gün gəlib Bakıda kirayədə qalır, taksi və digər fəaliyyətlərlə məşğul olur. Bunun üçün xüsusi proqramlar qəbul olunmalıdır və əhalinin öz yaşadığı, qeydiyatda olduğu yerlərdə yaşayıb inkişaf etməsi üçün şərait yaradılmalıdır. Əks təqdirdə ildən ilə paytaxta axın edənlərin sayı da artacaq. Bir də gözümüzü açacağıq ki, 10 milyon əhalinin 9 milyonu Bakıdadır.”

Pakistan Silahlı Qüvvələrinin komandanlığı toplaşıb. Sozcu.az xəbər verir ki, bu barədə teleqram kanallarında məlumat yayılıb. Bildirilir ki, Pakistanda ordu komandanlığının fövqəladə iclası başlayıb, İranın ölkə ərazisinə raket hücumuna cavab variantları müzakirə edilir.

Sabiq əmək və əhalinin sosial müdafiəsi naziri Səlim Müslümovun cinayət işi üzrə məhkəmə prosesi keçirilib. Sozcu.az APA-ya istinadla xəbər verir ki, bu gün Bakı Ağır Cinayətlər Məhkəməsində hakim Faiq Qəniyevin sədrliyi ilə baş tutan prosesdə prokuror ittiham nitqi ilə çıxış edib. Prokuror Səlim Müslümovun 13 il müddətinə azadlıqdan məhrum edilməsini istəyib. Prokuror onun barəsində Cinayət Məcəlləsinin 70-ci (şərti məhkum etmə) maddəsin tətbiqi olunmasını, 5 il sınaq müddəti olmaqla 13 il cəzanın şərti hesab edilməsini istəyib. Qeyd edək ki, Səlim Müslümov Dövlət Təhlükəsizliyi Xidmətinin keçirdiyi əməliyyat nəticəsində həbs olunub. Daha sonra onun səhhətində yaranan problemlərlə bağlı ev dustaqlığına buraxılıb. O, rüşvət alma yolu ilə 13.296.355 manat, mənimsəmə yolu ilə 7.237.188 manat, israf edilmiş yolla 7.087.671 manat ziyan vurduğu üzə çıxıb. Səlim Müslümovun barəsində Cinayət Məcəlləsinin 308.2-ci (ağır nəticələrə səbəb olan vəzifə səlahiyyətlərindən sui-istifadə), 311.3.2-ci və 311.3.3-cü maddələri (təkrar külli miqdarda rüşvət alma) ilə ittiham elan edilib. Cinayət işi üzrə Maliyyə Nazirliyi zərərçəkmiş qismində tanınıb. Səbail rayon Məhkəməsinin 1 iyul 2022-ci il tarixli qərarına əsasən sabiq nazirə məxsus mənzil, qeyri yaşayış sahəsi və avtomobillərin üzərinə həbs qoyulub. *** Sabiq əmək və əhalinin sosial müdafiəsi naziri Səlim Müslümovun cinayət işi üzrə məhkəmə prosesi yekunlaşıb. Bakı Ağır Cinayətlər Məhkəməsində hakim Faiq Qəniyevin sədrliyi ilə keçirilən prosesdə hökm elan olunub. Hökmə əsasən, Səlim Müslümov barəsində ittiham oldunduğu maddələrlə təqsirli bilinərək 11 il müddətinə azadlıqdan məhrum etmə cəzası təyin olunub. Lakin məhkəmə onun dövlətə vurduğu ziyanın əksər hissəsini ödədiyini nəzərə alaraq, cəzanın 5 ilini sınaq müddəti olmaqla şərti hesab edib. Bundan başqa, hökmə əsasən, sabiq nazirin 8 milyonluq əmlakı da müsadirə ediləcək. Sabiq nazir barəsində ev dustaqlığı qətimkan tədbiri isə başqa yerə getməmək qətimkan tədbiri ilə əvəzlənib.

Yanvarın 15-də paytaxtın Binəqədi rayonunda yerləşən mebel sexində baş verən partlayışda ölənlərin adları açıqlanıb. Sozcu.az xəbər verir ki, Baş Prokurorluq və Fövqəladə Hallar Nazirliyinin birgə məlumatına əsasən, hadisə nəticəsində ölən 9 nəfərin meyiti xilasedicilər tərəfindən dağıntılar altından çıxarılaraq aidiyyəti üzrə təhvil verilib və keçirilən ekspertiza və tibbi müayinələrlə onların şəxsiyyəti müəyyən edilib: Həmin şəxslər aşağıdakılardır: 1. Solmaz Paşabəy qızı Abbasova (1983) 2. Aydın Mirzəmahmud oğlu Atakişiyev (1964) 3. Zaur Qulu oğlu Cəfərov (1980) 4. Ülviyyə Hümbət qızı Dadaşova (1969) 5. Elvin Qəfər oğlu Məmmədov (1993) 6. İlqar Habil oğlu Məmmədov (1964) 7. Fərid Hüseyn oğlu Qubadov (1983) 8. Əsmayə Cümşüd qızı Quliyeva (1977) 9. Saraj Oruc oğlu Yusubov (1985, Gürcüstan Respublikası vətəndaşı) Birgə məlumata əsasən, partlayışla bağlı Cinayət Məcəlləsinin müvafiq maddələri ilə cinayət işi başlanaraq Baş Prokurorluğun Kriminalistika və informasiya texnologiyaları idarəsi tərəfindən istintaq aparılır. Hadisə nəticəsində 24 nəfər müxtəlif dərəcəli bədən xəsarətlərı alaraq tibbi yardım üçün müraciət edib, onlardan 3 nəfər FHN-in əməkdaşları tərəfindən ərazidə aparılan axtarış-xilasetmə işləri zamanı dağıntılar atından sağ çıxarılıb. Məlumata görə, dağıntılar altında qalan insanın olmadığı nəzərə alınaraq, axtarış-xilasetmə işləri yekunlaşdırılıb. "Partlayışın səbəbinin, dəymiş ziyanın həcminin, həmçinin, iş üzrə əhəmiyyət kəsb edən digər halların müəyyən edilməsi istiqamətində istintaq tədbirləri davam etdirilir, nəticəsi barədə ictimaiyyətin məlumatlandırılması təmin ediləcək", - birgə məlumatda bildirilib.

Bakıda qadın xuliqanlıq zəminində güllələnib.  Daxili İşlər Nazirliyindən Sozcu.az-a verilən məlumata görə, yanvarın 16-da saat 23 radələrində Səbail rayonu ərazisində bir qadının odlu silahdan açılmış atəşdən xəsarət alması barədə polisə məlumat daxil olub.  Qadın xəstəxanaya yerləşdirilib. Araşdırmalarla Bərdə rayon sakini Rəşad Əsədzadənin xuliqanlıq zəminində tüfəngdən atəş açaraq Abşeron rayon sakini olan qadının qol nahiyəsinə xəsarət yetirməsinə əsaslı şübhələr müəyyən edilib.  Səbail Rayon Polis İdarəsinin 41-ci Polis Bölməsi əməkdaşlarının keçirdikləri tədbirlərlə R.Əsədzadə saxlanılıb. Ondan lüləsi kəsilmiş və nömrəsi silinmiş “İJ-16” markalı ov tüfəngi götürülüb.  Faktla bağlı araşdırma aparılır. 

Türkiyədə 3-cü sinif dərsliyində yazılan hekəyə valideynlər arasında narazılığa səbəb olub. Sozcu.az xəbər verir ki, sosial şəbəkədə yayılan fotolara görə Türkiyədə 3-cü sinif dərsliyində əxlaqsızlıq təbliğ olunur. Belə ki, kitabda verilən hekayədə qızın pula görə əmisi oğlu ilə cinsi əlaqədə olması qeyd olunub: “Əmimin gözəl qızı var idi. Onu çox sevirdim. Amma mənə üz vermirdi. Daha sonra aclıq oldu. Onların pula ehtiyacı var idi. Əmimin qızı bizə gəldi və əziyyət çəkdiyini, pula ehtiyacı olduğunu söylədi. Mən də onun özünü mənə təslim etməsi qarşılığında pul verdim”. (milli.az)

- Elnur, qadan alım, eşitdim Füzulidəsən. Dostunu da götür, bizə gəl. Zəng edən Mikayıl kişi idi. Şuşa fatehi İsanın atası. Vətəni canından çox sevən, müharibədən sonra yarımcan qalan İsanın... Kişidə qabiliyyətə bax, ha! Bu qədər qayğının arasında evinə qonaq çağırır... Dəvət üçün təşəkkür edib İsanı xəbər alıram.  Cavabı belə olur: "Ağrıları tutanda bir yerdə dinclik tapmır. Amma bu gün yaxşıdır. Televiziyada Şuşanın görüb, uşaq kimi sevinir". Aramızda belə bir dialoq baş verir:  - Mikayıl dayı, İsaya salam söylə.  - Gəl, özün söylə. Evimizi ki, tanıyırsan... Şəhid ailələri və müharibə əlilləri haqda yüzdən çox məqalənin müəllifi olan həmkarım Seymur Verdizadənin vətənpərvərlik damarı baş qaldırır: "İsa Şuşaya qədər gedib. Biz də onun ziyarətinə gedək".  - Gedək! İsa Quliyev Füzuli rayonunun Qərvənd kəndindədir. Taleyin köçkünlük yükünü ailəlikcə daşıyıb, müharibənin ağrı-acısını elliklə yaşayıblar. Beşiyinin başında layla əvəzinə yurd həsrətli, torpaq niskilli bayatılar səslənib. Elə o vaxtdan İsanın körpə qəlbi düşmənə nifrət hissi ilə alışıb-yanıb, qisas hissi düşüncələrinə hakim olub. Yaşının üstünə yaş gəlsə də, uşaqlıq illərini yeniyetməlik, gənclik çağları əvəz etsə də, doğma Füzulini, cənnət Qarabağı azad etmək arzusu heç vaxt dəyişməyib. İllərin "qanadında" həyatdakı ən böyük arzusuna doğru can atıb... 18 aylıq hərbi xidmət dövrünü uğurla başa vursa da, onun üçün peşəkar hərbçi karyerası bundan sonra başlayıb. Azərbaycan Ordusunda könüllü xidmət etməyi seçərək, Vətənə xidmətini gizir kimi davam etdirib. İndi İsa Quliyev kimi igid oğulların formalaşan Azərbaycan Ordusunun qarşısında bir vəzifə dayanırdı: Qarabağı azad etmək, düşməni kürüyüb sərhədlərimizdən kənara atmaq! O gün uzaqda deyildi...  ..."Vur!" əmrini İsa və döyüşçü dostları sevinclə qarşıladılar. Bu, həmin tarixi an idi! Azərbaycan xalqı bu günü düz 27 il gözləmişdi... İsa müharibənin ilk günündən qanlı döyüşlərə atılmışdı. Düşmənin postları dağıdılır, kəndlərimiz, qəsəbələrimiz, şəhərlərimiz bir-birinin ardınca işğaldan azad olunurdu. İndi onun qar kimi saf, təmiz qəlbi qürur hissi ilə dolub-daşır, sevinc, xoşbəxtlik iki damla göz yaşına çevrilib yanaqları aşağı yuvarlanırdı... ...İllərin jurnalisti Seymur Verdizadə sualı-suala calasa da, İsa hərbçi təmkini qoruyur, təvazökarlığından zərrə qədər də vaz keçmirdi: "Biz Vətən qarşısındakı borcumuzu yerinə yetirdik. Döyüşlərə atılanda heç vaxt orden-medal, mükafat barədə fikirləşmirdik".  Düz deyir! Qəhrəmanlar Vətəni təmənnasız sevir .. "Şuşa uğrunda döyüş dünya hərb tarixinə yazıldı", - İsa iki peşəkar jurnalistin israrlı sualları qarşısında aram-aram danışır: "Düşmən "dəmir yumruq"un təsirindən yerə yıxılsa da, təslim olmaq istəmirdi. Şuşanın hər küçəsi, hər dalanı uğrunda qanlı döyüşlərə getdi. Mən noyabrın 9-da, müharibənin başa çatmasına cəmi bir neçə saat qalmış yaralandım. Düşmən qumbarasının nişanələrini hələ də bədənimdə gəzdirirəm". Atası Mikayıl Quliyev Şuşa uğrunda döyüşdə İsanın başından yaralandığını, qəlpələrdən birinin müharibədən sonrakı dövrdə boğaz nahiyəsinə qədər irəlilədiyini deyir. Bildirir ki, tibb elmi İsanın vücudundan müharibənin bu acı nişanəsini götürməkdə acizdir: "Qəlpə həssas bölgədə olduğu üçün onu cərrahi müdaxilə ilə götürmək mümkünsüzdür. Bu yaxınlarda Türkiyədən də cavab gəldi ki, ölüm riski yüksək olduğu üçün bədənin həmin nahiyəsini əməliyyat etmək qeyri-mümkündür".  Mikayıl kişi bizi masanın üstündə qalaqlanmış sənədlərlə tanış edir. Məlum olur ki müharibədən sonrakı 3 il 2 ay ərzində İsanın döymədiyi xəstəxana qapısı qalmayıb. Amma onun dərdinə əlac edən, mənfur düşmənin nişanəsi olan qəlpəni çıxaran yoxdur.  Əvvəl başında olan qəlpə indi boyunun yumşaq nahiyəsinə qədər irəliləyib... Bunca əziyyətə baxmayaraq İsa bu günə kimi əlillik dərəcəsi ala bilməyib. Əmək və Əhalinin Sosial Müdafiəsi Nazirliyinin müvafiq komissiyasında təmsil olunan həkimlər onun sağlam olduğunu iddia edirlər. Müdafiə Nazirliyi isə səhhətindəki problemlərə görə onu yararsız elan edərək, ordudan tərxis edib. Beləcə, İsa nə əlil kimi müavinət, nə də sağlam adam kimi işləyib maaş ala bilir. Bu müşkülü çözülsə, özü də, ailəsi də rahat nəfəs alacaq... İsa müharibədən 5 medalla qayıdıb. Hamısında da Müzəffər Ali Baş Komandanın imzası var. Amma onun daha bir imzaya ehtiyacı var. Bu imza İsanı iş və aş qayğısından xilas edəcək. İsa çoxdan haqqı olan əlillik dərəcəsini alıb dövlətin verdiyi imtiyazlardan faydalanmalıdır. Canı, qanı bahasına keşiyində durduğu Vətən indi onun qayğısına qalmalıdır.  Elə biz vətəndaşlar da... Eşidirsinizmi, vətəndaş məmurlar?  Elnur MƏMMƏDLİ 

Göygöldə mühafizə polisinin əməkdaşı, 1982-ci il təvəllüdlü Elmir Nuriyev kirayə yaşadığı evdə vəfat edib. Sozcu.az Report-a istinadən xəbər verir ki, hadisə rayonun Dilqəm Verdiyev küçəsində yerləşən evlərin birində qeydə alınıb. O, Göygöl rayon Mühafizə Polisində baş çavuş rütbəsi ilə xidmət edib. Məlumata görə, E.Nuriyevin ürəyində problemlər olub və öz əcəli ilə dünyasını dəyişib. Faktla bağlı araşdırma aparılır.

Binəqədi rayonu, A.Kunanbayev küçəsi yaxınlığında partlayış baş verən mebel sexinin sahibinin kimliyi müəyyənləşib. Sozcu.az Qaynarinfo.az-a istinadən xəbər verir ki, sözügedən mebel sexi Diasporla İş Üzrə Dövlət Komitəsinin keçmiş sədri Nazim İbrahimovun qardaşlarına məxsusdur. Obyekt Binəqədi rayonundakı keçmiş Ağac Emalı Zavodunun ərazisində yeləşir. Sözügedən zavod illər əvvəl Nazim İbrahimovun qardaşı, "İBRA Holdinq"in prezidenti Tağı İbrahimov tərəfindən özəlləşdirilib. Sexin təsisçisi Tağı İbrahimov və "Avesta" şirkətinin sabiq prezidenti Hacı İbrahim Nehrəmli olub. Sözügedən ərazidə yerləşən 8 sex bir neçə il əvvəl mebel istehsalı üçün iş adamına icarəyə verilib. Hadisə zamanı sözügedən iş adamı da dünyasını dəyişib. Qeyd edək ki, hadisə nəticəsində bu saatadək xilasedicilər tərəfindən dağıntılar altından 3-ü sağ çıxarılmaqla, 9 nəfərin cəsədi tapılaraq aidiyyəti üzrə təhvil verilib. Ümumilikdə 24 nəfər xəsarət alıb.

İran Silahlı Qüvvələrinin Pakistan ərazisinə zərbələri nəticəsində iki uşaq həlak olub. Sozcu.az xəbər verir ki, bu barədə Pakistan Xarici İşlər Nazirliyinin bəyanatında bildirilib. “Nəticədə iki məsum uşaq ölüb və üç qız yaralanıb”, – sənəddə qeyd olunub. Xatırladaq ki, yanvarın 16-da İranın İslam İnqilabı Keşikçiləri Korpusu (“Sepah”, İran Silahlı Qüvvələrinə daxildir) Pakistanın Bəlucistan əyalətinin Kühi-Səbz ərazisinə zərbələr endirib. Tehran iddia edib ki, hədəf oradakı “terror qruplaşmaları” olub.report

Xalq artisti Aygün Kazımovanın 1,4 milyon izləyicisi olan instaqram səhifəsi oğurlanıb.  Sozcu.az xəbər verir ki, onun bütün paylaşımları silinib. Sənətçinin səhifəsindəki profil fotosu da dəyişdirilib. Məlumatı müğənninin prodüseri də təsdiq edib.

Binəqədidə baş verən partlayışda həlak olanlardan birinin kimliyi müəyyənləşib. Sozcu.az Qafqazinfo-ya istinadən xəbər verir ki, mebel sexində baş vermiş hadisə nəticəsində Cəfərov Zaur Qulu oğlu dünyasını dəyişib. Bundan başqa, onun qardaşı Cəfərov Şahin və Nicat adlı bacısı oğlu da sözügedən partlayış nəticəsində ağır yanıq xəsarətləri alıb. Mərhum sabah Binə qəbiristanlığında torpağa tapşırılacaq. Qeyd edək ki, mebel sexində baş vermiş partlayış nəticəsində ümumilikdə 9 nəfər həlak olub.

Dünən saxlanılan jurnalist Şahin Rzayev azadlığa buraxılıb. Bu barədə Şahin Rzayev özü sosial şəbəkədə məlumat yayıb. Bununla bağlı Bakı Apellyasiya Məhkəməsi qərar çıxarıb. Qeyd edək ki, Şahin Rzayev dünən məhkəmənin qərarı ilə 15 gün inzibati qaydada həbs edilib. Bakı Apellyasiya Məhkəməsi qərardan verilən şikayətə baxıb, həbs qərarı cərimə ilə əvəzlənib.

Xarici İşlər Nazirliyinin 9 mart, 2 iyun və 2 avqust 2023-cü il tarixli mətbuat açıqlamalarında qeyd olunduğu kimi, Fərid Səfərli barədə məlumat Xarici İşlər Nazirliyinə daxil olan gündən etibarən vətəndaşın aqibətinin və sağlamlıq vəziyyətinin öyrənilməsi, İran tərəfindən məsələyə aydınlıq gətirilməsi, vətəndaşın məhkəmə-prosessual hüquqlarının qorunması, eləcə də vəkillə təmin olunması istiqamətində həm Xarici İşlər Nazirliyi, həm də ölkəmizin Təbriz şəhərindəki Baş konsulluğu tərəfindən bütün mərhələlərdə müvafiq iş aparılıb. Sozcu.az xəbər verir ki, bunu Xarici İşlər Nazirliyinin Mətbuat xidməti idarəsinin rəisi Ayxan Hacızadə İranda həbs olunmuş Azərbaycan Respublikasının vətəndaşı Fərid Səfərli ilə bağlı suala cavabında deyib. O qeyd edib ki, 19 iyul 2023-cü il tarixində keçirilmiş məhkəmə iclası zamanı F.Səfərliyə qarşı irəli sürülmüş “casusluq” ittihamı “casusluq etmək niyyəti” ittihamı ilə əvəz olunub: "Növbəti mərhələdə məhkəmənin qərarı ilə onun həbsi barəsində hökm 2 il yarım müddətinə tətbiq edilib.

Rusiya Prezidenti Vladimir Putin görüşlərdən birində bir müddət əvvəl ölkədə təşkil edilən qalmaqallı “Çılpaq gecə” məsələsinə toxunub. Axar.az xəbər verir ki, Kreml rəhbəri Ukraynada müharibədən qayıdanların prioritetlərinin dəyişdirilməsindən danışarkən bu mövzuya işarə edib. “İnsanlar bu sınaqdan (Ukraynada müharibə - red.) keçəndə prioritetlər fərqli şəkildə sıralanır. Burada artıq bəzi tədbirlərdəki kimi şalvarsız tullanmayacaqsan”, - deyə Putin bildirib. Qeyd edək ki, bir müddət öncə bloger Anastasiya İvleyevanın Rusiyada bəzi sənətçilərlə birgə “Çılpaq gecə” mərasimini təşkil etməsi böyük səs-küyə səbəb olmuşdu.

Dünyada hələ çarəsi tapılmayan xərçəngin müalicəsi ətrafında müzakirələr həmişə təzadlı olub. “Medicina” xəbər verir ki, onkoloq cərrah İbrahim Əsədli “Künc-bucaq” youtube kanalna şiş xəstəliklərinin yaranma səbəbi və müalicəsinin bəlli olduğunu bildirir. “Mən neçə illərdir xərçəngi araşdırıram. Elmi təbabət xərçəngdə əsas şişi götürür, səbəbi araşdırmırlar, 3 metodları var: cərrahiyyə, şüa və kimya... Digər istiqamət naturopatik onkologiya. Xərçəngin müalicəsi çoxdan tapılıb. Amma bu üsulları rəsmi protokollara daxil etmirlər. Çünki beynəlxalq güclərə insanların sağalması və sayının artması maraqlı deyil. Onlar xərçəngin müalicəsini əngəlləyirlər. Xərçəngin yaranmasının bir obyektiv səbəbi var: hipodinamiya, az hərəkət etmək, oturaq həyat. İnsanlar daha çox şəhərlərə üz tutur, burda isə həyat tərzi zərərlidir. Ürək-damar xəstəliklərinin səbəbi də budur. Elektromaqnit dalğalar, kimyəvi maddələr, yuyucu vasitələr, plastik və keyfiyyətsiz qida. Bunlar şəhər əhalisinin daha tez xəstələnib ölməsinə səbəb olur”.

Yanvarın 13-də Bakıya yağan qar onsuz da tıxac problemi yaşayan paytaxt yollarında vəziyyəti daha da dözülməz həddə çatdırdı. İlk saatlardan yolların iflic olması müşahidə olunmağa başladı. Sosial şəbəkələrdə yolların qardan təmizlənməsi, buz bağlamaması üçün duz və ya qum səpilməsi barədə çağırışlar olsa da, müvafiq qurumların bu yöndə ciddi addımları gözə dəymədi. Hər halda bir neçə gündür ki, bununla bağlı sosial şəbəkələrdə ancaq tənqidlərin şahidi oluruq. Halbuki Bakı Şəhər İcra Hakimiyyətinin tabeli qurumu – Bakı Şəhər Mənzil-Komunal Təsərrüfatı Departamentinin Sanitariya və Texniki Təmizlik İdarəsi texniki məqsədlər üçün emal edilməmiş xam duzun satın alınması ilə bağlı tender keçirib. Tenderin qalibi “Fidan-TN” MMC seçilib. Qurumla şirkət arasında maliyyə dəyəri 262 199,54 AZN təşkil edən satınalma müqaviləsi imzalanıb. Müqavilədə 2300 ton xam duzun alınması nəzərdə tutulub. Nəzərə alsaq ki, 2023-cü ilin avqustundan 2024-cü ilin yanvarına qədər Bakıya qar yağmayıb, alınan bu qədər duzun hara istifadə edildiyi sual doğurur. Duz satan “Fidan-TN” haqqında isə açıq mənbələrdə məlumatlara rast gəlinmir. İqtisadiyyat Nazirliyi yanında Dövlət Vergi Xidmətinin reyestr məlumatlarına görə, MMC 7 mart 2006-cı ildə qeydiyyata alınıb. Nizamnamə kapitalı 4 AZN olan şirkətin qanuni təmsilçisi Hüseynov Ələsgər Cəlal oğludur. Şirkətin hüquqi ünvanı Bakı şəhəri Binəqədi rayonu, Mir Cəlal, ev 137A, mənzil 3-də yerləşir. Araşdırmalarımız zamanı məlum olub ki, “Fidan-TN” MMC əsasən Bakı Şəhər-Mənzil Kommunal Təsərrüfatı Departamenti Sanitariya və Texniki Təmizlik İdarəsinin keçirdiyi tenderlərin qalibi olur. Mediada bu tenderlərin qeyri-şəffaf keçirilməsi barədə çoxsaylı faktlar yer alıb. Şirkətin nizamnamə kapitalının 4 AZN olması da onun ciddiyyətini şübhə altına alır. Nizamnamə kapitalı cüzi məbləğ təşkil edən şirkətlər adətən tender və “obnoliçka” əməliyyatlarında istifadə üçün yaradılır.Qafqazinfo

15 yanvar 2024-cü il tarixində Bakıda mebel sexində, elə həmin gün Sumqayıtda yataqxanada ölümlə müşayiət edilən partlayışlar baş verdi. Partlayışlar zamanı onlarla insan xəsarət aldı. Sirr deyil ki, istər Sumqayıt, istərsə də paytaxtda belə “ölüm məhəllələri” çoxdur. İlkin məlumata görə, yataqxanadakı partlayışa məhz kanalizasiyadakı qaz sızması səbəb olub. Abay Kunanbayev küçəsində yerləşən və partlayışın baş verdiyi sexin isə qaz borusunun üzərində tikildiyi iddia edilir. Bəs bu tikintilərə kimlər icazə verir? “Azəriqaz” İstehsalat Birliyindən Globalinfo.az-ın sorğusuna cavab olaraq bildirilib ki, məsələ araşdırılır. Qurumun ictimaiyyətlə əlaqələr şöbəsinin rəisi Eldəniz Vəliyevin sözlərinə görə, hadisə baş verən yataqxanaya qaz verilməyib: “Sadəcə, yataqxanaya yaxın bir zavod var, ora qazlaşdırılıb. İlkin ehtimala görə, həmin yeraltı boru xəttindən sızma olub. Orada istintaq işi aparılır, hər şey aydın şəkildə ortaya çıxacaq. Hüquq mühafizə orqanlarının əməkdaşları ilə bərabər bizim də əməkdaşlarımız hadisə baş verən ərazidədirlər. Nəticə haqda ictimaiyyətə açıqlama veriləcək”. E.Vəliyev mebel sexinin qaz borusu üzərində tikilməsinə aydınlıq gətirib: “Mebel sexinin dəqiq qaz xəttinin üzərində tikilməsi də araşdırılacaq. Əslində, hər hansı bina, obyekt tikilən zaman “Azəriqaz”dan da icazə alınmalıdır. Lakin bir çoxları buna əməl etmirlər. Bəzən çoxmərtəbəli bina tikildikdən sonra yada düşür ki, infrastruktur nəzərə alınmayıb. Yəni bina tikildikdən sonra kommunal xətlərinin haradan çəkiləcəyini düşünürlər. Normalda qaydalara riayət edilməlidir. Tikinti aparılması üçün icazənin olub-olmaması yoxlanılmalı, icazə verilərsə, tikilməli, verilməzsə, tikinti dayandırılmalıdır. Abay Kunanbayev küçəsində baş verən partlayışın səbəbi də araşdırılır”.

Son günlər ard-arda baş verən yanğınlar obyektlərdə yanğın və təhlüksizlik tədbirləri ilə bağlı məsələni gündəmə gətirib. Sosial şəbəkələrdə bir çox insan əksər yaşayış və qeyri-yaşayış obyektlərinin təhlükəsizlik baxımından ciddi mühafizə olunmadığını düşünürlər.  Mütəxəssislər hesab edirlər ki, paytaxtda və ölkənin digər şəhər və rayonlarında ölümlə nəticələnən yanğın hadisələrinin baş verməsinə görə obyekt sahibləri ilə yanaşı, həm də əlaqədar dövlət qurumlarının rəhbərləri məsuliyyət daşıyırlar.  Son illər ölkədə yanğın və partlayış hallarının intensiv xarakter alması, xüsusilə ötən gün paytaxtda baş verən partlayış nəticəsində 9 nəfərin ölməsi gözləri yenidən bu sahəyə mənsub olan dövlət qurumlarına çevirib.  Fövqəladə Hallar Nazirliyi nədən effektiv nəzarət mexanizmi yarada bilmir?  Obyektlərdə, idarə və müəssisələrdə təhlükəsizlik qaydalarının lazımi səviyyədə təmin olunmaması yeni faciələrə yol aça bilərmi? Təhlükəsizlik eksperti Elmar Nurəliyev bildirib ki, analoji halların qarşısını almaq üçün rəsmi qurumlarla yanaşı, sahibkarlar, idarə və müəssisə rəhbərləri də diqqətli olmalıdırlar.  Ekspert Yenisabah.az-a açıqlamasında deyib ki, xüsusilə yanğın potensialı daha yüksək obyektlərin bu məsələyə daha diqqətli yanaşılmalı olduğunu qeyd edib.  “Bütün təyinatlı obyektlər yanğın təhlükəsizliyinə dair normativləri, standartları, o cümlədən obyektin yanğın təhlükəsizliyi ilə bağlı təchizatları təmin etməlidir. Obyektdə çalışan işçilərin yanğın təhlükəsizliyi ilə bağlı bilik və bacarıqlarının formalaşması olduqca vacibdir. Alışabilən, yanma qabiliyyəti yüksək olan avadanlıq və qurğularla yanğın təhlükəsizliyinin tələblərinə uyğun şəkildə rəftar etməklə bağlı qaydalar tətbiq edilməli, işçilərin də bu qaydalara riayət etməsi təmin olunmalıdır. Mütləq qaydada bütün obyektlərin yanğın təhlükəsizliyi normalarına və standartlarına uyğun olaraq ehtiyat su çəninin, yanğınsöndürmə dolablarının, xəbərdaredici siqnalizasiya qurğularının, ilkin yanğınsöndürmə vasitələrinin olması vacibdir. Bütün bu sadalanan qayda və təchizatlar düzgün şəkildə təşkil olunarsa, yanğınların qarşısı daha tez və effektiv şəkildə aradan qaldırılar. Xüsusilə təhlükə riski daha yüksək olan obyektlərdə tezalışan, partlamayameyilli maddələrin saxlanması, daşınması zamanı təhlükəsiz istismar olunmasına diqqət yetirilməlidir. Bunlar hamısı kompleks şəkildə görülməli olan tədbirlər planıdır. Ona görə bütün müəssisələrdə yanğın təhlükəsizliyi rejimi yaradılmalı, işçilərin bu barədə bilik və bacarıqlarının təmin olunmasına, yanğın və partlayış riski yüksək olan avadanlıqlarla, qurğularla düzgün davranış qaydaları öz əksini tapmalıdır”.

Sumqayıt şəhərinin “BTZ” bağları adlanan yaşayış massivində bir ailənin 5 üzvünün zəhərlənməsi barədə Sumqayıt Tibb Mərkəzinin Təcili Təxirəsalınmaz Tibbi Yardım Stansiyasına çağırış daxil olub. Sozcu.az Report-a istinadən xəbər verir ki, onlardan bir nəfərin 1958-ci il təvəllüdlü (kişi cinsli) şəxsin həkiməqədər ölümü qeydə alınıb. İkisi böyük olmaqla - 1958, 1999-cu il (qadın cinsli) təvəllüdlü şəxslər karbon oksidin (dəm qazının) toksiki təsiri diaqnozu ilə Təcili Tibbi Yardım Xəstəxanasına yerləşdiriliblər. Vəziyyətləri ağır olaraq qiymətləndirilir. Eyni diaqnozla 2020, 2022-ci il təvəllüdlü azyaşlılar (qadın cinsli) isə Uşaq Xəstəxanasına yerləşdiriliblər. Vəziyyətləri orta ağır qiymətləndirilir.