İdman

Roberto Mançininin Səudiyyə Ərəbistanı millisinə təyinatı rəsmiləşib. Sozcu.az xəbər verir ki, Səudiyyə Ərəbistanı Futbol Federasiyasının mətbuat xidməti sosial şəbəkələrdə məşqçinin video təqdimatını yayıb. Daha əvvəl jurnalist Nikolo Şkira 58 yaşlı mütəxəssislə 2026-cı ilə qədər müqavilə imzalanacağını yazıb. Qeyd edək ki, avqustun 13-də Mançini 5 il çalışdırdığı İtaliya millisinin baş məşqçisi vəzifəsindən istefa verib.

Avrokuboklarda bu həftə keçirilən oyunlardan sonra növbəti UEFA reytinqi açıqlanıb. Sozcu.az xəbər verir ki, "Qarabağ"ın Avropa Liqasının pley-offunda “Olimpiya” ilə  ilk oyunda 2:0 hesablı qələbəsi Azərbaycanın UEFA reytinqində xal ehtiyatını artırıb. Səfərdə qeydə alınan qələbə Azərbaycanın aktivinə 0,250 xal əlavə edib. Bununla ölkənin cari mövsümdəki xalları 2,500 olub. Son 5 mövsümdəki ümumi əmsallarının sayı 16,750-yə çatan Azərbaycan reytinqdə 29-cu pillədə qalıb. 28-ci pillədə olan Slovakiya ilə xal fərqi 0,375 əmsala bərabərdir. Qeyd edək ki, reytinqə 89,053 xalla İngiltərə başçılıq edir. 

"Əl-İttihad"ın yeni transferi Kərim Benzema ilə baş məşqçi Nunu Eşpiritu Santu arasında fikir ayrılığı yaranıb. Sozcu.az-ın xəbərinə görə, Səudiyyə Ərəbistanının "Asharq Al-Awsat" nəşri yazıb ki, portuqaliyalı mütəxəssis rəhbərliyə 35 yaşlı futbolçunun onun taktiki tərzinə cavab vermədiyini bildirib. Daha əvvəl məşqçi, ümumiyyətlə, Benzemanın transferinə qarşı çıxıb. Bundan başqa Benzema komandanın kapitanlığını ona həvalə olunacağını gözləsə də, bu, baş verməyib. Daha bir xəbərə görə, fransalı futbolçu komandanın son məşqində iştirak etməyib. Ərəb mətbuat bunu futbolçu ilə məşqçi arasında soyuq münasibətlə əlaqələndirib.

"Mançester Siti"nin yarımmüdafiəçisi Kevin de Brüyne bütün komanda yoldaşlarına hədiyyələr alıb. Sozcu.az xəbər verir ki, bu barədə ESPN- məlumat yayıb. Belçikalı futbolçu "Mançester Siti"nin oyunçularına platin "iPhone" markalı telefonları hədiyyə edib. Qeyd olunur ki, De Brüyne bu yolla komandanı ötən mövsüm İngiltərə Kubokunu, Premyer Liqanı və Çempionlar Liqası titulunu qazanmaqları münasibəti ilə təbrik edib. İngiltərə Premyer Liqasının 2022/2023 mövsümündə Kevin De Brüyne 32 oyuna çıxıb, 7 qol vurub və 16 qolun ötürməsini verib. Onun "Mançester Siti" ilə 2025-ci ilin iyununa qədər müqaviləsi var. "Transfermarkt" portalı oyunçunun dəyərini 70 milyon avro olaraq qiymətləndirir.

"Beşiktaş" Serxio Ramos və Anderson Taliskanın mümkün transferi ilə bağlı yayılan xəbərlərə münasibət bildirib. Sozcu.az xəbər verir ki, klub rəsmi saytı vasitəsi ilə yaydığı açıqlama hər iki oyunçu ilə danışıqlar apardığını təsdiqləyib. Ancaq onlarla maddi məsələlərdə razılıq əldə olunmadığı vurğulanıb. Qeyd edək ki, S.Ramos hazırda azad agentdir, Taliska isə "Əl-Nəsr"də oynayır.

Avrokuboklarda 3-cü təsnifat mərhələsinin cavab oyunlarını stadionlardan izləyən azarkeşlərin sayı açıqlanıb. Sozcu.az xəbər verir ki, Avropa Liqasında "Qarabağ"ın səfərdə Finlandiya HİK-inə 2:1 hesabı ilə qalib gəldiyi matçı 7612 nəfər izləyib. Bu nəticə ilə sözügedən oyun siyahıda ikinci olub. Konfrans Liqasında "Neftçi"nin Türkiyədə "Beşiktaş"a 1:2 hesabı ilə uduzduğu matça 21890 nəfər stadiondan baxıb. Matç 3-cü olub. "Sabah"ın Serbiyada "Partizan"a 0:2 (pen: 4:5) hesabı ilə yenildiyi görüş isə 14225 nəfərlə səkkizinci sıradadır. 

"İnter Mayami"nin argentinalı hücumçusu Lionel Messi ABŞ klubuna transferindən danışıb. Qol.az tennessean.com-a istinadən xəbər verir ki, 36 yaşlı forvard MLS təmsilçisinə keçidinə uşaqları və həyat yoldaşı ilə birlikdə qərar verdiyini deyib:  “Komandaya böyük həvəslə və yaxşı nəticələr əldə etmək istəyi ilə gəlmişəm. Mən bütün karyeram boyunca bunu etmişəm. Finala çıxmaq bizim üçün sürpriz olsa da, buna hazırlaşırdıq. ABŞ liqasına keçmək üçün bir neçə səbəbim var idi. Həyat yoldaşım və uşaqlarımla birlikdə qərar verdik. Mən buraya futboldan həzz almaq üçün gəlmişəm. Və qərarımdan çox məmnunam. "Barselona"dan PSJ-yə keçid çətin oldu. “İnter Mayami”yə transfer isə tamam başqa məsələdir”. Xatırladaq ki, Messi bu yay transfer pəncərəsində "İnter Mayami"yə keçmişdi. Argentinalı futbolçu bu mövsüm 6 matçda iştirak edib, 9 qol vurub və 1 qolun ötürməsini edib.

"Qarabağ" bu gün UEFA Avropa Liqasının III təsnifat mərhələsində cavab oyununu keçirəcək. Sozcu.az xəbər verir ki, Qurban Qurbanovun baş məşqçi olduğu komanda Finlandiyada HİK-in qonağı olacaq. "Bolt Arena"da baş tutacaq qarşılaşma Bakı vaxtı ilə saat 20:00-da start götürəcək. Görüşü Fransadan olan FIFA referisi Villi Delajod idarə edəcək. İlk oyunda Azərbaycan təmsilçisi 2:1 hesabı ilə qalib gəlib. UEFA Avropa Liqası, III təsnifat mərhələsi Cavab oyunu 20:00. HİK - "Qarabağ" Baş hakim. Villi Delajod (Fransa) Helsinki. "Bolt Arena" Qeyd edək ki, cütün qalibi növbəti raundda Sloveniya çempionu "Olimpiya" ilə üz-üzə gələcək.

Braziliya millisinin hücumçusu Neymar “Əl-Hilal”a keçidini şərh edib. Sozcu.az xəbər verir ki, o, klubun saytına açıqlamasında deyib: "Mən yeni bir hekayə yazmaq istəyirəm. Səudiyyə liqasında heyrətamiz enerji və bacarıqlı oyunçular var. Liqa hazırda sürətlə böyüyür və tələbat var. "Əl Hilal" böyük azarkeşləri olan nəhəng klubdur, Asiyanın ən yaxşısıdır. Bu, mənə belə hiss edir, doğru zamanda düzgün qərar verdiyimi və düzgün kluba keçdiyimi düşünürəm. Mən qalib gəlməyi və qol vurmağı xoşlayıram. Bunu Səudiyyə Ərəbistanında və "Əl-Hilal"da davam etdirməyi planlaşdırıram”. Qeyd edək ki, 31 yaşlı oyunçu dünən "Əl-Hilal"la 2 illik müqavilə imzalayıb.

"Beşiktaş"ın baş məşqçisi Şenol Güneş Türkiyə Superliqasının 1-ci turunda "Fatih Karagümrük"ə 1:0 hesabı ilə qalib gəldikləri oyundan sonra mətbuat konfransı keçirib. Sozcu.az xəbər verir ki, o, Konfrans Liqasının 3-cü təsnifat mərhələsində "Neftçi" ilə cavab matçı haqda da danışıb:  "Neftçi" və "Pendikspor"a qarşı doğma meydanda iki matçımız olacaq. İlk oyunumuz "Neftçi"yə qarşı olacaq. Hər iki matçda coşqulu və gözəl oyun gözləyirəm. Qol epizodları yaratacağımız, rəqibə oynamağa imkan verməyəcək oyun üslubunda çıxış etməliyik. Ümid edirəm ki, belə olacaq". Qeyd edək ki, "Beşiktaş" - "Neftçi" görüşü avqustun 17-i keçiriləcək. Bu komandalar arasında ilk görüş İstanbul təmsilçisinin 3:1 hesablı qələbəsi ilə başa çatıb.

"Bavariya"nın yeni transferi Harri Keyn klub tarixinin rekorduna imza atıb. Sozcu.az xəbər verir ki, bu barədə "Bild" məlumat yayıb. 30 yaşlı hücumçunun transferi açıqlanandan sonra 1 gün ərzində "Bavariya"nın mağazalarında onun 10000-dən çox forması satılıb. Bu isə rekorddur. İndiyədək heç bir futbolçu "Bavariya"da belə nəticəyə çatmayıb. Qeyd edək ki, Harri Münhen təmsilçisi ilə 4 illik müqavilə imzalayıb.

2023/24 mövsümü İngiltərə Premyer Liqasını Azərbaycanda yayımlayacaq kanal müəyyənləşib. Sozcu.az xəbər verir ki, oyunlar "İdman TV" vasitəsi ilə nümayiş etdiriləcək. Məlumatı telekanalın direktoru Rövşən Binnətli təsdiq edib. Xatırladaq ki, yeni mövsüm İngiltərə Premyer Liqası bu gün start götütür. Turnirin açılış matçında "Bernli" "Mançester Siti"ni qəbul edəcək. Oyun Bakı vaxtı ilə saat 23:00-da başlanacaq.