Hadisə

2016-cı ilin aprelində Ermənistanın təxribatı nəticəsində meydana gələn döyüşlərdə ağır yaralanan hərbi qulluqçu Rüstəm Cəmil oğlu Bayramov Gəncə şəhərində vəfat edib. Sozcu.az Gəncəxəbər.az-a istinadla xəbər verir ki, qazi Gəncənin Sevinc qəsəbəsində dünyasını dəyişib. Qeyd edək ki, 1981-ci il təvəllüdlü Rüstəm MAXE kimi çavuş rütbəsində xidmət edib. O, 2016-cı ildə Aprel döyüşləri zamanı ağır yaralanaraq bir gözünü və böyrəyini itirmişdi.

Niderlandın paytaxtı Amsterdam şəhərindəki Vondelkerk kilsəsi Yeni il gecəsi yanıb. Sozcu.az xəbər verir ki, bu barədə Niderland mətbuatı məlumat yayıb. Məlumata görə, yanğın zamanı ətrafdakı evlərin sakinləri təxliyə olunub. Güclü külək alovun şiddətlənməsinə səbəb olub və kilsə tamamilə yanıb. Yanğının baş vermə səbəbi açıqlanmayıb. Qeyd edək ki, Vondelkerk kilsəsi 1872-ci ildə inşa olunub.

Bakıda 64 yaşlı qadın dəm qazından boğularaq ölüb. Sozcu.az xəbər verir ki, hadisə Yasamal rayonu, 2-ci Alatava yaşayış massivində qeydə alınıb. Belə ki, 1961-ci il təvəllüdlü Təranə Hümbət qızı Nağıyeva fərdi yaşayış evinin hamam otağında dəm qazından zəhərlənərək ölüb.

Lerik rayonunda yol-nəqliyyat hadisəsi baş verib. Sozcu.az Teleqraf-a istinadən xəbər verir ki, qəza səhər saatlarında qeydə alınıb. Lerik istiqamətində hərəkətdə olan “Mersedes Vito” markalı mikroavtobus idarəetməni itirərək dərəyə aşıb. Avtomobildə olan sürücü və sərnişinlər müxtəlif dərəcəli bədən xəsarətləri alıblar. Hadisədə xəsarət almış 6 nəfər kişi cinsli şəxs Lənkəran Rayon Mərkəzi Xəstəxanasının təcili yardım şöbəsinə hospitalizasiya olunub. İlkin məlumata görə, onlar Bakıdan Lerikə gedirmişlər. Faktla bağlı araşdırma aparılır.

Bakıda güclü külək nəticəsində 8 ağac aşıb, daha 12-si zədələnib. Sozcu.az xəbər verir ki, bu barədə Bakı Şəhər Yaşıllaşma Təsərrüfatı Birliyindən məlumat verilib. Məlumata görə, gecə saatlarından bu vaxta qədər paytaxt ərazisində 8 ağac aşıb, daha 12 ağacın budaqları zədələnib. Hazırda ərazilərdə təmizlik və təhlükəsizlik tədbirləri görülür.

Yasamalda kişi dərmandan zəhərlənərək ölüb. Sozcu.az xəbər verir ki, 1960-cı il təvəllüdlü Asif Bəhmən oğlu Allahverdiyev yaşadığı M.Xiyabani küçəsi ev 13 mənzil 25-dən dərmandan zəhərlənmə ilə xəstəxanaya gətirilib. Həkimlərin səyinə baxmayararaq A. Allahverdiyev ölüb. Araşdırma aparılır.

Qazaxda yol-nəqliyyat hadisəsi baş verib. Sozcu.az Unikal-a istinadla xəbər verir ki, hadisə zamanı 2003-cü il təvəllüdlü Səbuhi Əliyev həyatını itirib. S.Əliyev MAXE idi və işğaldan azad olunmuş ərazilərdə xidmət edirdi. Qeyd edək ki, mərhum bu gün Qazax rayon Qaymaqlı kəndində torpağa tapşırılıb.

Goranboyda ər-arvad dəm qazından zəhərlənib. Sozcu.az Teleqraf-a istinadla xəbər verir ki, 1975-ci il təvəllüdlü Aqşin Qəribov və 1982-ci il təvəllüdlü Aynurə Qəribova dəm qazından zəhərlənmə diaqnozu ilə ağır vəziyyətdə Goranboy Rayon Mərkəzi Xəstəxanasına yerləşdiriliblər. Hər iki şəxsə dərhal tibbi yardım göstərilib. Hazırda onların vəziyyətinin ağır olduğu bildirilir. İlkin məlumata görə, ər-arvad yaşadıqları evin hamam otağında dəm qazından zəhərlənib. Faktla bağlı araşdırma aparılır.

Biləsuvar rayonunun Nəsimikənd ərazisində avtomobil kanala düşüb. Sozcu.az Bakupost.az-a istinadən xəbər verir ki, qəza "Leksus" markalı, 90 EU 111 nömrə nişanlı avtomobilin sürücüsünün idarəetməni itirməsi nəticəsində baş verib. Məlumata görə, qəzanı Biləsuvar rayon Telekomnukasiya Qovşağının keçmiş rəisi Xalid Rüstəmovun həyat yoldaşı, Milli Qəhrəman M.İbrahimov adına Biləsuvar Təhsil Kompleksinin müəlliməsi Fidan Rüstəmova törədib. Avtomobildə sürücüdən əlavə bir neçə qadın sərnişinin olduğu, onlardan birinin öldüyü bildirilir. Qeyd edək ki, bir neçə gün əvvəl də Biləsuvarda avtomobilin kanala düşməsi nəticəsində 5 nəfər ölmüşdü.

Bakıda yük avtomobili yeniyetməni vuraraq öldürüb. Sozcu.az xəbər verir ki, hadisə Qaradağ rayonunda, Səngəçal-Umbakı avtomobil yolunda qeydə alınıb. Belə ki, Rəsul Rəşad oğlu Xəlilovun idarə etdiyi "Kamaz" markalı yük avtomobili yolu keçən, 2009-cu il təvəllüdlü Xəlil Ceyhun oğlu Fətəliyevi vuraraq öldürüb. Faktla bağlı cinayət işi başlanılıb.

Monteneqroda baş verən yol-nəqliyyat hadisəsi nəticəsində Azərbaycan vətəndaşı həyatını itirib. Sozcu.az Bakupost.az-a istinadən xəbər verir ki, dünən axşam saatlarında (25 dekabr) 26 yaşlı Tariverdi Nəciyev Bijelo Pole–Moykovats magistralında, Sliyepats Most yaşayış məntəqəsi ərazisində qəzaya düşüb. Monteneqronun Bar şəhərinə məxsus nömrə nişanlı, “Audi A6” markalı avtomobilin sürücüsü naməlum səbəbdən idarəetməni itirərək yol kənarındakı səkiyə çırpılıb. Hadisə yerinə Bijelo Pole yanğın-xilasetmə xidməti cəlb olunub və yaralı avtomobildən çıxarılaraq təcili şəkildə Bijelo Pole Xəstəxanasına çatdırılıb. Lakin Nəciyevin həyatını xilas etmək mümkün olmayıb. Məlumata görə, meyitin Monteneqro Klinik Mərkəzində məhkəmə-tibbi ekspertizadan keçirilməsi planlaşdırılır. Qəzanın səbəbləri araşdırılır.

Mingəçevirdə bir ailənin iki üzvü dəm qazından zəhərlənib. Sozcu.az xəbər verir ki, hadisə Heydər Əliyev prospektində yerləşən keçmiş köçkün şəhərciyində baş verib. Ağdamın Qiyaslı kəndindən olan 1935-ci il təvəllüdlü Nabat İsmayılova və onun qızı 1973-cü il təvəllüdlü Mədinə İsmayılova yaşadıqları mənzildə dəm qazından zəhərləniblər. Hər iki şəxs xəstəxanaya çatdırılıb. Faktla bağlı araşdırma aparılır.